Post: #1
Title: هل تؤجل مباراة المريخ اليوم ؟
Author: عمر الفاروق
Date: 04-06-2008, 07:16 AM
والسبب بي كل بساطة قالوا إنو فريق ريون الرواندي لحدي أسة ما وصل رواندا ..
من بعد نهاية المباراة مع المريخ ناس ريون ركبوا البص عشان يرجعوا رواندا لأنو ما عندهم حق التزاكر ..
الفريق قال يشاقق بي طريق النيل الأبيض لحدي ما يصل رواندا..
شهود عيان شاهدوا فريق ريون في الجبلين بينما أكد اخرون إنو في الرجّاف ..
جبل اولياء حبيبي غشا ..
حصل للقطينة عشا ..
يا قلبي الطفش وفشا ..
الخبر الغريب إنو أحد الصحفيين قال شاهد ناس فريق ريون وهم في محطة الإسكلا وأفاده أحد أعضاء شرف النادي إنو الترحيل البحري أرخص من البري وذكر بأنه كان في السودان في ستينيات القرن الماضي ولن ينسى تلك الرحلة التي كان فيها عندما كتب الشاعر أغنية من الأسكلا وحلّ ..
وفعلاً بالله من ما وصلت الباخرة ولاعبي الريون قاموا إتجاروا وكبسيبة ودفسيبة ..
وسافر ودّع الوابور ..
حاجزين قمرة إتنين دوور..
عموماً الخبر المؤكد إنو فريق المريخ وصل قبل فريق الريون لي رواندا ...
فهل تقام المباراة في موعدها اليوم أم تؤجل حتى وصول فريق الريون أم يطلب الإتحاد الإفريقي من قوقل إيرث تحديد موقع فريق الريون حالياً وإرسال المريخ للتباري معه في المكان الموجود فيه ..
معقولة بس
تخريمة :
أفزعونا بي أغنية من الإسكلا
|
Post: #2
Title: Re: هل تؤجل مباراة المريخ اليوم ؟
Author: على محمد على بشير
Date: 04-06-2008, 07:23 AM
Parent: #1
عمر الفاروق
وجه السعد والفال الطيب
ياخ انا بقيت اتفاءل بيك لمن يكون المريخ عندو مباراه
وتجى انتا تكتب عن المباراه
وقتها بتكون نتيجة هذه المباراه فى الجيب الصغير
كمل كمل ياعمر
|
Post: #3
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 07:45 AM
Parent: #1
يا ابو علوة :
انا والله بقيت زاتي بحب اجيب ليكم الفال الحسن عشان ما ظريفة نكون برانا في البطولات دي..
وكورة الليلة دي ما محتاجة لي لأنها محسومة من الخرطوم ..
بس عليك الله ناس ريون ديل بعد تخلص الكورة واجبوهم وختو ليهم في الكشف ..
|
Post: #4
Title: Re: هل تؤجل مباراة المريخ اليوم ؟
Author: gamal elsadig
Date: 04-06-2008, 07:46 AM
Parent: #1
.
| Quote: هل تؤجل مباراة المريخ اليوم ؟ |
تؤجل ...بسبب انو (احاسيس) عمر الفاروق (ملبدة) بالغيوم والسحاب
ومن يوم ناس عجبكو وطمبلكو (ضربوا) كل القواعد ...خلو احاسيس ومشاعر
الراجل غير مستقرة وخارج التغطية...
فاروق نسيت اقول ليك .مبرووووووووووووووووك (التعادل) .....
لكن في سؤال :
(حفــياني) لبس ..لا اقصد (سخـــن) ..معليش اقصد لعب امبارح ؟؟
على فكرة هنالك وجه شبه كبير بين ريون الرواندي والهلال ..غير الشعار
الواحد هنالك (الفلس) المشترك
.
