Post: #1
Title: البقرة وانواع البقر
Author: saif massad ali
Date: 04-07-2008, 08:59 PM
البقرة الحلوب وهي التي تجود لكل الاسرة باللبن , كمان الرايب والغباشة والسمن
سعيلي الله دي اهلها يحبوه حب تسمع الكبير والصغير البقرة البقرة
البقرة جات البقرة طلعت البقرة رضعت ,البقرة علقتو ليها البقرة سقيتوها
يحكي انه عاشت امراة مع اولادها بعت وفاة زوجها , وكانت لها بقرة حلوب شاء القدر انت تموت
البقرة بكت المرة بكي شديد واحد من جيرانها قال ليها ياولية الله كريم ردت عليه وقالت له : الله بي بقرة بعرفو وبلا بقرة بعرفو
|
Post: #2
Title: Re: البقرة وانواع البقر
Author: saif massad ali
Date: 04-07-2008, 09:39 PM
Parent: #1
البقرة ام قرون المجنونة
لا حولاة ولا قوة الا بالله , دي بتعذب الناس جني عذاب يعني كان شافع طرف تسمع وووووووووووووووااااااااااييييييييي ععععععععععععععععاك واي الليلة الناس تكسر
وسعيلي الله ود خالتنا نازل من اللوري اتناولتو بي قرونا والكوراك ضرب
وتعالو شوفوها وكت الحليب الزول البجيب ليها عجلها مربوط تنهزوا ليك نهز جد والمحويت
واللبن التاني يطيرو في السماء
|
Post: #3
Title: Re: البقرة وانواع البقر
Author: Ahmed Abdallah
Date: 04-07-2008, 09:56 PM
Parent: #2
اللهم لا تمحنا ولا تبلينا 
|
Post: #4
Title: Re: البقرة وانواع البقر
Author: عبدالكريم الامين احمد
Date: 04-07-2008, 10:02 PM
Parent: #3
| Quote: اللهم لا تمحنا ولا تبلينا |
احمد عبدالله
تصدق وتامن انا ممكن اكون من اوائل الذين قرو موضوع البقرة ده
وبعد ضحكة طويلللة اتذكرتك طوالي وقلت ياريت احمد عبدالله يجي يفتي لينا في موضوع انواع البقر
الحلوب الليها ضرع دي....
باقي انت يا صحبي بتفك لي شفرات عوج الدرب دي
|
Post: #7
Title: Re: البقرة وانواع البقر
Author: Ahmed Abdallah
Date: 04-07-2008, 10:14 PM
Parent: #4
| Quote: باقي انت يا صحبي بتفك لي شفرات عوج الدرب دي |
دي ما اسمها شفرات يا كيكي ..
دي بقولوا ليها بتاين عوج البتن
كدي نادي ودالبشرى .. اصلوا زعلان
ودعوج البتن طردوا من بوستيه داك ؟!
|
Post: #11
Title: Re: البقرة وانواع البقر
Author: saif massad ali
Date: 04-07-2008, 10:19 PM
Parent: #4
كيكي
الله يخيبك يا المرمد
يفك ليك الشفرة احمد عبدالله
هو صاحبك ده شفرتو في رقبتو ما يقدر يحلها
مالقيت غيرو عليك الله
اها القريش كيف استعين بيهو رجل سريع البديهة
Quote:
احمد عبدالله
تصدق وتامن انا ممكن اكون من اوائل الذين قرو موضوع البقرة ده
وبعد ضحكة طويلللة اتذكرتك طوالي وقلت ياريت احمد عبدالله يجي يفتي لينا في موضوع انواع البقر
الحلوب الليها ضرع دي....
