Post: #1
Title: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-09-2008, 02:40 PM
ترافقه السلامة ... هذا لسان حال كل الاخوة في رابطة ابناء مدينة الصحافة بالرياض والاخ عادل جبارة يكمل استعداده لشد الرحال الى الخرطوم قي اجازته السنوية ...
نتمنى ان يقضي الاخ عادل اسعد اللحظات وسط اسرته واحباءه بالخرطوم ..
اها عملتو شنو يا بورداب الخرطوم لاستقبال الاخ عادل ؟؟؟
|
Post: #2
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: انعام حيمورة
Date: 04-09-2008, 09:32 PM
Parent: #1
الف مرحب بقدومه .. عادل بين اهلك وناسك ..
ابو علوة ما قلت لينا جاي متين ؟؟؟
بالله ما تنسى الوصايا معاه ... غايتو كم شنطة كدة ما بباهم !!!
وبعدين باقى حاجاتي النسيتها هناك ... !!!
ياخ ما تجي معاه ياخ .. كفاي ... (مشتاقة) والله والحنين كاتلاني ..
|
Post: #10
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:01 AM
Parent: #2
Quote: ابو علوة ما قلت لينا جاي متين ؟؟؟
بالله ما تنسى الوصايا معاه ... غايتو كم شنطة كدة ما بباهم !!!
وبعدين باقى حاجاتي النسيتها هناك ... !!!
|
والله يا انعام حاجاتك دي الا بواسطة المناولة للشحن الجوي ( عامر سنجراب ) لاني بطالع في المداخلة وعادل طيارتو في الجو ....
لكن برضو برسل ليك وعلى وجه السرعة ..
تسلموا
|
Post: #3
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: haroon diyab
Date: 04-09-2008, 09:54 PM
Parent: #1
علاء الدين وانعام
مساء الخير
ربنا يوصلوا بالسلامة....
المهم ....
قلت اخش في النص عشان اكفيكم من العين
كل الود
هارون دياب
|
Post: #11
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:03 AM
Parent: #3
شكرا ليك يا زبون ....
تسلم اخي هارون وعقبال ما نوصلك المطار ..
مودتي
|
Post: #4
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: انعام حيمورة
Date: 04-09-2008, 10:02 PM
Parent: #1
هارون يا جميل
شكرا ليك والله وعقبال ما نفرح بي جيتك قول آمين
شفت الجرسة دي كيف ؟!!
|
Post: #5
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: haroon diyab
Date: 04-09-2008, 10:12 PM
Parent: #1
علاء الدين
التحايا
كتبت العزيزة انعام
| Quote: شفت الجرسة دي كيف ؟!! |
ياخوانا حسوا ....بالناس المشتاقة ليكم
ربنا يرجعه بالسلامة ياانعام
تحياتي
هارون دياب
|
Post: #13
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:16 AM
Parent: #5
Quote: ياخوانا حسوا ....بالناس المشتاقة ليكم
|
الناس مشتاقة وفاقدة زول واحد ونحن فاقدين الكل ..
الله يجمع الشمل ويخليك يا هارون
كل الود
|
Post: #6
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: صديق الموج
Date: 04-10-2008, 05:28 AM
Parent: #1
عادل جبارة شنو ياعلاء الدين المسافر السودان؟
دى خسارة قروش ساكت والله..
والله حقو نقلع منه التذكرة دى نديها لهاشم خلف الله..
ياخى هسه الزول ده يمشى ويجى يقول لينا...
الف الطوب بى كم ماعارف!!
وعبد الله البناء اخد منى كم..
ولقيت حساب التوم بتاع الدكان مبلغ وقدره...
جارنا صالح ماقصر...
لاقيت فيصل عبد اللطيف ومشيت ليه...
والله اخير اجازة احمد عجوز كلها عن ناس الجامع..صلاة الصبح جاء محمد وبشير
حاج حامد وبابكر الا الجمعه الاخيرة الما لاقيتهم فيها.
عمك الفكى بقى ياذن بدل عمك فتح الله ...
تعال شوف هاشم لما مشى الاجازة الفاتت....قادر الله!!!
