تجليات صلاح ادريس بين زرقاء اليمامة وصحافة المشاطات

اثار غياب مدرب الهلال ريكاردو عن تمارين الهلال الاسبوع المنصرم عدت تساؤلات بين جماهير الازرق
فكانت الاجابات هي نفسها محل تساؤل احدهم يقول انه مريض واخر يقول لك انه تغيب دون عزر
وعدت اجابات لا تشفي وظلت الجماهير في حيرة ومنقسمة بين متفائل ومتشائم واخرون(( من الجماعة المباركين)) شامتين
واطلت علينا بعض الصحف بعدت اخبار عن غياب ريكاردو والكل يمني نفسه بسبق صحفي منهم استقي معلوماته من ونسة بالقرب من بائعة الشاي ومنهم وجد الخبر(( مطلوق في المنطقة الصناعية عندما كان يصين عربته واخر كل مصادره الصحفية لا تعدو ان تكون (( كلك بالماوس)) علي الشبكة العنكبوتية حيث تكتب ما تشاء
وطالتعتنا هذه الصحف وفق للمصادر اعلاهب بافتراءات صحفية
حيث جاء فيها:-
ريكاردو يوقع عقد مع نادي امارتي حيث سافر سرا الي هناك دون علم المجلس

ريكاردو متوقف عن التدريب بسبب مستحقاته المالية

ريكادو علي خلاف مع المجلس ومع مساعد المدرب
في ظل ما يحدث كان هناك رجال يضحكون لانهم يعلمون ان الذين يدعون انهم يعلمون انهم لا يعلمون
فظل الامر سرا بينهم حتي انجزت المهمة وعاد ريكاردو الي قواعده سالما بعد ان انجز المهمة
والتي عرفت في ما بعد بعملية زرقاء اليمامة وانفردت صحيفة المشاهد بتفاصيلها
حيث سافر ريكاردو لجنوب افريقيا سرا لمتابعة مبارة الفريقي الجنوب افريقي وليكون شاهد عيان لهذا الفريق قبل منازلته في عملية سرية خطط لها الارباب ونفذها ريكاردو في سرية تامة
مما ساعد في انجحها ودون ان يتعرض لي مضايقات في جنوب افريقيا وتحصل علي تسجيل للمبارة
لك التحية ايها الرجل المدهش صلاح ادريس ولا عزاء لصحافة المشاطات والمبروكين

يا عمك انت لسع هلالابي ؟

مشتاقين وكدا

لو تابعتوا صلاح ادريس دا بتلعبوا في الروابط يا حبيبنا

اساسي يا حبي الاساسي مشتاقييييييييييييييييين عديل كدا
مقفل القزاز علي الاخر
صلاح سايقا صااااااااااااااااااح

Quote: صلاح سايقا صااااااااااااااااااح

علي وين يا ترى

Quote: علي وين يا ترى

لي قداااااااااااااااااااااام

لي قدام لحدي وين يعني ؟

للسادس

بس ده ياهو كل طموحكم؟

كان كده عقبال العاشر

حبيب الكل


الجماعة ما زالو فى حيرى
من البسكويته التى ذابت فى قعر الكباية
هم فايقين عشان يشوفو ركاردو مشى وين
ولا جاء من وين

بعد عملية زرقاء اليمامة دى الله يكضب الشينة..

أخير كان من سكات

قال عملية زرقاء اليمامة قال...

مدرب مشى حضر مبارة لفريق ح يلعب معاهو تعملوا لينا بيها هليله يا بتاعين النضال الوطنى إنتو

والله الزول ده ح يوديكم التوج

حبيبنا صلاح
والله كان سكتنا كان قالوا ريكاردو عرس تاني وحا اغيب سنة لزوم العرس والناس البجوا اقولوا ليه
مبررررررررررررررررررررروك زواج البركة انشاء الله

بركة في بركة الخلاكم فرحتو

البركة فيكم

وينك يا الفي بالي

ما قلت لي السادس دا بودي وين؟

اقل مايمكن كان مفروض على الصحفى القال ريكاردو تغيب لعدم سداد مستحقاتو انويعتذر للقراء

بعدما ظهرت الحقيقة ...... لكن عمرك شفت مشاطه بتعتذر

Quote: اقل مايمكن كان مفروض على الصحفى القال ريكاردو تغيب لعدم سداد مستحقاتو انويعتذر للقراء

عزيزي الفاضل
اشكرك علي المداخلة التي اصابت الهدف ولكن من لديه الشجاعة للاعتزار؟

حبيب الكل
عنوانكـ ده مدرسة عديل كده













شايفكـ مرابط اليومين ديل يا عمكـ

الاخ فيصل نوبي
المدرسة الحقيقية الدخلهم ليها صلاح ادريس دي

بالله القصة كدا
يا حليلك يا طلحة
تعال نظر تاني

Quote: مدرب الهلال البرازيلي ريكاردو يزور الإمارات (سرا) للتفاوض مع أحد أنديتها.

