هل يجوز ان تنجب الزوجة من زوجها بعد عدة سنوات

عملت ان فى امريكا يوجد بنك لحفظ وسائل الانجاب للرجل لعدة سنوات تحت درجة حرارة معينة ويمكن من خلالها بيعه او استخدامهه للاخصاب عند الحوجة .
السؤال المحيرنى ماذا اذا توفى الرجل وبعد عدة سنوات استخدمت زوجته وسيلته للانجاب وانجبت مولودا مارآى المختصين فى هذه الحالة من ناحية اخلاقية وانسانية ودينية اذا انطبقت الحالة على مسلمين .
افيدووووووووووونى لانى محتار

لؤى
تحياتي


تعرف اننا فى حوجة ماسة الى مفتى لهذا المنبر ،، طرحت عدد من المواضيع تحتاج لفتوى لكنى لم ارى شيخا قام بافادتنا

على اى حال سوف ارد على هذه الجزئية

Quote: السؤال المحيرنى ماذا اذا توفى الرجل وبعد عدة سنوات استخدمت زوجته وسيلته للانجاب وانجبت مولودا مارآى المختصين فى هذه الحالة من ناحية اخلاقية وانسانية ودينية اذا انطبقت الحالة على مسلمين

من ناحية اخلاقية وانسانية اعتقد انه لا ضير !!!

من ناحية دينية ننتظر اهل الذكر

اولا اقول ليك الله اعلم ودي ما فتوي مني بس تساؤلات بالمنطق كدا المراة البيموت راجلها بعد عدتها ممكن تتزوج عادي وتنجب اطفال ولا ينسبون الي زوجها الاول الاتقطعت علاقتهم بموته .

يعني بالمنطق كدا لو راجلها مات فهي تعد غير متزوجة يعني زيها زي المطلقة الاتنين يحق ليهم الزواج من اي شخص تاني.

Quote: من ناحية اخلاقية وانسانية اعتقد انه لا ضير !!!

ااما انا بعتقد انه في ضير , وضير كبير

فخذي مثلا لو ان الزوج المتوفي كانت له ثروة كبيرة ولديه اولاد وبنات وقاموا بتوزيع الميراث عليهم اي علي اولاده الموجودين
وقررت المراة بعد خمسة سنوات كدا انه تمشي البنك وفعلا جابت ولد اها موقف الود دا شنو من ميراث ابوه مثلا .

في النهاية الله اعلم

اساسي


طوالى مشيت للميراث ، نحن فى مرحلة نسب واثبات هوية "عالم مادية بشكل"


اذا ثبت نسبه لابيه فله حق الميراث دى مافيها نقاش ،، يحرم الولد من الميراث فى حالة عدم اثبات النسب وحتى الاخ من الرضاعة ليس لديه الحق فى الميراث فطالما ان وسيلة الانجاب منسوبة للمتوفى اذا لا جدل فى هذه النقطة

Quote: اولا اقول ليك الله اعلم ودي ما فتوي مني بس تساؤلات بالمنطق كدا المراة البيموت راجلها بعد عدتها ممكن تتزوج عادي وتنجب اطفال ولا ينسبون الي زوجها الاول الاتقطعت علاقتهم بموته . يعني بالمنطق كدا لو راجلها مات فهي تعد غير متزوجة يعني زيها زي المطلقة الاتنين يحق ليهم الزواج من اي شخص تاني.

هنا الوضع يختلف اختلاف واضح ،، لايمكن ان ننسب اطفال الزوج الجديد للزوج المتوفى لان وسيلة الانجاب تنب للزوج الجديد

طيب نثبت نسبه كيف ؟ فالرجل قد توفي والزوجة في حل عن زوجها المتوفي بموته

Quote: هنا الوضع يختلف اختلاف واضح ،، لايمكن ان ننسب اطفال الزوج الجديد للزوج المتوفى لان وسيلة الانجاب تنب للزوج الجديد

حتي لو ما اتزوجت من زوج جديد كما اسلفت علاقتها بزوجها انقطعت بالموت

بعدين يرث شنو ؟؟

هو فضل فيها ورثة بعد ما اتقسمت قبل كم سنة وهو اصلا غير موجود لا في بطن امه ولا في الاسافير

Quote: طيب نثبت نسبه كيف ؟

اصلا وسائل الانجاب محفوظة للمتوفى الا اذا كنت تشكك فى انه قد يحدث خلط داخل الثلاجات !

