Post: #1
Title: الـلـوتري فـرّخ
Author: الخير محمد عوض
Date: 04-09-2008, 03:49 AM
Parent: #0
بـدأت ادارة الهجرة الامريكية في ارسال نتائج قرعة اللوتري لهذا العام
وبحمد الله بدأت مساعينا بنجاحات اتمنى ان تتوالي. استلمت اليوم مظروفا كان
يرقد هانئا مطمئنا بصندوق بريدي معلنا فوز اسرة احد الذين قدموا عبري لقرعة
هذا العام وقد ارسلت لهم ايميلا ولم يردني منهم اي رد حتى الان. ساحاول ان
اعيد الارسال مرة اخرى وان لم ياتيني رد منهم حينها ساضطر لاعلان اسماءهم بهذا
الخيط وهم من السعودية (الرياض) علي امل من يدلني عليهم من يتعرف عليهم
حتى استطيع الارسال والمتابعة معهم فيما تبقى من اجراءات.
امنياتي بحظ وافر للجميع.
|
Post: #2
Title: Re: الـلـوتري فـرّخ
Author: Tragie Mustafa
Date: 04-09-2008, 04:13 AM
Parent: #1
يا سلام يا الخير في ميزان حسناتك باذن الله.
|
Post: #3
Title: Re: الـلـوتري فـرّخ
Author: احمد العربي
Date: 04-09-2008, 04:21 AM
Parent: #2
الخير يا جميل
الف ورده لك
ومحبه
|
Post: #5
Title: Re: الـلـوتري فـرّخ
Author: عبدالرحمن الحلاوي
Date: 04-09-2008, 04:42 AM
Parent: #4
أنا قدمت ، لسه ما وصلنا رد !!
|
Post: #6
Title: Re: الـلـوتري فـرّخ
Author: الخير محمد عوض
Date: 04-09-2008, 04:50 AM
Parent: #4
يا بكري انت من زمن الـ 2008 ... دا يا حبيب ناسو اسي
يكونو بدو يرسلو في (ابو صلعة) لاهلهم... لكن البتكلم عنو انا
دا ياهو هنا:
الـلـوتـري 2009 .. مـرحـبا بالجـمـيع.
عموما تسلم يا ريس وربنا يقدرنا علي مساعدة الناس
اختي الكريمة تراجي...تسلمي وتطيب ايامك
احمد الزول القيافة لك مني كل الامنيات وتسلم عا الوردة 
|
Post: #9
Title: Re: الـلـوتري فـرّخ
Author: الصادق خليفة
Date: 04-09-2008, 07:50 AM
Parent: #6
الاخ الخير تحياتي
يا أخي انا لي 12 سنة بقدم في اللوتري دي و ما كانت من النصيب
تفتكر دا كوج ساكت و لا هنالك فنيات لا ندركها ؟
تقديم مباشر ما نفع ، عن طريق مكاتب ما نفع . اخيراً قلنا نخيلها ممكن الجماعة ارجعوا للارشيف و يقول لي يا زول تعال نعوض تعبك الكثير دا .
عموماً من اسي انا حاجز عندك و خلينا نشوف المرة دي يا شرقة يا غرقه .
|
Post: #7
Title: Re: الـلـوتري فـرّخ
Author: ايوب عبدالرحيم
Date: 04-09-2008, 06:41 AM
Parent: #1
الخير الزول الطيب ودالاصول
تسلم على ذوقك واهتمامك
تسلم على وقتك ...
تسلم وانت بتحقق احلام الكثير
فعلا اسم على مسمى
عن جد يالخير اكثر مزايا سوادانيز اون لاين
انها عرفتنا على ناس بقدرك وبهاءك وصفاك
تحياتي للخير واسرته الكريمة
|
Post: #8
Title: Re: الـلـوتري فـرّخ
Author: ابوبكر على
Date: 04-09-2008, 07:45 AM
Parent: #7
الخير انت رائع كروعة قوس قزح
تحياتى
|
Post: #10
Title: Re: الـلـوتري فـرّخ
Author: ابو يسرا
Date: 04-09-2008, 10:30 AM
Parent: #8
ياريت نعرف الموقع الذي يتم فيه نشر اسماء المقبوليين
|
Post: #11
Title: Re: الـلـوتري فـرّخ
Author: abulinah
Date: 04-09-2008, 11:01 AM
Parent: #10
شكرا يالخير يا رائع علي الأخبار.
