والله دخلتو نفسكم في زقاق ضيق بلحيل ..

Post: #1
Title: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 09:47 AM
Parent: #0

الاسثمارات العربية والخليجية انداحت على السودان بشكل مكثف وهو الان الاول افريقيــا والثاني عربيا مما يبشر بتنمية حقيقة وواعدة تشمل كافة شرائح المواطنين وسيكــون السودان في القريب العاجـــل سلة غذا لكل دول العالم . والما عاجبو بحر المالح طمح يشرب ويدي الجنبو ...

ود الباوقة

Post: #2
Title: Re: والله دخلتو نفسكم في زقاق ضيق بلحيل ..
Author: زول ساكت
Date: 04-08-2008, 09:51 AM
Parent: #1

ياحبيب الاندياح دا
فيهو نصيب للمواطنين الثوار الاحرار
ولا سكو

Post: #3
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 09:52 AM
Parent: #2

البلقا ليهو فيكم طريقة يحاول يخارج نفسو سريع ...

ود الباوقة

Post: #5
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:00 AM
Parent: #2

اني اراكم تدخلون في كستبانة صاغرين ...

ود الباوقة

Post: #6
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:04 AM
Parent: #2

زول ساكت .. يازول الحي يلاقي ..

الاندياح همبريب بارد لمن اطاع وعاصفة لمن ابى ...

لارجعة الى الوراء مهما كلف الامر ...

ود الباوقة

Post: #4
Title: Re: والله دخلتو نفسكم في زقاق ضيق بلحيل ..
Author: بشير أحمد
Date: 04-08-2008, 09:56 AM
Parent: #1

Quote: والما عاجبو بحر المالح طمح يشرب ويدي الجنبو ...

ود الباوقة ياعزيز

الناس ديل في اليومين الفاتت شغالين خلافات شخصية وكده

لمن يخلصوا البحر زاتو بكون كمل .

والي الامام

أبوأحمد

Post: #7
Title: Re: والله دخلتو نفسكم في زقاق ضيق بلحيل ..
Author: nazar hussien
Date: 04-08-2008, 10:05 AM
Parent: #4

Quote: البلقا ليهو فيكم طريقة يحاول يخارج نفسو سريع ...

ود الباوقة

كل ما ارجع من السودان ...الناس يسألوني...أها البلد كيف...اقول ليهم والله تمام جدا...
واحكي ليهم عن النهضة العمرانية...ولما يسألوني طيب جائي راجع ليه....يسقط في يدي..

_______________________________________________________________________________

واحد كاره سيرة السودان....بيسمع في حكاياتي واعجابي بالسودان...ويقول لي...
القشران طائر اللكان كسر اصابعين امي بي نضيف التوم المجلص...

Post: #13
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 12:34 PM
Parent: #7

كل ما ارجع من السودان ...الناس يسألوني...أها البلد كيف...اقول ليهم والله تمام جدا...
واحكي ليهم عن النهضة العمرانية...ولما يسألوني طيب جائي راجع ليه....يسقط في يدي..

اخي نزار الرجوع للسودان تروه بعيدا ونراه قريبا .. بس امسكو حبل الصبر شوية .. الامور في طريقها الى الحلحلة بعون الله تعالى ..

شكرا ..

ود الباوقة

Post: #10
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 11:40 AM
Parent: #4

الناس ديل في اليومين الفاتت شغالين خلافات شخصية وكده

لمن يخلصوا البحر زاتو بكون كمل

د / بشير

عندما قلنا لهم بان القافلة قد سارت ولن تؤوب وعندما نصحناهم بركوب سفينة الثورة . جعلوا اصابعهم في اذانهم واستكبروا والان نجدد لهم الدعــوة عسى ان تلين قلوبهم .

شكرا بشير ..

ود الباوقة

Post: #8
Title: مقال للبونى-الجماعة وصلوا
Author: Waeil Elsayid Awad
Date: 04-08-2008, 10:05 AM
Parent: #1

http://www.rayaam.sd/Raay_view.aspx?pid=130&id=8996
Quote: تعج بلادنا هذه الايام بالمستثمرين الاجانب الذين يريدون ان يستثمروا في القطاعات الانتاجية والخدمية كافة ولعل الجديد في الامر هو الاتجاه نحو الاستثمار في الزراعة فلاول مرة في تاريخ العلاقات بين مصر والسودان يسعى المصريون للاستثمار في الجزيرة المروية، هذا بالاضافة الى ما ذكره السيد وزير الزراعة المصري بأنهم سوف يزرعون مليوني فدان حول بحيرة ناصر والشمالية وعلى حسب آخر منتدى استثماري مصري في السودان انه تم الاتفاق على اقامة «422» مشروعاً زراعياً وخدمياً وصناعياً والاولوية للزراعي، السعوديون كذلك بدأوا يتجهون للزراعة في السودان هذا بالاضافة لخليجيين آخرين، الصين زادت استثماراتها الزراعية في السودان حتى البرازيل التي كنا لا نعرف عنها الا بيليه ورونالدو ورونالدينو جاء وفد منها للشراكة الاقتصادية مع السودان المتغيرات المناخية العالمية وحاجة العالم للغذاء وارتفاع اسعار المنتجات الغذائية هي التي جعلت بلادنا قبلة للمستثمرين.
ولكن وآه من لكن هذه ليست هذه اول مرة تشهد فيها بلادنا «هجمة» مستثمرين يحملون دولاراتهم على اكتافهم ففي السبعينيات وعندما اشيع ان السودان هو سلة غذاء العالم وهو بالفعل كذلك من حيث الموارد شهدت بلادنا انسياباً وتدفقاً للاموال العربية لم تشهده في سابق تاريخها ولكن للاسف الشديد كل الاستثمارات العربية في السودان «طرشقت» اي خسرت خسراناً كبيراً وفقد كل المستثمرين أموالهم ونجوا بجلودهم واصبحت المنشآت التي اقيمت باموالهم اطلالاً ينعق فيها اليوم «فالمكضبنا وما مصدقنا». فليذهب الى المنطقة الصناعية في الباقير «30» كيلومتراً جنوب الخرطوم، فشلت الاستثمارات العربية في السودان نتيجة للفساد الاداري فالجماعة اعتبروا المال العربي مالاً سائباً ونزلوا فيه برؤوسهم كما «الماعز في لوبا الناس» هل هذه الصورة محتاجة لشرح؟ العامل السوداني كذلك لم يكن على قدر التحدي فانتاجيته ضعيفة بالاضافة لمشاكل النقابات والاجتماعيات، انعدام الطاقة او قلتها وانعدام البنيات التحتية المحفزة للاستثمار فالسؤال يطرح نفسه هنا ما هو التحوط الذي تم وضعه حتى لا تتكرر تجربة السبعينيات الفاشلة ويقوم «الجماعة صوف» كما فعوا من قبل؟ قانون الاستثمار وحده لا يكفي طالما ان المناخ العام لا يساعد على الاستثمار فالجبايات والرسوم المكوس الجزافية سوف تجعل هؤلاء القادمين الجدد يلعنون سنسفيل اليوم «الجابهم للسودان».
التعقيدات الادارية وسلطات الولايات المحلية الواسعة سوف تعيق الاستثمارات القادمة.. هؤلاء المستثمرون قرأوا امكانيات السودان الهائلة على الورق وربما شاهدوها على الطبيعة ولكن هناك تعقيدات ومحددات لن تظهر لهم الا بعد بداية الانتاج سوف يشهدون الورق الابيض الذي تحمله الجماعات المختلفة هذا للمحلية وهذا للولاية وذاك للقيمة المضافة ورابع للزكاة وخامس لدمغة الجريح وسادس للنفايات وسابع لطبقة الاوزون وعاشر لحاجات تانية حامياني الامر الذي سيجعلهم «يكبون جازهم» ويغنون مع حمد الريح من كلمات ابوالقاسم الشابي «الوداع يا هضاب الأسى ويا فجاج الجحيم» فيا جماعة الخير اذا اردتم للاستثمارات القادمة بقاء ونماءً وازدهاراً في السودان «فاكنسوا» كل هذه «الحاجات» وساعتها سوف تزدهر بلادنا قمحاً ووعداً وتمنى وتمتلئ الخزينة العامة بالاموال الطيبة لا بالاموال المغصوبة والمقلوعة والمتردية والنطيحة وما أكل منها السبع.

