Post: #2
Title: Re: جمال مبارك يزور الخرطوم لدعم التواصل السودانى المصرى
Author: النصرى أمين
Date: 04-09-2008, 04:47 PM
Parent: #1
على قول السادات
القماعه قاااااعو ...
بس المره دى هم القااااعو
خلوهم يجو ..
اصلها سايبه ...
كمان بالله كلمو "حرس الحدود" لاستقبالهم
|
Post: #3
Title: Re: جمال مبارك يزور الخرطوم لدعم التواصل السودانى المصرى
Author: سناء عبد السيد
Date: 04-09-2008, 04:55 PM
Parent: #1
جاي يقش الدرب لجماعتو موش ؟؟
قال جايبين 5 الف مصري يوطنوهم في السودان , ديل في مصر الواحد فيهم يكون ساكن في شقة 40 متر بكون
مخلف ليهو 6 اطفال اها لمن يجوا السودان و يلقوا البراح و الفضا الواحد فيهم حيخلف
12 اتخيلوا ال5 الف ديل بعد 10 سنوات حيكونوا بقوا كم ؟؟
يا حليلنا يا قدعان
|
Post: #4
Title: Re: جمال مبارك يزور الخرطوم لدعم التواصل السودانى المصرى
Author: النصرى أمين
Date: 04-09-2008, 05:21 PM
Parent: #1
Quote: اذ أن السودان ومصر يشكلان نصف السوق العربى وثلث الكوميسا ، وأنهما يمتلكان مقومات رائعة للتكامل
إذ يمتلك كل جانب الحلول الناجعة لمشكلات الآخر |
كلام صحيح
فبغير المسلسلات المصريه لن يستطيع الشعب السودانى ان يعيش
|
Post: #5
Title: Re: جمال مبارك يزور الخرطوم لدعم التواصل السودانى المصرى
Author: ALazhary2
Date: 04-09-2008, 05:37 PM
Parent: #1
زميلتنا سناء
وزميلنا النصري
الكلام دا أعوج وإساءة للشعب المصري الشقيق .
والله عيب الكلام البيكتبوا فيه الناس في المنبر عن مصر والمصريين الأيام دي.
ملايين السودانيين في مصر ومنذ فترات طويلة جداً وهسع زعلانيين عشان سمعتوا كلام إنو في مصريين حايشتغلوا في السودان؟
لمصر فضل كبير على السودان والدول العربية جميعها شاء من شاء وأبى من أبى .
الآف السودانيين علمتهم مصر .
الحاجة العجيبة بعض الشباب الأيام دي قايمين في نغمة العمالة الأجنبية والعمالة الوافدة وحركات غريبة جداً !! ودا كلو والبترول يادوب ماوصل نص مليون برميل والفقر يعشعش في السودان من شماله لجنوبه !! وكمان العمال غير السودانيين عددهم محدود .
طيب لو بترولنا كان قدر حق السعودية (10) مليون برميل في اليوم كان الناس ديل عملوا في العمال والمهاجرين ديل شنو؟!!
والله الواحد بقى يشك زاتو في مقولة نحنا أطيب ناس ونحنا ونحنا ونحنا.
ياناس أذكروا الله القال في كتابه هو الذي جعل لكم الارض ذلولاً فأمشوا في مناكبها وكلوا من رزقه وإليه النشور .
الناس الجايين من مصر ولا غيرها ما ماكلين من بيت زول ولا حايطردوا ليهم سوادني من وظيفته ولا حواشته .
خلوهم يجو ويزرعوا الصحاري والفيافي القاحلة الجرداء من الأف السنين .
رغم إننا مشردين في الأرض كلها ويندر تلاقي ليك بلد مافيه سودانيين ومفروض الشئ دا يعلمنا التواضع وحب الآخرين وإحترام المهاجرين لكن للأسف في موجة غريبةفي المنبر من كراهية الغير وبالذات الإخوة الأشقاء في مصر.
حاجة مؤسفة جداً .
تذكرت قول الرسول الكريم
ثلاثة لا ينظـر إليهم الله ولا يزكيهم ولا يكلمهم يوم القيامة وثالثهم (عائل مستكبر)يعني فقير ملحط متعالٍي مستكبر على خلق الله.
|
Post: #7
Title: Re: جمال مبارك يزور الخرطوم لدعم التواصل السودانى المصرى
Author: Mohamed Doudi
Date: 04-09-2008, 06:17 PM
Parent: #5
Quote: زميلتنا سناء
وزميلنا النصري
الكلام دا أعوج وإساءة للشعب المصري الشقيق .
