Post: #1 Title: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 01:41 AM
عالم ما تخاف الله لا في البلد ولا وفي اطفال البلد ولا في مرضي البلد .. ولا في شيوخ البلد .. قالوا نديها بالشلوت واانعل ابوها بلد ... يخوانا اين المفر ... ان كان حاميها حراميها .... والمبلغ ده كم دولار يخوانا ؟؟؟؟؟؟
المصدر الصحافة السودانية .............. تسعى لاسترداد عقيد هارب عبر الإنتربول الداخلية تحقق في تجاوزات بملياري جنيه
الخرطوم ـ نهى عمر الشيخ
تحقق وزارة الداخلية في تجاوزات مالية وصلت الى نحو مليارى جنيه من جانب اثنين من منسوبيها ينتميان الى الجهات الادارية بالشرطة. وعلمت «الصحافة» من مصادر ذات صلة ان الوزارة حركت اجراءاتها ضد ضابطين برتبة عقيد، وطالبت باسترداد احدهما بواسطة الشرطة الدولية «الانتربول» نسبة لهروبه الى احدى الدول الافريقية المجاورة بعد بدء اجراءات التحري معه في اعقاب اتهامه باختلاس مبالغ مالية وصلت الى نحو مليار جنيه، بينما تجري التحقيقات حاليا مع الآخر بشأن تجاوزات قدرها مليار ايضا استخرجت
Post: #2 Title: Re: حاميها حراميها ... وانعل ابوك بلد .... Author: بكري الصايغ Date: 04-05-2008, 03:08 AM Parent: #1
الـحـبيـب الـحـبوب، ابـو سـمـرة السـكرة،
عـبـود لـما غـرق حـلفا بـ15 مـليون دولار سـبينا له وقلنا ( يـهـرق تيـنك ياابـود!!)
اهـا.... العـقيـد ده نـجـيب له شـتيـمه كبيـره مـن ويـن، مـاعـبود اخـد الكبيـرة!!?.
Post: #5 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 11:20 AM Parent: #2
Quote: اهـا.... العـقيـد ده نـجـيب له شـتيـمه كبيـره مـن ويـن، مـاعـبود اخـد الكبيـرة!!?.
استاذنا الفاضل بكري الصائغ
الله يكفينا شر الشتيمه لكن الناس ديل ما خلوا حاجه ه لا الكادحين ولا للصابرين ولا للنشالين ولا للعاطلين ولا للمحتاجين .. ولو كم عقيد كل واحد بليون وكم رائد كل واحد نص بليون وكل شاويش مليون وكل عاطل الف الفين البلد الباقي فيها شنو ؟؟؟؟؟؟ يا ربي ديل قريشات البترول اتنشلن عينك يا تاجر ؟؟؟؟؟؟؟؟ وحال الناس في زي حال المسكين الفي المسرحيه ده لو سرق ليهو كرت كوتشينه حا يحكموا عليهو بالموت ....
اخوي بكري ..
الناس ديل ناسيين الموت وناسيين يوم لا ينفع مال ولا بنون .. وناسيين سؤال نكير .. وناسيين ود الاحد ... وناسيين اخرتها قطن وكفن وحتي العنقريب ما بيدفنوه معاهم ..
ونحنا المواطن السوداني لا نملك الا الدعوات للبلد وقول يالطيف الطف بي سودانا ..
Post: #3 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 03:14 AM Parent: #1
Post: #4 Title: Re: حاميها حراميها ... وانعل ابوك بلد .... Author: فارس موسى Date: 04-05-2008, 04:28 AM Parent: #1
سامر التحايا
طيب هسه العقيد دا ماذى حرامى الحرفاء ديل !!
مسكين طالعلو بفرد مليار!!
صدقنى بسيط مع اللفحى السمعنا بيهو ،عادى ذى الزبادى !
يا سامر يا حبيب سعوال :
أين رئيسه حتى بلغ المبلغ هذا المبلغ الخرافى ؟
اجاوب ليك ولا عارف الإجابه؟
Post: #6 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 11:30 AM Parent: #4
Quote: أين رئيسه حتى بلغ المبلغ هذا المبلغ الخرافى ؟
اجاوب ليك ولا عارف الإجابه؟
الاخ فارس تحياتي
يا حبيب جاوب لي اصلو نحن لينا من السودان اكثر من خمستاشر سنه وزيارتين كانن اسرع من زيارات بوش للسودان لمن كان وزير خارجيه ..
انا يخيل لي الرؤساء ديل قالوا للناس دي حلقات ذكر لكنها في الاصل حفلات دق ظاااار وريح احمر ودساتير ...
