Post: #1 Title: بعد ثلاثة عشر عاما.. من الخرطوم سلام! Author: saadeldin abdelrahman Date: 02-19-2008, 07:39 PM
تحية حب و شوق لجميع البورداب و أخص الخرطوميين و كل من يستمتع بالكتاحة في هذه اللحظة - التاسعة و نصف من مساء الثلاثاء التاسع عشر من فبراير- من بورداب الداخل الماسكين على جمر هذا الوطن الفريد!
دهشة خوف فرحة حزن أمل و خيبة!
تتمازج المشاعر و تختلط بلا فكاك!! أحتاج بعض الوقت لترجمة هذه الملاحظات التي يزدحم بها رأسي الآن لا أدري ان كنت سأعود قريبا لمتابعة هذا البوست ام لا هذا رقمي على كل حال
0926158370 و اوع من المقالب، طولنا ايوة ، لكن لا زلنا شفوت
محبتي، سعدالدين
Post: #2 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 02-19-2008, 08:41 PM Parent: #1
كافي البلا و حايد المحن! زووووووووول وااااحد يقول حمدلله بالسلامة ماف؟؟
خلاص أنا بوستيني دا بسحبوا و باسويردي دا زاتو قنعت منو.. فعلا صحبة النت زي خوة اللستك
------------
و لو انه اصحابي بتاعين اللساتك الزمان جوني و كدا يعني!
Post: #86 Title: Re: بعد ثلاثة عشر عاما.. من الخرطوم سلام! Author: حسين محي الدين Date: 05-27-2008, 12:28 PM Parent: #2
حبابك ألف وحمدا لله على السلامة نشوفك في برنامج السبت المقبل
حسين محي الدين 0914360602
Post: #3 Title: Re: بعد ثلاثة عشر عاما.. من الخرطوم سلام! Author: Elawad Date: 02-19-2008, 08:57 PM Parent: #1
الأخ العزيز سعد حمدا لله على سلامتك. و إن شاء الله تكون وجدت الأهل و الأحباب بخير. و في انتظار انطباعاتك عن السودان.
Post: #4 Title: Re: بعد ثلاثة عشر عاما.. من الخرطوم سلام! Author: Yasir Mohamed Date: 02-19-2008, 09:01 PM Parent: #3
Welcome Home Saad
Post: #42 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-06-2008, 03:18 PM Parent: #4
Thank you dear ?yasir Canada
Post: #5 Title: Re: بعد ثلاثة عشر عاما.. من الخرطوم سلام! Author: يسرى معتصم Date: 02-19-2008, 09:02 PM Parent: #3
الأخ الكريم/سعدالدين سلامات ألف مرحب بيك رغم بعد المسافه بين بلاد العم سام وبلاد النيلين
Post: #7 Title: Re: بعد ثلاثة عشر عاما.. من الخرطوم سلام! Author: Muna Khugali Date: 02-19-2008, 09:10 PM Parent: #5
سعودي.. رسلها مسج لأنه ما ظهرت لي..
Post: #27 Title: Re: بعد ثلاثة عشر عاما.. من الخرطوم سلام! Author: Muna Khugali Date: 02-21-2008, 10:09 PM Parent: #7
اتصلت بيك الليله الصباح..ظهر بدري عندكم ومابترد..
Post: #44 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-08-2008, 11:43 AM Parent: #27
تسلمي يا خالة منى و الخرطوم فاقداك بي بنوتها السمحات و اخوانك الزينين الرياض ما رياض
Post: #43 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-08-2008, 10:48 AM Parent: #5
أخي الحبيب يسري ود كسلا
رحبت بك الأيام السعيدة و احبابك , اعادك الله سالما غانما من حيث أنت.
كن بخير
Post: #6 Title: Re: بعد ثلاثة عشر عاما.. من الخرطوم سلام! Author: محمد المرتضى حامد Date: 02-19-2008, 09:10 PM Parent: #3
يا سعد،
تلاتاشر سنه؟ يا سعد دا كلام شنو؟ والله والله نحن لما نكمل تلاتاشر يوم بعيد عن الكتاحة والمطره البعدها تجينا حساسيه، يا سعد الواحد بعد إجازه شهر ونص في السودان لما يجي ماشي المطار زي المودينو السجن، ياخ والله نحن سعيدين لسعادتك في السودان والبلد مرحبه بيك ، زي ما بتجينا شايل في بوستاتنا قلنا ما نجي إيدنا فاضيه وانشالله البت السمحه دي تعجبك. محبتي,
Post: #8 Title: Re: بعد ثلاثة عشر عاما.. من الخرطوم سلام! Author: محمدين محمد اسحق Date: 02-19-2008, 10:46 PM Parent: #6
العزيز سعد الدين ..
وانحنا من بردنا هنا بنقول ليك حمدأ لله علي سلامة الوصول الي الديار ..
Post: #46 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-11-2008, 04:53 PM Parent: #8
محمدين المُصطك برداً
مشتاقين شديد والله! تشهد الخرطوم هذه الأيام قفزة بالزانة في درجات الحرارة بعد تقلبات جهجهت شعبي الهوائية و أنفي جهجهة شديدة، سمعت و العهدة على القائل أن احد الايام الفائتة وصلت فيه درجة الحرارة الى 43 و تخيل ده يادوبك الصيف يقول يا هادي لوووول ربنا يعيدك محمدين أخوي و يغر عينك بر}ية البد و الأهل و الأحباب.
