إسماعيل حسن يواصل الجهل الصحفي..

كتبت قبل فترة عن الصحفي إسماعيل حسن الذي يكتب عمود ثابت في صحيفة الصدأ وبعنوان وكفى ..
ويومها إكتشفنا إن إسماعيل حسن يكتب دون أن يشاهد المباريات ويحكي من خياله ..
ويومها ربط الناس الخاص بالعام وتحدثوا لنا عن أخلاق وسلوك إسماعيل حسن وتناسوا لب الموضوع و الإعتراف الصريح الذي كنا نتمنى ان يكون فيه إسماعيل حسن شجاعاً ليواجه الحقائق ..
هذه المرة السقوط شنيع والجهل أكبر ولا يقبل القسمة على إثنين ويوضح مدى التخبط الذي يكتب به (المتصوفحون) ومدى الكراهية التي يخفونها في صدورهم ضد الهلال سيد البلد وزعيم الأندية السودانية ..
هذا ما جاء في عمود الصحفي المتصوحف إسماعيل حسن وكفى تحت عنوان :
مباراة الهلال هي الأهم
ومن ضمن الفقرات كتب هذه الفقرة العجيبة التي تدل على سقوطه المخزي وجهله الكروي بمتابعة الدوري الممتاز ..
كتب هذه الفقرة :

Quote: المستويات التي قدّمها الهلال في الأسابيع الماضية كانت أكثر من عادية.. ولولا أنه لعب خمس مباريات في أرضه لما حقق الفوز وحصل على نقاطها.. * المباراة الوحيدة التي لعبها خارج أرضه كانت أمام الجزيرة، وكما قلنا فقد ساعده التحكيم على كسبها.

الهلال لعب ثلاثة مباريات خارج أرضه وكسبها جميعها فلعب ضد هلال بورتسودان وفاز 3- صفر
ولعب ضد هلال كادوقلي وفاز 3-1
ولعب ضد جزيرة الفيل وفاز 2-1
وداخل ملعبه لعب ضد الخرطوم وفاز 3-1
ولعب ضد حي العرب وفاز 2-صفر
وله مباراة مؤجلة أو معلقة مع النيل الحيصاحيصا بالحيصاحيصا لم تلعب !!
مجموع النقاط التي حصل عليها الهلال خارج ملعبه كانت 9 من 9 والحمد لله
المريخ لعب خارج أرضه ضد هلال بورتسودان وفاز عليه بهدف تقريبا في بورتسودان
ولعب ضد الأهلي مدني وفاز بهدف في مدني
ولعب ضد هلال كادوقلي وفاز بهدفين بكادوقلي
ولعب ضد حي العرب وخسر بهدف في بورتسودان
حتى الان الملاحظ ان الهلال والمريخ لعبا نفس العدد من المباريات خارج ملعبهم أو قل خارج الخرطوم بمعدل اربعة مباريات لكل فريق للهلال واحدة مؤجلة ..
الهلال حصدها كاملة والمريخ خسر أول ثلاثة نقاط منها ..
فأين هو الظلم الذي ترعض له المريخ في البرمجة حتى هذه اللحظة ..؟
وأين هي الخمسة مباريات التي لعبها الهلال بأرضه ووسط جماهيره ؟؟
وأين هي المباراة الوحيدة ضد جزيرة الفيل ؟؟
وعلى إسماعيل حسن أن يعلم أن الهلال وبمشيئة الله حتى ناهية الدورة الأولى ستكون كل المباريات المتبقية بإستاد الهلال عدا المباراة الأخيرة مع المريخ ضد المريخ وهذا ما يعزز موقف الهلال إن شاء الله بتصدر الدورة الأولى بالدرجة الكاملة إن شاء الله ..

نصيحة لك يا عزيزي إسماعيل حسن :
إقرأ ما تكتب وراجع معلوماتك فالكذب وصمة عار على جبين الصحفيين وتمليك المعلومة الخاطئة يدخل في باب الكذب فكم من جاهل لا يعتمد إلا كلام الصحفيين ويجادل به وربما يحلف طلاق بسبب ما قرأ ..
تخريمة:
اها يا ود الريح ديك عرفناها قالوا كاتب الموقع الإلكتروني إستعجل دي تكون من منو ؟

طيب

ياعمر الفاروق

هى المحمدة ان يلعب الفريق خارج ارضه فى الدورة الاولى,,لان فى الدورة الثانية الفرق بتقوى
وبتكون اتمرست وبتكون عاوزة تنتقم داخل ارضهامن اى فريق حتى لو كان الهلال سيبك من ناس ظيط ومعيط,,,

