مرحب بالجميلة سلوي غالب .... اضافة نوعية للمنبر

نعلن انضمام الاستاذة سلوي غالب لمنبرنا بقلمها الرشيق وقدرتها العجيبة علي الحكي .... فهي صحفية ذات خبرات متنوعة فقد بدات عملها بالصحيفة الرصينة الايام وعملت مراسلة لصحيفة الخليج الاماراتية ومتعاونةبمجلة بلادي وعملت كذلك بمركز الخرطوم لحقوق الانسان وهي بصدد العمل بجريدة اجراس الحرية حديثة الصدور والاهم من كل ده ان البنت عمة ..... فهي ابنة اخ الشاعرة الاستاذة رقية وراق ...... مرحب بالجميلة سلوي غالب

(*)

رغم إني زعلان من الزولة دي ..

لكن مجبور خادم الفكي علي الصلاة ..

مرحب بيك يا(وحشة) ..

الجميله
سلوى غالب
لتكونى أضافه حقيقه للمنبر
أهلأ وسهلأ
بيكـ

سابل

Quote: الجميله سلوى غالب لتكونى أضافه حقيقه للمنبر أهلأ وسهلأ بيكـ سابل

شكراً ياسابل ياخوي ..

أنا أحتليت البوست ونسيت مداخلتك دي أصلو محاحاة الجماعة ديل عاوز (باك) خطير ..

العزيز سابل شكرا على الترحيب بى واتمنا
ان يضيف كل للاخر من نبع معرفته حتى تتعدد
المعارف وتتنوع
تحياتى لك

(*)

معلومات إضافية:

(سلوى غالب) ياسادتي , (جميلة) , فارعة القوام ذات (لدغة ) مميزة حين تتحدث , ..

كانت تكبرنا عام دراسي واحد , لكنا كنا نتشابى لرؤيتها حين تغادر بعد إنتهاء يومنا الدراسي ..

فهي أجمل من رأينا , بل هي أول ما وقعت أعيننا عليه من (جمال) ..

أذكرها , ..

وضفائرها التي تنسدل خلف ظهرها , وهي تغادر , وتتبعها أعيننا , وهي تودع زميلاتها وتعلو ضحكتها تلك , ..

تلك الضحكة التي تجعلنا نركض ونرمى بأقلامنا وكراساتنا ونهتف (يا الله) ..

كانت شقيقة (دفعتنا زياد) , و(زياد) , كنا نصحبه إلى بيتهم بحياة والده (غالب) رحمه الله ..

كنا أصدقاء زياد , لكنا كنا نحسده على (سلوى) ..

لن أواصل ...

(لأني زعلان منها) ..



________________________________________________

ملاحظة هامة : مضى على هذا الحديث نيف وطاشر عام (عشان ماتتكسروا) ساي ..فربما كان هذا الجمال (في الباي باي الآن ) ...

الزين/ كمال على الزين تحياتى واشواقى
شكرا على الحضور الجميل وعلى سرد تفاصيل
الطفولة والصباوالتى كشفت لى عن اشياء لم اكن اعرفوها
فى ذلك الزمان
كمال يا اعزائى اخ عزيز وصديق صدوق نشأنا فى حي واحد
لا ادرى سبب زعلك منى ، لكن تأكد من انى ابد مابزعل
زول وانا مابزعل منك بحكم انك اخى (الاكبر)
(لاننى اشكك فى هذا العام الدراسى الواحد ومن يسبق من)

Quote: (*) رغم إني زعلان من الزولة دي .. لكن مجبور خادم الفكي علي الصلاة .. مرحب بيك يا(وحشة) ..

زعل شنو ياكمال ياود اختي سلوي دي مابزعلو منها دي بفرحو بيها

بهاء يعنى بالطريقه دى حقو بكرى ابوبكر يشيل المنبر دى
يكتب حلوانى ،فكهانى،مرطبات،حديقه،اى شى
يتناسب رقة ولطافةومعرفة الناس البتقدموا فيهم ديل..
وبلا شك مادام بنت اخ الاستاذه رقيه وراق اذن هى ماخده الصنعه
من كفلين..
شق حلال بلال اى ورثه شرعيه والبت كما يقولون عمه،
والشق الاخر باطلاعها ومثابرتهاودربتها انتزعته عنوة واقتدارآ..
فهنئيا لنا بالتى جمعت المجد من اطرافه..
سلوى مشرفه سنى على النضال قلمك سوكى بالتسامح فمك
فهنا ستجديننا اما شاكرا واما كفورا،وفى ذلك
تكمن حلاوة منبرنا..
ننتظر مشاركتك وخلف سلوى استواااا يرحمكم الله،،،

Quote: بهاء يعنى بالطريقه دى حقو بكرى ابوبكر يشيل المنبر دى يكتب حلوانى ،فكهانى،مرطبات،حديقه،اى شى يتناسب رقة ولطافةومعرفة الناس البتقدموا فيهم ديل.. وبلا شك مادام بنت اخ الاستاذه رقيه وراق اذن هى ماخده الصنعه من كفلين.. شق حلال بلال اى ورثه شرعيه والبت كما يقولون عمه، والشق الاخر باطلاعها ومثابرتهاودربتها انتزعته عنوة واقتدارآ.. فهنئيا لنا بالتى جمعت المجد من اطرافه.. سلوى مشرفه سنى على النضال قلمك سوكى بالتسامح فمك فهنا ستجديننا اما شاكرا واما كفورا،وفى ذلك تكمن حلاوة منبرنا.. ننتظر مشاركتك وخلف سلوى استواااا يرحمكم الله،،،

(صديق الموج)

تحياتي ..

وهذا بعد إمتلاكي لهذا (الخيط) بوضع اليد..

إستوينا خلفها صغاراً ..

حين كانت فاكهة دنيانا (الصغيرة) , ..

(سلوى غالب) يا(صديق ) موجة عاتية , لو داهمت عيناك بطلعتها لصرت (كاسر أمواج)

(وصديق) لطلعتها ..

و(آآه) إن كان قلمها قادر على دلق (لدغة لسانها ) تلك هنا ..

إذن لغرق (الموج) ..

أما نحنا ..

فلينا الله ..


(خليني أصالحا وأجي أحكي ليك) ..

(أنا زعلاااان منها)

استاذى العظيم صديق الموج
شكرا جزيلا على الكلمات الطيبات
لقد قرأت لك كثير فى المنبر و(براحة على كمال)
اتمنى ان اجدكم جميعا شاكرين غير كافرين
وان استوى خلفكم بكل الرضا
لك مودتى

مرحباً بها
لتضيف إلينا عمقاً جديدا

Quote: لتضيف إلينا عمقاً جديدا

(بلة) عن أي عمق تتحدث يااااااا(بلة)

وهل ستضيفه الآن ..

ياخي والله لو مازعلان منها ...

غايتو .. سكتنا ..






______________________________________

ياسيدي وأجرى على الله .. لقد رسمت على وجداننا وشمها منذ سنوات الطفولة الأولى



لكن (برضو) كعبة و(مزعلاني) ..

