Post: #1 Title: تراجي مصطفى 000!!! Author: طارق عبد اللطيف نقد Date: 04-08-2008, 09:36 AM
تراجي مصطفى شخصيه متفرده او اكثر اعضاء المنبر مصدرا للجدل واكثر عضو نشاطا بالمنبر وحضورا وتواصلا والماما بعضوية سودانيز اونلاين في كل صقاع العالم اكثر ما يميزها مبدئيه ولها قضيه ورأي واضح لاتحيد عنه لا تخلط بين العام و الخاص ففي بوستات السياسه سياسيه حاده وصارمه000 واحيانا جارحه وفي البوستات الاجتماعيه اكثر تواصلا حتى مع من تختلف معهم في الرأي مثقفه و جريئه خصوصا فيما يتعلق يقضايا المرأه سلوكا وعادات وتقاليد
اختلف معها كثيرا خصوصا في العلاقه مع اسرائيل
ولكن اكن لها كل الود والتقدير
هذه ملامح عامه عن تراجي مصطفى يلا محتاجين لتفاصيل اكثر عن هذه الشخصيه 0000!!!!
Post: #2 Title: Re: تراجي مصطفى 000!!! Author: Ahmed Yousif Abu Harira Date: 04-08-2008, 10:17 AM Parent: #1
Quote: ففي بوستات السياسه سياسيه حاده وصارمه000 واحيانا جارحه وفي البوستات الاجتماعيه اكثر تواصلا
طارق نقد كيفنك تتصور انني اكن لام حازم نفس الشعور وهي كما ذكرت واكثر. حتى يخال المرء انو في أكثر من تراجي !! لأنو احيانا تجد نفسك متفق معها بنسبة 100% وبنفس النسبة تختلف معها احيانا أخر. حتى انني شككت في ذات مرة في ان تراجي (اليوزرنيم) ليس فردا بل مجموعة اشخاص. ففي بعض الاوقات (لمن يكون مزاجها رايق) تكون افكارها مرتبة ومداخلاتها خالية من الاخطاء الاملائية والحروف المركبة واحيانا أخرى تدخل اللام محل الكاف والسين محل الضاد وترش من طرف. فعدت وعزوت ذلك للاستعجال والاثارة والغضب "حسب الموقف" او ربما عندها "ديسلكسيا" dyslexia وهي ما عارفه لكنني لا اشك ابدا في طيبتها ووطنيتها وانسانيتها وسودانيتها. باختصار كده تراجي شخصية قادرة على اثارة الحب والحنق في آن معا.
لها مني كامل الاحترام والتقدير
Post: #3 Title: Re: تراجي مصطفى 000!!! Author: A.Razek Althalib Date: 04-08-2008, 11:04 AM Parent: #2
طارق نقد.. إنت بصحكـ.. تراجي بت العز والمهلة دي [مركز قوتها كامن في نقاط ضعفها].. وكان زنقتها حبه كده دموع كي بورتيها بتزارفن..
وبعدين بت حلتنا (سابقاً) ما تقنطروها على الهواء الطلق أكتر من كده.. الرجال قوامون على النسوان..
كفاية عدد عشرون 20 راجل من أبهات الأشناب العتية من من يدعون الإستنارة لابدين وراء جمعية صداقتها.. وأكثر من تنظيم سياسي حاشرها في زقاق إسرائيل الضيق تحت بند الزعامة لزوم المكايدة..
يا طارق نقد عليك الله هسعي تراجي دي موش من جنس النسوان القال عنهن صاحب الرسالة قوارير.. فرفقاً بالقوارير..
كده تعالوا نمد ليها الأيدي صديقة لإنتشالها..
Post: #7 Title: Re: تراجي مصطفى 000!!! Author: طارق عبد اللطيف نقد Date: 04-08-2008, 05:11 PM Parent: #3
الحبيب ابو رزقه
Quote: إنت بصحكـ..
وبي جدي كمان
Quote: تراجي بت العز والمهلة دي [مركز قوتها كامن في نقاط ضعفها].. وكان زنقتها حبه كده دموع كي بورتيها بتزارفن..
لا الحمد لله للان ما شفنا دموعه دي
Quote: كفاية عدد عشرون 20 راجل من أبهات الأشناب العتية من من يدعون الإستنارة لابدين وراء جمعية صداقتها.. وأكثر من تنظيم سياسي حاشرها في زقاق إسرائيل الضيق تحت بند الزعامة لزوم المكايدة..
طيب دي شخصيه عادية يا حبيب
Post: #46 Title: Re: تراجي مصطفى 000!!! Author: Tragie Mustafa Date: 06-05-2008, 06:04 AM Parent: #3
الاخ الحبيب عبد الرازق الطالب عارفه يا ابو زرقة ...سبحان الله من اكثر الناس البضحكوني هنا انت وبحبك كده لله في لله... رغم انك من اكثر الالسنة طولا هنا في شخصي الضعيف.
Quote: كفاية عدد عشرون 20 راجل من أبهات الأشناب العتية من من يدعون الإستنارة لابدين وراء جمعية صداقتها.. وأكثر من تنظيم سياسي حاشرها في زقاق إسرائيل الضيق تحت بند الزعامة لزوم المكايدة..
ابو زرقة يا عسل انت مصر ما تغير القميص الاحمر ده؟؟ نكاية فيني عشان ما بحب الاحمر؟؟؟ يغسي عليك يا عبد الرازق .صدقني السماوي الفاتح حيكون بيجنن فيك.
Post: #6 Title: Re: تراجي مصطفى 000!!! Author: طارق عبد اللطيف نقد Date: 04-08-2008, 04:57 PM Parent: #2
العزيز احمد يوسف ابو حريرة
Quote: حتى انني شككت في ذات مرة في ان تراجي (اليوزرنيم) ليس فردا بل مجموعة اشخاص
تعرف دي اللذيذه في تراجي والكويسه بتراجع نفسه
Quote: لكنني لا اشك ابدا في طيبتها ووطنيتها وانسانيتها وسودانيتها. باختصار كده تراجي شخصية قادرة على اثارة الحب والحنق في آن معا.