Post: #18
Title: Re: مقال للبونى-الجماعة وصلوا
Author: ود الباوقة
Date: 04-08-2008, 06:11 PM
Parent: #8

وائل حمدا لله على السلامة ...

ود الباوقة

Post: #9
Title: Re: والله دخلتو نفسكم في زقاق ضيق بلحيل ..
Author: ahmed haneen
Date: 04-08-2008, 10:49 AM
Parent: #1

يا بتاع الزقاق انت

قلت لي مستثمرين ..

اوعا يكونوا زي صاحبنا دا

منع رجل الأعمــال جمعة الجمعـــة من السفـــر والتصــرف ...اله.. الوطن السعودية

Post: #11
Title: Re: والله دخلتو نفسكم في زقاق ضيق بلحيل ..
Author: ادريس خليفة علم الهدي
Date: 04-08-2008, 12:02 PM
Parent: #9

ودالباوقة

همتك يلا نرجع سوا اقلاها تتوسط لي في وظيفة (اوعاك تكون في الامن)

Post: #24
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:28 PM
Parent: #11

همتك يلا نرجع سوا اقلاها تتوسط لي في وظيفة (اوعاك تكون في الامن)

ود الناظر ..

الامن مالو ...

شوف والله يا ادريس ماهي الا سنوات قليلة والشغل يرقد هبطرش .. السودان مقبل بعـــون الله تعالى على تنمية شاملة متكاملة .. خليك قريب ..

ود الباوقة

Post: #12
Title: Re: والله دخلتو نفسكم في زقاق ضيق بلحيل ..
Author: الفاتح خليل الفكي
Date: 04-08-2008, 12:21 PM
Parent: #9

الأخ / ود الباوقة
سلام واحترام ،،،

والله لا في زقاق ضيق لا في زقاق واسع كل الامور كما هي مافي اي جديد
انا كنت في السودان من نهاية شهر ديسمبر حتي نهاية شهر يناير مافي اي حاجة جديدة الناس كما هي
ناس مرتاحة جداً جداً واظنك عارف ديل منو وناس تعبانة جداً وبرضو اظنك عارف ديل منو يعني الاستثمار
لو ما نفع الناس دي كلها نعمل بيهو شنو والله تشوف منظرالناس نازلين من المواصلات في السكة حديد أو
استاد الخرطوم المواقف الجديدة وماشين ( كداري ) في حالة ذهابهم للعمل أو الرجوع للبيوت
منظر يخليك تشعر بتعب الناس دي وتشعركيف هم مجبورين على ذلك ويخليك تكره نفسك .
يا زول استثمار شنو وزقاق شنو بلدنا دي محتاجة لشغل كتير وياريت الناس تكون عندها ضمير وتعمل
من اجل البلد ومن اجل اهلنا المساكين وياريت ما نتوهم ونفرح بوهمنا .
وندعو الله ان يصلح الحال
تقبل تحياتي واحترامي ،،،

أبو كريم

Post: #14
Title: Re: والله دخلتو نفسكم في زقاق ضيق بلحيل ..
Author: humida
Date: 04-08-2008, 12:48 PM
Parent: #12

قلت لي داخلين في كستبانة صاغرين .. !!

Post: #27
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:41 PM
Parent: #14

قلت لي داخلين في كستبانة صاغرين .. !!

حميدة انت عندك بديل غير الكستبانة ...

ود الباوقة

Post: #25
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:34 PM
Parent: #12

والله لا في زقاق ضيق لا في زقاق واسع كل الامور كما هي مافي اي جديد

الزقاق الضيق في ..

يا الفاتح يا اخوي المسالة تحتاج لبعض الوقت حتى تؤتي اؤكلها .. تفائل بالخير تجده ...

يا زول استثمار شنو وزقاق شنو بلدنا دي محتاجة لشغل كتير وياريت الناس تكون عندها ضمير وتعمل
من اجل البلد ومن اجل اهلنا المساكين وياريت ما نتوهم ونفرح بوهمنا .

يظهر انك بعيد كل البعد عن ما يجري بالسودان ومع ذلك مصاب بقليل من الاحباط نسال الله ان يفرج كربتك

وندعو الله ان يصلح الحال

غايتو يا الفاتح تختى وتصيب .. نعم نسال الله ان يصلح الحال ...

ود الباوقة

Post: #21
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:05 PM
Parent: #9

المكاتل ..

يا اخوي تابع الاخبار الاقتصادية عن السودان لتعرف الكم الهائل من المستثمرين وبعدين تعال ( فنجط )

ود الباوقة

Post: #15
Title: Re: والله دخلتو نفسكم في زقاق ضيق بلحيل ..
Author: ahmed haneen
Date: 04-08-2008, 12:57 PM
Parent: #1

اضيق

من تيييييز

الوزة

ولا اكبر شوية

Post: #16
Title: Re: والله دخلتو نفسكم في زقاق ضيق بلحيل ..
Author: العوض المسلمي
Date: 04-08-2008, 01:09 PM
Parent: #1

ود الباوقه اخوي سلام

Quote: والما عاجبو بحر المالح طمح يشرب ويدي الجنبو ...

