Post: #1 Title: قــرد نــدى القلعــة..." كجنتك مع التحية" Author: سجيمان Date: 02-28-2008, 11:47 AM Parent: #0
عشان ما يجي زول يقول ندن القلعة حردت السودان ومشت اخدت الجنسيةالنيجيرية... عشان سجيمان نضم معاها وحردا....انا نضمي كلو فوق القريد اللليللا....قالت في سهرة في تفلزيون الشروق " عندها قرد وكلب الكلب مكجن القرد..القرد قاعد ينط فوقا من الصباح وهي نايمة ويجر البطانية ويصحيها من النوم...." نضم قالتو بخشما...اها وحات الله خايف عليها من القرد دا... وندى رمز ثقافي وفترت من النضنم الفوقا...وقرود الزمن دا حليلكم منهن مفتحات وشديدات ولضيضات...وعارفات اللعوج من العديل...والبسوي فيهو قرد ندى دا بيجيب لو نضمن آخر...قرد يجرجر في الغٌتا من فوقا باقي ليكم دا قرد قصدو شريف؟...والشغلة وحات الله مو هظار كان قلتو القرد قاعد يهظر مع ندى.... القرود ديل انا بعرفن سمح وعاجنن والكلب حقك ما خاتي عليهو كان كجنو عارف نيتو شنو ...القريد متكل علي انو قرد وشغال يجرجر في البطاطين ومابعرفو يسوي في شنو تاني؟......اطردي الكرور يا ندى يا اختي... وكان الوظيفة فضت انا بجي اشتغل قرد لا قرش لا تعريفة... انتي قايلة شنو؟...جنينة الحيوانات مش شالوها وفرتقوها؟ انتي قايلة السبب شنو؟.... السبب كلو القرود الكان فيها.... قرود قليلة ادب وما ساعلة وما عندها اخلاق ولا تربية بتعريفه...... الرجال يجو يقيفو جنب القفص حقهن مافي ولا قرد يجي ويهببو ليهم.... جية انتاية قدر مافي قرد ضكر يجي جاري ويعمل نفسو متشعلق في القفص وكراع في الشرق وكراع في الغرب...و يقابل العوين و يقعد يكورك وااك وااك....قلة ادب بس! الحمد لله و بركة الحيكومة الشالتن للصالح العام... من صحي خايف عليكي من القريد دا... اطرديهو من دابنو صغير وما بلغ لي حسي...واوعك تعلميهو يصور بالموبايل وحات الله ان علمتيهو التصوير فضيحتك لا تاكل لا تشرب...ونقعد بعدين في غُنا:-
يا النسناس....
ويلك من الله و ويلي من الناس
بما انني الليمات دي عندي نوبة وطنية زايدة اطالب وبقوة اطالب وزارة الصحة ان تخصي قرد ندى القلعة..