عشان كده انا منحتها لقب اكثر شخصيه مثيره للجدل (بالمنبر طبعا)
تسلم يا حبيب
Post: #33 Title: Re: تراجي مصطفى 000!!! Author: Tragie Mustafa Date: 05-07-2008, 03:39 PM Parent: #2
الحبيب ابو حريرة..... عساك واسرتك بخير يا اخي؟؟ وشكرا لكلماتك...
Quote: طارق نقد كيفنك تتصور انني اكن لام حازم نفس الشعور وهي كما ذكرت واكثر. حتى يخال المرء انو في أكثر من تراجي !! لأنو احيانا تجد نفسك متفق معها بنسبة 100% وبنفس النسبة تختلف معها احيانا أخر. حتى انني شككت في ذات مرة في ان تراجي (اليوزرنيم) ليس فردا بل مجموعة اشخاص.
لو بس انتبهت حتلقى انه التفسير لهذا ان لتراحي المقدرة لتلمس الآلام كل البشر وللاسف عندما تطابق الآلم الشخص بتكون في نظره بيتفق معها 100% ولما تضع نفسها في خانة الدفاع عن غير مصالحه القيامة تقوم مش كده؟؟ اديك مثال يا حبيب... فرض كتبوا عن حقوق النسيبه في الاحترام؟؟؟ ستجدني العن ابو يوم مرة الولد الما بتحترم نسيبتها؟؟؟ هنا الرجال بتكيفوا مني. بعد شويه لو طرحوا حقوق الزوجة؟؟تلقاني بلعين لك ابو يوم الزوج البدخل زوجته في حته ضيقه بانحيازه لاهله ضد زوجته,هنا تهلل لي الزوجات المختوات في الحته الضيقه دي ويتضايق مني الرجال المضيقنها علة زوجاتهم لصالح اهلهم!!!
لكن لو ختو الرحمان في قلبهم حيلقوا انه تراجي ترى ان حقوق كل فرد وحريته تنتهي عند حدود الآخرين وعلى الزوج مثلا مسؤليات عظام في مجتماعت مثل مجتمعاتنا وعليه ان يحفظ حق امه في الاحترام وحق زوجته في الخصوصيه و الاحترام ايصا وعليه لعب هذا الدور بدبلوماسيه تفوق دبولماسية ايام الحرب الباردة بين الدول العظمى!!
اها وقع لك حكاية الكم يوزر نيم دي انا تراجي اكتب باسم الزوجات واكتب بامس الحموات واضع نفس مكانة الحماة وكمان المهمشة و الجندريه و الرجال المضطهدين و..و..الخ.
Quote: ففي بعض الاوقات (لمن يكون مزاجها رايق) تكون افكارها مرتبة ومداخلاتها خالية من الاخطاء الاملائية والحروف المركبة واحيانا أخرى تدخل اللام محل الكاف والسين محل الضاد وترش من طرف. فعدت وعزوت ذلك للاستعجال والاثارة والغضب "حسب الموقف" او ربما عندها "ديسلكسيا" dyslexia وهي ما عارفه لكنني لا اشك ابدا في طيبتها ووطنيتها وانسانيتها وسودانيتها. باختصار كده تراجي شخصية قادرة على اثارة الحب والحنق في آن معا. لها مني كامل الاحترام والتقدير
يا اخي شكرا كثير بالله في اثارة اكثر من كدة؟؟؟ كرهتي في الدنيا الملل.
وبيني وبينك القمم و القيعاني دي صعبه فعلا وكلن اعمل شنو هي قدر,لك محبتي وتقديري وشكرا لكلمات الصادقة من القلب النقي وطيب,وتابع معي ما ساكتبه عن الرق في بلاد الشكريه رد على اخي د.حامد برقوولاين لم اتفق معه حول ما اورده.
Post: #4 Title: Re: تراجي مصطفى 000!!! Author: وائل طه محى الدين Date: 04-08-2008, 11:11 AM Parent: #1
شخصية جديرة بالإحترام
Post: #5 Title: Re: تراجي مصطفى 000!!! Author: محمد عبد القادر Date: 04-08-2008, 11:16 AM Parent: #4
Quote: اختلف معها كثيرا خصوصا في العلاقه مع اسرائيل
ولكن اكن لها كل الود والتقدير
احييك اخي الكريم على هذا الطرح الراقي فاختلاف وجهات النظر يجب ان لا يفسد قضية الود سعيد جدا بما ذكرته عن الاستاذة تراجي واجمل نا ذكرت قيمة احترام الاخر وان اختلفت معه التحية لك وللاستاذة تراجي
Post: #8 Title: Re: تراجي مصطفى 000!!! Author: عبد العظيم احمد Date: 04-08-2008, 05:16 PM Parent: #5
دعواتنا لها بالشفاء بأذن الله
Post: #11 Title: Re: تراجي مصطفى 000!!! Author: طارق عبد اللطيف نقد Date: 04-08-2008, 05:47 PM Parent: #8
الاخ / عبدالعظيم احمد
Quote: دعواتنا لها بالشفاء بأذن الله
تسلم الخاله تراجي من كل بلا ودي فرصه يكون البوست ده زيارة مرضية وماتشوف شر تحياتي
Post: #47 Title: Re: تراجي مصطفى 000!!! Author: Tragie Mustafa Date: 06-05-2008, 06:12 AM Parent: #5
الفاضل محمد عبد القادر تحياتي لك وشكرا على مرورك من هنا
Quote: احييك اخي الكريم على هذا الطرح الراقي فاختلاف وجهات النظر يجب ان لا يفسد قضية الود سعيد جدا بما ذكرته عن الاستاذة تراجي واجمل نا ذكرت قيمة احترام الاخر وان اختلفت معه التحية لك وللاستاذة تراجي
و التحية لك اخي الكريم.
Post: #42 Title: Re: تراجي مصطفى 000!!! Author: Tragie Mustafa Date: 06-05-2008, 04:53 AM Parent: #4
العزيز وائل طه شكرا لمروك كلماتك:
Quote: شخصية جديرة بالإحترام
شهادة اعتز بها ومن شخص احترمه ايضا. لك الود وكن بخير و وابشر الجماعه يومهم قرب يا وائل .