|
Post: #5
Title: Re: هل تؤجل مباراة المريخ اليوم ؟
Author: abuguta
Date: 04-06-2008, 08:04 AM
Parent: #4
طيب
بما انو بعثة الهلال قد سافت بطائرة خاصة كان من المفترض ان تقدم الناس ديل معاهم شوية الى زامبيا وبعدها الشقة بتكون قريبة ليهم,,قالو زولك صلاح ادريس مجدع فى الاولى براه عشان قالو عندو ملاريا
سمحة المقدرة,,,,يحى لى احد سبابة المنطقة ان التور لما يقدموه للذبح فى مسلح غناوة سعرو يساوى 9 مليون جنية سودانى,,
سمحة المقدرة,,,طيب ناس المريخ ما يشيلوهم ويغلبوهم,,,ما دام الحكاية خسارة فى خسارة
احسن خسارة القروش,,,
عمر الفاروق صحى احمد عادل البكرى دا نيجيرى
قالو عمو الشريف البكرى ,,حاكم ولاية كانو
الرجل الراس مالى الذى غنت له ندى القلعة...وقد هاجرت اسرته من عهدالتركية واستقرت
فى ديم نصر ومنها الديوم الشريقة ,,,فاصبح حفيد الاسرة لاعب لا يشق له غبار
عشان كدا زولكم طلع نيجيرىىىىىىىىىىىىىىى
والكلام على زمة بوست قودون الفلاتى
ولقدام...حتى تعمر الحلقة
|
Post: #6
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 08:09 AM
Parent: #4
أوووووو جيمي شهريار برياني نخشبور :
ياخ اول حاجة ما تبارك لينا نحن التعادل بارك للإخوة الزامبيين بالمنبر
لأنو هم اللي تعادلو ما نحن ..
وبعدين ياخ انا شايف زي موضوع احمد عادل ده تاعبكم شوية وكده ..
يقولوا ليك القون جابوا احمد عادل تقول لي إيفياني لعب ولا ما لعب ؟
الود بقا طوااااااالي بيبصّر وبصرتو مضمونة محلي وخارجي ..
سجلتو ليكم طفشطاشر لاعب كلهم كان ربطهم مع بعض ما بيجبو كراع احمد عادل..
وبلة يا بلة ويييييييينو بلة ..
شات الكفر جل ..ويييييييينو بلة ..
بالمناسبة أها بقيتو على حارس واحد ولا لسة في مرحلة التجريب؟
ياخ إيه رايك تلعبوهم كلهم الليلة واحد يكون مسئول من الزاوية اليمين والتاني من الزاوية الشمال والتالت في النص وكمان كان لقيتو ليكم واحد للعكسيات تكونوا ما قصرتو ..
ااااااااااااااخ نسيت قلق ما لاعب كان حا يحلّها ليكم ..
ياخ بي مناسبة الفلس اخبار (نفرتيتي) شنو ؟
عفواً قصدي المساهمة في بناء النادي ؟
بس إن شاء الله شلت كرسيك وديتو؟
بس اعمل حسابك كلم ناس البيت تقوم تلفح ليك كرسي من كراسي الصالون
|
Post: #7
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 08:19 AM
Parent: #1
يا ابقوتة :
| Quote: عمر الفاروق صحى احمد عادل البكرى دا نيجيرى |
هو من أصل جركسي تركي ..
هاجر جده من الى الحبشة خوفاً من الكفار ..
وحبوبته لأمه من أصل اغريقي نشأت في اليونان ..
تزوجها إفريقي كان يعمل عبداً لأحد الأغاريق واعطاه حريته بعد أن ارجع كيساً من الذهب وجده في الروّاق
وهذا سبب هجرتهم لنيجيريا ..
بدأ احمد عادل ممارسة الكرة منذ نعومة أظافره وإن كان مهتماً في البداية ببيع القدوقدو والأقاشي في كوارا ..
|
Post: #8
Title: Re: هل تؤجل مباراة المريخ اليوم ؟
Author: اساسي
Date: 04-06-2008, 08:33 AM
Parent: #7
تصدق الايامات دي بقيت اتكيف لي كتاباتك
|
Post: #9
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 08:39 AM
Parent: #1
اساسي:
| Quote: تصدق الايامات دي بقيت اتكيف لي كتاباتك |
قول بسم الله ..بسم الله ..بسم الله ..
