Post: #1
Title: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 03-31-2008, 09:59 PM
Parent: #0
فى البدء ، لا أتناول في حديثي هذا تاريخ قبيلة الرباطاب وأصولهم ومناطقهم من الشامخية وحتى السنقير ومركزهم أبو حمد . ، فقد كتب في ذلك كثيرا ...
ولكن سوف أتناول هنا جانب السخرية في طباعهم وتعاملهم التي إشتهروا بهامن خلال ردودهم تجاه كل من يحاول أن يتطاول عليهم وأصبحت سمة من عاداتهم في المجتمع ...
... فهم لا يتورعون في إطلاقها أينما كانوا ، وأضحت سلاحا فاتكا لديهم ،
يقاومون به خصومهم برغم ابتسامتهم الساخرة آلتي تصاحب قذائفهم المزعجة حينا والمضحكة حينا آخر ، حتى غدت فن من فنونهم برعوا فيها واشتهروا بها ..
سخرية الرباطاب ارتبطت بالثقافة العربية والأدب العربي القديم ، حيث مارسها الكثير من الأدباء والشعراء في كتاباتهم وأشعارهم عبر حقب التاريخ العربي ،
أمثال جرير وأبن الرومي وبشار بن برد والحطيئة والمعرى وبشرى
والقائمة تطول في ذلك ،
وقد إرتبطت بالهجاء الذى أتى بكلمات لاذعة تصور جانب الضعف في شخصية المهجور وتضخيم العيوب الشكلية من أجل التهكم والتقريع وربما تصل آلي التجريح ،
وقد أستخدم هذا النمط بعضا من مرشحي الأحزاب السياسية في الساحة
إبان الحقب الديمقراطية في خطبهم السياسية تجاه خصومهم فكان لها أثر فاعل وحقق بعضا من أجندتهم ...
لذلك عرف الرباطاب السخرية منذ قديم الأزل في شكل نكته ورد ساخر لا يحتمل في بعض الأحيان بالرغم من أنها متجددة لديهم بتجدد وسائل الحضارة وتعتبر سلوك يومي ،
وإن غاب ذلك في الجيل الجديد منهم بعض الشيء ... وربما كانت ردودهم
ليست كسابق سالف العصر لديهم وتجلياته آنذاك ولكنها متوارثة بدرجات متفاوته ..
... ردودهم فيها سرعة البديهة والفطنة مع التكييف المكاني وألزماني في الرد ، وقد يصعب تعريفها كشيء حي ، متجدد الألفاظ ....
.. الرباطابى يوصف بأنه غير الأحمق فهو نغيض لدار جعل آي الجعليين ، ولكنه يبرز سلاح السخرية عند نفاذ الصبر لديه في أمور الحياة ،
وهو أسلوب في النقد غير المحتمل والحاسم حسب غرضه الشخصي ،
لذلك تجده غير مبال ، يمتلك قوة في الأعصاب وسرعة في البديهة فيها جانب من الذكاء له قدرة في التخيل وتصوير المواقف حتى المتنا قض منها ، لذلك ارتبطوا بخفة الحديث الذي لا يعول عليه فأوجدوا لسخريتهم الإثارة والمتعة وعدم الرضاء على السواء ...
فهل من إضافة ...؟ وفتكم بعافية ...
محمد مختار جعفر ..
|
Post: #2
Title: Re: * الرباطـــاب والسخريــــة .... لماذا وكيف ..!؟؟؟
Author: Mohamed Foto7li
Date: 04-01-2008, 04:00 AM
Parent: #1
سلام
اها سجل معاك رباطبي ابو وا اوم
رباطبي طاعم
محمد
|
Post: #3
Title: Re: * الرباطـــاب والسخريــــة .... لماذا وكيف ..!؟؟؟
Author: الحاج حمد الحاج
Date: 04-01-2008, 06:11 AM
Parent: #2
الأخ محمد مختار
السلام عليكم
حقيقة أهلي الرباطاب حباهم الله بذكاء و فطنة انعكست في تعاملهم مع أحداث الحياة و من ذلك ما عرفوا به من سرعة بديهة في الرد الساخر و ان حمل أحيانا بعض المساخة و لكنها تأتي في اطار يجعلها مقبولة و تؤدي الغرض الذي أطلقت من اجله و كذلك ما عرفوا به من ذكاء في التشبيه و الربط بين شيئين بتناول وجه شبه لا يدركه الا صاحب ذكاء فطري.