باقي انت يا صحبي بتفك لي شفرات عوج الدرب دي |
|
Post: #15
Title: Re: البقرة وانواع البقر
Author: عبدالكريم الامين احمد
Date: 04-07-2008, 10:25 PM
Parent: #11
Quote: هو صاحبك ده شفرتو في رقبتو ما يقدر يحلها
مالقيت غيرو عليك الله |
والله ابو السيوف كلام صاح
شايف صحبي من ما جبت ليهو سيرة التور النفسو يبقي بقرة
زاغ لي من التشفير ووقف بعيد وعمل شخيت
انا حالي الشفرة يا سيف بس ياريت كمان انت تساعدنا
وتبتت لينا اكثر
|
Post: #5
Title: Re: البقرة وانواع البقر
Author: saif massad ali
Date: 04-07-2008, 10:03 PM
Parent: #3
احمد عبدالله
ومن اخطر انواع البقر التور العايز يبقي بقرة يعني يباري البقر
ويحاكي فيهن
بس اوعه تقول ماشفت زي ده بس اقرب هناي يلاقيك عاين
|
Post: #6
Title: Re: البقرة وانواع البقر
Author: Huda AbdelMoniem
Date: 04-07-2008, 10:06 PM
Parent: #1
**
*
سيف مساعد على
البقر حيوان اليف ..
والحكى عن البقر جميل..
بجيبو حب الحيوان والموالفة ..
واصل الحكى ..
عندك صور بيانيه رائعه ..
*
**
|
Post: #8
Title: Re: البقرة وانواع البقر
Author: saif massad ali
Date: 04-07-2008, 10:14 PM
Parent: #6
هدي عبد المنعم
البقر ده نعبني تعب شديد عارفه في السقايه متعب بالحيل يعني يطلع لي في ضهر الترعه , والترعه مليانة شجر الشوك واحدة في اول الترعة والتانية في نهاية الترعة
بس مرة اشترو لينا بقر من البندر وبقر البندر تفتيحه يعاين في الشارع زي الزول ويشاكل
كمان
اصعب بقرة شفتها في حياتي, بقرة البندر ويوم يهبشو جناها ولا اخوها البلد كلها مابتسمع وتاني بس
ما تشوفك الا تذكر الكلام ده
|
Post: #9
Title: Re: البقرة وانواع البقر
Author: Abdelmuhsin Said
Date: 04-07-2008, 10:17 PM
Parent: #1
شكرا على موضوعك الهادف
بس ما تنسا تفصل لينا انواع البقر الحلوب .
لكن هل تفتكر البقر الالماني بقر حلوب ???
|
Post: #10
Title: Re: البقرة وانواع البقر
Author: محمد البشرى الخضر
Date: 04-07-2008, 10:18 PM
Parent: #1
أحمد عبدالله ...| Quote: ومن اخطر انواع البقر التور العايز يبقي بقرة يعني يباري البقر |
اها محنك وابتلاك
|
Post: #12
Title: Re: البقرة وانواع البقر
Author: عبدالكريم الامين احمد
Date: 04-07-2008, 10:20 PM
Parent: #10
| Quote: ومن اخطر انواع البقر التور العايز يبقي بقرة يعني يباري البقر |
دي بالذات فيها محنة تجنن
|
Post: #16
Title: Re: البقرة وانواع البقر
Author: Ahmed Abdallah
Date: 04-07-2008, 10:26 PM
Parent: #12
Quote: كيكي
الله يخيبك يا المرمد |
قر
و تتوالى المحن تباعا !!
كيكي ..
تاني تجي مولد عوج البتن @@ 
|
Post: #18
Title: Re: البقرة وانواع البقر
Author: عبدالكريم الامين احمد
Date: 04-07-2008, 10:29 PM
Parent: #16
Quote: كيكي ..
