Post: #1
Title: تُري ماهي تلك الحاجة : ( المزعومة ) ،،،،،،!!
Author: شهاب شكوكو
Date: 04-04-2008, 11:47 PM
Parent: #0
مدخل :
حاجة فيك
لابتبدي ...
لا بتنتهي
... خلتني أرجع للقلم وأتحدى بالحرف الألم ...
... وأضحك مع الزمن العريض
... وأنسف متاريس الطريق
... وأعرف متين أبقى المطر
.. وافهم متين أصبح حريق
حاجة فيك ....
اي قوة وطاقة تلك التي تتملكنا من كافة جوانبنا ومراحلنا الانسانية ، دفعة واحدة ونحن نستمع الي الاغنيات الخالدة و الرائعة !!
اي قوة تلك التي تصهر جوارحنا و تحيلنا الي طاقة من الرقي وتحيلنا الي قوالب من البلور ونحن في ظل واقع صعيب نحاول تجاوزه و السمؤ بذواتنا وعلي الاقل توفير ذلك العالم ولو ( حلماُ ) .
...منذ ايام وانا تتلبسني حالة غريبة ،،، ويتردد بداخلي صوت ذاك الكنار المسمي مجازاً ( مصطفي سيد احمد ) .
وهو يردد رائعة الشاعر المرهف / هاشم صديق : حاجة فيك !!
تلك الحاجة التي عجز الشاعر نفسه عن تسميتها ، وسكب في وصفها وتصويرها شاعرية متفردة في نظمها و تطويع الاحرف واحالة النص الي عمل ملحمي ضخم .
والحديث عن ( هاشم صديق : حديث منهك كونه يغسل الحروف بماء الورد ويسمعنا منها اصوات لم نسمعها من قبل ) !!
... ثم اتي ذاك المغني العملاق : مصطفي ، وسكب فيها شيئاُ من ذاتيته وروحه وحقن بها وريد الاغنية السودانية النقية بلحن غاية من الجمال و الشاعرية وبجمل موسيقية مركبة .
... تري ماهي تلك الحاجة سادتي ؟!؟!؟!
التي استعصت علي ( هاشم صديق ) نفسه ،،،!!
حاجة تقطع نفس خيل القصايد ؟؟
ومالي انا والخيول ونفسي الضيق !!
حاجة توهت الشاعر ؟؟
ومالي انا الاصلاً تائه في بحر الاشعار !!
حاجة تتعب ود صديق !!؟؟
وانا المتعب المنهك !!
وانا الذي تتضاءل احرفي امامكم سادتي ، وامام هذا المغني الذي رحل وترك لنا خارطة طريق الي حنجرته ولذيذ الشدو ،،،،!!!
حينما اسمعها اخرج من نفسي خارجي وارفرف بجناحين من نور ،،،،!!!
وسلامي يوم اسمع هذه الانشودة الراقية ، فليسعفني بها احدكم سادتي ونتجادل حول هذه الاغنية والقصيدة وتجربة / الشاعر الثر ود صديق وآمنة ،،،!!!
|
Post: #4
Title: Re: تُري ماهي تلك الحاجة : ( المزعومة ) ،،،،،،!!
Author: عمران حسن صالح
Date: 04-05-2008, 08:59 AM
Parent: #2
شهاب ..
أنا من المنتظرين ..
لم تخيب ظني ..
ودي طوبتي (حاجز) بيها ...
وراجع ليك بعد (دوام) الهم ده ينتهي ...
|
Post: #6
Title: Re: تُري ماهي تلك الحاجة : ( المزعومة ) ،،،،،،!!
Author: شهاب شكوكو
Date: 04-05-2008, 09:24 AM
عُمران : صديقي الذي غاب ولم ينسي ،،،،،،!!
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية (( القدال )) ...
ظنك مايجيب ياغالي :
كان للشوق إتحدي اي شوكة شوق ،،،!!
كان للتحية و التواصل : سائلين عنك ويوماتي رحيل !!
وكان لهذا المغني :
فحدث ولا حرج !!
الف شكر وتحية كونك هنا وانت لا تخيب ظني ولا ظن اي احد !!
الدوام :
لله ،،،،!!
راجيك وبينا تواصل : قطع شك ،،،!!
مودتي وسؤالي عنك وعن الحواليك !!
|
Post: #3
Title: Re: تُري ماهي تلك الحاجة : ( المزعومة ) ،،،،،،!!
