الحمدلله انا ذاتي جدي ما انتي براك .. يا جبل ام علي نظرة ..
Post: #11 Title: Re: الطــــوب و الـــدراب يا بكرى Author: وضاحة Date: 04-11-2008, 07:20 AM Parent: #1
Ahmed Abdallah
ابيت
Post: #12 Title: Re: الطــــوب و الـــدراب يا بكرى Author: abubakr Date: 04-11-2008, 07:23 AM Parent: #1
Quote: يهد حيلون ديل الغربة ماهدتون
شايفة كيف ؟ غربة " عصي الدمع" ...
Post: #13 Title: Re: الطــــوب و الـــدراب يا بكرى Author: الطيب شيقوق Date: 04-11-2008, 07:53 AM Parent: #12
وضاحة
الرطاني
Quote: abubakr
يا شرير
انت ماك عارفة ابو بكر ده خط احمر شوفي يا وضاحة شتري بدرابك ده جاى وجاى لكن البرش ابو بكر ده باللبن بنرشو بالدم .
هييييييييييييييع
Post: #14 Title: Re: الطــــوب و الـــدراب يا بكرى Author: abubakr Date: 04-11-2008, 07:56 AM Parent: #1
Quote: abubakr
يا شرير
ديانجو ..واو WOW!!
اها اسويها كيف?? عايز لي منتج ومخرج , ماعليك بالحصان بجيبو ..والكتاحة مقدور عليها والبوت بتاع الجلد برضو ممكن .. بس المسدس البدور في اليد داك واقوم انفخ فيهو بعد الطلقة القاهو ووين ( قالو في طيارة وصلت مطار الخرتوم امبارح وعليها علامة ال UN ووجدو مسدسات كتيييييرة فيها .. شفتي كيف انا شرير ) والتاكيللا في كتيييييير .....اها بقينا في صالة العرض .. كلوزيوم في واللا بقت عمارة استثمارية ؟؟؟طيب سينما العرضة ؟؟ برضو عمارة استثمارية .. خلاص السينما المتجولة واللا دي كما اغتربت ( اصلو انا شفتها بجاي زمان ونفس الجماعة الكانو بدوروها لينا في حلفا .. عجيبة ) .. خلاص انتي اشتري جهاز دي في دي وشاشة السي دي فلات (بسيطة مش كدة ؟ ) انا حاجيب التاسالي والسندوتشات في طبلية ....
كدة سينما يا بلاش ....
Post: #15 Title: Re: الطــــوب و الـــدراب يا بكرى Author: abubakr Date: 04-11-2008, 07:57 AM Parent: #1
Quote: انت ماك عارفة ابو بكر ده خط احمر شوفي يا وضاحة شتري بدرابك ده جاى وجاى لكن البرش ابو بكر ده باللبن بنرشو بالدم .
هييييييييييييييع
ياواد يا ختييييييير
Post: #16 Title: Re: الطــــوب و الـــدراب يا بكرى Author: الطيب شيقوق Date: 04-11-2008, 08:04 AM Parent: #15
Quote: ياواد يا ختييييييير
الرطاني شوف البنية دى بدرابها الكبار ده ابعد منها بتعوقك لكن عايزك تدورها لي بجاي وبجاي وبجاي وخليها تقرّب منى وخلى باقي الشغل لي انا وحياتك تاني البوست ده اكان بقى قبلة ما بتصلي عليها.
