احتفالية رابطة المرأة السودانية بالشرقية في ختام دورتها

تقيم رابطة المرأة السودانية (الثقافية الاجتماعية ) بالمنطقة الشرقية احتفالية اليوم الختامي لدورتها الاولى وذلك بقرية الدولفين يوم الخميس الموافق 17 أبريل من الساعة الثالثة ظهرا وحتى العاشرة مساء
يشتمل اليوم على
* معرض للتراث السوداني
* معرض للثوب السوداني
* معرض لاعمال يدوية لعضوات الجمعية
وسوف تكون هنالك جوائز قيمة وهنالك ايضا سحوبات على التذاكر
فئة الدخول 20 ريال للفرد ( تشمل عرض الدولفين والاقزام والسيارة المدهشة وجميع الالعاب بالقرية

فوق
اي زول يقرأ البوست ده عليه الله يكلم ناس الشرقية لو بعرف فيهم زول
امانة في رقبيتكم عشان نتعارف كلنا اسر بي اطفالها وشبابها
يلا في الانتظار

الأخت الفاضلة أم سُهَىَ
تحيّة طيّبة

التّحيّة للمرأة السُّودانيّة في شتّى بقاع الأرض
أتمنّى لكن/ـم التّوفيق في إخراج اليوم بشكل موفّق




وُدّي وإحترامي
وتحاياي لأسرتك

الاخت ام سهى... تحياتي ... انصح بالاتصال بالصحف اليومية في المنطقة لتغطية الحدث لعمل اكبر ترويج ممكن، ففي جريدة اليوم جبر الله الامين وصلاح محمد الحسن وفي جريدة عكاظ عثمان عبدالله وفي جريدة دنيا الشرق عادل النيل وهؤلاء الاخوة سيفيدونكم كثيرا... مشكورين انتم على هذه المبادرة السودانية الخالصة.

أم سهى

سلامات يا عزيزة ماشاء الله همة ونشاط

مازلت أذكر لقاءنا بالنادي النوبي

في إحتفال يوم المرأة العالمي

الاخ لؤي
تسلم يا سيدي وشكرا على السند القوي
(لكن حفلة عوض عكاشة انشاء الله ما تنفعكم) هههه

الاخ كمال
انشاء الله سيتم الاتصال بمن ذكرت ولو ساعدتنا بكون فيك الخير
شكرا يا كمال فهذا ديدن عضوات الرابطة - نشاط وهمة ما شاء الله
تعرف مثل هذه النشاطات هي تعويذتنا الوحيدة في الغربة اللئيمة دي

الاخت انعام
مشتاقين موت
لكن يا بورداب الخرطوم الختيتوها رقدت
تحياتي

up
up

Quote: والاقزام

إقبال تحياتى ومشتاقين
ياختى الأقزام ده شنو?

محمد مكي
سلام
الاقزام ده عرض مرح للصغار
لوووول
اسة ما وقفك الا الاقزام ديل؟
تحياتي

أم سهى تحية ليك.. ومشتاقون

انا ما متأكده نقدر نجي.. لكن بنبه نادر عشان يشوف ليك ناس الجريده.. اشطبي جريدة اليوم من اتصالاتك.. نفسنا نجي، بس نادر بكون في الشغل... نساهم بالبنقدر عليه


بنت الحسين

الاخت ام سهى تم ارسال الخبر لعدد من الصحف في السودان...ارجو لكم التوفيق.

العزيزة بنت الحسين

لكي مودتي وسلامي ومشتاقين اكتر
لكن بعيد عنك انا شهر هنا و3 شهور في السودان وربك كريم
تحياتي لمحمود وسلامي للاخ نادر

مشكورة على همتك المعهودة يا بنت الحسين
خلاص حاولي الحضور قدر الامكان عشان محمود وعشانا كمان
لكي معزتي

الاخ كمال
تسلم ومشكور كتير على همتك وعلى تفاعلك معانا

يا ناس الشرقية الاحتفالية اليوم ما تنسو

لكم التقدير

يا ناس الشرقية الاحتفالية اليوم ما تنسو

Quote: اسة ما وقفك الا الاقزام ديل؟

لووول يأقبال
التحيه ليكن فى الرابطه ونتمنى نجاح الاحتفاليه..

