Post: #1
Title: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-28-2007, 08:15 AM
Parent: #0
نداء إلى جميع خريجي مدرسة المؤتمر الثانوية - وفي مختلف بقاع العالم - للجمع هنا فهلا استجبتم ...
وأبدأ أنا : إبراهيم محمد الحسن دفعة 86 (دخلنا المدرسة 83/84) جامعة الخرطوم - كلية الهندسة مقيم بالمملكة العربية السعودية
|
Post: #2
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 04-28-2007, 09:03 AM
Parent: #1
الأخ / إبراهيم
تحية طيبة وسلام
شكرا ليك علشان فكرتنا بالأيام الخوالي.
بس ياخي دفعة كم دي خليها مستورة شوية.
عموما أنا أصغر من الباشمهندس / عبدالله الشقليني.
(عبدالله كان من قيادات الكديت - التدريب العسكري - مع عمك الصول العشا عليهو رحمة الله)
أنا كنت بحب الموسيقى مع عمك عبدالقيوم بعزف ترمبول لكن تركت الفرقة ولقيت أحسن العب
و اؤلف على كيفي بلأكورديون)
بس ياخي ما لازم تحرجونا : أنا دفعتين أكبر من خطاب حسن أحمد.
نسأل الله أن يمتعهم جميعا بالصحة والعافية.
الشكر ليك مجددا.
|
Post: #3
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-28-2007, 09:23 AM
Parent: #2
شكرا الأخ ابو خالد .. فأنت أول المستجيبين .. ونتمنى تكون دي نواة لتكوين رابطة خريجي المؤتمر .. بس انت ما وريتنا مكان إقامتك ..
|
Post: #4
Title: Re: تواصل خريجي مدرسة المؤتمر الثانوية - المدرسة الوطن
Author: ودالعباسية
Date: 04-28-2007, 10:15 PM
Parent: #3
يااااااااااااااه ،،
المؤتمر ،،،، زمن والله ،،
بس يا شباب انا ما قدركم ،، نحن الجيل البعدكم ،،،
البوست لازم يكون فوق ،،
تشكر يا حبيب لفتح البوست ،،
|
Post: #5
Title: Re: تواصل خريجي مدرسة المؤتمر الثانوية - المدرسة الوطن
Author: محمد المختار الزيادى
Date: 04-28-2007, 11:52 PM
Parent: #1
تحياتي وسلام اخر عهد لي بها في العام 1998 للاسف تراجعت كثيرا مثلها مثل الاخريات,فكرت ان ارفع بوست بخصوص بيعها ولكني لم اتحصل علي تأكيد لهذا الخبر فيما اعتقد هناك مشروع استثماري سياحي يمر بشمال المدرسة
|
Post: #6
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-29-2007, 06:16 AM
Parent: #5
التحية للأخوة المنضمين .. ود العباسية : الترحيب بكل الأجيال .. ده هو الهدف من البوست الزيادي : فعلا سمعت خبر بيعها .. وكم ألمني ذلك .. فالمؤتمر رمز وطني ومعلم بارز ..
|
Post: #7
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-06-2007, 08:06 AM
Parent: #6
up
|
Post: #8
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2007, 09:44 AM
Parent: #7
سلام خريجي المؤتمر .. وين المشاركات؟
العاوز يشارك وما عندو إشتراك في المنبر .. ممكن يراسلني على الإيميل بتاعي ([email protected])
|
Post: #9
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-29-2007, 10:37 AM
Parent: #1
تحياتى العاطرة للجميع حقيقة أيام المؤتمر لها ذكراها الخاصة الجميلة....l محمد مكى محمد خريج المؤتمر الثانوية دفعة 1978. استاذ جامعى وباحث اكاديمى مقيم بدبلن -جمهورية ايرلندا.
مقص.. (أنا ايضا كنت فى التدريب العسكرى لكن لم أحضر عم العشا...حيث تدربنا على يد الصول محمد الحسن -مشلخ مرسيدس. .) تحياتى لجميع الاساتذة الاجلاء:- الاستاذأمين خضر الزين..مدير المدرسة..
الاستاذ وكيل المدرسة(لم اتذكر اسمة) شعبة اللغة العربية. الاستاذ يوسف الخليفة الاستاذ بابكر ادريس (وكان مرشد الصف لثلاثة أعوام)
شعبة الفنون الاستاذ محمد سلام الاستاذ حسين شعبة التاريخ الاستاذ عمر مودى شعبة الجغرافيا الاستاذ حسن (حبو)..بعدها تحول لتدريس اللغة الانجليزية.. شعبة اللغة الانجليزية:- الاستاذ محمد الحسن.. الاستاذ أبو. شعبة اللغة الفرنسية:- الاستاذ عزالدين الاستاذ العجب شعبة العلوم:- الاستاذ بشير العوض (احياء). الاستاذ حسين عدلان (كيمياء). كذلك عدد من الاساتذة المصريين لتدريس الفيزياء. شعبة الرياضيات:- كانت تعج بالاساتذة المصريين منهم سعيد الخضرى وأستاذ آخر لقبناه ب (حيرم). اتذكر ايضا استاذ سودانى (من خريجى الزراعة)درسنا الهندسة التحليلية.
هنالك العديد من الاساتذة والمربين الاجلاء ارجو ان تساعدونى بالتذكر.
لكم المودة.. محمد مكى
|
Post: #10
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2007, 11:15 AM
Parent: #9
الأستاذ محمد مكي التحايا العطرة في رحاب المؤتمر .. انت متأكد إنك دفعة 78 ؟؟؟؟ لأني انا دفعة 83 .. وكل الأساتذة الأجلاء اللي ذكرتهم كانو موجودين في عهدنا .. أستاذ أبو كان مشرف فصلنا (أولى دقنة) و(ثانية بخاري) .. وأستاذ محمد الحسن كان المشرف في ثالثة إبن رشد حتى الألقاب لبعض الأساتذة الأجلاء على ما اذكر اطلقت عليهم من ناس دفعتنا .. ذي أستاذ حسن (حبو) بتاع الجغرافيا (وحيرم) بتاع الفيزياء .. أستاذ الرياضيات (خريج الزراعة) اسمه أبو القاسم .. وده برضو كان أول عهدو بالمدرسة مع دفعتنا ..
عشان كده انا مستغرب انك دفعة 78 !!!!!
|
Post: #11
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-29-2007, 11:38 AM
Parent: #1
الاخ ابراهيم لك التحية... بالنسبة لى فقد دخلت المؤتمر فى العام الدراسى 83/84..وتخرجت في العام 86/87.. شكرا للتذكير بلاستاذ ابو القاسم لة التحية عبركم. كان لى ان اذكر الاستاذ عبدالرحمن -تربية إسلامية(مازلت اذكر اللكنة المصرية التى يتحدث بها.. ..) زرت المؤتمر فى العام 2002 وحزنت كثيرا لما آلت إلية..
لى عودة للحديث عن ذلك. محمد مكى
|
Post: #12
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2007, 11:45 AM
Parent: #11
الأخ محمد مكي انا برضو دخلت 83/84 واتخرجت 86/87 ![](http://www.sudaneseonline.com/db/smilies/smile.gif) يعني طلعنا دفعة ... بس معليش الكبر حصل وما اتذكرتك ... انت كنت في ياتو فصل ؟ ما تقول لي أولى دقنة !!!
|
Post: #13
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2007, 11:53 AM
Parent: #12
من الأساتذة الأجلاء ايضا : أستاذ أحمد موسى (لغة عربية) أستاذ كامل (أبو التيمان) .. لغة انجليزية .. وده ما درسنا .. نحن درسنا استاذ أبو في السنة الأولى والثانية وأستاذ محمد الحسن في سنة ثالثة ..
|
Post: #14
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-29-2007, 12:02 PM
Parent: #1
ابراهيم الدفعة فصل أولى ما بتذكرة لكن كنت فى ثانية زمخشرى وتالتة ابن رشد (فصل الاحياء الكبير وكنا بنلعب فية كرة الشراب خلف الادراج (للتاريخ كان هذا الفصل قاعة للسينما....لما المؤتمر كانت بخيرها.) سلام يا صديقى الفاضل محمد
|
Post: #15
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2007, 12:11 PM
Parent: #14
ثانية زمخشري ؟.. إذن انت كنت أولى نجومي ..
ابن رشد ده كان فصل (الرياضيات التخصص) .. بس اعتقد كان معانا مجموعة من ناس الأحياء في الفصل وبقية ناس الأحياء كانو في فصل (ابن حيان) اذن انت كنت ضمن المجموعة المعانا في ثالثة رشد !!! بالله شوف؟
من ناس دفعتكم في زمخشري بأتذكر : عادل غندور ... علي عمر عوض ... أكرم يوسف ... سقراط .. فاكرهم ديل؟؟
ياخي حيرتني .. وياريت لو شفت ليك صورة عشان افتكرك ![](http://www.sudaneseonline.com/db/smilies/smile.gif)
ده ايميلي : [email protected] يا ريت نتقابل في المسنجر
|
Post: #16
Title: Re: تواصل خريجي مدرسة المؤتمر الثانوية - المدرسة الوطن
Author: bayan
Date: 05-29-2007, 01:07 PM
Parent: #15
ابراهيم محمد زين
دفعة 1975
جامعة الخرطوم - كلية الاداب
يعمل استاذ بالجامعة العالمية الاسلامية بماليزيا..
|
Post: #17
Title: Re: تواصل خريجي مدرسة المؤتمر الثانوية - المدرسة الوطن
Author: Osman Malik
Date: 05-29-2007, 01:25 PM
Parent: #1
عثمان مالك دفعة 83-84 Michigan, USA ابدا فلتحيا المؤتمر
|
Post: #18
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-30-2007, 07:06 AM
Parent: #17
الأخ عثمان مالك .. لك التحية >> , وشكرا على المرور انت برضو دفعة 83 ؟؟؟ يعني دخلت المدرسة 83 ؟؟ إذن برضو دفعة !!! كنت في ياتو فصل؟
|
Post: #19
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-30-2007, 10:18 AM
Parent: #18
up
|
Post: #20
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-30-2007, 10:31 AM
Parent: #1
تذكرت أنى كنت فى فصل أولى عنجة... الاخ مالك الف مرحب يادفعة..حاول تتذكر فصولك... محمد مكى
|
Post: #21
Title: Re: تواصل خريجي مدرسة المؤتمر الثانوية - المدرسة الوطن
Author: Solafa Alagib
Date: 05-30-2007, 10:52 AM
Parent: #20
طبعا انا ما من الخريجين لكن عجبتني الذكريات الصادقة وجميلة فعلا وشكلكم ناس عجايز دايرين يجددو شبابهم....انا مولودة شهر 12سنة 78عشان كدا قلتا عجايز.واصلو الذكريات نحنا حقيقة مستمتعين د:سلافا العاقب
|
Post: #22
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-30-2007, 11:03 AM
Parent: #1
الاخوة الاعزاء خريجي المدرسة المركز المؤتمر الثانوية آم درمان اشكركم علي هذا البوست الجميل الذي جدد فينا الحياة قبلت بمدرسة المؤتمر الثانوية في أغسطس عام 1983 قادماً من مدرسة أم درمان الاميرية كمعظم ابناء الاحياء العتيقة بام درمان حيث اسكن بحي الامراء بالعباسية ومعظم الموجودين بهذه الصورة كانوا يسكنون ما بعيدين عن تلك المناطق وامتحنت الشهادة في مارس 1986 ايام الانتخابات بتاعت الانتفاضة وكانت ايام
درست بفصل اولي مهدي (كان ابو فصلنا المربي الفاضل بابكر ادريس استاذ اللغة العربية وهو من توتي وكان لقبه بابكر فلاح ) ولا اتذكر اسم الفصل في سنة ثانية ( وكان ابو فصلنا استاذ الفنون سلام ثم تحول الي استاذ الفرنساوي عزالدين) ودرست سنة ثالثة بابن رشد ( وكان ابو فصلنا استاذ اللغة الانجليزية محمد الحسن)
![](http://www.sudaneseonline.com/u/_____________________________1985.jpg)
اخذت هذه اللقطة علي ما اذكر عام 1984 لطلاب فصل اولي مهدي وشرفنا بالتصوير معنا الاستاذ بابكر ادريس ابوالفصل الجلوس علي الارض من اليمين: المغطي وجهه خالد بابكر يحي، ---،---، نادر وناجي التيمان ابناء استاذ الانجليزي ابراهيم كامل، عبدالله عباسية، خالد سعود، علاء الدين تيه، جمال حسن الجلوس علي المقاعد من اليمين: عمر الجزلي، الاستاذ بابكر فلاح، مصطفي مختار كاكوم، ناصر، جمال اليماني الوقوف من اليمين: محمد احمد حسن (الجقر)، محمد حيدر(انا) وفي الخلف زميل عراقي لا اذكر اسمه وان كنت اذكر ان كان بهائي الديانه، اشرف شبو،-----، محمد الفاتح السراج، محمد رافع السناري، محمد احمد(اولاد امبده)، منصور بابكر، وفي الخلف عبدالرحمن حجر، فيصل التهامي، معاذ محمد صالح،------- الوقوف علي المصطبة من اليمين: -----، خليل محمد خليل، وفي الخلف بابكر دلدوم، حسن موسي، ابراهيم بصلة، حسام عباس عبدالعال، مجدي محمد، طارق إدريس عفوا لعدم تذكري بعض الاسماء لكنهم اصدقاء مع الود
|
Post: #23
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-30-2007, 11:32 AM
Parent: #22
محمد حيدر ... لا حول الله .. وينك يا راجل .. زمن طويل .. اتذكرتني ؟ طبعا نحن دفعة من أمدرمان الأميرية .. بس تعرف شكلك اتغير شديد !!! تحياتي .. وشكرا للمرور
|
Post: #24
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-30-2007, 11:36 AM
Parent: #1
باللة يا محمد حيدر دة انت ?يا خى اتغيرت توتالى...تحياتى لك اينما كنت.. محمد مكى تتذكر ايامنا فى الكديت?
|
Post: #25
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-30-2007, 12:09 PM
Parent: #1
الاعزاء ابراهيم محمد الحسن ومحمد مكي صباح جميل الخلانا نقابلكم شكرا علي الذكريات
وبقول للمتداخلة د. سلافة العاقب كبرنا وكبرت احزانا وانتو كبرتوا زدتوا حلاة
حاليا اقيم بمدينة روشستر بولاية نيويوك ومن سنة 1989 ما رجعت السودان انشاء الله عما قريب مع الود
|
Post: #26
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-30-2007, 12:24 PM
Parent: #25
Quote: وبقول للمتداخلة د. سلافة العاقب كبرنا وكبرت احزانا وانتو كبرتوا زدتوا حلاة |
محمد حيدر انت لسة ما بطلت حركاتك دي ؟ الغربة الطويلة ما غيرتك ؟
سلام
|
Post: #27
Title: Re: تواصل خريجي مدرسة المؤتمر الثانوية - المدرسة الوطن
Author: Osman Malik
Date: 05-30-2007, 05:25 PM
Parent: #1
ابراهيم, ما تفضحنا ياخي, تخرجت 84 قرايبي مصطفي كاكوم و ابراهيم إقبال كانوا دفعتكم.
|
Post: #28
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-30-2007, 11:41 PM
Parent: #27
1000 سلام لجميع خريجي مدرستنا العريقة ...
أخوكم: حسن زمراوي محمد عثمان - دفعة 1989 المتوسطة: أبوكدوك - دفعة 1986 الإبتدائية: كرمة البلد بديار المحس ثم أبي سعد (ب) الإبتدائية بالفتيحاب - دفعة 1983 مقيم بمدينة شيكاغو بأمريكا
فعلا المدرسة تراجعت كثير في مستواها، حتي إنو مدرسة الضو حجوج أصبحت أفضل بكثير من المؤتمر لأنو الضو حجوج عملوها مدرسة نموذجية.
عندي ليكم أخبار كتيرة عن المدرسة وعندى تلفون أستاذنا الجليل/ محمد الحسن احمد رجب اللي كان معلم اللغة الإنجليزية في زمنا والآن هو مدير المدرسة وأنا على إتصال به، وإبنه "خالد" كان من الخريجين من مدرسة أبي كدوك السنة الماضية - دفعة 2006 وكان من الطلبة الذين كرمناهم بحصوله علي "جائزة المثابرة" من رابطتنا الشامخة "رابطة خريجي مدرسة أبي كدوك النموذجية". ونسبة لأن كثير ممن درسوا بالمؤتمر أتوا إليها من مدرسة أبي كدوك المتوسطة ولمزيد من التفاصيل نرجو زيارتكم لنا في هذا البوست:
أخوكم: حسن زمراوي محمد عثمان خريج مدرسة أبي كدوك المتوسطة - دفعة 1986
|
Post: #29
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-31-2007, 06:56 AM
Parent: #27
Quote: ابراهيم, ما تفضحنا ياخي, تخرجت 84 قرايبي مصطفي كاكوم و ابراهيم إقبال كانوا دفعتكم. |
الأخ عثمان مالك التحايا العطرة ومرحب بالأجيال الأسبق .. أيوة مصطفى مختار وابراهيم إقبال ومعز بابكر مالك كانوا في دفعتنا .. إبراهيم إقبال قابلتو قبل كم سنة في جدة .. بس بعد داك أخبارو انقطعت .. فأيه أخبارهم جميعا .. لهم التحايا عبركم ..
|
Post: #30
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-31-2007, 08:29 AM
Parent: #29
وصلتني رسالة عبر البريد الإلكتروني من الأخ/ هاشم .............
Quote: السلام عليكم ناس الحوش نحن يا خوي ناس ما قبل السبعينات، يعني كدا خريجين 1966 الكلام دا بخارج معاكم و لا نتذكر قول الشاعر "لملم كرامتك و زح بعيد ما يحرجوك"؟ سلام للجميع |
![](http://www.sudaneseonline.com/db/smilies/smile.gif) نرحب بتواصل الأجيال .. وإذا نحن عاصرنا زمن المؤتمر الجميل .. فأكيد انتو عاصرتو الزمن الأجمل بس ما اديتنا معلومات أو إضافة !!!
|
Post: #31
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-31-2007, 10:17 AM
Parent: #1
up ![](http://www.sudaneseonline.com/db/smilies/smile.gif) ![](http://www.sudaneseonline.com/db/smilies/smile.gif)
|
Post: #32
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-31-2007, 02:45 PM
Parent: #31
الأخ: إبراهيم محمد الحسن
السلام عليكم ...
قلت لي إنت دفعة 1983. أنا أخوي الكبير دفعتكم، إسمه عمر زمراوي، هل تذكره ولا ماكان في فصلك.
جميعنا، أنا وإخواني درسنا بالمؤتمر:
- عمر زمراوي - دفعة 1983 - عثمان زمراوي - دفعة 1986 - علي زمراوي - دفعة 1987 - حسن زمراوي - دفعة 1989 - حسين زمراوي - دفعة 1991 - عمار زمراوي - دفعة 1993 - ياسر زمراوي - دفعة 1995
والسلام ختام ...
|
Post: #33
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-31-2007, 03:17 PM
Parent: #32
سلام للجميع ...
يا إخوانا ... من المتعارف عليه إنو الواحد عندما يقول على سبيل المثال إنو دفعة 1983 فهذا يعني سنة تخرجه من المدرسة وليست سنة دخوله المدرسة.
الأخ: إبراهيم
دا معناه إنك دفعة أخوي د. علي زمراوي - خريج 1987 ومتذكر إمتحان التخصص بتاعكم (الورقة الثانية) كانت ناااار. متذكر كان جابو ليكم (مسألة القرد النطا من المرجيحة وسألوكم من أعلي إرتفاع يصل ليه المرجيحة) بالرغم من إنو السؤال ما كان صعب شديد، بس على حس القرد! المرجيحة! عينك كان ماتشوف إلا النور ...
أنا بعرف كثير من أولاد دفعتكم لأنهم كانوا أصحاب أخوي الكبير علي وكانوا معانا في مدرسة أبوكدوك المتوسطة وهم الآن أعضاء في "رابطة خريجي مدرسة أبي كدوك النموذجية" ... أذكر منهم:
- د. خالد الطيب - د. إيهاب طراوة - سيان - عبد الناصر علي جبير - المعز سيف اليزل عبيد إبراهيم - محي الدين جبريل - عبد الرازق ضابط - جمال كوريا - وكان حارس مرمى فريق المدرسة - صلاح فالولة الجمهوري
|
Post: #34
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-31-2007, 06:00 PM
Parent: #33
خبر هام وعاجل للإخوة خريجي مدرسة أبي كدوك المتوسطة:
برامج مراسي الشوق تستضيف رابطة خريجي مدرسة أبي كدوك غدا الجمعة 1/6/2007 إنشاء الله
إتصلت قبل قليل بأستاذي الجليل: الطيب رحمة فأخبرني بأن مقدمة برنامج "مراسي الشوق" إتصلت به اليوم للحصول على معلومات أكثر عن" رابطة خريجي مدرسة أبي كدوك النموذجية" وسوف تبث الحلقة يوم غدا إنشاء الله.
أخوكم: حسن زمراوي محمد عثمان خريج مدرسة أبي كدوك المتوسطة - دفعة 1986
|
Post: #35
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-31-2007, 06:02 PM
Parent: #34
نزكر الإخوة بمواعيد البرنامج وهو كالتالي:
- 11:00 مساء بتوقيت السودان. - 4:00 عصرا بتوقيت شرق أمريكا. - 3:00 عصرا بتوقيت وسط أمريكا. - 1:00 ظهرا بتوقيت غرب أمريكا. - 11:00 مساء بتوقيت الرياض. - 9:00 مساء بتوقيت لندن. - 10:00 مساء بتوقيت أمستردام. - 12:00 منتصف الليل بتوقيت موسكو. - 2:00 صباح يوم غدا السبت بتوقيت إسلام أباد. - 2:30 صباح يوم غدا السبت بتوقيت نيودلهي. - 5:00 صباح يوم غدا السبت بتوقيت طوكيو. - 6:00 صباح يوم غدا السبت بتوقيت سدني.
وسوف تعاد الحلقة يوم السبت 2/6/2007 الساعة:
- 9:35 مساء بتوقيت شرق أمريكا. - 8:35 مساء بتوقيت وسط أمريكا. - 6:35 مساء بتوقيت غرب أمريكا. - 4:30 صباح يوم الأحد بتوقيت السودان.
والسلام ...
حسن زمراوي محمد عثمان خريج مدرسة أبي كدوك – دفعة 1986 أولي الفاروق ثانية عثمان ثالثة أبوعبيدة
مدينة شيكاغو - ولاية إلينوي الولايات المتحدة الأمريكية
|
Post: #37
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-02-2007, 07:08 AM
Parent: #33
Quote: سلام للجميع ... يا إخوانا ... من المتعارف عليه إنو الواحد عندما يقول على سبيل المثال إنو دفعة 1983 فهذا يعني سنة تخرجه من المدرسة وليست سنة دخوله المدرسة.
الأخ: إبراهيم دا معناه إنك دفعة أخوي د. علي زمراوي - خريج 1987 ومتذكر إمتحان التخصص بتاعكم (الورقة الثانية) كانت ناااار. متذكر كان جابو ليكم (مسألة القرد النطا من المرجيحة وسألوكم من أعلي إرتفاع يصل ليه المرجيحة) بالرغم من إنو السؤال ما كان صعب شديد، بس على حس القرد! المرجيحة! عينك كان ماتشوف إلا النور ... |
الأخ حسن زمراوي .. لك التحية .. للتوضيح انا دخلت المدرسة سنة 83 .. واتخرجنا 86 ... يعني حسب كلامك دفعة أخوك عثمان زمراوي !!! بس بصراحة ما فاكرو .. يا ريت تورينا كان في ياتو فصل وأسماء بعض ناس دفعتو .. (الكبر حصل)
|
Post: #36
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-01-2007, 12:03 PM
Parent: #1
شكرا ليك كتير يا حسن ,مرحب بيك وحال شوف ناس دفعتك..ممكن يشاركو معانا بالاميل.. صادق الود محمد مكى
|
Post: #38
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-02-2007, 09:54 AM
Parent: #36
ما اذكره عن مدرسة المؤتمر في عهدها الذهبي إننا نحن تقريبا كنا آخر دفعة (3 أنهر) .. وبعدنا بنوا عدد من الفصول الإضافية وأصبحت المدرسة (7 أنهر) تقريبا .. ومن هنا بدأت المدرسة تفقد شئ من التميز الإشتهرت به ..
|
Post: #39
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2007, 06:59 AM
Parent: #38
up
|
Post: #40
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2007, 11:38 AM
Parent: #39
وصلتني الرسالة التالية عبر البريد الإلكتروني من أحد خريجي المؤتمر .. وآسف لتأخر النشر
Quote: الأستاذ/ إبراهيم محمد الحسن و بقية الزملاء من خريجي المؤتمر السلام عليكم أجمعين انتهزت فرصة وجود هذا العنوان البريدي المرسل في البوست لأسلم عليكم , أنا الصادق إبراهيم محمد, قريت مدرسة المؤتمر في الفترة التي ذكرتموها , وكيل المدرسة في تلك الفترة كان الأستاذ/ إبراهيم محمد على ما أظن ناظر المدرسة بعد أستاذ/ أمين خضر الزين اسمه استاذ/ حسن خليفة ( سلك ) و كان يدرس اللغة الانجليزية و يختص بالأدب الانجليزي و يدرس في ذات الوقت في سلتي عندما كان سلتي قرب كلية الصيدلة ,من الأساتذة اذكر الأستاذ/محمد عبد الهادي و يدرس مادة الفيزياء,كان هنالك استاذ من مدينة عطبرة يدرس مادة التربية الرياضية, أرسل لكم عبر هذه الوسيلة لانى لست عضوا في هذا البورد و أرجو منكم نقل تحياتي للمداخلين . من المميزين في تلك الفترة الأخ الفاضل / نزار محمد عبد الساوى ,محمد الفاتح ألبنا , محمد بشير الاحمدى , خالد الطيب احمد الذي درس الطب البشرى بجامعة الخرطوم ,محمد قريب الله و الذي يملك حنجرة من الذهب سمعت انه في الجيش حاليا, امجد إبراهيم سلمان و الذي درس الطب البشرى في خارج الوطن و الذي كنت أراسله من الغربة في بلاد الشام , إيهاب محمد عبد الوهاب و هو فتى مهذب و موهوب في العلم و الموسيقى, سيف رشاد,محمد الحبر, معز سيف اليزل ,اشرف بابكر و قد كان من قادة الإسلاميين و هو إنسان مهذب و اذكر انه درس الطب البيطري في جامعة الخرطوم و الأخ محمود دياب من قيادات حزب الأمة.أرجو أن تتاح الفرصة للتواصل و لو بأضعف الإيمان عبر الأثير الالكتروني.كما أرجو أن نترحم على موتانا من الدفعات المختلفة و قد كانت أولى الفاجعات فى وفاة الأخ المرحوم / ولاء محمد محمود و اعتقد بعده الأخ المرحوم / نبيل صلاح . الى اللقاء. الصادق إبراهيم محمد كارا
|
|
Post: #41
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2007, 11:46 AM
Parent: #40
وأيضاً وصلتني الرسالة التالية عبر البريد الإلكتروني من الأخ عصام أبوعكر (دفعة) .. وهو مقيم حاليا في دبي:
Quote: Subject : خريجي مدرسه المؤتمر الاخوان العزاء ابراهيم محمد الحسن والاخ العزيز محمد حيدر ..... معاكم اخوكم دفعه (عصام ابوعكر )والله ياجماعه زكرتونا ايام حلوه شديد مدرستنا الشامخه واساتذتنا الاجلاء وذكريات( الكديد )عم محمد وعارف عثمان وحاتم ابوبكر وعمر زنقه ووليد عشماوي واخرين وفريق كره القدم كمال عبد العزيز ومعاويه السنوسي دي بعض الاسماء البتزكرها اصلوا الكبر دخل ياسر الجنيد عباس ياسين عبيد ابراهيم .ويامحمد مكي اسم وكيل المدرسه كان الاستاذ احمد ابراهيم خليفه الله يرحمه .ولكم مني التقدير علي البوست الجميل دي ونتواصل علي الماسنجر ([email protected])
|
|
Post: #42
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2007, 11:54 AM
Parent: #41
ورسالة أخرى عبر البريد الإلكتروني من أحد الزملاء :
Quote: الاخ ابراهيم محمد الحسن اكاد اتفرس ملامحك الان بطولك وسمرتك وشنطتك المعلقة فيك بالغالب ...تحياتي لشخصك وانت تعيد لنا اياما لنا ننساها ... اتذكر محمد حيدر هو وصديقه الجقر كانو مزعجين جداااااااااا.. يا محمد حيدر مشتاقييييييييين زي ماسورة ام بدة البتنقط مرة في السنة .... واكتر طرفة جانا امتحان فيزياء صعب في امتحان الشهادة 86 وصحبك محمد حيدر طلب جردل الموية الباردة وصباه كله في راسه وسط ذهول الكل ...قال عايز يكون زي انشتاين المسألة غلبته دخل الحمام وتحت الدش حلاها ... اخذت هذه اللقطة علي ما اذكر عام 1984 لطلاب فصل اولي مهدي وشرفنا بالتصوير معنا الاستاذ بابكر ادريس ابوالفصل الجلوس علي الارض من اليمين: المغطي وجهه خالد بابكر يحي، وليد،أحمد بشير (كان بيغني في حصة الانجليزي الزواج في السودان )، نادر وناجي التيمان ابناء استاذ الانجليزي ابراهيم كامل، عبدالله عباسية، خالد سعود، علاء الدين تيه، جمال حسن الجلوس علي المقاعد من اليمين:معتز عريس (على ما اظن)، عمر الجزلي، الاستاذ بابكر فلاح، مصطفي مختار كاكوم، ناصر، جمال اليماني الوقوف من اليمين: محمد احمد حسن (الجقر) الان مهندس بدبي ، محمد حيدر(انا) وفي الخلف زميل عراقي لا اذكر اسمه وان كنت اذكر ان كان بهائي الديانه(اسمه حازم)، اشرف شبو،عمو، محمد الفاتح السراج، محمد رافع السناري، محمد احمد(اولاد امبده دا انا ،واسمي محمد ابراهيم عثمان ولقبي حمودة يا محمد حيدر ياااا سمين والسبب في عدم ظهوري كويس هو عبد الرحمن حجر جراني من الخلف )، منصور بابكر (طبيب بشري )، وفي الخلف عبدالرحمن حجر، فيصل التهامي، معاذ محمد صالح (دكتور بيطري بالامارات)، عبدالباقي (من اولاد الموردة وهو مستشار قانوني بقطر صاحب جمال اليماني ) الوقوف علي المصطبة من اليمين: -----، خليل محمد خليل (بالسعودية)، وفي الخلف بابكر دلدوم، حسن موسي، ابراهيم بصلة، حسام عباس عبدالعال، مجدي محمد، طارق إدريس ، خلف مجدي هو محمد الفاتح الطيب عفوا لعدم تذكري بعض الأسماء لكنهم اصدقاء هناك محي الدين ،طارق عبد الله محمد ضرار(بوتشى ) ،محمد مصطفى ،حاتم ، بشير الشيخ ود الوزير ،خالد بابكر ،طارق بابكر ... مع الود
اخي ابراهيم من دفعتكم عاطف عبد اللطيف ود ام بدة وبرضو محمد احمد فضل الله ..... وان شاء الله لنا عودة ... محمد ابراهيم عثمان حمودة محلل نظم بالشارقة
|
|
Post: #43
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2007, 12:12 PM
Parent: #42
والله الواحد سعيد جدا بالمشاركات .. ونتمنى تتواصل من جميع الخريجين ..
- الأخ الصادق ابراهيم كارا .. يا ريت لو وريتنا انت دفعة كم ؟ وكنت في ياتو فصل؟
- الأخ محمد إبراهيم (حمودة) .. سلامات يا دفعة .. انا والله بصراحة متذكر الإسم (حمودة) .. بس ما قادر أجمع الشكل (الكبر حصل) يا ريت لو في طريقة أشوف صورتك عشان يكتمل التصور .. أيوة الأخ محمد أحمد فضل أذكره جدا بهدؤه وصغر حجمه .. درس معانا في كلية الهندسة .. واعتقد هو اتزوج بس ما عارف اذا ما زال في السودان ولا اتخارج ..
|
Post: #44
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-03-2007, 08:15 PM
Parent: #1
الاعزاء والاحباء جدا ابناء المؤتمر الثانوية ذكريات جميلة جدا وكانت ايام -الاخ الصادق كارا يا ابراهيم إتخيل لي هو في الدفعة الورانا يعني دفعة 84-87 وعلي حسب كلامو فهو دفعة المرحوم/ ولاء احمد وولاء هو اخو المرحوم ايضا صخر احمد دفعتنا (لهم الرحمة) الذي توفي في حادثة طائرة سودانير ببورتسودان وكان صخر احمد (بانت غرب) صديق الروح للزملاء عاطف جلال والاحباء التيمان اشرف وامجد زهير.
-الاخ عصام ابوعكر( ود بانت) الكابتن وحارس مرمي منتخب المدرسة وزميلنا في الكديت زكريات رائعة وكان صديق لعارف عثمان وعمر زنقة الذي قابلته في حفل زواج هنا في نيويورك وسالته منك واعدنا الذكريات والغريبة شكلوا ياهو زاتو ما اتغير اما بخصوص وليد عشماوي فحصل لي معاهو موقف عجيب فانا عندما سافرت للدراسة في المجر عام 88 وبعد انقضاء العام الدراسي الاول جيت راجع الاجازة 89 وحضرت الانقلاب و عندما حان موعد السفر بعد انقضاء الاجازة واذكر في منتصف اغسطس 89 وكانت السفرية ليلا وكان الوالد الله يطول في عمره موصلني المطار بعد استخراج تصاريح المرور لان الوقت داك كان في حظر التجوال ليلا وعند نهاية شارع الموردة وامام السلاح الطبي لستك العربية طرشق وعمل فرقعة عالية وجاء العساكر الحارسين الكوبري جارين ناحيتنا ورافعين اسلحتهم وبكوركوا ثابت بصراحة كده انا خفت يعدمونا وتوترت جدا وفجاء سمعت ليك الضابط بتاعهم بيقول ليهم اقيفوا وقال لي محمد حيدر والتفت لقيتوا وليد عشماوي وحمدت ربي وقام خللي العساكر يغيروا لينا اللستك وشكرناه وودعته وله مني اطيب التحايا. بالمناسبة بعد الكلام ده بساعتين ركبت الطيارة وسافرت ولحدي هسه ما رجعت السودان الله يرد غربة الجميع.
- العزيز جدا محمد ابراهيم عثمان (حمودة) معليش اني ما اتذكرت اسمك كاملا لطغيان لقب حمودة لكن العتب علي الذاكرة، اتذكرك تمام وانت تجلس في الصف الاخير بجوار محمد الفاتح وكان قدامكم خليل وعمر الجزلي وكان يطلق علي الرباعي اولاد امبدة رغما عن ان خليل محمد خليل يسكن بجوارنا بالعباسية وعمر الجزلي الذي يسكن حي البوستة. لو بتتذكر يا حمودة في سنة ثانية (نسيت اسم فصلنا) كان جابوا لينا لينا استاذ بتاع فرنساوي علي ما اذكر اسمو ياسر للتريب (كورس) وكان ماخد الموضوع جاد جدا وبيشرح الفرنساوي بالفرنساوي التقول كنا بنقرا في باريس وانحنا ما كنا فاهمين حاجة وفي مرة كده قال لي كلام كده كثير وانا فهمت منو انو قال لي قوم اقراء وطبعا وقفت وقريت كلو غلط فهو زعل جدا وقام قاللي معقول تكون في سنة ثانية وما بتعرف تقرا فقام قال للفصل في واحد تاني ما بيعرف يقرا واغرب حاجة محمد الفاتح رفع يدو وقال للاستاذ انا ذاتي مابعرف اقرا وانت ذاتك وقفت معاهو فقام طردنا من الفصل وما نخش الحصص الا نجيب ولي الامر واذكر ان الاخ طارق ادريس حل لي المشكلة دي وجاب واحد ضابط بوليس في الاوسط ساكن جنبهم في امبدة ومثل علي الاستاذ انو ولي امري حتي رجعوني الفصل. شكرا لتذكيرك لي باني كنت مشاغب ومزعج في الفصل وايضا كان العزيز محمد احمد حسن (الجقر) بس ما كنا برانا المزعجين فكان التيمان ناجي ونادر اولاد استاذ ابراهيم كامل وايضا العزيز حاتم ابوبكر خوجلي له تحياتي اينما كان وبرضو بابكر دلدوم الذي عندما سأله استاذ الرياضة الصديق الطيب منصور عن مكان سكنه فقال ليهو ساكن في حي الصقور (حي امدرماني عتيق جوار استاد الموردة ودلدوم لا يسكن هناك بس عايز يضحك الفصل) فضج الفصل بالضحك فقام الاستاذ قال ليهو عايز تقل ادبك واشتكاه لابو الفصل. بالمناسبة الهرجلة بتاعت زمان طارت للواحد مع الغربة اللعينة وبقت الغنماية تاكل عشاءنا
من الاستاذة الظاهر عليكم نسيتوهم: استاذ بتاع الانجليزي كنا نسميهو العوني ( لشبهه الشديد بالعوني لاعب الهلال انذاك) وكان بيزعل من اللقب استاذ الرياضة الطيب منصور استاذ التاريخ محمود استاذ الرياضيات ابوالقاسم وكان بيتكلم بلهجة الشايقية وكانت طريقة كلامه مثار تعليقاتنا وتندرنا -الاخ محمد مكي محمد الظاهر علي بقيت انسي لكن بتذكر علي حسب الصورة انو لقبك كان (حمادة) وتسكن جوار مدرسة التجارية بنات وكنت الدفعه القدامنا دفعة ناس ابو سمره !!! هل انت الزول ده زاتو ولا لأ -الاخ ابراهيم محمد الحسن انا بتذكرك من الاميرية بس نزل لينا صورتك عشان اتذكرك تمام ودمتم ونواصل مع الود
|
Post: #45
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-03-2007, 08:15 PM
Parent: #1
الاعزاء والاحباء جدا ابناء المؤتمر الثانوية ذكريات جميلة جدا وكانت ايام -الاخ الصادق كارا يا ابراهيم إتخيل لي هو في الدفعة الورانا يعني دفعة 84-87 وعلي حسب كلامو فهو دفعة المرحوم/ ولاء احمد وولاء هو اخو المرحوم ايضا صخر احمد دفعتنا (لهم الرحمة) الذي توفي في حادثة طائرة سودانير ببورتسودان وكان صخر احمد (بانت غرب) صديق الروح للزملاء عاطف جلال والاحباء التيمان اشرف وامجد زهير.
-الاخ عصام ابوعكر( ود بانت) الكابتن وحارس مرمي منتخب المدرسة وزميلنا في الكديت زكريات رائعة وكان صديق لعارف عثمان وعمر زنقة الذي قابلته في حفل زواج هنا في نيويورك وسالته منك واعدنا الذكريات والغريبة شكلوا ياهو زاتو ما اتغير اما بخصوص وليد عشماوي فحصل لي معاهو موقف عجيب فانا عندما سافرت للدراسة في المجر عام 88 وبعد انقضاء العام الدراسي الاول جيت راجع الاجازة 89 وحضرت الانقلاب و عندما حان موعد السفر بعد انقضاء الاجازة واذكر في منتصف اغسطس 89 وكانت السفرية ليلا وكان الوالد الله يطول في عمره موصلني المطار بعد استخراج تصاريح المرور لان الوقت داك كان في حظر التجوال ليلا وعند نهاية شارع الموردة وامام السلاح الطبي لستك العربية طرشق وعمل فرقعة عالية وجاء العساكر الحارسين الكوبري جارين ناحيتنا ورافعين اسلحتهم وبكوركوا ثابت بصراحة كده انا خفت يعدمونا وتوترت جدا وفجاء سمعت ليك الضابط بتاعهم بيقول ليهم اقيفوا وقال لي محمد حيدر والتفت لقيتوا وليد عشماوي وحمدت ربي وقام خللي العساكر يغيروا لينا اللستك وشكرناه وودعته وله مني اطيب التحايا. بالمناسبة بعد الكلام ده بساعتين ركبت الطيارة وسافرت ولحدي هسه ما رجعت السودان الله يرد غربة الجميع.
- العزيز جدا محمد ابراهيم عثمان (حمودة) معليش اني ما اتذكرت اسمك كاملا لطغيان لقب حمودة لكن العتب علي الذاكرة، اتذكرك تمام وانت تجلس في الصف الاخير بجوار محمد الفاتح وكان قدامكم خليل وعمر الجزلي وكان يطلق علي الرباعي اولاد امبدة رغما عن ان خليل محمد خليل يسكن بجوارنا بالعباسية وعمر الجزلي الذي يسكن حي البوستة. لو بتتذكر يا حمودة في سنة ثانية (نسيت اسم فصلنا) كان جابوا لينا لينا استاذ بتاع فرنساوي علي ما اذكر اسمو ياسر للتريب (كورس) وكان ماخد الموضوع جاد جدا وبيشرح الفرنساوي بالفرنساوي التقول كنا بنقرا في باريس وانحنا ما كنا فاهمين حاجة وفي مرة كده قال لي كلام كده كثير وانا فهمت منو انو قال لي قوم اقراء وطبعا وقفت وقريت كلو غلط فهو زعل جدا وقام قاللي معقول تكون في سنة ثانية وما بتعرف تقرا فقام قال للفصل في واحد تاني ما بيعرف يقرا واغرب حاجة محمد الفاتح رفع يدو وقال للاستاذ انا ذاتي مابعرف اقرا وانت ذاتك وقفت معاهو فقام طردنا من الفصل وما نخش الحصص الا نجيب ولي الامر واذكر ان الاخ طارق ادريس حل لي المشكلة دي وجاب واحد ضابط بوليس في الاوسط ساكن جنبهم في امبدة ومثل علي الاستاذ انو ولي امري حتي رجعوني الفصل. شكرا لتذكيرك لي باني كنت مشاغب ومزعج في الفصل وايضا كان العزيز محمد احمد حسن (الجقر) بس ما كنا برانا المزعجين فكان التيمان ناجي ونادر اولاد استاذ ابراهيم كامل وايضا العزيز حاتم ابوبكر خوجلي له تحياتي اينما كان وبرضو بابكر دلدوم الذي عندما سأله استاذ الرياضة الصديق الطيب منصور عن مكان سكنه فقال ليهو ساكن في حي الصقور (حي امدرماني عتيق جوار استاد الموردة ودلدوم لا يسكن هناك بس عايز يضحك الفصل) فضج الفصل بالضحك فقام الاستاذ قال ليهو عايز تقل ادبك واشتكاه لابو الفصل. بالمناسبة الهرجلة بتاعت زمان طارت للواحد مع الغربة اللعينة وبقت الغنماية تاكل عشاءنا
من الاستاذة الظاهر عليكم نسيتوهم: استاذ بتاع الانجليزي كنا نسميهو العوني ( لشبهه الشديد بالعوني لاعب الهلال انذاك) وكان بيزعل من اللقب استاذ الرياضة الطيب منصور استاذ التاريخ محمود استاذ الرياضيات ابوالقاسم وكان بيتكلم بلهجة الشايقية وكانت طريقة كلامه مثار تعليقاتنا وتندرنا -الاخ محمد مكي محمد الظاهر علي بقيت انسي لكن بتذكر علي حسب الصورة انو لقبك كان (حمادة) وتسكن جوار مدرسة التجارية بنات وكنت الدفعه القدامنا دفعة ناس ابو سمره !!! هل انت الزول ده زاتو ولا لأ -الاخ ابراهيم محمد الحسن انا بتذكرك من الاميرية بس نزل لينا صورتك عشان اتذكرك تمام ودمتم ونواصل مع الود
|
Post: #46
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-03-2007, 08:38 PM
Parent: #1
الاعزاء كان من دفعتنا في الفصل محمد مصطفي كمتور الذي كان عند نهاية اي حصة بيطلع يمسح السبورة ويكتب قصيدة جديدة فسار عليه لقب الشاعر الطموح
|
Post: #47
Title: Re: تواصل خريجي مدرسة المؤتمر الثانوية - المدرسة الوطن
Author: Adam Omer
Date: 06-04-2007, 00:41 AM
Parent: #46
يا خريجى المؤتمر تحية وســــــــــــــــلام انا لست زميمل لكن عبركم ابحث عن اخ كريم زميل لكم و زميل الدكيور { كامل الطيب ادريس} وزميل موسى الباشا >>> وهوى الاخ محمد نور والموجود فى كندا ولم لة عنوان وهذا عنوانى { CH DE BOISy 14 1004 LAUSANNE SUISSE ADAMOMAE.HOT.MAIL , وربنا يجمع شــــــــملكم
|
Post: #49
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 09:25 AM
Parent: #46
سلام لكل الشباب .. محمد حيدر : الأخ محمد مكي طلع دفعتنا (أولى نجومي - زمخشري - إبن رشد) وهو من بيت المال .. الغريبة انو ناس أولى نجومي ما كانو ظاهرين شديد في المدرسة .. ده يمكن عشان معظم المشاغبين كانو في فصلكم (مهدي) وفصلنا (دقنة) .. ولما وصلنا السنة الثالثة إجتمع كل المشاغبين في فصل التخصص (إبن رشد) وكان معانا مجموعة من ناس الأحياء (برضو مشاغبين) .. فاكرين أستاذ نبيل (بلبل) المصري بتاع الرياضيات .. وما كان يعانيه منكم يا محمد حيدر (حلوة منكم دي ) طبعا نحن كنا الطلبة المهذبين في الفصل من الزملاء الأعزاء : جمال حسن .. درس معانا في كلية الهندسة .. وحضر الدكتوراة ومستقر بالولايات المتحدة .. محمد مرتضى (وشو) .. درس طب بجامعة الخرطوم واعتقد مستقر بالولايات المتحدة .. أمير محمد الحسن (أب درق) .. برضو درس طب وهو موجود في السودان قابلتو قبل كم سنة هناك .. اشرف عبد الرزاق (السمين) .. طب وغيرهم يأتي ذكرهم تباعاً ...
|
Post: #48
Title: تواصل خريجي مدرسة المؤتمر الثانوية - المدرسة الوطن
Author: ايهاب مهاجر
Date: 06-04-2007, 08:12 AM
Parent: #1
الاخوة ابراهيم محمد الحسن /محمد حيدر..وبقية الزملاء خريجين تلك القلعة الشامخة ..لكم جميعا تحية والف سلام انا ايضا دفعة 83-86 وانا اقراء تلك الاسماء من الاساتذة الاجلاء رجعت الى ذلك الزمن الجميل ...واذكر من الزملاء من ثانية متنبى المرحوم نبيل(عشه) رحمه الله كان مبدع فى كل شى والاخ ابوعكر و محمد جادالله وصديق الجيلانى ,طارق خليل,الهادى عوض,معتز الدرديرى المرحوم اشرف الطيب ,حارث على,متوكل عبداللطيف,والمرحوم امير محمد عثمان المصرىوكثيرين لم تسعفنى الذاكرة بهم ..ونواصل... ايهاب مهاجر
|
Post: #50
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 09:34 AM
Parent: #48
يا سلام .. والله الواحد ما كان فاكر انه موضوع البوست ده حا يأثر كدة ويظهر الناس المختفين ... وصلتني الرسالة التالية من الأخ العزيز / أشرف زهير (عقبال ما يظهر أمجد كمان) ![](http://www.sudaneseonline.com/db/smilies/smile.gif)
Quote: الاخ العزيز ابراهيم كيف الحال والاحوال يعني ياابراهيم اخترت موضوع عجيب ورجعتنا لايام لاتنسى والواحد بدات الزاكره تعود ليهو شيئا فشيئا واجمل مافي الموضوع هو ظهور العزيز محمد حيدر ارجو ان تواصلوا وانشاء الله احاول ان اشارك معكم اخوكم اشرف زهير |
اشرف كيف أخباركم؟ وكل الشباب ؟ بالله كلمهم عن البوست ونتوقع مشاركات أكتر وذكريات أجمل ..
|
Post: #51
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-04-2007, 12:06 PM
Parent: #1
الاخ محمد مكي محمد الظاهر علي بقيت انسي لكن بتذكر علي حسب الصورة انو لقبك كان (حمادة) وتسكن جوار مدرسة التجارية بنات وكنت الدفعه القدامنا دفعة ناس ابو سمره !!! هل انت الزول ده زاتو ولا لأ
لا دة ما أنا يا محمد حيدر..زي ما قال ليك إبراهيم...بس بتذكر انك كنت معانا فى الكديت فى السنة الاؤلى..وطبعا انت والجقر كنتو ناس مشاغبين جدا..عمر زنقة وعامر عثمان دفعتى..عشماوى كان سينير.. صخر ايضا وكنا فى فصل واحد...ولم اعرف انة توفى رحمه اللة..اذكر تماما عندما كان ينادية احدهم (يا صخر) كان يرد (يا عيون صخر).وكان رجلا ممتازا بحق.. من دفعتنا غيب الموت زميلا عزيزا..محمد احمد عثمان (كيلانى) لة الرحمة
|
Post: #52
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 12:13 PM
Parent: #51
Quote: من دفعتنا غيب الموت زميلا عزيزا..محمد احمد عثمان (كيلانى) لة الرحمة |
حسبي الله ونعم والوكيل .. له الرحمة والمغفرة .. متى حصلت الوفاة؟
|
Post: #53
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-04-2007, 12:31 PM
Parent: #1
in 2003...I was there in Sudan...he uesd to eork in KSA in IT sector.belss him and all
|
Post: #54
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-04-2007, 12:31 PM
Parent: #1
in 2003...I was there in Sudan...he uesd to eork in KSA in IT sector.belss him and all
|
Post: #55
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 12:59 PM
Parent: #54
وتتوالى المشاركات عبر الإيميل ..
