لماذا تفتح المرأة فمها عندما تكحل عيناها ؟!

ـــــــــــ
وصلتني رساله علي الايميل


لماذا تفتح المرأة فمها عندما تكحل عيناها ؟!

إذا لم تكن قد لاحظت بعد يمكنك أن تراقب من الآن وسترى أن النساء ، حينما يقمن بعملية تجميل عيونهن يفتحن أفواهن .. لماذا ؟! ليس طبعا لأنهن سيضعن الكحل على أسنانهن !!
قد تقول أن فتح الأفواه هذه رد فعل ..
ولكن رد فعل لأي شيء ؟!
أنظر إلى الطفل :
إنه يخرج طرف لسانه من بين شفتيه
بينما يقوم بعمل دقيق كتلوين رسم
أو تجميع سيارة صغيرة أو
ربط حذائه أو كتابة كلمة
متعددة الحروف .
ويقول علماء النفس أن هذه الحركة
رد فعل للتركيز عند الأطفال ..
وهل تفتح النساء أفواههن
أيضاً عند التركيز ؟ ..
نتساءل إذن :
لِم يفتحن أفواههن بدلاً من
أن يخرجن أطراف ألسنتهن ؟
ولما لا يفتحنه حين يقمن بعمليات
دقيقة أخرى كإدخال الحلق في ثقب
الأذن مثلاً ؟!!
والسبب هو


طبعا ذكر السبب من خلال الرساله لكني لم انزله

حتي نري الاراء..

اخونا ود الطيب


دى ماسبقك عليها زول

ماعشان العين بترمش....كم مره فى اليوم ...اها عشان تكحل
عيونها ....لازم تفتح خشمها ....عشان الرميش يقيف



فهمت

تدينى الجائزه

عنوانى على بنك الراجحى

ـــــــــــ
الاستاذه الفضله ناهد بشير الطيب

الف مرحبا بك ..

Quote: عنوانى على بنك الراجحى

بمناسبة البنك الراجحي عندنا زميلنا مصري
تلفونه في الشقه بيرن ..رفع السماعه
الو
هلا
المتصل عليه .. بالله لوسمحت البنك الاهلي..
قام قال ليه نعم يا خويا ...

من بااااااك والي ربي ..

ياخي دي شقة سمير محمد الديمياطي ...

ـــ

لكن ماعندك مشكله اذا طلعت اجابتك صاح وكامله
تاخذي الجائزه
شكر ليك استاذه ناهد

Quote: ـــــــــــ وصلتني رساله علي الايميل لماذا تفتح المرأة فمها عندما تكحل عيناها ؟! إذا لم تكن قد لاحظت بعد يمكنك أن تراقب من الآن وسترى أن النساء ، حينما يقمن بعملية تجميل عيونهن يفتحن أفواهن .. لماذا ؟! ليس طبعا لأنهن سيضعن الكحل على أسنانهن !! قد تقول أن فتح الأفواه هذه رد فعل .. ولكن رد فعل لأي شيء ؟! أنظر إلى الطفل : إنه يخرج طرف لسانه من بين شفتيه بينما يقوم بعمل دقيق كتلوين رسم أو تجميع سيارة صغيرة أو ربط حذائه أو كتابة كلمة متعددة الحروف . ويقول علماء النفس أن هذه الحركة رد فعل للتركيز عند الأطفال .. وهل تفتح النساء أفواههن أيضاً عند التركيز ؟ .. نتساءل إذن : لِم يفتحن أفواههن بدلاً من أن يخرجن أطراف ألسنتهن ؟ ولما لا يفتحنه حين يقمن بعمليات دقيقة أخرى كإدخال الحلق في ثقب الأذن مثلاً ؟!! والسبب هو طبعا ذكر السبب من خلال الرساله لكني لم انزله حتي نري الاراء..

والله يا عماد السؤال دا دايما محيرني




لكن امكن عشان ساي

للاسف ما بعمل الحركة دى
لكن برضو فكرة الواحد يراقب البنات لمن يتكحلن
والحاجة المحيرانى برضو
ليه لمن الواحدة تجى تخت (البينسة فى راسا ) بتفتحا بخشما ؟
دى حاجات بالجد تضحك
وفى امر البينسة قالت اختنا الشايقية
ـ المحيرنى البنيات لمن يجن يختن البينسة ليه بضوقنها ؟ بكسر القاف

ـــــــــ
استاذة سلمي :

Quote: للاسف ما بعمل الحركة دى لكن برضو فكرة الواحد يراقب البنات لمن يتكحلن والحاجة المحيرانى برضو ليه لمن الواحدة تجى تخت (البينسة فى راسا ) بتفتحا بخشما ؟ دى حاجات بالجد تضحك وفى امر البينسة قالت اختنا الشايقية ـ المحيرنى البنيات لمن يجن يختن البينسة ليه بضوقنها ؟ بكسر القاف

البوست ده جميل جدا لانه شرفتيني كثير..
بيني وبينك عرفنا الشرك :

بالنسبه للواحد يراقب وكده ...طبعا انا ماكان الموضوع ..
لكن من الواضح هو دراسه علميه ..
وكمان المرآه هم نحن الرجال بنقدر تستغي عنها؟؟
ماهي ام واخت وزوجة وحبيبه وعييييييك ..
ومن الممكن لوكنا كبار وما بنطالع ليهن في
خصوصياتن من الممكن ونحن صغار كحب استطلاع
الواحد لاحظ للحركه دي



لكن موضوعة البينسه ده جزء اساسي حيكون من البوست ويتحاج للاجابة كمان
من ستات البينسات

ضروري الاجابه علي سؤال الاستاذه سلمي
لك ودي وتحياتي

غايتو يا عماد اخوى
دى تسال عنهاالبنات الحاجات دى وحاتك يا الغالى ما عندى ادنى صلة لا بالمكياج
ولا حتى بالمراية
زى ما بتقول اختى عفراء (سلمى اختى قاطعاهو ناشف مع حاجات البنات )
بالجد ما عارفة حتى السبب
زمان فى الداخلية 0(فى المدرسة الثانوية )
طبعا فى قمة المراهقة والبنات كل واحدة ساعية ليها طرنادة بتاعة الوان (مكياج)
يسالنى الله حتى المسوح حق الله والرسول دا ما عندى
مش عشان فقر او غيره ما بريده
المهم كان عندى استاذى وصديقى بعد داك
استاذ عمر مودى اللهي يديهو العافية كان لمن الشتاء يدخل
اول حاجة بشترى لى علبة كريم كبيرة ويقول لى
ـ امشى اتمسحى شان تبقى زى البنات
لكن فى نفس الوكت كان بقول لى المكياج الداخلى دا الاهم
ومن ديك وعيك
مرة فى المعهد او الكلية (الدراما والموسيقى الان )السنه القبل الفاتت
فى باب الحمام قابلتنى شابة من بنات المدرسة
قالت لى
ـ لو سمحتى قلم
طبعا اختك توووش دخلت يدى فى الشنطة ومديت ليها القلم
قالت لى
ـ لا قلم حواجب
وكان دا القلم الوحيد العندى
اطرف حاجة انه اصحابى بقولو انه الشنطة الوحيدة البتفتحا وما بكون فيها حاجات بنات شنطة اخونا
سلمى
لانه غالبا بتكون مكتبة ،وكباية فى كل الاحيان
اتعلمت اشيلا من ايام الانتفاضة
لانه كان فى زنقات كده ما بحلها الا موية تكبها فى وشك من البمبان
تحياتى

ـــــــــــــ
استاذه سلمي تحياتي

Quote: زى ما بتقول اختى عفراء (سلمى اختى قاطعاهو ناشف مع حاجات البنات ) بالجد ما عارفة حتى السبب زمان فى الداخلية 0(فى المدرسة الثانوية )

والله يا استاذه انتي

Quote: زى ما بتقول اختى عفراء (سلمى اختى قاطعاهو ناشف مع حاجات البنات ) بالجد ما عارفة حتى السبب زمان فى الداخلية 0(فى المدرسة الثانوية ) طبعا فى قمة المراهقة والبنات كل واحدة ساعية ليها طرنادة بتاعة الوان (مكياج) يسالنى الله حتى المسوح حق الله والرسول دا ما عندى مش عشان فقر او غيره ما بريده المهم كان عندى استاذى وصديقى بعد داك

والله يااختي سلمي احبك في الله ولله ..

Quote: مرة فى المعهد او الكلية (الدراما والموسيقى الان )السنه القبل الفاتت فى باب الحمام قابلتنى شابة من بنات المدرسة قالت لى ـ لو سمحتى قلم طبعا اختك توووش دخلت يدى فى الشنطة ومديت ليها القلم قالت لى

والله انتي حربيه عديل كده طوالي لهمتيها القلم ..تعرفي زميلاتنا كنا بنسالهم
انتو شنطكم كدي شايلنهن وتعبانات معاكم فيهن شنو؟؟؟
الاجابات كانت مختلفه البتقول فيها عقارب وفيها (كهنه) لنظافة
لكن انت (اسكيرك عالي) يجيل يختلف من جيل ...