بس أنا عندي إستفسار أقدر أسوي شنو لو غيرت صندوق البريد الذي قدمت به؟ هل من الممكن إستلام التفاصيل بوسيلة أخري بريد إلكتروني مثلا و الذي سبق كتابته في الطلب؟؟؟
مع خالص تحياتي،،
وليد أبكـــم
الرياض - السعودية
|
Post: #14
Title: Re: الـلـوتري فـرّخ
Author: peace builder
Date: 04-09-2008, 11:07 AM
Parent: #11
اخي الخير
شكرا كتير لمساعدتك لنا في التقديم وربنا يوفق الجميع
جمال وهناء وميرال
|
Post: #12
Title: Re: الـلـوتري فـرّخ
Author: البحيراوي
Date: 04-09-2008, 11:03 AM
Parent: #1
العزيز الخير تحياتي
والله أعمالك زي إسمك وربنا يوفقك
بحيراوي
|
Post: #13
Title: Re: الـلـوتري فـرّخ
Author: عادل سهل
Date: 04-09-2008, 11:04 AM
Parent: #1
حاجزين عندك من أسع يا الخير للتقديم كان ما بابو لينا ما نلبس جلاليبنا ديل
يا سيدى كتر خيرك وإنت راجل والله أخو أخوان
ربنا يجعل جهدك فى ميزان حسناتك
موفق دايما ياخير الخير
شيخ العرب
|
Post: #15
Title: Re: الـلـوتري فـرّخ
Author: عصام الجيلي
Date: 04-09-2008, 11:42 AM
Parent: #13
لك مني تحية عطرة وأسعد الله قلبك وأنت تدخل الفرح إلى قلوب الذين ينتظرون هذه اللحظة
مع أطيب التمنيات لكل الذين تقدموا لهذا البرنامج بالنجاح والتوفيق ،
انجاز إنساني رائع وقفك الله . وربنا يجعلوا في ميزان حسناتك
دعواتكم ..
|
Post: #16
Title: Re: الـلـوتري فـرّخ
Author: معاوية الطيب
Date: 04-09-2008, 11:45 AM
Parent: #1
الاخ الخير
خالص التحايا
لك منا كل الشكر
العمل الذى تقوم بة عمل
ما ساهل وفى ناس بتاجر بيهو
لك الشكر والتقدير لهذا العمل النبيل
|
Post: #17
Title: Re: الـلـوتري فـرّخ
Author: بابكر التوم
Date: 04-09-2008, 12:55 PM
Parent: #16
حبيبنا الخير
سلامات
انشاء الله كمان وكمان
ويكفى كل الحبان
قول آمين
كل الامنيات ان تلقى الخير مكا تحبة للناس
|
Post: #18
Title: Re: الـلـوتري فـرّخ
Author: الخير محمد عوض
Date: 04-09-2008, 05:48 PM
Parent: #17
الاحباء
عبد الرحمن الحلاوي سلامات
| Quote: أنا قدمت ، لسه ما وصلنا رد !! |
طبعا يا عبد الرحمن ما اي زول قدم لازم يجيهو رد.. انا بتمنى انو
تكون من الفايزين ويجيك الرد ماشيا علي قدم وساقين...تقبل ودي.
الاخ الصادق خليفة تحياتي
| Quote: عموماً من اسي انا حاجز عندك و خلينا نشوف المرة دي يا شرقة يا غرقه . |
امنياتي ليك بوافر الحظ ولنا كامل ( الغرق ) في سعادة ان نلتقيك هنا.
اخي الذي لم تلده امي ايوب الجميل
لك التحيات وافرحتني اخر الاخبار التي تلقيتها عنك وبيننا اتصال قريب بأذن الله.
سلامي للاسرة
ابو بكر علي تحياتي يا زولا اخل تواضعنا بكلمات كما النسمات هي رقيقة.