Post: #71 Title: Re: تراجي مصطفى 000!!! Author: حسن عبدالله Date: 06-24-2008, 12:14 PM Parent: #4
ممكن يأهل المنبر اعرف هل تراجي دي هي بتاعت اليهود ولا واحدة ثانية؟؟؟؟؟؟؟؟؟؟؟؟ اذا كانت هي خسئت وخسي كل من يعظمها منكم ومن غيركم!!!! هي فاكرة الحكاية استعراضات وله ايه؟؟؟ ما هي حكاية اليهود تبدأ كدة صغيرة ثم فجاءة تلقاها بقت قبة... احذروها احذروها احذروها.............
Post: #9 Title: Re: تراجي مصطفى 000!!! Author: احمد العمار Date: 04-08-2008, 05:27 PM Parent: #1
طارق سلام كبير ( كما يحلو للريس ابوجهينة )
والله ياطارق انا فى موضوع اسرائيل دا بختلف معاها تماما واشياء اخرى لكن وبكل صراحة هذه الانسانة متفردة فعلا تجبرك على احترامها لانها اكثر اعضاء هذا المنبر صراحة و وضوح يعنى ماعندها مراوغة ولف ودوران بتقول رأيها بكل وضوح كان يعجب الناس و لا مايعجبهم ، وهذا صفة جميلة جدا ونادرة .
لك التحية يا طارق وهذا البوست دليل على انك تحمل نفس الصفة اعلاهـ ايضا
والتحية لتراجى مصطفى
أحمد العمار
Post: #10 Title: Re: تراجي مصطفى 000!!! Author: عبده عبدا لحميد جاد الله Date: 04-08-2008, 05:44 PM Parent: #9
تراجي او القمرا البوصفو بيها(الكلام لزول واحد) شخصية جديرة بالإحترام مهما كان الاختلاف نسأل الله لها التوفيق ودوام الصحة والعافية شكراً العزيز طارق
Post: #12 Title: Re: تراجي مصطفى 000!!! Author: Tragie Mustafa Date: 04-09-2008, 02:26 AM Parent: #1
الاخ الفاضل طارق عبد اللطيف نقد سلامات وشكرا اخي لكلماتك وان كان اجمل متابعتكم وانتم تحللون في شخصي الضعيف. اختك عيانه شديد...لكن كان مد الله في العمر ياني الجايكم هنا مهيته ومبيته.
Quote: او اكثر اعضاء المنبر مصدرا للجدل واكثر عضو نشاطا بالمنبر
شفته يا غالي دي النجيه البتجيب الكفوة ذاتها يازول انا من شفته لك ود الباوقه بعد في مداخلاتي وتبعه خالد كودي عرفت لك اني انقرضته خلاص اها وقتها قالوا كتبت حوالي ال 22 الف مداخله!!عليك الله ديل ماقرضوني؟؟!! اها وحاتك من يومها وانا ما شفته عافيه. معزتي لكم وكونوا بخير اخوتي وخلوا البلد في حدقات اعينكم دوما.ربنا يحفظكم لشبابكم.
Post: #13 Title: Re: تراجي مصطفى 000!!! Author: محمود ابوبكر Date: 04-09-2008, 02:38 AM Parent: #1
Quote: اختك عيانه شديد...لكن كان مد الله في العمر ياني الجايهكم هنا مهيته ومبيته
تراجي ما تشوفي شــر ..وعساها مغفرة ان شاء الله .. وتعودين سالمة ومعافاة
--
Quote: او اكثر اعضاء المنبر مصدرا للجدل واكثر عضو نشاطا بالمنبر وحضورا وتواصلا
أوافق
Post: #14 Title: Re: تراجي مصطفى 000!!! Author: AMNA MUKHTAR Date: 04-09-2008, 03:18 AM Parent: #1
تراجى عمر أبو طالب مصطفى = بريق الماس
Quote: اكثر ما يميزها مبدئيه ولها قضيه ورأي واضح لاتحيد عنه لا تخلط بين العام و الخاص
الرك على التربية والنشء فى بيئة( نظيفة) و(مستنيرة) وبثمارهم تعرفونهم..
التحية لها أم حازم ويحفظها ربى ويغطيها.. والذى يتعرف عليها عن قرب سرعان ما يدرك معدنها الأصيل .
Post: #15 Title: Re: تراجي مصطفى 000!!! Author: سناء عبد السيد Date: 04-09-2008, 03:47 AM Parent: #1
تراجي زولة طيبة و علاقاتا الاجتماعية قوية جدا
تلقاها من اول المعزيين في بوستات التعزية و من اول المهنئين في بوستات التهنئة
دايما بتساند الطرف الضعيف , جريئة في الحق , حنينة
لكن عندها مشكلة واحدة كان خلتا بتبقى احسن زول , و الهي العنصرة لقبيلتها في الغرب و الشرق
و كأن باقي القبايل لا تساوي شيي في نظرها و اظهارها لكره القبايل الشمالية بصورة مبالغة
تراجي انتي زولة بتنادي بالمساواة يبقى تشملي كل القبايل و تناصري كل القبايل
و بتناصري حقوق المرأة يبقى كيف تنادي بالحاجات دي و انتي بتناصري قبيلتك فقط
طالما انك بتنادي بحقوق المرأة يبقى لكل النساء في الشمال و الجنوب و الشرق و الغرب و الوسط
طالما انك بتنادي بالمساواة يبقى لكل السودانيين مش لناس الغرب فقط ما معنى انو غالبية افراد الحكومة
من الشمال يبقى تنغمي على كل الشماليين
يعني نصيحتي ليكي افرزي الكيمان ناس الحكومة ما بمثلوا الا انفسهم فقط
دى رايي بكل صراحة و انا زيك كدى صريحة للطيش
و ربنا يقومك بالسلامة
Post: #16 Title: Re: تراجي مصطفى 000!!! Author: wadah beshier Date: 04-09-2008, 04:03 AM Parent: #15
Quote: تراجي مصطفى شخصيه متفرده او اكثر اعضاء المنبر مصدرا للجدل واكثر عضو نشاطا بالمنبر وحضورا وتواصلا والماما بعضوية سودانيز اونلاين في كل صقاع العالم اكثر ما يميزها مبدئيه ولها قضيه ورأي واضح لاتحيد عنه لا تخلط بين العام و الخاص ففي بوستات السياسه سياسيه حاده وصارمه000 واحيانا جارحه وفي البوستات الاجتماعيه اكثر تواصلا حتى مع من تختلف معهم في الرأي مثقفه و جريئه خصوصا فيما يتعلق يقضايا المرأه سلوكا وعادات وتقاليد.
