ياخ ما ممكن أعرس لي واحدة غلطت معاي ...

مش ممكن أتجوز واحدة غلطت معايا ...

سلام يا جماعة،

العبارة الفوق دي سمعتها في فيلم مصري. لكن وقفت عندها أفكّر. للأسف ده نفس أسلوب التفكير عند كتير من شبابنا ..

طيب ياخي طالما وصلتو المرحلة دي، خليك راجل وتزوجها! يقول ليك لأ، أنا ما ضربتها علي يدها!

وسبحان الله، لمّا الأمور توصل المراحل دي في أغلب الأحيان الإتنين بكرهو بعض؛ لأنو مافي واحد فينا بيحب يشوف قدامو زول بيذكّرو بغلطة عملها. فما بالك بغلطة زي دي ..

لكن طبعاً البت مسكينة مجبورة علي الولد أكتر لأنّو الفضيحة بتكون فضيحتها لو الموضوع إتكشف ..

وبرضو في أغلب الأحيان الولد بيبيعها طوالي ويشوف غيرها!

لكن برضو الغلطة من مجتمعنا البيفتكر إنو البيعملو الراجل قبل الزواج خبرة ليهو، ومالم يكون الراجل سفيه بمعني الكلمة وريحة عمايلو فايحة فمعليش، وده كان طيش شباب!

لكن لو البت غلطت غلطة زي دي، تبقي خلاص؛ مطلوقة وعبر الدنيا كلها فيها! ولو واحد من أصحاب الزول الضيعها فكّر يتزوجها زولنا داك ذاتو أول واحد يقول ليهو ياخي دي كذا وكذا!

كلامي ده ما الهدف منّو إنّي أقول إنّو لمّا البت تغلط فدي بسيطة وعادي؛ ومفروض نعاملها زي ما بنعامل الولد لمّا يغلط ...

لأ

قصدي إننا نعامل الولد البيغلط زي ما بنعامل البت الغلطت. لأنّو لو الولد كان عارف إنّو غلطتو حتتحسب عليهو كان فكّر ألف مرّة قبل ما يعمل أي حاجة ..

ولا رأيكم شنو؟!

بعدين في ناس عندهم مافي فرق بين البت البتخلي ولد يلمس يدها، والبتغلط مع ولد! يعني كلو واحد ..

المشكلة الحقيقية إنّو لو ولد غلط وتاب، كلنا بنرحّب بيهو، ويمكن نزوجو بناتنا كمان. لكن لو بت غلطت فخلاص، إنتهت. بعد ده لو تابت وحجت عديل كده برضو أغلبنا ما ممكن يمشي ناحيتها ...

طبعاً الأصل في الموضوع إننا نمنع الحكاية تصل المراحل دي أصلاً. وفي رأيي إنو لو عاملنا الطرفين نفس المعاملة فده ممكن يدي نتيجة إيجابية.

طيب يا جماعة عشان نكون ناس عمليين، في رأيكم شنو الممكن نعملو نحن كأفراد في حياتنا وتعاملاتنا اليومية عشان نغير تعامل المجتمع مع الموضوع ده ونخلي الغلط للولد زيو وزي الغلط للبت؟

will be back ..

الاخ خالد عثمان
لك التحية

طبعا لا اعرس واحدة غلطت معاى اطلاقا ...

والغلط زاتو انواع واشكال .؟؟.

ومهما كانت الاسباب والاراء فلا يمكن ان اعرسها
وماذا يضمن لى انها ام تغلط مع غيرى ...



لى عودة ...

تسلم

Quote: الاخ خالد عثمان لك التحية طبعا لا اعرس واحدة غلطت معاى اطلاقا ... والغلط زاتو انواع واشكال .؟؟. ومهما كانت الاسباب والاراء فلا يمكن ان اعرسها وماذا يضمن لى انها ام تغلط مع غيرى ... لى عودة ... تسلم

اتمنى انك تكون معرس، عشان ما تكون حفرت لى بورتك بى لسانك!

والبترضى بى واحد "بيغلط" وما "بيعرس" منو؟

والبضمن ليها شنو إنو ما "بيغلط" تانى؟ (الغلط من الراجل بقى مرفوض - كتر خير الإيدذ)

وزى ما قلت "الغلط اشكال وانواع" انا شايفك غلطت غلطة كبيرة جداً








المهم..

سلامات عاصم..
طيب بي نفس منطقك
مفروض مافي واحدي تقبل تتزوجك


الغلط مشترك!
إذا هي غلطت..إنتا شريكها..

Quote: Re: ياخ ما ممكن أعرس لي واحدة غلطت معاي ... x Author: عاصم ابوبكر حامد الاخ خالد عثمان لك التحية طبعا لا اعرس واحدة غلطت معاى اطلاقا ... والغلط زاتو انواع واشكال .؟؟. ومهما كانت الاسباب والاراء فلا يمكن ان اعرسها وماذا يضمن لى انها ام تغلط مع غيرى ... لى عودة ... تسلم

بس الغريبه أنه ممكن جداً تعرس واحدة غلطت مع غيرك ودون أن تدري (مدكس) زي ما الغلط معاها برضه راح تدقس غيرك وتعرسه...!!!!!

معادلة صعبة الحل!!!!!!!!!!!!!!!!!!!!!!!!!!!!

الشايقي

فاوضني بلا زعل

Quote: مش ممكن أتجوز واحدة غلطت معايا ...

Quote: فيلم مصري

Quote: أنا ما ضربتها علي يدها!

Quote: ولا رأيكم شنو؟!

رأيي يا صديقى إنك ما تشوف أفلام مصرية

فهى والمواضيع التى تطرحها فى مجملها لا تفيدنا كثيرا!!


تحياتى

Quote: طبعا لا اعرس واحدة غلطت معاى اطلاقا ...

غايتو دا منطق بتاع رجال (باطلين) عديل كدة ولا يمتلكوا ذرة (رجولة) أو إنسانية.

وبنجى راجعين

وينو (الغلط) في الموضوع ده؟؟؟

الاخ تبارك
لك التحية

Quote: اتمنى انك تكون معرس، عشان ما تكون حفرت لى بورتك بى لسانك! والبترضى بى واحد "بيغلط" وما "بيعرس" منو؟ والبضمن ليها شنو إنو ما "بيغلط" تانى؟ (الغلط من الراجل بقى مرفوض - كتر خير الإيدذ) وزى ما قلت "الغلط اشكال وانواع" انا شايفك غلطت غلطة كبيرة جداً

الحمدلله انا الى الان مامتزوج
لكن يا اخوى انا مقتنع تماما بعمل فى شنو ..
والحمدلله الى الان اخوك برة اللعب ..
يعنى عارف نفسئ كويس شديد ...

اما الايدز بيعرف اسيادوا واصحابه ...

يعنى لو خايف على
ما تشيل هم اطلاقا ..


ومازالت عند راى الغلط اشكال وانواع ...
كدة وضح لينا غلطى شنو ؟؟؟

سلام يا عاصم،

أوّلاً أُحييك علي طرحك رأيك بشجاعة، رغم إنو سهل تتوقّع ردود الفعل عليهو حتكون كيف

لكن بنفس القدر أختلف معاك في الرأي

الواحد لمّا يفكّر بالطريقة دي كأنّو بيبرئ نفسه وبيرمي الخطأ كله علي البت

طيّب

زي ما تبارك وتماضر قالوا، مافي واحدة بتغلط براها. يبقي ليه نسمح لنفسنا بحاجة ونستنكرها علي التانين؟!

نقطة "البيضمن لي شنو إنها ما غلطت مع غيري" دي هي النقطة الأساسية البيذكروها كل الناس العندهم نفس رأيك، أو الفعلاً مرّوا بالموقف ده..

وهم في ده ما بيفرق معاهم إنّو البت دي غلطت بسبب إغواء منهم ولا حبّاً منها في الخطأ

عارف يا عاصم، كلامك ده كان ممكن يكون فيهو منطق أكتر لو كان الموضوع متعلق بالإرتباط بواحدة غلطت قبل كده مثلاً وتابت. لأنو في الحالة دي -مع إنو المفروض التوبة تمسح كل شئ ما دامت صادقة - لكن ما كلنا بنقدر نتناسي حاجة زي دي

لكن كون الواحد يكون شريك أساسي في الخطأ-وفي الغالب بيكون السبب الرئيسي ليهو- وبعد ده يقول ما ممكن أرتبط بواحدة غلطت معاي، ده بصراحة منطق صعب علي أستوعبه!