هاشم ده بحكى لينا عن الاجازة لى قريب ده...
انا وحاتكم اسم الراجل الوحيد السمعته منه فى اجازته كلها..
لما قال كنت ماشى (الحاج يوسف) لناس عمتى
معاى اشراقه وسحر ونادين...
ووحاتكم الحاج يوسف دى من شدة ماقالها بصعوبه...
لما بلع ريقه مرتين..وقرب يجيه وجع حلق..
بس الحاج يوسف وتانى يطرشنى..ويقدد اضنيى...
باقى الاجازة كلها اتلمينا انا وانعام وكوثر وسوسن وميرفت فى منتزة الخرطوم..
اتلاقينا انا وخالده وسماهر واشراقه ومشينا لى نون وعايده فى الجامعة..
اتصلت على امل وسوزان وقالوا لى معانا سارة وعزة ومعاهم صاحباتهم..
مشينا رحله سقنا معانا ندى القلعه وسميرة دنيا وحنان السجانه..
وضبحنا نعجه سمينه خلاص..شوف حتى الضبيحه انثى..وكانت سهير
جايبه فى التحليه ام على..وباسطه اصابع البنات..من سلا
ياخى دى الاجازات والا بلاش..
الزول البوم ده اقنعوه يايمشى عمرة ويوفر القروش للبنيات ديل...
او يخلى هاشم يقضى ليه اجازته بين ظهرانيهن ويجى
صحبته العافيه والسعاده والصحه فى حله وترحاله،،،،
|
Post: #12
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:07 AM
Parent: #6
الله يجازي محنك يا صديق ..
انت بس اقعد لي جنس ده التقول عملت خروج نهائي من السودان ...
( اصلو هاشم قلنا ليه سوق الاولاد معاك قال في زول بستمتع بالاجازة واولادو معاه ؟؟؟ )
نشوف حكاوي عادل بعدين ..
|
Post: #7
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: غباشي
Date: 04-10-2008, 06:11 AM
Parent: #1
يا علاء حيمورة ... وين الحي بيك ؟
ياخ و الله بالغت عديل كدة ... أنا سألت منك مهند حيمورة ... ياخ الكلام ده ما بيجي ...
ووالله لو ما انشغلت الفترة الأخيرة دي بالسفرة بتاعت أمريكا دي ... و الله كنت داير أضرب ليك تلفون .... عديل كدة
عليك الله ما تكررها تاني .....
أما عادل جبارة .... قرب يلحقك لو ما كل مرة بيتاوق
يا بانجية ... ربنا يكتب السلامة و رغم المسافات البعيدة ما نوصيك ترسل سلامي للجميع هناك
إحنا الفينا ما اتعرفت لسع ... لكن لو كنت أخرت رجعتك دي شوية لشهر ستة ... كان قلت ليك نتلاقى هناك إن شاء الله
ما علينا يا عزيزي ... القدم ليها رافع ..........
|
Post: #14
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:29 AM
Parent: #7
الحبيب غباشي
الف تحية والله مشتاقين شوق بحر ..
زحمة الشغل خلتني بعيد من النت لكن اتمنى ان اكون في تواصل..
الرجاء مدي برقم موبايلك او الاتصال بي على الرقم
00966509285299
|
Post: #8
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: ناهد علي
Date: 04-10-2008, 06:44 AM
Parent: #1
هلا ومرحبا بكل من نو نية ساكت يبل الشوق حدانا
تصل بالسلامة عادل وماتشيل هم ياعلاء والله عادل ينبسط بسطة (ايش ملاريات واشي موية قاطعة واشي كتاحة واشي تحويل موقف واشي انعام موبايله مسروق)
انعام عليك الله رغم حزنك علي الذي خرج ولم يعد لكين عشمانين في برنامج جميل .
صديق الموج وهاشم انشاء اجازتو دي كانت بتين يسمعنا ويطرشنا ماجاني ولع عشان ساكنين أبورؤف
تصل بالسلامة ومرحبا
|
Post: #9
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: عماد محمود علي
Date: 04-10-2008, 08:50 AM
Parent: #8
Quote: ووحاتكم الحاج يوسف دى من شدة ماقالها بصعوبه...