Quote: الأخ ابراهيم محمد الحسن التحايا الخالصة لك أخي نحن دفعات قديمه شويه عام 1976م ذكريات جميلة جداً هي ذكريات المؤتمر الثانوية أذكر من الأحداث التي لا يمكن أن ننساها على ما اعتقد أول دورة مدرسيه مبارة تاريخية بين المؤتمر وبيت الأمانة كان اللاعب الوحيد المعروف بمنتخب المؤتمر هو الكابتن مصطفي النقر أما مدرسة بيت الأمانة فكانت تقريبا تضم العديد من اللاعبين المشهورين أمثال أبوجريشه وعمر ود الحاجة لاعب المورده وحموري الصغير وكانت المبارة في دار الرياضه أمدرمان وفازت المؤتمر 2-1 وخرجنا في مظاهرة كبيرة والكل يتغني مصطفى يا مصطفى أنا بحبك يا مصطفى حقيقة أبدع الكابتن مصطفى النقر في تلك المبارة وعلى ما أذكر كان مدرب المنتخب الوطنى يانكو وكانت الهتافات حمورى اشاعه يا ينكو من الأخوه الزملاء أذكر الأخ محمد ادريس شكاك وعمر كعكع وعصام برعي والأخ صديق محمد ابراهيم وهو سكرتير اتحاد ألعاب القوي حاليا وحسن حسين ومحمود وشرحبيل لاعب الموردة سابقا وحسن جزيره ومحمد علي كشابه وحسن كشكش وطارق حسن واسامه مرتضي وإن لم تخني الذاكره كان وكيل المدرسه الأستاذ أبو الزين رحمه الله وأشهر معلم كيمياء في تلك الفترة الأستاذ الجليل الطاهر كيمياء أخوك أزهري علي عبدالرحمن جامعة الملك فيصل المملكة العربية السعودية الدمام
|
|
Post: #56
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 01:05 PM
Parent: #55
ومشاركة أخرى من الأخ حمودة :
Quote: والله يا ابراهيم محمد الحسن كتررر خيرك خففت علينا الغربة بالبوست دا ...
يا محمد حيدر صدقني كنت ابحث عن أي معلومة عنك وانت شخص حبيب للكل ... يا اخي فصل اولى مهدي دا كان فصل عجيب وناسو عجيبين ... بتذكر بابكر دلدوم طلّع دعاية انه اخو اشرف شبو من امه ...والناس كلها مصدقة بقت ... واتذكر واحد اسمه خطاّب انتقل لمدرسة الأهلية وجاء بدلاً منه الشهيد الطيب ابراهيم شمو... وبتذكر محمد رافع المشاغب الخفي ..كل المدرسين يثنو عليه بادبه وهو مشاغب يخفي شغبه بذكاء ... مرة عملها فينا وعمل صوت في حصة استاذ عز الدين بتاع الفرنساوي ...واتهمونا انحنا شلة الخلف (شخصي ومحمد الفاتح ومحمد مصطفى كمتور وعمر الجزلي وطبعاً خليل محمد خليل كان هاديء وطلع منها) ...وينو محمد رافع يانااس؟؟؟ ... قايتو ايام ... بتذكر كنا اتهزمنا في مباراة كرة السلة من الفصل التاني وفيه عباس الحلبي ...هزمونا شر هزيمة ... وانا بعد المباراة رحت اشاغل الود العاتي ماشاء الله حسن موسى ...وعينيك ما تشوف الا النور اداني بنيه شفت النجوم ومغبشة كمااان ... المهم اشتبكنا فيها شبكة قامت المدرسة عليها ...ما حلانا الا حضور الوكيل وودونا للإدارة ...بس الحمد لله استاذ الأمين خضر الزين ما كان موجود .... اتذكر مرة استاذ سعيد الخدري طردني وقالي الا تجيب ولي امرك ...صحبك خاااف وتاني يوم جبت ليه كيس بلح رشوة بس المصري احرجني وامام المدرسين ...صاح انا مش عايز بلح انا عايز ولي امرك ... استاذ الجقر الله يطراه بالخير بتاع العربي ... استاذ بابكر ادريس وكلماته هلا باولاد ام بدة البيفطرو وما يتغدو ... اولاد ام بدة البيستحمو بموية العدا ... اولاد ام بدة لو شاتو الكورة تتقدا ... اولاد ام بدة لو ضربو الحيطة تتهدا ... استاذ عبد الرحمن بتااع التربية الاسلامية ... وايام لاتنسى ... اتذكر يا محمد حيدر كنا في امتحانات نهاية العام وعشان تدخل الامتحان لازم تسلم الكتاب ... اتذكر جيداً الان وانا داخل امتحان التاريخ واحد من التيمان (ناجي او نادر ابراهيم كامل أخذ كتابي وقالي لحظة اشوف حاجة ...المهم مالميت فيه بعد داك ولمن منعوني الدخول للامتحان اصريت ان كتابي مع التيمان والحكاية ولعت ، وكل واحد من التيمان مصرّ انه لم يأخذ كتابي ...والغريبة قابلتهم بجامعة السودان بعد سنين وكل واحد مازال مصرّ على ذلك ..ههههههههههه طبعا الجقر ياهو نفسه وما اتغيّر حتى الان ...وبقابله مرة مرة بالشارقة ... وبقابل عصام ابو عكر وتقريبا نفسه ... ومعاذ البشير موجود بس ما قابلته حتى الان ...
تحياتي يا محمد حيدر وابراهيم ...
|
|
Post: #57
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2007, 01:22 PM
Parent: #56
Quote: طبعا الجقر ياهو نفسه وما اتغيّر حتى الان ...وبقابله مرة مرة بالشارقة ... وبقابل عصام ابو عكر وتقريبا نفسه ... |
الأخ المشاغب محمد أحمد حسن (ود سعاد الفاتح) طبعا كان لقبو (الجقر) للشبة الشديد بينو وبين أستاذ (الجقر) بتاع العربي ![](http://www.sudaneseonline.com/db/smilies/smile.gif) مع الإعتذار للأخ محمد عن هذه الألقاب
|
Post: #58
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-05-2007, 12:35 PM
Parent: #1
![](http://www.sudaneseonline.com/db/smilies/frown.gif) ![](http://www.sudaneseonline.com/db/smilies/frown.gif)
|
Post: #59
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-06-2007, 06:59 AM
Parent: #58
التحية لكل الشباب ... وتتواصل الذكريات ...ورسالة جديدة من الأخ حمودة :
Quote: مواصلة ذكريات مدرسة المؤتمر ... قبل كل شيء اسأل الله الرحمة للأخ الحبيب صخر أحمد و لاخوه ولاء احمد وللأخ أمير المصري وللأخ نبيل وللأخ الطيب شمو وللأخ الفاضل محمود رحمهم الله رحمة واسعة ... يا محمد حيدر فصل تانية كان اسمه تانيه المتنبي على ما اذكر ... اتذكر يا إبراهيم محمد الحسن كنت بحضر معكم حصص التخصص في تالته بن رشد بعد ما كنت أحياء منذ بداية السنة في تالته غزالي ... ولو بتذكر أستاذ سيف بتاع التخصص وعدد الطلاب البيحضرو ليه 3 بس منهم محمد احمد فضل الله وبقية الفصل كان بيحضر دروس خصوصية للأستاذ عبد الكريم ... ولو بتتذكرو كورتنا الهزمناكم فيها يانااااس تالته بن رشد ونحن كنا بنلعب مع تالته غزالي وبعد المباراه ناااس خالد كاهن قالو حمودة دا ما بيدرس في غزالي ...ومتذكر شلنا الكاس نحن (تالته غزالي)...
لو بتتذكر يامحمد حيدر سبب خروج عمر الجزلي من الكديت هو سقراط وكان عنده اقدميه وبقى ييأمر عمر الجزلي وانتو عقدتوه بالله بكبرك دا سقراط القصير يهرشك يا جزلي ...الراجل اتحمق وترك الكديت ... تتذكر مشاغلة نزار لبنت من بنات مدرسة حي الضباط الثانوية بنات فقام جمعونا طابور والبنت لفت حولنا واختارت نزار ،،،يومها تنفسنا الصعداء لان الناظر كان امين خضر الزين ويا ويلك لو وقعت في ايده ...
تتذكر يا محمد حيدر ...يحي جعفر كان كارينا (الأول في الترتيب) حتى انتقال عثمان محمد صالح من خور عمر وعمل جن ليحي جعفر وزاده شيب على شيب (يحي جعفر احرز المركز العاشر على مستوى الشهادة السودانية ودخل كلية الهندسة المدنية وعثمان درس الطب البشري)...
قايتو يا محمد مكي يا أخوي حاولت اتذكرك ما فلحت والله ... من اولاد دفعتنا محمد عبدالقادر فيجوال (موجود بالإمارات وهو خريج معمار الخرطوم )... ومن اولاد دفعتنا عبد الاله محمد الحسن (خريج طيران من الهند الان بامريكا على ما اظن )..
تتذكر يا محمد حيدر حلة الليمون الجنب الجامع صاحبها اسمه حامد ، وبتاع الفول (نسيت اسمه) ما قصرو معانا بالدين... يا محمد حيدر في واحد اسمه بدر الدين كان معانا بالفصل وعلى ما اظن كان بتاع كديت وساكن بانت شرق واصبح ضابط بالجيش وينو الزول دا...
تحياتي لود اسكول العزيز اشرف زهير ....زمااان ما زرت الشارقة تاني ...تحياتي لمحمد هاشم الكتيابي ولرفاقك الحلوين كلهم ... بتذكر اسامة ابو سمرا اخو الشهير ابراهيم ابو سمرة ،اسامة دا درس معانا في تالته غزالي (فصل الاحياء) وكان عامل نافوخة للاستاذ يوسف الخليفة ابوبكر استاذ المعلقة ..وشابك الاستاذ الكلام دا عيب يا استاذ ...والاستاذ يرد ما عيب علي عيب على الوزارة القررته في المنهج ههههههههههه... محمد إبراهيم عثمان حمودة
|
|
Post: #60
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-06-2007, 07:26 AM
Parent: #59
الأخ حمودة .. لك التحية ..
والله لكن لقيتك لسة ذاكرتك خصبة .. يلا بالله واصل سرد الذكريات الحلوة ورجعنا للزمن الجميل .. اولاً انا والله ذي ما قلت ليك افتكرت إسمك .. بس ما قادر أجمع الشكل يا ريت لو وريتنا صورتك ( ولو على المسنجر) .. وكمان الواحد عاوز يعرف انت درست وين وليك كم سنة في الخليج؟ - بمناسبة الكديت وسقراط .. تعرف انا قابلت الزول ده في صدفة غريبة جدا هنا في جدة .. وما عرفتو ابدا .. صحتو اتصلحت وطال ![](http://www.sudaneseonline.com/db/smilies/smile.gif) هو مهندس ميكانيكي .. وقدم للعمل في شركتنا .. قابلتو بالصدفة يوم جاء للمعاينة .. ويمكن كسوداني سلمت عليه واتعرفنا على بعض !! ورغم انه قال لي اسمه سقراط بس برضو ما رجعت بي الذاكرة وما اتخيلت انه سقراط الدفعة .. اتوطتد علاقتنا وبقت بينا زيارات على مستوى الأسرة .. ومرة بالصدفة بنحكي لبعض كل واحد درس وين وكدة .. وإذا به يطلع سقراط الدفعة .. حتى بعد داك بديت اتذكرو بقصرو وشغبه .. بالله شوف الصدف .. هو متزوج وعندو ولدين .. - نزار الشاغل بنت حي الضباط ياتو نزار؟ نزار جعفر؟ ![](http://www.sudaneseonline.com/db/smilies/smile.gif) - تحية خاصة للأخ/ محمد عبد القادر (فيجوال) هو طبعا درس معانا كلية الهندسة .. وانا كان آخر عهدي بيه انه في هولندا على ما أعتقد ..
ونتواصل ..
|
Post: #61
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-06-2007, 07:38 AM
Parent: #60
مشاركة جديدة من الأخ عصام أبوعكر :
Quote: الزملاء الاعزاء السلام عليكم / العزيز ابراهيم لك الشكر علي البوست الجميل ومن خلاله طلعت اسماء الواحد يتمني يقابلهم اويتكلم معهم مثل الاخ اشرف زهير مع انه جارنا في حي الضباط لكن زمان ماسمعنا اخباره .العزيز محمد حيدر ماشاء الله ماشاء الله مانحسدك علي زاكرتك التي من خلالها تزكرنا اخوان اعزاء .الاخ حاتم ابوبكر(دوكوو) هو مستقر تقريبا نهائيا في ليبيا ياسر الجنيد/ في المانيا جمال عبيد/ في لندن المهندس/ عباس يس متزكر له مباراه سله في الخرطوم مدرستنا مع الخرطوم الجديده غلبونا وبعدها هتفوا (ياناس المؤتمر خدوا الكاس وادونا عباس) وكان بيلعب معاه حسام الطويل وعمر زنقه .يامحمد حيدر بالله اي حاجه ايميل تلفون اي شئ يوصلني لعمر زنقه اذا امكن ..الاخ عارف عثمان (كومار ابوشلخه هو الان في لندن. يا شباب سمعونا اخباركم اول باول وكترو من الصور ولكم الف تحيه اخوكم/ عصام ابوعكر....دبي.
|
|
Post: #62
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-06-2007, 09:22 AM
Parent: #61
Quote: يا شباب سمعونا اخباركم اول باول وكترو من الصور ولكم الف تحيه اخوكم/ عصام ابوعكر....دبي. |
- والله يا عصام انا عندي كمية من الصور بس للأسف في السودان .. إنشاء الله أول إجازة أمشيها حا انزلها .. - كنت بأتكلم مع سقراط هاتفياً هسع دي .. وكلمتو عن البوست ووعد بالمشاركة .. - عباس ياسين (الحلبي) ود حلتنا .. ودرس معانا كلية الهندسة .. وطبع كان في فريق السلة برضو .. كان في قطر .. بس سمعت انه رجع السودان .. يا ريت نشوف مشاركته ..
|
Post: #63
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-06-2007, 10:20 AM
Parent: #1
التحية لكل الشباب, عصام أبوعكر..مازلت اتذكر كان شخصا هادئا بخلاف أولاد الدفعة..ناس زنقة.تتذكر يا عصام (العتود الجابو زنقة?...لبن الحصين?..البسلة المسوسة?)..![](http://www.sudaneseonline.com/db/smilies/frown.gif) ![](http://www.sudaneseonline.com/db/smilies/frown.gif)
|
Post: #64
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-06-2007, 12:11 PM
Parent: #63
![](http://www.sudaneseonline.com/db/smilies/smile.gif) كدي بالله أحكو لينا قصة العتود الجابة زنقة ده ... الأخ محمد عبد القادر (فيجوال) طبعا كان متخصص في محاكاة وتقليد أستاذ (يوسف الخليفة)
|
Post: #65
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 06-06-2007, 01:52 PM
Parent: #1
أخونا إبراهيم محمد الحسن
سلام جاكم مرة تانية
(بالمناسبة إسمك الثلاثي زي أخونا الموسيقار وعازف الأورغ إبراهيم
المشهور بشريط حنان النيل الأول وهو دفعتنا في المؤتمر الثانوية).
أيامنا كان فريق الباسكت بول هو أقوى فريق على مستوي السودان كلو .
أخونا كابتن منزول (المهندس لاحقا ونجم فريق الهندسة / الخرطوم) هو الدينمو المحرك
مع كوكبة زي أخونا عصام بشير دفعتنا.
حصل مرة كان النهائي المؤتمر ضد جوبا الثانوية.والماتش بجامعة الخرطوم.
مشينا ومعانا فرقتنا الموسيقية بقيادة أخونا شمس الدين عازف الساكس (إبن أخت
المرحومة عشة الفلاتية) والسمؤل فضل (خريج معهد الموسيقى) وبقية العقد الموسيقي.
الجماعة غلبناهم ليك غلب شديد خلاص وقام شمس الدين يعزف على الساكس (جوبا مالك عليا)
بتاعين جوبا من الزعل عيونم بقت زي الجمر بس دايرين ليهم هبشة.
قريب النهاية ضربوا واحد من لعيبتنا بخشونة متعمدة فقام واحد من مشجعينا
بالإحتجاج .رجلو بس دخلت سنتيميترات داخل الميدان.
ما نعلم ما ندري إلا هجوم كاسح من جماعة جوبا علينا يالعصي والسيخ وأنحنا ما كضبنا
رجلينا ما لحقتنا إلا بعد داخلية ترهاقا.
|
Post: #66
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-06-2007, 02:23 PM
Parent: #1
الاخ ابو خالد تحية ودية لقد مثلت المؤتمر الثانوية فى منشطى كرة السلة والسباحة,ابان منافسات الدورة المدرسية ,حقننا بعض النجاحات فى كرة السلة,لولا وجود خصوم عنيدون,مدرسة بيت الامانة والانجيلية مثلا...إلا أن فريق كرةالسلة هذا بقيادة عباس و محمد يس,وبعض من فريق المكتبة القبطية,كانوا نواة فريق نادى بيت المال لكرة السلة,وصعد الفريق الى الدرجة الاولى فى نفس العام, فى مباراة شهيرة مع نادى الخرطوم 3. فى منشط السباحة حققنا بعض النجاحات على المستوى الشخصى,وأذكر الاخ ياسر,,وأشكر أيضا أستاذ التربية الرياضية,الذى سهل لنا التدريب فى (حوض الثقافة). محمد مكى
|
Post: #67
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-06-2007, 08:49 PM
Parent: #66
الإخوان عصام أبوعكر وابراهيم محمد الحسن:
السلام عليكم ...
Quote: ياسر الجنيد/ في المانيا |
- الأخ: ياسر الجنيد مستقر بلندن وليس في ألمانيا.
وأنا معي رقم تلفونه وبريده الإلكتروني. طبعا بتكونوا مستغربين كيف أنا عندي معلوماته بالرغم من إني ما دفعتكم ولاعجوز زيكم، ولكن الحاصل إني تحصلت على تلفونه من أخوه الصغير طارق وهو دفعتنا - دفعة 1986 بأبي كدوك و 1989 بالمؤتمر - لدعوته للإنضمام لرابطة خريجي مدرسة أبي كدوك النموذجية لأنو ياسر قرأ المتوسطة بأبي كدوك برضو.
نرجو زيارتكم لنا في هذا البوست، خاصة للناس الدرسوا المتوسطة منكم في أبي كدوك.
ولنا عودة إنشاء الله ...
والسلام عليكم ...
حسن زمراوي محمد عثمان خريج مدرسة المؤتمر – دفعة 1989 [email protected]
مدينة شيكاغو - ولاية إلينوي الولايات المتحدة الأمريكية
|
Post: #71
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-07-2007, 07:05 AM
Parent: #67
الأخ حسن زمراوي .. لك التحية وجميع خريجي أبوكدوك ..
Quote: وأنا معي رقم تلفونه وبريده الإلكتروني. طبعا بتكونوا مستغربين كيف أنا عندي معلوماته بالرغم من إني ما دفعتكم ولاعجوز زيكم، ولكن الحاصل إني تحصلت على تلفونه من أخوه الصغير طارق وهو دفعتنا - دفعة 1986 بأبي كدوك و 1989 بالمؤتمر |
![](http://www.sudaneseonline.com/db/smilies/smile.gif)
انت خريج 89 ونحن خريجين 86 .. يعني جات على ال 3 سنوات دي ؟؟
|
Post: #68
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-06-2007, 08:55 PM
Parent: #1
الاعزاء بخصوص الرياضة كان استاذ الرياضة الاستاذ الطيب منصور واول مرة جاء يدرس في المؤتمر كان طالب في معهد التربية الرياضية يعني اكبر مننا بكم سنة ولما اتخرج عينوه في المؤتمر وكان كآي خريج مليان طموح لكنه اصطدم بفصل اولي مهدي والشباب ما بقصروا. المهم كنت مرات كثيرة لمايكون ما في موضوع و يكون في تمرين لمنتخب المدرسة لاي منشط كنت بشيل اعلان التنبيه واحوم بيه علي الفصول ودي كانت براها 3 حصص ولزوم تكون داكي ليغل. في مرة قلت ليه يا استاذ ما تشوف لينا منشط نمثل فيه المدرسة لان اللعبية يوم التمرين او المباراة بياخدوا نصف اليوم الدراسي وبعدين كانوا بدوهم باسطة بعد الفطور ورفاهية زايدة عن اللزوم فاذكر قال لي عندنا نقص في لاعبي رمي الجلة وكان ممثل المدرسة اسمو نجم الدين كان الدفعة القدامناوهو قريب عبدالقادر عبدالمنعم الدفعة. المهم ضربنا الباسطة وغبنا من بعد فسحة الفطور واي استاذ كان بيسالني حايم مالك كنت بقول ليهو بكل فخر والله يا استاذ مشارك في فريق العاب القوي والليلة الدورة. في العصر مشينا ميدان الربيع وعملنا انجازات اذكر منها فوز ابراهيم بصلة في 100 متر ودلدوم في 1000 متر وبدرالدين سنبرقهو (كان قائدنا في الكديت) في 3000 متر وصديق ود الوكيل في القفز العالي اما نجم الدين فاحرز الميدالية الفضية في رمي الجلة وانا احرزت البرونزية في رمي الجلة ايضا ولحدي هسه ما استلمت ميداليتي.
اما في الجانب الثقافي فيكفي المدرسة فخرا انها انجبت الفنان وليد زاكي الدين الذي كنا نسبقه بسنة. مع الود نواصل
|
Post: #69
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-07-2007, 00:43 AM
Parent: #1
الاعزاء مرة ثانية بخصوص الرياضة كرة السلة كان من اشهر لاعبي المدرسة في دفعتناالكابتن عباس يسن وبالمناسبة درسنا انا وعباس ومحمد الفاتح السراج كل المراحل الدراسية قبل الجامعية سويا (روضة وابتدائي في كمبوني ام درمان وانا كنت بدرس في دروس العصر في المدرسة العملاقة الموردة الابتدائية والتي زاملت فيها نسبة عالية من طلاب المؤتمر) وكان معناجمال اليماني وامين بابكر حمزة وطارق زروق (جاكسون)والمتوسط ايضا في الاميرية ام درمان وافترق جمال (ابوكدوك) وامين (الاهلية) وطارق (لا اذكر) ثم تلاقينا كلنا في المؤتمر. لم يشتهر عباس يسن بلقب الحلبي انما كان هذا لقب الحبيب مصطفي اسامة زكي (الحلبي). وكان من اللعبية الممتازين كبتن حسام عباس عبدالعال (الطويل) و يحي جعفر سعيد و هشام عثمان (تولوب) وقد درست معه المرحلة الجامعية سويا في بودابست والغريبة تولوب اصبح حارس المرمي الرئيسي لمنتخب الطلاب السودانيين بالمجر الذي كان يحرز بطولة جميع الدورات الرياضية هناك.
من اشهر لاعبي الكرة الطائرة الكبتن حسن موسي .
اما كرة القدم فكان الكباتن ابراهيم محمد سالم (بصلة) حاليا بنيويورك وبابكر دلدوم وخالد سعود، وحقيقة ما شفت لي زول بيحب يلعب كورة اكثر من العزيز امجد زهير (اللي ممكن يلعب كورة في صينية الغداء) اللهم الا شقيقه التوم العزيز اشرف. و مع الود نواصل
|
Post: #70
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-07-2007, 02:03 AM
Parent: #1
الاعزاء الاخ ابراهيم رغما عن انك بتقول بوجود كمية من المشاغبين بفصل اولي مهدي لكن هناك ايضا نسبه عالية من الطلاب الذين كانوا يمتازوا بالهدؤ فمنهم علي سبيل المثال وعلي حسب ما اذكر: خالد سعود، يحي جعفر، خالد عبده كاهن، خالد بابكر، طارق بابكر، اشرف شبو، معتز عريس، جمال حسن، عمر الفاروق، حسام عباس، طارق عبدالله، فيصل التهامي، معاذ محمد صالح، مجدي محمود، جمال اليماني، ياسرالجنيد، عبدالباقي، حازم العراقي، بابكر ضيين، ناصر، حسن موسي، محمد مصطفي كمتور، بدرالدين مصطفي، عارف عثمان، محمد يسن العالم. وايضا من المشاغبين في فصلكم: طارق قلة، عمر زنقة، المرحوم صخر، عاطف جلال، زهير القديم ونزار غ.... وبعدين اكتر واحد كان مشاغب في فصلنا هو العزيز مصطفي كاكوم وكان مزعج جدا. مع الود نواصل
|
Post: #72
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-07-2007, 07:23 AM
Parent: #70
انا بقيت أول حاجة أعملها من ما أجي المكتب الصباح أفتح البوست وأقرأ المداخلات .. وبعدين أفتح الإيميل عشان اشوف المشاركات .. ودي مشاركة من أخ كريم إسمه حيدر (دفعة قديمة) :
Quote: الاخ الغالى ابراهيم محمد الحسن لك عاطر التحايا وانت تذكرنا بتلك الايام الجميلة الخالدة و التى ستظل ذكراها فى وجداننا ما دمنا على هذه البسيطة فقد كانت لنا فى المؤتمر ذكريات الصبا و الشباب و الصداقات الحميمة و الاخوة الاعزاء و الذين ما زلنا نتذكرهم وكانى قابلتهم بالامس رغم مرور سنين عديدة .. فقد كنت فى المؤتمر فى عهد ابو خالد و الذى لم يذكر اسمه حتى نتعرف عليه لكن هو دفعة طالما كان مع ابراهيم محمد الحسن العازف وعصام بشير وصديقه مصطفى حسن وزغبير والرشيد وعمر الكجل وتنقارى وكبلو واولاد توتى يعقوب ونجيب وعصملى ومحمد ابراهيم وفصل الداخلية ومعسكر الجامعة الذى قضينا فيه ايام جميلة ايام الاحتفال باعياد الاستقلال مع استاذ الرياضة والله نسيت اسمه لكن كان فى المعسكر بيقول يا ود المؤتمر يا مدلل يا بت هوفن يا كازنوفا وناس الكديت مع العشا الطيب رغم انى لم اشترك فى الكديت وكلمة الوداع التى بدات بسحاسحتى جحاجحتى وكان الاستاذ الرشيد و الذى يفهم للانجليزى بغير ترانسليشن و التى صاغ كلماتها قاسم مصطفى مع عمار يونس و بالمناسبة يوم مباراة جوبا التجارية دى جرينا جرى جد و ما فى واحد وقف الا على عبداللطيف لانه طالع لى جده و يا سلام .. ناس منزول ومن بعدهم اسماعيل ابو وحسن ديل اى مباراة فى الطائرة او السلة كان فايزين فيها ولا زلت اذكر استاذى العظيم استاذ الطاهر وصديق ماس والمدراء على النصرى و ضرار صالح ضرار و الهادى احمد محمد صالح ومن قبلهم امبابى و لا زلت اذكر ابو الزين عليه رحمة الله وشكلة جاهزة خاصة مع عليش و عشرى ويكفى اننى كنت اعرف اكثر من ثلثى طلاب المدرسة رغم كبرها ونسال الله ان يجمعنا مع هؤلاء الاخوة فى هذا الزمن الذى اصبحنا فيه مشتتين فى بقاع العالم المختلفة .
ساعود اليك حتمآ الاخ ابراهيم فما زال لنا شوق وحنين الى تلك السنين .. حيدر |
|
Post: #73
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-07-2007, 07:33 AM
Parent: #72
Quote: أخونا إبراهيم محمد الحسن سلام جاكم مرة تانية (بالمناسبة إسمك الثلاثي زي أخونا الموسيقار وعازف الأورغ إبراهيم محمد الحسن المشهور بشريط حنان النيل الأول وهو دفعتنا في المؤتمر الثانوية). |
Quote: فقد كنت فى المؤتمر فى عهد ابو خالد و الذى لم يذكر اسمه حتى نتعرف عليه لكن هو دفعة طالما كان مع ابراهيم محمد الحسن العازف |
![](http://www.sudaneseonline.com/db/smilies/smile.gif) للتوضيح .. انا ما ابراهيم محمد الحسن عازف الأورج .. له التحية ونتمنى مشاركته طالما طلع برضو خريج المؤتمر ..
|
Post: #74
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-08-2007, 12:03 PM
Parent: #1
مازلنا فى إنتظار الاخوة خريجى مدرستنا العريقة,بالمناسبة شعبة التاريخ وشعبة اللغة الفرنسية وشعبة التربية الرياضية, صاروا مكتبة امدرمان المركزية...هنالك أحاديث أيضا عن النية فى بيع جزء آخر من المدرسة لاقامة مشروع سياحى..
|
Post: #75
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-08-2007, 02:57 PM
Parent: #74
بسم الله الرحمن الرحيم سلام... يا شباب البوست ده اول مره اشوفه. الاسم: حاتم هاشم عبد الرحيم محمدخير الدفعه: دفعة الباشمهندس محمد حيدر ابراهيم..محمد مكي..محمد حيدر سلامات شكرا يا ابرهيم زكرتنا بالعصر الجميل الدفعه كانت: ابراهيم محمد الحسن (سيد الحوش) محمد ميرغني عبد المنعم احمد عمر عبدالرحمن مبارك احمد المبارك محمد ابراهيم عادل غندور اسماعيل اسامه انور مرتضي ابراهيم خالد اشرف شبؤ مجتبئ سيان عمار ابراهيم قله محمد حيدر اسامه (حكيم) ايهاب سوار الدهب محي الدين محجوب ابراهيم العم . . وبعض الاساتذه: استاذ ابؤ استاذ ابوكدوك استاذ عبدالرحمن (تربيه اسلاميه) ابو دقن
ونواصل . . تحياتي... حاتم هاشم.
|
Post: #76
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-08-2007, 10:12 PM
Parent: #1
الاعزاء كتب حمودة يا محمد حيدر في واحد اسمه بدر الدين كان معانا بالفصل وعلى ما اظن كان بتاع كديت وساكن بانت شرق واصبح ضابط بالجيش وينو الزول دا...
ده يا حموده الاخ بدرالدين موسي مصطفي دفعة من الاميرية انت تكون نسيتو لانو كان كاتم صوت وانت يا حممودة ما بتتزكر الا المشاغبين
كالعادة مرور أنيق للعزيز حاتم هاشم ود العرضة برضو دفعة من الاميرية وكنا لمن نجي راجعين من المدرسة في شلة كبيرة و نتكل شوية امام البازار في شارع المورردة وبعد داك نتفرق كل زول علي بيته وكنت مع حاتم هاشم والعزيز إبراهيم أحمد إقبال الوحيدين اللي بنتجه غربا ناحيه شارع الاربعين وانا لمن اصل بيتنا هم بيواصلوا للعرضة. حاتم هاشم هو واخوانه كلهم من خريجي المؤتمر لؤي، محمد، حاتم، معز و هيثم.
إتصل بي الباشمهندس خالد بابكر يحي (الفرنساوي) وحكيت ليهو عن البوست ووعد إنو ح يتداخل مع الشباب. مع الود نواصل
|
Post: #77
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2007, 07:07 AM
Parent: #76
مشاركة جديدة عبر الإيميل من الأخ عصام أبوعكر :
Quote: العزيز/حسن زمراوي لك مني الف سلام الاخ ياسر محي الدين الجنيد صحيح بلندن وانا كنت في مهمه عمل هناك وتقابلت معه وللعلم هو كان جاري الحيطه بالحيطه في بانت شرق والان هم في بانت غرب ..اما المانيا كان قصدي الاخ كمال عبد العزيز طبعا بتعرفه خريج ابوكدوك ولعب في نجوم ابوسعد واشبال الهلال. الاخ محمد حيدر انا في انتظار ايميل زنقه اوابراهيم بصله اذا امكن .الاخ محمد مكي قصه عتود زنقه والله اخوك كبر ونسي ذكرنا بالايام الجميله .انا متذكر ايام المعسكرات كان اولاد بيت الامانه عاملين لينا جن كل يوم بالليل يدخلوا المدرسه في محاوله لسرقه علم المعسكر لكن ابدا ماقدروا .كنا بنصحي الليل كله والصباح نوم .واصلوا الزكريات الجميله ...عصام ابوعكر /دبي
|
|
Post: #78
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2007, 09:33 AM
Parent: #77
الأخ حاتم هاشم .. بعد التحية .. تعرف انا لما رسلت ليك المسج على اعتبار اني الشخص ده بعرفو من أمدرمان الأميرية .. بس ما متذكر انك كنت معانا في المؤتمر !! لدرجة إني شكيت يمكن ده شخص تاني غير الأنا قاصدو ... كنت في ياتو فصل ؟ بس لما محمد حيدر ذكر أيامك في الأميرية .. وأخوانك محمد ومعز ، تأكدت انك ده انت زاااتك .. لأنو محمد ومعز درسو هندسة الخرطوم على ما اعتقد ..
تحياتي
|
Post: #79
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-09-2007, 11:34 AM
Parent: #1
مع هؤلاء الشباب درست جميع المراحل الدراسية الاساسية:- مدرسة بيت المال الابتدائية المزدوجة مدرسة امدرمان الاهلية المتوسطة مدرسة المؤتمر الثانوية. 1.محمد عبد القادر على 2.صديق الصادق المهدى 3.المرحوم-محمد احمد عثمان حسين(كيلانى). 4.خالد عبداللة عبدة كاهن. 5.خالد بابكر يحى. 6.خالد سعود حسون. 7.ربيع حسين الخضر. 8.معتز صالح خوجلى(عريس). 9.المرحوم الطيب إبراهيم شمو 10.المرحوم طلال الطيب الغزالى. 11.برهان الطيب الغزالى. 12.جمال عوض عثمان مكى. 13.خالد بابكر النور. 14.
هذا ما استطعت التذكر..للترتيب عشوائى... علهم جميعا بخير. محمد مكى..
والشباب ديل مرحلتين. 1.محمد الفاتح عمر السراج(أخى فى الرضاعة) 2.عصام الدين عمر السراج . 3.اشرف عبد الرزاق 4.
|
Post: #80
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2007, 12:09 PM
Parent: #79
الأخ محمد مكي .. برضو من أولاد دفعتكم في الأهلية المتوسطة ثم المؤتمر الثانوية: - حسن عمر أبو زيد (ود خالة محمد عبد القادر) .. درس هندسة كهربائية في جامعة السودان - معتز (عريس) سكنا في غرفة واحدة في الداخلية مع عمر الصادق وأكرم يوسف ومحمد هاشم الكتيابي.. وكمان مع عريس لنا ذكريات جميلة في الخدمة الإلزامية (المعسكر المفتوح في العمارات) هو حاليا متزوج ومقيم في الولايات المتحدة .. - جمال عوض عثمان(الطويل) درس هندسة في تشيكوسلوفاكيا .. ورجع واصل في السودان ..
|
Post: #81
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2007, 12:57 PM
Parent: #80
زميل وصديق عزيز جدا .. تزاملنا وامتدت صداقتنا منذ مدرسة الهجرة الإبتدائية .. ثم الأميرية المتوسطة .. المؤتمر الثانوية .. وأخيرا جامعة الخرطوم هو الأخ/ إيهاب إبراهيم سليمان (المسيحي) .. هو حاليا مقيم في بريطانيا (هاجروا) .. له من هنا التحايا الخالصة ..
من الأخوة اللي تزاملنا في أمدرمان الأميرية ثم الؤتمر الثانوية : - ايهاب ابراهيم (المسيحي) - محمد هاشم الكتيابي - محمد مرتضى (وشو) - عمر الصادق - التيمان أشرف وأمجد زهير - يحيى جعفر سعيد - محي الدين محجوب - عباس يسن - محمد حيدر - جمال حسن - حاتم هاشم - معز بابكر مالك - إبراهيم إقبال - عادل غندور - مصطفى مختار (كاكوم) - فيصل التهامي - منصور بابكر - محمد ميرغني - محمد مصطفى الزين - بشير الشيخ ديل على سبيل المثال وحسب الذاكرة .. نرجو الإضافة إذا نسيت أي شخص ..
|
Post: #82
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2007, 01:16 PM
Parent: #81
مشاركة سريعة من الأخ عصام أبوعكر :
Quote: الاخ العزيز /ابواحمد والاخوان الاعزاء جميعا مشاركاتي معظمها عن شباب الكديد لانه ذي مابيقولوا الواحد كان مرضان بقصه العسكريه دي ولكن ربنا ماكتبها لي دي اسماء بعض الزملاء الذين التحقوا بالسلك العسكري من الدفعات القبلنا والبعدنا ودفعتنا بابكر دلدوم (الجيش ترك برتبه نقيب عصام( قرموط) الجيش سلاح الموسيقه اظن ترك برتبه رائد محمد الفاتح السراج (الجيش ترك ولا لا اخوه محمد مكي ادري بدر الدين الغندقلي(سنبرغه الصغير)الجيش ترك برتبه رائد خالد احمد ابراهيم ود الوكيل (الجيش وهو الي الان بالجيش برتبه مقدم عارف عثمان (الشرطه ترك برتبه نقيب وليد عثمان (الشرطه ترك برتبه رائد عمر زنقه وكمال عبدالعزيز ديل تركوا الشغلانه دي من الكليه ديل بعض الزملاء المتزكرهم وواصلوا اذا متزكريين العساكر ولكم مني الف سلام اخوكم /عصام ابوعكر //دبي |
|
Post: #83
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-10-2007, 04:14 AM
Parent: #1
الاعزاء القصديد عصام ابوعكر بخصوص عمر زنقة اتصلت باولاد الهند الكنت قابلته في زواجتهم ما عرفوا لقب زنقة ده الظاهر في الهند كان داسي لقبه اكتب لي اسمو بالكامل وتاني يوم اجيب تلفونه هو وبصلة وقلة وطبعا قلة اتزوج وعايش في السودان. وبخصوص الجيش ما عارف لكن اتخيل لي معاوية السنوسي برضوا كان في الجيش. الاخ ابراهيم من الزملاء الدرسوا معانا في الاميرية والمؤتمر التيمان بدرالدين وفخرالدين
برضوا قبل شوية اتكلمت مع الاخ نزار علي (السني) ووعد انو ح يخش علي البوست ويتداخل
* اخوانا في واحد عنده معلومة عن عاطف جلال مع الود نواصل
|
Post: #84
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-10-2007, 04:15 AM
Parent: #1
الاعزاء القصديد عصام ابوعكر بخصوص عمر زنقة اتصلت باولاد الهند الكنت قابلته في زواجتهم ما عرفوا لقب زنقة ده الظاهر في الهند كان داسي لقبه اكتب لي اسمو بالكامل وتاني يوم اجيب تلفونه هو وبصلة وقلة وطبعا قلة اتزوج وعايش في السودان. وبخصوص الجيش ما عارف لكن اتخيل لي معاوية السنوسي برضوا كان في الجيش. الاخ ابراهيم من الزملاء الدرسوا معانا في الاميرية والمؤتمر التيمان بدرالدين وفخرالدين
برضوا قبل شوية اتكلمت مع الاخ نزار علي (السني) ووعد انو ح يخش علي البوست ويتداخل
* اخوانا في واحد عنده معلومة عن عاطف جلال مع الود نواصل
|
Post: #85
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-10-2007, 07:19 AM
Parent: #84
الأخ محمد حيدر .. بعد التحية .. والله الواحد سعيد بالأسماء البقى يسمع عنها هنا ... نزار علي (السني) وين الراجل ده ؟ له التحايا الخاصة ونتمنى نشوف مشاركته .. عاطف جلال تزاملنا في كلية الهندسة .. وهو اتزوج ومستقر في الولايات المتحدة .. بس ما عارف عنوانه .. وهل رجع السودان ولا لسة .. أعتقد ناس أشرف زهير يكونوا عارفين معلومات عنه ..
|
Post: #86
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-10-2007, 10:59 AM
Parent: #85
كنت بأتكلم هاتفياً قبل قليل مع الأخ عمر الصادق في السودان ووعد يشارك في البوست .. عرفت منه إنه الأخ/ محمد مرتضى (وشو) كان متواجد بالسودان في إجازة ورجع أمريكا قبل يومين ..
|
Post: #87
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-10-2007, 11:08 AM
Parent: #86
من الزملاء الأعزاء بمدرسة المؤتمر الأخ الخلوق/ عوض الكريم الريح .. عمل بوزارة الخارجية .. وآخر عهدي بيه كان الملحق الثقافي بسفارة السودان في السعودية .. ما عرف موقعه الآن .. يا ريت نحظى بمشاركته ..
ونتواصل ..
|
Post: #88
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-10-2007, 12:59 PM
Parent: #87
ومشاركة من الأخ حمودة :
Quote: تعرف يا ابراهيم اتفقنا انا وابو عكر على صورة جماعية تلمنا ببعض خريجي المؤتمر في مختلف الازمنة ...وا ن شاء الله نرسلها لكم للتواصل ... انت سالتني عن نزار الشاغل البنت وجاب لينا الهوأ ...الزول دا ما متذكر اسمه بالكامل ...بس بتذكر انه من الحجم الصغير وكان عنده اهتمامات بالجكس ...وعلى ما اظن درس باولى دقنة ... اما عن دراستي فانا تخرجت من اسكول (مدرسة العلوم الرياضية بجامعة الخرطوم ) وعملت ما جستير في ادارة الاعمال من جامعة باكستانية اسمها szabest بقرية المعرفة بدبي ... عملي محلل نظم بالشارقة منذ عام 2001 م ...وقبلها كنت محلل نظم مبرمج بوزارة المعارف بالرياض حتى 2001 منذ 1997 م وقبلها كنت مدرس كمبيوتر ابتداءً من 1996 وحتى 1997م ... من ناس المؤتمر والمتذكرهم بالإضافة للسابقين : منصور بابكر درس طب الخرطوم عادل حسن عثمان درس طب اسنان الخرطوم اشرف شبو درس اقتصاد الخرطوم عبد الباقي حامد درس قانون الخرطوم والمجموعة اعلاها عملنا سوياً برابطة ابناء ام درمان بالجامعة ... وبرضو هنالك عاطف عبد اللطيف درس علوم بجامعة الخرطوم ... اكرم يوسف درس علوم .. خالد أحمد (بسموه خالد اقوانا ) من اولاد بانت شرق كان ضابط شرطة وتركها الى قطر ...(الزول دا مرقني مرة من عسكري بالمرور اتطلبط فيني لله في الله )... اما عن الثنائيات في فصلنا كانت كالاتي: اشرف شبو وعمو ولاحقاً عبد الكريم العربي ... يحي جعفر وعبد الله عباسية وخالد مسعود ... محمد حيدر ومحمد حسن ... محمد رافع ومصطفى مختار ... بشير الشيخ واحمد بشير ... خالد بابكر يحي واخو طارق بابكر يحي .. طبعاً طارق كان عنده مشاكل مع حصة الفنون واستاذ سلاّم ...مرة استاذ سلاّم قال لينا ارسمو القدامكم وكان صحن وعليه جزء من شجر العشر ... طارق رفض يرسم الاستاذ قال ليهو لازم ترسم وهو اصرّ على رفضه بعدم مقدرته على الرسم ...انا دخلت نفسي وقلت ليه يا استاذ سيبو على راحتو قاام قلب علّي وخلى طارق ما تقول هو ابو فصلنا كان ... طبعا يا محمد حيدر بتذكر معمل الرسم ...