Quote: والبترضى بى واحد "بيغلط" وما "بيعرس" منو؟

سلام يا تبارك،

عارف دي نقطة أساسية جداً. وللأسف، في ناس في مجتمعنا ما بيشوفو حاجة في غلط الراجل قبل الزواج، وبيعتبروهو طيش شباب وإنتهي. وفي بنات ما بيفرق معاها كتير؛ طالما إنو الراجل إنصلح وساب الكان بيعمل فيهو (علي الأقل الآن!). خاصة في أزمة الزواج الكلنا عارفينها

لكن برضو زي ما قلت، موضوع الأيدز ده خلي بعض الناس تعيد نظر في الموضوع ..

ورب ضارة نافعة!

Quote: طيب بي نفس منطقك مفروض مافي واحدي تقبل تتزوجك

سلام يا تماضر،

ده بالضبط النحن عايزين نصل ليهو: إنّو تعاملنا كمجتمع مع غلط الراجل يكون زي تعاملنا مع غلط البت

أكيد لو ده حصل الظواهر السلبية دي حتقل كتير، لأنو الولد حيفكّر ألف مرّة قبل ما يعمل حاجة زي دي.

لكن حالياً لو إتناقشت معاهم في الموضوع يقولو ليك الراجل ما بيحمل!

Quote: رأيي يا صديقى إنك ما تشوف أفلام مصرية فهى والمواضيع التى تطرحها فى مجملها لا تفيدنا كثيرا!!

سلام يا أيمن،

أختلف معاك في النقطة دي

نقاط الشبه كتيرة بين المجتمعين المصري والسوداني. ويكاد يكون أقرب مجتمع لينا. وكتير من الحاجات الكنّا بنشوفها في الأفلام والمسلسلات المصرية بقت للأسف واقع في السودان ..

وأبسط مثل الزواج العرفي

طبعاً في أفلام بتطرح مواضيع الحمد لله ما عندنا، لكن في كتير من المواضيع البتُطرح بتلقاها عندنا

ببساطة لأنو طريقة التفكير في المجتمعات الشرقية متشابهة في حاجات كتيرة

والموضوع المطروح المرّة دي ما بس جا من الفيلم المصري ..

سبق لي إنّي قابلت وإتناقشت مع شباب سودانيين عندهم نفس وجهة النظر. وللأسف هي وجهة نظر منتشرة في المجتمع ...

لكن في النهاية إختلاف الرأي لا يفسد للود قضية زي ما بيقولو ..

Quote: وينو (الغلط) في الموضوع ده؟؟؟

سلام يا عمر التوم،

ممكن لو سمحت توضح ردّك أكتر شويّة؟

الفهمتو إنّو رأيك إنّو مافي غلط في إنّو الواحد ما يعرّس واحدة غلطت معاهو ...

هل يا تري ده فعلاً قصدك؟

أكتر حاجة مؤلمة في الموضوع ده إنّو في كتير من الحالات الولد بيكون هو السبب في الغلط الحصل ..

يعني يقعد يضغط علي البت ويغوي فيها ويشبكها إنت ما بتحبيني ويعني ما بتثقي فيني، إلي آخر الأسطوانة المشروخة إياها، لحد ما البت تضعف قدامو، وشويّة شويّة الفاس تقع في الراس ..

وبعد ما ياخد الكان عايزو منها، طوّالي يصنفها منحلّة ويفكها عكس الهوا ويمشي يفتش غيرها ..

حتي لو كانت دي الغلطة الوحيدة الغلطتها في حياتها ..

وحتي لو كان هو السبب الرئيسي والوحيد في غلطها ..

والنوعية دي لمّا تفكر تتزوج بتمشي تختار بالطريقة التقليدية. يعني يرشحو ليهو بت ناس فلان المضمونة (أو يختارها بنفسه)، لأنّو ماعندو ثقة في البنات التانية ..

يا بنات فوقو وأعملو حسابكم شديد ..

نادراً ما تلقو راجل راجل، لو غلط معاكم طوالي يمشي يتقدّم لأهلكم ..

وفي النهاية الندم كلو بيقع علي راسكم لوحدكم ..

وما تفتكرو إنّو الكلام ده بس لو العلاقة وصلت مراحل بعيدة ..

في الغالب أصحاب الرأي ده عندهم مسكة اليد والغلط بمعناهو الكامل واحد؛ والبتعمل ده ممكن تعمل داك ..

الحبيب خالد ..

دي اول زيارة لي في بوست خاص بك ...


موضوع جدير بالنقاش....

و انا جبت الكرسي و قاعد متابع ..

ولك من الود زوادة عام ...

ولي قدام ...



شغل نضيف ...

Quote: غايتو دا منطق بتاع رجال (باطلين) عديل كدة ولا يمتلكوا ذرة (رجولة) أو إنسانية. وبنجى راجعين

سلام يا الصادق،

أتفق معاك في إستهجانك للموقف تماماً ...

بس لو سمحت لي، عندي رأي في طريقة مخاطبتنا وتعاملنا مع الناس البيفكّروا كده. لازم نحافظ علي شعرة معاوية بيننا وبينهم عشان نقدر نناقشهم ونوضّح ليهم ليه بنفتكر إنّو ده ظلم بيّن. لأننا لو ما عملنا كده ما حيسمعوا نحن بنقول في شنو أصلاً

يعني نفرّق بين الرأيو كده، وديل ممكن يقتنعوا إنو ده رأي خاطئ، وبين الفعلاً عملوا وبيعملوا كده، والهم فعلاً بيستاهلوا الإحتقار (مالم يتوبوا ويكفّروا عن العملوهو طبعاً)

ولا رأيك شنو؟

وفي إنتظار رجعتك ..

سلام يا سوباجو،

ياخي شرّفت عديل كده، وأنا سعيد جداً بمشاركتك

لكن ما عايزينك تكون متابع وبس ..

لأ

عايزينك تكون شريك أصيل في النقاش

وأنا متأكّد إنّو مشاركتك حتفيدو وتثريهو؛ لأنّو البيحصل ده وعمايل وائل واااااحد ...

مش كده؟

يلا يدّك معانا ..

وخلّي البيت بيتك ...

لسّه نحن يا جماعة عايزين نفكّر مع بعض كيف ممكن نغير نظرة مجتمعنا لموضوع غلطة الولد، وبالتالي نقلل من فرص حصول غلطات زي دي ..

شخصياً لا أثق إطلاقاً في واحد عمل غلطة مع بت وخلاها لوحدها كأنّو ما عمل حاجة. يعني ما ممكن أزوجو بنتي أو أُختي. ولو إتقدّم لناس بعرفهم وإستشاروني عديل بقول ليهم ما تدّوهو

يعني لازم البيعمل كده يحس إنّو مُحتقر من المجتمع ...

إنّو ملوّث وما فيهو ذرّة من الرجولة

بعدين شنو الضمان إنّو ما يتخلّي عن المسكينة الحتتزوجو دي عند أوّل أزمة - زي ما زمان إتخلّي عن واحدة يمكن كل ذنبها إنّها حبتو ووثقت فيهو ..

طبعاً لحد هنا الكلام هنا عن البيعمل كده فعلاً ..

لكن حقّو البيفتكر إنّو ده حيكون تصرفو لو لقي نفسو في الموقف ده يراجع نفسو ..

لأنّو ده ظلم، وربّنا سبحانه وتعالي ما بيرضي بالظلم لعباده

والأيام حتدور وتلقي نفسك في نفس الموقف

لكن بدل ما تكون الزول العمل عملتو وقام جاري

ممكن المرّة دي تكون أب

أو أخ

صدّقني كلو سلف ودين

مرّة كنت راكب حافلة مواصلات وكان السوّاق مشغل شريط ديني. وكان فيهو نفس الموضوع ...