ياخي أحسن أمشي أنوم ...

"ياسيدي وأجرى على الله .. لقد رسمت على وجداننا وشمها منذ سنوات الطفولة الأولى"


بركة المرقت منك الحقيقة
أمش نوم بعد دا

إنّا لله يا كمال ..
البنية مرقتها من الملة مره واحدة ؟

Quote: (سلوى غالب) ياسادتي , (جميلة) , فارعة القوام ذات لدغة مميزة حين تتحدث , .. كانت تكبرنا عام دراسي واحد

ياخي رفقاً بالقوارير يا كيمو ياخ ..
ما " يلدغ " هو العقرب و صويحباتها من أجناس العناكب ..
أما " اللثغ " فهو محبب محبب .. قال المغني :
حنّانا .. كاتلانا .. ( اللجَنَه ) الفي لسانها .
و المعمر هو الدبيب ( و انت حجيري معمر يا طويل العمر .. بشهادة خضر حسين ) ..
فلا يظنن امرؤ بأنك قد تصغر بنية كأختكم سلوى ..
( إنت ممكن تكون أصغر من أبوساندرا يا كيمو .. و بس ) .

مرحباً بسلوى الصحفية و الكاتبة ..
أبقى لي جوه يا بنية .. حبابك ألِف .

يا بهاء بقيت تجيب الدرر ( لا تسعد بها صفة , فهي لصيقة بعزرائيل .. يُقال : الموت نقّاد ) ..
و قد أفرحتنا بأول اصطفاءاتك :
صاحبنا البديع عبدالله فلوت ..
و ها تأتي بختامها المسك سلوى .

Quote: ما " يلدغ " هو العقرب و صويحباتها من أجناس العناكب .. أما " اللثغ " فهو محبب محبب .. قال المغني : حنّانا .. كاتلانا .. ( اللجَنَه ) الفي لسانها .

يا(عمدة) قلنا (لدغة) بفتح اللام والدال والغين وتسكين التاء المربوطة ..

وكل هذا ليس علاقة ب(اللثغة) أو (اللجنة) ..

فالأولى تفيد عسراً في النطق , ..

والثانية تفيد الخلط بين الأحرف ..

أما هذه الأخيرة (اللدغة) خاصة (سلوى)

فهي تفيد (العجن) ..

ذلك الذي (محن الأمات ياعماد )

Quote: فلا يظنن امرؤ بأنك قد تصغر بنية كأختكم سلوى ..

نحنا قلنا نكبرا عشان (نحاحي) البكايين والمتكسرين ..

Quote: و المعمر هو الدبيب ( و انت حجيري معمر يا طويل العمر .. بشهادة خضر حسين ) ..

(أجي يالبركش) , أو كما قالت عشة وكر (رضى الله عنها)

وهو (أبصلعة) ده شهادتو مش مجروحة بس , دي مخدشة ومقطعة حتة حتة , لاقاني وين ؟؟

يبهتو الضرار اللي يضروا ..

(مابعرفوا) ولا مرا على (إسمو ده) ..

Quote: ما " يلدغ " هو العقرب و صويحباتها من أجناس العناكب ..

أهو اللدغي ده , هو كلاما زاتو ..

وحات أبوي (حسن راجل القوز)


_____________________________________

والله بس زعلان منها .. كان ما زعلان كان وريتك اللدغي ده كيفنو ..!!

العزيز عماد عبداللة
يظهر انو نحن من البداية متفقين خالص لاننى دائما
اوصى بالرفق بالقوارير
سعيدة جدا بى مداخلتك
وببقى لى جوه اكيد فى داركم العامرة هذه
تسلم يارب

العزيز بله
شكرا جزيلا على مرورك وترحيبك
تسلم ان شاء الله

مرحب ,,,!!

ومية مرحب

Quote: مرحب ,,,!! ومية مرحب

شكراً ليك يا(ملك)










____________________________________________

والله تاني يابهاء المحكمة ماترجع ليك ملكية البوست ده

"والله تاني يابهاء المحكمة ماترجع ليك ملكية البوست ده"

والله دي قوة عين عديل
ما أظنك بعد كلامك دا بتنوم
أخير لي أمشي أنا أنوم

الحالة زعلان .. عامل كدة ..


يعني كان صالحتها حا تعمل شنو ؟؟

Quote: الحالة زعلان .. عامل كدة .. يعني كان صالحتها حا تعمل شنو ؟؟

بجيك في (الخاسسسسسس)

يا مراااااااااااحب

Quote: يا مراااااااااااحب

والله يا(عمرو) تخجل مالك مكلف نفسك كده

تاميها لينا ألوفات ساي (جمع ألف يعني) ..

كتر خيرك ..

الألوفات ما بناباه لكن الفيك إتعرفت ..

Quote: يا مراااااااااااحب

والله يا(عمرو) تخجل مالك مكلف نفسك كده

تاميها لينا ألوفات ساي (جمع ألف يعني) ..

كتر خيرك ..

الألوفات ما بناباه لكن الفيك إتعرفت ..

Quote: الألوفات ما بناباه لكن الفيك إتعرفت ..

يا ريت لو كانت الالوفات .. جد جد





كنت حتعمل نايم ... صح؟؟



















سلوى... بالله خليها بينا كده لحد ما نتلاقى

الصديق عمرو
بدورى ارحب بك كثيرا
تحياتى

سلوى.. تسلمى








شفت يا كمال




اطلع منها بالله

ود الملك ازييك
وشكرا على الترحيب يا ملك

Quote: والله تاني يابهاء المحكمة ماترجع ليك ملكية البوست ده

معليش يا كمال اخوى قبيل انا عنونت مداخلتى لى سلوى وبهاء
لكن يظهر انا غلطت واكرر اعتذارى،لانو بالطريقه دى
مفروض تعنون المداخله كالتالى :
الاخ كمال ثم كمال ثم كمال ثم كمال ثم كمال ثم كمال ثم كمال
ثم كمال ثم كمال ثم كمال ثم كمال ثم كمال ثم كمال
قال ثم من صدق لم يقل امك ولا سلوى قال كمال ايضا
الرجاء قبول تاسفاتى....
بعد اذنك ممكن ارد على الثقيل اللى ما يسماش ابو شنب الوغد
المدعى عماد..اذا بتريد... على راى اللبنانيين،،،

Quote: ارد على الثقيل اللى ما يسماش ابو شنب الوغد المدعى عماد

قال ود الرضي :
( تَلّى اليُمنى .. و مشى مُتتاقِل ) ..
هذا إن كنت أنا صاحب المقلات التي : ما رآهن عاقل عَقَل ..
او بعضٌ من معاصمي جدلة و الكفيفات غوف ..
أو لو أن بي ميلة العرجون يا زنديق ..
أو لو أنني أموح و أرفل فوق هيبة ..
يا

يا سغيل ..
إني لحالقٌ شنب التابا ده ..
أنّشوف تاني قولك كيف يا ود الموج ؟

....
معليش يا بهاء ..
قريبك أشهر الحسام في وجهي ..
و انا دنقلاوي عكليتة .

