الصحافيون فى المنبر..مشاركة ضعيفة..السبب شنو؟؟

هذا المنبر يضم عددا مقدرا من خيرة
الصحافيين السودانيين
بالداخل والخارج
لكن اسهام كل هذا المجموع ضعيف جدا اذا ما قورن
بتراكم الخبرات وتميز الاسماء
اين تكمن المشكلة..؟؟..
.........................
..........................
...........................
.........................
بالمناسبة هنالك اشخاص فى هذا المنبر
تمنيتهم فى الصحافة
الصحافيون ليسو من بين نجوم الكتابة فى المنبر
دة راي صحفي لا عضو منبر...

المنبر بالنسبة للصحافيين (استراحة محارب)
ام واجهة جادة لممارسة المهنة والتنوير

الموضوع أبسط مما تتخيله يا صديقي، فليملؤوا "الجرايد" اولاً، بعدين المنبر أمرو هين!

Quote: أم واجهة جادة لممارسة المهنة والتنوير

أعقد أن كلمة تنوير (واسعة ) شوية علي الصحفيين فهي تنطوي علي قدر كبير من الإدعاء و الحقيقة إن التنوير ليس قصراً علي فئة دون أخري فهناك كثير من أعضاء المنبر من غير الصحفيين يملكون قدراً من الإستنارة غير متوفر لدي الصحفيين كما إن هناك - للأسف- الكثير من الصحفيين في هذا المنبر بحاجة إلي تنوير هم أنفسهم ..
أوافقك الرأي بأن مساهمة الصحفيين في هذا المنبر لا تتناسب مع عددهم أو مساهمات الآخرين قياساً إليهم و نأمل أن نقرأ لكم ..
مع تقديري و إحترامي
محمد عثمان

اخى العزيز
توجد مساهمات نادية عثمان
صلاح شعيب
رجاء العباسى
صلاح غريبة
وكثيرون
لكن اى نوع من المشاركات تبتغى ؟
او تودها ؟
عنى
انتمى لهذه الفصيلة
لكن
لا اكتب الصحافة اليومية
بمعنى ان الخبر ليس عندى مصادره الاولية
لذا غالبا الجا للتحليل
اقعد عافية

فوق

فوق

اخى محمد
كدى فى البداية اسأل روحك اول انت قاعد تساهم كتير فى المنبر ؟؟؟؟؟؟؟؟؟؟؟؟
الاجابة بسيطة لا لانو انت لمن خلاص تفكر تدخل فى المنبر عشان تكتب مادة
تلقى نفسك جارى وراء خبر او مادة صحفية للجريدة او مسافر مامورية فى الولايات
او او اواو وغيرها من الهم الصحفى اليومى لذلك تجد معظم الصحافيين مهمومين بالهاث اليومى وراء المواد الصحفية لصحفهم
الامر الاخر اغلب بوستات المنبر هى نتاج العمل الصحفى الموجود فى الجرايد اليومية لذلك يامحمد الصحافيين بشكل او اخر موجودين فى المنبر .................


ارقد عافية
ياعالم

محمد دا جاسوس ...

الصحفيين كتابتهم كلها شالها طلوح غلاط و كماين ساي

صديقي الخاتم
ليك وحشة يا حبيب والله فاقدين طلتك البهية
اهو انت بالذات واحد من الاقلام المترعة بكثير
من التفاصيل المفيدة والممتعة.
ياخي رغم الزحمة اكتب يوم بعد يوم
الخاتم يا خوي واالله الجرايد ملياااانة
وما لاقية البقروها
لكن من واقع احاطة اخوانا الصحافيين بالكثير المثير الخطر
نتمنى منهم اكثار الاطلالة فى المنبر
لانو جهدهم ما ظاهر..
تعلم اخي ان بالمنبر متسع للتنوع والتعبير
فلماذا لا تظهر فيه اقلام ومبادرات الصحافيين
تحياتي لك وللاولاد

الاخ محمد عثمان
مع اكيد تقديري للمرور الا انني
لا اتفق معك فى ما ذهبت اليه
التنوير يا صديقي شغل الصحافيين
وبالامكان القول انه فرض عين على كل من ارتضى
ان يكون صحافيا،هذا لاقول ان التنوير يظل فرض كفاية
على غير ممتهني الصحافة يسقط عن البعض اذا قام به اخرون
اخي محمد عثمان
ليس هنالك احد لا يحتاج الى تنوير
كلنا نحتاج لان العلم المطلق لا يتوافر الى بشر مهما احاط وقرا
ولكن تعلم واعلم تماما ان الصحافيين دون
غيرهم تتوافر لهم كثير من المعلومات من واقع وجودهم فى مراكز المعلومات
وميادين البحث اليومي عن الحقيقة
لذل فتنويرهم يختلف عن افادات الاخرين
كثير من البوستات فى المنبر نتاج جهد صحفي الا توافقني
لك الود.. وارجو مساعدتك فى ايقاظ الصحافيين
تعرف لو دوروا فى المنبر بهمة الجرايد اكيد حيكون شكلو تاني

الأخ محد عبد القادر
شكراً علي الرد و كلامك بالتأكيد (فيه نظر ) من حيث حاجة الجميع للتنوير و مسئولية الصحفيين في هذا الجانب .
راقت لي عبارة ممتهني الصحافة جداً فهي تفرق بين الصحفيين و الصحفيين المزعومين.
أقول الصحفيين المزعومين بكل إطمئنان لأنني لم اشهد مهنة ينتحل الناس القيام بها مثل الصحافة و الإبداع ( هذا بالإضافة إلي النضال طبعاً لكن هذه قصة أخري).
رأيت العديد من الشباب و الكبار ايضاً يقرأون الصحف فيعتبرون انفسهم صحفيين و البعض منهم أسهم ذات مرة بالكتابة ثم راقت له الحكاية فطبع كارتاً بإسمه و وضع تحت الإسم عبارة صحفي دون أن يحدد المؤسسة التي يعمل بها أو التي يتعامل معها إذا شاء أن يقول إنه ( فري لانسر ) . إذن هذا من غير ممتهني الصحافة و بالتالي فهو في حل من مهمة تنويرنا ( كصحفي) و ليس لدينا مانع ان يقوم بتنويرنا بأي صفة أخري.
بالتأكيد هناك اسباب كثيرة تجعل البعض يزعم بانه صحفي و لعل اهم هذه الأسباب النجومية التي يتمتع بها العاملون في بلاط صاحبة الجلالة .
علي العموم أوافقك الرأي بأننا في المنبر بحاجة إلي مساهمات الصحفيين و آمل أن يحفزهم هذا البوست لتحسس (باسوورداتهم ).
سأعود مرة اخري مع تحياتي و تقديري،،
محمد عثمان

عزيزي محمد عثمان
كنت موفقا فى ما ذهبت اليه بشان

Quote: رأيت العديد من الشباب و الكبار ايضاً يقرأون الصحف فيعتبرون انفسهم صحفيين و البعض منهم أسهم ذات مرة بالكتابة ثم راقت له الحكاية فطبع كارتاً بإسمه و وضع تحت الإسم عبارة صحفي دون أن يحدد المؤسسة التي يعمل بها أو التي يتعامل معها إذا شاء أن يقول إنه ( فري لانسر ) . إذن هذا من غير ممتهني الصحافة و بالتالي فهو في حل من مهمة تنويرنا ( كصحفي) و ليس لدينا مانع ان يقوم بتنويرنا بأي صفة أخري.

وتحفظك فى محلو وهذه ايضا قضية سنعود اليها بتفصيل
ولكن هنالك صحافيون تواضع الناس على انهم يجيدون ممارسة المهنة
ومنحوهم جواز الانتماء الى بلاط صاحبة الجلالة
هم كثيرون فى المنبر,وانا اعنيهم تحديدا
ومعا لاجل استنهاض هذه الاقلام اخي محمد عثمان
لكن تعرف شغل الجرايد دة يا ابوحميد
اذا كنت مدعي ما بتستمر فيو لانو قائم على العطاء الشخصي والابداع الذاتي
يعني ليس بامكانك ان تخدع الناس كل الوقت لكن بامكانك ان تخدعهم بعض الوقت
شكرا عزيزي

Quote: لكن هنالك صحافيون تواضع الناس على انهم يجيدون ممارسة المهنة ومنحوهم جواز الانتماء الى بلاط صاحبة الجلالة هم كثيرون فى المنبر,وانا اعنيهم تحديدا ومعا لاجل استنهاض هذه الاقلام اخي محمد عثمان

و من هؤلاء أرجو الا ننسي الصحفية مزدلفة محمد عثمان من الأحداث التي تكتب تقارير و تحليلات إخبارية مميزة أول ما يلفت النظر إليها جودة لغتها و حجم الجهد المبذول فيها.

Quote: لكن تعرف شغل الجرايد دة يا ابوحميد اذا كنت مدعي ما بتستمر فيو لانو قائم على العطاء الشخصي والابداع الذاتي يعني ليس بامكانك ان تخدع الناس كل الوقت لكن بامكانك ان تخدعهم بعض الوقت

أستطيع أن أتفهم عبارتك هذه بإعتبار إن القدرات الحقيقية و الموهبة و المعرفة إلخ.. هي معايير النجاح و التقدم في هذا الجانب و هذا صحيح لكن هناك بعض الصحفيين و للدهشة بعض كتاب الأعمدة أيضاً غير متمكنين حقيقة من أدواتهم الأساسية و بالرغم من ذلك فهم موجودون علي الساحة الصحفية بسبب روابط ( وتربيطات ) أخري.
لن وجود هؤلاء لا يمنعنا - بطبيعة الحال - من مشاهدة الكثير من الجوانب الإيجابية و التطور الكبير الذي تشهده الكثير من الصحف إضافة إلي الكم الكبير من المواهب التي تفرزها هذه الصحف كل حين و آخر.
غايتو إذا إستجاب الصحفيون للنداء الذي ينطوي عليه هذا البوست فانا أتوقع أن نشهد نقاشات و حوارات مميزة أعتقد إنها ستهتم بالصحافة نفسها و بقضايا المجتمع الأخري و ستتناولها بشكل جاذب و مبهر و مفيد.
مع التحية،،

تحياتي استاذ محمد
اوافقك فيما ذهبت اليه
والتحية للاستاذة مزدلفة صاحبة التقارير المسبكة
شكرا على المرور

الاخت سلمي
كيفك
كان لنا لقاء عابرا فى صحيفة
الشرق القطرية افتكر فى 2004
كيف احوالك
اقدر جدا مداخلات الزملاء الاعزاء
صلاح شعيب، نادية عثمان، صلاح غريبة
وارى انها نوعية ومهمة
لكن الا توافقينني الراي ان هذه
المساهمات غير متواصلة وقليلة بعض الشئ
كما ان هذا الثلاثي من انشط الصحافيين فى المنبر
لكن اين البقية..
نريد جهدا فى مسارات التحرير المختلفة
اخبار- تحليل - تحقيق - حوارات لماذا لا ينفرد المنبر بحوارات
ومواد منوعة- المنبر لا يستفيد الا من الاخبار التى تنشرها الصحف
مع ان المنبر ينفرد بكثير من المعلومات والاخبار ومن غير الصحافيين الا ان
كثير جدا من اخباره منقولة عن صحف
لك مودتي

الاخ العزيز محمد
تحياتى
اول حاجة اتلاقينا سنه الفين وخمسة
وبمناسبة الشرق القطرية
تم قبولى فيه (لسد عجز اعترى السكرتارية )
كانت تلك الايام تشهد مهرجان الدوحة الثقافى
وعليه تم قببولى
وحين انفض المولد
قال مدير التحرير عنى بنص العبارة
(انتى غير مؤهلة )؟؟؟؟؟؟؟
ضحكت وخرجت من الدوحة كلها
ليس غرورا ولكن عن تجربة امتدت لنصف قرن
المهم فى الامر ان الصحافة هنا فى هذا المنبر
من الصعب ان تجد لها حيزا
فمن يقرا مثلا تحقيقا ؟
وكيف ينشره بالاصل
لان طبيعة التحقيق تتطلب حيزا محددا
ولان التحقيقات من اصعب فنون الصحافة
فى تصورى الضعيف
عدا ذلك فكل ما يقوم به الزملاء من رصد يجد القبول فى الحد الادنى
وما كتابات الزميل اسعد الريفى ببعيدة عن الاذهان
وغيره من الصحفيين الاماجد فى المنبر
لهم ولك التجلة

العزيزة سلمى
تحياتي
عشان راي مدير التحرير دة تعرفي انتي احسن زول
مونتغمري حضر تخريجا للطلاب العسكرييين
هنا الطيش وقال له انت اقربهم الى الانسانية
هذا الشخص غادر الدوحة بليل
ولم يعثر له على اثر
تفنيش تتخحيلي
احتمال يكون دة حقك
لكن يا ستي ولا يهمك
انا اصلا كنت حاسي انك زاهدة فى الوظيفة
وشكلك كنت راقدة فوق راي
تحياتي

يا ود عبد القادر كيف حالك مشتاقين جدا


بلمحة ذكيةجدا طرقت اسخن المواضيع وتلامس وتراً حساسا وبظني تحتاج المناقشة لنوع من العقلانية والتعمق دون الخربشة علي جدارها

وانت ادري باوضاع الصحفيين الذين لازالوا يكابدون مشقة البحث عن المأوي في اطراف العاصمة اضافة الي اعباء الحياة الاخري . اضف الي ذلك حساسية المنبر بالنسبة للصحفيين الذي تحتم عليهم ظروف المهنة الابتعاد عن الوان الطيف السياسي .وهنا شعرة رقيقة بين المهنة وممارسة السياسة لذلك تجد اكثر الصحفيين يبتعدون عن الانغماس في قضايا السياسة.

واظن ان البوست سيكون مفعما بالنقاش
مع تحياتي

ابوخزيمة

العزيز السيدح ابو خزيمة
والله ليك وحشة يا راجل
الحكاية شنو مرة واحدة كدة
اتمنى ان تكون والاولاد بخير وعافية
والله لقد طرقت على وتر حساس
الصحافيين مجابدين
ومرهقين
لذلك لابد من تهيئة اجواء تفاعلية
وغير طاردة فى المنبر..
اتمنى ان يمتد النقاش
وصولا لصيغة مثلى تعصم الجميع من الكسل وتفتح الشهية للمشاركة الفاعلة
دمت اخي

up

الاخ مدثر العريس
كيفنك
يا خوي انا جديد
وباسويردي كان رايح
ما شفت الاستغاثات والنداءات
ولو ما كدة كنت حا اعمل ليكم وجع وش
لكن حريص جدا على وجود مميز ونوعي للصحافيين
فى المنبرمع اعجابي الشديد بمساهمات لاخرين
تمنيتهم صحافيين
لك مودتي

صديقي الجاسوس طلوووووووح
كويس انك جيت خيمة الصحافيين دي
انت طبعا فى المنبر دة مشجع وليس صحافي
خلييك صحفي شوية
المريخ حا يتاهل ولا لا
بالحساب لا الهتاف
واكتب لينا الهلال دة بشيل الممتاز ست سنوات ليه
يعني شغل زي دة

العزيز نوبي
وينك يا راجل
ياخوي طلوح دة مشجع كبير لكن فى البوست دة دايرنو صحفي
بالمناسبة هو صحفي شاطر لكن سخطو قون كرنقو
انت تعال الزول دة فى الكماين دي لمتين
تسلم يا حبيب

Quote: العزيز نوبي وينك يا راجل ياخوي طلوح دة مشجع كبير لكن فى البوست دة دايرنو صحفي بالمناسبة هو صحفي شاطر لكن سخطو قون كرنقو انت تعال الزول دة فى الكماين دي لمتين تسلم يا حبيب

سلام يا محمد..

فعلا أتفق في جزء كبير مما أورده (الزميل) مدثر...

وأضيف الي ذلك محاولات بعض (زملاء) المنبر بالخارج .. لتصيد ما يكتبه صحافيو الداخل وتحويره ليتوافق

مع قناعات شخصية لهم .. حتي لو لم تكن حقيقية ...جعلت أعضاء المنبر من الصحافيين في موقف المتصفح

فقط..

ولتقدم انت النموذج لمشاركات اصحاب القلم ... أرجو أن نقرأ في المنبر تحليلاتك لواقع السياسة

بمثل القوة التي نقرأها لك في الصحيفة

الاخوة الاعزاء جميعا لكم تحياتي وتقديري واحترامي

الموضوع مهم جداً وتحيطه أشياء كثيره متعلقة بزحمة العمل وأحيانا التوجس خيفة من ردود الأفعال الهوجاء من بعض الأعضاء في المنبر، واختيار الموضوعات يحتاج لتفكير، حتى يتناسب مع عبارة (الصحفي) باعتباره في الواجهة دائما وتُحسب عليه أشياء كثيرة لا تحاسب مثلها لدى الاخرين.
الذي اعتقده ان غالبية الزملاء الصحافيين يراكضون وراء العمل الذي اصبح له تبعات صعبة جدا, ومن جانبي لأ أجد نفسي مقصر في المنبر واليوم وانا مشغول مع سباق الفورمولا (1) في البحرين لكن دخلت المنبر وطالعت الاخبار والموضوعات المهمة بالنسبة ليّ.
الاخوة الزملاء في الدوحة هم كثر ومن الزملاء الصحافيين المبرزين لكنهم يبدو مشغولين للنخاع، الاخت حليمة محمد عبدالرحمن المقيمة في السعودية كانت لها مشاركات قيمة للغاية ويبدو ان مشاغلها زادت، الاخت عواطف إدريس من الامارات لها نشاط قوي جدا جدا في المنبر من خلال موضوعات لها قيمة اجتماعية وسياسية وثقافية كبيرة.
ومن هنا أدعو الجميع ان يشاركوا بفعالية وخاصة في ما يتعلق بالاوضاع التي يعيشها الوسط الصحفي السودان وفتح حوارات حولها حتى يدلي كل منا بدلوه فيها.
وسأعود مرة أخرى بعد ساعة من الآن سنكون برفقة السائق هاملتون في لقاء صحفي بحلبة البحرين الدولية ليتكم كنتم معنا في هذه الاجواء الجميلة والرائعة..

الرايع كابتسامة شيطان حودة :

Quote: انت طبعا فى المنبر دة مشجع

شرف لا ندعيه وتهمة لا ننكرها ..
جوزيت خيرا .

لك تحياتى أخى محمد عبدالقادر أنت ومن معك

تاج السر

الاخ عبود
لماذا يتصيد البعض ما يكتبه صحافيو الداخل
صدقني هذا البوست محاولة للبحث عن اجابات ومعالجات
لاثراء ساحة المنبر باسهامات الصحافيين .
هل هنالك استهداف لما يكتبه الصحافيون
ولماذا اذا كانت الاجابة نعم
سودانيز اون لاين نموذج مصغر لوطن كبير
لابد من الاجتهاد لان يكون متساميا ومتسامحا
يقبل الراي والراي الاخر
وحيثيات عبود يجب ان تطرح بشفافية
ان كان هنالك اقلام تتصيدما يخطه الصحافيون فى الداخل
لتحويرها بما يتوافق مع اجندة خاصة
فهذا ادعى للاكثار من المشاركة لان اختلاف وجهات النظر لا يفسد للود
قضية....
دعهم يهاترون وقل كلمتك وامضي اخي عبود

عزيزى محمدعبد القادر
اثرت موضوعا على قدر من الاهمية
فما ذكرته بخصوص ندرة اسهامات
الصحافيين حقيقة ماعدا القلة
وربماا تفق بعض الشىء مع ماذكر
انفا بخصوص طبيعة
العمل الضاغطة فهى فعلا مهنة
النكد والمتاعب والمساهمة فى
فى المنبر تحتاج الى وقت مقدر
لمتابعة سير البوست او على الاقل
القيام بالرد على المتداخلين
وربما الامر يتعلق بالتشبع من
الفعل اليومى للكتابة فى الصحف
وهناك جانب اخر يتمثل فى عنصر
جديد وهو الصحافة الالكترونية
والتى ايضا لديها فرسانها ففى
هذا المنبر مجموعة معتبرة من
الاقلام التى لم تمتهن الصحافة
التقليدية لكنها برعت فى هذا
النوع الجديد من الصحافة بحس
مهنى عالى

العزيز خالد ابو احمد
شكرا على المرور المفيد رغم المشغوليات
والله يا ابو احمد زحمة الصحافيين عايشنها
ولكن البصمة الصحفية فى المنبر ما ظاهرة
وزي ما انت قلت
القضية مهمة
وبرضك طرقت على وتر حساس
التوجس من ردود الافعال الهوجاء من بعض اعضاء المنبر
هذا الامر يجعلني اكرر السؤال
هل هنالك استهداف للصحافيين
نفس النقطة طرحها الاستاذ عبود
وهي ملاحظة تستحق وقفة ومعالجات بين الاعضاء وادارة المنبر
وينبغي التعامل معها بشفافية وحسم
التبشير بقيم احترام الاخر ما حنلقاها فى السودان لو ما مارسناها
فى المنبر
القضية مثلما قلت مهمة وتحتاج لوقفات
اقدر جدا اسهامات الاخوات حليمة محمد عبد الرحمن وعواطف ادريس
وزحمة ناس الدوحة اسالني منها كنت جزء منها قبل عودتي للخرطوم
وحقيقة الاقلام الموجودة فى الدوحة مميزة والدوحة كما تعلم جمعت احلى ثمار حديقة
الصحافة السودانية، لذلك السؤال ملح عن اسهامات هؤلاء فى المنبر
اختيارالمواضيع افتكر اسهل على الصحافيين من الاخرين
وهو الامر الذى قصدته ،افتكر الاختيار بيكون نوعي ومؤثر ومهم
شكرا على دعوتك للاستمتاع باجواء البحرين الممتعة
ونتمنى لك التوفيق فى تغطية الفورمولا1 ودمت عزيزي

صديقي طلوووح
ما اجملك صحفي ومشجع واي حاجة
المهم تكون معانا

صديقي طلوووح
ما اجملك صحفي ومشجع واي حاجة
المهم تكون معانا

صديقي طلوووح
ما اجملك صحفي ومشجع واي حاجة
المهم تكون معانا

العزيز تاج السر
كيف ىاخبارك
ليك وحشة يا راجل
شكرا على المرور
ود الشيخ بسلم عليك

صديقي تيتا
ربما كان البرنامج الضاغط عاملا مهما فى
ضعف اسهام الصحافيين
التشبع اليومي من الكتابة
افتكر ملاحظة ذكية جدا
ايضا هنالك فرسان كما هو واضح
للصحافة الالكترونية وهو ما اشرت له فى بداية البوست
اعضاء تمنيتهم صحافيين
ولكن صديقي كل هذا لا يمنع من اثراء المساهمة
عبر التصدي للمشكلات والعقبات، ما يتعلق بواقع الصحافيين
مقدور عليه ومقبول ومبلوع
ولكن ما اشار اليه الزملاء اعلى البوست من وجود مضايقات
امر يقتضي تكثيف الحوار
من اجل اعلاء قيم الحوار واحترام الراي الاخر
بما لا يفسد قضية الود
لك ودي

صديقي تيتا
ربما كان البرنامج الضاغط عاملا مهما فى
ضعف اسهام الصحافيين
التشبع اليومي من الكتابة
افتكر ملاحظة ذكية جدا
ايضا هنالك فرسان كما هو واضح
للصحافة الالكترونية وهو ما اشرت له فى بداية البوست
اعضاء تمنيتهم صحافيين
ولكن صديقي كل هذا لا يمنع من اثراء المساهمة
عبر التصدي للمشكلات والعقبات، ما يتعلق بواقع الصحافيين
مقدور عليه ومقبول ومبلوع
ولكن ما اشار اليه الزملاء اعلى البوست من وجود مضايقات
امر يقتضي تكثيف الحوار
من اجل اعلاء قيم الحوار واحترام الراي الاخر
بما لا يفسد قضية الود
لك ودي

لست صحفيا..و لكن..!


الأستاذ محمد عبد القادر.. حبابك يا صديق

كتر خيرك.. على فتح هذا البوست.. و اتمنى أن يسع صدر و صبر الأصدقاء و الصديقات الصحفيين .. لما نقول به هنا..

كقارئ عادي .. اعلم جيدا الظروف التي يكتب فيها الإخوات و الأخوان الصحفيين..و اذكر طرفة قديمة حينما كنت طالبا بالجامعة.. و شاءت الصدفة أن يمر بها صحفي محترم..و كان يأكل معنا في صحن البوش.. فاستغربت احدى الزميلات.. قائلة : هو بالله الصحفيين قاعدين ياكلوا بوش ..و يركبوا المواصلات..!

هذه واحدة من الأساطير الشعبية عن كون الصحفي منعم ..و لآ يأكل الطعام ..و يمشي في الأسواق بين الناس..و لكن لماذا؟
كسوداني عادي.. لا اقول أن كل اهل السودان متعلمين.. و يفهمون في السياسة..و ليس كل اهل السودان محظوظين و نالوا قسطا من التعليم المنظم (و ان كان رأي الشخصي أن القلم مرات كتيرة ما بيزيل بلم)..و لكن كثير من اهل السودان لهم القدرة على التحليل و المتابعة..و هذه بفضل الصحافة و جهد اهلها..