Quote: للاسف ما بعمل الحركة دى

يا سلمى لك التحية
أنا أتكر مرة عملتيها يا سلمى
يعنى فتحتى الفم
عاوزه تعرفى وين ومتى

لك الود
كوزك أبدا قور

ــــــــــــ
الاخ مازن كيفك يا حبيب

Quote: لكن امكن عشان ساي

وانا ذاتي قلت امكن ساي ..بالرغم درسه نظريات

في علم النفس بس سؤال وجيه ؟؟

تصدق والله انا فتحت الرساله مت من الضحك

ومصاريني اقطعن ...

شكرا يا حبيب

Quote: لماذا تفتح المرأة فمها عندما تكحل عيناها ؟!

والله يا عماد عليك جنس محن
ياخى هن متين بقفلنوا ؟عشان تسال سوالك ده؟؟
لاحولا!!!!
ماطوالى ربربربربربربربربربربرببربر
ونقنقنقنقنقنقنقنقنقنقنقنقنقنقنقن،،،

ـــــــــ
الاستاذ صديق
مراحب كثاااااار ...

Quote: والله يا عماد عليك جنس محن ياخى هن متين بقفلنوا ؟عشان تسال سوالك ده؟؟ لاحولا!!!! ماطوالى ربربربربربربربربربربرببربر ونقنقنقنقنقنقنقنقنقنقنقنقنقنقنقن،،،

والله المحن كثااااار لكن خايفين من الجندره وكده


المصيبه انهن ذي ماورد في الرساله بيدقنن عمليات
اكثر دقه من عملية الكحل

طيب ليه في الكحل بتفتح فهما؟؟؟
وكمان استاذه سلمي سالت سؤال تاني لا يقل اهمية منه
لمن يضعن البينسه يبفتحنها بفمهن يعني المحن ماشاء في زياده

شكرا ليك شرفتني كثير
ودي وتقديري

سلمى العسل .....
ازيك

لمن يفتحوا البنسه بيضوقنها



عماد

حكايتك شنو.......

مااجابتنا صحيحه......وكده





كمان قول غلط
المهم رقم الحساب

2222222222222222222222222


ماتنسى

عماد .. سلامات
حركة غير ارادية فى تلك اللحظة

ـــــــــ
الاخ خالد حاكم
مراحب وهلا بيك

Quote: عماد .. سلامات حركة غير ارادية فى تلك اللحظة

طيب اذا حركه لا ارادية ليها بتنطبق عليهن كلهن؟؟؟

اكيد يا حبيب في سر..!!!
شكرا ليك كثير

ومودتي وتقديري

اخونا ود الموج

شفت نق ونق ونق ونق وبرب بر بر بر بر بر ولالالالالالا ووووووووووننننننننن وشفت
مممممممم و نقنقنقنقنق وبر بر بر بر بر بر بر وتانى بر بر بر ونق نق نق

وهو كان قفلناه بنلقى معاكم راحه.... انتوا زاتكم ماتدوروا النق نق نق نق

الله بيسألنى بقيتوا نقناقين اكتر مننا .....لا حولا ...




صديق

ليك وحشه
ياخى

واجابتى صحيحه خليك قريب ...يمكن اديك منها ....

ــــــــــــ

Quote: المهم رقم الحساب 2222222222222222222222222

هو رقم الحساب ده مالو زي رقم حسابي

الاخ عماد سلامات

Quote: لماذا تفتح المرأة فمها عندما تكحل عيناها ؟!

عشان تكون جاهزة للصراخ من سخونة الكحل لو دخل العين

Quote: ليه لمن الواحدة تجى تخت (البينسة فى راسا ) بتفتحا بخشما ؟

برضو الصراخ لو في اي شكة في الراس

اعتقد هذا هو السبب

ــــــــــ
الاخ بشير ادم عبد الله
كيفك ياجميل

Quote: عشان تكون جاهزة للصراخ من سخونة الكحل لو دخل العين

Quote: برضو الصراخ لو في اي شكة في الراس

قلت لي في الحالتين صراخ .. دي قوية والله
طيب لمن ينظفن وجههن بالصابون لي ما بيفتحن افواههن؟؟

لكن الله يستر ما تجيك واحد تديك ام دلدوم بالكامشه

شكرا ليك
تحياتي وودي

يعنى ياعماد نفهم شنو؟؟؟؟

رقم الحساب واحد؟؟؟



يعنى كحلنا فى عينا...اقصد زيتنا فى بيتنا ؟؟

ـــــــ

Quote: يعنى ياعماد نفهم شنو؟؟؟؟ رقم الحساب واحد؟؟؟ يعنى كحلنا فى عينا...اقصد زيتنا فى بيتنا ؟؟

الراجحي انت موظفه فيه وعارفه .. عندهم مع الرقم ..رقم الفرع
انا حسابي في البريطاني ... وكلامي الفوق مزح بس

لكن علي العموم انت لا تقلقي ...

البوست ده انا نقلته لي بكري علشان ما يتارشف ..



راجعي الماسنجر عنك لك رساله استاذه ناهد
تقديري

Quote: اخونا ود الموج شفت نق ونق ونق ونق وبرب بر بر بر بر بر ولالالالالالا ووووووووووننننننننن وشفت مممممممم و نقنقنقنقنق وبر بر بر بر بر بر بر وتانى بر بر بر ونق نق نق وهو كان قفلناه بنلقى معاكم راحه.... انتوا زاتكم ماتدوروا النق نق نق نق الله بيسألنى بقيتوا نقناقين اكتر مننا .....لا حولا ... صديق ليك وحشه ياخى واجابتى صحيحه خليك قريب ...يمكن اديك منها ....

عماد التلب وقع ليك كلامى..
بالاخص ناهد دى
شوف عينى ما قالوا لى ..
وكت عرسوها خشمها كان قدر الودعة
بس هسه بالنقه بقى زى جيب الرداء الخلفى..
بعدين بفتحنوا عشان النقه ما تبرد صاح؟؟

اخونا ود الموج


انت تتجازى غايتوا







ماتجى اوريك عينه من النقه على الطبيعه

الزمان ديك ام ودعه..... نقة جراااااااايد ساكت


ومجادعات.....هسى بقت النقه لايف...وسريعه...ايميليه
وماسنجريه ....واسكايبيه.....



عماد اخوى

قريتها ومشكور......



الا الجايزه وينها.....وهى زاتا شنو ....
اوع تقول لى ماشه مع الارشيف


وكمان اوع تقول لىالجايزه كحل ولا بينسة سلمى ....
نهائى مادايراهن ....

فتح الخشم هو تثبيت للحركة فى الجزء المتبقى من الوجه وخاصة العينين والرموش


شد وش

آآآآآفو يا الانصارى دا كلام شنو عاد

بقيتو تتفرجوا فوق البنوت و الحريم كمان

و كمان تناضم فوق المكياج و الكحل؟ لا اٍله الا الله



يا زول الكلام يجيب لك الكلام ساكت أبعد بعيد






و الله بس امسك فى كلام عمك الموج و الله يستر من الجندريات.

ــــــــــــ
ابوبكر الشيوعي .. طلعتني انصاري..
كثر خيرك .. حسع كان في بوستات السياسة .. بتقولي طائفي..!!!

Quote: آآآآآفو يا الانصارى دا كلام شنو عاد بقيتو تتفرجوا فوق البنوت و الحريم كمان و كمان تناضم فوق المكياج و الكحل؟ لا اٍله الا الله يا زول الكلام يجيب لك الكلام ساكت أبعد بعيد و الله بس امسك فى كلام عمك الموج و الله يستر من الجندريات.

فالتعلم ياعزيزي ..
كل ماهواجتماعي انساني فهو سياسي بحت...
لايكمن الفصل بين العلوم الانسانية والعلوم السياسية ابدا والنظرية الاجتماعية
هي نموذجا فكريا تسعي الي تفسير السلوك الانساني من اجل التنبؤ بالسلوك
وايضا تساعد علي اتخاذ القرارات علي ضؤ المعلومات المتاحة.. وعموما النظريه
الاجتماعية منبثقة من الاطر اجتماعية واقتصادية وسياسية لكي تبني دعائم النظرية
كنسق فكري ..
دراسة الشخصية مجال مشترك بين علوم كثيره متداخلة ومتفاعلة مع بعضها البعض
علم النفس والانثر بولوجية الاجتماعية والثقافية الحقائق الاجتماعية والنفسية
لديها ارتباطا شموليا حتي يتم تحقيق الهدف وهو ترفيه الانسان ...
طيب لماذا كانت الشعوب المقهوره تحت الانظمه الديكتاتوريه والشموليه تلجا الي
عالم الفكاهة (والتنكيت) ماهو إلا ضربا من ضروب التنفيس الانساني ككائن راقي
ومتطور لانه انسان اجتماعي يختلف عن بقية الكائنات ..
واذا لاحظت تكثر الفكاهه عند المصرين في فترة عبد الناصر والسادات والي اليوم
وانتقلت لدينا اليوم في السودان وهل تفصل من السياسة؟؟؟..
اذا كان فهمك بهذا فاين تمارس السياسة هل في المريخ ؟؟؟ام سوف تفصل المرآه من
المجتمع بيد انها كل المجتمع ؟؟؟ وفي الحاله دي فرقك ايه من السلفين ؟؟؟
ونحن الرجال امهاتنا نساء يعني لن يكتمل المجتمع إلا بوجود كل من الشريحتين ...
سؤال اذا كان لدينا دكتور اخصائي (جراحة التجميل) يريد ان ينضم إلي حزب الامه
نقوله لا انضمام لك لانك تماس التجميل للمرآه بعيادتك ..؟؟؟ شيء عجيب ..!!!