محبتي
Post: #45 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-11-2008, 03:02 PM Parent: #6
مولانا محمد المرتضى (حبيب الكل) الا من ابى!
سعيد انا باجازتي "الحلم" هذه و التى اتت بمن في قامتك مهنئاً و معاتبا على طول الغياب بل و محملا بالهدايا سعيد أنا بالسودان و اهله و البورداب و التغيير و العمران و والطرق حزين أنا للفقر و تدني مستوى العيش و الخدمات و تفشي الأمراض المعدية هي ثلاثة عشر عاما من الرماد لم تبق و لم تذر في حنايا الروح الا بعض شوق ثلاثة عشر عاما لو امسكها احدهم ك "ورد" راتب لاهلكته و الحقته الصح!
الاعراض التي ذكرتها يا مولانا تتركك في قائمة المصابين بكاروشة الاوطان المستوطنة التي تصيب كل من شف قلبه و رقت روحه ، نسأل الله أن يهون علينا الغربة و السفر و يطوي عنا البعد و يعيدنا سالمين آمنين غانمين.
عميق اعزازي و احترامي
Post: #40 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-05-2008, 12:04 PM Parent: #3
أخي العزيز
Elawad
تسلم يا جميل، دوما سباق .. عقبال تنعم بين أهلك. تجد بعض الملاحظات أسفل البوست و سأضيف المزيد ان شاء الله. تحياتي
Post: #9 Title: Re: بعد ثلاثة عشر عاما.. من الخرطوم سلام! Author: Raja Date: 02-19-2008, 11:00 PM Parent: #1
حمد لله على السلامة يا سعد الدين..
إن شا الله يطيب ليك المقام وتلاقي الأهل بخير
* محمدين تقول لي برد؟ إحنا لينا يومين عندنا جو فظيع (مطر وتلج) والجزيرة شايلة حالنا الأردن: إنخفاض في درجات الحرارة وإرتفاع في الأسعار
ودي للكل
Post: #47 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-13-2008, 04:10 PM Parent: #9
رجوية ازيك
تعرفي لقيت انك شخصية محبوبة لدى البورداب اكثر من ما يبدو على سطح البورد الشعب السوداني دا غتيت حتى في ريدو!
الله يسلمك و يسدد خطاكي دوما يا غالية
دمتي
Post: #10 Title: Re: بعد ثلاثة عشر عاما.. من الخرطوم سلام! Author: مازن الجمّال Date: 02-19-2008, 11:02 PM Parent: #1
حمد لله على السلامة يا سعد الدين
واجازة ممتعة انشاالله
Post: #11 Title: Re: بعد ثلاثة عشر عاما.. من الخرطوم سلام! Author: ود الباوقة Date: 02-19-2008, 11:08 PM Parent: #10
سعد الدين حمدلله على سلامة وصولك الوطن سالما ..
يلا اخد ليك نفس وادينا انطباعك عن السودان بعد الغيبة الطويلة دي ..
اجازة سعيدة ان شاء الله ..
ود الباوقة
Post: #48 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-13-2008, 05:28 PM Parent: #10
أخي العزيز / مازن الجمال
سلمك الله من كل سوء و متعك بالصحة و العافية و الاحباب.
مودتي
Post: #49 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-16-2008, 02:03 PM Parent: #48
ود الباوقة الحبيب
الله يسلمك و يديك الفي مرادك تابع معاي تحت.
مودتي
Post: #12 Title: Re: بعد ثلاثة عشر عاما.. من الخرطوم سلام! Author: محمود الدقم Date: 02-19-2008, 11:16 PM Parent: #1
الاخ سعدالدين ح م د ا لله على السلامة.. انتم السابقون الى الوطن ونحن بكم ان شاء الله لاحقون.. ان كان في العمر بقية.. فالدخول الى السودان هين.. ولكن التامل في الخروج.
Post: #13 Title: Re: بعد ثلاثة عشر عاما.. من الخرطوم سلام! Author: Osman Musa Date: 02-19-2008, 11:32 PM Parent: #12
محظوظ يا بختك
Post: #53 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-19-2008, 01:46 PM Parent: #12
الأخ الغالي/ محمود الدقم
سلّمك الله من كل شر و اعادك الى اهلك و ديارك غانما ياالحبيب، البركة في العودة..المخارجة ما صعبة.
مودتي
Post: #14 Title: Re: بعد ثلاثة عشر عاما.. من الخرطوم سلام! Author: محمد البشرى الخضر Date: 02-20-2008, 05:41 AM Parent: #1
حمدالله على السلامة يا سعد الدين بعد تلتاشر سنة اكيد ما عرفتها في انتظار الحكي
Post: #15 Title: Re: بعد ثلاثة عشر عاما.. من الخرطوم سلام! Author: Gaafar Ismail Date: 02-20-2008, 08:06 AM Parent: #14
ابو عمو
لولا ناس البيت قابلوه في المطار كان مرق في كرري
Post: #54 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-24-2008, 12:30 PM Parent: #15
ود البشرى اللذيذ الله يسلمك انت و حتوت و امه و يسعدكم.