مالك يا زول ؟ مهبووووووش؟
دي عين بس أصابتك والله أو عمل معمول ليك ومجدوع في البحر
تخريمة :
مااااا بكضب عليك ما مرتاح لي حكاية تكييفك دي
|
Post: #10
Title: Re: هل تؤجل مباراة المريخ اليوم ؟
Author: اساسي
Date: 04-06-2008, 08:44 AM
Parent: #9
| Quote: ما مرتاح لي حكاية تكييفك دي |
لا ما تخاف ما جاي الرياض يا حاج كلف
|
Post: #11
Title: Re: هل تؤجل مباراة المريخ اليوم ؟
Author: abuguta
Date: 04-06-2008, 08:55 AM
Parent: #10
| Quote: لا ما تخاف ما جاي الرياض يا حاج كلف |
ههههههها ههههههها ههههههها
جرست الرجال
|
Post: #12
Title: Re: هل تؤجل مباراة المريخ اليوم ؟
Author: abuguta
Date: 04-06-2008, 08:55 AM
Parent: #10
| Quote: لا ما تخاف ما جاي الرياض يا حاج كلف |
ههههههها ههههههها ههههههها
جرست الرجال
|
Post: #13
Title: Re: هل تؤجل مباراة المريخ اليوم ؟
Author: اساسي
Date: 04-06-2008, 08:57 AM
Parent: #12
Quote: ههههههها ههههههها ههههههها
جرست الرجال |
الغريبة لما اجي الرياض الرجال بتفسح ويبر نفسه بي اسكريم
|
Post: #14
Title: Re: هل تؤجل مباراة المريخ اليوم ؟
Author: طارق عبد اللطيف نقد
Date: 04-06-2008, 09:11 AM
Parent: #1
| Quote: بس عليك الله ناس ريون ديل بعد تخلص الكورة واجبوهم وختو ليهم في الكشف .. |
تعرف يا عمك
في اجتماعنا الاخير مع حسن عبدالسلام(الصاقعة)
طبعا كان عازمه مصطفى شحرفان
قال نحن مفكرين في دعم زريبة العيش
عشان موضوع الحمامات والمرافق 0000وكده
|
Post: #15
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 09:30 AM
Parent: #1
طارق نقد :
Quote: قال نحن مفكرين في دعم زريبة العيش
عشان موضوع الحمامات والمرافق 0000وكده |
هااااااااانت الزلابية ..
يا اخوي إستاد المريخ يادوب الواحد بقا يشم فيهو ريحة طبيعية بعد سفر إيفوسا ..
زمان الصنانة ما تديك الدرب
تخريمة :
يا معفنين ما كلمتوني اخش معاكم كورة النصر والهلال لييييه ..
ومبرووووووك علينا الكأس ..
واحد هلالي سعودي قال الجاب القون ماجد عبد الله ..
|
Post: #16
Title: Re: هل تؤجل مباراة المريخ اليوم ؟
Author: حمزاوي
Date: 04-06-2008, 10:02 AM
Parent: #1
ود الفاروق
مسكاقمي
يروى ( والعهدة على الراوي ) أن فريق ريون الراوندي حضر ذات مرة لام درمان لملاقاة فريق الهلال الامدرماني فانتصر عليهم الفريق الامدرماني بهدف يتيم من قدم الراحل والي الدين فعاد فريق ريون الي رواندا سيراً على الاقدام ( هنا قيل هنا بيت هنا صبح ) والمواطنين ما قصروا معاهم كانوا بيقدموا ليهم الطعام ( وكل الطعام كان حلا لبني راوند ) فأستبقهم الهلال الامدرماني بطائرة خاصة للقاء الرد ( والجماعة وصلوا كداري ) ماكانوا يأخدونهم معاهم ولكن بس لمن صفر الحكم وبدت المباراة وعينك ما تشوف الا النور اعطوهم بالاربعة ون تو ثري فور ( طبعاً رئيس نادي ريون قال نجي عايدين كداري ولا زاحفين اهو نحن الفائزين ) وقال ليهم كمان ( تاني تجوا المحلة دي )
قال اسكلا قال
ديسكو الزامبي
|
Post: #17
Title: Re: هل تؤجل مباراة المريخ اليوم ؟
Author: عامر تيتاوى
Date: 04-06-2008, 10:22 AM
Parent: #16
عمر الفاروق
بتبالغ ياخ جننت الكفر جن
شنو ماشى بتضقل براك
تقول فايز نصر الدين فى الكنترول بول
ده ماتبع ناس ايفوسا وابالو وباولينو
شنو الحكاية ياجماعة مع القطن التشادى
يجيكم المدرب بموتر الفيسباوهسى
شنو شيرنج
|
Post: #18
Title: Re: هل تؤجل مباراة المريخ اليوم ؟
Author: طلحة عبدالله
Date: 04-06-2008, 10:27 AM
Parent: #1
قلت لي كيف يا ابو عمير اخوي .. 
|
Post: #19
Title: Re: هل تؤجل مباراة المريخ اليوم ؟
Author: عمر الفاروق
Date: 04-06-2008, 10:56 AM
Parent: #1
يا تيتو :
الفوق ديل كان بينفع معاهم المدرب البولندي وازاريك
أما ديل فبينفع معاهم مدرب دينموز هراري
والله يا تيتاوي بقا يتلخبت علينا الإختساس وبقينا ما عارفين ده إستاد ولا أدبخانة ..
كمان ما تقول حفرة
|
|