Quote: ويقول علماء النفس أن هذه الحركة رد فعل للتركيز عند الأطفال .. وهل تفتح النساء أفواههن أيضاً عند التركيز ؟ ..

هذا الاقتباس من صميم البوست باعلي يعني شيء علمي يااااااهل العلمية..!!!
اذا مارسة السياسة بفهم اقصائي من المجتمع الحولك في اي مكان حتي في المنبر
فانت الخاسر الاكبر بفهم بسيط لان تلك السياسة تمارسها علي من خلالهم فواجبا
علي ان تتعرف علي عاداتهم وتقاليدهم وحركاتهم وسكناتهم من الفئيات العمرية
من الجنسين انثي اوذكر ..
وتحياتي

ــــــــــ
كتب ابوبكر

Quote: و الله بس امسك فى كلام عمك الموج

كون الاستاذ الفاضل صديق الموج وكل الذين شرفوني بهذا البوست يضرب
بعمق في (مثلث برموداالسياسي)..وهذا جاء نتيجة الاعلام عن حدث مستقلا في
طياته فلسفة اللغة لتخاطب بين الكائنات المتطورة وسليه إلي الاجتماع ..
ربما لم تسمح لي ولهم التداول والحوار اللغوي في بوستاتًًِ سالفات ومن
الجميل ان كان هذا البوست يجمع لعقد فريد.. اعتقد انه مكسب لي...!!!
فاللاعلام هو علم (الاتصال الجاهيري)كما درسنا الاستاذ الدكتور الطيب حاج
عطية له التحية فهو اساس اي الاتصال الجماهيري جوهر عملية الاتصال هو
التفاعل والتبادل والمشاركة في المعاني والافكار وفك الرموز للشفره من
خلال الرساله الاعلامية متمثله في حرف وكلمة وجمله من اجل خلق بيئة
اجتماعية متحضرة وكل هذا((اعتقد)) لدية علاقة بالسياسة..

ــــــــــ
عبد العظيم احمد
كيفك ياراجل :

Quote: فتح الخشم هو تثبيت للحركة فى الجزء المتبقى من الوجه وخاصة العينين والرموش شد وش

كلام كويس جداً طيب هي عاوز تكحل سنونها ؟؟؟

شكرا ليك ياحبيب

Quote: و الله بس امسك فى كلام عمك الموج و الله يستر من الجندريات.

كلام ابوبكر وخوفه ده ..خوف زول خاطب ساكت..
اقول الحل يا عمده؟؟
ما اصلوا نحن لما نجى نعرسن بندفع حق فتح الخشم..
بعدين هن تانى ما بقفلنوا..
عشان نحن حا نظل ندفع لما يرث الارض ومن عليها..
وما دام فى اهبل بدفع لفتح الخشم..
شوفو ليكم طريقه سدوه بيها..
وحاتك ديل بموتن فاتحات خشمن..
الواحده زى راس النيفه..
ولاقيتو با سم زهر المواسم،،،

ــــــــ
الاستاذ صديق يااصيل

Quote: كلام ابوبكر وخوفه ده ..خوف زول خاطب ساكت.. اقول الحل يا عمده؟؟ ما اصلوا نحن لما نجى نعرسن بندفع حق فتح الخشم.. بعدين هن تانى ما بقفلنوا.. عشان نحن حا نظل ندفع لما يرث الارض ومن عليها.. وما دام فى اهبل بدفع لفتح الخشم.. شوفو ليكم طريقه سدوه بيها.. وحاتك ديل بموتن فاتحات خشمن.. الواحده زى راس النيفه.. ولاقيتو با سم زهر المواسم،،،

نعرف يا استاذ حتي في الخطوبه عندناام الخطيبة اذا
كانت (ناقة ومطنطنه)والبنت راغبة الخطيب بيقوموا الاجاويد
من اهل الطرفين بشوفوا محاسن العريس ويحكوها للام وشويه كده
يسكتوها من جيب العريس ..

وكما في الزواج الي عهدٍ قريب العريس لمن يجي داخل
ما بيخلن يفتح الباب إلا بقروش؟؟؟ شفت المحن كيف!!!

ويقول ليك المرآه تقول لزوجها جيب وجيب وجيب(بكسر الجيم والياء)
ويو م قالت ليه (جيب ).. رد ليه قال ليها
الجيب زااااتو بغي بكسي ..

لذيذ أنت يا الموج ...!!

الواحدة لمن تتكحل وتفتح خشمها يخيل لي عشان تشد بقدر الإمكان الكرمشة الموجوده حول العينين والمستهدفة بالكحل والذي منه ...والله أعلم ..

أما سؤال سلمى الشيخ فده سااااااهل ..

القصة وما فيها يا سلمى إنو الواحدة بتكون ماسكة بي يدها ال(شعيرة ) المستهدفة برضو ولما كانت البينسة لازم تتفتح من طرفين كان لا بد من ضواقتها والإستعانة بالخشم ...

رأيك شنو يا سلمى ...

ـــــــــ
الاستاذ الفنان عثمان دغيس :
عليكم السلام والرحمه

Quote: الواحدة لمن تتكحل وتفتح خشمها يخيل لي عشان تشد بقدر الإمكان الكرمشة الموجوده حول العينين والمستهدفة بالكحل والذي منه ...والله أعلم ..

طيب هي عاوزه تكحل شفتاه ..او خشمها..

يعني مثلا لمن نحن الرجال نريد ان نحلق (الذقن).. بننفخ (الجضوووم)
نفسها لانها هي المستهدفه .. ولا شنو؟؟؟


كم انا سعيد بوجودك
تحياتي وودي

بعدين انا تانى عندى ملاحظه !!
لما يكونو بتكحلوا بالمرواد بقومو
يرفعوه يعاينو ليه زى مقاس الزيت
يعنى الواحد تنضف المقاس بعيونها
وتانى تقوم تملاه كحل وكده..
والخشم فاتح..وبعدين ما فاتح طبيعى
معاه كعويجة شلاليف كده..
لوووول ..
ما يصحن البنوت الفقرات ديل ويجن جاريات
انا ما قلت اى شى ..
طبعا كلام الليل يمحوه الوعى...
احم احم،،،،

ـــــــــ
استاذ صديق
سلامات ...

Quote: بعدين انا تانى عندى ملاحظه !! لما يكونو بتكحلوا بالمرواد بقومو يرفعوه يعاينو ليه زى مقاس الزيت يعنى الواحد تنضف المقاس بعيونها وتانى تقوم تملاه كحل وكده.. والخشم فاتح..وبعدين ما فاتح طبيعى معاه كعويجة شلاليف كده.. لوووول .. ما يصحن البنوت الفقرات ديل ويجن جاريات انا ما قلت اى شى .. طبعا كلام الليل يمحوه الوعى... احم احم،،،،

طيب حيسيات النظرة في حدي ذاتها شنو؟؟؟
نظرة تمام وإلا نظرة اعجاب ..

متعة الملاحظة في (الكعوجة) ذاتها (ودة بيت القصيد)..


والله محن حقيقية
شكرا ليك يا سيدي الفاضل

السبب هو
أن عيوننا ترمش الآف المرات في اليوم .. وحينما تشرع المرأة لزخرفة عينيها يجب أن توقفها عن الرمش ، فتفتح فمها غالباً كرد فعل لتوقف رمش عينيها .. ثم أن فتح الفم يشد عضلات الوجه وضمنهاالتي تتحكم في الجفون وتبقى الرموش مشدودة في وضع ثابت فيصبح من السهل رسمها أو صباغتها بالكحل . هذه كل القصة وراء الفم المفتوح...

Quote: لماذا تفتح المرأة فمها عندما تكحل عيناها ؟!

لأنها فُل أوتوماتيك!

ـــــــ
الاخ العوض الطيب
سلامي وتحياتي

Quote: لأنها فُل أوتوماتيك!

حلوه اوتو ماتيك ..علي وزن الهيدروليك ..


