عواطف ابو زيد .. رجعوها الزراعه

عواطف ابو زيد سودانيه عاديه
من ذلك الزمن الجميل الموشح بارهاصات لزمن اجمل
درست المهنه و فنها في الزقازيق
و في الزقازيق كان عشقها و كانت الزقازيق محطتها الكبري
في مسيرات متشعبه
بعد التخرج ( عينوها) في الزراعه (وزاره الزراعه)

جاءت الانقاذ و و اطاح صالحها (طالحها) العام بالوظيفه و الماهيه
و بي ساعات الفطور و الشاي مع ناس احمد و حويرص و تميم و عصام و عايده و امين و فاطمه و سعاد
و نعمات الجبل و اسماء و نجاه و كل عناقيد الزراعه و الغابات
و ملح الارض ناس الزراعه الاليه (زراعه عشه و نعمات و اسيا)
و الاقتصاد الزراعي وعمدته ماجده محمد علي

نسيت ان اقول عواطف ابو زيد و جه صبوح صباح البسمه
عند اطفالنا..لها قلب ابيض بياض ثوبها الابيض (و ده طبعا
قبل العبايه الانقاذيه السوداء سعوديه المنبع و ايرانيه المنبع، ايضا.
و كذلك العبابيه ام الوان بعد الديكورات الانقاذيه)

شكرا يا أميرة، ومبروك لعواطف العودة للزراعـة.

الســودانيين كلهم مفروض يرجعـوا للزراعـة.

رفضت عواطف كما رفضت كل متمردات الزراعه العبايه و مادس فوقها و تحتها
من تكريس لقيم و ممارسات رمتهما المراه السودانيه علي قارعه الطريق
في مسيرتها من اجل الانعتاق و (تقرير المصير)

و عندما تمادت الانقاذ في غيها و فرضت العبايه و حجاب العقل و قفت الزراعيات
و قلن( ترتر) للعبايه فكان الطالح العام
و ضمت اللسته امنه الكارب
وجانا في نفس اليوم خبر لسته الماليه و فاتن فضل محكره مع امال كنه و غيرهن
في نصها و قبل الماليه
طلعت لسته التجاره و فيها فاطمه فضل و....

و كل نوار الزراعه و كمان الماليه و التخطيط و التجاره
زينوا اللسته

من نشاطات عواطف قبل الفصل تاسيس فصل لمحو الاميه
بوزاره الزراعه و بتاسيس اعني كل شئ من التبشيره
و حتي الموارد البشريه،
لا ادري عدد الذين تعلموا فك الخط علي يديها
و لكني لا انسي ذلك اليوم و انا اري الخاله
المراسله و هي تفرد لنا شهاده التخرج
و كانها تفرد الدنيا و طلاسمها و تقول
سادخل دنياكن ايتها المتعلمات و سترون
كيف اكون
و قد كان فبعدها راينا خاله اخري موشحه
بهالات الاعتداد بالنفس و الامل و الرؤي الجديده
و عندها صار لمعني محو الاميه بعدا جديدا

و انقطعت الدورات التعليمه اذ اطيح بالاستاذه
عواطف و احيلت للطالح العام

و لكن لم يطح بالاحلام...

و قبل ايام قالوا عواطف رجعوها الوزاره
و ما بين الرفد و (الرجيع) سالت مياه كثيره
في البرك الزراعيه
و الانهار الاخري
و ترعرت اسماك صغيره و برزت للسطح
حيتان تاكل مال النبئ و لا تستحي
حيتان تمتص الدماء و البترول و العسل
و تكتنز الدهب و الفضه و السمسم و العيش

و قبل ان ازيد لكل الذين اكتوا بالطالح العام اهدي هذه الابيات

Quote: من نشاطات عواطف قبل الفصل تاسيس فصل لمحو الاميه بوزاره الزراعه

عواطف ابو زيد .... من أعز صديقاتي .. من أعز حبيباتي ...

كيف لا وهي التي علمتني العمل العام ... كيف لا وهي التي غرست فيني العمل الانساني ...


عملنا معا .. تصدقوا .. !!

في تجربة الاتحاد النسائي الثرة (جمعية ربات البيوت ) ...

فكان هدفنا خدمة مجتمعنا مجتمع مدينة الصحافة ...