Quote: معليش يا كمال اخوى قبيل انا عنونت مداخلتى لى سلوى وبهاء لكن يظهر انا غلطت واكرر اعتذارى،لانو بالطريقه دى مفروض تعنون المداخله كالتالى : الاخ كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال قال ثم من صدق لم يقل امك ولا سلوى قال كمال ايضا الرجاء قبول تاسفاتى....

يعجبني فيك يا(الموج) إحقاقك للحق ..

ماعاوز أقول إنك (حقاني) , ناس بهاء يطلعوا بيان

يبهدلونا ..

Quote: بعد اذنك ممكن ارد على الثقيل اللى ما يسماش ابو شنب الوغد المدعى عماد..اذا بتريد... على راى اللبنانيين،،،

هي بعد (سلوى )جات , تاني تضرب مثل بالشايقيين مش اللبنانيين ..

أديهو لما شنبو ده يتحتا , ..

(كيدهم في نحرهم) ..

إنشغلوا عننا وسوقوا معاكم (كمال سالم ) ده

و(أبوساندرا) ثبتوه , خلوهو يجر شخيت ويقيف بعيد ..


خلونا نشوف (شغلنا)

هل من مرحب ؟؟

حبيبنا بهاء بكرى ,, مرحب بسلوى غالب ,, ولا لاحتلال كمال على الزين لهذا البوست ,,
يكفيه أن أشكره على السيره الذاتيه الباذخه التى أوردها عن سلوى ,, وعليه أن
( يتخارج سريع ) .
أنا شايف اليومين دى فى موضة الارتباط بين بوردابى وبوردابيه , عشان كده أنا عائز
سـلوتكم دى قبل ماتسمى , يكون فى اعلان فى الصفحه الاولى بعنوان ( الافراح تتوالى فى
سودانيز أون لاين ,, خطوبة بوردابى وبوردابيه ) . خاصة وكل الاوصاف التى ذكرها كمال
مطابقه تماما بلدغتها ,, يلا اتحرك يابهاء وشوف العمه ,, بس كمال ده بره الموضوع
لانى بديت أغير من هسه ,,















بهاء حاول صلح لى سيرتى الذاتيه المهببه دى كان سلوى توافق ,,

العزيز كمال سالم مرحب بيك شديد
وسيرتك سيرة السرور
وكدى شوف بهاء رأية شنو فى موضوعك دا
والبقول عليه يمشى
تحياتى لك

Quote: حبيبنا بهاء بكرى ,, مرحب بسلوى غالب ,, ولا لاحتلال كمال على الزين لهذا البوست ,, يكفيه أن أشكره على السيره الذاتيه الباذخه التى أوردها عن سلوى ,, وعليه أن ( يتخارج سريع ) . أنا شايف اليومين دى فى موضة الارتباط بين بوردابى وبوردابيه , عشان كده أنا عائز سـلوتكم دى قبل ماتسمى , يكون فى اعلان فى الصفحه الاولى بعنوان ( الافراح تتوالى فى سودانيز أون لاين ,, خطوبة بوردابى وبوردابيه ) . خاصة وكل الاوصاف التى ذكرها كمال مطابقه تماما بلدغتها ,, يلا اتحرك يابهاء وشوف العمه ,, بس كمال ده بره الموضوع لانى بديت أغير من هسه ,, بهاء حاول صلح لى سيرتى الذاتيه المهببه دى كان سلوى توافق ,,

كمال ثالم كده النرد عليك قبال الزول الثقيل الاثمو كمال الزين داك يجى..
اولا حكاية رضعنا من مزيره واحده فى مدرثة واحده قبلناها
وحكاية انا قدرك بلعناها..
وحكاية عامل صاحبى وقاشر بى مشيناها..
لكن حكاية تقرأ افكارى دى محيرانى
وجنى جن المداقره فى الجكث
اولا انا خالكم الاغلى....
ثانيا ما ملاحظ انو حروف امنه اربعه وثلوى كذلك
وايضا انا..
اذا هنالك وجه شبه كبير وكبير جدا بيننا
عليه باثم بها الدين طلبك مرفوض
وحكاية ثيرتك الذاتيه تتصلح مافى طريقه
لانك بالطريقه دى حا تتطرانى اكب ثيرتك من زمن الدراثه
وكنت حا احكى ليهم لما جيت المدرثه ضارب وطرشت فى الزير
لكن ثترتك..وحكاية تقلع مننا قروش الفطور وقلت ياولد ابقى
احثن منو وما تقوله..وحكاية الحاجه ثت الفول الاتدينت
منها وزغت لكن برضو مافى داعى..
وحكاية رفدوك خمثين مرة وضربت الاثتاذ كف برضو قلت لا بفضحك..
دحين يا كمال ثالم رحبت وانتهيت؟؟عرض اكتافك
قدمك لى ابو ابراهيم وثوق معاك الثقيل العامل زعلان منها
واحتل البوثت داك....والله كان الزعل بدى مثاحة قدر كده
انا امد قدومى من هنا لى مكان ثيرفر بكرى زاتو..
ثلوى انا برد ليهم ثمح...
انعل ابو ما لثغة زاتو تانى ثمح..
يا اخواتى لثانى اتعوج،،،،

طبعا هي رسلت لي ايميل قبل كم شهر عشان
اتوسط ليها عند بكري ابوبكر ... وانا طنشت
بل مسحت الرسالة - موش على كيفي - وعندما
رايت الترحيب للصديقة العزيزة سلوى ، قلت اكيد
صديق - المكسراتي - او المسحراتي بيجي عاضي
جلابيتو وجاري يتحكر ، غايتو الخال دة يا عماد
الا نشوف ليهو شيتن نربطو يقعد بعيد ، ولمن طنشت
ايميل العزيزة سلوى غالب فتح الرحمن وراق (طبقاً
لشهادتي الميلاد والجنسية وجواز السفر ) كنت متاكد
انو اذا جات سلوى هنا فان صديق موجنا هذا سينقلب
على الجميع والان اراه يتلاصق بخفة وزنه مع كمال علي
الزين - الذي رجع الى صباه ليؤكد تلاحم قوى الشعب العاملة
تلاتة - ومع ذلك نصدقه ، ولانه سيكون خصيما على صديق الموج
هذا - اكبر متسلبط في دنيا الله اكبر - والشابة الشايقية
دي لسانها طويل وما بتخاف ، وقوية - والله يا صديق الموج
تطقق هوك يلملموك فقرة فقرة - طبعا ياسلوى لازم نهرش صديق
دة من الان ...وما شغلتي بالاخرين لانو ختري ختري ...