يا اخوي بكلامك ده كثيرين بشيلهم السيل

Post: #17
Title: Re: والله دخلتو نفسكم في زقاق ضيق بلحيل ..
Author: Emad Abdulla
Date: 04-08-2008, 01:32 PM
Parent: #16

Quote: يبشر بتنمية حقيقة وواعدة تشمل كافة شرائح المواطنين
بالله العظيم ؟؟
طيب أنا داير معاهم يا ود الباوقة ياخ .

المشكلة أنا قاعد في السودان أبو موعود ( حقيقتن ) ده .. !!!!
و لا جاتنا بشارة ولا كاوندا ..
نكون ما " كافة " يا ربي ؟؟

Post: #19
Title: Re: والله دخلتو نفسكم في زقاق ضيق بلحيل ..
Author: المكاشفي خضر بشير
Date: 04-08-2008, 08:49 PM
Parent: #17

شوف يا ودالباوقة..
هذه الحكومة المستعمرة لن تقوم لها قائمة إن شاء الله ..
إستثمار!!!!!!!!!!!!!!!!!!!!!!!!!!!!!!!!!!!!!!!!!!!!!

... ظلم العباد لابد ليه نهاية....

Post: #20
Title: Re: والله دخلتو نفسكم في زقاق ضيق بلحيل ..
Author: محمد فرح
Date: 04-08-2008, 09:06 PM
Parent: #19

العزيز ود الباوقه
بالسودان ملايين الهكتارات الصالحه للزراعه والغير مستخدمه ولاأدري لماذا تأخرت الإستثمارات العربيه طوال هذه المده
لكن أن وكما يقال أن يأتي الغيث متأخراً خير من أن لايأتي أبداً .

الفتره القادمه ستشهد تدفق ضخم وكبير جداً لأموال المستثمرين الخليجيين والمصريين للإستثمار في الزراعه بالسودان وسيصبح السودان وبحق سلة عذاء العالم ومن المتوقع أن تستصلح أراضي ضخمه جداً .
وسيعم خير أرضنا المعطاءه الجميع وبلا إستثناء بإذن الله .

أثق تماماً إنو بكره أحلى .

تخريمه للحساد:
غايتو كستبانة ودالباوقه دي الله يمرقكم منها

Post: #22
Title: Re: والله دخلتو نفسكم في زقاق ضيق بلحيل ..
Author: malamih
Date: 04-08-2008, 10:18 PM
Parent: #20

يا ود الباوقة

نحن ماديرين نكون سلة غذاء العالم

دايرين نكون سلة غذاءنا بس..

نشبع شعبنا لما يتخم..

و أولادنا أحسن تعليم وصحة..

وكل زول ساكن مرتاح

لا عطالة ولا بطالة

أمن مستتب .. ديموقراطية بنين و بنات..

وبعد مايتم أعلاه نبقى نفكر في باقي العالم

وقالوا أهلنا الزاد لو ما كفى البيت يحرم على الباقين..

Post: #23
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-08-2008, 10:22 PM
Parent: #22

Quote: يا اخوي بكلامك ده كثيرين بشيلهم السيل

انته عندك رد مختلف لكل بوست يا لمسلمى لو ملاحظ انا احترم الرجل البحترم فكرو ومنهجوا مهما كان لكن المنافقين فى الدرك الاسفل من النار

Post: #35
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 08:48 AM
Parent: #23

انته عندك رد مختلف لكل بوست يا لمسلمى

امير يا اخوي المسلمي من اكثر الناس وضوحا بالمنبر وكتابتو واضحة وصريحة ومعروفة..

ود الباوقة

Post: #36
Title: Re: والله دخلتو نفسكم في زقاق ضيق بلحيل ..
Author: العوض المسلمي
Date: 04-09-2008, 09:02 AM
Parent: #23

امير اخي الكريم تحياتي
Quote: انته عندك رد مختلف لكل بوست يا لمسلمى لو ملاحظ انا احترم الرجل البحترم فكرو ومنهجوا مهما كان لكن المنافقين فى الدرك الاسفل من النار

انا اكيب بما اراه صدقا وحقا
ولا اتقيد بما يراه او يظنه غيري
اما ان انافق ؟
فمن انافق ؟
انا اكيب عن قناعتي في كل طرح
وتشكر للمتابعه اخي امير

Post: #34
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 07:41 AM
Parent: #22

نحن ماديرين نكون سلة غذاء العالم

دايرين نكون سلة غذاءنا بس..

نشبع شعبنا لما يتخم..

و أولادنا أحسن تعليم وصحة..

ملامح ..

نعم هذا ما نريده جميعا والوصول اليه لا يكلفنا الا خطوات قليلة بعون الله تعالى .

شكرا ملامح...

ود الباوقة

Post: #31
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 11:38 PM
Parent: #20

بالسودان ملايين الهكتارات الصالحه للزراعه والغير مستخدمه ولاأدري لماذا تأخرت الإستثمارات العربيه طوال هذه المده
لكن أن وكما يقال أن يأتي الغيث متأخراً خير من أن لايأتي أبداً

اخي محمد فرح سعداء بطلتك البهية .

تعرف من اهم المشاكل التي ستواجه الكثير من الدول هي النقص في الماء والغذاء والسودان هــو اكثر الدول تهيئة بان يكون الرائد في مجال توفير الغذاء للجميع .لذا قصده المستثمرين من كل حدب وصوب . ضف الى ذلك استقرار الوضاع السياسية وسيطرة الحكومة التامة وعدم التبعية لاي كائن كان ...

شكرا ابوحميد ..

ود الباوقة

Post: #30
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 11:01 PM
Parent: #19

هذه الحكومة المستعمرة لن تقوم لها قائمة إن شاء الله ..

والله يا مكاشفي حيرتنا معاك عديل تشوف في البترول وصل انتاجــــــــه الى 500000 برميل في اليوم . والاستثمارات الخارجية باهلة على السودان قرش ونص . وبعد دا تقول ما تقوم لها قايمة ..

غايتو جنس غايتو .. شدة خفيفة يا ود الصايم ...

ود الباوقة

Post: #33
Title: Re: والله دخلتو نفسكم في زقاق ضيق بلحيل ..
Author: المكاشفي خضر بشير
Date: 04-09-2008, 07:40 AM
Parent: #30

ود الباوقة،،
شوف بالبلدي كده .. وقت البترول باهل القروش دي .. قروش الناس ديل جايبنها ليه؟؟

يعني ..
.. بالغش والخداع يحل المواطن نهبه!!!

كده بالله فكر في الموضوع ده بعقل وبدون شعارات ..

حكومتكم حكومة إسرائيل دي .. مخنوقة.. لمن حتجيب ... (البترول)

Post: #28
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:44 PM
Parent: #17

بالله العظيم ؟؟
طيب أنا داير معاهم يا ود الباوقة ياخ

عماد يا اخوي داير معانا شنو ؟؟ انت قايل نحنا قاعدين نوزع بتيخ ...