من ضمن الذين عرفوا في هذا المجال و برزوا فيه المرحوم الفنان احمد عمر الرباطابي و المرحوم الشيخ الصائم من الجزيرة( مقرات) و غيرهما الكثير..
أحمد عمر الرباطابي في مرة كان هناك مريض في غيبوبة و احضر اسعاف لنقله لمستشفى عطبرة و رافقهم الرباطابي ، و في الاسعاف تم اعطاء المريض دربات و بعض الأدوية و اثناء السير يبدو أن الأدوية بدأ مفعولها و لاحظ احمد عمر أن المريض بدأ يصحى من الغيبوبة عندها و بصوت خافت قال للذي يجلس بجانبه : الراجل بدأ يدخل الشبكة.
لي عودة
|
Post: #6
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-01-2008, 11:14 AM
Parent: #2
Quote: اها سجل معاك رباطابي ابو وا اوم
رباطابي طاعم[/QUOT]
الأخ / محمد عثمان ...
أشكر لك مرورك الكريم وبلا شك فهو مرور طاعم
فلك تحيتى ، ولكنى أنتظر منك شيئا عن أهلك
الظرفاء الطاعمين ...
محمد مختار جعفر
|
Post: #4
Title: Re: * الرباطـــاب والسخريــــة .... لماذا وكيف ..!؟؟؟
Author: essam&amal
Date: 04-01-2008, 06:57 AM
Parent: #1
Quote: وهو أسلوب في النقد غير المحتمل والحاسم حسب غرضه الشخصي ،
لذلك تجده غير مبال ، يمتلك قوة في الأعصاب وسرعة في البديهة فيها جانب من الذكاء له قدرة في التخيل وتصوير المواقف حتى المتنا قض منها ، لذلك ارتبطوا بخفة الحديث الذي لا يعول عليه فأوجدوا لسخريتهم الإثارة والمتعة وعدم الرضاء على السواء ...
|
دى قوة اعصاب يا محمد مختار يا اخوى للرباطابى
لكن حرق اعصاب لمن يتعامل معهم
انا تعاملت مع الرباطاب كتيرا فى الغربة
عاوزين اعصاب من فولاذ
لكنهم اطيب من عاشرت بعدما حرقوا اعصابى
فى مكتبنا فى ابو ظبى لدينا رئيسة قسم اماراتية
تحب السودانيين كثيرا وهى مصرة ان الرباطاب ما سودانيين
وبتقول السودانيين طيبيين من اين جاء الرباطاب
وانا اقول ليها ديل جيراننا { انا من بربر طبعا }
لا تقولين جيرانا { ديل جننونى عدييييل كده متل ما يقولون السودانيين }
وكان اول سؤال لها فى المعاينات انت رباطابى لو قال ليها ايوة بعدما
يضحكويفرح كمان او تحولوا قسم تانى لو خلالالالاص ممتاز او تقول ليهو غير
مستوفى الشروط لما بقينا نحذر اى زول داخل معاينة اوعك تقول رباطابى
ما بتشتغل مرة جانا واحد رباطابى نار مولعة قلنا ليهو نفس الكلام ودخل
متحمس قبل ما يقعد فى الكرسى قال ليها انا رباطابى وعندى دكتوراة وتخصصى
ده فى بلدكم دى مافى زول شايلوا ولا فى زول حيشيلو لمدة عشرين سنة تانى
وما بدخل معاينة اها رايك شنو ؟؟؟
ضحكت لمن دموعها نزلت وقالت ليهو طيب امشى على ايدك اليمين تلقى مكتبك .
