يارشا حاتم ..(جِكُسُويتي) بتضحك عليك ..بلا مطر بلا شهفوفه بتاعتك ده نحن عندنا ساعة بيولوجية وك

ـــــــــ
يارشا حاتم ..(جكسويتي) بتضحك عليك ..بلا مطر
بلا شهفوفه بتاعتك ده نحن عندناساعة بيولوجية وكدا..

طبعا رشاحاتم سجلت لي .. اتهام خطيرا جدا .. ببدايه
بوستها الشهفوفه في مسيرتي مع (الجنس الاخر) (وبالاخص جكسويتي)
بكل صراحة زعلت انا ما عندي حنك..!!!طيب عند منو الحكنك ده ياربي
يااااما هزم جيش لساني قبيلة من النساء..
وبحكم الامتحانات وكده .. فالواحد كل يوم بيطمئن علي سيرها وكدا
فذكرت لها ماقالته رشا حاتم ..فما كان عليها إلا ان ماتت ضحكاً..

فقمت رصيت لي كلام..وصف مادار بيننا عند الرحيل

..ـــــــ

ودعتها مُتَلطفاً ..
أودعتها فؤادي
ونسجت لها من
دفء الشمس ..
أٌغُنيةً موقعة ..
بأنفاسي..
أصيل انتصاراتي ..
هي أجمل الأنغام
في بلدي
أحلي الاقمار أكثرها
ضياء ...
أعظم نيل ..
هي كل ما أحتاجه ..
سيفي درعي
سهمي ..
نسيج اشرعتي
وذادي للرحيل ..

عند الرحيل
بَكْت ... تنهدت ... قالت
القلق يسجنني ..
عينيك حريتي وسلطاني
لا.. نبضُ فِيه
ففي حُضنك أماني ..
أنفاسك مملكتي ..
وهواك قصوري وتِيجاني..
صوتك ..
يرعشني .. يهزؤ ..وجداني
يُدغدِغ ..
نشوة حبي وسلواني ..
لا.. تهجرني
فدموعي شعري وألحاني ..
إنت ..وأنا..
واحداً.. لا ثاني..
ندره .. وعزّه
مثلينا في هذا الزماني..
:
:
ــــــ
شفتي كيف يارشا

Quote: شفتي كيف يارشا

حنك بيش



نبشبشو ليك لغةً والا في عضمو؟؟؟

ـــــــ

Quote: حنك بيش

انت حقيقةً .. منفصمة كما قيله


نبشبشو ليك لغةً والا في عضمو ؟؟؟

لا انبشيه في لهاتو...

ـــــــــــــ
كتبت في زواج اخي وصديقي سامي بهاء الدين
عندما سافر لكي يكمل نصف دينه بمدامه كل
التهاني والمني لديهما
اخي سامي سافر وارتحل ..فالعمر منية.الفرح
بسمة..ولقاء الحبيب منيه ..غني لحبيبتك اعذب
الكلمات ..فإني اردها معك..
واليكم بعض ماكتبت له ..محاولا ان اشاركه في فرحه هذا

ممتطيا جوادي لساني سوف اشد الرحيل

واطوي البيداءوالســهـــــــول وغابات الابنوس والنيل

زادي حبي للجميل ودليلي قلبي الهايم وعقلي القنديل

بالحب موصول والعطا زخير وفي الدوحِ ربوه للحب ظليل

افترش الندي وسادة وزهرة الاقحوان والبفسج وساما اكليل

ملاك الخلد في ديم البسيطة سائحا انا سائلا اين المستقر يا زميل؟

بجوار الفردوس المفقود غماما و ضبابا تسر العين وتدوي القلب العليل

حسناء بساق كساق بلقيس وطرفا احور صافيا من زرقة السماء كحيل

وقامة فرعاء تمشي حمامه بهديل يثنيها الهوي وجلا باثقة كالنخيل

وثديا يحبو حنانا وتيها وشـفاه ملطخة بالشهد يحوي زمرد سيف سليل

وشـعـرا ســافر لــيـلا مـــعـبـــق بعـطـر الروض فائحا وذاك مـا قــل قــيــل
:
:
اتمني لهاكل السعاده والمني

طبعا الزواج كان في المغرب لان مدامه مغربيه

ــــــــــ
ارسل لي رساله وبعض من الصور..
في كبداية لمراسيم الزواج واخبرني ..
وذكرني سوف يكون الحفل الكبير في اليوم
الثاني ..
فكتبت هذا جزاء منه ..

