الكلب الامريكي والانسان الافغاني

درجنا عموما على المجامله ولو على على اعصابنا المهم انك تجامل
وفي طريقي الى المنزل هرول نحوي كلب صغير ورغم كراهيتي للكلاب عموما الا اني تجلدت دقايق وخصوصا ان الكلب تقوده بسلسله جمييله شابه حسناء فآثرت الا انتهر الكلب
وبدات المجامله
ياسلام كلب ظريف
شكرا
اسمو ايه
اسمو ..... لاني ضعبف في اسامي الكلاب لم احفظ الاسم
كم عمر الكلب
لسه بيبي 3 اسابيع
جميل ولذيذ النوع ده من الكلاب غالي (مجامله مني انا ماعارف اي سعر)
طبعا لانو من فصيلة ........ طبعا ماعارفها برضو وسعره الاساسي 3800 دولار لكن لانو مولود قبل المده طلع صغير وعملو ليه تخفيض عشان كده انا اشتريتو
انتهى
ولم اتمالك نفسي من الدهشه كلب ب 3800 دولار
وسرعان مارجعت بي الذاكره الى قصف القوات الامريكيه في افغانستان الي عرس عن طريق الخطأ واعتذرت القوات عن القتل الغير مقصود بل تكرمت ودفعت تعويضات لاهل الضحايا بقيمة 100 دولار لكل قتيل و75 دولار لكل جريح
اتخيلوا كلب يساوي قريه كامله بحساب الامريكان

" />">
سوداني شاف الاهتمام بالكلاب شديد جدا قال ضيعنا عمرنا في السودان ساي ماجينا
من زمان بقينا كلاب هنا احسن لينا من الجهجهه الكنا فيها