المهم الرباطاب صاروا اقرب اصدقائها وكلما تتصل على من ابو ظبى تقول لى
كيف اهلى الرباطابلازم ازور السودان عشانهم وسوف تاتى الشهر الجاى وحاوديها
ابو حمد وامرى لله.ولكن هذه الصديقة الاماراتية اقسم بالله بقت افظع من الرباطاب
وعندها سرعة بديهة وتديك رد زى الصاروخ .
وقالت لى سؤلت فى مؤتمر فى تركيا جنسيتك قلت ليها رباطابية .
ولى عودة
ام وضاح
|
Post: #5
Title: Re: * الرباطـــاب والسخريــــة .... لماذا وكيف ..!؟؟؟
Author: أبوبكر أبوالقاسم
Date: 04-01-2008, 09:47 AM
Parent: #1
الأخ/ محمد مختار جعفر .....تحية طيبة
يُقال - والعهدة على الراوى - أن عثمان النو عندما قابل " بابكر ود السافل " بخصوص السماح لفرقة عقد الجلاد بأداء أغنية الربوع
، فلما جلس معه دار بينهما الحوار التالى :
ود السافل : تشرب حاجة باردة ؟
عثمان النو : لا شكراً ما بشرب بارد.
ودالسافل : تشرب شاى ؟
عثمان النو : لا شكراً ما بشرب شاى .
هنا إندهش ود السافل وإختصر الحوار الترحيبى : طيب بتشرب شنو ؟
عثمان النو : بشرب موية بس .
لم يتلفت " ود السافل" فى الرد عليه : شجرة إنت ! ! . شجرة إنت !!
رحم الله فنانا " ود السافل " فقد كان فعلاً حاضر البديهة.
|
Post: #7
Title: Re: * الرباطـــاب والسخريــــة .... لماذا وكيف ..!؟؟؟
Author: الحاج حمد الحاج
Date: 04-01-2008, 01:24 PM
Parent: #5
Quote: يُقال - والعهدة على الراوى - أن عثمان النو عندما قابل " بابكر ود السافل " بخصوص السماح لفرقة عقد الجلاد بأداء أغنية الربوع
|
الأخ أبو بكر أبو القاسم
تحياتي
قد تكون القصة حدثت مع الفنان المرحوم احمد عمر الرباطابي و هو شاعر و ملحن و مؤدي أغنية الربوع ، و فعلا أحمد عمر الرباطابي حضر للخرطوم عندما سمع فرقة عقد الجلاد تؤدي اغنيته و كان بصدد رفع قضية و لكن حسب ما سمعت من أحمد عمر الرباطابي شخصيا تدخل أحد الرباطاب من أصدقاء الفنان أحمد عمر الرباطابي و له صلة بعقد الجلاد و حال دون ذلك و قلت لأحمد عمر : سمعنا قالوا دفعوا ، فرد علي بذكائه المعروف : و الله الشوية دفعوها و بعدين نسوي شنو الزمن دا كل واحد بقى يأكل من ضهر رفيقو ، فقلت ليهو : لكن يا احمد ناس عقد الجلاد الأغنية دي جننوها جن فرد : هم فعلا جننوها لكن بغنوها زي الزول البتلبد (طبعا ناس عقد الجلاد بغنوا الربوع بطريقة متقطعة أم در..يا ..ربوع).
لك ودي
|
Post: #12
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-02-2008, 09:27 PM
Parent: #7
| Quote: بعدين نسوي شنو الزمن دا كل واحد بقى يأكل من ضهر رفيقو ، فقلت ليهو : لكن يا احمد ناس عقد الجلاد الأغنية دي جننوها جن فرد : هم فعلا جننوها لكن بغنوها زي الزول البتلبد (طبعا ناس عقد الجلاد بغنوا الربوع بطريقة متقطعة أم در..يا ..ربوع). |
الأخ / الحاج حمد الحاج ، ضحكت كثيرا على رد الشاعر الفذ / أحمد عمر الرباطابى
أعلاه ، وفعلا هذا هو حال الأغانى المتميزة والتى صاغها مبدعيها أداء ولحن وبرعوا
فيها فأتى من بعدهم على الجاهز ، وياريت كماتحسر الشاعر ووصف أدائهم ( بالمتلبد )
فشاهت وتشوهت وغيرها كثير وكثير ... لك تحيتى ...