محبتي
Post: #16 Title: Re: بعد ثلاثة عشر عاما.. من الخرطوم سلام! Author: Ishraga Haimoura Date: 02-20-2008, 08:25 AM Parent: #1
الأخ سعد الدين ألف حمد الله على السلامة وأهي الخرطوم رحبت بيك ترحيب (حار)
قلت لي الكتاحة؟؟؟؟؟ ما قلتو نوبة؟؟؟
Post: #55 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-24-2008, 01:01 PM Parent: #16
الترحيب الحار يادابو بدا يا اشراقة دعواتنا القلبية لسلمى و صنواتها بالتفوق.
مودتي.
Post: #17 Title: Re: بعد ثلاثة عشر عاما.. من الخرطوم سلام! Author: انعام حيمورة Date: 02-20-2008, 09:06 AM Parent: #1
الف الف حمد لله على السلامة والله
منور البلد شديد ..
Post: #18 Title: Re: بعد ثلاثة عشر عاما.. من الخرطوم سلام! Author: عادل فضل المولى Date: 02-20-2008, 10:28 AM Parent: #17
ابو السعود حمدا لله على السلامة اتاريها البلد من أمس الصباح جايبالا موجة برد ونحن نسأل الحاصل شنو..ومافي زول بيجاوب؟ بركة الجيت لكن برد نيوزيلندة دا كان تخليهو وراك.. وكمان ان شاء المقام يطيب ليك يا مفتري 13 سنة حتة واحدة دا اخوك 3 بس يوم برة الكتاتيح دي جهجهنو!
Post: #61 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-31-2008, 10:40 AM Parent: #18
ابومحمود
الله يسلمك ياخ، والله حقو الواحد يفت تلفونك داك هنا
تحياتي
Post: #57 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-26-2008, 02:25 PM Parent: #17
الله يسلمك يا انعام و منورة بي اهلها البلد شكرا بايخة زاتو!
Post: #19 Title: Re: بعد ثلاثة عشر عاما.. من الخرطوم سلام! Author: Naji A.Moniem Date: 02-20-2008, 12:12 PM Parent: #1
سعد الدين يا عزيزى
حمد لله على السلامة
ياريتك بدرت بشهر كده كنا اتلاقينا هناك
_______________
حظك كعب، عركى فى امريكا
Post: #62 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-31-2008, 11:13 AM Parent: #19
سلمك الله من كل سوء يا ناجي و يا ريت لو اتقابلنا ياخي! تعرف حظي كعب من زمان لكن رغم كدا حضرت تكريم وردي اتمنى عودة ابوعركي، و ان شاء الله ناس امريكا ديل يفكوا لينا الاستاذ سريع
مودتي
Post: #20 Title: Re: بعد ثلاثة عشر عاما.. من الخرطوم سلام! Author: انعام عبد الحفيظ Date: 02-20-2008, 02:40 PM Parent: #1
Quote: اوع من المقالب، طولنا ايوة ، لكن لا زلنا شفوت
ههههههههه دي ينظر ويفاد فيها
حمداً لله على السلامة
Post: #21 Title: Re: بعد ثلاثة عشر عاما.. من الخرطوم سلام! Author: nazar hussien Date: 02-20-2008, 03:18 PM Parent: #20
يا بورداب الخرطوم
سعد دا ودوه الهوت سيزون الفي نمرة 2 كان ينفض عن نفسه رزاز البرد والرطوبة
والله اوصفوا ليك يا سعد امكن بورداب الخرطوم ما تلاقيهم...
كان عايز وصف قول لي...
وحمدالله علي السلامة
Post: #22 Title: Re: بعد ثلاثة عشر عاما.. من الخرطوم سلام! Author: سيف النصر محي الدين محمد أحمد Date: 02-20-2008, 06:26 PM Parent: #21
يا سعد الدين بالله سلامنا لناس القبة فردا فردا و لقبة جاد الله ابشرى ذاتها و لقبة ود ام مريوم و لبحر حلتكم و لبحر حلتنا
و منتظرنك لما تجي راجع.
Post: #23 Title: Re: بعد ثلاثة عشر عاما.. من الخرطوم سلام! Author: Seif Elyazal Burae Date: 02-21-2008, 04:31 AM Parent: #22
صديقي أبو السعود حمد الله علي السلامة.. رف قلبي وأرتعش و أنا أقرأ كلماتك.. فهل أنا هناك أم هنا.. يدك الممدودة أم يدي الممدودة.. صوتك أم صوتي.. أدركتني الغربة قبل أن أراك و أقالدك زي زمان.. يا صحبة الزمن الجميل الخرافي الذي لن يعود.. سلامي للجميع لي مع عودة بالتلفون.. أخوك:سيف اليزل برعي
Post: #24 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 02-21-2008, 08:45 PM Parent: #23
ابقى تايه و الغرام يصبح حكاية و الاماني الحلوة دي الكانت بداية
سلامي و حبي لكل الاحباب و الاخوان/ت الذين مروا من هنا الكلمات لا تكفي لشكركم/ن و لي عودة لكل واحد/ة منكم/ن ان شاء الله ولو طال الزمن.