معتز عريس كان هاديء جدااااااااااااا واخر مرة قابلته في معرض جيتكس قبل 3 سنوات برفقة محمد هاشم الكتيابي والمرحوم صخر احمد على ما اظن ...
بجيكم تاني ياشباب
|
|
Post: #89
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-10-2007, 01:17 PM
Parent: #88
الأخ حمودة :
Quote: انت سالتني عن نزار الشاغل البنت وجاب لينا الهوأ ...الزول دا ما متذكر اسمه بالكامل ...بس بتذكر انه من الحجم الصغير وكان عنده اهتمامات بالجكس ...وعلى ما اظن درس باولى دقنة ... |
إذن هو نزار جعفر (بارتيتا) .. أنا برضو كنت شاكي فيه ![](http://www.sudaneseonline.com/db/smilies/smile.gif) الأخ نزار جعفر .. زميل في هندسة كهرباء .. كان فترة هنا في جدة .. تزوج وبعدها هاجر إلى كندا .. لكن رجع واستقر في السودان .. له التحية ..
Quote: والمجموعة اعلاها عملنا سوياً برابطة ابناء ام درمان بالجامعة ... |
كدة انا عرفتك وطلعت الزول الفي بالي.. واتذكرتك من خلال مشاركاتنا في رابطة أمدرمان .. مع ودي ونتواصل
|
Post: #90
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-11-2007, 00:07 AM
Parent: #89
بسم الله الرحمن الرحيم سلام ياشباب . ونواصل الدفعه فيصل التهامي (جنه الاطفال) ود النو ايهاب مهاجر الصادق قرافي عبدوس (كبرونا) مصطفي مختار نادر (حيرم) خالد بابكر النور سليمان ميرغني . واتزكر طوال فترة الدراسه لم نركب مواصلات عامه كان نركب الملح الي البازار ونركلس شويه وانا ومحمد حيدر وابراهيم العم(اقبال) وشله حي البوسطه نتحرك كداري محمد حير الي حي الامراء ونحن نواصل.. وكان ناس باشا (ود العباسيه) ومنزر غندور بستنونا مع ياسر ابو العلاء وعبيد حمد النيل والامين سورج (ديل شله وادي سيدنا) وكان اغلب الاوقات نمشي مخصوص مع السخانه ديك نشرب عصير الليمون البارد من (قرشي) . ونواصل تحياتي... حاتم هاشم.
|
Post: #91
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2007, 06:28 AM
Parent: #90
الأخ حاتم هاشم بعد التحية .. على ذكر الأخ منذر غندور .. وهو زميل كان من الأميرية .. وين الراجل ده ؟ طبعا هو من أول الناس السافرو إلى الولايات المتحدة .. شكلو كدة بيكون بقى بتاع عصابات ![](http://www.sudaneseonline.com/db/smilies/smile.gif) له التحية إذا بتقابلو .. حاتم بالله اديني تلفونك أو إذا عندك مسنجر .. لمزيد من الذكريات ..
ونتواصل ..
|
Post: #92
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2007, 06:48 AM
Parent: #91
مشاركة اليوم من الأخ عصام أبوعكر :
Quote: العزيز/محمد حيدر زنقه (اسمه عمر حسن محمدين) .. (بصله) اسمه ابراهيم سالم .. اكون شاكر لك اذا حصلت علي اي معلومه. المعلومه العندي انهم مجموعه من شباب بانت شرق مع بعض واغلبهم درسوا في الهند وهم اهل كمان. ودي الهدف الاساسي من البوست الرائع عن طريق الاخ الرائع ابراهيم محمد الحسن له مني الف شكر وليك يامحمد حيدر ماتزعل لكم التحيه .. وخلونا متواصلين .... عصام ابوعكر /// دبي
|
|
Post: #93
Title: Re: تواصل خريجي مدرسة المؤتمر الثانوية - المدرسة الوطن
Author: Nader Abu Kadouk
Date: 06-11-2007, 06:54 AM
Parent: #91
ياسلام علي المؤتمر و شباب المؤتمر دفعة 82ودابكدوك
|
Post: #94
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2007, 07:49 AM
Parent: #93
الأخ نادر أبوكدوك .. بعد التحية .. وشكرا على المشاركة .. أعتقد 82 دي سنة دخولك المؤتمر .. يعني خريج 85 .. صاح؟ نرحب بمشاركات الأجيال السابقة واللاحقة حتى تظل المؤتمر وذكرياتها في دواخلنا .. حتى لو باعوها
|
Post: #95
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2007, 10:30 AM
Parent: #94
up يا شباب ساعدونا حتى تظل المؤتمر فوق ....
|
Post: #96
Title: Re: تواصل خريجي مدرسة المؤتمر الثانوية - المدرسة الوطن
Author: عزيز
Date: 06-11-2007, 11:27 AM
Parent: #95
الأخ إبراهيم
لك ولكل الأخوة الود والتقدير
عبدالعزيز أحمد عبدالعزيز خطاب
هولندا- أمستلفين
من أبناء جزيرة توتى
أولى مهدى ثانية زمخشرى ثالثة إبن حيان
كل الأساتذة الأجلاء المذكورين عاصرتهم بالمدرسة + أو _ قليل منهم
كان أستاذ عزالدين (لغة فرنسى) أبو فصلنا فى أولى مهدى
وأستاذ خليل (لغة أنجليزى) فى ثانية زمخشرى ثم هاجر الى السعودية للعمل بشركة ارامكو ثم أوكل الفصل لأستاذ إبراهيم (لو لم تخنى الذاكره)
وفى إبن حيان كان أبو الفصل أستاذ ساتى وهو أيضا استاذ اللغة العربية..
كانت أمتع الحصص مع أستاذ الأجيال المرحوم المعفور له أستاذ يوسف الخليفة.. وأستاذ عبدالرحمن عبدالله ( التربية الإسلامية ) ولا حياء فى الدين (العلم) حصلنا حنفى الونش ( رياضيات ) لعام واحد استاذ رأفت الكيمياء وأستاذ أحمد فؤاد الفيزياء وسعيد الخضرى رياضيات ( من مصر )
أستاذ بيتر شاين ( لغة أنجليزية الصف الثالث ) من بريطانيا
أستاذنا الجميل بشير العوض ..
ولو كان المجال الآن يسمح لذكرت كل المعلمين الأجلاء .. ومنهم عمر مودى ( تاريخ ) ومحمد فتحى جغرافيا
لو فيكم واحد دفعة يرفع يده..
بالمناسبة كان قد فتح بوست قبل عامين أيضا لذات السبب وكانت فيه مداخلات طيبة وتواصل حميم إمتدد عبر الهاتف لكثير من الأخوان الأعزاء سوف أحاول جلب رابطه هنا
مودتى كاملة
عبدالعزيز خطاب
|
Post: #98
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2007, 11:36 AM
Parent: #96
التحية لك أخي عبد العزيز .. بس ما وريتنا انت دفعة كم ؟ قبلنا أم بعدنا ؟؟ أو يمكن دفعتنا ؟ بالله ضروري مدنا بالرابط بتاع البوست المذكور .. هل كان هنا في سودانيزاونلاين ؟
|
Post: #97
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-11-2007, 11:33 AM
Parent: #1
سلام يا شباب بخصوص ما ذكر أعلاة عن الاخ نزار يا ابراهيم ,ليس المقصود الا خ نزار جعفر عبدالباسط(درسنا فى الاهلية ايضا). المقصود هو نزار آخر وعلى ما أعتقد كان معانا فى الفصل....
|
Post: #100
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-11-2007, 12:08 PM
Parent: #1
العزيز إبراهيم محمد الحسن الإعزاء أولاد المؤتمر العظيمة سعدت أيما سعاده بهذا البوست لأنو ح يرجعنا للأيام الخوالى الجميلة .. مسألة الدفعة الكم دى خلوها مستورة لكن أخونا كابتن مصطفى النقر وأخونا أنور محمد عثمان (الكون ذلك المجهول) كانو قدامنا .. طيب عشان تكونو معاى دفعتنا كان فيها ناس سعود البرير ومعاوية البرير وحسن أبراهيم نور(قابلتو فى محطة قطر فى رومانياوإلا المجر ما متذكر) عام 80 وما لاقيتو تانى) ومجدى محمد حسين وعبدالرازق سيد على كرار (طبيب بالمدينه) وهاشم إسحق (لعب فى نادى النيل) والتاج صالح (بيطرى) وإسامة داوود (طبيب المريخ قبل فترة) ورياض (صيدلى الآن آخر عهدى به شغال فى السعودية) وناس كتار غايتو بعضعم نسيت إسمو وبعضهم لا أزال متذكرو .. كنت سكرتير الإتحاد بتاع المدرسةوكان لمن دخلنا الإتحاد بتاع (كيزان) قمنا شلناهم !! عملنا (إعتصامات) كتيرة حضرنا إنتفاضة شعبان فى المدرسة وإستشهد فيها الشهيد (جيلانى) وكان الدفعة القدامنا !!
الأساتذة : - المرحوم أبوالزين (الوكيل) - الهادى أبوبكر - الجنيد (نظار)
اللغة العربية والدين : - أبوالزين - يوسف الخليفة - على عمر (ما متأكد من الإسم) لكن هو شقيق المقرئ عوض عمر
الكيمياء: - أستاذ الطاهر (قابلتو عام 1988مرة حوالى شغال فى السعودية) - الفيزياء (أستاذ مصرى قصير عندو حوله فى عيونو) - الأحياء : محمد يوسف - الرياضيات : عثمان يحيى - الجغرافيا : أمين الزين - اللغة الإنجليزية : عصام
الصول : عم العشا وولدو نادر كان فى الفصل الورانا
غايتو ده المتذكرو هسع .. الزمن جرى والذاكرة أكل عليها الدهر وشرب لكن مع المداخلات غايتو إحتمال الذاكرة تنشط
تحياتى للجميع
|
Post: #288
Title: Re: تواصل خريجي مدرسة المؤتمر الثانوية - المدرسة الوطن
Author: عبد الرحمن الطقي
Date: 12-10-2007, 11:56 AM
Parent: #100
الأخوة الفضلاء و الأبناء الأعزاء خريجي مدرسة المؤتمر الثانوية
السلام عليكم و رحمة الله و بركاته
لست من خريجي المدرسة العريقة المتميزة ، بل من خريجي إحدى منارات التعليم في السودان مدرسة خورطقت الثانوية ( الفيحاء ) .
و لكنني عملت بالمؤتمر معلماً لعدة أشهر سنة (93) ، ثم نقلت منها تعسفياً ( سياسياً ) بتوصية من مديرها عضو البرلمان عن الجبهة الإسلامية ( 86) ، و الذي أتى إليها للتو بعد تنفيذ تصفية مدرسة خور طقت العتيدة !! .
و صلتي بكثير من خريجي مدرسة المؤتمر يأتي من كوني درستهم بمدرسة أبي كدوك المتوسطة ( 87 - 93 ) ، إذ كانت الرافد الأساس للمؤتمر الثانوية ، و كانت صلتي بالمؤتمر و طلابها قبل قدومي لها معلماً حيث كنت أقيم بها دورات في التجويد و دروسأ دينية بمسجدها لعدد كبير من الطلاب قبل الطابور ، و كانت صلتي الخاصة بعدد من الأساتذة مثل الأستاذ عبد الرحمن عبد الله ( تربية إسلامية ) و الأستاذ عبد الله أبوه الملقب بالدكتور ( إنجليزي )
جميل جداً أحبتي أن تتواصلوا عبر هذه النافذة ، و تستعيدوا ذكريات الأزمنة الجميلة فتستروحوا بها من هجير الحياة العملية و السياسية اللافح .
و أتمنى أن تتطور الفكرة لرابطة تقدم الدعم لهذه الأم الرؤوم ، و تعمل على مقاومة عملية ( بيعها ) المتوقعة - حسب إفادة بعض المتداخلين - ، و إن كانت تجربتنا لاستعادة خورطقت الفيحاء فاشلة رغم وجود إبراهيم نايل إيدام ( عضو مجلس قيادة الثورة سابقاً ) على رأس اللجنة المطالبة بذلك ، و كان وقتها ما يزال في موقعه القيادي !!! .
أرجو من طلابي الذين لا يستطيعون الكتابة في هذا الموقع التواصل معي عبر عنواني الموجود بملفي الشخصي ( البروفايل ) .
عبد الرحمن الطقي ،،،
|
Post: #330
Title: Re: تواصل خريجي مدرسة المؤتمر الثانوية - المدرسة الوطن
Author: مدثر محمد عمر
Date: 04-06-2008, 08:59 AM
Parent: #100
والدي محمد عمر حسن تخرج من المؤتمر سنة 1967 . جارنا المؤرخ العم المربي العظيم: الاستاذ سعد الدين محمد سعد الدين من اميز الاساتذة الذي مروا علي المؤتمر الثانوية والسودان.
وبالمناسبة ولحفظ حق الرجال فقد باع أ.سعد الدين محمد سعد الدين قطعة ارض عزيزة عليه يمتلكها لينشر احد كتبه عن تاريخ السودان حين لم يجد من يعينه علي حفظ ذلك التاريخ !!! نسأل الله ان يعطيه الصحة والعافية وينفعنا بعلمه وادبه وخلقه وطيب معشره.
|
Post: #432
Title: Re: تواصل خريجي مدرسة المؤتمر الثانوية - المدرسة الوطن
Author: EXORCIST7
Date: 06-15-2008, 12:07 PM
Parent: #100
أنا من دفعة 1984 وبتذكر من الأساتذة أستاذ التربية الإسلامية ألمرحوم أستاذ عبدالرحمن وأستاذ الفرنسى عزالدين وصول الكديد السنجك وأخرين سوف أتذكرهم إذا رأيتهم
كنا بناكل البوش وبنملح المواصلات لحدى امدرمان
|
Post: #101
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-11-2007, 01:49 PM
Parent: #1
الاعزاء عزيز والفاتح كتر خيركم وراجين باقى زكرياتكم فى المؤتمر
|
Post: #102
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-11-2007, 08:08 PM
Parent: #101
بسم الله الرحمن الرحيم سلام ... ابراهيم..محمد مكي..ودحيدر..وايهاب مهاجر وباقي الشباب بتتزكروا منو في الصوره دي ؟؟؟؟!!!!
![](http://www.sudaneseonline.com/u/nnnnnn..jpg)
تحياتي... حاتم هاشم.
|
Post: #103
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-12-2007, 01:38 AM
Parent: #1
الاعزاء والله ما متذكر ولا واحد الله ينعل الحرمان وعامل السن مع الود نواصل
|
Post: #104
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-12-2007, 06:38 AM
Parent: #103
والله انا غايتو القدام أبو تفة ده مشبهو .. بس ما تقول لي ![](http://www.sudaneseonline.com/db/smilies/smile.gif) الفي الوسط أعتقد معتز شبو ... بس إذا ده فعلا معتز شبو معناها الصورة دي في المرحلة المتوسطة .. اللي على يمين معتز والله اتذكرتو .... بس الإسم طار لي .. !! بعدين دي شكلها في بيت !!! بالله ما تشحتفنا يا حاتم وورينا الأشخاص والمناسبة .. أها ..
|
Post: #105
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-12-2007, 08:41 AM
Parent: #104
بعد تمعن وتفحص في الصورة أكتر من مرة.. ده أنا ؟ أي والله ده انا ![](http://www.sudaneseonline.com/db/smilies/smile.gif) أبو تفة القدام .. تعرف انا ما عرفت نفسي .. الصورة ما في بيت .. دي في الفصل .. أمدرمان الأميرية ياخي بالغت عديل يا حاتم ..
|
Post: #106
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-12-2007, 10:24 AM
Parent: #1
Quote: الله ينعل الحرمان وعامل السن مع الود
|
![](http://www.sudaneseonline.com/db/attention/100_Balloons.gif) ![](http://www.sudaneseonline.com/db/attention/100_Balloons.gif)
|
Post: #107
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-12-2007, 12:53 PM
Parent: #106
واعتقد كمان يا حاتم .. وعلى ما أظن ده فصل (أولى ب) .. الشبابيكو فاتحة على زقاق سينما أمدرمان الوطنية
|
Post: #108
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-12-2007, 01:01 PM
Parent: #107
نرحب بتواصل الأجيال .. ومشاركة من الأخ هشام الطيب :
Quote: الاخ العزبز ابراهيم محمد الحسن تحياتى واشواقى واشيد بالفكرة تواصل خريجى مدرسة الموتمر وارسلت هذه الرسالة على بريدك الالكترونى لعدم اشتراكى فى المنبر وأنا من خريجى عام1987 واولا أحى خريجى المدرسة منذ عام1950 وحتى اليوم واحى ابناء الدفعة المنتشرين فى مشارق الأرض ومغاربها واترحم على الاموات الشهداء نبيل صلاح الدين وعبدالله عبدالحميد وكانا فى الجيش واشتهدوا فى الجنوب والشهداء ايضا ولاء وامير المصرى واحى ابناء الدفعة فى الذاكرة واطلب من دفعة 1987 المساعدة الاخوان خالد عياس صالح وطالب حامد طالب وحسن (أكشن) واحمد (محتمة) والاستاذ محمد حسين وسيف الصومالى وحاتم ووليد مبروك ومحمد بشير مبروك بسفارة السودان بالرياض وحسن المنوفى بكندا ومحمد الصادق (بوهايلو) واظن يا ابراهيم ان له قرابة معك ونزار عبد الساوى وهيثم صالح ووليد فضل المولى ونزار ويوسف بتوتى والقائمة طويلة فالرجاء من ابناء الدفعة المشاركة حتى يتم التواصل واتمنى للجميع دون فرز الصحة والعافية اخوك/ هشام شمس الدين الشيخ جدو من ابناء الموردة ش/الفيل مفيم بالسعودية |
|
Post: #110
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-12-2007, 03:05 PM
Parent: #108
Quote: * اخوانا في واحد عنده معلومة عن عاطف جلال |
الأخ/ محمد حيدر
السلام عليكم ...
أنا عندي أخبار عاطف جلال:
- كان شغال معانا في نفس الشركة في مدينة بيوريا وتركنا وذهب إلي الإمارات أو قطر. - آخر عهدي بيه كان عنده ولدين. - أخوه مصطفي جلال معانا في رابطة خريجي مدرسة أبي كدوك بكندا. - أخوه د. نادر جلال مستقر بمدينة ببافالو بنيويورك وهو أيضا معانا في رابطة خريجي مدرسة أبي كدوك . - أنا عندي e-mail عاطف لكن ماعندي تلفونه. راسلني في بريدي الإلكتروني وأنا حأرسلو ليك.
** وبعدين عاطف دا عجوز وما دفعتك. ولا دي صحوبية حلة ساي ؟
والسلام ...
حسن زمراوي محمد عثمان خريج مدرسة المؤتمر – دفعة 1989 [email protected]
أولي بحيري ثانية طهطاوي ثالثة إبن رشد
مدينة شيكاغو - ولاية إلينوي الولايات المتحدة الأمريكية
|
Post: #109
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-12-2007, 02:50 PM
Parent: #1
يا جماعة شنو كلكم ناس (كم وتمانينات) الدفعات بتاعتنا دى ناسا وين ؟ الناس الإتخرجت منتصف السبعينات !! مشينا (الخور) ولا شنو؟
|
Post: #111
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-12-2007, 03:18 PM
Parent: #109
الأخ: نادر أبوكدوك
السلام عليكم ...
أنا بفتش عليك من زمن طويل. سمعت عنك من حاتم سليمان ود. ياسر بدوي.
أرجو منك مراسلتي عبر بريدي الإلكتروني: [email protected] بخصوص:
والسلام ...
حسن زمراوي محمد عثمان خريج مدرسة المؤتمر – دفعة 1989 [email protected]
أولي بحيري ثانية طهطاوي ثالثة إبن رشد
مدينة شيكاغو - ولاية إلينوي الولايات المتحدة الأمريكية
|
Post: #112
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-12-2007, 07:31 PM
Parent: #111
Quote: العزيز/حسن زمراوي لك مني الف سلام الاخ ياسر محي الدين الجنيد صحيح بلندن وانا كنت في مهمه عمل هناك وتقابلت معه وللعلم هو كان جاري الحيطه بالحيطه في بانت شرق والان هم في بانت غرب ..اما المانيا كان قصدي الاخ كمال عبد العزيز طبعا بتعرفه خريج ابوكدوك ولعب في نجوم ابوسعد واشبال الهلال.
|
العزيز/ عصام أبوعكر
السلام عليكم ...
العزيز/ عصام أبوعكر
أرجو منك ترسل لي أي معلومات للإتصال بالأخ/ كمال عبد العزيز في ألمانيا.
نحن عايزين خبر رابطة خريجي مدرسة أبي كدوك النموذجية تصل لجميع خريجي المدرسة في أزمانهم المختلفة.
ولك مني كل الود والتقدير ...
والسلام ...
حسن زمراوي محمد عثمان خريج مدرسة المؤتمر – دفعة 1989 [email protected]
أولي بحيري ثانية طهطاوي ثالثة إبن رشد
مدينة شيكاغو - ولاية إلينوي الولايات المتحدة الأمريكية
|
Post: #113
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-13-2007, 10:21 AM
Parent: #112
الأخ/ الفاتح يوسف جبرا
Quote: يا جماعة شنو كلكم ناس (كم وتمانينات) الدفعات بتاعتنا دى ناسا وين ؟ الناس الإتخرجت منتصف السبعينات !! مشينا (الخور) ولا شنو؟ |
حاشاكم الخور ياخ ... يا ريت نشوف خريجين السبعينات والستينات كمان .. عشان تكون المؤتمر دائما فوق ..
ونتواصل ..
|
Post: #114
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-13-2007, 10:36 AM
Parent: #113
مشاركة من الأخ/ طالب حامد :
Quote: تحية لزملاء مدرسة المؤتمر الثانوية الاخ ابراهيم السلام عليكم ورحمة الله وبركاته أسمى / طالب حامد طالب من سكان المورة شمال (الهاشماب) جوار مكتبة البشير الريح- المكتبة البريطانية زمان مقيم فى السعودية من خريجى المؤتمر 1987 اولاً اشكر صديقي هشام شمس الدين محمد دفعتى فى الموردة الابتدائية والاميرية امدرمان والمؤتمر الثانوية على ارشادى للمشاركة فى التعرف على الزملاء خريجى المؤتمر فى كل الحقب اذكر ان الاخ محمد الصادق والزميل الصديق محمد حسن (بهايلو) ونحن فى السودان تحدثنا عن رابطة لخريجى مدرسة المؤتمر الكلام ده قبل سنوات عديدة فى الختام ألف سلامة للاخ هشام وتحياتى ايضاً للاخ محمد حسن كروم ومحمد احمد ومحمد محجوب وعتبانى واحمد محتمة
|
|
Post: #115
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-13-2007, 10:57 AM
Parent: #114
مشاركة اليوم من الأخ عصام ابوعكر .. له التحية :
Quote: اخي العزيز/ابواحمد السلام عليكم الزملاء الاعزاء الاخ هشام الطيب من دفعتك متزكر الاخ وليد مبروك واظنه ضابط بالجيش والاخ نزار عبد الساوي ضابط بالشرطه ومن دفعتكم ايضا ابن عمي دكتور علي ابوعكر وقمر الدوله والكثير والعتب علي الزاكره .. الاخ الفاتح يوسف كلنا في الهواء سوا الكبر دخل وخلينا في الذكريات الحلوه . اظن من دفعتك حسب مااذكر ابناء عمي اشرف وطارق حسن ابوعكر والمهندس صديق احمد ابراهيم ابن الوكيل الله يرحمه وخلينا علي تواصل علشان نحرك الناس ديل ونجيبهم معانا .. يامحمد حيدر لقيت عنوان زنقه بس همتك لعنوان بصله . محمد مكي سمعنا اخبارك نتواصل ولكم التحيه ... عصام ابوعكر //// دبي |
|
Post: #116
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-13-2007, 11:26 AM
Parent: #1
الاعزاء جميعا معليش ياشباب اليومين الفاتو إنشغلت شوية,اليومين ديل امتحانات وكدة... يا ابراهيم سمعت إنو عمر الفارق وعصام السراج فى السعودية..وكمان لوسمحت الايملات بتاعة محمد عبد القادر وعريس... عصام ابوعكر...ممكن نتلاقى على المسنجر makkymohammed"hotmail.com محمد مكى
|
Post: #117
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-13-2007, 10:05 PM
Parent: #116
بسم الله الرحمن الرحيم سلام... ودحيدر
دي عرفنها..الكبر حصل انت بس طلع الكنتاك لنذ والبس النظاره ونتعرف الناس ديل.
والحرمان ده شنؤ يامان ابرهيم عاش من يسمع صوتك
Quote: الشبابيكو فاتحة على زقاق سينما أمدرمان الوطنية |
انت داير تودي لينا البوست ده الخور ولاشنؤ .............................. الصف الاول مبارك احمد المبارك (ود العازف القدير احمد المبارك...من امبده). سيان..(الرجل المهزب) ود حلتكم يا محمد حيدر والله كبرت يامان. اسماعيل اسامه...(الراجل النكنه) بيتهم فاتح علي دار الرياضه. اليسع..(الراجل الحبوب) ود حي البوسطه كان دائما في البازار معانا واعتقد انه رائد في البوليس الان.
![](http://www.sudaneseonline.com/u/nnnnnn..jpg) ونواصل . . تحياتي... حاتم هاشم.
|
Post: #118
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-14-2007, 00:06 AM
Parent: #1
الاعزاء الحبيب حاتم هاشم في حرمان اكثر من ان الزول يكون عايش بره السودان 19 سنة بعدين ال19 سنة دي غني ليها وردي لكن صدقني ما بتمهم 20 عشان عامل السن وكده، تحياتي للاحباء لؤي وهيثم ومعز.
الحبيب عصام ابوعكر ده تلفون ابراهيم بصلة Mobile: 1-917-254-3565 مع الود نواصل
|
Post: #119
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-14-2007, 07:04 AM
Parent: #118
تحية صباحية .. بعد حوالي 21 سنة حظيت بسماع صوت الأخ العزيز حاتم هاشم .. والله كانت مفاجأة حلوة .. ودي من فوائد البوست ده .. الأخ حاتم سافر إلى الولايات المتحدة بعد امتحانات الشهادة 86 مباشرة ومن حينها ما شفناه ولا سمعنا عنه .. نتمنى ربنا يرد غربته والأخوان جميعاً ونحظى بلقاء في سوداننا الحبيب وفي رحاب المؤتمر .. أنا طبعا يا حاتم اتصلت عليك اكتر من مرة (مع مراعاة ال time difference) بس ما كان في رد (answer machine) .. وانشاء الله يستمر التواصل .. بخصوص الصورة : ياخي حيرتني .. الفي الوسط ده انا اعتقد انه معتز شبو !! بالله من شاف الصورة يفتينا ..
|
Post: #120
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-14-2007, 09:53 AM
Parent: #119
محمد حيدر تحياتي .. وين نزار علي (السني)؟ .. وعدت انه حا يظهر ويشارك
|
Post: #121
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-14-2007, 11:53 PM
Parent: #120
up
|
Post: #122
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-15-2007, 02:38 AM
Parent: #121
بسم الله الرحمن الرحيم سلام ياشباب ... ابراهيم بسال من امجد محمود احمد النور درس معانا في الاميريه وهو من اولاد بيت المال ورحلو الثورة الحاره العاشره وعنده اخوه كان الدفعه الورانا اسمه اسعد.. وبخصوص اشرف شبؤ لاقيتو السنه الفاتت وهو لسه محافظ ماذينا اتلحس كده ونواصل . . تحياتي... حاتم هاشم.
|
Post: #123
Title: Re: تواصل خريجي مدرسة المؤتمر الثانوية - المدرسة الوطن
Author: حاتم هاشم
Date: 06-15-2007, 01:27 PM
Parent: #122
بسم الله الرحمن الرحيم سلام... فوق علشان المؤتمر العلياء بنين . تحياتي... حاتم هاشم.
|
Post: #124
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-16-2007, 00:04 AM
Parent: #1
UP إحتمال يظهر لينا زول دفعة !!
|
Post: #125
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2007, 06:36 AM
Parent: #124
الأخ حاتم .. التحايا العطرة ..
Quote: وبخصوص اشرف شبؤ لاقيتو السنه الفاتت وهو لسه محافظ ماذينا اتلحس كده |
يا مان المقصود في الصورة (معتز شبو) وليس (أشرف شبو) !! معتز درس معانا في الأميرية .. وأشرف درس معانا في المؤتمر واتقابلنا في الجامعة (درس إقتصاد) .. على العموم التحية ليهم كلهم أينما وجدوا .. سؤالك عن الأخ أمجد .. والله ما عندي أي أخبار عنه ..
|
Post: #126
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2007, 06:42 AM
Parent: #125
مشاركة من الأخ/ هشام شمس الدين :
Quote: الاخ العزيز ابراهيم محمد الحسن اكرر تحياتى واشكرك على الاتصال وقد قمتم بالاتصال بالاخ محمد الصادق كما احى الاخ عصام ابوعكر وإنشاء الله يستمر التواصل كما احى الاخ طالب حامد طالب والذى كان بطل المدرسة فى رياضة الجمباز كما اترحم على عمته الاستاذة الجليلة فاطمة طالب والتى كانت لفترة طويلة مديرة لمدرسة ام درمان الثانوية للبنات .. كما اناشد خريجى مدرسة الموتمر والذين درسو فى ابوكدوك الوسطى مواصلة الجهد وعمل نداء لخريجى مدرسة الموتمر لرد الدين على هذه المدرسة العظيمة والعريقة كعراقة مدينة ام درمان و جاء تاسيس هذه المدرسة على ذكرى موتمر الخريجين وانا متاكد بان خريجى الموتمر المنتشرين فى مشارق الارض ومغاريها سوف يشاركون فى هذا النداء ومواصلة للذكريات عن دفعة عام 1987 ساتذكر بعض الاسماء وارجو من ابناء الدفعة المساعدة ومن الاسماء الاخوان معتز تندل وايمن البعيو وحاتم عبدالرحمن وعوض الله محجوب بالعرضة وفتح الرحمن (فرفور) وطارق سعود يالملازمين والفتى الابنوسى عمانويل سابانا ومجدى بالفيتحاب ونزار عوض صديق وايمن حران بالعباسية واحمد ادم خليل وهانى هاشم واحمد شكاك وانور مرتضى بالهاشماب وبشير الاحمدى والفاتح البنا واسامة بالمسالمة والمرضى ومصعب سيدابى واسامة عبدة كاهن بالخرطوم واسامة السر ووليد زاكى الدين ببانت ومعاوية محمد احمد (الطفل المعجزة) هذا جزء يسيط من دفعة1987 واتمنى للجميع الصحة والعافية اخوكم : هشام شمس الدين الشيخ جدو مقيم بالسعودية
|
|
Post: #127
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2007, 06:48 AM
Parent: #126
ومشاركة جديدة من الأخ طالب حامد طالب :
Quote: شكراً أخى ابراهيم .. على فكرة نحن اتقابلنا فى المؤتمر ونحنا الدفعة البعدكم 87 مع محمد الصادق دفعتى وهشام شمس الدين وتحدثنا عن تكوين رابطة لخرجي مدرسة المؤتمر الكلام ده قبل فترة طويلة وواضح الزمن مانساك فكرتك الجميلة .. واحيي أخى صلاح الدين حامد طالب (صلاح كديت) وابن خالتىالمهندس/ وليد محمد نافع والدكتور عاصم عثمان خريجى المدرسة العريقة والاستاذ/ العظيم استاذ الرياضيات فى زمنا الاستاذ ابو القاسم .. ومن قسم الاحياء الاستاذ عز الدين .. واللغة العربية الاستاذ يوسف الخليفة (الخلانا ندفر عربته المسكوفتش كل المدرسة عشان تقوم وهى مافيها بطارية) والاستاذ سنادة .. والتربية الاسلامية الاستاذ عبد الرحمن (رغم انه قال لى أبن أمه) واحى الصول (الدقه حار) نسيت أسمه .. وسلامى واشواقى لكل دفعتى واعزروا الذاكرة اذا نسيت احد طالب حامد طالب دفعة 1987
|
|
Post: #128
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2007, 07:06 AM
Parent: #127
الأخ الفاتح يوسف جبرا ..
Quote: إحتمال يظهر لينا زول دفعة !! |
لك التحية والشكر على التواصل .. وهذه مشاركة من الزمن الأجمل .. من شخص يمكن يكون دفعتكم .. الأخ/ عمر مختار بابكر (الكجل ) :
Quote: الاخ ابراهيم تحياتي العطرة لجميع خريجي المؤتمر وشكرا علي هذا البوست الذى اعادة لنا ذكريات اكثر من ثلاثين عام مضت لكنها بالتاكيد ذكريات لا تنسي اطلاقا عمر مختار بابكر (الكجل ) دفعة قديمة جدا مع ابوخالد ابراهيم محمدالحسن عازف الاورقن جامعة براغ واقيم حاليا فى برطانيا Nottnigham من اولاد الدفعة الاخ ابوخالد ارسل له عاطر التحايا.والاخ حيدر الذى ذكر كل اسماء الشله بتاعتنا لاكن لم اتعرف عليه لانه لم يذكر اسمه بالكامل ويظهر انه دفعة وكان فريب جدا ممنا لدرجة انه تذكر حتى الان بعض الالقاب واضيف بعض الاسماء من اولاد الدفعة عمر محجوب كبلو فى البحرين .الرشيد احمد حسن فى الامارات.مصطفى حسن اخر عهدى به قبل اكثر من عشرة سنوات عندما كان يعمل فى البحوث الرزاعية فى ودمدنى. د.محي الدين العبيد فى مستشفى الشرطة. ابراهيم عبدالله فى هولندا.الشيخ احمد عثمان كان لاعب كورة ممتاز الان فى السودان.محمود بشير التنقارى يعمل فى الخطة الاسكانية الخرطوم.عبدالمنعم زغبير فى السعودية.بالاضافة الى اولاد توتى د.نحيب محمدحمزة فى السودان.د.محمد ابراهيم عبدالرحمن فى السعودية.صلاح عصملى فى السودان.يعقوب عطا المنان خريج روسيا مهندس فى السودان.ومن فصل الداخلية كمال هبانتى وعطا المنان البدوى. الاساتذة الطاهر كيمياء.متوكل احياء .سمير المصرى فيزياء.صديق ماس.لغة انجليزية النور عثمان ابكر واستاذ رشاد المدراء على النصرى حمزة .الهادى احمدمحمد صالح.والوكيل على ابوزين.وحقيقة اكاد اكون متذكر الجميع طلاب و اساتذة وحتى الدفعات القبلنا وبعدنا ولكن طالما فتحنا نفاج معاكم فسوف نكون معكم ونمدكم بكل ماتجود بة الذاكرة. واقول للاخ حيدر ان استاذ الرياضة فى معسكر الجامعة هو الدكتور المعروف حسن المصرى والاحتفال كان بالعيد الاول لانقلاب مايو وكنا نظن منة خيرا فى ايامة الاولى لذلك شازكنا بقة لكن............. مع تحياتى عمز مختار [email protected]
|
|
Post: #129
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-16-2007, 12:10 PM
Parent: #1
فوق
![](http://www.sudaneseonline.com/db/attention/110_Idea.gif) ![](http://www.sudaneseonline.com/db/attention/110_Idea.gif)
|
Post: #130
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2007, 01:59 PM
Parent: #129
مشاركة جديدة من الأخ/ التجاني أحمد :
Quote: الأخ الفاضل إبراهيم محمد الحسن لك كل الود ونشكرك كثيرا علي فتح مثل هكذا بوستات المؤتمر المدرسة الجامعة المدرسة الوطن المدرسة العريقة . اسمي / التجاني عبد الحافظ الأصم - تخرجت في المؤتمر الثانوية في العام 1979/1980 والجامعي من جامعة الزقازيق-بنها /مصر في العام 1985 واعمل بالرياض/ السعودية تلفون 0096612635869 -موبايل 00966508250065 متزوج ولي من البنين والبنات (5) الله يديهم العافية . ومتابع لهذا البوست منذ البداية وأود المشاركة ومحاولة معرفة بعض الزملاء وماذا فعل الدهر بهم وياريت نتمكن من معرفة عناوينهم . اتذكر من الأساتذة الذين درسونا في ذلك الوقت – مدير المدرسة اسمه / عبد اللطيف ومن الأساتذة / خضر الزين و أستاذ محمد أحمد ( طباشيرة ) والاستاذ/ أحمد إبراهيم خليفة والاستاذ/يوسف الخليفة عبدا لرحمن-اللغة العربية- والأستاذ عشري والسراج ( تاريخ) و على البكري أبو حراز وحنفي الونش والطاهر كيمياء وخالد حامد -التربية الإسلامية ) الأستاذ حسن خليفة (سلك) –اللغة الإنجليزية وإدريس (فنون) وعبد الفتاح ( تربية بدنية). والأستاذ القدير خالد موسي /------( فلنترحم على الأموات منهم وندعو للأحياء ً بطول العمر.والصحة والعافية.) واذكر من أبناء الدفعة الرائعين : شلة البوش عند ناس حسن الطاهر == - حسان حسين محمد إدريس -بانت - عصام إبراهيم مصطفي -بانت - إبراهيم الشيخ محمد بابكر-بانت - إبراهيم عبدا لعظيم -بانت واذكر من الدفعة ايضا : - سيف الدين الفكي حامد-العباسية - زين العابدين الحبر-الفتيحاب - مبارك عوض -الفتيحاب - أسامة حسن الأمين صالح –أول الدفعة - عاصم رحيمان -الموردة - فتحي جابر البكري – اعتقد من أولاد بيت المال - أمين مرتضي ابوالقاسم – الهاشماب - عبد الله قاسم علي بخيت - نصر الدين عون الله- الفتيحاب - نصر احمد الحسين –الفتيحاب - محمد احمد جواري – بيت المال - سهل التجاني إبراهيم – بيت المال - عماد صديق حمد - يحيي زكريا – ام بدة - مصطفي جميز - العباسية - عادل عوض مصطفي – العرضة - حسن احمد الحسن - نهرو نوح - يحيي الملاكم /الربيع ومعذرة للذين لم تسعفني الذاكرة الخربة لذكر أسمائهم والتحية لهم عبر هذا البوست الرائع .
|
|
Post: #131
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-17-2007, 06:20 AM
Parent: #130
صباح الخير .. مشاركة من الأخ العزيز/ أشرف زهير .. (وين أمجد؟)
Quote: الاخوه الاعزاء انا مستمتع جدا بحديث الزكريات الجميل والممتع. اولا اريد ان اترحم على اخي العزيز جدا صخر .. وقد كان من ظرفاء المدرسه وقد كان هو وعاطف جلال وقنديل راس هوس واول مره تعرفت على صخر وعاطف عندما كنا في سنه ثانيه وكانت المدرسه مغلقه بسبب المظاهرات وكانت المدارس تعلن الامتحانات بوضع الجدول على لوحت الاعلانات بالمدرسه وطبعا كنا مامزاكرين قام قنديل قال لي لازم نشوف حل للموضوع ده وقال لي انا بعرف اثنين ملاعين بحلونا من موضوع الامتحانات ده وهم عاطف وصخر ---------ونواصل
|
|
Post: #132
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-17-2007, 06:27 AM
Parent: #1
Quote: الأخ الفاتح يوسف جبرا ..
لك التحية والشكر على التواصل .. وهذه مشاركة من الزمن الأجمل .. من شخص يمكن يكون دفعتكم .. الأخ/ عمر مختار بابكر (الكجل ) : |
عزيزى الأخ أبراهيم محمد الحسن
تحياتى :
أخونا عمر مختار ده لو ما أخاف الكضب يكون كمان من الدفعات القدامنا وأعتقد إنو يكون دفعة الأخ (أنور محمد عثمان) الذى كان يقدم برنامج (الكون ذلك المجهول) عموما معظم الأساتذة والمديرين الذين قام بذكرهم قد درسونا.. عموما نحن خريجى 76 ومن الناس الكانو معانا وأتذكرتهم لاحقا الأخ (عادل حربى) وقد درس فنون مسرحية بالقاهرة وهو الآن بالسودان والأديب المصرفى الشاعر (عبدالقادر أحمد سعد) و(منزول) لاعب سلة و(فيصل سلطان) طبيب عظام - خريج رومانيا- ويبدو أن الذاكرة بدأت تنشط .. عموما فى إنتظار تعليق أخونا عمر مختار (الكجل) ... هذا مع تحياتى
|
Post: #133
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-17-2007, 07:16 AM
Parent: #132
مشاركة جديدة .. من الأخ/ هيثم الجعلي
Quote: الأخ إبراهيم السلام عليكم ورحمة الله تعالى وبركاته لفتة بارعة منك لإعادة ذكريات الزمن الجميل هيثم الجعلي متخرج دفعة 1988, ساكن الموردة مقابل المدرسة مباشرة. * *كنا بنجي المدرسة بعد الفطور** مقيم في أبوظبي Email: [email protected] لوذاكرتك لسه شباب زميلك دفعة 86 شقيقي الأكبر هشام الجعلي. |
|
Post: #134
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-17-2007, 11:53 AM
Parent: #133
الأخ هيثم .. شكرا للتواصل ونتمنى يستمر ..
Quote: لوذاكرتك لسه شباب زميلك دفعة 86 شقيقي الأكبر هشام الجعلي. |
والله أنا ذاكرتي يعني .. لسة فيها روح الشباب بس هشام الجعلى ده صراحة ما اتذكرته .. يمكن كان في فصل آخر !!! حاول ذكرنا به ...
|
Post: #135
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-17-2007, 12:09 PM
Parent: #134
مشاركة من الأخ/ محمد الصادق حسن .. وبأعتذر ليه عن التأخير في النشر حيث وصلت الرسالة قبل 3 يوم في ايميلي لكن لم انتبه لها ..
Quote: بسم الله الرحمن الرحيم محمد الصادق حسن الرياض ت:0507916959 خريج المؤتمر 1987 اشكر كل من كان له الفضل فى هذا المشروع الكبير بكل المشاركين و المتجاوبين فيه .. و اتمنى ان يكون التواصل بصورة اكبر و اشمل من مجرد ذكريات مهما كانت جميلة وليس كلمات على الورق .. ارجوا ان تكون هنالك افكار جديدة حتى يتم بها التواصل فى المستقبل و حتى لا يمل الموضوع و الناس تنشغل بظروف الحياة المملة . مثلا يسعى كل فرد فى التنسيق بين الاخوة من موضوع الاجازات و التوقيت حتى نتقابل فى السودان و معروف انه كثير من الاخوان بنزلو اجارات كل عام.. ياريت الناس تتقابل و تعيد الزكريات و تختصر السنوات . وانا شخصيا سوف اكون فى السودان اول شهر 7/2007 انشاء الله وسوف اتواصل معاكم فى كل يوم تحياتى لكل الاخوان و ماعايز اذكر اسماء حتى لا انسى بعضها الى اللقاء .. |
|
Post: #136
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-18-2007, 06:40 AM
Parent: #135
صباح الخير .. مشاركة من الأخ / حيدر بشير (جيل السبعينات):
Quote: الاخ الفاضل ابراهيم محمد الحسن لك منى عاطر التحايا و الاشواق وانت توثق لنا لذكرى ايام جميلة وتعييد لنا ذكريات الصبا وتجمعنا بزملاء طالما اشتقنا لمعرفة اخبارهم واماكن تواجدهم .. وها قد ظهر لنا احد زملاء ذلك العصر الجميل الاخ عمر الكجل رغم عدم تذكره لشخصى الضعيف ولكن كل العذر له فقد طالت السنين وتخيل من اننا لم نتقابل منذ ان تخرجنا فى المؤتمر الثانوية وكان ذلك فى اوائل السبعينات وقد حاولت ان ارسل له رسالة عبر عنوانه البريدى و المرسل مع مشاركته ولكن فى كل مرة يتعذر الارسال ولكنى ساحاول حتى اتمكن من ذلك فلك الشكر مرة اخرى وثالثة ورابعة.. الاخ الفاتح ، عمر الكجل دا قدام انور احمد عثمان الكون ذلك العالم المجهول و الذى كان جمهوريآ فى ايام المؤتمر ومشهور بثقافته وعلمه الغزير وقد كان يقيم الندوات لوحده منذ ان كان فى الصف الاول ثم عاصرته من بعد ذلك بعد ان جاء الى جامعة الخرطوم ورغم انه كان فى كلية الآداب الا انه كان يحرص على مشاركتنا فى اسبوع المهندس ببعض مشاركاته عن الطاقة الشمسية فهو كان بحق عبقرى زمانه وله التحية من خلال هذا البوست . اعود الى صديقى عمر الكجل و اذكره بتلك الايام الجميلة ورحلات الجمعة الى منطقة السقاى مع الشلة التى ذكرتهاابالاضافة الى ناس عمر الفاروق وعادل كردش ورحلات توتى و المبيت منقسمين بين منزل يعقوب ونجيب و السباحة فى النيل فى ايام رمضان ايام حديقة النيلين امام المدرسة وفطور رمضان و الذى كنا نذهب كل يوم الى منزل احد الشلة وجلوسنا فى منزلكم العامر بالعرضة ولا تنسى رحلة العيكورة المشهورة و التى مازلت احتفظ بالصور الفوتغرافية لها وبما انك ذكرت من طلاب الداخلية كمال هبانى وعطا المنان الا يوجد لهم ثالث كان معكم فى الشلة فقد كنت فى داخلية الموردة وفى فصل الرياضيات مع يعقوب عطا المنان و الله يا حليل زمان . ما زلت اقابل يعقوب فى كل اجازة و قابلت محى الدين فى مستشفى الشرطه وزغبير اخر عهدى به فى الخطوط السودانية اما الرشيد احمد حسن فلم اقابله منذ ان تخرجنا من الجامعة لكن عرفت من نسيب طارق هاشم انه فى الامارات . من الدفعة الاطباء خالد خلف الله و عماد قناوى وبابكر كبلو وامبابى وعبدالحليم ميرغنى و حمد محمود وصديقى العزيز محمد السيد الحاج فرح و الذى لم اعرف له مكانآ والباشمهندسين سامى محمود وعصام ومصدق الصاوى وحسام زاهر و من الادباء و الاقتصاديين قاسم مصطفى وقسوم خيرى وعصام تخرج من الآداب وما زلت اذكر عبدالرحمن الهادى بيطرى والصديق محمد مصطفى و الذى كان يتحفنا بالكاكاو فى منزله العامر ببانت .. ومن الاساتذه الذين لم يتم ذكرهم الاستاذ عصام عبدالرحمن جغرافيا و الاستاذ عمر الفاروق رياضيات و المرحوم الهادى ادم و الاستاذ عزالدين فيزياء والاستاذ رحمة الله عربى ومحمد نور عربى و الاستاذ عبدالحفيظ مع الرشيد فى الانجليزى .. شكرآ ابراهيم و كما قال الكجل طالما فتح هذا النفاج فقطعآ لنا عودة باذن الله .. حيدر
|
|
Post: #137
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-18-2007, 09:44 AM
Parent: #136
يا شباب .. بالله العندو فكرة عن تداعيات بيع المدرسة أو جزء منها على ما أظن يفيدنا ..
|
Post: #138
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 06-18-2007, 10:53 AM
Parent: #1
حيدر بشير ....؟؟
أم حيدر عبدالعال....
