أحنُّ إلى خبزِ أمّي ....

أحنُّ إلى خبزِ أمّي

وقهوةِ أمّي
ولمسةِ أمّي
وتكبرُ فيَّ الطفولةُ
يوماً على صدرِ يومِ
وأعشقُ عمري لأنّي
إذا متُّ
أخجلُ من دمعِ أمّي

خذيني، إذا عدتُ يوماً
وشاحاً لهُدبكْ
وغطّي عظامي بعشبِ
تعمّد من طُهرِ كعبكْ
وشدّي وثاقي..
بخصلةِ شَعر..
بخيطٍ يلوّحُ في ذيلِ ثوبكْ
عساني أصيرُ إلهاً
إلهاً أصير..
إذا ما لمستُ قرارةَ قلبكْ!

ضعيني، إذا ما رجعتُ
وقوداً بتنّورِ ناركْ
وحبلِ الغسيلِ على سطحِ دارِكْ
لأني فقدتُ الوقوفَ
بدونِ صلاةِ نهارِكْ
هرِمتُ، فرُدّي نجومَ الطفولة
حتّى أُشارِكْ
صغارَ العصافيرِ
دربَ الرجوع..
لعشِّ انتظاركْ..

(*)

صديقي محمد

هذا البوست محتاج بشدة لتحميل رائعة محمد جبارة بحر المودة

وانا لا اجيد هذه التكنولوجيا

كمال على الزين ...كتير خيرك على (النقطة ) دى لانو برضو مرات الصمت تعبير
كويس انك اشتريت منى ...شكرن ليك

Quote: هذا البوست محتاج بشدة لتحميل رائعة محمد جبارة بحر المودة وانا لا اجيد هذه التكنولوجيا

ياخلى تحياتى ...

وماطالبنى حليفة من نزلت الابيات دى منتظر واحد
اسمو(الهادى) عشان ينزل الاغنية بتاعت محمد جبارة ..

بالله شوف ..

لايفوت عليكم ان الكلمات للشاعر محمود درويش

محمد عبد الرحم

لا شوفتاً تبل الشوق لا رداً يطمن
اريتك تبقى طيب انت انا البي كلو هين




نورالدين

نورالدين حبابك والله ..

(طيبين) وزيادة خبرك انت شنو ..

ووينك مختفى ..وشكرا ليك على

المرور والسؤال ..

بعدين ..مبروك تغيير الاسم .. بعد( سلة روح) طبعا ..

استاذنا السنى حبابك ..

وشكرا على الصورة التى عبرت عن الاحساس الذى اتى
بكم جميعا الى هذا البوست ...راقبتك قبل ايام
وان تتجول فى معرض الزهور وفى الحقيقة تروى
حنينك الى مدنى بكلمات وصور ..فكرت فى الدخول
عليكم وحال بينى وبينكم حائل ..وعقبال ماتتجول
حقيقة وليس (اسفيريا) ..وحتما :


سنرجع يوماً إلى حينا
ونغرق في دافئات المنى
سنرجع مهما يمر الزمان
وتنأى المسافات ما بيننا
فيا قلب مهلاً
ولا ترتمي على درب عودتنا
يعز علينا غداً
أن تعود رفوف الطيور ونحن هنا.

Quote: لايفوت عليكم ان الكلمات للشاعر محمود درويش

نحنا مافارقة معانا , لكن الحمدلله اللحقتها عشان كنا حا نشوف بوست (تشهيري)

مع فرق بسيط ..

ناس تسرق من سجيمان ..

وناس تسرق من (محمود درويش) ..

بعدين (نقطتي) دي معناها حاجز , ..

جاييك بي بضاعتي , و(عصيدة) أمي , ..

أنا غايتو لو زروك في الحقوق الأدبية ..

أصلو ماخسااااني ..

مع

Quote: فرق بسيط .. ناس تسرق من سجيمان .. وناس تسرق من (محمود درويش) ..

ياعزيزى ..

هو نعم فى تشابه فى النفس الشعرى لكن مابالمستوى
اليخلى الناس ماتمير بينى وبينو

عموما حاول (اتملقنى) شوية بخصوص روايتك الرابطة
على مكتبى ...

العصيدة جاييها برواقة ..

Quote: هو نعم فى تشابه فى النفس الشعرى لكن مابالمستوى اليخلى الناس ماتمير بينى وبينو

فعلاً هنالك تشابه كبير بينك وبين (درويش)

Quote: عموما حاول (اتملقنى) شوية بخصوص روايتك الرابطة على مكتبى ...

بس ما تخليني أنتظر كتير , وبعدين حاول تكتشف موضع أزمتي , قبل ماتكتشفني ..









______________________________________

بس غير الأزمات العايشنا سوى ..