واحد زنا مع بت جيرانهم، ولمّا أبوها جاهو عشان يلم الموضوع قال ليهو أنا ما لي دعوة، شوفو بتّكم جابتو من وين!

بيحكي الشيخ قال إنّو تمر الأيام ويتزوج الزول ده، ويكتشف ليلة الدخلة إنّو زوجته غير عذراء! ولمّا إشتكي لواحد من الشيوخ، قال ليهو شوف عملت شنو قبل كده! فيعرف صاحبنا إنّو ده وقت دفع التمن

بعدين مرّة يجي راجع البيت يلاقي الدنيا مقلوبة؛ يسأل يقولو ليهو إنّو في واحد إغتصب أُختك!

ومرّة تانية يرجع برضو يلقي الدنيا مقلوبة؛ ولمّا يسأل يكتشف إنّو ود جيرانو زنا مع بنتو. يجيب الولد عشا ن يلم الموضوع، الولد يقول ليهو وأنا مالي، شوفو بتّكم جابتو من وين!

العهدة في صحّة القصّة علي راويها

لكن ما بالضرورة إنها تحصل بكل التفاصيل دي لكل واحد بيعمل كده

وحتّي لو إفترضنا إنها ما واقعية ١٠٠٪

تفتكرو إنّو ربنا سبحانه وتعالي حيسيب واحد ظلم بت الظلم ده كلّو؟

طبعاً رحمة ربنا سبحانه وتعالي واسعة

لكن العلماء بيقولو إنّو الذنوب في حق الله التوبة منها أسهل من الذنوب في حق العباد

لأنو في الحالة التانية شرط أساسي من شروط التوبة إنّك ترجع المظالم لأهلها

تقدر تقول لي حتعمل كده كيف في حالة زي دي؟!

يا شباب فكّرو مليون مرة قبل ما تتصرفو تصرف زي ده

لأنّو غلطة زي دي ممكن تضيع عليك دنيتك وآخرتك

ويا الناوي تتصرّف كده

إنت حاسبها غلط

عيد حساباتك قبل ما يفوت الأوان ...

الفاضل خالد عثمان جعفر
محزن يا خالد ان نرى اننا يجب ان نتناقش في مواضيع انبح بيها صوتنا منذ قرابة ال 20 سنه.
وللاسف نجد محتمعاتنا واقفه محلك سر.
لاحظ اولا من ناحيه دينيه ساوة الله في العقوبه لكل الاكراف ان كانوا رجال او نساء.
وذلك لعلم الله بطبيعة الغرائز,لكن تجد العادات و التقاليد هي التي لم تساوي بينهم.
ما كنا نحذر منه منذ قرابة ال 20 سنه لما كنا طلبه في الجامعات,هاهو يتضح في مجتمعانا
السوداني وعثراته الاجتماعيه و الصحيه الاخيره,من انحلال اخلاقي لتفشي الايدز لغيره.
اولا,المجتمع الذي يطلق الولد ويمسك البنت هو الذي نشر بقيمه المختله هذه الايدز.
لانه هذا كان ماهو واقع في بلادنا.
ولي عوده.

تراجى يها

اسرائيل كيف؟

Quote: اسرائيل كيف؟

بتسلم عليك يا تبارك

سلام يا تراجي،

كلامك صحيح إنّو ربّنا سبحانه وتعالي بعدالته المطلقة ساوي بين الرجل والمرأة في عقوبة الزنا

لكن للأسف بعضنا بينسي ده، وبيفتكر إنّو طالما المجتمع ما بيحاسبو يبقي يعمل الهو عايزو

بعدين عارفة إنّو في ناس كتير بتنادي بحاجات لكن لمّا يبقو في موقف يسمح ليهم بتطبيقها ما بينفّذوها (وطبعاً الكلام هنا عام، وما قاصد شخص معين) ..

يعني مثلاً تلقيهم رجال ونسوان من أشد المعارضين لقضية زي ختان البنات. ولمّا يتزوجو تلقيهم خاتنين بناتهم! ولو إستغربتي يقولو ليك والله حبوبتها أصرت!

وبرضو في موضوعنا ده

المرأة تلقيها عانت ما عانت من إزدواجية تعامل المجتمع معاها؛ ولمّا تتزوج تلقيها هي نفسها بتفرّق في المعاملة بين الولد والبت. ولو سألتي تقول ليك البت بت مهما كانت!والرجل نفس الشئ طبعاً، لكن قصدت أذكر المرأة لأنها عانت مباشرة من الموضوع ده

علي كلٍ في إنتظار عودتك ..

الاخ تماضر
لكى التحية


اولا انا اتفق معاكى ..
ايش يضمن انها لا تغلط مرة اخرى ...؟؟

Quote: سلامات عاصم.. طيب بي نفس منطقك مفروض مافي واحدي تقبل تتزوجك الغلط مشترك! إذا هي غلطت..إنتا شريكها..

نعم يمكن ان يكون الغلط مشترك
لكن من يتضرر اكثر
والمجمع يحاسب من بالتحديد ...
اختى المجتمع لا يعترف بخطا الرجل بل يعتبر انه راجل
اما المراة عندما تضيع شرفها ان نجد لها شرف بديل ..؟؟

تسلمى

سلامات عاصم..
مساء الخير..

Quote: ايش يضمن انها لا تغلط مرة اخرى ...؟؟

نفس البضمنها إنك..ماتغلط تاني!


المجتمع ياعاصم..هوَّ ..إنتا..وأنا..
يعني لو عدلنا في أحكامنا بتتوازن الكفتين..

كل الود..

الاخت تماضر
لكى التحية مجددا...

Quote: نفس البضمنها إنك..ماتغلط تاني!

يا سيدتى
انا معكى فى شئ واحد ...
ان الغلط كبير ...

ولكن ايش اليضمن انها لم تفعله مع غيرى ؟؟


الشئ الثانى انا اذا غلط فبتاكيد غلطى لا يظهر عندها
ولكن يمكن ا احسب نفسئ ..

ولكن هى غلطها واضح ويظهر ف اول يوم لى معها بعد عقد الزوجية ...
وققتها تكون فقدت كل عزريتها..


اتفق معكى المجتمع انا وانتى ..
ولكن لكل منا فهمه والتقاليد تجبرنا احيانا ..


تسلمى

Quote: ولكن ايش اليضمن انها لم تفعله مع غيرى ؟؟

انا شخصيا بضمن ليك اكتر من تمانين فى المية إنو زوجة المستقبل "فعلته" مع غيرك (بحساب ان لديها اعضاء تناسلية طبيعية واحساس جنسى طبيعى وأن الزواج بعد البلوغ وليس قبله)

انا داير اعرف: انت البضمن ليك العشرين فى المية الباقية شنو؛ وبتحقق بيها شنو بالضبط؟




عترة:
جاوب على أساس إنو النسب المذكورة أعلاه خاطئة (وذلك بسبب تأكدى من خطأها) المهم تجاوب!

طالما القصة شك ووسواس
خليك ماشي في نفس الخط
اضمن تعرس واحدي حبتك وغلطت معاك
بدل تاخد واحدي مابتعرف حبت مين قبلك وغلطت مع مين
ولا كيف؟؟
الكلام الفوق ده بناءً على الشكوك بتاعتك فلا تحسبه رؤية شخصية!

إنتو الناس القالو بيجو تاني ديل مشو وين؟!

وللموضوع بقيّة ...

الأخ خالد، شكرا على الموضوع المهم والحيوي، والقوي...

اهم ما وضح لي هنا، إنه المشكلة دينية/أخلاقية...الغلط لا يُعرّف من خلال نتائجه، الغلط هو غلط في حد ذاته، سواء من الرجل او من المرأة... ولما حسابات الناس في الاتجاه ده تتغير في حاجات كتيرة في حياتنا حتتغير...

أذكر ان أبي قال لاخي الأصغر مني، لما دخل الجامعة.. بنات الناس خلي بالك منهم واحترمهم وصونهم، واتذكر انه عندك اخت في البيت... وكان انت عملت شي يغضب الله، اخت حتتعرض لنفس الشي...