ود الباوقة

Post: #26
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-08-2008, 10:40 PM
Parent: #16

يا اخوي بكلامك ده كثيرين بشيلهم السيل

ابن عمي المسلمي ..

السيل هين يا العوض يا اخوي .. الطوفان قادم بقوة سيغرق كل متخازل ...

ود الباوقة

Post: #29
Title: Re: والله دخلتو نفسكم في زقاق ضيق بلحيل ..
Author: خالدة البدوي
Date: 04-08-2008, 10:59 PM
Parent: #1

سلام ودالباوقة يا فاضل

اتهجمت قلت ياربي الحصل

شنو تاني بين تمبس وتراجي

اها يا ربي الاستثمار دا

بغير في الحاجات ديك الما بتعجب

والله لا ؟؟؟؟؟؟؟؟؟؟

تحياتي ،،

Post: #32
Title: Re: والله دخلتو نفسكم في زقاق ضيق بلحيل ..
Author: mahmed alhassan
Date: 04-09-2008, 00:15 AM
Parent: #29

Quote: مجموعة الخرافي توقع عقودا للاستثمار في مشروع السيلة الزراعي وسط السودان

07/04/2008 الخرطوم ــ كونا ــ وقعت مجموعة الخرافي الكويتية مع الحكومة السودانية أمس عقودا للاستثمار في مشروع «السيلة» الزراعي في ولاية النيل الأبيض وسط السودان بحضور حاكم الولاية محمد نورالله التجاني.
ومثل مجموعة الخرافي في مراسم التوقيع نائب مديرها العام مرزوق ناصر الخرافي، في حين مثل الجانب السوداني وزير المالية علي آدم عليان. وعقب مراسم التوقيع رحب الحاكم التجاني في كلمة القاها بهذه المناسبة بالاستثمارات الكويتية في ولايته متعهدا بتقديم كل التسهيلات لإنجاح استثمارات مجموعة الخرافي.
من جهته، أعرب مرزوق الخرافي عن شكره وامتنانه لحكومة وسكان ولاية النيل الأبيض على التسهيلات التي قدمت لمجموعة الخرافي. وقال ان مجموعة الخرافي لديها العديد من الاستثمارات في السودان في مجالات الاتصالات والبترول، كما تدخل ولاية النيل الأبيض ضمن أولويات المجموعة بقوة للاستثمار في المجال الصناعي.
اما رئيس المجلس التشريعي في ولاية النيل الابيض مهدي الطيب الخليفة، فقد اعتبر مشروع «السيلة» الزراعي «نقطة تحول للمنطقة في تقديم الخدمات للمواطنين وتوفير فرص العمالة لأبناء المنطقة».
وأعرب الخليفة عن شكره لدولة الكويت لدعمها المتواصل لحكومة السودان في المجالات المختلفة. ويشمل الاستثمار في مشروع «السيلة» الزراعي العمل في صناعة السكر والايثانول وصناعة الورق والثروة الحيوانية.

© Copyright by SudaneseOnline.com

Post: #37
Title: Re: والله دخلتو نفسكم في زقاق ضيق بلحيل ..
Author: A.Razek Althalib
Date: 04-09-2008, 09:14 AM
Parent: #32

ود الباوقة..

إنت زول غياظ بشكل..

Post: #43
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 11:02 AM
Parent: #37

ود الباوقة..

إنت زول غياظ بشكل..

ود الطالب ..

انت عئل وبث .. ( اسف اللون الاحمر كملتو )

ود الباوقة

Post: #38
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-09-2008, 09:54 AM
Parent: #32

ود الباوقة سلام وتحياتى ومبروك الاستثمار العربى فئ السودان اولا دعنى اوضح حقائق مهمه غابة عنك فئ مداخلتى للاخ المسلمى . اولا
ان تكون لديك فكرة وتنظيم سياسيى تدافع عنه على الملاء دون خوف بالرغم من الاتهمات التى تحيط به وتصريحات قادته العنصرية والمسلك النازى للتنظيم فهو ضرب من ضروب الشجاعة النادرة قلة ما وجدة فكل شخص . طبيعى يدافع عن افكارة مهما كانت , لكن ان تكون شخص متلون ولتوى تميل حيث الريح مالت كما المسلمى واخر يدعى زعما انه وهابى وهو لا فهو نوع من انواع النفاق وهم فئ الدرك الاسفل من النار وانت تعلم.
اى ان الحظ ان منتسبى المؤتمر الوطنى لا يعلقون على اى بوست يتحدث عن الشرف والامانه ووحدة السودان لانهم ببساطة يعلمون مخططهم جيدا ويمكن مراجة بواسة المؤامرة المصرية على السودان او اى بوست يثحدث عن كجبار او بوست مكلمة صلاح قوش وزعيم التمرد التشادى اللهم الا مدخلات هزيلة وغير مفهم لا تسمن ولا تغنى عن جوع.
المشركين فئ عهد الرسول كانوا اصحاب مبدى ولهم كلمة وكلمتهم شرف رفضوا دخول الإسلام لأسباب عديدة منها أنهم عقدوا البيعة لاسلافهم ان لايبدلوا دينهم ابدا وظلوا على موقفة حتى ماتوا, هل تهرب المسلمى من الانتماء للمؤتمر الوطنى يعنى ان المؤتمر الوطنى تنظيم تحفة الشبهات ويخاف الناس من مجرد زكر انتمائهم اليه؟؟
ناتى الى موضع الاستثمار وما ادركه ما الاستثمار والهدف الاساسى منه معروف تغير التركيبه السكانية السودانية يمكن مراجعة تصريحات وزير دفاعكم. يعنى لا يهدف الانفتاح الاقتصادى للحكومة لتنمية البلاد وخير العباد لكن يهدف الى تمكين العرب من البلاد حتى يزل الموطن السودان كما يزل الان الكثيرين فئ السعودية ... الخ (( واظنك نكتت موظف الجوزات السعودية قائلينا للسودانى ((ادرى انك عبيد ((يعنى عبد)) شو اسمك)),
تملك قطعة الارض لمواطنى اجنى ليس بالامر السهل فئ كثير من دول العالم ,,
ان يباع الفدان الواحد بمبلغ 100 دولار بكمال محتويات المشروع لموطن اجني هنا قف تأمل لان إيجار الشقة فئ مصر فئ أفقر إحياء القاهرة بمبلغ 100 دولار للسوداني." وهى شق تقع فئ ارض صحروية لا حياة فيها فكيف تبع قطعة راض على النيل بمبلغ زهيد؟ حتى مقدم البرنامج كان مندهشا للأمر؟
فاذا عرف السبب بطل العجب
الانقاذ تكفر عن ذنبها فئ عملية اغتيال حسن مبارك الفاشلة العملية التى دبرة ونفذه بايدى سودانية والأسماء معروفه لديك ولدى وشيخ الخطة زاتوا اعترف,
الاعتماد على الحكومات العربية بعلاقتها الجيدة مع الغرب فئ تحسين صورة الإنقاذ والهرب من المحكمة الدولية لمجرمي الحرب او انتزاع السلطة من أياديهم هيهات يا ود الباوقه لان ان كان العرب زو فائدة لما اعدم صدام بهذه الصورة المزله
وبالسودانى كدة دى زى تعملوا لى زول حاجة وتخاف ان تدخل السجن فتقول ليهوا نوم ما بتى واعمل نايم )) يعنى كالشخص الذى يتاجر بابنته فئ الدعارة خوفا من الناس ولا يخاف الله. لان الارض شرف ولا يبع ارضه لا من لا شرف له او من غريب عن البلد وبلدا ما بلدك امشى فيها عريان
العرب نفسهو يستمدون الخبرات الاجنبية من الخارج فئ استصلاح الارضى والتنمية والبنية التحية مثال على ذلك الإمارة العربية حتى السعودية تحمى ارضيها بجيوش أجنبية ؟؟؟ يعنى بدل ما نمشى للغرب نتعامل مع الذين يستعملون مع الغرب وهى قمة الغباء الانسانى.
ود الباوقة الشعب السودانى من نملى الى حلفاء ومن طوكر للجنينه شعب مضياف ولا يمنع الكلاء ولا الماء من اى شخص مهما كان لكن هذا الشعب يقدم هذه الخدمة بكبرياء وشموخ من غير اى زل ولا هوان . وانتم الان تبيعون البلد بزل وهوان
اصبحتة حكومتكم مسخرة فئ العالم رئيس دولة تحدد اقامته فئ بلد وتقول لى استثمار عربى

