أبو داؤود - يرحمه الله، غاص عميقا ليأتينا بعذارى الحي .. و آنست في الحي ناراً ليلا فبشرت أهلي قلت أمكثوا فلعلي أجد هداي لعلي نوديت منها فكانت نار المكلم قبلي فصارت جبالي دكا من هيبة المتجلي وصرت موسى زماني مذ صار بعض كلي
معتصم .. كثير من الشعراء توارى أثرهم بين طيات القصيد .. لشئ في نفس ( يعقوب ) ربما !!! .. فقط تركوا لنا أثرا وإرثا سنظل نقتات منه ما حيينا ... شكرا على الأطلالة الرقيقة يا ذوق ..
أخي المبدع محمد عبد الجليل أنتم حديثي وشغلي أنتم فروضي ونفلي وقبلتي في صلاتي إذا وقفـت أصـل ***** جمالكم نصب عيني إليه وجهت كـلي وسركم في ضميري والقلب طور التجلي
هو ذاك .. عندما نقف في محراب الشعر حيارى .. وقفت طويلا أمام ( لم يقل حتى وداعا في الرحيل ) وتأملت ... !! شكرا لك أخي محمد ..
و الله يا ود جبارة حكايتك حكاية .. زمن الخرطوم الجديدة ما كنا بنعرف ليك شي غير القراية و الشطارة .. و عامل فيها لذيذ كده و بتتجنب ناس نحنا .. ناس الغنا و الهمبتة و الدك .. أتاريك مقطعو في حشاك سنينك دي كلها و قاعدلك فوق راي ؟؟؟ و كمان أبوداوود يا مفتري .. ؟؟
تعرف يا عادل , الراجل العجيب عمر الجزلي أمس في إذاعة أم درمان .. جاب ليهو حاجة وجعتني بالحيل .. و هي من نفس فصيلة عذارى الحي .. تعمل ليك إحتباس وجداني و تكف عنك الأذى .. إلى حين : ( عجباً يقول الناسُ أنك هاجري ) .. يعني داك قلنا بي سببو .. داير يفك فينا كلمتينو المكررات الحاشيهم بين الغنا الشبعان .. أها إنت سببك شنو ؟؟ ما تكون في شيبتك دي جابت ليها حيارى حيارى .. و نقرات في القلب و سككان الأحبة الذين يتوارون ؟؟ ياخي الأحبة كضابين .. و الصادق هو الغنا .. فاظفر بذات اللحن .. ترِبت يداك .
.... عادل يا صديقي .. يفتح عليك فتح العارفين .. و يخليك لينا تجيب .. تغلغل .
و الله كضابين يا منى .. و نحنا لينا : " من بَف نفسك يا القطار " .. نَفُحْ و نوحوح ساكت .. في دار أبو منو ؟؟
غايتو بيفشنا الغنا .. نحمد الله و نكون من الشاكرين .. و سيدنا أبو داوود ده درب براهو .. بيودرك لو ما روحك مجنحة .
أستاذتنا أمال النور ما قصّرت .. أدت الغنوة حقها و زيادة .. المشكلة فينا نحنا ديل الختمت الغنوة دي بشمع أبوداوود الأحمر في إضنينا . أما عادل فربنا يهديهو يبطل الهظار الخشن من النوع ده .. ناقصين نحنا تغوّل لا إرادي ؟؟
العمدة الزين وافليلى وافليلى البنية البتغنى دى ما امال النور ود امى دى بت عمك شيخ الدين ام سماح رشا الغنااااااااااااااية وسمحة وذوق ام علوية ياخ صحصح معانا شوية
وانت يا عادل اصبر لى كل يوم تخلينا متل البن مقليين بالحب الله يديك الفى مرادك وتخرف وسط اولادك ويسمعو الغنا دا عشان ما يموت
اها فى رواية قالو الشاعر عبد المنعم عبد الحى والله اعلم لانه روح النص بتشبهو وغنى ليهو ابوداؤود من الحان برعى ايضا الكثير شكرا رشا وبرعى محمد دفع الله وكبيرهم الذى علمهم الغناء ابوداوؤد
Quote: البنية البتغنى دى ما امال النور ود امى دى بت عمك شيخ الدين ام سماح رشا الغنااااااااااااااية وسمحة وذوق ام علوية ياخ
عليك الله ؟؟؟ أها .. أنا شِن خبّرني يا سلمى .. ؟؟ صوتا يا ربي ما قريب من صوت أمال دحين ؟؟ كان في داعي للفضيحة دي يا سلمى ؟؟ يجوا محبين رشا هسه يقطعوا لينا فوق راسنا .. إلا .. العتب على أبوداوود .. يضهب إضنيك قدر ما تسمع غناهو من زول غيرو .. و يقعد هو براهو متسلطن .
