Post: #1
Title: دبي تجنن العالم
Author: إسماعيل حميم
Date: 04-09-2008, 01:38 PM
مشروع بناء اجمل فندق في العالم في دبي
 مرفق مودتي إسماعيل حميم .
|
Post: #2
Title: Re: دبي تجنن العالم
Author: إسماعيل حميم
Date: 04-09-2008, 01:44 PM
Parent: #1
زاوية أخرى
مرفق مودتي إسماعيل حميم
|
Post: #3
Title: Re: دبي تجنن العالم
Author: إسماعيل حميم
Date: 04-09-2008, 01:49 PM
Parent: #2
وثالثة
مرفق مودتي إسماعيل حميم
|
Post: #4
Title: Re: دبي تجنن العالم
Author: إسماعيل حميم
Date: 04-09-2008, 01:53 PM
Parent: #3
وأخيرة
مرفق مودتي إسماعيل حميم .
|
Post: #5
Title: Re: دبي تجنن العالم
Author: انور الطيب
Date: 04-09-2008, 03:01 PM
Parent: #4
السيد اسماعيل خالص تحياتي ومودتي .......
قضيت جل شبابي بالإمارات وكنت موظف إتحادي ولكن أتبع لملاك دبي ... بمعنى أنني موظف في الحكومة الإتحادية وأتبع للقطاع الشمالي وكل إجراءاتي أقوم بها في مدينة دبي وما يعجبني في هذه المدينة ورجالها أنها لا تعرف المستحيل وإليك بعض الأمثلة .. فما من مشكلة في المطار إلا تم تجاوزها بكل سهولة وبكل بساطة ، وذات مرة كنت مسافرا إلى الدوحة ومعي زوجتي وأولادي وكان هنالك تطابقا بين اسمها واسم واحدة أخرى إلى الجد الرابع ... فقام الموظف باكتشاف هذا الخطأ وقال أنه لا يوجد لزوجتي ملف في الإقامة ووجهني بمقابلة الضابط المسؤول وفعلا كان الضابط مسؤولا ... لم أضطر لحكاية قصتي فكانت معروفة لديه من مهاتفة موظف الجوازات وقال لي بالحرف الواحد : "شوف يا زول المشكلة دي مشكلتنا وما ليك فيها دخل ولذلك سوف نتحملها كاملة فنستمر في نفس الخطأ حتى لا تمنع من السفر وبعدها نفكر في معالجته " وفعلا قد كان بعد اسبوعين من إقامتي في الدوحة أتيت للضابط وسلمته الجوازات كما امرني وعالج المشكلة بكل هدوء ... والأمثلة لا تنتهي .. وذات مرة اجتزت إشارة حمراء في شارع الجميرا ... استوقفني بعدها ضابط مسؤول وقال لي ممكن تبرر لي تجاوزك للإشارة قبل ميعادها بعشرة ثواني ، فشرحت له أن أشعة الشمس لم تمكنني من رؤية الإشارة بشكل جيد ، تبسم المسؤول وقال لي انتبه يارجل عشان حياة أولادك ، قاصدا أطفالي الذين كانوا بصحبتي ....
فدبي مدينة تحترم زوارها والقاطنين بها ..... اماما يعجبني أكثر فيها النظام وجودة الخدمة التي تقدم على كل المستويات والأصعدة ، بل أصدقك القول أنه من السهل أن تلتقي بحاكمها وتقول له ماتريد ...
ولولا حنيني لأهلي وتعليم أولادي وربطهم ببلدهم السودان لما فكرت في العودة ...
والإمارات عموما تعتبر من أفضل البلدان العربية التي يمكن أن يعمل فيها وافد ولكن ما لا يعجبني فيها الغلاء الفاحش الذي طغى على كل شيء وأهل دبي خاصة قالوا أن أي موظف يقل راتبه عن 15000 درهم سوف يواجه مشاكل المعيشة في دبي ..
