Post: #1
Title: ونسة .. ويا بكري ما تأرشف البوست ده
Author: ودقاسم
Date: 03-30-2008, 07:41 PM
نعم ، يا بكري ، بالله لا تأرشف هذا البوست ...
إنت نسيت وللا شنو يا بكري ؟ موش أنا الخال ؟!
في البداية ظننت أن المنبر لن يتعرف علي ، ولن يسمح لي بالدخول ...
ترددت في الباسويرد . ثم عرفت الطريق ...
طبعا الخال يتمتع بالخبرة الطويلة ، ويعرف الطريق تماما ..
أين أنتم أيها الأوغاد ؟ خلاص خالكم فات ونسيتوا العشرة ؟
أناأيضا نسيتكم، لكني لم أجد من هو قي وقاءكم ..
الصديق إسماعيل حميم زول ود ناس ، أقصده في كثير من الأحيان لقضاء مصالح ، وفي المرة الأخيرة أفادني بوفاة والد الزميلة بيان ... ترحمت عليه ، ولعنت غيابي .. والعزاء لبيان واخوانها وأسرتها ...
سمرية أصرت على دعوتي لحضور مراسم عقد قرانها ، فلبيت الدعوة وكانت المفاجأة أن العريس عبد الرحمن قوي وكنت أظن أنها تزوجت من خارج المنبر ...
محمد الشيخ وميادة رزقا طفلة - أكيد حلوة - وقد زفت لي الشقيقة خالدة البدوي الخبر ، فسعدت كثيرا ، وليجعلها الله زهرة نضرة يسعد بها والديها ، وكل الذين سيعرفونها ..
أكيد هناك الكثير من الأحداث قد فاتني سماعها ، وإني أعتذر لكل الذين لم أسمع بأفراحهم أو أتراحهم ... والعتبى على الخرف ،،، وكان صديقي السعودي عبد الرحمن الرشيد يردد كثيرا في حضوري ( الكبر شين يا أبو طلال ) ...
إن لم يدخل هذا البوست إلى عالم الآرشيف فسأوافيكم ببعض مما اختزنته لكم في ما فات من أزمنتي في هذا الوطن الظالم أهله ...
|
Post: #2
Title: Re: ونسة .. ويا بكري ما تأرشف البوست ده
Author: تيسير عووضة
Date: 03-30-2008, 07:53 PM
Parent: #1
أحلى سلام ..
لأحلى عمو ودقاسم ..
|
Post: #21
Title: Re: ونسة .. ويا بكري ما تأرشف البوست ده
Author: ودقاسم
Date: 04-06-2008, 06:29 PM
Parent: #2
تيسير بت أخوي عثمان ، كيفك ... مشتاق لكتاباتك الرائعة ، ومشتاق ألاقي ابوك ونعيد الأيام الأولى .. تحياتي للأسرة ... وعليك الله سلمي لي على عمك عثمان حامد .
حقيقة أنا حاضر غائب في هذا الوطن ... لا أجد طريقا إلى الناس ، ولم يجد الناس إلي طريقا ... نعم هذا واضح من التباعد بيني وبين حركة الحياة في السودان ، وهي حركة متسارعة لا يمكن لمثلي أن يغطيها ... لكني أجتهد كثيرا وأنا أرسم الطريق من جديد ، وهو أمر صعب للغاية ...
لعنة الله على الغياب ... كثيرون لا يعرفونني ، وكثيرون لا أعرفهم ...
فقط هناك تصميم على المضي قدما ولا تراجع ...