Author: مازن الجمّال
Date: 04-05-2008, 08:48 AM
Parent: #1
شهاب يا جميل
أحلى صباح
|
Post: #5
Title: Re: تُري ماهي تلك الحاجة : ( المزعومة ) ،،،،،،!!
Author: شهاب شكوكو
Date: 04-05-2008, 09:16 AM
Parent: #3
فيصل نوبي : المرهف .................. !!!
كل ما تباعد بيننا عوارض ..
كل ما هواك يا طيبة مكنّي
تلد الغربة القرب الواحد ..
وبيكي أسمي الشوق وأكنّي
لما أفوتك من دون خاتر ..
أو دون خاتر مني تفوتي
بلقى حبايب في كل حتة ..
وكل بيوت الفقرا بيوتي (( حميد )) .
تسلم ياحميم :
و يسلم ذوقك والصباحات التي تظللها وتبللها :
بصوت ذاك الشادي الذي رحل نجمه ولم يأفل صوته ،،،!!
وبألحان حنينة مثل دحرجة الدمع علي الخدين شدي ذاك المغني :
والهب الاكف بالتصفيق وادمي العين بالموع وبلل الخواطر بذكري من رحلوا عنا ومن بعدوا منا ومن هم فينا .
فنان يعتبر بمثابة واحدة من مقومات الوحدة الوطنية .
و هذه الاغنية واحدة من الاغنيات التي تنبيك بانه مهندس للمزاج الوطني !!
... لذا اسعد بك وبهذه الزيارة الصباحية واللحن الطروب !!
واتمني ان تكون كل ايامك كما تشتهي وتتمني !!
يازول يازين :
ده اجمل زمن كونه يجمعنا بإناس في رقيك وبشفافية اللحن وعبقرية ذاك المغني !!
... ودي !!
|
Post: #7
Title: Re: تُري ماهي تلك الحاجة : ( المزعومة ) ،،،،،،!!
Author: شهاب شكوكو
Date: 04-05-2008, 09:30 AM
Parent: #3
مازن : ياجميل ،،،،،،،،!!
كل ما تباعد بيننا عوارض .. كل ما هواك يا طيبة مكنّي
تلد الغربة القرب الواحد .. وبيكي أسمي الشوق وأكنّي
لما أفوتك من دون خاتر .. أو دون خاتر مني تفوتي
بلقى حبايب في كل حتة .. وكل بيوت الفقرا بيوتي (( حميد ))
احلي صباح كونك تكون موجود في هذه المساحة :
واجمل تواصل الذي نجده منك !!
تمنياتي ان تكون بالف خير !!
مودتي وشكري لوجودك وعبورك !!
ممتن .
|
Post: #8
Title: Re: تُري ماهي تلك الحاجة : ( المزعومة ) ،،،،،،!!
Author: تماضر الخنساء حمزه
Date: 04-05-2008, 09:52 AM
Parent: #7
بس ياهو زاتو
|
Post: #9
Title: Re: تُري ماهي تلك الحاجة : ( المزعومة ) ،،،،،،!!
Author: شهاب شكوكو
Date: 04-05-2008, 01:41 PM
Parent: #8
تماضر الحسناء : الفضلي ،،،،،،،،،،،،،،،،!!
مني مستني الملام
يا سلام عليك يا سلام
يا حلو ده السكوت مرات كلام
وعدم الملام هو كمان ملام
انا يا غرامي وصلت بيك في الدنيا لحد الغرام
ولقيت ملامي على عنيك يا سيدي زي الما ملام
والوردة لو خانا الفراش
ماظن تلومو مع الندى
ما بتجرح احساسو الجميل
والريدة يا حنين كده
احلي صباح : بمشاركةأحلي ناس في احلي منتدي !!
صباحك زين ياشاعرة يامرهفة !!
مصطفي :
واغنية تبدأ بها يومك !!
حاجة زي نقر الاصابع لما ترتاح للموسيقي .
تسلمي ياتماضر وتشكري كونك مررتي من هنا !!
|
Post: #10
Title: Re: تُري ماهي تلك الحاجة : ( المزعومة ) ،،،،،،!!
Author: أشرف البنا
Date: 04-05-2008, 04:55 PM
Parent: #1
شهاب ...
تحياتي أيها العزيز و أشواقي ...
يا صديقي لن تنفك تتبع هذا الدرب نحو الجمال...
فإن خبا النجم فسيظل إشراق يصدر من صدى ألحانه يقول إبشروا ....
سعدت بأننا معاً ....
مودتي ...
|
|
..