لسان الحال و المقال
مشاهدة اولى بعد تلكم السنين :
ثورة اتصالات وعمران ثقيل يترك القادم يكاد يصيح ( عمار يا سودان) !!
مشاهدة ثانية بعد عدة أيام:
لا يزال الانسان هو أرخص شئ في هذه البلاد التي قتلت عاشقيها * المياه في جنوب الخرطوم ملغومة و تترك حتى القادم من الاقاليم في حالة صحية سيئة جدا.. في الحقيقة لا ادري إن كان جنوب الخرطوم وحده الذي يشكو سوء المياه.. لكني اتحدث عن تجربة هذه الايام القليلة الفائتة.. اذ أن جقيمات بسيطة من هذه المياه كافية لتعكير صفو أي قادم جديد او عائد الى هذه المناطق.. دي حالة بلد مفتوح للاستثمار الاجنبي? يا للفضيحة!! موية الله دي ما قادرين تكرموا بيها الانسان السوداني و ضيوفكم الاجانب يا حكومة السرور! قد تشغل عينيك العمارات السوامق لكنك إن واصلت النظر الي اعلى سيكون مصيرك - قطع شك - في قاع احدى حفرالمجاري و الصرف الصحي المفتوحة الفكين كأنها من جهنم! جميل جدا أن تكون هناك حركة في اتجاه الصرف الصحي و لكن أين المتابعة و أين اتقان العمل الذي اوصى به كريم الاديان??
للحديث بقية -------------
* الاستاذ/ اسامةالخواض.
Post: #25 Title: Re: بعد ثلاثة عشر عاما.. من الخرطوم سلام! Author: azhary awad elkareem Date: 02-21-2008, 09:02 PM Parent: #24
مرحباً بكم فى عالمنا...
نتمنى أن نلتقيك..
لك ولكل من مر/ت من هنا محبتى..
Post: #26 Title: Re: بعد ثلاثة عشر عاما.. من الخرطوم سلام! Author: جمال سعيد Date: 02-21-2008, 09:42 PM Parent: #25
سعدالدين سلامات والف حمد لله على سلامتك سلامى الكتير لناس البيت ولناس القبة واحد واحد حاول ان تستمتع بكل لحظة وموقف ومعاناة...
اقامة طيبة واجازة سعيدة هادئة...
جمال سعيد
Post: #77 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-24-2008, 09:54 AM Parent: #26
ود الحلة الراقي/
جمال سعيد
مشتاقين يا راجل!
الله يسلمك و يرجعك للاهل سالم غانم
Quote: حاول ان تستمتع بكل لحظة وموقف ومعاناة...
نصيحة غالية و عملت بها جهدي.
لك الود و الأمنيات الطيبة
Post: #74 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-23-2008, 12:32 PM Parent: #25
الأخ العزيز/ أزهري عوض الكريم
وين اراضيك يا رجل؟
Quote: مرحباً بكم فى عالمنا...
و يا له من عالم يا ابوالزهور
تحياتي
Post: #28 Title: Re: بعد ثلاثة عشر عاما.. من الخرطوم سلام! Author: انعام عبد الحفيظ Date: 02-25-2008, 12:29 PM Parent: #24
Quote: المياه في جنوب الخرطوم ملغومة و تترك حتى القادم من الاقاليم في حالة صحية سيئة جدا.. في الحقيقة لا ادري إن كان جنوب الخرطوم وحده الذي يشكو سوء المياه.. لكني اتحدث عن تجربة هذه الايام القليلة الفائتة.. اذ أن جقيمات بسيطة من هذه المياه كافية لتعكير صفو أي قادم جديد او عائد الى هذه المناطق.. دي حالة بلد مفتوح للاستثمار الاجنبي? يا للفضيحة!! موية الله دي ما قادرين تكرموا بيها الانسان السوداني و ضيوفكم الاجانب يا حكومة السرور!
غايتو يا سعد الدين ملاحظاتك عن الماء والمجاري أساسية
Quote: قد تشغل عينيك العمارات السوامق لكنك إن واصلت النظر الي اعلى سيكون مصيرك - قطع شك - في قاع احدى حفرالمجاري و الصرف الصحي المفتوحة الفكين كأنها من جهنم!
غايتو نحنا ما عندنا مشكلة عارفيييين المجاري دي
الكلام على الضيوف والأجانب الزائرين الله يسلمهم
سعد الدين اتمنى ليك إقامة طيبة في بلدك الأول السودان
Post: #67 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-10-2008, 12:17 PM Parent: #23
دكتور سيف النصر
حبابك و البلد فاقداكم
وجيتك قبل ما ارجع ومن حشا هذا البلد المسكون بالابداع والوجع من ثنايا هذي الخرطوم التي تنفث سموما بالنهار وكتاحة بالليل من حيث اتيت/نا يا دكتور التقيت عمار و سررت جدا و كان السوق و كانت المقابر امامنا و خلفنا السوق والمقام عند ايهاب تحييك الحلة و ناسها البسطاء و الشارع المحفور منذ اكثر من سنة و اشبع المواطنين غبارا! تشتاقك القبة يا دكتور.