الا هل بلغت اللهم فاشهد
Post: #2 Title: Re: قــرد نــدى القلعــة..." كجنتك مع التحية" Author: امير مصطفى احمد Date: 02-28-2008, 12:06 PM Parent: #1
نطالب جمعية حقوق القرود ان تطالب الدكتور سجيمان بعدم التدخل في الشئون القردية ، واذا كان لابد فعليه طلب العضوية
Post: #3 Title: Re: قــرد نــدى القلعــة..." كجنتك مع التحية" Author: سلمى الشيخ سلامة Date: 02-28-2008, 12:28 PM Parent: #2
سى جى وين انت ليك وحشة قلت لى القصة فيها (إن) طبعا انت متخصص طبيب بيطرى وبتعرف الحركات حقات القرود مش؟ غايتو عليك الله ورينا القرد الكبير حقنا وحقكم مالو قال يوم يطلع فى راسنا ويوم فى راس فلسطين والتكنو مافى (قرد غيرو ) اخر طلعاته قال داير يبقى (صلاح الدين الايوبى ) اها الايوبى داك زاتو ما كان عربى كردى عديل وحات الله ما سوى سوات حقنا دا قال وفعل يعنى المعنى يعنى هسى وكتين قاموا وقعدوا على الدنمارك دى عشان زول غبى واحد ناس السكرى العيانين ديل حيداويهم بشنو ؟ بجيب ليهم انسولين من وين؟ ودى البلد الوحيدة البتصنع الانسولين فى العالم غايتو شلاقة ما شفنا زيها
Post: #17 Title: Re: قــرد نــدى القلعــة..." كجنتك مع التحية" Author: سجيمان Date: 03-02-2008, 10:30 AM Parent: #3
تموت في الحصاحيصا وتخلي القرود تسرح وتمرح؟؟؟؟؟؟...انهزامي
Post: #5 Title: Re: قــرد نــدى القلعــة..." كجنتك مع التحية" Author: كمال سالم Date: 02-28-2008, 12:30 PM Parent: #1
سجيمان يأخى وينك , والله فقدناك بشده , وفقدنا كتاباتك الحلوه دى , بالله ماتغيب كتير , بعدين برضو شوف ندى أذا بتستغنى من الكلب ,, برضو فى وأحد أخونا قال مستعد يشتغل كلب , وبرضو لوجه الله , وما عايز قرش ولا تعريفه بس عشان يحرسها من القرد الجديد , لانو ده يمكن بجر حاجات تانيه غير البطانيه ,
Post: #34 Title: Re: قــرد نــدى القلعــة..." كجنتك مع التحية" Author: سجيمان Date: 03-12-2008, 10:44 AM Parent: #6
عذرا.. لبقية القردة
Post: #22 Title: Re: قــرد نــدى القلعــة..." كجنتك مع التحية" Author: سجيمان Date: 03-03-2008, 10:25 AM Parent: #5
كمال سالم
Quote: بس عشان يحرسها من القرد الجديد , لانو ده يمكن بجر حاجات تانيه غير البطانيه ,
القرد الجديد مستعد يحلف.... الدو ما يجرو
Post: #7 Title: Re: قــرد نــدى القلعــة..." كجنتك مع التحية" Author: مدثر محمد احمد Date: 02-28-2008, 01:29 PM Parent: #1
يا سي جى كيفك بس عندى تصحيح لى كلامك لانو الحلقة او السهرة كانت فى قناة هارمونى وليس قناة الشروق لكن خلينى من القرد انت ما شوفت المزيعتين مبحلقات فى ندى القلعة كيف والله التقول بعاينو فى نانسى بت عجرم ولا هيفاء وهبى خلعة شديدة خلاص .ززززززززز
Quote: وكان الوظيفة فضت انا بجي اشتغل قرد لا قرش لا تعريفة...
قال اشتغل قرد لا قرش ولا تعريفة عارفك يا حرريف داير تجى تنطط فى السرير زى القرد بنط مع الكلاب ...
Quote: لكن خلينى من القرد انت ما شوفت المزيعتين مبحلقات فى ندى القلعة كيف والله التقول بعاينو فى نانسى بت عجرم ولا هيفاء وهبى خلعة شديدة خلاص .ززززززززز
لكن يا مدثر ندى دى مش تخلعهم ياخى دى لمن تجى مارة بالكزس سااى الشارع كلو بتخلع على الطلاق مره شفتها فى المرية قمت بركنت المره شديدة .. بتقطع القلب ولا ما كدا وشفت الحنة ( العنكبوتية ) التقول ختاها سبايدر مان ..
التحية لك انا عملت بوست عن الحلقة بتاعة ندويا دى لكن احلى حاجة عجبتني انها اتبلمت بالتوب ومشت السوق المركزي واحد هناك قاليها والله ديل عيون ندى القلعة ذاااااااااااااااااتها
والاحلى يا مثر قصة المذيعات المحاصلة ليهم حالة بتاعة ذهللة ، مش كان مذيعة واحدة تكفي بدل ما الجعيلي يرسل 2 من بقرو ديل ،، المعذرة لصاحبات الوزن التقيل
عشان كدا يا سي . جي مادايراك ولامحتاجه ليك بي بلاش
ولا بي قروش ........