الصورة جميلة وشكرا لإيرادها وهنالك كثير من المنشآت الجميلة المنتشرة في الإمارات ...
|
Post: #6
Title: Re: دبي تجنن العالم
Author: إسماعيل حميم
Date: 04-10-2008, 08:11 AM
Parent: #5
الأخ أنور الطيب
شكرأ كثير لمرورك العطر
حقيقة أعجابي بالتصميم هو الذي دفعني لنشره
والذي جائني عبر البريد!!
أما الذي لا شك فيه ان الإمارات (وخاصة دبي) صارت
إحدى مراكز الحركة الإقتصادية في العالم!
ولذا سنشاهد الكثير من التطور والتميز في شكل وانواع الخدمات
ولكن السؤال . . .
من الذي يقود تلك الدفة؟
وما دور أهلها في تحديد الوجه؟
إذا وقفنا عند هذه الأسئلة
سنجد الكثير المثير الخطر!!!!!!!!!!!
مرفق
مودتي
إسماعيل حميم
.
|
Post: #7
Title: Re: دبي تجنن العالم
Author: DKEEN
Date: 05-13-2008, 11:19 PM
Parent: #1
البترول بعمل اكترمن كده
|
Post: #9
Title: Re: دبي تجنن العالم
Author: القلب النابض
Date: 05-13-2008, 11:59 PM
Parent: #7
العندو الحنة بيحنن ضنب حصانو ..
أو
"سمح الشئ إن بقا في"
|
Post: #16
Title: Re: دبي تجنن العالم
Author: إسماعيل حميم
Date: 05-14-2008, 08:40 AM
Parent: #9
Quote: العندو الحنة بيحنن ضنب حصانو ..
أو
"سمح الشئ إن بقا في" |
سلام يا قلب يا نابض
الله كريم يزيدهم ويدينا
ليس لكل صاحب حنة ضنب حصان
أو
ما كل من ملك الثروة إجاد إدارتها!!!
مع إعترافي بإدارة الشيخ زايد "رحمه الله" الرشيدة الحكيمة للإمارات
لكنني عند سؤالي
من الذي يقود تلك الدفة . . واوصل الإمارات لهذا الشاطئ!!!!!!!!
مرفق
مودتي
إسماعيل حميم
.
|
Post: #15
Title: Re: دبي تجنن العالم
Author: إسماعيل حميم
Date: 05-14-2008, 07:57 AM
Parent: #7
| Quote: البترول بعمل اكترمن كده |
أخوي دكين
سلام يا حبيب
والله لمن شفت البوست إحترت
قلت يا ربي دا أنا كتبتو متين . . باقي الزهايمر شايف شغلو
شكراً على الإجترار من أمعاء المنبر
بس تعال راجع لي مضمون البوست!!!
مرفق
مودتي
إسماعيل حميم
.
|
Post: #8
Title: Re: دبي تجنن العالم
Author: bashir adam abdalla
Date: 05-13-2008, 11:57 PM
Parent: #1
الاخ اسماعيل حميم تحية طيبة
الغيادة الحكيمة والروياء المستقبلية ....تصنع من اي بلد جـــــنة
عقبال السودان كدا (ياااارب)
كل الود...
|
Post: #17
Title: Re: دبي تجنن العالم
Author: إسماعيل حميم
Date: 05-16-2008, 00:27 AM
Parent: #8
Quote: الغيادة الحكيمة والروياء المستقبلية ....تصنع من اي بلد جـــــنة
عقبال السودان كدا (ياااارب) |
أخي بشير
ونحن نفتقد الإثنان معاً
الإدارة
والتخطيط
وما إجتياح أمدر ببعيد!!!
والله المستعان
مرفق
مودتي
إسماعيل حميم
.
|
Post: #10
Title: Re: دبي تجنن العالم
Author: بكري الصايغ
Date: 05-14-2008, 00:13 AM
Parent: #1
الاخ الـحـبيب الـحـبوب،
اسـماعيل حـمـيـم،
تحـيةطـيبة،
واشـكرك علي (البوسـت) الـجـميل.... وغيـر شـوية من ريـحـة الرصاص الـمتطاير فـي الـمنبـر.