مودتي
Post: #70 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-15-2008, 10:37 AM Parent: #23
ابو السيوف اللذيذ
مشتاقين بالثلاثة! و القبة و الحلة و الراكوبة كلهم بيسالوا عنك
شفت الدنيا دي عجيبة كيف
ناس تعود.. تهاجر ناس دنيا غريبة يا ابو السيوف
ابق كما انت و اجمل امنياتي
ابو السعود
Post: #66 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-10-2008, 11:52 AM Parent: #21
نزار حسين الكلس
سلامات يا حبيبنا
Quote: سعد دا ودوه الهوت سيزون الفي نمرة2
يا جماعة الشئ دا وين؟
وبعدين هوت اكتر من كدا كيف يا نزار؟ هههه
محبتي
Post: #65 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-06-2008, 11:27 AM Parent: #20
وييين يا نعوم
Quote: دي ينظر ويفاد فيها
اها نظرتي.. افيدينا
الله يسلمك
Post: #72 Title: Re: بعد ثلاثة عشر عاما.. من الخرطوم سلام! Author: انعام عبد الحفيظ Date: 04-22-2008, 09:29 PM Parent: #65
Quote: وييين يا نعوم
Quote: دي ينظر ويفاد فيها
اها نظرتي.. افيدينا
لسسسسسسسسسسه عليك شوييييييية بس كدا
وبعدها نديك الدمغة
Post: #29 Title: Re: بعد ثلاثة عشر عاما.. من الخرطوم سلام! Author: انعام حيمورة Date: 02-25-2008, 01:59 PM Parent: #1
والله يا انعام جاية اعلق على قصة الموية لقيتك سبقتيني ..
Post: #78 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 05-01-2008, 12:06 PM Parent: #29
أختي الحبيبة انعام بت عمي حيمورة
Quote: والله يا انعام جاية اعلق على قصة الموية لقيتك سبقتيني ..
الله يستر الناس ساي.. أنا لليوم الموية بتهزر معاي.
تحياتي لمآب.
Post: #30 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 02-26-2008, 10:47 AM Parent: #1
حلوات رموشن يجرحن امسن في بالي و اصبحن
حنكشته الأيام ، ثكلته ماما!
لا يزال الزائر "الكريم" أو قليل الحياء و الدبارة مبعثراً من تصاريف هذه الخرطوم، تتخلل انفغارة فاهه- ليس بعض الذباب و ان كان ذلك واردا- بل بعض معاناة الجسد الذي يساوم الظروف القديمة/الجديدة التي اجتاحته مرة اخرى بعد اكثر من عقدٍ من الزمان. و كانت ليلة أمس (رغم الزيفة) ذات مذاق خاص ، شكرا للحلوين/ات نواعم - لا اقصد حنكوشات طبعاً، بل الجمع - بالاضافة للحبيبات نادية و اشراقة والأحباب ود عقيد و الملك و عمرو كمال والفاتح وديدي. كانت لمة لطيفة جدا على أنغام آمال النور و خالد الصحافة و بعض الصحوة ثم الفرقة الاثيوبية.. رأينا فيها الاستاذ حمدي بدرالدين و الاستاذة بلقيس عوض و البوردابي المعتق صلاح الباشا و الملحن الأستاذ أحمد المك انتابتني احاسيس عجيبة على مقعدي ذاك في الطاولة التي ضمت هؤلاء البورداب اللذاذ لدرجة التسامي فيها انشداهة-أخرى غير الاولانية- بخصوص الطفرة التي حدثت على مضمار الحياة الاجتماعية و انني بين (القوم) الذين كنت اكاتبهم و اشاركهم افراحهم و اتراحهم و امازحهم و اطلب منهم و يطلبون مني اغاني و روابط عبر الاثير، لا يفصلني عنهم الآن سوى عشرين سنتمتر أو الطاولة عل اسوأ الفروض! حكمته بالغة و حقيقي كلمة شكرا لا تكفي.
Post: #31 Title: Re: بعد ثلاثة عشر عاما.. من الخرطوم سلام! Author: العوض المسلمي Date: 02-26-2008, 11:19 AM Parent: #1
الأخ العزيز سعد حمدا لله على سلامتك. و إن شاء الله تكون وجدت الأهل و الأحباب بخير.
ونشوفك يا شفت
وتحياتي ابوتسابيح.
Post: #32 Title: Re: بعد ثلاثة عشر عاما.. من الخرطوم سلام! Author: نادية عثمان Date: 02-26-2008, 12:15 PM Parent: #31
اغايتو لقيتك مازي ماكنت متوقعة خااااااااااااالص ! المنبر ده عجيب وجميل وشكرا للقاء الجميل أخي سعد الدين العزيز
Post: #33 Title: Re: بعد ثلاثة عشر عاما.. من الخرطوم سلام! Author: انعام عبد الحفيظ Date: 02-26-2008, 03:00 PM Parent: #32
طبعا، لغاية اللحظة ما سألتك انك كنتي متوقعة شنو و ولقيتي شنو افيدونا افادكم الله
مودتي
Post: #79 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 05-01-2008, 12:30 PM Parent: #31
أبو تسابيح
كان لقائك فرصة طيبة و سعيدة جدا و أتمني أن نلتقي مرة أخرى قبل السفر يا عزيز
سلمك الله و من تحب.
Post: #34 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 02-28-2008, 12:51 PM Parent: #1
ممنون شديد لكل من مر من هنا و كل الاحباب الذين التقيتهم و سعدت بهم جداً ممنووووووووووووووووووووووووووووووووووووووووووووووووووووووووووووووون.