فكنا انا وعواطف نذهب الى مصنع سعيد للمواد الغذائية عشان نشتري الصلصلة ايام كانت معدومة ونجي نوزعها على البيوت بسعر المصنع !!!

كنا انا وعواطف نذهب الى طيبة الحسناب لنشتري البيض والجداد .. من المزرعة ونجي نوزعهم على البيوت بسعر المزرعة !!!


تجربة اكسبتني التفاعل الاجتماعي وحب العمل العام والانساني ..


احبك يا عواطف ابو زيد .. والف مبروك رجوعك للزراعة وعقبال رجوع الباقين ..



شكرا يا اميرة عثمان على هذه المساحة التي رجعتني لسنين الزمن الجميل !!

تحيه عاليه للأخت عواطف أبوزيد والأخت فاتن فضل وبقية الكوكبة من أخواتنا من الزمن الأخضر.
عواطف ، كما عرفناها، ليست من فصيل التسويات وشهادة إنعام تشبه عواطف تماما.
ألف تحية يا أميرة.

آلاف التهنئات والتبريكات للمناضلة عواطف أبوزيد

الف مبروك
عقبال باقي المحالين / ات للصالح العام كلهم

اهلا بالاستاذة عواطف ابو زيد

وعبرك نقول ليها مبروك ومزيدا من الانتاج ...

عرفناها غاية في التهذيب والاحترام وعملت معنا في العمل العام في مدينة الصحافة ..

الف تحية لها وشكرا ليك يا استاذة اميرة ..

العزيز اب ريش،
شكرا لمساهمتك الاولي و المباركه،
و معا حتي ارجاع اخر مفصول
في كل مصلحه
عامه كانت ا و خاصه او( بين بين)
و في اي رقعه في الوطن الحبيب

العزيزه اشراقه،
كم انا سعيده بمساهمتك هنا
و بالتقائك مع عواطف في دورب التفانيء
و العطاء،
و تلك التجربه مع ربات البيوت، في رائي،
تحتاج للتوثيق..
و يا حبذا لو تحدثينا عنها اكثر،
ربما في بوست قادم

Quote: العزيزه اشراقه

اهة يا لنا مهدي ، هي دائما عاملة لينا كدة اشراقة انعام وانعام اشراقة ..


لكن كلنا واحد مافي مشكلة وسهام ابو عاقلة كمان بتسلم عليك ..



والتحية للحبية عواطف ابو زيد ..


ايوة زي ما قلتي تجربة ربات البيوت تحتاج فعلا لبوست توثيقي خلاص نعملوا سوا .. رايك شنو ؟؟

ياسلالالام يا أميرة
كتابتك سمحة
في زولة سمجة بالحيل

التحية والتقدير ل عواطف ابوزيد
ول عمر عوض
ولكل ذلك الرهط الجميل في الزقازيق

ونعود

ألف مبروك لعواطف إستردادها لحقها وإعادتها لوظيفتها

أميرة سلام عليك وعلى المعاك

العزيزمحمد المرتضي،
شكرا علي المرور
عواطف ابو زيد و فاتن فضل
نساء اسهم بالكثير هن وهناك
ولازلن
لهن التحيه و هن يزرعن الامل اينما حللن

العزيز نصر،
لك شكري علي المرور و التهنئه،
و بالمناسبه هل انت زقازيقي؟

سلام يا أميرة من السودان
تصورى يا اميرة وتانى يوم لوصولى للوطن ومن الصباح الباكر, كنت على موعد مع عواطف.... ووجدتها رغم السنوات والأحزان جمالا وبشرى.... وتحمل ورقة مطبوعة من هذا البوست.. وبتواضعها الجم ذاك الذى أعرف وتعرفين, قالت لى: أميرة تعطينى أكثر من حقى... أنا مجرد شخص يعمل من أجل من يحتاج!!!
نعم عادت عواطف للعمل بوزارة الزراعة بعد ثمانية عشر عاما خسرتها وزارة الزراعة وخالتاها والسودان.
واليوم وأنا بالوزارة استعيد الذكريات مع من تبقى من رفاق الزمن الجميل... تكلمت مع عصام جمال الدين وهو يتوق للكتابه عن عواطف وعنك وكل رائعات وزارة الزراعة...
ولا تنتهى المفاجاءات لتخطرنا الأخت سعادابراهيم بأن لسته جديدة من المعادين للعمل قد أعلنت تشمل: صلاح شرف الدين, عبداللطيف محمد سعيد "شفاه الله", صلاح عوض, عبدالمنعم الحويرص, عواطف محمد عثمان وحسن محمد أحمد.
ٍٍغدآ أو بعد غدآ نتحصل غلى اللسته الكاملة والتى أرجو أن يكون أسمك فيها!