... زرت دبـي مرتيـن فـي مـهـمات رسـمية وفـي كل مرة كنت اتـمنـي متيـن تنتهـي الـمهمـة الرسـمية واعـود لالـمانيا بـمنتهـي السرعـة ولاابقـي فـي هـذه الأمارة الـمملة!!!.
صـراحـة ياحـميـم ماعـجـبتـنـي (تـب) امارتكم دي!!. اتـجـولت فـي شـوارعـها مالقيت لـي واحـد ضـاحك او مبتسـم!!، والكل مسـرع مسـرع ولاواحـد غيـر السـيـدات (التـخان ) يسـرن ببـطء من خـلفها اولادها وبناتهـا زي السـواسـيو اخـر صـياح وكواريك!!.
لفت نـظري شـئ ما شـفتو فـي حـتة تانية الا فـي بلـدكم ده.. اي واحـد فـي الشارع (كان سـيـد البلد او اجـنبي) لقيـتو شايل ( هانـدي) وبتكلم باخـر صـوتو وفي ايـدو التانية كيـس نايلون مليان بشـنو اللـه اعـلم!!!.
الـطقس فـي دبـي لايطاق والرطوبة تشـوفهـا بعيـينك، نـص الشـعب مريض بالسكري والسـمنة والنص التاني بالتـخـمة والقلب والكسل!!.
الامارة حـرمـهااللـه تعالـي مـن اربعةاشــياء:
الـماء النقـي،
والخـضـرة،
والهـواءالعليل،
والـوجـه الـحـسن!!!
:::: لك موتـي. ( ماتزعل مـنـي!!).
|
Post: #11
Title: Re: دبي تجنن العالم
Author: أبوبكر طه
Date: 05-14-2008, 02:19 AM
Parent: #10
الاخ جاء الامارات بي فيزة راعي ولاشنو؟؟؟؟؟؟؟؟؟؟؟؟؟؟؟؟؟؟؟؟؟؟
انت مشيت وين اصلا الخضره الفي الامارات في جزيرة توتي مافي
والماء اقوليك شنو عاد بس كلامك دا مايسمعوا اخوانك
والوجه الحسن ياخي بالغت انت مامشيت city center اصلا
غايتو الجاتك في مالك سامحتك
اتمني لك زياره موفقه المره الجايه
تحياتي
|
Post: #19
Title: Re: دبي تجنن العالم
Author: إسماعيل حميم
Date: 05-25-2008, 09:35 PM
Parent: #11
أجوي ابوبكر
سلام وتحية
وشكراً للمرور
وعذراً للتأخير في الرد
| Quote: الاخ جاء الامارات بي فيزة راعي ولاشنو؟؟؟؟؟؟؟؟؟؟؟؟؟؟؟؟؟؟؟؟؟؟ |
دي حلوة شديد
| Quote: انت مشيت وين اصلا الخضره الفي الامارات في جزيرة توتي مافي |
لكن دي بالغت فيها
إت يا زول ما حدثوك . . . وقالو ليك أنا عرقي من توتي!!
غايتو بفوتها ليك
مرفق
مودتي
إسماعيل حميم
.
