Post: #1
Title: العندو عارض قدر الزول ده يجي جوة
Author: محمد الطيب يوسف
Date: 03-25-2008, 00:34 AM
هل هناك بعض الناس عرضة لمنغصات الحياة أكثر من غيرهم [العوارض]
تقابلهم مواقف لو تكررت في حياة غيرهم لآثروا الانتحار هروبآ من تلك الحياة
صديقي الذي سأحكي عنه من هذه الفئة التي تتعرض لمواقف مضحكة ومبكية حتي يطفر الدمع
من عينيك
وجاييكم
|
Post: #2
Title: Re: العندو عارض قدر الزول ده يجي جوة
Author: محمد الطيب يوسف
Date: 03-25-2008, 02:06 AM
Parent: #1
مرة صاحبنازيكو ده راكب مواصلات الله اكبر
والدنيا سخانة
والشمس في كبد السماء ياقول فرانكلي
الساعة اتنين ضهر
ومواصلات الثورة كانها بتوديك جهنم ماالسوق العربي
المهم
كانت في حريقة
وناس المطافئ يطفو في النار ويسبو في الدين
صاحبنا طلع راسو من الشباك وكورك
يايوليس المووووووووووووووووووووووووووووية
ناس المطافي خلو الحريقة
وبقو في صاحبنا ده
تلاتة يوم نساسك حتي مرقناهو من الحراسة
وجاييكم
|
Post: #3
Title: Re: العندو عارض قدر الزول ده يجي جوة
Author: محمد الطيب يوسف
Date: 03-25-2008, 05:22 AM
Parent: #1
|
Post: #4
Title: Re: العندو عارض قدر الزول ده يجي جوة
Author: sami Alzubair
Date: 03-25-2008, 01:36 PM
Parent: #1
ود الطيب
سلامات
هاك دي..
عندي صاحبي اسمو محمد..زول (كج) لمن فايتو بي غادي..ومشهور بالحتة دي..
مرة كان عندنا موضوع في السفارة السعودية في الخرطوم
عمتو مسافرة العمرة ورسلت ورقها بدون ما تجي هي لانها في بورتسودان وهي مرة كبيرة
المهم داية نعمل ليها الاجراءات والحكاية دايرة ليها شوية علاقات
يازول جاني في المكتب وطلعنا سوا علي السفارة
وصلنا لقينا زولنا قالينا اول حاجة الصور دي ملونة ونحن دايرين صور ابيض واسود(قول واحد)
اه..دي يحلوها كيف يالنجيض..
قال تمشو في استوديوهات في العمارات دي بتعمل الحكاية دي
ما كضبنا مشينا..
او استديو ..الكهرباء قاطعة(قول اتنين )
التاني والثالث والسابع برضو
لقينا واحد عندو مولد كهرباء
بس..
ما عندو تحويل الملون للابيض واسود(3)
اخيرا..لقينا واحد
عندو مولد وعندو تحويل
لكن..
الزول بتاع الاستديو مافيش والزول القاعد ما بعرف(وصلنا كم ما تعد تابع ساي)
انتظرناهو..لامن جاء
ظبط لينا الموضوع
ورجعنا السفارة..
عارف الحصل شنو..
لقينا الزول بتاعنا مرق عندو شغل برة
ضربنا ليهو..
قال انتو اتاخرتو شديد
والعمل يا عمك
قال تجو يوم السبت لانو الليلة الاربعاء
والخميس والجمعة السفارة ما شغالة
عاين لي وعاينت ليهو ومرقنا
....
الجوع كاتلنا قلنا نفطر
صاحبك متحسس مني قال الزول ده اعزو بي فطرة في محل ظابط
مشينا سندباد..الفي نمرة 2 ديك
اشترا الموارك ووقف في صف الفول
زحمة شديدة
بقي نفر واحد منو والشباك
الفول خلص..
رجعنا الموارك وشال قروشو
اها وين يا عمك
قال لي بس لذيذ اضمن حتة
مشينا لذيذ
جنس زحمة..وخفنا يحصل لينا نفس برنامج سندباد
مرقنا..