----------------------
العز أهل!
Post: #35 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-03-2008, 10:51 AM Parent: #1
سيسألك اللهُ يا عُمر!
"و الله لو عثرت بغلة في العراق لخفت أن اُسأل عنها، لِمَ لم اسوي لها الطريق"
و شتان ما بين عُمر و عُمر!
Post: #36 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-03-2008, 11:14 AM Parent: #35
لتُسالُن عن مرضي السل يتساقطون و هم يسعلون في اطراف هذي المدينة دون متابعة كافية تخفف عنهم وطأة المرض و لا حجر صحي يحمي الآخرين من انتقال العدوى.
Post: #37 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-03-2008, 11:22 AM Parent: #36
يتخطف الموت زهرة عمرهم الغضة لأن الحاكم بأمر الله نايم في العسل! يسقطون كأوراق الشتاء و لا أحد يسأل! ، بل حتى الأسئلة في مواضيع الحياة و الموت هذه اضحت تبدو كرفاهية ثقيلة الظل و حنكشة لا طائل من ورائها!
Post: #38 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-04-2008, 09:44 AM Parent: #37
ستُسأل عن الظلم و الفساد المستشرى و عن دعوات مظلومين كثر ليس لها حجاب من الله و لا دافع الا العدل و احقاق الحقوق. عن الشحاذين الذين امتلأت بهم الطرقات من غير تكافل اجتماعي أو (زكاة) ترفع عنهم غبن الأيام لا حول ولا قوة الا بالله!
Post: #39 Title: Re: بعد ثلاثة عشر عاما.. من الخرطوم سلام! Author: Seif Elyazal Burae Date: 03-04-2008, 04:31 PM Parent: #38
الان يا صديقي سعد قد فهمتني تماما فنحن من جيل واحد و أحاسيسنا مشتركة..
ربما كانت نبرة صوتي غريبة عليك وأنا أحدثك عن الماسي التي أشاهدها يوميا والتي جعلتني أخرج من وطني خروج المضطر..
الان قد دست علي مكامن الجراح التي أكتوينا بها في غيابك..
حدثنا وزدنا يا سعد فانت الان خير شاهد علي العصر..
كيف نهنأ بالعيش وسط هذه الالام المستشرية وسط شعبنا الصامد..
واصل يا صديقي ونحن في إنتظار المزيد..
مودتي سيف
Post: #83 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 05-25-2008, 08:57 AM Parent: #39
تعرف يا ابا السيوف
المفارقة في أن الشباب بالداخل عايز يتخارج و الناس البرة قاعدة تتحكحك، ناوية الرجعة لكن خايفة! عني شخصيا، قربت اكسر ركبة
محبتي
Post: #41 Title: Re: بعد ثلاثة عشر عاما.. من الخرطوم سلام! Author: الملك Date: 03-05-2008, 12:24 PM Parent: #1
طلعت زول صغير ساى
فى العمر فقط,,!!
Post: #50 Title: Re: بعد ثلاثة عشر عاما.. من الخرطوم سلام! Author: Salah Waspa Date: 03-16-2008, 02:38 PM Parent: #41
تعرف يا أبو السعود أنا لي أربعتاشر سنه إلا شوية وإنت أنسب زول
آخد منك التقرير الشافي الأكيد لأني في طريقي ألى ذاك الوادي فبالله
ورينا وقول وما تخلي لغاية قدرة الفول .
إجازة ممتعة خالية من الكتاحة
صلاح واسبه
Post: #84 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 05-27-2008, 11:51 AM Parent: #41
ابو النجا
ازيك و مشتاقين
ياخ والله يا حليلك و السكسكة
قلت لي طلعت صغير؟
ياخ انتو مشجعين جدا!
اها ان شاء الله استثمرت الماسنجر كويس
Post: #85 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 05-27-2008, 11:57 AM Parent: #84
أخي العزيز صلاح واسبة
عساك و الاسرة بألف خير
اربعتاشر؟
يا زول ما بالغت! انتو بتجيبوا الجفا دا من وين؟
دي بلد تنفات 14 سنة؟
البلد مشجعة بشكل عام - على الأقل للزيارة- و أنصحك بالذهاب في الشتاء
و تاني ما تطول قدر دا
Post: #51 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-16-2008, 02:42 PM Parent: #1
البلد فيه ملامح نهضة عمرانية و ثورة اتصالات و طرق..الخ كل ده جميل، المصيبة نكمن في واقع انه لا يزال انسان السودان هو الارخص، المساكين يتسولون في الطرقات بكثرة! شارع المستشفي وحده به ما لا يقل عن 23 حفرة صرف صحي و مجاري مكشوفة ما بين تقاطعه مع الحرية الى المك نمر فقط! و هذا جزء من شارع كبير يمتلئ بالمشاة (منهم المرضى و كبار السن) تقول لي لو عثرت بغلة بالعراق؟ اظن بغلة العراق في القرن السابع الميلادي تفوقت على انسان القرن الحادي و العشرين بالسودان ، اللهم لا اعتراض على حكمك!..لقد كثرت الحوادث بسبب هذه الحفر المفتوحة ، ترى هل نسي "المسؤولون" انهم سيُسألون عن ذلك؟ شارع الكلاكلة القبة محفور منذ شهور و لا يلمسه العمال الا في المناسبات، كراكة كلو كم اسبوع- التقول روشتة!! الغبار المتصاعد من التراب الاحمر الذي تثيره العربات كاد أن يخنق جيران الشارع و كل من رماه حظه العاثر للسير فيه، بعض الاطفال اصابتهم حالات من الاختناق لا تعالج الا باستخدام انابيب الاكسجين هذا بالاضافة لتزايد حالات الحساسية و الأزمات. و دعنا نتجاوز الحديث عن فضيخة انابيب الصرف الصحي المغلفة بالبلاستيك و التي كانت مخزنة- في الصقيعة ساي- على طرف ذلك الشارع و تحاوزت قيمتها الملايين واحترقت ذات صباح في غموض مريب و كادت ان تعرض البيوت الجاورة لنفس المصير!
