المهندس بكري أبو بكر وسياسة التجاهل

الأخ العزيز بكري أبو بكر يقوم بجهد خارق لإدارة البورد
ونحن نقدر ذلك وندين له بالفضل أن جعل من حوشه العامر
ملتقى لكل أطياف الوطن العزيز،،

بكري متواجد بكثرة هذه الأيام وله مشاركات أكثر من ذي
قبل وهذا ما جعلني أعتب عليه في تجاهل طلبي بإستضافة
إبننا عمار الضو ، وطلبت منه عدم أرشفة البوست قبل
أن يتكرم مشكوراً بهذه الإستضافة،،
لم يفعل بكري وقام بسحب البوست ، وما يثير في النفس
شيء من حتى أن الأخ بكري لم يرد حتى على الإيميلات التي
أرسلناها له والمسنجر ،،

يمكن بكل بساطة أخي بكري وفي سطر واحد تفيدنا برفض الطلب
ومن ثم نقلع نحن عن الإلحاح ،، وكثيرا ما نجد لك العذر أن
فارق الزمن بيننا وبينك هو السبب لذا نقوم برفع البوست مرات
عديدة،،
أخي لك كل الحق في الرد وفي عدمه ولكنه فقط رجاء أن تفيدنا
منذ الوهلة الأولى برفض الطلب ولن نعيد الكرة عليك ملحيين
بالإستضافة،،

أكرر شكري وتقديري لجهودك ولنا عليك أن تعاملنا بقدر ما في
نفوسنا تجاهك من تقدير،،

أخوك / عبد اللطيف بكري أحمد
الرياض - السعودية،،

up for time difference

المهندس بكري أبو بكر وسياسة التجاهل

دا مش تجاهل........دا اسموا غرور
والغريبة انوا مش مع كل الناس
حكمة اليوم
عند البعض الخيار أرقي من الفقوس

يا لطفى

طول بالك الليلة ظهرت أخلاق ودالياس وله شنو؟

أعمل حسابك يا بكرى والله ود عمتى ده أحمق من أبوالدقيق وكان زعل بمرق من هنا زى ما مرق من السودان

up 4 Ammar

شايف يا لطفى الناس القرو البوست بتاعك أكتر من 100
ورد عليك واحد بس وانا التانى
يكون ده من شنو؟
خايفين من بكرى؟
خايفين على الباسووورد بتاعتم؟
عاملين نايمين؟
طيب ياجماعة قريتو ليــه؟
ول يكون الجماعة ديل بعرفوا عمار وما عاوزنوا معاهم؟
طيب ورونا عمار ده مالو؟

أنا لا أعرف عمار..
لكني اعرفك انت اخا فاضل وزميل عزيز..
لذلك اتمني ان ينتبه بكري للطلب..

تحياتي..

Quote: المهندس بكري أبو بكر وسياسة التجاهل دا مش تجاهل........دا اسموا غرور والغريبة انوا مش مع كل الناس حكمة اليوم عند البعض الخيار أرقي من الفقوس

بلاير تحياتي،،
لا ماهو غرور ولا حاجة ، الراجل مهامو كبيرة
جدا ولكن عشمنا فيهو أكبر من تلك المهام،،

أنا مع مقولة" إلتمس لأخيك عذراً "

لربما أن عدد الإيميلات التى تصل بكرى يومياً هائل جداً ولا يستطيع التدقيق عليها

ولربما أنه لم يرى البوست لظرف لا نعرفه

ولربما . . .

كثير من الإحتمالات ترد فى مثل هذه الحالة

لكنى أعرف عدد كبير ممن تمت تذكيتهم فى هذا البورد ، قد تمت الموافقة على قبول عضويتهم ،وهم الآن أعضاء فاعلين بيننا.

الأخ عبد اللطيف ، أرجو أن تفتح بوست من جديد وإيدنا فى إيدك نطالب ونلح حتى ينال عمار العضوية.

ولا تنسى أن تطلب من عمار يراسل بكرى ويكرر ذلك عدة مرات

وأخطرنا ببوست الترحيب عند دخول عمار قريباً إنشاء الله.