ياصديقى
قد لاحظت كل مرة انا بكتب فى توقيعى ابو لدن صحفى رياضى
لانى وجدت فى الصحف وداخل المنديات قوم ليست لهم صلة بالرياضةوالصحافة كمان
لكنهم صحفيون,,,عشان كدا ياخوى لا تضيك فرصت,,اكتب عمر الفاروق صحفى رياضى
ودمت

مخرج

اما عن الثقافة
وصحف الرصافة
فاصبحت جلسة
فى النادى
وقهوة هافا
وضحكة عالية
وخبطة زورا
وكذب جزافا


ابو لدن صحفى رياضى

Quote: هذا ما جاء في عمود الصحفي المتصوحف إسماعيل حسن وكفى تحت عنوان

Quote: ويومها ربط الناس الخاص بالعام وتحدثوا لنا عن أخلاق وسلوك إسماعيل حسن وتناسوا لب الموضوع

الفوق ما بعرف ليها .. (تصوحفوا) ..!

لكن التحت أشهد بيها ..!

كيفك يا (عمر الفاروق)

العزيز ابقوتة :

Quote: هى المحمدة ان يلعب الفريق خارج ارضه فى الدورة الاولى,,لان فى الدورة الثانية الفرق بتقوى وبتكون اتمرست وبتكون عاوزة تنتقم داخل ارضهامن اى فريق حتى لو كان الهلال سيبك من ناس ظيط ومعيط,,,

إعلام المريخ طالع بي فن جديد وقال اللعب في الدورة الأولى خارج الأرض اكبر مشكلة لأنو الفرق بتكون كانت مستعدة بينما تضعف في الدورة الثانية بعد ما تضمن مواقعها خصوصا منطقة الوسط ..
السنة الفاتت قالوا العكس وقالوا الدورة التانية بتكون اقوى عشان الفرق بتكون تمرست ودخلت الفورمة !!
الغريبة إنو الدوري الممتاز فيهو 12 فريق منهم اربعة من الخرطوم و اتنين من بورتوسدان تلاتةمن مدني وواحد من الحصاحيصا وواحد من عطبرة وواحد من كادوقلي وكده كده بتلاقيهم ..
صحافة المريخ طلعت بي فن جديد واعتبرت كورة الموردة والخرطوم خارج الأرض بإفتراض أنو إستاد الخرطوم أو إستاد المريخ إختاره فريق الموردة والخرطوم !!
الكلام ده ممكن يكون مؤثر لو كان النتيجة تتأثر بالذهاب والغياب..
غلبهم ساااااااااااااااااااااااي الجماعة ديل..

العزيز كمال:

Quote: لكن التحت أشهد بيها ..! كيفك يا (عمر الفاروق)

نحترم شهادتك ولا نشكك في أخلاق إسماعيل حسن ولكني استغرب الهجوم الذي واجهته بسبب الإنتقاد لإسماعيل حسن والذي كان يختتم عموده بنفحة دينية ليأتي ويهدم ما يختم بما يبدأ ..
نحترم إسماعيل في شخصه ولا نحترم إسماعيل في قلمه ..

دمت يا جميل..

والله تعرف يا عمر اناكان ما قريت عمود اسماعيل ده يومى ما بيكون عنده طعم
وكمان كان قريت حاجة لرمضان يومى داك بيكون منقة *جوافة
انت عارف اسماعيل ورمضان ديل بيذكرونى بحصص الاملاء لمن كنا فى الابتدائى
وبيرجعونى لزمان جميل لفظناه بكامل ارادتنا
ركاكة ومحاولة استعمال كلمات دراب سمعناها من الكبار ودايريين نختها فى اى مكان
منطق اللامنطق
والله يا عمر انا اقتنعت انو البلد الما فيها تمساح يقدل فيها الورل
اسع لو ما البلد هاملة وما عندها وجيع ذى رمضان واسماعيل ديل مفروض ما يخلوهم فى رابطة مشجعيين خليك من صحفيين
انا غايتو كل يوم بتاكد انو الرزق تلاقيط وانو الصحافة بقت اسهل مهنه ومهنة من لا مهنة له
بس الواحد يقوى عينو ويقرا شويه من مجلة الصبيان وكابتن ماجد اشان يزيد ذخيرته اللغوية

الفاروق
الم اقلكم انها صحافة مشاطات
تعال هنا
تجليات صلاح ادريس بين زرقاء اليمامة وصحافة المشاطات

فووق