بلاشك....
وكذلك هناك الكثير من الصفات الجميلة التي قلما تجدها مجتمعة في شخصية ما. مع خالص تمنياتي لها بدوام الصحة والعافية والعمر المديد إنشاء الله.
Post: #17 Title: Re: تراجي مصطفى 000!!! Author: طارق عبد اللطيف نقد Date: 04-09-2008, 10:42 AM Parent: #1
وهذا رأي بوق السلطة وجرقاس المؤتمر الوطني صحفي الزمان الاغبر المدعو / محمد حامد جمعة
Quote: وتراجى مصطفى احترم فيها مثابرتها على دعم افكارها
Post: #18 Title: Re: تراجي مصطفى 000!!! Author: عادل سهل Date: 04-09-2008, 11:59 AM Parent: #1
كنا ننتظر من تراجى بوست بعنوان
بكرى ما وحشتك عليك الله
لأنها وحشتنا كقراء جيدين لها
( شفاك وعافاك الله ياتراجى )
وجيدين دى ختى تحتها مية خط يا تراجى
عشان تبعدى عن الإنفعال والتعامل بردود الافعال
كثيراً ما أعجب بكتاباتك وأحس بصدقها
لكنى لا أحبها عندما تتعامل برد الفعل أو مجارة الإستفزاز
تراجى إنسانة بكل ما تحمل الكلمة من معنى
وهى أيضاً مدرسة قائمة بذاتها فى هذا المنبر
كنت قد ذكرت فى غير هذا المكان أننا قد نختلف أو نتفق معها حول موضوع ما.
الا أنه من الثابت أننا نحترمها . . .
وتكبر فى نظرنا كلما رأيناها تتعالى عن صغائر الذلل
لذا فنحن نحبها!!!
ولأننا نحبها . . .
يبقى الطلب والرجاء الوحيد منها هو أن لا تجارى كل من أساء إليها أو إستفزها
أنا أعلم أن ذلك ليس بصعب على شخص يحمل هم وطن وقضية
لأن الأشياء الشخصية تفتعل لعرقلة المسيرة ولتحريف المسار
فلا يفوت على ذكائها وفطنتها الدعوة للإنجراف وراء التيار الذى يدمر اللغة والفضيلة
فالتكن دائماً سامقة
عالية
بعيدة المنال
لا ترد على السيئة بمثلها
وحسبها " والكاظمين الغيظ والعافين عن الناس والله يحب المحسنيين "
أنا لا أعظ ولا أوجه ولا أرشد شخص فى قامة تراجى
لكنى وجدت باباً مفتوحاً على مصراعيه لكلمة حق لـ أو على تراجى فأردت أن أدلو بدلوى فيها.
شيخ العرب
Post: #19 Title: Re: تراجي مصطفى 000!!! Author: عادل سهل Date: 04-09-2008, 12:03 PM Parent: #18
لتراجى أيضاً قصة الرشيد مع جاريته التى صبت عليه المرق وهو حار فقالت له
الكاظمين الغيظ
فقال لها لقد كظمت غيظى
وقالت له والعافين عن الناس
فقال لها لقد عفوت عنك
فقالت له والله يحب المحسنين
فقال لها إذهبى فأنتى حرةً لوجه الله
تحياتى وودى
Post: #20 Title: Re: تراجي مصطفى 000!!! Author: Tragie Mustafa Date: 04-10-2008, 09:32 PM Parent: #19
هل قلت يا اخوتي اني احبكم جمبعا.... شكرا لكم....
وربنا يقدر يا شيخ العرب على العفو و المغفرة فنذهب طلقاء..
Quote: الكاظمين الغيظ
فقال لها لقد كظمت غيظى
وقالت له والعافين عن الناس
فقال لها لقد عفوت عنك
فقالت له والله يحب المحسنين
فقال لها إذهبى فأنتى حرةً لوجه الله
Post: #21 Title: Re: تراجي مصطفى 000!!! Author: طارق عبد اللطيف نقد Date: 04-11-2008, 07:51 PM Parent: #20
الخاله تراجي
Quote: وربنا يقدر يا شيخ العرب على العفو و المغفرة فنذهب طلقاء..
طارق رحلات .. شــنو ( كســير التلج ) .. تراجي مصطفي ( شخصية جدلية ) .. كل زول فينا بشوفها بزاوية مختلفة حسب رؤيته للامور .. ممكن تكون ( مقياس ) .. سواء للخير او الشر .. حسب استخدامك للـ( مقياس ) .. غايتو ان معجب بيها كشخصية ( مهرجلة ) ومن احسن تلاتة انجبتهم افريقيا في مجال ( دق الجرس ) .. ما اعيبه عليها .. ( الشطحة ) وعدم الواقعية في تناولها لكثير من القضايا .. ومرات كدا بتشيلا الهاشمية بطريقة كرتونية تدعو للضحك .. الحقيقة الماثلة امامي .. تراجي شخصية إلتقيها منذ تلاتة سنوات يوميا .. عبر الانترنت .. وطبعا قالوا ( الولف ) كتال ..
