يا جماعة الناس ما بتعرِّف بنفسها ليه؟ بوست منتدي الذكريات بكلية الطب ذكرني!!!

الحقيقة فكرة بوست منتدى الذكريات بكلية الطب دا أعجتني جدا لاني مولع بالذكريات والأشياء القديمة وذكريات الناس الاجتمعوا في مكان واحد فترة من الزمن وتفرقوا والملفت ان هذا البوست بدا يبحت الأطباء بس الغريبة كل ما تهبش بروفايل واحد منهم تجد مافي اي شي يوريك أنه هو طبيب ولا هو وين؟؟ ولا ايش تخصصه؟؟ إلا القليل خاصة وأن أطباء السودان المساكين مشتتين في شتى أنحاء الدنيا

وقل ذلك في بقية الاخوة الأعضاء

نعم هناك بعض الأخوة لاسباب تخصهم يخفون معلوماتهم وهم معذورون في ذلك لكن اظن أن الغالبية يمكنهم ذلك من غير إشكالات

وأكبر فؤائد هذه الطريقة التعارف

فلو تدخلون واسطة أيها الأخوة للأخوة حتى يعرفونا بأنفسهم يكون أحسن والا كل أصحاب مهنة يعملوا نفس الفكرة لكن الفكرة الأولى أحسن عندي وقد يكون بعض الاخوة عندهم افكار اخرى في الموضوع او يؤيدون أو يعارضون ما سبق


مما أضحكني جدا في بوست منتدى الذكريات للأخ مجدي أضحك الله سنه:

Quote: ونحن في اول يوم جينا الداخليه كرت لنج ناس كوباني ديل كانوا قدامنا وجينا السفره كوباني وشلته كانو في اول الصف ولما فتحوا باب السفره كوباني وشلته ملصو نعلاتهم ودخلوا واخوانا الوراهم من بني برلوم ملصو ودخلوا وراهم ...وهاك ياضحك

تحياتي للأخ الدكتور مجدي والأخوة الأطباء

وكان ممكن اكتب الكلام دا في نفس البوست هناك لكن قلت افرده لعله ينبه لما أردت

والا ايش رايكم ؟؟؟؟

قايتو يا كمال يا اخوي بوستيك دا بيشيلو الهوأ كان ما اضفت لاسمك ة ..
او تشوف ليك شلة ترفعه ..
سامحني ..
بس دا الملاحظه..
ولا اقول ليك شوف مجموعة انضم ليها ...
واهو تضمن نااس ترفع ليك بوستاتك ...
ووقت الحارة يحموك ..من الكع كع ..
برضو سامحني ...
قلنا نرفع ليك بوستك يا اخوي ...
عشان نرفع معنوياتك ...
هههههههههههههههههه

Quote: قايتو يا كمال يا اخوي بوستيك دا بيشيلو الهوأ كان ما اضفت لاسمك ة او تشوف ليك شلة ترفعه سامحني بس دا الملاحظه ولا اقول ليك شوف مجموعة انضم ليها واهو تضمن نااس ترفع ليك بوستاتك ووقت الحارة يحموك ..من الكع كع

كلامك في محلو يا محمد

الشللية ظاهرة فعلا

لكن طبعا ما مهم حكاية الترفيع البلا قناعة دا اهم شي يكون الزول مقتنع بمناقشة الموضوع سلبا أو ايجابا

هو دا الموضيع دا هين الكلام الموضوعات الجاية لا قدام والمهمة والدايرة حماية من الكع كع على قولك

وشكرا لك أخي محمد على رفع المعنويات

Quote: قايتو يا كمال يا اخوي بوستيك دا بيشيلو الهوأ كان ما اضفت لاسمك ة .. او تشوف ليك شلة ترفعه .. سامحني .. بس دا الملاحظه.. ولا اقول ليك شوف مجموعة انضم ليها ... واهو تضمن نااس ترفع ليك بوستاتك ... ووقت الحارة يحموك ..من الكع كع .. برضو سامحني ... قلنا نرفع ليك بوستك يا اخوي ... عشان نرفع معنوياتك ... هههههههههههههههههه