وتاني سلام يا تيسير ...
|
Post: #3
Title: Re: ونسة .. ويا بكري ما تأرشف البوست ده
Author: عاطف عمر
Date: 03-30-2008, 08:04 PM
Parent: #1
عليك الله يا بكري ما تأرشف البوست دا
ما صدقنا لمينا في صديقنا ود قاسم
أكتر حاجة مزعلاني أنو أنا لمن تأقلمت للكتابة والمداخلات ود قاسم قام رجع السودان وبقت مداخلاتو زى ( العلاوات السنوية )
ولحدي ما يجوا ( محاربو البورد القدامي ) وبورداب السعودية يستلموا البوست خلوني أتفسح شوية
رغم أن صديقي د. أزهري الذي رجع هو الآخر للسودان قال لى كلمة ( أتفسح ) دي بقت ( اولد فاشون ) الناس بقوا يقولوا ( أتجدع ) . غايتو قدر ما حاولت أستعملها ألقاها بتشبه لى كلمة ( تتفدع ) و ( كأن مشيتها من بيت جارتها كمر السحاب لا ريث ولاعجل ) وأشياء من ذاك القبيل .
أفتقدتك في مواضيع كثيرة
وأفتقدتك بشدة لمن حبيبنا عبدالله ود عقيد جانا يقيم تجربة رجوعوا للسودان
أؤمن بأن الفروقات الفردية موجودة والحسابات مختلفة من شخص لآخر لكن لابد من وجود ثمة قواسم مشتركة
المهم
حمداً لله بالشوفة
أها
( أولاد أخواتك ) كان أدونا فرقة بجيك راجع
وكان إستلموا البوست كما هو متوقع أعرف أني قاعد أقرا ساااكت
|
Post: #4
Title: Re: ونسة .. ويا بكري ما تأرشف البوست ده
Author: ود محجوب
Date: 03-30-2008, 09:20 PM
Parent: #3
ود قاسم
الحى بيلاقى
يا راجل انت وين؟
وعملت شنو؟
والواحد يلاقيك كيف.؟
|
Post: #5
Title: Re: ونسة .. ويا بكري ما تأرشف البوست ده
Author: humida
Date: 03-30-2008, 11:20 PM
Parent: #4
ود قاسم مرحبا ..
تصدق كل ما افتح تلفزيون السودان اقول حيجيبوا المناضل ود قاسم هسع دي ..
راكب ليهو بوكسي ويلوح لقرائه ..
..
..
يديك العافية ..
|
Post: #7
Title: Re: ونسة .. ويا بكري ما تأرشف البوست ده
Author: mohamed elshiekh
Date: 03-31-2008, 07:32 AM
Parent: #5
والله يا حليلك يا خال...
وتشكر يا سيدى..
وعقبال مانبارك ليك احفادك
تحياتى للاسرة
وبجيك راجع تانى بأذن الله..
|
Post: #25
Title: Re: ونسة .. ويا بكري ما تأرشف البوست ده
Author: ودقاسم
Date: 04-07-2008, 07:28 PM
Parent: #7
محمد الشيخ
أبو البنية
كتبت هذا وأرسلته في رسالة موبايل على رقم أم البنية ...
من بين قطرات الغيمة
وعمق الشيمة
انداحت بسمة
اتولدت طفلة
بلون الروعة
وغشت الدنيا حكاية ريد
انتصبت رسمة
وقام الحاضر قال للغايب
شوف الكون اتمدد عمرو
وكيف أنسام السحر ازدادت نسمة
ولا أروع
|
Post: #24
Title: Re: ونسة .. ويا بكري ما تأرشف البوست ده
Author: ودقاسم
Date: 04-07-2008, 07:15 PM
Parent: #5
حميدة
كيفك
أما ركوب البكاسي فهو هوايتي هنا .. وكلما مشيت فأنا ألوح للناس ... ويردون التحية بأحسن منها ... لكن لا أحد يصور ، ولا أقترب من التلفزيون حتى للمشاهدة ...
وتحية
|
Post: #23
Title: Re: ونسة .. ويا بكري ما تأرشف البوست ده
Author: ودقاسم
Date: 04-07-2008, 07:06 PM
Parent: #4
الدكتور ود محجوب
مشتاقين والله
ليتني أجدكم هنا في الوطن ، وألتقيكم ، ونواصل ما انقطع ... واصلت المسيرة مع الأشقاء هنا ... والحال لا يسر ... ليت الأيام تأتي بما نشتهي من وحدة ، ولم شمل ... التقيت عددا من العائدين . واقترحت عليهم بناء جسم يجمعهم ... أعجبتهم الفكرة ثم سار كل منهم يتلمس طريقه ...