تراجي فعلاً شخصية مثيرة للجدل وهذا هو السر في انتشارها على نطاق واسع.. اعرف والدتها المرحومة الاستاذة بتول قابلتها مرات عديدة في مدينة بورسودان، وكانت والدة تراجي نموذج من السوداناوية الجميلة الرائعة تشربت بحب السودان هي من دارفور وتزوجت العم الاستاذ ابوطالب وهو بن الشرق الحبيب فامتزجت روحها العطرة بكل جمالات الشرق والغرب بادلت زوجها الحب والانتماء وقابلته كثيرا في بورسودان وكنت اسكن بالقرب من مبنى المحافظة البيت المقابل لشركة البحر الاحمر للتجارة والملاحة وعرفت كل منهما على حدا والدة تراجي كانت على علاقة مع بنت عمتي تزورها في البيت وبالصدفة قابلتها هناك ونشأت بيننا علاقة الود السودانية المعروفة كانت من أجمل نساء بورسودان في نظري لبساً وأناقة واختياراً للألوان ونوعية التفصيل، ولا أجد طالبة في بورسودان في منتصف الثمانيات حتى منتصف التسعينات لا يعرف استاذة بتول عليها الرحمة والمغفرة فقد كانت علم من اعلام المنطقة.
فكانت تراجي خليطاً من ام فنانة ومربية من أب متسامح وذو قلب كبير يعرف بالطيبة والانفتاح على الاخرين وكان رجلاً كادحاً له عدد من البنات إحداهن كانت زميلة زوجتي في الدراسة، تعرفت على تراجي هنا في هذا المنبر لكنني كنت أحس في دواخلي ان هذه الشخصية اعرفها جيداً وكنت دائما النظر الى صورتها بلباسها الذي كان يذكرني بأمها الاستاذة بتول. تراجي بما تحمل من أفكار قد نختلف معها او تؤيدها هذا لا يمنع من قول الحقيقة انها انسانة مفعمة بحب وطنها وأهله وقلبها على الانسانية المعذبة في الارض ولذا كانت دائما كتاباتها تغيظ البعض بشدة فيطلق عليها العبارات الجارحة والظاملة في حقها، للناس في هذه الدنيا مذاهب ومدام كلنا نأكل بامية فرك فلا بد أن يكون من بيننا من لا يحب البامية ويكرها لكنه يحب ملاح الويكة بالكسرة الحاااااااااااااارة لذا لا أجد مشكلة في احترام اختي تراجي واجلالها وتقديرها كأختي تماماً فلكل منا رسالة في هذه الدنيا فليحترم كل منا رسالة الآخر. تراجي .... أحياك الله وابقاك ..
ومن هنا أشكرك اخي طارق على هذا البوست النوعي..
Post: #27 Title: Re: تراجي مصطفى 000!!! Author: محمد على النقرو Date: 04-15-2008, 01:38 PM Parent: #1
الاخوة والاخوات الكرام شخصية بهذة الصفات جل ما تجدها هذة الايام. تراجى شخصية نصيرة الانسان المظلوم فى كل مكان, تجدها تناصر قضايا الانسانية فى كل مكان, قد اختلف مع من يقول نتاصر اهلها فقط, اذا كانت المساءلة نسبية قد نتفق لاسباب موضوعية ولواقع الحال يعلمه الجميع, ولكن ما يمكن ان نتفق فى شخصيتها جميعا , هى انها لا ترضى الظلم بكل اشكاله سواءا كان ذلك على اهلها فى الشرق او الغرب او الشمال او الجنوب. وهى لا تجامل فى الحق مع الكل بعيدة عن النفاق وهذا مهم جدا. وليس غريبا عن تسمى مواليد على اسمها وتيمنا بها, لانه ببساطة لايمكن للمظلوم ان ينسى من ناصره يوما فى قضاياه. هذة محاولة لتوثيق القليل عنها, وكما يقول مارتن لوثر كنغ "In the end, we will not remember the words of our enemies but the silance of our friends"
أشكرك على طيب كلامك في أختي و بنت خالي و "حماتي" تراجي...
هي كل ما ذكرتموه مجتمعاً ، و حالتو دة فقط من عشرتكم السايبرية لها، و لكني أعرفها طول عمري حقانية "لحد الشراسة" و طيبة ممكن تاكل و تمسح يدك في هدوما،، و الغريبة أول أمس كنت أحكي لي صديقة لي عن تراجي الحنونة ،، الوحيدة كانت في أسرتنا التي :لا تعاف و لا "تقرف" من الناس،، لو جاء واحد من أعمامها و رأت أنه يحتاج إلى تقليم أظافر و حلاقة شعر، فهي تقوم بذلك بنفسها ، بكل ترحاب و سعادة و إبتسامة،،، لو رأت محتاج و لا شحاد في بابهم،، ممكن تعطيه أكل ناس البيت كلهم،ن تتبرع بملابسها بدل ما "تبدل بيها العدة" زي ما بيعملو باقي الناس
تراجي هي كل الحنان و الحب و الحق الموجع و الحقيقة المرة....
و هذا مدح فقط ،، لا يكتسي بملابس الذم يا جماعة.....
لها ودي و حبي دوماً
و يا ريت الناس البيختلفو معاها هنا ديل لا ينسو حقيقة إنها زوجة و أم و أخت و صديقة و بت ناس و عندها أهل...
Post: #38 Title: Re: تراجي مصطفى 000!!! Author: محمود ابوبكر Date: 05-07-2008, 07:04 PM Parent: #1
Quote: مثيرة للجدل
وضمن هذا الجدل انها مولعة بنشر قضاياها عير اجهزة الاعلام الغربية بينما تبدو متحفظة في تعاطيها مع الاعلام العربي
لا ادري لماذا ؟!
Post: #39 Title: Re: تراجي مصطفى 000!!! Author: Tragie Mustafa Date: 05-08-2008, 04:30 AM Parent: #38
يا محمود يا حبيب وحياتك للقدم رافع زي ما بيقول ااهلنا وعوارضي ربما مع الاعلام العربي كثيرة فسامحني:
Quote: وضمن هذا الجدل انها مولعة بنشر قضاياها عير اجهزة الاعلام الغربية بينما تبدو متحفظة في تعاطيها مع الاعلام العربي
لا ادري لماذا ؟!
قريبا باذن الله. اوعدك.