حس تحمّل المسؤولية شي الانسان بتربى عليه.. صعب تحاول تقنع بيه من تربى على مبدأ مدارات الاخطاء... حاجات صغيرة جداً ممكن تعلم السلوك الصحيح من السلوك الخطأ.. أديك مثال اتذكرته الان.. لما كنت في المدرسة، وكان يكون عندي امتحان وما اقرا ليه... كنت طبيعي بجيب درجات سيئة.. مرات كنت بقول احسن ادس الورقة بتاعت النتيجة عشان ما اسمع كلام كعب من ابوي او امي.. الشي البحصل كان انه بعد كم يوم امي بتكتشف مكان الورقة.. وكان وقتها العقاب بكون على الدس، موش على الدرجة... العقاب على الكذب، موش على الغلطه الاساسية... وبكون اكبر بكتير من العقاب الكان ممكن آخده لو جبته الورقة من البداية...

تحياتي

بنت الحسين

سلام يا مريم،

رمضان كريم، وآسف جداً علي التأخير في الرد ..

مشكلتنا فعلاً زي ما قلتي إنّو في غلط المجتمع بيقبلو من الرجل لكن ما بيقبلو من المرأة. ولازم جيلنا والأجيال البعدنا تغيّر الحاجة دي ...

كلام الوالد لأخيك عين العقل؛ وفعلاً لو الناس البتعمل كده فكّرت إنّو ده ممكن يحصل لأخواتهم أو بنات عمهم أو بنات خيلانهم كان بقي عندهم رأي تاني. لكن للأسف؛ لمّا واحد يعمل كده بتكون عندو قناعة إنّو الحاجات دي بتحصل بس للناس التانين وإنّو أختو وبنات أسرته لا يمكن يعملو كده أو يكونو زي ديل!

المثل الضربتيهو واقعي جداً وبيوضّح كيف إنّنا ممكن بدون قصد نربي أولادنا علي مداراة أخطاء عملوها بأخطاء أكبر. وبالمقابل ممكن نربّي فيهم شجاعة الإعتراف بالخطأ زي ما الوالد والوالدة كانو بيعملو معاك ...

أها يا جماعة،

خلونا نواصل في النقاش البديناهو

وين الناس القالو بيجو راجعين يقولو رأيهم؟

مستنّينكم يا جماعة!

Quote: مش ممكن أتجوز واحدة غلطت معايا ...

دا سؤال موضوعي جدا .. بس اعتقد ان السبب هو الموروث الخاطيء وانانية الرجل ، فالرجل قد اباح لنفسه ما حرمه على المرأة رغم ان الدين لا يسامح سوا الرجل او المرأة في مثل هكذا اخطاء ، ولكن الرجل .. جعل من خطأه امرا مقبولا .. ومرفوضا تماما بالنسبة للمرأة بحجة ان شرف المرأة كعود الكبريت .. !!


الاخ خالد ،،

لاول مرة اشعر بان هناك فكرة تتطابق تماما مع افكاري ، في الترتيب والتنظيم في الوضوح والرؤية !!



حقيقة اخي الموضوع دا شائك جدا والجدل فيه كبير ، بس هناك اشياء واضحة في مجمل هذا الامر وهو ان الرجل يمارس الكذب على نفسه ويعتقد بأنه سليم التفكير خاصة فيما يتعلق بهذه المسائل ، فالرجل يمراس التفكير دوما وعقله مكبل بمعتقدات قديمة جدا وبالية ، ورثها منذ نعومة اظافره من ابوه وجده . ترسخت في ذهنه قناعات لم يكلف نفسه عناء الوقوف عندها او التفكير فيها ، فاصبحت كل الاشياء التي تتعلق بالمرأة وحياتها من المسلمات بالنسبة للرجل .

ولكن لو امعنا النظر في الحياة المشتركة للرجل نجد ان الرجل يخدع نفسه ، ويكذب عليها ان اعتقد بانه يمكنه ارتكاب الاخطاء ويعمل ما بدا له ، ولكنه حين يتزوج سيختار فتاة شريفة عفيفة نضيفة !!

انا اسخر من هذا التفكير ، واسخر من كون الرجل يعتقد بانه ذكي جدا ،فالمرء حين يخطيء يخرج عن رحمة الله ، فكيف سيهبه الله امراة شريفة لم تخطيء ابدا وبنت بنوت وهو زنا فيما سبق ..

والاية الكريمة واضحة (( الزَّانِي لَا يَنْكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ) - سورة النور

ومعنى الاية هو :
أن الزاني لا يقدم على نكاحه من النساء, إلا أنثى زانية, تناسب حالُه حالَها, أو مشركةٌ بالله, لا تؤمن ببعث ولا جزاء, ولا تلتزم أمر الله. والزانية كذلك, لا ينكحها إلا زان أو مشرك (وَحُرِّمَ ذَلِكَ عَلَى الْمُؤْمِنِينَ) أي: حرم عليهم أن يُنْكِحوا زانيا, أو يَنْكِحوا زانية.

أن من اتصف بالزنا, من رجل أو امرأة , ولم يتب من ذلك , فإن هذا النكاح زنا, وهذه الاية تعني ان الرجل الزاني ان تزوج دون توبة فلن يتزوج غير زانية مثله وكذلك المراة الزانية ان لم تتب .

والله العادل لا يقبل الظلم كما اسلفت اخي خالد !!

فالخطأ مشترك والعقاب واحد فلماذا يفكر حينئذ ان الرجل ما عليه حاجة وان المرأة ساقطة، ودائما تقع اللائمة عليها وحدها. لذا اصبحن النساء يلجئن الى الخديعة مستفيدين بالغباء الوراثي للرجل.

فهل كل رجل زاني تزوج كانت زوجته شريفة ؟ ولم تخطيء ابدا ؟

وهل كل زوج زاني استطاع ان يكتشف حقا .. عفة زوجته ؟؟

فلو اعتقد ذلك فهو خاطيء تماما.



صدقا ساعود ...

Quote: زولنا داك ذاتو أول واحد يقول ليهو ياخي دي كذا وكذا!

هذه أسوأ من الغلطة .... وأكبر جرم على وجه الأرض...

موضوع يوجع بالجد

في بنات حياتهم انتهت واتدمرت بسبب ابن حرام قضى منها ونساها في دقائق.


التغيير في مجتمعنا صعب. المفاهيم متحجرة

الاخ خالد
رمضان كريم وتقيل الله الصيام والقيام

ياأخي الموضوع محسوم من الناحية الشرعية
ولكن من خلال و تحت مظلة العرف و القيم الاجتماعية
لماذا لا نقول ان السؤال يكون
ولد و بنت غلطوا مع بعض اي بالعربي انهم لهم علاقة معرفة , صداقة , ريدة من هذا النمط
و تطور الموضوع الي ممارسة الجنس خراج مؤسسة الزواج هل يكون هذا سبب كافي ان تنقطع العلاقة
وخلاص ؟؟؟؟؟

اذا كان هذا هو الموقف فلماذا لا تتجوزها فأنتم شركاء منذ البداية

اما اذا كان الموضوع استدراج لها بحلو الحديث و الوعد بالارتباط وغيره فهذا خارج السؤال
ولن يكون الموضوع في هذه الحالة غلط مشترك بل هو شئ اقرب الي الاغتصاب منه الي اي جريمة ثانية
اي ان توعد بنت بالزواج او تخدعها بالحب وغيره لتنالها وبعد ذلك تتدعي انها غلطت معالك و تزوق
فهذا هو الاغتصاب بعينه مع سبق الاصرار و الترصد .

انا في رأي يكون السؤال الجدير بالمناقشة هو :-
هل تقبل تتزوج واحدة اعترفت لك بأن هنالك رجل في حياتها قبل ان تعرفك ؟؟

Quote: انا في رأي يكون السؤال الجدير بالمناقشة هو :- هل تقبل تتزوج واحدة اعترفت لك بأن هنالك رجل في حياتها قبل ان تعرفك ؟؟

الاخ عثمان

وجهة نظرك منطقية جدا وحقيقة ان المشكلة ليست فقط في كون الرجل السوداني يفر من المراة التي مارست معه الجنس بحجة انها قد تكون قد مارست مع غيره وغيره .. فالمشكلة هل يسامح الرجل امراة لو اعترفت له بانها فعلت ذلك ، فهل سيقبل الزواج بها ؟؟

اكيد لن يفعل ونادرا ما يحدث ذلك في مجتمعنا هذا ..