تحياتي لود شندي ...
|
Post: #22
Title: Re: ونسة .. ويا بكري ما تأرشف البوست ده
Author: ودقاسم
Date: 04-06-2008, 06:54 PM
Parent: #3
الصديق عاطف
تحيات صادقة ، والسودان حاله واحد ، لكن تختلف رؤانا ... وأنا سعيد في السودان ... كأني وجدت شيئا افتقدته لزمن طويل ... فقلت دعني احتضنه كي لا يفلت مني ... أمس كنت برفقة بعض أفراد العائلة وبعض الأصدقاء في غابة الخرطوم ، وكنت قد زرتها آخر مرة في عيد شم النسيم سنة 1978 م برفقة صديقي محمد عباس ، وكنا قبل أن نصل الغابة التقينا قريبا لي ، وكان يجالسه صديقه ، فسألنا قريبي ذاك أين نحن ذاهبان فقلنا أننا سنذهب إلى الغابة ، فقال وما فيها ؟ قلنا اليوم شم النسيم والغابة ستكون عامرة ، فقال صديق قريبي : شم النسيم عيد القبطة والمسلمين العبطة ... وضحكنا وقتها .
كانت الغابة في يومها ذاك تعج بالنصارى وجميلاتهم ، وكان الغناء والفرح والحبور .. بقينا فيها حتى المساء ، ثم عدنا أدراجنا إلى منزل العزابة في حلة حمد ... وكانت الغابة بالأمس تفيض بالمحبين والعشاق ، وسمعت من بعيد غناء وتخيلت الناس هناك يرقصون . ثم غازلنا النهر أنا وأولادي ، والتقينا رجلا يعرض بعض الأدوات الموسيقية التقليدية ، منها ( الرق ) والطبلة ، وعرفنا أنه رجل أم درماني يدعى ( الفريني ) وكان في السابق مغنيا يؤدي أغنيات الحقيبة ، وله علاقات بشعرائها ، خاصة ود الرضى ، وقد الرجل معنا زمنا ، وتغدينا سويا ، وحديثه شيق ، وذكرياته طيبة وروحه خفيف ...
ما تزال غابة السنط هي هي ، كأنها ابنة الأمس لم تتغير ، وما يزال السودان جميلا ، لو أنهم يتركونه في حاله ، لكني أعلم أنهم لن يتركوه ، لكن نسأل الله أن يحول بين السودان والمتربصين به . وتحية ..
|
Post: #6
Title: Re: ونسة .. ويا بكري ما تأرشف البوست ده
Author: حمزاوي
Date: 03-31-2008, 07:19 AM
Parent: #1
| Quote: إنت نسيت وللا شنو يا بكري ؟ موش أنا الخال ؟! |
يا بكري ابوبكر اخوي انساهـ خالص ولا تجيب خبرو
حتى لو في طريقة ممكن تسحب منه الباسورود حقو
يعني تغيبوا ولمن ترجع تجي تتعدى على مكاسبنا
كنت خال سابقاً
حالياً الخال هو حمزاوي وبس
يا ابوطلال بعدك الدار خلا
مشتاقين والحمد لله انك طليت علينا
شمار صغير كدا
صديق الموج فصل بدلة جديدة صار حديث اهل الرياض
لون البدلة ( تذكر القشطة بالفراولة بتاعت المراعي )
ياها ذاتها
جاء لابسها في حفلة الصالحية واحد قال ليه يا صديق بدلتك دي
بتذكرني شريط الاسبرين القديم داك وعاملة ذي كيس شعيرية كمير
منتظرين عودتك
|
Post: #8
Title: Re: ونسة .. ويا بكري ما تأرشف البوست ده
Author: A.Razek Althalib
Date: 03-31-2008, 07:54 AM
Parent: #6
ود قاسم..
