أضحك تضحك لك الدنيا ... أم قدود !!!

أستلمت على بريدي الالكتروني هذه القفشات من زوجتي. أشرككم معاي في حالة الضحك التي غمرتني...
لعل وعسى نطلع من حالة الزهج التي تعم أهل السودان هذه الأيام..

وقولوا ياباسط يا كريم...

مســـــطول شاف جــدو ياكل جلي قال ليهــــــو ....
انت ترجـــــف والجــــــلي يرجــــــف
جهجهتو المعلقة..... ها ها ها

واحـــد مســــطول واقف شمــاعه في بص ماسك في الحديده بيد واليد التاني ماســـــك بيها السجـــــــاره ..
جاهو الكمســــــاري يخلص منو قال ليه ارح ادينا ياخينا ؟ المسطـــــول قاليهو اديك كيف ماشايفني ماسك بيدي الاتنين
الكمســاري قاليهو خــلاص جيب امسـك ليك السجــــــاره ؟
قاليهـــــو ليييييييييييه ما تمسك الشماعه .

اثنين مســـــــاطيل الاول يقول للثاني تصدق انت تشبه الحمــــــار؟
الثاني قاليهــو قول ماشــاء الله

مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو......
قاليهم المسطول انتو دايرين تدوهو الفاتحه ولا مصـــاريف.

مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتا.

مسطـول سالوهو يوم القيامه داير تخش ياتو جنه؟ قال جنة الاطفـــال....

ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق .
في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا.

مســـــطول مشي الحـــج قالو ليه قوم طـــوف واسعي؟ قاليهــــــم إنتو مش قلتو كل شئ علي البعثــــــــــه.

واحـد عندو ارنب عاوز يبيعــــو جاهو واحـد مسطـــــــــول قال ليه القرد ده بي كم ؟
رد الراجـل: دا ارنب ما قــــــرد المسطول قال ليه يا ابو الشباب انا سألت الارنب ما سألتك انت..

مسطول سألوهو ما هو اصعب موقف واجهته في حيـاتك؟ قال: موقف الــــحاج يوسف.

مسطول جنو مظاهرات مشا الحج لقا الناس برمو في الجمرات حرق لستك...

مسطول بصلى العصر واحد اتصل عليهو فى جوالو قال ليهو انت وين؟ المسطول قال ليهو أنا فى التشهد...

مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف.

مسطول سألوه عن العلاقه بين الشهد والشهيد؟ قال:الاتنين بيتلحسو.

مسطول وقع في حفره حاول يطلع ثلاثه مرات من غير فايده.
فقال:دي اخر مره لو ماطلعت ح امشي!!

مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن
المسطول ر د والله انا زاتي قلت كده

مسطول مشوكش سالوه عن اجمل بيت شعر؟؟
قال:كلما نربي كتكوت........يكبر ويفوت

مسطول اخد حبوبتو ومشى بها مدرسة البنات قال ليهم ادوني لها فكة!!

مسطول خش عنبر مرضى السكرى قال ليهم ازيكم ياحلوين...

واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي من نسخه..

مسطول دخل بيت بكاء داير يشيل معاهم الفاتحه لقاهم مسيحيين قرا ليهم (قل يا أيها الكافرون).

مسطول في المدرسة سمع الاستاذ بقول المثابرة تولّد النجاح قال لى زميلوا: مــــــــتين هي المثابرة بقت دايه؟؟

مسطول سألوه: تحب تهدى شنو بمناسبة اقتراب شهر رمضان؟ قال ليهم .... اغنية هيفاء وهبى (رجب حوش صحبك عنى ) ...

شايقي قال لابوه: ابوي عايز اكمل دراستي بره.. ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك ...

مسطول لقي كنز قال الحمد لله باقي الخريطه !!

مسطول خطيبته قالت ليه انا اهم حاجه عندي الاخلاص!
قال ليها: وانا الحمدو ...

استاذ سال تلميذ مسطول ما معنى كلمة سبيل؟ رد التلميذ: طريق..
المعلم: وسلسبيل؟ قال ليهو طر.... طريق

مسطول يجئ كل يوم جزمتو ورجل بنطلونه اليمني مبلولات واحد شمارو عالى داير يتكشف السر مشى
بوارهو للنيل لقاهو بعد ما يدخن السيجاره يرميها في المويه ويدوسها برجلو ...

مسطول ماسك قسيمة الزواج وقاعد يقلب فيها يمين شمال زوجته سألتو: بتعمل في شنو يا راجل؟
قال ليها: لا أبدا مافي حاجة
قالت ليهو: كيف مافي حاجة ليك نص ساعة بتقلب في القسيمة داير شنو؟
رد عليها: بفتش في تاريخ نهاية العقد

مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال ليها طيرى ما طارت كتب؟؟
واثبتت التجارب ان الذبابه لمن تقطع جناحيها تفقد السمع ....

