Post: #1 Title: معتز القريش راجع سجمك يا كيكى Author: هجو الأقرع Date: 04-07-2008, 10:25 AM Parent: #0
اخونا معتز قريش راجع ، معتز كان زعلان من سحب بعض بوستاته ، إلا اننى هددت ايضا بالتوقف ، او ان احلف عليه بالطلاق ، وهو يعرف اانى لا احلف ابدا بالطلاق وقلت له ستكون المرة الاولى فى حياتى و الذنب و الوذر عليك ، جعلت ناس كثيرين يكلموه ، ولقد استجاب .... مرحبا بك فى حوشك وليك وحشه .
Post: #2 Title: Re: معتز القريش راجع سجمك يا كيكى Author: Waeil Elsayid Awad Date: 04-07-2008, 10:34 AM Parent: #1
Quote: اخونا معتز قريش راجع ، معتز كان زعلان من سحب بعض بوستاته ، إلا اننى هددت ايضا بالتوقف ، او ان احلف عليه بالطلاق ، وهو يعرف اانى لا احلف ابدا بالطلاق وقلت له ستكون المرة الاولى فى حياتى و الذنب و الوذر عليك ، جعلت ناس كثيرين يكلموه ، ولقد استجاب .... مرحبا بك فى حوشك وليك وحشه .
يااخوي اوعك من الطلاقات ....الزول ده ماعنده ضماااااااااااااااااااان ......!
بعدين عاوزين بتاع لحمتنا دي ....
شكرا....هجو وبل راسك ياكيكي كل الود هارون دياب
Post: #44 Title: Re: معتز القريش راجع سجمك يا كيكى Author: معتز القريش Date: 04-13-2008, 06:27 AM Parent: #4
هلا هارون دياب يا فردة
اسمع النقول ليك ... تعرف لو هجو حلف طلاق فوق بت عمي على اني اقطع رقبتي لقطعتها ... آآآزول انت ماك عارف طلاق الجعليين ؟؟؟
Post: #6 Title: Re: معتز القريش راجع سجمك يا كيكى Author: محمد عبد الماجد الصايم Date: 04-07-2008, 12:34 PM Parent: #5
Quote: لا حول الله
جررررررررررر
الزول دا والله شرس خلاس
مالو قايم على العضمة دي كداا
سلام يا الاقرع يا زول خليهو يغسل يدينو ويجي
Post: #7 Title: Re: معتز القريش راجع سجمك يا كيكى Author: saif massad ali Date: 04-07-2008, 12:40 PM Parent: #6
هجو الاقرع
سلام يارائع والله البورد بدون القريش مسيخ
رغم المناكفة الا انه يمد البورد بروح الاخوية
كيكي بل راسك لي الجز
Post: #8 Title: Re: معتز القريش راجع سجمك يا كيكى Author: كمال سالم Date: 04-07-2008, 04:09 PM Parent: #1
هجو ,, كيفنك ,,
والله دى بشاره حلوه ,, وماقصرت ,, وحقيقة أفتقدنا معتز فى المنبر ,,
معتز : أنا برضو منى واحد طلاق ,, أعمل حسابك كده طلاقين ,, يعنى مرتين ,,
مولانا الطقى ,, أفتينا فى طلاق الاسافير ده ؟؟؟
Post: #9 Title: Re: معتز القريش راجع سجمك يا كيكى Author: على محمد على بشير Date: 04-07-2008, 04:52 PM Parent: #8
Quote: اخونا معتز قريش راجع ، معتز كان زعلان من سحب بعض بوستاته ، إلا اننى هددت ايضا بالتوقف ، او ان احلف عليه بالطلاق ، وهو يعرف اانى لا احلف ابدا بالطلاق وقلت له ستكون المرة الاولى فى حياتى و الذنب و الوذر عليك ، جعلت ناس كثيرين يكلموه ، ولقد استجاب .... مرحبا بك فى حوشك وليك وحشه .