لست مثاليا.. لأن اطالب كمواطن عادي جدا.. أن تكون الصحافة سلطة رابعة في سودان اليوم و الأمس.. لإدراكي التام.. بأن السودان حتى الآن لم تمارس فيه حرية و حق تعبير .. حتى تصل الصحافة لمرحلة أن تكون السلطة الرابعة..و كمواطن عادي لا اطالب الصحفي مهما كان أن يصنع شربات من الفسيخ كما يقولون..

حتى اللحظة.. بظروف معيشتي الشخصية..و التي اظنها فتحت لي افاق اخرى.. و فرصة اطلاع على صحف اخرى ( افرنجية و عربية و وطنية سودانية).. مطلقا لآ ادخل الجهد الصحفي السوداني في مقارنة مع الأخرين..و اقرا ما تكتبه صحف السودان اسوة بما تكتبه الصحف البريطانية ..و الأمريكية..و الكندية..و العربية..و اعفي نفسي من المقارنة.. لأن ما يكتبه اهل السودان هو ما يعنيني..و لأن الظروف الموضوعية (من تقاليد حرية التعبير..و القوة الإقتصادية التي تتمتع بها مؤسسات الأخرين الصحفية) تجعل المقارنة غير موضوعية و غير عاقلة البتة..

في منبر سودانيز اونلاين (لأنو الكلفة مرفوعة شوية).. لآ اري ميزة للصحفي عن الأخرين..و ان كان بعض الإخوة الصحفيين في هذا المنبر يظنون أن كتابتهم في الصحف و تسويدها بالأحبار.. هو سلطة و ميزة تجعلهم في مكان عالي .. ليسوا كالبشر العاديين.. و أن ايتها اختلاف معهم .. هو بالضرورة طعن في تلك السلطة..و سحبها من تحت ارجلهم..فهذا ظن خاطئ تماما..

في هذا البوست قال الأستاذ عبود عبد الرحيم .. و انت ايدته في ذلك.. بتساؤلك عن هل الصحفيين مستهدفين في هذا المنبر؟.. و اضفت بأن اوصيته بأن يكتب و يدع التهاتر و اهله..و هو رأيك و نحترمه جدا أن رأيت أن بعض الخوارج و المتمردين هنا يمارسون تهاتر..و لكن..!
اظنك توافقني بأن الصحفي ضمير امته و مجتمعه..و اظنك توافقني بأن الكلمة مهما كانت هي امانة ..و شعلة في درب التنوير (و هو مطلب الجميع هنا..و ان كان بعض الذين يعيشون في داخل السودان قدر رموا طوبة الذين اجبرتهم الظروف للخروج عن السودان)..

فالصحفي الذي يطارد الناس الساكت من امثالي..و يرفع عقيرته بالجعير بعبارات من شاكلة (وييييينك يا كبر..و اتحداك يا كبر..) و الوعيد من شاكلة (كبر ما قدر كلامو).. أو يروج لرئيسه في المؤسسة التي يكتب فيها بعبارة ( الرائع .. حفظه الله)..او يروج لصحف المؤسسة التي يكتب فيها.. فمثل هذا الصحفي لن ترجي منه مساهمة تنوير..و لا القدرة على التصدي لحمل شعلة الوعي ..و خلق الرأي العام المعافى..

حينما يتزلف الصحفي لرئيس جمهورية السودان.. فهذا مفهوم .. لأني كقارئ عادي ادرك تماما معنى هذا التزلف و اجد العذر للصحفي .. لأن الصحفي المحترم بيكون معصور ..و أن الصحفي المحترم في يده قلم..و رئيس الجمهورية في يده مدفع رشاش (و ده قدرنا كده في العالم التالت)..و لكن أن يتملق الصحفي رئيسه .. فهذه عجيبة شوية..و ماظني عندها علاقة بالتنوير و الإستنارة..

ما اردت أن اقوله هنا.. أن يرفع بعض الإخوة و الأخوات من اهل الصحافة ستار الفوبيا و نظرية المؤمراة عن اعينهم..و يكتبوا..لأن الكتابة وحدها التي تجلب الإحترام لصاحابها ..و ليست المؤسسات و الألقاب..دي واحدة

النقطة الثانية.. ظروف السودان.. جعلت تجربة بعض الإخوة الصحفيين..أن تستكين لمفهوم الشارع الواحد..و سماع التقريظ المستمر و الإستحسان المستمر..و تجربتهم في سودانيز اونلاين تختلف كثيرا.. لأنها تمنحهم الوجه الآخر للقارئ..الذي لا يجد فرصة متكافئة .. أو القدرة على شحدة عمود في صحيفة .. على رأي اخونا عبد اللطيف السيدح..

و اتمنى صادقا يا محمد.. أن اكون احد الذين تمنيتهم أن يكتبوا في الصحف..!!!



و دمتم


كبر
(واحد من ناس الخارج.. الخوارج)

الأخ ابوحباب.... والمتداخلين
لكم التحايا
فعلا يا ابوحميد الصحافيين
لم تكن لهم مشاركات فاعلة
في المنبر,, بقدر اسهامهم في
صحفهم.
وهذا ايضا لا ينفي أن المنبر نفسه
يقتات من جهد الصحافيين
هناك مشاركات كثيرة لغير الصحافيين
كلها في جوهرها نقل لما يسطره
الصحافيون في صحفهم.. يعني منقولة
نقلا عنهم.. والصحافيين لم يعدوا
هذه المواد قطعا للمنبر بل هم
أعدوها لصحفهم..
أنا معك عزيزي أبو حباب في أن مشاركات
الصحافيين لسودانيز اونلاين تكاد تكون
معدومة.. الا من بعض المشاركات
التي تفضل الاخوة المتداخلين بحصر
بعضها.. قبيلة الاعلام وبالأخص
أهل الصحافة مفيدين جدا في مثل
هذه المنابر لقربهم من المعلومات,,
ولكن تبقى الأسباب التي ذكرها البعض
هنا هي السبب الرئيس في احجامهم
أو انشغالهم بأمور صحفهم ولهاثم
وراء الأخبار ليذودوا لا أقول هذا
المنبر ولكن كل الوسائط الاعلامية,,,,
عموما أبو حباب بركة اللقيت الباسويرد
بتاعك,, حتى تتحفنا بهذه الآراء
كما نتمنى أن نري مشاركاتك الأخري
فأنت كما عودتنا صاحب عبارة
شاعرية ,, كما أن لك في اللآداب والثقافة
قدم راكزة.. ولك في الأشعار والدوبيت
موجدة وحب وإقبال
والبركة كذلك في ظهور المبدعين
من أهل الصحافة في ظهراني هذا
البوست خاصة أولئك الذين فرقت
بيننا وبينهم المسافات.. الخاتم المهدي
وخالد أبو أحمد وطلحة وتيتاوي
وتاج السر محمد حامد... وآخرين
إن سقطو عن القلم,, قطعا لن
يسقطوا عن محيط الذاكرة..
ودمت

الزميل محمد عبد القادر
وبقية الزملاء

هذا بوست قيم وسنعود بالتعليق على ألا تنسوا زميلنا محمد عكاشة الذي ينشط أكثر مني.

وهناك بعض الصحافيين النشطين هنا وارجو ألا تغمط حقوقهم المنبرية:

جمال ادريس
اميرة الحبر
علي عمر علي
مصطفى سري
خالد عبيد
خالد عويس
عبد الواحد ابراهيم
كمال ادريس
عبود عبد الرحيم
غادة عبد العزيز خالد
والمعذر لمن نسيتهم

الاخ محمد عبد القادر .. ..

تحية طيبة :

وجود الاخوة الصحفيين في المنبر عظيم جدا وليتهم يقومون
بعمل صحفي كامل بجانب الزملاء الهواة ..

فوق

Quote: نريد جهدا فى مسارات التحرير المختلفة اخبار- تحليل - تحقيق - حوارات لماذا لا ينفرد المنبر بحوارات ومواد منوعة- المنبر لا يستفيد الا من الاخبار التى تنشرها الصحف مع ان المنبر ينفرد بكثير من المعلومات والاخبار ومن غير الصحافيين الا ان كثير جدا من اخباره منقولة عن صحف

أخي الفاضل محمد عبدالقادر... لك التحية والتقدير.
أذكرك بشعار المنبر بأنه "منبر من لا منبر له" لذا فهو يعتبر فرصة سانحة لمن ليس لديهم منابر، وكما تعلم أن للصحافيين منابرهم الخاصة. وكما تعلم أن الكتابة بالنسبة للصحافيين ليست مجرد وسيلة للتعبير، وإنما كذلك مهنة ومصدر رزق... وهكذا تكون الكتابة الراتبة مدفوعة الأجر، وما فاض من الوقت والكتابة يمكن الجود به على المنتديات.

الحبيب كبر
حبابك يا صديق وشاكر جدا على هذه
المداخلة القيمة
وقبل ما انسى.. انت الان صحفي اسفيري مكتمل الادوات
ومرحبا بك فى الصحافة المقروءة
اسعد جدا بمداخلاتك المختلفة
واشكر لك انصافك للصحافة السودانية باعتبارها
المعلم الاول لهذا الشعب الذكي البارع
فى الالتقاط والتحليل..
,وقد كنت منصفا كذلك فى عدم ادخال
الصحافة السودانية فى مقارنة مع رصيفاتها
فى البلدان الاخرى لانها صحافة تولد كنتاج معاناة طويلة
انتم ادرى بها
لم اؤيد الاخ عبود مثلما ذهبت كماانني لم ارفض وجهة نظره
لكني اوردت ما قال فى سياق حشدي لكثير
من الحيثيات التى اوردهاالزملاء كاسباب
لضعف مساهمة الصحافيين فى المنبر
وصدقني اخي كبر لم اصنف المنبر
لخوارج ومتمردي
انااحب كل سوداني تتوافر فيه
عناصر احترام الاخر وكمااسلفت فان اختلاف الالوان السياسية
والميول الحزبيةلا يلغي اننا ابناء جنسية واحدة ، سودانيون
نسعى لتلاقح الافكار والاراء وصولا لصيغةتراض مثلي
واتفق معك تماما ان طرح الشخص هو ما يجلب
له الاحترام وعدمه(فلسانك حصانك ان صنته صانك وان تركته هانك).
وان كان لى ملاحظة على ما دار بينكم والاخ عبود عبد الرحيم
فانني حريص على ان يحتفظ كلنا بمساحة ود تجاه الاخر تعصمه من
جفوة المقال وهتر السؤال
عزيزي كبر - تمنيتك صحافيا رايك شنو
لك مودتي

العزيز
صلاح شعيب
واللا ايام يا زمان
سعيد جدا بوجودك فى البوست
واتمنى ان تشاركنا الراي مثلما وعدت
تقديري الكامل لمساهمتك النوعية فى المنبر
واقدر جهود الزملاء الذين ذكرت
جمال ادريس
اميرة الحبر
علي عمر علي
مصطفى سري
خالد عبيد
خالد عويس
عبد الواحد ابراهيم
كمال ادريس
عبود عبد الرحيم
غادة عبد العزيز خالد
ولكن بمعرفتي لهؤلاء وغيرهم ارى ان ما يجودون به قطرة فى بحر
الاستاذ خالد عويس نقل ديسك التحرير الى المنبر فى جهد مقدر وملموس
له التحية
الاخت غادة شكلت خضورا صحافيا بهيا فى المنبر
وهي صاحبة نكهة فى المعالجات المطروحة
كل من ذكرتهم اخي صلاح يتسمون بالتميز غيراني ارى ضعف مساهماتهم
قياسا بالامكانيات والملفات التى يمسكون بها داخل الصحف
هنالك مجموعة اخرى من الصحافيين موجودة فى المنبر لا بتهش لا بتنش
تستعصم بالصمت.. تمارس عزلة مجيدة
نريد حراكا متنوعا للصحافيين
شكرا على المرور

حبيبنا بخاري بشير
تحياتي
والله طالما لمانا المنبر دة
فنحن على موعد مع الكثير
والله تعرف واحدة من حسنات البوست دة
انو جمعنا بزملاء واخوة واصدقاء
افتقدناهم كثيرا
هسي وجود الناس القلتهم ديل خارج السودان
مش تبديد للثروات القومية
لكن حقيقة ومع تاميني على ما ذهبت اليه فيما يتعلق
بان المنبر يقتات مما تكتبه الصحف فى كثير من الاحايين
الا انني ارى ضرورة الاستفادة من هذا المد التحريري المبذول بيننا فى
اثراء ساحة المنبر بالاستفادة من الميزات التى يتمتع بها سودانيز اون لاين
وحقيقي وبجرد بسيط جدا نرى ان المنبر فى معظم مواده تعليق او تحليل لما تحمله الصحف
ولابد هنا ان اشير الى ان الصحف وثقت سودانيز اون لاين من قبل كمصدر لاخبار
او معلومات او رسائل او صور انفرد بها المنبر.
انت تقدر وانا كذلك الطاحونة والدوامة اليومية لصحيفة تعد مادتها وتكتب وتجمع وتصحح وتنفذ وتطبع فى يوم واحد وهذا جهد خارق نحيي عليه اخوانا فى الصحف
ولكن كل هذا وذاك يجعلنا نطلب مزيدا من الاسهام
واكيد لنا مع الشعر والدوبيت وقفات ووقفات
بخاري - شايف البوست جاب عزيزنا الخاتم المهدي
واظن دة الجابك
لك مودتي

up

الاخ بهاء الدين عيسي
شكرا على المرور الجميل
نامل يا اخي فى رؤية عطاء مميز للصحافيين بالمنبر
واكيد توافقني الراي انكم تعلمون اكثر مما تكتبون
اعاننا الله على تقديم صورة مشرقة لصحافة السودان عبر هذا المنبر
مافى داعي للتقوقع- مهما كانت الاسباب

الاخ محمد الامين موسى
مرحبا بك
وشاكر لهذه الاضافة
واتمنى ان يكون سودانيز اون لاين (منبر من له منبر ومن لا منبر له)
رايك شنو نوسع الماعون
طبعا يا صديقي ليس هنالك ازمة منابر داخل او خارج السودان
هنالك ازمة خطاب فى تقديري
والاسهام الذى لا تنتظر تجاهه مقابل يكون دائما اصدق
لانه لايدخل الافكار والمبادرات فى الة حاسبة منحتني كذا وساعطيك كذا
وهذا سر تميز سودانيز اون لاين ان الضمير هو ما
يملي على الشخص الاحتفاء بهذا المنبر
ياخي البيسوو الصحافيين بالمقابل فى الجرايد
خلى يمارسو هنا من باب الهواية وسيكون اصدق واوقع
الصحافة مهنة يدمنها الشخص ولا تمارس داخل الجرايد فقط
ينبغي ان يكون الصحفي صحفي فى كل مكان
فائق شكري وتقديري

اخونا محمد عبد القادر

مشكور على فتحك هذا الباب الموارب للكثيرين
من الاخوه الصحافيين الزملاء....اللذين يكتبون
فى صحف المهاجر وصحف السودان منذ اوائل التسعينات

امثال الاستاذ تاج السر حامد
الاستاذ خالد حامد الجزولى
الاستاذ عبدالرحيم عبدالحليم

مارايك فى ان نعيد ترتيب غرف الصحفيين
داخل حوش سودانيز اون لاين بحيث تسع الجميع
ونلم شملهم ونجعل منهم ( بقرة حلوب )






تحياتى

يا ابحميد

شكرا على التعقيب
ولكن أخشى بعد شوية حتجد غالبية كتاب المنبر من الصحفيين
خصوصا بعد قائمة الزميلة ناهد..
ولقد نسيت للاسف الاشارة إلى الاساتذة:
تاج السر الملك وهو من كبار صحفيي جريدة السوداني في الفترة الديمقراطية وكنت أقرأ كتاباته في الثقافة والفن حينما كنت في القسم الرياضي ولا أفقه كثير شئ عن الصحافة الثقافية والفنية التي كان يزاولها. وكيف ننسى أخونا وصديقنا مصطفى عبد العزيز البطل والذي عملنا معه في ظلال.
وكذلك لا أنسى مساهمات أخونا الصحفي محمد عبدالله شريف سكرتير تحرير حضارة السودان .
وبرضو حأجيك بقائمة أخرى.

Quote: مشكور على فتحك هذا الباب الموارب للكثيرين من الاخوه الصحافيين الزملاء....اللذين يكتبون فى صحف المهاجر وصحف السودان منذ اوائل التسعينات امثال الاستاذ تاج السر حامد الاستاذ خالد حامد الجزولى الاستاذ عبدالرحيم عبدالحليم مارايك فى ان نعيد ترتيب غرف الصحفيين داخل حوش سودانيز اون لاين بحيث تسع الجميع ونلم شملهم ونجعل منهم ( بقرة حلوب )

الاخت الكريمة ناهد
شكرا على المرور
والامر يستحق ان تفتح له كل الابواب والعقول
سعيد جدا بي الاساتذة
تاج السر حامد صحفي جميل وخالد حامد الجزولي قلم نبيل
اما عبدالرحيم عبد الحليم فالراجل قريبي
وكتر خيرك على تنبيهي لوجوده بيننا او وجودي بينكم لاني ما طولت فى هذا المنبر
مقترحك باعادة ترتيب غرف الصحفيين فى المنبر مفيد وبناء
اؤيد بشدة وارى ان يكون هذا البوست ضربة البداية
خالص الود

اخونا الزميل صلاح شعيب

ياخى الا يكبوا ليك موية فى جحرك حتى تمرق

ازيك ياخى .....

ياخى انت من اوائل الناس الكتبوا عنى وشجعونى فى العام 93
ابان صدور جريدة الخرطوم من القاهره انا والرائعه خلود كبيده
وكنا فى بداياتنا نتعثر ...وكان معنا الراحل المقيم وديع خوجلى
وكنت دائما ماتشد من ازرنا ....وتغمرنا بتلاطيف كتاباتك


الله يديك العافيه



محمد عبد القادر

كب الموية تانى فى الجحور ....مليااااااااااانه

ثُم ماذا عن الاستاذ خضر عطا المنان
واسهاماته بارزة في المنبر.

وبرضو نمل في نمل يا ابحميد

Quote: ابحميد شكرا على التعقيب ولكن أخشى بعد شوية حتجد غالبية كتاب المنبر من الصحفيين خصوصا بعد قائمة الزميلة ناهد.. ولقد نسيت للاسف الاشارة إلى الاساتذة: تاج السر الملك وهو من كبار صحفيي جريدة السوداني في الفترة الديمقراطية وكنت أقرأ كتاباته في الثقافة والفن حينما كنت في القسم الرياضي ولا أفقه كثير شئ عن الصحافة الثقافية والفنية التي كان يزاولها. وكيف ننسى أخونا وصديقنا مصطفى عبد العزيز البطل والذي عملنا معه في ظلال. وكذلك لا أنسى مساهمات أخونا الصحفي محمد عبدالله شريف سكرتير تحرير حضارة السودان . وبرضو حأجيك بقائمة أخرى.

سعيد جدا اخي صلاح
بهذه الاكتشافات الرائعة
التحية لاستاذنا تاج السر الملك
وطبعا حكايتك مع الرياضة دي دايرا ليها بوست
والتحية لاستاذنا مصطفى عبد العزيز البطل احد اساطين ظلال الوارفة
وتمتد التجلة ايضا لاستاذنا محمد عبد الله شريف
منتظرك يا حبيب بالقائمة او الملحق

Quote: اخونا الزميل صلاح شعيب ياخى الا يكبوا ليك موية فى جحرك حتى تمرق ازيك ياخى ..... ياخى انت من اوائل الناس الكتبوا عنى وشجعونى فى العام 93 ابان صدور جريدة الخرطوم من القاهره انا والرائعه خلود كبيده وكنا فى بداياتنا نتعثر ...وكان معنا الراحل المقيم وديع خوجلى وكنت دائما ماتشد من ازرنا ....وتغمرنا بتلاطيف كتاباتك الله يديك العافيه محمد عبد القادر كب الموية تانى فى الجحور ....مليااااااااااانه

الاخت ناهد
هذا البوست اصلا فى مهمة بحث عن الجحور
نوعدك بصب المزيد من الماء حتى يخرج اخر صحفي
ليقول انا هنا
انضمام الرائع صلاح شعيب مكسب
ومازلت ابحث عن اخرين
بختك طبعا اذا اكتشفك صلاح شعيب
فالرجل صاحب بصيرة نادرة فى تصيد المبدعين
التحية لخلود كبيدة
والرحمة والمغفرة للراحل المقيم وديع خوجلي
ومعا لترتيب الغرف...

Quote: ثُم ماذا عن الاستاذ خضر عطا المنان واسهاماته بارزة في المنبر. وبرضو نمل في نمل يا ابحميد

اخي شعيب نضر الله وجه هذا النمل
وتحية للقامة الصحفية والمنبرية استاذنا خضر عطا المنان
وبرضو نمل فى نمل يا صلاح شعيب

الاخوان محمد عبد القادر والاخ صلاح


الاستاذ الاستاذ الاستاذ ساخر السبيل

الاستاذ القدير والاخ الكريم الفاتح جبرا

الفاتح جبرا
الفاتح جبرا
ليه اسهامات او قول (زوابع) داخل ساخر سبيل


وايضا الاستاذ الاستاذ الاستاذ

القدييييييير جدا د...بشرى الفاضل
صاحب الحضور الباهر فى مسار التواريخ

محمد إزيك؟
(1)
معظم الصحافيين في المنبر بيخافوا من شيل الحال، يعني تكتب ليك حاجة يجيك (ديك عدة) خاشي من جماعة ناس (هناي البراي)يكرهك يومك الدخلت المنبر.
(2)
هناك غوغاء في المنبر عندهم موهبة في تطفيش البوستات الكويسة مقابل إعلاء بوستات (توجد صورة بالداخل)..!
(3)
ليه ما يكون في المنبر ده منتديات جانبية متخصصة؟!
(4)
(بعض) الاعضاء الخاشين بأسماء مستعارة بيشتغلوا مع آخرين من أصحاب الأسماء (الجد) بطريقة (أضرب وأهرب)..!
(5)
لو إتفقنا مع بعض ممكن نقدم أفضل خدمة لاعضاء المنبر من خلاصة حصاد الفنون الصحفية خلال اليوم(بالصورة والقلم)، أو كما قال..!

Quote: محمد إزيك؟ (1) معظم الصحافيين في المنبر بيخافوا من شيل الحال، يعني تكتب ليك حاجة يجيك (ديك عدة) خاشي من جماعة ناس (هناي البراي)يكرهك يومك الدخلت المنبر. (2) هناك غوغاء في المنبر عندهم موهبة في تطفيش البوستات الكويسة مقابل إعلاء بوستات (توجد صورة بالداخل)..! (3) ليه ما يكون في المنبر ده منتديات جانبية متخصصة؟! (4) (بعض) الاعضاء الخاشين بأسماء مستعارة بيشتغلوا مع آخرين من أصحاب الأسماء (الجد) بطريقة (أضرب وأهرب)..! (5) لو إتفقنا مع بعض ممكن نقدم أفضل خدمة لاعضاء المنبر من خلاصة حصاد الفنون الصحفية خلال اليوم(بالصورة والقلم)، أو كما قال..!

الاستاذ وجدى الكردى

اقول ليك حاجه ....ياخى انت مسكت الحبل من الاخر


مشكور

أبحميد

يا هو جاك الناقد الفنان
وجدي الكردي ناتل ليقول ها أنذا يا أبتي..القرطاس في يميني والنداوة في صوتي
وأزميلي ينحت المنبر..وبعد شوية حيجيك
محمد "السني"..دفع الله بإسماء في حياتنا الصحفية لـ"يشيع"
حال اللابدين البتمرقم موية ناهد من جحورهم.وقيل حجورهم..وقد تأتي البت الحديقة سلمى الشيخ سلامة لتصححنا لتقول إن الاصح هو "من جواهراهم" والله وسيبويه وعمنا المصحح الصحفي عبد العال أعلم..!!

الحبيب صلاح شعيب
والله ما احوجنا لعم عبد العال
لتصحيح الاحساس بالايام التى ذهبت
والقادم المحمول على اجنحة الغيب ومدنا بجرعة
متفائلة تواسينا وتخفف عنا عنت الرحلة
ونصب مهنة المتاعب
والله تذكرت رجل عزيز علينا
حباب محمد السني دفع الله..
والبت الحديقة سلمى فقد سجلت توقيع جميل على البوست
شايف البوست بدا يطرح مقترحات لتجاوز الراهن
المهم تعال نكب لينا موية تاني نشوف البطلع منو
اظهر وبان عليك الامان..
مداخلة وجدي تستحق ما ذهبت اليه
وقد مثلت اضافة جابت الموضوع من اخرو
مثلما ذكرت الاخت ناهد
مودتي يارائع
وشكري للجميع

وجدي الكردي كيف احوالك
اظنك لمست كبدالحقيقة
وسكبت كثيرا من الملح على ما اسميه جراح الصحافيين فى المنبر

Quote: 1) معظم الصحافيين في المنبر بيخافوا من شيل الحال، يعني تكتب ليك حاجة يجيك (ديك عدة) خاشي من جماعة ناس (هناي البراي)يكرهك يومك الدخلت المنبر. (2) هناك غوغاء في المنبر عندهم موهبة في تطفيش البوستات الكويسة مقابل إعلاء بوستات (توجد صورة بالداخل)..! (3) Quote: ليه ما يكون في المنبر ده منتديات جانبية متخصصة؟ ! (4) (بعض) الاعضاء الخاشين بأسماء مستعارة بيشتغلوا مع آخرين من أصحاب الأسماء (الجد) بطريقة (أضرب وأهرب)..! (5)

كل الاسباب المتقدمة تحتاج لحلول ومدارسة مع ادارة المنبر لايجاد حلول
تبدد مخاوف الصحافيين
وانا من رايك ناس هناي البراي ديل ليس لديهم ما يخافون عليه
قضية الاسماء المستعارة من الهواجس الى تجعل من يخاف على اسمه
يتحاشى الاخرين المجهولين..
المنتديات المتخصصة اعتقد اقتراح متين وعملي يجب الدفع به من اجل اثراء
المنبر بجهود الصحافيين.