بمعنى انه كثير الكلام والعويل والصراخ ... مرحب بيك
العزيزة سلوى ... ومرحب ببكاء صيوانو جاهز ... يا عماد عبدالله
اجهزوا للفراش من اسعي ، واقيفوا في بوست منفصل قادم من الموج


وصية : كمال الزين معليش دة ترحيب بحذر ...

Quote: طبعا هي رسلت لي ايميل قبل كم شهر عشان اتوسط ليها عند بكري ابوبكر ...

والله خيراً فعلت لكن إتسربت وجابت ..

Quote: وانا طنشت بل مسحت الرسالة - موش على كيفي -

أمال على كيف (صديق الموج)

Quote: وعندما رايت الترحيب للصديقة العزيزة سلوى ، قلت اكيد صديق - المكسراتي - او المسحراتي بيجي عاضي جلابيتو وجاري يتحكر ، غايتو الخال دة يا عماد الا نشوف ليهو شيتن نربطو يقعد بعيد ، ولمن طنشت ايميل العزيزة سلوى غالب فتح الرحمن وراق (طبقاً لشهادتي الميلاد والجنسية وجواز السفر ) كنت متاكد انو اذا جات سلوى هنا فان صديق موجنا هذا سينقلب على الجميع والان اراه يتلاصق بخفة وزنه مع كمال علي الزين

هي شن جاب لي جاب وحاتك ده (دفعة) , (هاشم البربري) راجل خالتي وبناتو قدري ..

(طبعاً هو حايجي يقول لا دفعة عبده الصغير أخو هاشم البربري الصغير ماتصدقوه)

Quote: كمال علي الزين - الذي رجع الى صباه ليؤكد تلاحم قوى الشعب العاملة تلاتة - ومع ذلك نصدقه

يعيش الإتحاد الإشتراكي اللعين ..

Quote: ولانه سيكون خصيما على صديق الموج هذا - اكبر متسلبط في دنيا الله اكبر - والشابة الشايقية دي لسانها طويل وما بتخاف ، وقوية - والله يا صديق الموج تطقق هوك يلملموك فقرة فقرة - طبعا ياسلوى لازم نهرش صديق دة من الان ...وما شغلتي بالاخرين لانو ختري ختري ...

كلموا عليك الله كان يخاف على سنونو..

Quote: وصية : كمال الزين معليش دة ترحيب بحذر ...

والله ماقصرت .. أنا لو مازعلان منها كنت عملت أكتر من العملتو إنتا ده ..

ابو ربيكا والله مشتاقين
لكن انت قايلنى (هينة والا لينة والاماعندى زول يتوسط لى)
حقيقى سعيدة جدا بى مداخلتك
واكيد بنتلاقى ياسرى فى المسنجر
عشان اعرف اخبارك
تحياتى لك

Quote: كمال ثالم كده النرد عليك قبال الزول الثقيل الاثمو كمال الزين داك يجى..

هو أنا بمشي عشان أجي ..

أنا يمين غير الزارعنا من هنا مايقلعنا ..

Quote: كمال ثالم كده النرد عليك قبال الزول الثقيل الاثمو كمال الزين داك يجى.. اولا حكاية رضعنا من مزيره واحده فى مدرثة واحده قبلناها وحكاية انا قدرك بلعناها.. وحكاية عامل صاحبى وقاشر بى مشيناها.. لكن حكاية تقرأ افكارى دى محيرانى وجنى جن المداقره فى الجكث اولا انا خالكم الاغلى.... ثانيا ما ملاحظ انو حروف امنه اربعه وثلوى كذلك وايضا انا.. اذا هنالك وجه شبه كبير وكبير جدا بيننا عليه باثم بها الدين طلبك مرفوض وحكاية ثيرتك الذاتيه تتصلح مافى طريقه لانك بالطريقه دى حا تتطرانى اكب ثيرتك من زمن الدراثه وكنت حا احكى ليهم لما جيت المدرثه ضارب وطرشت فى الزير لكن ثترتك..وحكاية تقلع مننا قروش الفطور وقلت ياولد ابقى احثن منو وما تقوله..وحكاية الحاجه ثت الفول الاتدينت منها وزغت لكن برضو مافى داعى.. وحكاية رفدوك خمثين مرة وضربت الاثتاذ كف برضو قلت لا بفضحك.. دحين يا كمال ثالم رحبت وانتهيت؟؟عرض اكتافك قدمك لى ابو ابراهيم وثوق معاك الثقيل العامل زعلان منها واحتل البوثت داك....والله كان الزعل بدى مثاحة قدر كده انا امد قدومى من هنا لى مكان ثيرفر بكرى زاتو..

نحنا قرينا مع (سلوى غالب)

وده يجي بدون خجلة يقول قرينا مع (كمال سالم)

على الحرام نحنا ماكنا بنغيب زاتو , يوم الجمعة بعد مانوصل المدرسة نلقاها فاضية حتى نعرف إنو اليوم جمعة ..

وإنتو قريتو مع (ناس جمعة) ..

عليك الله يا(الموج) ماتخرب سيرتك الذاتية بالشكل ده ..

أنكروا حطب ..

كما (أنكرنا من قبلكم أخانا خضر) ..

Quote: ثلوى انا برد ليهم ثمح... انعل ابو ما لثغة زاتو تانى ثمح.. يا اخواتى لثانى اتعوج،،،،

حيينا ..و بث

Quote: هي شن جاب لي جاب وحاتك ده (دفعة) , (هاشم البربري) راجل خالتي وبناتو قدري .. (طبعاً هو حايجي يقول لا دفعة عبده الصغير أخو هاشم البربري الصغير ماتصدقوه)

كمال الحبيب كيف اصبحت؟؟
بسم الله سؤال بايخ ..
ما انا عارفك اصبحت فى بوست سلوى ده زاتو..

راجل خالتك؟قال راجل خالتى!! يا اخوى ده اقدم من الشنقيطى سيد الشارع
بالله بلغهم التحايا...
لازلت اذكر طعمية عربيدة فوق الجبنه...
وحاتك انا عبده زاتو مادفعتى انا دفعتى الفاتح
بعدين بالله الديامه ديل لمهم من هنا
سرى وعماد وابوساندرا...
اخيرا يا اخوى سلوى بتسلم عليك وقالت ليك
شويه من البوست ده وبترجعوا ليك
ثمح....احى يا كلوى
انت عارف اللثغة دى عند البنات بطلع د...الزول..
شكلها ادغام بغنه وكده..حولا
مافى طريقه بكرى يحول الردود دى مثموعة..
كان حا يكون بختنا يا ثاحبى ووووووووووووب،،،،

Quote: كمال الحبيب كيف اصبحت؟؟ بسم الله سؤال بايخ .. ما انا عارفك اصبحت فى بوست سلوى ده زاتو..

والله الشاي شربناه في البوست ده

بث هانت أنا رسلتا (فيزا) زيارة لأخوي الصغير عشان أجيبوا

أدخلوا معاي هنا (عضو في البورد )

صحبة راكب , وكده ...

عشان أحرسوا البوست ده .. الواحد ينوم ليه ساعتين ..