تاني تجي مولد عوج البتن |
والله البتتوني ما احترمني كلو كلو يا احمد
طلعني مرمد وسجمان كمان كل منك انت
|
Post: #19
Title: Re: البقرة وانواع البقر
Author: saif massad ali
Date: 04-07-2008, 10:32 PM
Parent: #16
احمد عبدالله
انت ياسجم شيلو كدي وحوم بيهو
مرمد شان انت صاحبو علا هو ملك والله
بس انت اختاهو
|
Post: #13
Title: Re: البقرة وانواع البقر
Author: Ahmed Abdallah
Date: 04-07-2008, 10:22 PM
Parent: #10
ليه ؟؟ عشان باريتو يعني ؟؟
!
|
Post: #14
Title: Re: البقرة وانواع البقر
Author: saif massad ali
Date: 04-07-2008, 10:22 PM
Parent: #10
محمد البشري الخضر
هو عليك الله المحنة بلا احمد ده شنو
|
Post: #17
Title: Re: البقرة وانواع البقر
Author: saif massad ali
Date: 04-07-2008, 10:29 PM
Parent: #14
اها البقرة البترضع البقر عليكم الله حصل شفتو حاجة زي دي
سعيلي الله تسك البقر سك وتكورك واحدات يهرشن منها يقفن المسكينات البقرة
ملسنة وطاعانة بقرونها بس تقول جندرية
|
Post: #20
Title: Re: البقرة وانواع البقر
Author: محمد البشرى الخضر
Date: 04-07-2008, 10:40 PM
Parent: #1
Quote: حمد عبدالله
انت ياسجم شيلو كدي وحوم بيهو
مرمد شان انت صاحبو علا هو ملك والله
بس انت اختاهو |
إنتهيت يا احمد عبدالله
دي إلا المسنجر
|
Post: #21
Title: Re: البقرة وانواع البقر
Author: saif massad ali
Date: 04-07-2008, 10:44 PM
Parent: #20
ود البشري
Quote:
إنتهيت يا احمد عبدالله |
مابنهيو والله اكرملك بيهو
تقولي شنو وتقولي كيكي
|
Post: #22
Title: Re: البقرة وانواع البقر
Author: محمد البشرى الخضر
Date: 04-07-2008, 10:49 PM
Parent: #21
| Quote: تقولي شنو وتقولي كيكي |
سيف الله يرضى عليك خلي العيال ينوموا بالليل دا
الضحك صحاهم ياخ
|
Post: #24
Title: Re: البقرة وانواع البقر
Author: saif massad ali
Date: 04-07-2008, 10:50 PM
Parent: #22
ود البشري
انبسط الله يديك العافية اخرها كوم تراب وانا بواصل مع بقري
|
Post: #23
Title: Re: البقرة وانواع البقر
Author: عبدالكريم الامين احمد
Date: 04-07-2008, 10:50 PM
Parent: #21
| Quote: تقولي شنو وتقولي كيكي |
عوج الدرب انا حوارك تب يا زول
بس انت ضايري لي احمد عبدالله وود البشري ديل
...
وحاول ما تواصل في البقرة البترضع البقر عشن الضحك ما يكتلنا
|
Post: #25
Title: Re: البقرة وانواع البقر
Author: haroon diyab
Date: 04-07-2008, 11:04 PM
Parent: #1
سيف مساعد
مساء الخير
| Quote: اها البقرة البترضع البقر عليكم الله حصل شفتو حاجة زي دي |
وحاتك انا شفتها .....تمص البقر كلهن الا لامن يجوا يحلبوها والله جك مابتجيبوا ....التقول بالعة ليها بشكير عديييييييييييييل كده .
برضو عاوزين الشفع ينوموا ....اصلوا كيكي ده بكرة اجازة وحيساهر بينا معاك .
|
Post: #26
Title: Re: البقرة وانواع البقر
Author: saif massad ali
Date: 04-07-2008, 11:08 PM
Parent: #25
هارون دياب
يا اخي هي اريت لو بتقيف لي الحلب حبوبتي الحاجة تكورك تقول البقرة مسكونة
بس بتم القصة بكرة ود البشري ده قال الاولاد عايزين ينوموا
بكرة اجازة شنو خم الرماد والله ناس الخرطوم ديل عندهم جنس محن
Quote:
برضو عاوزين الشفع ينوموا ....اصلوا كيكي ده بكرة اجازة وحيساهر بينا معاك . |
|
Post: #27
Title: Re: البقرة وانواع البقر
Author: mohamed osman bakry
Date: 04-07-2008, 11:39 PM
Parent: #26
| Quote: ومن اخطر انواع البقر التور العايز يبقي بقرة يعني يباري البقر ويحاكي فيهن |
والبقرة العايزة تبقي تور
دي أخطر وحده يا سيف.