يطراك الله بالخير اخت ناهد ذكرتينا بي قامتين
بيشرفوا ويضيفوا دائما
وللحق فان استاذنا الفاتح جبرا قلم سيال
وصاحب مشاركات دائمة.. لكن طوفان البوستات يحرمنا
من اطلالته الدائمة
والرائع بشرى الفاضل صاحب مشاركات استثنائية
متعه الله بالصحة والعافية
ومعا من اجل صب مزيد من المياه على الجحور

في اعتقادي هنالك مساحات شاسعة للصحفيين عبر صحفهم ينبغي لهم ملئ تلك الفراغات اولا وبكل تاكيد هم في اشد الحوجة لكم هائل من المواضيع ولذلك يعتبر مداخلات الصحفيين عبر المنبر والمنتديات قليل جدا ويتمثل في مداخلات عامة دون فتح بوستات بمواضيع جديدة رغم التواجد الدائم لكل الاخوة الصحفيين عبر تلك المنابر والمنتديات للبحث عن مادة جديدة او مفيدة قد يعنهم في كتابة المواضيع ومتابعة اراء الجمهور عبر القضايا المطروحة في الساحة قبل الشروع في كتابتة عبر بوست يعتبر جس نبض عبر المنبر والمنتديات
لكم ودي

اخي عصام سلام
مع تقديري لوجهة نظرك الا انني
على يقين ان الصحافيين قادرين على
الانتاج والعطاء فى اي زمان ومكان
ومتى توافر التشجيع وانتفت كوابح النشر
دعنا نعالج هواجس الصحافيين فى المنبر
ونحاول علاجها حتى نصل الى مشاركة فاعلة
مودتي

الاستاذ محمد عبد القادر....اولا شكرا على هذا البوست المحضور من قامات فرقتنا عنها عواتي الدهر... فتحيتي ارسلها لكل اسماء الزملاء الاعزاء.
ثانيا اود ان اشير الى ان عمري في هذا الفضاء الرائع لم يتعد الاشهر الثلاث (يعني هذه اول ارشفة احضرها) واصبح التواجد في المنبر (خرمة) يومية حتى ايام الجمع نسل من بين العيال وتهرب الى بيت بكري الكبير.
ثالثا اثني اقتراح الاستاذة ناهد في التصنيف ثم وضع تصور لعمل اكثر فائدة للمنبر واعضائه خاصة واني اعتبر كل من يكتب بفكر ناضج يمكن ان يكون قائد رأي وليس بالضرورة كل صحفي قائد رأي.
رابعا الملاحظ ان العضوية اصبحت الان اكثر سهولة لعاملين في الحقل الصحفي من اي وقت مضى، ويلاحظ ايضا ان عددا كبيرا من اعضاء جمعية الصحفيين السودانيين بالمملكة العربية السعودية اعضاء في المنبر وتظهر مشاركاتهم بشكل واضح خلال اليوم.
ختاما اعلن جاهزيتي ـ رغم المشاغل ـ بكل ماترونه لجمع الصف من اجل عمل اكثر فائدة....مع محبتي

الاخ الرائع كمال ادريس
تحياتي

Quote: اعلن جاهزيتي ـ رغم المشاغل ـ بكل ماترونه لجمع الصف من اجل عمل اكثر فائدة....مع محبتي

تسلم يا حبيب وانت جدير بجمع الناس
وياهو المنى ويا هو المراد

Quote: ثالثا اثني اقتراح الاستاذة ناهد في التصنيف ثم وضع تصور لعمل اكثر فائدة للمنبر واعضائه خاصة واني اعتبر كل من يكتب بفكر ناضج يمكن ان يكون قائد رأي وليس بالضرورة كل صحفي قائد رأي.

الاخت ناهد قدمت مقترحاوجيهاواتمنى ن نعض عليه بالنواجز

Quote: ثانيا اود ان اشير الى ان عمري في هذا الفضاء الرائع لم يتعد الاشهر الثلاث (يعني هذه اول ارشفة احضرها) واصبح التواجد في المنبر (خرمة) يومية حتى ايام الجمع نسل من بين العيال وتهرب الى بيت بكري الكبير.

سعيد جدا باول رشفة
وننتظر رشفات ورشفات
لكن قلت لى بتهرب لى بيت بكري
الاعتراف دة بيخلي الجماعة يزعلو
خالص الود

عزيزي العزيز جدا بخاري بشير
تقبل مني تحيات مشبعة بقطرات الندي حين تراقص هبة نسيم متخمة بدعاش اهلي الحنان ..
اما بعد ..
فلعلك قرات ما كتبه صاحبك المشبوه حودة هنا:

Quote: صديقي طلوووح ما اجملك صحفي ومشجع واي حاجة المهم تكون معانا

وإن كنت لم تره فارفعه لك لتتمعن في ما بين سطوره و...
أقول ليك حاجة..
اديني تلفون صاحبي الحاج عبدالوهاب سريع بلاي ..
ولوتعذر ...
عندي تلفون العتباني ذاتو ..
أنقل تحياتي الحميمة للأستاذ عبد المجيد عبد الرازق
ومريم ابشر
وسنهوري كذلك
وسمعة الحبيب
ولا تنسي الجميل خالص ضياء الدين بلال
وبالمرة وري الجماعة ديل عمايل صاحبك حودة في المنبر وبعيدا عن اعين الرقيب والكفيل .
سلام ليك مربع .

طلوح المشاغب
ياخي انت كالمستجير من الرمضاء بالنار
تشتكيني لى بخاري والحاج
والله بالغت

Quote: وإن كنت لم تره فارفعه لك لتتمعن في ما بين سطوره و... أقول ليك حاجة.. اديني تلفون صاحبي الحاج عبدالوهاب سريع بلاي .. ولوتعذر ...

لن يسمع احد استغاثاتك
وقعت وما سميت
تحياتي

العزيز الاستاذ صلاح شعيب
لك السلام والاشواق

الأخ العزيز
محمد عبدالقادر

تحياتي وأضاء المنبر بحضورك فحينا تحل
تحل الخير والبركة في أعقابك
وهذا البوست يجعلني أحاول أن أنشط همتي
وأسهم في المنبر أكثر بعد أن بعدت عنه في خلال الفترة الماضية
لأسباب عديدة

تقبل خالص تقديري ومودتي

غادة

Quote: وهذا البوست يجعلني أحاول أن أنشط همتي وأسهم في المنبر أكثر بعد أن بعدت عنه في خلال الفترة الماضية لأسباب عديدة تقبل خالص تقديري ومودتي

العزيزة غادة عبد العزيز خالد
فاقدنك والله
ونحتاج جدا لهمتك المشهودة وقلمك الجميل
نتمنى ان نراك دوما فى المنبر
متابعك فى الصحافة
وحريص جدا على التوقف عندالزوايا التى تلتقطين منها افكارك
مساهمة الصحافيين فى المنبر بحاجة الى تفعيل
شكرا على المرور
ومازلت بانتظار المشوي والكنافة
بعد العثور على الكنافة
تحياتي للوالد

بحى طبعا كل الاخوة الصحفيين وكتاب العواميد اليوميه
واصحاب الكتابات التحليليه...

اخونا محمد عبد القادر...
امسك عندك .....



اخونا الزميل والبوردابى الاول من العام 2000
الاستاذ صلاح الباشا...الرقيق ....الناقد الفنى

والمخضرم الرائع الحساس ...محمد عبدالله الريح....

وقد زاملتهم فى عدة صفحات وصحف...وايضا فى سودانيز
اون لاين فى العام 2001 قبل ان يتم تحديث الموقع ..وتفعل
بنا الظروف مافعلت .......الا انه (جاتنى الهمه تانى )وعدت لهذا الحوش
قبل فترة قليله ........
ولا ادرى لماذا اختفوا عن الكتابه فى المنبر..(خليتهم فى امان الله )

.رغم مواصلة الاخ صلاح
بالذات فى القراءة والاطلاع على الموقع يوميا
....ولكنى ساسأله هذا
السؤال بالهاتف ...وسأتيكم (بالنجيضه)

وكذلك الاستاذ الشاعر الطيب برير ...شاعر الحداثه...
كتاباته قله ...نرى احيانا اشعاره (المتفرده)
اذ يقول (بعض منك لايلقاك الا فى ذاكرة الرماد...اذ هكذا النيران)



وايضا الكاتب وزميلى فى منتدى تانى (حنيييين) الاستاذ عبدالله الطاهر من البحرين
واجده هنا احيانا .........

اما الرائع الفنان ...السنى دفع الله ..فاجده دائما مواصلا ومجاملا
ربنا يديه العافيه ....



ياخى بالله التقول كبيت لى موية فى جحرى انا...مش فى جحورهم هم ....

بتذكر ليكم تانى مجموعة جديدة .....
وبرجع ان الله ماشال وداعته


تسلموا

الاخت ناهد
تحياتي وخالص تقديري لجهدك المقدر

Quote: اخونا الزميل والبوردابى الاول من العام 2000 الاستاذ صلاح الباشا...الرقيق ....الناقد الفنى والمخضرم الرائع الحساس ...محمد عبدالله الريح.... وقد زاملتهم فى عدة صفحات وصحف...وايضا فى سودانيز اون لاين فى العام 2001 قبل ان يتم تحديث الموقع ..وتفعل بنا الظروف مافعلت .......الا انه (جاتنى الهمه تانى )وعدت لهذا الحوش قبل فترة قليله ........ ولا ادرى لماذا اختفوا عن الكتابه فى المنبر..(خليتهم فى امان الله )

يا ستي والله حوش بكري دة ما شاء الله عامر ومليان
بس سؤالك عن اختفائهم هو ما يحيرني ايضا
تحياتي لكل هؤلاء واستحلفهم ان يعودوا لان المنبر بحاجة الى اقلامهم الفارعة

Quote: وكذلك الاستاذ الشاعر الطيب برير ...شاعر الحداثه... كتاباته قله ...نرى احيانا اشعاره (المتفرده) اذ يقول (بعض منك لايلقاك الا فى ذاكرة الرماد...اذ هكذا النيران) وايضا الكاتب وزميلى فى منتدى تانى (حنيييين) الاستاذ عبدالله الطاهر من البحرين واجده هنا احيانا ......... اما الرائع الفنان ...السنى دفع الله ..فاجده دائما مواصلا ومجاملا ربنا يديه العافيه ....

والتحية لهذا الثلاثي الرائع
الطيب برير فتح عيوننا على شوارد الافكار والكلمات ربنا يطراهو بالخير
الاستاذان عبد الله الطاهر والسني دفع الله نحتاجهم بشدة ايضا
ونسال عنهما بالحاح.
تسلمي يا ناهد يللا مويتك فى باقي الحجور
باقي متعطشين لى حبانا الصحافيين

يللا منتظرنك
مع خالص الود

يا أبو (الجميلة حباب)..
حباب كل الحلوين من لدن: ناهد وغادة، لـ (الأخرشين): بخاري وطلحة..!
شايف البوست ماشي يزوغ شوية شوية من هدفو الأساسي:
ليه الصحافيين ما بيكتبو في المنبر؟!


أنا عندي إقتراح: طالما نحن ما حنكتب من (على هذا البنبر) بـ (أخوي وأخوك)، ترفعاً أو(رفعة) أو خوفاًأو كسلاً أو عملاً بالمثل: أبعد عن (البوست) وغنيلو، لماذا لا نقوم بحملة مضادة لـ (تصحيف)المنبر؟!
كيف؟!
كل عضو صحفي يختار واحد من أعضاء المنبر مّمن (يأنس في نفسه الصحافة)، ويديهو فرصة و(قروش)عشان يكتب في جريدتو..!
أنا سأختار (.........)
تفتكر يا محمد (نقط نقط) يكون منو؟!

حباب وجدي الكردي
معاك انو لابد من التركيز على السؤال ومحاولة ايجاد اجابات
لماذا لا يكتب الصحافيون فى المنبر؟
حلوة الاخرشين بخاري وطلحةديل طبعا قصتهم حا نفتح ليها بوست

Quote: أنا عندي إقتراح: طالما نحن ما حنكتب من (على هذا البنبر) بـ (أخوي وأخوك)، ترفعاً أو(رفعة) أو خوفاًأو كسلاً أو عملاً بالمثل: أبعد عن (البوست) وغنيلو، لماذا لا نقوم بحملة مضادة لـ (تصحيف)المنبر؟! كيف؟!

البوست كلو يا وجدي محاولة معلنة لتصحيف المنبر
وانا ادعم اي اتجاه للوصول الى هذه الغاية او على الاقل الاحتفاظ بجرعة معقولة
من اسهامات الصحافيين.

Quote: [ابعد عن (البوست) وغنيلو،

مقولة لابد من ان تتبدد عبرايجاد معالجات
تخاطب هواجس الصحافيين
المنتدى الجانبي مقترح جيد
خلينا نمشي فى الاتجاه دة ونسمع راي المهندس بكري

Quote: كل عضو صحفي يختار واحد من أعضاء المنبر مّمن (يأنس في نفسه الصحافة)، ويديهو فرصة و(قروش)عشان يكتب في جريدتو..! أنا سأختار (.........) تفتكر يا محمد (نقط نقط) يكون منو؟!

مالك داير تجيب لينا الهوا
كان جبنا اسمو الهوا بقسمو
خليهو بيني وبينك

صديقي .. استاذ محمد عبد القادر.. حبابك

كتر خيرك كتير..
لكن يا اخوي لو جيت للجد.. نحن عنقاله ساكت..
و نتمنى للصحافة السودانية كل الخير..
و لأخوانا الصحفيين ربنا يفرج كربتهم (الضغط و كده)..و يقدروا يساهموا مساهمة ايجابية في المنبر..(ايجابية بمعنى الإستمرار في التواصل.. عشان ما ينط فينا احد هواة النسنسة الحايمين هنا في البوست ده)..

شكر كتير يا محمد..و اعتذر لو خانني التعبير في بعض المواضع..

كل الإحترام لصحفي و صحفيات المنبر و السودان عامة..


كبر

الصديق الحبيب كبر
سعيد جا بمداخلتك

Quote: لكن يا اخوي لو جيت للجد.. نحن عنقاله ساكت.. و نتمنى للصحافة السودانية كل الخير.. و لأخوانا الصحفيين ربنا يفرج كربتهم (الضغط و كده)..و يقدروا يساهموا مساهمة ايجابية في المنبر..(ايجابية بمعنى الإستمرار في التواصل.. عشان ما ينط فينا احد هواة النسنسة الحايمين هنا في البوست ده)..

اخي كبر ياخي انتو الخير والبركة
وانتم صحافيون بالانتساب لانني لمست كثيرا من الصفات التى
تؤهلك لهذا ولكن صديقي كل ميسر لما خلق له
والله دعوتك جميلة
الصحافيين ديل يا كبر والله يحننوا
ضغط رهيب
وواجبات اكبر من الزمن
ومهنة حساسة
ومحاكم كتيرة
ومجتمع معقد
الله يهين الجميع

Quote: شكر كتير يا محمد..و اعتذر لو خانني التعبير في بعض المواضع.. كل الإحترام لصحفي و صحفيات المنبر و السودان عامة.. كبر

لا اعتقد ان التعبير يخون من هم مثلك يا صديقي
وشكرا على هذا الادب الجم والتهذيب العالي
واكيد كل صحافيي السودان يكنون لك ذات الاحترام والتقدير
الذى انت اهل له
خالص التحايا

الصديق الحبيب كبر
سعيد جا بمداخلتك

Quote: لكن يا اخوي لو جيت للجد.. نحن عنقاله ساكت.. و نتمنى للصحافة السودانية كل الخير.. و لأخوانا الصحفيين ربنا يفرج كربتهم (الضغط و كده)..و يقدروا يساهموا مساهمة ايجابية في المنبر..(ايجابية بمعنى الإستمرار في التواصل.. عشان ما ينط فينا احد هواة النسنسة الحايمين هنا في البوست ده)..

اخي كبر ياخي انتو الخير والبركة
وانتم صحافيون بالانتساب لانني لمست كثيرا من الصفات التى
تؤهلك لهذا ولكن صديقي كل ميسر لما خلق له
والله دعوتك جميلة
الصحافيين ديل يا كبر والله يحننوا
ضغط رهيب
وواجبات اكبر من الزمن
ومهنة حساسة
ومحاكم كتيرة
ومجتمع معقد
الله يهين الجميع

Quote: شكر كتير يا محمد..و اعتذر لو خانني التعبير في بعض المواضع.. كل الإحترام لصحفي و صحفيات المنبر و السودان عامة.. كبر

لا اعتقد ان التعبير يخون من هم مثلك يا صديقي
وشكرا على هذا الادب الجم والتهذيب العالي
واكيد كل صحافيي السودان يكنون لك ذات الاحترام والتقدير
الذى انت اهل له
خالص التحايا

الصديق وجدي الكردي.. حبابك

كتبت:

Quote: (1) معظم الصحافيين في المنبر بيخافوا من شيل الحال، يعني تكتب ليك حاجة يجيك (ديك عدة) خاشي من جماعة ناس (هناي البراي)يكرهك يومك الدخلت المنبر.

1. يعني هو بالله شيل الحال ده قاسي للدرجة دي؟.. انت يا اخوي نسيت حال السودان ولا شنو؟.. مش ياهو عندنا صحافة مخصوصة اسمها الصحافة الإجتماعية .. مبنية على شيل حال الناس.. من جنس فلانة ابوها طردها..و فلانة حملت وولدت فار.. و فلان فعل ..و فلان ترك..؟.. يعني الصحفيين يشيلوا حال الناس..و يبقى ليهم بمبي لمن الناس تشيل حالهم؟

2. بخصوص ديوك العدة.. ياخوي هوي الزول لو ما خلى عدتو في السهلة ساكت.. مافي ديك بينطط فيها.. لأن العدة الفي السهلة بتغري الديوك الهاملة..و على قول اهلنا البتشبح شغلاتو بتبين..يعني لو ختيت ليك نملية (جدية و احترام ذات قبال احترام الأخرين)حول عدتك.. يتخيل لي مافي ديك ح يقعد ينطط ليك فيها..و يكسرها ليك اوانطة ساكت..

3. بخصوص جماعة ناس هناي البراي.. ياخي دي بالغت فيها عديل كده..معقولة يا صديقي صحفي بيكره انو يتبري؟..مش الصحافة في وجه من وجوهها هي مهنة البري بامتياز؟..

4. بخصوص يديهو قروش (من مداخلتك الأخيرة)..اجمل حاجة في سودانيز اونلاين يا صديقي وجدي انو .. ما بيدو فيهو الناس قروش.. عشان كده ابدع و بدع..و خلق وجودو في الرأي العام.. عارف ليه؟.. لأنو القروش بتربطك (و سيد مرتبك يا هو سيدك)و بتحدد ليك تكتب متين و ترفع ايدك متين..و تضحك متين ..و تبكي متين..و تنسنس متيين ذاتو..

الغريبة سودانيز اونلاين (ارض الغوغاء على قولك).. يوم واحد ما جابت ليها زول بكرت..و يوم واحد ما اغرت ليها زول او اكرهتو .. عشان يجي يكتب فيها.. أي زول ولا زولة جا هنا برغبتو..

اما بخصوص البوست.. ما بنحرف ولا يحزنون.. اللهم الإ كن النسنسة..التحت تحت.. ديك تسقط حجروا..


و دمت

كبر

سلام كتير لوجدي الكردي

Quote: شايف البوست ماشي يزوغ شوية شوية من هدفو الأساسي:

انا غايتو يا استاذ وجدي عندي حسابات قديما عايز اصفيها مع حودة دا ..
وبصراحة البوست دا فرصة ..
اسمحوا لي ياخ .

كتب الأستاذ / وجدي الكردي:

Quote: ليه ما يكون في المنبر ده منتديات جانبية متخصصة؟!

أعتقد إن هذه فكرة جيدة و لكنها مرهونة بالتأكيد بموافقة أمين الموقع بكري أبوبكر إلي القضايا الفنية التانية ذات العلاقة ويبدو أن الأخ وجدي يريد الفصل التام مع ناس ( توجد صورة بالداخل) لكن المشكلة التانية هي مشكلة ناس غوغل و ناس (كوبي و بيست) الذين سينقلون شحناتهم الثقيلة من (الحوار المتمدن) و غيره إلي المنتديات المتخصصة .
أها دي نحلها كيف ؟
مع التحية
محمد عثمان

الاخ محمد عثمان
ننتظر افادة ادارة المنبر المقترح جيد

Quote: Quote: ليه ما يكون في المنبر ده منتديات جانبية متخصصة؟!

معا من اجل تقديم مقترحات تسهم فى عودة الصحافيين

يا طلوح المشاغب
حساباتك دي صفيها مع كرنقو
اما شكيتك لى بخاري دي
انا حا ارجع ليها بي مهلة
مشتاقين والله
وطبعا فى الحسابات دي بعد التصفية
انا طالبك........
جية السودان

من أمس الأول لم أدخل
على الانترنيت ,,, وبالتالي
على المنبر. لكن اليلة لقيت
بوست محمد عبد القادر سخانتو
عالية.
أحبائي طلوح,,,, ووجدي الكردي
كيفنكم..أولا احيي طلحة على
رجالته الظاهرة والماداسيها
بانو عندو تصفية حسابات مع
الأخ حووودة صاحب البوست
.. أما ياطلوح ما أسماه حوودة
استنجادا بي وبالأخ حجوج فذلك
مدعاة للضحك,, ياااااأخي إنت
ما إستنجدتا بالخاتم ذاتو لمن جا طالي
هنا.. تعمل بينا احنا شنو؟؟؟ بالله ده
اسمو كلام؟؟ أو كما يقول الفحل.....

عزيزي طلووح على العموم احنا
جاهزين ورهن اشارتك ,, وأنا عارفو
حووودة قاصد شنو لمن قال داير
يفتح بوست جديد لي وليييك...

الأكرم وجدي الكردي الخراشة والله
جميلة ,, وعمرنا ماكنا زي ناس (هناي)
ما هناي البراي,, عموما مرحب بقلمك
السااااخر في هذه الدوحة..والذي افتقدناهو
حتى في حكايات التي لم تظهر فيها الا من
وراء السطور والسمكرة الماخمج.. شايف انو
وصفة الأخرشيين دي عجبت الجماعة

Quote: حلوة الاخرشين بخاري وطلحةديل طبعا قصتهم حا نفتح ليها بوست

حبيبنا الغلي جدا صلاح شعيب لك الود
والتحايا وانت تمطر على الطرس ليل أحم
وتشارك بقلمك ليس في المنبر وحده
ولكن حتى في الصحف ..سلمت أخي
ولا ننسى اخرين لهم اسهامهم الباتع...

نعود للأخ الحبيب محمد عبد القادر:
شايف صاحبك الخاتم تاني ما رجع
الحاصل شنو؟؟ خاصة انك ربطت دخولي
بحضوره القوي.. سلاااام للخاتم وهو
في بلاد تموت من البرد حيتانها..

البوست رغم تخريماته الا انه
طرح سؤالا مهما ضعف مشاركة
الصحافيين في المنبر..ولازالت
الردود مستمرة.. نأمل مشاركة
أكبر من الزملاء,,,, وناس
التخريمة إن شاء الله ما يكترو
ونعتذر للمتداخلين من تخريماتنا
الخاصة
ودي للجميع,,,,

قول واحد مشاركة

مرحبا نادية عثمان
كقلم صحفي اثرى المنبر بكثير من
الاسهامات المشرفة
ننتظر مقترحاتك طبعا لتفعيل اسهام
الصحافيين فى المنبر
وسعداء جدا بمرورك من هنا

Quote: نعود للأخ الحبيب محمد عبد القادر: شايف صاحبك الخاتم تاني ما رجع الحاصل شنو؟؟ خاصة انك ربطت دخولي بحضوره القوي.. سلاااام للخاتم وهو في بلاد تموت من البرد حيتانها..