|
Post: #8
Title: Re: * الرباطـــاب والسخريــــة .... لماذا وكيف ..!؟؟؟
Author: أبوبكر أبوالقاسم
Date: 04-01-2008, 03:09 PM
Parent: #1
شكراً الحاج حمد على التوضيح الذى أفرز أيضاً مزيداً من ملاحة الرباطاب
|
Post: #9
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-01-2008, 09:39 PM
Parent: #8
الأخ / الحاج حمد الحاج ..
لك تحيتى .. وأشكر لك إضافتك ومرورك الكريم
وتحيتى لأهلك الرباطاب ..
محمد مختار جعفر
|
Post: #10
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-01-2008, 09:56 PM
Parent: #9
الأستاذ / العزيز .. أبو بكر أبو القاسم
لك موفور التحية والسلام ..
وفعلا كما قلت ، رحم الله ود السافل رحمة واسعة وأذكر أن أحد المصريين
كان يجلس مع بعض السودانيين وود السافل يغنى .... قام أحدهم وقال :
( ياسلام عليك يا ود السافل ،) المصرى قال : إيه !! ود إيه ؟؟؟
ياراجل خليك محترم مع الفنان بتاعكو ده ..!!!
لك تحيتى وشكرا على مداخلتك الكريمه .. محمد مختار جعفر
|
Post: #11
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-02-2008, 02:26 PM
Parent: #10
Quote: دى قوة اعصاب يا محمد مختار يا اخوى للرباطابى
لكن حرق اعصاب لمن يتعامل معهم
انا تعاملت مع الرباطاب كتيرا فى الغربة
عاوزين اعصاب من فولاذ
لكنهم اطيب من عاشرت بعدما حرقوا اعصابى
فى مكتبنا فى ابو ظبى لدينا رئيسة قسم اماراتية
تحب السودانيين كثيرا وهى مصرة ان الرباطاب ما سودانيين
وبتقول السودانيين طيبيين من اين جاء الرباطاب
وانا اقول ليها ديل جيراننا { انا من بربر طبعا }
لا تقولين جيرانا { ديل جننونى عدييييل كده متل ما يقولون السودانيين }
وكان اول سؤال لها فى المعاينات انت رباطابى لو قال ليها ايوة بعدما
يضحكويفرح كمان او تحولوا قسم تانى لو خلالالالاص ممتاز او تقول ليهو غير
مستوفى الشروط لما بقينا نحذر اى زول داخل معاينة اوعك تقول رباطابى
ما بتشتغل مرة جانا واحد رباطابى نار مولعة قلنا ليهو نفس الكلام ودخل
متحمس قبل ما يقعد فى الكرسى قال ليها انا رباطابى وعندى دكتوراة وتخصصى
ده فى بلدكم دى مافى زول شايلوا ولا فى زول حيشيلو لمدة عشرين سنة تانى
وما بدخل معاينة اها رايك شنو ؟؟؟
ضحكت لمن دموعها نزلت وقالت ليهو طيب امشى على ايدك اليمين تلقى مكتبك .
المهم الرباطاب صاروا اقرب اصدقائها وكلما تتصل على من ابو ظبى تقول لى
كيف اهلى الرباطابلازم ازور السودان عشانهم وسوف تاتى الشهر الجاى وحاوديها
ابو حمد وامرى لله.ولكن هذه الصديقة الاماراتية اقسم بالله بقت افظع من الرباطاب
وعندها سرعة بديهة وتديك رد زى الصاروخ .
وقالت لى سؤلت فى مؤتمر فى تركيا جنسيتك قلت ليها رباطابية ولى عودة / أم وضاح |
الأخت الكريمة/ أم وضاح ..