|
Post: #28
Title: Re: البقرة وانواع البقر
Author: saif massad ali
Date: 04-07-2008, 11:46 PM
Parent: #27
محمد موسي بكري
Quote:
والبقرة العايزة تبقي تور
دي أخطر وحده يا سيف. |
دي بنجيها نوريك ليها كيف جندرية
|
Post: #29
Title: Re: البقرة وانواع البقر
Author: خالد حاكم
Date: 04-07-2008, 11:52 PM
Parent: #27
سيف مساعد .. سلامات
انت بتلف؟
شكلك كده بتمشى هولندا كتير!
|
Post: #30
Title: Re: البقرة وانواع البقر
Author: saif massad ali
Date: 04-07-2008, 11:59 PM
Parent: #29
خالد حاكم
Quote:
سيف مساعد .. سلامات
انت بتلف؟
شكلك كده بتمشى هولندا كتير! |
والله مشيت هولندا كتير
لكن لف ده مافي البقر الهولندي بحكي ليك عنو
|
Post: #32
Title: Re: البقرة وانواع البقر
Author: الرشيد البصيلى
Date: 04-08-2008, 01:46 AM
Parent: #30
البقرة النكور ..... جنون البقر .... المحويت .... المتلاب .... الكبروس ....الجُمادة .... السعن .... الروب .... السمن ....الفُرصة .....
البقرة النكور ...دى يا ود مساعد تقوم تشبل فيها مع السربة وقت تجيك ليك نومة ... والما بعرفو الشبل ... هو يعنى تخلى البقر ينومن ودايما البقرة النكور هى البتكون راس الهوس ... تقوم يا سيدى تربط الحبل فى البقرة النكور مع غفوتا .... وبعدين تربط الحبل فى كراعك ... وتتوكل على الخالق وتنوم .... ان كنت زولا قومتك ساهلة ....مع قولة عااااااااااااااك انت لازم تخارج الحبل من رجلك وتكس البقر من قدام .... وتواصل السربة .... ان بقيت نومتك تقيلة والبقرة النكور دى لقتك عامل العملة دى الضحك شرطك .... إن ما مسحت بيك الضريسة والحسكنيت .... قرونا ديل بخلوك قربال.....
شفت الهضربة دى كيف يا ود مساعد!!!!!!!!
|
Post: #38
Title: Re: البقرة وانواع البقر
Author: saif massad ali
Date: 04-08-2008, 09:23 PM
Parent: #32
الاخ الرشيد
ماشاء الله
مذاكر كويس قلت لي زول السربه يربط البقرة المجنونة في كراعو
اها كيكي اللشد حيلو
|
Post: #33
Title: Re: البقرة وانواع البقر
Author: الرشيد البصيلى
Date: 04-08-2008, 01:52 AM
Parent: #30
أما ود البقرة وللهو التور .... بالذات تور بقر الجواميس الرقادن لُخ ... انا جايييك ليهو ...