حبيبنا بخاري
شكرا على المداخلة الممتعة
يا سيدي هنالك اراء حقيقة لطفت هذا البوست الذى
طرح قضية جادة بعض الشئ
الخاتم دة فى ياتو ديسك كدي فتشو لي
والله الرجل واحشنا قلمو السيال
تعرف يا بخاري اخر مرة لاقيتوكان ماشي المكوجي
لكن المهم هو ظهر
ياخوي خاف على الحيتان الخاتم ما بتجيو عوجة
منتظرنك يا خاتم المني ولك فائق الود والتقدير
الاستاذ وجدي كان موفق جدا فى وصفك وطلحة بالاخرشين- الماء والتمر
واللا شنو يا كردي..
بنجيهم راجعين
صلاح شعيب سوداني رائع وصحفي هميم
اتحفنا كثيرا بمداخلاته المليانة
نسال الله ان يطيل امد بقائه بيننا فى هذا البوست
وفى الصحف المحلية
عزيزي بخاري
تظل الحاجة ملحة الى صيغة مثلى لتفعيل المشاركة
هنالك مقترحات مطروحة
اتمنى ان نوفق
ولى قدام

Quote: هذا المنبر يضم عددا مقدرا من خيرة الصحافيين السودانيين بالداخل والخارج لكن اسهام كل هذا المجموع ضعيف جدا اذا ما قورن بتراكم الخبرات وتميز الاسماء اين تكمن المشكلة..؟؟..

الاخ/ محمد عبد القادر
تحياتى
نعم يضم المنبر الكثير من الصحفيين لكن تكمن المشكله حسب اعتقادى فى الاتى:ـ
اولا ساعود بك للوراء قليلا سبق وان قام الاستاذ(صلاح الباشا) بانتقاد احدى الزميلات وبصوره موضوعيه ولا يخفى عليك يا عزيزى كيف قوبل هذا الانتقاد من جماعات الحبيبه والعزيزه والصديقه اذ انهم انقضوا على الرجل وكانه اتى باحدى الكبائر على سطح البورد، هذا جانب وللتوضيح اكثر وحسب رؤيتى المتواضعه ان البورد للاسف يتم التعامل فيه بالعلاقات او المجاملات (النفاق الاجتماعى) حيث نجد ان بعض المواضيع الهايفه تجد ردود فعل اكثر واقوى من المواضيع الجاده او الهادفه والتى يشارك بها اغلب الصحفيين فى البورد مما يجعلهم تدريجيا يقللون من مشاركتهم او يجبروا للخروج عن طورهم وذلك بواسطة المهاترات الاسفيريه او(شفوت المنتديات) اذا صح التعبير... وسبب اخر هو ان معظم الصحفيين المقيمين بالخارج لايستطيعون الكتابه عن امور السودانيين فى الدوله التى يقيمون بها وذلك لاسباب لاتفوت على فطنة احد

لك التحية أخى محمد عبدالقادر مثنى وثلاث ورباع .. لانك فعلا
وكما ذكرت زميلتى وأختى بنت أمى ( ناهد بشير الطيب) بأنك صببت الماء
فى الاجحار .. وأخرجت الكثير من الاحبه والاصدقاء والزملاء .. منهم ذلك الفتى
الحبوب صاحب الابتسامه والتى لاتفارق شفاه وهو فى أحلك الظروف الا وهو أخى وحبيبى
( بخارى ) هذا الانسان مهما تحدثت عنه فلن ولااستطيع أن أعطيه حقه كاملا
فهو نعم الاخ والصديق فله منى ألف تحية وترحاب وكم أنا سعيد برؤيتك البهية
عبر هذا المنبر والشكر أولا وأخيرا لاخونا محمد عبدالقادر .. أما أخى وجدى الكردى
هذا الانسان القامه له تحياتى وتشكراتى ..

أخى محمد بمشئية الله سوف يكون هذا البوست علامة مميزة لكل الاحبه ولن ينتهى أبدا
وسنوافيكم بكل ماتحمله القلوب ليس بالمشاركات فقط بل بالحب والترابط والتواصل
ودمتم لنا ولكم ..

تاج السر
00966508730423

الاخ العزيز
تاج السر
لك الشكر على هذه المداخلة
سلمت واختي ناهد الطيب التى اضافت الكثير لهذا
المنبر
وذكرتنا بالجحور واعانتنا على صب مزيد من المياه
حبيبنا المبتسم الصامت بخاري بشير رجل خلوق
ويستحق اكثر من ثنائك الجميل
قدم مداخلات ثرة والرجل علاوة على سماته الشخصية بحر
فى الصحافة والادب نسال الله له العافية
الكردي تقدم بمقترحات بناءة لتفعيل مساهمة
الصحافيين تنتظر الباشمهندس بكري وقدم
افادات غاية فى الصراحة والروعة

أحسب أخى محمد بأن الاقتراح والذى جاء من الاستاذه الاعلاميه
الصحافيه الراقية ناهد بشير الطيب أن يجد الاذن الصاغية ..
لانه فعلا أقتراح جميل جدا ويستحق الاشادة والوقوف عنده كثيرا

طلب أخير من أخى العزيز بخارى بشير .. هل تفضلت عزيزى الغالى
بمدنا برقم جوالك المحمول .. كما أرجو من الاخوة الكرام بتبليغ
تحياتى لود الشيخ الصغير والتحيات لكل الاخوة والاحباب لديكم..
ودمتم ..

تاج السر

تاج السر ود الشيخ
كيفك يا خوي
ابلغت سلامك للراجل البركة ود الشيخ
وقطعنا فيك طبعا..........
بيسلم عليك شديد

Quote: أحسب أخى محمد بأن الاقتراح والذى جاء من الاستاذه الاعلاميه الصحافيه الراقية ناهد بشير الطيب أن يجد الاذن الصاغية ..

الاخت ناهد قدمت اسهاما جيدا فى هذا البوست
نتمنى ان يكلل بخطوات عملية تعيد الصحافيين الى دائرة
المشاركة الفاعلة..
سنتصل ان شاء الله لنوافيك برقم الزميل بخاري
لك التحية وخالص الود

ود الشيخ
اليوم ناهد ماظهرت
نحن فى الانتظار

صلاح شعيب
اين انت يارجل
منتظرين على احر من الجمر

Quote: اولا ساعود بك للوراء قليلا سبق وان قام الاستاذ(صلاح الباشا) بانتقاد احدى الزميلات وبصوره موضوعيه ولا يخفى عليك يا عزيزى كيف قوبل هذا الانتقاد من جماعات الحبيبه والعزيزه والصديقه اذ انهم انقضوا على الرجل وكانه اتى باحدى الكبائر على سطح البورد،

الاخ عبد الغفار عبد الله
سعدت بمداخلتك التى حملت وقائع صافقة
وارى ان الاتزان فى التعامل مع ما ينشر فى البورد
واحد من الادبيات التى ينبغي ترسيخها حتى نحتفظ لبعض بمساحات ود
لا اقول انها متساوية ولكن على الاقل تكون منصفة
الموضوعية امر مهم جدا فى التعاطي مع ما ينشر فى المنبر

Quote: ان البورد للاسف يتم التعامل فيه بالعلاقات او المجاملات (النفاق الاجتماعى)

هذا امر محبط طبعا وارى ان مقترح المساحة الجانبية للصحافيين بالامكان ان يقدم
حلا لمثل هذه الممارسات.

Quote: نجد ان بعض المواضيع الهايفه تجد ردود فعل اكثر واقوى من المواضيع الجاده او الهادفه والتى يشارك بها اغلب الصحفيين فى البورد مما يجعلهم تدريجيا يقللون من مشاركتهم او يجبروا للخروج عن طورهم وذلك بواسطة المهاترات الاسفيريه او(شفوت المنتديات) اذا صح التعبير

ارى ان الشكوى كثرت من شفوت المنتديات اخي عبد الغفار وهو امر يقتضي التاكيد على ان هذا المنبر وبوصفه واحد من ادوات النشر الالكتروني اداة توعيةوتنوير وتبصير ولكن بالتي هي احسن وبلا ايذاء يقود الى مواجهات ومقاطعات للمنبر من اشخاص يتاذون من العنف اللفظي
احد الزملاء من غير افراد المنبر اشار الى نقطة مهمة وهي ان الصحافيين يدخلون باسمائهم ويتعاملون مع اشخاص مجهولين ليس لديهم ما يخافون عليه.
عموما كلها وجهات نظر تقتضي التعامل بمنطق يعصم الصحافيين من ان يكونوا لقمة سائغة للمجهولين
وارى انه لا داعي للتستر وراء الرمز لاساءة الاخر
وهو امر بالامكان ان تحسمه ادارة المنبر

اخونا وود عمنا طالما عبدالرحيم قريبه يبقى هو كمان قريبى محمد ود عمنا عبدالقادر


لقد سمعت اختكم ناهد بت بشير الكثيرين من اهل الحكمه والراى والعلم
يرددون هذه الجمله فى مقام الاعجاب بفلان ذاك
فالتاجر الشاطر ....والسياسى الداهيه ...والعسكرى الحاذق
والسمسار الجرىء ....واللص النابغه ....كلهم يعرفون
من اين تؤكل الكتف ...الا اخواننا الصحفييين هنا داخل هذا المنبر...
وحتى لاتظن بطموحى الظنون فقد حاولت صادقه وجاهده ومنذ امد بعيد ان ...أعرف
من اين تؤكل هذه الكتف اللعينه ...وكدت ادرك هدفى لولا بعض الارهاصات والهنات
التى ذكرها الاخوه من قبل ...والتى تسببت فى عدم اكمال مهمة (من اين تؤكل الكتف)

تلك المشكله هى ..(عدم وجود الكتف من اساسه )...واعتقد جازمة انه
( كتف زايغ) .....ويحتاج الى زيارة بسيطه (لبت بتى )
حتى ترجع لنا ...... تلك الزوغة و(الفليته)
مكانها ....ماعلينا الان ....سوى التوجه نحو بيتها ......


هيا

بت عمي ناهد
كيف اخبارك
الصحافيون مثاليون اكثر من الاخرين
لاسباب تتعلق برسالية المهنة وقداسة طرحها
لذا فانهم غير (مفتحين) فى مسالة الكتف دي
وما بعرفو ياكلو من وين
ولكن على كل
نحن لدينا حيثيات مسببة لعزوفنا عن المنبر كصحافيين
وحشدنا مقترحات لتجاوز العقبات
انت واحدة من الذين تقدموا بمقترح جيد
ومع بعض سنصل الى ما نريد
سالت عنك امس لانك بارعة فى تذكيرنا بما نسينا
من قامات صحفية ذات وجود معتق فى المنبر
ومعا اختي ناهد لصب مزيد من المياه على الجحور
اظهر وبان عليك الامان
بت بتي الله يرحمها
لكن قالو عندها بتا شاااطرة
كان غلبنا النسوي بنمشي عليها
ربنا يعدل الميل
قولى امين
خالص التحايا

أصدق التحايا للجميع. و من بعدإذنكم/ن، دام فضلكن/م، أسمحوا لى بأقتراح أراه يمضى ويصب فى إتجاه تقوية مشاركة الصحفيات والصحافيين فى المنبر.تعالوا نساهم فى جمع و توثيق و نشر تراث الراحل المقيم الصحفى النابه وديع خوجلى و التعريف به.وهو فقيد الصحافة و الصحافيين و الوطن أجمعين.اللهم أرحم زميلناالنبيل و صديقنا الصدوق وديع خوجلى،بقدرماقدم للوطن من آمال و للصحافة من أعمال.

اين انت يا صلاح شعيب

فوق

انا عايز طلع من الخط
لكن لازم ابارك لحودة دا ..
موش قلت عايز تعمل بوست بالمناسبة العظيمة دي ياحودة .
وين بوستيك بتاع أضرب الحمام الميت ياخ ..

صديقي طلوح
بعد نحسم مشاركة الصحافيين فى المنبر
اكيد حنلتفت لاي حمام ميت
البوست بتاعي دة مفاجاة
انت قاصد حمام السودان ولا حمام زامبيا ولا حمام العين
كلو بنضربو طالما كان ميت
هو البخلي ميت شنو
شاكر جدا على المباركة
ترقبونا
طلوح ....... زيسكو كيف

صديقي الرايع باتقان والجميل كأسطورة بخبخ .
قلت لي يا وسيم الاحاسيس :

Quote: عزيزي طلووح على العموم احنا جاهزين ورهن اشارتك ,, وأنا عارفو حووودة قاصد شنو لمن قال داير يفتح بوست جديد لي وليييك...

اذن فهاكها تحية وامضة المشاعر انقلها إلى صديقي المتحشد لطافة حجوج .
صدقني مشتاق ليكم بعنف ياخ .

الشوق بحر
ايها الرائع كابتسامة الحاج

Quote: كابتسامة الحاج

الحاج شنو البيبتسم ياأبو حباب؟!
بالغت في دي..!
إّذا رأيت (سنون) الحاج بارزة فلا تظنن ان الحاج يبتسم..!
شكلك إتكيفت يا طلحة.. مش؟!
ينفعك..!

Quote: الحاج شنو البيبتسم ياأبو حباب؟! بالغت في دي..! إّذا رأيت (سنون) الحاج بارزة فلا تظنن ان الحاج يبتسم..! شكلك إتكيفت يا طلحة.. مش؟! ينفعك..!

كل القصة يا وجدي ياخوي
انو ابتسامة الحاج دي مافى طريقة
الا تكون رائعة فى عدم الروعة
اها رايك شنو فى موضوع مشاركة الصحافييين دة حقو نعمل
تلخيص لاراء المتداخلين ومقترحاتهم ولا نصبر شوية

تحياتي

فوق

أخي العزيز محمد !!!

ودي ..

أولا مشكور على هذا البوست الجاد والمسئول ..

ثانيا يمكنني تلخيص قلة مشاركة الصحفيين في سببين :

الأول عدم وجود الوقت الكافي للرد على المدخلات .. والثاني تخوف البعض من الهجمات المرتدة من

المتربصين في هذا المنبر بكل موضوع جاد و بكل شخص لا يروق لهم وفي بعض الأحيان تكون الهجمات

مزاجية أو إنتقامية وبدون سبب واضح .. لذلك أنا شخصيا أحترم عزوف بعض الصحفيين عن الكتابة هنا

ولكن لا أشجعهم في الوقت نفسه على الخوف من قلة لا هم لها سوى إحراجك أمام الآخر دون سابق معرفة

ففي النهاية لن يبقى سوى الصحيح وسيذهب الزبد جفاء.. شكرا مرة أخرى ..

Quote: يمكنني تلخيص قلة مشاركة الصحفيين في سببين : الأول عدم وجود الوقت الكافي للرد على المدخلات .. والثاني تخوف البعض من الهجمات المرتدة من المتربصين في هذا المنبر بكل موضوع جاد و بكل شخص لا يروق لهم وفي بعض الأحيان تكون الهجمات مزاجية أو إنتقامية وبدون سبب واضح .. لذلك أنا شخصيا أحترم عزوف بعض الصحفيين عن الكتابة هنا ولكن لا أشجعهم في الوقت نفسه على الخوف من قلة لا هم لها سوى إحراجك أمام الآخر دون سابق معرفة ففي النهاية لن يبقى سوى الصحيح وسيذهب الزبد جفاء.. شكرا مرة أخرى ..

الاخت الكريمة عواطف ادريس
تحياتي واشكرك على هذه المداخلة الثرة
اوافقك على ضق زمن الصحافيين ولكن ارى انهم قادرون على الانتاج والاضافة
على نحو افضل مما نشاهد الان
ربما يكون السبب الثاني وجيها ولكن على قولك
فى النهاية لا يصح الا الصحيح
وينبغي ان لا نخشى احد فى هذا المنبر لان ممارسة الوعي والتنوير
وخوة الكلمة هي ما يجمعنا
ارى ان الامر يحتاج الى معالجات تتدخل فيها ادارة المنبر بشكل او اخر
لان التخويف والتشهير الذى يتبعه البعض امر يتنافي مع قيم
المنبر الداعية على اشاعة الحريات واهمها النشر والتعبير
نتمنى ان نوفق فى خلق واقع افضل
لك مودتي

فوق

الاخ العزيز
محمد عبد القادر
شكرا لهذا البوست ..
واعتقد ان المقترحات التي طرحها الزملاء تستحق الدعم..
كما اعتقد ان هذه فرصة للقيام
بحصر الزملاء الصحافيين في المنبر من خلال هذا البوست،
على غرار ما ابتدره الاخ الزميل صلاح شعيب في مداخلاته اعلاه.
وسأعود اليك بقائمة طويلة بمن اعلم انهم اعضاء في المنبر من الاخوة الزملاء.
لك وللاسرة مودتي

لا مجال للمقارنة بين ما يكتبه الصحفيون ، وما يكتبه غيرهم في فضول اوقاتهم ،فالصحفي لا يكتب الا عندما يمتلك المعلومة او الفكرة او الخبر او التفسير او التعليق وهو ايضا محترف ، يضع الامور في نصابها ويستفيد من اخطائه ويدرك هذه الاخطاء لحظة وقوعها لانه يقع تحت طائلة القانون وعنف اللوائح الادارية ورقابة المجتمع بكامله 00 وغياب بعض الصحفيين عن المنبر سببه انهم لا يكتبون كل ما يرد بخواطرهم كما يفعل الاخرون من الهواة ، ممن يستفزهم موقف عابر على الكتابة او رغبة شخصية في الدفاع عن راي او موقف او فكرة وقد يكتب البعض لمجرد التسلية والامتاع ، او حتى من باب انا اكتب اذا انا موجود ولي راي وموقف 00
والصحفي مع ذلك مهموم بالكتابة الى صحيفته على قدر همه على رعاية اسرته ووطنه ، فالصحيفة هي وسيلته للعيش وهي مهنته وهي الطريق الذي يصله بالقراء ..
والسبب الاخر لضعف مشاركة الصحفيين ، ان الكتابة في المنبر طوعية والكتابة في الصحيفة قسرية ، ومع ذلك فقد حصلت على اهم الاخبار السودانية من المنبر ، ووفقا لدراسة ما زالت في طور الاعداد لزميل بجامعة قطر تشير نتائجها الاولية الى ان المنبر يعتبر اعلاما بديلا بحق وحقيقة ولذلك على الصحفيين الاهتمام به لهذا السبب 00 وعلى سبيل المثال ورد خبر هروب الضابط السوداني في الصحف السودانية على انه هرب برواتب الموظفين بينما قدمه المنبر برواية اخرى تقول انه مسؤول تمويل المعارضة التشادية ، اذا يتميز المنبر بقدرته على تقديم اكثر من رواية للخبر الواحد والقارئ يستطيع التمييز ، وهذه النقكة بالذات تفرض على كل الاطراف مراعاة الموضوعية التي هي دين الاعلام الغربي ،لان من يفقدها يفقد مصداقيته فلا مجال لحجب وجهات نظر الاخرين .
ثمة ملاحظة اخرى ان عدد الصحفيين اقل مقارنة ببقية المتداخلين ولكن مساهمتهم اكثر وقعا واشد تاثيرا واكثر قيمة واقرب الى تفسير الامور على حقيقتها .
وبالعودة الى موضوع البوست بعد هذه المقدمة المطولة لقول : الصحفي مثل الحكم هو محل انتقاد على الدوام ،وهو حكم ساحة لانه يقول رايه في ما يفعله الاخرون 00 وفي المنبر لا يحصل الصحفيون بالطبع على اية قداسة مثلما يحدث في وسائل الاعلام ، باعتبار قربهم من الحدث ، والصحفي ايضا اكثر حساسية تجاه النقد لانه لا يتحدث عن رايه هو ،انه فقط يقرر ما يحدث ، وعندما لا يروق الحدث لجهة ما فان ذلك لا يعني ابدا ان القصة برمتها غير حقيقية ..
والاخ محمد عبد القادر بفتحه هذا البوست كنت اظنه سيتحدث عن صراع القوميات في وسائل الاعلام بالنسبة للصحفيين العاملين خارج السودان وهو قد عايش حقبة ثرة لهذا الصراع وبجواره سبعيني فلسطيني كان لا يعترف بان في هذه الدنيا صحفيا غيره !!
خذوها مني الصحافة مقبلة على عصر العولمة ويومها كل المجتمع صيصبح صحفيا وكل من يملك القصة الخبرية ذات العناصر الاخبارية الجيدة هو صحفي 00 تعرفون من هو افضل مراسل صحفي رايته في حياتي ؟
شخص تخرج من السنة الثانية الاولية ، لا يجيد الكتابة لكن انفه حساسة تجاه الاخبار بدرجة لا تصدق 00

Quote: لا مجال للمقارنة بين ما يكتبه الصحفيون ، وما يكتبه غيرهم في فضول اوقاتهم ،فالصحفي لا يكتب الا عندما يمتلك المعلومة او الفكرة او الخبر او التفسير او التعليق وهو ايضا محترف ، يضع الامور في نصابها ويستفيد من اخطائه ويدرك هذه الاخطاء لحظة وقوعها لانه يقع تحت طائلة القانون وعنف اللوائح الادارية ورقابة المجتمع بكامله 00 وغياب بعض الصحفيين عن المنبر سببه انهم لا يكتبون كل ما يرد بخواطرهم كما يفعل الاخرون من الهواة ، ممن يستفزهم موقف عابر على الكتابة او رغبة شخصية في الدفاع عن راي او موقف او فكرة وقد يكتب البعض لمجرد التسلية والامتاع ، او حتى من باب انا اكتب اذا انا موجود ولي راي وموقف 00 والصحفي مع ذلك مهموم بالكتابة الى صحيفته على قدر همه على رعاية اسرته ووطنه ، فالصحيفة هي وسيلته للعيش وهي مهنته وهي الطريق الذي يصله بالقراء ..

الدكتور الحبيب عبد المطلب صديق
سعيد جدا بانضمامك الى هذا البوست الذى كان بانتظار
مرورك القيم وافاداتك الممنهجة ومداخلاتك الثرة
واتفق معك فى ما ذهبت اليه من انتفاء للمقارنة بين ما يكتبه
الصحافيون والهواة..
فالكتابة المهنية تحكمها مواثيق وقوالب ومسؤوليات
لا تشمل من يكتبون فى فضول اوقاتهم
ومن اجل ما قلت ارى انه وبحكم هذه الاطر المهنية والقانونية والمجتمعية
فان مساهمات الصحافيين بامكانها ان تغير شكل المنبر
الذى تحوله بعض المداخلات الى مكان ل(طق الحنك) والتسلية
والامتاع وهي ايضا من وظائف النشر ولكن غلبتها على ما سواها من موضوعات يفتح الباب اما فقدان الكثير من الثقة والوقار لما ينشر فى المنبر..
ولكن عزيزي طلب ارى ان سقف التناول فى المنبر مرتفع اكثر مما هو عليه فى الصحف
الامر الذى يضيف ولا يخصم لامكانيةالتعامل بصورة فضفاضة مع حيثيات النشر
بحيث تتسع مساحة التناول وتتنوع الكتابة الابداعية على نحو لا تسمح به قوالب الصحافة كما تعلمون..

Quote: لسبب الاخر لضعف مشاركة الصحفيين ،ان الكتابة في المنبر طوعية والكتابة في الصحيفة قسرية ، ومع ذلك فقد حصلت على اهم الاخبار السودانية من المنبر ، ووفقا لدراسة ما زالت في طور الاعداد لزميل بجامعة قطر تشير نتائجها الاولية الى ان المنبر يعتبر اعلاما بديلا بحق وحقيقة ولذلك على الصحفيين الاهتمام به لهذا السبب 00 وعلى سبيل المثال ورد خبر هروب الضابط السوداني في الصحف السودانية على انه هرب برواتب الموظفين بينما قدمه المنبر برواية اخرى تقول انه مسؤول تمويل المعارضة التشادية ، اذا يتميز المنبر بقدرته على تقديم اكثر من رواية للخبر الواحد والقارئ يستطيع التمييز ، وهذه النقكة بالذات تفرض على كل الاطراف مراعاة الموضوعية التي هي دين الاعلام الغربي ،لان من يفقدها يفقد مصداقيته فلا مجال لحجب وجهات نظر الاخرين .

..
الدراسة التى اشرت اليها اخي طلب تجعلنا اكثر احساسا بقيمة هذا المنبر
وتحفزنا على البحث عن مشاركة فاعلة لاستثمار فضاء الاعلام البديل خصوصاوان ما يملكونه من معلومات يمكنهم من اثراء هذا الفضاء الاسفيري على نحو يميزه كثيرا..
وقد وضعت اصبعك على حقائق مهمة انتجها افقكم الاكاديمي الذى نحتاجه كثيرا فى تطوير العلاقة بين الصحافة ومنبر سودانيز اون لاين وقد بات منبرا متاحا لتبادل الروايات ونشر كل شئ
وكما تعلم اخي طلب فان الصحفي لا ينشر كل ما يعلم الامر الذى جعل الجريدة مقيمة والصحفي موثوق
كما ان المنبر بحاجة الى تطوير قدرة الاعضاء على التعاطي مع وجهات النظر المختلفة بلا سب او شتيمة او تقليل وهو امر يتاتي للصحفي المحترف اكثر من الكاتب الهاوي.