شكرا لمرورك الجميل ولطيف
ودي

ـــــــــــ
عثمان ...سلامات ياحبيب ..

Quote: السبب هو أن عيوننا ترمش الآف المرات في اليوم .. وحينما تشرع المرأة لزخرفة عينيها يجب أن توقفها عن الرمش ، فتفتح فمها غالباً كرد فعل لتوقف رمش عينيها .. ثم أن فتح الفم يشد عضلات الوجه وضمنهاالتي تتحكم في الجفون وتبقى الرموش مشدودة في وضع ثابت فيصبح من السهل رسمها أو صباغتها بالكحل . هذه كل القصة وراء الفم المفتوح...

والله اجتهد ابدا ماقصرت .. وخليك متابع معانا نشوف اخرتها شنو؟؟

لكن يااخوي عثمان بالعكس تماما يعني الواحد اذا عاوز ياكل ..هل من
الممكن لازم يغمض عيونه .؟؟؟

سلمت وشكرا ليك كثير

Quote: لماذا تفتح المرأة فمها عندما تكحل عيناها ؟!

عشان اضانة ما تقع

Quote: لماذا تفتح المرأة فمها عندما تكحل عيناها ؟!

___
كل مُيسر لما خلق له

ـــــــ
اخونا خدر سلامات
زاتنا البركه..

Quote: كل مُيسر لما خلق له

كلامك صحيح لكن الرابط بين المخلوقين ديل شنو.. ؟؟


تحياتي ليك خدر

ـــــــــ
عبدالرحمن عبدالله
كيفك ياخيف الظل

Quote: عشان اضانة ما تقع

قلت لي عمليت (تقطيف اضان )وكدا

والله خليتني اضحك بصوت عالي

شكر ليك كثير اخي عبد الرحمن عبد الله

Quote: لماذا تفتح المرأة فمها عندما تكحل عيناها ؟!

من غير ليه

ــــــــ
الدكتور ود الطيب
مشتاقين وحياتك ..

Quote: من غير ليه

انا زاااتك في البدايه قلت امكن ساكت
ومازن كمان قال ساكت ..




شكرا ليك لمرور الانيق
تحياتي وودي

Quote: لماذا تفتح المرأة فمها عندما تكحل عيناها ؟!

علشان تتكحل
تحياتى عماد وتسـلم يارب

Quote: لماذا تفتح المرأة فمها عندما تكحل عيناها ؟!

لانها ما بتقفل عينيها لما تاكل

ومافيش حد احسن من حد

ــــــــــــــ
الاستاذ العملاق فيصل ..
يا الف ثلثميه مرحبا

Quote: لانها ما بتقفل عينيها لما تاكل ومافيش حد احسن من حد

اظن اهل مكه ادري بشعابها
بس اهل مكه مادايرين يطلعوا من الوادي
علشان يورونا ..
تحياتي وودي

ــــــــــــ
الاستاذه واختي مني

Quote: علشان تتكحل تحياتى عماد وتسـلم يارب

يعني جات تتكحل (تبظت) اقصد فتحت فمها..



دائما حضورك مرتقب

وحافل بالاناقه

محبتي

]
It’s the same as when you put your contact lenses on. Not all women do that though, and not at all times. Majority women do this, and there are a couple of physiological explanations; when opening the mouth, the muscles around the eye corner are relaxed, tugging on the skin around the eyes a lot less. That also freezes the muscles around the eye and make them blink less (which helps with applying the make up or putting contact lenses on). Also, in order to apply mascara effectively, women tilt the head back and when you do that the muscles in the neck, which are attached to the lower jaw, are pulled and the mouth is automatically opened.


adoooona giroooooooshna

:-)

سلام عماد
موضوع جميل لمناقشة ظاهرة

طيب الرجل لمل يحلق دقنو تلاقاهو مقلع عيونو
ونافخ جضمو
,وسادى خشمو

ـــــــ
عبد العظيم احمد
تحياتي ..

Quote: طيب الرجل لمل يحلق دقنو تلاقاهو مقلع عيونو ونافخ جضمو ,وسادى خشمو

انت الجميل ..

كلام صيحيح وقوة ملاحظة في مكانها..

تقديري

ـــــــــــ
الاخت رحاب خليفه
سلامي ..

Quote: ] It’s the same as when you put your contact lenses on. Not all women do that though, and not at all times. Majority women do this, and there are a couple of physiological explanations; when opening the mouth, the muscles around the eye corner are relaxed, tugging on the skin around the eyes a lot less. That also freezes the muscles around the eye and make them blink less (which helps with applying the make up or putting contact lenses on). Also, in order to apply mascara effectively, women tilt the ######### back and when you do that the muscles in the neck, which are attached to the lower jaw, are pulled and the mouth is automatically opened. adoooona giroooooooshna :-)

الاخت رحاب خليفه بتقول هو تماما مثل وضع عدساتك اللاصقه
وليس كل النساء يعملن تلك ... ولا علي الاطلاق وفي بعض الاوقات

نساء اغلبية يعملن هذه .. وبيقول هناك تفسيران عندإفتتاح عضلات
الفم حول زاوية العين مرتاحة جري علي جلد حول العين الكثير..
الذي يجمد العضلات ايضا حول العين ويجعلهم يرمشون اقل ..
(الذي يساعدون بتطبيق الصنع فوق او يضعون العدسات اللاصقةعلي)
ايضا لكي تطبق مجمل رموش عمليا تميل النساء يدعم ومتي انت تعمل
العضلات الرقبةالتي ترطبت بالفك الاسفل تسحب والفم يفتح اليا ...

طيب ده كلام علمي طبي بنسبة عاليه اختي رحاب...؟؟

لكن السؤال ليه نحن الرجال لمن نحلق (الذقن)الصالون ..
لا نتحتاج الي نفخ (الشقين من الوجه).. ح تقولي لان الحلاق هو بيقوم
بشد الوجه .. اذان العمليه لا ارادية ..!!!




وشكرا ليك رحاب وخليك معانا
اتمني ان اكون اوضحت ماكتبتبه ولو قليلا
تحياتي

shokraaaan ya Imad

illa ajeekom min computer al beit later in shaa allah

washan al3arabi o kida :-)

ياعماد الطيب

المرأة ما بتفشي أي أسرار تتعلق بعمرها الحقيقي أو شئ يتعلق بجمالها .

عشان كدي السؤال دا ممكن توجهو للرجال البتكحلوا

أتذكر كان في ضابط شرطة شفتو في مطار الخرطوم قبل عشرة سنين كان مكحل وشايل ليهو سبحة كبيرة ، وكمان في عدد كبير من الشباب في السودان بتكحلوا (لا أعلم هل مرجعهم في ذلك ماورد في السيرة أن الرسول الكريم كان يكتحل) ؟

إضافة إلى ماقاله الأستاذ صديق الموج : هو متين النسوان بقفلوا خشمهم ماطوالي قرقر قرقر نق نق نق : قالوا في قاضي في المحكمة والشهود في القضية كلهن نسوان وكلهن بتكلموا في وقت واحد والقاضي يشيل ويضرب في الطربيزة بالشاكوش مافي فائدة ماديرات يسكتن . قام في النهاية قال ليهن أكبر واحدة فيكن هي بس المسموح ليها تتكلم في البداية . فعم السكوت أرجاء قاعة المحكمة كأن على رؤسهن الطير

ــــــــ
الاستاذالازهري
مقامك رفيع لثلجت صدر البوست

Quote: المرأة ما بتفشي أي أسرار تتعلق بعمرها الحقيقي أو شئ يتعلق بجمالها .

طيب ما نكون جمعية نسميها انزاع اسرار المرآه ...

Quote: عشان كدي السؤال دا ممكن توجهو للرجال البتكحلوا

اها والجماعة البيتكحلوا ديل برضو بيفتحو شخومهم ؟؟؟
كان كدا الرماد كال حماد
استاذ صديق كان الكلام ده طلع بيفتحو خشومهم (محن ام البلاوي)

Quote: أتذكر كان في ضابط شرطة شفتو في مطار الخرطوم قبل عشرة سنين كان مكحل وشايل ليهو سبحة كبيرة ، وكمان في عدد كبير من الشباب في السودان بتكحلوا (لا أعلم هل مرجعهم في ذلك ماورد في السيرة أن الرسول الكريم كان يكتحل) ؟

والله صدقا لي كلامك ده انا شفت بس هم(ناس كبار) باكستانيه وبعض البنغاله وهندود
والدلال والكحل الماخمج مالي العين ظط

Quote: إضافة إلى ماقاله الأستاذ صديق الموج : هو متين النسوان بقفلوا خشمهم ماطوالي قرقر قرقر نق نق نق : قالوا في قاضي في المحكمة والشهود في القضية كلهن نسوان وكلهن بتكلموا في وقت واحد والقاضي يشيل ويضرب في الطربيزة بالشاكوش مافي فائدة ماديرات يسكتن . قام في النهاية قال ليهن أكبر واحدة فيكن هي بس المسموح ليها تتكلم في البداية . فعم السكوت أرجاء قاعة المحكمة كأن على رؤسهن الطير

وبكل وضوح دي شهاده منك علي النساء واخفاء الحقائق العمرية بالتالي
من الممكن اخفاء حقائق اخري ..!!!
لكن كل الشكر للمرآه التي جاءت لهذا البوست

والشكر موصولا لك استاذي ازهري
وتحياتي وتقديري

Quote: طيب اذا حركه لا ارادية ليها بتنطبق عليهن كلهن؟؟؟

إلا سلمى
لوووووول...