Quote: وانت يا عادل اصبر لى كل يوم تخلينا متل البن مقليين بالحب الله يديك الفى مرادك وتخرف وسط اولادك ويسمعو الغنا دا عشان ما يموت
اها فى رواية قالو الشاعر عبد المنعم عبد الحى والله اعلم لانه روح النص بتشبهو وغنى ليهو ابوداؤود من الحان برعى ايضا الكثير شكرا رشا وبرعى محمد دفع الله وكبيرهم الذى علمهم الغناء ابوداوؤد
سلمى الشيخ سلامة والله ما قايل الأغنية دي بتلم الناس السمحين ديل كلهم .. أولا بالتبادي أبشرك بكرة إنشاء الله مسافر السودان لي أمي وأولادي .. عشان ما تقولوا ( لم يقل حتى وداعا في الرحيل ) !!! تانيا هناك مقولة شائعة كما قال أخونا معتصم بأن شاعر الأغنية هو الزعيم إسماعيل الأزهري ولكنه توارى خلف آخر !!! بعدين والله كتر خيرك ( ثقفتي ) لينا الولد المطرطش ده الأسمو عماد عبد الله الماعارف رشا من آمال النور !! بيني بينك هو من جيل ناس ( أم بلينة السنوسي ) الله يديك العافية سلومى
Post: #16 Title: Re: يَا عَذارَى الحيِِّ .. رٍفْقَا بالحَيَارَى .. هَلْ رأَيْتُنَّ حَبِيبا قَدْ تَوَارَى ؟؟ Author: عماد محمود علي Date: 04-08-2008, 07:46 AM Parent: #8
Quote: و بتتجنب ناس نحنا .. ناس الغنا و الهمبتة و الدك .. أتاريك مقطعو في حشاك سنينك دي كلها و قاعدلك فوق راي ؟؟؟
بالله يا عمده هو كده .... ، الراجل أتاريهو محشور ونحن ما عارفين ، تصدق يا عمده الزول ده إنكان ما شغل ليهو شريط في السيارة ما بسوق تب وكل حفلة تلاقيهو ناطي .... غايتو يا عمده الله يديك العافية وضحت لينا حقيقة كانت غائبة عنا . أها يادوله كده تعال براحة كده ... وقول لينا الحقيقة ولو على الماسنجر . ‘ أها ما تخاف والله ما بكلم هاشم ولا بكلم أم محمد .
أها بجيك صادي ....
خربشة :
Quote: واهديها لو سمحت.. للناس الحلوه المرت فوقي دي..
عاد أصبري يا منو يعني الناس التحت ديل ما عاجبنك .. غايتو الفيك أتعرفت خلاص خوة فرتق
Quote: شكرا عادل ياذوق وفهم.. واهديها لو سمحت.. لك ولحنان ووالدتك.. والناس الحلوه المرت فوقي دي..
أختي الجميلة منى خوجلي ياسلام عليك .. وأشكرك على الهدية .. طبعا سأغادر للخرطوم غدا الخميس بإذن الله لقضاء إجازة طويلة (60) يوم وسط الأهل والأحباب يعني حأوصل هديتك لحنان والوالدة بكرة إنشاء الله !!
صباح جميل رغم التراب المعلق الذي يلف سماء الرياض هذه الأيام .. وأجمل مافي هذا الصباح هديتك الجميلة هذه لأمير الطرب وملك الابداع الراحل المقيم أبوداؤود
كده الواحد يقدر يهجم على العمل بروح منتشية بكلمات عذارى الحي ، وأياً كانت المؤدية ، فهي قد أجادت ولكن .. شن بلم القمري مع السمبر !!
وفعلاً كنت أمني النفس بأن أسمعها من سيد الغنا الصحصح (أبوداؤود) صاحبها .. ولكن هذا لا يمنع من القول بأن رشا شيخ الدين كما ذكرت العزيزة سلمى قد أبدعت فيها وأطربت بحق .
تخريمة :
أخي العمدة ، معزتي لك ،
Quote: إلا .. العتب على أبوداوود .. يضهب إضنيك قدر ما تسمع غناهو من زول غيرو .. و يقعد هو براهو متسلطن .
قلت وكفيت .. والقول ما قال عمادُ .
عادل أيها الغالي ،
لك التجلة والتقدير على هذا الاختيار الموفق ، وزيدنا كمان .. و.. (هل أنت معي )؟
عماد ود الحاج عبد الله منى بت الخليفة خوجلي سلمى بت الشيخ سلامة معتصم الطاهر ود القبائل عماد ود العمدة محمود المسكون بالجمال محمد زين الشفيع الشفيف الذواق محمد أبو العزائم أبو الريش عطووووفة الحبيبة الحنونة البتتفقد الناس الصديق الصدوق ليمو ..
عندما يكون السٌكر كلمات قطعا نتواري يا اخي ده تطريب من عالم عٌزري خالص تشكر عليها .
،،،،أبوقصى،،،،
صديقي الجميل أبو قصي من الخرطوم .. ألف تحية عذرا صديقي فقد شددت الرحال إلى أرض الوطن في إجازة تمت بسرعة غير معهودة .. وأنا الآن بين أحضان بلادي الحبيبة .. أتلمس الدروب واستبين السكك .. نعم فقد تغير كل شيئ .. هناك من يقول لك إلى الأحسن وهناك من يرمي بك في أعماق سحيقة .. وإلى أن ( نفهم الحاصل ) سأفرد رأي الشخصي ... لك التحية مجددا أبا قصي
Quote: و الله يا ود جبارة حكايتك حكاية .. زمن الخرطوم الجديدة ما كنا بنعرف ليك شي غير القراية و الشطارة .. و عامل فيها لذيذ كده و بتتجنب ناس نحنا .. ناس الغنا و الهمبتة و الدك .. أتاريك مقطعو في حشاك سنينك دي كلها و قاعدلك فوق راي ؟؟؟ و كمان أبوداوود يا مفتري .. ؟؟
عماد عبد الله يا خوي الحمد لله براك جيت واعترفت أنو دربي ماكان دربك !!! ما كنت عارف إنو أبو داؤود ورشا ديل بيخلوك تقول الحقيقة كده ياخي !! بمناسبة كاتم ومقطعوا في حشاك دي .. طبعا في أقاويل بإنو شاعر الأغنية دي هو الزعيم إسماعيل الأزهري ولكنه توارى خلف شاعر آخر عمدا .. شفت الناس بتتقطع كيف ؟؟؟
. ‘ أها ما تخاف والله ما بكلم هاشم ولا بكلم أم محمد 
.