والله يكون في عون البلد .. اخبار عجيبه ... الحامي حرامي واغتصابات في الحرم الدراسي .. ووداعيات بقن يتحكمن في قرارات مصيريه ... والمواطن المسكين حتي شبط تموت تخلي بقي بالنسبه ليهو حلم !!!!
Post: #7 Title: Re: حاميها حراميها ... وانعل ابوك بلد .... Author: Fadl Karrar Date: 04-05-2008, 11:41 AM Parent: #6
Quote: وانعل ابوك بلد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #9 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 05:07 PM Parent: #7
اخوي ود كرار انت علامات استفهام ... وانا علامات تعجب .... واستذنا ود الصائغ كورك لمن حلقو انقرش وقال ليهم حتي مااالطه اصبحت الناس تسمع الآذان ...
لكن الادوها بالشلوت ديل وهربوا بالمليارات نقول فيهم شنو ؟؟؟؟؟ وغايتو الدوله الافريقيه دي لو كانت تشاد .. القريشات راحن في خبر كان ...اصلو الفلاتيات عروق محبتهن قويه ....
Post: #17 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:02 AM Parent: #10
Quote: سامر الجاتك فى مالك سامحتك ااخوى
الاخ المر ..
بالنسبه ..انت تريد وانا اريد والله يفعل ما يريد ...
والقريشات هينات ووسخ دنيا بس الله يستر علي العفش !!!!
Post: #12 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-05-2008, 11:33 PM Parent: #8
استاذنا الفاضل بكري ...
هو لو البشير كان عارف حاجه كان دخل ابنو بالتبني مجموعة مدارس لمن حققوا فيها لقوها مفتوحه بترخيص روضة اطفال !!!
وهوان في هوان .... حاميها ينهب بالبلايين ومستشفي الكلي شغال بي جهاز واحد وفي قلب مستشفي امدرمان توجد يوجد عنبر كل اربعة في عنقريب ... وغرفه يوم الاقامه بستين دولار امريكي ...
Post: #11 Title: Re: حاميها حراميها ... وانعل ابوك بلد .... Author: Nasr Date: 04-05-2008, 05:22 PM Parent: #1
أين رئيسه حتي بلغ هذا المبلغ الخرافي؟؟؟؟؟ رئيسه أبو القاسم!!!!!!!!!
أسمعوا مني بعد 6 شهور تلقي العقيد قاعد يلعب كوتشينة في نادي الشرطة.
ولو ما مصدقين خلونا نتابع الموضوع دا
Post: #18 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:07 AM Parent: #11
Quote: أين رئيسه حتي بلغ هذا المبلغ الخرافي؟؟؟؟؟ رئيسه أبو القاسم!!!!!!!!!
أسمعوا مني بعد 6 شهور تلقي العقيد قاعد يلعب كوتشينة في نادي الشرطة.
ولو ما مصدقين خلونا نتابع الموضوع دا
الاخ ناصر ..
مصدقنك .. والنميري عايش جوا الخرطوم والناس الشالوا السلاح ضد الحكومه والجيش... استقبلوهم استقبال الابطال وعايشين وجوا الخرطوم يعني شنو لمن البلد تستقبل النشالين مره ثانيه !!!!
Post: #13 Title: Re: حاميها حراميها ... وانعل ابوك بلد .... Author: بكري الصايغ Date: 04-06-2008, 00:47 AM Parent: #1
الاخ الـحـبيب الـحـبوب، سـميـرابراهـيـم،
تـحـية طـيبة،
1 - انا متأكـد انوالعقيـد ده شـمالـي!!!. تـعـرف لـو كان جـنوبـي كـانت الاقـلام المتـخـصـصـة ب ( الـمنبـر العام ) فـي الشأن الجـنوبـي لقيت ليـها مـوضـوع وهات ياتعليـقات وشـتائـم عـلي طـريقة كتاب جـريـدة (الانتباهـة ) (والوان )!!!. ولـكنهم ادسـوا وزاغـو لـما لقـوها فضـيـحة ثقيلة وتـمـس السلطة الاسـلامـية والشرطة فـي خـدمة ( النـهـب )!!!.
2 - انت سـألت الـمبلغ الـمنهـوب ده يكون كـم بالـدولار?. سـألت الناس العارفييـن بتحاويل العـملات فافادوا انـو حـوالـي 120 ألف دولار!!!. انا شـخـصـيآ اشـك فـي صـحـة الرقـم لانه هـل مـن الـمعقـول انو عـقيـد يضـحـي بسـمعته ورتبتـه ووظـيفـته بـ120 ألف دولار?.