سنة يا مصادرنا

Quote: علي صعيد مختلف علمت مصادرنا أن مدرب الهلال البرازيلي هيرون ريكاردو قدم قبل يومين إلى دولة الإمارات العربية المتحدة في زيارة سريعة للتفاوض مع نادي بالدوري الإماراتي حيث ينتظر أن ينتقل المدرب البرازيلي للعمل بالإمارات نهاية الموسم الجاري والذي يتزامن مع نهاية عقده مع الهلال . وكانت انباء متضاربة أثيرت بخصوص الغياب المفاجىء للمدرب هيرون عن قيادة تدريبات الفريق الهلالي فيما عزا إداريو الهلال غيابه عن الحصة التدريبية قبل يومين ل (وعكة صحية) المت به قبل أن تتكشف الحقائق بوصول ريكاردو للإمارات .

السبعين في المية خليها لقدام قصة الشماتة دي شنو؟

Quote: الخبر أكيد بنسبة تفوق السبعين في المائة . (وش تبدو عليه سيما الشماتة)

هاك المرتفعة جدا دي

Quote: للإسف نسبة صحة الخبر مرتفعة جدا

عجبتني جدا معطيات الواقع دي بالمناسبة

Quote: بساطة شديدة اقول ليك معطيات الواقع كلها تؤكد قرب رحيل السيد ريكاردو .. فقد صرح همسا وجهرا في الفترة الأخيرة أنه راحل ليجرب حظه في مكان آخر بعد ان قدم للهلال الكثير .. وكاد ان يفعلها لولا إختلاف السماسرة ما بين مصر وتونس والمغرب .. وريكاردو الذي ينتهي عقده مع الهلال بنهاية هذا الموسم أفصح عن عدم رغبته في التجديد ضمنيا وهو يفتعل الخلافات ويصنعها مع مجلس الهلال بقيادة الأرباب علاوة علي سعيه الدائم (لقنطرة نفسه) في وجه الإتحاد السوداني وهو يسب ويشتم ويتفلت في تصريحاته حتى تأتي ردة فعل الاخير بما يشتهي ليبحر بعدها آمنا مطمئنا من العقوبات والجزاءات التى قد يلاحقه بها الهلال إن هو رحل رغما عن نصوص وبنود العقد. إن سفر ريكاردو الأخير إلى الإمارات تحت جنح الليل لا تفسير له سوي ما ورد بالخبر اعلاه وإلا لم تضاربت تصريحات الاهلة بشان هذا الغياب المفاجىء عن حصة تدريبية يفترض أنها الرئيسة قبل ملاقاة الأمل العطبراوي الليلة . جاء ريكاردو إلى الإ مارات وتفاوض بالفعل مع أحد انديتها وقبل قليل فقط رأيت الخبر منشورا في جريدة البيان الإماراتية بتفاصيل قريبة من تلك التى ذكرتها في الخبر أعلاه

داير خجالات اجيب ليك معاي و لا الزمان ديك لسة عندك منهن


حصريا لسودانيز أولاين .. أمسكوا الخشب ..

العزيز ود البشري

Quote: داير خجالات اجيب ليك معاي و لا الزمان ديك لسة عندك منهن

(( مع الاعتزار يا طلحة)) بس انت الجبتها لي روحك
وتابعت مصادر المشاطات

حتي لا تنسي يا..... والا مافي داعي

طلحة
دا كلو من سك الكماين







حبيب الكل
تحياتنا وكدا

والنعمة حيرتونا يا هلالاب
راجع ليكم .

يعجبني نضال الهلالاب المشهود منذ سبعين سنة (برغم عدم الوصول لأهدافهم) لكن برغم ذلك يحزنني انهم ناس بسطاء جدا ..
فرحانين ومهللين عشان الكلام دا :

Quote: اثار غياب مدرب الهلال ريكاردو عن تمارين الهلال الاسبوع المنصرم عدت تساؤلات بين جماهير الازرق فكانت الاجابات هي نفسها محل تساؤل احدهم يقول انه مريض واخر يقول لك انه تغيب دون عزر وعدت اجابات لا تشفي وظلت الجماهير في حيرة ومنقسمة بين متفائل ومتشائم واخرون(( من الجماعة المباركين)) شامتين واطلت علينا بعض الصحف بعدت اخبار عن غياب ريكاردو والكل يمني نفسه بسبق صحفي منهم استقي معلوماته من ونسة بالقرب من بائعة الشاي ومنهم وجد الخبر(( مطلوق في المنطقة الصناعية عندما كان يصين عربته واخر كل مصادره الصحفية لا تعدو ان تكون (( كلك بالماوس)) علي الشبكة العنكبوتية حيث تكتب ما تشاء وطالتعتنا هذه الصحف وفق للمصادر اعلاهب بافتراءات صحفية حيث جاء فيها:- ريكاردو يوقع عقد مع نادي امارتي حيث سافر سرا الي هناك دون علم المجلس ريكاردو متوقف عن التدريب بسبب مستحقاته المالية ريكادو علي خلاف مع المجلس ومع مساعد المدرب في ظل ما يحدث كان هناك رجال يضحكون لانهم يعلمون ان الذين يدعون انهم يعلمون انهم لا يعلمون فظل الامر سرا بينهم حتي انجزت المهمة وعاد ريكاردو الي قواعده سالما بعد ان انجز المهمة والتي عرفت في ما بعد بعملية زرقاء اليمامة وانفردت صحيفة المشاهد بتفاصيلها