بلا وضاحة بلا لخمة
انتي مالك يا بت ماعارفنا نحن الرجال شرادة وورادة
هييييييييييييع انا مقنع الكاشفات
Post: #17 Title: Re: الطــــوب و الـــدراب يا بكرى Author: abubakr Date: 04-11-2008, 08:11 AM Parent: #1
Quote: انتي مالك يا بت ماعارفنا نحن الرجال شرادة وورادة
شرادة دي من يشرد يعني يقوم جاري ..وورادة يعني وشو يبقي مورد احمر اخدر اصفر وكت الحارة مش ؟؟؟
Post: #18 Title: Re: الطــــوب و الـــدراب يا بكرى Author: وضاحة Date: 04-11-2008, 08:13 AM Parent: #1
abubakr
هوى انا مابحب السياسة والله بكرها كرهى للبشير
عندك كلام حنين قولوا ماعندك براطيشك قدامك
اسمع نزل لينا اغنية لعاصى الحلانى بحن اسمها
اكان يحنوا السودانين الزى حجر جبل ام على ديل
وجيب معاك سندوتشات توستر من كنتاكى
خلى الطيب دا يتشق
Post: #19 Title: Re: الطــــوب و الـــدراب يا بكرى Author: abubakr Date: 04-11-2008, 08:17 AM Parent: #1
Quote: هوى انا مابحب السياسة والله بكرها كرهى للبشير
اتاري دبانجو سياسة وماني داري ؟؟؟
Post: #21 Title: Re: الطــــوب و الـــدراب يا بكرى Author: الطيب شيقوق Date: 04-11-2008, 08:25 AM Parent: #19
Quote: شرادة دي من يشرد يعني يقوم جاري ..وورادة يعني وشو يبقي مورد احمر اخدر اصفر وكت الحارة مش ؟؟؟
ضحكتني
البت هنا بتكتلنا بالضحك احسن نوريها عرض اكتافنا شيل معاك ساندوتش ويلا نبعد من الشر ونغنيلو
Quote: شيقوق خلي يتشق
يشق حلقك يا مطموسة وحقو تعرفي نحن الان بصدد اعداد بوست بعنوان
لا رجال بلا نساء ولا نساء بلا رجال
لكن النساء الكاربات والما وهم زيك كده
Post: #20 Title: Re: الطــــوب و الـــدراب يا بكرى Author: وضاحة Date: 04-11-2008, 08:21 AM Parent: #1
الطيب شيقوق
يرشك خرطوش سيارة المطافى قول امين
قال يرشنى قال
بكور تعال بجاى اناعارفة الرجل الحاسد دا
قال مقنع الكاشفات هن كلهن بقن عريانات يغطوا ثنو ولا ثنو
لزوم الاستايل والقنوات الفضاية
Post: #22 Title: Re: الطــــوب و الـــدراب يا بكرى Author: وضاحة Date: 04-11-2008, 08:46 AM Parent: #1
الطيب هوى ارع بى قيدك
رجال شنو ونسوان شنو
الرجال ماتوااااااااااااااا زمان فى كررى
النسوان فى المنتديات والمسنجرات والرجال يشخروا وكرعينن مكسرات قال رجال
ماتقوم تلف كده ولا كده
Post: #23 Title: Re: الطــــوب و الـــدراب يا بكرى Author: الطيب شيقوق Date: 04-11-2008, 09:04 AM Parent: #22
Quote: النسوان فى المنتديات والمسنجرات والرجال يشخروا وكرعينن مكسرات قال رجال
لوووووووووووووووووووووووووووووول
Post: #30 Title: Re: الطــــوب و الـــدراب يا بكرى Author: وضاحة Date: 04-11-2008, 11:01 AM Parent: #23
انت يلوى نخرتك قاعد لى وليع النيران
Post: #25 Title: Re: الطــــوب و الـــدراب يا بكرى Author: أيمن الطيب Date: 04-11-2008, 09:14 AM Parent: #22
سلامات يا وضاحة,,
Quote: من اخش جسمى يرجف الرجال غير السياسة والمشاكل ما عندهم شى
رجااااااااااااااال يا حاجة,,
الكلام دا إنت متأكده منو!!!!!!!!!!!! والله هرشوك
خليك زولة حقانية وقولى الحق,,,, عندك فرصة سريعة لتلقى نظرة لما تفعله بعض النساء هنا,,
وما بيناتنا,,, _________________________________ شخصيا كده أختلف معك تماما,,, وفى أسوأ الفروض القصة درون
Post: #24 Title: Re: الطــــوب و الـــدراب يا بكرى Author: abubakr Date: 04-11-2008, 09:07 AM Parent: #1
Quote: بكور تعال بجاى اناعارفة الرجل الحاسد دا
او ع "بكور" دة يكون انا الرطاني ؟؟؟ انا لحد ما بلغت من العمر عتيا ( زي زي ود شيقوق ) ما في زولا دلع اسمي ب"بكور" الزي ال "بخور" ده.. اها يا "ابكر" يا "بكري ( اها الهناودة عندهم الغنماية بقريييي نطقها زي بكري ب شان كدة لو واحد قال بكري بس اخاف من الجزارة ) .. وبعدين في ذمتك ( بالكسرة علي التاء او بدونها ) عرفنا "وضاح" بس "وضاحة" كيف يعني ( اصلو انا بستعمل قاموس الجيب العربي .. ما رطان سااااي )....قال وضاحة قال ....