ود الباوقة ستكتب انشاء الله عند الله كذابا
وعموما هل سمعته بحديث قزمان الذى كان يقيم الصلوت ويصوم ويصلى ويزكى وكان كل ما زكر فئ مجلس من مجلس الرسول قال الرسول قزمان من اهل النار.؟؟؟ لو عارف ادينى 1 ولا ماعارف ادينى 2 علشان نوريك

والسلامة امانه للعوض وصحابو المعاهو فئ الصين

Post: #46
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 11:15 AM
Parent: #38

لكن ان تكون شخص متلون ولتوى تميل حيث الريح مالت كما المسلمى واخر يدعى زعما انه وهابى وهو لا فهو نوع من انواع النفاق وهم فئ الدرك الاسفل من النار وانت تعلم

وهابي لدي لم اسمع بها الا من عندك والعوض في اول مداخلاته جاء بصورة كبيرة لقبة جده الشيخ الكباشي
مما يدحض بالصورة كونه وهابي..

هل تهرب المسلمى من الانتماء للمؤتمر الوطنى يعنى ان المؤتمر الوطنى تنظيم تحفة الشبهات ويخاف الناس من مجرد زكر انتمائهم اليه؟؟

اعضاء المؤتمر الوطني لا يعملون في الخغاء فهم متواجدون في الاعلام والمنتديات وغيرها . لكن المشكلة التي تقعوا فيها جميعا هي سرعة تصنيفكم دون دراية او علم ...

ناتى الى موضع الاستثمار وما ادركه ما الاستثمار والهدف الاساسى منه معروف تغير التركيبه السكانية السودانية يمكن مراجعة تصريحات وزير دفاعكم. يعنى لا يهدف الانفتاح الاقتصادى للحكومة لتنمية البلاد وخير العباد لكن يهدف الى تمكين العرب من البلاد حتى يزل الموطن السودان كما يزل الان الكثيرين فئ السعودية ...

كلام غير منطقي وتنقصه الموضوعية نحن في بلدنا احرار ولن نتعرض للاذلال من اي كائن كان . كما نحن هنا الان بالمملكة نعيش معززين مكرمين والذليل هو من يجلب المذلة لنفسه حتى لو كان من اهل البلد

ود الباوقة ستكتب انشاء الله عند الله كذابا

كمان كلو كملتو بقيت تدخل في الغيبيات ... ربنا يسامحك ..

وكفى ...

ود الباوقة

Post: #42
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 10:59 AM
Parent: #32

اخوي محمد الحسن طيب البيقنع ناس الضربو رمو ديل منو ..

واصل يا ابوحميد انا اعرف ان لديك الكثير ..

ود الباوقة

Post: #40
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 10:42 AM
Parent: #29

اتهجمت قلت ياربي الحصل

شنو تاني بين تمبس وتراجي

تراجي زاتا ما لاقيا زقاق تدخل فيهو يا خالدة ..

اها يا ربي الاستثمار دا

بغير في الحاجات ديك الما بتعجب

والله لا ؟؟؟؟؟؟؟؟؟؟

التنمية ستغير كل شئء يا خالدة وسودان الامس ليس كسودان اليوم والغد سيكون افضل بعون الله.

خالدة غاتسة وين الفترة الفاتت ديك . تلفوناتك ضاعت مننا .... حمد لله على السلامة الحضور..

ود الباوقة

Post: #39
Title: Re: والله دخلتو نفسكم في زقاق ضيق بلحيل ..
Author: ahmed haneen
Date: 04-09-2008, 10:24 AM
Parent: #1

يا ود الباوقة

بطل حركات البعثيين دي

وجاوب بدون زوغان

رائك شنو .. في جمعة الجمعة .. وحجز امواله ومنعه من السفر في السعودية

ابقي راجل وجاوب...

ماقلتا توبة!!!!

منع رجل الأعمــال جمعة الجمعـــة من السفـــر والتصــرف ...اله.. الوطن السعودية

Post: #41
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 10:56 AM
Parent: #39

بطل حركات البعثيين دي

وجاوب بدون زوغان

انت بطل حركات الجبهة الديمقراطية .. الحركة الشعبية .. حزب الامة وبالعكس ...

رائك شنو .. في جمعة الجمعة .. وحجز امواله ومنعه من السفر في السعودية

ابقي راجل وجاوب...

يا اخوي جمعة الجمعة دا واحد ما مئات المستثمرين الخليجيين في السودان .. انتا اعمى ومسكوه عكاز

والله يا مكاتل محنك تمحن ....

ود الباوقة

Post: #44
Title: Re: والله دخلتو نفسكم في زقاق ضيق بلحيل ..
Author: Deng
Date: 04-09-2008, 11:05 AM
Parent: #1

ود الباوقة.