شول اشوانق
_______________________
عماد وسلمى إنشالله كلكم طيبين؟
الموج لكن ما بالغت عديل كده ... أعمل حسابك من المدام ما يقرا الكلام ... أحسن تشوف البيحلك منا منو!!!

عماد ملاحظة جيدة وفي محلها ولها اسبابا
من ضمنها التركيز الشديد وهذا بحكم ملاحظتي لام أحمد زوجتي
ثانياً شفتا نوعية صديق الموج ده ياهو البطفش لينا الجكس من المنبر
وفي البيت يقعد زي الحمل الوديع يأخي عليك الله الحياة دي بتمشي من غير
الجنس اللطيف , يأخي خلي عندك نظر الموجة التغرقك

ــــــــــ
استاذنا وشاعرنا
المرهف الحِس :
هاشم أحمد خلف الله

Quote: ملاحظة جيدة وفي محلها ولها اسبابا من ضمنها التركيز الشديد وهذا بحكم ملاحظتي لام أحمد زوجتي ثانياً شفتا نوعية صديق الموج ده ياهو البطفش لينا الجكس من المنبر وفي البيت يقعد زي الحمل الوديع يأخي عليك الله الحياة دي بتمشي من غير الجنس اللطيف , يأخي خلي عندك نظر الموجة التغرقك

والله العظيم الحياة من غير جكس بتنعدم نهااائيا..
والدنيا بتضلم عديل كده
لكن حقيقة كده هم بيفتحو خشموهن ليه ؟؟؟

مشكور لك الاضافه الحقيقة بشاهدتك
مجبتي وتقديري

ـــــــــ
شاعرنا المرهف


اعذرني ..

اتزحمت مع الردود ونسيت ان اقول لك

من كل قلبي...

الله يحفظ لك احمد وامه ...

تحياتي

ـــــــــ
الاخ: شول اشوانق دينق
سلامي ..وإن شاء الله انت تكوني مبسوطه

Quote: عماد وسلمى إنشالله كلكم طيبين؟

وحيات ديني وايماني ..
صورة برفايلك .. وابتسامه عريضه وبرئه
ترد العافية ..اكيد طيبنين بوجودك


تصدقي في غمرة فرح ونشوه بمرورك
محبتي وتحياتي

Quote: الموج لكن ما بالغت عديل كده ... أعمل حسابك من المدام ما يقرا الكلام ... أحسن تشوف البيحلك منا منو!!!

الرفيقه شول اشوانق ..اشواق كثيرة
اصلوا انا مهدد المدام كان اتكلمت معاى حا امشى اتزوج من الجنوب
وما حا ارجع تانى...
هى قالت لى انت ما عندك بقر ما بعرسوك
الاخوات فى الحركه هنا قالوا ليها صديق ده كان جاء بدون بقر بنزوجو
عشان كدى ما بتسالنى..
بعدين اختنا مارقريت قالت لى بس ما تطلب مرة طويله لانو اهلها
بطلبوا بقر كتير..
قلت ليها انا عاوز اسطر بيها اصلو؟
الاخوان هنا والاخوات كل مرة نلتقى بحكوا النكته دى..
لك منى عظيم التحايا..
بس انتى ما تكلميها ما بتجينى عوجه تب،،،

Quote: تفتح المرأة فمها عندما تكحل عيناها ؟!

يا عماد المرأة كائن يتمتع بخصائص فسيولوجية نادرة ومعقده
المرأة هى الكائن الوحيد الذى يرى خلفه وهو ينظر أمامه
فقط الجمل يمتلك هذه الخاصية الفسيولوجية.
المرأة يا عماد تبكى بدون غبن .
المرأة تضحك بدون فرح
المرأة بتلد عديل...تخيل !!
يا عماد المرأة هى الانسان الوحيد الذى يلد
فكرة الولادة فكرة مرعبة لكننا تعودنا عليها
المرأة تتوحم ....
تحب تنتقم...تتوحم تكره
أما بخصوص سؤالك عن الفم المفتوح اثناء التكحل
ربما هذاهو الطرف المرئى!!

عارضة الازياء اليك alek

from sudan

كمان صورة احرى

ــــــــــ
ياسلاااااام استاذ فيصل :







بدون كثير ثلج (انت مبدع)

لك كامل تقديري

عيعععع بنات حواء السودانية
والله فى عرض الازياء تسون العجب
عفيت منك يا أبو الفياصل
بعد قليل عارض الازياء السودانى

Quote: لماذا تفتح المرأة فمها عندما تكحل عيناها ؟!

تعرف يا عماد قررررررررب يسبقني عبد العظيم

الرجل برضو لامن يجي يحلق دقنو تلقى بكلوجو مرة يعوجو يسار ومرة يمين ومرة فوق ومرة تحت وهكذا وهكذا وهكذا

يتخيل لي الحركة دي مع كحل المراة بس الغلبتني ضواقت البينسة دي على قول سلمى والشايقييي

بس الجضم النضم تماما ( عمنا ) ود الموج لوووووووووووووووووول

بس تعرف يا صديق ده دليل على انو المراة بتحاول تحلل ( فتح الخشم ) الزمان يعني عاوزة تديك حقك طالما فتحت بقروش تخلي ليك مفتوح على طول


لووووووووووووول

غايتو انا بحرش الجندر عليك يا صديق




اها

ناهد بشير دي يا عمدة حولت ليها ولا لسع ؟؟

غايتو يا ناهد لو ما حول مافي مشكلة لامن اجي لناس الرفاعي والبورداب بمر عليك واديك الجائزة لا راجحي ولا يحزنون

بعدين في بوردابية ممتازة شديد اسمها مها عبد الله
عليك الله شوفي لينا اخبارا شنو

Quote: لماذا تفتح المرأة فمها عندما تكحل عيناها ؟!

حتى اذا وقعت حتة كوحلاية تحصلا بي لسانا
الكوحل غالي يا بوي .

ــــــــ
اخونا طلحه عبد الله
سلامات ..

Quote: حتى اذا وقعت حتة كوحلاية تحصلا بي لسانا الكوحل غالي يا بوي .

قلت لي فتحت الشخم لزوم (الشطرف) وكدا حلوه بقوه


طيب ممكن يسممها(كله مواد كيمائيه) ..
والساعة ديك عزرائيل هو اللي ح بيتسم

تحياتي وودي

أنا غايتو
شايف دا أظرف بوست
من يوم ما جيتكم....
عموما يمكن نسميه
( المرأة و الخشم المفتوح)
لأن يا أخونا حكاية فتح الخشم أو الفم أنا متحير فيها عديل

ــــــــــ
استاذا ابوالقاسم

Quote: أنا غايتو شايف دا أظرف بوست من يوم ما جيتكم.... عموما يمكن نسميه ( المرأة و الخشم المفتوح) لأن يا أخونا حكاية فتح الخشم أو الفم أنا متحير فيها عديل

ده كرم منك ..اشكرا بحرارة مفعمة

وملئية مودة ...
بس كمان انا ذاااااتي
محتار معاك في فتح الخشم ده
تحياتي

ـــــــــ
ود العمدة كيفك ياحبيب

Quote: الرجل برضو لامن يجي يحلق دقنو تلقى بكلوجو مرة يعوجو يسار ومرة يمين ومرة فوق ومرة تحت وهكذا وهكذا وهكذا

بس كمان في فرق بين الكلوجة وفتح الخشم .. والمسافه بين العين والخشم
ابعد من المسافه (الشدق والنك)..وكمان ذي ما اوضحت سابقا لمن نحلق الدقن
عند الاحلاق في الصالون ما (بنكلوج) خشمونا ..
طيب اششششش معنه هم بيكلوجن وبيفتحن خشمومهن ...؟؟؟

Quote: ناهد بشير دي يا عمدة حولت ليها ولا لسع ؟؟ غايتو يا ناهد لو ما حول مافي مشكلة لامن اجي لناس الرفاعي والبورداب بمر عليك واديك الجائزة لا راجحي ولا يحزنون بعدين في بوردابية ممتازة شديد اسمها مها عبد الله عليك الله شوفي لينا اخبارا شنو

ياود العمده لازم يكون عندنا حصل للبودراب انا وانت اقرب لينا
بودراب جده .. او انا وانت نعمل لينا بودراب ..
لكن الاول ممكن اتحاد مع (بودراب جده) وبالمره نتعرف عليهم كلهم
تحياتي وتقديري

ــــــــ
الاستاذ ابوالقاسم
سلامات ...