إزيك يا باش...
كيف حالك ووين الدنيا ودتك...
مشتاقين...
أنا برضو حاولت أرد على كجل لكن الرسالة دايما بترجع..
في غلط أرجو أن يجد الأخ كجل الوقت لتصحيحه حتى يتسنى لنا مراسلته.
ودمتم
أبو خالد / مصدق
|
Post: #139
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-19-2007, 06:35 AM
Parent: #138
مشاركة من الأخ / عمر الكجل
Quote: الاعزاء ابراهيم ,حيدر ,ابوخالد والفاتح لكم عاطر التحايا .. الاخ الفاتح فعلا انا دفعتين اواكثر قدامك وعادل حربي صديق وجارنا فى العرضة وورانا فى المؤتمر .الاخ حيدر لك كل التحايا والود انت والاخ مصدق واسف جدا E-mail نزل فيه خطأ . الاخ حيدر ادهشنى بذاكرته القويه وانا لم انساك اطلاقا لكن كبست علي الذكريات خلتنى انسى الزول الرقيق ابو نظارات ياسلام ياحيدر رجعتنا سنين طويلة خلاص ربنا يديك العافية ٠ ابو خالد مشتاقين جدا جدا منتظر منكم ان تمدونى باخباركم عبر البريد الاليكترونى ٠ من الدفعات الورانا وموجد معي في بريطانيا وفى نفس المدينة الاخ الصديق خالد غندور. تحياتى عمر مختار [email protected] /QUOTE]
|
Post: #140
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-19-2007, 03:15 PM
Parent: #1
الأخ العزيز عمر الكجل
تحياتى :
ياخى شكرا ليك كتير عشان (رسيتنى) على بر .. لأنو الواحد ما كان ذاتو عارف هو دفعة منو؟ ما خلاص المسألة باظت و(الزهايمر) حصل !! إن شاء الله نلاقى لينا زول دفعتنا عشان ينشط لينا الذاكرة الخربه دى !! تحياتى ليك وللأخ أبراهيم محمد الحسن الذى كانت له هذه المبادرة الجميلة !
|
Post: #141
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-19-2007, 07:59 PM
Parent: #1
فوق عشان المؤتمر الوطن !!
|
Post: #142
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-20-2007, 06:38 AM
Parent: #141
مشاركة من الأخ محمد إبراهيم (حمودة) بعد انقطاع كم يوم : يا إبراهيم يا اخوي حقو ندفع ليك على البوست دا ...الله يخليك ويحفظك من كل شر وبلاء .. اما بخصوص مشاركة الأخ هيثم الجعلي التحت دي ممكن تعمل ليها اقتباس :
Quote: الأخ إبراهيم السلام عليكم ورحمة الله تعالى وبركاته لفتة بارعة منك لإعادة ذكريات الزمن الجميل هيثم الجعلي متخرج دفعة 1988, ساكن الموردة مقابل المدرسة مباشرة. * *كنا بنجي المدرسة بعد الفطور** مقيم في أبوظبي Email: [email protected] لوذاكرتك لسه شباب زميلك دفعة 86 شقيقي الأكبر هشام الجعلي. |
انا يا هيثم بتخيل لي اخوك هشام قرأ معانا في اولى مهدي وتانية متنبيء وعنده لقب زي اسم حيرم كدا ما متذكر ...وبيتخيل ليّ قابلتك في حضور بكري ابوبكر في الشارقة في مطعم بناية المبارك في الحفل ..قايتو التحية ليك وللأخ هشام الجعلي .. يا ابراهيم انا اتكلمت مع محمد حسن الجقر واديتو عنوان الموضوع دا ...بس ما عارف ليه ما شارك ...شكله مشغول ... ذكريات اولاد ام بدة في المؤتمر دفعة 84،86،87،88،89 نبيل صلاح ضابط بالجيش استشهد ... ابراهيم عبد السلام ضابط بالجيش استشهد .. الله يرحمهم ويغفر لهم ... حاج محمد حاج دكتور بيطري بالسعودية عماد الدين عبد اللطيف محاسب بالسعودية ياسر علي (جلكور) ضابط بالجيش ياسر الحاج ضابط بالجيش محمد الحاج ضابط بالجيش الصادق إبراهيم عثمان مدير مالي وإداري بالسعودية محمد احمد إبراهيم عثمان مهندس كهربائي بجدة عماد الدين حسن تاجر بالسوق ياسر الخير مهندس بترول بالسعودية سمير اسماعيل طبيب بالسودان فضل المولي ضابط صحة بالسودان
تحياتي ..لين نعود تاني ... محمد إبراهيم عثمان (حمودة)
|
Post: #143
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-20-2007, 08:24 AM
Parent: #142
up
|
Post: #144
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-20-2007, 08:48 AM
Parent: #143
ومشاركة من الزمن الجميل (Black & White) من البروف/ محمود منزول :
Quote: Salam Ibrahim, Your post brought good memories. I am a graduate of Almotamer high school in early seventies. I have always valued my experience in the classroom as well as outside the classroom in Almotamer high school. I was involved in sports (basketball and volleyball). In my final year we won the championship of the high schools tournament in both basketball and volleyball. Attached is a photo of the basketball team that won the tournament. I was the captain of the team (standing and four from left in photo) and as you see we had good fans or supporters lead by Eltingari. The other attached photo shows the well known teacher El-Tahir and another teacher listening to the Ali Nourain on the theatre describing his painting. My name is Mahmoud A. Manzoul. I went to the College of Engineering, University of Khartoum. Currently, I am professor and Chair of the Computer Engineering Department at Jackson State University, Jackson, Mississippi, USA. http://www.jsums.edu/~sst/cset/computer.htm Mahmoud A. Manzoul
|
![](http://www.sudaneseonline.com/u/Scanned1.JPG)
|
Post: #145
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-20-2007, 11:45 AM
Parent: #144
مشاركة من الأخ/ عصام أبوعكر :
Quote: اخواني الاعزاء انقطعت شويه آسفين ونتواصل اخي محمد حيدر شكرا لك علي رقم ابراهيم اتصلت به وهو بالف خير تزوج وله طفلين .وكذلك الاخ عمر زنقه اخباره تمام التمام وعنده نيه يجي يستقر في الامارات اوقطر . الاخ حيدر بشير من دفعتكم جيل السبعينات الدكتور عماد قناوي وهو موجود بالامارات وله عياده خاصه وكمان تقدر تقول انه دكتور الجاليه السودانيه بدبي الاخ اشرف زهير لك مني الف سلام كيف حالك وكيف اخبارك .وشنو اخبار محمد عبدالحميد(قنديل)ووين اراضيه؟؟؟ ولك مني تحيه اخي ابراهيم محمد الحسن ونتواصل عصام ابوعكر/////دبي |
|
Post: #146
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 06-20-2007, 12:37 PM
Parent: #144
لا حول .......والله صورة تاريخية يا منزول
دا فريق الباسكت بول اللي حكيت عنو فوق بإنو كان أفضل فريق باسكت
في عموم مدارس السودان.
وزي ما قال الكابتن (البروف) منزول برضو فريق الفولي بول كان
أحسن فريق على مستوى السودان وفيهو كان إسماعيل أبو (على ما أظن أستاذ ومحاضر
إقتصادي باحدى الجامعات السعودية).
كابتن منزول تابع تألقه في الباسكت بول وكان بحق نجم فريق الهندسه والمعمار (الخرطوم).
كنا دايما بقيادته ندي بتاعين الآداب على راسهم في الباسكت وفي القدم (بالرغم من وجود
الكابتن مازدا في صفوفهم....)
في الصف الأمامي أثنين من دفعتنا ( عصام بشير وإسماعيل الشيخ والتنقاري "على الطبل")
البقية أغلبهم الدفعة اللي قدامنا: منزول , علي عبداللطيف , عاصم نجيلة,...)
علي نورين ...الراجل الرسام الساخر والنكته (دفعتنا ) أكيد كان بيقول في الصورة
حاجة ضحكت أستاذنا القدير الطاهر (الأحياء).
|
Post: #147
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-21-2007, 06:40 AM
Parent: #146
صباح الخير .. وفي انتظار المشاركات ...
|
Post: #148
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-21-2007, 10:05 AM
Parent: #147
أشرف زهير تحياتي .. وينك .. منظرين باقي القصة .. عملتو شنو في جداول الإمتحانات ؟
|
Post: #149
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-21-2007, 04:41 PM
Parent: #1
الأخ العزيز أبراهيم
سعدت جدا بمشاركة الأخ البروف منزول وطبعا هم قدامنا وما حضرناهم هو والأخ (عمر الكجل) .. أستاذ الطاهر (كيمياء) طبعا درسنا التلاته سنين وهو فى الصورة دى كان (صغير شويه) وده طبيعى لأنو درسنا بعد الصورة دى بى كم سنة ... عندى سؤال لأخونا بروف منزول وهو إنو كان معانا فى دفعتنا (منزول) تانى وبرضو كان بتاع سله هل هو شقيقو ولا ببقى ليهو وهسع الزول ده وين ؟؟ هذا مع تحياتى للجميع
|
Post: #150
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-22-2007, 11:11 AM
Parent: #1
Quote: صباح الخير .. وفي انتظار المشاركات ... |
|
Post: #151
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-22-2007, 02:22 PM
Parent: #1
وصلنى إيميل من الاخ العزيز د.معاوية عبدالقادر (شقيق محمد عبد القادر على) وطمنا على محمد و حسن عمر وجمال عوض عثمان..ونقل مشكورا تحياتنا .وإيميل محمد بطرفنا وأرسلة لك لاحقا..
محمد حيدر إختفى شوية..لعل المانع خير
|
Post: #152
Title: Re: تواصل خريجي مدرسة المؤتمر الثانوية - المدرسة الوطن
Author: Mutwakil Mahmoud
Date: 06-22-2007, 05:38 PM
Parent: #1
الأخوه زملاء مدرسة المؤتمر إبراهيم الفاتح جبرا محمد مكي حيدر وبقية العقد الفريد أشواقي حين تسعي إليكم تشتاق جلست طيلة الأسابيع الماضيه علي رصيف الصمت متربعا علي عرش الترقب والندي حتي يطل أحد من دفعتي بالمؤتمر وكنت عنيدا في إصراري والذي كان حتما سيطول لولا ظهور صورة من زميل تيمي في الفولي بول د.محمود منزول وأنا دفعة أخيه معاويه آدم منزول ولقد فاز فريقنا كما ذكر بميدالية ذهبية الفولي بول لنتربع علي عرشها للمدارس الثانويه مناي أن يظهر هنا مرة أخري زميلي محمود وينشر صورة ذلك التيم إن كان يمتلك نسخة منها آآآآه بازمان سوف أحاول تصويرالميداليه وأنشرها هنا تذكرت في الصوره أخي الصغير عاصم حسن نجيله دفعة أخي د.محمد محمود متوكل من دفعتي إبراهيم الباقر صلاح طه الناظر إمبابي النائب الأديب الأرب مصطفي بدوي طيب الأسماء االهادي آدم محي الدين فارس أستاذ هاشم وعبد الحفيظ وحمزه وMr. Shaw and Mr. Paul في اللغه الأنجليزيه أستاذ قطر في الMathematics أستاذ بول صباغ في ال Chemistry أستاذ الرفيع في الPhysics أستاذ الطاهر بالصوره في الBiology لقد هاجت بي الذكريات الآن الأمر الذي تعذر لي معه المواصله أو التذكر سوف أعود لكم برواقه أعذروني قولو ل د.منزول يتصل بي ضروري جدا علي تلفوني بلوس أنجيليس 13103497010 ومن الشوق والوصل رسول بيننا أنا سعيد وفخور بكم أخوكم دمتوكل محمود
|
Post: #153
Title: Re: تواصل خريجي مدرسة المؤتمر الثانوية - المدرسة الوطن
Author: Elawad
Date: 06-22-2007, 06:15 PM
Parent: #1
الأخ العزيز إبراهيم و ضيوفه الكرام فاتني شرف الدراسة بمدرسة المؤتمر. إمكن كان تكون حاجة حتمية فقد درست الابتدائي بمدرسة الهجرة و أولى ثانوي عام بالأميرية مع الخلوق إبراهيم و رغم إننا كنا في فصول مختلفة لكن إبراهيم كان و ما زال من أقرب الناس إلى قلبي. المهم انتقلنا إلى بحري حيث واصلت دراستي هناك لى أن ضمتنا جامعة الخرطوم مع إبراهيم و آخرين مرة أخرى. عموما ذاكرتي تعبانة لكن متذكر محمد حيدر تماما كنا في فصل واحد في الأميرية و كذلك التيمان أشرف و أمجد زهير و محمد هاشم الكتيابي الذي ضمني معه فصل واحد منذ أولى ابتدائي و كان هو طوالي أول الفصل طوال هذه السنوات و كان زول خطاط جدا التحية له و أذكر كذلك أولاد معني وليد و عادل و ممن أذكر كذلك ممن التقينا فيما بعد في الجامعة عباس يس و يحى جعفر. الأخ حاتم هاشم ما متذكرك لكن لوعندك صورة قديمة فنحن الآن نسايب.... أم هاشم و شهاب بنت خالتي و ما كنت عارف حكاية الأميرية دي. والله البوست أعاد ذكريات جميلة و قديمة لكن يبدو إننا فعلا عجزنا شايفكم كل سطرين تقولوا فلان رحمه الله. نسأل الله الرحمة لجميع من سبق و أن يرزقنا جميعاالعمل الصالح و حسن الخاتمة بعد عمر طويل في طاعته.
|
Post: #154
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-22-2007, 11:06 PM
Parent: #153
الأخ العزيز ياسر على الشيخ (العوض) .. سررت جدا بمشاركتك في بوست المؤتمر والتي لولا ظروف انتقالكم إلي بحري لكنت أكيد أحد طلابها .. اتمنى تكون أحوالك جميعها بخير .. وقد ارسلت ليك رسالة سابقا في المسنجر وطلبت ايميلك ورقم تلفونك لمزيد من التواصل والإطمئنان عليك .. وما زلت في انتظارها .. ايميلي : ([email protected])
|
Post: #155
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-23-2007, 06:44 AM
Parent: #1
الاعزاء دوما الاخ ياسر علي الشيخ العوض الشاب المهذب كيف احوالك زمن ما سمعت منك، نعم اذكرك في فصل اولي دال بالاميرية امدرمان وكنت تجلس في الصف الاول بجانب الشاب الخلوق محمد هاشم وامام يونس صابر وياسر الجيلي محمد حسين. اشكرك علي المداخلة الخفيفة التي اعادت لنا ذكريات الاميرية واتمني ان اسمع عنك كل خير. اما قريبناالامير محمود منزول فله مني اجمل التحايا ونتمني ان نسمع منه مزيدا من الذكريات مع الود نواصل و هلالنا فوق
|
Post: #156
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-23-2007, 07:39 AM
Parent: #155
مشاركة من الأخ طالب حامد طالب : الاخ ابراهيم السلام عليكم ورحمة الله لم اجد افضل من قصيدة الدوش للتعبير عن مدرسة المؤتور (من وجهة نظرى) شوف مشاركتى بالملف المرفق مهداة لجميع خريجى المؤتمر وخاصة أبنا الدفعة فى فريق كرة القدم بتاع فصلنا الشال كاس دورى الفصول ومن نجومه لاعب العباسية فى زمنا صلاح فالولة وابو بكر قرشي ونبيل و....لا أذكر البقية واحى ابن دفعتى ايمن معاوية والصديق محمد حسن كروم وتقبل تحياتى طالب حامد طالب دفعة 1987م
Quote: استعير كلامات شاعرنا المرحوم عمر الدوش لأعبر عن ما فى داخلي لهذه المدرسة العريقة من شوق ووجد.
الحزن القديم (هل تعبر عن المؤتمر؟؟؟؟) ولا الحزن القديم إنتِ ولا لون الفرح إنتِ (غبشة) ولا الشوق المشيتْ بيهو وغلبْنى أقيف وما بِنْتِ (كداري عشان مافى ملح) ولا التذكار ولا كُنْتِ بتطْلَعِى إنتِ من غابات (غرب الفصول) ومن وديان... (خور ابو عنجة) ومنى أنا.. (أيوه) ومِن صحْيَة جروف النيل مع الموجَهْ الصباحيَّه (فسحة الفطور على ضفاف النيل) ومن شهقَة زهور عطشانَهْ فوق أحزانهْا متْكَّيهْ (ميدان كورة القدم الشبه معشوشب) بتَطْلَعى إنتِ من صوت طِفلَهْ وسط اللمَّهْ منْسيَّهْ (الحقوا المؤتمر …. الحقوا المؤتمر… ) تَجينى (متين) معاكْ يجينى زمن أمتِّع نفسى بالدهشَهْ (مدرسة نموذجية, ميادين خضراء، ملاعب رياضية........) طبول بتْدُق وساحات لى فرح نَوّر وجمّل للحُزن..ممْشى (فكرة بيع المدرسة) وتمشي معاي خُطانا الإلفَهْ والوحشَهْ (ذكريات مدرسة المؤتمر تمشى وتجى) وتمشى معاي... وتْرُوحى وتمشى معاي وسط روحى (حب المدرسة لكل من كان له علاقة بها ) ولا البلْقاهو بِعْرِفنى (من الكبر وكده) ولا بعرِف معاكْ ..روحى (صحي)
طالب حامد طالب المؤتمر الثانوية دفعة 1987م
|
|
Post: #157
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-23-2007, 10:12 AM
Parent: #156
مشاركة جديدة من بروف/ محمود منزول :
Quote: Salam Ibrahim and Everybody, I hope you forgive me for writing this in English. In the attached picture is the symbol we used to wear on our shirts as students. Losing the symbol had bad consequences in the school and that is why I am keeping mine until now just in case one the teachers showed up!
Ustaz El Fatih Gebra, I regular read your column in the newspaper and I do immensely enjoy it and admire your writing style. Now it is even more enjoyable when I found that we went to the same high school, different times of course. Three of my brothers also went to Amotamer high school. Mawia Manzoul, older brother, was in the class of Dr. Mutwakil Mahmoud as he mentioned in his earlier posting. The other two are younger brothers and both played basketball, Mohammed Manzoul and then Mostafa Manzoul. I think you were referring to Mohammed Manzoul. Now Mohammed is a successful General Manager in Jeddah, Saudi Arabia. Their company handles ships in the seaport of Jeddah. He was a ship captain for several years traveling all over the world before completing his masters degree and becoming a manager on land.
Dr. Mutwakil, It is good to hear from a team mate when we won gold medals. Unfortunately, I do not have pictures of the volleyball team. I wish I had them. However, I have one or two pictures of the fans/supporters during a basketball match. In fact I have three gold medals: one with you in volleyball, another one in volleyball (after you went to college), and one in basketball (picture). I will definitely give you a call.
Salam, Mahmoud A. Manzoul
|
|
Post: #158
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-23-2007, 10:53 AM
Parent: #1
يعنى دايما مشاتر يا محمد حيدر..على العموم بركة الشفناك طيب
|
Post: #159
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-23-2007, 07:51 PM
Parent: #1
الأخ العزيز بروفيسور محمود منزول تحية طيبة مباركة وشكرا على تعقيبكم فيما يخص كناباتنا المتواضعة .. أعتقد فعلا أن دفعتنا هو الأخ (محمد منزول) وقد جاء عدم التذكر من أننا كنا نناديه (منزول) وقد سعدت جدا بكونه قد حقق نجاحات فى حياته العملية .. تحياتى له وأتمنى أن (تلكزو) لينا بى تلفون أو رسالة عشان يتداخل لعلنا (نكبر كومنا) فأنا (حزين) لكونى لا أجد من دفعتنا أحد !! فقد كانت تلك أيام لا تنسى ... تحياتى القلبية لك ولجميع خريجى تلك المنارة السامقة (المؤتمر)!!
|
Post: #160
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-24-2007, 06:55 AM
Parent: #159
صباح الخير
|
Post: #161
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-24-2007, 01:25 PM
Parent: #1
Quote: فوق عشان المؤتمر الوطن !! |
|
Post: #162
Title: Re: تواصل خريجي مدرسة المؤتمر الثانوية - المدرسة الوطن
Author: ريهان الريح الشاذلي
Date: 06-24-2007, 01:30 PM
Parent: #161
الاساتذة خريجين مدرسة المؤتمر
لكم خالص التحايا والتجلة
ارجو منكم مدنا بتطورات موضوع محاولة الحكومة بيع المدرسة ؟
ولكم فائق الاحترام
|
Post: #165
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-25-2007, 11:06 AM
Parent: #163
مشاركة من البروف/ محمود منزول :
Quote: تحية طيبة للجميع الاح أبو خالد أشكرك على التعقيب الطيب بخصوص كلية الهندسة .. الصـور توضح جانب من جمهور كرة السلة طبعا بتعرف اغلبهم محمود آدم منزول |
![](http://www.sudaneseonline.com/u/565.JPG)
![](http://www.sudaneseonline.com/u/566.JPG)
|
Post: #164
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-25-2007, 10:51 AM
Parent: #1
Quote: لكم خالص التحايا والتجلة
ارجو منكم مدنا بتطورات موضوع محاولة الحكومة بيع المدرسة ؟
ولكم فائق الاحترام |
الغالية ريهان شكرا على الاثراء والاطراء..حتى الآن لم تتوفر المعلومة الاكيدة بطرفنا.ونسعى جاهدون لذلك..ونعلمك والجميع متى ما توفرت.. خالص المودة
|
Post: #166
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-26-2007, 10:00 AM
Parent: #164
up
|
Post: #167
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-27-2007, 09:49 AM
Parent: #166
up
|
Post: #168
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-27-2007, 12:53 PM
Parent: #167
مشاركة (مفاجأة) سوف يسعد بها الكثيرين مثلما سعدت بها جدا .. من الأخ العزيز/ محمد عبد الحميد (قنديـــــــل)
Quote: لك يا دفعة .... العزيز ابراهيم أسرب القطا هل من يعير جناحه لعلى الى من قد هويت اطير اكاد الان وبعد مرور كل هذه الاعوام العجاف منها و السمان ،المح ما خطته السنين على ملامح وجهك الطفولى ، اكاد اتذكر مثابرتك على اللغة الفرنسية التى كنا ذات يوم لانحفل بها الى ان علمنا اياها الزمن مع اشياء اخرى كنا نستمتع بالجهل بها مع سبق الأصرار و التلذذ .اكاد الآن المح من خلفك حسن "ابضنين" المهذب ايضا و امير ابررق . وعوض الكريم الريح الأسلامى المثابر ، وعمر زنقة الثائر ، وأمجد زهير الشاطر ، ايهاب عباس المكابر.ويكاد الشوق يعصف بى وانا اتذكر كيف ان اشرف السمين (حرن) وقال ما بقرأ فى غير المؤتر كأنى به يحمل عيونا تلسكوبية للنظر بما تفعله هذه المدرسة المغناج بمولهيها تقربهم اليها زلفى ما ان يصيروا قريبين منها حتى تفتح ذراعيها لقادمين جدد. فتترك قتلاها يرددون دون جدوى مع امكلثوم "قول للزمان ارجع يازمان"ترى هل تفلح المؤتمر فى الصمود لتفتح اذرعها للقادمين على الطريق ؟ ام سيقضمها الإستثمار ؟ محمد عبد الحميد(قنى) أبلد كائن حى فى الرياضيات. رغم صحبتى لأشرف و امجد زهير وعاطف جلال اساطين الشغلة. تحياتى للعزيز عصام عباس ابو عكر.شوقى كله للعزيز عثمان زمراوى الذى مر اخوه من هذه البوابة الفرحة المبكية
|
|
Post: #169
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-28-2007, 06:49 AM
Parent: #168
وتعقيب على مشاركة الأخ / محمد عبد الحميد (قنديل) من العزيز/ عصام أبوعكر :
Quote: لعزيز/ابراهيم لك مليون تحيه انك اخرجت ناس الشوق ليهم مطر من سكونهم اخي العزيز قنديل والله من ماشفت رسالتك لااستطيع ان اوصف لك سعادتي بها ورجعت بي الذاكره من مدرسه الرشاد ايام الصغره والجمباز والطلائع ومتذكرك الي الان بلبسه (الاسموكين) الخاصه بالامتميزين في الطلائع ومرورا بابوكدوك المتوسطه ثم المؤتمر الشامخه .بالله ياخي كيف اخبارك بعد الؤتمر سمعت اخبارك من ود العالم وانقطعت بالله خلينا علي تواصل .. عنواني علي الماسنجر ([email protected] وسلامي لكل الشباب المعاك وفي انتظار البقيه علي احر من الجمر ولكم السلام عصام ابوعكر///دبي |
|
Post: #170
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-28-2007, 11:16 AM
Parent: #1
دفرة صغيرة قبل بيع المؤتمر
|
Post: #171
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 06-28-2007, 10:54 PM
Parent: #1
الأخ/ إبراهـيم محمد الحســن سـلام كتير ليك وشكرا على هــذه الفكرة (الجميلة وليست مستحيلة) والتي اعادت إلينا شجن الذكريات العطرة لأيام خلت، كانت من اجمل سنين العمر، وتمثل الفكرة فرصة فريدة لتواصل اجيال من ابناء المؤتمر.. إنتو يا إبراهيم بالنسبة لينا شباب .. نحن ربما .. ربما نصلح فقط لـ ( أسماء في حياتنا ) فدفعتنا هي 69/70-72/73 ولكن من المحفزات اللي تشجع الواحد انو فكرتك يا إبراهــيم اتاحت لنا ان نتعرف اولا عليكم ودا فخر وشرف كبير لينا، وثانيا ان نلتقي باصدقاء وزملاء واولاد دفعة .. طال الفراق بيننا .. اتاحت مبادرتك ان نلتقي عبرها بالأخ محمود منزول ودحلتنا وجارنا وصديقنا واحد رموز المؤتمر، وكذلك الأخ العزيز مصدق الصاوي (إبن الدفعة)، وكذلك الأخ وإبن الحي العريق العرضة عمر مختار (إبن الدفعة ايضا)، فلهم مني اجمل التحايا.. كذلك اتاحت الفرصة التعرف بالأخ والصديق الكاتب والمبدع الساخر الفاتح جبرا وهو اصغر منا بثلاث سنوات او اكثر تقريبا .. على كل الشكر لك مجددا يا إبراهيم .. وكما قال الأخ مصدق .. ذكرتنا بإبراهـيم محمد الحسن او (إبراهيم Waves) عازف الاورغ الكبير (إبن دفعتنا وود حلتنا وصديق عزيز لي وهو الآن بالسعودية) .. واتمنى ان نتنســم عبق الذكريات الجميلة عبر هذه الإطلالة ..
|
Post: #173
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 06-29-2007, 08:23 PM
Parent: #171
نواصل ذكريات المؤتمر العظيمة بهذه الصورة التي تجمع كوكبة من اساتذتنا الأجلاء .. والبقيـة تأتي...
![](http://www.sudaneseonline.com/u/MutTS.JPG)
|
Post: #182
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 07-01-2007, 01:08 PM
Parent: #171
د.عبدالرحيم حامد بذات نفسو معانا هنا..؟؟
والله كلام..!!
كيف حالك يا راجل ...
تلاتين سنة ما اتلاقينا فيها...
يعني كان إتقابلنا في الشارع صدفة ما في واحد حيعرف التاني.
عبدالرحيم يا فنان...إن شاء الله لسع بترسم الكاريكتيرات بطريقة
الراحل عزالدين الجميلة...
كان عندك حاجة قديمة ولا جديدة أتحفنا بيها بالله.
بعدين ياراجل أنا فوق ذكرت قصة الجريه من ناس جوبا الثانوية..
إنت ياكا زاتك بدخولك الملعب خليت الجماعة يسكونا جنس السكة ديك..؟؟
والا عامل لي فيها نسيت...؟؟
تحياتي/مصدق
|
Post: #172
Title: Re: تواصل خريجي مدرسة المؤتمر الثانوية - المدرسة الوطن
Author: Elawad
Date: 06-28-2007, 11:06 PM
Parent: #1
الأخ محمد حيدر شكرا على التحية. كانت أيام... تصدق الكلام دا ليهو قريب ربع قرن... ياخي والله الظاهر علينا عجزنا لكن زي ما بقولو الكلام الأخلاق. العزيز إبراهيم رسلت ليك رسالة من شهر 11 السنة الفاتت وما جاني رد رسلت تاني واحدة إذا ما وصلتك معناها رسائلي قاعد تمشي الجنك ميل إلا أرسل ليك ايميلي عشان تضيفني.
|
Post: #174
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-30-2007, 08:09 AM
Parent: #172
الأخ العزيز/ ياسر على الشخ .. تحياتي القلبية .. وصلتني رسالتك الأخيرة وعرفت منها بعض أخبارك .. بخصوص الرسالة السابقة في شهر 11 تعرف انا كنت على سفر إلى السودان في شهر 12 والظاهر مع لخمة السفر ما شفت ايميلي وقتها .. عموما .. شكرا ونتمنى يستمر التواصل ..
|
Post: #175
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-30-2007, 10:12 AM
Parent: #174
مشاركة من الأخ/ حيدر بشير:
Quote: الاخ الفاضل ابراهيم محمد الحسن لك التحايا و الشكر موصول لك وانت همزة وصل بيننا وبين من احتضنتهم هذه المدرسة الام الوطن كما قلتم سعدت ايما سعادة بمشاركة البروف منزول فقد كان رمزآ للمدرسة ومفتاح معرفة لها وبه مع بقية زملائه لموجودين فى الصورة ومن قبلهم فريد الذى تخرج فى الاداب جامعة الخرطوم .. كانت المؤتمر علمآ يهابها كل من اراد علوآ فى الباسكت او الفولى وبقدر ما اسهم فى رفعة وسمعة هذه المدرسة فها هو يعود ثانية ليزين صفحات الانترنت بهذه الصور البديعة و التى تحكى عن جمال المدرسة وتفوقها فى كل المجالات فله الشكر وما زلت اذكر من دفعتهم وهم الدفعة القدامنا شمس الدين و السمؤل فى الموسيقى وصلاح محمد الحسن الجرق و ماضى وعصام مصطفى و فيصل حسن قيلى واخوه سفيان وسيد لاعب الباسكت وعلى عبداللطيف وعبدالمنعم ميرغنى وعاصم حسن نجيلة وكثيرون لا يمكن ان نحصرهم فى هذه العجالة .. الاخ عصام ابوعكر لك منى عاطر التحايا وجزيل الشكر وارجو ان تبلغ عاطر تحياتى الى الدكتور عماد الدين قناوى الصادق .. ابوخالد كيفك يا باشمهندس و الله ليك وحشة وعرفت انك فى السعودية فى الرياض من الاخ حسن وداعة رحمه الله والذى توفى بالرياض هل ما زلت هناك وين اخبار صاحبك طيفور محمد احمد هل ما زال مع ناس الشرطة و الله عرف ليه طريق تانى عمومآ ارجو ان اسمع من اخبارك الكثير وعامل ايه مع العزف على العود وين اخبار فرج الله كمندان والذى كان يساعدك فى بعض الايقاعات حاولت مرة تانية ارسل لى عمر الكجل لكن برضو ما مشى انشاء الله يحاول يكتب لينا هو .. الاخ عبدالرحيم حامد او السمانى احمد عالم كما كنا نسميه ايام المؤتمر وين اخبارك يا راجل وانشاء الله الامور معاكم تمام .. و الله ياخى ما قادرين نشكر الاخ ابراهيم كيف فقد جمعنا بزملاء واصدقاء كنا نسال منهم كتير وانشاء الله يدوم التواصل ولكم التحية و التجلة حيدر [email protected]
|
|
Post: #176
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 06-30-2007, 10:33 AM
Parent: #1
السلام للجميع:
Quote: نواصل ذكريات المؤتمر العظيمة بهذه الصورة التي تجمع كوكبة من اساتذتنا الأجلاء .. والبقيـة تأتي |
تعرف يا دكتور عبدالرحيم فى إتنين من الأساتذة الأجلاء ديل لقيناهم فى المدرسة (استاذ الطاهر) وكان بيدرسنا (كيمياء) وأستاذ (صلاح) بتاع الإنجليزى وهو طبعا إبن المسرحى المعروف المرحوم (حسن عبدالمجيد) .. الطريف فى الموضوع إنى لقيتو شغال (محاضر) معانا فى (التقاته) قام قلت ليهو يا أستاذ (صلاح) إنت درستنى إنجليزى فى (المؤتمر) قام قال ليا لمن درستكم كنت يا دوبك (خريج) جديد !! أهو كمان طلع درسكم إنتو ذاتوو !! كسرة : طبعا أنا بتشاف أكبر منو والما عارف يقول أنا الدرستو !!
|
Post: #177
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 06-30-2007, 12:14 PM
Parent: #1
تعرف ياالفاتح .. إحتمال كبير اكـون انا اخطأت في تأريخ الصورة .. يمكن تكون في 73 وهو .. اظــن جانا .. ونحــن في آخــر ســنة 1973 وبعد سنة .. دخلتوا .. ولقيتوه لا يزال .. خريـج جــديـد .. وهـو كان شــخصية .. محبوبة ورقيق للغاية .. له ولزملائه كل الود والإحترام .. والشكر ليك ياابوناجي على الملاحظة الذكـــية..
|
Post: #178
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-30-2007, 01:30 PM
Parent: #1
الاعزاء دوما الاستاذالفاتح جبرا بخصوص كلية التقانة عميد كلية التقانة د. معتز البرير كان دفعة في مدرسة الاميرية ام درمان وكان يدرس بفصل (ب) ومن دفعته في الفصل من طلاب المؤتمر حاتم هاشم، الدرديري النو ابوعاقلة، منذر غندور، سليمان ميرغني سليمان، مصطفي مختار كاكوم، د.المعز بابكر مالك ود.عادل سليمان غندور.
اما المدير الاداري بالتقانة العزيز نزار عثمان مصطفي فدفعة اثناء الدراسة بهندسة بودابست/ المجر. لك ولهم جميعا التحايا. ونواصل مع الود
|
Post: #179
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-30-2007, 01:51 PM
Parent: #178
الأخ/ محمد حيدر .. وين قاطع كدة؟ كتبت :
Quote: عميد كلية التقانة د. معتز البرير كان دفعة في مدرسة الاميرية ام درمان وكان يدرس بفصل (ب) ومن دفعته في الفصل من طلاب المؤتمر حاتم هاشم، الدرديري النو ابوعاقلة، منذر غندور، سليمان ميرغني سليمان، مصطفي مختار كاكوم، د.المعز بابكر مالك ود.عادل سليمان غندور. |
أنا برضو كنت في فصل (ب) .. بس أعتقد معتز كان فصل (ج) وبالمناسبة معتز البرير دفعة من الهجرة الإبتدائية .. له التحايا
|
Post: #180
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-30-2007, 03:02 PM
Parent: #1
الاعزاء دوما الاخ ابراهيم محمد الحسن شكرا للتصويب واعتقد كلامك صاح بالمناسبه كان معاكم في (ب) ابن عمتي صلاح عثمان (الزرزور) الذي واصل في الاهلية وهو دفعتكم من الهجرة ابتدائية وهو يقيم حاليا باسكتلندا. لك ولهم التحايا ونواصل مع الود
|
Post: #181
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-01-2007, 11:10 AM
Parent: #180
العزيز/ محمد حيدر بعد التحية .. كذلك تحياتي موصولة للأخ/ صلاح عثمان .. هو فعلا دفعة من الهجرة الإبتدائية ثم الأميرية أمدرمان ..
|
Post: #183
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 07-01-2007, 03:10 PM
Parent: #1
هـــذه صـــورة نادرة عمرهــا 35 عامــا لمجموعة من زمــلاء الدفعــة .. لمزيد من الذكــريات ..
![](http://www.sudaneseonline.com/u/MUTSS73.jpg)
طلبة ثالثة علمي ( أ ) مدرســـة المــؤتمر الثــانوية العليا 1972 – 1973م انظـــر الصـــورة
من فوق / من اليمين وقوفاً 11 عصـام مختار 1 جماع محمد آدم 12 شـيخ إدريس صـالح 2 مصطفى حسـن احمد 13 إدريس الشريف 3 تاج السـر محجوب 14 الرشـيد مكي بابكر 4 حســام زاهـر السـادات 15 عبدالمنعم محمد احمد 5 اســتاذ / بشير 16 عبدالرحمن الهادي 6 عثمان الحاج المجذوب 17 محمـــد مصطفى 7 الحافظ عبدالخالق 18 حســن وداعة 8 حسـن حامد عبدالله 19 ( فراش ) الفنون 9 سـمير فوزي شـنودة 20 صلاح بابكر عصملي 10 حيدر الشـيخ البكري 21( فراش )
من فوق / الصــف الثاني 29 عبدالرحيم حامد 22 حاكم حـسن خالد 30 عادل عثمان كردش 23 علي البكري ابو حراز 31 ســامي صــالح 24 إبراهـيم عبدالله 32 احمد محمد زروق 25 كمال الدين الطيب 33 الحـاج عبد الله 26 كمال خوجلي هـباني 34 اســتاذ / محمد زيــن 27 عـباس عـوض 35 ياســـر امـين الطــيب 28 محمـد السـيد الحاج 36 عم مفتاح ( فراش )
الصــف الثالـث / جلوساً 37 اســتاذ / سـمير فوزي(فيزياء) 42 مصــدق الصاوي 38 الشــيخ احمـد عثمان 43 حمـزة محمد احمد رحمـة 39 يعقـوب عطاء المنـان 44 عصــام بشير هاشم 40 حـيدر عبد العال 45 صــديق عثمـان كرتي 41 طــيفور محمد احمــد 46 حمــد محمود نصر
الصــف الأخــير / جلوساً 47 اســتاذ / احمد النور(عربي) 50 خالـد احمد عبد الرحـيم 48 عليش محمد محمد احمد 51 عمــر عبد الرحمن 49 عبد الحمـيد عوض 52 عادل ســيد احمد (ثالثة علمي ( ب ) )
|
Post: #184
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-02-2007, 08:18 AM
Parent: #183
التحية لك الأخ/ عبد الرحيم حامد والشكر على هذا التواصل من الزمن الجميل .. نتمنى نشوف مشاركات كل اللي في الصورة ..
|
Post: #185
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-02-2007, 08:41 AM
Parent: #184
مشاركة من الأخ العزيز/ محمد عبد الحميد (قنديـل) :
Quote: العزيز ابراهيم .. يقول الشاعر (وجهى ووجه حبيبتى سيان ) .. هذا ما ينطبق على عشاق المؤتمر .. واقول وجهى ووجه ابناء المؤتمر سيان . هذا الغرام المفرط اوخذه فى حاضرة استاذى الفاتح جبرا _الذى نتنشق عبق قلمه كلما طل من الصحف حد الإدمان . مناسبة طيبة ان تجعله من ابناء المؤتمر الخلص .. عزيزى الفاتح كم تحتاجك هذه المدرسة الآن.. (أبرى) قلمك و انبرى للدفاع عن ذلك الارث الذى تحدر قلمك من صلبه. . عزيزى أبو عكر لنتواصل عبر الهاتف ،ففى القلب شيئ من حتى .رقى 0922253773 .أرجو أن توصلنى بالاخ وليد حمد الميجر فلى غرام اليه بعده مازال مشتعل.. مازلت انتظر قصتنا عندما هممنا بتاجيل الامنتحان ياأبو الشوش. وعليك السلام ياابراهيم ان هيئت لنا هذا المقام الطيب .. |
|
Post: #186
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 07-02-2007, 09:07 AM
Parent: #1
شكرا د.عبدالرحيم على هذه الصورة النادرة..
زوجتي ..أولادي ...زملائي في العمل...
ما في واحد قدر يعرفني...!!!
يا سلام...أولاد دفعتناإسترجعتهم فردا فردا...
ما تنسى بالله تتحفنا كمان بشيئ من أعمالك الفنية الجميلة...