اولا أفترض انو صلاح إدريس هو الذي كتب عاليه ..
وبهذا فاذكر أن الرجل نفسه كان قد قال من قبل :
* سابني للهلال استاد عالمي وملاعب رديفة و..و..و... ولم يفعل
* ساجمد نشاط الفريق ولم يفعل
* أجزم أن عنتر لن يسجله فريق غير الهلال وقد سجله المريخ قبل أن يرتد صدي الحليفة اياها ..
* وبعد أن (زنقوه ) الهلالاب في حكاية ابني استاد وملاعب رديفة قال سابيع الأستاد وأبني مدينةرياضية في الصالحية فضحك عليه الأصدقاء قبل الأعداء لعلم الجميع ان الرجل اعتاد القول لا الفعل .
* قال مرة وهو في حالة من حالات العنترة التى تعتريه بين فنية وأخري سأسقط الإتحاد العام ورئيسه شداد في غضون أسبوع واحد وقد حسبنا له الأيام والشهور والسنين دقيقة دقيقة وساعة ساعة وليلة ليلة ولم يفعل ولن يفعل فقد تمهل شداد وأعضاء الإتحاد وتحكروا أكثر في مقاعدهم بمبني الإتحاد الجديد الموسوم بالفخامة والأناقة فيما زاغ الرجل بكلامه وبات يتجنب (الونسة) في هذه السيرة المخيفة ككابوس .
وبعد ..
فالمعروف والثابت الذي يتجاهله الهلالاب بطريقة مريبة أن ما يقوله صلاح إدريس لم يعد موضع ثقة ..
والمستغرب له حقا لماذا يصدق (بعض الهلالاب ) ويثقون ثقة عمياء في كل حرف ينطق به الرجل حتى ولو زعم قيام اموات القبور فيما يكذبون الآخرين حتى لو وصفوا حقائق ماثلة أمامهم .
عجيب وغريب ومشكوك فيه .. ( وش أخدر مدور بسرعة مليون لفة في الدقيقة الواحدة ) كناية عن الحيرة الشديدة .

والله يا طلحة انت الحيرتنا
خلاص يا زول كلامك صاح وريكاردو ماشي الامارات وصلاح ادريس كذاب
وحي العرب هزم الهلال 1/0 ( مسمار بركة ) ما هزم المريخ
والله المريخاب بعد مسمار بركة حالتكم تحنن
يا زول ريكاردو في ولا مافي الهلال هو سيد البلد

طلحة طلحة بركة كيييييييييييييييييييييييييف


أبو كريم

Quote: خلاص يا زول كلامك صاح وريكاردو ماشي الامارات

والله يا خوي ما فرقت كان مشي واللا قعد بس أنا جبت خبر من مصادر وما ناقشت ذهاب أو بقاء الممرن ريكاردو .

Quote: وصلاح ادريس كذاب

انت شايف كدا يعني ..؟

Quote: يا زول ريكاردو في ولا مافي الهلال هو سيد البلد

الهلال سيد البلد دي مكنة منتهية يا خوي
لكن ريكاردو في واللا مافي واحد فدي بوافقك عليها طب .

قال طلحة

Quote: اولا أفترض انو صلاح إدريس هو الذي كتب عاليه

اها في الحلقة الاخير طلع حبيب الكل ياهو صلاح ادريس
عملتها واسعة شديد يا اسامة انور عكاشة

يا حبيب ..
قلت في عنوان البوست

Quote: تجليات صلاح ادريس بين زرقاء اليمامة وصحافة المشاطات

ودا أوحي لي بانه هو من كتب او قال الكلام موضوع البوست لذلك قلت :

Quote: اولا أفترض انو صلاح إدريس هو الذي كتب عاليه

ودا تلقائيا بنفي كلامك دا:

Quote: اها في الحلقة الاخير طلع حبيب الكل ياهو صلاح ادريس

لانو كلامي الفوق مجرد إفتراض وليس تأكيد ..
وبعدين ياخ ما فارقة لو أنت أو صلاح إدريس المهم أنو الموضوع فيه نفي او تشكيك في خبر ذهاب ريكاردو للإمارات ودا محور النقاش ..
ريكاردو ذهب للإمارات وتفاوض للعمل هناك حسب المصادر وحسب جريدة البيان الإماراتية والتى لا مصلحة لها من قريب أو بعيد في ايراد مثل هذا الخبر كما تفعل الجرايد السودانية التى وصفتها أنت أو صلاح إدريس بصحافة المشاطات .
شنو الخلي كلامك انت مصدق وحقيقة وكلام غيرك كلام مشاطات .. ؟؟

Quote: الجرايدالسودانية التى وصفتها أنت أو صلاح إدريس بصحافة المشاطات . شنو الخلي كلامك انت مصدق وحقيقة وكلام غيرك كلام مشاطات ..

اسال ريكاردو

Quote: اسال ريكاردو

من شنو يا حبيب

اها الاخبار تاني شنو يا طلحة