طيب الفايدة شنوا لو الاموال التي تكسب كلها بتخدل في جيوب جماعتكم الكيزان؟

المواطن العادي في السودان حتى هذا اللحظة لم يتمتع بدخل البترول في السودان

ولكن كل المواطنين يرون الكيزان الذين أصابتهم الطخمة والذين أستطالوا في البنيان

والذين تزوجوا من هن في سن بنات بناتهم أو الذين يمتطون السيارات الفارهة في شوارع الخرطوم

المذدحمة بالمتشردين والعطالة والمرضى. أستحي يا ود الباوقة أستحي.

دينق.

Post: #47
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 11:25 AM
Parent: #44

أستحي يا ود الباوقة أستحي

لووووووووووووول وصل كبير الفناجطة يا اخوي استحي في شنو كدي استحي انت على وجهك في الاول وبعدين
طالبني انا ..

شكرا دنوقي ..

ود الباوقة

Post: #45
Title: Re: والله دخلتو نفسكم في زقاق ضيق بلحيل ..
Author: Deng
Date: 04-09-2008, 11:07 AM
Parent: #1

العوض أخوي.

أنت شايت ووين؟

دينق.

Post: #48
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-09-2008, 11:34 AM
Parent: #45

دينق .. حاول شوف ليك طريقة تتطلع جماعتك ديل من الزقاق الضيق الدخلو فيهو دا ..

ود الباوقة

Post: #49
Title: Re: والله دخلتو نفسكم في زقاق ضيق بلحيل ..
Author: A.Razek Althalib
Date: 04-09-2008, 11:39 AM
Parent: #45

Quote: العوض أخوي.

أنت شايت ووين؟

دينق.

جهوياً يا دينق..

Post: #51
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-09-2008, 12:03 PM
Parent: #45

الاخ العوض المسلمى انت لم تفهم مدخلتى جيدا ان اقول لك وبكل صراحة اذا كنت كادر فى المؤتمر الوطنى افصحى يامان مشكلة ان تكون لك تنظيم سياسيى وفكرة تدافع عنها وكل نفس بما كسبت رهينا لكن ان تميل حيث ما تميل الرياح فهى المشكلة.

Quote: وهابي لدي لم اسمع بها الا من عندك والعوض في اول مداخلاته جاء بصورة كبيرة لقبة جده الشيخ الكباشي
مما يدحض بالصورة كونه وهابي..

والله فعلا اللغة العربية لغة صعبة الفهم خاصة لشخص غير عربى .. راجعى مداخلتى كويس انا قلته العوضى واخر يدعى انه وهابى يعنى فى زول تانى

اسمح لينا ياود الصائم
غايتو جنس غايتو

ود الباوقة برضوا ما قريت المداخلة كويس او مافهمته او انك ما تابعته حديثة وزير الدفاع عبد الرحيم محمد حسين للتزكير هذا هو الحديث
Quote: وزير الدفاع ( القومي ) يسب أهل دارفور على رؤوس الأشهاد !!
17.03.08

وزير الدفاع ( القومي ) يسب أهل دارفور على رؤوس الأشهاد !!
آدم الهلباوى

بسم الله الرحمن الرحيم

يقول ( تليس ) هذا للتوثيق :
المكان : السفارة السودانية بالرياض .
الزمان : أمسية الخميس 13/3/2008 تحديدا الساعة 11:45 ليلا .
الحضور : الصحفيين والإعلاميين الأستاذ / أحمد البلال الطيب ، الأستاذ / زكريا حامد ، الأستاذ / الطاهر ساتى ، الأستاذ / محمد لطيف ومجموعة معتبرة من بورداب سودانيز أونلاين الصحيفة الإلكترونية الواسعة الإنتشار إضافة إلى المسئولين السادة / أركان السفارة ، والى الولاية الشمالية ، نائب مدير هيئة السدود وزير المالية الولائي وجمع غفير من أبناء الولاية الشمالية بالرياض .
الموضوع : نقاش مع أبناء الولاية الشمالية تحديدا عن سد كجبار .
المتحدث الرئيسي : وزير الدفاع ( القومي ) السيد عبد الرحيم محمد حسين .
المشهد : بعض المعترضين على قيام السد وبأسلوب حضاري رافعين أوراق بيضاء كلافته كتب عليها عبارة ( لا لسد كجبار ) .
الحوار : سأل أحد المعترضين على قيام السد وزير الدفاع ( القومي ) عبدالرحيم محمد حسين مستنكرا : هل حقيقة أن الحكومة مفكرة وتسعى لتوطين ما يقارب 5 مليون مصري في الولاية الشمالية وتحديدا من الصعايدة ؟
فما كان من وزير الدفاع القومي إلا أن قال له : إذا افترضنا جدلا أن الحكومة تسعى لتوطين 5 مليون مصري في الولاية الشمالية مالو ! ما طيب هنالك 8 مليون نسمة في دارفور كلهم أفارقة و جايين من الخارج فهل يا ترى أفضل لكم هؤلاء الذين يأتون إليكم من مصر أم أولائك الأفارقة الذين يأتون من غرب أفريقيا ؟! مواصلا قوله : أنا من القلائل الذين نفذوا انقلاب الجبهة القومية الإسلامية وأنا ليس بوزير معين أو موظف بل أنا متخذ قرار وأتحمل نتيجة ذلك . ( انتهى )
يقول ( تليس ) المشهد برمته منقول وموجه مباشرة إلى السيد / رئيس الجمهورية ورئيس الحزب الحاكم المؤتمر الوطني المشير / عمر البشير والنائب الأول رئيس الحركة الشعبية الشريكة في الحكم السيد / سلفا كير و نائب رئيس الجمهورية والقيادي المحنك في الحزب الحاكم السيد / على عثمان محمد طه وكبير مساعدي رئيس الجمهورية ورئيس السلطة الانتقالية لدارفور السيد / أركو مناوى والسيد مستشار رئيس الجمهورية السيد/ عبدالله مسار مع فائق الاحترام .
يؤكد ( تليس ) أن هذا الكلام ومن رجل بمقام وزير الدفاع ( القومي ) السيد عبدالرحيم محمد حسين يتنافى مع السياسة المعلنة للدولة والتي تحرص على ترسيخ مفهوم الوحدة الوطنية وتدعيها من خلال جعل الوحدة جاذبة كجنوب السودان فكيف
لذلك أن يكون ؟ إذا كان بعض مسئولي الإنقاذ يتطرفون في وصفهم لأبناء دارفور بأنهم أفارقة دخلاء على السودان العظيم ‍‍‍‍‍‍‍‍‍‍‍‍‍في ظل هذه الأوضاع المأساوية التي يعانى منها إقليم دارفور في الوقت الحاضر وإجماع كل الخيرين من داخل وخارج السودان العظيم يرون أن مفتاح حل مشكلة دارفور بيد الحكومة وحدها .
يقول ( تليس ) ولكن في ظل ما ذكر أعلاه أتضح لنا جليا لماذا تتعند الحكومة كل هذا الوقت بتبنيها للحل الأمنى لمشكلة دارفور دون النظر إلى أي حل سواه مع ملاحظة أن هذا الحل الأمنى ارتبط ارتباطا مباشرا مع السيد عبد الرحيم محمد حسين عندما كان وزيرا للداخلية ثم أصبح لاحقا وزيرا للدفاع .
يقول ( تليس ) يتضح من ذلك أن للحكومة شك في انتماء أهل دارفور أساسا للسودان العظيم ، مما يرسخ ويؤكد المعلومات المتداولة بحملات التطهير العرقي التي طبقت في دارفور واستجلاب أناس آخرين لتوطينهم في دارفور بدلا عن أولئك الأفارقة على حد قول وزير الدفاع ( القومي ) عبدالرحيم محمد حسين .
يقول ( تليس ) برغم كل ذلك هنالك من بين هذه الجموع من كان يهلل ويكبر لا بل أهدوا له درعا في خاتمة المطاف يقول ( تليس) انه سمع اكثر مرة السيد عبدالرحيم محمد حسين يوصف دارفور بأنها أرض المحمل وأهلها حفظة القرآن لكنه لم يتوقع أبدا تصرف مثل هذا من سحرة فرعون .
يقول ( تليس ) ليس ذلك مستغربا في تاريخ الإنسانية حيث أن فرعون عندما طغى وتجبر وانبهر بزهو السلطة بدعم من هامان فأخذ يسفك دماء الناس فيقتل هذا ويسجن هذا ويأكل أموال العباد لا بل قال أنا ربكم الأعلى ولم يغنيه ذلك من الله شيئا
إذن هذه اللجان التي تسعى بين الناس فيما يعرف ( بجمع الصف الوطني ) ما هي إلا مكاء وتصدية وزر للرماد في العيون ، واصفا ذلك التناقض البين ما بين الادعاء والممارسة بهذا البيت من الشعر :

