Post: #1 Title: نكتة ... بمناسبة العودة للمنبر Author: الزوول Date: 04-04-2008, 05:58 AM
السلام عليكم تحية للجميع وأخص كل من افتقد وجودي وحاول مواصلتي من خلال البريد وهي غيبة بدأت إجبارية سببها بعض المشاغل الوظيفية ثم صارت اختيارية .. وقد يدمن الإنسان أي شيء حتى الغياب عن المنبر تهنئتي لكل من زاره فرح وعزائي لكل من أصابه قرح وآلاف الترحيبات بالقادمين الجدد ........... الحقيقة النكتة ما عندها مناسبة ولكني قرأت في منبر ما، أحدهم يعنون بوسته بعبارة اعجبتني ( قلت ما اجيكم يدي فاضية) فأنا قلت كمان ما أجيكم يديني فاضية لذا أهديكم هذه النكتة لفرقة الهيلاهوب
................
وما الناس إلا هالك وأبن هالك *** وذو نسب في الهالكين عريق
Post: #2 Title: Re: نكتة ... بمناسبة العودة للمنبر Author: ترهاقا Date: 04-04-2008, 06:31 AM Parent: #1
السلام عليكم الفنان ترهاقا ( وفي قولٍ .... تهراقا) أكيد مثل هذه النكات الفنية لازم تعجبك وقليل هم من يتذوق الطرفة في طريقة أداء الشيخين الجليلين تحياتي وشكري للمرور والتعليق ............................. وما الناس إلا هالك وأبن هالك *** وذو نسب في الهالكين عريق
Post: #3 Title: Re: نكتة ... بمناسبة العودة للمنبر Author: yasiko Date: 04-04-2008, 06:56 AM Parent: #1
مرحبابك واسمع دي كمان
Post: #4 Title: Re: نكتة ... بمناسبة العودة للمنبر Author: emad altaib Date: 04-04-2008, 07:38 AM Parent: #1
السلام عليكم د.يس محمد يس برغم غيبتي فقد ظل اسمك يأبى الا أن يصحبني المناسبة تعودت ادمان الإستماع فقط داخل السيارة.. حفظت ملفات ندوة د.دالي التي قمت أنت بتسجيلها ومن خلال الMP3 Module كانت رفيقتي في حلى وترحالي ومعها دعواتي الدائمة ( الله يخفظ ليك وليدك ابنظارات ده) فقد أتحت لنا فكراً نسمع عنه كثيراً ولم نراه ............. تعرف بمناسبة النوكياب دي كنت أظن أن الحاق لازمة (آب) بالأماكن وفخوذ القبائل حكراً على منطقة الشمال النيلي بحكم انها لازمة نوبية الأصل حسب علمي ولكني اكتشفت انها تعم كل السودان تقريباً شكراً لمرورك الدسم ............................. أخي عماد الطيب تقبل ترحيب بعد 4 شهور ؟ أهلاً بك وسط أهل المنبر الكرام وإن لم تقبل هذا الترحيب المتأخر فلا أقل من أن تقبل شكري على مرورك وتعليقك دم بخير أخي عماد
............................. وما الناس إلا هالك وأبن هالك *** وذو نسب في الهالكين عريق
Post: #5 Title: Re: نكتة ... بمناسبة العودة للمنبر Author: mamkouna Date: 04-04-2008, 11:49 AM Parent: #1
مرحب بعودتك بعد غياب يا الزوووول.. ما أحلى ساعات اللقاء.. -- كان ما أخاف الكضب..أنا دايماً بستعمل كلمة (( ما أجيكم يدي فاضية )).. لكن ما حصل عنوٌنت بيها بوست.. -- أها..برضو قلت ما أجيك يدي فاضية..
السلام عليكم من حَور العيون احتار غزال الوادي الخد الزهور تلاقهو دايماً نادي من عينيك سيوف تقطع دوام في فؤادي فاقت لى سيوف عنتر بن شدادٍ مظلوم ... ما حصل في يوم وجدت مرادي مكتوب لى العذاب في جبيني يوم ميلادي ......... رحم الله النعام آدم وأمد في عمر أستاذنا محمد سعيد دفع الله ........................ أختنا الممكونة الشوق بحر .. وكفى ولولا بعض خشية من الممكون لكتبت أكثر من هذا تعرفي ... يبدو أن هذا المنبر قد تغلغل فينا وربما هي الشخوص ولا فكاك منها برغم الغيبة وندرة المتابعة فهناك دائماً ما يعيدك لشخوص هذا المكان قبل أيام سمعت أغنية كان مطلعها يقول يا ممكون ... جواك وصابر وصبرك في جواك ممكون لا مجال للشك أن الممكونة والممكون هما أول من تبادرا لذهني.. بل شككت أن الشاعر ربما هو الممكونة بذاتها أو أقلها من قبيلة الممكوناب ولا يزال ... واليومين ديل سمعت بي موقعك الجديد فقلت اوفرها ... عشان لما أجيكم بى غادي ما أجيك يدي فاضية.. تحياتي للممكون.. ........... وما الناس إلا هالك وأبن هالك *** وذو نسب في الهالكين عريق
Post: #6 Title: Re: نكتة ... بمناسبة العودة للمنبر Author: شهاب الفاتح عثمان Date: 04-04-2008, 12:43 PM Parent: #1
السلام عليكم ورحمة الله وبركاته
ايا زول حبابك .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Quote: الزووول ...بركة الجيت صادى ....متابعاك من زمان ......
