يا زول ماااا عندك أيّ مشكلة !!!!

ترررن ترررن ترررن
-الوو .. اهلييييييييين محمود كيف الاخبار؟
- والله تمام كيفك انت يا سلمون.. ياخي اها موضوعنا كيف؟ ما بتقدر تجيني الليلة؟
- يا زول ماااا عندك اي مشكلة!! عندي مشيوير كده صغير بمشيهو ومن ستة لي ستة ونص بكون معاك .. جهز الشاي واللقيمات .. هههههها!

ترررن ترررن ترررن
- الو يا شيخ عباس كيف احوالك واخبارك واخبار الوليدات ؟
- تمام الحمد لله كيفك يا ابوداؤود .. بالله ما تنسى الليلة .. المرة الفاتت شريتني عليك الله الليلة جيب لي البتاعات وتعال لي وللا لو ما بتقدر تجي انا بمر عليك انت قاعد ؟!
- لالا والله الليلة بجيك ماااااعندك اي مشكلة!! بس عندي غشوة صغيرة كده وتاني ما عندي اي حاجة انا بطلع من البيت ستة ستة وربع كده وبالكتير ستة ونص سبعة الا ربع تلقاني قدام الباب..

كو كو كو .. كو كو كو
- اقيفي يا بت هوي ما تفتحي ، جارية كدة عاملة شعرك المنكوش ده .. قولي مين ، ما يكون ده الزول المرض ده داير يفاجئني ويجيني قبل مواعيدي ليهو ، قولي مين .
- مييييييييييين
- انا الفاضل يا آلاء ..
- تعالي تعالي خلاص انا بفتح امشي يللا خلي نوال تسرح ليك شعرك المكلفت ده وخليني اجي راجع القاك كده عشان اشحطك بي سير الكهرباء لمن تـ (....) .. امشي يللا.
- يا فضولي وينك ياخي انا من قبيل اعصابي بايظة قلت الزول ده الليلة باعني ومشى الكورة براهو وللا شنو؟ .. وبعدين مالك ما ضربت لي بوري !! جننتني ياخ انا قايلك عباس ريكس !
- ياخي البوري من امبارح ما عارفو مالو فجأة كده بقى كاتم وكلما ادوسو يديني صوت ضعيف زي الزول البقنت ..
- ياخي بالغت يا فاضل ياخ طيب الليلة لو غالبين كيف نعمل ثورات فرح في الشوارع ياخ .. ومالك ما وديتو للطيب مقنيتة !!
-ياخي هو غير مقنيتة مافي زول لخبطو لي ، اول امبارح وديت ليهو العربية عشان يصلح لي الكتاوت قعد يمعط لي في الاسلاك باسنانو ويبزق زي المرة الحامل وطوالي تاني يوم لقيت البوري تقول عندو وجع ضهر .
- طيب خلاص اتخارج اسي ما يجي زول يقفلنا .
ترررن ترررن ترررن
- دينااااااك ده محمود ... وطّي وطّي الصوت ده كمان فنانك الجواط ده جايبو من وين انت .. الو يا حودة كيفك معليش ياخ والله عندنا بت خالتنا كده تعبانة شوية فبنمشي عليها وبحاول ازوغ منهم بدري واجيكم بي هناك والله حتى عباس مفروض امر عليهو بعديك .. فحاول عليك الله اضرب ليهو معاك وكلمو وقول ليهو بجي عليكم بعدين ..
- سلامتها بالله وطمنّا عليها .. ولو ما لقيت طريقة خلي مواعيدنا بكرة .
يا زول ما عندك اي مشكلة انا كان ما لقيت طريقة زغت من الجماعة ديل الليلة .. اكييييييييد بكرة انا معاكم بس ما تنسى اضرب لي عباس معاك .. عشان انا رصيدي ده مصفّر .... احححححححح كده اتفكيت منهم الاتنين يللا ركب لينا شريط البنسلين يا تمرجي .