في مسطول قال لي زميلو: أمبارح اليوم كلو بالي مشغول رد عليهو زميلو: يمكن يكون في زول رافع السماعة

مسطول سطلة شديد سمع المعلق بقول فاول لصالح رونالدو...
قال أول مرة أعرف انو رونالدو عندو ولد اسمو صالح.......

مسطول شديد مشى سلاح المظلات.. قال ليهم داير أعمل مظلة للمرحوم الوالد و كده....

مسطول سمع دقة في باب البيت فتح الباب مالقي زول قال دي (مس دور) ولاشنو؟

مسطول قال لي صاحبه أنا حلمان إننا بقينا فنانين ... إنت فنان تشكيلي ... وأنا فنان أشكيلك

مسطول وزنه زاد .. مشى للدكتور .. الدكتور نصحه يمشي كل يوم 3 كيلو ..
بعد إسبوع ضرب للدكتور قاليهو أنا في الحصاحيصا أواصل ولا أرجع...

واحد نام متأخر لقى الحلم بادي ...

واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان.

واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان.

واحد بلدياتنا ضرب تلفون لموظفة استعلامات جديدة في سودانير سألها كم المسافة بين السودان والسعودية
عاوزة تسأل زميلتها قالت ليهو دقيقة. قال ليها شكراً وقفل السماعة.

قرد شاف نفسه في المرايا قال: الله لا يبلانا..

بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه..
ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟

بلدياتنا شين راكب حمار شاف بت رباطابية حلوة شديد قال ليها: أول مرة اشوف رباطابية حلوه كده..
قالت ليهو: اول مرة اشوف حمار طابقين..

رباطابي دخل المستشفى سألوه: زيارة؟ رد: لا عمره.

واحد بخيل بدق في اولاده ليه؟ عشان هم اثنين ومشغلين المروحة في نمرة ثلاثة.

راجل بلدياتنا عجوز جا ماري قريب من اولاد بلعبوا كوره حاول يشوت ليهم الكورة جلت منه
فعلق قائلاً: والله شوتتنا بقت زي الكبريتة اللينة قدرما تكرشها ما تولع.

ممرض خواف بحب واحدة كل ما يقول يتكلم معاها يخاف يوم جات المستشفى لأنها عيانه
وما قدر يقول ليها حاجة وصرف ليها حبوب بعد ما قامت ماشه قال ليها: يا بت ابلعيهم بي موية.

واحد مزاجي قالوا ليه اكتب لينا امتحان انشاء من 10 صفحات كتب في الصفحة الاولى ركب الرجل الحصان
وفي الصفحة الاخيرة كتب نزل الرجل من الحصان وبين الصفحات كتب كبجك كبجك كبجك كبجك.

واحد خيالي سألوهو اذا خروف عرس نملة بيولدوا شنو؟ قال يا خروف منمل يا نملة مخرفه.

صاحب خيال خصب مشى يخطب اهل العروس جابو ليهو شاي لبتون قام رفع الخيط من الكباية وقال أهاااا من هسي بدينا في الكواديك.

كلب جاتو نفسيات لانو اكتشف انه بينبح على حرامي اطرش...

خيالاتى خطيبتو سألتوه:عرف الحب؟ قال ليها: الحب هو أكولة في القلب لا يمكن حكها ..

واحد بلدياتنا اشترى ليهو ساعة سألوه: الساعة كم؟ قال: أها خلاص دايرين تكملوا الحجر.

واحد خيالاتى عرف رقم إبليس شبكو رسائل «بسم اللّه الرحمن الرحيم» لا من حرق ليهو شريحتو.

أربعة خيالاتية قالوا عاوزين يقلدوا الخريف واحد قلد صوت الرعد
وواحد قلد صوت البرق وواحد قلد صوت المطرة والرابع شال المرتبة وخشة بيها جوة

.

وقولوا ياباسط يا كريم...

Quote: أربعة خيالاتية قالوا عاوزين يقلدوا الخريف واحد قلد صوت الرعد وواحد قلد صوت البرق وواحد قلد صوت المطرة والرابع شال المرتبة وخشة بيها جوة

دمعت عدييييل

فرجت عنا الكثير نشكركم جدا ولا يفوتنا ان
نشكر زوجتك علي مشاركتنا لكم ....انها حقا ممتعة

Quote: واحـــد مســــطول واقف شمــاعه في بص ماسك في الحديده بيد واليد التاني ماســـــك بيها السجـــــــاره .. جاهو الكمســــــاري يخلص منو قال ليه ارح ادينا ياخينا ؟ المسطـــــول قاليهو اديك كيف ماشايفني ماسك بيدي الاتنين الكمســاري قاليهو خــلاص جيب امسـك ليك السجــــــاره ؟ قاليهـــــو ليييييييييييه ما تمسك الشماعه .