Post: #52 Title: Re: بعد ثلاثة عشر عاما.. من الخرطوم سلام! Author: Seif Elyazal Burae Date: 03-16-2008, 11:10 PM Parent: #51
ابو السعود
التحية لك وانت تشاطر البلد اوجاعها والامها..
التحية لك وانت تحكي عن القليل من الكثير..
طوبي لاهلي في الكلاكلة الذين اختنقوا من غبار الشوارع الترابية المهملة عمدا..
اتمني ان اعرف من المسئول في البلد الفوضي لانتقده ولكن تشابه علينا البقر..
مودتي
سيف
Post: #56 Title: Re: بعد ثلاثة عشر عاما.. من الخرطوم سلام! Author: خالد حاكم Date: 03-24-2008, 04:05 PM Parent: #52
حمد لله على السلامة يا سعدالدين
Quote: و في انتظار انطباعاتك عن السودان.
احكى لينا بالتفصيل الممل بدون كوزنة!
Post: #58 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-26-2008, 02:35 PM Parent: #56
Quote: بدون كوزنة!
؟؟
Post: #59 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 03-26-2008, 03:13 PM Parent: #1
بالأمس في ركن نقاش بجامعة النيلين كان احدهم يتنبأ مهددا بأن الحرب لن تنفجر المرة القادمة في دارفور حيث مات الالاف أو الجنوب حيث مات الملايين بل ستدور رحاها هنا في الخرطوم حيث لم ير اهلها الموت! نفس الخطاب السقيم و الابتزاز الرخيص الذي ظللنا نواجهه هنا و اقولها هنا لكائن من كان، اياً كان انتمائه.. حركة شعبية أو مؤتمر او حركات دارفورية او اي جسم من الاجسام الخرطوم لا يملكها احد و لا تمثل دار احد او عرق يعينه.. و الخرطوم التي تصهرها الشمس منذ الاف السنين لا تخشى ابتزاز الساسة و الوضيعين و من يلوح بنقل الحرب الى الخرطوم فاليستعد لمواجهة اهلها من جميع انحاء السودان و ليس الحكومة وحدها!
Post: #60 Title: Re: بعد ثلاثة عشر عاما.. من الخرطوم سلام! Author: كمال علي الزين Date: 03-26-2008, 03:24 PM Parent: #59
(*)
يازول حمد الله على السلامة , أمبارح لاقيت (سامي) وقال لي كنت في الدوحة بي جاي ..؟؟
Post: #63 Title: Re: بعد ثلاثة عشر عاما.. من الخرطوم سلام! Author: Baha Elhadi Date: 03-31-2008, 12:17 PM Parent: #60
الحبوب سعد:
أحوالك والبنفسج في بلد الكتاحة والمجاري عساك بخير ومروق ورايق وشايف البلد بدأ يسحرك شوية عموما
center>
كن بخير فهنا : لا ينقصنا سوي عدم رؤياكم الغالية في عزيز لديكم أو كما قالو هم منو ؟؟ ودي العاطر الهتون لك وساكورا تدهشك وتتفتح لمرآك الشفيف
Post: #64 Title: من الخرطوم سلاسل يسحبون Author: Adil Al Badawi Date: 04-02-2008, 10:03 AM Parent: #63
Quote: سيسألك اللهُ يا عُمر!
سعد الدين إنت مسكين!
يا زول حمداً لله على سلامة وصولك لكين كلامك دا قولوا لواحد مؤمن (مؤ...من) بالله وملائكته وكتبه ورسله وباليوم الآخر...وركِّز لي على اليوم الآخر، يوم السؤال، دا بالله!
جماعتك ديل يا إمّتن مستبعدين اليوم دا (ناس "أَئِنَّا لَمَرْدُودُونَ فِي الْحَافِرَةِ") يا إمّتن كمان مُستبعِدنّو (وقيل مُسقِطِنّو من حساباتُن) فد مرّة (ناس "أَئِذَا كُنَّا عِظَامًا نَّخِرَةً")، قول لي كيف؟
نظريّة كدا!
