الكلب ضبحوه وملصوا ليه هدومه

هذا ما قاله طفل أحد المغتربين وهو يهاتف والده من الخرطوم بعد أن شاهد عملية ذبح وسلخ خروف الكرامة لوصولهم لأرض الوطن سالمين .

غايتو ألله يعينا ويفك غربتنا ، قولوا آمين .

ماهر

ياطويل العمر.....
كيفنك ياخي....

ترجعوا وين
خليك قبلك...خاصة بعد بقيتو انت وابدول تركبوا طيارات خاصة ....دي بلد مشلعة ساي



قلت لي الكلب ملصوا ليه هدومة....طيب لو شافوا جمل بنحروا فيه كان قالوا غزوة بدر؟

قمر بوبا لك التحية والود ،،

قلت لى ما تجوا ؟؟؟ يا أخوانا طيب نعمل شنو ؟؟؟ القرف أصبح لحد هنا ،، الطيارة الخاصة دى قلنا نرتاح فيها من إنتظار المطارات قاموا الجماعة قلبوها إجتماعات داخل الطائرة ذهاباَ وإياباَ.

والله كلام الولد ده خلانى أضحك يومين متواصلين ، وطبعاَ بتكون عرفته هو منو ،، والغربية فى كلامه هذا أن الكلاب غير موجودة بتاتاَ هنا فى الدمام ولا أظن أنه رآه من قبل مالم يكن رأه تواَ عند قدومه هنالك ،، غايتو هو طلع أحسن من ولدى عندما حضر لأول مرة فى السودان حيث أتى منطلقاَ من الشارع كالصاروخ وقال : يا بابا تعال شوف الكديس الكبير ده ، طبعاَ هو شاف غنماية .

أعتقد أنه من المناسب إرسال الأولاد نهائياَ للسودان عندما يبلغ أول طفل مرحلة الأساس مهما كانت التضحيات .

خالص التحية لك ،،،

ماهر