Post: #40 Title: Re: تراجي مصطفى 000!!! Author: Anwar Ahmed Date: 05-08-2008, 06:40 AM Parent: #1
تراجي مصطفى شخصية إيجابية تتسلح بالإرادة و إجتماعياتها تدل انها من معدن طيب
هنالك تحسن ملموس في خطاب تراجي مصطفى
واتوقع تزايد شعبيتها في قضايا معينه
تراجي
هسي يجي محمد سليمان يقولك الجلابة اكلو بعقلك حلاوة
وشنو
و الجلابي تقابلو مع القاضي إقولك مافاضي وتقابلو في الغابه إقولك يايابا
كلمة جلابي دي تكوني نسيتيها ماعارف انا زكرتها ليه
ارجو ان تستفيد تراجي من هذا البوست بالتركيز علي النقد الهادف والايجابي
Post: #41 Title: Re: تراجي مصطفى 000!!! Author: ahmed haneen Date: 05-08-2008, 06:55 AM Parent: #1
يا ام جازم
الليلة الأ يبخروك ..
عاوزة ليك كيلة بخور تيمان , ولبان..
كيتا في عين الحسود
وليمت الشامتون بغيظهم ..
احبك يا يا ام حازم واحب اسرائيل ظاتو!!!!
Post: #43 Title: Re: تراجي مصطفى 000!!! Author: Abdulgadir Dongos Date: 06-05-2008, 05:29 AM Parent: #41
+
التقيتها عبر كتاباتي بسودانيز أون لاين، وما أعظم أن نلتقي الأفراد عبر القلم. صقلت المعرفة بالألتفاف حول قضية أهلنا بدارفور الحبيبة، فكانت العظيمة تراجي أحد الذين نذروا أنفسهم ليدحروا الظلم الذي ألم بأهاليهم. لا أرغب في أن أصف الأخت تراجي بالشجاعة لأنها فوق ذاك الوصف، فهي أنسانة في أول المقام. أجل يا صحاب ، انسانة لأنها فضلت أن تكون كذلك بعملها الدؤوب لأجل آخرين. فحقا كانت الصوت والقلم والحقيقة التي تعكس معاناة أهلنا بدارفور وخاصة نساء دارفور. في زمن تواري فية حملة الأقلام من قبيلة المتعلمين، وأشمئذت نفوس أؤلائك العطب الذين احتكروا السودان ومصير أهله، كانت العظيمة تراجي تجوب المدن هاتفة لسقوط الظلم عن أهل دارفور خاصة والسودان عامة. أخيرا وبعد فترة تفوق العام، قررت أن أشد الرحال لأراها عن كثب. اصدقكم القول يا صحاب، فقد كانت قمة عليا مما أرتأيت. ليس هذا رأي فحسب، بل رأي أخوة أعزاء أصتحبتهم معي اليها. رأيت بأم عيني جسارة تلك المرأة . رغم ظروفها الخاصة، لم تبرح الأبتسامة شفتيها طيلة وجودنا بحضرتها. وعلم الله رأيت فيها صدقا أزاح عني عناء سنينا عددا، وتشاؤم ظل يتردد الي نفسي كلما قرأت لأصحاب السهام الصدئة هراء يبتغون النيل من تراجي أو غيرها من أصحاب القضايا في السودان. قبل أن أقرأ بعض الترهات عن الأخت تراجي، كنت أبحث عن مقام يليق بها لأزف لها شكري وعظيم أمتناني لأستضافتنا في منزلها العامر، وتالله كتبت أكثر من رسالة شكر، الا أني لم أحس بأني عبرت عما تكنه جوانحي من احترام لتلك المرأة. ما تفعله تراجي أعظم مما تناله بعض الأقلام التي تكتب في الخفاء وتتواري خلسة أن دعي الداع. أكتب هذه الكليمات شاكرا تراجي لما تقوم به من عمل لأجل وطنها وداعما لاجل فكرتها حتي وان أختارت ان تتعامل مع شارون ذات نفسه. لك التحية والأحترام سيدة تراجي، ودمت ذخرا وكنزا لوطنك، وعظيم مودتي لك وللأسرة الكريمة.
Post: #44 Title: Re: تراجي مصطفى 000!!! Author: Tragie Mustafa Date: 06-05-2008, 05:32 AM Parent: #43
تسلم اخوي احمد
Quote: احبك يا يا ام حازم واحب اسرائيل ظاتو!!!!
واحبك انا ذاتي يا احمد حنين واحب حربيتك ذااااااتها. كن بخير يا اخي الحلم قرب يبقى حقيقة.
Post: #45 Title: Re: تراجي مصطفى 000!!! Author: Mohamed Suleiman Date: 06-05-2008, 05:57 AM Parent: #44
سلام يا طارق ..
طبعا أنا شهادتي مجروحة .... تراجي خلاس بقت من إندينا ...
بس داير أشوف كلام أنور أحمد ده:
Quote: تراجي
هسي يجي محمد سليمان يقولك الجلابة اكلو بعقلك حلاوة
وشنو
و الجلابي تقابلو مع القاضي إقولك مافاضي وتقابلو في الغابه إقولك ياياب
تفتكر يا أنور ده ما من إستهبال الجلابة؟؟!! يعني بالذات الآن بعد يوم واحد من إنو أوباما ضمن ترشيح حزبه للرئاسة و هيلاري راحت في شربة ميّة .... و حماس تراجي لاوباما ما خافي علي أوباما ظاطو .. البوست ده زي ما بقول عزيزنا بشاشا ... أبدا ما صدفة !!!
( كل التحايا للمناضلة تراجي .... و شكرا يا طارق ) .
ة
Post: #48 Title: Re: تراجي مصطفى 000!!! Author: محمد الطيب يوسف Date: 06-05-2008, 06:13 AM Parent: #1
يعني هسي يا تراجي رافعة البوست ده بعد الفتره دي كلها كايسه الشكر طيب ماتلفون لي اي واحد من الهتيفة وكان برفعو ليك ويخلي شكلك حلو لكن حركات شكروني دي ماحلوة في حقك يعني مداخلة وائل طه دي ماقريتيها الا اليلة مغتسة مشاركتك في نص البوست غايتو عقدة تعظيم الذات دي ربنا يشفيك منها
Post: #49 Title: Re: تراجي مصطفى 000!!! Author: سامى عتبانى Date: 06-05-2008, 06:37 AM Parent: #48
Post: #65 Title: Re: تراجي مصطفى 000!!! Author: Tragie Mustafa Date: 06-23-2008, 04:48 PM Parent: #48
محمد الطيب الما بخجل متين رديت على وائل طه انا اليوم يا دجال؟؟
هذا تاريخ ردي على وائل....