شكرا يا هجو يا ود القبائل ومرحبا بمعتز القريش
Post: #10 Title: Re: معتز القريش راجع سجمك يا كيكى Author: عبدالكريم الامين احمد Date: 04-07-2008, 07:29 PM Parent: #9
هلا يا هجو يا ظلامي سجمي انا ولاسجم معتز قريش وسجم كل الظلاميين في هذا المنبر والمنابر المجاورة... انا ماعارف زولكم ده يجي راجع بياتو وش بعد فضحية اللقطة اعلاه لقطة يا كافي البلا احرف (بوبي) في زقاقات فريق زنقو يقعد يتحير فيها شرط عينا وفضحنا كبورداب للدوحة في الاسافير السودانية ... ..... وفي انتظارك يا قريش بعادك طال والله
عظمة الصورة مافي العضم القطع قلبه ود القريش ولحقو ابوي السمح داك لكن العظمة جاية من حتة البصلة الشايلها الزول دااااك الجزء دا من البصلة او قلب البصلة فيري جوسي وحنيين جدا في المضغ وماحار ولايساعد في اغراق الوجه بالسوائل المتعددة دموع كانت ام برابير لذلك نجد اهلنا المصريين برعوا في تقديسه ووضعه في المكان الائق به وضربوا به الامثال فمن حبهم للبصل لايستطيعوا ان يصبروا عليه الا ان يحضر اجدهم سكبن من المطبخ وانما يتفوه تف فيطير قلب البصلة بعيدا بفعل قوة التف الشدبدة فيجري كل واحد منهم في اتجاه والسعبد الامو داعية ليهو يلقاها وهذه هي (التايهة) التي صات مثلا ((جبت التايهة ياخي))
And welcome wed algouresh ,thanks ya garebna
Post: #12 Title: Re: معتز القريش راجع سجمك يا كيكى Author: عبدالكريم الامين احمد Date: 04-07-2008, 08:19 PM Parent: #11
Quote: حتة البصلة الشايلها الزول دااااك
والله ياراوية لقيتك شواااافة وبتقري الصورة بطريقة تحير احرف بتاع (سيريالية) او الناس البعرفوا الرسومات المشربكة ديك.. حسع عليك النبي في الجضوم المالية المعلب ده والنهم الباين بينونة كبري شفتي البصلة ديييييك كيف:
بيني وبينك فعلا بصلة تشوق وتسيل اللعاب ودي بصلة جديرة بالتغزل فيها... علي الاقل كفت العين عن هذه اللقطة (البوبية) عند معتز قريس
Post: #13 Title: Re: معتز القريش راجع سجمك يا كيكى Author: معتز القريش Date: 04-09-2008, 05:52 AM Parent: #1
ود عمي الكلس هجو
انضر التحايا...
Quote: اخونا معتز قريش راجع ، معتز كان زعلان من سحب بعض بوستاته ، إلا اننى هددت ايضا بالتوقف ، او ان احلف عليه بالطلاق ، وهو يعرف اانى لا احلف ابدا بالطلاق وقلت له ستكون المرة الاولى فى حياتى و الذنب و الوذر عليك ، جعلت ناس كثيرين يكلموه ، ولقد استجاب .... مرحبا بك فى حوشك وليك وحشه .
يا اخوي تتوقف عشانا دي ما بنقبلا وبت عمي ما بتحلف بطلاقا ونفديها برقبتنا وكي كي دا هنا نبكيه وهناك نبكيه . . . ها قد اتيناكم دون توقف ودون طلاق . . . عنكبة : الحصل شنو في موضوع الكرامة (اشتهينا العُضام)
Post: #14 Title: Re: معتز القريش راجع سجمك يا كيكى Author: عبد الرحمن الطقي Date: 04-09-2008, 09:15 AM Parent: #13
يعني يا معتز تحانيسنا دي كلها ما نفعت معاك إلا طلاق الجعلتي هجو ؟؟!!
و الله مراحب لا تحصى بعودتك يا صاحب ، و الشكر لهجو العرف يجيبك .
فتوى جادة لكمال سالم :
الصحيح في الحلف بالطلاق أنه نوع من أنواع اليمين ، و لا يقع طلاقاً إلا إذا نوى صاحبه الطلاق - و هذا على رأي بعض الفقهاء - و على من حلف بالطلاق على شيئ ثم لم يف أن يكفر كفارة يمين و هي إطعام عشرة مساكين أو كسوتهم فمن لم يجد فصيام ثلاثة أيام .