أبوخالد / مصدق
|
Post: #187
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-02-2007, 09:21 AM
Parent: #186
يالله .. ويا لروعة التواصل بعد طول فراق .. حظيت بمحادثة هاتفية مع الأخ العزيز/ محمد عبد الحميد (قنديل) .. والذي لم تسعدني الظروف بملاقاته منذ التخرج من مدرسة المؤتمر (حوالي 20 عام ) !!!! تبادلنا الحديث عن أحوالنا .. وأحوال المدرسة وما يشاع عن محاولة بيعها .. نتمنى تكون فعلا مجرد إشاعات وأن يعاد النظر في مثل هذه التجارب والمحاولات التي تطال المعالم والرموز التاريخية والوطنية في سوداننا الحبيب .. ومنها مدرستنا الوطن .. والتي تمثل رمز وكيان تاريخي لكل أهل السودان وأمدرمان بصفة خاصة وطلبتها بصفة أخص .. وكما وعدتك أخي محمد انشاء الله في أقرب فرصة حا انزل الصور .. وكمان انت حاول بأسرع ما يمكن ان تمدنا بما لديك من صور الزمن الجميل ..
|
Post: #188
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-02-2007, 09:21 AM
Parent: #186
يا الله .. ويا لروعة التواصل بعد طول فراق .. حظيت بمحادثة هاتفية مع الأخ العزيز/ محمد عبد الحميد (قنديل) .. والذي لم تسعدني الظروف بملاقاته منذ التخرج من مدرسة المؤتمر (حوالي 20 عام ) !!!! تبادلنا الحديث عن أحوالنا وأحوال المدرسة وما يشاع عن محاولة بيعها . نتمنى تكون فعلا مجرد إشاعات وأن يعاد النظر في مثل هذه التجارب والمحاولات التي تطال المعالم والرموز التاريخية والوطنية في سوداننا الحبيب . ومنها مدرستنا الوطن .. والتي تمثل رمز وكيان تاريخي لكل أهل السودان وأمدرمان بصفة خاصة وطلبتها بصفة أخص.. وكما وعدتك أخي محمد انشاء الله في أقرب فرصة حا انزل الصور .. وكمان انت حاول بأسرع ما يمكن ان تمدنا بما لديك من صور الزمن الجميل ..
|
Post: #189
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 07-02-2007, 09:24 PM
Parent: #1
إلى : مصـــدق الصاوي كيف الحال يا باشمهندس مصدق الصاوي .. الفنان الرقيق .. انا سعيد جدا بهذا التواصل بعد 34 عام .. والله حاجة مدهشة .. وين صاحبك محمد طيفور .. وباقي العقد الفريد من الزملاء .. اللي اتمنى ان تكون هــذه البوستات تنشيط ليهم بالمشاركة النشطة .. بالنسبة للرسم .. والله لسة مستمرين .. نحاول .. لما تسمح الظروف .. وإن شاء الله يا مصدق اعمل بوست لي حاجة قديمة او جديدة .. وعندي فكرة انو يكون في حاجة اسبوعية في هذا المنتدى .. بصورة منتظمة .. بس الفكرة عايزة تنشيط .. بخصوص الفنان الرائد:الأســـتاذ/ عزالدين عثمان .. فهو لايزال حي والحمد لله ( امـــد الله في عمره) .. بس حسب علمي ان مرد إبتعاده عن الساحة هو ظروفه الصحية (نتمنى له عاجل الشفاء) .. الأخ حــيدر بشير (عبد العال !!!) للأسف لم اتذكره .. رغم الذكريات الثرة التى يتذكرها .. اما حكاية جوبا .. طبعا انا متذكرها .. لكن انا دخلت الملعب .. دي .. انا ما متذكرها .. بعدين .. نفرض انا دخلت .. انتو اصلو كنتو جاهزين للجري ..
|
Post: #190
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 07-02-2007, 09:32 PM
Parent: #1
شكرا على مداخلنك بخصوص هــــذه الصورة النادرة يا مصدق.. اتمنى كل الزملاء في الدفعة يكونوا كويسين .. وان نعرف اخبارهم .. ويتم التوااصل .. متى وكيفما تيسر .. واعتقد عبر هذا المنتدى .. توجد فرصة .. وعلي كل حال ارفق إيميلي لمشاركة الزوار من الزملاء .. ولمزيد من التواصل.. [email protected] .. اما بخوص الأعمال الكاريكاتورية .. إن شاء الله .. قريب..
|
Post: #191
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-04-2007, 07:09 AM
Parent: #190
تحياتي للجميع .. وهذه مشاركة من الأخ/ طالب حامد طالب :
Quote: عزيزى الاخ ابراهيم ما قادرين نفارق بورد المؤتمر الفتحتو لينا ده.. جزء من خطاب جميل قيل لطلبة مدرسة المؤتمر من قبل الزعيم جمال عبد الناصر فى أم درمان 09/06//1954 عجبنى ودايركم تشاركونى رأيكم .. ٠٩/٠٦/١٩٥٤ جزء من كلمة الرئيس جمال عبد الناصر فى استقبال وفد طلبة سودانيين من مدرسة المؤتمر الثانوية بأم درمان : أبنائي أحب أن أتحدث إليكم بكلمتين.. تعلمون جميعاً أن السودان يجتاز اليوم مرحلة دقيقة خطيرة، وأن بلادكم تبدأ عهداً جديداً، وهذا العهد يعتبر أخطر العهود التى مرت ببلادكم، ولو تمكنتم من أن تسيروا فى الطريق السليم فإن بلادكم ستصل إلى ما تصبو إليه من عزة قومية ومجد وفخار وتعرفون أن بلادكم كانت وما زالت هدفاً لأطماع كثيرة، وأنها تمر بفترة مرت بنا من قبل، والكلمة الوحيدة التى أود أن تنفذ إلى قلوبكم وإلى عقولكم هى أن تفكروا بعقولكم لا بآذانكم؛ فإن الإنسان إذا انساق وراء ما يستمع إليه فقد يؤدى به إلى طريق غير سليم. وأرجو أن يحب كل فرد منكم لأخيه ما يحب لنفسه، وأن تطرحوا الأنانية وحب الذات، فإذا جاء الخير لأحد منكم فإنه سيأتى بعده للآخر، وبهذا يعم الخير المجتمع الذى نعيش فيه جميعاً. وقد انتهت بلادكم إلى نصر يشبه الحلم الجميل، ويكفى أن الاستعمار سيجلو عن بلادكم فى أقرب فرصة، فلابد أن تبدءوا بداية حسنة، ولابد أن تهيئوا أنفسكم من الآن لتحمل المسئولية التى ألقيت على عاتقكم؛ حتى إذا ما تحملتم هذه المسئولية أمكنكم أن تنهضوا ببلادكم، وأن تحققوا فيها ما تصبو إليه من عزة وكرامة. وأعود فأكرر نصيحتى إليكم بأن تفكروا بعقولكم لا بآذانكم؛ لأن هذا فيه الخير كل الخير لكم ولبلادكم، وأرجو أن تكفوا عن الهتاف؛ لأن الأمم لا تنهض بالهتاف، بل تسمو وترقى بالعمل. (منقول من الاخ /عبد العزيز الزاكى)
وتقبل أخى تحياتى طالب حامد طالب خريج 1987
|
|
Post: #192
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-04-2007, 09:37 AM
Parent: #191
وصلتني الرسالة التالية من الأخ العزيز/ الباشمهندس أحمد المنقوشي :
Quote: الأخ العزيز / إبراهيم بالصدفه لقيت موضوع مدرسة المؤتمر ، والواحد بقي يرتاح لمواضيع الذكريات عسي إنها ترجع الزمن الجميل . أرجو لك التوفيق والسداد. أخوك : أحمد المنقوشي
|
بالمناسبة الأخ/ منقوشي لم يدرس معنا في المؤتمر بس درس معانا في الكورس الصيفي أيام الشهادة الثانوية ثم كلية الهندسة .. وهو زميل عزيز وصديق لمعظم خريجي المؤتمر ..
|
Post: #193
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-04-2007, 12:22 PM
Parent: #192
ومشاركة مختصرة من الأخ/ سقراط عبد الله .. مع وعد بالمزيد :
Quote: Hello all Very glad to hear that every one ok ,I am living and working in Saudi Arabia , Jeddah since 2004, I`ve got back all my memories again. Sorry I don't have Arabic in my P C , I promise to contact you very soon . Good wishes for all. Sucrat Abdalla khidir cell: 00966/ 506609537 Regards Jeddah,4/7/2007 |
بالمناسبة يا محمد مكي .. وصلتني معلومة أنه سقراط هو الشاغل بنت مدرسة حي الضباط وطلعوه في الطابور وجلدوه
|
Post: #194
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-05-2007, 08:32 AM
Parent: #193
up
|
Post: #195
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-07-2007, 06:44 AM
Parent: #194
يا شباب .. يا خريجي المؤتمر .. الرجاء المساعدة بمتابعة البوست ورفعه دوماً .. لأني بأنشغل أحياناً .. وكثيرا .. وحينما أعود أجده قد نزل إلى الصفحة الثالثة ويمكن الرابعة !!!!! وده ما في مصلحة التواصل .. فنحن عاوزنه دائما فوق حتى يراه من لم يره .. ونحظى بمشاركات أكبر وأوسع ...
على العموم .. دي مشاركة من الأخ طالب حامد طالب .. له التحية:
Quote: الاخ ابراهيم سلامى وأشواقى من خلال البورد أحيي زميلى وصديقى هشام شمس الدين واتمنى له اجازة سعيدة فى السودان واقول له ماينسي يجيب لينا اخبار مدرسة المؤتمر (خبر بيعها) ويسلم على جميع ابناء الدفعة وعلى راسهم خالد عباس، ومحتمة، واحمد خالد رحمة الله، وسيد الحفنى ومعاوية (الطفل المعجزة) وجميع الزملاء والاصدقاء بشارع الفيل . طالب حامد طالب المؤتمر دفعة 1987 |
|
Post: #196
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-07-2007, 04:11 PM
Parent: #1
معذرة يا شباب على التغيب بسبب ظروف قاهرة.. سأحاول المواصلة فى الايام القادمة...ما استطعت.. خالص الود
|
Post: #197
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 07-07-2007, 04:11 PM
Parent: #1
الاعزاء فوق عشان اولادنا تتعلم
مع الود نواصل
|
Post: #198
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 07-08-2007, 01:03 AM
Parent: #1
دفره وكده !!
|
Post: #199
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-08-2007, 08:52 AM
Parent: #198
ودفرة كمان عشان المؤتمر ..
|
Post: #200
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 07-08-2007, 04:44 PM
Parent: #1
وكمان تاااااتى دفره !!
|
Post: #201
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-09-2007, 09:12 AM
Parent: #200
يا شباب .. حا نفضل أنا والأستاذ الفاتح جبرا ندفر برانا ولا شنو ؟
|
Post: #202
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-09-2007, 01:29 PM
Parent: #1
يا شباب .. حا نفضل أنا والأستاذ الفاتح جبرا ندفر برانا ولا شنو ؟ me too
|
Post: #203
Title: Re: تواصل خريجي مدرسة المؤتمر الثانوية - المدرسة الوطن
Author: Moawia Abdelgadir Ali
Date: 07-09-2007, 01:41 PM
Parent: #202
اها دى دفرة منى يا محمد مكى ويا الفاتح جبرة عشان بيت المال ورغم انى خريج الاهلية الثانوية
|
Post: #204
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-09-2007, 02:00 PM
Parent: #1
يا سلام يا معاوية البوست ضارب دينمو..ومحتاج لدفرة دايما...شكرا ليك و تسلم.. تحياتى للاسرتين الكبيرة والصغيرة
|
Post: #205
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-11-2007, 06:48 AM
Parent: #204
تحياتي .. بالله يا شباب افيدونا أكتر عن تداعيات بيع المدرسة .. هل من جديد؟
|
Post: #206
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-12-2007, 09:31 AM
Parent: #205
up
|
Post: #207
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-14-2007, 09:48 AM
Parent: #206
تحياتي .. وأخيرا مشاركة من الأخ/ محمد عثمان صالح الخليفة :
Quote: أخي الكريم إبراهيم محمد الحسن ،،، تحية طيبة وبعد ... أشكر لكم توثيقكم لهذه الحقبة الجميلة من الزمن الجميل، حيث كان للحياة طعم آخر غير الذي هي عليه الآن، أنا اسمي محمد عثمان صالح الخليفة من خريجي مدرسة المؤتمر الثانوية بأمدرمان، حيث أتيت من مدرسة الأميرية بأمدرمان، ابن أخ الأستاذ المرحوم يوسف الخليفة عبد الرحمن (أستاذ اللغة العربية) صاحب المعلقات وكتاب شوقي ضيف، وكان مرشد الفصل الأستاذ (العوني) في أولى دقنة وثانية .... (لا أذكر) وثالثة فأرابي وكانت دفعتي : 1. محي الدين محمد عبد الساوي ( فردة منقرضة من الأميرية ودائما مع بعض) مقيم في لندن. 2. الطاهر علي الأمير إسماعيل ( قريب ممحمد حيدر) من حي الأمراء. 3. المرحوم عماد محمود منصور ( قريب الدكتور منصور بابكر) 3. المرحوم عبد الله قرشي ( سيكا) من أبناء حي البوستة. 4. هاشم الحاج أحمد (من أبناء حي البوستة). 5 أحمد كاظم السناري ( شقيق رافع السناري). 6. زرياب برعي محمد دفع الله ( زميل من الأميرية). 7. أحمد محمد محمود ( FINGER ) . 8. علي مصطفى العمرابي. 9. خالد حسن عبد الرحيم ( LEFT) من أبناء العباسية مقيم في هولندا. 10. مجموعة من أبناء الموردة ( الخطيب، محمد أشرف، محمد عقارب، منتصر الحنان) لا حول ولا قوة إلا بالله .. الذاكرة أصبحت هرمة الأساتذة : اللغة الإنجليزية: د. أبو - العوني - محمد الحسن - حسن حبو اللغة العربية : يوسف الخليفة - أحمد موسى (شيطون) - ساتي - اللغة الفرنسية : عز الدين العلوم: بشير العوض. حسين عدلان محمد الهادي (المصري) الرياضيات: ابو القاسم سيف نبيل المصري (بتاع المثلثات) ولكم خالص الود والتحايا محمد عثمان صالح الخليفة مقيم بمكة المكرمة مترجم
|
|
Post: #208
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-14-2007, 10:03 AM
Parent: #207
Quote: للغة العربية : يوسف الخليفة - أحمد موسى (شيطون) - ساتي - |
الأستاذ/ أحمد موسى له الرحمة والمغفرة .. فقد توفي قبل عدة سنوات .. وقد كان من الأساتذة المميزين في اللغة العربية ..
|
Post: #209
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-16-2007, 09:21 AM
Parent: #208
up
|
Post: #210
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-21-2007, 11:55 AM
Parent: #209
فووووووووووووووق .. ساعدونا يا شباب
|
Post: #211
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-21-2007, 11:59 AM
Parent: #210
بالمناسبة .. إحتمال أكون في السودان في زيارة طارئة وسريعة يوم 2 أغسطس ولمدة أسبوع واحد .. أتمنى نتقابل ..
|
Post: #212
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-21-2007, 02:11 PM
Parent: #1
بالسلامة يا ابراهيم وما تنسى الصور...لو قدرت تمشى المدرسة,أعمل كمان شوية صور... ترجع بالف سلامة
|
Post: #213
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-22-2007, 12:03 PM
Parent: #212
إنشاء الله يا أبو حميد .. تسلم
|
Post: #214
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-22-2007, 12:39 PM
Parent: #213
هااااكم دفرة جامدة يا دفعة ...
|
Post: #215
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-23-2007, 08:40 AM
Parent: #214
أهلين حمودة .. ومبروك ال Password وعقبال باقي الشباب عشان نخلي المؤتمر دائما فوق .. في إنتظار الصور
|
Post: #216
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-23-2007, 09:05 AM
Parent: #1
ابراهيم محمد الحسن يا هندسة ... تعبناك معانا ...وما بيناتنا... اخر اخبار الشباب ابوعكر في السودان ... وانا اتصلت بمحمد عبد الحميد قنديل وياهو زاتو ما اتغيررر... اتمنى يتلمو مع بعض بالسودان ... شايفك ماشي السودان في اول اغسطس .. انا ان شاء الله سوف اكون يوم 05/08 هناك ...نشوفك ان شاء الله...
|
Post: #218
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-23-2007, 10:28 AM
Parent: #216
حمودة .. تحياتي والله خبر كويس انك ماشي السودان اتمنى نتقابل وكمان عصام أبوعكر .. انا حا اكون هناك من يوم 2 أغسطس إلى 9 أغسطس .. عندنا مناسبة زواج يوم 5 أغسطس .. الدعوة مقدمة لكم من الآن بالله ضروري حاول .. عندك رقم أبوعكر هناك؟ ورقمك انت لو متوفر .. بخصوص قنديل انا برضو اتصلت بيه .. واتفقنا نتقابل هناك لو عندك مسنجر للتفاكر اكتر ..
سلام
|
Post: #217
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-23-2007, 09:54 AM
Parent: #1
Quote: أهلين حمودة .. ومبروك ال Password وعقبال باقي الشباب عشان نخلي المؤتمر دائما فوق .. في إنتظار الصور |
|
Post: #219
Title: Re: تواصل خريجي مدرسة المؤتمر الثانوية - المدرسة الوطن
Author: Khalid Nour
Date: 07-23-2007, 10:38 AM
Parent: #1
الأخ أبراهيم محمد الحسن لك الشكر الجليل لآنعاش هذة الذاكرة ( الخربة ) و جعلتنا نعود كم من سنة------ مع أجمل فترات العمر بالمؤتمر الثانوية خالد بابكر النور - دفعة 88
|
Post: #220
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-23-2007, 10:51 AM
Parent: #1
صديقنا من الزمن الجميل خالد اخبارك يا زول...وين الحى بيك? لكم وللأسرة أجمل التحايا.. [email protected] على المسنجر محمد مكى
|
Post: #221
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-23-2007, 11:05 AM
Parent: #220
العزيز/ خالد بابكر النور أجمل التحايا وغاية السعادة بظهور ناس من الزمن الجميل طال الإنقطاع عنهم .. انشاء الله أخبارك كلها تمام .. ووين مستقر ؟ اعتقد من البروفايل بتاعك كأنك في السودان .. نتمنى مزيد من التواصل .
|
Post: #222
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-24-2007, 12:08 PM
Parent: #221
نداء المؤتمر
|
Post: #268
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 10-10-2007, 12:46 PM
Parent: #220
صديقنا من الزمن الجميل خالد اخبارك يا زول...وين الحى بيك? لكم وللأسرة أجمل التحايا.. [email protected] على المسنجر محمد مكى
|
Post: #223
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-24-2007, 12:28 PM
Parent: #1
ان شاء الله نتقابل في السودان يا ابراهيم ... محمد مكي ياريت تكون هنالك لقية قريبة يالذيذ ... خالد بابكر النور دفعتنا ياكا زاتك ...سلاااام مدبل ... يا جماعة الخير وين علاء الدين عبدالوهاب الود اللعيب ...الزول اخر عهدي بيهو كان بكلية العلوم جامعة الخرطوم .. وين حسن كديس حارس المرمى بتاع فصلنا ... ووين اكرم يوسف درس علوم الخرطوم برضو ... يا ابراهيم ومحمد مكي سيبو ديل كلهم ...محمد حيدر مشى وين؟؟؟
|
Post: #224
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-24-2007, 01:23 PM
Parent: #1
يا ابراهيم ومحمد مكي سيبو ديل كلهم ...محمد حيدر مشى وين؟؟؟![](http://www.sudaneseonline.com/db/attention/060_Question.gif) ![](http://www.sudaneseonline.com/db/attention/060_Question.gif) ![](http://www.sudaneseonline.com/db/attention/060_Question.gif) ![](http://www.sudaneseonline.com/db/attention/060_Question.gif)
|
Post: #225
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-24-2007, 01:54 PM
Parent: #224
والله فعلا محمد حيدر قطع فجأة !!!! الوحيد العندي أخبارو نوعا ما هو أكرم يوسف .. هو اتعين في الكلية.. وبيحضر في كندا .. قابلتو قبل سنتين في السودان .. بس ما عارف رجع ولا لسة ..
|
Post: #226
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-25-2007, 07:35 AM
Parent: #225
أكرر للأخوة خريجي المؤتمر .. من يريد المشاركة وليس لديه Password يمكن المراسلة عبر ايميلي : [email protected]
|
Post: #227
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-25-2007, 12:30 PM
Parent: #1
والله يا ابراهيم مقابلتك اليوم على المسنجر ...اشعرتني بانك نفسك الشخص الحبوب المريح قبل عشرتين من الزماان ... التحية لك يا ابو أحمد ...
وين يا جماعة الدكتور عادل حسن عثمان؟؟؟
|
Post: #228
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-26-2007, 06:55 AM
Parent: #1
خالد عبد الله البدوي دفعة 82 وهو من سكان بيت المال .. يسأل عن دفعته في المؤتمر ...
|
Post: #229
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-28-2007, 06:49 AM
Parent: #228
مشاركة من الأخ/ ياسر الحاج عبد الله :
Quote: الإخوة الأعزاء وأحبائى أبدا لكم جميعا كل التحايا والود ودامت المودة سرمدا انا حينما وجدت البوست ده ذهلت حقيقة للفكرة العبقرية التى جادت بها قريحة الأخ ابراهيم للم الشمل وامتداد التواصل وتعرفت على معظم الواردة أسماءهم إلا أننى لم استطع تزكر الأخ إبراهيم وياريت لو تساعدونا بالصور القديمة .. أنا ياسر الحاج عبدالله ودفعة محمد حيدر ده زاتو من كمبونى حتى الأميرية إلا أنى تاخرت عنهم بسنة فى المؤتمر لظروف سفرى خارج السودان بعد تالتة متوسطة وكنت فى الكديت وراء محمد مكى وعارف عثمان وطارق عبدالله .. ودخلت الجيش وتخارجت منه 2002 برتبة رائد ودفعتى فى الجيش من المؤتمر: بابكر دلدوم وعصام قرموط والمرحوم نبيل وبدرالدين قندقلى سنبرقه وامين شكاك ووليد مبروك واحمد قريبالله وعلاءالدين تية ومن اولاد امبدة وجار محمد ابراهيم حمودة فترة القوات المسلحة ابعدتنا عن الكثيرين وقطعت التواصل خصوصا نحن تخرجنا فى ايام عصيبة الحرب كانت فى أوجها ولم يكتب لنا الإستقرار لنتواصل مع الأحبة .. لكن ها هى الأيام دارت لنلتقى من جديد ونتواصل . تحياتى للكل محمد حيدر هل ترى تزكرتنى ؟ محمد مكى كيف حالك وشكلك ما تغير كتير زى محمد تحياتى لعباس ياسين ومحمد الفاتح السراج الرفقاء من ايام كمبونى وانا يا محمد مكى دفعة خالد ابشيبة وبهاء الدين مدثر واحمد الرضى ونزار عبدالساوى(زواجه كان امس) ووليد مبروك فى الكديت وما انسى الأخ على خشم الموس لكم جميعا كل الحب والتحايا و..... لنتواصل وده عنوانى [email protected] الأخ ابراهيم لك كل الشكر والإمتنان على المجهود البازله انت والأخوان ودمت لنا
|
|
Post: #230
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-29-2007, 09:17 AM
Parent: #1
يا جماعة ايه المفاجاءات دي .. ياسر الحاج الود الانيق ود جيرانا شخصياً ... والله اسعدتنا بظهورك ... تحياتي ... بالمناسبة كيف اخبار طارق عبد الله (بوتشى).... قريبا سوف اكون بالسودان ان شاء الله يا ياسر اتمنى لقية...
|
Post: #231
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-29-2007, 12:57 PM
Parent: #230
فوق
|
Post: #232
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 07-29-2007, 01:05 PM
Parent: #1
وكمان دى دفره !!
|
Post: #233
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-30-2007, 08:32 AM
Parent: #232
أستاذ الفاتح .. شكراً على الدفرة .. بس عاوزين المزيد من الذكريات .. وصلتني رسالة أخرى من الأخ / ياسر الحاج عبد الله :
Quote: يا صحبة فى الله تحلو الحياة بهم وينجلى همها والجرح يندمل لى إخوة حبهم فى الروح متصل والفكر فيهم وإن غابوا لمنشغل فارقتهم جسدا والقلب بينهم والشوق فى قلبى يخبو ويشتعل ...... أبيات إستعرتها( لله در كاتبها ) تحكى واقع حالى وتترجم الشوق الذى التهب إليكم أبناء المؤتمر وزاد إشتعالا خصوصا بعد ما علمت بهذا البوست الفريد الذى أدمنته مثلما أدمنكم أحبتى. فيا أيها الرائع ابراهيم وبقية العقد رحمكم الله وإيانا وتغمدنا جميعا برضوانه ومزيد من التألق كما كنتم دوما القا حيثما كنتم وهذا شأنكم طالما انتهلتم من ذاك المنهل العذب ورضعتم من ثدى المؤتمر الذى لاينضب .. واه لضحالة كلماتى وتشرزمها لتعبر عن هذا السمو (سموها وسموكم) وكل ما أرجوه هو أن ....... نتواصل |
|
Post: #251
Title: Re: تواصل خريجي مدرسة المؤتمر الثانوية - المدرسة الوطن
Author: Moawia Abdelgadir Ali
Date: 08-13-2007, 05:29 PM
Parent: #232
العزيز ود حلتنا الفاتح جبرة ، طلب مني الدكتور عبداللة داؤد الخليفة (ود الخليفة) أن انقل لك ولجميع خريجي المؤتمر الثانوية عاطر التحايا لفتح هذا البوست ، وتجد بعض الاسماء من الذين تزامل معهم ـ دكتور ود الخليفة يعمل الان اختصاصي باطنية في مستشفي يافلا الجامعي بالسويد ودى معلومه اضافيه مني ـ وسوف يعود باسماء زيادة اذا ساعدت الذاكره كما يقول هو، الاسماء: محمد بشري الفاضل عادل رحيمان محمد ادم منزول عاكف محيميد عمر مكي الشيخ مامون حسن طه خالد عبدالرحيم الخليفة
|
Post: #234
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-31-2007, 04:41 AM
Parent: #1
التحية لخريجي المؤتمر اينما حلو ... محمد مكي ايها العزيز اين انت ... وعليك تحمل عبء البوست اثناء وجودنا بالسودان ... تذكرون قدر الفول الكبيرررة خلف مدرسة المؤتمر والسررعة لحجز صحن كبيرر بيتخيل ليّ هو طشت ... اتذكر شلة الفول : عثمان زمراوي .. ناصر ود العباسية ... عاطف عبد اللطيف .. عبده الحلبي (عبد الاله محمد الحسن)... طارق عبد الله ضرار... محمد الفاتح الطيب.. خليل محمد خليل ... جمال اليماني ... والشير كان طرادة ...
|
Post: #235
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-31-2007, 07:27 AM
Parent: #234
Quote: محمد مكي ايها العزيز اين انت ... وعليك تحمل عبء البوست اثناء وجودنا بالسودان ... |
وتذكرون ميادين كرة القدم والباسكت والطائرة .. والإستمتاع بحصة الرياضة ..
|
Post: #236
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 07-31-2007, 11:17 AM
Parent: #1
اين ياسر صديق أخو اشرف صديق وكلهم خريجي المؤتمر .. ياسر صديق دفعة مختار فضل الله قاضي الحين ...
|
Post: #237
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 07-31-2007, 11:53 AM
Parent: #236
يلا يا شباب أبقوا 10 على البوست .. انا بكرة في الخرطوم إنشاء الله .. وحا أكون مشغول لمدة أسبوع .. اتمنى نتقابل ..
|
Post: #238
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 07-31-2007, 12:26 PM
Parent: #1
بالف سلامة ياابراهومة ربنا يتمم على خير مناسبتكم وماتنسى الصور وموضوع بيع المدرسة... حاول مقابلة اكبر عدد ممكن من الخريجين وعناوينهم لندعوهم للتفاكر فيما يجب عملة للمدرسة. تحياتى للجميع
|
Post: #239
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 08-02-2007, 02:31 PM
Parent: #1
مباراتنا ضد مدرسة بيت الامانة الاتهزمنا فيها 2/صفر .. على ما اظن جابها عبدالله عمر ابارو ...زميلنا بمدرسة ابوكدوك المتوسطة ... فيها شيء من الذاكرة...
|
Post: #240
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 08-02-2007, 02:33 PM
Parent: #1
ابراهيم بالسلامة يااارب... وانا ان شاء الله بكرة الجمعة ح اكون بالسودان بلدنا الغالي... محمد مكي مشتاقين وين الغيبة يازوول... ما نوصيك بمدرستنا العزيزة ..لازم تكون فوق ...
|
Post: #241
Title: Re: تواصل خريجي مدرسة المؤتمر الثانوية - المدرسة الوطن
Author: عبدالله الشقليني
Date: 08-03-2007, 11:07 AM
Parent: #1
العزيز إبراهيم
تحية لك ، وأنت تفتح بوابة الزمن الجميل ، وترسم قُرص أقمارها الندية . المؤتمر فُسحة يانعة من مزرعة النشء وبدأ الشباب . جمعتنا رفقة ذهبت معنا مشوار العُمر صداقة وألفة ، وكانت للصداقة والمحبة أثراً طيباً في رفد أزهار العُمر يانعة نضاحة بالهوى. بين فصولها فصول من العُمر حُفِرَت في الذاكرة .
في العام الأخير قبل الجامعة كان مُعلم النقد قامة من قامات الشعر : الراحل : الهادي آدم .
فكتبت ذات زمان :
( الهادي آدم ) ، الأديب و الشاعر الفنان و المربي
نار متأججة فوق علم فاره ، يرفرف ، يغطي الفضاء أعلى سمائك و أنت تنظر ، إنه ( الهادي آدم ) . اضرب كفّك على الخّد ، إنك لا تحلم !.
عرفناه مُعلِّماً و مربِّياً وقفنا جميعاً إجلالاً لمقدمه . للعلم و للعلماء روائح فوّاحة ، تسبقهم . نحن في الصف الرابع الثانوي ، الأخير قبل الجامعة. الصف نيّف و أربعون طالباً. الوقت قبل العاشرة من ذات صباح . من شُعبة اللغة العربية ، قدم ( الهادي ) لتدريس النقد الأدبي في مادة اللغة العربية . المقرر ، كتيب من سلسلة اقرأ المصرية المشهورة ، التي تيسر لك أن تطالع الثمار اليانعة من شجرة الأدب الباسـقة ، و أنت تدفع الثمن الزهيد .
( خاتمة المطاف ) لمحمود عباس العقاد ، هو مقرر ذلك العام . أشار( المعلم ) بيده يُمنة ، و جلسنا . تبسم هو ، و حيّانا، و عَرّفنا بنفسه ، بالقليل الموجز ، ثم تمنى علينا عاما طيبا مُخضّرا و وعدنا بالنجاح المتميّز. بدأنا نُعرِّف أنفسنا : ــ
إبراهيم الباقر من ( بانت ) ، بُرعي إبراهيم من ( الفتيحاب ) ، عمر عثمان الكوارتي من ( حي العرب ) ، ابن عمر أحمد الطيب من ( بانت ) ، هاشم كثيري من ( الهاشماب ) ، حيدر عُليش صالح من ( ود البصير) ، عبد الرافع سليمان ، أحمد شامي................... جميعنا ، بمن فيهم رفاق العمر الجميل . المدرسة : ( المؤتمر الثانوية ) بأمدرمان . اسم فوّاح بالوطنية الأولى . كتب الزمان علينا أن يكون الأديب الفنان ، ( الهادي آدم ) هو من يلقي علينا الدرس . إنك تدخل ملكوت اللغة العربية ، في محرابها . أنت لا تقف أمام راهب في كنيسة على أطراف القُرى ، بل تجلس في محفل ( الكرادلة ) . يقف أمامك من خطّ اسمه في سجِل اللغة الأديبة شاعراً في ديوانها البهي .كُنّا نعبث باللؤلؤ و المرجان ، و نحسبهما حِجارة . نتسلق كُثيباً يمتد و نلعب ، و لم نكنُ نحسب أننا نتسلق ( عرفات ) المؤمنة ، بالصاعدين عليها . يا للنعيم !
يقف أمامنا و نحنُ الجلوس !
يقرأ لنا بيت الشِعر ، يسقيك سلسبيل الفصاحة النَضِر . ينثر درره من النفيس . يُخرج الحرف العربي من الكلام ، يرقُص أمامنا ، عِزة و كرامة و خُيلاء . كِتاب العقاد يحكي سيرة العِشق و العشاق . ندخل معه الدروب الشائكة . هذا النهر الملائكي الجارف ، يتلألأ حيوية وزُخرُفاً . أنت على الشط ، ترقب النجائب المخضّبة بالحناء ، عليها الطنافس و الديباج .........تنطلق بلا فرسانها ، تسبح في الهواء الطلق . كان ( المعلم ) يخاف علينا الانزلاق في لُجّة العشق ، فنحن في مُقتبل العُمر ، في سن النضج ، أو نُقبل عليها . سنوات الإزهار و الجموح . لا يتسع صدرك ، يُسبقك الانفعال . تُنزل سيفك على الطازج و المتحجِر . تكسر سيفك ، و كُنت تحسب أنك تمرّنه . قرّب ( المعلم ) إلينا المحبة الإنسانية الناضجة . يعُب لنا من رحـيق( العقاد ) و يُخمِّر لنا عنابا لنسكر من خمر اللغة ، لذة الشاربين .
تعلمنا ماذا يعني الهجر، و الحرمان ، و الغَيرة . تعلمنا ماذا يعني الشوق و الوله. حتى الجُنون ، نعرف كيف نُوقد سراجاً ، نُضيء ليله الحالِك . عَلمنا كيف نعشق الدّابة وهي تقود شاعرنا إلى بقايا أوتاد الخيام ، و الأطلال التي هجرتها الرواحل . افتتح ( المُعلم ) مغلف الكتاب ، الطبعة ، الناشر، ثم ( العقاد) . توقف عند المؤلِف ، و تحدث عن عصاميته ، و أوجز عن بعض كتبه : عبقرية محمد ، عبقرية الصديق ، عبقرية عثمان ، فاطمة الزهراء والفاطميون ، إبليس ، مطلع النور ، شاعر الغزل ..... ، و عرّج على مدرسة الديوان و المعارك الأدبية الطاحنة ، قبل أن يستفتح بالدرس . ضجّت الأنفُس بالحيرة ، و رويداً فُتحت أمامنا بوابات المعرفـة و تساقطت مغاليقها . ( العقاد) ينثُر درره ، و ( المعلم ) يفرّقها علينا . تعلقنا بالنّص و اللغة و صاحب الكتاب و المعلم ، وجميل بثينة بطل الحكاية . عند الدرس ، تطوي الماضي و الحاضر ، فأنت برفقة (المعلم ) . أنت في صومعة العابد ، تتداخل الصور المرئية مع سجع الكُهّان . صدى الصوت يرتد عن البناء العتيق . يفوح من البلاغة و تراكيبها : الجِناس ، و الطِباق . تفوح المحسنات البديعية ، طرائق اللغة و الإغراء الذي تُمتعك به : الجهر و الهمس . الشّدة و الرخاوة . إنها كائن حي ، تزرف الدمع معك ، و تخفف عليك أحزانك . تلتقط خيوط أفراحك . وعند لقاء الأحبة ، تولي هي الأدبار ، و تتركك تتلعثم . من يسلس قيادها غير الشعراء ؟ ، فالشِعر ، أعذبه و أروعه ، أكذبه .
تعبر الرُدهة عند منتصف الطريق ، تَسمع صرير الأبواب العتيقة . النار تضرم في عيدان البُخور"الحَضرمي" . الروائح المعتقة ، تملأ رئتيك ، تُنقي عقلك مما يشغل . عندما تَطرف العين ، تحسبها انتقصت من زمانك و أنت أمام المشهد الفخم . ( المعلم ) بلغته السلسة ، و تصويره البديع . مفاتيح الصعود و الهبوط . القمم و الوديان . يده تسبح في الهواء : طائر النورس يرِّف بأجنحته فوقك ، تشتم ريح البحر ، و لا بحر . اختلطت المتون بالهوامش ، اختلطت لُغة (العقاد ) بلغة ( المعلم ) و شِعر المحتفى به . لك أن تعيش اللحظة المتصوِفة بكل تداعياتها ، فلا مكان للهرب .
( المعلم ) يُفصّل ، دخل البُحيرة الساكنة ، فتكسرت أمواج اللغة : المنطق عند العقاد ، أوجه المعارك التي تصطرع أفكارها ، و أسهب. كيف يصوغ الأديب البينة ، و يمسك يدك عبر الخطوات بثبات الواثق . لا يبعدك عن الحقائق بالالتفاف عليها ، و لا يأخذنك بالخديعة البلاغية الماكرة . اختار الرجل وضوح الرأي ، وتسلسل القرائن ، و الإضاءة الجهيرة في مواضع الضباب ، و حري بنا جميعاً أن نتّبع نهجه . أغفل (المعلم ) الدرس مرة ثانية ، و انتقل إلى حالنا و رأى أن يمس مواضع الألم الخفي لدينا ، ونحن نسبح في لُجّة سحره النبيل . أفقنا على صوته يقول : ـ
ـ هذه هي سنوات الإطلاق ، و الحيوات الخلاّقة ، لا الحصار الذي أنتم فيه . هذا العام يتحدد مستقبلكم ! ، انه لا شك مُجحف في حق نشأتكم ، و ظلم بيِّن .
أحسسنا بالتقدير لرأيه المتفرد ، فقد مس الوجع . غريب علينا المدخل النفسي و التربوي ، فقد تجاوز المألوف . أزاح الحواجز السميكة بيننا، فالمعتاد هو هبوط السلطة الأبوية ، علينا من كل حدبٍ و صوب ، تحثنا ببذل الجُهد ، و سياط على القفا إن لم نلتزم . جفاء المعاملة ، من علامات البداوة ، وتلك اعتدنا عليها . الجفاء عند أهلنا يُخفي وراءه محبة أن نكون أفضل بسلاح العلم ، و تلك مكرمة توجب الشكر لمن يسّرها لنا ، إلا أن أمر ( المعلم ) جديد و غريب علينا . أقام جسراً من المودة ، إذ لمس مواضع الشكوى ، وتعقيد مرحلة المراهقة ، بضجيجها و حيويتها و إسرافها المُخِّل أحياناً .
المعرفة مع التدقيق ، والود مع الاحترام ، ثم المحبة ، هي وسائله الأقرب للتعليم و للتربية . يشركنا النقاش ، و يعشق الرأي الجسور . يفلح معنا " دونم" الأرض البِكر . يبذر جرعات المعرفة ، كأنه يتعلم مّنا زراعتها ، رُغم علمنا أنه ينزل لمرتبتنا ، على أمل أن نصعد برفقته العتبات تباعاً . قال المُعلم :
ـ تعلموا من الحياة ومن الكتب فإنها المداخل الأقرب ، تهون الصِعاب . لا تتهيبوا الجديد . الدرس هُنا مفتاح لإعمال الذهن . التجويد و القراءة النقدية تفتح لكم أبواب المعرفة . نحن نبدأ معكم المشوار ، ندلكم على الطريق ، و أنتم أصحاب الشأن في مُقبل أيامكم . بيدكم أن تبنوا قصوراً و متاحف للغة ، يؤمها العامة و الخاصة .
* يا من علمتنا و غرزت بيدك نبتة طيبة ، كنت تحسبها صغيرة بالأمس ، ولكنها اليوم فيحاء يانعة . بساط أخضر على مّد البصر ، و أنت فوقه قبة سماء زرقاء . اللهُم افرِح الثرى بمرقده ، واسكنه مسكن أحبائكَ تحت ظلال الجنان الموعودة .
سنعود للبطاقة الشخصية عندما يتيسر ذلك .
عبد الله الشقليني
|
Post: #242
Title: Re: تواصل خريجي مدرسة المؤتمر الثانوية - المدرسة الوطن
Author: عبدالله الشقليني
Date: 08-04-2007, 12:54 PM
Parent: #1
هذا ( البوست ) لمسة وفاء لمؤسسة أرادها ألأوائل أن تحمل اسم ( مؤتمر الخريجين ) وقت إزهاره قبل تكوين الأحزاب ، ولمسة وفاء لأعواد الشباب الخضراء تحت التكوين قبل اشتداد عودها واستعادة لصفحة مشرقة من الذاكرة .
|
Post: #243
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-07-2007, 12:33 PM
Parent: #1
شكرا عبداللة على الاثراء ولمسة الوفاء الرقيقة المعبرة,نحتاجك جدا والمؤتمر تحتاجك أكثر.. لك التحية و الود
|
Post: #244
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-07-2007, 12:53 PM
Parent: #1
مشاركة من الاخ العزيز طالب حامد اسماعيل,عبر الايميل...وأتذر لة بشدة لعدم تمكنى من إنزالها فى حينها لظروف خاصة...
Quote: Date: Aug 1, 2007 6:27 PM Subject: تواصل خريجى مدرسة المؤتمر To: [email protected]
الاخ محمد مكى السلام عليكم ورحمة الله كنت تاعب الاخ ابراهيم بأرسال مشاركاتى على بريده الله يعبنك على خلافته فترة الاجازة حيث خريجى المؤتمر اسرة واحدة (وانت ود البيت) زى مابيقولوا فى السودان ارسل عبر البوست التحية لكل خريجى المؤتمر فى كل العالم واقترح لقاء للخريجين فى الخرطوم خاصة فى فترة الاجازات لإعادة ذكريات الزمن الجميل. ولفته بارعة من الاخ ابراهيم وكل زملاؤه فى سودانيز اون لاين لاهتمامهم بالبوست لان مدرسة المؤتمر مدرسة عريقة وتستحق تظهر فى المانشست العريض لسودانيز اونلادين وده بمجهوداتكم.كما ارسل عبرك تحياتى للاخ هشام شمس الدين دفعتى فى الموردة الابتدائية والمؤتمر الثانوية وتمنياتى له باجازة سعيدة فى السودان وبقول ليه (لسة فى فسحة بالمراكب فى خور ابو عنجة زمن الفيضان) واتمنى له اقامة سعيدة ويوصل سلامى لكل الزملاء والاصدقاء وبقول ليه فكر فى موضوع البرادة فى المدرسة عشان يكون دعمنا ملموس. وسلامى واشواقى طالب حامد طالب الخرج- جنوب الرياض- السعودية خريج المؤتمر الثانوية 1987 |
|
Post: #245
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-08-2007, 10:13 AM
Parent: #1
مشاركة أخرى من الاخ العزيز طالب
SubjectQuote: : تواصل خريجى المؤتمر
To: [email protected]
الاخ محمد مكى 1987 رجعت للبوست ولاحظت أنك دفعتى وبتشبه لى واحد كنت بلعب معه فى ملعب التنس الترابى رمي الجلة كنت بحب ألعب باسكت خاصه مع اولاد حى الضباط والدفعة القبلنا اسحق وجمباز فى ميدان كرة القدم ودرسة فى اولى مهدى ثانية وثالثة ما متذكر ولاكن بترك اسم الفصول لزميلى هشام شمس الدين وملاحظة على الصورة المرسلة من الاخ محمد حيد الدفعة القبلنا تعرفت على محمد حسن الجغر وجمال حسن سيد احمد وهو فى امريكا على ما اعتقد اولاد حلتنا (شارع الشيخ البدوى). وتقبل تحياتى قلت ليك بتعبك اخوك طالب حامد طالب المؤتمر دفعة 1987 جامعة القاهرة الفرع تجارة 2001 مقيم الخرج- جنوب الرياض- السعودية |
أخى العزيز طالب أنا الدفعة القدامك...مع إبراهيم ومحمد حيدر والبقية..سبق لى ان لعبت فى فريق المدرسة أبان الدورة المدرسية,فى منشطى كرة السلة والسباحة..لم نحقق النتائج المرجوة خاصة فى السباحة ولكن مشاركتنا كانت مهمة,خاصة ونحن لاعبون هواة...بينما كان هناك الكثير من السباحين المحترفين خاصة فى المدرسة البلجيكية..
|
Post: #246
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-11-2007, 10:04 AM
Parent: #245
عدنـــــــــــــــــــــــــــــــــــــا .... السلام عليكم ورحمة الله وبركاته .. أولا الواحد سعيد جدا بمشاركة الأستاذ عبد الله الشقليني ولمسة الوفاء الثرة لمدرسة المؤتمر .. وظهور اسماء قامة مثل الهادي آدم .. وحقيقة هي المؤتمر .. ثانياً رجعت من السودان بخفي حنين .. يا جماعة 8 يوم في السودان دي صعبة جدا عشان تنجز فيها حاجة .. خصوصا مع الخريف والأمطار الشديدة والمتواصلة .. وما تنسوا جهاز المغتربين 3 يوم متواصلة عشان تخلص إجراءاتك خصوصا مع زحمة الإجازات .. لم اتمكن من زيارة المدرسة .. لكن تواصلنا هاتفيا مع بعص الزملاء .. قنديل ، حمودة (اللي وصل بعدي بيومين) .. عمر الصادق .. وقابلت الأستاذ محمد الحسن برضو بالتلفون وتبادلنا الحديث على عجل حول المدرسة وأوضاعها .. حاولنا جاهدين ان نجتمع مع أكبر عدد من أبناء المؤتمر وزيارة الأستاذ محمد الحسن .. لكن حالت الظروف .. كذلك بخصوص الصور والله يا محمد مكي ما لقيت وقت عشان أطلعها رغم إني إجتهدت .. بس وصيت ناس البيت وإحتمال ترسل خلال أسبوع مع أحد الأخوان .. فلكم العتبى .. على العموم .. السودان جميل رغم كل الظروف .. ونتواصل
|
Post: #247
Title: Re: تواصل خريجي مدرسة المؤتمر الثانوية - المدرسة الوطن
Author: zumrawi
Date: 08-11-2007, 11:31 AM
Parent: #1
هلا ومرحبا ياسر زمراوى خريج علم 1995 الدخول عام 1992 فى سنتنا كان اول السودان من المؤتمر وهو الامين محمد والتاسع احمد الريح عضو المنبر والرابع عشر الشاب الكفيف حسن صلاح الدين المدرسين الاستاذ محمد سيداحمد العربى على موسى الكيمياء ماجد الفيزياء عاصم قباض الاحياء الاستاذ عمر الانجليزى الاستاذ صديق ود الراجل الرياضيات الاستاذ حسن المشهور بحسن لوز التربية الاسلامية
|
Post: #248
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-11-2007, 12:28 PM
Parent: #1
حمد اللة على السلامة ياابراهيم... وتحيات ناضرات لأستاذ محمد الحسن...
هلا ومرحبا ياسر زمراوى خريج علم 1995 الدخول عام 1992 فى سنتنا كان اول السودان من المؤتمر وهو الامين محمد والتاسع احمد الريح عضو المنبر والرابع عشر الشاب الكفيف حسن صلاح الدين المدرسين الاستاذ محمد سيداحمد العربى على موسى الكيمياء ماجد الفيزياء عاصم قباض الاحياء الاستاذ عمر الانجليزى الاستاذ صديق ود الراجل الرياضيات الاستاذ حسن المشهور بحسن لوز التربية الاسلامية
تحية للأخ زمراوى...وزى ما شايفيا ابراهيم ما عرفت أى واحد من الاساتذة اعلاة... جيلنا ديناصورات[
|
Post: #249
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-12-2007, 09:47 AM
Parent: #248
فوق
|
Post: #250
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-13-2007, 10:11 AM
Parent: #1
العزيز إبراهيم هل هناك تطورات جديدة بخصوص بيع المؤتمر?
|
Post: #252
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-14-2007, 12:48 PM
Parent: #250
Quote: لعزيز ود حلتنا الفاتح جبرة ، طلب مني الدكتور عبداللة داؤد الخليفة (ود الخليفة) أن انقل لك ولجميع خريجي المؤتمر الثانوية عاطر التحايا لفتح هذا البوست ، وتجد بعض الاسماء من الذين تزامل معهم ـ دكتور ود الخليفة يعمل الان اختصاصي باطنية في مستشفي يافلا الجامعي بالسويد ودى معلومه اضافيه مني ـ وسوف يعود باسماء زيادة اذا ساعدت الذاكره كما يقول هو، الاسماء: محمد بشري الفاضل عادل رحيمان محمد ادم منزول عاكف محيميد عمر مكي الشيخ مامون حسن طه خالد عبدالرحيم الخليفة |
ألف مرحب .. وسعيدين جدا بمشاركة د. عبد الله داؤؤد .. ونتمنى المزيد من المشاركات حتى تظل المؤتمر دائما فوووق ..
|
Post: #253
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 08-15-2007, 11:43 AM
Parent: #1
شباب سلااام .. مشتاااقين ... يا محمد مكي ما قصرت يا اخوي ... ويا ابراهيم تاني اجازة زي دي ما تجيها ... وحسب وصيتك يا ابراهيم واصلنا البحث في موضوع البيع للمدرسة ... وتمكنت من الاتصال بالاخ منير محمد الحسن وهو خريج المدرسة ومهتم جداااااا بمسألة عدم بيع المدرسة ...واخبرنا بانهم تمكنو من الاتصال بالرئيس عمر البشير ووجه المحافظة بعدم البيع ... واتفق معنا على دعوتنااجتماع مجلس الاباء ...لمتابعة اخر التطورات ... وبلغت محمد عبد الحميد بالحاصل ...
|
Post: #254
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-15-2007, 12:07 PM
Parent: #253
Quote: ويا ابراهيم تاني اجازة زي دي ما تجيها ... وحسب وصيتك يا ابراهيم واصلنا البحث في موضوع البيع للمدرسة . |
تحياتي حمودة .. والله هي فعلا إجازة ضيقة جدا .. لكن هي طبعا ما إجازة .. وإنما سفرة إضطرارية على العموم أخبار كويسة .. ونتمنى تمدونا بمزيد من التفاصيل والصور لو أمكن ..
|
Post: #255
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 08-15-2007, 03:26 PM
Parent: #1
Quote: العزيز حمودة وتمكنت من الاتصال بالاخ منير محمد الحسن وهو خريج المدرسة ومهتم جداااااا بمسألة عدم بيع المدرسة ...واخبرنا بانهم تمكنو من الاتصال بالرئيس عمر البشير ووجه المحافظة بعدم البيع ... واتفق معنا على دعوتنااجتماع مجلس الاباء ...لمتابعة اخر التطورات ... |
متابعة هذة المسألة فى غاية الحيوية والأهمية...ما تم حتى الآن هو خطوه فى مشوار المآئة ميل ,ولكنها مهمة وإلى الامام..
|
Post: #256
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-18-2007, 01:11 PM
Parent: #255
Quote: متابعة هذة المسألة فى غاية الحيوية والأهمية...ما تم حتى الآن هو خطوه فى مشوار المآئة ميل ,ولكنها مهمة وإلى الامام.. |
أضم صوتي
|
Post: #257
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 08-22-2007, 11:53 AM
Parent: #256
يا جماعة وين ناس المؤتمر؟ مالكم صنيتو كده؟ حمودة الحقنا بتفاصيل ومعلومات بيع المدرسة ..