Post: #26 Title: Re: الطــــوب و الـــدراب يا بكرى Author: الطيب شيقوق Date: 04-11-2008, 09:18 AM Parent: #24
Quote: ما في زولا دلع اسمي ب"بكور" الزي ال "بخور"
رزق ساقه الله اليك يا بكور الزي البخور
هييييييييييييع في نومو ولقى كومو
هوووووووووووى يا بكور البنية دى جاسرة ابعد منها بتجيب ليك الهواء و بتخرب بيتك
Post: #27 Title: Re: الطــــوب و الـــدراب يا بكرى Author: abubakr Date: 04-11-2008, 09:25 AM Parent: #1
Quote: هوووووووووووى يا بكور البنية دى جاسرة ابعد منها بتجيب ليك الهواء و بتخرب بيتك
هو بيتي دة عاملو من مكعبات ليقو؟؟ ( اها يالطيب ووضاح(ه) ليقو يعني الزي دة ؟ )
Post: #28 Title: Re: الطــــوب و الـــدراب يا بكرى Author: رأفت ميلاد Date: 04-11-2008, 09:33 AM Parent: #27
إزيك يا وضاحة ومشتاقين
مالك ؟؟؟
عندى ليك وصفة .. بس كان فى دكان إغريقى فى عشش قلاتة .. شوفى لى فتح فى حتة تانى .. ولا هاجر ؟
كان هاجر تبقى عوجة .. عاد تانى مافى إلا الفكى الصينى ..
يا زولة قرفةعامة بتمر مرات كدة
الوصفة: يانسون وكراوية
Post: #29 Title: Re: الطــــوب و الـــدراب يا بكرى Author: GamarBoBa Date: 04-11-2008, 10:50 AM Parent: #28
وضاحة سلامات كلامك فهمناه ودراب البورد ده ما زي ما متخيله ابوبكر بنتهي ...الزول بنوم يلقي الدراب جاهز زي رمي الجمرات...وحيكون كدة ليوم الدين
وناس السياسة عيارهم جد بقي فالت ...كله بقي شكل وشخصنة مواضيع وفي بلاوي متلتلة في البلد
لكن المافهمتو في بوستيك لقيت العريبي بتغزل في الرطاني بس دي داير افهمها نا
وخليك بجاي والناس دي كلها قاعدة اقامة جبرية
Post: #31 Title: Re: الطــــوب و الـــدراب يا بكرى Author: وضاحة Date: 04-11-2008, 11:17 AM Parent: #1
أيمن هوى
انا مافى زول بهرشنى
بقول العاوزة اقولوا
والله جنى وجن النسوان بتاعن السياسة ما بحب السياااااااااااااااااااسة
ما تجننونى
عندك تسالى
Post: #32 Title: Re: الطــــوب و الـــدراب يا بكرى Author: وضاحة Date: 04-11-2008, 11:26 AM Parent: #1
Post: #33 Title: Re: الطــــوب و الـــدراب يا بكرى Author: وضاحة Date: 04-11-2008, 11:41 AM Parent: #1
الطيب بطل حقد
انا جاسر
يجسر فيك اسد يعدمك الحتة
بركة الشيخ ابو فركة
Post: #34 Title: Re: الطــــوب و الـــدراب يا بكرى Author: وضاحة Date: 04-11-2008, 11:47 AM Parent: #1
رأفت
والله شوق كميات
عشش فلاتة هى فضل فيها حتة قالوا رحلوا فى حتة اسمها الوزير دقس
اصلن كلهم داقسين
النزجبيل كيف
Post: #35 Title: Re: الطــــوب و الـــدراب يا بكرى Author: وضاحة Date: 04-11-2008, 12:02 PM Parent: #1