برغم كل الجراح والماسي
سندق الدف.. ونعزف العود
وحنجرتي قيثارتي ..
ويدي اكيللاً احمرا ..
لنرقص في الفرح..
بدلا من الرمل..
واوتار العود ..
شرياني..!!
ولم يكن الحفل في
صالات الهلتون..
كالعاده..
في مكان غير العادة..
في مكان اكبر..
من..العادة
واوسع ..
واجمل ..
واطهر..
وانبل..
انه في قلبي..
قلبي انا ..
وادعو كل المعازيم ..
بخط يدي..يدي انا
وحتي الغرباء..!!!
وكل اهلي واصدقائي..
واحبائي..
وهم
احساسي ..
ومشاعري..
وحبي ..
ووفائي ..
واخلاصي..
ونبض وجداني..
وآذاني..
ودموعي .. ودموعي .. ودموعي

ــــــــــــ

ده كلام عروووب ساااااي ... وانتاج اليوم واللحظه
والدقيقة ..

الليل شاري عيون السُقُد
بعقد مُوَثق رباطو
الشوق جواي مافِتِر نقاطو
القمر تيراب نرمي لي حباتو
السماء إتلاقط سوادُو حدادو
فرش علي الواطه لحفاتو
شِن بندور في الدنيا غير رِضاهو
نهج ونحج لي بيتو
ونرمي لي جمراتو
نعرج لي قبرالرسول وحاتو

اه اه اه

هَبْاًهبايب طرني العزلو وفاتو
جفل الفكر وإتبعجن نوباتو
والخاطر ضمر ضِرعاتو
وإتشرشرن حجباتو
ريدي للبنيه جوه من تولاتو
زااد علي القليب وجعاتو
قبل الفجر يعلِب نيرانو
ويعجن طحين لقيماتو
بختُر بي مراحي لي دارو

ـــ
دارو ..اسم جاءت به القافية
وكذلك الدار.. المكان ..
اي استفسار موجود

عماد الطيب يأخوي ماشاء الله عليك عيني باردة
انت شاعر جميل جداً يلا واصل وخلينا نستمتع معاك
ودي شهادة من اخوك الكبير ( راي شخصي ) .

ــــــ

Quote: عماد الطيب يأخوي ماشاء الله عليك عيني باردة انت شاعر جميل جداً يلا واصل وخلينا نستمتع معاك ودي شهادة من اخوك الكبير ( راي شخصي ) .

شكرالك شاعرنا الكبير واخوانا الذي
لا نستغي عنه ابدا ..



معزعلاني ..خلاتنا رشا حاتم

سلمت يااستاذهاشم وتحياتي

Quote: ..(جكسويتي)

بالله بسموها كده؟

دينق.

ـــــــــــ

Quote: بالله بسموها كده؟ دينق

العزيز دينق

تحياتي ..
انا من البشر قد اصيب .. وقد اخطيء

وهذا رآي ..

ولا اتافف ان اعرفك منك ماهو صحيح ..

ودي وتقديري

Quote: برغم كل الجراح والماسي سندق الدف.. ونعزف العود وحنجرتي قيثارتي .. ويدي اكيللاً احمرا .. لنرقص في الفرح.. بدلا من الرمل.. واوتار العود .. شرياني..!!

وبرغم كل الجراح والماسي..

سنسرج خيولنا نحو شمس الامل..

والحنينُ لجامنا..

وسنقبضُ من أثر الرسول حفنةً من فرح..

ونصنع من زينة وجودنا الها للحب..

ونظل عليه عاكفين...








____________________

يا عمدة قول لجكسويتك رشا حاتم قالت ليك بختك

ــــــــــ

Quote: وبرغم كل الجراح والماسي.. سنسرج خيولنا نحو شمس الامل.. والحنينُ لجامنا.. وسنقبضُ من أثر الرسول حفنةً من فرح.. ونصنع من زينة وجودنا الها للحب.. ونظل عليه عاكفين...

ــــــ
الصمت .. والحزن

يدق كل ابوابي ..

لكني سآفتح كوة من غاري

للفرح ..

لاجل سجدة حبيبتي

ملائكي وجهها صبّاح ..

طلتها

بسمتها

ضحكتها

مفتاح ..

الامل والنجاح..








ــــــ
..

Quote: يا عمدة قول لجكسويتك رشا حاتم قالت ليك بختك

بتسلم عليك بعد ما انا اتظارفة وقلت ليها إنت بستلمي عليها
الله يستر ما تدخل علي الموقع واتفضح اناتلقاك انت ماسلمتي عليها
طبعا الامتحانات انتهت وكدا..

ـــــــــ
:
غربية إنك ..تشكي عاجبني سنك ..
اقطع دابر شك ريدي ليك ..
باليقين عين الشمس ..امشي وأجيك ..
والقمره ضوها حُلمي ..فايض عليك ..
قلبي يهفهف .. يراري في وجنتيك ..
كل يومِ بعدي ..مكحل من بريق عينك ..
لونك اختياري التُراب مجرتق خضار..
من تالاي انا ضميري معذّب ما محتار..
خدودك نُضار بس ياخساره السؤال من..
راسي شرّق وطار..
لكن ممكن استفسار..!!
يلا نسافر بالفرح الجوه الغار..
نقطع بحر الريد بجناح طيار..
لدنياجديده لا عوارض ولا منشار..
:
:
:
:
قطع اليوم ..