و لا يجوز الحلف بالطلاق ابتداء كما هي عادة كثير من الناس لقوله صلى الله عليه و سلم ( من كان منكم حالفاً فليحلف بالله أو ليصمت ) ، و الأمور المباحة - كالكتابة المشروعة في المنابر - لا يحسن أن يحلف على شخص فيها ، و إن كان لا بد للأهمية فيمكن أن يقال له أقسمت عليك بالله أن تعود للمنبر ، و يستحب لمن أقسم عليه في شيئ مباح أن يستجيب لقوله صلى الله عليه و سلم : ( من سألكم بالله فأعطوه و من حلف لكم بالله فصدقوه ) .
و الله أعلم عبد الرحمن الطقي ،،،
Post: #15 Title: Re: معتز القريش راجع سجمك يا كيكى Author: nadus2000 Date: 04-09-2008, 09:40 AM Parent: #14
معتز والله أنا راهنت على عودتك، وكسبت الرهان... وغايتو أخونا هجو أداك سكة غير اللاعب....
Post: #20 Title: Re: معتز القريش راجع سجمك يا كيكى Author: عبدالكريم الامين احمد Date: 04-09-2008, 07:24 PM Parent: #19
حباب القريش حبابو وهنئيا للظلاميين والمرجفين في المدينة والمدن الاخري عودة الظلام الي اسفيره معافي ويا سسسلام ياهارون يا راقي لحن جميل قريش يستاهلوا رغم ظلاميته وصورته الذي شرط عينا بيها دي
Post: #21 Title: Re: معتز القريش راجع سجمك يا كيكى Author: عماد موسى محمد Date: 04-10-2008, 02:22 AM Parent: #20
Quote: اخونا معتز قريش راجع ، معتز كان زعلان من سحب بعض بوستاته ، إلا اننى هددت ايضا بالتوقف ، او ان احلف عليه بالطلاق ، وهو يعرف اانى لا احلف ابدا بالطلاق وقلت له ستكون المرة الاولى فى حياتى و الذنب و الوذر عليك ، جعلت ناس كثيرين يكلموه ، ولقد استجاب .... مرحبا بك فى حوشك وليك وحشه .
الأخ المحترم/ المعتز القريش : السلام عليكم يا هلا ومرحبا , راجعا الى منبرك تحمل مشعلك, تسد ثلمات,وتصد شبهات. يقال: "لكل رجل من اسمه نصيب" فلتكن "المعتز": عزة ومضاء, و"القريش""قرشا" لزبد الباطل المهين.
وشكرا للزميل العزيز/ هجو الأقرع.
Post: #22 Title: Re: معتز القريش راجع سجمك يا كيكى Author: عبد الرحمن الطقي Date: 04-10-2008, 09:44 AM Parent: #21
بقى يا ود القريش خلاص اظهر !!
ما شايف ( الوهج اللامحدود لمستحق أرفع أوسمة و نياشين الصمود ) !!
و كمان اليومين ديل المنبر جاب ليه شيعة كبار !!
Post: #23 Title: Re: معتز القريش راجع سجمك يا كيكى Author: Deng Date: 04-10-2008, 01:31 PM Parent: #1
مرحبا بالظلامي ود القريش.
أخونا هجو طبعا حاسي وشاعر بالظلامي معتز القريش كان في حالة صعبة جدا بعيدا عن البورد، ولكن بضربة معلم أستطاع هجو أن يحفظ للظلامي معتز القريش ماء وجه ويتم إرجاعه بهذا المسرحية، التي تم التخطيط لها بكل دقة. ولكن لو فاتت على الزعيم كيكي أكيد لن تفوت علي، وسمعنا تحت تحت بأن هنالك صفقة أراضي بين هجو الاقرع وبين الظلامي ود القريش. ويا كيكي أصحى معانا.
دينق.
