ترزية الدين الجديد........

اتشرّ في جوف الضلام..

البس عراك من غير هدوم..

اصدق كضب..

واضبح مع القمرة النجوم..

حلِل حرام..

اسفك دموم..

وارجى الصباح...

تشرق شمس..

في الضو تحوم..

لف توبك المليان قدود..

وحبة كلام بتلتقك..

"الله نور"

"استغفروا"

"الحمدُ ليك"

"التوبة يا خلق الله هوووووي"

"سبحانك اللهم دوم"

ما قلنا ليك..

حبة كلام بترقعك..

شيل ابرة الايمان وحيك..

البس حجاب..

غتغت وشيك..

خلي القلوب..

تتشابى ليك..

وتضرب مثل..

في التقوى بيك..

ترزية الدين الجديد..

ما بنقدرك يا دنيا..

ما دام ديلَ فيك.......

بالجد كدة

تسلمي سليكة

Quote: بالجد كدة تسلمي سليكة

تسلم انت ابوي انا من كل شرور ابليس اللعين

Quote: ما دام ديلَ فيك.......

ما بنقدرك يا دينا.

Quote: ما بنقدرك يا دينا.

انا زاااااتي ما بقدرا دينا دي

Quote: حلِل حرام.. اسفك دموم.. وارجى الصباح... تشرق شمس..

روعة يا رشا روعة.


دينق.

Quote: روعة يا رشا روعة. دينق.

روعة مرورك يا دينق


كل الود.

معاك يا رشا

Quote: معاك يا رشا

"الذين يشترون بايات الله ثمنا قليلا فما ربحت تجارتهم وما كانوا مهتدين"

وكلنا مع الله يا شيقوق.. بس من غير رفع شعارات عشان نستر بيها عوراتنا.

كل الود

Quote: تشرّ في جوف الضلام.. البس عراك من غير هدوم.. اصدق كضب.. واضبح مع القمرة النجوم..

الله عليك يا رشا ياعسل عجبتني الأبيات الفوق دي بشدة
القصيدة عموماً جميلة ومضمونة واضح وصريح

ما قلت ليك انتي ................ ولا خلاس خليك علي كده احسن
طيب عشان الشمار ما يتكلك ما قلت ليك انتي مبدعة

Quote: الله عليك يا رشا ياعسل عجبتني الأبيات الفوق دي بشدة القصيدة عموماً جميلة ومضمونة واضح وصريح ما قلت ليك انتي ................ ولا خلاس خليك علي كده احسن طيب عشان الشمار ما يتكلك ما قلت ليك انتي مبدعة

وانا ما قلت ليك انك ........ ولا خلاص خليك علي كدا احسن
طيب عشان الشمار يكتلك ماااااا بقول ليك



تسلم يا هاشم ومافي ابداع بيضاهي ابداعك..

كل الود

ـــــــــ

Quote: "الله نور"

صدقتي يارشا..

Quote: "استغفروا" "الحمدُ ليك" "التوبة يا خلق الله هوووووي" "سبحانك اللهم دوم"

دعوة جميله منك ..اتمني تجد القبول
والاذان الصاغية



إنت كويسه ان شاء الله
تحياتي

0

جميل .. جميل .. جميل .. جميل ..

Quote: جميل .. جميل .. جميل .. جميل ..

عاد انت بالذات يا رأفت تجيني راجع هنا دا وتقول لي رشا زااااتا شرط زي دينا


تسلم يا رافت..

كل الود

Quote: روعة يا رشا روعة. دينق.

Quote: جميل .. جميل .. جميل .. جميل ..

دينق ورأفت انتو ملاحظين انو رشا ما حددت ياتو دين التاجروا بيهو دا


لو قالت ليكم دا ما الدين الاسلامي حا تسحبوا الاطراء الفوق دا

Quote: دينق ورأفت انتو ملاحظين انو رشا ما حددت ياتو دين التاجروا بيهو دا لو قالت ليكم دا ما الدين الاسلامي حا تسحبوا الاطراء الفوق دا

لا للاتجار بالدين ايا كان..

صكوك الغفران شاهدٌ على العصر يا معاوية...

بمعنى ليس سعدٌ بخير من اخيه.. وبالمصري كدا لا تعايرني ولا اعايرك دا الهم طايلني وطايلك..

Quote: لا للاتجار بالدين ايا كان..

عفيت منك


لكن البيقنع المساكين الفوق ديل منو ؟؟؟




ولا هناك مافي تجار

Quote: .

وهنا امن وهنا شرطة

Quote: دعوة جميله منك ..اتمني تجد القبول والاذان الصاغية إنت كويسه ان شاء الله تحياتي

الدعوة الجميلة دي لو كانت صادقة ومن القلب يا عمدة مافي احلى منها..

بس ما تكون قشرة تلميع والجوة وسخان.. حمانا الله واياكم




انا تمام الحمد لله..