محمد ابراهيم
حياك الله وبياك

يا زول انت قايل ود عكود دا مقطوع من شدرة

بوستو دا اكان خلاهو لولاد عمو ومشى نام حول كامل بيلقاهو فوق



دا ود عكود مأصل ومفصل


((ود اصول))

Quote: يا زول انت قايل ود عكود دا مقطوع من شدرة بوستو دا اكان خلاهو لولاد عمو ومشى نام حول كامل بيلقاهو فوق دا ود عكود مأصل ومفصل ((ود اصول))

شايقى بس ,,,
كفاااااااايه ,,,
نحن هنا يا ابو النسب نرفع ليك عشرين بوست
ولو انو البوست ما محتاج لانه حيوى ..
سلامات
ود المحجوب سلاماتانت ذاتك باين عليك الماركة المسجلة
البوست ظريف وحقيقى محتاجين لى حاجة زى دى
ولا شنو رايكم ؟؟؟
تحياتى لكما
ام وضاح

كان كدا يا كمال يا اخوي انت مسنود ...
انحنا لينا الله بس..
اها ودعتك الله مع الدكاترة ...

Quote: ود المحجوب سلاماتانت ذاتك باين عليك الماركة المسجلة البوست ظريف وحقيقى محتاجين لى حاجة زى دى ولا شنو رايكم ؟؟؟ تحياتى لكما ام وضاح

الأستاذة ام وضاح تحياتى


نحن الظاهر علينا بدون موارك على وزن البدون.


اها يا ستى صاحبى سيف اليزل ادم منكم؟؟

Quote: اها يا ستى صاحبى سيف اليزل ادم منكم؟؟

لوما مننا برضو مننا
اها شن قولك يا ود المحجوب

ام وضاح

الأخ كمال
السلام عليكم و رحمة الله

التعارف على أسس غير سياسية و فكرية من أكثر العوامل تقريباً للقلوب
و أنا شخصياً من المحبين لهذا النوع - مع أنه ليس هو الأساس - ، و كم
أسعد بلقيا زميل دراسة أو ابن منطقة ، و كثيراً ما صارت تأتيني مراسلات
و اتصالات من معارف قد نختلف مع بعض كثيراً في جوانب أخرى .

و صدقت يامحمد إبراهيم عثمان ، فالواقع في المنبر - للأسف - قائم على الشللية
أياً كان نوعها ، و إن شاء الله نكون سنداً لأهل الحق ، و نحسب أن منهم الأخ كمال
و مش عشان شايقي و لا عكودابي يا ود محجوب و يا أم وضاح !!

و المثل بيقول : ( الماعندها ضيل يحاحي ليها رب العالمين ) !!!

Quote: محمد ابراهيم حياك الله وبياك يا زول انت قايل ود عكود دا مقطوع من شدرة بوستو دا اكان خلاهو لولاد عمو ومشى نام حول كامل بيلقاهو فوق دا ود عكود مأصل ومفصل ((ود اصول))

تشكر أخي الكريم د عمر ود محجوب وبارك الله فيك

وما بتقصروا

"ود أصول" دي باقي لك ما بتجيب الهوى

Quote: شايقى بس ,,, كفاااااااايه ,,, نحن هنا يا ابو النسب نرفع ليك عشرين بوست ولو انو البوست ما محتاج لانه حيوى .. سلامات ود المحجوب سلاماتانت ذاتك باين عليك الماركة المسجلة البوست ظريف وحقيقى محتاجين لى حاجة زى دى ولا شنو رايكم ؟؟؟ تحياتى لكما ام وضاح

أختنا وأم أولادنا العزيزة أم وضاح كيف حالك والعيال ؟؟

وتشكرين على الكلمات الطيبة

وتحياتي للعيال

Quote: التعارف على أسس غير سياسية و فكرية من أكثر العوامل تقريباً للقلوب و أنا شخصياً من المحبين لهذا النوع - مع أنه ليس هو الأساس - ، و كم أسعد بلقيا زميل دراسة أو ابن منطقة ، و كثيراً ما صارت تأتيني مراسلات و اتصالات من معارف قد نختلف مع بعض كثيراً في جوانب أخرى .