|
Post: #29
Title: Re: ونسة .. ويا بكري ما تأرشف البوست ده
Author: ودقاسم
Date: 04-08-2008, 05:19 PM
Parent: #8
عبد الرازق
إنت لسة في حالك القديم ؟ّّ!
|
Post: #9
Title: Re: ونسة .. ويا بكري ما تأرشف البوست ده
Author: الصادق خليفة
Date: 03-31-2008, 08:19 AM
Parent: #6
ابوطلال و الله ليك وحشه
افتقدناك كثير
|
Post: #31
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 05:41 PM
Parent: #9
الصادق
والله مشتاق ليك ولصحبتك الرزينة ...
ليتكم تمنحونا فرصة لقاءكم في السودان ...
|
Post: #26
Title: Re: ونسة .. ويا بكري ما تأرشف البوست ده
Author: ودقاسم
Date: 04-07-2008, 07:49 PM
Parent: #6
حمزاوي
الخال الما خالي أنا مالي بيه
مشتاقين بالرطانة
كيفك وكيف الصالحية أيها الرجل الهمام ؟؟ وشنو يعني إنت قاعد تجي السودان وما عايزنا نشوفك ..
صديق الموج شباب وقيافة زي خالو ود قاسم .. ودي مسألة معروفة يا حمزاوي ... خليك في حالك ، وتابع أخبار الصالحية ..
طبعا تخيلتك مع عبد الرحيم محمد حسين في السفارة تستمع وتتابع اللقاء الخاص بسد كجبار ... وأنا مع قيام السد ، ومع كل عمل تنموي ، والتنمية لا تضر أحدا ، بل تفيده ، بل تفيده ... لكننا نريدها تنمية من أجل الإنسان ، ومن أجل الوطن ، وأن تكون أهدفها حقيقية وليست مجرد نزوة سياسية ، أو للاستهلاك الإعلامي ، والفقراء أحق بأموال السودان ...
وتحية
|
Post: #10
Title: Re: ونسة .. ويا بكري ما تأرشف البوست ده
Author: طارق عبد اللطيف نقد
Date: 03-31-2008, 10:58 AM
Parent: #1
الخال ود قاسم
والله يتمتنا وهملتنابعدك
معقوله تخلينا لي حمزاوي وصديق الموج
والله ما عرفنا خؤوله ولا خو00000
والله الشوق كميات يا حبيب
ومنتظرنك
تحياتي
|
Post: #32
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 05:47 PM
Parent: #10
طارق
وينك يا غالي
كيف ليالي الصالحية ، وكيف ليالي محرج 18 ، طبعا كلها عامرة بوجودكم .. و مل زلت أذكر الأنسية التي قضيناها في داركم العامرة برفقة الفنان الرشيد اليراري ..
وما أخبار جالية الرياض ...
تحياتي للكل ..
|
Post: #11
Title: Re: ونسة .. ويا بكري ما تأرشف البوست ده
Author: lana mahdi
Date: 03-31-2008, 11:35 AM
Parent: #1
يا الله
أجمل بوست في نهاية الموسم
بالله ما تأرشف البوست دة يا بكري
ألف مرحب بالغائب الحاضر ود قاسم
محبتي
لنا
|
Post: #12
Title: Re: ونسة .. ويا بكري ما تأرشف البوست ده
Author: دورنقاس
Date: 03-31-2008, 11:43 AM
Parent: #11
الاخ ودقاسم
سلامى جبة درويش
وحات الله فاقدينك .... ومشتهى بوستاتك
الزى العسل ... ياود طيبه تطيب ايامك
انت فى القلب زمان ودلوقت
|
Post: #13
Title: Re: ونسة .. ويا بكري ما تأرشف البوست ده
Author: abdulhalim altilib
Date: 03-31-2008, 12:30 PM
Parent: #12
أخوناالكبير العزيز ود قاسم ،
تحياتي وتقديري ،
والله مشتاقين شديد ، وكنت أظنك
سوف تنافس عبدالله ود عقيد في
الكتابة عن السودان وكيف وجدته
بعد العودة النهائية .. لكن
يبدو أن زحمة الحياة وصعوبتها
قد ألجمتك عن إمتطاء صهوة جياد
الحرف ودخول حوش بكري .