أسعدتنى مداخلتك القبمة وهى إضافة نيرة بحق تشكرى عليها وقد تسعد وتطرب الرباطاب عموما
وهى معلومة جيدة فى توصيل التنوع الثقافى من خلال الطباع والعادات الموروثة لقبائل السودان
المتعدد القبائل والأعراق فقد أشرت الى أن فى القبائل العربية هذا الموروث المتجزر والحديث
يطول بلا شك فى هذا المنحى ، ونحن فى إنتظار المزيد من أجل إثراء هذا الفكر وهذه الطباع ..
شكرا ... شكرا ... لك سيدة أم وضاح ...
|
Post: #13
Title: Re: * الرباطـــاب والسخريــــة .... لماذا وكيف ..!؟؟؟
Author: معتصم مصطفي الجبلابي
Date: 04-03-2008, 00:36 AM
Parent: #11
قبل ما نتحدث عن اهلي الرباطاب نديكم دى
واحد رباطابى كان قاعد في جامع
ففي اتنين فاتتهم صلاة الجماعة فصلو لوحدهم
جاء واحد تالت عايز يصلي معاهم ففضل يسحب
في الامام عشان يقيف معاه في الصف
والامام رافض يتحرك ليه لانو مفترض يسحب الرجل التاني
الماموم ..
فالرباطابى لما شاف المنظر قالو
هازول ها انت بتجر في الضلفة المتربسة
ونعود
|
Post: #14
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-03-2008, 06:03 AM
Parent: #13
معتصم مصطفى الجبلابى ..
أحييك على إيراد هذا الموقف المضحك ، فى نكات أهلنا الرباطاب
وأشكرك كثيرا ،
وفى الحقيقة هناك الكثير جدا من الردود الساخرة لهم ولكن
لا أرى هنا من يتحفنا عن تلك الروائع والنكات ..
أين الرباطاب فى هذا المنبر وتجلياتهم .. ؟؟؟ مجرد سؤآل ..
ونحن فى الإنتظار يا أهلنا الرباطاب .. ... ولك التحية.
محمد مختار جعفر
|
Post: #15
Title: Re: * الرباطـــاب والسخريــــة .... لماذا وكيف ..!؟؟؟
Author: الحاج حمد الحاج
Date: 04-03-2008, 06:31 AM
Parent: #14
الرباطابي ماشي مع ولدو الصغير ، الولد شاف ليهو فأر قال لأبوهو : يابا شوف الفار داك رد عليهو أبوهو : يا ولد أنا كديسة رد عليهو الولد : يابا أنا قلت ليك أكلو
|
Post: #16
Title: Re: * الرباطـــاب والسخريــــة .... لماذا وكيف ..!؟؟؟
Author: معتصم مصطفي الجبلابي
Date: 04-03-2008, 02:27 PM
احمد عمر الرباطابي كما قيل سابقا
رجل فنان ورجل نكته حاباصي ليك بعض
طرائفة التى افضل عدم نشرها عبر الماسنجر
لكن الداير اقوله عنه انه مادح بارع
يشجيك ويبكيك
ففي احدي الجلسات الخاصة قام الرباطابي
باداء بعض المدائح النبوية وكان من الحاضرين
عمنا عبدالله تكرون رحمه الله وكان معروف بتدينه
الشديد فلما سمع الرباطابي ابكاه مديحه
بكاءا شديدا ولما افاق قال للرباطابي
عليك الله ما تخليى الغناء وتمسك درب المديح دا
فرد عليه الرباطابى مسرعا طيب لما اخلي الغناء
ااكل وليداتى دميعاتكم ديل
رحمهم الله جميعا واسكنهم فسيح جناته
وساعود
|
Post: #17
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-03-2008, 11:18 PM
Parent: #16
| Quote: لرباطابي ماشي مع ولدو الصغير ، الولد شاف ليهو فأر قال لأبوهو : يابا شوف الفار داك رد عليهو أبوهو : يا ولد أنا كديسة رد عليهو الولد : يابا أنا قلت ليك أكلو |
الحاج حمد الحاج/ لك التحية .... يعنى طلع الولد أخطر من الأبو ...