Quote: وبالعودة الى موضوع البوست بعد هذه المقدمة المطولة لقول : الصحفي مثل الحكم هو محل انتقاد على الدوام ،وهو حكم ساحة لانه يقول رايه في ما يفعله الاخرون 00 وفي المنبر لا يحصل الصحفيون بالطبع على اية قداسة مثلما يحدث في وسائل الاعلام ، باعتبار قربهم من الحدث ، والصحفي ايضا اكثر حساسية تجاه النقد لانه لا يتحدث عن رايه هو ،انه فقط يقرر ما يحدث ، وعندما لا يروق الحدث لجهة ما فان ذلك لا يعني ابدا ان القصة برمتها غير حقيقية ..

ومانبحث عنه فى هذا المنبر اخي طلب مساحة تقدس ما يكتبه الصحفي لذا فقد تواترت كثير من المقترحات الداعية الى الاحتفاظ للصحافيين بمنبر خاص او ايجاد معالجات خاصة بادارة المنبر تعصم اسماءهم ومداخلاتهم المنزهة والمجردة من الاساءة والتجريح ولا تضعهم عرضة امام العابثين والمستهترين بقداسة هذه المهنة.

Quote: والاخ محمد عبد القادر بفتحه هذا البوست كنت اظنه سيتحدث عن صراع القوميات في وسائل الاعلام بالنسبة للصحفيين العاملين خارج السودان وهو قد عايش حقبة ثرة لهذا الصراع وبجواره سبعيني فلسطيني كان لا يعترف بان في هذه الدنيا صحفيا غيره !! خذوها مني الصحافة مقبلة على عصر العولمة ويومها كل المجتمع صيصبح صحفيا وكل من يملك القصة الخبرية ذات العناصر الاخبارية الجيدة هو صحفي 00 تعرفون من هو افضل مراسل صحفي رايته في حياتي ؟ شخص تخرج من السنة الثانية الاولية ، لا يجيد الكتابة لكن انفه حساسة تجاه الاخبار بدرجة لا تصدق 00

ساعود الى صراع القوميات من واقع تجربة حقيقية كنت احد ابطالها فى دوحة الخير واوافقك الراي حول احسن صحفي شاهدته فنموذج جارتنا فطين وكالة الانباء المتحركة مازال شاخصا فى نظري وهي تلتقط الاخبار وتعالجها وتبثهاوقد صارت مصدرا موثوقا بما يقول اكثر من رويترز
ولنا عودة صديقي طلب
وشكرا على المرور الجميل

up

الشوق بحر
ايها الرائع كابتسامة الحاج

الشوق بحر
ايها الرائع كابتسامة الحاج

Quote: الشوق بحر

بحر بي سمكو واعشابو واللا بدون .. التحديد مهم .

Quote: ايها الرائع كابتسامة الحاج

بقيت تقول شعر يا حودة ..؟

بقول شعر لاني بعرفك يا طلوح
بحر بي اي حاجة تتخيل
تسلم يا حبيبنا
بانتظار مقترحاتك لتفعيل مشاركة الصحافيين

اين الصحافيون

ننتظر مزيدا من المقترحات

هنالك مقترحات مفيدة تنتظر موافقة ادارة المنبر
سنعرضها هنا حتى لا يضيع جهد البوست

Quote: هذا المنبر يضم عددا مقدرا من خيرة الصحافيين السودانيين بالداخل والخارج لكن اسهام كل هذا المجموع ضعيف جدا اذا ما قورن بتراكم الخبرات وتميز الاسماء اين تكمن المشكلة..؟؟.. ......................... .......................... ........................... ......................... بالمناسبة هنالك اشخاص فى هذا المنبر تمنيتهم فى الصحافة الصحافيون ليسو من بين نجوم الكتابة فى المنبر دة راي صحفي لا عضو منبر...

بانتظار المزيد من المساهمات

أسمعني يا حودة
اها كيف بلاي الجماعة
ناس كوكو كوكو ورمرم والذي منو
وبعدين ذاتو كيف قندهار
لسة قاعدين تمشوا بالأتوس
ياخ لو عندكم لى وظيفة انا بجيكم نأنو شنو ..
إشتقت ليكم شوق السحابة الراحلة .
ياخ انتو ناس احلي شديد .
سلامي للعزيزة أميرة الحبر
ومريم ابشر
واحسان
وإيمان
وسنهوري
ومحمد صالح
والعزيز ضياء
وكل الرائعين في القسم الرياضي بقياة سيد الجريدة مجيدو .

كتب الاستاذ بخاري بشير

Quote: الأخ ابوحباب.... والمتداخلين لكم التحايا فعلا يا ابوحميد الصحافيين لم تكن لهم مشاركات فاعلة في المنبر,, بقدر اسهامهم في صحفهم. وهذا ايضا لا ينفي أن المنبر نفسه يقتات من جهد الصحافيين هناك مشاركات كثيرة لغير الصحافيين كلها في جوهرها نقل لما يسطره الصحافيون في صحفهم.. يعني منقولة نقلا عنهم.. والصحافيين لم يعدوا هذه المواد قطعا للمنبر بل هم أعدوها لصحفهم.. أنا معك عزيزي أبو حباب في أن مشاركات الصحافيين لسودانيز اونلاين تكاد تكون معدومة.. الا من بعض المشاركات التي تفضل الاخوة المتداخلين بحصر بعضها.. قبيلة الاعلام وبالأخص أهل الصحافة مفيدين جدا في مثل هذه المنابر لقربهم من المعلومات,, ولكن تبقى الأسباب التي ذكرها البعض هنا هي السبب الرئيس في احجامهم أو انشغالهم بأمور صحفهم ولهاثم وراء الأخبار ليذودوا لا أقول هذا المنبر ولكن كل الوسائط الاعلامية,,,, عموما أبو حباب بركة اللقيت الباسويرد بتاعك,, حتى تتحفنا بهذه الآراء كما نتمنى أن نري مشاركاتك الأخري فأنت كما عودتنا صاحب عبارة شاعرية ,, كما أن لك في اللآداب والثقافة قدم راكزة.. ولك في الأشعار والدوبيت موجدة وحب وإقبال والبركة كذلك في ظهور المبدعين من أهل الصحافة في ظهراني هذا البوست خاصة أولئك الذين فرقت بيننا وبينهم المسافات.. الخاتم المهدي وخالد أبو أحمد وطلحة وتيتاوي وتاج السر محمد حامد... وآخرين إن سقطو عن القلم,, قطعا لن يسقطوا عن محيط الذاكرة.. ودمت

Quote: .أسمعني يا حودة اها كيف بلاي الجماعة ناس كوكو كوكو ورمرم والذي منو وبعدين ذاتو كيف قندهار لسة قاعدين تمشوا بالأتوس ياخ لو عندكم لى وظيفة انا بجيكم نأنو شنو .. إشتقت ليكم شوق السحابة الراحلة . ياخ انتو ناس احلي شديد . سلامي للعزيزة أميرة الحبر ومريم ابشر واحسان وإيمان وسنهوري ومحمد صالح والعزيز ضياء وكل الرائعين في القسم الرياضي بقياة سيد الجريدة مجيدو .

الحبيب طلحة والله الشوق ليك يوم ما فتر
طواااالي انت ما بين الخاطر والوجدان
كل هؤلاء يغرونك التحايا بس محمد صالح دة بقى من رعايا الدوحة
والتحق بالوطن القطرية
ياريت تجينا راجع
الاتوس اتطورت شوية
ولسة مع قندهار والمشاوي واللحوم وكبدة الابل
كوكو ازداد القا
الجميع ينتظركم
وليك وحشة- قبل كم يوم كام معانا سيف الجامعة فى الجريدة
ما اتذكرتك لاني ما نسيتك- يا وديدي

كتبت الاخت ناهد بشير الطيب

Quote: اخونا محمد عبد القادر مشكور على فتحك هذا الباب الموارب للكثيرين من الاخوه الصحافيين الزملاء....اللذين يكتبون فى صحف المهاجر وصحف السودان منذ اوائل التسعينات امثال الاستاذ تاج السر حامد الاستاذ خالد حامد الجزولى الاستاذ عبدالرحيم عبدالحليم مارايك فى ان نعيد ترتيب غرف الصحفيين داخل حوش سودانيز اون لاين بحيث تسع الجميع ونلم شملهم ونجعل منهم ( بقرة حلوب )

كتب الاخ وجدي الكردي

Quote: محمد إزيك؟ (1) معظم الصحافيين في المنبر بيخافوا من شيل الحال، يعني تكتب ليك حاجة يجيك (ديك عدة) خاشي من جماعة ناس (هناي البراي)يكرهك يومك الدخلت المنبر. (2) هناك غوغاء في المنبر عندهم موهبة في تطفيش البوستات الكويسة مقابل إعلاء بوستات (توجد صورة بالداخل)..! (3) ليه ما يكون في المنبر ده منتديات جانبية متخصصة؟! (4) (بعض) الاعضاء الخاشين بأسماء مستعارة بيشتغلوا مع آخرين من أصحاب الأسماء (الجد) بطريقة (أضرب وأهرب)..! (5) لو إتفقنا مع بعض ممكن نقدم أفضل خدمة لاعضاء المنبر من خلاصة حصاد الفنون الصحفية خلال اليوم(بالصورة والقلم)، أو كما قال..!

Quote: قبل كم يوم كام معانا سيف الجامعة فى الجريدة

انت بتتكلم جد واللا عايز تغيظني .؟؟؟؟؟
اخخخخخخخخخخخخخخخخخخخخخخخ .

Quote: انت بتتكلم جد واللا عايز تغيظني .؟؟؟؟؟ اخخخخخخخخخخخخخخخخخخخخخخخ

والله غنى لنا كما لم يغن من قبل
بدا بي يا نديدى
وبكى الرجل فى المنبر
المهم انك اتغظتا
عشان تجي راجع وتبطل غربة

وطبعا اكيد غني :
في ليل علي ضوء الثريا لا شال متاع لا قال وداع .. سآآآآآآآفر .
واللا ..
بحكي ليكم يا صحابي عن زمن قدار فرقنا وعن مسافة بعيدة بينا..
ولو كان معاكم مجيدو اكيد طلب منو اغنية الراحلة ليلي المغربي (سكة صعبة ) ..
واوع تكون خليتو بدون ما يغني ليكم :
ماتقول نسينا الماضي وصرنا ناسنك .. محبوبي الجميل .
(وش معفر ومكربن ومكفرن )

الاخ العزيز .. محمد عبدالقادر
لك تحياتى وتقديرى وأحترامى

ربما أخذتنا العاطفة وابعدتنا قليلا عن موضوع هذا البوست
الرائع كروعة أهله الطيبون وإنجرفنا قليلا لشخوص نحبهم ونقدرهم
صب عليهم أخونا محمد الماء وأخرجهم من الجحور ليظهروا لنا بإبداعاتهم
الثرة وصورهم البهيه إلا أن البعض لازال يقف بعيدا متفرجا من الصحافيون
الذين يؤمنون بأن الظواهر الطبيعية للكتابة لايمكن التعامل معها بغير
قوانينها .. ولاأنهم أهل صحافه فهم يلتزمون بأصول المهنة وتقاليدها الراسخة
ولذلك لايستطيع كل من هب ودب الاقتراب منها إذا أفتقر للدراية والخبرة
والثقافة العريضه فلا تنفع مع أهل الصحافه الهمبكة ولاتفيد الفهلوة هكذا
وكما يقولون أخى محمد تكون المقومات المؤطرة لصناعة الكلمةويكون التعامل
معها لاهمبكة لافهلوة ولاعبث ولاجدل ولاحتى تمنيات طيبه ساذجة .. لذلك كانت
المشاركات ضعيفة للغاية خوفا من بعض تلك الاقلام التى تعانى القحط وتعانى حتى
من أفقر درجات الاستنارة بأصول هذه المهنةالعظيمة التى لايستطيع أن تفيد
الناس فيها غير الاصلاء .. والقراء هم دائما أصحاب وعى يدركون تماما ان
الذى يحمل القلم هو الصحافى المقتدر الذى تستحق كلماته القراءة .. عليه
أرجو .. وهذا مجرد رأى فقط للاخ بكرى أبوبكر بالتوجه لكل الاخوة الاعزاء
والذن يكتبون تحت الاسماء المستعارة النظر لهذا المنبر بمشاعرهم واحترامهم
لاصول المنبر دون تجريح أو مهاترات أو أى أشياء شخصية .. اللهم أنى قد بلغت
فأشهد .. وتحياتى لزملائى الصحافيين المتمرسين أصحاب الاقلام المضئيةالتى لاتبتغى
غير الحقيقة .. الحقيقة وحدها .. ودمتم ..

تاج السر
00966508730423
[email protected]

الاخ تاج السر

Quote: وهذا مجرد رأى فقط للاخ بكرى أبوبكر بالتوجه لكل الاخوة الاعزاء والذن يكتبون تحت الاسماء المستعارة النظر لهذا المنبر بمشاعرهم واحترامهم لاصول المنبر دون تجريح أو مهاترات أو أى أشياء شخصية .. اللهم أنى قد بلغت فأشهد .. وتحياتى لزملائى الصحافيين المتمرسين أصحاب الاقلام المضئيةالتى لاتبتغى غير الحقيقة .. الحقيقة وحدها .. ودمتم ..

والله يا اخي تاج السر هذا النداء صادق ويستحق الاستجابة
فماراي الاخوة اعضاء وادارة المنبر

Quote: ربما أخذتنا العاطفة وابعدتنا قليلا عن موضوع هذا البوست الرائع كروعة أهله الطيبون وإنجرفنا قليلا لشخوص نحبهم ونقدرهم صب عليهم أخونا محمد الماء وأخرجهم من الجحور ليظهروا لنا بإبداعاتهم الثرة وصورهم البهيه إلا أن البعض لازال يقف بعيدا متفرجا من الصحافيون الذين يؤمنون بأن الظواهر الطبيعية للكتابة لايمكن التعامل معها بغير قوانينها .

اخي تاج السر قد نبتعد قليلا ولكن
نظل حريصين على ان يشغلناشاغل عن قضية البوست المركزية
مرحبا بمقترحاتك النيرة
وكلامك دهب

Quote: الحاج شنو البيبتسم ياأبو حباب؟! بالغت في دي..! إّذا رأيت (سنون) الحاج بارزة فلا تظنن ان الحاج يبتسم..! شكلك إتكيفت يا طلحة.. مش؟! ينفعك..!

يا وجدي انت الظاهر عليك ما شفت سنون حجو بالليل ..
ياخ دي لوحة فاقدة التصوير ..
اسألني أنا ..
بس لكن انا المحيرني حودة البقي يقول شعر من ورانا دا ..
قال الرايع كابتسامة الحاج ..
بلاي عليك الله إتمعن في مدلولات ومعاني القافية دي ..
وتعال ورينا رائك .. ( وش فاقد حنان ) .

الاخ العزيز جدا تاج السر
محمد حامد ... لك الود والتحايا
ويييينك ياراجل ؟؟ لنا منك زمان
طويل..
مثلما قلت انو البركة في محمد
عبد القادر الذي حملنا الى كل
أولئك الحلويين من الاصدقاء
والزملاء الذين فرقت بيننا وبينهم
المسافات......
معليش يا أخوانا المتداخلين خرمنا
شوية .. بس والله التاج ده تااااااااااج
على رؤوسنا كلنا. وله علينا أيادي
بيضاء..
كيفنك ياالتاج وكيف الاسرة الكريمة
وكيف جدة معاك.. نتمنى
أن نلقاك المرة القادمة عندما نأتي في
رمضان اللقادم باذن الله.
هذا هو رقم الجوال
0122322096

//////
أعزائي طلووح.. وصاحب البوست
.. والكردي حبببباااااااااااكم
وفي انتظار المزيد
يا ابوحميد الخاتم وييييييين؟؟؟

العزيز بخاري
معا من اجل التواصل
واثراء المنبر بمشاركات فاعلة للصحافيين

Quote: أعزائي طلووح.. وصاحب البوست .. والكردي حبببباااااااااااكم وفي انتظار المزيد يا ابوحميد الخاتم وييييييين؟؟؟

طلوح استبدت به الاشواق الى
زقاق الراي العام
والكردي بيشخص فى ابتسامة الاستاذ الحاج
شكرا على مروركم من اجل تفعيل مشاركة الصحافيين
الخاتم المهدي
اظهر وبان عليك الامان
بخاري بيسال منك

محمد عبدالقادر...
برلوم جاي بسنونك...
يعني من أول بوست تصل الصفحة الثانية
خليت للمخضرمين الزي شنو
موش قلنا ليك المكان زاد ألق ياخ

مودتي
غادة

العزيزة غادة خالد
تسلمي يا رايعة
جنس حسادة
يعني بس على الصفحة التانية دي
انتي لسة شفتي حاجة
القصة وما فيها انو الموضوع مهم ومؤرق
يعني نحنا لينا اجر المناولة بس
اما المنبر فهو اصلا مؤتلق بيك وباخرين
نتمنى ان نزيده القا
تحياتي لمداخلاتك الجميلة
يا مخضرمة

ننتظر مزيدا من المقترحات يا صحافيي المنبر

فوق

اين بقية الصحفيين

حودة الجميل
ياخ بعد مشاركة غادة دي حقو البوست دا يكون معلق في المقدمة دايما .
لك الود ولغادة وكل الجميلين والجميلات .
سفن اب .

Quote: ياخ بعد مشاركة غادة دي حقو البوست دا يكون معلق في المقدمة دايما . لك الود ولغادة وكل الجميلين والجميلات . سفن اب .

الاخ الجميل طلوح
تسلم على المداخلة الجميلة
وشكرا على السفن اب
المرة الجاية خليها كولا

اخونا محمد عبدالقادر

مشروع مشاركة الصحافيون فى المنبر يقتضى تضافر الجهود
لاعادة ثقتهم من جديد فى الكتابه فى المنبر ...بل العوده
الطوعيه (حلوة الطوعيه دى عجبتنى )...
....ومناقشة الاسباب بكل موضوعيه مع كل الاطراف...الصحفيه الاخرى
مبينين...مكمن الخلل ....ماالذى حدث قبل ذلك ...لماذا الاحجام
عن الكتابه ...وهل يفضلون القراءة فى المنبر ويكتفون بها ....و و و و
والكثير الذى اعتقد انهم يودون قوله ....
بل انى اقترح واكرر هنا اقترح ....عليهم ان يقوموا بنشر مايكتبوه
فى صحفهم او مجلاتهم هنا داخل المنبر
...لكى يستفيد الكل .....من الكتابات والاراء
وخاصة ان الكثير من المغتربين لاتصلهم جرائد الداخل.......
اللهم الا كتابات الكاتب النحرير الرائع الفاتح جبرا ....الذى ينشر
اعداده اسبوعيا داخل المنبر.....فله كل الشكر....





اخوى محمد

اخيرا ظهر استاذنا حساس ....ود الريح....

باقى عاد ود عمى وعمك ...الاستاذ عبدالرحيم عبد الحليم
اغتس جيبه لينا .......





الا سؤال

بعد ماتلمهم كلهم .....ناوين تدوهم اراضى......

كتب الاستاذ حسن البشاري

Quote: الاخ العزيز محمد عبد القادر شكرا لهذا البوست .. واعتقد ان المقترحات التي طرحها الزملاء تستحق الدعم.. كما اعتقد ان هذه فرصة للقيام بحصر الزملاء الصحافيين في المنبر من خلال هذا البوست، على غرار ما ابتدره الاخ الزميل صلاح شعيب في مداخلاته اعلاه. وسأعود اليك بقائمة طويلة بمن اعلم انهم اعضاء في المنبر من الاخوة الزملاء. لك وللاسرة مودتي

عزيزنا العالم الاستاذ البشاري
والله البوست نور
الاخوة الزملاء عزيزي ما قصرو
رفدونا بكمية من المقترحات التى تنتظر التمحيص لتبنيها
وعرضها على ادارة المنبر
فكرة حصر الاسماء مهمة
وعملية وبناءة
ننتظر قائمتكم
واسهامكم الذى نرى انه مهم باعتبارك عمدة كبير فى قبيلة الصحافيين
تحياتي لك وللاولاد

فوق

الاخت ناهد
مشيتي وين انتي
كم يوم بنفتش فيك
نحلم ب(العودة الطوعية) للمنبر
- حلوة شديد-
مرحبا بي حساس ود الريح
تعرفي يا ناهد ودعمي عبد الرحيم عبد الحليم دة
الموية الكبيناها دي كلها ما مرقتو من جحرو
يكون غاطس وين
كدى نكب لى موية تاني
والله مقترحاتك كلها جيلة وبناءة
سنقوم بحصرها لاننا بصدد لملمة اطراف البوست
واعداد الخلاصات والمقترحات
ما تغيبي كتير
خالص الود

Quote: تعرفي يا ناهد ودعمي عبد الرحيم عبد الحليم دة الموية الكبيناها دي كلها ما مرقتو من جحرو يكون غاطس وين كدى نكب لى موية تاني

كان ود عمنا ده ماداير يمرق الليرسلنا... مندوب عنه
ونحن بنقوم نرفضه ليه ونطالب بعودة رحيم.....

(يا رحيم ....رحيم ....يا رحيم) وينك


بالمناسبه يامحمد ..... اشتركت قريب قبل اقل من شهر
اختنا الاستاذه منى ابو العزائم
وينها ......ماشفنا منها شىء لى هسه

استاذنا وجدى الكردى والاستاذ طلحه(الظريف)
لكم كل الود والتقدير

Quote: كان ود عمنا ده ماداير يمرق الليرسلنا... مندوب عنه ونحن بنقوم نرفضه ليه ونطالب بعودة رحيم..... (يا رحيم ....رحيم ....يا رحيم) وينك بالمناسبه يامحمد ..... اشتركت قريب قبل اقل من شهر اختنا الاستاذه منى ابو العزائم وينها ......ماشفنا منها شىء لى هسه استاذنا وجدى الكردى والاستاذ طلحه(الظريف) لكم كل الود والتقدير

الاخ عبد الرحيم اظهر وبان عليك الامان
يا ناهد الزول دة وين
نتمنى ظهور الاستاذة منى ابو العزائم
يا ناهد الناس ديل الا نعمل ليهم حوافز
اناغ بديت ادرس حكاية قطع الاراضي دي
لقيتيني كيف...........
طلحة الظريف دة بعد كلامك دة حا يحمينا القعاد فى البوست
واللا رايك شنو يا وجدي الكردي

كتبت العزيزة ناهد بشير :

Quote: استاذنا وجدى الكردى والاستاذ طلحه(الظريف)

فرد حودة السغيل :

Quote: طلحة الظريف دة بعد كلامك دة حا يحمينا القعاد فى البوست واللا رايك شنو يا وجدي الكردي

جيب ود الكردي وتعالوا انجهونى يا دشنين .

up

يضم المنبر كوكبة من الصحافيين المتميزين نذكر منهم على سبيل المثال:
الدكتور عبد المطلب صديق
البدوي يوسف
بخاري بشير
محمد عبد القادر
الطاهر ساتي
صلاح شعيب
محمد عكاشة
راكوبة
فيصل خالد حضرة
محمد صالح
خالد ابو احمد
عثمان فضل الله
مزدلفة
اميرة الحبر
ود رملية
هويدا سر الختم
الصادق الرضي
نشأت الامام

up

ننتظر مزيدا من اراء الصحفيين

واصلوا يا شباب حتى نعود
وتحياتي لصديقي العريبي طلحة عبدالله
الناقد الرياضي المعروف

Quote: اين بقية الصحفيين

أستاذنا البدوي يوسف وينو؟!

الأخ/ محمد عبد القادر
كنت قد أشرت في مداخلة سابقة (غاصت ) في الصفحة الأولي و يبدو إنها فاتت عليكم إلي إسم الأستاذة / مزدلفة محمد عثمان و أعيده هنا عسي و لعل..
هناك ايضاً محمد حامد جمعة و هو كاتب عمود جيد رغم أنه أهدر كثيراً من مجهوده و موهبته للدفاع عن السلطة و التعارك مع خصومها هنا.
ليته لو كتب هنا كصحفي و تخلص قليلاً من ثوب السياسي.
__________
ما زال البوست يجذب المشاركات ( اللهم زد و بارك).

Quote: كنت قد أشرت في مداخلة سابقة (غاصت ) في الصفحة الأولي و يبدو إنها فاتت عليكم إلي إسم الأستاذة / مزدلفة محمد عثمان و أعيده هنا عسي و لعل.. هناك ايضاً محمد حامد جمعة وهو كاتب عمود جيد رغم أنه أهدر كثيراً من مجهوده و موهبته للدفاع عن السلطة و التعارك مع خصومها هنا. ليته لو كتب هنا كصحفي و تخلص قليلاً من ثوب السياسي.

الاخ عبد العزيز
كنت قد علقت على ما كتبت
وحييت الاستاذة مزدلفة محمد عثمان
ووصفتها بانها صاحبة تقارير مسبكة
التحية لك ولهاوللاستاذ محمد حامد جمعة ونتمنى مشاركته معنا
وما زلنا فى انتظار اطلالة الاستاذة مزدلفة
فائق الود والاحترام

Quote: أستاذنا البدوي يوسف وينو؟!