Quote: يا عماد المرأة كائن يتمتع بخصائص فسيولوجية نادرة ومعقده المرأة هى الكائن الوحيد الذى يرى خلفه وهو ينظر أمامه فقط الجمل يمتلك هذه الخاصية الفسيولوجية. المرأة يا عماد تبكى بدون غبن . المرأة تضحك بدون فرح المرأة بتلد عديل...تخيل !! يا عماد المرأة هى الانسان الوحيد الذى يلد فكرة الولادة فكرة مرعبة لكننا تعودنا عليها المرأة تتوحم .... تحب تنتقم...تتوحم تكره أما بخصوص سؤالك عن الفم المفتوح اثناء التكحل ربما هذاهو الطرف المرئى!!

اوفيت في شرح (فيزياءالمرآه)..

وكذلك ماخفيه اعظم ..

اعتقد ساعدتنا كثيرا في فك طلاسم المرآه بجدية تامه

لك التحية
ودي وتقديري

تحياتى ليكم كلكم

السبب عارفين المرأة بتتفأل بى فتح الخشم
لانه بعدو طوالى سدالمال وبتسد خشمة لحدى العقد
ولا ماصاح

ـــــــــ
ناجية ..
والتحية ليك انت كمان ..

Quote: السبب عارفين المرأة بتتفأل بى فتح الخشم لانه بعدو طوالى سدالمال وبتسد خشمة لحدى العقد ولا ماصاح

كان كده طالما ظهر التفأؤل ...
إن شاء الله ما ينسد الخشم ده..
ويكون مفتوح ذي دفتر القاضي ...
وإن شاءالله القاضي ذااااتو بعد سد المال ..
يربط العقد المابنقطع ابدا ..

تحياتي وتقديري

بتخيل لي عشان الوزنة
والله أعلم

ـــــــــــ
نها...
سلامات ..

Quote: بتخيل لي عشان الوزنة والله أعلم

نظام موازنة ....

علي وزن موازنة بين (ابوتمام والبحتري)


احتمال يانها لله في خلقه شئون .

شكرا ليك كثير وخليك متابعة

Quote: ويتحاج

شنو؟؟

Quote: درسه

درسة عدوك والجاد حسوك أوعي تكون دي دراسة

Quote: بيدقنن

Quote: راجعي الماسنجر عنك لك رساله

والله لكن جنس كبكبة

Quote: وسليه

وسل عنتر سيفه

Quote: زاتنا البركه

ونحن زاتنا

Quote: ياخيف الظل

خوف شديد؟؟

Quote: انا زاااتك في البدايه قلت امكن ساكت

كلام الطير في الباقير

Quote: شكرا ليك لمرور الانيق

الانيق منو؟؟

Quote: صيحيح

ماصيحيح

Quote: عندإفتتاح عضلات الفم

حيفتتحوا منو؟؟

Quote: لثلجت صدر البوست

عند ثلاجة

Quote: نسميها انزاع اسرار المرآه

كيف كيف؟؟

Quote: بيفتحو شخومهم

نوديك بوست لغة الراندوك بتاع وليد نشوف الشخوم دي شنو

Quote: الاخت شول اشوانق دينق

ده حبيب حبييييييييييييييييييب

Quote: فتحت الشخم لزوم (الشطرف)

تااااااااااااااااااااني

Quote: اشكرا بحرارة

غايتو جنس غايتو

Quote: الشدق والنك

عربيxأنجليزي معرب ولا شنو

Quote: الاحلاق في الصالون

دي جمع حلاق مش



والله لكن فت تراجي عديل كدة

ــــــــــ
ود الطيب ..

لزوم عصر الحجر شنو؟؟؟

لكن دقيقيك جاء ناااااعم ...



خلاص المره الجاية نحاول ماندرش الحروف طالما

ما جابت ليها (زياتين) اقصد محاسبين قانونين




ــــــــ
كدي خلينا من ده

ما إتصلت علي سامي ؟؟؟

ود الطيب وود الموج!!!!!!!!!!!!!!!!

مالكم يا جماعة دايرين ترفعوا لينا الضغط من الصباح ياخ؟

عليكم الله راجعوا مداخلة المعلم فيصل ود حلفا...
الصورة الفى البروفايل ده جايب لى هوا عديل كده ...



أخوكم شول اشوانق دينق
__________________________________
معلومة ليكم: مافى بت جنوبية إسمها شول ... البت بتتسمى أشول وأحياناً فى منطقة بور بالتحديد ممكن الولد يكون إسمو أشول لكن بت إسمها شول ده أصلو ما لاقانى.
الفى الصورة دى السودانية الــ super model أليك ويك.
بعدين يا موج لو جيتنا تانى ما هنعرس ليك ولو عرسنا ليك هندفعك غرامات تقيل (طبعاً انا واقف فى صف المدام)...

ـــــــــ
اخووووووونا شول اشوانق دينق
مرحبا بك ومتاسف جدا جدا ما كانت اقصد انو يجيك ضعط وكده

Quote: أخوكم شول اشوانق دينق __________________________________ معلومة ليكم: مافى بت جنوبية إسمها شول ... البت بتتسمى أشول وأحياناً فى منطقة بور بالتحديد ممكن الولد يكون إسمو أشول لكن بت إسمها شول ده أصلو ما لاقانى. الفى الصورة دى السودانية الــ super model أليك ويك. بعدين يا موج لو جيتنا تانى ما هنعرس ليك ولو عرسنا ليك هندفعك غرامات تقيل (طبعاً انا واقف فى صف المدام)...

بعدين العتب علي حكوماتنا.. وده دليل واضح علي التهميش
وفقرنا لثقافة جزء كبير من وطننا نجهله تماما ..ومنك نستفيد

لانو حكوماتنا بتتكحل وفاتحه خشمها علي الشمال فقط

لك العتبي حتي ترضي ياحبيب لا تزعل
تحياتي

Quote: Quote: الاخت شول اشوانق دينق ده حبيب حبييييييييييييييييييب

ياشول عاين لي دي يااااااااااااااخ

عماد

Quote: دقيقيك

تاااااااااااااااااااااااني




غايتو جنس سرحان غايتو




حأتصل عليهو اليوم أنشاء الله

ــــــــــ
ياخي انت الليله
المسلطك علي منو ده ؟؟











طيب قول اعد وخلااااص
خليت الصيدله وبقيت قبلت علي العربي
يعني كان جاك مريض بتصرف ليه طوالي
ابجد – هوز – حطي – كلمن – سعفص –
قرشت – ثخذ – ضظغ

(الدقائق وكشف الحقائق)..

ـــــــــ
طيب تعالي إنت نفسك ..
يااستاذا ...


اولا دقيقك باللهجة حقتنا بنقول كده ..

لكن إنت يا محمد بن مالك ( ألفية ابن مالك )

Quote: أنشاء الله

إن طبق عليك قول شاعرنا الكبير ابو الطيب المتنبي

لا تنهى عن عملا وتاتي بمثلة عارا عليك عظيما ..

وبذلك انت تقول انك انشأت الله انشاء (معاذ الله) ..
اما الصاح (إن شاء الله ) من انشأ ينشيء إي إيجاد ..

وقع ليك الدرس ده .. من الممكن ان يكون خطئي كيوردي(مطبعي)

أما خطاؤك يقودإلي جهنم



باقي البوست ده ح يكون حصة عربي (نحو وصرف )

علشان نكحل الحروف

ـــــــــ
ياود الطيب

قال تعالي (( أنا أنشأنهن إنشاء ))
آية 35 من سورة الواقعة ...اي أوجدناها إيجادا
فمن هذا ..لو كتبنا (( انشاء الله )) .. يعني كأننا نقول اننا اوجدنا الله -

تعالى الله علوا كبيرا - وهذا غير صحيح ..

اما الصحيح ...هو ان نكتب (( إن شاء الله )) ..فاننا بهذا اللفظ نحقق
تعالى الله علوا كبيرا - وهذا غير صحيح ..

اما الصحيح ...هو ان نكتب (( ان شاء الله )) ..فاننا بهذا اللفظ نحقق

هنا ارادة الله عز وجل ، فقد جاء في معجم ( لسان العرب ) ...معنى

الفعل شاء ..= ..أراد ، فالمشيئة هنا هي الإرادة ...فعندما نكتب ((ان شاء الله ))

كأننا نقول ..بارادة الله نفعل كذا ..، ومنه قول الله تعالى (( وما تشاؤن الا ان يشاء الله ))

الاية 30 من سورة الانسان ..

فهناك فرق بين الفعلين ( انشئ اي اوجد ) والفعل ( شاء اي اراد ) ...