جكسويتك كيف؟

يا رشا يا كحيل

قصيدة في الصميم

تسلمي


من

شر

Quote: يا رشا يا كحيل قصيدة في الصميم تسلمي من شر

يا احمد يا حنين..

الموضوع عشان اذانا في الصميم برضو والله

كل الود

Quote: ترزية الدين الجديد........

بالله فى دين جديد ونحن ما عارفين ؟؟؟؟؟؟

Quote: بالله فى دين جديد ونحن ما عارفين ؟؟؟؟؟؟

ايوا يا قرشو

الدين الجديد البتفصل على حسب الحاجة..

الناس البترفعو شعارات وتحوم بيو وهو منها براء..

ناس استغفروا الله والتقوى والورع وسبحان الله وهم اسوأ من مشى على هذه البسيطة..

دا الدين الجديد.. الما عارفين زاتو حسابو يكون كيف؟؟ من جهة سمعنا اذا رأيتم الرجل يرتاد المساجد فاشهدوا له بالايمان.. ومن جهة رأينا من كانوا يرتادون المساجد يكذبون ويقتلون ويهتكون العروض..

من جهة سمعنا من خدعكم باسم الدين فانخدعوا له.. ومن جهة عزت علينا نفوسنا الطاهرة ان تشهد نفوسا خبيثة وهي تتمثل في هيئة ملائكة بأجنحة من ايات او عبارات دينية ذيلتها كتواقيع لترقع ثيابها المقدودة من قُبُل.

Quote: ترزية الدين الجديد

Modern Credit Tailors

Quote: Modern Credit Tailors

لا وانت الصادق

New Religion Tailors

Quote: ايوا يا قرشو الدين الجديد البتفصل على حسب الحاجة.. الناس البترفعو شعارات وتحوم بيو وهو منها براء.. ناس استغفروا الله والتقوى والورع وسبحان الله وهم اسوأ من مشى على هذه البسيطة.. دا الدين الجديد.. الما عارفين زاتو حسابو يكون كيف؟؟ من جهة سمعنا اذا رأيتم الرجل يرتاد المساجد فاشهدوا له بالايمان.. ومن جهة رأينا من كانوا يرتادون المساجد يكذبون ويقتلون ويهتكون العروض.. من جهة سمعنا من خدعكم باسم الدين فانخدعوا له.. ومن جهة عزت علينا نفوسنا الطاهرة ان تشهد نفوسا خبيثة وهي تتمثل في هيئة ملائكة بأجنحة من ايات او عبارات دينية ذيلتها كتواقيع لترقع ثيابها المقدودة من قُبُل.

ليس هنالك دين جديد ولا يحزنون بل هنالك بعض المغفلين ...
هنالك آفاقون محتالون باسم الدين وقد يكونوا هم الجدد ولكن الدين يبقى كما هو قديم قديم
اما الجدد فهم الذين لبسوا مسوح الدين وهذا ايضا ليس بالجديد فقد تم تحذيرنا منذ ان كنا فى الابتدائية عبر المنهج القديم بقول الشاعر :

برز الثعلب يوما ... فى ثياب الواعظينا
ومشى فى الارض يهذى ... ويسب الماكرينا
ويقول الحمد لله اله العالمينا
ياعباد الله توبوا ... فهو ...التائبينا
واطلبوا الديك يؤذن ... لصلاه الصبح فينا
عرض الامر عليه ... وهو يرجوا ان يلينا
فأجاب الديك عذرا ..يااضل المفسدينا
من ذوى التيجان ممن ... دخل البطن اللعينا
انهم قالوا وخير القول ....قول العارفينا
مخطىء من ظن يوما ... ان للثعلب دينا

فنحن لم نصدق يوما ان للثعلب دينا وقد كشفنا الامر منذ البداية وما زلنا لا نصدق الكثير من الامور الحادثة من اختلاف بين الثعالب ومن الكثير المثير ...
انهم ثعالب جدد ولكننا نعرف الثعلب من بيانه الاول ولعله غير خفى ولكنه منسى ان من يريد وجه الله فهو لا يريد الدنيا ولا يسعى وراء الغنى وجمع الثروات والسلطات فالعارف التقى ينبغى ان يكون زاهدا فى كل شىء فى الدنيا وان يتجرد منها ولذا لم نصدق يوما اى من الثعالب الحاكمة او المعارضة وارجو ان يعود الناس لدينهم ليعرفوا اولئك على حقيقتهم ولا ينخدعوا اما من ينخدع فهو فى جهله يعمه والافضل له ان يعود لمعرفة دينه قبل ان يضحك عليه احدهم باسمه وهذا ما يسمى بعظات التاريخ ويجب علينا دوما ان نعود لنقرأ التاريخ ونعرف ماذا نواجه وان نعرف ديننا لكى لا نصدق كل من يقول لنا الله أكبر ولله الحمد فنحن نعرف ان الله اكبر قبلهم حضورهم للسلطة ولا نحتاج من يذكرنا لها لاننا نكررها خمس مرات فى اليوم والليلة ...