ابو يسرا سلامات
| Quote: ياريت نعرف الموقع الذي يتم فيه نشر اسماء المقبوليين |
للاسف لا يوجد اي موقع يتم فيه نشر اسماء الفائزين. الطريقة الوحيدة لاخطار
الفائز تتم عن طريق عنوان بريده الذي وضعه في طلب التقديم.
ابو لينا سلامات
| Quote: بس أنا عندي إستفسار أقدر أسوي شنو لو غيرت صندوق البريد الذي قدمت به؟ هل من الممكن إستلام التفاصيل بوسيلة أخري بريد إلكتروني مثلا و الذي سبق كتابته في الطلب؟؟؟ |
حقيقة لا ادري كيفية التعامل مع الخدمات البريدية في المنطقة التي كنت قد كتبنها كعنوان
للمراسلة بك ولكن اقترح عليك مراجعة مكتب البريد العام في منطقتكم فهو الجهة التي يمكن
ان تكون اكثر افادة بالنسبة لك... امنياتي ليك بحظ وافر وتسلم على طيب الكلمات.
جمال اخانا الذي في لندن...كيفك يا ابو ميراك... تقبل احترامي وخالص الامنيات
البحيراوي الزول السمح لك موفور ودي وشكري الكثير لكماتك ودعواتك الطيبات.
هلا هلا شيخ العرب عادل سهل ربنا يقدرنا يا عادل لخدمة اتشرف بتقديمها لاعزاء يملؤون
سوح القلب رونقا ومسرة... لك طيب الامنيات.
عصام الجيلي سلامات يا اخي
| Quote: لك مني تحية عطرة وأسعد الله قلبك وأنت تدخل الفرح إلى قلوب الذين ينتظرون هذه اللحظة |
ليتك تعلم يا اخي كم السعادة الذي يعتريني كلما وجدت مظروفا لفوز جديد علي صندوق بريدي
لك مني كل الود يا جميل.
صديقي معاوية هلا بيك ومنور البوست
Quote: العمل الذى تقوم بة عمل
ما ساهل وفى ناس بتاجر بيهو |
وجميل دعواتكم هي خير اجر اتلقاه... ودي .
بيكا بيكا الدوحجي الذي طالت بنا سنسن العمر ولم نلتقيه... سلامات يا زول وان شاء اللقياء
قريبة...لك ودي والاسرة.
احبكم كلكم
|
Post: #21
Title: Re: الـلـوتري فـرّخ
Author: الخير محمد عوض
Date: 04-09-2008, 05:56 PM
Parent: #18
بالمناسبة لم يرد اي رد من الاسرة المقيمة في الرياض السعودية
واحتار دليلي هل اقوم بنشر اسماءهم هنا واستعين بمن يمكن ان يدلني
عليهم ام ماذا؟؟ ارجو مدي بما ترونه مناسبا... وودي
ب
|
Post: #19
Title: Re: الـلـوتري فـرّخ
Author: سيف الدين مصطفى كرار
Date: 04-09-2008, 05:53 PM
Parent: #1
مساء الخير يا استاذ الخير
لكن نحن نعلم ان نتائج اللوترى تظهر فى شهر مايو
انا فى انتظار لمعرفة النتائج ,لانى من المقدمين لة للمرة الثانية من الاردن
فهل يحالفنا الحظ مرة واحدة فى العمر؟ لست ادرى!!!.
شكرا للمعلومة العامة.
|
Post: #20
Title: Re: الـلـوتري فـرّخ
Author: سيف الدين مصطفى كرار
Date: 04-09-2008, 05:53 PM
Parent: #1
مساء الخير يا استاذ الخير
لكن نحن نعلم ان نتائج اللوترى تظهر فى شهر مايو
انا فى انتظار لمعرفة النتائج ,لانى من المقدمين لة للمرة الثانية من الاردن
فهل يحالفنا الحظ مرة واحدة فى العمر؟ لست ادرى!!!.
شكرا للمعلومة العامة.
|
Post: #22
Title: Re: الـلـوتري فـرّخ
Author: يسرى معتصم
Date: 04-09-2008, 06:07 PM
Parent: #20
| Quote: بالمناسبة لم يرد اي رد من الاسرة المقيمة في الرياض السعودية |
أخوى الخير
السلام عليكم ورحمة الله وبركاته
إحتمال يكونو فى السودان أو غير مواصل فى النت عليك بنشر الأسم وجزيت خيرآ.........