ترررن ترررن ترررن
- اللييييييييلة ده عباس .. والله الزول ده ثقيل خلاص وبعدين مكناتي دي ما قاعد تمشي فيهو ما زي محمود الطيبان داك .. شوف رنة الجوال ذاته زعلانة.
- ياخي اعمل نائم ما ترد ليهو .. وانت ذاتك الزول المسيخ ده اللماك فيهو شنو !!
تررن تررن تررن
- ايوة عارفو ما حا يخليني لايوق خلاص .. الووو يا عباس ، معليش ياخ والله حصلت لي ظروف واسي كنت بتكلم مع محمود ، هو ما ضرب ليك !
- ضرب لي .. سلامتها بت خالتك .. وهي وين في البيت وللا في المستشفى عشان اصلا انا طالع وبمر عليك في الحتة الهي فيها منها اشوفها ومنها نجي مع بعض .. انت معاك عربية ؟
- لا ما معاي عربية انا في المواصلات وهم اسي في البيت ومن هناك حا نمشي نوديها المستشفى .
- ياتو مستشفى ؟
- والله ما عارف لكن اول ما نوصل بديك خبر .. ما عندك ايّ مشكلة .
- هههههههههههههههههههههاي .. ختاك في خانة اليك يا معلم !!!

الرجل النقي الجميل الأمير أمير

Quote: والله تمام كيفك انت يا سلمون.. ياخي اها موضوعنا كيف؟ ما بتقدر تجيني الليلة؟

أها أنا هسه بسأل نفس السؤال بس بعد تعديل طفيف ، أها يا أخي موضوعنا كيف؟ ما بتقدر تفيدني الليلة ؟ الموضوع فضل ليهو أسبوع واحد فقط .


مودتي لك يا غالي


عماد

- لا حول ولا قوة الا بالله ياخ الزحمة دي شنو ؟
- ما عندك اي مشكلة ! انت موضوع التذاكر ده خليهو علي بس انت امشي اشتري لينا القصب والتسالي .. كدي جيب تمنية الف انا معاي الفين.
- هاك دي العشرة كلها بس انت خارجنا من الصف الطويل ده .. وعليك الله اقفل موبايلك ده كرهتنا حياتنا .. ونغمتك البايخة دي غيرها عليك الله.
- ياخي النغمات كلها بايخة احسن حاجة الجرس العادي ده .
- انا عندي ليك نغمة رهيبة والله حا ارسلها ليك اسي .
- نغمة شنو؟
-اغنية حقت فرفور .
- ياتو اغنية .
- اغنية مااا مشكلة .. ههههههههههههههههههههاي .
- هي الليييلة ، الفاضل الفاضل تعال سريع .. الواقف قدام داك مش عادل اخو عباس .
- وينو !! آي والله ياهو ذااااتو .
- ارح ارح يللاكا الباب التاني .
- ياخي باب تاني شنو هو ما اسي بدخل وجوة بنزوغ منّو.
ياخي عليك الله اختاكا الباب ده .. ياخي ده عينو ملقاط والله يكحلك في المولد . ارحكاكا ياخي.
- ياخي الكورة باقي ليها عشرة دقائق انت حا تقعد تحومنا كده بي برة لمن تنتهي .. وانشاء الله نمشي بي هناك نلقى منصور اخو محمود عشان
القصب ده البعك بيهو في ضهرك الماكن ده .
- عليك الله بطّل نقتك الكتيرة دي انت ذاتك اخير منك عباس .
- طيب والله انا حا اعمل فيك عملية بس اصبر..

Quote: أها أنا هسه بسأل نفس السؤال بس بعد تعديل طفيف ، أها يا أخي موضوعنا كيف؟ ما بتقدر تفيدني الليلة ؟ الموضوع فضل ليهو أسبوع واحد فقط .

عمده عندنا بت عمتنا كده عيانة بشوفها وبرجع اكلمك .. ههههههههههههها (طبعا انا ما قاعد اعرف انزل الاوشاش الضاحكة والحاجات دي)