سعيدٌ أنا بمعانقة حروفك مرةً أخرى .
تخريمة :
الأخ (الخال) حمزاوي ،
سلامي ،
Quote: صديق الموج فصل بدلة جديدة صار حديث اهل الرياض
لون البدلة ( تذكر القشطة بالفراولة بتاعت المراعي )
ياها ذاتها
جاء لابسها في حفلة الصالحية واحد قال ليه يا صديق بدلتك دي
بتذكرني شريط الاسبرين القديم داك وعاملة ذي كيس شعيرية كمير |
لكن الشمار ما عندك ؟!؟!.. خطير يا زعيم !!
وكما قال عزيزنا حميدة ما معناهو ..
ضاع العمر يا ودقاسم:
مابين الخالين حمزاوي وموجاوي !!
مودتي ،
( ليمو )
|
Post: #36
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:26 PM
Parent: #13
عبد الحليم التلب
كيف أحوالك با رجل ... كيف أنت والبورداب ، ظني أنك الأن جزء منهم ... الرياض مدينة عذبة ، وأهلها طيبون ومعطاؤون ، فقط أخوك فشل في الاستمرار في الغربة ، وفضلت الوطن ...
سأكتب إن شاء الله وهناك محاولات للكتابة في الصحف ، وتوجد بعض الصعوبات في النشر هنا في السودان ، لكن سنجتهد .
لك التحية
|
Post: #35
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:15 PM
Parent: #12
دورنقاس
سلام وتحية
يا أخي إنت بتذكرني الزمن الجميل ، ,اجدني اشتاق كثيرا تلك الأيام ، والمنير يعج بالكتابات البهية ...
لكن وكما يقال إنما القادم احلى ....
نأمل أن نلقاكم هنا في المنبر ، وفي السودان
|
Post: #34
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:03 PM
Parent: #11
العزيزة لنا
تحبات طيبات
أشتاق كثيرا لأهل المنبر ، وتعتريني رغبة التواصل معهم على امتداد العالم ، لكن الوقت هنا في الخرطوم يعتبر بضاعة نادرة الوجود عالية التكلفة ..
كم وددت أن أزور دار حزب الأمة ، وأحضر جزء من النشاط الجم الذي يقوده أبناء الحزب ، لكني لم أوفق ..
والسودان يريح أعصابي رغما عن بعض الصعوبات ، وقسوة الحياة ... بدأت أنشط نوعا ما ، وحتما سأواصل ، وحتما سنكون أفضل ..
|
Post: #14
Title: Re: ونسة .. ويا بكري ما تأرشف البوست ده
Author: عبد السلام أبوشنب
Date: 03-31-2008, 01:19 PM
Parent: #1
Quote: إن لم يدخل هذا البوست إلى عالم الآرشيف فسأوافيكم ببعض مما اختزنته لكم في ما فات من أزمنتي في هذا الوطن الظالم أهله ...
|
بكري عليك الله ما تأرشف البوست ده
ود قاسم كيفك واخبارك؟ تحيا نواضر
منتظرين بما ستاتي به من درر من ارض الوطن
منتظرين
|
Post: #15
Title: Re: ونسة .. ويا بكري ما تأرشف البوست ده
Author: زول ساكت
Date: 03-31-2008, 01:25 PM
Parent: #14
وين ياقريبك
ليك وحشة
تاني ماتسو كدي
|
Post: #38
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:41 PM
Parent: #15
زول يا ما ساكت
أخبارك والأسرة ..
لعلكم بخير ..
شقيت الجزيرة من شرقها إلى غربها ومن شمالها إلى جنوبها ...
وزرت أهلي في ود ربيعة ، والطلحة ومهلة والشايقاب ...