الغريب لما سمعناها قبال سبتمبر 83 ما كانت سيجارة

Quote: نشكر زوجتك علي مشاركتنا لكم ....انها حقا ممتعة

؟؟؟؟؟؟؟؟؟؟

Quote: مسطول ماسك قسيمة الزواج وقاعد يقلب فيها يمين شمال زوجته سألتو: بتعمل في شنو يا راجل؟ قال ليها: لا أبدا مافي حاجة قالت ليهو: كيف مافي حاجة ليك نص ساعة بتقلب في القسيمة داير شنو؟ رد عليها: بفتش في تاريخ نهاية العقد

يادكتور داير تجيب لينا الهوا مالك بكره ,, واحد ما مسطول يجئ يقوليك ان المسطول ده شيعي ساكن في سودانيز اون لاين.....



مع قرقرة الضحك شفت الوجه الاخر للباحث والاكاديمي الشيخ صلاح البندر ,, فتذكرة ابدعات اهل العرفان في جوانبهم الاخرى بهاء الدين العاملي في المخلاة وميثم البحراني في الكشكول والستطرف من كل فن مستظرف , وبخلاء الجاحظ ............... الخ

د. صلاح البندر..
كيف حالك؟
لما شفت العنوان افتكرتك بتهظر .. لكن لما دخلت البوست ضحكت لما وقعت من الكرسي..
شكرا ليك على هذه البداية الصباحية الطيبة وهذه الضحكات العزيزة هذه الايام...
لمزيد من الضحك هاك ديل...

* مسطول متفلسف سألوة
إنتربول يعني شنو؟
قال ليهم يعيني كفر جواني

*مسطول جا جنب يافطة طلمبة أجب
طلع بالسلم وكتب بعدها
بلا أو نعم

*مسطول بيضرب بوهية
قالو ليهو خت جريدة تحتك
قال: لا لا كدة محصل

*مسطول سألوهو ماهو الحب؟
قال ليهم : أكوله في القلب ما بتقدر تحكها

*سواق حافله مسطول الكمساري قال ليهو: اللستك نزل, قال ليهو: ما تشيل منو

*مسطول دقنو كبيره دخل الجامع لأول مرة واحد ساله : يا شيخنا فاتتني ركعتين أعمل شنو؟
قاليهو في زول شافك؟ قاليهو لا, قال ليهو: أعمل نايم..

*مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز

*مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين

*مسطول مرتو ماتت قالوا ليه :نديك اختها قال:ديل نسابة ولا شركة تأمين

* مسطول عجبتو بت في الحافلة لما نزل شال رقم الحافله.

*مسطول اشترى خروف ضعيف شديد ..ابوهو قال ليهو دا شنو الخروف الضعيف ده.. قال ليهو ماتشوف الجسم شوف العيون كيف؟

*بخيل دخل مع ابنه سوبر ماركت الولد قال لأبوه انا بحب الشوكولاته يا ابوي .. أبوهو قال ليهو : حبها ورجعها مكانها..

* واحد ابن كلب أبوهو طرده من البيت كتب على البيت مقر تنظيم القاعدة

*واحد جنو سكر ..لاقي ست العرقي في الحج حلفها قدام الكعبة تاني ما تزيدو موية .

* واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو؟

*جعلي ركب الطيارة حلف على بناته بالطلاق يساعدن المضيفات
....
*جعلى الدكتور جاء طالع من غرفة الولاده قال ليهو أبشر بالخير مرتك جابت تومتين..
الجعلى قام طوالي قال للدكتور على الطلاق تشيل واحده

تاجر بانقو اتقدم لى بت ..........اهلها سالوه شغال وين ..........قال ليهم:
فني تكييف


مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة


استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق


مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة


مسطول احوص دايرين يشنقوهو سألوه: امنيتك شنو؟
قال: اشوف نفر واحد بس



سألو مسطولة سودانية ترشحي مين لقيادة حماس؟ اجابت: راغب علامة


مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف




واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع




واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!



مسطول سأل التاني : الطحنية دي بصنعوها من شنو؟ قاليهو: من النشاره!!


مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟


مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار


مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم



عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم


مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة


مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟



مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك



مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق


مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري


مسطول قدر ما يشرب سفن اب (7 up) بقي يمشي سبعة خطوات وينط....

مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص



سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء



مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش



واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة


مسطول بحب نفسو... كتب ليها جواب



مسطول دخل يدو في مويه نار مرقا لقاها مافي.. دخل رأسو يشوفا مشت وين

مسطول سالوه ما اصغر شئ في الدينا
قال ليهم
شامة في ضهر نملة



واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون



ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)



سألوا مسطول عن اكثر زول صبور قال واحد منتظر نانسي عجرم في قناة اقرأ



واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت


ملطووووووووش