Quote: 05-06-2008, 03:53 ص
Tragie Mustafa
.
تاريخ التسجيل: 29-03-2005 مجموع المشاركات: 25616 Re: تراجي مصطفى 000!!! (Re: وائل طه محى الدين)
العزيز وائل طه شكرا لمروك كلماتك:
Quote: شخصية جديرة بالإحترام
شهادة اعتز بها ومن شخص احترمه ايضا. لك الود وكن بخير و وابشر الجماعه يومهم قرب يا وائل .
تخيلوا!!انا رديت على وائل يوم 5/6/2008
Quote: يعني هسي يا تراجي رافعة البوست ده بعد الفتره دي كلها كايسه الشكر طيب ماتلفون لي اي واحد من الهتيفة وكان برفعو ليك ويخلي شكلك حلو لكن حركات شكروني دي ماحلوة في حقك يعني مداخلة وائل طه دي ماقريتيها الا اليلة مغتسة مشاركتك في نص البوست غايتو عقدة تعظيم الذات دي ربنا يشفيك منها
قايلني زي ناسك بتوع الماسنجرات!!!
وبعدين من حقي التمتع بمحبة من يحبني ويحترمني طالما انت وامثالك قاعدين هنا لنهشي؟؟
Post: #50 Title: Re: تراجي مصطفى 000!!! Author: Ashraf el-Halabi Date: 06-05-2008, 07:11 AM Parent: #1
طارق والشباب طالما ما خليتوا ليها فرضاً ناقص أشيل عنكم وش القباحة وأتكلم عن عيوب تراجي - تناولها لقضية العنصرية فيه كثير من عدم تقدير المسئولية، بما يساهم في تعقيدها أكثر من إيجاد حلول لها. - التسرع والحدة (أفات السياسي) - الضيق بالنقد.
لها احترامي.
Post: #51 Title: Re: تراجي مصطفى 000!!! Author: نادية عثمان Date: 06-05-2008, 07:47 AM Parent: #50
Quote: وفي البوستات الاجتماعيه اكثر تواصلا حتى مع من تختلف معهم في الرأي
نعم .. دي شهادة حق فعلاً والله
تراجي مصطفى إمرأة سودانية هميمة في أداء الواجب الإنساني ..
بتديني إحساس إنها طوالي لابسة توبها ومن بيت العرس للمباركة .. والمشاركة بالرقص مع العروس ..لي بيت السماية وتغمد للنفساء ثلثمائة دولار كندياً فقط لا غير .. بالإضافة لحلّة مديدة حلبة كاربة بالسمن البلدي
لي بيت البكاء وهي شايلة صينية الغداء المليانة بما لذ وطاب شئ عصيدة بالروب وشئ بيرجر وشئ ملاح رِجلة باللحمة الضأن ..
في وفاة زوجي الحبيب أبو إيمان تراجي كانت من أوائل المعزين وكان أول مرة أسمع صوتها في التلفون
صوت مميز من النوع المابتنسى داك .. وزولة حميمة وصادقة في مشاعرها .. والله هجمتها وحزنها وبكاها معاى في التلفون وكأنو كانت بتعرف محمد وهى بتسأل بي محنّة وحزن عميق ( كان مالو محمد مات كيف يانادية ) !!(وجه حزين)
ومن ناحية أخري والشئ المُحير في ملامح تراجي
إنها غرباوية شرقاوية لكنها وحسب صورها الفوق ديل لامة كل بنات السودان
وتراجي ببساطة غرباوية ،دينكاوية ،جعلية ،محسية ،دنقلاوية، شرقاوية ،بجاوية بني عامرية، نوباوية ، رفاعية ، ركابية ، وتراجي بتشبه في شكلها كل بنات قبائل السودان ولو هي ماقالت بتنمي لياتو قبيلة الزول من شكلها ممكن ينسبها لأي قبيلة وتكون لافقة معاها !
والأهم من ده كلو ياتراجي يختي وبالله ماتزعلي مني .. النصيحة لي الله برضو بتشبهي بنات ( الجلابة) وممكن نقول ( شكلاً) بس عشان ماتجي تقولي ختمت المداخلة بنبذة كمان
Post: #52 Title: Re: تراجي مصطفى 000!!! Author: نوسة Date: 06-05-2008, 09:11 AM Parent: #51
سلامات يا نادية
. . . . كيف حالك؟؟
بس ضحكتيني في شوية وصف هنا لتخيلك لي شكل تراجي
أولاً
Quote: بتديني إحساس إنها طوالي لابسة توبها ومن بيت العرس للمباركة .. والمشاركة بالرقص مع العروس ..لي بيت السماية وتغمد للنفساء ثلثمائة دولار كندياً فقط لا غير .. بالإضافة لحلّة مديدة حلبة كاربة بالسمن البلدي لي بيت البكاء وهي شايلة صينية الغداء المليانة بما لذ وطاب شئ عصيدة بالروب وشئ بيرجر وشئ ملاح رِجلة باللحمة الضأن ..
إحساسك ما في محلو يا عسل ،، موش كدة يا تراجي؟؟ تراجي دي جنها و جن المطبخ و الطبايخ ،، بتشارك بي جهدها و مالها ، لكن ماااااااااااا بطبيخها، ههههههههههههههههه
و ثاني
Quote: ومن ناحية أخري والشئ المُحير في ملامح تراجي
إنها غرباوية شرقاوية لكنها وحسب صورها الفوق ديل لامة كل بنات السودان
لأنو تراجي و أنا و كل أهلنا،، مخلوطين بي قبايل شتى من السودان،، شرق على غرب على أتراك على مصريين على هنود،، على شماليين ،، و حتى الجنوب ، عندنا ولد جدنا و هو تركي "أصلي" متزوج من جنوبية،، و كذلك أنا ، إبن عمتي "لزم" و هو رباطابي ، متزوج من جنوبية....