قال لي شوف كاغتريا عاصم الفي الغالي ديك اكلهم سمح
كويس ارح..
مقفلين طبعا ..انت متوقع حاجة تانية ولا شنو
قال لي نمشي لي عوض في نادي الباسا اضمن محل فول
ارح
عوض في ام روابة
انت عارف انا عملت شنو
نزلت منو واقرب ركشة عشان ارجع اشوف شغلي
اقوم اترفد ولا حاجة مع الزول الكارثة ده
دي واحدة من 100
بجيك صادي
سامي
|
Post: #5
Title: Re: العندو عارض قدر الزول ده يجي جوة
Author: Adam Omer
Date: 03-25-2008, 08:18 PM
Parent: #4
Quote: انت عارف انا عملت شنو
نزلت منو واقرب ركشة عشان ارجع اشوف شغلي
اقوم اترفد ولا حاجة مع الزول الكارثة ده
دي واحدة من 100
بجيك صادي |
بى عضمة ليســــــــــــــانك قلت ركيت الركشة بتجى صادى كــــــــــــــــــــــيف
|
Post: #31
Title: Re: العندو عارض قدر الزول ده يجي جوة
Author: محمد الطيب يوسف
Date: 03-31-2008, 12:15 PM
Parent: #4
|
Post: #6
Title: Re: العندو عارض قدر الزول ده يجي جوة
Author: محمد الطيب يوسف
Date: 03-25-2008, 09:59 PM
Parent: #1
صاحبي زيكو عندهم حافلة أربعطاشر راكب
مركب ليها مكنة كريسيدا ولا كوريلا ماعارف
بعدين السواقين متلتلنو فيها تلتلة شديدة
يعني حق السواق والباقي كلو في العربية
آخر الشهر مابطلع ليهو أي حاجة
اتخذ قرار شجاع
أنو يسوق الحافلة براهو
وطبعآ زيكو شليق شلاقة
لا رخصة ولا يحزنون
كب جالون في العربية وأتوكل علي الشهداء
يلقط ركاب وبعدين الامور بتدردق فردة بعد فردة
لما فضل ليهو متين متر من الشهداء
بتاع مرور أشر ليهو بالمؤشر البضوي ده
يعني جنب يمين
زيكو فهم أنو الزول ده قال ليهو واصل
وجاء دايس
بالله بتاع المرور الا حلنو كرعيهو
بعد ماوقفو بتاع المرور الركاب كلهم نزلو بدون مايدفعو وبعد داك قال ليهو
ياخ انت مشكلة ماعندك رخصة دي بسيطة
لكن اشارات المرور دي مابتعرفا
الليلة بأدبك
وصاحبنا بقي في التحانيس
غايتو لما دفع ستماية الف حتي الموضوع أتحلا
وجاييكم
|
Post: #7
Title: Re: العندو عارض قدر الزول ده يجي جوة
Author: محمد الطيب يوسف
Date: 03-25-2008, 11:04 PM
Parent: #1
سامي حبابك
لكن زولك ماختري قلاع الشجر
بس أصبر شوية وتابع معاي زيكو
أنا لسة مادخلتا في الغريق
Quote: دي واحدة من 100
بجيك صادي |
وأنا منتظرك يامان
|
Post: #8
Title: Re: العندو عارض قدر الزول ده يجي جوة
Author: محمد الطيب يوسف
Date: 03-26-2008, 02:43 AM
Parent: #1
|
Post: #9
Title: Re: العندو عارض قدر الزول ده يجي جوة
Author: محمد الطيب يوسف
Date: 03-26-2008, 07:28 PM
Parent: #1
صاحبي زيكو بعد الموقف الأخير مع ناس المرور قرر يبقي زي أي زول محترم
وأعمل ليهو رخصة
مشي وطلع رخصتو بعدين من المعارف ومن جاي لي جاي لما ليهو في اربعطاشر بت
من بنات الثورة علي أساس أنو يوصلم من البيت للمدرسة ومن المدرسة
للبيت البت في 200000 يعني بحسبة بسيطة مليون واربعمية في الشهر في فردتين
خفيفات 00 صاحبنا أفتكر الزمن بسم معاهو ماعارفو
لابد ليهو بي شيتآ كتر
أول يوم في الشغل وهو بلقط في البنات في أمان الله جنب يمين عشان يرفع ليهو بت