أها السنة دى أنا مقاسمك فى الأجر وتزكرة لأول فائز هديه
|
Post: #23
Title: Re: الـلـوتري فـرّخ
Author: Walid Safwat
Date: 04-09-2008, 07:38 PM
Parent: #1
| Quote: ياريت نعرف الموقع الذي يتم فيه نشر اسماء المقبوليين |
للاسف اسماء المقبولين لاتنشر طبقا لقوانين حماية خصوصيات الافراد
تقوم السلطات باعلام المقبولين بواسطة البريد
_____________
|
Post: #24
Title: Re: الـلـوتري فـرّخ
Author: ناذر محمد الخليفة
Date: 04-09-2008, 10:00 PM
Parent: #1
والله يا يسري معتصم عندك حقارة بتعرفا براك !!
| Quote: إحتمال يكونو فى السودان |
يعني السودان ما فيهو نيت ولا شنو ؟؟!!
ما ترانا في المنبر دا من سنة دو وبنكتب من جوة السودان !!
الخير حبابك ..
شكرا للمجهود المقدر ..
وربنا يجزيك خير ..
جهز ليك ديوان كبييييييير محل ساكن عشان ضيوفك كتااااااار الحا يجو ينزلو معاك لمن يصلو لي أمريكا
|
Post: #25
Title: Re: الـلـوتري فـرّخ
Author: يسرى معتصم
Date: 04-09-2008, 10:48 PM
Parent: #24
Quote: يعني السودان ما فيهو نيت ولا شنو ؟؟!!
ما ترانا في المنبر دا من سنة دو وبنكتب من جوة السودان !! |
ناذر أخوى
سلام
قصدى المغترب لمن يرجع السودان شـن داير بالنت
أها أنا لمن أرجع بالسلامه لاداير خوتة موبايل لانت
صـنفره:
إن شاء تكون من اللوتراب السنة ديل
|
Post: #26
Title: Re: الـلـوتري فـرّخ
Author: عبدالكريم الامين احمد
Date: 04-09-2008, 10:52 PM
Parent: #25
ابكر لوتري..اخيرا لفقت معاهو..!!!
تباريكنا للجميع
وامريكا بلد تستحق بالجد مثل هذه الهيلمانة
والف تحية يا الخير علي هذه الاعمال النبيلة
ودمت للجميع
|
Post: #27
Title: Re: الـلـوتري فـرّخ
Author: عبدالرحمن الحلاوي
Date: 04-10-2008, 04:38 AM
شكراً يالخير ...كلك ذوق
|
Post: #28
Title: Re: الـلـوتري فـرّخ
Author: الخير محمد عوض
Date: 04-10-2008, 05:28 AM
Parent: #27
الاخ سيف الدين مصطفى كرار: تحياتي وكل الامنيات بحظ وافر هذه المرة
يسري معتصم سلامات يا رجل..
| Quote: إحتمال يكونو فى السودان أو غير مواصل فى النت عليك بنشر الأسم وجزيت خيرآ......... |
غايتو ياعمنا بعد المفاوضات والمشاورات التحت تحت راينا ان نمدد فترة اعلان اسماء
الذين لم نتمكن من الوصول اليهم... والسبب (تحوطات كجية) - كما اورد بعض من
تمت مشاورتهم في هذا الامر.
وليد صفوت ازيك... تعرف يا وليد اول مرة سعيد اني الاقيك في خيط مرفوعة رايات
سلامه بيضاء من غير سـوء... وتسلم على المرور والافادة.
ابو النذر الظريف كيفك يا رايق ... كنت منتظر ( صورتك الخايف عليها) وبعض من
معلومات عشان اقدم ليك لكن يا عمنا الدور دا ما بتنفك مني تب .. طبعا اخوك فكرة
الصالون دي راقت ليهو ولربما امهرناهو بلافتة في صدره تحمل عنوان ( بورداب ولوتراب
امريكا - فرع نيو هامبشير).. .. تسلم يا عمك.