المؤمن باليوم الآخر بِكون عارف إنّو "الأنانية الغبية" الإعتمدها في السلب والنهب ليكتنز لأخيه وأمه وأبيه وصاحبته وبنيه إنّما مباغتته بهجمة مرتدّة لمّا تلِم فيهو لامّة تلحِّقو الرقدوا وتخليهو يخلّي مالو الحرام دا بوراهو وأريتو لو كان مالاً مخلّيهو! وحاتك تَبْ ما بخلِّيهو وإن انفقع بالدوبيت "خلّيناك وما خليتنا يا القصّيت دريبنا وجيتنا"...
فهذا المال المحرّش صباحاً ومساءً وعبر القرون ما عندو شغلة غير يقص دروب هؤلاء ليقص رقابهم ويسقيهم مخّها في ذلك اليوم الحق...يوم الأنانية الحقّة الذكية "يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ وَصَاحِبَتِهِ وَبَنِيهِ" ممّن ترك لهم ما سلب ونهب فاستمتعوا به حتى حين ثم جحدوا صاحبه حين اضطرّ كلُّ واحدٍ منهم للفرار ليلزم شأنه الذي يغنيه. كيف لا وثمة "كَلاَّ إِنَّهَا لَظَى"...
بالحيل! والحكمة قالوا ليهم، مراراً وتكراراً: يا كعبين يا متعجرفين إنه لا يربو لحم نبت من سحت إلا كانت (ستِّ لظى) أولى به فما بالك بأحياء كاملة بفللها الفارهة ومساجدها* الفاخرة وبـ"كفوري" الساحرة كمان!...هل قلت "كفوري"؟!
"قُتِلَ الْإِنسَانُ مَا أَكْفَرَهُ" وحُرِق كُفُورو مع غِناهو مع غبَاهو ذاتو ياخي!
* إنّي لأعجب لأقوامٍ وقر الفساد في قلوبهم وصدّقته أعمالهم حتى حدّثتهم أنفسهم برشوة ربِّ العالمين!
Post: #68 Title: Re: بعد ثلاثة عشر عاما.. من الخرطوم سلام! Author: لؤى Date: 04-10-2008, 12:24 PM Parent: #1
عقبالنا
مشتاقين
Post: #69 Title: Re: بعد ثلاثة عشر عاما.. من الخرطوم سلام! Author: Haytham Abdulaziz Date: 04-10-2008, 02:24 PM Parent: #1
العزيز أبو السعود....
حمداً لله على سلامتك.... و إن شاء الله تكون وجدت الأهل و شلة اللستـــك بخير....مع أمنياتي لك بإجازة سعيدة في ربوع الوطن....
Post: #71 Title: Re: بعد ثلاثة عشر عاما.. من الخرطوم سلام! Author: عثمان دغيس Date: 04-15-2008, 11:15 AM Parent: #1
الأخ سعد الدين .. أسعد بإجازتك ... وشغل كاميرتك .. وأنقل لينا الجميل والجديد وطكمان الوسخ الحاصل هناك ..
هيئنا فأنا لاحقون بكم قريباً إن شاء الله ...
قريباً دي معناها شهرين بالتمام والكمال .. ودي بنعتبرها قريبة بحسابات الدوحة ...!!
نتوقع منك الكثير من التعليقات وعكس ما يجري ...!
Post: #73 Title: Re: بعد ثلاثة عشر عاما.. من الخرطوم سلام! Author: saadeldin abdelrahman Date: 04-23-2008, 11:25 AM Parent: #1
و غرقت الخرطوم في شبر ماء..تجربة خريفية مبكرة بالله مطرة بتاعت ساعتين بس ..حيرت افكار اي حاجة، الحمد لله لطفت الجو شوية.
Post: #75 Title: Re: بعد ثلاثة عشر عاما.. من الخرطوم سلام! Author: عبدالكريم الامين احمد Date: 04-23-2008, 12:47 PM Parent: #73
يااا ابو السعود يادهشة الف تحية وسلام يامان وشنو يازول لقيت البلد سمحة وقعدت منتظرنك بالكدارة المسمة والكورة الما خمج
في انتظارك بالله في الدوحة كل الود وسلام
Post: #81 Title: Re: بعد ثلاثة عشر عاما.. من الخرطوم سلام! Author: انعام عبد الحفيظ Date: 05-18-2008, 03:49 PM Parent: #75
Quote: في انتظارك بالله في الدوحة
إستلم يا كيكي
غادرنا اليوم سعد الدين متوجهاً الى الدوحة
وكنا قد سعدنا برفقته كثيراً في الخرطوم
تصحبك السلامة وفي إنتظار زيارات قادمات
بس أوعى من
Quote: ثلاثة عشر عاما
Post: #76 Title: Re: بعد ثلاثة عشر عاما.. من الخرطوم سلام! Author: الطاهر ساتي Date: 04-23-2008, 01:07 PM Parent: #1
ود حلتنا هلا بيك عليك امان الله ما شوفت البوست ده الا الأن ... بلاهي انت هنا ..؟ وانا اقول غبار امبارح السبق الخريف ده من شنو ..؟؟
ياحبيب الف مرحب .. وشلت الرقم جهز شاى مغرب وشوية مزيل للعرق غيتو جيتك جاتنا في الجرح ..........
مودتى
Post: #82 Title: Re: بعد ثلاثة عشر عاما.. من الخرطوم سلام! Author: Seif Elyazal Burae Date: 05-18-2008, 03:53 PM Parent: #76