|
Post: #18
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-04-2008, 12:18 PM
Parent: #17
Quote: احمد عمر الرباطابي كما قيل سابقا
رجل فنان ورجل نكته حاباصي ليك بعض
طرائفة التى افضل عدم نشرها عبر الماسنجر
لكن الداير اقوله عنه انه مادح بارع
يشجيك ويبكيك
ففي احدي الجلسات الخاصة قام الرباطابي
باداء بعض المدائح النبوية وكان من الحاضرين
عمنا عبدالله تكرون رحمه الله وكان معروف بتدينه
الشديد فلما سمع الرباطابي ابكاه مديحه
بكاءا شديدا ولما افاق قال للرباطابي
عليك الله ما تخليى الغناء وتمسك درب المديح دا
فرد عليه الرباطابى مسرعا طيب لما اخلي الغناء
ااكل وليداتى دميعاتكم ديل
رحمهم الله جميعا واسكنهم فسيح جناته
وساعود |
أجمد عمر الجميعابى .. لك الشكر .. وسرد جميل لواقعة مضحكة
وبالله زيدنا ، وفى إنتظار عودتك ...
محمد مختار جعفر
|
Post: #19
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-05-2008, 11:49 AM
Parent: #18
:
|
Post: #20
Title: Re: * الرباطـــاب والسخريــــة .... لماذا وكيف ..!؟؟؟
Author: معتصم مصطفي الجبلابي
Date: 04-05-2008, 12:30 PM
Parent: #19
أجمد عمر الجميعابى
ها زول ها كدي امشى لدكتو عيون بعداك
رجعتك اي هينه
غايتو الاسم الكتتبتو دا من اسمى مافيه غير الجيم
انت قاعد تكتب بالاملاء
|
Post: #21
Title: Re: * الرباطـــاب والسخريــــة .... لماذا وكيف ..!؟؟؟
Author: معتصم مصطفي الجبلابي
Date: 04-05-2008, 12:41 PM
Parent: #20
بمناسبة النظر دي
رباطاب امهم نظره ضعيف بل مطششه كلو كلو
عملو ليها عملية عيون فبد فتره واحد من
اولاده سالها :اها يايمه بقيتى تشوفي كويس؟؟
قالت ليه والله ياولدي شوفا كويس مافي, لكن
الميزرة والتبروقة والابريق بشوفن
فقال ليها بخفة اهلنا الرباطاب:ما كفاك يمه
اول نحن دايرنك تشتغلي لينا ساعاتى
|
Post: #22
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-05-2008, 03:09 PM
Parent: #21
معتصم مصطفى ... ياود الجبلاب .. ناس شندى
بالمناسبة شندى دى أنا قريت فيها الأولية والوسطى
طبعا فى زمنا كانت تسمى الأولية .. وأجمل ذكرياتى فيها
ولازلت أذكر أسماء بعينها لا أنساها ...
Quote: غايتو الاسم الكتتبتو دا من اسمى مافيه غير الجيم
انت قاعد تكتب بالاملاء |
معيش ، يا أستاذ معتصم ، الكبر شين خلاص ... والله يستر ما نلحق أم الرباطاب الذكرتها دى
لك شكرى وتقديرى ...
|
Post: #23
Title: Re: * الرباطـــاب والسخريــــة .... لماذا وكيف ..!؟؟؟
Author: salma subhi
Date: 04-05-2008, 03:19 PM
Parent: #21
مرور لإلقاء التحية.....
ومتابعة
|
Post: #24
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-05-2008, 07:55 PM
Parent: #23
Quote: مرور لإلقاء التحية.....
ومتابعة |
تشكرى سلمى على المرور والتحية ..