عزيزتي الجندريه،

مرورك زاد البورد( جندره)

Quote:
"عقبال باقي المحالين/ات للصالح العام"
يارب...اذ لابد من صنعاء و ان طال السفر

العزيز علاء الدين حيموره،
الف مرحب بيك و انت تواصل عقد
التواصل و التقدير لعواطف مع الاخوات حيموره
و مع كل المتداخلين،
و عبرك احي ناس الصحافه و (عملهم العام)،
و الذي ترك بصماته التاريخيه
علي كل (العمل العام) في السودان

عزيزتي انعام،
تجربتي مع جمعيه ربات البيوت متواضعه و رغم
هذا فقد كنت لصيقه بمن حفيت اقدامهن لتصبح
التجربه و اقع
اتوقع منك بوست عن التجربه و ساساهم معك
و استكتب كل من اعرف من الذين
كانوا (دينمو التجربه)
...
سهام ابو عاقله،،،اين هي هذه الزراعيه الرائعه؟
لها تحياتي و اطنان من الشوق

عواطف

احدى صديقات الزمن الجميل

عبرك ابعث لها تحية خاصة
ولك ارسل مودتي

المشرق دوما ابو ساندرا،
عواطف تجسيد لجيل من النساء
و ارفات العطاء و الفهم..
و معاك احي زقازيق عواطف و عمر
و كل الزقازيقاب الذين فكوا طلاسيم
الحروف و الغربه و النضال في المحروسه

رجاء العزيزه،
تشكري،
تحياتك و صلت و تحياتنا مرسله
لك و لكل المعاك
و ابقي عشره علي رقبتك و المعاك...
و معا حتي ارجاع اخر مفصول

أهلآ بالأميرة أميرة
طبعآ دي :

Quote: في زولة سمجة بالحيل

مافاتتك

وطبعآ انا قاصد السمحة بالحيل

بس العمى شين


ياريت لو دلتيني على سكة محمد صلاح الدين ابوطالب

وياريت لو عواطف دلتني على مزاهر و أزهري ابوزيد

العزيز د. محمد حسن،
شكرا للمرور،
و يا رب تعيد ايام الزمن الجميل
و اتلاقوا الناس

كثير السلام و أجمل التحايا

أسعدنى ذلك الخبر و يسعد بيهو كل أصيل
والحق ما بيضيع وبيرجع
و فى الآخر لا يصح الا الصحيح

زمن عواطف بمصر و الزقازيق كان سمح بلحيل
واصلت وتمسكت بكل أصيل

التحية لكل المفصولين

عبركم أرسل التحايا لمحمد وعمر عوض وكل رفاق مصر والزقازيق بصفة خاصة

مبروك و مليون مبروك لكل المحالين سابق
-المرجعين- حاليا

الحويرص،
سلامات و مبروك الوصول
لارض الوطن
ولاكتمال فرح الوصول بخبر –الرجيع-
للوزاره..
و ما في احسن منك
و عيني بارده...
سلام لكل الناس
و حاواصل الرد علي مساهمتك

صلاح شرف الدين المستشار الاقتصادي، اول من زكرت
من المرجعين،
يا سلام لو يعود و تعود ايامه فقد كان –ملم الارواح- علي
قول زينب عمتي- عليها الف رحمه و نور- و في
مكتبه العامر مع الاستاذ ادم فضل المولي كم دارت
حوارات جمعت الزراعه و الاقتصاد و القانون
و علوم لا ادري ماذا يمكن ان تسمي

عبد الطيف محمد سعيد،
اولا لنرفغ ايدينا للمولي عز و جل و ندعوا له
بعاجل الشفاء ليعود كما كان فارس الفرسان
و حامي حمي المبادئ
و اخو بنات