ويا ود مساعد كدا انا أكون صنعت ليك اللساتك وعجل الحديد بتاع الشفرة دى ....وتدينى حقوقى فى الشغلانية دى ... لأنو أكد هذه الإضافات بتكون ساعدتك كتير فى الشفرة اللى انا ما عارفا شنو؟؟؟ لكن المهم بنقدم مساعدة يا ود مساعد .... زى ما بقولو الجماعة نصنع جنازير .... وبعدين مخير ود مساعد يعملن جنازير دبابة ولا جنازير يربطو بيهامجنون عند الفكى ولا يشيلو بيهن حاوية ما علينا .... المهم شاركنا وحقنا بررررررررررررررة ....
|
Post: #36
Title: Re: البقرة وانواع البقر
Author: عبدالله كع
Date: 04-08-2008, 02:55 PM
Parent: #30
ياابو السيوف سلامات
خالد حاكم قال :
Quote: Quote:
سيف مساعد .. سلامات
انت بتلف؟
شكلك كده بتمشى هولندا كتير! |
| Quote: لكن لف ده مافي البقر الهولندي بحكي ليك عنو |
Quote: والله مشيت هولندا كتير
|
يا ابو السيوف هولندا كلها بتلف ...... الظاهر عليك مشيت ام دقرسي يا حبا
ــــــــ
دربك اخضر........ يامان
|
Post: #37
Title: Re: البقرة وانواع البقر
Author: saif massad ali
Date: 04-08-2008, 07:47 PM
Parent: #36
عبدالله كع
Quote:
دربك اخضر........ يامان |
الله يبارك فيك
البقر الهولندي لما يربطو ليهو مكنة الحليب البقر كلو يبقي يتبسم الشغلة سمحة
شفته جنس المحن
|
Post: #31
Title: Re: البقرة وانواع البقر
Author: Kabar
Date: 04-08-2008, 01:36 AM
Parent: #1
| Quote: البقرة وانواع البقر |
و اهمها اللخضر الدباسي..و قيل أدرع..
سيف يا اخوي.. لكن قديم قدومية..
اها ما تنسى انواع الشدر كمان.. نأنون.. الكبار فيهو شنو؟.. فيهو الصمغ..
و ما تنسى المأثور المجاور البصل..اها كن بقيت على دي بنتسدى فيك حق كيكي..و تجي تطالب بفك شفرة كمان..
يا ربي أنا وين؟
(الحقوق محفوظة لأمين)..
كبر
|
Post: #34
Title: Re: البقرة وانواع البقر
Author: saif massad ali
Date: 04-08-2008, 11:01 AM
Parent: #31
كبر
اهم انواع البقر الصفراء الفاقع لونها تسر الناظرين
عاد انا ود الليلة
الهجليج مش شدر سمح
|
Post: #35
Title: Re: البقرة وانواع البقر
Author: Ali Alhalawi
Date: 04-08-2008, 02:26 PM
Parent: #34
سيف ود عمى مساعد
يشهد الله طريتك أول أمس و أنا أنعم بهمبريب بلدكم .. جابنى الطريق عبر فرانكفورت لأقضى ليلة و يومها فى أحد فنادقها فى الخلاء و الصى .. لم أعد أذكر من إسمه سوى أنه ينتهى بـ"بيرقر" .. الجوع كافر .. تقول أوراقه أن نجومه خمس .. و لكننى أعتقد أنها أكثر .. ربما يعود هذا لعمى فندقى أصابنى من كثرة ترددى على فنادق بغداد .. لم أستدل لوسيلة إتصال بكم .. لكن الجايات أكتر من الرايحات
وفى إنتظار البقر المجنون
|
Post: #39
Title: Re: البقرة وانواع البقر
Author: انتصار محمد صالخ بشير
Date: 04-08-2008, 11:02 PM
Parent: #1
الاخ سيف
سلامات
طبعا ضحكت كتير وعشان افهم بعض المصطلحات استعنت بصحبك فى ايطاليا
طبعا ضحك من قلبه وقال لى اكيد فى الصيف لما ازوه بكمل ليه انواع
البقر طبعا صاحبك راعى بقر قديم
|
Post: #40
Title: Re: البقرة وانواع البقر
Author: saif massad ali
Date: 04-08-2008, 11:54 PM
Parent: #39
|
Post: #41
Title: Re: البقرة وانواع البقر
Author: saif massad ali
Date: 04-09-2008, 06:04 PM
Parent: #40
لي فوق
|
Post: #42
Title: Re: البقرة وانواع البقر
Author: محمد عبد الماجد الصايم
Date: 04-09-2008, 06:11 PM
Parent: #1
بي مناسبة لي فوق دي
ما عندك حــلاوة بـقـر!!