Post: #24 Title: Re: معتز القريش راجع سجمك يا كيكى Author: Salah Abdulla Date: 04-10-2008, 01:40 PM Parent: #23
راوية
إزيّك
Quote: لكن العظمة جاية من حتة البصلة الشايلها الزول دااااك الجزء دا من البصلة او قلب البصلة فيري جوسي وحنيين جدا في المضغ وماحار ولايساعد في اغراق الوجه بالسوائل المتعددة دموع كانت ام برابير
والله وصّافة وصف ( ماشاء الله) وكمان خبيرة في ( الأبصلة ).. شهيتينا البصل والله ..
Post: #25 Title: Re: معتز القريش راجع سجمك يا كيكى Author: عبدالكريم الامين احمد Date: 04-10-2008, 02:12 PM Parent: #23
Quote: ويا كيكي أصحى معانا
هلا يا دينق وسلامات ياخي وانت الصادق يا دينق الظلاميين اخدوني علي غرة فقريش كرهني البلي والقعاد في الدوحة ذاااتو يوماتي تلفون مع فجر الرحمن تلفون يطير الرزق ياكيكي رجعني ياكيكي اعمل لي بوست زي بتاع وقفتي الفاتت ياكيكي شوف لي صرفة.. جننا وكرهنا كيكي ذاااتو.. .... واهو زي ما انت شايف بعد رفضي وتمييعي لقضيته يبدو ان الظلاميين رضو عنه وقرروا منحه فرصة اخري بعد ان تسرب اليهم بانه تاكل عيش وبس
يا كيكي دايرين بوست عن الحوزة العلمية (بيت ام غويلينا) بتاع شباب Civil وما آل اليه الحال انا حاساعدك لو مل خانتني الذاكرة
اخوك حمامة
Post: #27 Title: Re: معتز القريش راجع سجمك يا كيكى Author: عبدالكريم الامين احمد Date: 04-10-2008, 02:29 PM Parent: #26
Quote: يا كيكي دايرين بوست عن الحوزة العلمية (بيت ام غويلينا) بتاع شباب Civil وما آل اليه الحال انا حاساعدك لو مل خانتني الذاكرة
هلا ومرحب يا حمامة وكما تدري بان صديقك ابو خليل الفتي النحيل هو احسن من يتكلم عن ذلك البيت السفلنجي وكلنا سنكون حضورا ومتابعة بس خليهو في الاول يجينا من الخرطوم الحتل فييها دي مع كل الود
طبعا اخونا دينق فكر وقدر والامور ما ظبطت معاه ، و المصدر السرى بتاعو عبدالمنعم سليمان مشغول مع العروس ، ومنعم مصدره ود الامير .. لكن يا اخوى دينق معتز دى ما رمانة الموقع ، ما فى استغناء عنه ابدا ، لو قلت فى مشروع عروسه ممكن تكون مقبولة شويه المهم (المعتز رجع للوجع ) .
فى ذمتى و الله يسالنى يا خوى دينق عمرو ما طلب منى ان اعمل له هذا الامر ، وانت سيد العارفين المكان من غيرو ضلمة ، بس عندى ليهو صورة لما زارنى فى المستشفى (خطيرة ) اذا ما تأخر فى بدء فتح بوستاته سوف انزلها ليهو . اكيد ود الامير مشغول ، و كتر خيرك للسؤال عن اخونا بدر .
الاخ الكريم محمد شكرا للمرور ، اها الله يخلى العمم عشان ما تشوف (000000) .
Post: #42 Title: Re: معتز القريش راجع سجمك يا كيكى Author: Deng Date: 04-12-2008, 05:59 PM Parent: #1
يا هجو.
عندي زميلة معاي في الشغل شافت صورة الظلامي ود القريش دي، قامت قالت لي وهي مخلوعة"الراجل ده بياكل في العظم بالطريقة دي كيف"؟ وقمت أنا شرحت لها نوع العظم الذي يأكله الظلامي ود القريش وبعد شوية أضافت وقالت لي الراجل ده جنجويد؟ وطبعا أنا ضحكت من كلامها ضحك شديد. وطبعا ضجكي كان شماتة في الظلامي ود القريش البقا جنجويد. ولكن بي قلبي قلت ليها ده جنجويد لبناني.
دينق.
Post: #43 Title: Re: معتز القريش راجع سجمك يا كيكى Author: عبدالكريم الامين احمد Date: 04-12-2008, 06:18 PM Parent: #42