والله عيب الكلام البيكتبوا فيه الناس في المنبر عن مصر والمصريين الأيام دي.
ملايين السودانيين في مصر ومنذ فترات طويلة جداً وهسع زعلانيين عشان سمعتوا كلام إنو في مصريين حايشتغلوا في السودان؟
لمصر فضل كبير على السودان والدول العربية جميعها شاء من شاء وأبى من أبى .
الآف السودانيين علمتهم مصر .
الحاجة العجيبة بعض الشباب الأيام دي قايمين في نغمة العمالة الأجنبية والعمالة الوافدة وحركات غريبة جداً !! ودا كلو والبترول يادوب ماوصل نص مليون برميل والفقر يعشعش في السودان من شماله لجنوبه !! وكمان العمال غير السودانيين عددهم محدود .
طيب لو بترولنا كان قدر حق السعودية (10) مليون برميل في اليوم كان الناس ديل عملوا في العمال والمهاجرين ديل شنو؟!!
والله الواحد بقى يشك زاتو في مقولة نحنا أطيب ناس ونحنا ونحنا ونحنا.
ياناس أذكروا الله القال في كتابه هو الذي جعل لكم الارض ذلولاً فأمشوا في مناكبها وكلوا من رزقه وإليه النشور .
الناس الجايين من مصر ولا غيرها ما ماكلين من بيت زول ولا حايطردوا ليهم سوادني من وظيفته ولا حواشته .
خلوهم يجو ويزرعوا الصحاري والفيافي القاحلة الجرداء من الأف السنين .
رغم إننا مشردين في الأرض كلها ويندر تلاقي ليك بلد مافيه سودانيين ومفروض الشئ دا يعلمنا التواضع وحب الآخرين وإحترام المهاجرين لكن للأسف في موجة غريبةفي المنبر من كراهية الغير وبالذات الإخوة الأشقاء في مصر.
حاجة مؤسفة جداً .
تذكرت قول الرسول الكريم
ثلاثة لا ينظـر إليهم الله ولا يزكيهم ولا يكلمهم يوم القيامة وثالثهم (عائل مستكبر)يعني فقير ملحط متعالٍي مستكبر على خلق الله. |
I can't said it better than you
|
Post: #9
Title: Re: جمال مبارك يزور الخرطوم لدعم التواصل السودانى المصرى
Author: haroon diyab
Date: 04-09-2008, 08:06 PM
Parent: #5
الازهري
مساء الخير
ملاحظتين بس..... مع كامل احترامي وتقديري لشخصك الكريم
اولا : من حقك ان تعجب بمصر والمصريين
| Quote: رغم إننا مشردين في الأرض كلها ويندر تلاقي ليك بلد مافيه سودانيين ومفروض الشئ دا يعلمنا التواضع وحب الآخرين وإحترام المهاجرين لكن للأسف في موجة غريبةفي المنبر من كراهية الغير وبالذات الإخوة الأشقاء في مصر. |
نحن اكتر شعب متواضع ونحب الاخرين ويمكن تسأل عننا اي شعب ( غير المصريين ....!)
وبعدين ماسألت نفسك ليه نحنا بنكره المصريين بس.... اذا كان هناك في كراهية اصلا ....؟
وبعدين المصريين ديل جيب لي زول بحبهم.....؟
علما بان المنبر لايعني كل السودانيين....!
| Quote: ثلاثة لا ينظـر إليهم الله ولا يزكيهم ولا يكلمهم يوم القيامة وثالثهم (عائل مستكبر)يعني فقير ملحط متعالٍي مستكبر على خلق الله. |
وجهة نظر غريبة جدا عن السودانيين من شخص افترض انه سوداني ....!
غايتو دي بالغت فيها عدييييييييييييييل .
كامل احترامي
هارون دياب
|
Post: #6
Title: Re: جمال مبارك يزور الخرطوم لدعم التواصل السودانى المصرى
Author: النصرى أمين
Date: 04-09-2008, 06:15 PM
Parent: #1
الازهرى
سلام
اولا ::
هل تحل مشاكل السودان باستقدام عمالة اجنبيه؟
ثانيا :::
عودتتنا الانقاذ على ان نشك فى كل خطوه تقدم عليها ..
وفى كل مره نكتشف ان وراء الامر مقصد خبيث ..
لا اظن ان تهجير المصريين للسودان الغرض منه خدمة الوطن والمواطن ..