وكل رحلة تستحق بوست منفصل
|
Post: #37
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:35 PM
Parent: #14
الصديق عيد السلام
لك التحية والمودة . كيف أحبارك ، وكيف سالحيتنا ، وكيف ألأصدقاء النوبيين في الرياض ؟
والله مشتاق للناس كلهم ، وأذكرهم واحدا واحدا ..
بلغوا تحياتي لكل الناس الحلوة ...
|
Post: #16
Title: Re: ونسة .. ويا بكري ما تأرشف البوست ده
Author: شرووم
Date: 03-31-2008, 02:00 PM
Parent: #1
يا خااااااااال وين ياخي
لا حولا ،،،،
جيت السودان (لوفاة الوالد) وقعدت اربعة شهور قدر مافتشت تلفونك مالقيت ليهو درب
عساك طيب والاولاد وام طلال
اكيد لونك بقى زينا وونقصت النص وضهرك انحنى شكلك بقول كدا
التحايا
عبد الله
|
Post: #17
Title: Re: ونسة .. ويا بكري ما تأرشف البوست ده
Author: ahmed saeed
Date: 04-01-2008, 12:03 PM
Parent: #16
| Quote: فسأوافيكم ببعض مما اختزنته لكم في ما فات من أزمنتي في هذا الوطن الظالم أهله |
وااافينا
|
Post: #42
Title: Re: ونسة .. ويا بكري ما تأرشف البوست ده
Author: ودقاسم
Date: 05-31-2008, 11:14 AM
Parent: #17
قرنفل
كيفك ، مشتاقين
|
Post: #39
Title: Re: ونسة .. ويا بكري ما تأرشف البوست ده
Author: ودقاسم
Date: 04-09-2008, 06:48 PM
Parent: #16
شروم
إزيك ... هل ما زلت في نفس المكان ... البركة فيكم في الوالد ... ربنا ينعم عليه بالجنة ...
كيف صاحبك الألماني ، وكيف عمكم ؟
وكيف أبومعتز ...
أسامة اتصل أكثر من مرة ، وعلام خليهو بمن ألاقيهو ...
وحدثني حبيب بولبيار ، وعبدالله المطيري ... والله مشتاق ليك ... وشنو يعني ما عايز تدي خالك حاجة من ممتلكاتك بتاعة السودان ...
تحياتي لخالد وبلغه تعازينا ..
|
Post: #18
Title: Re: ونسة .. ويا بكري ما تأرشف البوست ده
Author: عزالدين آدم علي
Date: 04-01-2008, 12:43 PM
Parent: #1
الخال ودقاسم والأسرة الكريمة المحترمين
أسعد الله أيامكم بكل خير، كم إفتقدناكم وفي كثير من الأحيان خصوصاً المناسبات، بل وكم إشتقنا بل نحن تواقون لملتقى الإثنين الثقافي الذي كنت شعلتها التي لم تنطفيء، صدقني ياخال لا أحد ينساك، أنا شخصياً ورغم إبتعادي عن المنبر لإنشغالي إلا أنني أتذكرك بصفة دائمة، لأن ذكراكم عطرة وجميلة كما وفي أغنية الذري الذكرى الجميلة.
الذكرى الجميلة لوتعرف معناها
لا دنيا بتزيلها ولا آخرة بتمحاها
****************************
مادام وعدت أوفي بوعدك
أيه المصير في الدنيا بعدك
أنا لو بعيوني ببنيهو سعدك
****************************
جيتك حزين وأسبابي هي
أطلب مزيد ومن عطفك لي
والرحمة عندك بخلان علي
****************************
توب وإستغفر إنت يا إنسان
وخلي في قلبي للحب مكان
وأرجع زي ما كنا زمان
وطبعاً قالوا لي أنك في مدني، وسنلتقي خلال عطلة الصيف حيث أن تلفزيون الجزيرة على موعد معي لعمل لمسة وفاء للفنان الراحل المقيم (إبراهيم عوض) بدعوة من إتحاد فناني مدني حيث أن طارق عبدالله الريح رئيس الفرقة الموسيقية كان هو رئيس فرقتي بكوستي إبان فترة عمل والده مديراً لسكك حديد كوستي، رجائي تزويدي برقم هاتفكم حتى يتسنى لنا مقابلتكم خلال يونيو أو يوليو إن أمد الله في أيامنا.
