Post: #1 Title: تحطم طائرة شحن سودانية ومصرع جميع طاقمها ( صور ) Author: معتصم محمد صالح Date: 04-13-2008, 09:29 AM
تحطمت طائرة شحن سودانية مؤجرة بالقرب من تشيسيناو عاصمة مولدوفيا القريبة من روسيا ،مما أسفر عن مقتل جميع ركابها البالغ عددهم ثمانية أفراد من مولديفيا.و الطائرة المنكوبة- من طراز «أنتونوف -32» ذات محركين - توقفت فى فيينا للتزود بالوقود وهى فى طريقها الى العاصمة المولدوفية من الخرطوم .وقال شهود عيان إن الطائرة اصطدمت بالارض على مسافة 200 متر من ممرالمطار واحترقت بالكامل،ووصلت فرق الإنقاذ المولدوفية ورجال الإطفاء على الفور إلى موقع الحادث ،غير أنهم لم يعثروا على أى ناجين .
Post: #2 Title: Re: تحطم طائرة شحن سودانية ومصرع جميع طاقمها ( صور ) Author: فدوى الشريف Date: 04-13-2008, 09:32 AM Parent: #1
Quote: تشيسيناو
هي الوداها هناك شنو؟ دي اول مرة اسمع بيها البلد دي
لا حول ولا قوة الا بالله الحمدلله مافيها سودانيين حسب الخبر
مبروك البوستات البالصور
Post: #3 Title: Re: تحطم طائرة شحن سودانية ومصرع جميع طاقمها ( صور ) Author: dardiri satti Date: 04-13-2008, 09:36 AM Parent: #2
Quote: هي الوداها هناك شنو؟
Post: #4 Title: Re: تحطم طائرة شحن سودانية ومصرع جميع طاقمها ( صور ) Author: dardiri satti Date: 04-13-2008, 09:40 AM Parent: #2
Quote: هي الوداها هناك شنو؟
فعلاً ، هي الوداها هناك شنو؟ وكانت شاحنة شنو؟ وهو أنحنا عندنا شنو بينشحن بالطيارات لحدي هناك؟ وطيارتنا دي بعد ما تودي الشحنة ، بتجيب لينا شنو؟ والا بتجي فاضية؟ أنحنا كل شي في بلدنا سري ، وما بنعرف الحاصل إلا بعد وقوع الكارثة. تحية
Post: #7 Title: Re: تحطم طائرة شحن سودانية ومصرع جميع طاقمها ( صور ) Author: ياسر احمد محمود Date: 04-13-2008, 09:52 AM Parent: #4
Quote: هي الوداها هناك شنو؟
ومن أين يأتي السلاح الذي تبيد به الحكومة (شعبها) في دارفور وغيرها؟
Post: #5 Title: Re: تحطم طائرة شحن سودانية ومصرع جميع طاقمها ( صور ) Author: فيصل نوبي Date: 04-13-2008, 09:48 AM Parent: #2
Quote: مبروك البوستات البالصور
Post: #11 Title: Re: تحطم طائرة شحن سودانية ومصرع جميع طاقمها ( صور ) Author: Saber Abdelhadi Date: 04-13-2008, 10:46 AM Parent: #2
Quote: الحمدلله مافيها سودانيين حسب الخبر
الخلوة القريتي فيها دي ما علموك تتألمي للبني آدم سوداني أو غير سوداني ..??!!
Post: #6 Title: Re: تحطم طائرة شحن سودانية ومصرع جميع طاقمها ( صور ) Author: محمد عبد الماجد الصايم Date: 04-13-2008, 09:52 AM Parent: #1
Quote: جميع ركابها البالغ عددهم ثمانية أفراد من مولديفيا
خلاس .. السودانيين كملو؟
الطيارة في مولديفيا والسايقينا من وودليفيا
الجاب (سودان طير) شنو!!
Post: #8 Title: Re: تحطم طائرة شحن سودانية ومصرع جميع طاقمها ( صور ) Author: Adil Osman Date: 04-13-2008, 09:58 AM Parent: #1
Quote: الطائرة المنكوبة- من طراز «أنتونوف -32» ذات محركين - توقفت فى فيينا للتزود بالوقود وهى فى طريقها الى العاصمة المولدوفية من الخرطوم
هذه المعلومة غلط يا معتصم صالح الطائرة اقلعت من مطار شيسنو فى طريقها الى الاناضول فى تركيا ومنها الى الخرطوم. بعد 10 دقائق من اقلاعها حاولت العودة الى المطار بسبب خلل فنى. وهى تهبط اصطدمت بسور المطار الكهربائى، مما ادى الى اشتعال النيران وانفجار الطائرة التى كانت تحمل 3.2 طن من الوقود. وقد ادى الانفجار الى مصرع طاقمها الذى يتكون من 5 مولدافيين و3 اوكرانيين. الطائرة تملكها شركة كاتا للنقل الجوى وهى شركة سودانية Kata Air Transport
انتونوف32 مثل الطائرة السودانية التى تحطمت وقتل طاقمها فى مولدوفا
Post: #9 Title: Re: تحطم طائرة شحن سودانية ومصرع جميع طاقمها ( صور ) Author: انعام حيمورة Date: 04-13-2008, 10:18 AM Parent: #1
Quote: الطائرة تملكها شركة كاتا للنقل الجوى وهى شركة سودانية Kata Air Transport
شكرا يا ستاذ عادل على المعلومة الكاملة ..
وانا من الصباح عايزة اعرف هي تابعة لاي شركة لاني اشتغل بشركة طيران سودانية ولكني هذه الايام في اجازة ..
كفارة لشركة كاتا .. وخسارة كبيرة ليهم والله ..
معتصم اتعلم ياخ الصور بس ما كفاية
Post: #10 Title: Re: تحطم طائرة شحن سودانية ومصرع جميع طاقمها ( صور ) Author: محمد عبد الماجد الصايم Date: 04-13-2008, 10:27 AM Parent: #9
Quote: معتصم اتعلم ياخ الصور بس ما كفاية
_____________________ الصور كمان دايرة ليها ماجستير؟
Post: #12 Title: Re: تحطم طائرة شحن سودانية ومصرع جميع طاقمها ( صور ) Author: Adil Osman Date: 04-13-2008, 11:10 AM Parent: #1
الطائرة المملوكة لشركة كاتا السودانية كانت تحمل 3.2 طن من الوقود الخاص فى طريقها الى منتجع الاناضول السياحى فى تركيا ومنها الى السودان. ماذا كان الغرض من الوقود الخاص؟ هل كان فى طريقه الى شركة/مصنع/منزل/ فندق تركى ام سودانى؟ ولماذا ينقل معتصم محمد صالح معلومات ناقصة او مضللة؟