محمد مختار
|
Post: #25
Title: Re: * الرباطـــاب والسخريــــة .... لماذا وكيف ..!؟؟؟
Author: معتصم مصطفي الجبلابي
Date: 04-06-2008, 02:13 AM
Parent: #24
الملف الشخصي ل محمد مختار جعفر
اللقب: محمد مختار جعفر
اكلات مفضلة: النعيمية - الشية على الجمر
مكان الميلاد فى السودان: شندي - أم درمان
مكان الميلاد شندى وام درمان ياحبيب انت ولدوك بالتقسيط؟؟
مع الاعتذار لصاحب البوست لنقل البيانات
|
Post: #26
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-06-2008, 07:20 AM
Parent: #25
| Quote: مع الاعتذار لصاحب البوست لنقل البيانات |
!!!!!؟؟؟؟؟؟
|
Post: #27
Title: Re: * الرباطـــاب والسخريــــة .... لماذا وكيف ..!؟؟؟
Author: Mutwali Malik
Date: 04-07-2008, 12:17 PM
Parent: #26
اخي محمد مختار
تحياتي
جاءك واحد رباطابي ياباني اصلي
ومن خلال معايشتي اليومية حصلت اشياء كنت شاهدا لها واهلنا الرباطاب لايعجبهم السؤال المافي محلو لذلك تجد ردهم السريع والموجع وهذه تعد من سرعة البديهة
يعني واحد طالع من الحمام وشايل فرشتو وبشكيرو تسالو تقول ليهو استحميت فلازم يكون ردك ليهو لا لا طقتني مطرة
المهم عمنا ابراهيم نوري رحمة الله عليه كنا في صيوان عزاء وكل مرة بجي ويقول يااولاد انتو مالكم بتتاخرو في عمل الشاي الناس تجي وتفوت ماتشرب شاي اسرعو وجيبو الشاي وتكرر المشهد عدة مرات فما كان الا ان يرد عليهو ودعمنا عزوز ياعم ابراهيم انت نان قائل الخرطوش بيجيب لنا موية فائرة
لي عودة
|
Post: #28
Title: Re: * الرباطـــاب والسخريــــة .... لماذا وكيف ..!؟؟؟
Author: Siham Elmugammar
Date: 04-07-2008, 02:10 PM
Parent: #27
***
فوق خلونا نضحك
و نزيح الهم الحايم فوقنا ده
|
Post: #29
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-07-2008, 08:28 PM
Parent: #28
لأخ / Mutwali Malik
أشكر لك مداخلتك ... وفى إنتظارك لتتحفنا مرة ثانية وثالثة
شكرا ياملك ...
محمد مختار جعفر
|
Post: #30
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-07-2008, 08:38 PM
Parent: #28
Siham Flmugammar
شكرا على المرور ..
وفعلا نحن بحاجة للترويح مع نباهة الرباطاب وردودهم الساخرة
وفى الحقيقة قصدت أن نقف ونتعرف على هذا التراث الثر من عائلة
الرباطاب ... وتحيتى ...
محمد مختار جعفر
|
Post: #31
Title: Re: * الرباطـــاب والسخريــــة .... لماذا وكيف ..!؟؟؟
Author: خالد حاكم
Date: 04-07-2008, 11:42 PM
Parent: #30
محمد مختار .. وضيوفه ازيكم
رباطابى سالوه عن رايه فى الرئيس عمر البشير والكلام ده كان فى بداية حكم الانقاذ وكان فى ازمة شديدة فى السكر , يعنى السكر كان معدوم فى السوق .. فقام رد ليهم بطريقة زكية.. فقال ليهم عمر البشير زى السكر!
وفى رباطابى اقترحوا عليه يشرب الشاى بالبلح فى ايام ازمة السكر ديك .. فقال ليهم ما حاقدر استمتع واتكيف شرب الشاى بالبلح .. فسالوه ليه ؟ رد عليهم قال ليهم شرب الشاى بالبلح متل مشاهدة الفيلم الاجنبى .. تركز فى الصورة تفوتك الترجمة .. تركز فى الترجمة تفوتك الصورة
|
Post: #32
Title: Re: * الرباطـــاب والسخريــــة .... لماذا وكيف ..!؟؟؟
Author: محمد مختار جعفر
Date: 04-08-2008, 10:16 PM
Parent: #31
Quote: رباطابى سالوه عن رايه فى الرئيس عمر البشير والكلام ده كان فى بداية حكم الانقاذ وكان فى ازمة شديدة فى السكر , يعنى السكر كان معدوم فى السوق .. فقام رد ليهم بطريقة زكية.. فقال ليهم عمر البشير زى السكر!