صدقت أخي الطقي وكلامك في محلو التعارف مهم وهو ربح وقديما قيل معرفة الرجال كنز وفي زمن الانترنت دا معرفة الرجال والحريم كنز "دي طبعا لزوم ما تجي ناطة واحدة تمرقني من المنتدى بعدم ذكر الحريم"!!!!!!

تحياتي أخي كمال

ما يهمنا نحن القراء في الذكريات ليس كيف تشعر ولكن كيف تحكيها

على كل حال الفكرة غير جديدة هنا

توجد بوستات ذكريات لابناء مناطق وجامعات ومدن واحياء الى اخره

Quote: ما يهمنا نحن القراء في الذكريات ليس كيف تشعر ولكن كيف تحكيها على كل حال الفكرة غير جديدة هنا توجد بوستات ذكريات لابناء مناطق وجامعات ومدن واحياء الى اخره

الأخت فدوى شكرا لك والأمر كما قلتِ

فعلا توجد بوستات متفرقة لكن سرعان ما تذهب عشان كدة انا كنت داير التعريف يكون في المكان الثابت الذي لا يذهب وهذا طبعا حسب المستطاع وحسب ظروف كل شخص

الي الاخ كمال عكود وال عكود

لكم التحيه وشكرا لطرقك هذه النقطه التي يجب ان نقف عليها جميعا

فقد لاحظت الكثير من الالقاب يكتب تحت اسمها ما يشيب له الولدان...

طيب صاحب اللقب ده لو عرفنا بنفسه ما كان يكون احسن..

علي الاقل نعرفو مادام شيب الولدان....

وفيها نوع من الشجاعه وتحمل المسوؤليه فيما كتب ويكتب....

والا في الامر شئ من حتي....

ولي ذكريات جميله مع ال عكود الدكاتره

فقط ساختصر هنا انهم جد ناس حاره خاصة في رياض السعوديه

والتحيه للاخ د.عمر عكود واسرته بالرياض....

فقد قضينا معا ايام جميله ابان فترة عملنا بالسعوديه..

فهو اخو اخوان وله معزه خاصه......



ويااخي كمال لو سمحت ممكن تنزل بوستك معانا...

حتي لو بداية البوست فهي تكفي........

عشان نعمم الفكره ويكون جميل التداخل

ومرحبا بك في دارنا الذي هو داركم العامر

Quote: ويااخي كمال لو سمحت ممكن تنزل بوستك معانا... حتي لو بداية البوست فهي تكفي........ عشان نعمم الفكره ويكون جميل التداخل ومرحبا بك في دارنا الذي هو داركم العامر

شكرا لك دكتور مجدي وبارك الله فيك على الكلمات العاطرات في اهلك العكوداب

بالمناسبة دكتور محمد بادي ود عمي وزاملته فترة طويلة في الامارات كنا في شركة ادنوك سويا

بالنسبة لطلبك ابشر ولا يهمك

واصلا مثل ما أنا قلت لك كان النية انزله عندكم من البداية لكن قلت انبه على الموضوع بافراده هنا

وشكرا جزيلا لك

الاخ كمال

لك كل التحايا والاحترام

ومشكور علي الاستجابه

عليك الله لمنا في ودبادي بعد ما تبلغو سلامنا كلموا عن البوست

ودعوتنا له بالمشاركه

لو ما في احراج رسل لي تلفونوا علي الايميل[email protected]