مبروك للزراعة رجعة عواطف ويا عواطف تحياتى ليك ولى عمر عوض وذكريات بيتكم فى الديم

و طبعا تكتمل الفرحه برجوع صلاح عوض
فارس النقابه المغوار و حسن محمد احمد
و الذي لولاه لكانت الوزاره –تقيله الدم-
و ناشفه
لهما التحيه و تحياتي كذلك لنهله و منوره

و مليون مبروك لعواطف محمد عثمان
ذات الابتسامه المشرقه
فبها اخضرت الزراعه
و تفتحت ورودها

وكمان رجع صلاح عوض؟؟؟؟؟ وحسن وصلاح شرف الدين؟؟؟
يا للهنا

أنا من ناس الخرطوم يا أميرة

العزيز عز الدين،
شكرا علي المرور
تحياتك واصله لعواطف و عمر
و كمان لبيت الديم
و ان شاء تتلاقوا ، كلكم، قريب.. و في الديم

ابو ساندرا،
شكرا ليك،
عرفنا المقصود و ارجعنا الخطا للطباعه
محمد صلاح بخير و حنوريك دربه
و عواطف حتلمك في ازهري و مزاهر
بس كن بخير و واصل ...

العزيز ياسر،
"زمن عواطف بمصر و الزقازيق كان سمح بلحيل
واصلت وتمسكت بكل أصيل"

لك الشكر،
داك فعلا يا ياسر كان زمن معتق بالاصاله
و بمخزون انساني زاخز و باق مع الزمن
التحيه لك و لكل من كان هناك

في بوست ناس مصر: الثنائي محمد جعفر و الصادق حسن...

كتب العزيز طراوه:

يا اميرة خالص التحايا

و الديمقراطية الكاملة ما بتعود لو ما عادوا
المفصولين من العمل في الاول .. من المكاسب الصغيرة
بتجى تلك الكبيرة .. و الحق ياهو حق كان كِبر
كان صغِر ! الشعب الفلسطيني ليهو 60 سنة و برضو
ماسك في حق العودة

.. سلامنا لعواطف و لعمر ..

العزيز نصر،

"أنا من ناس الخرطوم يا أميرة"
جواب شافي و كافي،
تشكر

أميرة سلام
مبروك لعواطف وأرجو ألا تجد نفسها كالأيتام على مائدة اللئام
وعقبالك

العزيز نوبه،

فعلا اللئام ما خلوا فيها حاجه
قرضوا الاخضر و اليابس
و قشوا الزراعه و خيرها قش
و علي ناس عواطف اعاده الزراعه
لسيرتها الاولي و لخضرتها
و عندها سيكون الخير للكل

ازييييييييك اميرة
والله انا نسيت احييييك
ايام وفاة البروف القدال
التقينا بمدني مع دكتور محجوب جلي وبالشعبية
سلام لمحمد سليمان ذلك الانسان الخلوق

مجرد تحية علنية غير ماسنجرية
الشوق ليك ولكل من حواليك

ويا ريت تنفحينا بقصيدة عن اذنك يا مصر
ل محمد الحسن سالم حميد من الممكن تكون عندك او عند محمد سليمان صاحب الالهام للقصيدة

أميرة عثمان

عواطف أبوزيد

و و و و و و و و و

القائمة تطول


كيف حالك يا أميرة ، بالأمس فقط كنت أتحدث

مع د. عثمان سعيد، فأرسل لي مشكوراً هاتف محمد سليمان

لك وله تحياتي

جمال الدين بلال

العزيز صبري،
Quote:
ازييييييييك اميرة”
والله انا نسيت احييييك
”ايام وفاة البروف القدال

رحم الله محمد سعيد القدال
فرحيله ترك حزنا عظيما
عزاؤنا فيما تركه لن1
و للشعب السوداني

Quote:
“التقينا بمدني مع دكتور محجوب جلي وبالشعبية”

اتمني ان نلتقي مرات اخر

Quote:
”ويا ريت تنفحينا بقصيدة عن اذنك يا مصر”

نعم القصيده بحوزتي و وعدت بانزالها في
بوست ناس مصر...كما يمكنني ان ارسل
لك نسخه بالبريد

شكرا اميرة عثمان وتحياتي ل محمد سليمان

**