التعديل يوجبه تحذير : حاجة (نفيسة) متابعة البورد ده (تيك كير)

يا أخوي إنت الخبز شوفتو ويييييين ؟؟
غرقان في الكسرة لي إضنينك ..
والرغيف ده ما كنت بتشوفو إلا أيام السوق في البلد كل يوم إثنين وخميس..
وكمان قال خبز قال ؟؟ والله رجعتك بقت صعبة يا اخوي ..
خلّيهو عيش كان بلعناها وقلنا ممكن لكن خبز مرة واحدة ؟
عافي منك والله ..
تراكا انت من النوع البقا يقول خبز وإيش لون البذورا !!!!!
هييييييييييييييييييييييييييييييييييييه دنيا ..

عمر الفاروق ..

انا الخبز شفتو وين ؟!!! سبحان الله ..
وبعدين تعال (النكلمك ضحى ) اهلك علينا بهناك
هم المنتج والمصدر الرئيسى لكل انواع الذرة الرفيعه
بانواعها ..كويس ..والسوق دا اصلا حدهم معاهو قبل الخريف
وقبل الخريف الا كان يجو (للصرف) ....الواحد
فيكم يجى يأجر ليهو بيت فى ام درمان ويعمل لينا
فيها الود خلاص حنكوش ..دا كلو اولا ..

ثانيا : مشروع النفرة بتاع زراعة الشعر بتاعك وصل وين
(شخصيا) متبرع ليك (بخصلة) كاملة ..لوووول.. اها يلا حرك
صاحبك ودالسنى دا ..

ثالثا...قلت لي هى اسما نطيط ولاشنو ...

اخيرا قلة اهتمامك بالهلال وتركيزك على ا لمريخ
ساهم فى الاستقرار الفنى للفريق الرجاء الابقاء على
الوضع كما هو ...

إتفضل جاي أعملك شاي
دي القعدة معاك بتساوي سنين



..........

مشتاقينك حنعمل شنو

Quote: أحنُّ إلى خبزِ أمّي

يا سلام يا محمد عبدالرحمن!
هذه القصيدة تعودت ان اهديها الى البورداب عند كل عيد طيلة سنين البورد!
سعادتى لا توصف هذه الايام وامى فى زيارتى
كما يقول اهلنا البسطاء:
الجنب امو ما فى حاجة تهمو!
وكما قيل (شكسبير) ان لم تخنى الذاكرة:
ليس هنالك وسادة انعم من حضن الأم او وردة اجمل من ثغر الأم!
جنى

كما يقول اهلنا البسطاء:
الجنب امو ما فى حاجة تهمو!
وكما قيل (شكسبير) ان لم تخنى الذاكرة:
ليس هنالك وسادة انعم من حضن الأم او وردة اجمل من ثغر الأم

ياجنى ..تحياتى ..

السعيد يبقى زيك وبختك وانت معاك والدتك
ربنا يحفظها ويديها طول العمر ..نهر المودة
والحنان الذى لاينضب ..اجلس تحت رجليها
وقبل التراب الذى تمشى عليه وارمى اليها
بكل همومك ..انها الرحمه فى دارك ومااجمل
دارا تظللها الرحمه والمودة ..

شكرا ياجنى وتحياتى ليهم ...

إنت شكلك قاصدني عديل يا محمد

الهادى ..

كتر خيرك ياخ ..وشكرا على اللحن الدافىء ...

خليك قريب

ياخضر ..


يا طير يا طاير على طراف الدني
لو فيك تحكي للحبايب شو بني
يا طير و اخد معك لون الشجر
ما عاد في الا النطرة و الضجر
بنطربعين للشمس عبرد الحجر
و ملبكى و إيد الفراق تهدني يا طير
و حياة ريشاتك و إيامي سوا
و حياة زهر الشوك و هبوب الهوا
ان كنك لعندن رايح و جن الهوا
خدني و لنو شي دقيقة و ردني يا طير

طبعا مشتاق غصبا عنك ..وبعدين ياخوى
تلفوناتك ماشه وجايه فينا ولامرة وقفت
عندنا ..غير كدا يعنى ماخليت ليك صاحب
ماكتبتو فى بوستك بتاع الاوسكار ا لعملتو
دا ..يعنى فيها شنو لو كتبتنا ..لعلمك
انا احسن زول برفع بوستات ..كان ترشحنى
للقصة دى ...

شكرا ليك ياذوق ...

Quote: أحنُّ إلى خبزِ أمّي وقهوةِ أمّي ولمسةِ أمّي وتكبرُ فيَّ الطفولةُ يوماً على صدرِ يومِ وأعشقُ عمري لأنّي إذا متُّ أخجلُ من دمعِ أمّي

كلنا مثلك ياصديقي محمد عبدالرحمن

(*)


(عصيدة وملاح روب )

كانتا طلبي الأخير

قبل أن أغادر آخر مرة , ..

لا أظنني أحب هذه (العصيدة )

أو هذا (الملاح )إلى هذا الحد,

لكنني أظن أنني أردت أن أختبر

هل أنا مازلت أبن هذه العائلة ؟؟

ولي حق أن أشتهى وأطلب ؟

هل مازالت ( حاجة بدرية ) أمي رغم غيابي ..؟

أم أنني صرت كمزن السماء

أمومتها كل موسم

وحين تمطر..؟



مطرُ وجوُ ربيعي نادر ..