ومطلع يدو برة الشباك وماسك الدركسون بيد واحدة الولد معلم كبير وسواق قدير
بالله لا يحري لا يدرييدو يخرتا بتاع حافلة
بالله أجز من الشغل خمسطاشر ماقادر يمسك ليهو طارة
يوم لما رجع لقي البنات أجرو حافلةتاني
وجاييكم
|
Post: #10
Title: Re: العندو عارض قدر الزول ده يجي جوة
Author: محمد الطيب يوسف
Date: 03-26-2008, 11:32 PM
Parent: #1
بعد الموقفين بتاعات الحافلة صاحبي زيكو أقر بأنو ماليهو في الحديد
وتلتلة الحديد
قرر يبيع الحافلة
ويبدأ ليهو مشروع أستثماري
وفعلا طق الحافلة باعا
وعلي شوية سلفيات من جاي لي جاي
قدم لي عطاء بتاع كفتريا في مستشفي من مشتشقيات العاصمة
والواسطات لعبت دورها
وصاحبنا فاز بالعطاء
يازول زبيط الكافتريا كلفو حكاية بتاعت تلاتة مليون
وبدا الشغل
جر لمن غلط
زبايين زي الرز
أول يوم المبيعات عملت مليون ونص
وصاحبنا حس بأنو قرب خطوة في طريق الثراء
يالله تسعة يوم
ومدير المستشفي غيروهو
لغي كل العطاءات السابقة
وبعد سك ومجابدة شديدة
طلع ستين في المية من المبلغ
ياخي ده زول مكافح بي صورة ماطبيعية
وجاييكم
|
Post: #11
Title: Re: العندو عارض قدر الزول ده يجي جوة
Author: Tabaldina
Date: 03-27-2008, 07:31 AM
Parent: #1
..
.
انا ..
عندى عارض بتاع نســوان ..
________________
مع الحلقة القادة
|
Post: #12
Title: Re: العندو عارض قدر الزول ده يجي جوة
Author: Tabaldina
Date: 03-27-2008, 07:37 AM
Parent: #1
..
.
| Quote: بعد الموقفين بتاعات الحافلة صاحبي زيكو أقر بأنو ماليهو في الحديد |
والله صحبك زيكو دا الخالق الناطق ..
لو قلت لى الكافتتريا طرشقت ومشي عمل بقالة ..
بقع ليك كردلوب 
ممكن تحكى لينا عن حياتو العاطفية
_____________
ما تتأخر .. الارشيف فى الكاملين
|
Post: #13
Title: Re: العندو عارض قدر الزول ده يجي جوة
Author: عبدالله كع
Date: 03-27-2008, 07:52 AM
Parent: #1
سلامات محمد يوسف .....
هاك ... الكج ده
ماذدا - ماذدا - ماذدا
اه في عارض اكتر من كد.....
|
Post: #14
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 07:20 PM
Parent: #1
تبلدينا
عارض النسوان مقدور عليهو
كعب عارض الجيب
Quote:
ممكن تحكى لينا عن حياتو العاطفية |
جاييك لحياتو العاطفية
والله البني آدم ده البحصل ليهو
لو حصل لي شعب كامل
كان أنتحر
بس خليك قريب
|
Post: #15
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 07:21 PM
Parent: #1
Quote: هاك ... الكج ده
ماذدا - ماذدا - ماذدا |
|
Post: #16
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 07:23 PM
Parent: #1
| Quote: ما تتأخر .. الارشيف فى الكاملين |
ماتخاف
البوست ده للارشفة الجاية
وأنشاء الله تكفي
|
Post: #17
Title: Re: العندو عارض قدر الزول ده يجي جوة
Author: Muna Khugali
Date: 03-27-2008, 08:40 PM
Parent: #16
| Quote: بى عضمة ليســــــــــــــانك قلت ركيت الركشة بتجى صادى كــــــــــــــــــــــيف |
بوست لذيذ جدا..بس ما تملونا فقر معاكم أكتر مما احنا ماليانين..