ماتوقفو المجادعة دي باللاي عليكم

ـــــــــ

Quote: ماتوقفو المجادعة دي باللاي عليكم

بالله دا برضو اسمو كلام..؟؟
يالزول انا (حنكي) رايح ..!!
بفتش عليه

ـــــــــ
:
يا نسيم الروض قالد الصفا روحُ للرشا
قولو ليهو أنا لي حبيب ديما مؤانسا
نفسهُ نفسي و نفسي نفسهُ إن ما أنصفا
الخصيلات جُثلا قلبي مالو يهفو ويرجفا
ثغرهُ رحيق وردا يقطفا قطرةٍ منه ترياقا
صمته الوقاروإن انطقا درراً يتساقطا
انفه كا لسيف ,وسهاماً من مقلتيه تقتُلا
حُمرة الخجل الطاهره بخده, ازج الحاجبا
رحب الراحه والينه والماء الزلال منبعا
تمشي بساقٍ كالعليله لا نتؤا ً ولا تعقدا
السر بصدره مودعا و مؤتمناً ما مُنبشا
كطفل رضيعٍ أُسكته,وودادا ودعابةًً ماثلا
إن دنا التلاقي حُلُو المذاق ارواحنا تتالفا
:
:
:
قطع ليلة البارحه 4/4/2008

دا قطع اخدر

سلامات ياشاعرنا العزيز

ـــــــــ

Quote: دا قطع اخدر سلامات ياشاعرنا العزيز

الله يسلمك اخي ابوبكر علي ..

بس تعرف الحق انا لا اعرف اقرض الشعر ..

ولا اعرف اوزانه وتفاعيله ..

علشان كده ..

بقطع (بالقدوم).. لاني لم يكن لدي فأس (حنك)



ــــــــ
القدوم ..(هي قعطه من حديدوخشب يستخدمها النجار)
تحايتي

ـــــــــــ
:
يالمحكره.. جُواي .. نَص
أفتِش ليك العُنْكُلِيب فص فص..

افتش عنك .. في ذاتيِ ..دنّك ..
كونيِ أحبك ..إنك جِنِي جِنِك ..

أي ريِحٍ تفصلني وتسنيني مِنْك ..
الغربه اهٍ اهٍ بُعُد المسافه عنك ..

ارضعيني من طيف حنانكِ ..
خليكي واقفه في مكانكِ ..

جاايِكِ طاير.. جاي ليكِ ..
ضلوعي شاتله حنة ايِدِكِ ..

بالفرحة ذااتها مُشتهيِكِ..
عطرالاماني الفااايحة بيكِ..

اعاين فيكِ ومن جديد ابتديكِ ..
روحي هدية طايعة بين ايديك ..

انتي ليه وانا ليكِِ..
بعتزّ بيك وبحتويكِ..

في الختام سلامي ليكِ ..
يلامس قليبك ويسكن فيكِ..
:

:

نجر حسع دي

امووووووووت وافهم الشمار..

تحياتي عماد ورشا وجكسوية عماد

هدية متواضعة يا عمدة لجكسويتك الشرط الوقفت النبض


بريدك متيم

وعاشق هواك

رحيقك شفايا

ووردك نداك

وشهدك جمالك

بيسكر شذاك

عيونك حكاوي

وبريقن سناك

دروبك بعيدة

وتتعب خطاك

حييتي في هوايا

وهواكي هلاك

وريدك جنوني

يا اجمل ملاك







____________

كية في شمار ريهان دي

ــــــــــ

Quote: هدية متواضعة يا عمدة لجكسويتك الشرط الوقفت النبض

عاجز عن الشكر ...حتما هو قليل..وغرستي جواي بساتين من الورود
واقبلي منها الهديه دي ورده واحده عساه تعجبك ..

أحبك عسل

عيونك...أمل

رموشك . خُصل

دلالك .. زعل

قامتك ..نخل

صمتك ...غزل

خِصرك..إمتثل

صوتك. . كسل

كلامك..انامل

مكانك ..زُحل

وريدك...وصل

سٍكتك. . مُقل

شامتك ..قُبل

طيِفك .. فعل

لقلبي.. قتل

عطرك ..صندل

اتوشحك. شال

اشيلك..خُلا ل

اجيكي...فال

شوقي....طال

دمعي... سال

قالت...سؤال؟

يمين...شمال

خصامك. محال

احساسك جميل

حُبك... نبيل

قلبك...أصيل

لجنتي...دخل

عرشي...ظليل

وخدي...اسيل

وخدي...أسيل

وخدي...أسيل
:

:
نجر مباشر

ــــــــــــ

Quote: الوقفت النبض

يارشا دي كاسره فيني ضعلتيين

ــــــــ

Quote: امووووووووت وافهم الشمار.. تحياتي عماد ورشا وجكسوية عماد

ريهان الريح ياختي إن شاء الله تسلمي من الموت
بس خليك متابعة ح تعرفي الحاصل كلو ..
شكرا لك وصلت تحيتك العطرة

وفااائق ودي ..