Post: #1
Title: تشبيهات المجانين .... وأبعادها الثلاثية ... (3D).
Author: الرشيد البصيلى
Date: 04-05-2008, 05:07 PM
Parent: #0
ــــــــ ثقافة مجتمعية ـــــــــ
المجانين ... السطلنجية ... الهُبل .. الشُتر ... أحيانا يتصرفون تصرفا غير مفهوما لنا ... والسبب اننا نرى الأشياء من بعدين ... اما المجنون فله بعد آخر ثالث قد يكون شيطانا بجانبه يملى عليه بعد التصرفات بعد ان تملكه .... أو زول سيجارة خضراء ... غاب عقله ...فاصبح العقل يبث المعلومات بصورة غير منتظمة فيخرج (المدكّن) المدسوس ويكون فى غير مكانه ... وان تقاربت بين الموضوع والمعلومة المخرجة بعض القرائن.
ومع إنى الحمد لله معافى .... لكن احيانا أجد مثلا عربية (سيارة ) بتشبه ليها زول وأحيانا حمار فيه بعض ملاح شخص معين وأحيانا عنزاية ... وحتى كلب . ولما لا مادام الناس بتقول فلانة متل الصيدة ، والبنيّة دى متل الكديسة ... وفلان جانا هايج متل التور .... كل ذلك لوجود القرائن ... التى تجعل الجزار يطلق على الحنكوشة التى تمر من امام منزله بالكريسيدا .... ويقول لصاحبو يا زول الليلة الصباح ما شفت الكريسيدا ... فاذا صاحبو ما مصحصح وسطلنجى (حيكسر ليهو الدش فى يدّو) و يقول ليهو ياخى الضاربا لستك جنب الظلط دى ماها نافعا .. ويكون اى واحد فيهم فهمو ماشى فى اتجاه .... وأحيانا الدفّار ... أيضا لها معناها ... والبقرة ... وأبو جلمبو .....
وسنواصل ....
|
Post: #2
Title: Re: تشبيهات المجانين .... وأبعادها الثلاثية ... (3D).
Author: SAMIR IBRAHIM
Date: 04-05-2008, 05:10 PM
دي يا ربي جبنة البقرة الضاحكة .......
|
Post: #3
Title: Re: تشبيهات المجانين .... وأبعادها الثلاثية ... (3D).
Author: الرشيد البصيلى
Date: 04-05-2008, 05:15 PM
Parent: #2
| Quote: دي يا ربي جبنة البقرة الضاحكة ....... |
النتيجة رسوب
....... الإجابة : جنون البقر
|
Post: #4
Title: Re: تشبيهات المجانين .... وأبعادها الثلاثية ... (3D).
Author: الرشيد البصيلى
Date: 04-05-2008, 05:28 PM
Parent: #3
مرة حكى لى صديق بان قريبه رجل كبير وكان نائما داخل الصالون ... سمع صوت عربة لورى فقام وهلّل وكبّر مناديا .. بأن هذه العربة هى عربة فلان الفلانى وأصر على انها هى وهو لم يخرج من الصالون ...فلما سألوه عن اصراره قال ان " صوت اللورى باااااااااااااااارد التقول شاحن بن" سبحان الله ، عارفين له الزول دا قال كدا؟ لانو صاحبو كان مخصص اللورى فقط لنقل البن ما بين السودان وافريقيا الوسطى ..
تخيّلو !!!!
.... جريو صغير شايل ليهو (طعّامة) ملاحة (مصنوعة من البلاستيك للملح والشطة ) ، أها الجريو شايلا ...ويشيل وينبح كلما اقترب منو زول... خايف يشيلا منو ...ويعضعض فيها ... مسكين....!!! قايلا عضم!!!!
|
|