والرجل لا يقبل ان يتزوج بامراة سبق لها معرفة رجال قبله، فهو لا يضع اي اعتبار لاخلاق المراة التي امامه ولا تربيتهاولا تنشئتها متناسيا تماما انها انسان مثلها مثله واي انسان غير معصوم من الخطأ .. فلماذا لا يسامحها ؟؟

وتردد الرجل في مسامحة المرأة هو المعتقدات الخاطئة تجاه عفة وشرف المراة ، وقد يعتقد ان المرأة سوف تحتقره لو سامحها .. فهناك رجل يقتل بسبب الشرف .. ودماء تسفك .. فكيف يسامحها ..؟؟

وربما تشكك في رجولته ،، ونخوته !!

والرجل للاسف الشديد يفكر في معظم الاحوال بسذاجة كبيرة جدا ، ولا يتمكن من توسيع افق تفكيره .

قرات ذات يوم قصة شاب سوادني سافر الى اوروبا وتزوج هناك من فتاة اجنبية تدعى وكان يعرف سابقا انها عرفت الكثيرون قبله ، فتزوجها وكان مقتنعا تماما بذلك الوضع ، فشاءت الاقدار ان تتوفي زوجته تلك فعاد السودان وخطب فتاة اخرى وتزوجها ولكنها ليلة الدخلة اعترفت له بانها عرفت رجل قبله ، اعترفت له بذلك لانها كانت لا تنوى خداعه وان يبدأ حياة اساسها الصدق !!

حاول جاهدا ان يقبل ، ان يقتنع بذلك كما فعل مع زوجته الاجنبية ولكنه لم يستطيع فلكما هما بنسيان الامر ، راى وجه ابوه وعمه وخاله وكل رجال قبيلته !!

كلما حاول تقبل الامر .. شعر بانه ليس رجلا !!

وهذا بالضبط ما يحصل لكل شاب لان مكبل ومقيد بافكار قديمة ، ولكنه لو صارع تلك المعتقدات لاستطاع ان ينظر للامر بزاوية اخرى !

هي اعترفت ، وهذه شجاعة كبيرة لا تفعلها الا امراة تثق بنفسها تماما ـ امراة صادقة ولن تخون زوجها مطلقا طالما هي اعترفت له بشيء في ماضيها وكان بامكانها الكذب عليها كما تفعل نساء اخريات .

فكم من النساء قد خدعن ازواجهن .. وكم من النساء عرفن اكثر من رجل ومن ثم تزوجن كان شيئا لم يكن !

فلما لا يقبل الرجل ان يسامحها في حين ان المرأة تسامحه دون تردد .. !!

وانا اعتقد ان مسامحة المرأة للرجل هي التي قد جعلته يتمادى ويتمادى .. فلو تشددت المراة في مسألة مسامحة الرجل لعمل لذلك الف حساب .. !!

سمرية
سلامات

موضوع الزواج بإمرأة سبق لها العلاقة موضوع
لا يمكن رصد فهم واحد له .
عام 2007 تزوج اثنان من اصدقائي هنا في ابوظبي
من إمرأتين كان سبق لهم الزواج ولقد عشت المعاناه التي لقياها مع امهاتهم بالذات
من نقاش بالتلفون بالساعات و اخيرا شروط تعجيزية
وهذه حالة مرتبطة بفهم الشخص لشريكة الحياة التي يريدها فعندما يجدها سوف تزيد الجوانب الموجبة
علي الجوانب السالبة.
الزواج من المطلقة هو زواج من إمرأة ذات ماضي مع رجل اخر معلن و دائما يكون هنالك شبه اعتراض
من اسرة الرجل و خاصة اذا لم بسيق له الزواج مثل حالة اصدقائي

ما اريد ان اقوله اذا ما كان الرجل جاد في الزواج واختار امرأة لعيش مشترك وعمر
فمئل هذه الاشياء لن تكون معوق وخاصة هذا سوف يكون بينه وبينها ولكن اذا ما دخل في موضوع التحقيق في علاقتها السابقة و اراد معرفة تفاصيلها
عليها ان تعتزر له لن تدوم هذه الزيجة ابدا

المراد صعب جدا ان نصل لحكم عام حول الموضوع
لان موضوع الزواج عملية تتداخل فيها كثير من الاعراف والقوانين و القيم والتقاليد

وسلام

شوف يا ابو الشباب
ربنا عز وجل قال: (الزاني لا ينكح إلا زانية أو مشركة والزانية لا ينكحها إلا زان أو مشرك )
البعرفو انه ربنا دا ما بيقول كلام ساكت وكلام ربنا كله صدق ما دام قاله هو لانه هو رب العباد والادري بما خلق
لذا يا صديقي اذا كنت غلط مع واحدة فانت زاني ولما تجي تعرس وانت زاني لو زغت من الغلط معاها حتقع في واحدة تانية
زايغين منها لانه المعادلة ببساطة الزاني لا ينكح الا زانية
والتائب من الذنب كمن لا ذنب له
والله اعلم

ــــــــ

التعديل لتغير حرف الزين الي الذال

Quote: والتائب من الزنب كمن لا زنب له

والتائب من الذنب كمن لا ذنب له
..

قال رسول الله : « التائب من الذنب كمن لا ذنب له » [رواه ابن ماجة والطبراني].

الإخوة الأعزاء سمرية، عثمان محمّدين، فدوي، عثمان رغيم وأساسي،

رمضان كريم ..

جاي راجع لمداخلاتكم واحدة واحدة إن شاء الله ...

*

الاخ خالد عثمان

لك التحية

فى عجالة ودون وعد بالعودة ثانية اقول لك ان الرجال حايمشوا النار ....

وأهديك اغنية للفنان كابلى اسمها براق العيون ....

Quote: مش ممكن أتجوز واحدة غلطت معايا ...

انت شفت صاحبك طوالي فتش في غلطتها وتجاوز غلطه هو

كان يقول

ما ممكن اتجوز لي واحده غلط معاها

او حتى ما ممكن اتجوز لي واحده غلطنا مع بعض


ياخ ده على مستوى الفظ اتبراء من الغلط ولبسوا ليها براها
فهل منو رجاء تاني

والله يا وليد ليك وحشة (تبارى فى الألفاظ والمعانى!)

بالله ما جيت عرسى ليه (انا هسى قاعد أ.... مع واحدة اتزوجتها!!) الغريبة امريكا دى ما ادتنا فرصة نـ..... معاها قبل الزواج!

انت قاعد تـ..... مع منو اليومين ديل، لأنو انا لسة فى السودان!

"وكل واحد يخلّى بالو من لغاليغو"





__________________________________________

الرأى بإنو خداع البنات ضرب من ضروب الإغتصاب دة راى جاد ومحترم!
بس المشكلة انو المجتمع ما بيحكّم الجدية والإحترام دايماً
غالباً بيحكّم مثالية الهوس الدينى، أو مثالية النفاق الإجتماعى، أو المصالح والرغبات والشهوات، ومؤخراً بقى بيحكّم الدعايات والمسلسلات والأغانى (نانسى عجام) وأراء سواقين الركشات (زى ما قال التكرونى=
التكرونى قالوا ليو النسوان الكعبات ديل ما بلدن؟
قال ليهم: وسواقين ركشات دى، جنى منو؟)

وخالد انشالله غلطتك وقعت ليك، وربنا يلمك على بت الحلال!



المهم!

سلام يا جماعة،

لسّه الموضوع ده فيهو بقيّة نقاش

وإن شاء الله حيكون مستمر في المنبر الجديد لأهميته ...