Quote: ليس هنالك دين جديد ولا يحزنون بل هنالك بعض المغفلين ... هنالك آفاقون محتالون باسم الدين وقد يكونوا هم الجدد ولكن الدين يبقى كما هو قديم قديم اما الجدد فهم الذين لبسوا مسوح الدين وهذا ايضا ليس بالجديد فقد تم تحذيرنا منذ ان كنا فى الابتدائية عبر المنهج القديم

المشكلة انو زمان الثعلب بيكون واااضح ومفروز يا قرشو.. لكن هسي تشابه علينا البقر..

وبقت الفكرة في العباية المفصلة الجاهزة الكل زول بيخش تحتها دي.

وخليها علي الله غايتو..

تحياتي يا قرشو...

ماب نقدر نسوى زيك يا رشا.

Quote: ماب نقدر نسوى زيك يا رشا.

يا ريت رشا تقدر تسوي زيكم يا عادل..


كل الود والتقدير ,,,

انا ما عارف مع نيران الكوانين ديك
بتجيبي الكلام السمح دة من وين





محبتي الاكيدة

Quote: انا ما عارف مع نيران الكوانين ديك بتجيبي الكلام السمح دة من وين محبتي الاكيدة

دي دايرة ليها ذكاء بالله يا طارق؟

موش قال ليك مافيش حلاوة من غير نار وكدا

Quote: دينق ورأفت انتو ملاحظين انو رشا ما حددت ياتو دين التاجروا بيهو دا لو قالت ليكم دا ما الدين الاسلامي حا تسحبوا الاطراء الفوق دا

يا معاوية هو المقصود هنا مادين .. المقصود هنا ناس معروفين ما بتلخبتوا فى المهنة .. أوع بس تكون سايق ليبرالية مركب لها جبهة زى ناس الأمة .. لكن الـ

Quote: جميل .. جميل .. جميل .. جميل ..

كلام رشا .. باين ما قريتو كويس .. وما حسيت الطرب والفن الفيهو .. بس نطيت للكفار .. الكلام جاب هاشم أحمد خلف الله زااتو .. ولا أوع هو زاتو يكون ..

يا رشا

Quote: عاد انت بالذات يا رأفت تجيني راجع هنا دا وتقول لي رشا زااااتا شرط زي دينا

مادى المشكلة زاتا قعدتى إنتى وخفستى لينا دينا .. وما عرفنا نتكسر وين

Quote: مادى المشكلة زاتا قعدتى إنتى وخفستى لينا دينا .. وما عرفنا نتكسر وين

اتكسر في القاعدة يااااخ,, اللهم الا كان قررت تخفس

Quote: مادى المشكلة زاتا قعدتى إنتى وخفستى لينا دينا .. وما عرفنا نتكسر وين

توقيعاتكم لعودة دينا

رابطة مكسري دينا ترحب بأحدث عضو
مرحب بيك رافت يا عمك

Quote: أوع بس تكون سايق ليبرالية مركب لها جبهة زى ناس الأمة

لا ياخ انا حركه شعبيه مركب مكنه قبطيه مستعمله

Quote: هو المقصود هنا مادين

المقصود تجار قضايا عموما ...المقصود ترزيه النفاق الجدد

Quote: المقصود تجار قضايا عموما ...المقصود ترزيه النفاق الجدد

يا معاوية عمم زى ما عاوز .. بالنسبة لى فقط الجبهجية هم تجار الدين .. كان فى نوع من الترزية الجدد بكونوا إفتراع منهم .. يعنى هم الأصل فى المهنة

Quote: لا ياخ انا حركه شعبيه مركب مكنه قبطيه مستعمله

وبذكرك للأقباط .. وتأكيدآ لكلامى .. تعرف القس فلساوس فرج .. الأقباط بسموهوا شنو؟ .. بسموهوا أبونا الجبهجى .. لأنو من إفتراعاتم وفى كمان برضو جنوبيين .. أها أنت مكنتك كيف

معاوية حسين.

عبارة التجارة بالدين معروفة ومتداولة بين جميع أفراد الشعب السوداني الذين يقفون ضد سياسات الاخوان المسلمين في السودان فما هو الجديد في ذلك؟

محاولتك الى الاستفراد برأفت ميلاد ودينق لأنهم مسيحين محاولة رخيصة وحيلة قديمة. حاول أن تجتهد أكتر المرة القادمة. وهاك الهتافات دي هدية مني:

لا مربى ولا ساردين، ولا تجارة بأسم الدين.


دينق.

Quote: مخطىء من ظن يوما ... ان للثعلب دينا

سلام رشا

Quote: الاخوان المسلمين في السودان

ما اختلفنا يا دينق ... لكن انت الان شريك التجار ديل






ولا ما قاعدين تاخدوا ارباح