العزيز وجدي الكردي
والله سؤالك فى محلو
ننتظر مداخلة ابو احمد
احلى ثمار حديقتنا الصحفية
خالص مودتي

Quote: أستاذنا البدوي يوسف وينو؟!



العزيز وجدي الكردي
والله سؤالك فى محلو
ننتظر مداخلة ابو احمد
احلى ثمار حديقتنا الصحفية
خالص مودتي

Quote: واصلوا يا شباب حتى نعود وتحياتي لصديقي العريبي طلحة عبدالله الناقد الرياضي المعروف

الحبيب صلاح شعيب
افتقدناك يارائع
سؤالك عن العريبي وصل
طلووووووح صلاح بيسال منك
مودتي

وتحياتي كمان لأستاذي العريبي الآخر عبد المجيد عبد الرازق
راهب الصحافة الرياضية والمكتول في حوش المريخ..مع عبد المجيد
قضيت وقتا جميلا في السوداني الدولية ايام الديمقراطيةوكان القسم الرياضي يتكون من دسوقي والراحل حسن عزالدين ونصر الدين عبد الحي ونصر الدين منزول وفضل ابوعاصم وعمر قرشي . أتذكر مرة أنني وعبد المجيد ذهبنا إلى مطار الخرطوم لتغطية عودة ابطال المريخ بكاس سيكافا وعندما هبطت الطائرة جرينا نحو سلم الطائرة لنستقبل ناس بريمة وكمال عبد الغني وعاطف القوز وعيسى صباح الخير، ولما رأى المرحوم سعد دبيبة عبد المجيد أتى مهرولا وأمسك بعبد المجيد وطرحه أرضا وكاد أن يفتك به واستطعنا تخليص صديقي مجيد أمام فتوة الراحل دبيبة ..الله يرحمه..والذكريات مع مجيد كثيرة..ويا طلحة الوقت داك كنت احتمال بتقرا لينا وانتا في الابتدائي ولا الثانوي ما عارف..ويا ابحميد كنتا وين الوقت داك..
وبخ بخ بخوخ..بالمناسبة ونحنا نتحدث عن "عريبات" الصحافة الرياضية يلفني الحزن على وفاة صديقي وجاري عبد الرحمن الخضر..وأفتكر يا طلحة كما سمعت في غربتي أن رابطة الاعلاميين الرياضيين كان قد قصرت في علاج المرحوم..ولا أدري اين هي الرابطة الآن..ويا طلحة أنا لامن أخذت عضوية الرابطة زمان عمر عبد التام وناس ابو سامرين وابوشنب كنت اتنافس مع عمر قرشي في أيهما أصغر سنا.وبعد سنة واحدة اصدرتا كتاب علي قارين من جامعة الخرطوم وكان عمري عشرين سنة شفتا العبقرية دي يا طلحة..ومن ديك وأيك وخلينا الشغلانية لناس مزمل وياسر عايس و"الحمدي للاي" حملوا الراية ..والله يا طلحة مشتاقين كتير وانشا الله تكون المهنة اتحسنت من ناحية الدفع وكده..لانو عدلان يوسف كان يعطينا عطية مزين..وأذكر مرة أنني طالبته بمرتبي وكان الصديق داؤود مصطفى يقف بجوارنا وتجادلنا كثيرا..فأتى الاستاذ احمد كمال الدين
ليراقب الموقف وكان وقتها صاحب مقام في النظام الاسلاموي وفجأة قال لي عدلان يوسف بعد تمتمة :يا زول أنتا ما شيوعي كمان فضحك احمد كمال الدين وداؤود..شفتا حقارة عدلان ياكل قروشك ويقول ليك إنتا شيوعي..الله غالب

Quote: مشروع مشاركة الصحافيون فى المنبر يقتضى تضافر الجهود لاعادة ثقتهم من جديد فى الكتابه فى المنبر ...بل العوده الطوعيه (حلوة الطوعيه دى عجبتنى )...

أختنا ناهد بشير
مساك الله بالخير.

يا هو أبحميد شرك ليكم بالبوست
اللي طلع الناس من الجحور
إلا البدوي يوسف..ولكن مفهوم العودة
الطوعية فيو اشكالية وعايز "كنجالات"
على لغة الموسيقجية..واحتمال لو أرسينا
اسس العودة يكون أحسن..وهل ممكن الناس
تعمل خطة وكده.شايف الشباب عندهم تصورات لتفعيل دور الصحفيين
في المنبر وقيل أن الاصح لغوياهو الصحافيين..
وإنشالا ما يجينا واحد حداثي ويقول لينا الاصح هو دور الصحفويين
أو ربما يقول أحدهم دور الصحفجية..والله أعلم..

صديقنا بخاري بشاري

بركة الشفناك والحمد لله
تبدو في الصورة أكثر صوفية
وده درب الاولين والآخرين
ما تدينا يا شيخ سر الصف الروحي دا
شان نفرهد دينا ودين الاولاد
في بلاد الغربة المادية دي.

مع تحياتي

Quote: صديقنا بخاري بشاري بركة الشفناك والحمد لله تبدو في الصورة أكثر صوفية وده درب الاولين والآخرين ما تدينا يا شيخ سر الصف الروحي دا شان نفرهد دينا ودين الاولاد في بلاد الغربة المادية دي.

مدد يا شيخ بخاري

Quote: بالمناسبة هنالك اشخاص فى هذا المنبر تمنيتهم فى الصحافة

ا%

الطاهر ساتي
كنت وين يا خوي
انا عارف......... اكلم
ولا اخلي بيني وبينك
القال ليك منو 1% من ناس سودانيز اون لاين
بس ينفعوا صحافيين اكتر من كدة بي كتير
بالمناسبة انت مش عازمنا عشاء
واللا عاوز تزوغ- كالعادة
المهم لمن نتلاقى بكلمك الدايرهم صحافيين منو
هسي انمت رايك فى سجيمان شنو
تحياتي

محمد عبد القادر

انا ما صحفي.... علا زول مفكر وختري

Quote: اين بقية الصحفيين

في الحارة 100(!!!!)

Quote: في الحارة 100(!!!!

عبود الجميل:
ما أظن في (الحارة) تلقى (مية)، قول نفرين تلاتة بس..!

Quote: وتحياتي كمان لأستاذي العريبي الآخر عبد المجيد عبد الرازق راهب الصحافة الرياضية والمكتول في حوش المريخ..مع عبد المجيد قضيت وقتا جميلا في السوداني الدولية ايام الديمقراطيةوكان القسم الرياضي يتكون من دسوقي والراحل حسن عزالدين ونصر الدين عبد الحي ونصر الدين منزول وفضل ابوعاصم وعمر قرشي . أتذكر مرة أنني وعبد المجيد ذهبنا إلى مطار الخرطوم لتغطية عودة ابطال المريخ بكاس سيكافا وعندما هبطت الطائرة جرينا نحو سلم الطائرة لنستقبل ناس بريمة وكمال عبد الغني وعاطف القوز وعيسى صباح الخير، ولما رأى المرحوم سعد دبيبة عبد المجيد أتى مهرولا وأمسك بعبد المجيد وطرحه أرضا وكاد أن يفتك به واستطعنا تخليص صديقي مجيد أمام فتوة الراحل دبيبة ..الله يرحمه..والذكريات مع مجيد كثيرة..ويا طلحة الوقت داك كنت احتمال بتقرا لينا وانتا في الابتدائي ولا الثانوي ما عارف..ويا ابحميد كنتا وين الوقت داك.. وبخ بخ بخوخ..بالمناسبة ونحنا نتحدث عن "عريبات" الصحافة الرياضية يلفني الحزن على وفاة صديقي وجاري عبد الرحمن الخضر..وأفتكر يا طلحة كما سمعت في غربتي أن رابطة الاعلاميين الرياضيين كان قد قصرت في علاج المرحوم..ولا أدري اين هي الرابطة الآن..ويا طلحة أنا لامن أخذت عضوية الرابطة زمان عمر عبد التام وناس ابو سامرين وابوشنب كنت اتنافس مع عمر قرشي في أيهما أصغر سنا.وبعد سنة واحدة اصدرتا كتاب علي قارين من جامعة الخرطوم وكان عمري عشرين سنة شفتا العبقرية دي يا طلحة..ومن ديك وأيك وخلينا الشغلانية لناس مزمل وياسر عايس و"الحمدي للاي" حملوا الراية ..والله يا طلحة مشتاقين كتير وانشا الله تكون المهنة اتحسنت من ناحية الدفع وكده..لانو عدلان يوسف كان يعطينا عطية مزين..وأذكر مرة أنني طالبته بمرتبي وكان الصديق داؤود مصطفى يقف بجوارنا وتجادلنا كثيرا..فأتى الاستاذ احمد كمال الدين ليراقب الموقف وكان وقتها صاحب مقام في النظام الاسلاموي وفجأة قال لي عدلان يوسف بعد تمتمة :يا زول أنتا ما شيوعي كمان فضحك احمد كمال الدين وداؤود..شفتا حقارة عدلان ياكل قروشك ويقول ليك إنتا شيوعي..الله غالب

الأستاذ صلاح شعيب
صدقا فقد هيجت الذكري , فتراءت لي صورة وسيم المحيا والأخلاق (جمال إدريس) وهو يلقي تحية الصباح المفعمة بابتسامته البارقة ذات يوم غابت فيه (حاجة حواء) لتغيب معها (قهوة ساموطي) في (كباية بيركس) كنا ننتظرها في الميعاد بلهفة محب فقد الصبر لنترشف محتواها كما نرتشف اكسير لحظات نابضة بمشاعر الإلفة والود وكل الإنسجام .
كنت دوما أستمع إلى معزوفة سيرتك يدندن بها جيمي بلسان فصيح الإعجاب بسريرتك النقية ودواخلك العذبة وأفكارك الصحفية الوامضة التى تسكبها كأشعة من دهب لتزين بها (صفحات ظلال) وتستولي بها علي الألباب والمشاعر والأحلام .
كنت أستمع لجمال أدريس وهو يعزف علي وتر ذكراك كفنان يؤلف نوتة إسطورية من الألحان ..
وكنت اعتبره أسير عاطفة ساقته قسرا ليطرق أبواب الخيال ..
حتى كان ذلك اليوم الذي رأيتك فيه محشورا بين ورقة وقلم وبجانبك فنجال قهوة به بعضا من الثمالة وربما فكرة مقال كنت غارقا في صياغته دون أن يصرفك ذلك الرهق اللذيذ عن رد تحايا العابرين خروجا ودخولا بين مكاتب ودهاليز المشاغبة الأنيسة (ظلال) .
ولم تكد ترانا أنا وجيمي حتى إنتفضت داخلك الطيبة المشهودة وإنسكبت من بين شفتيك إبتسامة رحيبة تقطرا ودا وأدبا وسماحة..
ولم يمض علي وجودي معك سوي دقائق معدودة حتى هنأت بيني وبين نفسي صديقي جمال علي فراسته وبلاغة وصفه لك .
لك الود كاملا غير منقوص ..
والأشواق المؤججة إلى أن التقيك ..
ولجيمي كذلك .

التعديل لسبب أحتفظ به لنفسي ..

التحية لك صديقي طلوح وانت تمتلئ بهذا الحنين الاستثنائي
فقد انساب عطر حروفك فى هذا البوست مع مداخلة الشفيف الذى افتقدته صحافتنا كثيرا
صلاح شعيب، انساب هذا العطر فايقظ فينا اشواقا الى رفقاء القلم والطموح والامنيات وسهر الليالي
فى بلاط صاحبة الجلالة..
صلاح شعيب اتذكره فى الايام الاولى لصحيفة الصباحية وتسعينات القرن الماضي تلفظ انفاسها الاخيرة
وقبل لن يلمم اوراقه ويمم شطر غربة لم تنته بعدمغادرا البلاد التى قال عنها
خالد حسن بشير
لاتوفر للمساء قصيدة ابدا
ولا ترعى سنابل
سافر شعيب اخي طلحة وتبعته انت وحتى انا سافرت ورجعت ومنتظر عودة الاخرين
مؤلم جدا يا طلحة ان يكون شعار الصحفيين
في ليل علي ضوء الثريا لا شال متاع لا قال وداع
ولا حتى كانت عندو نية .. وسآآآآآآآفر .
ونجي نغني مع سيف الجامعة
بحكي ليكم يا صحابي عن زمن قدار فرقنا وعن مسافة بعيدة بينا..
ربنا يجمع الشمل.. وتحايا شعيب وذكرياته وصلت للاستاذ الجميل عبد المجيد عبد الرازق
طلحة وشعيب لكما الود وفائق الحب

Quote: وبخ بخ بخوخ..بالمناسبة ونحنا نتحدث عن "عريبات" الصحافة الرياضية يلفني الحزن على وفاة صديقي وجاري عبد الرحمن الخضر..وأفتكر يا طلحة كما سمعت في غربتي أن رابطة الاعلاميين الرياضيين كان قد قصرت في علاج المرحوم..ولا أدري اين هي الرابطة الآن..ويا طلحة أنا لامن أخذت عضوية الرابطة زمان عمر عبد التام وناس ابو سامرين وابوشنب كنت اتنافس مع عمر قرشي في أيهما أصغر سنا.وبعد سنة واحدة اصدرتا كتاب علي قارين من جامعة الخرطوم وكان عمري عشرين سنة شفتا العبقرية دي يا طلحة..ومن ديك وأيك وخلينا الشغلانية لناس مزمل وياسر عايس و"الحمدي للاي" حملوا الراية ..والله يا طلحة مشتاقين كتير وانشا الله تكون المهنة اتحسنت من ناحية الدفع وكده..لانو عدلان يوسف كان يعطينا عطية مزين..وأذكر مرة أنني طالبته بمرتبي وكان الصديق داؤود مصطفى يقف بجوارنا وتجادلنا كثيرا..فأتى الاستاذ احمد كمال الدين ليراقب الموقف وكان وقتها صاحب مقام في النظام الاسلاموي وفجأة قال لي عدلان يوسف بعد تمتمة :يا زول أنتا ما شيوعي كمان فضحك احمد كمال الدين وداؤود..شفتا حقارة عدلان ياكل قروشك ويقول ليك إنتا شيوعي..الله غالب

تغمد الله الراحل ودالخضر بواسع رحمته
فقد كان نقيا وفاضلا ، وزد الخضر صديقي شعيب رحل سريعا
وفى ملامحه وتصرفاته براءة ونقاء يحسده عليها الاطفال
مازال موته غصة فى حلق الصحافيين الرياضيين وكل من عاشره وعرف فضله وسجاياه
اللهم اغفر له وارحمه واجعله من اصحاب اليمين....

الرائع جدا محمد عبد القادر عاطر التحابا

والتحيه لهذه الاقلام الجريئه التي اعطت الصحافه الق وبريق وتميز


لكم جميعا كل الود والتقدير

يا محمد وطلحة

أبكتني كلماتك عن ود الخضر..أكاد ارى وجهه الطفولي خلف دموعي..واميزه
كان أنسانا فريدا، لم اشهده غاضبا أو عبوسا..كان عصاميا،
من بصات أبورجيلة التي خدم فيها كمسارياصعد في قمة مجده الصحفي الرياضي
كان من أفضل المخبرين الصحافيين..أتذكره هو وعاطف الجمصي وعادل كرار ومحمد فرح عبد الكريم
في تلك المغارة التي تغيب عنها الكهرباء.زينسجون ابداعهم الصحفي ويخرجون لأهل الرياضة صحيفة "المنتخب" التي كانت "ضرة" لصحيفة الكورة التي يمتلكها عدلان يوسف.. أرخ ود الخضر
في ذاكرتي قرية الليا وهي من أعمال النيل الابيض، والرجاء ألا تطالها التهميش كما طالت ذكرى ود الخضر
الذي لا يتذكره الآن الزملاء الذين اضحكهم..رابطة الاعلاميين هل قادرة أن تؤرخ لود الخضر..أو محجوب محمد أحمد..فجيعتي في محجوب يا محمد لا يدركها إلا الله..وحتى الآن لم أستطع أبكيه أو أكتب عنه
..هو زميل الدراسة الوحيد الذي وجدته في الوسط الصحفي أو الذي وجدني..هو أبن المدينة التي نشأنا فيها..بواسطتي دخل الصحافة وتألق ..كان أكثر من أخ ومحجوب وود الخضر صادقا بعضهما البعض ..وثلاثتنا سكنا في امبدة حمد النيل..سافرا إلى الاعالي، وتركاني لا أقوى على تذكرهما ولو لمجرد لحظة..

Quote: الرائع جدا محمد عبد القادر عاطر التحابا والتحيه لهذه الاقلام الجريئه التي اعطت الصحافه الق وبريق وتميز لكم جميعا كل الود والتقدير

الرائع ايهاب اسماعيل
وينك يا راجل
واحشنا والله
كل الحب والتقدير لشخصكم الكريم
ومعا لتفعيل مشاركة الصحافيين

الا رحم الله استاذي واستاذ الأجيال حسن عز الدين مختار وأسكنه جنات عدن تجري من تحتها الأنهار ..
وبارك له مقامه في عليين ..
اللهم اعنا علي الصبر لفقده الجلل وإثبنا في مصيبتناالعظيمة وأجمعنا به إلي جوارك وأرحمنا انت ارحم الراحمين .
اللهم أرحم الزميل عبد الرحمن الخضر وخصه بغفرانك وإجرنا لفقده الكبير ..
إنا لله وإنا اليه راجعون .

Quote: الا رحم الله استاذي واستاذ الأجيال حسن عز الدين مختار وأسكنه جنات عدن تجري من تحتها الأنهار .. وبارك له مقامه في عليين .. اللهم اعنا علي الصبر لفقده الجلل وإثبنا في مصيبتناالعظيمة وأجمعنا به إلي جوارك وأرحمنا انت ارحم الراحمين . اللهم أرحم الزميل عبد الرحمن الخضر وخصه بغفرانك وإجرنا لفقده الكبير .. إنا لله وإنا اليه راجعون .

امين يارب العالمين

Quote: سافر شعيب اخي طلحة وتبعته انت وحتى انا سافرت ورجعت ومنتظر عودة الاخرين مؤلم جدا يا طلحة ان يكون شعار الصحفيين في ليل علي ضوء الثريا لا شال متاع لا قال وداع ولا حتى كانت عندو نية .. وسآآآآآآآفر . ونجي نغني مع سيف الجامعة بحكي ليكم يا صحابي عن زمن قدار فرقنا وعن مسافة بعيدة بينا..

موجع بحق يا حودة ياخ .

سفن اب

فوق

Quote: صديقنا بخاري بشاري بركة الشفناك والحمد لله تبدو في الصورة أكثر صوفية وده درب الاولين والآخرين ما تدينا يا شيخ سر الصف الروحي دا شان نفرهد دينا ودين الاولاد في بلاد الغربة المادية دي. مع تحياتي

العزيز دوما صلاح شعيب:
لك منا آلاف التحايا والأشواق
,, أخي عساك بخير وأنت في
بلاد العم سام..؟؟ أو الدنيا الجديدة
كما وصفها مكتشفها كولومبس
,, لقد أثلج ود عمنا عبد القادر
صدورنا وفتح فينا جروحا.. لن
تندمل,, الا بعودة الأحبة,, تلك الاقلام
التي هاجرت الى أرض الله الواسعة
وانت منهم أخي شعيب.. ونحمد الله
أن تلك الاقلام لازالت تمدنا بأريج
محابرها رغم بون المسافات.. والتحية
كذل لبكري سيد الحوش الذي أتاح
كل هذا التلاقي الحميم.. لا زلنا أخي
شعيب نذكركم., ونحن بعد زملاء في
زقاق الراي العام,, والصباحية.,,
أرض الزقاق الملساء وحجارته
ورمله ,, كلها تحدث عنكم
وعن أيامكم الزاهية بعطر
محابركم الذي شق طريقه وأوجد
له عند القراء محبة وموجدة,,, ولهفة
حين اللقاء.. ولازلتم تتحفونا بعطاء
ذات المحابر التي أرادت أن يكون
العطاء متصلا ولا تحده حدود..
,,,,,,,,,,,,,,,
عزيزي طلوووووح
تحياتي
لقد أبكيتنا والله بهذه الكتابات
التي تحدث عن صفاء الروح
وصدق الوفاء,,, هي ذات المشاعر
التي جعلت ود عبد القادر يسكب
كل ذلك الشجن الهتون وهو يحدث
عن أيام خلت تجمع الاحبة على صعيد
هذه المهنة التي فرقت دروبها اواصر
اللقاء..يا لها من أيام.. ولولا أنه حال
الدنيا ما كان لنا فيها سلوى...
,,, ياحبيبي ظمأت روحي وحنت
للتلاقي,,, وهفا قلبي الي الماضي
وناداني إشتياقي,,,,,,,,,, أنا
مازلت ألاقي من حنيني ما ألاقي
فاسكب النور وأملأ لي ليالي البواقي.........
فعسى أخي طلووح أن يكون لنا في مقبل
الأيام لقااءاات متطاولة مع كل الطيور
المهاجرة وما ذلك على الله ببعيد...
,,,,,,,,,
العزيز جدا والعالم حسن البشاري
كم سعدنا بوجودكم هذه الأيام بين
ظهرانينا,, وأنتم تعطرون أمسياتنا بهذا
الود المقيم.... عزيزي العالم ذكرت في
مداخلتك التي شرفت هذا البوست مقترحات
جيدة... وأحصاءات لبعض الأسماء الصحفية
في المنبر.. نتمنى من الزملاء أن يكملوا هذه
الاسماء حتي نعرف نحن وغيرنا قائمة
الصحافيين في المنبر.... وحتى يسهل التواصل
بيننا,, سعدنا بوجودك وسعدنا أكثر بالمشاركة..
,,,,,,,,,,,,,,,,,,,,,,,,,,,
عزيزي ود عبد القادر:
يا أبا حباب لك التحايا
ولزوارك من الصحافيين والضيوف
محبتنا وسلامنا..
في البدء أحيي فيك هذه الروح الوثابة
لمشاركة فاعلة للصحافيين في المنبر
,, وهم أهل لذلك لكن يبقى السؤال الأهم
كيف يتسنى لهم المشاركة الفاعلة وهم
في لهاثهم الأصيل وراء الخبر والمعلومة
,, إن الصحافي كما تعلمون أكثر الناس
انشغالنا بالأحداث فهو إما مشارك فيها
أو صانع لها أو راكض خلفها,, وما هذه
الدنيا الا أحداث متلاحقة يسابق
بعضها بعضا,,, والصحفي بهذا الفهم
لن يكون له زمن يعيش فيه حياته فهو
دائما مقصر في الاجتماعيات وغيرها حتى
حياته في البيت ,,,, فكيف يكون له زمن
ليشارك في المنبر المشاركة المرجوة..
أنا أقترح على سيد الحوش بكري أن
ينشئ منبرا خاصا بالصحافيين في
المنبر العام,, يكون واحة لتلاقيهم
وأنسهم وسمرهم ونقاشاتهم التي لا
تحدها حدود......
وأقترح كذلك على الصحافييين وهم
يمدون صحفهم وقنواتهم بالأخبار
والتقارير أن يرسلوا منها نسخة موسعة
في المنبر وذلك بعد أن يتم النشر في
الصحيفة أو البث في القنوات.. ثم يشاركهم
الأعضاء بالنقاش والمتابعات وفي ذلك فائدة
كبيرة... وهناك بعض الاخوة جربوا هذه
المشاركات وكان لها روادها وأثمرت كثيرا
بتسليط إضاءات كاشفة على كثير من
القضايا التي تهم شعب السودان كله......
,,,,,,,,,,,
حقيقي ياكردي أين العلامة البدوي يوسف؟؟؟

وأسألك أنت شخصيا أين الأستاذ أحمد مكنات؟
لماذا لم يشاركنا حتى الآن؟؟؟
للجميع مودتي

up
السؤا عن احمد مكنات مهم جدا
اظهر يا ابو حميد
حا اجيك راجع للتعقيب باستفاضة يا بخاري

اخي محمد هذا البوست جاب لينا اسماء عزيزة فهل نحلم بتجمع اسفيري للصحفيين السودانيين؟ كمان ندفع نحو انضمامهم لهذا الحوش الرائع ومن هنا يمكن ان ننتج تلاقحا غير مسبوق.... هي اماني اسأل الله ان تتحقق.

Quote: اخي محمد هذا البوست جاب لينا اسماء عزيزة فهل نحلم بتجمع اسفيري للصحفيين السودانيين؟ كمان ندفع نحو انضمامهم لهذا الحوش الرائع ومن هنا يمكن ان ننتج تلاقحا غير مسبوق.... هي اماني اسأل الله ان تتحقق.

العزيز كمال ادريس
والله هي اماني... ولكنها ليست مستحيلة
حقق الله الاماني
وليكن هذا المقترح تدشين للتجمع الاسفيري
خالص الود

Quote: الا رحم الله استاذي واستاذ الأجيال حسن عز الدين مختار وأسكنه جنات عدن تجري من تحتها الأنهار ..

