Post: #1
Title: شرطة مرور السودان شعارها هدفنا تغريمك لا سلامتك
Author: maawia dawood
Date: 04-15-2008, 09:38 AM
Parent: #0
ايها الشعب السواني البطل
ايها الشرفاء
السلام عليكم
والله البوست دي ما تهكم ولا افتراء علي البوليس السوداني
لكنه حقيقي والدليل علي ذلك ان شرطة المرور لديها ربط شهري
المعروف عن شرطي المرور هو تسهيل الحركة في الشوارع وانسيابها بشكل جيد
لكن هذا لا يحصل
بل دائما شرطي المرور يعرقل الحركة
تجدهم في مخارج الكباري ويوقفوا اي عربية لعل وعسي يجد مخالفة
وطبعا اي عربة اكبر من الدفار لابد لها ان تقف امام شرطي المرور
وفي حاجة غريبة جدا تحصل في السودان
العربة الغير مرخصة عند خروجها من المنزل يذهب علي طول الي شرطة المرور ويقطع ايصال
وهذا الايصال يحميه طوال اليوم
ولا يهم شرطي المرور نوع المخالفة وسلامة الطريق
الم يعني هذا شعارهم
هدفنا تغريمك لا سلامتك
اخوتي الاعزاء اقلامك معنا حتي نسهم
في فهم راقي للمرور
ونواصل
|
Post: #2
Title: Re: شرطة مرور السودان شعارها هدفنا تغريمك لا سلامتك
Author: Abubakr Osman
Date: 04-15-2008, 10:32 AM
Parent: #1
david
you are right
pay first and after that no problem
|
Post: #7
Title: Re: شرطة مرور السودان شعارها هدفنا تغريمك لا سلامتك
Author: maawia dawood
Date: 04-16-2008, 09:04 AM
Parent: #2
السلام عليكم
اخ ابوبكر
كيف امورك وينك يا زول
مالك محاربنا
احكي لينا عن مشاكل المرور
|
Post: #3
Title: Re: شرطة مرور السودان شعارها هدفنا تغريمك لا سلامتك
Author: مرتضى الكجم
Date: 04-15-2008, 12:08 PM
Parent: #1
الا تلاحظ ان حملات المرور لا تكثف الا فى نهاية الشهر
| Quote: ان شرطة المرور لديها ربط شهري |
ولو سلمنا بهذه الحقيقة , الا يمكن ان تبرمج الشرطة ربطها على كامل الشهر
ولا دى حكاية مرتبات !!!!....
|
Post: #4
Title: Re: شرطة مرور السودان شعارها هدفنا تغريمك لا سلامتك
Author: Nasruddin Al Basheer
Date: 04-15-2008, 12:52 PM
Parent: #3
دي عملية بت كلب جداً..
يا ابن العم إنت ما عندك شغلة غير ناس الشرطة ديل؟
أنا لو عارف لوحة عربيتك كنت يومياًعملت ليك مخالفة..
وأعلى ما في خيلك اركبو.
ده آخر كلام عندي..
|
Post: #8
Title: Re: شرطة مرور السودان شعارها هدفنا تغريمك لا سلامتك
Author: maawia dawood
Date: 04-16-2008, 10:08 AM
Parent: #3
الاخ الكجم
السلام عليكم
ولك التحايا
حقيقي يا الكجم بقي السودانيين العايزين يعملوا قروش كتيرة
بطرق ملتوية بمشوا المرور
انا اقول ليك حاجة غريبة
ظابط المرور عنده حافز شهري اكثر من 6 مليون في الشهر
|
Post: #5
Title: Re: شرطة مرور السودان شعارها هدفنا تغريمك لا سلامتك
Author: غباشي
Date: 04-15-2008, 01:15 PM
Parent: #1
| Quote: شرطة مرور السودان شعارها هدفنا تغريمك لا سلامتك |
عشان كدة أنا ما كنت بقيف لأي بتاع مرور لما أكون ما مرخص ...
ما عدا لما يكون معاهم بتاع موتر ... لأنو مواترم دي بنت كلب و بتجيبك .. بتجيبك 
|
Post: #6
Title: Re: شرطة مرور السودان شعارها هدفنا تغريمك لا سلامتك
Author: Gaafar Ismail
Date: 04-15-2008, 02:25 PM
Parent: #1
الأستاذ معاوية
إدارة المرور في السودان أمرها غريب جدا وفريد
همها الأول الجباية فقط ، وفي سبيل ذلك صاحب أي عربة غير مرخصة ولا تملك أدنى مقومات السلامة من فرامل وإضاءة يدفع صاحبها غرامة بمقتضاها يقود سيارته بدون أي اعتبار أو اهتمام بأرواح الناس .. وينتج من ذلك كثرة حوادث المرور القاتلة .
أيضا القوانين التي يحاكم بمقتضاها مخالفي المرور غير رادعة .
قيمة الدية قليلة جدا وتدل على أن أرواح البشر في السودان رخيصة جدا.
|
|