هبة الماحى(تجاة الملوك نلوك)؟؟؟

Quote: تحياتي و سلامي لكل قراء المنبر العام أعضاء و ضيوف ، عندي ليكم يا اخواني موضوع مهم للنقاش ، بدأيته كانت في بوست مفتوح بأسمي ( دورة حياة المغترب السوداني ) و التاني بوست تشهيري مفتوح بأسم الاخ أساسي ( بوست تشهيري بالزميلة heba Elmahi عضو المنبر - سرقة ادبية ) ، الحكاية يا أخواني أني و من غير نبرة غرور أو تعالي أنا انسانة متعلمة و الحمدلله في أعلي درجات السلم التعليمي كما وضح للجميع من خلال كل المداخلات في بوست الاخ اساسي ، و هذا التعليم أذا لم يضيف لي بعض اساسيات التعامل الادبي في المنابر العامة و المنتديات الثقافية ، فليته لم يكن !! حكاية بوست دورة حياة المغترب السوداني كالاتي : لا يستطيع احد أن ينكر ان هذا البوست و بي نفس محتوياته بدون تعديل متداول منذ فترة بعيدة و سنوات عديدة في المنتديات الاسفيرية و الواقعية معا ، و كان يمكن بي كلمة بسيطة من اربعة احرف أن تجنبني كل هذا المعترك الاسفيري مع الاخوة المستنكرين للفعل !! ولكن ما سأل احدكم نفسه لما هذه الانسانة العارفة ببواطن الامور مصرة علي ذلك ?? قبل ان اتلقي ردودكم المتباينة أفيدكم بأنني قد أصريت علي احقيتي في ملكية المقال حتي عندما تحدث معي بعض الاعضاء و غير الاعضاء خارج المنبر العام و من خلال إتصالات عديدة و ذلك لتوصيل رسالة مهمة و هي في رائي اهم من من يمتلك هذا المقال و هي يا جماعة اني عاوزة اقول ليكم ما هكذا تورد الابل يا شباب !! أو بمعني اخر ما كدة بتم توعية الناس و لفت انتباههم لخطأ قد يكون غير مقصود !! اسلوب التعنيف العلني و الاستهزاء و الاضطهاد دايما يا جماعة نتيجته اصرار المخطي علي خطئه حتي لو كان عيانا بيانا كالحادثة التي نتناولها الان !! و انا ما أصريت علي أحقيتي في ملكية ذاك المقال الا عشان اقدر اطلع الجواكم كله بعد ما رأيت بي عيني كمية الاستفزاز و الاستهزاء في كتابات اغلب المتداخلين الا من رحم ربي من العقلاء ! و كنت قد قررت ان انتظر وصول الاخ سيجمان عشان يقول لكل الناس انه المقال دا بتاعه و بعدين اقول ليكم انا ليه عملت كدا و لكن الظاهر انه الاخ سيجمان بعييييد عن المتابعة لذا وجدت انه لا فائدة من الانتظار و ان الامر قد طال و عشان الجماعة ما يفتكروا اني زايغة أو ما شابه . انا كتبت المقال و فاتني أن اذكر أنه منقول و غبت عن المنبر العام فترة هي تقريبا اكثر من 12 ساعة بحكم العمل و عندما فتحت البوست بعد ذلك فوجئت بعدد من المتداخلين اكثر من 35 ، ولما بدأت اقرأ المداخلات أسفت كثيرا علي حال ابناء بلادي !! و كما اسلفت كان ممكن ان أجنب نفسي كثير من العراك الاسفيري لو فقط رددت علي اول شخص انتبه الي ان المقال منقول و هو الاخ ادريس محمد و كأن تنبيهه غاية في الادب و الذوق ، و لكن بعد ذلك و كما ترون بانفسكم توالت المهاترات و الاستخفاف و الاستهزاء ، و للاسف بكل شئ !! حتي شهادتي العلمية !! مرة يطلعوني حرامية و مرة تانية جاهلة و مرة تالتة سجمانة و رمدانة !! و حاجات اكتر من كدة كما تابعتم جميعا. و حتي لا اطيل رغم اني متاكدة اني قد اطلت فعلا ، لكن فحوي الرسالة التي كنت قد قررت ان ارسلها للجميع ياريت يا جماعة لو نغير اسلوب التوعية و التوجيه لدينا نحن افراد الشعب السوداني و كل دول العرب ، و انا شايفة انه مادام دي طريقتنا في التريبة متخذين منهج التعنيف و الاستهزاء و الاستخفاف طيب ليه ما يطلع من بيننا و بين اولادنا المجرم و المستبد و الرامي الناس بي موية النار ?? صدقوني الاسلوب دا يزيد الخاطي عنادا و استكبارا !! و انا كنت قد تحدثت عن هذه الفكرة في احد البوستات الكانت بتناقش موضوع سناء ، كل واحد فيكم يا ناس المنبر العام في مرحلة من عمره ممكن يكون اب أو عم و خال أو حتي مجرد اخ كبير ، و انتن ايضا يا اخواتي متاكدة انكم كلكم امهات حتي لو بس باحساسكم الفطري و كلنا مسئولين في توجيه و تربية الاجيال الناشئة من حولنا ، فانتبهوا يا سادتي لي طريقتكم قي التوجية و التربية و التوعية ، فبلادنا ما ناقصة ولو فرد واحد غير سوي نصنعه بايدينا و نحن غافلون !!