تبكي بس عين قطرة والتانيه مس
تحياتي
Post: #25 Title: Re: قــرد نــدى القلعــة..." كجنتك مع التحية" Author: نادية عثمان Date: 03-04-2008, 08:10 PM Parent: #21
سي جي سلامااااااااااااااااات
كيفنك كده
شنو يعني مطنشنا ونحنا معاك في أرض (الوتن) الغالي ياخ ؟!!
Quote: قالت في سهرة في تفلزيون الشروق "
اها دي غلط ثم غلط صححها قوووووام من أجل الحق الأدبي والملكية الفكرية والكلام الكبار ده لأنو القناة كانت هارموني وليست الشروق سمح ؟
Post: #53 Title: Re: قــرد نــدى القلعــة..." كجنتك مع التحية" Author: سجيمان Date: 04-17-2008, 11:34 AM Parent: #25
ندوية
يا غزال هارموني اللافخني بالجنبة
خلاس القناة كانت هـــــــــــــــــــــــــــــــارموني
Post: #52 Title: Re: قــرد نــدى القلعــة..." كجنتك مع التحية" Author: سجيمان Date: 04-15-2008, 10:36 AM Parent: #21
عبد الله كع
Quote: عشان كدا يا سي . جي مادايراك ولامحتاجه ليك بي بلاش
ولا بي قروش ........
تبكي بس عين قطرة والتانيه مس
سمح والله ابكي في كل المحافل ...وافصحكم فضيحة..
Post: #32 Title: Re: قــرد نــدى القلعــة..." كجنتك مع التحية" Author: Mahir Mohammed Salih Date: 03-09-2008, 12:19 PM Parent: #1
والله يا سجيمان قلنا يمكن كراعنا حارة ، مما جينا فى البورد ده إختفيت وين مشيت ما بنعرف ،، أها يا دوب قدرنا نضحك ونضحك ونضحك لامن قلنا كفا من هذا البوست الخفيف الظريف الجميل ،، قلت لى كراع فى الشرق وكراع فى الغرب ؟؟ والله يوم كده فى جنينة الحيوانات فعلاَ قرد عمل نفس الحركة دى وقام طلّع المايك من جيبه والسلك كان مشدود ،، أها ناس الخرطوم قاموا جارين وهم يكتمون الضحكات ،، فعلاَ كما قلت : قرود قليلين أدب ،، الله يعينا غايتو .
Post: #43 Title: Re: قــرد نــدى القلعــة..." كجنتك مع التحية" Author: محمد شريف Date: 04-10-2008, 12:05 PM Parent: #37
صدقتى يا نادية (متل النضم دا ما بجيبوه فى القومى ولا فى الشروق)!! السعال دا داير رد : (مظيعات ) هارمونى ديل مخلوعات كدى خبارن اول مرة يشوفنلهن مرة سمحة كدى بتنضم فى القرود ولادايرات يجيبنها فى حفلة الة طهور ترقص لهن عفيت منك ااااحنان (بت بلو بلو ) نجضتيها نجاض )!!! ****** بالمناسبة يا سي جي مان ( بلو بلو قالت كيتا فى ندى دى دايره تسعالها جريو )!! دحين ابتعرفلك جريوا كدى ضكران اهم شى الشحم دا واللحم دا والذى منو !!! ******* سعال تانى قرد ندى دا (مطّهر )!!!انت كطبيب بيطرى اتخيل لى بتعرفو ان بقيت شفتو !!!
Post: #50 Title: Re: قــرد نــدى القلعــة..." كجنتك مع التحية" Author: 7abib_alkul Date: 04-13-2008, 11:37 AM Parent: #43
سيجمان تبقي قرد ما مشكلة تنطط و تجر البطانية ما مشكلة الكلب اسكك اعضيك ما مشكلة المشكلة انه ريدتك بقت هي المشكلة
والله برضو شوقنا ليك بحر ودميرة، جيدن جيت وبركة الجيت وبعودتك حوشنا نور .