تبارك تتبارك انت ياخ

والله ما لقيت الرد ده الا هسع

انشاء الله تكون قاعد في السودان لحدي هسع وبتلعب في احيييي على قول عادل امام

اهاهاهاهاهاهاهاهاهاهاها


قلت شنو ما جيت العرس
دي مكنتك يا معلم
ياخ انت وكت عاوز تزحلقني ما كان تعزمني بدل ما تديني تلفون
غير موجود في سجلاتنا

او كما قالت بت موبيتل

الف الف مبروك وبيت مال وابروف

بت الحسين ، سلام وتحايا وان شاء الله انتي وأسرتك بخير،

Quote: أذكر ان أبي قال لاخي الأصغر مني، لما دخل الجامعة.. بنات الناس خلي بالك منهم واحترمهم وصونهم، واتذكر انه عندك اخت في البيت... وكان انت عملت شي يغضب الله، اخت حتتعرض لنفس الشي...

نفس الكلام قلتو لأخي الاصغر وهو ماشي يدرس برة البلد، الغريبة بنفتكر أنو جوة البلد الزول ما محتاج نصيحة! وهو أحوج ليها جوة من برة...

خلاصتو، الزنا دين، والطيبات للطيبين...

التحية للأخ خالد صاحب البوست والطرح الجميل...

وكده!

أنور

Quote: اما الايدز بيعرف اسيادوا واصحابه ...

غايتو يا عاصم ..ربنا يهديك

عارف منطقك ده هو سبب انتشار الايدز فى السودان.

الاخ خالد تحياتي
رغم طرحك للموضوع من فتره طويله الا انني لاهميته اعيد الرد عليه
الموضوع به شقين اثنين :
الاول :الاسره والتربيه الصحيحه للبنت والولد
الثاني : البحث عن الغلطه فان كانت بنت لم يسبق لها التجربه ولم تكن عابثه
وانني من اغويتها ولعبت علي حبالها حتي اقنعتها بهذا الامر ووعدتها بالزواج
ففي هذه الحاله ورغم تفاهة الطرفين الا ان من الاخلاق والمرؤة ان يتزوجها

وتحياتي

الاخ بكري ابو بكر

مدير موقع سودانبز اونلاين المحترم

صوت من لا صوت له .... وطن من لا وطن له

تحية طيبة .

انا عمار نجم الدين حسين جلك الناطق الرسمي باسم الحركة الشعبية لتحرير السودان بالعاصمة القومية

انا اشكرك شكرا جزيل على وقفتكم المشرفة والقوية معي والتي ساهمت في اطلاق سراحي من معتقلات النظام الحاكم .

انا واسرتي ما زلت معرضا للخطر لانني بعد انا خرجت من السجن ادليت بعدة تصريحات في الصحف السودانية وسودانيزاون لاين وراديو مرايا التابع لبعثة الامم المتحده في السودان وتحدثت فيه عن المعتقل عن تعذيب المعتقلين ووجود معتقلين اجانب في المعتقلات ومعتقلين اخرين بلغوا من فترة الاعتقال 48 شهر واخرين 36 شهر ولكني لم استطع في السابق ان افصل بصورة دقيقة وذلك لوجودي في قبضة النظام وقد تم اغرائي في البداية بعد خروجي لكي لا ادلي بتصريحات لكنني لم ارفضت فقام جهاز الامن الوطني بمحاولة اغتيالي بواسطة بعض افراده يوم 6

/فبراير/2008 م اي بعد13 يوم من اطلاق سراحي مما جعلني اختفي عن الانظار لفترة الشهر الماضي وقيادة الحركة الشعبية على علم بالتفاصيل وكذلك المحامي الخاص بي الدكتور / نبيل اديب عبدالله الذي سمع في مكتبه احدى حوارت ضابط جهاز الامن النقيب معاوية الكامل وهو يقوم بالاعتراف بالتعذيب الذي تم لي بعد ان استدرجته وكنت فاتح مكبر الصوت الخاص بالموبايل .

المهم الاخ بكري اريد ان اقوم بنشر ما يدور في المعتقلات عبرموقعكم وما حدث لي من تعذيب وخاصة وانا موجود الان في مأمن تام من قبضة جهاز الامن الوطني والمخابرات لعل ذلك يساهم في اغلاق هذه المعتقلات واخراج اكثر من 200 معتقل موجودين في سجون جهاز الامن فالجهاز مازال يمتلك بيوت اشباح واماكن تعذيب ويوجد معتقلين اصيبوا بالجنون جراء التعذيب وهم كانوا موجودون معي في المعتقل واخرين اصبحوا عاجزين ( اصيبوا بالشلل ) من التعذيب وعندي ايضا ادلة قوية على دعم النظام للمعارضة التشادية ومع النظام طرف دولي اخر ( دولة حليفة للمؤتمر الوطني ) انا متأكد تماما لا احد يعرف ذلك والا انا والنظام والمعارضة التشادية وقيادة الحركة الشعبية )

*** الاخ بكري ابو بكر لقد طلب مني ان اقوم باغتصاب ياسر عرمان والرفيق مالك عقار بعد ان يسكروا تماما ( مثلما طلب مني ) وهذه النقطه هامة للغاية واقوم بتصوير الاغتصاب واسلم التصوير للجهاز الامن الوطني والمخابرات. .

كل ذلك قليل من كثير .

اخي بكري ابو بكر انا امتلك كثير من الادلة والغرائن والاسماء والاماكن على ما سأدلي به من حديث لايمكن ان ينشرالا في سودانيز اون لاين وسودانايل فارجو ان تقوم بمساعدتي للنشر ما اعرفه وما حدث لي في الموقع بصورة اعلامية ودعائية جيدة بحيث يصل ما سوف اكتبه لاكبر عدد من السودانيين والمنظمات الدولية والمهتمين بحقوق الانسان .

الاخ بكري انا الان رافع قضية في المحكمة الدستورية لالغاء المواد الخاصة بالاعتقال من قبل جهاز الامن وقمت بتوكيل احد القيادات في الحركة الشعبية للمتابعة القضية لانني الان انا مختفي بعد محاولة اغتيالي في اخر بداية شهر فبراير .

اذا وافقت على طلبي ذلك انا سوف ابداء بالكتابة منذ اليوم ونبدأ مباشرة في التوثيق والنشر

وارجو ايضا بعد ان ترد على خطابي هذا اذا كان بالايجاب ان تنشر في الصفحة الرئيسية انه سوف نبدأ بنشر حقائق مهمة حوال الاعتقال والتعذيب والمعتقلين والى اخره .

الاخ بكري لقد تم اطلاق سراحي في اجتماع كان بحضور بعض قيادة الحركة الشعبية والمؤتمر الوطني وهذا يحدث لاول مره مع معتقل في الفترة الماضية وما دار في الاجتماع هو مهم للغاية .

الاخ بكري ايضا ارجو ان تساعدني في اتصل بالبي بي سي واذاعة راديو فرنسا الدولية ااذاعة صوت واشنطون يوجد اخوة اخرون لهم مساعي لا خراج تلك المعلومات للعالم وخاصة انا جزء من النظام للاسف يعني ما سوف ادلي به سوف يكون له اثر جيد اعلاميا .

عمار نجم الدين حسين

السكرتير الاعلامي والناطق الرسمي باسم الحركة الشعبية لتحرير السودان

العاصمة القومية

ياسلام عليك يا خالد ،، الموضوع هسااااااااااااااااس شديد

المسالة كبيرة وفيها ابعاد اجتماعية متشابكة ،، انا جاياك بمزااااااااج

انا جيت بمزاااااج

اولا انا ضد اى علاقة حميمية اثناء فترة الحب مهما كان الوضع والثقة المتبادلة، لانو فى النهاية الرجل الشرقي هو شرقي لو طار القمر وجا راجع فى حاجات لايمكن ان تتبدل وماتقولى لى فاهم ومتفهم وواثق فيني وكلام من هذا،، اما اذا لا قدر الله والعلاقة وصلت مرحلة كهذه فهنا الحساب عند ربنا واحد لكن نحن كسودانيين الرادع الاجتماعي عندنا اكبر بكتير من الرادع الديني يعنى ربنا يغفر والمجتمع لا ، ثم انو ايها السادة الرجال المترجلين ، البت مامفترض تكون الضحية لانها ماقامت بالخطأ لوحدها واكيد انت الوصلتها لكدا يبقى من الفهم والرجولة تشيل شيلتك والبيقولوا انها ممكن تكرر الخطأ مع زول غيري ديل اكيد اصحاب تجارب فى هذا النوع من العلاقات عشان كدا بيفدوا الثقة فى لحظة ،، قال رسول الله "ص" (من زنا يزنى ولو بجدار بيته)

نواسل

شمائل تحياتي

Quote: نواسل

كيف ؟

غايتو يا عاصم

شكلك فاهم الموضوع غلط..