Quote: راجل خالتك؟قال راجل خالتى!! يا اخوى ده اقدم من الشنقيطى سيد الشارع بالله بلغهم التحايا... لازلت اذكر طعمية عربيدة فوق الجبنه... وحاتك انا عبده زاتو مادفعتى انا دفعتى الفاتح

ياخينا كلامك ده كان زمان

قبل ظهور موضوع الأوراق الثبوتية وتدشين مكتب الهجرة والجوازات والجنسية

(فرع البورد )..

هات مايثبت (جواز جنسية بطاقة شخصية) ..

أنا أتصلتا علي خالتي تطلع صور عرسا هي و(هاشم البربري) باقي (دفعتك هاشم ده خرف )

وقلتا ليها تطلعي لي صور (صديق الموج) تشوفيهو كان مع (الشفع البلعبوا)

و لا (الجماعة البجغموا) ..

قالت لي :العرس كان بي نجم الدين الفاضل ..

قلتا ليها :السألك من الفنان منو أسي ؟

قالت لي : هي لكن نجم الدين الفاضل ماكان صغيروني وبعد الحفلة بقدموهو ناس (الموج)

والصور في الطريق ..

قالت لي كمان لو ماخايفة الكضب , عندنا صورهم لما الأزهري

كان برفع في العلم لابسين ديك يا الأردية والقمصان الإنجليزية ..

Quote: بعدين بالله الديامه ديل لمهم من هنا سرى وعماد وابوساندرا...

ياخوي ديل خليهم علينا , عارفين الفيهم :

كان لي صاحبك (عماد) ده كركب والفيهو كملت

والشنب الكبير ده (خط دفاع وهمي ساي)

وكان لي (أبوساندرا) طشش وبديك نظرة بالعين البايظة تحننك في حنانك

وكان لي (سري ) خليهو في سرك , ..(بجيك في الخاسسسس)

شفت الاسم افتكرت المنبر فتح للصومال
وشفت الصفة فتوجست خيفة لمعرفتي بتقيمات بهاء
فيما يتعلق بالجمال
ثم دخلت
فاذا بي متحرشا بي

هسع بس عايز ارحب بالوهيطة دي
ولو ماجات وردت على تحيات المتقاطرين اعلاه
سوف نردم رقية و وليد وكل الوراريق

Quote: شفت الاسم افتكرت المنبر فتح للصومال وشفت الصفة فتوجست خيفة لمعرفتي بتقيمات بهاء فيما يتعلق بالجمال ثم دخلت فاذا بي متحرشا بي هسع بس عايز ارحب بالوهيطة دي ولو ماجات وردت على تحيات المتقاطرين اعلاه سوف نردم رقية و وليد وكل الوراريق

إنتا صحيت يا(أبوالبنيات)

إنشاء الله صحتك كويسة , طبعاً (سلوى ) ماغريبة ياقريبي

وريناها كل عيوب (المكنة والشاسي) و(اللمبات والمراوح)

أنا برد بالنيابة عنها ..

والبوست زاتو حايمشي (مكتبتي) , ..

(سلوى): ماتجي للجماعة (الوحشين ديل) , أنا بنوب عنك ..

يا كمال على الزين : على بالطلاق ما لاقانى أوضح واجمل " مما كان العدو يتخيل" وعليك الله البوست ده ما تخلى لا لى حبيب لا عدو.

مرحب بيك يا سلوى، وكفاك جبتى لى عماد عبدالله ده هنا، الزول ده كتاب عديل بى خشم الباب، وأنا أقول بيجيب الكلام من وين ابن الكلب طلع تشكيلى، وحاتك كتابتو ياها بس جديع الألوان فى الموية، يا عمدة لك حبى وتحيتى. وما تقولو انا خرمت فمن الصعب القبض على عماد اليومين ديل. وياكمال أخوى ألحق حبشيتك ديك وتعال صادى. أهلا بسلوى التى عملت هذه اللمة العجيبة

Quote: يا كمال على الزين : على بالطلاق ما لاقانى أوضح واجمل " مما كان العدو يتخيل" وعليك الله البوست ده ما تخلى لا لى حبيب لا عدو. مرحب بيك يا سلوى، وكفاك جبتى لى عماد عبدالله ده هنا، الزول ده كتاب عديل بى خشم الباب، وأنا أقول بيجيب الكلام من وين ابن الكلب طلع تشكيلى، وحاتك كتابتو ياها بس جديع الألوان فى الموية، يا عمدة لك حبى وتحيتى. وما تقولو انا خرمت فمن الصعب القبض على عماد اليومين ديل. وياكمال أخوى ألحق حبشيتك ديك وتعال صادى. أهلا بسلوى التى عملت هذه اللمة العجيبة

عزالدين عثمان

سلامات يا(شاعر ياحقيقي) ..

أوضح وأجمل .. (من سلوى يعني) .؟؟

البوست حق (خالنا بهاء)

والبت (بتنا ) ..

بس البخارج لينا صديق وكمال سالم من هنا شنو ؟؟

ابو ساندرا حبابك وشكرا ليك
اتابع كتاباتك ونشاطاتك الترفيهية مع بورداب الدوحة، وان شاء الله
دايما عامرين
واكيد ما بجيب الردم للوراقين لانهم ناس عظيمين
وجيت ورديت
تسلم يارب

والله ياكمال بعد سكنتك فى البوست انا صدقت المثل البقول
كل كنزا حارسو جان
انت ما تزح شويه من البوست ده ،خايفو يبرد والا شنو؟؟

مرحبا الاخت والزميلة الصحفية والشايقية المعتقة
سلوى غالب
رغم اني يا جماعة برضو زعلان منها
لكن نسوى شنو الضمير والواجب
بيحتموا الترحيب بيها لانها تستحق
سلوى غالب والله غالب
شكرا على الحضور

Quote: مرحبا الاخت والزميلة الصحفية والشايقية المعتقة سلوى غالب رغم اني يا جماعة برضو زعلان منها لكن نسوى شنو الضمير والواجب بيحتموا الترحيب بيها لانها تستحق سلوى غالب والله غالب شكرا على الحضور

والله كلنا زعلانيين

لكن نعمل إيه ..

شكراً (محمد) ..

ابو حباب / حبابك
شكرا كتير على المرور والترحيب
بس مالك زعلان منى؟
تحياتى

Quote: والله ياكمال بعد سكنتك فى البوست انا صدقت المثل البقول كل كنزا حارسو جان انت ما تزح شويه من البوست ده ،خايفو يبرد والا شنو؟؟

جان جان .. بس إتو أختونا ..

ود الموج بالله بطل المقابضه ,, هى سلوى عويره ماقاعده تقرأ
هنا طوالى ومتابعه عمايلك وزيجاتك المسياريه والاسفيريه ,,
أنت كرت محروق ,, أمشى تابع التحرى بتاعك عن أمنه شوفها
ولد ولا بت .