فيجب علينا كتابة (( ان شاء الله )) و تجنب كتابة (( انشاء الله )) للاسباب السابقة الذكر

من كتاب((شذور الذهب )) .. لابن هشام
منشور علي النت ..

عماد

استفدنا من الدرس

ـــــ
استاذ فيصل ..

Quote: استفدنا من الدرس

الكل منا بيخطاء وده شيء طبيعي ..
لكن ود الطيب الصيدلي عاوز يحاسبنا علي
الحروف البننساها سهوا و(عاوز يبيع المويه في حارتنا)..
وما عجبوا بوست إلا بوستي ده .. التقول (موصي)

تسلم ياسيدي ..

تحياتي

أديك معلومات عن حركات المراة الاإرادية غير فتح الخشم عند الكحل

برضو المرأة تحك فروة رأسها عندما تستيقظ من النوم

وتهز أرجلها بسرعة حينما تكذب

وتنظر إلى أعلى بطرف عينيها حينما تعد الفلوس

وتغمض عينيها حينما تتذكر آخر شمار قيل لها

وتجر البلوزة بشدة إلى أسفل عندما تكون قصيرة

وترفع التوب فوق كتفهاعند المشاكل

رأيك شنو؟

ـــــــــــ
الاخ صلاح أبودية..

اولا مرحبا بك في سودانيز ...

وحمدا لله علي سلامة وصولك ..

Quote: أديك معلومات عن حركات المراة الاإرادية غير فتح الخشم عند الكحل برضو المرأة تحك فروة رأسها عندما تستيقظ من النوم وتهز أرجلها بسرعة حينما تكذب وتنظر إلى أعلى بطرف عينيها حينما تعد الفلوس وتغمض عينيها حينما تتذكر آخر شمار قيل لها وتجر البلوزة بشدة إلى أسفل عندما تكون قصيرة وترفع التوب فوق كتفهاعند المشاكل رأيك شنو؟

والله إنت بينت لنا محناناً جديدة .. تشكر عليها

لكن ضروري الاستاذ صديق الموج يفتي لنا في هذا الامر..


والله خليتي ميت من الضحك الله يجازي محنك ياصلاح اخوي

قلت لي التوب بتلفه عمه .. اصبحت مسترجله

والله إنت مبدع وخطير

فلك التحايا وتقديري

No Hard Feelings emad.
زولكم الإسمو صديق الموج يجمع هنا ده.




تسلموا كلكم


شول اشوانق

ــــــــ
الاخ ..شول اشوانق

Quote: No Hard Feelings emad. زولكم الإسمو صديق الموج يجمع هنا ده. تسلموا كلكم شول اشوانق

لاتوجد مشاعر قاسيه ..

اعلم ذلك جيّد لا منك ولامني .. بكل مشاعرنا

(مديده) عديييييل كده...

والان ادعو معك حضور الاستاذ صديق الموج ..

ضروري لموضوعين

تحياتي لكم جميعا..

Quote: كتابة (( ان شاء الله )) و تجنب كتابة (( انشاء الله ))

الفرق شنو هسي



لكن لميت فيني يا ابرويس

















عامل كتابتك الزي جري الحوص دي

ـــــــــ

Quote: الفرق شنو هسي لكن لميت فيني يا ابرويس عامل كتابتك الزي جري الحوص دي

إذا ما فهمتها استاذا فيصل قال

ح يعيد شرحها ...تنظر

كان مستعجل بنعمل ليك درس عصر خالص بس طلع الضحاكات

علشان نحن في زمن العولمه والانتربول..

بس كمان انا لسع ماجمعت كراساتك (اقصد بوستاتك)

الله يستر ما يكون (لكشر)طويل عرض

ـــ
لكن من المفترض الواحد يدقق.. ويشاهد قبل النشر

تحياتي ياحبيب

Quote: الاخ: شول اشوانق دينق سلامي ..وإن شاء الله انت تكوني مبسوطه Quote: عماد وسلمى إنشالله كلكم طيبين؟ وحيات ديني وايماني .. صورة برفايلك .. وابتسامه عريضه وبرئه ترد العافية ..اكيد طيبنين بوجودك تصدقي في غمرة فرح ونشوه بمرورك

تعدل المداخلة ده وللا أنادى ليك إيمان

العارف يجاوبني بالجد كدي وحاة النبي جد محتارة

Quote: عامل كتابتك الزي جري الحوص دي

هههههههههههههههههههههههههههههههههههههههههههههههاىىىىىىىىىىىىى

ــــ
فوق

من اجل


المرآه


التي تريد


الكحل

ياسلام كحل وبينسه....

ما في قشه مره نجرب معاكم ورانا شنو

الاولي بتفتح خشمها...

لتصل قمة التركيز وحتي لايتحرك اللسان بالكلام..

كدي كل واحد يجرب ...

افتح خشمك فتحت كحل....

ستجد انك ما ح تقدر تتكلم...

.وبكده تتكحل بمزاج وتركيز و ماتضبظ عينا...

ولو ما فتحت خشمها فتحت كحل...

تكلمت..

واكان تكلمت تحركات عضلات الوش..

والعين انطبظت....

وعنك ما تشوف النور...........

والبينسه دي ساهله..

هي ما بتضوقا..

هي بتوشوش ليها شائفا شعري شعر السرور..

والماعندها زيو بتبور...

وتديها سلوم..

وبكده تكون غشت البينسه وفتحتها بسنونا ...

وتكلت فتحت البينسه باصبعيها...

وثبتت شعرها....

اها رائكم..............: .



...

ــــــــــ
مجدي احمد
حبابك يازول ..

Quote: ياسلام كحل وبينسه.... ما في قشه مره نجرب معاكم ورانا شنو الاولي بتفتح خشمها... لتصل قمة التركيز وحتي لايتحرك اللسان بالكلام.. كدي كل واحد يجرب ... افتح خشمك فتحت كحل.... ستجد انك ما ح تقدر تتكلم... .وبكده تتكحل بمزاج وتركيز و ماتضبظ عينا... ولو ما فتحت خشمها فتحت كحل... تكلمت.. واكان تكلمت تحركات عضلات الوش.. والعين انطبظت.... وعنك ما تشوف النور........... والبينسه دي ساهله.. هي ما بتضوقا.. هي بتوشوش ليها شائفا شعري شعر السرور.. والماعندها زيو بتبور... وتديها سلوم.. وبكده تكون غشت البينسه وفتحتها بسنونا ... وتكلت فتحت البينسه باصبعيها... وثبتت شعرها.... اها رائكم..............: . ...

يعني كلامك .. اخي مجدي..
انو المساله حاله نفسية
تتمثل في (التركيز).و(التذوق)

طيب اسمعك النكة دي وامكن تكون سمعتها..
يقول ليك واحده شعرها طويييييل ..
فقاعدة تطل في المراية
وتسرح وتغني .. وبدون ماتشعر
وزعت الموسيقي علي اغنية (عازة في هواك)
وتترنح يمنة ويسري والمشط في الشعر كمنجة


بنفس الطريقه واحد شعرها شويه ماطويل
حاوله تمشيء علي (عازه في هواك)
ماظبطت
فقامت ابتكرت جلالة الطامه الكيزان
دفاعنا الشعبي ياه دي
واصبحت الاقاع قصير بقصر الشعر

شفت كيف الحاله 13 نفسيات
ياحبيب
شكرا ليك
تحياتي

عماد انت خرخار ولا شنو؟

اسي كلامي ده صح ولا ما صح؟
ادونا قروشنا

سؤالك عن الحلاقه ده ما ليهو اي علاقه بسؤال فتحت الخشم

يا رحاب
عاوزاهم بالدولار ولا باليورو
يا عماد أديها قروشها

ــــــــــ

Quote: يا رحاب عاوزاهم بالدولار ولا باليورو يا عماد أديها قروشها

استاذنا ابو القاسم ..
اوضحت لها ..

ولكن حتي بالسودان (هو جنيه ولا دينار)

المهم مهما يكون داقي الدلجة

بنحسبو ليها بالدايراه هي
تحياتي

ابو القاسم

الدورار الايامات دي ما نافع

ادونا سوداني























ابريل و كضبه

Quote: ابو القاسم الدورار الايامات دي ما نافع ادونا سوداني

يا عماد
أحسن ليك تديها قروووووووووووشها بالسودانى
انت ما عارف رحاب
هى قالت فتحت الخشم بالسودانى
يا أخوى ما تزوغ
نحن واقفين مع رحاب
___
يا رحاب أنا طبعا أبو القاسم ....يعن بقسم
القسمه ،،

مخلصكم أبو القاسم قور

ـــــــــ
استاذا المخلص ..

Quote: عماد أحسن ليك تديها قروووووووووووشها بالسودانى انت ما عارف رحاب هى قالت فتحت الخشم بالسودانى يا أخوى ما تزوغ نحن واقفين مع رحاب ___ يا رحاب أنا طبعا أبو القاسم ....يعن بقسم القسمه ،، مخلصكم أبو القاسم قور

والله تعرف في نساء كثيرات في المنبر ده لسع ماجونا
ورونا ليه بيفتحوا شخومهم ..عند الاكتحال


لكن اذا طلعت الاجابه صاح ده حقها لازم تاخذه

ـــــــ
رحاب ازيك ..