كل الود للنهار الجميل ده ......
وبما انك متابعة من زمن فلا شك انك تعرفي انني أعرفك حق المعرفة وقد كنت والأخ (تمبس) متخصصان في متابعة قناة النيل الأزرق في زمن مضى بالرغم من ندرة ظهورك على شاشة النيل الأزرق ولكن ما تقدمينه مميز جداً فهي إذاً معرفة قديمة للأعلامية ناهد بشير الطيب وجديدة بزميلة البورد ناهد بشير الطيب اشكر لك ترحيبك ومتابعتك وأرجو أن تقبلي ترحيبي المتأخر مشاركتنا هذا المنبر تحياتي وودي
................
وما الناس إلا هالك وأبن هالك *** وذو نسب في الهالكين عريق
السلام عليكم الباشمهندس أبوبكر زولنا .. ( دي طبعاً أقرب نسباً من فردتنا) بالبال دائماً ... وقد نويت يوماً عند مروري بدبي أن أتصل بك ولكني لم أجد تلفونك على البروفايل كما إن الزمن لم يسعفني شايفك شابك اليومين ديل في العريريب غايتو لو احتجت مساعدة الفرد جاهزة رمضان قرب ؟؟؟؟؟ سمعنا بي تحت تحت أختنا الممكونة السنة دي ناوية تفطر قدام حوشا الجديد ( ممكونيات) وكمان سمعنا انها دعت الجماعة يجيبوا صوانيهم ويجوا يفطروا معاها يعني يعملوا خيانة ويخلوا حوش بكري اها انت معانا ولا مع الخيانة؟ .................... وما الناس إلا هالك وأبن هالك *** وذو نسب في الهالكين عريق
السلام عليكم أخي العوض بمتابعتي لكتاباتك اكتشف دائماً أن هناك الكثير من التشابه والتطابق بيننا وكأنك تنطق بلساني ليس آخرها اعجابي بفريدريك كانوتي لاعب اشبيلية الأسباني والمنتخب المالي ودي العميق و شكري على الترحيب وترقب البوست القادم بعد ما تنتهي من الإمتحانات
الزوول هو الElawad
.................... وما الناس إلا هالك وأبن هالك *** وذو نسب في الهالكين عريق
Post: #11 Title: Re: نكتة ... بمناسبة العودة للمنبر Author: Gaafar Ismail Date: 04-05-2008, 03:57 AM Parent: #1
أخي الحبيب الزوول الحمد لله على الطـلة والعودة إلى المنبر.. افتقدتك كثيرا .. وإن شاء الله تكون أمورك تمام التمــام.
تحياتي وصادق مودتي .
Post: #18 Title: Re: نكتة ... بمناسبة العودة للمنبر Author: الزوول Date: 04-08-2008, 09:47 AM Parent: #11
السلام عليكم أخي جعفر تعرف تماماً قربك من نفسي ومعزتك عندي شكراً افتقادك اياي و ترحيبك بلا شك يشرفني ...........
........... وما الناس إلا هالك وأبن هالك *** وذو نسب في الهالكين عريق
حبابك الزوول يا صديق.. و حباب الأصدقاء و الصديقات.. هنا..
يا سيكو.. لينا طولة ياخي..(نكتتك ضحكتنا ضحكة عائلية الحجم..بعضنا ترجمنا ليهو عشان يدخل معانا في الصورة)..
افتقد كثيرا صوت المقرئ الشيخ عوض عمر..و أسال ان كانت له تسجيلات..
خارج الزفة..
عارف يا صديقي الزول بخصوص اللازمة.. مستغرب انو الشعب السوداني هو الشعب الوحيد الذي استطاع ان ينسب لأسم الجلالة.. في قولهم العبدلاب..عقدنا ليك العرب ذاتهم مش؟
ما تنقطع يا صديق..
كبر
Post: #19 Title: Re: نكتة ... بمناسبة العودة للمنبر Author: نجوان Date: 04-08-2008, 10:16 AM Parent: #13