GamarBoBa
والله اسمك سمح
ناس السياسة ديل لو وقفوا منهم الويل فير كانوا بستعدلوا وراسن جاء وشفوا ليهم شغلة
لكن الحيكومات بتدفع يا بتى الله غالب
الرطانى والتانى برى منهم دى تكون موضة
زمان االبنات بجكسوا الرجال
هسى بقى العكس اظنوا
الله يستر
Post: #36 Title: Re: الطــــوب و الـــدراب يا بكرى Author: ماجدة عوض خوجلى Date: 04-11-2008, 12:11 PM Parent: #1
Post: #39 Title: Re: الطــــوب و الـــدراب يا بكرى Author: abubakr Date: 04-11-2008, 12:44 PM Parent: #36
Quote: استطيع ان اجزم ان من يكتب باسم اخى ابوبكر ليس هو اخاف ان يكون قد تم تهكير الباسوورد
عزيزتي ماجدة ...انا بلحمي وشحمي وكلماتي هنا لا تتجاوز دعابة عامة نحتاج اليها او نحاول من خلالها- برغم خروجهااحيانا عن سياق ما نكتب عموما - كسر رتابة ما.. ليس فيها قصد مسبق ولا ترمييز فالمنبر ساحة اسفيرية واسعة يجتمع فيها كثر من كل الدروب والمشارب .... مودتي ابوبكر
Post: #37 Title: Re: الطــــوب و الـــدراب يا بكرى Author: abubakr Date: 04-11-2008, 12:24 PM Parent: #1
Post: #40 Title: Re: الطــــوب و الـــدراب يا بكرى Author: GamarBoBa Date: 04-11-2008, 12:49 PM Parent: #37
Quote: صباح الخير وضاحه والجميع استطيع ان اجزم ان من يكتب باسم اخى ابوبكر ليس هو اخاف ان يكون قد تم تهكير الباسوورد تحياتى للجميع ....
أستاذة ماجدة سلامات
قلقتي بي ....
لكن لحدي الصورة بتاعة Lego نفس نمط الكتابة....في المداخلة الاخيرة وقبلها كم مداخل نبهتيني لشوية اختلاف
كدي نتأكد
Post: #38 Title: Re: الطــــوب و الـــدراب يا بكرى Author: abubakr Date: 04-11-2008, 12:28 PM Parent: #1
ناسف للتكرار لخلل ما
Post: #41 Title: Re: الطــــوب و الـــدراب يا بكرى Author: وضاحة Date: 04-11-2008, 12:50 PM Parent: #1
abubakr
دا شنو مافهمت؟؟؟؟؟؟؟؟؟؟؟؟؟
انت هكر يعنى؟؟؟؟؟؟؟؟؟؟؟
لو هكر لم براطيشك واتخارج
خلينا نكمل الونسة بطل حسادة
Post: #42 Title: Re: الطــــوب و الـــدراب يا بكرى Author: Muna Khugali Date: 04-11-2008, 01:32 PM Parent: #41
Quote: عزيزتي ماجدة ...انا بلحمي وشحمي وكلماتي هنا لا تتجاوز دعابة عامة نحتاج اليها او نحاول من خلالها- برغم خروجهااحيانا عن سياق ما نكتب عموما - كسر رتابة ما.. ليس فيها قصد مسبق ولا ترمييز فالمنبر ساحة اسفيرية واسعة يجتمع فيها كثر من كل الدروب والمشارب .... مودتي ابوبكر
أبو بكر أخوي وأخوكم ده ما اسلوبه..حتي ولو قصد الخروج من الرتابه! ليس اسلوبه في الفكره ولا في استخدام المفردات!