صديق : أنا خايفك تبقى ( عجلاتى ) كان أمنه طلعت ولد ,,,,

مرحبا سلوى

عصام الرائع دوما
شكرا كتير ليك
تسلم

اتيت يا أحبتى وفى يدى لكم هدية
الحرف والاشواق والهوى
ونسمة من ارضنا شذية
اتيت احمل الوداد باقة
ورودها السلام والتحية
(سيف الدين الدسوقى)
فى البدء شكرا جزيلا للمهندس بكرى ابوبكر على منحى عضوية المنبر
وشكرا جزيلا للاخ وائل طه الذى توسط لى لدى بكرى
والشكر اجزله للخلوق صاحب العقل الراجح والقلب الكبير الذى اكن له كل الحب والتقدير بهاء بكرى
قال لى الكثيرون بأن اتحزم لدخولى هذا المنبر الا أننى لا اعتزم دخول معركة
واتمنى ان اكون عند حسن ظن الجميع بى وان استفيد منهم قدر الامكان
وبطبعى دائما متفائلة وليست كل المعارك شرسة وشريرة فى تقدبرى
مرة ثانية اشكركل من رحب بى وجميع اعضاء البورد الاعزاء

ألـ1000ـف مرحب ..

عزالدين عثمان ، الى جانب عماد عبدالله ، ابقوا عافية كلوو
اما الذين حاولوا ان يتمترسوا خلف كلمات لا اول لها ولا اخر
انهم اضاعوا علينا وقتاً ... اولهم صديق الموج .. ومن هنا
اطالب السيد / بكري ابوبكر فصل المدعو صديق الموج اليوم
قبل الصبح ، وندعو المشتركين - تعال هنا يا خدر - الى شجب
المدعو صديق الموج وبكل كلمات الشجب والادانة والتنديد
لصديق الموج ، هو عمل شنو يارب ...
سلوى غالب دخلتك تعبانة جداً حقو تمشي المسرح تعرفي
دخلة الفنان عندما يكون بطل المسرحية ... او اسألي
سلمى الشيخ سلامة هي في البلد دي وكم قلنا
وعزالدين لا يزال يسأل من هو الذي قال كلمة اخيرة
لان الاستاذ عزو يحب الخواتيم وبرضو علي الطلاق .

ألف مرحب بالجميلة سلوي غالب ....بس لكن يا جماعة البوست دا حق منو ?أنا مخي متلخبط شوية.... تحياتي

راشد

راشد حبابك
شكرا على مرورك

alsa7afa30
شكرا ليك جزيلا
تحياتى

Quote: ود الموج بالله بطل المقابضه ,, هى سلوى عويره ماقاعده تقرأ هنا طوالى ومتابعه عمايلك وزيجاتك المسياريه والاسفيريه ,, أنت كرت محروق ,, أمشى تابع التحرى بتاعك عن أمنه شوفها ولد ولا بت .[/QUO كمال سالم ان شاء الله ديمه سالم دعاء الدخول: يا حنان يا منان ياقدوس يا رحمن يامالك الملك ذو الجلال والاكرام اللهم نسالك بكل دعاء دعى به عبدك صلاح ادريس ان تنصر هذا البوست.. وان تذهب عنه الكمالين كمال سالم وكمال الزين ونسالك يا الله ان تعمى عنه الديامه كلهم وبالاخص مصطفى سرى وعماد عبد الله وابو ساندرا اللهم نسالك ان تشرح لاختنا سلوى صدرها وتيسر لها مقدمها وان لا تحلل (اللثغة)من لسانها كى ترد علينا.. بعدين ياكمال سالم هنالك قصة نحكيها كى لاتحاكيها.. عندنا جماعة جيراننا ..امهم مصريه ويظهر ان اهل الزواج كانوا معارضين زواج الولد من مصريه وصلت حد ان قاطعوه.. وبحكم ان امهم مصريه بالطبع لا يوجد لهم خيلان او خالات بالسودان وانجب ذلك الرجل خمسه بنات.. البنات طلعوا من النوع الفرجين الفاخر.. وحاتك البيت بس علبة ماكنتوش.. البنات سمحات جدا ومهذبات وغاية فى الادب.. وتوفى والدهم بعد ذلك..امهم مرة مكافحه تعبت لتربيتهم.. المهم فى زواج احداهن..كان فى واحد مشنط كده عمرة اواخر عشرينات.. مستلم ليك العرس ده مقاوله ..اى شى هو قايم فيه وتسمعوا ياخالتى عايده الطباخ قال يجيبو ليه زبادى اسمعى يا طنطه البنات ديل المشى معاهم الكوفير منو ومع البنات زاتن هاك اتصلى من جوالى ده.. والنوع البتكلم مع البنات وتلقى مشبك ايديه فى ايديهن.. والكلام بالغتى وها وها وها وها ومعاها رصعه برفق على كتف الواحده.. وزولك يتنقل بين البنات زى الفراشه..من ورده لى زهرة.. اولاد الحله عارفين الناس ديل ما عندهم اهل فى السودان وشامين الزول ده شمه مع حساده مبالغه.. وفى الحفله يرقص مع دى ويفك ديك، يقوم ديك ويجر ديك من يدها.. قمت سالت اخوى الصغير عن الزول ده منو وعلاقته بالناس ديل شنو؟ قال لى ما بتعرف الزول ده ؟قلت ليه ابدا... قال لى بالغت ياخ.. قلت ليه والله اول يوم اشوفه.. قال لى وبغضب خرافى ده ما ودخالة ايمان ابوصليب الخلف عمة بت حبوبة خالة العروس... اخر شى الزول ده طلع اخو زوجة خاله متزوج واحده قريبة الجماعة ديل.. دحين النسالكم..انتو عروسنا المحتفلين بيها دى بتبقى ليكم شنو؟؟ انى امنت باللصيق،،،

---

Post: #47 Title: Re: مرحب بالجميلة سلوي غالب .... اضافة نوعية للمنبر Author: Haytham Abdulaziz Date: 04-10-2008, 09:57 AM Parent: #1 و زي ما قال دكتور راشد الحاج: Quote: ألف مرحب بالجميلة سلوي غالب ....بس لكن يا جماعة البوست دا حق منو ?أنا مخي متلخبط شوية.... تحياتي يا دكتور دي إسمها البوست محروس و ستو تكوس .... و البركة في كمال الزين و ود الموج.... ألـــف مرحب بيك كتيييير يا ســـلوى و منورة المنبر بإذن الله .... و مشكووور يا بهــاء و كيف عامل عسى أن تكون عال العال...