Hassan Aizadden was a different human being.In spite of his absence, he is still found by the respectful legacy he left for us. No one can fulfill the brotherhood role he was actively living to achieve in the whole Sudanese sport arena. It is killing for those who know him very well to remember his extraordinary passion, beautiful soul, exceptional honesty and the like. I don't know to which extent for a person trained by Aizadeen' creative journalism to accept that he is inevitably died. But shouldn't such a person satisfy himself in that God knows much better of our teacher transparent humanity.

Shouldn't I recall Aizadeen's enriched world?

Shouldn't I...?

Quote: الا رحم الله استاذي واستاذ الأجيال حسن عز الدين مختار وأسكنه جنات عدن تجري من تحتها الأنهار

صديقي الأعز بخاري
وهل كنت لي هناك إلا رجلا محتشد بالأريحية واللطف والحضور الأنيس ..
مازالت إبتسامتك الودودة تتبدي لي كاهزوجة فرايحية مفعمة بالنقاء والألق , ومازلت أذكرك وقد كنت قادما لتوك متمهل الخطي وقد التصق تلفونك المحمول باذنك وأنت تمارس الإستماع الذي تجيده فيما كانت تلك الإبتسامة التى أعرفها تتسع شئيا فشئيا حتى شملت كل وجهك ثم ما لبثت أن تحولت إلى ضحكة وسيمة التقاطيع والمعني .
وحيث أقف أنا إلي جوار مدخل القسم الرياضي دلفت لتبادلني تحاياك المشاغبة المصحوبة بنادرة من قسم التصحيح حيث يتواجد هناك حجو الوريف المكتنز بالبدائع والمقالب والسخرية أو ربما أثرت فضولي وأنت توعدني بطرفة بطلها البشوش ضياء الدين ومخرجها وسيم الطلعة عمر صالح والذي لا يمر يوم وإلا وشنف آذاننا بواحدة من نوادر القوم .
أصدقني القول بالله عليك
أما زلتم يا صديقي اللدود تحلقون حول كباب وسلطات عمك محمد باعلي السطح لتمارسون حميميتكم المشهودة وأنتم تتبادلون التنكيت والتبكيت والتبحيت فيما تحلق حولكم حسان الرأى العام وهن يتبادلن ضحكات موسومة بالرقة والدفء والأنوثة ..؟
أوتعتقد أننا قادرون يوما علي هزيمة الأقدار التى شتت شمل ذلك التلاقي الفخيم لنعود ثانية لذات السمر المفعم بالإشراق والإمتاع ..؟
ويحي من فراكم ويالهفي علي لقياكم يا زول .

التعديل لمداخلة سقطت سهوا من بوست آخر إلى هذا البوست

Quote: أما زلتم يا صديقي اللدود تحلقون حول كباب وسلطات عمك محمد باعلي السطح لتمارسون حميميتكم المشهودة وأنتم تتبادلون التنكيت والتبكيت والتبحيت فيما تحلق حولكم حسان الرأى العام وهن يتبادلن ضحكات موسومة بالرقة والدفء والأنوثة ..؟

صحي يا بخاري

وانت يا تؤامي حودة
أما زال زقاق الرأي العام ضاجا بحيوية الزوار والعمال وزبائن حواء وزينب و(فراشات) الجامعات المجاورة وبعض الوجوه الغريبة..؟
كيف هو حال ذلك الموقف المكتظ المتخم بسيارات موظفي بنك فيصل وورديات المطبعة وأصدقاء الصحافيين والمصالح القريبة ..؟
لعلك مازلت تركن سيارتك تحت نيمة المكتبة القريبة ثم تترجل متثاقلا وتمضي متكاسلا متشاغلا برد تحايا المعجبين والمعارف وتتلكأ متعمدا لتشبع فضولك بالنظر هنا وهناك فلعل نبض الشارع يوحي لك بمقام لمقال ,ثم لا ينسيك ذلك كله أن تمارس هوايتك المحببة في مخاشنة المريخي الصميم سعودي وهو خارجا لتوه من معركة رهيبة مع ماكينة المطبعة وقد غرق ( ابروله) في الزيوت والبقع لكنه لا يتركك إلا إذا اغرق هلالك سخرية وإستهزاء وتحقيرا ولا تملك أنت إلا أن تقهقه مستهويا غضبته المريخية البريئة قبل أن تواصل تلكؤك المعهود متجاهلا صراخ الموبايل بيدك مستكثرا أن يشغلك شئيا آخر عن ما يجري في ذلك الزقاق الولوف .
وربما ساقك مزاجك لتعرج علي القسم الرياضي الذي تعتبره إستراحة تتناول بداخلها القهوة ووتتصفح الجرائد لتهزأ باخبار المريخ وصور نجومه وتتوعدنا أنا ومجيدو ب(الرش ) .. ولا تنسي أن تصفني كعادتك بالهتافي المتعصب قبل أن تغادر تاركا خلفك صدي ضحكة مجلجة ووعد بالعودة ثانية .
قل لي ياحودة ...
أما زال ذلك الدب الأليف قابعا في المقعد الخلفي لسيارتك .. ؟ وهل مازالت فوضي أشرطة الكاسيت المبعثرة كما هي .. ؟ وهل ما زلت تستمع لنديدي ..؟؟

up

Quote: وانت يا تؤامي حودة أما زال زقاق الرأي العام ضاجا بحيوية الزوار والعمال وزبائن حواء وزينب و(فراشات) الجامعات المجاورة وبعض الوجوه الغريبة..؟ كيف هو حال ذلك الموقف المكتظ المتخم بسيارات موظفي بنك فيصل وورديات المطبعة وأصدقاء الصحافيين والمصالح القريبة ..؟ لعلك مازلت تركن سيارتك تحت نيمة المكتبة القريبة ثم تترجل متثاقلا وتمضي متكاسلا متشاغلا برد تحايا المعجبين والمعارف وتتلكأ متعمدا لتشبع فضولك بالنظر هنا وهناك فلعل نبض الشارع يوحي لك بمقام لمقال ,ثم لا ينسيك ذلك كله أن تمارس هوايتك المحببة في مخاشنة المريخي الصميم سعودي وهو خارجا لتوه من معركة رهيبة مع ماكينة المطبعة وقد غرق ( ابروله) في الزيوت والبقع لكنه لا يتركك إلا إذا اغرق هلالك سخرية وإستهزاء وتحقيرا ولا تملك أنت إلا أن تقهقه مستهويا غضبته المريخية البريئة قبل أن تواصل تلكؤك المعهود متجاهلا صراخ الموبايل بيدك مستكثرا أن يشغلك شئيا آخر عن ما يجري في ذلك الزقاق الولوف . وربما ساقك مزاجك لتعرج علي القسم الرياضي الذي تعتبره إستراحة تتناول بداخلها القهوة ووتتصفح الجرائد لتهزأ باخبار المريخ وصور نجومه وتتوعدنا أنا ومجيدو ب(الرش ) .. ولا تنسي أن تصفني كعادتك بالهتافي المتعصب قبل أن تغادر تاركا خلفك صدي ضحكة مجلجة ووعد بالعودة ثانية . قل لي ياحودة ... أما زال ذلك الدب الأليف قابعا في المقعد الخلفي لسيارتك .. ؟ وهل مازالت فوضي أشرطة الكاسيت المبعثرة كما هي .. ؟ وهل ما زلت تستمع لنديدي ..؟؟

صديقي طلحة
ادميت قلبي يااخي بهذا الرصد الشفيف لتفاصيل ايام خلت وصارت هي الملجا
والملاذ كلما عصفت بناعواتي الدهر واستبدت بايامنا
قسوة الحنين ووحشة ذكراكم المشبعة بصدق الصحبة ورحيق التواصل..
اجل طلحة مازال زقاق الراي العام نابضا بهذا
الحنين الاستثنائي تتناثر فى حواشيه الانيقة بحركة الناس وفراشات الجامعة زينب وخالتي عشة
والخالة حواء ومازالت مقبولة كعادتهاتتعزز كما الليمون ولا تاتينا بشاي اللبن
الا مساء..مازلنا نفتقد مشاوير الجامعة وونسة العصاري فى ازقة الراي العام الحفية
ورفقة انقاذ حيث الشية السنكيت وفول على طعمية وزحمة الفيحاء ومشاوير الرهق الجميل
فى ظلال النيمة التى تاوي سيارتي وتحنو عليهاوتنفحنا بنسمة عز صيف الخرطوم مطعمة بنغم ندي لسيف الجامعة ينبعث طازجا من مسجل السيارة وهو ينادي اي صوت راجيهو صوتك واي شريان
فيك وريدي مازال السعودي فى ابروله القديم وقفشات عبد المجيد تملا المكان
وكمال الكهربجي يسد بشنبه الطريق والحاج قادم لتوه من المنزل يتابط ساندويتش
الغداء وبرفقته حسناء متدربة وهو يؤكد على نهجه الراسخ جنى وجن تدريب الاولاد
فى راجل بيدربو..
مازلنانتجمع فى حضرة مجيد ونتسامر بشاي زينب السادة ابو نعناع
حول كورة امبارح متوعدين بعضنا بالرش وحاجات تانية حامياني نقلب جرايد
الكورة ونستنشق رائحة المطابع البتعرفا فى ورق الجرايد الاصفر .
مازالت الفراشات طلحة تحوم حول الراي العام بكامل الالق الجامعى
وانوثة بنات الخرطوم( السمحات) كما تعلم مازالت العربة تاوينا من
رشاش مطرة خريفية ابت الا ان تداعب مكياج الحسناوات فى شوارع الخرطوم
فنتدثر بفضاء العربة ونسمع محمد النصري دة ما القلب البيجرحو شوق اذا
ما اختار سبيلو بعاد ولا القلب التبكي حبيبة لوغابت عن الميعاد.
مازلنا نقصد فى العصريات سطوح الراي العام حيث تتناثر الضحكات و
القفشات المشبعة بمواقف انتجها بخاري او تورط فيها ضياء الدين
او مشت على طارق حامد... حتى اذا ما انقضى اسبوع تمام تحسسنا الجمعة واتبرمنا عهدا للقاء
فى قندهار حيث زكية ست الشية الماخمج مكسورة بي زبادي وسفن اب ناكلها ونترك هضمها للضحكات والنكات وسرد المواقف الجميلة
اقول ليك ياطلوح مازلنا فى انتظارك

انت تعمل بوست كلو مناجاة ... طيب انا اتاخرت لانو الصفحة الاولى لازم تمشى
المطبعة ...
يا صديقي :الصحافة السودانية تعيش في ازمة ومتهاتها والعجب ان عمرها تجاوز
المئة بقليل ، ونعلم ان كثيرين من صحافيننا ساهموا بقدر فعال في دول البترودولار
في كل الاجهزة الاعلامية مع شعوب دول اخرى لكن كانت هناك ميزة للسودانيين ، والاسباب
التي جعلت اخوتنا الصحافيين الذين سبقونا في هذه المهنة وهم كثر ولا داعى لذكر
الاسماء حتى لا نغمط حق احداً منهم ، ان يتغربوا وما زالوا هو ما قلته عن تراجع
الصحافة السودانية وما تعانيه من كبوات بفعل انظمة فاقدة الشرعية ، وما ادخلته
الحكومات الشمولية في مهنة الصحافة تجعل قدراً كبيراً من الارزقية في علية القوم
وليس المجال لذكرهم - لكنني سافرد مقالات عن هؤلاء الذين اصبحوا في محل صنع القرار
مع انهم فاقدي الموهبة - والان هناك مجموعة تدير صناعة الصحافة لبيع الدجل والكذب
والشعوذة للسلطان ، وهناك من يبيع قلمه للسلطان مقابل دريهمات ، وهناك من فقد عقله!
المشاركة الضعيفة رغم العدد الكبير الذي يحفل به هذا الموقع يعكس حقيقة عن وضع
الصحافيين في السودان وخارجه ، وتعلم يا محمد ان الصحافي حساسيته عالية - طبعاً الشريف
منهم - ولذلك عندما ينظر او يحس لانتقاص في سلطته التي سميت جوازاً بالرابعة فانه ينكفئ
تعرف ان الرقابة الامنية التي عادت بصورة مستفزة - ولا اريد ان يسأل احداً مالذي فعلته
الحركة الشعبية لانه سؤال ساذج وغير منهجي وعلمي - فان ذلك يعبر عن استفزاز لنا جميعا
وانت تعلم يا صديقي الفترات الصعبة التي عملنا فيها ...
الصحافيون هنا او هناك يعيشون في متاهتهم ... قلم مكسور ، واخرون يعتقدون انهم افضل
الصحافيين في الدنيا وليس السودان مع انهم لا يفرقون بين ملدوفيا واوكرنيا ..
المشاركة ضعيفة هنا لاسباب تعلمها ... اقلها ما ذكرته ... انا ليس لدي مقترح
ولا احبذ ذلك لسبب لان المقترح مقتول في حينه - في السودان فقط - لكن شئ عملي
واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش
طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا
صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر
شقيق سيد الحوش لشئ في نفسي ,,, شكرا محمد عبدالقادر

حبيبنا مصطفى سرى
ليك وحشة
وشوقنا ليك بحر
يا صديقي دعنا نتناجي فى واقع لانملك مفاتيحه
فليس امامنا سوى المناجاة لتدبر حالنا ومعرفة مالانا

Quote: يا صديقي :الصحافة السودانية تعيش في ازمة ومتهاتها والعجب ان عمرها تجاوز المئة بقليل ، ونعلم ان كثيرين من صحافيننا ساهموا بقدر فعال في دول البترودولار في كل الاجهزة الاعلامية مع شعوب دول اخرى لكن كانت هناك ميزة للسودانيين ، والاسباب التي جعلت اخوتنا الصحافيين الذين سبقونا في هذه المهنة وهم كثر ولا داعى لذكر الاسماء حتى لا نغمط حق احداً منهم ، ان يتغربوا وما زالوا هو ما قلته عن تراجع الصحافة السودانية وما تعانيه من كبوات بفعل انظمة فاقدة الشرعية ، وما ادخلته الحكومات الشمولية في مهنة الصحافة تجعل قدراً كبيراً من الارزقية في علية القوم وليس المجال لذكرهم -

اوافقك الراي حول ما ذهبت اليه بشان تميز الصحفيين السودانيين
وتردي واقع الصحافة السودانية
وما فعلته فيها الانظمة الشمولية
وارى ان الاجواء الصحفية مسممة بكثير من الممارسات
التى تحتاج لمعالجة
ولكن دعنا نقول ان سودانيز اون لاين مثل رئة تنفس عبرها كثيرون الصعداء
وشكلت مساحة التناول فيها خريطة لوطن حدادي مدادي تظلله قيم العدالة وحرية التعبير
فكان ان توافد عليه السودانيون ومن بينهم صحافيون ارادوا الاضافة غير ان كثيرا من الاسباب
حالت دونهم والمشاركة الفاعلة.

Quote: الصحافيون هنا او هناك يعيشون في متاهتهم ... قلم مكسور ، واخرون يعتقدون انهم افضل الصحافيين في الدنيا وليس السودان مع انهم لا يفرقون بين ملدوفيا واوكرنيا .. المشاركة ضعيفة هنا لاسباب تعلمها ... اقلها ما ذكرته ... انا ليس لدي مقترح ولا احبذ ذلك لسبب لان المقترح مقتول في حينه - في السودان فقط - لكن شئ عملي واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر شقيق سيد الحوش لشئ في نفسي ,,, شكرا محمد عبدالقادر

لقد لمست سرى كثيرا من الحقائق التى شكلت نفسية الصحافيين
ولكنك تعلم اخي ان الركون لهذا الواقع من شانه ان يضاعف من ماساة الصحافة وهذا ما يريده منها
مكممو الافواه لذا وجب استثمار اجواء المنبر فى نظري للخروج من قوقعة الوضع النفسي الخطير
الذى دخل فيه الصحفيون.
وليكن هذا المنبرا ملاذا امنا لتلاقح الافكار وتبادلها لما تتوفر فيه من بيئة جيدة للتعاطي مع الراي والراي الاخر.

Quote: لكن شئ عملى واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر شقيق سيد الحوش لشئ في نفسي ,,, شكرا محمد عبدالقادر

ما اجمل هذا الاقتراح مصطفى سرى
ويارب بكري رايو شنو
شكرا صديقي سري تحياتنا للصغيرة ربيكا وامها
وتقبل فائق الاشواق

أخى محمد عبدالقادر
لك التحية والتقديرات
مرة أخرى أعود وأذكرك بخوفى الشديد بأن يأخذ هذا
البوست منحنى أخر وينسينا العنوان أعلاه فقط للتذكير
وللجميع محبتى وشوقى وأحترامى ايها الزملاء

لازلنا فى إنتظار الاستاذ البدوى يوسف ..والتحيات مرة أخرى
لشقيقى الاصغر ودالشيخ ..( عبدالمنعم )

تاج السر

Quote: أخى محمد عبدالقادر لك التحية والتقديرات مرة أخرى أعود وأذكرك بخوفى الشديد بأن يأخذ هذا البوست منحنى أخر وينسينا العنوان أعلاه فقط للتذكير وللجميع محبتى وشوقى وأحترامى ايها الزملاء لازلنا فى إنتظار الاستاذ البدوى يوسف ..والتحيات مرة أخرى لشقيقى الاصغر ودالشيخ ..( عبدالمنعم ) تاج السر

الاخ تاج السر
نطمئنك ان البوست لن ينحرف عن مساره
ونحتاج كثيرا لجرس تنبيهك
تحاياك وصلت لود الشيخ الصغير
ومنتظرنك

Quote: لازلنا فى إنتظار الاستاذ البدوى يوسف ..والتحيات مرة أخرى لشقيقى الاصغر ودالشيخ ..( عبدالمنعم ) تاج السر

كلنا فى انتظار البدوي يوسف

كتبت العزيزة ناهد بشير :

Quote: استاذنا وجدى الكردى والاستاذ طلحه(الظريف)

فرد حودة السغيل :

Quote: طلحة الظريف دة بعد كلامك دة حا يحمينا القعاد فى البوست واللا رايك شنو يا وجدي الكردي

اها قمنا علي الحسادة ..

Quote: اها قمنا علي الحسادة ..

حسادة شديدة بالمناسبة ناهد وين
دة كلام دة تقولو وتختفي

الاخ تاج السر
لا يضير البوست بعضا من هوامش الذكريات .
لك يا عزيزي أن ترفده بمقترحاتك وأفكارك وستجدنا في الإنتظار .
الود .

up

محمد عبد القادر

وضيوفه الكرام من الزملاء والمشاركين

تحياتي لكم جميعا

من بين ميزات هذا المنبر العديدة أنه كشف لنا عن مواهب لا تحصى في شتى مجالات الكتابة، اضافة الى انه ساهم بشكل كبير في اعادة الالق لكثير من النجوم في مجالات مختلفة.

نتنمى ان لا ينقطع مثل هؤلاء عن هذا المنتدى.

كما نتمنى مشاركة الزملاء الصحفيين، خاصة الذين لديهم قدرات ابداعية وتكبلها المعايير المهنية او سياسات التحرير او ضيق الوقت.

خالد سعد

Quote: كما نتمنى مشاركة الزملاء الصحفيين، خاصة الذين لديهم قدرات ابداعية وتكبلها المعايير المهنية او سياسات التحرير او ضيق الوقت.

الحبيب خالد سعد
يحفظ للمنبر اكتشافه لكثير من المواهب
وهذه حقيقة
بالمنبر متسع لابراز القدرات الابداعية لاخوانا الصحافيين
واكيد وقوالب التحرير لا تحتمل كل المواهب
شكرا على المرور
وبرضو بندعو معاك
نتمنى مشاركة فاعلة للصحافيين
خالص الود

فوق

Quote: فوق

[B]ات امحمد اخوى ....مافترت من العتيل .....
قلت اللجى اساعدك .......
واملالك الجردل موية من اللت البير
ات صحى وينو .....
(ود عمنا....... ماجاء منو خبر؟)
النمش على صلاح ودشعيب اباركله الجايزه
اللت البنيه ....اها اقعد عافيه

ناهد اختي
علك طيبة
فقدناك اليومين ديل
انقطعتي مننا
ودعمك دة قدر ما كبينا الموية ابى يجي مارق
دة يكون فى جحور تورا بورا واللاشنو
بعد دةة الا نبلغ الانتربول
مازال البحث جاريا عن عبد الرحيم عبد الحليم

Quote: النمش على صلاح ودشعيب اباركله الجايزه اللت البنيه ....اها اقعد عافيه

كان لحقناك اكان مشينا سوا لى صلاح شعيب
باركنالو الجايزي

مزيدا من التوفيق اخي شعيب




شكرا ناهد وما تغيبي

فوق

سفن أب

كولا اب

الاخوة محمد عبدالقادر وطلحة وبخارى
لكم جميعا التحيات مرة أخرى

شنو ياأخوانا الكلام خلص وأصبحتوا تشربونا فى السفن آب
أم هذه استراحه فقط من أجل الراحة والاستجمام ..

لازلت فى إنتظار الاجابه على ماطرحناه من مقترحات فى هذا البوست
أفيدونا .. أفيدونا حتى يتسنى لنا الابحار فى هذا البوست وإلا فسوف
نرجع سالمين الى أجحارنا .. فهل هذا يرضيكم احبتى العزاز ..

Quote: لازلت فى إنتظار الاجابه على ماطرحناه من مقترحات فى هذا البوست أفيدونا .. أفيدونا حتى يتسنى لنا الابحار فى هذا البوست وإلا فسوف نرجع سالمين الى أجحارنا .. فهل هذا يرضيكم احبتى العزاز ..

حبيبنا تاج السر
اقدر حرصك على الوصول لخلاصات من هذا البوست المحضور
سننتقل الى مرحلة ثانية نحشد فيها المقترحات
لاتخاذ خطوة عملية اقدر حرصك
مع فائق تقديري

ناهد ود عمنا دة ما لقيتي

محمد

ود عمنا شكله مشغوووووووول كما عرفت
يومين تلاته بيمرق........نرسله ايميل
كااااااااارب......

اتذكرت ليك كمان شاعرنا المرهف
المكاشفى عمر بخيت .....
من قدامى البورداب هنا......


ياربى تانى منو
منو
منو

كدى
اغتس واجيك..... اجيب لى واحد

انت مسؤول من الخير...
اللقيتهم زاتهم وينهم

اقعد عافيه



الاستاذ تاج السر

كل التحايا لك وللاسره

طيب أقترح أن يكون هناك بوست ثابت لمشاركات الصحافيين .. مقالات .. اعمدة .. افكار صحفية .. قصص خبرية .. خواطر .. الخ .
ولأبأس من مشاركة الاعضاء بالتعليقات والمداخلات والردود .
أب .

Quote: طيب أقترح أن يكون هناك بوست ثابت لمشاركات الصحافيين .. مقالات .. اعمدة .. افكار صحفية .. قصص خبرية .. خواطر .. الخ . ولأبأس من مشاركة الاعضاء بالتعليقات والمداخلات والردود . أب .

حبيبنا طلحة
دى الاقتراحات ولا بلاش
افتكر التاكيد على ضرورة وجود مشاركة مستمرة
للصحافيين عبر منفذ محدد دة مقترح مية المية
بعد داك لو فشلنا مع ناس بكري فى منحنا جانب مخصص
يمكن الاستعاضة عن طريق البوست المفترض يكون ثابت كما تفضلت
خالص الودو(شية انقاذ) ان اردت
تحياتي للاسرة

شكرا يا حودة علي الإطراء ..
يسمع منك ربنا عشان يلهم الباشمهندس بكري يرعي الإقتراحات .

Quote: و(شية انقاذ) ان اردت

في داعي لي دا هسع ياخ ..
بطريقتك دي يوم بتلقاني هناك
ونهائي ..
انقل كل أشواقي للرائعين هناك
علي رأس القائمة العائلة الكريمة .

الاستاذ محمد عبدالقادر
لقد كتبت تعليقاً هنا واظن في الصفحة الثانية ولم احظى برد او تعليق عليه
لا اطالبك الان بالرد ولكن لا تتجاهل مثل كنت تعلق على الاخرين الا اذا كان لديك
راي في ما ذكرته في تعليقي ، ومن الافضل ايضا ايضاحه هنا اذا كنت تبحث عن
الصحافيين في المنبر حسب البوست الذي افتتحته ، عموماً شكراً على التجاهل .

أخونا محمد عبد القادر

تحياتي

هذا المقال نشر اليوم الخميس في الصحافة وآمل أن يحظى بالنقاش إذا كان له علاقة ببعض ما أثير هنا من بعض الاخوة الزملاء.