|
Post: #19
Title: Re: العندو عارض قدر الزول ده يجي جوة
Author: sami Alzubair
Date: 03-27-2008, 09:23 PM
Parent: #17
| Quote: بوست لذيذ جدا..بس ما تملونا فقر معاكم أكتر مما احنا ماليانين.. |
بت الخليفة
ازيك
بعد سفرك الكتير ده اكيد عندك قصص كتيرة عن الناس الكج ديل
كدي ادينا عينة
|
Post: #23
Title: Re: العندو عارض قدر الزول ده يجي جوة
Author: Muna Khugali
Date: 03-27-2008, 11:03 PM
Parent: #19
Quote: بت الخليفة
ازيك
بعد سفرك الكتير ده اكيد عندك قصص كتيرة عن الناس الكج ديل
كدي ادينا عينة |
والله لو احكي ليكم تتحيروا!
انت عارف الطيارات براها فايتاني كم مره؟؟
ياخ في زول بيكون قاعد جوه المطار وعامل تشك ان وأي اجراء منتهي.. ولسه قدامه مسافه علي
مواعيد الطياره..تقوم الطياره تفوته؟؟
وبالمناسبه..لا بكون نايمه ولا ناسيه..
بس كج كده!
اسكت عينة دي كتيره لما تحيرك وتحيرهم!
مره برضه كنت في النرويج في مؤتمر وورقتي بقدمها في اليوم التاني..والمفروض ما احضر المؤتمر لنهايته..لأنه في نفس اليوم المفروض اسافر لهولندا لمؤتمر تاني..
عارف ده كان في عز موسم السفر..واساسا السفريه دي لقيتها بعد تعب خرافي..وما مباشره..
تمشي بلجيكا بس..ومن بلجيكا بالقطر ولا العربيه..
ومافي علي الأطلاق أي طريقة سفر تاني..والمؤتمر تاني يوم الصباح في هولندا..
اها تفتكر حصل شنو؟؟
شركة الطيران دخلت فجأه في اضراب!!
وضاع علي باقي المؤتمر في النرويج..ومؤتمر هولندا!
كفاكم نحس موش؟؟
ده غير العارض الكبير العندي!
|
Post: #18
Title: Re: العندو عارض قدر الزول ده يجي جوة
Author: محمد عبد الماجد الصايم
Date: 03-27-2008, 09:00 PM
Parent: #1
ياخ والله البوست دا كدا 
يديكم العافية
لكن بوليس الموية .. مبالغة
|
Post: #24
Title: Re: العندو عارض قدر الزول ده يجي جوة
Author: محمد الطيب يوسف
Date: 03-28-2008, 01:03 AM
Parent: #18
|
Post: #20
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 11:00 PM
Parent: #1
| Quote: بوست لذيذ جدا..بس ما تملونا فقر معاكم أكتر مما احنا ماليانين.. |
يامني يا أختي
أنشاء الله الفقر للمابشبهوك
لكن بس عاوز أسألك
لو كان أنت بس قريتي البوست أمليتي فقر
أتخيلي معاناة الراجل ده وهو عايش الكلام ده واقع
|
Post: #21
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 11:00 PM
Parent: #1
Quote: ياخ والله البوست دا كدا
يديكم العافية
لكن بوليس الموية .. مبالغة |
ود الصايم أزيك
خلينا نسمع حكاويك لانو زي الزول ده في كتير