دى زكرتنى قصه حقيقيه بعد الانتفاضه..جارنا أصغر مننا فى السن وكان يجلس ويستمع لما نقول باهتمام فى ونسه أولاد الحله العاديه..ولاحظت بعض الهم الهم على وجهه فسألته :مـــــالك? فقال:-يعنى بعد كده حيحكمونا الأحزاب!!وسألته:طيب والمشكله فى شنو?وبدأت أشرح له عن الديمقراطيه ودور الأحزاب السياسيه فيها.وبعد ذلك سألنى باسغتراب شديد :يعنى الأحزاب دى ما الناس السغار?
أخونا كان قايل الأحزاب يعنى الأقزام...
مودتى سلامى للجميع..
.......
تلفونى فى البرفايل

اختي العزيزة ام سهى
كنا نعد العدة لمشاركتكم هذا اليوم التاريخي ولكن لسبب ما
لم تتم هذه المشاركة وجمعية التراث والثقافة السودانية
تسخر كل الياتها وقنواتها لدعم اي عمل ثقافي سوداني مهما
كان نوعه وتوجهه واذا كانت هذه رغبتكم فنحن نحترم رأيكم
لاننا منكم ولكم مع تحيات جمعية التراث والثقافة السودانية

الاخ صالح عبده

((وجمعية التراث والثقافة السودانية
تسخر كل الياتها وقنواتها لدعم اي عمل ثقافي سوداني مهما
كان نوعه وتوجهه واذا كانت هذه رغبتكم فنحن نحترم رأيكم
لاننا منكم ولكم مع تحيات جمعية التراث والثقافة السودانية
كنا نعد العدة لمشاركتكم هذا اليوم التاريخي ولكن لسبب ما
لم تتم هذه المشاركة وجمعية التراث والثقافة السودانية
تسخر كل الياتها وقنواتها لدعم اي عمل ثقافي سوداني مهما
كان نوعه وتوجهه واذا كانت هذه رغبتكم فنحن نحترم رأيكم
لاننا منكم ولكم مع تحيات جمعية التراث والثقافة السودانية ))
;ونحن نحترم مشاركتكم معنا في اي عمل تقوم به الرابطة يا اخي فهو بالتاكيد يصب في نفس وجهة الجمعية الرامية الى عكس تراثنا وثقافتنا السودانية
والتواصل والمشاركة والتنسيق مع الروابط والجمعيات هذا ديدننا
كل حصل ان هنالك لبس ما حصل خاص فيما يتعلق بالترتيبات لليوم
عموما يا اخي اعتذر عن كل ما حال دون مشاركتكم ولكن ثق باننا في الرابطة تواقون للعمل مع كل الكيانات التي لا تتعارض مع دستورنا
ولك تقديري

الأخت العزيزة أم سهى

حمدالله على سلامة الوصول وسعيدين بعودتك

تمت الاحتفالية الختامية فى أمسية جميلة وجو رائع فى منتزه الدولفين على ساحل الخليج البديع، واشتملت على معرض للتراث السودانى ولمنتجات عضوات الرابطة من الاشغال اليدوية، وقد عطرت زهرات كورال الرابطة الأمسية بباقة من الأناشيد والأغانى الوطنية التى تجاوبت معها الحاضرات.كما تم تكريم بعض الاخوة الذين تعاونوا مع الرابطة ومهم:

الاستاذ عبد الله بن عوف: عن رابطة ابناء رفاعة
الأستاذ حيدر : مدير منتزه الدولفين
الأستاذ طارق
د.أمير فاروق: عن قرية المونوبولى
الأستاذ/الفنان التشكيلى: محمد الحسن لتصميمه شعار الرابطة
كما تم السحب على الجوائز المقدمة من كل من:
تيلى مونى
ومجوهرات حواء
الأستاذة زينب الشبلى.
تنويه:
تدعو رئيسة الرابطة: الأستاذة سلمى الشوية كل العضوات المسجلات الى حضور الجمعية العمومية التى ستنعقدان شاء الله يوم الجمعة الموافق:25/4/2008م الساعة الخامسة والنصف مساءأ، فى فندق النمران
بالخبر، والرجاء الالتزام بالمواعيد وعدم التخلف للأهمية.
الأخ الكريم صالح عبده::

كنا نتمنى مشاركتكم لنا فى هذه الاحتفالية، ولكن كما ذكرت لك سابقافقد قررت اللجنة التنفيذية عدم امكانية تأخير موعد الاحتفالية لشهر مايو لانتهاء الدورة الحالية فى شهر أبريل.
ونتمنى أن نراكم قريبا فى المنطقة الشرقية فى احتفالية رابطة ابناء رفاعة وحتى ذلك الحين فكلنا شوق لحضور برنامجكم الثرى والشيق.

تحياتى