Post: #43 Title: Re: الطــــوب و الـــدراب يا بكرى ابو بكر Author: وضاحة Date: 04-11-2008, 04:52 PM Parent: #1
abubakr
استاذى انا اسفة لك العتباء حتى ترضى
والله انا بت مطرطشة ساى
وجديدة فى المنتدى
قلت اعمل تغير من السياسة والهم داء
انا اسفة مرة اخرى
Post: #44 Title: Re: الطــــوب و الـــدراب يا بكرى Author: abubakr Date: 04-11-2008, 08:39 PM Parent: #1
Quote: استاذى انا اسفة لك العتباء حتى ترضى
يابتي ما في مشكلة تب ومرحب بيك اضافة حقيقية تساهم في خلق اجواء اكثر حميمية من خلال خطاب انساني يجمعنا ....
Post: #45 Title: Re: الطــــوب و الـــدراب يا بكرى Author: أبوبكر أبوالقاسم Date: 04-11-2008, 11:48 PM Parent: #1
الأخت/ وضاحة .......تحية طيبة
والله السخرية والدراب متوفرات عندك....
Quote: GamarBoBa
والله اسمك سمح
ناس السياسة ديل لو وقفوا منهم الويل فير كانوا بستعدلوا وراسن جاء وشفوا ليهم شغلة
لكن الحيكومات بتدفع يا بتىيا بتى الله غالب
الله غالب ومخّير الله
Post: #46 Title: Re: الطــــوب و الـــدراب يا بكرى Author: Tragie Mustafa Date: 04-12-2008, 04:37 AM Parent: #45
وضاحه سلامات الطيب شيقوق ده راجل طيب وحاتك وليس شرير وكمان ما بتاع سياسة مشيلاه براطيشه لي يختي؟؟؟؟
اتونسي منو القال لك ما بنعرف ليها بس شوفي لينا موضوع ظريف كلنا بنجي بجاي. تحياتي.
Post: #47 Title: Re: الطــــوب و الـــدراب يا بكرى Author: وضاحة Date: 04-12-2008, 09:25 AM Parent: #1
أبوبكر أبوالقاسم
دى الحقيقة هسى لو مشغولين كانوا نسوا الدنيا
Post: #48 Title: Re: الطــــوب و الـــدراب يا بكرى Author: وضاحة Date: 04-12-2008, 09:33 AM Parent: #1
Tragie
هلا يا قلب
الطيب دا فردتى ولزيز جدا
والله المنتدى غير السياسة والشكل مافيه اى ونسة
التقول عندهم تار
برى زى دا ماشفتى
Post: #49 Title: Re: الطــــوب و الـــدراب يا بكرى Author: الطيب شيقوق Date: 04-12-2008, 12:08 PM Parent: #48
تراجي
شكرا ليك يا لذيذة
بس البنت دى ما تستاهل تجي بوستيها لانها مسجمة ومسيخة لكن مع ذلك خليني اهديها النغم الجميل ده يمكن يغير مفاهيمها .
Post: #50 Title: Re: الطــــوب و الـــدراب يا بكرى Author: هاشم أحمد خلف الله Date: 04-13-2008, 11:18 AM Parent: #49
وضاحة كيفنك والله شدتني دعوتك بتاعت جدي الشيخ حامد اب عصاة سيف انتي قريبتي ولا كيف ؟؟ انا عمرابي ومن منطقة جبل ام علي إذا كنتي من نفس المنطقة كدي قولي لي والباقي نتمو في المسنجر
Post: #53 Title: Re: الطــــوب و الـــدراب يا بكرى Author: محمد البشرى الخضر Date: 04-13-2008, 02:01 PM Parent: #50
Quote: والباقي نتمو في المسنجر
عاد يا هاشم ما بسالك حالتك بقت صعبة خالص
Post: #51 Title: Re: الطــــوب و الـــدراب يا بكرى Author: sama7 Date: 04-13-2008, 11:51 AM Parent: #1
وضاحة:
Quote: يهد حيلون ديل الغربة ماهدتون
دى ما سبقك فيها زول
صدقتى والله
Quote: رجااااااااااااااال يا حاجة,,
ايمن ده خليه ساى مهروش ليله ونهاره..