Quote: صلا وسائل الانجاب محفوظة للمتوفى الا اذا كنت تشكك فى انه قد يحدث خلط داخل الثلاجات !

عفوا يا شمائل ما عارف افهمك ليها كيف لانك اتعبتيني في استيعاب كلامي
ما عارف اقول ليك شنو لكن النقطة الما قدرتي تفهميها من خلال كلامي دا كله انه داير اوريك انه الولد البيجي دا ومن زوجها المتوفي يسمي ود حرام باللغة الدارجة لانه ابوهو وامه ما متزوجين ومافي علاقة زوجية قائمة وذلك لموت احد الطرفين وانتهاء العلاقة اعتقد انه كدا كلامي واضح وما محتاج لي تلاجات ولا فريزرات
عشان كدا قلت ليك في ضير كبير جدا وليس زي ما قلتي انه مافي ضير من ناحية اخلاقية

موضوع الزمن دا موضوع مفروغ منه لان وسيلة الانجاب بتكون مسجلة باسمه غير انه DNA بيقدر بيحدد اى شى من دى ما منو خوف

هناك فتوى صريحة في هذا الموضوع...وهي أنه لا يجوز

وتستند في معظمها على الاسباب التي أوردها أساسي

والله أعلم

بما ان الرجل يستطيع ان يحفظ وسائل الانجاب لديه قبل موته
فكذلك المرأة يمكنها حفظ وسائل انجابها بعد موتها
وبالتالي من الممكن أن يظهر لكل منا بعاتي
من أبوين منقرضين قبل عدة سنوات
يخبرك أنه ابن أحد أجدادك أو حبوباتك
وبالتالي يعرض الأسرة لخلافات وجرجرة في المحاكم
وربما تعود المحكمة لقصة أهل الكهف كدليل على إثبات النسب
و تستمر القصة إلى ما لا نهاية
-------------
كدي يا شباب وبما أن هذه القصة لم تحدث بعد في السودان
خلونا من الماتوا وبعدين ولدو
وشوفوا لينا حل للأزواج الحيين بيناتنا
وما قادرين يلدوا حتى الآن

Quote: بما ان الرجل يستطيع ان يحفظ وسائل الانجاب لديه قبل موته فكذلك المرأة يمكنها حفظ وسائل انجابها بعد موتها وبالتالي من الممكن أن يظهر لكل منا بعاتي من أبوين منقرضين قبل عدة سنوات

عمر التاج بعاتي شنو ؟ طالما وسائل الانتاج حية المشكلة وين ، فقط سوف يكون ابن لاب متوفى او ام متوفية لحد هنا نحن شغالين بالمنطق لحد ما يجينا مفتى ويهدر دمنا

يا جماعة بالمنطق كدا..
الزواج عبارة عن عقد .. أي..contract.
ينتهي العمل بهذا الكونتراكت بالطلاق أو بموت أحد الطرفين.

لذلك الإنجاب من الزوج أو الزوجة بعد سنوات من الوفاة..باااااااااطل..
لأن العقد زاتو باااااااااااطل.

والله أعلم.

Quote: ما عارف اقول ليك شنو لكن النقطة الما قدرتي تفهميها من خلال كلامي دا كله انه داير اوريك انه الولد البيجي دا ومن زوجها المتوفي يسمي ود حرام باللغة الدارجة لانه ابوهو وامه ما متزوجين ومافي علاقة زوجية قائمة وذلك لموت احد الطرفين وانتهاء العلاقة اعتقد انه كدا كلامي واضح وما محتاج لي تلاجات ولا فريزرات عشان كدا قلت ليك في ضير كبير جدا وليس زي ما قلتي انه مافي ضير من ناحية اخلاقية

يا اساسي كيف يكون ابن خطيئة والزوجة فى عصمة الزوج حتى الوفاة ،،، دا كلام ما منطقي


اذا طلق الزوج زوجته قبل الوفاة فانا معاك


فى فرق بين الفراق بالطلاق والفراق بالوفاة