منطقك دا كان ممكن يكون مقبول لو العنوان ما ممكن اتجوز واحدة غلطت مع غيرى

معاك دى يا واعى يعنى انتو الاتنين غلطانين

وحتى الدين ساواكم فى دى

وأما فى الزواج كان هى كان غيرا إذا انت غلطت الدين زاته بقول تعرس واحدة زيك

دى عقوبة تانية غير الجلد

يعنى انت لا بتزيد لا بتنقص من غلطها فى شئ

الناس دى حتقعد تبارى كلام عرف وتقاليد لمتين ويسيبو دينهم

موروثات التقاليد دى لما الواحد بعدييييييين يجى يتحلحل ما يعرف يفكها فى منو

بعدين قول لربنا المجتمع قال كدا وروروووووووووووك ويحاسبو المجتمع كله

Quote: ،، قال رسول الله "ص" (من زنا يزنى ولو بجدار بيته)

أنا سأبدأ من هنا ..

بعد تحية (صاحب الأمر) وزواره الكرام ..

كيف أن (الزاني يزنى ولو بجدار بيته) ..

مع أن :

(ولاتزر وازرة وزر أخرى) ..

يعني : إن (زنيت) أو (غلطت) .. حسب إختلاف مفاهيمنا مع من تزوجتها لاحقاً , هل جزائي أن (تغلط) أو(تزني ) .. إبنتنا في مابعد .. مع (إنو ذيتنا في دقيقنا) ..و0ألغلط غلطنا الإتنين والبت بتنا الإتنين) ..

أو حسبنا أن فلان أخطأ .. أيعاقبه الله بأن يدفع (إبنته ) التي هي إنسان آخر إلى الخطأ , ثم يعود لمحاسبتها فيما بعد ..؟؟؟

سأعود ..

للموضوع الأصيل وهو (هل تتزوج من شاركتها الخطأ) ..

Quote: كيف أن (الزاني يزنى ولو بجدار بيته) .. مع أن : (ولاتزر وازرة وزر أخرى) ..

الاخ كمال (صاحب القصص )

خليك مع الاية, الحديث اعلاه غير صحيح..

كل الود

Quote: الاخ كمال (صاحب القصص ) خليك مع الاية, الحديث اعلاه غير صحيح.. كل الود

غايتو علي (زمة أبوهريرة)

Quote: رأيي يا صديقى إنك ما تشوف أفلام مصرية

الاسلم في هذه الحالة طبعا هو السترة للمرأة أكرم لها وهو أيضا ما نفهمه من تعاليم ديننا السمح وهو الدين المعاملة ومن ستر مسلما ستره الله في الدنيا والأخرة ومن باب أولى أن تستر من قمت بأرتكاب الخطأ معه.

نقطة في أستوب

المشكلة في نأس حيطلعوا من الفهم دا ويناقشوك ليه المجتمع ما يخفف من نظرته للبنت الذانية دي ويعاملها ذيها وزي الولد يعني مسأواة وكدة من باب تسهيل التساهيل وطبعا الغلط غلط بس الكلام بيجيب كلام

وبدأ الهجوم على المجتمع (اللى هو أبوي وأبوك وأمي وأمك)


هل يتساوي الرجل والمرأة في العملية الجنسية

يعني تبعات العملية دي والمصيبة دي بتكون في رأس البت أكبر من الولد ليه؟؟

شوفت ليكم ولد رأسو بيكبر بعد العملية دي ولا البت كراعة بتورم

شوفتوا هنا المجتمع حكيم كيف عشان كدا مضيق على البت أكبر وفارض عليهن محازير كثيرة وعواقب وخيمة (أرهاب وكدا)

دا أرهاب أيجابي الغرض منو حمايتهن والمجتمع هو سلطة الضمير الجمعى الذي يعمل لمصلحة المجموع ككل


وغايتو جنس غايتو (مصرح له بأستخدام العبارة)

سيد الدار سلام
وعموم ضيوفه الكرام والكريمات

بسم الله كدي يا جماعة قولوا يا هادي

القصة ما قصة رغيف الفصة فصة شعب راكع من زمان عاوز يقيف.
وبنفس المستوى االموضوع جزئية بسيطة من معاناة النساء في كل العالم وفي بلادي خصوصا
معاناة تشمل كل مناحي حياتنا
من سياسية اقتصادية واجتماعية وثقافية واكاديمية وغيره
القصة قصة ثقافة ذكورية مهيمنة على كل المستويات ومرتكزة اساسا على الهيمنة الاقتصادية
منذ ان اكتشف الانسان وسائل الانتاج واضحى الانتاج مرتبط بالعمل العضلي الشاق في شكل صيد ورعي وزراعة هيمن الرجال على مقاليد الامور حينها واضحت النساء مستضعفات يعني ميزان القوى اصبح ضدهن وبناء على تشكيل ميزان القوى هذا بدات المجتمعات تضع اسس وقوانين (اجتماعية غير مكتوبة) لشكل المجتمع. وزي ما بقول المثل اللي في ايدو القلم ما بيكتب لروحي شقي وبما ان مقاليد الامور كانت لدى الرجال ففصلوا المعايير لتلاقي حاجاتهم وسعوا الى التعميش والهيمنةعلى الاخر بفرض القيود وعلى راسها الاجتماعية ووضع المفاهيم للمصطلحات. وخير دليل على مقدمتي هذه ما نراه اليوم من تمييز ضد المراة وعنف واغتصاب و.... يملا كل وسائل الاعلام المختلفة. وحتى المعتقدات الدينية لم تخلو من هذا الامر معروف وضع المراة المتدني في الديانة اليهودية والمسيحية وغيرها من تمييز سلبي، اما الدين الاسلامي وعلى الرغم من الدعوة الانسانية في بداية الرسالة المحمدية والعدل والمساواة وعدم واد البنات ......الخ من قيم اسلامية انسانية فاضلة الا ان رجال المجتمعات التالية رجعوا لهيمنتهم وبداو يفسرون وياولون النصوص الدينية من احاديث وايات لتبرز كل الايجابيات الخاصة بالذكر وتهميش الايجابيات الخاصة بالمراة وعدم تسليط الضوء عليها ، ولم يكتفو بذلك بل وضعوا معايير وقيم اجتماعية هي لا تمت للدين بصلة منها ما تفضلتم بطرحه حول اعتبار ان المراة هي التي اخطات والرجل لم يخطئ ، مع انه كما تفضل اخرون هما الاثنان "مخطئان" دينياً.

المهم خلاصة حديثي الموضوع نتيجة تراكم ثقافات لالاف السنوات ويصعب احداث تغيير مفاهيمي في مدى زمني قصير ، ولكن هذا لا ينفي مزيدا من تسليط الضوء على هذه الظاهر التي توضح التمييز ومناقشتها موضوع موفق سيد الدار.

توضيح:
حديثي هذا عام وقد يوجد على مدار التاريخ نماذج لرجال لم ولن يسعوا لهذا بل على العكس كانو مناصرين للنساء.

معا للقضاء على جميع اشكال التمييز ضد المراة

صفية

خارج النص:
انا والله طول عمري كلو كنت فاكرة الاختيار للزواج بيتم على اسس مبدائية منهجية ايدولوجية ومعاها اهم حاجة الاحساس بالآخر والرغبة فيه ، مش محاسبة لسلوك يخصه لوحده ، ويعاقبه عليه الرب لوحده، اتاريني طلعت مسطحة و ما عارفة شباب الزمن دي بفكر كيف. محن (غايتو جنس غايتو) مع الاحتفاظ لود الصايم بحقوقه الادبية.