شيقا:
Quote: انت ماك عارفة ابو بكر ده خط احمر شوفي يا وضاحة شتري بدرابك ده جاى وجاى لكن البرش ابو بكر ده باللبن بنرشو بالدم
جنس كسير تلج
يا جماعة فى احتمال يكون هكر؟
اريته يحلك
سيدنا:
Quote: شرادة دي من يشرد يعني يقوم جاري ..وورادة يعني وشو يبقي مورد احمر اخدر اصفر وكت الحارة مش ؟؟؟
يعنى انت مستنى منو شنو؟
غير الجرى
صح يا شيقا؟
قمر بوبا:
Quote: لكن الحيكومات بتدفع يا بتى الله غالب
الطوبة الجات فوق راسك مقاسها ما حصل
ما عجبنى ليك
Post: #52 Title: Re: الطــــوب و الـــدراب يا بكرى Author: الطيب شيقوق Date: 04-13-2008, 12:34 PM Parent: #51
سماح
Quote: يعنى انت مستنى منو شنو؟
غير الجرى
في الحيشان صاح ؟
خواجات !!!!!!!!!!!!!
Post: #54 Title: Re: الطــــوب و الـــدراب يا بكرى Author: وضاحة Date: 04-13-2008, 05:26 PM Parent: #1
الطيب
يا سلام على كسير التلج بتاعك
حاجة حلوة الاغنية
Post: #55 Title: Re: الطــــوب و الـــدراب يا بكرى Author: وضاحة Date: 04-13-2008, 05:31 PM Parent: #1
هاشم أحمد خلف الله
انا جعلية اصلية ما لميم
انا ما بتاعت مسنجرات امشى شوفها فى حوش تانى
انا بضحك وتونس هنا بس دا حدى
قال ماسنجر يسجنوك فى قبة الشيخ عمر
Post: #59 Title: Re: الطــــوب و الـــدراب يا بكرى Author: هاشم أحمد خلف الله Date: 04-13-2008, 08:19 PM Parent: #55
Quote: قال ماسنجر يسجنوك فى قبة الشيخ عمر
الله يسامحك
Post: #75 Title: Re: الطــــوب و الـــدراب يا بكرى Author: Rasha Hatim Date: 04-15-2008, 07:54 AM Parent: #55
Quote: انا جعلية اصلية ما لميم
انا ما بتاعت مسنجرات امشى شوفها فى حوش تانى
انا بضحك وتونس هنا بس دا حدى
هيييييييييييييييييييييييييع
وجع
Post: #56 Title: Re: الطــــوب و الـــدراب يا بكرى Author: وضاحة Date: 04-13-2008, 05:51 PM Parent: #1
سماح
يا عثل شكلك بتاعت وليع نيران
بطلى حركات وخلينا نتونس ما تعملى لى سياسة هنا
وين خلودى اللية يا جماعة
عاوزة ينزل لى اغنية لى حسين شندى
Post: #57 Title: Re: الطــــوب و الـــدراب يا بكرى Author: الطيب شيقوق Date: 04-13-2008, 07:29 PM Parent: #56
وضاحة
Quote: أأأأأأأأأأأه ه من دار جعل
امشى يا سجم الرماد ده عندو فكي كارب ملبسو عرق محبة لابسو حجبات في ضرعاتو ساعتين يتل ضراعو لا فوق بجيب الواحدة ترقص حدوق الرنة .
وضاحة اكان اديتيهو شبال دى فيها الموووووووووووووووت
Post: #64 Title: Re: الطــــوب و الـــدراب يا بكرى Author: رأفت ميلاد Date: 04-13-2008, 10:06 PM Parent: #63
كيفك يا وضاحة
شايف شيقوق ما مقصر معاك شيخ العرب حربى ..
زولنا ودفعتنا برضو .. خليك مع ناس هشومى ده الشباب
Post: #65 Title: Re: الطــــوب و الـــدراب يا بكرى Author: الطيب شيقوق Date: 04-13-2008, 10:14 PM Parent: #64
رافت
Quote: شايف شيقوق ما مقصر معاك شيخ العرب حربى ..