|
Post: #43
Title: Re: البقرة وانواع البقر
Author: Tragie Mustafa
Date: 04-09-2008, 06:22 PM
Parent: #42
سيف سلامات
يعلم الله لم اقرأ البوست بتاعك ده لسه
الا عندي مداخلة حارقاني لاني لقيت بكري حذف البوست
فقررت نشرها بعدد من البوستات وبوستك منها
الا ان اتعافى وافتح بوست خاص بمحتواها:
من هنا تبدأ مداخلتي:
عنصري البورد......
يعني انتو قايلنا ما بنقرائكم كويس؟؟؟؟
يعني مثلا انتقد عادل عبد العاطي وثورت سوار الدهب وكمال عباس هذا نفسه
الصادق المهدي...وما سمعنا زول من الانصار اتجرأ وقال لهم شوفوا صورتهم
او هذا يدل عن عقدهم وامراضهم؟؟؟؟
من انتم ايها المعقدين فعلا للتجرأو بقول هذا عن خالد بحر؟؟؟؟؟
كتب اساسي كبير الدبابين وشيخ العنصرية هنا...
| Quote: الحاجة الما قادر افهما الي الان لماذا كل كتاباتك ترتكز علي خلفيات وايحاءات جنسية ومثلية وشذوذية ؟؟ والاستماتة في محاولة الباسها الصبغة التحليلية والنفسية دون اي سندات مقنعة او حتى مبررة , يبدو يا شيخنا ان الامر يحتاج اعادة نظر وقيام بعض الكتاب ذوى الخلفيات في الطب النفسي تحليل ذلك علهم يفيدوك لتحاول الخروج من هذه المستنقعات التي تطلق عليها تحليلات |
لعلمك ايها الدباب اساسي لو حضرت لمصحة طبيه لقابلت امثالي من الباحاثات قبل مقابلتك للطبيب
ومن خلفيتي العملية البسيطة اقول لك...كتابات خالد بحر طبيبعه...وشوف لك متنفس آخر لاختلافك معه.
كتب كبير الجهاليل احمد عبد الله:
Quote:
أتوا من هذه الارض .. من اين اتيت أنت و رهطك ؟؟
زي ما قال ليك اساسي امشي صور جواز سفرك و تعال
وانا بزيد عليه و بقول ليك جوازات اسلافك ليعرف الجميع
من هو ابن هذه الامة ..
قرف يقرفك .. |
والله لا يقرف احد مثلك بهذا البورد.
انت منو الفاكر انه لك الحق تفتي او تفحص جوزات اسلاف خالد بحر؟؟؟؟
والله يا احمد عبد الله عشان قلة ادب امثالك هؤلاء..كرهنا الحزب الاتحادي ويومه
لاننا لم نقرأ لك كتابة واحد فيها فائدة...ويوم كتبت لك بوست وحيد حقق الول مرة
ربما الف قارئي كان لانك تبحث عن الشهر ومشيت تكابس من قتل بدر الدين عجاج؟؟!!
ولا يا ربي كنت عايز تلصقه في غرباوي برضو؟؟؟واحد عيان بعنصريته.
وحياتك ناس خالد بحر ديل هم الحيفحصوا السودان كله ووقتها كوس لك واسطة يا بتاع الواسطات
وما اشوفك متجرس وتجي تقول له يا اخي انا زميلك ببورد بكري سابقا
اصلا امثالك لا يستحوا.
ورجع كبير الجهاليل للاعادة:
Quote:
يا محمد عثمان ..
ياخوي خطأ شنوا و اعتراف شنوا ..
أقرأ كلام اساسي فوق ....