أزج زلوج هذرفى زفازف تزف الناجيات الصوافينا .

وارك متجاوز لحديثى المهم واهتمت بقشور الامور فى الحديث وانا كنت متوقع هذا فهو ديدن اهل الانقاذ وسبب البلاء الان ..

Quote: كلام غير منطقي وتنقصه الموضوعية نحن في بلدنا احرار ولن نتعرض للاذلال من اي كائن كان . كما نحن هنا الان بالمملكة نعيش معززين مكرمين والذليل هو من يجلب المذلة لنفسه حتى لو كان من اهل البلد

معقوله يا ود الباوقة لكن ارض سودانية زراعية بى 100 دولار للفدان لو ما كان المصرين ماسكين عليكم زلة هسى مساحة 400 متر مربع منزل سودانى لشخص سودانى بكم؟؟؟

برر الكلام دة

Quote: كمان كلو كملتو بقيت تدخل في الغيبيات ... ربنا يسامحك ..

ود الباوقة انته قادى تربية اسلامية ولا شنوا هذه
Quote: ود الباوقة ستكتب انشاء الله عند الله كذابا

يعنى ما لاحظة كلمة انشاء الله ولا شنوا

وما كتبته 1 ولا اتنين ليه عموما السؤال قائم وفى واحد تانى وهو

ياتى العالم يوم والقيامة ويقف اما الله ويساله الله تعالى ماذا فعلته فى حياتك فيقول يارب انا تعلمة العلم وعلمته للناس فيقول رب العزة كذبة وتقول الملائكة كذبة فيقول الله تعالى انك ما تعلمته العلم وما علمته للناس الا ليقالك اليك عالم ويقول الله تعالى للملائكة خذوه الى النار والعياذب بالله من النار
وهنا نمزاج اخرى لو عارفمم ادينى 3 لو ماعارفم ادينى 4

وجايك تانى

Post: #55
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-10-2008, 07:13 PM
Parent: #51

ود الباوقة انته قادى تربية اسلامية ولا شنوا هذه

شوف يا امير العبارات الانشائية دي ما بتخارجك . رغم اني اراك قد خرجت زحفا من الزقاق هذا لتدخل في زقاق اضيق منه ...

خارج نفسك ...

ود الباوقة

Post: #52
Title: Re: والله دخلتو نفسكم في زقاق ضيق بلحيل ..
Author: العوض المسلمي
Date: 04-09-2008, 01:07 PM
Parent: #45

دينق سلام

Quote: أنت شايت ووين؟

شايت ضد هشام هباني

Post: #50
Title: Re: والله دخلتو نفسكم في زقاق ضيق بلحيل ..
Author: Deng
Date: 04-09-2008, 11:59 AM
Parent: #1

ود الباوقة أستحي من هولاء:

ولكن كل المواطنين يرون الكيزان الذين أصابتهم الطخمة والذين أستطالوا في البنيان

والذين تزوجوا من هن في سن بنات بناتهم أو الذين يمتطون السيارات الفارهة في شوارع الخرطوم

المذدحمة بالمتشردين والعطالة والمرضى. أستحي يا ود الباوقة أستحي.

Post: #53
Title: Re: والله دخلتو نفسكم في زقاق ضيق بلحيل ..
Author: عمر التاج
Date: 04-09-2008, 02:54 PM
Parent: #1

أخونا أمير دا
شايل سلاحو عايز يكاتل في الهوا الاسفيري ده ؟
أسع ما كان أخير ليك تخت السلاح ارضاً وتجي تتخارج من الزقاق الضيق بتاع ود الباوقة ده ؟
-
-
-
مرحبا بالمستثمرين من كل مكان ومجال
لتنمية السودان القديم والجديد

Post: #54
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-09-2008, 05:54 PM
Parent: #53

Quote: أخونا أمير دا
شايل سلاحو عايز يكاتل في الهوا الاسفيري ده ؟
أسع ما كان أخير ليك تخت السلاح ارضاً وتجي تتخارج من الزقاق الضيق بتاع ود الباوقة ده ؟

اخونا عمر البندقية بتاعت صيد بنصيد الطيور بس

Quote: مرحبا بالمستثمرين من كل مكان ومجال
لتنمية السودان القديم والجديد

مرحبا بيهم والله اذا كان الامر تنمية البلاد لكن تغير التركيبة السكانية لا

Post: #57
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 07:46 PM
Parent: #54

Post: #58
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 07:49 PM
Parent: #57

Post: #59
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 07:50 PM
Parent: #57

Post: #60
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 07:51 PM
Parent: #57

Post: #61
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 07:54 PM
Parent: #57

ما سبق من صور هو شرح "للزقاق الضيق الذي ادخلتنا فيه الانقاذ"، بعد 19 سنة و10 شهور من الانقاذ المستمر.

وهاهو الباوقة يعدنا بالمزيد!!

___
لانبالي لانبالي
اننا حزب ضلالي

Post: #56
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-10-2008, 07:37 PM
Parent: #53

أخونا أمير دا
شايل سلاحو عايز يكاتل في الهوا الاسفيري ده ؟

اخونا عمر التاج ..