ازيك يا حلو منك طوووووووووووووووولة والله مشتاقين - وضاحة دى بقصروا فيها كيف؟ رغم انها ما مضمونة هسع تقلب على لكن انا جاهز بالباتريوت بتاعي اى صواريخ اسكوت تفكها تندم عليها
Post: #66 Title: Re: الطــــوب و الـــدراب يا بكرى Author: رأفت ميلاد Date: 04-13-2008, 10:29 PM Parent: #65
Quote: وضاحة دى بقصروا فيها كيف؟ رغم انها ما مضمونة هسع تقلب على لكن انا جاهز بالباتريوت بتاعي اى صواريخ اسكوت تفكها تندم عليها
يا شيقوق وضاحة دى بتى عديل وضامنا ليك 100% .. والقلب أبيض من اللبن .. بتشوفا لى قدام ..
مشتاقين يا رجل يا أصيل
التعديل لوضع إقتباي لكلام شيخ العرب
Post: #67 Title: Re: الطــــوب و الـــدراب يا بكرى Author: وضاحة Date: 04-14-2008, 00:24 AM Parent: #1
هاشم أحمد خلف الله
يسامح الجميع
Post: #68 Title: Re: الطــــوب و الـــدراب يا بكرى Author: وضاحة Date: 04-14-2008, 00:38 AM Parent: #1
Post: #69 Title: Re: الطــــوب و الـــدراب يا بكرى Author: وضاحة Date: 04-14-2008, 00:43 AM Parent: #1
الطيب
خلى ينشق كررررررررررررررررررررررر
انت مالك ود اهلى وهو فاهم انا بقصد شنو
تربطنى يربطك انشاء الله من اضانك
Post: #70 Title: Re: الطــــوب و الـــدراب يا بكرى Author: وضاحة Date: 04-14-2008, 01:12 AM Parent: #1
Post: #71 Title: Re: الطــــوب و الـــدراب يا بكرى Author: خالد علي محجوب المنسي Date: 04-14-2008, 07:45 PM Parent: #70
يا وضاحة شفي جنس الكلام دا وصف السمحة في رقيصا
شادي الحفلة طنَّ وبي الأكليل سفر والنشاب توتر ولي الفاتر غفر ظبي الريم تبختر ولي الأساد غفر ومعنى الحفلة كائن علي واحد نفر
الكتف المهدّل والجسم أنجبر والصاد والمزمزم والغيم والدبر والضهر المتنّى والتيه الأبر دا الخلاني ساهر وفي عيني دبر
شيقوق قادر تتخيل المنظر دا كيف البنت في رقيصها تنقسم البانة حتى تلتحم أكتافها مع الكفل قول هييييييييييييييع لما دميعاتك إسيلن بس ماتدي شبال يا واضحة سمح ؟
شن أسووو آه أنا الجنيت وقلتا هوووووووو أها يا شيقوق محل رهيفا التنقد والخلا ولع والبحر جاب ولاد الدندر
Post: #72 Title: Re: الطــــوب و الـــدراب يا بكرى Author: Rasha Hatim Date: 04-14-2008, 07:55 PM Parent: #70
احيييييييييييييييييييييا الرز
والله لكن ماسورتكم حلجت خلااااااس
الحبيب يشيل ويقلع في الباسووردات البتهز وترز وفاكي فينا ال سوركتي
غايتو جنس غايتو (كل وشوشك يا اب شنب من البدور للبتطوطح)
Post: #73 Title: Re: الطــــوب و الـــدراب يا بكرى Author: وضاحة Date: 04-14-2008, 08:20 PM Parent: #1
Post: #74 Title: Re: الطــــوب و الـــدراب يا بكرى Author: وضاحة Date: 04-14-2008, 08:44 PM Parent: #1
Post: #76 Title: Re: الطــــوب و الـــدراب يا بكرى Author: وضاحة Date: 04-16-2008, 11:05 PM Parent: #1