الانقاذ عمرها ما فكرت فى المواطن والوطن ..
الانقاذ كل همها نفسها والحكم والسلطه والثروه ...
المواطن ده فى اخر اولوياتها ....
ملايين الشباب بدون عمل بسبب سياسيات الانقاذ الانانيه ....
عطالى فى الاسواق والشوارع
وفى كل مكان ...
لو احتاجت الانقاذ للكادر البشرى ..موجود وبكثره ..
بس محتاج تاهيل ورعايه واهتمام ..... وصرف قروش
وده الشى الما بنفع معاها .....
القروش ...القروش
كل شئ و لا القروش ..
واهم حاجه
انو السودان للسودانيين ..
بى سجمنا ورمادنا وحروبنا برضو البلد بلدنا كلنا
وحتظل بلدنا للابد
|
Post: #8
Title: Re: جمال مبارك يزور الخرطوم لدعم التواصل السودانى المصرى
Author: kh_abboud
Date: 04-09-2008, 07:49 PM
Parent: #6
الأخ الأزهرى
سلام
لا أحد يسخر من المصريين ...ولا احد ينكر مساهمتهم فى التعليم ... ولكن أرجو أن تكون أمينا وتذكر طمع الحكومات المصرية التتابعة منذ الخديزية ، الطمع التاريخى مثال : إحتيالهم على حكومة عبود وخسارة السودان الباهظة فى مشاكل السد العالى الذى خسر بسببه السودانيين الكثير وكسبت مصر ثم إتضحت خسارتها من الطمع فى بناء الهرم الرابع ( السد نفسه) وجعلت مصر ، حكومة السودان الحاليةتعمل على معالجة هذا الخطأ التاريخى ، وصار السودان ، وليس مصر من يدفع ثمن هذا الخطأ ( ضمور الدلتا ونقص الطمى) وذلك بإقامة الخزانات الجديدة ... (إقرأ البوستات التى تفضح هذا الطمع الخديوى فى السودان )... ثم إن المزارع السودانى الذى دخل السجون وهو يزرع ولا يقبض غير الريح من البنك الزراعى السودانى ... أليس هو الأولى بالدعم وتسهيل زراعته لأرض السودان ...
العمالة الأجنبية ، ياأزهرى تقوم الآن بما يمكن أن يقوم به السودانيين ... وهذا لايحدث فى كل العالم وأرجو أن تنظر لسياسات الإستخدام فى الخليج مثلا ...
إن موافقة حكومة الأزهرى سنة 1956 ، على إتفاقية مياه النيل الإستعمارية المجحفة 1920 والتى نصت على نصيب الأسد لمصر وقطرات من الماء للسودان ، لهى تعد من جرائم العهد الوطنى ، للأسف ، وتدخل فى خانة الخيانة العظمى ...
أنا أدعو لصداقة بين الشقيقين ، مصر والسودان ... ولكن صداقة الند للند وليس صداقة المغتصب المستغل لضعف السلطة ... إن مايحدث الآن هو إستعمار إستيطانى مرفوض ... لماذا لايزع السودانيون أرضهم بمساعدة حكومة السودان ... ثم يصدر القمح لمصر بتكلفة قليلة نسبيا ، وبأولوية ،عربونا للعلاقة الطيبة بين الشعبين ؟
ثم إن هجرة السودنيين إلى مصر هجرة فردية وقد حدثت مثلها فى السودان ، هجرة مصرية من سنين طويلة ومازالت ... وهذا لا نرفضه( أنظر إلى المهاجرين من ذوى الأصول المصرية مثل الاقباط وغيرهم) وهم يجدون منا كل المحبة والتعايش احميم ، ولم يشتك منهم أحد ... بل من إشتكى هم اللاجؤون السودانيون فى مصر ... أما التهجير المنظم فهو إستعمار إستيطانى مرفوض ... وهو يعنى أخذ الأرض السودانية وتمصيرها ...