الصبر يا حبيب ..
موفور مودتي

Quote: ترررن ترررن ترررن -الوو .. اهلييييييييين محمود كيف الاخبار؟ - والله تمام كيفك انت يا سلمون.. ياخي اها موضوعنا كيف؟ ما بتقدر تجيني الليلة؟ - يا زول ماااا عندك اي مشكلة!! عندي مشيوير كده صغير بمشيهو ومن ستة لي ستة ونص بكون معاك .. جهز الشاي واللقيمات .. هههههها! ترررن ترررن ترررن - الو يا شيخ عباس كيف احوالك واخبارك واخبار الوليدات ؟ - تمام الحمد لله كيفك يا ابوداؤود .. بالله ما تنسى الليلة .. المرة الفاتت شريتني عليك الله الليلة جيب لي البتاعات وتعال لي وللا لو ما بتقدر تجي انا بمر عليك انت قاعد ؟! - لالا والله الليلة بجيك ماااااعندك اي مشكلة!! بس عندي غشوة صغيرة كده وتاني ما عندي اي حاجة انا بطلع من البيت ستة ستة وربع كده وبالكتير ستة ونص سبعة الا ربع تلقاني قدام الباب.. كو كو كو .. كو كو كو - اقيفي يا بت هوي ما تفتحي ، جارية كدة عاملة شعرك المنكوش ده .. قولي مين ، ما يكون ده الزول المرض ده داير يفاجئني ويجيني قبل مواعيدي ليهو ، قولي مين . - مييييييييييين - انا الفاضل يا آلاء .. - تعالي تعالي خلاص انا بفتح امشي يللا خلي نوال تسرح ليك شعرك المكلفت ده وخليني اجي راجع القاك كده عشان اشحطك بي سير الكهرباء لمن تـ (....) .. امشي يللا. - يا فضولي وينك ياخي انا من قبيل اعصابي بايظة قلت الزول ده الليلة باعني ومشى الكورة براهو وللا شنو؟ .. وبعدين مالك ما ضربت لي بوري !! جننتني ياخ انا قايلك عباس ريكس ! - ياخي البوري من امبارح ما عارفو مالو فجأة كده بقى كاتم وكلما ادوسو يديني صوت ضعيف زي الزول البقنت .. - ياخي بالغت يا فاضل ياخ طيب الليلة لو غالبين كيف نعمل ثورات فرح في الشوارع ياخ .. ومالك ما وديتو للطيب مقنيتة !! -ياخي هو غير مقنيتة مافي زول لخبطو لي ، اول امبارح وديت ليهو العربية عشان يصلح لي الكتاوت قعد يمعط لي في الاسلاك باسنانو ويبزق زي المرة الحامل وطوالي تاني يوم لقيت البوري تقول عندو وجع ضهر . - طيب خلاص اتخارج اسي ما يجي زول يقفلنا . ترررن ترررن ترررن - دينااااااك ده محمود ... وطّي وطّي الصوت ده كمان فنانك الجواط ده جايبو من وين انت .. الو يا حودة كيفك معليش ياخ والله عندنا بت خالتنا كده تعبانة شوية فبنمشي عليها وبحاول ازوغ منهم بدري واجيكم بي هناك والله حتى عباس مفروض امر عليهو بعديك .. فحاول عليك الله اضرب ليهو معاك وكلمو وقول ليهو بجي عليكم بعدين .. - سلامتها بالله وطمنّا عليها .. ولو ما لقيت طريقة خلي مواعيدنا بكرة . يا زول ما عندك اي مشكلة انا كان ما لقيت طريقة زغت من الجماعة ديل الليلة .. اكييييييييد بكرة انا معاكم بس ما تنسى اضرب لي عباس معاك .. عشان انا رصيدي ده مصفّر .... احححححححح كده اتفكيت منهم الاتنين يللا ركب لينا شريط البنسلين يا تمرجي . ترررن ترررن ترررن - اللييييييييلة ده عباس .. والله الزول ده ثقيل خلاص وبعدين مكناتي دي ما قاعد تمشي فيهو ما زي محمود الطيبان داك .. شوف رنة الجوال ذاته زعلانة. - ياخي اعمل نائم ما ترد ليهو .. وانت ذاتك الزول المسيخ ده اللماك فيهو شنو !! تررن تررن تررن - ايوة عارفو ما حا يخليني لايوق خلاص .. الووو يا عباس ، معليش ياخ والله حصلت لي ظروف واسي كنت بتكلم مع محمود ، هو ما ضرب ليك ! - ضرب لي .. سلامتها بت خالتك .. وهي وين في البيت وللا في المستشفى عشان اصلا انا طالع وبمر عليك في الحتة الهي فيها منها اشوفها ومنها نجي مع بعض .. انت معاك عربية ؟ - لا ما معاي عربية انا في المواصلات وهم اسي في البيت ومن هناك حا نمشي نوديها المستشفى . - ياتو مستشفى ؟ - والله ما عارف لكن اول ما نوصل بديك خبر .. ما عندك ايّ مشكلة . - هههههههههههههههههههههاي .. ختاك في خانة اليك يا معلم !!!