والله الجماعة ديل الله اعلم يتخارجوا وكل ما خرجوا من زقاق دخلوا في زقاق اخر ...

مرحبا بالمستثمرين من كل مكان ومجال
لتنمية السودان القديم والجديد

نعم مرحبا بهم يا اخي عمر ونسال الله ان تعم الفائدة الجميع ...

ود الباوقة

Post: #62
Title: Re: والله دخلتو نفسكم في زقاق ضيق بلحيل ..
Author: shaheed gadora
Date: 04-10-2008, 08:00 PM
Parent: #56

نقلا عن BBC

صلوات من أجل دارفور في كمبوديا

Post: #68
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-11-2008, 11:11 AM
Parent: #62

صلوات من أجل دارفور في كمبوديا

يا شهيد اي صلوات تتحدث عنها واي صلوات يصليها هؤلاء البوذيون .. هــل حملة القران الكريم واهل المحمل فوضوهم بالصلاة من اجلهم ام هي قلة ادب من عندهم .. قال صلاة قال ..

ربنا يكفينا شر الما نقدرا ...

ود الباوقة

Post: #63
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-10-2008, 08:04 PM
Parent: #56

ود الباوقة مبالغة لكن انت شكلك كدة يا معلم قادى تربية اسلامية انا بتكلم معاك احديث وانته بتهاتر معاى وا اسفاى على الدين وعلى المشروع الحضارى يا ود الباوقة ...

انته غايتو خشيت معى زقاق ضيف شديد

نديك سؤال تانى ولا كفيا ؟؟

Post: #64
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-10-2008, 10:32 PM
Parent: #63

انت شكلك كدة يا معلم قادى تربية اسلامية انا بتكلم معاك احديث وانته بتهاتر معاى وا اسفاى على الدين وعلى المشروع الحضارى يا ود الباوقة ...

شكلك قادي عربي ...

نديك سؤال تانى ولا كفيا

يا كافي البلا ...

ود الباوقة

Post: #65
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-10-2008, 10:42 PM
Parent: #64

لانك مابتعرف عامية سودانية و صفر تربية اسلامية انته بتصحح فى املاء يا شيخنا

قال تعالى (( أريت الذي يكذب بالدين * فذالك الذي يدع اليتيم * ولا يحض على طعام المسكين ))

{وَتَفَقَّدَ الطَّيْرَ فَقَالَ مَا لِي لا أَرَى الْهُدْهُدَ أَمْ كَانَ مِنَ الْغَائِبِينَ(20)لأعَذِّبَنَّهُ عَذَابًا شَدِيدًا أَوْ لاذْبَحَنَّهُ أَوْ لَيَأْتِيَنِي بِسُلْطَانٍ مُبِينٍ(21)فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِنْ سَبَإٍ بِنَبَإٍ يَقِينٍ(22)إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِنْ كُلِّ شَيْءٍ وَلَهَا عَرْشٌ عَظِيمٌ(23)وَجَدْتُهَا وَقَوْمَهَا يَسْجُدُونَ لِلشَّمْسِ مِنْ دُونِ اللَّهِ وَزَيَّنَ لَهُمْ الشَّيْطَانُ أَعْمَالَهُمْ فَصَدَّهُمْ عَنْ السَّبِيلِ فَهُمْ لا يَهْتَدُونَ(24)أَلا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالأَرْضِ وَيَعْلَمُ مَا تُخْفُونَ وَمَا تُعْلِنُونَ(25)اللَّهُ لا إِلَهَ إِلا هُوَ رَبُّ الْعَرْشِ الْعَظِيمِ(26)قَالَ سَنَنظُرُ أَصَدَقْتَ أَمْ كُنتَ مِنَ الْكَاذِبِينَ(27) اذْهَب بِكِتَابِي هَذَا فَأَلْقِهِ إِلَيْهِمْ ثُمَّ تَوَلَّ عَنْهُمْ فَانظُرْ مَاذَا يَرْجِعُونَ(28)}.

والله ياود الباوقة الايات دى بتزكرنى الكيزان ماعارف لية سبحان الله

Post: #66
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-10-2008, 10:52 PM
Parent: #65

أريت الذي يكذب بالدين ...

يا اخوي والله انت القادي تربية اسلامية ( سورة الماعون )

أَرَأَيْتَ الذي يكذب بالدين (1) فَذَلِكَ الَّذِي يَدُعُّ الْيَتِيمَ (2) ولا يحض على طعام المسكين(3) فَوَيْلٌ لِّلْمُصَلِّينَ (4) الَّذِينَ هُمْ عَن صَلَاتِهِمْ سَاهُونَ (5) الَّذِينَ هُمْ يُرَاؤُونَ (6) وَيَمْنَعُونَ الْمَاعُونَ... صدق الله العظيم .

تصبح على خير ..

ود الباوقة

Post: #67
Title: Re: والله دخلتو نفسكم في زقاق ضيق بلحيل ..
Author: amir jabir
Date: 04-10-2008, 10:57 PM
Parent: #65

سبحان الله

وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِينَ {8}
يُخَادِعُونَ اللّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ {9}
فِي قُلُوبِهِم مَّرَضٌ فَزَادَهُمُ اللّهُ مَرَضاً وَلَهُم عَذَابٌ أَلِيمٌ بِمَا كَانُوا يَكْذِبُونَ {10}
وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ {11}
أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ {12}
وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُونَ {13}
وَإِذَا لَقُواْ الَّذِينَ آمَنُواْ قَالُواْ آمَنَّا وَإِذَا خَلَوْاْ إِلَى شَيَاطِينِهِمْ قَالُواْ إِنَّا مَعَكْمْ إِنَّمَا نَحْنُ مُسْتَهْزِئُونَ {14}
اللّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ {15}
أُوْلَـئِكَ الَّذِينَ اشْتَرُوُاْ الضَّلاَلَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ {16}
مَثَلُهُمْ كَمَثَلِ الَّذِي اسْتَوْقَدَ نَاراً فَلَمَّا أَضَاءتْ مَا حَوْلَهُ ذَهَبَ اللّهُ بِنُورِهِمْ وَتَرَكَهُمْ فِي ظُلُمَاتٍ لاَّ يُبْصِرُونَ {17}
صُمٌّ بُكْمٌ عُمْيٌ فَهُمْ لاَ يَرْجِعُونَ {18}

سبحان الله
سورة البقرة/الجزء الأول

Post: #69
Title: Re: والله دخلتو نفسكم في زقاق ضيق بلحيل ..
Author: ود الباوقة
Date: 04-11-2008, 11:44 AM
Parent: #67

سبحان الله

الله يطوطحك . يا الاصلك مطوطح ...

ود الباوقة