الحبيب كيكي دام ودك يا رجل... طبعا يا كيكي قصة جيتك لامريكا دي عملت لي ( كوموفلاشات)
شديدة جدا و الواحد ( با جتهادات فردية) نفسو يعرف اصل الحاصل والاتحصل... ودي
وعبد الرحمن: مرورك طيب الخاطر .. لك اخلص امنياتي.
|
Post: #29
Title: Re: الـلـوتري فـرّخ
Author: غباشي
Date: 04-10-2008, 05:53 AM
Parent: #1
الخير يا عمك ...
أهو احنا لسة فيها ... ماممكن تتحرفن لينا و تدخلنا ... إن شاء الله اتحاد معلمين ... أو بالكتير من منازلهم
,
|
Post: #30
Title: Re: الـلـوتري فـرّخ
Author: waw
Date: 04-10-2008, 10:30 AM
Parent: #29
الاستاذ الخير .......
يا نبع الخير ............
لك التحية علي المجهود الرائع ......
اذا كان زمن استكمال الاجراءت لا يحتمل التأخير يمكن اعلان الاسم .....
|
Post: #31
Title: Re: الـلـوتري فـرّخ
Author: Luai Salah
Date: 04-10-2008, 04:23 PM
Parent: #1
الاستاذ الخير
سلاماااااااااااااااااااااااااات
كتر خيرك كتير على العمل البتقوم بيهو , انا قدمت من السودان وتم التقديم بنجاح اها نحنا نعرف النتيجة كييييف لو فى موقع بتظر فيهو النتيجة افيدنا ولك خالص الشكر
|
Post: #32
Title: Re: الـلـوتري فـرّخ
Author: الخير محمد عوض
Date: 04-10-2008, 04:40 PM
Parent: #31
على الرغم من كل المجهودات التي بذلتها في عدم الادلاء
باسماءهم وجدت نفسي مضطرا الان لفعل ذلك وارجو ممن يتعرف
عليهم اخطارهم بذلك ومراسلتي الفورية عبر رقم تلفوني الموجود
في البروفايل خاصتي... وجميعا فالنبارك للسيدة:
سعاد نصر الدين همت
وزوجها السيد:
عماد الدين الطاهر عبد الحفيظ
وبنيتهم الامورة الصغيرة ربنا يحفظها
هذه الاسرة تقيم في الرياض السعودية منطقة (العليا) وفي السودان من مواليد مدينة كوستي
الف مبروك مرة تانية ويللا يا جماعة اظهرو وودي للجميع.
|
Post: #33
Title: Re: الـلـوتري فـرّخ
Author: الخير محمد عوض
Date: 04-10-2008, 10:50 PM
Parent: #31
غباشي : اتحاد المعلمين هين.. المشكلة الاعادة
واو : اهو غايتو عملنا بالوصية ونشرنا اسماء من لم نتعرف
عليهم ... ويللا يا بورداب الرياض ايدكم معانا.
لؤي يا صالح كيفك يا زول : كما اورد احد المعلقين في هذا
الخيط انه لا تعلن ادارة الهجرة الامريكية عن النتيجة بصورة
علنية وانماترسل النتئج للفائزين فقط عبر صناديق بريدهم التي
كتبوها في فورمات التقديم.... تقبل خالص الامنيات.
|
Post: #34
Title: Re: الـلـوتري فـرّخ
Author: الخير محمد عوض
Date: 04-11-2008, 05:25 PM
Parent: #33
لعناية بورداب الرياض
|
Post: #35
Title: Re: الـلـوتري فـرّخ
Author: ابوبكر على
Date: 04-13-2008, 09:15 AM
Parent: #34
استاذ الخير سلامات
مالك وقفت الندهان
انده رجاءا
منتظرين ...
|
Post: #36
Title: Re: الـلـوتري فـرّخ
Author: عصام الجيلي
Date: 04-13-2008, 11:04 AM
Parent: #35
صحيح والله يالخير
مالك صنفت
مع إنو ما مقدمين عن طريقك لكن والله دايرين نفرح للناس القدموا عن طريقك
أبوبكر تحياتي
إنشاء الله المرة الجاية .. يندهوك
|
|