لذا تراجي فعلاً هي السودان بكل سحناته ،، بس "طويلة" دي بالغتي فيها ، ههههههههههههههه،، موش يا تراجي؟؟؟؟؟
لكي ودي يا نادية و يا تراجي و يا كلكم
و يوم شكرك يا تراجي يا يمة ما يجي إن شاء الله
تقبلي تحيات "بنياتك" موش البت عمة برضو؟؟؟؟ و أبوهم
Post: #53 Title: Re: تراجي مصطفى 000!!! Author: نادية عثمان Date: 06-05-2008, 10:27 AM Parent: #52
نوسة ياعسل
Quote: إحساسك ما في محلو يا عسل ،، موش كدة يا تراجي؟؟ تراجي دي جنها و جن المطبخ و الطبايخ ،، بتشارك بي جهدها و مالها ، لكن ماااااااااااا بطبيخها، ههههههههههههههههه
هو بالله تراجي مابتعرف تطبخ ؟ طيب في المنبر ده في ناس بقولوا تراجي شايلة مُفراكتها قايلاها بتصوط ليها في حلّة خُدرة بينما بيدها التانية بتكتب في سودانيز اون لاين
يازولة مامشكلة ترجي المهم مابتمشي بيت المناسبة يدها فاضية وحاتخت في صنيتها وجبات ماكدونالز من بتاع الدليفري
Post: #55 Title: Re: تراجي مصطفى 000!!! Author: نادية عثمان Date: 06-05-2008, 10:59 AM Parent: #52
ننوسة ياعسللي
Quote: لأنو تراجي و أنا و كل أهلنا،، مخلوطين بي قبايل شتى من السودان،، شرق على غرب على أتراك على مصريين على هنود،، على شماليين ،، و حتى الجنوب ، عندنا ولد جدنا و هو تركي "أصلي" متزوج من جنوبية،، و كذلك أنا ، إبن عمتي "لزم" و هو رباطابي ، متزوج من جنوبية....
لاحولاااااااااا
يازولة ماشاء الله عليكم لا خليتوا مشارق الأرض ولا مغاربها !!
بالله تراجي فيها كمان عروق مصرية ؟ سمح مالو (الدم مابحن ) ومكجّنة أم أبو حبوبة ود خالة المصريين كده
Quote: لذا تراجي فعلاً هي السودان بكل سحناته ،، بس "طويلة" دي بالغتي فيها ، ههههههههههههههه،، موش يا تراجي؟؟؟؟؟
اغايتو في صور كوستاوي دي ظاهرة طووووووويلة .. هي بالله قصيروووونة زي بنات الجلابة وأحد ؟
Post: #54 Title: Re: تراجي مصطفى 000!!! Author: Zoal Wahid Date: 06-05-2008, 10:47 AM Parent: #1
الزول لما يسمع الناس بشكروا في بت اختو... يفرح شديد خلاص ولما يشوفها مالية مكانتها و زيادة بينبسط شديد خلاص
تربطني باسرة تراجي من جهة الام جيرة الحي وصداقة الطفولة والشباب و الدراسة وعلاقات اجدادها بابائي في السوق و الحي.
الله يحفظك يا تراجي فانت بقيتي هنا رمز لنصرة المهمشين و المستضعفين
تحياتي
Post: #57 Title: Re: تراجي مصطفى 000!!! Author: ياسر احمد محمود Date: 06-05-2008, 11:15 AM Parent: #54
الله يحفظك يا تراجي فانت بقيتي هنا رمز لنصرة المهمشين و المستضعفين
Post: #56 Title: Re: تراجي مصطفى 000!!! Author: العوض المسلمي Date: 06-05-2008, 11:06 AM Parent: #1
اخي طارق سلام
عارف اخوي انت تتحدث عن شخصيه محدده ومعروفه وبحكم انني جديد معرفه فان حكمي عليها قد يكون غير كامل في حقها ولكن رغم قصر معرفتي بها اقول الاتي : انها امراه حنينه وعطوفه وبها من الحب للناس الكتير ولي شواهد علي ذلك عندما تحدث مشكله او وفاه او فرح لاخ او اخت فانها لاتقف عند توقيعها في البوست المعني وانما تتصل تلفونيا وتتحدث الزمن الطويل ول تقطع الاتصال الا بطلب منك انت وحاجة تانيه سبقوني اليها الاخوان وهو انها تفرق بين الخاص والعام ومهما اختلفت معاك فانها لاتقول لك شيئا الا فيما يتعلق بالموضوع المطروح لا اقول عنها الا سوا انها اخت عزيزه وكريمه وبالجد انا جد سعيد بالتعرف عليها اما الخلاف حول المهمشين والجلابه والجراقيس فانه سيستمر باستمرار الحياه وبالجد لو وجدت فرصه كبيره وقعدت مع تراجي وناقشتها فاننا بالتاكيد سنصل الي نقطة التقاء حاجه تانيه تراجي اذا اخطات في حق احد فكثيرا ما ترجع وتعتذر عن هذا الامر ورغم عيبها الوحيد وهو انها تتبني كثيرا طرح اعضاء باسمائهم مهما كان طرح هذا العضو علي كل تراجي اخت وقلم يستحق الاحترام وان اختلف البعض معها قيما تطرح
Post: #58 Title: Re: تراجي مصطفى 000!!! Author: Tragie Mustafa Date: 06-05-2008, 12:24 PM Parent: #56
الحبيب ملمومين كلهم هنا!! صباح الخير عليكم.
كدي خلوني اشوف قصة بت عمتي الجات شايله حالي؟؟؟
ننوسة قالت لك يا ناديه ما بتحب المطبخ؟؟ وفي فرق يا غاليه بن ما بتحب المطبخ وما بتعرف تطبخ؟؟ لكني يدي طاعمه اعملي حاسبك كان اكلتي لي بيض بتقعي في عشق طبيخي, شفتي الثقة دي كيف؟؟!! عندي صحبتي نهى صالح حلفاويه وقريبت ترهاقا كانت بتموت في البيض بالطماطم من يدي.
برجع لكم..بكل الحب بس خلوني اودي العيال المردسة وارجع لكم. ولنعتبر هذا البوست استراحة محارب.