غايتو جنس تقلة غايتو
|
Post: #22
Title: Re: العندو عارض قدر الزول ده يجي جوة
Author: محمد الطيب يوسف
Date: 03-27-2008, 11:00 PM
Parent: #1
صاحبي زيكو موضوع الأستثمار ركب ليهو في راسو
وقال أصلو ده حال السوق يوم ليك ويوم عليك
قدر ماشلتو وختيتو وقلتا ليهو خلي الدرب ده ابي
غايتو في الآخر أجر ليهو كشك في السوق العربي موقف جبرة
بتاع جرايد
سيد الكشك اصر أنو زيكو يديهو مقدم سنة
وصاحبي دفع
شهر واحد وصدر من معتمدية الخرطوم أمر بأزالة كل الأكشاك في وسط الخرطوم
وبعد شهرين من صدور القرار تم تنفيذه
زيكو قال لي بتاع الكشك ترجع لي حق تسعة شهور
بتاع الكشك قال ليهو شيلا من ناس المعتمدية
المهم صاحبي بقي علي الحديدة
ولسة ماقنع
وجاييكم
|
Post: #25
Title: Re: العندو عارض قدر الزول ده يجي جوة
Author: emad altaib
Date: 03-28-2008, 03:46 AM
Parent: #1
ــــــــــــــ
Quote: تقابلهم مواقف لو تكررت في حياة غيرهم لآثروا الانتحار هروبآ من تلك الحياة
|
الدكتور ود الطيّب كيفك كيفك :
الان ما اقدر استشهد ليك بيقصه ..
لكن سمعه الناس ..
بيقول :
دردقني الفقر لمن
قرشت اللوبه..
ومن الغبائن طلعت
لي جبال النوبه ..
اما جبت
مالا فرح ام زينوبه ..
اما مته لا كفن ولا طوبه ..
ــــــ ــــــ
من خلاص النص ده ..اللزول ده يكون عارضه كيف شكله ؟
|
Post: #26
Title: Re: العندو عارض قدر الزول ده يجي جوة
Author: محمد الطيب يوسف
Date: 03-29-2008, 05:25 AM
Parent: #25
أزيك يا عمدة
Quote: لكن سمعه الناس ..
بيقول :
دردقني الفقر لمن
قرشت اللوبه..
ومن الغبائن طلعت
لي جبال النوبه ..
اما جبت
مالا فرح زينوبه ..
اما مته لا كفن ولا طوبه .. |
الكلام ده هسي بجيب لينا ناس منو ومنو ماعارف
وأشبكونا أستغلال ثروات الهامش وبتاع
ويهكروا لينا البوست
لكن ده عارض حامض
تخيل
|
Post: #27
Title: Re: العندو عارض قدر الزول ده يجي جوة
Author: ممدوح أبارو
Date: 03-29-2008, 08:39 AM
Parent: #26
ود الطيب سلام
قالو واحد جايب معاه عفش كتير من الخليج
تلاجات ومراوح و.....
المهم اجر ليه طياره مخسوس
اها في الجو الكباتن قالو الحموله زايده لازم ننزل حاجة عشان ما تحصل مشكلة
قامو رمو ليهم مسجل...صاحب لمن وصل البيت لقي صيوان وناس ببكو
*في شنو؟ المات منو؟
*ابوك مات الصباح ده
*مالو؟
*وقع فيه مسجل من فوق
(العهده علي الراوي عشان ما يجو ناس هندسة طيران يطيرو في حلقي)
|
Post: #28
Title: Re: العندو عارض قدر الزول ده يجي جوة
Author: محمد الطيب يوسف
Date: 03-29-2008, 11:23 AM
Parent: #1