ونتواصل
|
Post: #258
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-16-2007, 11:29 AM
Parent: #257
رمضان كريم يا شباب (لزوم دفرة وكدة) .....
|
Post: #259
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-17-2007, 09:56 AM
Parent: #258
وكمان دفرة ...
|
Post: #260
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-18-2007, 08:31 AM
Parent: #259
وصلتني الرسالة التالية من الأخ هشام الطيب .. بعد طول انقطاع ![](http://www.sudaneseonline.com/db/smilies/smile.gif) تحياتي لك أخي هشام .. وكل عام وأنتم بخير
Quote: الاخ العزيز ابراهيم محمد الحسن .. تحياتى واشواقى الحارة وحمد الله على السلامة ورمضان كريم وعبرك ايعث بالتهانى لجميع خريجى مدرسة الموتمر بحلول شهر رمضان وكل عام والجميع بخير وعبرك اكرر التهانى للاخ العزيز طالب حامد طالب بمناسية قدوم مولودته وجعلها الله من بنات الوطن الصالحات وابعث التهانى للاخ نزار عبدالساوى بمناسبة زواجه والتمنيات بالصحة والعافية للاخ صلاح فالولة لاجرائه عملية نقل كلى واجازة سعيدة بالسودان للاخ محمد الصادق واناشد خريجى الموتمر الموجدين بالسودان يتكوين تجمع ياسم نداء الموتمر واخص خريجى الموتمر من مدرسة ابوكدوك الوسطى بتولى بداية هذا العمل لانهم متحركين ومتواصلين رغم مشاغل الحياة وتحياتى لهم جميعا وخاصة الاستاذ محمد الحسين والاخ المعز سيف اليزل وانا متاكد لوتمت ضرية البداية سيكون وراءها خير كبير للمدرسة وسوف يشارك كل خريجى الموتمر المنتشرين فى مشارق الارض ومغاريها وكل عام والجميع بخير وتحية خاصة لخريجى عام 1987 وارجو ان تواصل الاخ ابراهيم هذا العمل الجليل اخوك/ هشام شمس الدين الطيب الشيخ جدو خريج الموتمر 1987 من ابناء الموردة ش/ الفيل مقيم بالسعودبة |
|
Post: #261
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-22-2007, 09:39 AM
Parent: #260
حمودة وينك مختفي كدة بعد رجعت من السودان؟ منتظرين تفاصيلك ..
|
Post: #262
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 09-22-2007, 09:59 AM
Parent: #1
اديني فرصة اخد جمة ...من تعب السفر بسودانير ...
|
Post: #263
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-22-2007, 10:03 AM
Parent: #262
![](http://www.sudaneseonline.com/db/smilies/smile.gif) والله لكن شكلها سودانير أدبتك شديد المرة دي
|
Post: #264
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 09-24-2007, 11:25 AM
Parent: #263
ما زلنا في إنتظار المشاركات ..
|
Post: #265
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 10-10-2007, 09:07 AM
Parent: #264
Quote: كل عام وانت بخير وكل خريجى الموتمر بخير ابعث إليك التحايا اخى ابراهيم بمناسبة حلول عيد الفطر المبارك .. وعبرك أحى جميع خريجى مدرسة الموتمر فى داخل البلد وخارجها كما احى كل الاساتذة الذين تعاقبوا على هذه المدرسة وكل عام والجميع بخير والتمنيات بالصحة والعافية للجميع اخوك/هشام شمس الدين محمد الطيب السعودية-- الرياض
|
|
Post: #266
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 10-10-2007, 09:09 AM
Parent: #265
وأنا بدوري أرسل التهاني بمناسبة العيد إلى كل من إنتمى إلى مدرسة المؤتمر .. أساتذة أجلاء وطلاب وعاملين .. وكل عام والمؤتمر بألف بخير .. إبراهيم
|
Post: #267
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 10-10-2007, 09:52 AM
Parent: #1
كل التهاني أخوتي ابراهيم محمد الحسن،محمد مكي ،محمد حيدر وكل المتداخلين ... كل عام وانتم بخير ... تهانينا بالعيد الى اساتذتنا الاجلاء بمدرسة المؤتمر على مر العصور ... تهانينا الى كل طلبة المدرسة منذ بدءها ....
|
Post: #269
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 10-10-2007, 01:06 PM
Parent: #267
والتهنئه موصوله لكل الاجيال من خريجى المدرسه الوطن ,وجميع اهل الوطن كافه
|
Post: #270
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 10-10-2007, 05:59 PM
Parent: #1
الاحباء الاعزاء اولاد المؤتمر اولا رمضان كريم و عيد مبارك وبعدين تحياتي لكل من سأل عني في غيابي الطويل الناتج عن مشكلة الباصورد والحمدلله اتحلت وبعدين ظروف الرحيل من راشستر نيويورك الي نيوهيفن بس كنت مشارك معاكم بالمتابعة اليومية لكم العتبى
الاسبوع الماضي حمل خبر وفاة السيدة ندي زوجة الحبيب علاءالدين عبدالوهاب (القصير) قامة والعالي مكانة واخلاقا او كما يحلو لنا ابناء العباسية ان نلقبه بعلاءالدين الدحيش لها الرحمة وآلهم آلها الصبر والسلوان وجبر كسرهم
هذا تلفون علاء الدين لواجب التعزية 8123-382-304-1-00 سعيد لمشاركة الدكتور عبدالله داؤود الخليفة وبقول ليهو مبروك كاس الكونفدرالية الملح وعقبال ما نسمع عنك كل خير لكم جميعا الود
|
Post: #271
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 10-12-2007, 01:31 PM
Parent: #1
الاحباء أجمل و أعطر التهاني بمناسبة حلول عيد الفطر المبارك أعاده الله عليتا و عليكم باليمن والخير والبركات و اخص بالتهاني طلاب وخريجي واساتذة و العاملين الحاليين والسابقين بمدرسة المؤتمر الثانوية بام درمان لكم جميعا الود و عاطر التحايا
|
Post: #272
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 10-13-2007, 01:28 PM
Parent: #1
الاعزاء مشيتو وين
عزيزي ياسر الحاج أتذكرك تماما فأنا لا أنسي أصدقائي بسهولة تحياتي لك الود
|
Post: #273
Title: Re: تواصل خريجي مدرسة المؤتمر الثانوية - المدرسة الوطن
Author: Nader Abu Kadouk
Date: 10-13-2007, 01:35 PM
Parent: #272
كل عام والجميع بخير المؤتمر دفعة 82/85 ودابكدوك
|
Post: #274
Title: Re: تواصل خريجي مدرسة المؤتمر الثانوية - المدرسة الوطن
Author: Nader Abu Kadouk
Date: 10-14-2007, 05:49 AM
Parent: #273
up
|
Post: #275
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 10-16-2007, 01:49 PM
Parent: #1
الاعزاء مشيتو وين
|
Post: #276
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 10-17-2007, 11:00 AM
Parent: #275
الأخ محمد حيدر كل عام وانت والجميع بألف خير .. وحمدا لله على سلامة الظهور .. افتقدناك كثيرا .. ألمني خبر وفاة زوجة الأخ/ علاء الدين .. لها الرحمة والمغفرة وللأخ علاء الدين وأسرتها الصبر وحسن العزاء ..
![](http://www.sudaneseonline.com/db/smilies/smile.gif) يا مان الدنيا عيد .. والناس مشغولة مع برامج تانية .. طبعا انتو يا ناس USA فاقدين الحتة دي
ونتواصل
|
Post: #277
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 10-24-2007, 08:03 AM
Parent: #276
وصلتتني الرسالة التالية من الأخ هشام الطيب .. له التحية
Quote: الاخ ابراهيم ارسل اليك التحيات وعبرك أبعث احر التهانى مرة أخرى لجميع خريجى الموتمر فى داخل السودان وخارجه بمناسية عيد الفطر الميارك واخص بالتهنئه كذلك خريجى المدرسة عام 1987 وأكرر التهانى لعريس الدفعة الاخ العزبز نزار عبدالساوى والاخوين حاتم ووليد حسن مبروك واتمنى أن يشارك الجميع فى هذا التواصل وارجو من الجميع بمدنا باخبار عن مربى الاجيال الاستاذ امين خضر الزين مع تمنياتى للجميع بالصحة والعافية هشام شمس الدين جدو السعودية-- الرياض
|
|
Post: #278
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 10-24-2007, 10:16 AM
Parent: #1
تعازينا للأخ الصديق علاء الدين عبد الوهاب ... يا محمد حيدر ضربت على النمرة الوضعتها ما في حد بيرد... ما عارف الوقت المناسب شنو حسب توقيت قرينتش عشان نكلم علاء الدين يا محمد حيدر ... تحياتي ...
|
Post: #279
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 10-31-2007, 07:46 AM
Parent: #278
ساعدونا برفع البوست .. في شباب ظهروا وشاركوا ووعدوا يواصلو المشاركات .. وين هم ؟ حاتم هاشم .. محمد حيدر .. منتظرين تلفون نزار علي (السني) أشرف زهير .. في إنتظار باقي القصة بتاعة تأجيل الإمتحانات ![](http://www.sudaneseonline.com/db/smilies/smile.gif) محمد عبد الحميد (قنديل) .. الجديد في أخبار بيع المدرسة .. حمودة .. وين الصور الوعدت بيها ؟
سلام
|
Post: #280
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 11-01-2007, 07:19 AM
Parent: #279
up
|
Post: #281
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 11-01-2007, 08:22 AM
Parent: #1
والله يا ابراهيم انا ماكنت قائل الاجازة ح تتلحس بسرعة كدا ... لا قابلتك ولا قابلت محمد قنديل ولا ابوعكر ... بس عندي صورة في بوست نادوس للمبدع احمد العربي ما عرفت اسحبها هنا ...
|
Post: #282
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 11-03-2007, 10:54 AM
Parent: #281
الأخ حمودة .. شفت صورتك في بوست نادوس بس أنا قصدي صور الدفعة .. وعدت بعمل صور مع أبوعكر والجقر وآخرين
سلام
|
Post: #283
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 11-04-2007, 06:58 AM
Parent: #282
شبااااااااب أيدينكم معانا .... ولا خلاص بعتو القضية ؟
|
Post: #284
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 11-08-2007, 09:15 AM
Parent: #1
يامحمد حيدر ابراهيم محمد سالم الشهير ببصلة عندك تلفون ليه...
|
Post: #285
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 11-09-2007, 06:52 AM
Parent: #1
يا محمد حيدر شنو الطناش دا يازول ...
نواصل اخبار الناس : اخبار حجر شنو ياناااس ...
|
Post: #286
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 11-09-2007, 02:29 PM
Parent: #1
الاعزاء كيفكم العزيز حموده كدي أسآلني رقم تلفوني كم رقم بصلة هين مستني تلفون من اي مؤتمرابي (من المدرسة مش الشعبي) مع الود
|
Post: #287
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-10-2007, 07:39 AM
Parent: #286
تحياتي للشباب جميعاً .. وكل عام وأنتم والمؤتمر بخير محمد حيدر .. طيب رقم تلفونك كم ؟
|
Post: #289
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-16-2007, 10:32 AM
Parent: #287
كل عام والجميع بخير .. وربنا يحقق الأماني وصلت المشاركة التالية من الأخ هشام الطيب :
Quote: ابعث اليك اخى ابراهيم التحايا بمناسية حلول عيد الأضحى المبارك وعبرك أبعث اجمل التهانى الى جميع خريجى الموتمرداخل السودان وخارجه والى كل الاساتذة الذين تعاقبو على المدرسة وكل الطلاب والعاملين بالمدرسة وكل عام والجميع بصحة وعافية اخوك/ هشام شمس الدين الطيب السعودية - الرياض |
|
Post: #290
Title: Re: تواصل خريجي مدرسة المؤتمر الثانوية - المدرسة الوطن
Author: عبد الرحمن الطقي
Date: 12-21-2007, 12:22 PM
Parent: #289
أخي الكريم / إبراهيم محمد الحسن الإخوة و الأبناء الأعزاء / خريجي مدرسة المؤتمر الثانوية
السلام عليكم و رحمة الله و بركاته
و تقبل الله منا و منكم صلح الأعمال ، و أهنئكم بعيد الأضحى المبارك ، أعاده الله علينا و عليكم و على الأمة الإسلامية بالخير و العافية و المنعة و العزة و التمكين ، وعلى مدرستنا الحبيبة المؤتمر بالرقي و التقدم و الرفعة .
و لا زلت أطالب أن تتطور فكرة هذا البوست الرائع لعمل يصب إيجاباً لمصلحة هذه المدرسة العريقة ، فتفاكروا حول هذه الفكرة .
و الله الموفق لما فيه الخير .
عبد الرحمن إبراهيم الطقي ( معلم بالمؤتمر الثانوية 93 ) الدوحة -قطر جوال : 009745432475 بريد إلكتروني : [email protected]
|
Post: #291
Title: Re: تواصل خريجي مدرسة المؤتمر الثانوية - المدرسة الوطن
Author: عبد الرحمن الطقي
Date: 12-21-2007, 12:33 PM
Parent: #287
الأخ الكريم / إبراهيم محمد الحسن
السلام عليك و رحمة الله و عيدكم مبارك
هذه مشاركة سابقة بتاريخ 10/12/2007م لكن نزلت بالصفحة الثانية مع مشاركات قديمة لذا رأيت إعادة إنزالها :
Quote: الأخوة الفضلاء و الأبناء الأعزاء خريجي مدرسة المؤتمر الثانوية
السلام عليكم و رحمة الله و بركاته
لست من خريجي المدرسة العريقة المتميزة ، بل من خريجي إحدى منارات التعليم في السودان مدرسة خورطقت الثانوية ( الفيحاء ) .
و لكنني عملت بالمؤتمر معلماً لعدة أشهر سنة (93) ، ثم نقلت منها تعسفياً ( سياسياً ) بتوصية من مديرها عضو البرلمان عن الجبهة الإسلامية ( 86) ، و الذي أتى إليها للتو بعد تنفيذ تصفية مدرسة خور طقت العتيدة !! .
و صلتي بكثير من خريجي مدرسة المؤتمر يأتي من كوني درستهم بمدرسة أبي كدوك المتوسطة ( 87 - 93 ) ، إذ كانت الرافد الأساس للمؤتمر الثانوية ، و كانت صلتي بالمؤتمر و طلابها قبل قدومي لها معلماً حيث كنت أقيم بها دورات في التجويد و دروسأ دينية بمسجدها لعدد كبير من الطلاب قبل الطابور ، و كانت صلتي الخاصة بعدد من الأساتذة مثل الأستاذ عبد الرحمن عبد الله ( تربية إسلامية ) و الأستاذ عبد الله أبوه الملقب بالدكتور ( إنجليزي )
جميل جداً أحبتي أن تتواصلوا عبر هذه النافذة ، و تستعيدوا ذكريات الأزمنة الجميلة فتستروحوا بها من هجير الحياة العملية و السياسية اللافح .
و أتمنى أن تتطور الفكرة لرابطة تقدم الدعم لهذه الأم الرؤوم ، و تعمل على مقاومة عملية ( بيعها ) المتوقعة - حسب إفادة بعض المتداخلين - ، و إن كانت تجربتنا لاستعادة خورطقت الفيحاء فاشلة رغم وجود إبراهيم نايل إيدام ( عضو مجلس قيادة الثورة سابقاً ) على رأس اللجنة المطالبة بذلك ، و كان وقتها ما يزال في موقعه القيادي !!! .
أرجو من طلابي الذين لا يستطيعون الكتابة في هذا الموقع التواصل معي عبر عنواني الموجود بملفي الشخصي ( البروفايل ) .
عبد الرحمن الطقي ،،، |
|
Post: #292
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 12-22-2007, 06:26 PM
Parent: #1
الاحباء كل عام و أنتم بخير
تشرفنا بزيارة الاخ الحبيب أشرف شبو للولايات المتحدة في شهر نوفمبر و قضينا أيام جميلة و استرجعنا الذكريات في ضيافة الصيدلاني عوض الكريم أحمد محمد (العربي) في مدينة بريدج بورت Brigeport بولاية Connecticut و حضر لنا الدكتور محمد خير من فيلادلفيا ومعه محمد رفيقه في الدرب وأخدنا بعض اللقطات والتي نعدها كعيدية لابناء المؤتمر
![](http://www.sudaneseonline.com/u/MVC-005S.JPG)
أخذت هذه اللقطة في ال CVS مكان عمل د. عوض الكريم
|
Post: #293
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-23-2007, 07:34 AM
Parent: #292
Quote: و لا زلت أطالب أن تتطور فكرة هذا البوست الرائع لعمل يصب إيجاباً لمصلحة هذه المدرسة العريقة ، فتفاكروا حول هذه الفكرة . |
الأستاذ العزيز عبد الرحمن الطقي .. كل عام وأنتم بخير .. ونحن معك نتمنى أن تتطور الفكرة وتكون أكثر إيجابية وفاعلية لتقديم كل ما يمكن لمصلحة مدرستنا الحبيبة .. ولربط وتواصل جميع خريجيها المنتشرين في بقاع العالم المختلفة .. واتمنى أن تتواصل المداخلات حتى يظل البوست دائما في المقدمة ..
|
Post: #294
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-23-2007, 07:40 AM
Parent: #293
الأخ العزيز محمد حيدر كل سنة وانت طيب تحياتي الخاصة للأخوان أشرف شبو ومحمد خير (حبيبو) واتمنى نشوف مشاركاتهم ونعرف أخبارهم أكتر منتظرين باقي الصور .. ونتواصل ..
|
Post: #295
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-23-2007, 07:43 AM
Parent: #294
Quote: رزق العزيز حاتم هاشم بمولود وقد أختار له أسـم هـاشـمألـف ألـف ألـف مبرووك هـاشـم الصغير والتهنئة لوالده |
الأخ العزيز حاتم هاشم .. كل سنة وانت والأسرة بخير ,, وألف مبرك هاشم الصغير ويتربى في عزكم .. يا أبو هاشم .
|
Post: #296
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 12-24-2007, 01:00 AM
Parent: #1
الاحباء دي صورة من الزمن الجميل
أخذت سنة 1973 قبل حوالي هههمممممم قول 20 سنة المكان روضة راهبات أمدرمان وفيها من طلاب المؤتمر: طارق علي ماهر زروق عباس يسن عباس عبيد عبد القادر هاشم ياسر الحاج (عشان تاني ما يقول أنا نسيته) جمال اليماني أشرف شبو أمين بابكر حمزه محمد حيدر
كنا يوما ما بريئين مع الود محمد حيدر
|
Post: #297
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-24-2007, 07:15 AM
Parent: #296
![](http://www.sudaneseonline.com/db/smilies/smile.gif) محمد حيدر .. ياخي بالغت عدييييييييييييييييل كده
|
Post: #298
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 12-30-2007, 01:24 PM
Parent: #297
تحياتي للجميع .. up
|
Post: #299
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-02-2008, 06:25 AM
Parent: #298
بعد التحية .. وصلتني المشاركة التالية من الأخ/ طالب حامد :
Quote: الاخ ابراهيم السلام عليكم ورحمة الله وبركاته كل عام وانت وجميع خريجى مدرسة المؤتمر واهل السودان بخير .. اهنى كل خريجى المؤتمر بعيد الاستقلال وبداية العام الجديد واخص بالتحية دفعة 1987 وصديقى هشام شمس الدين ومحمد الصادق ومحمد بشير ومحمد حسن كروم ومحمد ادم وانت ياخى ابراهيم وكل الاصدقاء بسودانيس اون لاين طالب حامد طالب خريج 1987م
|
|
Post: #300
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 01-02-2008, 06:59 AM
Parent: #1
ياسلام ياشباب ... اول حاجة عيد اضحى مبارك .. ربنا يتقبل منا ومنكم ... شنو يا محمد حيدر الصورة الجميلة الفيها الناس الحلويين ... محمد خير دا انا بحاول اتذكر اسمه من فترة والله ... عوض الكريم العربي ... اشرف شبو متين جاكم هناك ... ... استاذنا الفاضل عبد الرحمن الطقي تحية ود واحترام ... وفكرتك عملية اكتر ... تقبل تحيات اخوي الصغير عامر ابراهيم عثمان حيث درسته انت في مرحلة ابوكدوك المتوسطة ...
|
Post: #301
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 01-02-2008, 07:09 AM
Parent: #1
الأخ العزيز إبراهيم وبقية الإخوة الخريجين كل سنة وإنتو بخير وعام جديد سعيد ... شايف يا ابراهيم البوست تانى ظهر فى الصفحة الأولى دى حاجه أسعدتنى جداً خاصة وإنو لا زلت بأبحث عن ناس من دفعتى .. بالمناسبة قبل العيد يعنى قبل كم وعشرين يوم قابلت أخونا (أنور أحمد عثمان) - الكون ذلك المجهول- أمام مبنى صحيفة الرأى العام و(أنور) كان قدامنا بى سنتين فى المؤتمر وهسع مغترب فى الخليج .. تحياتى و ح نكون معاكم طوالى فى البوست
|
Post: #302
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-02-2008, 12:07 PM
Parent: #301
الأستاذ/ الفاتح يوسف جبرا كل عام وانت والجميع بخير .. وسعدنا بعودة مشاركاتك اللي نتمنى تتواصل حتى يظل البوست في الصفحة الأولى ونقدر نستقطب أكبر عدد من الخريجين ومن مختلف الدفعات .. تحياتنا للستاذ/ أنور محمد عثمان (الكون ذلك المجهول) ويا ريت نشوف مشاركته معانا ..
حمودة .. وين مختفي يا مان .. وكل سنة وانت طيب ..
دمتم ونتواصل ..
|
Post: #399
Title: Re: تواصل خريجي مدرسة المؤتمر الثانوية - المدرسة الوطن
Author: عمر سعد
Date: 05-31-2008, 10:44 AM
Parent: #301
انور احمد عثمان يعمل بدولة قطر .......................................
ولة نشاط علمى مكثف مع النادى العلمى................
|
Post: #303
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 01-02-2008, 12:40 PM
Parent: #1
كل عام وانتم بخير يا شباب المؤتمر,القابله على أمانيكم...فى ذكرى الاستقلال المجيد..ذكرى المدرسه المجيده
|
Post: #304
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-03-2008, 07:04 AM
Parent: #303
محمد مكي .. كل عام وانت والأسرة بخير .. وحمدا لله على سلامة الظهور بعد طول انقطاع عن البوست .. عسى المانع خير ونرجو ان تتواصل مشاركاتك
|
Post: #305
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-03-2008, 07:41 AM
Parent: #304
وصلتني مشاركة من أحد خريجي المؤتمر .. الأخ/ حسن محمد الحسن .. له التحية ونتمنى تتواصل مشاركات الأجيال
Quote: كل المودة والحب الاخ ابراهيم محمد الحسن لفتة جميلة منك ان تفتح بوست لخريجى هذه المدرسة العظيمة الام ورغم كل هذه السنين لم ولن ننسى تلك الايام .. عزيزى ابراهيم نحنا قبلكم بسنوات الا انه يبدو لان الكتوف تلاحقت خاصة جمعتنا المهنة اولا ثم السعودية ثانيا .. معك اخوك الكبير حسن محمد الحسن واعمل بالرياض وتلفونى 0502462543 على امل المشاركة معكم فى البوست وفى انتظار اتصال للإشتراك في المنبر
|
|
Post: #306
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-05-2008, 07:16 AM
Parent: #305
يا شباب هل من جديد حول تداعيات بيع المدرسة ؟ ولا ربنا هداهم وأعادوا النظر في الفكرة؟
|
Post: #307
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-14-2008, 06:32 AM
Parent: #306
مشاركة من الأخ / طالب حامد :
Quote: الاخ ابراهيم كل عام وجميع خريجى المؤتمر بخير، عام هجرى جديد يجعله الله عام خير وسلام على السودان وأهله. وزيارة مباركه للاخ هشام وحج مبرور للاخ محمد الصادق. طالب حامد دفعة 1987 |
|
Post: #308
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 01-14-2008, 11:18 AM
Parent: #307
ومشاركة من جيل الزمن الجميل .. الأستاذ/ عثمان الحاج بلة :
Quote: السلام عليكم ورحمة الله التحايا الي جميع خريجي المدرسة العريقة الموتمر عثمان الحاج بله من خريخي العام 1979 واود ان اشارك عضويه في سودانيزاون لاين ارجو ان تخطر الاخ الباشمهندس المشرف علي الموقع .. وشكرا |
|
Post: #309
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-04-2008, 08:10 AM
Parent: #308
شبااااب ممكن أيدينكم معانا عشان ننفض الغبار عن البوست !!! عاوزين نسمع ونشوف مشاركات أجيال المؤتمر المختلفة .. يلا
|
Post: #310
Title: Re: تواصل خريجي مدرسة المؤتمر الثانوية - المدرسة الوطن
Author: مصطفى كدفور
Date: 03-04-2008, 09:53 AM
Parent: #309
الأخ العزيز إبراهيم وبقية الزملاء
تحياتي للجيمع
مصطفى السيدعلي
أولى نجومي - ثانية زمخشري
1991
|
Post: #311
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-04-2008, 10:25 AM
Parent: #310
الأخ مصطفى .. لك التحية .. وشكرا على المرور والمشاركة .. يا ريت لو عرفنا مكان اقامتك حاليا .. و عاوزين الهمة عشان نجمع أكبر عدد من المؤتمرجية سلام
|
Post: #312
Title: Re: تواصل خريجي مدرسة المؤتمر الثانوية - المدرسة الوطن
Author: مصطفى كدفور
Date: 03-04-2008, 10:39 AM
Parent: #311
أخي إبراهيم
جهودك مقدرة ... لك منا كل الشكر
حاليا أنا في السعودية - الرياض
درست الجامعة الأهلية 1995
أذكر من دفعتنا وما زلنا أصدقاء: خالد خوجلي -- المسالمة العميد إبراهيم --- ابوكدوك محمد الباقر -- ودارو علي بلدو -- أحمد البدوي --- حي السيد المكي عمار عبد العظيم --- حي العمدة
والكثيرين ممن نفتقدهم ولا نعلم اخبارهم
تحياتي
|
Post: #313
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 03-15-2008, 07:58 AM
Parent: #1
الاحباء خريجي المؤتمر تحية خاصة
في مثل هذا اليوم 15/مارس/1986 وكان يوم السبت شئ غريب والليلة برضو السبت كانت نهاية إمتحانات الشهادة السودانية لعام 1986 وبها إنتهت علاقتنا الاكاديمية بمدرسة المؤتمر ولكن لم تنتهي العلاقة الوجدانية بل زادت اواصر الصداقة مع كل الزملاء الخريجين دفعتنا ومن سبقونا ومن لحقونا وكذلك الاحترام لكل الاجلاء اساتذتنا والعاملين بالمدرسة.
نعم نتشرف بأننا خريجي المؤتمر الثانوية العليا الحكومية بنين بأمدرمان، والتي كانت ومازالت تعني علامة الجودة لطالبي المدارس الثانوية بالسودان.
لكل هؤلاء الود والتقدير والاحترام
|
Post: #314
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 03-16-2008, 01:42 PM
Parent: #1
UP
|
Post: #315
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-19-2008, 06:58 AM
Parent: #314
الأخ محمد حيدر .. حمدا لله على سلمة الظهور ![](http://www.sudaneseonline.com/db/smilies/smile.gif) ويلا بالله واصل سرد الذكريات والأيام الجميلة ..
وصلت المشاركة التالية من الأخ هشام الطيب :
Quote: أبعث إليك أخى ابراهيم التهانى الحارة بمناسبة مولد النبى محمد صلى الله عليه وسلم وعبرك أبعث التهانى الى جميع خريجى مدرسة الموتمر المدرسة الأم المنتشرين فى داخل السودان وخارجه بمناسبة المولد النبوى الشريف وان يكون الجميع بصحة وعافية واتمنى ان يتم عمل نفير و حملة تبرعات لدعم مدرسة الموتمر حتى نرد الدين لهذه المدرسة العريقة مع تمنباتى للجميع بالصحة والعافية اخوكم/هشام شمس الدين الطيب جدو دفعة عام 1987 السعودية--الرياض |
|
Post: #316
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-19-2008, 06:58 AM
Parent: #314
الأخ محمد حيدر .. حمدا لله على سلمة الظهور ![](http://www.sudaneseonline.com/db/smilies/smile.gif) ويلا بالله واصل سرد الذكريات والأيام الجميلة ..
وصلت المشاركة التالية من الأخ هشام الطيب :
Quote: أبعث إليك أخى ابراهيم التهانى الحارة بمناسبة مولد النبى محمد صلى الله عليه وسلم وعبرك أبعث التهانى الى جميع خريجى مدرسة الموتمر المدرسة الأم المنتشرين فى داخل السودان وخارجه بمناسبة المولد النبوى الشريف وان يكون الجميع بصحة وعافية واتمنى ان يتم عمل نفير و حملة تبرعات لدعم مدرسة الموتمر حتى نرد الدين لهذه المدرسة العريقة مع تمنباتى للجميع بالصحة والعافية .. اخوكم/هشام شمس الدين الطيب جدو دفعة عام 1987 السعودية--الرياض |
|
Post: #317
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-23-2008, 07:13 AM
Parent: #316
الأخوة خريجي المؤتمر العريقة تحياتي .. وصلتني الرسالة التالية من أحد الزملاء في السودان .. وهي بخصوص تداعيات بيع المدرسة :
Quote: العزيز ابراهيم تحياتي وصلتني معلومات بأن عمليات الحفر لأساس المباني الجديدة في المدرسة قد بدات دون علم ادارة المدرسة بل ودون علم ادارة التعليم بالوزارة . ان الموضوع اتخذ منحا خطيرا. وان اليوم سيكون هناك اجتماع لمجلس آباء المدرسة وسوف اوافيك بالتفاصيل حال حدوثها ...
اخوك ابدا محمد عبد الحميد(قنديل) |
|
Post: #318
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 03-27-2008, 04:13 AM
Parent: #1
الاعزاء المن زمن الجميل تحية طيبة
قرآت قبل قليل في جريدة المشاهد خبر وفآة والد المدرب و الكابتن برهان تية بحي الضباط بامدرمان تغمده العزيز القدير بواسع رحمتة.
و انا ما عارف هل كابتن برهان هو أخ زميل الدراسة بالمؤتمر علاء الدين تية "جنابو" أما لا لنقوم بواجب التعزية. و ربنا يكضب الشينه ونرجو الافادة
علي كل تعازينا الحارة لكل آل المرحوم تيه بامدرمان
|
Post: #319
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 03-27-2008, 04:49 AM
Parent: #318
الإخوة الأعزاء خريجي مدرستنا العريقة:
السلام عليكم ورحمة الله وبركاته ... وبعد
كنت أتحدث اليوم مع أستاذنا الحبيب / الطيب محمد رحمة مدير مدرسة أبي كدوك النموذجية وهو أيضا من خريجي مدرسة المؤتمر العريقة وزميل دراسة مع أستاذنا الحبيب/ محمد الحسن رجب (معلم اللغة الإنجليزية سابقا ومدير المدرسة حاليا)، وقد أفاني الأستاذ/ الطيب بأن جزء كبير من مساحة المدرسة سوف تباع من غرض الإستثمار ولقد كان أستاذنا غاضبا جدا.
كان بحوزتي رقم هاتف أستاذ/ محمد الحسن ولقد تحدثت معه من قبل وسوف أبحث عن الرقم وأهاتفه مرة أخرى، وإن أذن لي بأن أكتب رقم هاتفه هنا على هذا البوست فسوف أفعل إن شاء الله.
وأتمنى منكم زيارتنا في هذا البوست:
أخوكم/ حسن زمراوي محمد عثمان خريج مدرسة المؤتمر - دفعة 1989
شيكاغو - أمريكا
|
Post: #320
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-27-2008, 06:39 AM
Parent: #319
تعازينا الحارة لكل آل المرحوم تيه بامدرمان في فقيدهم .. وإنا لله وإنا إليه راجعون
|
Post: #321
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 03-30-2008, 05:09 AM
Parent: #318
Quote: محمد حيدر الاعزاء المن زمن الجميل تحية طيبة
قرآت قبل قليل في جريدة المشاهد خبر وفآة والد المدرب و الكابتن برهان تية بحي الضباط بامدرمان تغمده العزيز القدير بواسع رحمتة.
و انا ما عارف هل كابتن برهان هو أخ زميل الدراسة بالمؤتمر علاء الدين تية "جنابو" أما لا لنقوم بواجب التعزية. و ربنا يكضب الشينه ونرجو الافادة
علي كل تعازينا الحارة لكل آل المرحوم تيه بامدرمان |
تعازينا للأخ الحبيب علاء الدين يوسف تيه وللاخوان برهان تيه وعماد تيه في وفاة والدهم الله يرحمه ويغفر له ويحسن اليه... اخي محمد حيدر بحثت عن تلفون للأخ علاء الدين فلم اجده ... وممكن الأخوة بالسودان يعرفون ليه تلفون ...ياريت يمدون بيه عشان نعمل اقل الواجب بالاتصال ...
|
Post: #322
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-30-2008, 07:23 AM
Parent: #321
بعد التحية .. وصلتني المشاركة التالية من الزمن الجمل :
Quote: MY NAME IS JAFER KAMBAL GRADUATED 19???????? FIGURE IT OUT.. I LIVE IN LOS ANGELES, CA......USA USTAZ ALTAHIR -CHEMISTRY ALI ALTAHIR -- GEOGRAPHY PROFESSOR YOUSIF ALKHALEEFA GREAT MEMORIES THANK YOU VERY MUCH YA IBRAHEEM |
|
Post: #325
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 03-31-2008, 09:06 AM
Parent: #322
Quote: SALAM IRAHEEM MY FULL NAME IS JAFER MOHAMED ALHASSAN KAMBAL, AND YES I AM KAWARTI, BORNED IN KORTI, BUT GREW UP IN OMDURMAN, HAI ALARAB. I ATTENDED ALMOUTAMAR DURING 1975-78 JAFER
|
|
Post: #323
Title: العزيز إبراهيم محمد الحسن
Author: A/Magid Bob
Date: 03-30-2008, 08:02 AM
Parent: #1
العزيز إبراهيم محمد الحسن،
تحية الزمالة والوفاء للمؤتمر. رغم أننى إلتحقت بمدرسة المؤتمر سنة 1961. وقد تحرجت بداية فى أن أدخل فى إستعادة ذكريات طواها الزمن مع من هم فى عمر ولدى أحمد. طبعاً كل واحد مننا بيحن لمدرسة المؤتمر الثانوية فى عهده باعتباره العهد الأزهر الذى يجسد أجمل الذكريات والصداقات والإلفة التى جمعته مع أبناء الدفعة والمعلمين الأجلاء. أعتقد بأن المؤسس الحقيقى لمدرسة المؤتمر هو ناظرنا المرحوم الطيب شبيكة ونائبه آنذاك أحمد إسماعيل النضيف أسبق الله عليه ثوب العافية، وقد دارت دورة الأيام وصرنا أصدقاءً. وكان من أبرز الأساتذة الذين عرفتهم الأستاذ الشاعر طيب الأسماء والشاعر محمد سعد دياب وكنا نسدرجه لقراءة الشعر لنتهرب من حصة اللغة العربية. وكان رحمة الله عليه أنيساً، طيب القلب. ومن الأجانب المستر كوك وجون والعساف وأستاذ الفنون محمد زبير الرشيد وكان يسمونه شاعر المريخ. كان الراحل الطيب شبيكة معلماً رفيعاً وحاضر النكته وشديد الإعتزاز بأبنائه الطلبة. وبعد إتمامهم المرحلة الثانوية كان حريصاً على تأمين مستقبلهم فى مواقع الحياة المختلفة. وكان محباً للآداب والرياضة. فأقام ملعباً أخضراً لم يكن له مثيل لدى الفرق الرياضية الرئيسية. وكان فريق المريخ (لسبب ما) على أيام الراحل منصور رمضان والتقريأتى للتمارين على أرضه. وأذكر أننا بعد ثورة اكتوبر طالبنا بفصل الناظر شبيكة واتهمناه جوراً وظلماً فى رعونة الصبا بأنه بدد ميزانية المدرسة فى حفر بئر وبناء ملاعب لكرة القدم والسلة والتنس وحلبة للملاكمة فى الركن الشمالى الشرقى. وكانت أجواء ثورة اكتوبر تملأ الآفاق. فاستشاط الأستاذ شبيكة غضباً وقال "ياخوى ماتفتكروا اكتوبر دى حقتكم براكم.. كلنا شاركنا. وأنا والله فى ليلية المتاريس سليت سيفى وشلت الحاجة قفلت بيها الشارع". وليلة المتاريس شهدت تحرك دبابات للإطاحة بحكومة اكتوبر. وليغفر لى الله بأننى كنت من بين كتاب تلك المذكرة الطائشة. وقد زاد حرجى عندما علمت مؤخراً بأن الأستاذ الطيب شبيكة كان من الأصدقاء المقربين لرفيقنا الشهيد عبدالخالق محجوب. كان الصول أشبو والصول العشا رحمهم الله الكل فى الكل. سامحهم الله فقد إستباحوا ظهورنا حتى أهتدينا إلى أن بالإمكان تليين قلوبهم بكباية شاى جامدة. ومن أشهر أبناء الراحل إبراهيم طه الذين طعنه أحد زملائه فى كلية الطب كان يعانى من إضطرابات نفسية. وكان إبراهيم إنساناً متفوقاً وطموحاً وطيب المعشر. ومن أبناء دفعتنا مولانا حيدر(؟) الذى حاكم بهاء الدين أحمد إدريس بعد إنتفاضة أبيل 1985. ومولانا عبدالرحمن سنادة وكبير الطيارين عزالدين إسماعيل (مريسة) وعبدالرحمن يحى والسيد الفيل. ووراءنا فارس الطيب شبيكة وعدنان زاهر وعبد الوهاب الصاوى. وكنا نأتى من السجانة سيراً وركوباً حتى المدرسة. وكانت مدرسة المؤتمر تستضيف مدرستى مروى الثانوية وكوستى الثانوية. ومن أبرز الأشخاص الذين عاصرتهم فى دفعتى هشام الفيل ودكتور بشير طه وحذيفة الصديق رحمه الله. والدفع قدامى زمراوى، و(اللواء/فريق) حيدر المشرف والفريق الميز والفريق منصور عبدالرحيم ومدير مشروع سندس الصافى جعفر. رحم الله الأموات منهم وأمد فى عمر أحيائهم. ألم يكن بالإمكان لآلاف الطلبة السابقين فى المؤتمر الثانوية وعامة الناس الذين يقدرون تاريخ مؤتمر الخريجين الذى حملت المدرس إسمه توحيد جهدهم نقاذ هذا الصرح من براثن الرأسمالية الطفيلية التى تستخف بالتراث والمعانى الرفيعة التى تلامس قلوب اللأجيال.
وياعزيزنا إبراهيم أحسنت صنعاً! ومعذرة للآطالة فالحديث ذو شجون
|
Post: #324
Title: Re: العزيز إبراهيم محمد الحسن
Author: ابراهيم محمد الحسن
Date: 03-30-2008, 08:59 AM
Parent: #323
الوالد / أو الأخ الأكبر .. عبد الماجد بوب بعد التحية ..
Quote: وياعزيزنا إبراهيم أحسنت صنعاً! ومعذرة للآطالة فالحديث ذو شجون |
حقيقة الواحد سعيد جدا بمشاركات من سبقونا في ذلك الصرح العملاق .. من عاشوا العهد الأزهر كما ذكرت .. ونتمنى أن تستمر المداخلات والمشاركات من جميع الأجيال التي نالت شرف الإنضمام لذلك الصرح الوطن .. وكمان الواحد بيتفاجأ مع كل مداخلة بأسماء بارزة شغلت مناصب هامة .. هم من خريجي المؤتمر .. فيا ريت لو ساهموا في الحفاظ على ذلكم الإرث الوطني والتاريخي ..
ونتواصل ..
|
Post: #326
Title: Re: العزيز إبراهيم محمد الحسن
Author: ابراهيم محمد الحسن
Date: 04-02-2008, 07:58 AM
Parent: #324
up
|
Post: #327
Title: Re: تواصل خريجي مدرسة المؤتمر الثانوية - المدرسة الوطن
Author: عبدالله الشقليني
Date: 04-04-2008, 07:48 AM
Parent: #1
التحية لصاحب الملف ولجميع المُشاركين.