لما بلع ريقه مرتين..وقرب يجيه وجع حلق..
بس الحاج يوسف وتانى يطرشنى..ويقدد اضنيى...
باقى الاجازة كلها اتلمينا انا وانعام وكوثر وسوسن وميرفت فى منتزة الخرطوم..
اتلاقينا انا وخالده وسماهر واشراقه ومشينا لى نون وعايده فى الجامعة..
اتصلت على امل وسوزان وقالوا لى معانا سارة وعزة ومعاهم صاحباتهم..
مشينا رحله سقنا معانا ندى القلعه وسميرة دنيا وحنان السجانه..
وضبحنا نعجه سمينه خلاص..شوف حتى الضبيحه انثى..وكانت سهير
جايبه فى التحليه ام على..وباسطه اصابع البنات..من سلا
ياخى دى الاجازات والا بلاش.. |
وإنت الحارق رزك شنو !!! حاااااااسد .
تخريمة :
رافقتك السلامة يا عادل وح تفرق معانا كثيييير جداً . بت حيمورة عارفك ما بتقصري بس عايزن اللمة دي تكون صورتها حاجة تاني . علاء حيمورة والله رغم أنني كنت أمس معاكم لكن والله والله ما عارفه مساقر شفت التقصير المنكم ده كيف ؟!!!
مودتي
عماد
|
Post: #15
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-10-2008, 10:41 AM
Parent: #8
Quote: (ايش ملاريات واشي موية قاطعة واشي كتاحة واشي تحويل موقف واشي انعام موبايله مسروق)
|
الاستاذة ناهد
الف تحية
لكن بالجد كلامك ما مبشر والحمد لله الاخ عادل في الجو الان ولو كان قرأ كلامك ده كان فضل انو يجيب اولادو هنا ..
المهم انتو ما تقصروا معاه وجهزوا ليه الادوية والمولدات الكهربائية والاسبلت يونت ..
الله يوصلنا ليه السودان ده ..
|
Post: #16
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: علاء الدين حيموره
Date: 04-12-2008, 11:38 AM
Parent: #15
ولسه عادل بسلم وبتسنشق عطر نسايم الليل
|
Post: #17
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: عادل جبارة
Date: 04-14-2008, 12:12 PM
Parent: #16
علاء الدين حيمورة ؟؟؟
يعني لو ما فتحت النت اليوم عشان أشوف نتيجة ولدي محمد ما كنت حأكون جايب خبر الهيلامانة دي كلها !!!
طيب من الآخر كدى الحمد لله محمد عادل نجح وأحرز 226 درجة ..
ونجي للمهم ..
الغتيت صديق الموج .. !! فعلا تصدق طن الأسمنت وصل 850 ألف !! وحالتوا قالوا نزل كمان .. المهم أنا قبلان بي كلامك عني .. بس صاحبي هاشم هو صاح بتاع حركات بس ما للدرجة دي .. يعني مثلا أهو صاحبي أنا من قبل عشرين سنة بالرغم من أنو لحدي الآن ما عارف الإيميل حقو ولا عندي معاهو ماسينجر !!
وبجيك راجع بعد ما أفضى من العزاءآت الكتيرة والضيوف ..
شكرا ليك علاء وبرنامجنا اليوم أنا وطارق خصر ومزمل زيارة منزلكم العامر اليوم المساء بإذن الله تعالى
|
Post: #18
Title: Re: بورداب الخرطوم هل اكملتم استعداداتكم لاستقبال الاخ عادل جبارة ؟؟
Author: مجدي عبدالرحيم فضل
Date: 04-14-2008, 12:17 PM
Parent: #17
ود جبارة ترافقك السلامة والتحايا لهم الأسرة قاطبه وإن شاء الله إجازة سعيدة بين الأهل والأحباب
وتعود لينا أكثر إشراق وأمانينا القلبية لأمنية وعمك أبوقصى بسلم عليكي كتير.
،،،،أبوقصى،،،،
|
|