---

Post: #74 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:11 PM Parent: #47 العزيز هيثم شكرا على الترحيب والمنبر منور بيكم تسلم ان شاء الله

---

Post: #48 Title: Re: مرحب بالجميلة سلوي غالب .... اضافة نوعية للمنبر Author: الجندرية Date: 04-10-2008, 10:39 AM Parent: #1 مرحب بيك يا سلوى وحبابك الف وتاني الف مادمتي من ريحة الحبايب رقية ووليد

---

Post: #49 Title: Re: مرحب بالجميلة سلوي غالب .... اضافة نوعية للمنبر Author: رقية وراق Date: 04-10-2008, 04:57 PM Parent: #48 تحية للصديق العزيز بهاء وفرحة وحضنة حب واعزاز لابنة عمي الحبيبة سلوى بت غالب . الوالد غالب هو ابن عم والدي سقت قبريهما وسيرتهما أكرم غيوم السماء . من فرحتي بسلوى قمت بهاتفة الأهل في مكالمة تليفونية طويلة على شرفها فقد طال بنا الزمن وتفاوت توقيت الاجازات لم يتح للم شمل العائلة فرصة الالتئام الكبير حتى لا نقول الكامل كحال كل الأهل في كل مساحات الوطن . أتابع أخبارك يا سلوى ويسعدني أن أخترت الانضمام للمنبر ضمن ما تقومين به من النشاط في مجال الاعلام والكتابة . سأنتظر حضورك وسأبعث لك بعنواني البريدي ورقم تليفوني على ماسنجر الموقع . التحايا والمحبة للوالدة نجاة ولكل الأسرة وأتابع حضورك وحب اصدقائك البائن لك بكل المعزة والافتخار بك .

---

Post: #50 Title: Re: مرحب بالجميلة سلوي غالب .... اضافة نوعية للمنبر Author: قاسم المهداوى Date: 04-10-2008, 04:59 PM Parent: #49 مرحب بيك يا سلوى

---

Post: #77 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:21 PM Parent: #50 الصديق قاسم مهداوى شكرا لك جزيلا

---

Post: #51 Title: Re: مرحب بالجميلة سلوي غالب .... اضافة نوعية للمنبر Author: Raja Date: 04-10-2008, 05:01 PM Parent: #49 ألف مرحب بالجميلة سلوى غالب.. كل المنى أن يطيب لها المقام وتضيف للمكان بفكرها وقلمها.. شكرا كتير بهاء

---

Post: #52 Title: Re: مرحب بالجميلة سلوي غالب .... اضافة نوعية للمنبر Author: shaheed gadora Date: 04-10-2008, 07:03 PM Parent: #51 طبعا ما عارف اشكر بهاء ولا كمال الزين علي الاضافة النوعية "انفاس الرياحين" عموما مرحبا بالجميلة سلوى غالب او كما قال تخريمة اهداء للاخ كمال الزين إذا عادت بنا الأيام للماضي كتبت على ثوانى العمر شعرا لا يدانيه .. غناء الطير وهمس الماء .. ووشوشة الضياء فيه إذا عادت بى الأيام يوما أيها الأحباب ولو فى زورق يمضى على الصحراء عبر سراب أنا ملاحه الفرحان .. يطرق مغلق الأبواب أدق .. ليس يعنيني لأنى قادم من حاضر اللحظات للماضي وبى شوق سيشعل صمت هذا الزورق الهادئ فيدفعه إلى الوادى .. إلى أفق أنيق النجم صداح البساتين وأشدو حين تأتيني .. فتاة لدغة العصفور أنفاس الرياحين بكفيها ولى فى عمق هدبيها .. حكايات وأشعار ولى فى شعرها المعطار .. أخبار أذا سالت على وديانها الخضراء أمطار إذا عادت بنا الأيام للماضي كتبت على ثوانى العمر شعرا لا يدانيه .. غناء الطير و همس الماء .. ووشوشة الضياء في ركبت زوارقي فيه أبحرت في شعر لها مجدول جعلت مشاعري جندول الشعر المعطار :عثمان مالك

---

Post: #53 Title: Re: مرحب بالجميلة سلوي غالب .... اضافة نوعية للمنبر Author: عوض حمزة Date: 04-10-2008, 09:28 PM Parent: #52 صديقتى اللدودة هنا !! يا مرحبا يا مرحبا .. عودنا بهاء بكرى على جلب الدرر الى هذا المكان , قبل ايام قلائل بشرنا بالانسان بمعنى الكلمة استاذ عبدالله فلوت واليوم يتحفنا بزهرة من نوع له ما له من خصوصية,, مرحب بسلوى بت غالب صاحبة القلم الانيق والاخلاق الرفيعه ,, مرحب بسلوى الناشطة فى كل ما هو معنى بخصوص حقوق المرأة وحقوق الانسان بشكل عام ,, ولمن لا يعرف استاذة سلوى فهى لها مشاركات متعددة داخل وخارج ارض الوطن بورش عمل من الحجم الثقيل متعلقة بأمر المرأة وهى مدافعة شرسة عن كلما يتعلق بقناعاتها .. مرحب بيك سلوى هنا بين اهلك وناسك وكم هى سعادتى وفخرى بوجودك هنا ,, انتظر منك الكثير وحبابك الف وشكرا لصديقي بهاء

---

Post: #54 Title: Re: مرحب بالجميلة سلوي غالب .... اضافة نوعية للمنبر Author: عبدالكريم الامين احمد Date: 04-10-2008, 09:47 PM Parent: #53 Quote: وجنى جن المداقره فى الجكث ياصديق الموج يااخ انا بحبك وبحب صليبك ذاااتو وقلنا نرحب ونسلم علي بهاء الدين حضرنا ووجدنا الوريف كمال الزين عشان تضيف رد تفج مداخلتو فجا عميقا الف مرحب بالاخت سلوي غالب والبجي منكم يا بها وكمال نحن له اهل واحبة

---

Post: #81 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:44 PM Parent: #54 الاخ عبد الكريم شكرا ليك كتير وان شاء الله تسلم يارب

---

Post: #56 Title: Re: مرحب بالجميلة سلوي غالب .... اضافة نوعية للمنبر Author: رشا سالم Date: 04-10-2008, 10:04 PM Parent: #53 الف مرحب بالأخت سلوي غالب.. اتمني ليك مشاركة مفيدة وجميلة.. شكرا يا بهاء.. شكرا كمال الزين..

---

Post: #85 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-12-2008, 10:37 PM Parent: #56 العزيزة رشاسالم تسلمى يارب ، وشكرا ليك كتير على المداخلة الرشبقة

---

Post: #80 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:41 PM Parent: #53 صديقى اللدود جدا جدا عوض حمزة تجدنى سعيدة ايما سعادة بهذة المداخلة والترحيب بى وشكرا لك كثيرا على ما ذكرته فى حقى واتمنى ان تجدى عند حسن ظنك بى دائما ودون شك سوف تكونون لى نعم الاهل والاصحاب وعظيم فخرى بوجودى بينكم مع خالص مودتى واحترامى

---

Post: #79 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:31 PM Parent: #52 shaheedgadora شكرا ليك عزيزى على مرورك

---

Post: #78 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:26 PM Parent: #51 العزيزة رجاء العباسى شكرا على مرورك ولا ادرى ان كنتى تذكرين يوم ان التقينا بقاهرة المعز وكنا جميعا فى زيارة الاستاذة عفاف ابوكشوة بمستشفى الهلال الاحمر مجددا شكر ليك