في ذكرى أحد رفاق دربنا: الراحل " إكليل الشيخ " كتبنا ملفاً. كُنا معاً رفاقاً بمدرسة المؤتمر . تجدون الملف كاملاً منذ عرفناه في المؤتمر ، وعرفه صحابه بكلية الفنون .والملف بمنتدى سودان فور أول : http://sudaneseonline.com/forum/viewtopic.php?t=633&highl...9e2f6d3ddce659748fc2 وهذا هو المدخل :
في ذكرى إكليل الشيخ
قلما يتحَدث .. يستمع دوماً . تعليقاته مملوءة بالخفايا الباطنة . إن تتبَعت نبرات صوته المُشبعة بالفخامة كأنك تنظُر من فوهة بئر عميق لترى مارِداً في قاعها يضحَك . إن نظرتَ وجدت الرؤيا تُحلِق في سماوات لا تأخذ بالمُقدمات أو الأسباب لتصل إلى النتائج ، بل تتخذ من اللُغة البهيَّة سجادة يفترشها ليعبُر إلى عوالم غريبة التكوين . لا تشبه أفكاره ( التين إدجرز ) في زمان الستينات . وجد في فن الرسم ضالته التي طوعت رؤاه . منها عبر من مدرسة التقليد والمُحاكاة إلى دراسة الأجسام والمساحات وسلطانها وإيحاءاتها . قرّبته سماواتها العالية من الإستشراق الذي أحب . قدم هو إلى المؤتمر الثانوية بأمدرمان متفوقاً من مدرسة ود نوباوي الوسطى . في قاعة الدرس في الثانوية تخيّر هو المقاعد الخلفية ، على غير المُعتاد من الخيارات . ربما يسمح الجلوس في مؤخرة القاعة أن تنتبه للدرس أو تُغمض عينيك عنه أو تأخذ حُريتك على حساب الدروس التي تمَلّ أو ( تسرح بغنم إبليس ) . قربتني لشخص ( إكليل ) محبتنا المُشتَركة للفنون التشكيلية . يراني حاذقاً بما يكفي لمشروع فنان تشكيلي مُحتَمل ، و أراهُ فوضوياً لا يُحسن ترتيب الدُنيا من حوله . غامض في مشاعره ، يتركك تتحدث ويقتضِب الإجابة حين تنتظر التفصيل! . صدفة كنت جواره و الوقت راحة من بعد الظهيرة . أمسكَ كتِفي وقال : ـ أنظر يا عبدالله .. هنالك . نظرت .. هناك معمل الفيزياء ، وبعض زملاؤنا يتسامرون . عيونهم مُعلقّة إلى كُرة تقفز في الهواء ، يغازلونها والضحِك يملأ الأرجاء . قلت له بعفوية : ـ وما هناك ؟ قال كمن أحبطه الرّد : ـ كنتُ أظنك أكثر عمقاً مما تصورت ! . استدركت مُحاولاً تحسين صورتي فقلت : ـ لم أكن منتبهاً . قال لي : ـ دع عنك غشاوة العادة وانظر الوجوه الضاحِكة وتفاصيل الوداعة ، ورسم الأفراح على الأوجه وحركة الأجسام . راقب الأصوات ورنينها ، ألا توحي لكَ شيئاً ؟ . أرجو أن تُحسن فهمي ، فلست مُخالفاً نواميس الكون ! . صمتَ هوَ برهة أحسست فيها بالحَرج ، ثم واصل قائلاً : ـ لا تأسرني يا عبد الله العادة . راقب أنتَ اللوحة المُتحركة أمامك وتأمل عناصرها برويَّة . لو انتبهنا إلى العالم من حولنا لوجدناه أكثر اتساعاً مما نحسب . تأتلف العناصر، الإنسان والنبات والحجر والهواء والمطاط وتتخلَّق كخيوط ملونة في مَشغَل تنتظر أن تكون نسيجاً زاهياً . نـزلت كلماته كفجرٍ ملون بأحمر الخُطورة ، وانتبهت أنني في شَرك حقيقي . أمامي فلسفة مُتماسٍكة الأركان ، وأنا أحاول السباحة جاهِداً ألا أخذل صفاءه . نظرت اللوحـة الهلامية المُتحركة أمامي ، وعلمت حينها أن أبواباً جديدة تفتح لي مغاليقها وتدعوني الدخول . أيمكن للمرء أن يُحوِّل الواقع بعناصره المتفاوتة التركيب والمصادر إلى حلمٍ ناصع في ظهيرة يوم دراسي ؟ أيعقل أن يتحول المشهد العاديّ برهة كونية شديدة التعقيد ، تلتقي فيه الأنفُس والجمادات ، تموج وتنسج وشياً لا يعرفه إلا من اتسعت آفاق البصيرة لديه ؟. مادة الفنون في ثانوي الستينات من القرن الماضي ، لها قامة فارعة وأساتذة من المُتدربين وأرباب الصنعة . في مرسم الفنون ترى البَطر بادياً بمقاييس سودان اليوم : الألوان والأقمشة والأوراق والأقلام ومعدات الرسم والمقاعد والمساند والألواح . خامة يمكنها أن تصنع من عابري الدرس عمالة رسم ماهرة على أقل تقدير ، فمن مناهج التقليد يمكنك التدرب على المُحاكاة ، ومن قوانين النظر وأبعاده البشرية يمكنك النقل إن كنتَ صافي الذهن من الشوائب ، أو أن جنون الفنون قد مَسَّكَ لهبه وولَجت معبده الفخيم . إن جلست في المرسم ورفعت رأسك عند بدء الدرس ، تجد الأستاذ ( مبارك بلال ) أمامك باسماً هادئاً يعلو رأسه الشيب ، يُبعِد عنك الأشباح التي تتراقص من حولك كلما ذُكرت الفنون . إحساس يحتويك أكثر طمأنينة لعالم جديد . تلك تُفاحة وذاك كوب ، وزجاجة بينهما مملوءة بالماء إلى ما بعد نصفها ، جلسوا أو وقفوا جميعاً على قماشة تتكسّر أمواجها على منضدة عالية ليراها الجميع . إنارة السقف و النوافذ تُلقي بأشعة بدت سِحرية من رهبة إعادة النظر إلى الأشياء . قال أستاذنا ( مُبارك ) : ـ هذه هي الحياة الساكِنة . يمكنكم نقلها إلى الورق . قلم الرصاص هو الوسيلة المُتاحة هذا اليوم وهو الصاحِب ولا مُعين غيره . تعلموا أولاً كيف تنظرون ... تفوَّق ( إكليل ) في تقنية الرسم . ينقل ويُضيف من رؤاه . يُحرِّك القلم كصديق تُمسِك بكتفه وتَخطو معه . شغله الرسم بعوالمه الداخلية ، تحركت نُـزرها من جوف الخيال الجامِح ، و من غُبار الحكاوي قَدِمت الخواطر ، مُتحررة من قيودها تُجالس صديقنا وقد أغرته بمفاتنها واشتبكت برؤاه الفلسفية . خطوة ثم أخرى مُتدرجاً .. بدأ ( إكليل ) يتنصل من البرنامج الدراسي ، ويتحرر من قيوده ، وملكَ الفن حياته . مشى الدرب إلى أقصاه ، وفي السنة قبل النهائية جلس نهاية العام الدراسي لاختبار مادة الفنون وهجر اختبارات بقية المواد الدراسية الأخرى ، بل غادر المدرسة الثانوية إلى غير رجعة . كانت الصرامة المنهجية للقائمين على التعليم حينذاك لا تقبل الخروج عن المألوف أو الانفلات من الضبط . صديقي ( بدر الدين حامد ) و ( إكليل الشيخ ) وشخصي ، كُنَّا أقرب المُقربين للأستاذ ( مبارك بلال ) . تستفرد بنا لمساته الحانية وتعليقاته المُميّزة . عقد علينا الآمال عريضة حتى تفاجأ باختفاء ( إكليل ) ، وكان ذاك حدثاً حزيناً مضى كمسلكٍ بوهيمي ، غريباً علينا و على الجميع !. التحق بدر الدين بكلية الفنون الجميلة من بعد الثانوية ، وغادرت أنا لهندسة العمارة بجامعة الخرطوم . قلت لصديقي ( بدر الدين ) من بعد زمان : ـ كيف حال كلية الفنون معك ، رغبتك وقد تحققت ؟ قال : ـ هي عالم جديد مُنفلت ، تُكسِر أنتَ مَسلَك الرَّتابة وتبدأ حياة عامرة بالخلق ، لكن لدي مُفاجأة لك ..( إكليل الشيخ ) هو الآن أحد زملائي في السنة الدراسية الأولى بكلية الفنون ! عجبت وسألته كيف استكمل هو المرحلة الثانوية ؟ . قال : ـ أنا لا أعرف ، و ( إكليل ) لم يزل كما هو : مقِلّ في الإفصاح عن نفسه و لا يروي لكَ ظمأً مهما سألت . مرت سنوات الدراسة الجامعية ولم نلتقِ . إلا أن حبال المفاجآت لم تنقطع . سألت عن أحواله ذات مرة ، فقال بدر الدين : ـ اختار ( إكليل ) أن يكون مَثَّالاً . شرع بناء مشروع التمثال استعداداً لمهرجان التخرج في السنة النهائية للدبلوم . جلس للعمل الساعات الطوال ، يُسابق الصبر على التفاصيل . في الأيام الأخيرة اكتشف خطأ ما في التفاصيل ، سعى حثيثاً للاستدراك ولم يستطع . بكآبة سوداء قرر في ليلٍ أسودٍ بهيم هدم التمثال ، وفعل . كلفته تلك الليلة وتوابعها الكثير الذي ينتظر ... أهي لعنة ؟ . لستُ أدري ، فكثير ممن نعرف و نترقب تفرُّدهم ، يُداهمهم عنت الحياة في تقاطعاتٍ تقصِم الظهر ، قبل اكتمال نار المَصاهِر الإبداعية لديهم ، ولا نشهد من بعد ذلك كثير شيء . ربما تكالبت الجِمار على الوقود ، واحترقوا جميعاً !. أخذت الدنيا دورتها. وذاب هو في لُجَّة الحياة وقِدرَها المُتضخِم . الدولاب الدوَّار توقف على الرقم مُبكراً في قُرص العُمر. كان على صديقنا من الزمن الغابر أن يرحل ، فقد قضى الزمان أن يصعد عتبات لم يعُد منها من يخبرنا عنها .لن تقف المراثي عند تفاصيل الشخوص كثيراً ، ولن تفي النعوت شخصه وقد ميَّزه تفرده ، إذ كان أكثرنا جرأة حين رفض الانصياع لأحكام العادة والسير مع التيار واختار الخيارات الصعبة : يُحب أو لا يرغب ، ولن يأخذ بالحلول الوسط . وحدها تلك ميِّزة تَدفع القاطرة الإنسانية في الطريق الذي ترتجّ له التقاليد وترتعِد ، فتخاف خروج أمثاله عن المألوف . تظل روحه تحوم حولنا ذات ذكرى لن تندثر .نجمٌ خفت في الزمان وعجينة الخلق لم تـزل تتخمر وتنتظر. تنفتح علينا بوابة الأثر الروحي من الذاكرة الجَمعية ونقرأ : ( من شُرفات جِنان الحُلم القديم ، يتسَلل الإصبَاح بإذن مولاه ليُشرِق عند مرقده ..و يُنير ثراه .)
عبد الله الشقليني
***
|
Post: #328
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-06-2008, 06:43 AM
Parent: #327
تحياتي أخي عبد الله الشقليني .. تقبل الله تعالى الفقيد قبولاً حسناً وجعل مثواه الجنة مع الصديقين والشهداء وحسن أولئك رفيقا .. وألهمكم الصبر وحسن العزاء
|
Post: #329
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-06-2008, 06:47 AM
Parent: #328
Quote: ابعث إليك التحايا اخى ابراهيم وعبرك ابعث التهانى لجميع خريجى مدرسة الموتمر بمناسبة حلول الذكرى الثالثة والعشرون لإنتفاضة ابريل المجيدة والتى شارك فيها خريجى الموتمر من مختلف السنوات .. وثانيا أهنى اخونا وخريج الدفعة عام 1987 الاخ معتز محمود تندل القادم من امريكا بمناسبة الزواج .. وثالثا اهنى ابن الدفعة ايضا الاخ خالد عباس صالح موسى بمناسبة نيله درجة الماجستير فى المحاسبة من جامعة السودان
مع تمنياتى للجميع بالصحة والعافية اخوكم/ هشام شمس الدين الطيب حدو دفعة -1987 السعودية--الرياض |
|
Post: #331
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-07-2008, 00:57 AM
Parent: #1
![](http://www.sudaneseonline.com/u/MU11.JPG) هذه الصورة التاريخية لأعضاء جمعية الفنون الجميلة بمدرسة المؤتمر الثانوية عند زيارتهم لكلية الفنون في اواخر عام 1971م ويظهر في الصورة: من اليمين للشمال: 1- إبراهيم محمد الحسن (عازف الأورغن المشهور) في السعودية الآن .. 2- صديق حماد (ثانية علمي ب) 3- السني (ثانية علمي ب) 4- الفاتح إبراهيم (اولى) 5- صلاح الهدي (ثانية علمي ب) 6- عبدالرحيم حامد(ثانية علمي أ) 7- صلاح حمزة(ثانية علمي أ) 8- امير عبدالله (ثانية علمي جـ) 9- عزالدين (ثانية علمي ب) 10- محمد مصطفى (الآن في العين- الأمارات))(يظهر في الخلف)(ثانية علمي أ) 11- كمال بندة (اولى)(يظهر في الخلف) 12- زميل لم اتذكره (امام كمال بندة مباشرة) 13- حيدر عبدالعال(ثانية علمي أ) 14- معاوية عبدالرحمن البيلي(اولى) (فريق شرطة) 15- عوض عمر(ثانية علمي ب) 16- تاج السر(اولى) 17- عوض ابوصلاح (أولى)(الفنان التشكيلي المعروف) (مقيم بجدة) 18- صلاح رضا (اولى) في الوسط - امام
|
Post: #332
Title: العزيز إبراهيم محمد الحسن
Author: A/Magid Bob
Date: 04-07-2008, 03:12 AM
Parent: #1
العزيز إبراهيم محمد الحسن
تحياتى لك ولكل الأجيال التى تعاقبت على مدرسة المؤتمر العريقة. تابعت هذا الموقع الجميل وتحرجت كثيراً فى أن ألج وقد غلب عليه إخوتنا وأبناؤنا من أجيال متعاقبة. على أى حال، ليس فى حديث الذكريات من حرج. أنا إلتحقت بالمؤتمر الثانوية فى سنة 1961. وغادرتها فى بداية السنة الرابعة يعنى فى عام 1965. ومن أبناء دفعتنا الدكتور يشير طه صالح، والدكتور محمد عثمان سوار والراحل الدكتور عبدالمنعم زين العابدين والأستاذ هشام الفيل، والسيد الفيل والمرحوم إبراهيم طه الذى توفى وهو فى ريعان شبابه فى السنة الثانية بطب جامعة الخرطوم، وفريد السراج، وحذيفة الصديق (الراحل العزيز) والأستاذ هاشم إبراهيم على والطيار عزالدين إسماعيل. وفى ذلك الوقت كانت مدرسة المؤتمر تستضيف مدرسة كوستى الثانوية ومدرسة مروى الثانوية. من أبناء كوستى أذكر محمد الحاج، ومكى أبوقرجة والسفير على آدم والدكتور خضر عبدالكريم (آثار جامعة الخرطوم). ناظر المدرسة فى ذلك الوقت المرحوم الطيب شبيكة ونائبه أحمد إسماعيل النضيف ومن الأساتذة الأجلاء الأستاذ الراحل طيب الأسماء، ومحمد عبدالرحمن عربى، والراحل محمد سعد دياب وكان أنساناً على قدر من اللطف وشاعراً مبدعاً. وأمين المكتبة وأستاذ اللغة الإنجليزية المستر كوك. والرياضيات أستاذ العساف (مصر). والصول الأول الأمين أشبو ومساعده الصول العشا عفا الله عنهم فقد ألهبوا ظهورنا بالجلد المبرح كما فى سالما – ألباما أو سويتو. من أبرز الزملاء فى الدفع التى عاصرناها الدكتور الخاتم الياس، وحيدر المشرف، وكمال على صالح والدكتور عمر عبدالحميد ومن العسكريين الفريق الميز والفريق منصور عبدالرحيم.
ولكم جزيل الشكر على حفظ هذا الجانب من تراث المؤتمر الثانوية العريقة.
|
Post: #333
Title: Re: العزيز إبراهيم محمد الحسن
Author: ابراهيم محمد الحسن
Date: 04-07-2008, 07:40 AM
Parent: #332
Quote: هذه الصورة التاريخية لأعضاء جمعية الفنون الجميلة بمدرسة المؤتمر الثانوية عند زيارتهم لكلية الفنون في اواخر عام 1971م ويظهر في الصورة: من اليمين للشمال: 1- إبراهيم محمد الحسن (عازف الأورغن المشهور) في السعودية الآن .. |
ده ما أنا يا جماعة ![](http://www.sudaneseonline.com/db/smilies/smile.gif) لي الشرف بتطابق إسمي والأستاذ إبراهيم محمد الحسن .. وأنا برضو في السعودية
|
Post: #336
Title: Re: العزيز إبراهيم محمد الحسن
Author: Mohammed Ibrahim Othman
Date: 04-08-2008, 10:59 AM
Parent: #332
Quote: Author: A/Magid Bob من أبرز الزملاء فى الدفع التى عاصرناها الدكتور الخاتم الياس، وحيدر المشرف، وكمال على صالح والدكتور عمر عبدالحميد ومن العسكريين الفريق الميز والفريق منصور عبدالرحيم.
ولكم جزيل الشكر على حفظ هذا الجانب من تراث المؤتمر الثانوية العريقة. |
الاستاذ A/Magid Bob اتحفتنا ..وليتواصل خريجي المؤتمر .. وكل بذكرياته العطرة... بس عندي سؤال للأخ محمد حيدر المشرف هل والده هو نفس المذكور اعلاه حيدر المشرف ولا اسم على مسمى ...
|
Post: #334
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-07-2008, 09:36 PM
Parent: #1
![](http://www.sudaneseonline.com/u/MU1.JPG) هـذه الصورة اخذت باحد إستديوهات كلية الفنون الجميلة والتطبيقية، عند زيارة جمعية الفنون بمدرسة المؤتمر الثانوية.. لها في عام 1971م ويظهر في الصورة من اليمين: 1- محمد مصطفى محمد الحسن (ثانية علمي أ) (خلف) 2- محمود عمر (طالب بالكلية وعضو الإتحاد آنذاك) الآن فنان تشكيلي كبير(امام) 3- حسن موسى (طالب بالكلية ورئيس الإتحاد آنذاك)(خلف) دكتور وفنان تشكيلي عالمي مقيم بفرنسا 4- خالد خلف الله (ثانية علمي ب)(امام) الآن إختصاصي باطنية واستاذ بكلية الطب/جامعة جوبا 5- نادر عبدالرحمن (اولى)(امام) 6- حيدر عبدالعال(ثانية علمي ب) 7- صلاح الهدي (خلف)(ثانية علمي ب) 8- نادر يوسف (اولى) (امام) 9- الفاتح إبراهيم 10- معاوية عبدالرحمن البيلي (خلف) (فريق شرطة) 11- إسماعيل الأمير (طبيب)(ثانية علمي جـ) 12- عزالدين 13- عصام بشير هاشم (دكتور واستاذ جامعي )(ثانية علمي أ) 14- تاج السر(اولى) 15- علي البكري ابوحراز(ثانية علمي أ)(خلف) 16- صلاح حمزة (ثانية علمي أ) 17- طالب في كلية الفنون يرسم بانامله لوحة تشكيلية.. عندما فاجأه اعضاء الجمعية.. والتفوا حوله .. مبدين إستحسانهم.. وإعجابهم..
|
Post: #335
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-08-2008, 06:50 AM
Parent: #334
الأخ عبد الرحيم تحياتي .. والله لكن ما شاء الله عليك . لقيتك ذاكرتك كده ![](http://www.sudaneseonline.com/db/smilies/smile.gif) نتمنى تواصل المشاركات ..
|
Post: #338
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-08-2008, 10:24 PM
Parent: #335
Quote: الأخ عبد الرحيم تحياتي .. والله لكن ما شاء الله عليك . لقيتك ذاكرتك كده نتمنى تواصل المشاركات .. |
الأخ إبراهيم بنحاول نعمل تنشيط لهذا البوست الرائع .. بوست الزمن الجمـــيل..
|
Post: #337
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-08-2008, 10:10 PM
Parent: #1
![](http://www.sudaneseonline.com/u/MU42.JPG) صورة تأريخية لطلبة ثانية علمي (أ) احيــاء، في معمل الأحياء عام 1971 م في الجانب الأيمن من الصورة يوجد طالبين، هما: 1- الشيخ محمد عثمان (امام) 2- عثمان الحاج المجذوب (خلف) في الجانب الأيسر من الصورة - الصف الأول من اليمين 3- سمير فوزي شنودة 4- حيدر الشيخ البكري 5- عصام الدين بشير هاشم 6- احمد المرتضى - الصف الثاني من اليمين 7- تاج السر محجوب 8- ياسر امين الطيب 9- شيخ إدريس صالح 10- عباس عوض - الصف الثالث من اليمين 11- كمال خوجلي هباني 12- حمزة محمد احمد 13- مصطفى حسن 14- كمال الدين الطيب 15- جماع محمد (الصف الخامس من اليمين) 16- عزالدين عيسى (الصف الخامس على اليسار واقفاً) -الصف الأخير 17- ..... 18- عبدالرحيم حامد (وسط/خلف) 19- حمد محمود نصر
|
Post: #339
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-09-2008, 06:48 AM
Parent: #337
Quote: الاخ ابراهيم السلام عليكم ورحمة الله سلامى لكل خريجى المؤتمر واهنئهم بالمولد النبوى الشريف وأذكر صديقى هشام ومحمد الصادق محمد محتمه وشباب حى الامراء والهاشماب بالايام التى كنا عندما نعود من مدرسة المؤتمر وننزل من الملح قبالة سراية ابو العلاء وندخل على ميدان المولد (ميدان الخليفة) بعد شراء حلاوة السمسمية من دكان المغربى الولده انس كان معنا فى مدرسة الموردة الابتدائية .. وكان حظنا سعيد نصادف فتة فى خيمة الختمية ) ما احيلاها. وفى المساء اعود مع الاصدقاء من الحى للطواف على جميع الخيم فى المولد ونمر بالمداح فى بعضها والمحاضرات عن السيرة العطرة واجمل من كل هذا محاضرة الحبر فى مكتبة البشير الريح عن المولد النبوى الشريف. ثم العشاء فى الخيم جنوب حوش الخليفة بقرب غرفة سليطين الموجودة فى ركن سراى ابو العلاء الشمالى الشرقى الاصبحت دار حزب الامة ثم بيت ثقافة. ما اجمل تلك الايام وشجونها. وسلامى واشواقى وتهنئة خاصة للأخ خالد عباس دفعتى فى المؤتمر بنيل درجة الماجستير وعقبال الدكتوراه. طالب حامد طالب خريج المؤتمر 1987 |
|
Post: #340
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 04-10-2008, 02:59 AM
Parent: #1
الاخ عبدالحميد حامد تحية طيبة بمزيد من السرور طالعت تلك الصور المدرسية الجميلة من الزمن الجميل وطالعت فيها من الاخوة الكبار و الاعزاء:
في الصورة الاولي: رقم -8- العزيز أخي وابن خالي أمير عبدالله الامير المقيم حاليا ببلجيكا\ حي الامراء العباسية.
في الصورة الثانية: رقم -11- أخي وابن خالتي الحبيب الطبيب د.أمير خليل المقيم حاليا بايرلندا\ حي الامراء العباسية. رقم- 4- العزيز أخصائي الباطنية د. خالد خلف الله الاستاذ بجامعة جوبا\ الموردة. رقم-13- الاستاذ الزراعي بجامعة الامارات العزيز د. عصام بشير\ شارع الاربعين العباسية. رقم -12- البيطري العزيز د. عزالدين عيسي \الموردة.
كل هؤلاء الاجلاء عرفتهم عن طريق د. أمير خليل و لمست ما يجمعهم من حب و احترام و صداقة تحولت الي صداقة أسريه و قرابة. وكان عندما يعود أمير في اجازته الصيفيه من الدراسة بمصر يبدأ بزيارته في يوم وصوله عصام بشير و يعقبه خالد خلف الله و عزالدين عيسي و صديقهم الذي لم اره في الصور لكنني لم أنسآه عصام حسن نجيلة, كنت أستمتع بتقديم الشاي و المرطبات لهم.
لهم ولك ولكل خريجي المؤتمر الاحترام والود.
|
Post: #341
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 04-11-2008, 02:24 AM
Parent: #1
فوق عشان المؤتمر
|
Post: #342
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-11-2008, 10:31 PM
Parent: #341
الأخ محمد حيدر تحية وتقدير فرصة طيبة .. نعرف انو امير عبدالله .. وامير خليل .. اقرباؤك .. ونحن وهم كذلك .. ابناء حي واحدأيضا .. حي العباسية شمال .. او الأمراء .. اما بقية العقد الفريد فهم ايضاً اصدقاءنا .. حيث كانت دوائر الصداقات .. والعلاقات .. مترابطة ومتداخلة إلى حد كبير .. ولعل .. بوست الأخ إبراهيم .. اتاح فرصة عظيمة .. لهذا التفاعل الإنساني الجميل ..
|
Post: #343
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-11-2008, 11:58 PM
Parent: #1
![](http://www.sudaneseonline.com/u/Mathmut.JPG) صورة تأريخية نادرة للزملاء طلبة الصف الثلث علمي (أ) قســم (رياضيات) بمدرسة المؤتمر الثانوية العليا للعام الدراسي 1972-1973م وهم من اليمين وقوفاً(من الخلف) 1- حسن حامد عبدالله 2- حسن وداعة 3- سامي صالح محمد 4- عبدالحميد عوض 5- محمد زين (استاذ لغة عربية) 6- الرشيد مكي 7- حســام زاهر السـادات 8- حافظ عبدالخالق فرح 9- صلاح بابكر عصملي 10- (فراش .... ) الصف الثاني وقوفاً من اليمين 11- إدريس الشريف (دورش) 12- كمال خوجلي هباني (أحيـــاء) (جالس) 13- مصدق الصاوي الصف الثالث جلوساً 14- عادل عثمان كردش 15- يعقوب عطاء المنان 16- حيدر عبدالعـــال الصف الرابع جلوسا (امام) 17- عليش محمد محمد أحمد 18- خالد أحمد عبدالرحيم 19- عصام مختار 20- شوقي (ثانية) 21- بهاء الدين من مصر الشقيقة (رياضيات/مشرف على جمعية التصوير)
|
Post: #344
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-12-2008, 01:52 PM
Parent: #1
![](http://www.sudaneseonline.com/u/techstaff.JPG) من اليمين لليســـار 1- الطاهر ( محضـر العلـوم) 2- الطيب صالح ( محاسب المدرسة) 3- حســـين ( محضـر اول علـــوم) 4- عباس (كاتب المدرسة) أخذت هذه الصــورة في مكتب محضــر العلــوم بمدرسة المؤتمر الثانوية العليا في تأريخ 8/ 1/1973م
|
Post: #345
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 04-12-2008, 03:45 PM
Parent: #1
جيت وخجلان من نفسى قصرت فى حق المؤتمر وحقكم,لما شفت تاريخ آخر مداخلاتى فى البوست .. لكم التحيه واعتذارى
|
Post: #346
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-14-2008, 07:20 AM
Parent: #345
الأخ محمد مكي السلام والتحايا .. وينك يا راجل إختفيت فترة من البوست .. وفعلا قصرت يلا شد حيلك معانا عشان يكون دائما فوق ..
|
Post: #347
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 04-14-2008, 08:36 AM
Parent: #1
أبو أحمد مشتاقون وعلك بخير والأسره الكريمه قبل كم يوم كنت بتكلم مع ابوعكر وبسلم عليك وعلى الجميع..ووعد بالصورقريبا.. تحياتى للجميع
|
Post: #348
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-14-2008, 08:58 AM
Parent: #347
محمد مكي تحياتي ليك ولأبوعكر وللجميع .. بالمناسبة .. أنا إيميلي اتغير .. الجديد : [email protected] أضيفني في المسنجر .. ورسل لي ايميل أبو عكر
|
Post: #349
Title: Re: تواصل خريجي مدرسة المؤتمر الثانوية - المدرسة الوطن
Author: ALMURADABI
Date: 04-14-2008, 10:17 AM
Parent: #1
الله على البوست الجميل ده الواحد سرح في ذكريات جميلة قضينها في تلك المدرسة العريقة
انا على ابوالقاسم علي
خريج مدرسة المؤتمر 1989
اولي علي عبداللطيف
تانية متنبئ
ثالثة بن حيان
زقاق
حسن زمراوي يادفعة والله مشتاقين ما عارف بتذكرني ولا لا
|
Post: #350
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-15-2008, 06:15 AM
Parent: #349
تحياتي .. بعد طول إنقطاع عن البوست .. وجدت رسالة من الأخ عصام ابوعكر :
Quote: الاخ العزيز/ ابراهيم السلام عليكم وعلي جميع الاخوان الاعزاء .. مرسل لكم صوره مهداة من الاخ العزيز عمر (زنقه) بها عدد من الاخوان زملاء دفعه .. زنقه رقم سته من اليمين في الخلف وبقيه الاخوان تارك الاسماء للدفعه علشان تنشيط التواصل طبعا ياابوخليل انت مع الجماعه ولكم مني الشكر اخوكم عصام ابوعكر//////// |
والله صورة جميلة رجعتنا لذكريات أجمل .. وانا ذي ما قلت ليكم عندي كمية من الصور دي حاولت احضرها معاي لما مشيت الإجازة الفاتت .. بس للأسف لم أتمكن وإنشاء الله قريب حا اجيبهم ..
|
Post: #351
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-15-2008, 06:43 AM
Parent: #350
![](http://www.sudaneseonline.com/u/almoatamar1.jpg)
أبوعكر .. تارك الأسماء للدفعة؟ ولا مسحت ؟ ![](http://www.sudaneseonline.com/db/smilies/smile.gif) على العموم كويس طلعوا كلهم الواحد متذكرهم : من اليمين : 1. أيهاب ...... 2. علاء الدين محمد صالح 3. نزار جعفر (نملة) 4. عمر الصادق (فلاشا) 5. أمير محمد الحسن (ابودرق) 6. عمر زنقة - في الخلف 7. محمد مرتضى (وشو) 8. إيهاب إبراهيم (المسيحي - فردتي) 9. جمال عوض (الطويل) - في الخلف 10. أشرف عبد الرزاق (السمين) 11. معز بابكر مالك - في الخلف 12. محمد بابكر مكي (كلتومة) 13. أنـــــــا 14. محمد محمود (أبوراس)
لقيتني كيف يا أبوعكر ![](http://www.sudaneseonline.com/db/smilies/smile.gif) آسف لذكر الألقاب إذا كان أصحابها غير راضيين
|
Post: #353
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-15-2008, 08:19 AM
Parent: #351
بالمناسبة ، الشال اللابسو أشرف السمين ده أداني ليه كذكرى وأنا محتفظ بيه ضمن حقيبة الذكريات .. ![](http://www.sudaneseonline.com/db/smilies/smile.gif) والله ايام .. وين أراضيك يا دكتور أشرف .. نتمنى نسمع منك أو عنك .. تحياتي للجميع
|
Post: #357
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 04-16-2008, 07:29 AM
Parent: #353
Quote: وين أراضيك يا دكتور أشرف .. نتمنى نسمع منك أو عنك . |
أشرف درس فى بلغاريا..لاقيته فى 2003 وكان يعمل فى مستشفى الشرطه حينها ..للأسف تلفونه ضاع منى
|
Post: #352
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 04-15-2008, 07:35 AM
Parent: #1
يا جماعة عمر زنقة دا والله الواحد مشتاق ليه ... لسه سمين ولا بقى ضعيف ...ههههههههههههههه اخر اخباره معي انهم هو وكمال عبد العزيز دخلو الجيش ...
|
Post: #354
Title: Re: تواصل خريجي مدرسة المؤتمر الثانوية - المدرسة الوطن
Author: ALMURADABI
Date: 04-15-2008, 10:05 AM
Parent: #1
الدفعة حسن زمراوي لازلت في انتظارك
بذكرك بناس من الدفعة سامي هاشم - ياسين احمدعواض - محمد مصطفى الامين - منير زمراوي - حسام عبدالوهاب
في انتظارك صديقي الشوق قاتلني
|
Post: #355
Title: Re: تواصل خريجي مدرسة المؤتمر الثانوية - المدرسة الوطن
Author: ابو خالد
Date: 04-15-2008, 01:35 PM
Parent: #1
عزيزنا د.عبدالرحيم
لك عاطر التحايا والود
شكرا ليك كونك محتفظ بصور تالتة رياضيات
بالرغم من إنك كنت في أحياء
الصورة اللي فاتت قلت إنو ما في زول قدر يعرفني في
الصورة.المصيبة المرة دي أنا ذاتي ما قادر أتعرف على نفسي
خصوصا وإنو أستاذ بهاء غطى جزء مني
لك الشكر مجددا وأرجو أن تواصل تتحفنا بهكذا مفرحات.
|
Post: #356
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-16-2008, 06:54 AM
Parent: #355
up
|
Post: #359
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 04-23-2008, 11:11 PM
Parent: #356
Quote: الله على البوست الجميل ده الواحد سرح في ذكريات جميلة قضينها في تلك المدرسة العريقة
انا على ابوالقاسم علي
خريج مدرسة المؤتمر 1989
اولي علي عبداللطيف
تانية متنبئ
ثالثة بن حيان
زقاق
حسن زمراوي يادفعة والله مشتاقين ما عارف بتذكرني ولا لا |
Quote: الدفعة حسن زمراوي لازلت في انتظارك
بذكرك بناس من الدفعة سامي هاشم - ياسين احمدعواض - محمد مصطفى الامين - منير زمراوي - حسام عبدالوهاب
في انتظارك صديقي الشوق قاتلني |
الأخ العزيز والفردة اللذيذ / علي عبد القادر:
السلام عليكم ورحمة الله وبركاته ...
إنت منو يازول ؟؟؟ ![](http://www.sudaneseonline.com/db/smilies/biggrin.gif)
لو قلت لي إنك علي عبد القادر مابتزكرك، ولكن لو قلت إنك "علي ميع" الكل حيتزكرك ![](http://www.sudaneseonline.com/db/smilies/biggrin.gif)
كيفن مابتزكرك، وبمناسبة الزكرى دي خليني أشيل حسك هنا إسفيريا:
تتزكر يوم عزمتنا إفطار رمضان في بيتكم في الموردة وجينا البيت ومالقيناك ؟؟؟ ![](http://www.sudaneseonline.com/db/smilies/biggrin.gif)
أنا عايز أشيل حسك هنا لأنك شلت حسي في البوست القديم عن مدرسة المؤتمر بتاع "النصري أمين" قبل كم سنة وزكرت الناس بشجرة البنقو وقلت: "أكيد حسن زمراوي حيكون متزكرها "
ياشين ،،، وينك يافردة، والله ليك وحشة ياوحش.
ودعني أرسل لك صورة حديثة لي كانت بمسقط رأسي بشمال السودان في كرمة البلد بتاريخ 30/3/2007م عند زيارتي الأخيرة للسودان في يوم إفتتاح أحد المساجد هنالك وأنا ألقي قصيدة الفرزدق المشهورة في حب آل بيت رسول الله صلى الله عليه وسلم.
![](http://www.sudaneseonline.com/u/IMG_0693_Comp.jpg)
![](http://www.sudaneseonline.com/u/hostat1.gif)
ونتمنى أن تزورنا في هذا البوست فأنا موجود فيه بكثرة:
المرجو منك مراسلتي على بريدي اللكتروني:
أو مسكن لي يامسكين من أي مكان إنت فيه وأنا حأرجع ليك طوالي إن شاء الله ،،، بس راعي فرق التوقيت وراعي حرماني وأخشى عامل السن ياميع![](http://www.sudaneseonline.com/db/smilies/biggrin.gif)
والسلام عليكم ورحمة الله وبركاته ...
حسن زمراوي محمد عثمان - دفعة 1989 [email protected] جوال: 0017732167733 شيكاغو - ولاية إلينوي - أمريكا
|
Post: #360
Title: Re: تواصل خريجي مدرسة المؤتمر الثانوية - المدرسة الوطن
Author: ALMURADABI
Date: 04-24-2008, 04:46 AM
Parent: #359
العزيز جد حسن ابوعلي ياخ لقيتك شيال حال لمن غلط
والله شوق الشوق والله كانت ايام لاتنسى
بعدين انا عازمك فطور يوم الجمعة تجيني الخميس تلقاني كيف ؟
لي رجعة ليك تاني
بتزكر محمود احمد حسن ؟
|
Post: #358
Title: Re: تواصل خريجي مدرسة المؤتمر الثانوية - المدرسة الوطن
Author: Abdelraheem Hamed
Date: 04-17-2008, 08:26 PM
Parent: #1
العزيز الباشمهندس مصدق التحية والتقدير شكرا ليك كتير . . يا مصدق . .
Quote: شكرا ليك كونك محتفظ بصور تالتة رياضيات بالرغم من إنك كنت في أحياء
|
الكلام دا . . حقيقة . . لكن . . كلنا كنا أسـرة واحدة . . تجمعنا الفنون . . والجماليات . . باشكالها . . والوانها . . ( رسم . . موسيقى ) . . إلخ . .
Quote: خصوصا وإنو أستاذ بهاء غطى جزء مني |
إنت يا مصدق . . كنت (قليلوني) . . البخليــك تقعد وراء اسـتاذ بهاء شنو . . شكرا . . ليك يامصدق .. مرة اخرى . . وإن شاء الله . . يستمر التواصل . . عبر هذا البوست الجميل . .
|
Post: #362
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-24-2008, 06:23 AM
Parent: #361
الأستاذ عبد الرحمن الطقي السلام عليكم ورحمة الله وبركاته..
Quote: أحيي مثابرتكم على تذكر مدرستكم الشامخة ، و التي عملت بها معلما فترة قصيرة سنة 93 و أكرر فكرة رابطة و تقديم ما يمكن وفاء لها و لكم أسوة في رابطة خريجي أبي كدوك المتوسطة التي قدمت الكثير حتى الآن و ينتظر منها الأكثر |
أثني الفكرة وفي إنتظار التحرك الجاد في هذا الخصوص ...
|
Post: #363
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 04-26-2008, 07:22 AM
Parent: #362
فوق
|
Post: #365
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-04-2008, 10:13 AM
Parent: #364
فوق
|
Post: #366
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-05-2008, 06:17 AM
Parent: #365
وصلتني الرسالة التالية من أحد خريجي المؤتمر .. الأخ/ عثمان الحاج بلة له التحية ونتمني يستمر التواصل ..
Quote: الاخ الفاضل ابراهيم محمد الحسن السلام عليكم ورحمة الله نرحب بناس الموتمر انا عثمان الحاج بله خريج الموتمر عام 1979 ثم الاتحاد السوفيتي والان اعمل مهندس بالسدود لكم التحية جميعا نرجو ان تتواصلوا والسلام عثمان الحاج بله |
|
Post: #367
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-10-2008, 07:44 AM
Parent: #366
ورسالة أخرى من أحد خريجي الزمن الجميل الأخ/ عصمت محيميد :
Quote: بسم الله الرحمن الرحيم السلام عليكم ورحمة الله وبركاته تحياتي لكل خريجي الموتمر- منبع الدرر- انا من جيل السبعينات دفعة 76- درست بعدها لاقتصاد و الادارة في بريطانيا واعمل الان في الخرطوم- من ابناء الدفعة اذكر مصطفى النقر-د-سعد قناوي-د صالح خلف الله- المرحوم محمد ازهري- اولاد صبرة- ممدوح البرير-عبد الله عمر-الفاتح حاج التوم-مجدى مزمل-الصادق عوض-اسماعيل البيلي-عوض امير-محمد عباس-حيدر-طه عبداللة-عصام عوض-زهير-التاج-مصطفى بدري-واخرين لهم الود والتحية عصمت محيميد |
|
Post: #368
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-14-2008, 04:14 AM
Parent: #1
فوق عشان السودان و أم درمان و المؤتمر
|
Post: #369
Title: Re: تواصل خريجي مدرسة المؤتمر الثانوية - المدرسة الوطن
Author: ALMURADABI
Date: 05-14-2008, 06:12 AM
Parent: #1
جيتكم تاني يا ناس المؤتمر
وين الدفعة حسن زمراوي طبعا من لقاني جيت البوست عمل رايح وزاغ
اها مستنيك يادفعة
|
Post: #370
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 05-15-2008, 07:10 AM
Parent: #1
محمد مكى - أبراهيم محمد الحسن كيف الأحوال بعد هذه الفترة الطويلة التى لم ندخل فيها للبوست ولم (نديهو دفرة) ، دخلت هسه قريتو تاااانى من أولو .. لقيت مداخلة الأخ عصمت محيميد :
Quote: بسم الله الرحمن الرحيم السلام عليكم ورحمة الله وبركاته تحياتي لكل خريجي الموتمر- منبع الدرر- انا من جيل السبعينات دفعة 76- درست بعدها لاقتصاد و الادارة في بريطانيا واعمل الان في الخرطوم- من ابناء الدفعة اذكر مصطفى النقر-د-سعد قناوي-د صالح خلف الله- المرحوم محمد ازهري- اولاد صبرة- ممدوح البرير-عبد الله عمر-الفاتح حاج التوم-مجدى مزمل-الصادق عوض-اسماعيل البيلي-عوض امير-محمد عباس-حيدر-طه عبداللة-عصام عوض-زهير-التاج-مصطفى بدري-واخرين لهم الود والتحية عصمت محيميد |
عصمت يكون قدامنا بى سنتين كان هو دفعة مصطفى النقر وإحتمال كبير يكون هو أخو دفعتنا (عاكف محيميد) أنا بتذكر (إسماعيل البيلى) و(محمد عباس) وكان مشاغب جدا وبتاع (كرة طائرة) أما أولاد صبرة فإسماعيل دفعتنا وبنتلاقى هسه طوالى وبالمناسبة بتو عرسوها قبل كم يوم (عرس بدرى) وأخوهو وعبدالسلام صبرة (المفروض يكون دفعة عصمت محيميد وناس النقر) برضو قاعدين نتقابل طوالى وعندو وكالة سفر فى شارع البلدية إسمها (صبرة) ، لحدت هسه ما لقيت ليا فى البوست ده زول دفعتى ؟ الناس دى مشت وين !! تحياتى ولى عوده
|
Post: #371
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-15-2008, 07:16 AM
Parent: #370
مرحب بالأستاذ/ الفاتح يوسف جبرة وسعيدين بعودتك للكتابة ورفع البوست .. أاي بالله ما تحرمنا من قلمك الرصين .. ونتواصل ..
|
Post: #372
Title: Re: تواصل خريجي مدرسة المؤتمر الثانوية - المدرسة الوطن
Author: الفاتح يوسف جبرا
Date: 05-15-2008, 08:06 AM
Parent: #1
عزيزى إبراهيم التحايا والود إن شاء الله نواصل الكتابه .. إتذكرت إنو عندى كمية من الصور فى (الكراتين) ح أجيبا بعد ما أفتشا .. لا أزال أبحث عن واحد بس من أولاد دفعتنا وما لاقى .. إحتمال بعد الصور ما تنزل عشان فى ناس كتار نسيت أساميهم (زهايمر وكده) !! تحياتى
|
Post: #373
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-18-2008, 12:20 PM
Parent: #372
وصلتني الرسالة التالية من الأخ العزيز عصام أبو عكر :
Quote: اخي العزيز/ ابواحمد لك مني مليون سلام والي جميع الاخوان الاعزاء شنو ياشباب رسلنا صوره مافي واحد عبرنا غير ابراهيم يلا بطلو الكسل وخلونا نفهم عنكم حاجه دي الصوره الثانيه مرسلها مخصوص علشان ابراهيم قال انا مسحت ماشي يلا قول لي الفي الصوره ديل منو وليك مني هديه واذا ماقدرت استعين بصديق ولكم مني جميعا التحيه وخلونا متواصليين اخوكم عصام ابوعكر |
بس للأسف الظاهر في مشكلة في موقع تحميل الصور .. ما قدرت انزلها .. بس متابع
|
Post: #374
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-19-2008, 09:37 AM
Parent: #373
![](http://www.sudaneseonline.com/u/470.JPG) دفعتنا : عصام أبوعكر (في اليمين) عمر زنقة (في الوسط)
الدفعة القدامنا: أمير الباهي (يسار) وليد أبوالليل ديل طبعا استعنت بصديق عشان أعرفهم
|
Post: #375
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-21-2008, 09:08 AM
Parent: #374
فوق
|
Post: #376
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-22-2008, 04:01 PM
Parent: #1
الاعزاء دوما
اولا تحيه خاصه لرفاق السلاح زي ما بقولوا في الكديت عمر زنقة و عصام أبو عكر و المساعد أمير الباهي ود بانت الذي كان يتعبنا أنا و محمد الجقر بالجزاءات و يحامي لأولاد حلته ناس عارف ووليد و عمر زنقة و أبو عكر و بدرالدين موسي وفي الاخر أحلت (للصالح العام) لعدم الجديه0 تحيه للصول عمي الطيب و المساعدين بدر الدين سنبرقهو و أمير الباقر ود ناس الشيخ دفع الله0 و تحيه لصديقي الصادق (Chat-Chat) ود العباسية الذي كان يسبقنا في الكديت وكان برتبه رقيب و أذكر أنه عندما ذهبنا أنا و هو الي الخرطوم ضمن مجموعة لجمع تبرعات معسكر الكديت و أذكر انها كانت أول و أخر مره أسطو فيها علي المال العام يعني حوالي 5 أو 6 جنيهات لا أذكر و لكن أذكر أننا أتغدينا بيها في مطعم جوار صيدليه كمبال0
لهم و لكم جميعا الود
|
Post: #377
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-22-2008, 04:26 PM
Parent: #1
الاعزاء دوما
بالامس تلقيت اتصالا من صديق عزيز جدا و شخصية مرحة كان يضحكنا كثيرا و يصعب ان ينساه اي شخص قابله ولو مرة واحدة0 و عندما رديت عليه لم اكن اعرف من هو لغرابه رقم الاتصال و بعد السلام عرفت انه تحصل علي رقمي من البروفايل و قال لي أنه درس معي في المورده و الاميرية و المؤتمر و قال انه يسكن في الهاشماب مقابل دار الرياضه أم درمان فقلت له في تلك المنطقة تحديدا أعرف الاحباء ياسر صديق مدثر و معاويه السنوسي و أحمد عبدالمنعم و فجعت لما اخبرني بوفاته رحمه الله رحمه واسعه فقد كان صديقا و اخو أخوان فقلت له تبقي انت حسن كمال (عيون كديس) و قد كان هو0 و تحدثنا لحوالي الساعة و عرفت أنه يقيم حاليا بولايه فلريدا و يعمل بجامعتها هناك0 و عرفت أنه بعد تخرجه من كليه العلوم بجامعه الخرطوم و حصوله علي الماستر فانه قد درس في جامعه شرق النيل و زامل أستاذنا أبو أستاذ الانجليزي ولاول مره أعرف أن أستاذنا أبو كان يحمل درجة الدكتوراة في اللغه الانجليزية أثناء تدريسه لنا في المؤتمر له التحيه حيثما كان0
له و لكم جميعا الود
|
Post: #379
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 05-23-2008, 05:49 AM
Parent: #377
شباب سلام .. يا محمد حيدر بالله سلم كتيرر على حسن كمال (عيون كديس) ...
واخر مرة قابلته بجامعة الخرطوم ... طبعا هو كان حارس مرمانا بدوري الفصول بمدرسة المؤتمر ... تتذكر يوم غلبناكم يا ابراهيم محمد الحسن انا كنت ضمن فريق 3 غزالي (احياء)... وفريكم فيه ناس الحبيب خالد كاهن ...الخ ايام ...
|
Post: #378
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 05-23-2008, 05:33 AM
Parent: #1
الاعزاء بالامس سمعت من أحد الزملاء معانا هنا في أمريكا بوفآة العم مبارك عبدالحفيظ وهو والد الصحفي بجريده الصحافة زميلنا أسامه مبارك عبدالحفيظ تغمده الله بواسع رحمته و جبر كسور ال عبد الحفيظ بالمورده فريق ريد0 التعازي موصوله للأخ عبدالمنعم (كاوندا) ابن أخ الفقيد0 أسامه و كاوندا زاملونا في الموردة و الاميرية و المؤتمر0
لهم و لكم الود
|
Post: #380
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-23-2008, 09:44 AM
Parent: #1
Quote: تحيه للصول عمي الطيب |
محمد حيدر ياخوى ذاكرتك خربت..عم الطيب له التحيه كان مسئول من الوقت والجرس وأحيانا برسلوا ليهو طلبه أولى وتانيه عشان يجلدهم..لكنه رجل طيب فعلا وغالبا ما كان يكتفى بالتحذيز..صول الكديت كان عم محمد الشايقى ويسكن الفتيحاب..أحيانا كان يحضر الينا عم بابكر وهو صول الخرطوم القديمه.. أستاذ أبو ,درسنا الانجليزى لثلاث سنوات ,وكان لديه (ختم) د.أبو..عيون كديس كان معاى فى فصلى (على ما أعتقد).. أذكر فصلنا بتاع سنه ثالثه..كان أكبر فصل من حيث المساحه وكنا نلعب كره الشراب وراء الادراج..واعتقد كان مشترك (رياضيات وأحياء)..وأبو فصلنا كان استاذ بابكر( الفلاح).. الرحمه والمغفره لمن فقدناهم من زملاء
|
Post: #381
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-23-2008, 09:46 AM
Parent: #1
يا ابراهيم باقى الصور وين?
|
Post: #382
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-24-2008, 06:42 AM
Parent: #381
الزملاء الأعزاء تحياتي وسعيد جدا بالمداخلات ويا ريت تواصل يا محمد حيدر سرد الحكاوي .. والإعترافات الخطيرة بسرقة المال العام عشان نطالب ليك بعفو عام من ناس المؤتمر ![](http://www.sudaneseonline.com/db/smilies/smile.gif)
- التعازي موصوله للأخوان أسامة وعبدالمنعم (كاوندا) في فقيدهم العم مبارك عبد الحفيظ
- تحياتي للأخ/ حسن (كديس) .. ويا ريت يشاركنا بذكرياته ..