وسلامي وشكرى لكل العكوداب

ما قلت لي د.عمر عكود اخصائى العظام في الرياض واذا كان قريبك برضو د.محمد عكود قريبك[ كده مظبوط

لك التحيه والشكر ودمتم/B]

Quote: و صدقت يامحمد إبراهيم عثمان ، فالواقع في المنبر - للأسف - قائم على الشللية أياً كان نوعها ، و إن شاء الله نكون سنداً لأهل الحق ، و نحسب أن منهم الأخ كمال و مش عشان شايقي و لا عكودابي يا ود محجوب و يا أم وضاح !! و المثل بيقول : ( الماعندها ضيل يحاحي ليها رب العالمين ) !!!

الاخ الفاضل عبد الرحمن

اولا اعرفك انا اكره الشلليه ولا احبذها اطلاقا ولا اتعامل معها
الاخ ود المحجوب دى اول مرة اتعامل معه وفى بوست بتاع الاخ كمال
والاخ كمال نفسه كتب لى لاول مرة فى بوست عيد الام من تلاتة اسابيع
يعنى ما عندنا شللية ابدا ولا احب ان يصفنى احد بالشللية انا قصدت
المداعبة عشان اولادى شوايقة وانا لا انتمى لقبيلة الشايقية .
ونحن اول من يقف مع الحق ,,,,,
تحياتى اخى كمال وآسفة اذا كتبت بانفعال ولكن كان لابد من الرد على الاخ الطقى
عشان سؤ الفهم الذى حصل ,,,,
ام وضاح

Quote: اولا اعرفك انا اكره الشلليه ولا احبذها اطلاقا ولا اتعامل معها الاخ ود المحجوب دى اول مرة اتعامل معه وفى بوست بتاع الاخ كمال والاخ كمال نفسه كتب لى لاول مرة فى بوست عيد الام من تلاتة اسابيع يعنى ما عندنا شللية ابدا ولا احب ان يصفنى احد بالشللية انا قصدت المداعبة عشان اولادى شوايقة وانا لا انتمى لقبيلة الشايقية ونحن اول من يقف مع الحق

أختي ام وضاح لكِ العتبى حتى ترضين

وفعلا أنا ما لاحظت عليك شللية الحمد لله وحقانية فعلا

والاخ الطقى ما ظنيت يقصدك انتِ كلامه عن عموم المنتدى

وحكاية الشوايقة دي ما فيها حاجة والشوايقة العلى الحق على الحق وعلى الباطل على الباطل

كغيرهم من اي جنس او قبيلة

بس الزول طبعا ممكن يعدهم لما تجي حكاية كع كع يا قول اخونا عثمان الله لا جابها

ومن باب

"ولو لا رهطك لرجمناك"

وشكرا لكِ أختي أم وضاح

Quote: عليك الله لمنا في ودبادي بعد ما تبلغو سلامنا كلموا عن البوست ودعوتنا له بالمشاركه لو ما في احراج رسل لي تلفونوا علي الايميل وسلامي وشكرى لكل العكوداب ما قلت لي د.عمر عكود اخصائى العظام في الرياض واذا كان قريبك برضو د.محمد عكود قريبك

أخونا دكتور مجدي

تحية طيبة

لميتك في ودبادي تب وأرسلت لك تلفونه وقبل شوية كنت بتكلم معاه وشجعته انه يسجل في المنتدى

وهو يسلم عليك وسيدخل اليوم على بوست الذكريات إن شاء الله

لاني شوقته وذكرت بعض الأشياء التي ضحكتني فيه منها قوله "الجنى دا من نجضنا تب "

بالنسبة لدكتور عمر عكود ابن عمي كذلك وما زال في السعودية لكنه ليس في الرياض الآن وإنما في المنطقة الشرقية

أما محمد عكود دا ما عرفته الا اعرف اسمه كامل

وتحياتي