Post: #1
Title: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنفيذ
Author: خالد حامد الجزولي
Date: 03-31-2008, 04:25 PM
Parent: #0
على ذمة صحيفة الخرطوم أعلنت هيئة المواني البحرية إلغاء رسوم دخول سيارات الإفراج المؤقت وذلك عقب التوقيع على عقد بين الهيئة وشركة المهاجر العالمية لتأمين دخول سيارات الإفراج المؤقت بنظام المرور الجمركي (تربتيك) وبذلك تم إيقاف نظام (الإعانة المشددة) رسوم الإفراج المؤقت البالغة ثلاثة آلاف ريال سعودي التي كان يدفعها المغتربون عند قدومهم للبلاد في إجازتهم السنوية وقد دخل القرار حيث التنفيذ بعد إيداع شركة المهاجر خطاب ضمان مصرفي لهيئة المواني البحرية بقيمة 50 ألف جنية بالجديد.
وكانت هذه الرسوم - التي لا مكان لها من الإعراب - تشكل عبئاً كبيراً على كاهل المغتربين الذين يقضون إجازاتهم السنوية مع ذويهم ، ومن المتوقع بعد دخول هذا القرار حيذ التنفيذ أن تشهد ميناء سواكن إزدياداً وتدفقاً كبيراً في عربات المغتربين في إجازة هذا الصيف.
|
Post: #2
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: Kabar
Date: 03-31-2008, 04:49 PM
Parent: #1
الصديق خالد.. حبابك
اول حاجة مرحب بيك في سودانيز اونلاين..و نتمنى ليك فضاء سعيد و بخيت للكتابة هنا..
ثاني حاجة.. كتر خيرك على الخبر المفرح..و عقبال الغاء بقية الأتاوات البلا فهم ساكت..
و نشوفك تاني كتير..
تحياتي لمحمد و احمد و عبد الباقي..
كبر
|
Post: #3
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: خالد حامد الجزولي
Date: 03-31-2008, 06:00 PM
Parent: #2
الأخ/ كبر
سلامات ياخ
أشكرك على المداخلة وربنا يكثر الأخبار الجميلة
تحياتك للأخوان تصل إن شاء الله
بس كدي قول لي المرقك في كندا شنو
رقم موبايلك لو سمحت
|
Post: #4
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: james
Date: 04-26-2008, 06:33 PM
Parent: #3
تحياتي
في زول جرب سافر بعد القرار ده.
اها
|
Post: #5
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: خالد حامد الجزولي
Date: 04-27-2008, 09:45 AM
Parent: #4
نعم
عدى للسودان
واتصل وبشرناأنه مر بسلام
ولم يدفع مبلغ التأمين
|
Post: #6
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: صديق الموج
Date: 04-27-2008, 10:07 AM
Parent: #1
خالد اخوى ود حلتى كيف حالك
والله ياخالد ذكرتنى ناس السودان لما الكهرباء تكون قاطعه وتجى
تسمع زغاريد وهيجه ووكوراك يقطع صمت الدنيا
تسال يقولو ليك الكهرباء جات!!
هم المساكين دافعين حقها مقدما ويقطعوها منهم ويفرحوا لما يرجعوها ليهم
ياخى دى حكومة فاشله ..
نظام منحط شنو رسوم تامين عبور؟؟
عشان نفرح لما يلغوها..
من يهن يسهل الهوان عليه!!!
مفروض الناس دى تطلع مظاهرة لما حكومة الاتوات دى تعمل قرار زى ده
انت عارف يا حامد اخوى القرار اتعمل ليه؟
شركة مهاجر محتاجه لقروش سريعه عشان تمول مشروعات
الموتمرجية الحرامية ديل
طيب الحيطه القصيرة وين؟؟؟المغتربين البقرة الحلوب
فلوسهم كتيرة وطبعا اعدوا العدة لموسم الاجازات
وما حايغيروا رايهم لو قلنا ليهم تامين مسترد
نشيل من كل واحد 3000 ريال نمشى حالنا ولما يكونو راجعين
نشيل طاقية ده نلبسا ده الى ان ياتى مشروعنا اكله..
وقد كان..
يعنى ما تسمع الغاء دى فقط اخدوا ماكانوا يحتاجون من اموال والسلام..
يعنى الاكتتاب انتهى..بلد!!!!!!!!!!
لك الله يا بلد..
لا لحكومة القهر والتنكيل..لا للفاشيست..لا للظلم واخذ اموال الناس بالباطل،،
|
Post: #7
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: صلاح شكوكو
Date: 04-27-2008, 10:38 AM
Parent: #1
..
العزيز (( خالد حامد الجزولي ))
لك الود وكل التقدير
دائما تأتي بالبشائر
وكأنك غيث نلقى السحاب نستظل به
أو الماء يروي العطش
ألف مرحبا بك في هذه الدنيا
أنتم في المملكة أقرب الى معايشة مسارب هذا القرار
لذا أرجو أن تتكرم بشرح المطلوب تحديدا حتى نفكر
في القادمات أن نأتي مرورا عبركم بعد (( عمرة))
نعتمرها ونواصل المسير ..
ماهي الثبوتيات المطلوبة ؟؟
ماهي الضمانات التي يطلبونها ؟؟
هل هناك شرط يتعلق بموديل السيارة ؟؟
عاطرات الود
..
|
Post: #8
Title: Re: بشرى سارة..... إلغاء مبلغ الـ 3 آلاف ريال رسوم التأمين على سيارات المغتربين يدخل حيذ التنف
Author: محمد الطيب حسن
Date: 04-27-2008, 10:44 AM
Parent: #7
Quote: هل هناك شرط يتعلق بموديل السيارة ؟؟
|
|
|