لك تحياتي وبالتوفيق ، ، ،








شيخ العرب

أخوكم عبداللطيف مراتو بتولد يارجالة
دعواتكم ...
ربنا يكتب السلامة إن شاء الله

وup لغياية السماية معاك

عندى زميلة لى حاولت مرات كثيرة التسجيل فى سودانيز اونلاين بس بكرى ما رد عليهالا بالسلب او بالايجاب و آخر مرة رسلت ليه ايميل قبل اسبوعين و برضو لحد حسى لا حس و لا خبر .... فزعلت شديد من الطناش الكبير ده يا باشمهندس و طلبت منى ان انزل ليها رسالتها التالية :


I thought that the Forum was the "Voice of the voiceless, land of the homeless" but apparently this changed, as the slogan disappeared and ignoring applications continue.


As an applicant I am reluctant to ask others to keep asking for me. As a SUDANESE first, and as a person concerned about Sudan and its people, I should be able to participate regardless of having people vouch for me.

We should be: presumed innocent until proven guilty and not the other way around: presumed guilty until proven innocent.

Registration should be through the website directly, if someone gets a password and misuses it then that person should be bared (I am sure you have the technology to do that).

Be careful Bakri, once the image is tarnished it can not be cleared again……..

I hope I do not appear too aggressive, but this is fairness as I know.


Thanks for the site,

more ups for Ammar

الأخ عبداللطيف

وصل عدد القراء 217 وكاتبى الردود 5 فقط خمسة لاغير

ده يقولوا عليهو شنو؟

عزيزي جدا عبداللطيف

تحياتي

أنا غايتو من الناس ال بيحفروا البير بي إبرة ...
و صبري طويل جداً ..
عندي واحد ليهو أكتر من شهرين منتظر ليهو باسوورد ... و ناس رد لي بكري عليهم بسرعة البرق ... : تعرف السبب شنو ؟ أب صلعة دة مشغول و جاري ورا رزقو زيك زينا ... و بتجيهو عشرات الإيميلات و الماسنجرات و التلفونات ... مرات بيقراها من الآخر .. و مرات بيرجع للسابق و هكذا ...
زي ما قال ( سهل ) .. أرجو أن تجد له العذر يا و أنا عارفك من نفس طينتي .. حبال صبرك ( سَلَبة ) ..
محبتي

يا جماعة الزول دا كان عندو رزق في البورد دا بياخدو ..

اصبروا شوية يا بكري على بكري ..


ود الباوقة

يا بكرى

أخوكم عبداللطيف جابو ليهو ولد

وبالمناسبة دى حقو تشوف الموضوع بتاعو

المربي الفاضل عبداللطيف بكري

سيكون بإذن الخالق شبل من ذاك الأسد

وحمدا للة علي السلامة

لك من الود أخلصة

up

(على).. فارس جديد فى أسرة زميلكم عبداللطيف بكرى

للمباركة والتهانى

وما تنسوا عمار

Quote: عندى زميلة لى حاولت مرات كثيرة التسجيل فى سودانيز اونلاين بس بكرى ما رد عليهالا بالسلب او بالايجاب و آخر مرة رسلت ليه ايميل قبل اسبوعين و برضو لحد حسى لا حس و لا خبر .... فزعلت شديد من الطناش الكبير ده يا باشمهندس و طلبت منى ان انزل ليها رسالتها التالية :

العزيزة منار ،،
سلام وتحية ،،
الجماعة المشاركين هنا كلهم وصونا على الصبر ،،
وأدينا صابرين،،

الاخ عبداللطيف
انا مثلك تم تجاهلى فى اكثر من ارشفه بأعادة ما طلبته ولكن
ولاحياة لمن تنادى بينما البعض تجد بوستاهم كل رعاية
ليس بمن يؤجج النيران ولكن ايمانا بديمقراطية المنبر التى رعاها الاخ بكرى ادليت بما اصابنى من تجاهل
ولك وللاخ بكرى ودى وتقديرى
تحياتى

Quote: المربي الفاضل عبداللطيف بكري سيكون بإذن الخالق شبل من ذاك الأسد وحمدا للة علي السلامة لك من الود أخلصة

إبننا العزيز هيثم عبد الله الصديق،،

لك مني كل التحايا والشكر الجزيل على
تهنئتك الرقيقة سائلا المولى أن يوفقك
وأن يعيدك ظافرا غانما إلى أرض الوطن
لتثري حياتنا كبيراً بعد أن علمتنا الكثير
وأنت في فورة الصبا،،
أشكرك ياهيثم وآسف على تأخير الرد لإنشغالي
مع الواد علي ،،