|
Post: #10
Title: Re: جمال مبارك يزور الخرطوم لدعم التواصل السودانى المصرى
Author: saif massad ali
Date: 04-09-2008, 10:40 PM
Parent: #8
مليون مزاري مصري ينتظرون ترحيلهم الي صعيد الصعيد
يعني السدود دي ليش للاثتثمار في الزراعة ونحن شعب كسول
حتي عندما جو يدونا الاستقلال قلنا لا بعد الفطور
|
Post: #11
Title: Re: جمال مبارك يزور الخرطوم لدعم التواصل السودانى المصرى
Author: سناء عبد السيد
Date: 04-10-2008, 00:38 AM
Parent: #1
ألأخ ازهري تحية و احترام
ظلم المصريين للسودان ما فايت حتى على المصريين نفسهم , و افتكر الأخ عبود و ضح جذء
بسيط من هذا الظلم , يا اخوي ديل عندهم ناس متخصيصين في استهبال السودانيين , بس ما يشوفوا
ليهم سوداني و هاك يا استهبال و يا استنكاح دى غير المعاملة الغير كريمة و عدم احترام
السودانين و السخرية منهم لكن تعال شوف بحترموا العرب كيف مع انو العرب بذلوهم في بلدم لكن
اخر احترام و انا عشت في القاهرة و عندي اقامة هناك و بعرفم كويس و في النهاية دى رايي
المصريين بحقروا بالسودانيين و ظالمننا في بلدنا و لا اهلاً بهم و لا سهلاً
|
Post: #12
Title: Re: جمال مبارك يزور الخرطوم لدعم التواصل السودانى المصرى
Author: سناء عبد السيد
Date: 04-10-2008, 00:54 AM
Parent: #1
تفتكروا يعني المصريين مؤهلين اكتر من السودانيين مثلاً
و على فكرة الحكومة ما جايباهم حبا في مصلحة السودان , الحكومة بتقدم ليهم خدمات و تنازلات
مقابل حماية نظامن و من اجل الاختلاط بالسودانيين خوفاً من ان يطغى العنصر الذنجي في السودان
|
Post: #13
Title: Re: جمال مبارك يزور الخرطوم لدعم التواصل السودانى المصرى
Author: النصرى أمين
Date: 04-10-2008, 05:43 PM
Parent: #1
*
|
Post: #14
Title: Re: جمال مبارك يزور الخرطوم لدعم التواصل السودانى المصرى
Author: محمد عادل
Date: 04-10-2008, 05:49 PM
Parent: #13
مرحب بالسيد جمال مبارك امين لجنة السياسات بالحزب الوطنى المصرى بالخرطوم
|
Post: #15
Title: Re: جمال مبارك يزور الخرطوم لدعم التواصل السودانى المصرى
Author: خالد حاكم
Date: 04-10-2008, 06:29 PM
Parent: #14
Quote: مرحب بالسيد جمال مبارك امين لجنة السياسات بالحزب الوطنى المصرى بالخرطوم
|
محمد عادل
جمال مبارك ده ما ضيفك عشان ترحب بيه .. يا عزيزى ده ضيف الكيزان وقدم الى السودان بدعوة من واحد كوز اسمه مصطفى عثمان اسماعيل مستشار رئيس الكيزان!
|
Post: #16
Title: Re: جمال مبارك يزور الخرطوم لدعم التواصل السودانى المصرى
Author: مرتضي عباس
Date: 04-10-2008, 06:40 PM
Parent: #15
| Quote: مصطفى عثمان اسماعيل مستشار رئيس الكيزان |
و الزول ده من احسن المتشارين الموجدين في الساحه العربيه
|
Post: #17
Title: Re: جمال مبارك يزور الخرطوم لدعم التواصل السودانى المصرى
Author: بركات بشير نجار بشير
Date: 04-10-2008, 07:10 PM
Parent: #16
جمال مبارك هو الرئيس القادم لمصر
ومصر ترمى بكل علاتها نحو السودان لانه يشكل الحل السهل لازمتها الاقتصادية والاجتماعية
في ظل هذه الحكومة، خصوصاً ان مصر تحل كثير من مشاكل الحكومة الخارجية لذلك
ستكون التسوية على حساب الشعب السوداني على غرار السد العالي
لذلك مرفوض تواجد المصريين في السودان بهذا الشكل المهين للسودانيين
|
Post: #18
Title: Re: جمال مبارك يزور الخرطوم لدعم التواصل السودانى المصرى
Author: خالد حاكم
Date: 04-10-2008, 07:51 PM
Parent: #16
| Quote: و الزول ده من احسن المتشارين الموجدين في الساحه العربيه |
برضو راى !
|
Post: #19
Title: Re: جمال مبارك يزور الخرطوم لدعم التواصل السودانى المصرى
Author: كمال ادريس
Date: 04-11-2008, 00:35 AM
Parent: #1
ارجو ان يجد الضيف الغالي من يرفع في وجههة لافتة عليها "حلايب سودانية"
|
|