خالد بحر يعاني من عقد شخصية لا تبتعد
عن مضمون كتاباته !! و اللبيب يفهم ؟؟ |
وبضربة كي بورد تحول كبير
الجهاليل لاخصائي نفسي واجتماعي؟؟!! وكما يفتي في العقد.!!
ويا ترى ماهي عقدة رجلا مثلك يفترض متزوج وعايش حياة طبيبعة في كواسته
للونسات مع امثال سارة منصور؟؟؟
كتب كمال مبارك الكباشي كما ادعى ايام اقتحام حمرة الشيخ....
Quote:
مثل هذا المعقد لا يفهم مثل هذا القول ،، ولا يعرف معنى الادب وكيف يكون
الادب ،، أنظرى الى صورته بالبرفايل ،، هذا اعتقد انه فوق النقد ،،
يا هذا تأدب ،، تأدب ،،، تأدب |
اولا لعلمك يا كمال مبارك
خالد بحر واثق من نفسه ويضع صورته بكل فخر..انت صورتك وينها مع الرجال؟؟!!!
ولا بتخافوا من ناس الآمن قاعدين لابدين؟؟؟؟وصورته مالها؟؟؟؟
عارف يا خالد بحر لو شفته جرست الاتحاديين ديل ايام رسم خالد كودي الميرغني عريان
واستنجادهم بناس الحركه الشعبيه,كانت مته من الضحك؟؟؟يا جماعه مولان يحترمه الراحل د.جون قرنق
يا جماعه مولانا كان صديقا لدكتور جون....يا جماعه ويا بطيخ اها د.جون الكنتو بتستنجدوا بيه
ده وعاملين مفتخرين بعلاقاتكم معاه......في ماذا تختلف صورته عن صورة خالد بحر؟؟؟؟
وهل به شيئا من دمائكم الآريه ليكتسب مكانة بعرقه وملامحه؟؟؟؟
واوع واحد شوبار منكم يحاول يقول لي بمواقفه؟؟!!
لاننا هنا لا نتحدث عن المواقف الكلام محدد وعن صور؟؟؟فحينما يعجر العاجيزن من امثالك عن المنطق
يلجأوا لمثل هذه المتابات الخيبانه!! قال صورتك قال ومعقد قال!!
هذه دواخلكم التي كان يعرفها جيدا د.جون قرنق دي مبيور وعلاجها عندنا تماما.
وكتبت ماجدة عوض خوجلي:
| Quote: ماريته انت ينم على شئ غير كريم داخل نفسك |
يا سلام...وما الذي رايته يا استاذة وماهو الغير كريم بنفس خالد بحر؟؟؟
طوالي عايزة تركبي موجة العقد دي؟؟؟انتو لمتين نحن في العباطه دي؟؟؟؟
ونفس منو الما كريمه يا استاذة؟؟؟خالد بحر؟؟؟الذي لم نقرأ له يوما
بوست همز ولمز ام حضرتكم؟؟خالد بحر ده راجل شجاع وبيقول للاعور اعور في عينه تسلم عينه.
مش زيك...شغاله صور وعابطه وما قادرة تقولي عديل ثلث الثلاثه كم؟؟؟؟
خالد بحر ده في عمر ولدياتك يفترض شكل مناصحتك له تختلف...لكن العرقيه و الجهويه
حتى مكامن الامورمة الطبيبعية في اي امراة تحجرت في دواخلكم,قبحكم الله من جهويين مرضى
وربنا يشفيكم.