Quote: ابريل و كضبه

قسما ابريل ده مسكين (لفقوا فيه الكذبه بس)




لكن جاينا كحلها ح نقول(خدعة ابريل)

ــــــــ

Quote: عماد انت خرخار ولا شنو؟ اسي كلامي ده صح ولا ما صح؟ ادونا قروشنا سؤالك عن الحلاقه ده ما ليهو اي علاقه بسؤال فتحت الخشم

رحاب ازيك

طبعا اكيد ماني خرخار..

يازوله ما يهمك في لجان تحكيم وكده ..

ما عليك إلا ان تضع رقم حسابك ..

واذا عندك فيزا او ماستر كاردت او اميركن اكسبريس

علي الماسنجر

تحياتي

مرحباااااااااابكم في الصفحة التانية

























والله لكن يا عماد

قربتا تلحق آمنة بت عوض الكريم

ـــــــــ

Quote: مرحباااااااااابكم في الصفحة التانية والله لكن يا عماد قربتا تلحق آمنة بت عوض الكريم

ومرحبا بك وبامنه بت عوض الكريم

قصدي

























بت عبد الكريم

الاجابة شنو?

















.........

بعدـدا كله كمان بتسال

ـــــــــــ
الحبيب مهاجر تحياتي وسلامي

Quote: الاجابة شنو? ......... بعدـدا كله كمان بتسال

الاجابة منتظرينها من ستااات (الدلال)و(الحسن)




لكن شكلو كدا دلالن طبيعي مامزور

ــــــــــ

Quote: ـــــــــــ وصلتني رساله علي الايميل لماذا تفتح المرأة فمها عندما تكحل عيناها ؟! إذا لم تكن قد لاحظت بعد يمكنك أن تراقب من الآن وسترى أن النساء ، حينما يقمن بعملية تجميل عيونهن يفتحن أفواهن .. لماذا ؟! ليس طبعا لأنهن سيضعن الكحل على أسنانهن !! قد تقول أن فتح الأفواه هذه رد فعل .. ولكن رد فعل لأي شيء ؟! أنظر إلى الطفل : إنه يخرج طرف لسانه من بين شفتيه بينما يقوم بعمل دقيق كتلوين رسم أو تجميع سيارة صغيرة أو ربط حذائه أو كتابة كلمة متعددة الحروف . ويقول علماء النفس أن هذه الحركة رد فعل للتركيز عند الأطفال .. وهل تفتح النساء أفواههن أيضاً عند التركيز ؟ .. نتساءل إذن : لِم يفتحن أفواههن بدلاً من أن يخرجن أطراف ألسنتهن ؟ ولما لا يفتحنه حين يقمن بعمليات دقيقة أخرى كإدخال الحلق في ثقب الأذن مثلاً ؟!! والسبب هو طبعا ذكر السبب من خلال الرساله لكني لم انزله حتي نري الاراء..

Quote: حأتصل عليهو اليوم أنشاء الله

فصحى X عامية (X نجرانية خميس مشيطية نبطية طائزة!! - آى طائزة)











المهم ...

يا عمدة ما تخلّى الجكس يتكحل بسلام!

''السبب هو
.
.
أن عيوننا ترمش الآف المرات في اليوم .. وحينما تشرع المرأة لزخرفة عينيها يجب أن توقفها عن الرمش ، فتفتح فمها غالباً كرد فعل لتوقف رمش عينيها .. ثم أن فتح الفم يشد عضلات الوجه وضمنهاالتي تتحكم في الجفون وتبقى الرموش مشدودة في وضع ثابت فيصبح من السهل رسمها أو صباغتها بالكحل .
.
.
هذه كل القصة وراء الفم المفتوح...''




راني السماني

ـــــــــــ

Quote: ''السبب هو . . أن عيوننا ترمش الآف المرات في اليوم .. وحينما تشرع المرأة لزخرفة عينيها يجب أن توقفها عن الرمش ، فتفتح فمها غالباً كرد فعل لتوقف رمش عينيها .. ثم أن فتح الفم يشد عضلات الوجه وضمنهاالتي تتحكم في الجفون وتبقى الرموش مشدودة في وضع ثابت فيصبح من السهل رسمها أو صباغتها بالكحل . . . هذه كل القصة وراء الفم المفتوح...''

راني السماني ..

كيفك ياسمح يازين ..

كلامك المنقول ما قلنا غلط ابدا ..ولا انا نفسي كاتب الموضوع

كما اشرت منالاول جاءتني رساله علي الايمل ..

لكن عاوزين ندعم كلامك هذا من صاحب الشأن

او من الشخص الملاحظ..!

تحياتي وتقديري

ـــــــــــ

Quote: يا عمدة ما تخلّى الجكس يتكحل بسلام!

تبارك شيخ الدين ..

كيفك: يازول ..

والله ماحميناهم يتكحلوا ..اصلا ..


بس عاوزين يونا ليه بيفتحو خشومهم ..



طلتك جميله ومتكأه..

تحياتي

Quote: ولا انا نفسي كاتب الموضوع كما اشرت من الاول جاءتني رساله علي الايمل ..

سلامات عمدة..
مالك متضايق ياراجل؟
عارف انك كاتب في البداية الموضوع منقول من ايميل
وما عندي اي وجهة نظر في الحتي دي.
.
.
.
احكي ليك دي
قبل يومين في الكلية عندنا واحدي صاحبتنا في الكلاس
طلعت مكحلتها وقعدت تتكحل في نص الفصل..
وفي اثناء وضع الكحل قمت سالتها نفس السؤال اعلاه
" لماذا تفتح المرأة فمها عندما تكحل عيناها ؟!"
.
.
المدرس، باقي الفصل والكل انفقع بالضحك.. وصاحبتنا غلبا كميل الكحل
بقت عين والتانية لا..
.
.
وبتكون بتنعل في ابو خاشي لحدي اسع.



ودي
راني السماني

Quote: أن عيوننا ترمش الآف المرات في اليوم .. وحينما تشرع المرأة لزخرفة عينيها يجب أن توقفها عن الرمش ، فتفتح فمها غالباً كرد فعل لتوقف رمش عينيها .. ثم أن فتح الفم يشد عضلات الوجه وضمنهاالتي تتحكم في الجفون وتبقى الرموش مشدودة في وضع ثابت فيصبح من السهل رسمها أو صباغتها بالكحل . .

ولكل قاعده شواذ لي اسبوع اراقب في نفسي لما اجي اتكحل لقيت خشمي مقفول تماما تماما
اها بعد
كلام راني دا عرفت فن التكحيل وتاني هاك يا فتحه خشم مع سواطه العين

ــــــــــ
ماما الدومه ...ياسلااااام

القومه.. ليك.. للوطن متلها

Quote: ولكل قاعده شواذ لي اسبوع اراقب في نفسي لما اجي اتكحل لقيت خشمي مقفول تماما تماما اها بعد كلام راني دا عرفت فن التكحيل وتاني هاك يا فتحه خشم مع سواطه العين :

الله يدك العافيه ..

لكن انا عندي ملاحظه علي ملاحظتك لي نفسك ما بتدي النتيجه صحيحة ورايك شنو؟

فرحت بوجودك .. وضحكت من من سواطة العين ..يطول عمرك

تحياتي وتقديري

ــــــــ

Quote: سلامات عمدة.. مالك متضايق ياراجل؟ عارف انك كاتب في البداية الموضوع منقول من ايميل وما عندي اي وجهة نظر في الحتي دي.

اخوي راني معقوله ازعل منك ..لا والله

Quote: احكي ليك دي قبل يومين في الكلية عندنا واحدي صاحبتنا في الكلاس طلعت مكحلتها وقعدت تتكحل في نص الفصل.. وفي اثناء وضع الكحل قمت سالتها نفس السؤال اعلاه " لماذا تفتح المرأة فمها عندما تكحل عيناها ؟!" . . المدرس، باقي الفصل والكل انفقع بالضحك.. وصاحبتنا غلبا كميل الكحل بقت عين والتانية لا.. . . وبتكون بتنعل في ابو خاشي لحدي اسع.

قلت لي واحدة مولعة ومدلله والثانيه طافي نور
وفي القاعة كمان .. خليتني اموت من الضحك الله يجازي محنك

سلمت ياحبيب

ياعمدة












































أنت عاوزة تفتح شنو

ــــــــــــ

Quote: ياعمدة أنت عاوزة تفتح شنو

ـــــــــ
ياحبيبنا.. الموضوع ماتمني مني انا
هي ليه بتفتح خشمها عند ممارسه السواطه
في العين كما قالت د. الدومه



وقع ليك ياحبة