| Quote: (العهده علي الراوي عشان ما يجو ناس هندسة طيران يطيرو في حلقي) |
كعب الفلس
|
Post: #29
Title: Re: العندو عارض قدر الزول ده يجي جوة
Author: محمد الطيب يوسف
Date: 03-30-2008, 06:02 AM
Parent: #1
صاحبي زيكو بعد مااقتنع أنو ماليهو في الاستثمار
وجيبه عدم أسم المليم
عمل أستراحة محارب
وبقي قاعد في البيت
بعد كم يوم أتصلت عليهو رشا
جارته في الحي
قالت له أنو في فرصة عمل في شركة سياحية جديدة
تاني يوم صاحبي لبس لبس خمسة وأتحرك
بنطلون جينز وقميص جينز وبوت أمريكي
ومشت معه رشا
وقدموا للشغل
وقبلوهم الاتنين
فكرة المل كالاتي
فريق عمل عمله ميداني
يقوم بتوزيع تذاكر دعوة لمن يتوسم فيه الثراء وكل من يصل الشركة عبر تذكرة لفريق العمل 10 دولار
وفريق عمل يوجد بالشركة وهذا مهمته تقوم علي اقناع الزبون بالتفويج عبر فوج سياحي الي الغردقة أو شرم الشيخ أو المغرب أو بيروت وكل فرد يقوم بأقناع عميل عنده 200 دولار
يعني الحشاش يملا شيكته
صاحبي زيكو ورشا كانوا من ضمن هذا الفريق
شوية بس وبجي أكمل
|
Post: #30
Title: Re: العندو عارض قدر الزول ده يجي جوة
Author: محمد الطيب يوسف
Date: 03-30-2008, 03:38 PM
Parent: #1
أهاالشغل بدأ
أول زبون وأول أستفتاح وصاحبي جاهز بي عدته صور ومقاطع فيديو ووعود بي تسهيلات جمركية وغرف فندقة خمسة نجوم وهو زاتو آخر أناقة ونظافة تقول تسيح فيهو هو وتخلي شرم الشيخ
وطلع كل المخزون المهاري في الافناع للزبون وماقصر معاهو خالص خالص في الآخر طلع الراجل مفلس ومقطع والعربية السايقا دي شغال فيها سواق وطلع حنكو فشوش
رشا وقع ليها عريس مرررررررررطب وأمورها ظبطت والعريس دفع مقدم كمان وطبعآ لانو الشغل أنطباعي جدآ بقي كل مايجي واحد شكلو بجي منو يتحول علي رشا والعكس بي العكس لي صاحبي زيكو 00 بعد شهر رشا أجرت ليها عربية خصوصي عشان توديها الشغل وترجعا البيت وصاحبي بقي يملح معاها
طبعآ مفروغ منو أنو مادخل ولا مليم لما خلي الشغل
وجاييكم
|
Post: #32
Title: Re: العندو عارض قدر الزول ده يجي جوة
Author: GamarBoBa
Date: 03-31-2008, 12:46 PM
Parent: #30
يالحبيب والله ضحكتنا لمن غلبنا
Quote: يقوم بتوزيع تذاكر دعوة لمن يتوسم فيه الثراء وكل من يصل الشركة عبر تذكرة لفريق العمل 10 دولار
وفريق عمل يوجد بالشركة وهذا مهمته تقوم علي اقناع الزبون بالتفويج عبر فوج سياحي الي الغردقة أو شرم الشيخ أو المغرب أو بيروت وكل فرد يقوم بأقناع عميل عنده 200 دولار
|
لكن زولك ده لو بقيف بعدته قدام عمارة التنمية في العمارات انا داير منه عشرين الف...