تحياتي الحارة لجميع الأهل والأسرة بصفة خاصة
أخوكم / عزالدين آدم علي عبدالرحمن
|
Post: #43
Title: Re: ونسة .. ويا بكري ما تأرشف البوست ده
Author: ودقاسم
Date: 05-31-2008, 11:17 AM
Parent: #18
عزالدين الراجل الفنان
كيفك والأخوان في الرياض ، والله مشتاق ليكم ، ولو جيتو السودان لازم نشوفكم
سلم لي على كل الأحبة
|
Post: #19
Title: Re: ونسة .. ويا بكري ما تأرشف البوست ده
Author: أبو ساندرا
Date: 04-02-2008, 05:55 AM
Parent: #1
أيوة
انت الخال الأصلي ، الياباني
وحمزاوي خال تقليد ، تايواني
مرحب بعودتك المشتهاة
وماتنسى في رصدك لأحوال المنبر ابان غيابك
أن تتذكر أن عين صاحبك صابها الطشاش
وتجرعت أو جرعتني آلآم الحقن والعمليات
وكنت احتاجك لترى نيابة عني
حاجات وحاجات
كما لايفوتني ان أوضح ان جهاز تلفوني قد تغير عدة مرات
ولأسباب مختلفة وكنت ومازلت أخزن الأرقام على الجهاز وليس على البطاقة
مما يعرضها للضياع بسبب فقدان الجهاز نفسه
ثم
إني مشتاق ليك
|
Post: #20
Title: Re: ونسة .. ويا بكري ما تأرشف البوست ده
Author: ahmed haneen
Date: 04-02-2008, 07:21 AM
Parent: #1
وينك يا خال ..
انت وحدك الخال ..
بعدك لم ولن ننتخب احدا ..
الشوق بحور من هنا لي عندك ..
اخبارك
احاويلك ...
والعائلة الكريمة ...
..
في انتظارك
|
Post: #27
Title: Re: ونسة .. ويا بكري ما تأرشف البوست ده
Author: صديق الموج
Date: 04-07-2008, 08:52 PM
Parent: #1
ود قاسم كضب ساكت زول طاريك مافى ولا انا
نرجع للمهم قصة الخال طبعا نزلنا انتخابات انا والوغد قشراوى
عدد الناخبين فى الرياض كان ستين بوردابى والحاله كل انثيين بذكر
وهو حسبنا ليه الانثى بذكرين برضو ماجاب غير بعض
الاوغاد من الرطانه وعددهم اتنين(ابوجهينه طبعا مركب مكنة جعلى)
المهم سقط سقوط شنيع وجاب صوتو فقط..
بعد داك تم ترشيحى خال عموم البورداب وهنا سقط حمزاوى
واحد قال حمزاوى ده كلب منو
وبعدين شفت ليك خال بدون فوزيه وانت عارف انا بانعامى
هى مازى فوزيه بس بتمشى الحال..
اما همزاوى وده اسمه الجديد لانه يهمز ويلمز
لاعرفناه عجلاتى ،لا عرفناه احم احم ولا يوم مشى اشترى ليه
توب زى الرجال..