- محمد مكي .. الصور والله لسة ما مشيت السودان عشان أجيبها .. بس قريب إنشاء الله أبو عكر قال عندو صورة حا يرسلها .. في إنتظارو ..
|
Post: #383
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-24-2008, 06:46 AM
Parent: #382
المشاركة التالية من الأخ طالب حامد ، له التحية على نشاطه ومساهماته في رفع البوست
Quote: الاخ ابراهيم السلام عليكم ورحمة الله عبر بوستك الجميل احيى خريجى المؤتمر الثانوية وتحية خاصة للاخ محمد بشير زميلى فى المؤتمر بالسفارة السودانية بالرياض واتمنى له عودة حميدة الى السودان بعد نهاية فترة انتدابه وتحية للاخ هشام شمس الدين ود محمد أدم ومحمد الصادق شلة فطور البوش فى الموردة. واقول للشلة بتذكروا فى أيامنا فى المؤتمر وكان مسجد النيلين مفتتح جديد كنا نذهب لصلاة الظهر فيه كانت هنالك ريحة صندل جميلة فى المياه عند الوضو ورائحة ذكية عند الدخول الى المسجد وكندشة تانى ماشفناها إلا فى السعودية (ياربى الحاجات دى فى ولا الزمن طواها مع المثلها..)واقول كما قال شاعرى عمر الدوش ( الود) .... واهديها للشلة وكل خريجى المؤتمر مع حبى طالب حامد طالب العباسية شمال دفعة 1987
الود
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ
|
|
Post: #384
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-24-2008, 07:45 AM
Parent: #383
شباب : تعرفوا الفي الصورة ده منو ؟
|
Post: #385
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-25-2008, 08:29 AM
Parent: #384
وين يا ابوعكر .. ومحمد مكي ما عرفتو الزول ده؟
|
Post: #386
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 05-25-2008, 03:33 PM
Parent: #1
بصراحه الشكل متذكره ولكن الاسم رايح لى..
........ يكون عمده?
|
Post: #387
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-26-2008, 06:51 AM
Parent: #386
إجابة خطأ ...
|
Post: #388
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-26-2008, 12:32 PM
Parent: #387
كتب عصام أبوعكر :
Quote: سلام ابواحمد طيب شويه تلميح علشان الذاكره تشتغل ساكن وين درس متوسط وين حاجه كده الكبر حصل مبدئيا هو من شباب علمي (عصام) اذا غلط ادينا الخبر اليقين علشان مانرسل ليك صوره تعجيزيه اخري محمد حيدر ماشاء الله عليه عيني بارده الذاكره حديد اكيد حايعرفه وكمان حموده ممكن يعرفه ولاشنو ياشباب منتظريين؟؟؟؟؟؟؟؟ عصام ابوعكر |
إجابة خطأ .. ساكن قريب منكم .. يعني الموردة - بانت - حي الضباط درس متوسط أبو كدوك ومفروض تعرفوه يا شباب الكديت !!!
|
Post: #389
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-27-2008, 06:58 AM
Parent: #388
وين محمد حيدر وحمودة وبقية الشباب
|
Post: #390
Title: Re: تواصل خريجي مدرسة المؤتمر الثانوية - المدرسة الوطن
Author: Mohammed Ibrahim Othman
Date: 05-27-2008, 07:25 AM
Parent: #1
يا ابو احمد الواحد متغاظ عشان ما متذكر الأسم ... راحت علينا يا اخوي .. قلنا ابو عكر يغششنا .. طلع هو زاته غلطان ... ....
|
Post: #391
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-27-2008, 07:35 AM
Parent: #390
أقول يعني ؟ ولا نديكم فرصة تانية .. ننتظر محمد حيدر يمكن تجي منه ![](http://www.sudaneseonline.com/db/smilies/smile.gif) بالمناسبة أمس شايف معتمد أمدرمان في إعلان عن حلقة ستذاع معاه في قناة النيل الأزرق قريبا .. يتحدث عن أمدرمان والإنجازات اللي تمت فيها .. وجابو صورة لمنطقة مدرسة المؤتمر وخور أبو عنجة .. قال انه سيقام مشروع سياحي في المنطقة !!! فنادق 5 نجوم ، وهايبر ماركت ، الخ
|
Post: #392
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 05-27-2008, 02:32 PM
Parent: #391
Quote: جيتكم تاني يا ناس المؤتمر
وين الدفعة حسن زمراوي طبعا من لقاني جيت البوست عمل رايح وزاغ
اها مستنيك يادفعة |
ياموردابي:
يا أخي إنت مابتفهم ولا شنو؛ ماقلت ليك رسل لي تلفونك في البريد الإلكتروني أو مسكن لي يامسكين
مافي حتى رسالة واحدة بيها نتصبر شوية ؟؟؟؟
|
Post: #393
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-28-2008, 06:22 AM
Parent: #392
رسالة من الأخ عصام أبو عكر:
Quote: الاخ ابراهيم سلام اذا قلنا سقراط دي معناها الزول دي يكون زاد مليون في الميه علي حجمه واذا ما هو سلم لينا عليه وقول له منتظريين مشاركاتك وبعد كده ادخل في اللحم الحي وقول دي منوووووووووووووووووووووووووووووووووو عصام ابوعكر |
بصراحة أنا كنت منتظر محمد حيدر يجي بالخبر اليقين .. لكن كبة الزوغة ![](http://www.sudaneseonline.com/db/smilies/smile.gif) تتصور إنه ياهو زاتو سقـــــــراط ![](http://www.sudaneseonline.com/db/smilies/smile.gif) بالله شفت كيف .. ياخي ده زاد 10 مليون في المية .. انا لما قابلتو في الشركة واتعرفت عليه على اساس إنه زميل سوداني بس وأبدا ما جاء على بالي إنه شخص بعرفو .. إلا بعد زمن ، ومن خلال الونسة .. زولك يطلع سقراط زاااتو
|
Post: #394
Title: Re: تواصل خريجي مدرسة المؤتمر الثانوية - المدرسة الوطن
Author: omer alsayed
Date: 05-28-2008, 08:14 AM
Parent: #1
انا امدرمان انا السودان انا المؤتمر تحياتي لكل الاخوة والاباء والابناء خريجي المؤتمر امدرمان وتحية خاصة للاخ ابراهيم محمد الحسن واتذكر خاطرة رائعة للمبدع الدكتور بشرى الفاضل فقد حكى في احدى اسابيع المهندس بجامعة الخرطوم فكرة لقصة تراوده حكاها لزميل ياباني يسرد فيها تجربة شخص يعود بعمره الى الوراء من الخمسين الى الاربعين الثلاثين العشرين الطفولة فصاح الياباني back back back فها نحن بعد البوست الرائع بتاع الهندسة نرجع لاكثر من ربع قرن الى ايام المؤتمر 82-85 احيى الزميل نادر ابوكدوك وهذه الدفعة كغيرها من الدفع بالمؤتمر كانت متميزة وضمت ثلاثة من العشر الاوائل : ابوعبيدة (مهندس معماري مقيم بسلطنة عمان) وخالد سيد احمد (طبيب مقيم ببريطانيا) وصديق عبد الرحمن (مهندس كهرباء) وغيرهم من المتفوقين ناظم عبدالرحيم (كان حداشر السودان تقريبا) والتيمان جمال وجلال وتيمان توتيحمزة وابوبكر ومن توتي ايضا محمد صلاح وسر الختم وحمزة ميرغني وسفيان عبدالوهاب وداود الرشيد وعبيد وابوبكر الجلي والبشير ومحمد صديق والمرحوم عادل علي عثمان وبالمناسبة الاستاذ بابكر ادريس الفلاح توفى الى رحمة الله التحية لولاد ابوكدوك ومنهم الصادق سليفر وعبدالرحمن امبدي ونادر يوسف وغيره والتحية لجلال الضياع وامام احمد ابراهيم وناصر وناصر وصلاح دلدوم وخالد الطيب وخالد وحاتم كباكا والجنيد واحمد زهير واحمد الحنان وعزالدين اولاد الموردة وفتحي ومصطفى (الهئية القومية للكهرباء) والفتح يونس وسيد قطب مصطفى الرشيد اولاد ابوروف وابوليمونة طارق ومامون جواري وعلاء عبدالباسط اولاد بيت المال وعمر عبد العزيز الثورة و و و نواصل انشاء الله
|
Post: #395
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-28-2008, 08:37 AM
Parent: #394
عمر السيد تحياتي .. ومرحب بيك وتتواصل الذكريات في المؤتمر بعد أن رجعنا أيام وذكريات الهندسة ..
Quote: وصديق عبد الرحمن (مهندس كهرباء) |
ومقيم في السعودية ..
Quote: وبالمناسبة الاستاذ بابكر ادريس الفلاح توفى الى رحمة الله |
نسال المولى عز وجل له الرحمة والمغفرة ..
|
Post: #396
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-29-2008, 07:22 AM
Parent: #395
يا شباب شنو الواحد يغيب نص يوم يرجع يلقى البوست نزل الصفحة الثالثة .. اتحركو شوية معانا ..
|
Post: #397
Title: Re: تواصل خريجي مدرسة المؤتمر الثانوية - المدرسة الوطن
Author: omer alsayed
Date: 05-29-2008, 12:20 PM
Parent: #1
المؤتمر كان فيها عباقرة ونحن كان من عباقرة الدفعة الدكتور خالد عوض سيد احمد واذكر امتحان الاحياء اول سؤال كان "مسكا دومستيكا هي الاسم العلمي للذبابة المنزلية ماهي فوائد الاسم العلمي؟" واحتج الطلاب بعد الامتحان انو برا المقرر وشنو المسكا دومستيكا " وطبعا دا ما السوال لانو السوال الاسم العلمي وكان في مقرر سنة اولى ولكن خالد ترجم للطلبة معنى مسكا دومستيكا من اللاتيني للعربي وكان الاستاذ بشير العوض "اطراه الله بالخير" كان لما يذكر الكلمة اللاتنية في حصة الاحياء يقول "دي معناها شنو ياخالد؟" وكان خالد جاهز بالترجمة الاستاذ بشير العوض من اميز الاساتذة الدرسونا وكانت حصة الاحياء قمة المتعة ويبداء في تحضير الحصة ورسم التوضيحات على السبورة من الصباح وكان مخلصصصصصصصصص جدددددددددددددا في تدريس المادة وحبب فيها كثير من الطلاب وانا اعتقد انو نص دكاترة امدرمان ان لم يكونوا كلهم ساهم استاذ بشير العوض في دخولهم كلية الطب فالتحية للاستاذ العظيم بشير العوض http://www.sudaneseonline.com/db/attention/110_Idea.gif Idea وبقية العظماء اساتذة المؤتمر والغريبة انو الاساتذة في المؤتمر بيستمروا لفترات طويلة جدا ودا طبعا ناتج لحبهم واخلاصهم للمدرسة وببقوا قاسم مشترك لكثير جدا من الدفع والمؤتمر في الحقيقة ليست مجرد مدرسة بل هي موسسة ومنارة من منارات امدرمان والسودان
لا لبيع المؤتمر لا لبيع امدرمان لا لبيع التاريخhttp://www.sudaneseonline.com/db/attention/350_clap.gif clap والما عندو قديم ماعندوا جديد http://www.sudaneseonline.com/db/attention/070_Thumb_Up.gif Thumb Upبشير العوض
|
Post: #398
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 05-31-2008, 08:23 AM
Parent: #397
التحية لأستاذ بشير العوض وأستاذ أبو (ابو فصلنا) وأستاذ محمد الحسن وهو الأن في قيادة المدرسة وجميع الأساتذة الأجلاء ..
|
Post: #400
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-02-2008, 03:39 PM
Parent: #1
الاحباء
فوق علشان تفضل المؤتمر الفكره والذكري والمدرسة
لآ و الف لآ لبيع التاريخ لآ و الف لآ لبيع المؤتمر
مع الود
|
Post: #401
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم ابوسمرة
Date: 06-02-2008, 07:16 PM
Parent: #1
ابراهيم احمد ابوسمرة دفعة نادر ابوكدوك سنة 85 سلامنا للمؤتمر ولناس المؤتمر وتحياتي يا ابراهومة على البوست لانو المؤتمر وناسها ما حاجة ساهلة
اخونا محمد حيدر ما عرفتك وانت مخنوق بالبدلة لكن والله ياك زاااااتك كانك نازل هسع من طابور دنب في الكديت والله ايام يا زمان
|
Post: #402
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2008, 07:33 AM
Parent: #401
ألف مرحب بالباشمهندس ابو سمرة وهو ينور بوست المؤتمر بعد أن أشعل بوست الهندسة ![](http://www.sudaneseonline.com/db/smilies/smile.gif) أرجو أن تفرد لينا جانب من كتاباتك هنا ..
أمس كلمني هاتفيا الأخ الدكتور محمد مرتضى (وشو) من أمريكا .. محادثة طويلة كم أسعدتني فقد انقطعنا لفترة من الزمن .. محمد مرتضى ود حلة وصديق ودفعة منذ المرحلة الإبتدائية والمتوسطة ثم الثانوية .. والجامعة كمان .. حكى لي إنه هو من أطلق لقب (زنقة) على (عمر زنقة) .. فرد عليه زنقة بلقب (وشو) وعد بمشاركات عبر الإيميل .. في إنتظارها ..
ونتواصل ..
|
Post: #403
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-03-2008, 11:10 AM
Parent: #402
رسالة من عصام أبو عكر :
Quote: الاخ ابراهيم سلام وتحيه للجميع طبعا الصوره دي كلهم دفعه ماعدا واحد قبلنا واكيد حاتعرفوهم وكمان الصوره دي بمناسبه صوره سقراط علشان تامنوا قول لسقراط اتحرك معانا شويه والله كلنا مشغولين لكن المؤتمر فوق وذكرياتنا فيها جميله ولاتنسي واسال الله التوفيق للجميع وان يجمعنا في ساعه خير عصام ابوعكر
|
عصام تحياتي .. في مشكلة حاليا في تنزيل الصور في المنتدى .. أول ما تنحل حا أنزل الصورة .. ونسيب التعليق عليها لما ننزلها .. بس تعرف فعلا سقراط مباااااااااالغة
|
Post: #404
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2008, 07:46 AM
Parent: #403
![](http://www.sudaneseonline.com/u/0040.JPG)
عرفتوا سقراط ؟
|
Post: #406
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2008, 10:02 AM
Parent: #404
أنا غايتو غير إيهاب عباس في اليمين - وسقراط في اليسار ما عرفت زول تاني ياخي الصورة حالتها صعبة شديد
|
Post: #429
Title: Re: تواصل خريجي مدرسة المؤتمر الثانوية - المدرسة الوطن
Author: تراث
Date: 06-13-2008, 00:10 AM
Parent: #401
أما أنا فمن ناس المؤتمر القدماء، قضيت فيها ثلاث سنوات لطيفة من العمر قبل أن انتقل إلى جامعة الفرع في 1980م. لم أعبأ كثيرا بالدراسة فيها فقد كنت حينها ادرس الدراما بقصر الشباب والأطفال في فترة ما بعد الظهر.. وكان ذلك شاغلي الأساسي. وانعكس ذلك على نشاطي في المدرسة فمثلت "المؤتمر" مرتين في منافسات المسرح بالدورة المدرسية (تأليف وتمثيل وإخراج)، ونلت جوائز في ذلك، وشاركني في هذا النشاط زميلي في "المؤتمر" والدفعة عبد الباسط سيد علي (الذي كان يمثل شخصية عزوز في برنامج الأطفال بالتلفزيون) لكنه كان أكثر اهتماما مني بالدراسة ومتفوقا علي بدليل انه ذهب من "المؤتمر" إلى كلية الطب بجامعة الخرطوم. فيما توجهت أنا إلى "الفرع". كم اشتاق إلى زميل صاحبته أكثر من غيره في مدرسة المؤتمر اسمه عاطف .. لا اذكر اسم أبيه ولكني اذكر جيدا أن اسم أمه (عاطفة) ابيض اللون وذا شعر سبيبي مسترسل على وجهه.. كم أحبه واشتاقه.. عرّفني بغناء بوب مارلي فقد كان مهووسا به.. وعلمني أن أحب محمد الأمين إضافة إلى وردي الذي كنت أحبه أصلا. وعاطف كان لديه هوس عجيب بالسيارات، فعلمني "دك" الحصص لكي اذهب واعتلي معه حائط المدرسة بالقرب من "مطعم عيسي" حيث كنا نأكل البوش يوميا. وهناك ومن فوق الحائط يشير بفرح للسيارات المارة في شارع الموردة: " دي مرسيدس آخر موديل"، "دي كورلا 79"، "دي مازدا جديدة لنج".. ويواصل في وصف وتعريف السيارات بينما زملائنا في الصف يتلقون دروسهم من أفضل الأستاذة. ولا اعتب عليه بل ازداد حبا وشوقا إليه.. فأين هو؟ وذكر جيدا من أساتذتي الأجلاء في مدرسة المؤتمر أستاذ اللغة العربية يوسف الخليفة وأستاذ الفنون إدريس. وعلى مدى 18 عاما قضيتها في اليمن حتى الآن ظللت ابحث عن شخص اسمه السلال كان طالبا يمنيا هادئا مهذبا متفوقا في فصلي الدراسي بمدرسة المؤتمر منذ السنة الأولى وحتى الأخيرة في المدرسة وكان يكسب دائما مرتبة أول الفصل.. ومن يدرى أين هو فليدني عليه. كما اذكر جيدا انه كان يجلس خلفي في الصف احد أولاد أو أحفاد المبدع الكبير عمر البنا. ربما يكون اسمه ماهر أو ما شابه ذلك، كان شاطرا وهادئا وجاداً وأتمني أن أراه ثانية. وذِكر مدرسة المؤتمر في تلك الفترة لا بد أن يأتي معه ذكر اشهر طلاب المدرسة آنذاك وأكثرهم شغبا وحركة وحيوية وهو نادر أبو الجيش. والحديث عن "المؤتمر" يمكن أن يطول ويطول..
|
Post: #405
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-04-2008, 08:32 AM
Parent: #1
![](http://www.sudaneseonline.com/u/00401.JPG)
![](http://www.sudaneseonline.com/u/hostat1.gif)
|
Post: #407
Title: Re: تواصل خريجي مدرسة المؤتمر الثانوية - المدرسة الوطن
Author: omer alsayed
Date: 06-04-2008, 12:56 PM
Parent: #1
من المبدعين بالدفعة الاخ الفنان مولانا ابوبكر سليمان (القاضي والمسشتار القانوني) فهو رجل اديب ومطبوع كانت مقالاته في الانشاء تنشر على بورد المدرسة ومره سألناه عن "فنانك المفضل؟" فاجاب "كل ما يتفوه به صلاح مصطفى فانا معجب به" التحية للاخ ابوبكر والتحية للدكتور المعز (المسالمة) والدكتور اسامة (الموردة) وعاصم والدكتور ابوبكر الصادق والمهندس محمد الفاتح يونس وكل الابروفاب والمكيين والامدرمانين عموم
|
Post: #408
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-04-2008, 01:45 PM
Parent: #407
نتقدم بالتعازي للأخ جعفر محمد الحسن كمبال __ المقيم بالولايات المتحدة في وفاة المغفور له بإذن الله والده .. نسأل المولى عز وجل له الرحمة والمغفرة وأن يلهمكم الصبر وحسن العزاء ..
الأخ جعفر خريج المؤتمر من الزمن الماضي وشارك في البوست من قبل .
|
Post: #409
Title: Re: تواصل خريجي مدرسة المؤتمر الثانوية - المدرسة الوطن
Author: أحمد الطيب بدرالدين
Date: 06-04-2008, 04:29 PM
Parent: #408
سلامات يا شباب,
من الواضح أنه عزيز ود توتي هو ممثل دفعتنا 1982 في هذا البوست, شكرا ليك يا عزيز و تحياتنا لشباب توتي و مبروك الكبري المعلق, يعني بعد كده أولاد توتي يجو المؤتمر بالعجلات,
أيام المؤتمر لا يوجد أجمل منها, هل السبب المدرسة نفسها أم هو عمر الصبا أم الإثنين معا?? أصدقاء الثانوية يظلوا معك إلي الأبد حتى و إن لم تلتقيهم لعشرات السنين, شلل المدرسة لا تنساهم حتى و إن لم يكونوا دفعتك, الشلل تعرف بإسم أحد أفرادها فيقال (ناس فلان) و ذلك يرجع لكارزما و شعبية فلان هذا,
النشاط السياسي لم يكن كما في المدارس الداخلية خارج الخرطوم, الإتجاه الإسلامي بقيادة صديقي عبد الرحمن الخرساني و أولاد السراريج كان له بعض النشاط مدعومين من قبل الأساتذة صلاح (رياضيات) و عبد الرحمن (تربية إسلامية) وقد نجحوا في تجنيد أحمد عوض و الفاتح شبو و عاطف بدري من دفعتنا, الأول أعتقد الآن في الجيش الثاني بالشرطة و الثالث في سفارة واشنطون.
من شلتنا في المؤتمر الأصدقاء و الأخوان أمير زاهر المدير الإقليمي لأوكسفام في جنوب شرق آسيا, لؤي هاشم في بوسطن و هو الأخ الأكبر لأعضاء البورد حاتم و معز هاشم عبد الرحيم, كذلك طارق غندور و إيهاب غندور في سياتل و الفاتح يوسف في أوكلاند, علي مدثر في ألمانيا و غيرهم كثير من الأعزاء لهم التحية أين ما كانوا,
الشكر و التبجيل للأساتذة الأجلاء, العمال, الصول و الخفراء فما أعطونا له لا يقدر بثمن,
تحية خاصة للأستاذ و المربي بابكر إدريس (توتي) ياهو دا,,,
أحمد الطيب بدر الدين/ دفعة 1982
|
Post: #410
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-05-2008, 07:36 AM
Parent: #409
مرحب بيك الأخ أحمد الطيب وسعيدين بمشاركتك
Quote: من الواضح أنه عزيز ود توتي هو ممثل دفعتنا 1982 في هذا البوست, |
هو عمر السيد إسمه عزيز ولا شنو ؟
|
Post: #411
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-05-2008, 07:40 AM
Parent: #410
حذف للتكرار
|
Post: #412
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-05-2008, 07:44 AM
Parent: #410
الرسالة التالية من عصام ابو عكر :
![](http://www.sudaneseonline.com/u/0040.JPG)
Quote: سلام شباب طبعا انا عارف الموجودين لكن خلينا ياابوخليل ننتظر الشباب يوم يومين يمكن نلاقي واحد لسع متذكر حاجه ذي ماقلت لي في التلفون سقراط ماعرف نفسه اكيد البقيه مافي واحد حايعرفهم انا حااقول واحد بس الخلف ايهاب عباس حاتم ابوبكر (دوكو)وهو الان في ليبيا له منا كل التحيه منتظركم ياحموده ومحمد حيدر ومحمد مكي واكيد سقراط كما وعد نتواصل عصام ابوعكر |
|
Post: #413
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-05-2008, 10:19 AM
Parent: #412
رزق الأخ/ محمد الصادق حسن - خريج المؤتمر 87 بمولود إختار الله له إسم رامز ألف مبرك أبو رامز .. ربنا يحفظو ويبارك فيه ..
|
Post: #416
Title: Re: تواصل خريجي مدرسة المؤتمر الثانوية - المدرسة الوطن
Author: omer alsayed
Date: 06-07-2008, 07:40 AM
Parent: #410
يا ابراهيم انا دفعة 82!!!! عزيز هو الفنان عبد العزيز خطاب (خريج معهد الموسيقى والمسرح) والمقيم بهولندا حاليا له التحية
|
Post: #414
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-06-2008, 01:38 PM
Parent: #1
الاعزاء
الدفعه الشاعر الطموح محمد مصطفي كمتور أولي مهدي-تانيه متنبي-تالته أدبي
![](http://www.sudaneseonline.com/u/3424.jpg)
![](http://www.sudaneseonline.com/u/hostat1.gif)
مع الود
|
Post: #415
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-07-2008, 06:58 AM
Parent: #414
![](http://www.sudaneseonline.com/u/0040.JPG) إذن من اليمين : - إيهاب عباس
Quote: الخلف ايهاب عباس حاتم ابوبكر (دوكو) وهو الان في ليبيا |
- ؟؟ - أمير الباهي (في الخلف)
Quote: الشاعر الطموح محمد مصطفي كمتور |
- ؟؟ - سقراط
|
Post: #417
Title: Re: تواصل خريجي مدرسة المؤتمر الثانوية - المدرسة الوطن
Author: أحمد الطيب بدرالدين
Date: 06-07-2008, 03:49 PM
Parent: #415
سلامات يا شباب, بين الحضور من الدفعة العمرين: عمر السيد و عمر سعد علي التوم, تحياتنا ليكم, و عبركم الى كل الأعزاء,
ياهو دا,,,
أحمد الطيب/
|
Post: #418
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-08-2008, 11:13 PM
Parent: #1
الاعزاء دوما
بالامس 7 يونيو-2008 أقامت الجاليه السودانيه بمدينه West Haven بولاية Connecticut حفل ساهر بمناسبه سلامه وصول زوجه الصيدلاني د. عوض الكريم أحمد محمد(العربي) (مهدي-متنبئ-غزالي) ( دفعتنا 1983 -1986) من السودان وقد أستمر الحفل حتي الساعات الاولي من صباح اليوم الاحد وقد شرفنا بالحضور الاخ أشرف شبو في زيارته المعتاده لامريكا والذي كان نجم الحفل و عدد كبير من أفراد الجاليه. ودي صورة حديثة من حفل الامس و تجمع من اليمين عوض الكريم, محمد حيدر و أشرف.
![](http://www.sudaneseonline.com/u/3437.jpg)
![](http://www.sudaneseonline.com/u/hostat1.gif)
مره أخري نرحب بزوجه الحبيب عوض الكريم و نتمني لها أقامة طيبه بالولايات المتحده. و بيت مال و عيال
|
Post: #419
Title: Re: تواصل خريجي مدرسة المؤتمر الثانوية - المدرسة الوطن
Author: حسن الجزولي
Date: 06-09-2008, 00:39 AM
Parent: #418
{{ وقد أستمر الحفل حتي الساعات الاولي من صباح اليوم الاحد}}
*******************************
أتاري!!..وأنا أقول (إساكة ياكيي) مالو أمبارح اليوم كلو مابرفع السماعة.. الحاصل عليهو شنو ياربي!.
____________________
مع تحياتي لدكتور عوض الكريم وزوجته.
|
Post: #420
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2008, 07:14 AM
Parent: #419
تحياتي للزميل عوض الكريم وزوجته وبيت مال وعيال
|
Post: #421
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-09-2008, 07:37 AM
Parent: #420
رسالة من عصام ابوعكر :
Quote: سلام ياشباب الاثنيين الفي الصوره شمال كمتور اسمه اسامه وهو من الدفعه القبلنا الثاني خلف سقراط من الدفعه البعدنا والله اسمه مابعرفه نتركه وفي انتظار الشباب يمكن واحد يتعرف عليه ولكم التحيه عصام ابوعكر |
|
Post: #422
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-09-2008, 10:24 AM
Parent: #1
الاعزاء
الحبيب د.حسن الجزولي كيفك و مشتاقين تلفوناتك دائما مشغوله يعني نتصل بيك متين
د. حسن الجزولي زميل و صديق وأستاذ عزيز درس و تحصل علي درجه الدكتوراه في العلوم السياسيه من جامعه بودابست لعلوم الاقتصاد والسياسه أثناء دراستنا في المجر. حسن له نشاط ملموس في مجال التوثيق (عنف الباديه) و القصص القصيره (رائحه أمرآه), لك تحيات عوض الكريم و عائلته.
له و لكم الود
|
Post: #424
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-11-2008, 03:35 AM
Parent: #1
كتب الاستاذ/ عبدالرحيم حامد
اسألكم الدعــاء . . للأستاذ/ الفاتح يوسف جبرا . . بسلامة العودة . . وعاجل الشفاء
يغادرنا مساء اليوم .. بالطائرة .. إلى قاهرة المعز .. الأخ والصديق .. الكاتب الساخر .. المبدع .. الأستاذ/ الفاتح يوسف جبرا .. وذلك بعد إنقضاء الفترة التي قررها الأطباء في زيارته السابقة والمحددة لإجراء عملية قسطرة في القلب .. رافقتك السلامة يا .. ابا ناجي .. لنعبر عن حبنا العميق لصاحب القلب الكبير .. النابض بحب هذا الوطن .. والمعبر بصدق عن قضايا الناس .. وواقع حياتهم اليومية .. وعن معاناتهم .. وآلامهم وآمالهم . . عبر إطلالاته الصحفية وعبر موقعه http://www.alfatihgabra.com في هذه اللحظات التي تغادر فيها ارض الوطن . . كل القلوب معك يا ابا ناجي .. وكل المشاعر المفعمة بالتقدير والود .. لكل من يخط حرفاً .. او يرسم رسما .. او ينظم قصيدة . . من اجل الوطن . . اسألكم الدعاء ..للفاتح .. بسلامة العودة .. وعاجل الشفاء . . إن شاء الله . .
وعاجل الشفاء . . إن شاء الله . .للأستاذ/ الفاتح يوسف جبرا
|
Post: #425
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-11-2008, 08:15 AM
Parent: #424
عاجل الشفاء . . إن شاء الله . .للأستاذ/ الفاتح يوسف جبرا
|
Post: #426
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-12-2008, 05:56 AM
Parent: #425
رسالة من الأخ/ طالب حامد :
Quote: الاخ ابراهيم السلام عليكم ورحمة الله (نعم الاله على العباد كثيرة واجلها نجابة الابناء). تهنئة خاصة للاخ محمد الصادق دفعتى بمناسبة المولود الجديد ويجعله من ابناء السودان الابرار طالب حامد خريج 1987 |
|
Post: #427
Title: Re: تواصل خريجي مدرسة المؤتمر الثانوية - المدرسة الوطن
Author: محمد مكى محمد
Date: 06-12-2008, 08:06 AM
Parent: #1
مبروك يا شباب .البوست فى صدر المنبر..يلا همتمكم ...
........... الدعوات الصادقات لأخينا إبن المؤتمر الفاتح جبرا...كفاره وفى انتظار عودته سالما معافى
|
Post: #428
Title: Re: تواصل خريجي مدرسة المؤتمر الثانوية - المدرسة الوطن
Author: عزيز
Date: 06-12-2008, 09:41 AM
Parent: #427
الأخوة الأحباب رفاق الزمن الوردي الجميل وحلم الصبا
من زاملتهم ومن وجدت ذكراهم تفوح عبقاً بالمؤتمر ومن كانوا إمتداداً لعهد باقي وأصيل
لكم جميعاً التحية والحب والأمنيات
الأخ العزيز أحمد الطيب
ياااااااااه يارجل!!! أين أنت وأين الحي بيك؟؟ صورتك الآن فى مخيلتي وتلك الشقاوة الجميلة التي كانت بيننا.. ستجد مني رساله علي المسنجر..
قابلت قبل عامين الأخ (جونسون) عمر سعد فى لندن لدقائق معدوده وكم كانت سعادتي بها..
ومن حين لحين أتواصل مع العزيز كمال سيد وهو فى فيرجينا.
قابلت معظم الزملاء من توتي بعد 12 عام غياب عن الوطن فى ديسمبر الماضي وأكيد تذكر المؤذن ماهر زين العابدين ( سعادة العقيد شرطه).
أستاذ بابكر إدريس (الفلاح) توفاه الله الي رحمته.
مودتي كامله
عبدالعزيز خطاب
|
Post: #430
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-15-2008, 09:26 AM
Parent: #428
نسأل الله تعالى الرحمة والمغفرة للأستاذ/ بابكر إدريس
|
Post: #431
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-15-2008, 11:18 AM
Parent: #430
رسالة من الأخ هشام الطيب:
Quote: ابعث إليك التحايا اخى ابراهيم وعبرك الى جميع خريجى مدرسة الموتمر داخل وخارج السودان كما ابعث التحايا الى ابن الدفعة الاخ محمد الصادق بمناسبة مولوده الاول وجعله الله من الوطن الصالحين .. كما ابعث نداء الى خريجى المدرسة فى منطقة الخليج بمناسبة بدء الاجازات الصيفية والعودة الى السودان ان يتم دعم المدرسة وان تتم زيارات الى المدرسة والمساهمة فى دعمها إنشاء الله وتمنياتى للاستاذ الفاتح يوسف بالشفاء العاجل اخوكم/ هشام شمس الدين الطيب جدو السعودية-- الرياض دفعة --1987
|
|
Post: #433
Title: Re: تواصل خريجي مدرسة المؤتمر الثانوية - المدرسة الوطن
Author: محمد محي الدين
Date: 06-15-2008, 01:00 PM
Parent: #1
الاخ العزيز ابراهيم محمد الحسن. مشكور شديد علي الطرح الجميل ,وانا كنتا مفكر اعمل نفس البوست (القلوب شواهد). انا محمد محي الدين يوسف وكذلك اخي احمد محي الدين يوسف من خريجي مدرسة المؤتمر عام 1999 (يعني ما كبار بالحيل) .قضينا فيها اجمل ايام الدراسه ولاقينا فيها اطيب الناس وبقت المؤتمر بالنسبه لينا من اهم المراحل الدراسيه ومن اميزمحطات الذكريات. وما زلت من زوار المؤتمر كلما اتيحت لي الفرصه وعفت عني الغربه ولو الي حين. الحديث يطول عن المؤتمر والمؤتمرين والحديث عنها لونه الحنين وروحه التجلي. ولك الشكر (ولكل مؤتمر نصيب).
|
Post: #434
Title: Re: تواصل خريجي مدرسة المؤتمر الثانوية - المدرسة الوطن
Author: نادر الفضلى
Date: 06-15-2008, 03:20 PM
Parent: #433
أحى خريجى ذلك الصرح التعليمى العظيم مدرسة المؤتمر
أقتبس الكلمات التالية للأستاذ عبد الله الشقلينى
Quote: هذا ( البوست ) لمسة وفاء لمؤسسة أرادها ألأوائل أن تحمل اسم ( مؤتمر الخريجين ) وقت إزهاره قبل تكوين الأحزاب ، ولمسة وفاء لأعواد الشباب الخضراء تحت التكوين قبل اشتداد عودها واستعادة لصفحة مشرقة من الذاكرة . |
رواد الحركة الوطنية ومؤتمر الخريجين بذلوا الكثير لتأسيس المدارس الأهلية فى وقت كان الإستعمار يقلل من فرص التعليم .. لم يكن الأمر يقتصر على توفير المال الذى تم جمعه من المواطنين الأبرار فحتى التصديق لفتح هذه المدارس تم بعد شد وجذب وبعد أن جعلها أباؤنا قضية الساعة آنذاك . ولقد حظيت مدرستكم دون غيرها بشرف تسميتها على مؤتمر الخريجين
البقاء على هذه المدرسة وإستمرارها هو واجب وطنى يهم كل السودانيون. فلتكونوا أنتم خريجوها ممثلين لهم فى وقفتكم الواعية الوطنية بالبقاء على هذ الصرح التاريخى العظيم. هذه المدرسة و لأى سبب كان أصبح لا مبرر لإستمراريتها فمبناها أثر تاريخ هام يستوجب الإبقاء عليه وصيانته.
و مدرسة الأهلية المتوسطة أمام بيت الزعيم الأزهرى سمعت أنه سيتم إزالتها إن لم يتم بالفعل أرجو منكم أن تضموها لأجندتكم فهى تاريخ ..
والله الموفق
|
Post: #435
Title: Re: تواصل خريجي مدرسة المؤتمر الثانوية - المدرسة الوطن
Author: عصام ابوعكر
Date: 06-16-2008, 06:41 AM
Parent: #434
السلام عليكم شباب مدرستنا العظيمه... لكم الشكر جميعا..... ودائما المؤتمر فوق..
|
Post: #436
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-16-2008, 06:53 AM
Parent: #435
أولا .. ألف مرحب بالأخوان محمد محي الدين ونادر الفضلي وأرجو أن تستمر مشاركاتكم معنا حتى يظل البوست عاليا ..
ثانيا .. نرحب بالعضو الجديد لنج (عصام أبوعكر) .. طيب ياخي ما تقول انك نلت العضوية عشان نعمل ليك ترحيب وكده .. جيت داخل تووووش ![](http://www.sudaneseonline.com/db/smilies/smile.gif) عموما سعيدين بعضويتك .. والشكر موصول للأخ بكري على هذه الثقة .. يلا سن قلمك .. وطلع الصور المدسوسة ..
|
Post: #437
Title: Re: تواصل خريجي مدرسة المؤتمر الثانوية - المدرسة الوطن
Author: عصام ابوعكر
Date: 06-17-2008, 05:02 PM
Parent: #436
سلام ياشباب .. ابوخليل تاني شكرا ليك . صوره الكديد الاخيره في واحد الي الان لم نعرف اسمه نعرفه علشان نرسل الصوره البعدها .... ولارئكم شنو ؟
|
Post: #438
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-18-2008, 08:56 AM
Parent: #437
رسالة من الأخ طالب حامد طالب :
Quote: الاخ ابراهيم السلام عليكم ورحمة الله تابعت فى البوست أنه المدرسة الاهليه معروضه للبيع كما مدرسة المؤتمر جاءت الى خاطري قصة سمعتها فى مكان عملى عن بدوى اشترى مزرعة فى قرية وكان فى هذه المزرعة مسجد ، قام هذا البدوى بهدم المسجد وعمل زريبة مواشي فى مكان المسجد تجمع عقلاء القرية وخاطبوا البدوى بأنه لايجوز أن يستبدل مكان العبادة بزريبة مواشي واشتكوه لدى السلطات لإزالة الزريبة ولازال الموضع لدى السلطات. اعتقد اماكن التعليم مثل أماكن العبادة لايجوز استبدالها بأي شي سوى الغرض الذى انشئت من أجله .. كما تابعت أن الاخ احمد عبد المنعم توفى هل المقصود احمد عبد المنعم ابن الهاشماب اخو هاشم عبد المنعم بتاع الجو الرطب (اولاد الرمبوش) مع تحياتى الى احمد كمال (عيون كديس)ود حلتى سعيد بسماع اخباره وله تحياتى طالب حامد خريج 1987
|
الأخ طالب .. عيون كديس هو الأخ حسن كمال وليس أحمد كمال
|
Post: #439
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-18-2008, 09:46 AM
Parent: #438
وتعقيب من الأخ طالب :Quote: الاخى ابراهيم شكراً للتصحيح وتحية اخرى لحسن كمال وابن حلتنا المهندس احمد كمال ايضاً وكل الاخوة بالهاشماب مرتع الصبا طالب حامد
|
|
Post: #440
Title: Re: تواصل خريجي مدرسة المؤتمر الثانوية - المدرسة الوطن
Author: نادر الفضلى
Date: 06-18-2008, 11:54 PM
Parent: #439
Quote: اعتقد اماكن التعليم مثل أماكن العبادة لايجوز استبدالها بأي شي سوى الغرض الذى انشئت من أجله .. |
لا لبيع أو هدم مدرسة المؤتمر الثانوية العليا و المدرسة الأهلية المتوسطة بأم درمان
|
Post: #441
Title: Re: تواصل خريجي مدرسة المؤتمر الثانوية - المدرسة الوطن
Author: عصام ابوعكر
Date: 06-20-2008, 02:13 PM
Parent: #440
up
|
Post: #442
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-21-2008, 11:13 AM
Parent: #441
رسالة من الأخ طالب حامد :
Quote: الاخ ابراهيم السلام عليكم ورحمة الله امس الجمعة 20/06/2008م زرنا زميلانا محمد بشير لوداعه بمناسبة انتهاء فترة انتدابه بالسفارة السودانية بالرياض وكانت جلسة ما اروعها تناولنا فى اخبار الزملاء (دفعة 1987) وكيف فرقت بنا الايام. يظهر فى الصورة من اليمين الاخ هشام شمس الدين، محمد الصادق، طالب حامد والجالس المحتفى به محمد بشير وابنه. مهداة الصورة لكل خريجى المؤتمر وعقبال نعمل صورة لكل خريجى المؤتمر بالرياض. طالب حامد دفعة 1987 |
|
Post: #443
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-21-2008, 11:33 AM
Parent: #442
يا شباب الرسالة التالية من الأخ عصمت محيميد :
Quote: ألأخ ابراهيم تحياتي لك و لكل الأخوة خريجي المؤتمر العظيمة ..شنو الحكاية عاوزين لينا توصية للإنضمام للمنتدي ...الأخ بكري ..الحكاية شنو? عصمت محيميد |
يلا أعملو توصية في الرابط التالي : الأخ بكري .. عصمت محيميد .. أحد خريجي المؤتمر .. واقف بالباب
|
Post: #444
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-22-2008, 06:59 AM
Parent: #443
UP
|
Post: #445
Title: Re: تواصل خريجي مدرسة المؤتمر الثانوية - المدرسة الوطن
Author: عصام ابوعكر
Date: 06-24-2008, 02:12 PM
Parent: #444
السلام عليكم ياشباب
متقولوا الزول حصل الباسورد( وكبا الزوقه)ههههههههههه.
دي صوره جديده علشان الحلوين وفي انتظار مشاركتكم ..
![](http://www.sudaneseonline.com/u/GetAttachment83.jpg)
نتواصل من خلال الصوره دي رائكم شنو ؟؟؟؟؟
|
Post: #446
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-24-2008, 03:24 PM
Parent: #445
![](http://www.sudaneseonline.com/u/taleb2.jpg)
![](http://www.sudaneseonline.com/u/hostat1.gif)
ياناس دفعة 1987:
السلام عليكم ورحمة الله وبركاته
أنا من دفعة 1989؛ يعني لمن إنتوا في تالتة، نحن كنا في سنة أولي؛ وأخوي علي زمراوي من دفعتكم؛ وهو إمتحن أحياء.
مابتذكر الأشكال دي، إلا المحتفى به محمد بشير وأظنو من أبناء الموردة.
|
Post: #447
Title: Re: تواصل خريجي مدرسة المؤتمر الثانوية - المدرسة الوطن
Author: حسن زمراوي
Date: 06-24-2008, 03:39 PM
![](http://www.sudaneseonline.com/u/GetAttachment85.jpg)
![](http://www.sudaneseonline.com/u/hostat1.gif)
الأخ أبوعكر وبقية الخريجين الكرام:
السلام عليكم ورحمة الله وبركاته
طبعا أنا أصغر منكم بكتير ومامن دفعتكم، ولكن يبدو لي أن الأساتذة الموجودين في الصورة هم:
- أمين خضر الزين (الأسد) مدير المدرسة آنذاك ،ونحن حضرناه سنة واحدة فقط عندما كنا في سنة أولى، ومن بعد ذلك إترقى للوزارة وخلفه من بعده الأستاذ الجليل/ حسن الخليفة رحمه الله.
- والأستاذ على الشمال هو الأستاذ الجليل عبدالرحمن (المحسى) معلم التربية الإسلامية وأحيانا كان لمن يجيهو مزاج يرطن معاي في وسط الحصة وبقية الطلبة مسطحين؛ ولقد أنتدب للتدريس باليمن منذ أمد بعيد.
لكن دا لو هو أستاذ عبد الرحمن، تكون صورة مبالغة، لأني أول مرة أشوفه بالبنطلون وكان في عهدنا دائما مايرتدي الجلابية.
|
Post: #448
Title: Re: تواصل خريجي مدرسة المؤتمر الثانوية - المدرسة الوطن
Author: محمد حيدر
Date: 06-24-2008, 04:44 PM
Parent: #447
الاعزاء مبروك يا عصام علي الباصوورد و متوقعين منك الكتير
في اقصي شمال الصوره يمين أستاذ عبدالرحمن :العزيز المساعد بدر الدين سنبرقهو بين الاستاذين يوجد محمد مصطفي كمتور , المساعد أمير الباهي الشايل السلاح حاتم ابوبكر خوجلي (دوكو) وفي أقصي يمين الصوره العزيز بابكر ضيين دبويه
ديل بس العرفتهم لعدم وضوح الصوره
مع مودتي
|
Post: #449
Title: Re: تواصل خريجي مدرسة المؤتمر الثانوية - المدرسة الوطن
Author: عصام ابوعكر
Date: 06-24-2008, 05:15 PM
Parent: #448
السلام عليكم ياشباب
زمراوي انا كمان بقول انه دي استاذ عبدالرحمن ممكن في ناس عندهم كلام تاني بس انا معاك.
عزيزي محمد حيدر الله يبارك فيك وين مختفي ليك زمن ؟
في اقصي اليمين عبدالله ضيين ليس بابكر ضيين لكن البقيه تمام في انتظار الشباب للبقيه
لكم التحيه وين ياابراهيم ؟
|
Post: #450
Title: Re: تواصل خريجي مدرسة المؤتمر الثانوية - المدرسة الوطن
Author: ابراهيم محمد الحسن
Date: 06-25-2008, 11:56 AM
Parent: #449
أنا غايتو غير أستاذ عبد الرحمن ما عرفت اي زول ..
|
|
|