|
Post: #18
Title: Re: دبي تجنن العالم
Author: إسماعيل حميم
Date: 05-24-2008, 11:28 AM
Parent: #10
أخوي بكري عذراً للتأخير في الرد
شرفت الدار
Quote: صـراحـة ياحـميـم ماعـجـبتـنـي (تـب) امارتكم دي!!. اتـجـولت فـي
شـوارعـها مالقيت لـي واحـد ضـاحك او مبتسـم!!، والكل مسـرع مسـرع
ولاواحـد غيـر السـيـدات (التـخان ) يسـرن ببـطء من خـلفها اولادها
وبناتهـا زي السـواسـيو اخـر صـياح وكواريك!!. |
تعرف يا (عم) بكري عندي ليك تصحيح صغير
إمارتهم دي
لا
إمارتكم دي . . . . لم يشأ الخالق لي زيارة الإمارات حتى كتابة هذا التعليق
بختك إنت الشفته شوارعها
Quote: لفت نـظري شـئ ما شـفتو فـي حـتة تانية الا فـي بلـدكم ده.. اي واحـد فـي
الشارع (كان سـيـد البلد او اجـنبي) لقيـتو شايل ( هانـدي) وبتكلم باخـر
صـوتو وفي ايـدو التانية كيـس نايلون مليان بشـنو اللـه اعـلم!!!.
الـطقس فـي دبـي لايطاق والرطوبة تشـوفهـا بعيـينك، نـص الشـعب مريض بالسكري
والسـمنة والنص التاني بالتـخـمة والقلب والكسل
الامارة حـرمـهااللـه تعالـي مـن اربعةاشــياء:
الـماء النقـي،
والخـضـرة،
والهـواءالعليل،
والـوجـه الـحـسن!!! |
طبعاً الباقي دا كلو ما حا أعرفو ليك!!!
فأهل الدار أولى بالدفاع . . .
| Quote: :::: لك موتـي. ( ماتزعل مـنـي!!) |
يا زول دا كلام شنو الله لا جاب الزعل
لك كل الحق في قول ما تراه من وجهة نظرك وتقديرك
ولى ولهم حق أن نأتي بما عندنا!!
دون تعدي الحقوق
مرفق
مودتي الأكيده
إسماعيل حميم
.
|
Post: #12
Title: Re: دبي تجنن العالم
Author: بكري الصايغ
Date: 05-14-2008, 02:35 AM
Parent: #1
الاخ الـحـبيب الـحبوب،
أبوبكر طه،
.... واللـه لو قلت شـنو داك!!
أمارتكـم مـسـييييييييـخـة،
ودمـها تقيييييل!'
ملحوظة:
اول مرةاعرف انو فـي فيـزا اسـمها ( فيـزة راعـي )!!!
لك مـودتي.
|
Post: #13
Title: Re: دبي تجنن العالم
Author: celecon
Date: 05-14-2008, 04:06 AM
Parent: #1
Quote: الامارة حـرمـهااللـه تعالـي مـن اربعةاشــياء:
الـماء النقـي،
والخـضـرة،
والهـواءالعليل،
والـوجـه الـحـسن!!! |
أأسف يا بكرى الصايغ ان اصفك بالكااااااااااااااااااااااااااذب
والكديسه لما ما تحصل اللحمة بتقوووووووووووووول عفنه
قوقل الزراعة فى دبى والامارات وبعدين قول كلامك ده ....
بطلوا حقد يا ناس ....
|
Post: #14
Title: Re: دبي تجنن العالم
Author: ALGARADABI
Date: 05-14-2008, 05:07 AM
Parent: #1
Quote: الامارة حـرمـهااللـه تعالـي مـن اربعةاشــياء:
الـماء النقـي،
|
الاخ بكري
بما انني أعمل في بلدية دبي
واشرف أشراف مباشر علي جميع مصانع تعبئة مياه الشرب الموجودة في الامارة(22 مصنع)
أسمح لي أن أختلف معك
فحسب آخر الاحصاءات العالمية دبي هي أكبر المدن انتاجا واستهلاكا للمياه الشرب في العالم
أكرر في العالم( بنسبة عدد السكان)
بمعني آخر أن حصة الفرد من المياه العذبة في دبي هي الأعلي في العالم
أكرر في العالم
اما الثلاثة اشياء الأخري مسائل القياس فيها نسبي لايفيد فيه الجدل
مع وافر الاحترام
وتحياتي لصاحب البوست و (المفاريك) حبيبنا حميم الحميم
|
|