قول مافى مره..همزاوى ده طفل انابيب ما عندو ام
المهم جاب صوت من صلاح غريبه وصوت من عندو
تصدق حتى بكرى ابو صلعة ده زاتو ما صوت ليه
قول الزول سقط سقطه شنيعه
عموما انا الخال وما محتاجين ليك واول مرة همزاوى يقول
كلام صاح وبعدين الخبر الاخير المنبر بقى كلو جكس من
مشيت انت ولافيه مشاكل دارفور ولا بلاوى الانقاذ ولا خبر امريكا
بقت البوستات كلها اختيار اجمل عيون فى المنبر ،اخر الموضه
صاحب ارقى بدله (احم احم احم ) معرض الزهور
افخر نوع ايسكريم اكلته..اخر صيحه عطور وهلم جر
يعنى التمليكه وويكة الخلا وام تكشوا والعيش
الدبر والعوار شوفتنا ليه معاك
زى ما بقولو ناس هنا الله لارداك
والماسنجر بقيت تفتحو الا تطرد الجكس من تحتو ،زى الغنم تحت
سير الطاحونه..وتجيك ورده واقعة ليك فى طرفك ومرات بوسه
انت وحظك ،ومناديل معطره..ونسرين سوركتى بقت عضو معانا
لدقائق وتعال شوف التدردق ..البورداب بقو برميلاب
بالله الواحد يجى مدردق من محل ما قاعد وواحدين بنسو
يجيك طاير الواحد والماوس فى ايدو هيييييييييييييييع
هذا خبر ما عندنا فما خبر ما عندكم,,
البركه فينا وفيكم فى تركمان
سلم على خالتنا الاصليه والوليدات وناس امدرمان
قالوا باقى ليك تسكن معانا خمستاشر سنه تانى تاخد قرين كارد امدرمانى بختك
عرب الجزيرة ما تسلم عليهم..هاك اب عشرين ده..
خليتك عافيه،،،
|
Post: #28
Title: Re: ونسة .. ويا بكري ما تأرشف البوست ده
Author: شرووم
Date: 04-08-2008, 12:14 PM
Parent: #1
يا صديق دهـ شنو والله فقعتني بالضحك
| Quote: عرب الجزيرة ما تسلم عليهم..هاك اب عشرين ده.. |
وينك يا خال
|
Post: #30
Title: Re: ونسة .. ويا بكري ما تأرشف البوست ده
Author: النصرى أمين
Date: 04-08-2008, 05:27 PM
Parent: #1
الاخ الكريم ودقاسم
الف مرحب
|
Post: #33
Title: Re: ونسة .. ويا بكري ما تأرشف البوست ده
Author: Nasr
Date: 04-09-2008, 05:50 PM
Parent: #1
إنت وين يا ود قاسم؟؟؟ حي ولا ميت؟؟؟؟؟؟؟؟
شوق شديد،
أها عامل كيف مع السودان؟؟؟؟؟؟
|
Post: #40
Title: Re: ونسة .. ويا بكري ما تأرشف البوست ده
Author: أبو ساندرا
Date: 05-22-2008, 06:34 AM
Parent: #1
Quote: من بين قطرات الغيمة
وعمق الشيمة
انداحت بسمة
اتولدت طفلة
بلون الروعة
وغشت الدنيا حكاية ريد
انتصبت رسمة
وقام الحاضر قال للغايب
شوف الكون اتمدد عمرو
وكيف أنسام السحر ازدادت نسمة
ولا أروع |
منك
فتعال.
|
Post: #41
Title: Re: ونسة .. ويا بكري ما تأرشف البوست ده
Author: Mayada
Date: 05-22-2008, 08:03 AM
Parent: #1
ياخال.........
| Quote: محمد الشيخ وميادة رزقا طفلة - أكيد حلوة - .. |
كيفنك، انشالله انت طيب...
وفوزية والوليدات، نعلهم بخير............
زينة بتسلم عليك وقالت ليك بيت الله دة قرب مننا ماعايز تزورو؟
| Quote: وقد زفت لي الشقيقة خالدة البدوي الخبر |
صحي............
ست البنيــــــــــــــات
|
Post: #44
Title: Re: ونسة .. ويا بكري ما تأرشف البوست ده
Author: سارة عمر
Date: 05-31-2008, 11:26 AM
Parent: #1
الخال العزيز ود قاسم
شوق كتير وللاسرة
عساكم بخير
والبلد معاكم
زمن منك واخبارك
وابقي واصل
|
|