صحافة تحرير..أم صحافة راي..؟

صلاح شعيب

هناك فرق كبير بين المحرر الصحافي والكاتب الصحافي.. ليس بالضرورة للأول أن يكون كاتباً متميزاً وبالمقابل ليس بالضرورة للثاني أن يكون صحافياً خارقاً. ولكن هناك تجارب لصحافيين تألقوا في عملهم التحريري وتفننوا في الكتابة الصحفية أو الإبداعية. هناك تجارب شحيحة لكتاب مميّزين دخلوا الصحافة من موقع الكتابة ونجحوا فيها. والحال هكذا فشل صحافيون كبار في أن يصبحوا كتاباً بمستوى يليق بتجربتهم الصحفية.
طبعاً الأمثلة لهذه المقاربات يمكن أن تصدق في العالم العربي أو الافريقي أو السوداني ولكن لا تصدق في الدول المتقدمة. ففي الولايات المتحدة وأوربا لا تجد أنه قد تم تعيين شخص من خارج الطاقم التحريري رئيساً لتحرير صحيفة. والملاحظة الأخرى أن معظم إن لم يكن كل كتاب صفحات الرأي هم من الصحافيين ذوي الخبرة الذين عركتهم تجربة ملاحقة الخبر وصياغته لفترة لا تقل عن ثلاثين عاماً.
وحين تقرأ الأعمدة الصحفية في «الواشنطن بوست» أو «النيويورك تايمز» أو «لوس انجلز تايمز» أو «بوسطن قلوب» أو «شيكاغو تربيون» أو «فلادلفيا انغوري»... إلخ، ستجد أن كتاب الرأي والرياضة والأذواق والسياحة والصفحات الثقافية والاقتصادية والمنوعات وحتى الصفحات العلمية هم من قدامى المحررين الذين اكتسبوا التجربة الصحفية من خلال تغطيتهم للأحداث التي نذروا أنفسهم لها منذ زمن بعيد.
ومع ذلك تستعين هذه الصحف ببعض المتخصصين أو الأكاديميين، كل في مجاله، وتستكتبهم بشكل غير منتظم ولا تقصر الاختيار أو تحتكره على عدد معيَّن من هؤلاء الخبراء، وإنما تنوع في كل مراحل الاستكتاب الشخصيات والخلفيات. إضافة إلى هذا فإن القنوات الفضائية لا تعين رئيساً لها إلا من خلال تجربته في التغطية الإعلامية. سواء تغطية الحروب أوالتغطية المقتحمة لأوكار المخدرات أو التغطية للأحداث الخارجية في مدينة مثل لندن أو بانكوك أو ريودي جانيرو. فالصحافي الذي غطى حرب فيتنام أو الحرب العراقية الايرانية أو اقتحم معاقل ثوار السانديستا أو انتزع حديثاً صحفياً من رئيس الجيش الاحمر الايرلندي بعد خلوصه من معركة لا يمكن أن يضيع جهده المغامر سدى بأن يتم اختيار مدير جامعة أو بروفيسور رئيساً عليه لمجرد مكانة الدرجة العلمية التي لا علاقة لها في المفاضلة بين مهنية هذا أوذاك، كما أنني لم ألمس ربطاً بين رأي الكاتب ودرجته العلمية، ولعل صحيفة «الحياة» اللندنية هي المطبوعة العربية الوحيدة التي لا تعطي الكاتب حقاً في تبيان درجته الأكاديمية. وكأن لسان حالها يقول أن إهمية الاعتبار للدرجة العلمية تبدو في مدرجات الجامعة وحجرات الدرس وليس في ما خص الشأن العام.
بتوضيح ثان فإن حقل الإعلام ورأيه يقوم على جهد المحترفين في صناعة الصحافة والإعلام. فالصحافي يكافأ بأن يكون كاتباً متفرغاً للجريدة حين يبلغ درجة من الخبرة. وعليه تتيح له الصحيفة سكرتارية لإعانته ومده بكل المعلومات. أما إذا لم يلق بالاً لإمكانية تجريبه للكتابة فإنه يبقى مترقياً في سلم الوظيفة الإعلامية حتى يتقاعد.
وفي سنين ما بعد التقاعده يمكن لزميلنا أن يحترف التعليق التلفزيوني أو ينصرف لكتابة الكتب المتعلقة بأسرار تجربته أو قد يتفق مع دور نشر ليتولى تحرير الكتب ذات الصبغة التقريرية. وربما يستفيد منه قسم صحافة وإعلام في جامعة ما ليحاضر عن تجربته للجيل الناشئ، خصوصاً إذا كان قد تحصَّل على الماجستير قبل احترافه أو أثناء الاحتراف. إذن ليس مهماً لهذا المتقاعد أن يكون كاتباً كما بقية زملائه.. فالصحافي المعني نفسه قد يرى أن موهبته قد تتحقق بشكل أفضل داخل مجال التحرير، وليس من الأهمية بمكان أن يصبح كاتباً محترفاً للرأي في صحيفة ما. وأحياناً قد يصبح هذا المتقاعد «فري لانسر». يواصل في عمل التحقيقات للصحف والمجلات المتنوعة دون أن يتقيد بالوظيفة.
إذن، فإن كتابة الرأي وقوله يعتمد بشكل أساسي على من لهم تجربة في العمل الإعلامي، وكما قلنا هناك هامش ضئيل لمن هم غير اعلاميين. والحقيقة أن كتابة الرأي وقوله في الصحف والقنوات الفضائية يقوم على «فن» وليس هو كما نشاهد في صحفنا وقنواتنا الفضائية. فكتابة الرأي لصحيفة مثل النيويروك تايمز يختلف عن كتابة البحث الاكاديمي أو النقد الادبي أو كتابة القيم الفلسفية. إذا رجعت إلى ارشيف هذه الصحيفة للمئة سنة الأخيرة فإنك ستجد أن لغة الكتابة في صفحات الرأي السياسي او الاقتصادي أو الاجتماعي أو الثقافي حتى يقوم على لغة واضحة لا مجال فيها لما يقارب الجناس أو الطباق، أو إن شئت التقعر اللغوي الذي يجعل القارئ يحس أن الكاتب يستفز جهله باللغة أكثر مما يشرح له مضمون الكتابة.
هذا يعني أيضاً أنك يمكن أن تكون «سيبويه اللغة الإنجليزية» وستجد الاحترام والتقدير اللائق في الحقل الثقافي والادبي ولا يسقط حقك بالتقادم. ولكن أن تحس أن مجرّد هذا النبوغ يتيح لك ميزة حضور حتمية في صفحة الرأي فإن هناك من يقول لك بكل أدب: مهلاً إن لكل مقام مقال. وإذا عنّت الفكرة لهذا «السيبويه» الفكرة لإرسال تعقيب لإفتتاحية «الواشنطن بوست» فإنه بلا شك سيتوقع -من خلال «السيستم»- أن هناك محرراً للصفحة -نظارته قعر كباية كما نقول- سيفعل في تعقيبه فعلاً يقربها إلى لغة «التعقيب الصحفي» دون أن يخل بالمضمون. وإذا أراد رئيس قسم اللغة الانجليزية بـ«هارفادر أو ييل» أن يرد على تكليف بكتابة رأي لملف متخصص حول توليد الجيل الجديد لمفردات غريبة من اللغة الانجليزية فإنه لا يتوقع أن ما سيكتبه سيجد طريقه للنشر دون مرور بالصحافي القديم الذي أصبح متخصصاً في صناعة «الرأي الصحفي» إن جاز التعبير.
هذا هو التخصص الذي يفتقده العرب والافارقة والسودانيون، أو بإختصار العالم الثالث المجازي. وسيكون من عجائب الدنيا العشرين لو تطابق الواقع المهني لصحافتنا مع صحافة العالم المتقدم. والسبب بسيط، وهو أن الصحافة هنا -ليست بنت السماء كما قال التيجاني يوسف بشير- إنما هي بنت الواقع. تتطوّر بتطوره وتنحط بإنحطاطه. والاستثناءات نادرة، وفي ذات الوقت مضللة للناس إن لم يقرأوا الأشياء بتعمّق.
الطرق التي بها يتم تعيين رؤساء التحرير أو وزراء المالية أو السفراء أو مديري الفنادق أو مديري شركات البناء تختلف بين العالم المتقدم والمتأخّر بطبيعة الحال وهذا ما يجعل نعتنا بالعالم الثالث أقرب إلى الحقيقة ولا أدري إلى أي مدى نستطيع المحافظة على هذا الترتيب، والذي إذا انطوى على إهانة لعقلنا فإنه ينطوي أيضا على اسباب لمواجهة تحديات ضدم النهوض والتقدم.
هذا الاعتراف بالحقيقة هو المدخل لتصحيح أوضاعنا كسودانيين، إذا خصصنا الامر، وإلا فإن المكابرة ستزيد حطب النار للحرائق التي أشعلها واقع عدم التخصص في التوظيف، فلا حل لقضية أبيي إذا كان الوزراء يتجولون في التوزير كما يتجول السائح الاوربي بين المدن الافريقية والآسيوية.
الواقع مرعب من حيث تأخره.. ومع ذلك يجب ألا يصاب الكاتب الصحافي بالقنوط أو الإحباط، فهو المفكر الذي يصوغ عباراته بالسهل الممتنع الذي يستفيد من مضمونه ذلكم الفيلسوف والرئيس والأكاديمي والطالب والعامل والخفير والسباك والنجار وغيرهم.
الكاتب الصحافي يختار اللغة الوسط التي تشبع نهم كل هؤلاء، ولا يعني هذا بأي حال من الاحوال أن يقوم بإبتذال التبسيط في المبنى والمعنى أو التدني باللغة إلى مستوى لغة الكلام. فقدرة الكاتب المبدع تتجلى في صوغ المعاني الكبيرة بلغة رشيقة يحس القارئ أنها «قطيفة جميلة من الكلام» مع الاعتذار للسرياليين.
المفهوم الذي تعارفنا عليه حول الكاتب الممتاز هو أنه ذلك الشخص الذي يستخدم العبارات الفخمة التي يصعب للعامة فهمها، وهذا خطأ كبير فتجربة الأستاذ محمود محمد طه دلت على لغته البسيط التي يشرح بها أفكاراً هي من العمق بمكان. ولكن أعتقد أن الكاتب الصحافي كتعريف هو المنتج للأفكار بجانب آخرين من حقول الادب والاكاديميا والفلسفة وتتوقف الريادة الفكرية للكاتب الصحفي برصيده لا بوظيفته الاعلامية، فلا يغني الكاتب الصحافي شهادته الاكاديمية أو موقعه وسط القبيلة أو ريادته السياسية أو جرأته في احتراف شتم الحكومة أو المعارضة ليل نهار.. هذا الاحتراف الذي يسدر فيه بعض الكتاب يمثل «انتحارا عقلانياً» فلا الحكومة وحدها هي سبب البلاء ولا المعارضة بجناحها المهيض أدخلتنا إلى فم البقرة.
إن حجم المقاربة بين الكاتب الصحافي والمفكرين في مجالات العمل العام يتم من خلال كيفية مراءاة الرصيد في الانتاج وفي هذا الجانب أرى أن «الافتتاحيات» الصحفية للأستاذة محجوب محمد صالح وبشير محمد سعيد ومقالات سيد أحمد نقد الله والتيجاني عامر وحسن نجيلة «عبد الله على إبراهيم في نسخته القديمة» تنهض دليلاً على حيوية شاغلهم الوطني فكرياً ولعل التاريخ يدلنا على أن الصحافة السودانية أسهمت في إثراء وعي عامة الناس عن طريق كتابتها ولا تجدن سودانياً متعلماً إلا وبدأ إثراء وعيه الباكر بها ومثلت له مدخلاً للمعرفة والإعلام والتواصل.
ولعل عدم الاهتمام بالتراتيبية في الوظيفة الصحفية أثر كثيراً في ضعف التحرير الصحفي. وبدا طغيان الرأي ملاحظاً على حساب الاهتمام بالجوانب المهنية الصحفية الاخرى. وللأسف فإن الاهتمام بالكاتب لم يشمل كل القطاعات الصحفية واصبح الكاتب السياسي هو الاكثر تفضيلا في الصفحات. ولو سألنا عن دور الكاتب الاقتصادي أو الثقافي او الفني أو المتخصص في تناول القضايا الاجتماعية والتربوية وغيرها لما وجدنا أدنى تفكير في تفعيل دوره في الكتابة الصحفية.
وصحيح أن الكاتب الصحافي هو المتخصص بطرف من أجل أن يحدث الناس عن الهموم التي تمسهم، بمعنى أنه ينتقد التفكير السياسي والمظاهر الاجتماعية الضارة ويناقش مشروع الموازنة العامة ويتناول مشكلة اهمال الدولة للمؤسسات الثقافية والصحية وينتقد المناهج التربوية الجديدة والقديمة إذا ما اكتشف أنها تضر بحاضر ومستقبل السكون الاجتماعي أو لا تحقق الغرض العلمي أو التربوي... إلخ.
ولكن لا بد من وجود الكاتب المتخصص كما كان الحال حين وجدنا بعض رؤساء التحرير انتبهوا لهذه المسألة ووفروا مجالاً للأساتذة عثمان سنادة وعثمان سوار الذهب والراحل صلاح عبد الرحيم بالتفرغ لتحرير المادة الاقتصادية.
لا أعتقد أن الكم الهائل من الصحف اليومية والاسبوعية يسهم في تجويد التحرير الصحفي، ولا أدري هل يهتم مجلس الصحافة والمطبوعات بأمر تقييم المادة التحريرية أم أن وظيفته هي تحصيل الرسوم لإصدار المطبوعات، وانجاز الجزاءات علي الصحفيين، وستكون المشكلة أكبر لو علمنا أن المسؤولين في المجلس المذكور أبعد عن الدراية بفن العمل الصحفي، والسؤال الاهم هو ما هو دور نقابة الصحافيين والاتحادات المعنية الاخرى في مراجعة الاداء المهني ولو من باب الحوار عبر منتديات الاتحاد إن وجدت. وأعتقد أن من مهمام الاتحاد أن يبدأ بفحص عقودات العملية الصحفية لمعرفة انصافها للصحافيين ومدى إمكانية المساعدة في استقرارهم المادي والاجتماعي، حتى لا يكونوا عرضة للاستغلال من قبل المستثمرين الصحافيين والمؤسسات الحزبية والشركات.
إن تجربة صحيفتي «الايام» و«الصحافة» وكذا سونا -ولاستمرار هذه المؤسسات لفترة طويلة من الزمان- خرّجت كوادر صحفية متدربة لا تزال هي الأكثر تدريبا في العمل الصحفي ومعظم الذين يديرون الصحف العربية خلف الكواليس هم من مدارس «الصحافة» و«الأيام» و«سونا» وأعتقد أن عالمنا العربي استفاد من هؤلاء الخبراء في التحرير الصحفي أكثر من بلادنا، وذلك بسبب الموقف الحاد من نظام مايو والموقف الآخر من استمرار الصحف الحكومية بعد إنهيار النظام. وما بعد زمن الانتفاضة توفرنا على تجارب صحفية متطورة ومتنوعة وكان فيها الاهتمام بالتحرير الصحفي أولوية للتنافس ولو استمرت صحف الانتفاضة لوقفنا على تطور لأنواع من المدارس الصحفية ولشهدنا تفتقاً لمواهب صحفية متعددة.
وبرغم أن الاهتمام بالكاتب يعتبر أمراً طيباً ويساعد الصحف على القيام بدور تنويري أو تثقيفي إلا أن المبالغ التي تبذلها الصحف لغالبية الكتاب يعتبر مثل عطية المزين ولا تحقق أي قدر من التشجيع اللازم.
وللانصاف فإن القارئ للصحف الصادرة اليوم يرى تطوراً فردياً في التحرير الصحفي ولكنه لم يصبح جماعياً ونلحظ وجود اسماء معتبرة في دنيا الحوار والتحقيقات والتحليلات والملفات الثقافية والفنية ولكن المشكلة أن هذه المواهب متناثرة في هذا الكم الهائل من الصحف وتمثل أقليات وسط الضعف المهني لكثير من المحررين.
الشيء الاخير الذي اود التنبيه إليه هو أن الصحافة الرياضية، برغم محاولات السخرية من أدائها ورموزها، إلا أنها تضم خبرات متميِّزة في التحرير الصحفي والسبب يعود لرسوخ التجربة في بلادنا، ولذا نجد أن الصحف الرياضية تحظى برواج للتغطيات الصحفية المتميزة للمحررين واهتماماهم بالمنوعات، والتي تمثل حجر الزاوية في اهتمام القارئ، كما أن التجربة تتيح للمحرر صقلاً متواصلاً، فالمحرر الرياضي يبدأ مخبراً ثم مغطياً للنشاط الرياضي وزيارات الفرق محلياً وخارجياً ويقضي وقتاً في اجراء الحوارات الصحفية ثم معلقاً على المباريات ومتمرنا في المطبخ الصحفي حيث يتعرَّف على فنون التصميم وكيفية عرض المادة وإخراج الخطوط.
ولقد بدأت بالصحافة الرياضية واستفدت كثيراً منها، وما زلت أرى ان مهنيتها متقدمة بالقياس لمهنية الصحافة الثقافية والفنية أو حتى الصفحات الدينية التي تظهر مرة وتختفي مرات والغريب أن بعض الصحف التي أشرف عليها إسلاميون خصصوا صفحات دينية في «فصل تام» بينها والصفحات الأخرى.. واللبيب بالإشارة يفهم!!
وإن كان بعض الناس يصفون مضمون الصحافة الرياضية بالضعف أو الركاكة فالصورة ليست قاتمة كما هو حال الكتابة السياسية التي وجدناها في أزمان مختلفة تؤسس للشمولية وتحض الآن على العنصرية وترتهن بعض الأقلام للسفارات الأجنبية وتنحاز غيرها للتعبير عن الأحلام الحزبية أكثر من الوطنية ولعل كل هذا لم يفعله الصحافيون الرياضيون، والذين مهما علت مهاتراتهم وتجاوزوا الأعراف الصحفية. ويجدر بالذكر النجاحات التي حققها الصحافيون الرياضيون في دول الخليج حيث أشرفوا على الملفات الرياضية ورأسوا تحرير بعض المجلات ونذكر منهم كمال طه وكمال حامد وتاج السر أبو سوار واسعد يوسف وكفاح علي حسين وعلم الدين هاشم وقاسم نايل ونصر الدين منزول وعلي سيد احمد وياسر قاسم وعامر تيتاوي وعوض أحمد عمر وإبراهيم عوض.. والقائمة طويلة.
أعتقد أن هناك جوانب خلل كثيرة تتعلق بصحافتنا ونأمل أن تسهم هذه الكتابة في فتح ملفات الصحافة السودانية.. وربما حاولنا في مقالات سابقة تناول جوانب أخرى من القضية الصحفية وهي لا تقل أهمية عن القضية الحزبية.

الحبيب صلاح شعيب
الموضوع مهم... والاضاءات حول هذه العلاقة مهمة


ساعود له بالتفصيل

الحبيب صلاح شعيب
الموضوع مهم... والاضاءات حول هذه العلاقة مهمة


ساعود له بالتفصيل

الاخ الفاضل والصديق الحبيب مصطفى سري
يشهد الله انني احتفيت جدا بمداخلتك
اولا: لانك زول عزيز جدا على
ثانيا: لاني والله مشتاق ليك
ثالثا:لان اسهامك انت بالذات مفيد لكونك عاصرت
المنبر من داخل وخارج السودان
رابعا: اعلم ان تجاربك المهنية ثرة جدا
وانك من اساطين المنبر وارى ان المزاوجة بين الامرين تنتج
اراء نوعية.......
طبعا يا سرى انا علقت على مداخلتك
فور وصولها - فى الصفحة الثانية وتحت تعليقك مباشرة
ولكن العتب على النظر ياسرى يا خوي
عامل السن واللا المشغوليات
عموما اعتذر ليك برضو انابة عن نظرك
واعيد تعليقي على ما تفضلت به
ياخي نحنا لاقنك وين يا حبيب
والله ليك وحشة

Quote: حبيبنا مصطفى سرى ليك وحشة وشوقنا ليك بحر يا صديقي دعنا نتناجي فى واقع لانملك مفاتيحه فليس امامنا سوى المناجاة لتدبر حالنا ومعرفة مالانا Quote: يا صديقي :الصحافة السودانية تعيش في ازمة ومتهاتها والعجب ان عمرها تجاوز المئة بقليل ، ونعلم ان كثيرين من صحافيننا ساهموا بقدر فعال في دول البترودولار في كل الاجهزة الاعلامية مع شعوب دول اخرى لكن كانت هناك ميزة للسودانيين ، والاسباب التي جعلت اخوتنا الصحافيين الذين سبقونا في هذه المهنة وهم كثر ولا داعى لذكر الاسماء حتى لا نغمط حق احداً منهم ، ان يتغربوا وما زالوا هو ما قلته عن تراجع الصحافة السودانية وما تعانيه من كبوات بفعل انظمة فاقدة الشرعية ، وما ادخلته الحكومات الشمولية في مهنة الصحافة تجعل قدراً كبيراً من الارزقية في علية القوم وليس المجال لذكرهم - اوافقك الراي حول ما ذهبت اليه بشان تميز الصحفيين السودانيين وتردي واقع الصحافة السودانية وما فعلته فيها الانظمة الشمولية وارى ان الاجواء الصحفية مسممة بكثير من الممارسات التى تحتاج لمعالجة ولكن دعنا نقول ان سودانيز اون لاين مثل رئة تنفس عبرها كثيرون الصعداء وشكلت مساحة التناول فيها خريطة لوطن حدادي مدادي تظلله قيم العدالة وحرية التعبير فكان ان توافد عليه السودانيون ومن بينهم صحافيون ارادوا الاضافة غير ان كثيرا من الاسباب حالت دونهم والمشاركة الفاعلة. Quote: الصحافيون هنا او هناك يعيشون في متاهتهم ... قلم مكسور ، واخرون يعتقدون انهم افضل الصحافيين في الدنيا وليس السودان مع انهم لا يفرقون بين ملدوفيا واوكرنيا .. المشاركة ضعيفة هنا لاسباب تعلمها ... اقلها ما ذكرته ... انا ليس لدي مقترح ولا احبذ ذلك لسبب لان المقترح مقتول في حينه - في السودان فقط - لكن شئ عملي واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر شقيق سيد الحوش لشئ في نفسي ,,, شكرا محمد عبدالقادر لقد لمست سرى كثيرا من الحقائق التى شكلت نفسية الصحافيين ولكنك تعلم اخي ان الركون لهذا الواقع من شانه ان يضاعف من ماساة الصحافة وهذا ما يريده منها مكممو الافواه لذا وجب استثمار اجواء المنبر فى نظري للخروج من قوقعة الوضع النفسي الخطير الذى دخل فيه الصحفيون. وليكن هذا المنبرا ملاذا امنا لتلاقح الافكار وتبادلها لما تتوفر فيه من بيئة جيدة للتعاطي مع الراي والراي الاخر. Quote: لكن شئ عملى واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر شقيق سيد الحوش لشئ في نفسي ,,, شكرا محمد عبدالقادر ما اجمل هذا الاقتراح مصطفى سرى ويارب بكري رايو شنو شكرا صديقي سري تحياتنا للصغيرة ربيكا وامها وتقبل فائق الاشواق

شفت كيف........ فائق المودة

حذف للتكرار

عزيزي محمد عبدالقادر ، الف تحايا لك والاسرة
اسف للغضبة التي اعترت لغتي معك ليس في الامر شئ - مثل اغنية الكابلي الذي تحبه انت- وذلك
انني قفزت مع الصفحة الثالثة مباشرة لغياب لفترة وجيزة ، وهذا يعبر ان البوست الذي ابتدرته
انت فتح قضية نعانيها اليوم ومن قبل ، الحرية الصحفية يا صديق ، ومع ذلك كنت اتمنى ان
يتداخل اخرون في قضيتنا الراهنة بكلام يدخل في صميم الشغلة ، كما يقول صديقنا ( الحاج )
عليه اننا امام قضية شائكة لكننا نستطيع بما لدينا من موروث نضالي - طبعا نخرج المرجفين
وهم بينك ومن امامك - ونفتح كوة لعمل صحافي المهنية طابعها وعظمتها ... اكرر اسفي لك
وعيوني برضو قوية ... تحياتي للجميع ...

اولا ..سلام للجميع ..
عزرا لتأخرى فى المشاركة بسبب سفرى خارج البلاد مع بعض المشغوليات

صحيح ان عددمقدر من الصحفيين مشتركين في المنبر ..وصحيح ايضا ان مشاركتهم
في كتابة المداخلات والمواضيع ضعيفة وانا منهم والاسباب لا تخرج عن ما ذكر
اضافة الى ان الصحفي في الخرطوم يختلف عن الصحفي الذي يعمل من الخارج والجميع يعلم
الظروف التي نعمل بها يعني ببساطة ممكن تكون في الجريدة من الساعة 9صباحا
وتتابع خبر تكتمل اركانه الساعة 9 مساء وتجي بكرة تلقاه ما نزل في الجريدة
او المصدر يزعل منك عديل ويفقد ثقته فيك من تكرار هذه المسالة ..هناك عموما
احباط كبير لدى الصحفيين ..محتاجين صراحة زى اللمة دي وفرحانين بقرب زملاء
بعدوا مننا ولقيناهم هنا يشاركونا في همومنا.
مقترح الوكالة جيد الا انه يتعارض مع عمل البعض في الصحف خاصة في مجال الاخبار
التي لا تقبل القسمة علي اتنين ..
مصطفي سرى ..كنت قبل ايام في بريطانيا وزرت مانشستر وفشلت في ايجاد تلفونك
عموما الجايات اكتر ..وشكلي راجعة ليكم تاني .
شكرا محمد عبد القادر علي هذا البوست
اميرة