لم يحلو لهذا الربيع أن يحل ,

إلا يوم فراقي ل(لأمي) ..




تذكرته ..

حين كان يأتي

غائماً ومشبعاً بالأنسام , ..




أغراني بالعودة , ..



لم أستطع العودة

فقد أشفقت على (أمي )

من مشقة وداعي مرتين ..


أكلت ملاح الروب وحزمت حقائبي

وغادرت ...!!





_________________________
الرابع من مارس 2007

انور احمد ياصاحب ..

اخبارك وامورك فى تلك الديار البعيدة ..
واعتقد ان بعد تطوارت ماحدث بطرفكم
اصبح حضورك هنا لماما لماما ,,,عموما
شكرا كتير على الطلة..

امورك ان شاء الله ماشه تمام ..تحياتنا للمعاك ..

في حضرة الأم يطيب الجلوس وما عايزين نعرج بي البوست لكن النصييييحة دي ما قدرتا ابلعا :

Quote: ثانيا : مشروع النفرة بتاع زراعة الشعر بتاعك وصل وين (شخصيا) متبرع ليك (بخصلة) كاملة

تعرف يا قريبك شي مأخر إنك تعرس غير شعرك ده ماف ..
المعاينات الأولية دائماً البيعملوها أهل العروس بتكون بي النظر للشعر ..
ويا ويييييلو البيكون شعرو شعر خُلال وليس شعر مشط
يا محمد ياخ انت زمان لمن يسرحوا ليك كنت بتبكي وتلم الغاشي والماشي
قال سبيبة قاااااااااال ...
هيييييييييييييييييييي يكا

محمد الطيب ..كتر خيرك على اللحن الجميل دا ..
وشكرا لمرورك ..

طبعا ياجماعة مرة اتكتب بوست زى دا بتكلم عن الام ..
والدنيا كانت (عيد ضحية) ..يجى ليك عمر الفاروق يدخل
ليك البوست ..وهاك يا(جوعار) ..ياامى يالكنت بتخلى
لى صحن (الشية) لما اجى ..وياامى ياالماكنت بتاكلى الا
نحن ناكل ..شكلو عمر الفاروق فى اليوم داك (الاندومى)
كانت كابسه على نفسو بالاضافة لذكريات الخروف اللهو
بعيد منو دا ..غايتو اليوم داك انتحب جنس نحيب كلو
فى (العضة) ..ديك كانت حالة (سعر) راسا عديل ..
غايتو عاينت للبوست من بعيد خفت من ادخل ويلم
فينى (يعضينى) ..وانا عارف يومو داك كان لم فى
مصعب البلال ولاتمبس ومشى معاهم لمطاعم غبيرة
كان ماكتب مداخلتو دى ..

وضيع علينا عمر الفاروق يومها تحت تأثير الجوع فرصة
ان نتعرف على بت شيخنا احمد العجب الله يديها طول العمر
ويحفظها ويغطيها ..

محمد..

ايمان احمد ..تحياتى

(عليك الله ) تعالى ماتمشى ..ننتظر موسيقى (كلماتك)
لترسم اجمل احساس فى الدنيا ..

منتظرنك ..

Quote: وضيع علينا عمر الفاروق يومها تحت تأثير الجوع فرصة ان نتعرف على بت شيخنا احمد العجب الله يديها طول العمر ويحفظها ويغطيها ..

جيتني في الوتر الحساس يا معفن ..
أقول ليك حاجة ؟
والله شعرك راغب علامة بس

محمد صاحبي
إزيك ياخ

عارف أنا في بوست الأوسكار داك في ناس ما جبت سيرتهم عشان ما يشبكوني عشان أصحابك وماتعرف شنو
(شفت الحنك دة كيف) وأوسكارك ياصاحبي في القلب موش في بوست ... أما حكاية التلفونات الماشة وجاية علي الأيمان كمال علي الزين دة عشان أبارك ليهو روايتو عملت ليهو رسالة من موبايلي (وما إشتغل بي الشغلة) أخوك مفلس فلس عجيب ... عجيب هو الفلس أم الفلس عجيب ( أها شوف الجرجرة دي كيف) .
بعدين أسمع نحنا بعد دة موش مفروض نعرس وكدة ياخ منعم سليمان عقد أها تاني في شنو ؟ والله يا محمد تقعد لي في جنس أحن لخبز أمي وقهوة أمي ياكا (البقيت عامل زي صالح آشة) وصالح آشة ربنا يطراهو بالخير قصة بتمغس إلا كان للامانة زول صالح إسماً ومعني .

ياخ بوستك دة سمح والله ويومياً بخش بقرأ كدة ومرات مرات بقشقش دميعات لامين أسمع (شوفي الزمن ساقني بعيد خلاص) ياخ الشوايقة ديل ما عارفهم بمرقو اللغاويس دي من وين ؟

..........

محمد أخوك (جاري هوا اليومين ديل) فياريتك ياخ تحن وتتصل .


ملحوظة :

أسمع إنت آخر مرة موش بعدما قلت لي حنكك البيش داك قلت لي رسل لي رقمك : أها أنا من اليوما ديك منتظر