يااخوانا البت دى قالت الروووووووووووووب

ما تسرق السرقة دى بقت فيها هى بس؟

عاد يا هبة ما بسالك (قالو بى ضبانتة)


بس كان تتحرفنى شوية تشكلبى الحروف...تلعثمى الكلام ... شوية حزف شوية ذيادة من عندك...

ما سمعتى الغناى قال شنو؟ نظرة منى ونظرة منك


وبعدين الناس دى تعبانة لى؟


صاحب الحق راضى شن نخس القاضى...


طالما صاحب الحق ماظهر لى اسى وساكت ساكت


معناها راضى والسكوت علامة الرضا....


وعافى منك يا هبة (ان سرقتى اسرق جمل وان عشقتى اعشق قمر)

الأخ المر

لك التحية

حكاية السرقة طبعا كوم ....
ولكن الكوم الثانى بل الأول هو السخرية والاستهزاء بالمغتربين وحينما ذاقت من نفس الكاس أنظر ماذا قالت :

Quote: و انا شايفة انه مادام دي طريقتنا في التريبة متخذين منهج التعنيف و الاستهزاء و الاستخفاف طيب ليه ما يطلع من بيننا و بين اولادنا المجرم و المستبد و الرامي الناس بي موية النار ?? صدقوني الاسلوب دا يزيد الخاطي عنادا و استكبارا !!

بصراحة كلامها كله تناقض سوى فى علاجها لمشكلة المغتربين كما ادعت او فى السرقة او فى منهج النقد والرد والتربية ....

قرشو


اصبر لى بجيك راجع

Quote: الأخ المر لك التحية حكاية السرقة طبعا كوم .... ولكن الكوم الثانى بل الأول هو السخرية والاستهزاء بالمغتربين وحينما ذاقت من نفس الكاس أنظر ماذا قالت : Quote: و انا شايفة انه مادام دي طريقتنا في التريبة متخذين منهج التعنيف و الاستهزاء و الاستخفاف طيب ليه ما يطلع من بيننا و بين اولادنا المجرم و المستبد و الرامي الناس بي موية النار ?? صدقوني الاسلوب دا يزيد الخاطي عنادا و استكبارا !! بصراحة كلامها كله تناقض سوى فى علاجها لمشكلة المغتربين كما ادعت او فى السرقة او فى منهج النقد والرد والتربية ....

قرشووووووووو بس هى ماقدرت تدافع كويس


نجد ان بعض المواضيع مكررة ومسروقة بس بى حرفنة


وماهى الاولى التى تتناول هذا الموضوع؟؟


واسى ختينا (بتاع امن ) اشان الحركات دى . شايفو؟

عين ساهرة