Quote: عزيزي جدا عبداللطيف تحياتي أنا غايتو من الناس ال بيحفروا البير بي إبرة ... و صبري طويل جداً .. عندي واحد ليهو أكتر من شهرين منتظر ليهو باسوورد ... و ناس رد لي بكري عليهم بسرعة البرق ... : تعرف السبب شنو ؟ أب صلعة دة مشغول و جاري ورا رزقو زيك زينا ... و بتجيهو عشرات الإيميلات و الماسنجرات و التلفونات ... مرات بيقراها من الآخر .. و مرات بيرجع للسابق و هكذا ... زي ما قال ( سهل ) .. أرجو أن تجد له العذر يا و أنا عارفك من نفس طينتي .. حبال صبرك ( سَلَبة ) .. محبتي أبو جهينة ============================= يا جماعة الزول دا كان عندو رزق في البورد دا بياخدو .. اصبروا شوية يا بكري على بكري .. ود الباوقة

أشكر كبينة القيادة ببورداب الرياض ، ومقدر فعلا
جهدكم ووقوفكم مع القاعدة،،
ومازلنا نغزل من حبال الصبر أغنية جميلة
للعزيز بكري أبو بكر لينالنا منه إلتفاتة،،
شكري صلاح وشكري لشيخ العرب سهل والجميع،،

أها

التجاهل أخبارو شنو وكدا


باللاي لمن يخلص أسبوع التجاهل عندكم
أدينا مس كول .. يمكن يشوفونا معاكم


ولا شنو


غايتو جنس غايتو!!

Quote: أها التجاهل أخبارو شنو وكدا باللاي لمن يخلص أسبوع التجاهل عندكم أدينا مس كول .. يمكن يشوفونا معاكم ولا شنو غايتو جنس غايتو!!

الظاهر في ناس مشغلين موتور بحتة تانية ياعمك،،
وحاتك ولا قطرة ما جاتنا،،

Quote: خايفين من بكرى؟

الخاف سلم،،،، ولا كيف؟؟؟

شنو يا بكري لازم يعني تفضحنا والدنيا كلها تعرف أنك بتخوفنا؟؟؟

طيب كدي نهرشك:

يا بكري ياخ ما تدخل عمار الضو ده ولا حسي بجيك ناطي من الشاشة...

أهه رأيكم شنو في الهرشه دي

الشايقي

فاوضني بلا زعل

http://alkatwah.com
www.Alshaygi.dubaimlm.com

وفوق كمان لاجل عمرا الضو الجاي من طرف عبد الطيف اللطيف.
ويا عبد اللطيف انا زيك بعتل في بوست من اجل عبدو ابوبكر قبل الارشفة و لليوم.
ربك يهون.

ما ينوم...
...
ما ينوم...

ما ينوم...
...
ما ينوم...

Quote: وفوق كمان لاجل عمرا الضو الجاي من طرف عبد الطيف اللطيف. ويا عبد اللطيف انا زيك بعتل في بوست من اجل عبدو ابوبكر قبل الارشفة و لليوم. ربك يهون.

عليك الله يابكري أنا طلبي خليتو ، شوف طلب ام حازم دي،،
حيلها انهدا،،

Quote: أهه رأيكم شنو في الهرشه دي

والله يا حسن كتر خيرو بكري الخلانا نشوف إنفعال الناس الجميلين زيكم،،

شاكرون أخي العزيز بكري أبو بكر على التجاوب
ونأسف للعنوان ، فقد تبين أن الأخ / عمار لم يرسل
عنوان الإيميل حتى اللحظة،،

ياعمار لومتنا مع الريس،،

الأخ المفضال أبو علي


مبروك الفارس

جعله الله من الورعين؛ الذين يضعون حساب الشهادة في أذهانهم دوماً؛ كما فعلت في بوست ود الصايم
لك الشكر أجزله لوقفتك
ولا تنسى حبل المهلة يربط
والذي اوصاك به الريس ابوجهينة

يللا يا حبيب
نثني
أكرمنا كمان نحن ما ضيوفك