3 - شـخـصـيآ مـتوقع ان يعــفي عـنه البشــيـر وتتـم ترقيتـه لـ (فريق اول ) ويبقـي وزير دولة بـوزارة لـدفاع!!!
وكـل لبيـب وبـحـركات الانـقاذ يـفهـم!!!
Post: #19 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:10 AM Parent: #13
Quote: سـألت الناس العارفييـن بتحاويل العـملات فافادوا انـو حـوالـي 120 ألف دولار
استاذنا الفاضل بكري
اثنين مليار جنيه = مائه وعشرين الف دولار .... دي في حدها مصيبه وكارثه !!!!!!!
Post: #14 Title: Re: حاميها حراميها ... وانعل ابوك بلد .... Author: ragaa makkawi Date: 04-06-2008, 08:27 AM Parent: #1
يا سامر
انتة لسة فيك نفس تتشكى
والله دي وطنية مااااهينة ذاتو
Raga
Post: #20 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:17 AM Parent: #14
Quote: يا سامر
انتة لسة فيك نفس تتشكى
والله دي وطنية مااااهينة ذاتو
Raga
الاخت رجاء
تحياتي
السودان مليان وطنيين ووطنيات وبالملايين ونفسهم عزيزه ويشهد الله الواحد الذي لا اله الا هو شاهدت بام عيني موظف بعد ساعات العمل الرسميه كان بيمشي يغسل العربات في شارع النيل .. ويشهد الله الراجل قالها لي بالحرف الواحد لو الرزق داخل فم السبع مافي زول بيمسكوا .. والرجل اختار العمل الشريف من اجل ابناءه ... وديل يجوا يسرقوها وعينك يا تاجر ...
ومن نوعية الموظف ده يوجد الملايين وداخل سودانا الحبيب وخارجه ...
وتسلمي يا رجاء ويسلم لينا السودان ...
Post: #15 Title: Re: حاميها حراميها ... وانعل ابوك بلد .... Author: عبود عبد الرحيم Date: 04-06-2008, 10:02 AM Parent: #1
Quote: واانعل ابوها بلد
لا ... يا سامر أخوي
نختلف .. نتفق .. يسرق أحد .. أو يقتل
لن نسب بلدنا السودان .. يا سامر
أقدر فيك الحرص علي المال العام ومعاقبة المختلسين ...
لكن لن نجعل من هذه القيمة الفاضلة سببا للاعتداء علي وطنك ووطنا السودان
مرحبا سامر
Post: #21 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:22 AM Parent: #15
Quote: لكن لن نجعل من هذه القيمة الفاضلة سببا للاعتداء علي وطنك ووطنا السودان
اخوي عبود ..
تحياتي ..
الله ما جعلنا من الواقفين في طابور الناس البيسبوا البلد ... انا في الناس النعلوا ابو البلد وقالوا يدوها بالشلوت ديل .... وكل واحد يغرف ليهو مليار او مليارين ... والناس في السودان شاب شعرها تفكر في تدبير مصاريف ... حلة الملاح ... وثمن الكافينول .. وثمن ورق الفلسكاب لاطفال المدارس ... ناس تسرقها بالبليارات وناس ما قادره تشتري لاطفالها قلم رصاص !!!!!
ديل اعتبرهم سرقوا قوت الاطفال وعلاج كبار السر !
Post: #16 Title: Re: حاميها حراميها ... وانعل ابوك بلد .... Author: العوض المسلمي Date: 04-06-2008, 10:11 AM Parent: #1
يا اخي سمير مهما طال الليل فلابد من الفجر ومها طال الظلم فلابد من العدل
فنحن لانياس ولا نقول الا خيرا فالياس ينهي الامل ويميت القلب فلسانك اخي الكريم صنه عما يشين
Post: #22 Title: Re: حاميها حراميها ... وانعل ابوك بلد .... Author: SAMIR IBRAHIM Date: 04-06-2008, 11:53 AM Parent: #16
Quote: يا اخي سمير مهما طال الليل فلابد من الفجر ومها طال الظلم فلابد من العدل
فنحن لانياس ولا نقول الا خيرا فالياس ينهي الامل ويميت القلب فلسانك اخي الكريم صنه عما يشين
اخي الفاضل السوداني الاصيل ود المسلمي
صباحاتكم مباركه ..