والله يا الجمري انت مسنوح دى هسع كلها الفتها براك
انا اكان في محلك بمشى اعمل كتب لانو الزمن ده مافي كتاب بجيب ليهو قروش الا بتاع فارغة.
بتلقى الزمن وين ذاتك؟

صور تنبض بالحياة ياامير وحكى ممتع
زى التقول الواحد عايش الحكاية دى
وطبعا بالتاكيد عشناها
طبعا هسى اخر الليل وبجيك بكرة برواقة
ياجميل
كمية من وشوش بكرى الضاحكة
متابعين ياامورية واصل

Quote: عمده عندنا بت عمتنا كده عيانة بشوفها وبرجع اكلمك

ياسلااااام ، ياأخي ربنا يشفيها ، هسه أنا إتصلت عليهم قالوا لي طلعت من المستشفى وبقت كويسه . ، دي ياهي بت عمك الكان في أمريكا ولا بتاعت بريطانيا .... .

حمد لله على سلامتها وما تشوف شر إنشاء الله .

الحبيب شقاشيقو
تحيات بالالوف

Quote: والله يا الجمري انت مسنوح دى هسع كلها الفتها براك انا اكان في محلك بمشى اعمل كتب لانو الزمن ده مافي كتاب بجيب ليهو قروش الا بتاع فارغة. بتلقى الزمن وين ذاتك؟

تعرف يا ابو الطيب القضية ما قضية تأليف والله هي نماذج متعددة لمواقف تحدث في الحياة اليومية لنوذج من الشخصيات يتكئ على مقولة (ماعندك مشكلة) ويطلقها جذافاً فأحياناً تصيب وفي الغالب تخيب وبعضهم يسعى فعلا لأن لا تكون هناك مشكلة ويطرق كل السبل لحل مشاكل
الآخرين في الوقت الذي تجده غارقاً في بحر من المشاكل والضغوط (ولي امثلة عديدة في ذلك).
وأيضاً هي ليست فارغة لأنها واقع معاش يغطي مساحات واسعة من ارض تعاطينا اليومي مع الحياة .
وانا في سرد متوالي عن كل الحالات التي تخص (مافي مشكلة) واتمنى الوقت يسعفني واقدر اقدم واكيد بمساعدتكم استطيع تقديم كل او اغلب تلك النماذج العديدة عن تلك الشخصيات .(وقع ليك!!)

مودتي يا شقاشيقو

حول - الواو مشددة -

الاخ امير..

والله دا الواقع..

لكن برضو مافى مشكلة..

شكر كتير على السرد الجميل..

يديك العاافية..

امير الحبيب

وين ايامك

عارف عندي صاحبي كان شغال هنا في قسم المختبر باحد المستشفيات الكبيرة في جدة اها قال لينا عنده زميله زايغ من الشغل في مشوار ولما جاي راجع قدام الباب الخارجي المستشفى كانت مديرة المختبر وهي دكتورة سعودية موجودة داخل سيارتها على طول اتصلت بيهو بالموبايل

- يا عبدالله انت وين من الصباح ( وهي شايفاهو قداما ماشي)
- انا في الدور الرابع مع مريض ودلوقت بنزل ليك

طوالي المديرة قالت للسائق قرب من الزول ده ( وفتحت قزاز العربية وقالت ليهو : يا عبدالله (وبس)