Quote: يا النسناس....
ويلك من الله و ويلي من الناس
عارف ، من زمان وأنا بكره القرود ومكجنن شديد ، لكن بعد حلقة ندوية في هارموني ، واعترافها بسعايتا للقرد وحبها له ، طوالي تحولت كراهيتي لقردنا إلى محبة ، مش قديماً قالوا: (الناس على دين مطرباتا)!
عشان كده حبينا القرد:
يا النسناس .. حب ندوية ليك.. خلاني أحبك تاني .. فيك الاحساس ، وكلك نسناس ..
Post: #59 Title: Re: قــرد نــدى القلعــة..." كجنتك مع التحية" Author: منيرة احمد Date: 04-20-2008, 12:19 PM Parent: #1
انت سى جى مان زاتك بشحمك ولحمك
لو بقيت انت يحلك منى الله
Post: #63 Title: Re: قــرد نــدى القلعــة..." كجنتك مع التحية" Author: سجيمان Date: 04-22-2008, 08:05 AM Parent: #59
منيرة احمد
Quote: لو بقيت انت يحلك منى الله
ليه يا بت الناس؟ سويت لك شنو؟؟؟؟
Post: #64 Title: Re: قــرد نــدى القلعــة..." كجنتك مع التحية" Author: يحي ابن عوف Date: 04-22-2008, 09:40 AM Parent: #63
سجيمان عادل سلام
وماذ قالت عن حملة الجوازات الأجنبية من السودانيين... الذين يحملون في يمناهم الجواز السوداني وفي يسراهم جواز دولة أجنبية (والمغتربين)
وقد اصبحنا كلنا غرباء في وطن امسى اسيرا بايدي هؤلا اللصوص ولم نجد غير المنافي لتسد رمقنا في بلد يموت فيها اغلبية الناس جوعا ومرضا وهناك من يموت من التخمة
Post: #70 Title: Re: قــرد نــدى القلعــة..." كجنتك مع التحية" Author: سجيمان Date: 04-23-2008, 11:20 AM Parent: #64
يحي بن عوف قال لي:- وقد اصبحنا كلنا غرباء في وطن امسى اسيرا بايدي هؤلا اللصوص
انا قلت لو:-
ما سمعت يا يحي يا اخوي غنية وينو بله؟
Post: #73 Title: Re: قــرد نــدى القلعــة..." كجنتك مع التحية" Author: محمد شريف Date: 04-24-2008, 10:25 AM Parent: #64
Post: #93 Title: Re: قــرد نــدى القلعــة..." كجنتك مع التحية" Author: نهي محسن أبوراس Date: 05-10-2008, 02:49 AM Parent: #1
الأستاذ الفاضل سجيمان... تحيات طيبات تغشاك وزوار البوست الكرام
الفنانة ندي القلعة فنانة جميلة(يعني سمممممممممممممممحة بالبلدي دي) وتمتلك كل مقومات الفنانة السودانية الشاملة من صوت قوي ورائع..وحضور طاغ..وخفة ظل...ودلال...يعني بالعربي كاملة من مجاميعو.. مهما حاولت بعض الألسنة تنالها إلا وأن تاريخها لم ولن يتأثر طالما أن مسيرتها الفنية تعتمد علي الثقة المطلقة في نفسها وحبها الشديد لعملها...
مودتي
Post: #94 Title: Re: قــرد نــدى القلعــة..." كجنتك مع التحية" Author: سجيمان Date: 05-17-2008, 10:30 AM Parent: #93
نهى محسن ابو راس
Quote: الفنانة ندي القلعة فنانة جميلة(يعني سمممممممممممممممحة بالبلدي دي) وتمتلك كل مقومات الفنانة السودانية الشاملة من صوت قوي ورائع..وحضور طاغ..وخفة ظل...ودلال...يعني بالعربي كاملة من مجاميعو..