المثل بيقول لسانك حصانك ... لكن الايادي الطويله دي يعلموا ليها شنو ؟؟؟؟ البيحصل ده سرقه لقوت الاطفال وعلاجهم وعجائز يقيفوا في طوابير صرف المعاشات عشان يستلموا ليهم كم الف بعد ما افنوا زهرة حياتهم خدمه للوطن والسودان ويجي ثؤلاء ينهبوها بالميليارات ؟؟؟؟؟؟؟؟
فساد د.مصطفي نوارى كادر الجبهة و مدير عام الخطوط البحرية السودانية السابق الهارب بلندن!!! ___________________________________________________
المنتدى العام ل( سودانيز أون لاين ) دوت كوم. مـكتبةالفساد: فساد د.مصطفي نوارى كادر الجبهة و مدير عام الخطوط البحرية السودانية السابق الهارب بلندن.
19-09-2005, 02:55 ص
democracy
أمهلته أسبوعاً واحدًا: «البحرية »تطالب مديرها السابق بإعادة (470) مليون جنيه!! ______________________________________________________
وجهت الإدارة القانونية بشركة الخطوط البحرية السودانية، انذارا قانونيا للمدير العام السابق للشركة لاعادة 47.202.859 (سبعة واربعون مليون ومئتان وأثنان الف وثمانمائة تسعة وخمسون دينار)، وذلك استنادا الي تقرير المراجع العام.
واشارت الوثيقة التي حصلت (الصحافة) علي نسخة منها الى أن المدير العام السابق للشركة الدكتور مصطفي نوارى، معرض للأتهام تحت المواد 177 و178 من القانون الجنائى والمادة (6) من قانون مكافحة الثراء الحرام والمشبوه. وقد امهلت الادارة القانونية د. نوارى اسبوعا لرد المبلغ اعلاه للخزينة العامة، والا ستضطر لاتخاذ الاجراءات القانونية.
وتشير (الصحافة) الى أن الانذار صادر بتاريخ 4 سبتمبر 2005 وموجه لدكتور نوارى عبر السفارة السودانية في لندن محل اقامة الدكتور نوارى.
وكشف تحقيق صحفى تجريه (الصحافة) ان النائب العام وجه بفتح بلاغ جنائى ضد د. مصطفى نوارى تحت المواد 177، 178 من القانون الجنائى. والمادة (6) من قانون مكافحة الثراء الحرام والمشبوه بموجب اخطار بالنمرة وع/م ت/بتاريخ 23/11/ 2004م.
وكان المراجع العام قد أصدر تقريرا من 17 صفحة كشف فيه حصول المدير العام السابق على المبلغ، وطالب ديوان المراجع العام باسترداد المبلغ. تفاصيل اوفى في اعدادنا القادمة.
نقلا" عن جريدة الصحافة السدوانية اصدارة 17/09/2005م. ---------------------------------------------------------------
1 - الـمبلغ الـمختلس من الخطـوط البـحرية كان بالـمليون!!
Post: #24 Title: Re: حاميها حراميها ... وانعل ابوك بلد .... Author: صلاح الفكي Date: 04-06-2008, 10:26 PM Parent: #1
Quote: تحقق وزارة الداخلية في تجاوزات مالية وصلت الى نحو مليارى جنيه من جانب اثنين من منسوبيها ينتميان الى الجهات الادارية بالشرطة. وعلمت «الصحافة» من مصادر ذات صلة ان الوزارة حركت اجراءاتها ضد ضابطين برتبة عقيد، وطالبت باسترداد احدهما بواسطة الشرطة الدولية «الانتربول» نسبة لهروبه الى احدى الدول الافريقية المجاورة بعد بدء اجراءات التحري معه في اعقاب اتهامه باختلاس مبالغ مالية وصلت الى نحو مليار جنيه، بينما تجري التحقيقات حاليا مع الآخر بشأن تجاوزات قدرها مليار ايضا استخرجت
أخوي سمير.. يسعد ايامك.. والأسرة الكريمة..
الشرقات في السودان قديمة قدم الانسان الذي يمتهن العمل العام.. ففي غفلة من الضمير ..يستطيع الانسان نهب الملايين بل قد تزيد.. وكما هو واضح ..كلما تطور فكر الانسان كلما ازداد في كيفية التمكن من المال العام.. في عهد مايو كان هناك عقيد سجون يقوم بتهريب السجناء ليلا كي يقوموا بسرقة السيارات الفارهة .. ثم يعودوا قبل الليل أن ينجلي.. الفساد يتطور بتطور الفكر الانساني وحاجته للمال.. وكاما احتاج الانسان للمال وهو في العمل العام تلبية لحاجة المظهر.. تجده يتطاول علي المال العام.. ولكنها النفس المريضة ليس الا.. مودتي ..