وجاءنا الدكتور ود محجوب:
Quote:
اذا وقفت ساقطة فى أحد الأزقة فلا أحد يغالب سلاطة لسانها أكيد هى المنتصرة الميدان ميدانها واللغة هى لغتها . تسقط كل معاناتها النفسية
وتشوهاتها على من تختار حتى تطمئن ان الجميع ساقطون مثلها. ما أشقى من يختاره اصخاب العاهات هدفا لسهامهم.
|
وتجاوز كل المنطق سيادته لاقليم خالد بحر كاملا فقال:
Quote:
لقد بدأت البغضاء من أفواههم وما تخفى صدورهم أكبر
وأخيرا
بلاء ليس يعدله بلاء
عداوة غير ذي شرف ودين
يبحك منه عرضاً لم يصنه
ويرتع منك في عرض مصون |
يا دكتور هذا يقول عنك ولا يقول عن خالد بحر
انت فارق الكتبته ده ما ردحي؟؟؟الا يكفي انك شبهت رجلا مثلك بامراة ,واصريت ان تخاطبه
بلغة مؤنثة؟؟؟؟السقوط الاخلاقي ده قايله كيف؟؟؟والحمد لله انت بنفسك قلت اللغة تدل على التشوهات الداخليه,اها ياريت تجي توضح لينا شكل تشوهاتك...لاني لم اجد الا عقدا لك في مداخلتك الماضية.
وكمان بتتكلم بلغة الجمع؟؟؟من هم هؤلاء الحاقدين؟؟ وبغضاء لمنو وعلى شنو؟؟على سجم خشمكم؟؟؟
ومن هم الغير ذو شرف يا دكتووووووور؟؟؟ما تبقى راجل وتقول هم منو؟؟؟؟عشان وقتها لكل مقام مقال؟؟!!
اعوذ بالله من الطائفيين وتفكيرهم العقيم,يا اخي فرقك من حميد شنو؟؟وبيان كيان الشمال؟؟!!
وطبعا لايمكن ان يتأخر هشام مدني من هذا المولد:
Quote: انت بالكثير واحد قليل أدب وما محترم وما عايز اقول اكثر
يا ولد يا بتاع تاريخ الميلاد: 1982
شوف ليك موضوع قدرك
وما تتطاول
والله زمن !!!!! |
طيب لما هو ممكن يكون في عمر اولادك يا هشام
الم تجد وسيلة افضل لمخاطبته؟؟
ولا اسهل حاجة استوطأ الحيط للآخرين؟؟؟
ما يتطاول على منو؟؟هم ساتك وليسو سادة خالد بحر ولن يكونوا.
يبقى انضبط في الفاظك ايضا.
ويا خالد لا تهتم لهؤلاء
ننتقدك لاجل نفسك ولانك تهمنما ولاننا ندخر من هم مثلك لايام قادمه تحمل
كثير من الخير لبلادنا,فيها مكان لكل شخص محترم نفسه,يكون مجدوع يكون مفدوع
مدام لا يخطا على الآخرين ولا ياكل اموال الناس بالباطل فهو جدير باحترامنا.
انضحك ان تحفظ اسماء كل هؤلاء العنصريين
فصدقني سيآتي يوم ونحاكم كل من تطاول على شخص بعرقه او لونه او سحنته.
هذا البوست ستتواصل الواسطات لسحبه فسجل مداخلاتهم عندك واحفظها للتاريخ.
هنا لم يتطاول على خالد بحر فقط
لقد تم التطاول على كل اصحاب السحنات الافريقيه
ومن عضوية حزب كامل!!
وسجل يا تاريخ.
اشيد بموقف احمد الشايقي فرغم حدة نقده لكنه لم
يصل لنقد عرقي جهوي قذر كما فعلت هذه الثلة.
وعشان تعرفوا نحن مصحصحين ولا تزر وازرة وزر آخرى.
|
Post: #44
Title: Re: البقرة وانواع البقر
Author: saif massad ali
Date: 04-09-2008, 08:53 PM
Parent: #43
مرحب تراجي
انا قلت تراجي كايسة بقرة سيدنا موسي في البوست
تاريكي كايسة بقر الجلابة مالو عمل سربة في زرعكم وشرد
|
Post: #45
Title: Re: البقرة وانواع البقر
Author: saif massad ali
Date: 04-10-2008, 00:47 AM
Parent: #42
ود الصائم عندنا ده عارفو عايز يبقي بقره
|
|