---

Post: #76 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:18 PM Parent: #49 الحبيبة رقية لقد اثلجتى صدرى بكلماتك الرائعات كروعتك دائما وانا كلى شوق للقائك عبر المسنجر تحياتى واشواقى

---

Post: #75 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-11-2008, 11:14 PM Parent: #48 الجندرية شكرا ليك ياراقية وتسلمى يارب

---

Post: #64 Title: Re: مرحب بالجميلة سلوي غالب .... اضافة نوعية للمنبر Author: أبو ساندرا Date: 04-10-2008, 10:44 PM Parent: #1 Quote: مرة ثانية اشكركل من رحب بى وجميع اعضاء البورد الاعزاء أها رشوكم بالشكر العام ولا عزاء للمطبلاتية والبكايين غايتو انا حقي متنازل عنو لكن ماعارف كيف مع الحق العام

---

Post: #68 Title: Re: مرحب بالجميلة سلوي غالب .... اضافة نوعية للمنبر Author: كمال سالم Date: 04-11-2008, 00:19 AM Parent: #1 ( من صبر ظفر ) صديق الموج بالله بعد ماتقرأ مداخلات سلوى لى وليك تخلى عندك شوية دم وتستحى وتبعد بعيد من البوست ده لحدى مايجيك كرت الدعوه فى محلك ,, أصلو الموضوع بقى جد , وموية رمضان بسووا فيها . وسيرتى العايز تلطخها دى شفت قالوا عليها شنو ,, سيرة السرور ,, وحذروك قالو ليك أبعد من كمال ده وبراحه عليهو. شكرا ياسلوى لانك من أنصار ( راجل المره ) , وأنا من دربى ده وعلى بهاء , قشه ماتعتر لى , كمال على الزين ممكن تكون وزير عريس ؟

---

Post: #69 Title: Re: مرحب بالجميلة سلوي غالب .... اضافة نوعية للمنبر Author: Imad Khalifa Date: 04-11-2008, 00:21 AM Parent: #68 مرحبا سلوى غالب نرجو ان يطيب لك المقام شكرا استاذ بهاء

---

Post: #88 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-12-2008, 11:19 PM Parent: #69 ImadKhalifa شكرا لمرورك الانيق

---

Post: #82 Title: Re: مرحب بالجميلة سلوي غالب .... اضافة نوعية للمنبر Author: صديق الموج Date: 04-12-2008, 07:49 AM Parent: #1 Quote: كمال على الزين ممكن تكون وزير عريس ؟ كمال سالم ...صباحك عرس مادام انت العريس وكمال على الزين الوزير .. اقترح الفنان يكون قيقم عشان تكونوا اثقل ثلاثى يجمعهم موضوع.. الحمد لله (المدعى)قطع رجلو والا قلمو ..المهم!! الله يشدهك انت...حولا،،،

---

Post: #83 Title: Re: مرحب بالجميلة سلوي غالب .... اضافة نوعية للمنبر Author: عبدالله عثمان Date: 04-12-2008, 04:03 PM Parent: #1 مرحب بيك يا استاذه سلوى وانشاء الله البلد مرحبة بيك هناك رسالة خاصة مرسلة لك فى المسنجر فارجو مطالعتها عنايات أحمد الحسين - أمريكا مع تحيات وتمنيات عبدالله عثمان

---

Post: #87 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-12-2008, 11:10 PM Parent: #83 العزيز عبدالله عثمان والعزيزة جداعنايات تحياتى واشواقى لكما قرأت الرسالة وسوف ارد حالا

---

Post: #86 Title: Re: مرحب بالجميلة سلوي غالب .... اضافة نوعية للمنبر Author: انعام عبد الحفيظ Date: 04-12-2008, 10:46 PM Parent: #1 سلوى أكيد إضافية نوعية للمنبر كل التقدير وكل الترحاب لمقدمها الميمون شكراً بهاء

---

Post: #89 Title: Re: مرحب بالجميلة سلوي غالب .... اضافة نوعية للمنبر Author: Abdalla abdalla Date: 04-14-2008, 04:20 AM Parent: #86 ســــلوى سلامات مع انى جديد زيك فى المنبر ، الا انى برحب بيك هنا اسوة بمن أثق فى حسن تقديرهم ، ومن يجمعنى و أياهم الكثير ، خاصة الصديق بهاء بكرى .. و المبدع على كافة الاصعده عماد عبدالله . على الرحب و السعة ... و فى انتظار الكثير ...

---

Post: #92 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-14-2008, 01:08 PM Parent: #89 استاذ عبدالله تحياتى الكثيرة لك اؤكد لك بان الناس يتعارفون هكذا فى هذه الحياة وسعيدة بان نتعارف من خلال المنبر لك كل الود والترحاب

---

Post: #90 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-14-2008, 12:41 PM Parent: #86 سلامات انعام عبد الحفيظ الراقية وشكرا كتير ليك ستى وان شاء الله اكون قدر المسؤلية تسلمى يارب

---

Post: #91 Title: Re: مرحب بالجميلة سلوي غالب .... اضافة نوعية للمنبر Author: salwa galeb Date: 04-14-2008, 12:42 PM Parent: #86 سلامات انعام عبد الحفيظ الراقية وشكرا كتير ليك ستى وان شاء الله اكون قدر المسؤلية تسلمى يارب

---

Post: #93 Title: Re: مرحب بالجميلة سلوي غالب .... اضافة نوعية للمنبر Author: نهلة عمر Date: 04-29-2008, 07:32 PM Parent: #1 مرحب يا سلوى منورة ولله و فى انتظار مساهماتك القيمة عذرا للدخول المتاخر حقيقة لم أر البوست الى ان اخبرنى به الاخ العزيزعوض حمزة شكرا يا بهاء على التقديم

---

Post: #94 Title: Re: مرحب بالجميلة سلوي غالب .... اضافة نوعية للمنبر Author: انعام حيمورة Date: 04-29-2008, 07:43 PM Parent: #1 وانا لم اراه الا ان اخبرتني العزيزة نهلة عمر وبعدين تعالوا هنا نرحب شنو ياخ دي لي قندهار مشت معانا .. معناها خلاص بوردابية من زمااااان سلوى مشتاقين ياخ ويتك انتي ... منووووورة شديد ويا بهاء برضو مشتاقين ليك شديد تاني ما جاي ؟؟؟؟ !!!!! ويا عوض حمزة تعال ليك يومين كدة في ربة تقيلة حا تحصل .. محتاجة لي كبشنق كبشنق !!

---

Post: #95 Title: Re: مرحب بالجميلة سلوي غالب .... اضافة نوعية للمنبر Author: بهاء بكري Date: 04-29-2008, 07:47 PM Parent: #1 Quote: ويا بهاء برضو مشتاقين ليك شديد تاني ما جاي ؟؟؟؟ !!!!! انعام حيمورة والعجب انا ........... بس تاني ماجاي دي احسن نخليها شوية