اها اتخيل موقف الزول ده شنو قدام المديرة


مبروك للوصيف الصعود ... عقبال السجاير



جمال

- كويس الباب ده ما فيهو زحمة شديدة.
- ما فيهو زحمة شنو ياخي !! تعال هنا دي المقصورة .
- طيب ما نخش المقصورة ،، ما معاك عشرين تاني!
- عشرين في عينك يخي ارح ارح والله انت الليلة حا تضيع علينا الكورة دي !
- خلاص يللا ........ هي عاين (السر الحصان) بتاع السواري .. دخلنا مجان وحاتك جنيه ما ندفعه .. انا ما قلت ليك انت بس باريني وما عندك ( ايّ مشكلة!!).
- طيب اها يللا ورينا حا تعمل شنو اهندا السر بتاعك ده قاعد يشحّط في الناس وداير يدخلك انت!!! والله الناس ديل يرموه ليك من حصان المجعفص ده.
- يا سركيس كيييييييييف يا معلم .
- ياااااااا سلمون وينك ياخ انت اليوم داك مالك ما جيت وديتني للراجل القلت لي بظبط لي مواضيعي القلتها ليك ديك؟!
- ياخي اليوم داك كان عندنا قريبتنا كده عيانة .. لكن (ما عندك اي مشكلة!!) في اليومين الجايت ديل بظبط ليك الموضوع .. كدي اسي خارجنا من الصف ده ياخي .
- تعال تعال .. انت اصلك تموت في الملح لمن يوم يجيك ضغط تدق الدلجة .. زح يا زول هوي .. تعالو تعالو .. يا النعيم دخل الشباب ديل عليك الله.
- شكراً يا سركسة ، وبضرب ليك انا عشان انتهي من مواضيعك دي يا زول (ما عندك اي مشكلة) .

Quote: صور تنبض بالحياة ياامير وحكى ممتع زى التقول الواحد عايش الحكاية دى وطبعا بالتاكيد عشناها طبعا هسى اخر الليل وبجيك بكرة برواقة ياجميل كمية من وشوش بكرى الضاحكة متابعين ياامورية واصل

عموري سيد الناس .. هي جزء اساسي من حياتنا وعايشناها في فترات كتيرة وطبعا في ايام معينة انت اكيد بتتذكرها
وكان كل المواقف مرتبطة بالمزاح والهزل .. لكن الآن صارت سمة عامة وتمارس بتلقائية للأسف (ولا ابرئ نفسي ان النفس ...)

يا حليل بكري ومواقفو الكتييييييييييييييييييييييييييييرة الزي دي (زمن يا عامر سنظل نتحسر عليه ما حيينا)

امير سلامات

وحاة الله قصة لذيذة ........

ياااااااخي قصتك دي زكرتني كور الامتداد التليب من حيط الاستاد

والزوغان من التزاكر وكدا .......

بس انشالله الكورة الداخلنها سلمون وعبس تكون هلال مريخ ....

ياربي حتكون النهايه كيف وشنو يامان؟؟؟؟؟؟؟؟

كمل ..... واصل ....... ماعندك ايييي مشكلة يامان

متابعين

دربك اخضر

Quote: .(وقع ليك!!)

بالحيل اقدل مشنق طاقيتك في الهامة ونحن معاك بدنا نسمع الحكي هيك

الكورة مولعة نار وناس سلمون مزنوقيييييييين وياكلو في القصب هو والفاضل
وتووووووووووووووووووووف القون الاول .

- كح كح كح كح كح
- بسم الله مالك يا سليمان !!!
- شرقت شرقت .. شوف لي موية وللا كركدي كح كح كح.
- تعالي يا بت هوي جيبي موية سرعة.
- هي يا ده موية اجيبها ليك من وين انا عندي شاي .
- جيب منها شاي وللا اي مصيبة عليك الله .. كح كح كح .
- طيب جيبي شاي
- كم؟
- واحد بس انتي كمان كم شنو!!!
- انا ما شايفاكم اتنين مع بعض .
- طيب ما شايفاهو انتي الشرقان واحد بس!!
- هههههههههاي هو انا جاية هنا ابيع الشاي للشرقانين بس (جرررررررررررررررر) هاكا اديهو يفك شرقتو .. انت مع المغلوبين وللا شنو؟
- الفاضل زح الشافعة دي من هنا قبل ما اكب ليها الشاي ده في عنقرتها دي .. ياااخي انا ما قلت ليك على جقلّو ده مرض انا والله مما شفتو في الميدان يفنجط عرفت القصة بايظة.
- بندرن بنردن
- ندرن شنو ياخي !! بس البركة ما جبنا معانا الشمات ديك نصر الدين وحسين كان مرضونا مرض.
في هذا الأثناء الموبايل يرن للمرة العاشرة دونما يسمعه سليمان ترررن تررن تررن تررن تررن تررن تررن .
(عشرة مكالمات من عباس لم يرد عليها سلمون).

نواصل