وفى رباطابى اقترحوا عليه يشرب الشاى بالبلح فى ايام ازمة السكر ديك .. فقال ليهم ما حاقدر استمتع واتكيف شرب الشاى بالبلح .. فسالوه ليه ؟ رد عليهم قال ليهم شرب الشاى بالبلح متل مشاهدة الفيلم الاجنبى .. تركز فى الصورة تفوتك الترجمة .. تركز فى الترجمة تفوتك الصورة |
الأخ / خالد حاكم .. لك التحية ..
وتشكر على هذه الإضافة فقد أضحكتنا كثيرا بكلام أهلنا الرباطاب الممتع
وإن شاء الله ما تسمع منهم الكلام التانى ، وفى إنتظار المزيد منك ..
محمد مختار جعفر
|
Post: #33
Title: Re: * الرباطـــاب والسخريــــة .... لماذا وكيف ..!؟؟؟
Author: Mutwali Malik
Date: 04-13-2008, 07:27 AM
Parent: #32
رباطابي عنده فرن
جاهو مسكين قال ليهو: لي يومين ما ضقت طعم الرغيف الرباطابي
قال ليهو: ياهو طعمو زاتو ما اتغير
|
Post: #34
Title: Re: * الرباطـــاب والسخريــــة .... لماذا وكيف ..!؟؟؟
Author: بشير حسـن بشـير
Date: 04-13-2008, 09:26 AM
Parent: #1
الأخ / محمد مختار جعفر ، والمتداخلين
تحياتى
بوست شيق وممتع
قيل أن العميد / صلاح كرار ، وقتها ، كان فى زياره لمنطقة الرباطاب أيام بداية الإنقاذ
وطبعا الرباطاب مبسوطين شديد بقدوم العميد صلاح كرار لأنه رباطابى ، وكان هنالك جمع غفير
فى إنتظاره ، وعندما وصل الركب المصاحب لصلاح كرار كان فيه مجموعه من مجلس قيادة الثوره
وكلهم لابسين لبس عسكرى ، وطبعا العميد صلاح كرار كان لبسه أبيض (( لبس البحريه )) التى
ينتمى لها ، وهاك يا إسبليطات ونياشين باللون الأحمر ، واحد راجل كبير بيسأل فى ولده ..
يا ولدى وينه زولنا (( قاصدا صلاح كرار )) رد عليه الولد قائلا يابا شايف الزول الزى معجون
السيجنال داك يا هو صلاح كرار ....
|
Post: #35
Title: Re: * الرباطـــاب والسخريــــة .... لماذا وكيف ..!؟؟؟
Author: Abdalla Alfadlabi
Date: 04-13-2008, 10:35 AM
Parent: #1
الرباطابى لقى ولده مركب سماعة الموبايل(يبدو انه بيستمع بمزاج) .لم يساله.طلع مشوار وعند رجوعه لقى ولده زى ما خلاه.....قال ليه يا ولد انت لسع مركب جهاز غسيل الكلى دا!!!!!
|
Post: #36
Title: Re: * الرباطـــاب والسخريــــة .... لماذا وكيف ..!؟؟؟
Author: Mutwali Malik
Date: 04-14-2008, 03:38 PM
Parent: #35
رباطابي قالوا له الدابي لمن يعضي زول بخلي سنونو في مكان العضة..
قال ليهم: طيب وكان بعد دقيقتين لاقا ليهو زول تاني وعايز يعضيهو؟
قالوا له: بتكون قامت ليهو سنون تاني..
قال ليهم: هو دابي ولا دباسة؟
|
|
|