غشوني هناك لانو لاقيتهم وانا مستعجل
|
Post: #33
Title: Re: العندو عارض قدر الزول ده يجي جوة
Author: محمد الطيب يوسف
Date: 04-01-2008, 06:02 AM
Parent: #1
| Quote: لكن زولك ده لو بقيف بعدته قدام عمارة التنمية في العمارات انا داير منه عشرين الف... |
قمر بوبا مرحب بيك
بعدين المسامح كريم ياخي
|
Post: #34
Title: Re: العندو عارض قدر الزول ده يجي جوة
Author: محمد الطيب يوسف
Date: 04-02-2008, 07:20 AM
Parent: #1
فوق
|
Post: #35
Title: Re: العندو عارض قدر الزول ده يجي جوة
Author: محمد الطيب يوسف
Date: 04-02-2008, 12:15 PM
Parent: #1
رجوع بالذاكرة للخلف قليلآ
صاحبي زيكو في أوائل التسعينات
قرر الهجرة الي ليبيا
عندو أخوهوا هناك بصرف بالدولار
شغال مع شركة بترول
المهم
زيكو وسافر
وسبحان الله مما وصل أشتغل
وطبعآ سكن وأعاشة وكلو علي الشركة
وزيكو يلم في الفلوس
مبسوط آخر أنبساطة
بعد سنتين
صاحبي
قال نازل السودان
يعرس
أخو قدر مااتكلم معاهو مافي فايدة
زيكو أنت صغير
زيكو أصبر شوية
زيكو أسس نفسك
يازول راسو وستين الف سيف
الا يعرس
أشتري الشيلة والدهب وغرفة النوم
وصرا دولاراتو الفضلت
وجا بالصحراء
في زد واي
بالله لمو ليك فيهو ناس السحب المسلح
الا طلع بي جلابيتو
وجانا وشو يلعن قفاهو
ومن ديك
بقي أسمو العريس
رغم أنو لحدي هسع ماعرس
وجاييكم
|
Post: #36
Title: Re: العندو عارض قدر الزول ده يجي جوة
Author: emad altaib
Date: 04-04-2008, 03:52 PM
Parent: #35
ــــــــــ
Quote: بقي أسمو العريس
رغم أنو لحدي هسع ماعرس
|
ياولدنا.. دا اسمو عريس الموسم ..
وذي ده (كُج) ..
وعارضو قدور واكبركمان ..
علشان بنحس الكل
|
Post: #37
Title: Re: العندو عارض قدر الزول ده يجي جوة
Author: محمد الطيب يوسف
Date: 04-05-2008, 04:07 PM
Parent: #1
Quote: ياولدنا.. دا اسمو عريس الموسم ..
وذي ده (كُج) ..
وعارضو قدور واكبركمان ..
علشان بنحس الكل |
أنت عارف يا عمدة
لو الله ماحلاني من الزول ده
كنت ليهسي بكون شغال حب موبايلات (وش منفقع من الضحك)
|
Post: #38
Title: Re: العندو عارض قدر الزول ده يجي جوة
Author: محمد الطيب يوسف
Date: 04-17-2008, 09:57 PM
Parent: #1
رجعنا لي حبيبنا زيكو
وكان صديقي العزيز
لا يعرف اليأس الي قلبه طريقآ
فبعد ان وصل الي الحلة فقيرآ فقرآ مدقعآ
طلق ليبيا بالتلاتة
قال دي كج ومابرجع ليها
وعمل إستراحة محارب بالحلة
وبعد فترة ضرب علي أخوه الفي ليبيا
ليرسل له فلوس ليبدأ مشروع جديد
وكان المشروع المقترح
زراعة طماطم في الصيف
وكان هذا مشروع ملئ بالعوارض
وإحتمالات نجاحه ضعيفة جدآ
فحاولنا أن نثني أخي زيكو عنه
ولكنه ركب راسو كالمعتاد
وفعلآ أخوه أرسل له الفلوس
وبدأت الزراعة
وأخونا واقف علي المشروع بيد واحدة
شوية شوية والشتل فرهدت
وأخضرت
وأينعت
ثم بدأت الثمار في الظهور
ونحن في الحساب
فطماطم الصيف مربحة جدآ لمن لا يعلم
وبدانا في وضع الخطط بعد الحصاد
وجوز الطماطم ممكن يصل خمسين الف
يعني دي حسبة بتاعت مية مليون
ورررررروووووووووووووووووك
يعني يازيكو تعرس بالجد
وترجع لأخوك فلوسه
والباقي في البنك
والعارض ده يفكك يااااااااااااااااااااااخ
شوية شوية والطماطم حمرت
وتبقي أسبوع علي اللقيط
صاحبي زيكو أصبح يمشي مختالآ في الشارع
فقد أصبح من أصحاب الملايين
مع وقف التنفيذ
وبلا مقدمات
إجتاح ابو الجندي المشروع
ونهل من الطماطم حتي أرتوي
وصاحبيي زيكو قابلنا بيهو الشيوخ
من شيخ لي شيخ
شكلو سحلب
|
|