العزيزة صفية،
سلام وتحايا،

Quote: خارج النص: انا والله طول عمري كلو كنت فاكرة الاختيار للزواج بيتم على اسس مبدائية منهجية ايدولوجية ومعاها اهم حاجة الاحساس بالآخر والرغبة فيه ، مش محاسبة لسلوك يخصه لوحده ، ويعاقبه عليه الرب لوحده، اتاريني طلعت مسطحة و ما عارفة شباب الزمن دي بفكر كيف. محن (غايتو جنس غايتو) مع الاحتفاظ لود الصايم بحقوقه الادبية.

لفت نظري حاجة أساسية داخل النص هنا... وهو أنو شباب الزمن ده، هم إمتداد لشباب أبواتنا وأجدادنا، ليس نبتاً شيطانياً أو معدّل وراثياً...لذلك أرجو ان لا نحاكم النتائج، ولنكن عادلين في محاكمة ما أتلفه الزمن.

ففي أحلى وأنضر (أيام زمان)، كان "أولاد الناس" بعد ما يكملوا الخمج زين، بيختاروا ليهم من "بنات الناس"...
وهنا يحضرني سؤال:

من هم/ن أولاد/بنات الحرام؟
أليسوا نتاج هذا المجتمع المسمى زيفاً بمجتمع أولاد/بنات الحلال؟


في ذهني حكاية مؤلمة لصديق عزيز، كل ما أقترفه في هذه الدنيا من آثام، أنه وُلد لسفاح، لأب "ود ناس معروف" وأم "بت ناس" برضو، وما يزال "أولاد الناس" يوصدوا أبواب "بناتهم" في وجهه بقوة!

مع تقديري
أنور

صفية يا اختي

رجلك على البنزين شويا

شميل ازيك

Quote: رجلك على البنزين شويا

مش لما يكون في عربية

الأخ أنور
سلام

Quote: لفت نظري حاجة أساسية داخل النص هنا... وهو أنو شباب الزمن ده، هم إمتداد لشباب أبواتنا وأجدادنا، ليس نبتاً شيطانياً أو معدّل وراثياً...لذلك أرجو ان لا نحاكم النتائج، ولنكن عادلين في محاكمة ما أتلفه الزمن.

.

بالتاكيد اتفق معك على توارث القيم والمفاهيم ، وانا لم احاكمهم بل وضعت وجهة نظري الخاصة جدا عن اسس واساليب ومعايير اختيار الآخر ، وتجدني هنا اتعجب ولا احاكم وهنالك فرق بين الاثنان وكما اسلفت في بداية حديثي ان تغيير اثار الاف السنوات لا يتم في جيل واحد او اثنان بل يحتاج لقرون عديدة مع جهود جادة.

شكرا لك
صقية

Quote: سيد الدار سلام وعموم ضيوفه الكرام والكريمات بسم الله كدي يا جماعة قولوا يا هادي القصة ما قصة رغيف الفصة فصة شعب راكع من زمان عاوز يقيف. وبنفس المستوى االموضوع جزئية بسيطة من معاناة النساء في كل العالم وفي بلادي خصوصا معاناة تشمل كل مناحي حياتنا من سياسية اقتصادية واجتماعية وثقافية واكاديمية وغيره القصة قصة ثقافة ذكورية مهيمنة على كل المستويات ومرتكزة اساسا على الهيمنة الاقتصادية منذ ان اكتشف الانسان وسائل الانتاج واضحى الانتاج مرتبط بالعمل العضلي الشاق في شكل صيد ورعي وزراعة هيمن الرجال على مقاليد الامور حينها واضحت النساء مستضعفات يعني ميزان القوى اصبح ضدهن وبناء على تشكيل ميزان القوى هذا بدات المجتمعات تضع اسس وقوانين (اجتماعية غير مكتوبة) لشكل المجتمع. وزي ما بقول المثل اللي في ايدو القلم ما بيكتب لروحي شقي وبما ان مقاليد الامور كانت لدى الرجال ففصلوا المعايير لتلاقي حاجاتهم وسعوا الى التعميش والهيمنةعلى الاخر بفرض القيود وعلى راسها الاجتماعية ووضع المفاهيم للمصطلحات. وخير دليل على مقدمتي هذه ما نراه اليوم من تمييز ضد المراة وعنف واغتصاب و.... يملا كل وسائل الاعلام المختلفة. وحتى المعتقدات الدينية لم تخلو من هذا الامر معروف وضع المراة المتدني في الديانة اليهودية والمسيحية وغيرها من تمييز سلبي، اما الدين الاسلامي وعلى الرغم من الدعوة الانسانية في بداية الرسالة المحمدية والعدل والمساواة وعدم واد البنات ......الخ من قيم اسلامية انسانية فاضلة الا ان رجال المجتمعات التالية رجعوا لهيمنتهم وبداو يفسرون وياولون النصوص الدينية من احاديث وايات لتبرز كل الايجابيات الخاصة بالذكر وتهميش الايجابيات الخاصة بالمراة وعدم تسليط الضوء عليها ، ولم يكتفو بذلك بل وضعوا معايير وقيم اجتماعية هي لا تمت للدين بصلة منها ما تفضلتم بطرحه حول اعتبار ان المراة هي التي اخطات والرجل لم يخطئ ، مع انه كما تفضل اخرون هما الاثنان "مخطئان" دينياً. المهم خلاصة حديثي الموضوع نتيجة تراكم ثقافات لالاف السنوات ويصعب احداث تغيير مفاهيمي في مدى زمني قصير ، ولكن هذا لا ينفي مزيدا من تسليط الضوء على هذه الظاهر التي توضح التمييز ومناقشتها موضوع موفق سيد الدار. توضيح: حديثي هذا عام وقد يوجد على مدار التاريخ نماذج لرجال لم ولن يسعوا لهذا بل على العكس كانو مناصرين للنساء. معا للقضاء على جميع اشكال التمييز ضد المراة صفية خارج النص: انا والله طول عمري كلو كنت فاكرة الاختيار للزواج بيتم على اسس مبدائية منهجية ايدولوجية ومعاها اهم حاجة الاحساس بالآخر والرغبة فيه ، مش محاسبة لسلوك يخصه لوحده ، ويعاقبه عليه الرب لوحده، اتاريني طلعت مسطحة و ما عارفة شباب الزمن دي بفكر كيف. محن (غايتو جنس غايتو) مع الاحتفاظ لود الصايم بحقوقه الادبية.

دكتورة صفية
ما أبلغك
ما أوضحك
ما أروعك

يا نهر الوعي تقدم

يا أخوانا عندي سؤال مهم ..

إيش يضمن لي إنو البت اللي إتزوجنها وكانت ربة العفاف والصون ..
وبعد زواجنا مشت و ( غلطت ) مع غيري ....!!!!!!

القصة مش وصمة ينبغي أن تلازمنا طوال عمرنا ..
القصة تعتمد على علاقتنا وإحترامنا لبعض..
وإحترامنا وفهمنا للحياة الزوجية ..

واللا ما كدي ..؟

طبعا الموضوع ده بتاع الناس العندهم خبره في الحياة
ناس عمك بركه والناس الكبار كبار
لكن نحن العزابه غايتو نقعد نتفرج بس ونتعظ ونتعلم


ورأئ الضعيف انو انا لما بقيت راجل وغلطت معاها
لازم اكون راجل واستحمل غلطي ..

السادة الكرام::معشر الرجال

والله كلامكم ولا في الاحلام وانا شبه متأكدة انو لو اتختيتو في موقف زي دا كلكم حتجرو واطى ،، انتو ما بتتغيروا فى المفاهيم المتحجرة دي ومسالة الشرف دى عندنا حساسة اكتر من "ملف ابيي" ، لا داعي للمكابرة


اخواتي البنات
ماتتخدروا بالكلام دا وتمشوا .......


تحياتي

من كان منكم بغير خطيئة فاليرمها بحجر

Quote: القصة ما قصة رغيف الفصة فصة شعب راكع من زمان عاوز يقيف. وبنفس المستوى االموضوع جزئية بسيطة من معاناة النساء في كل العالم وفي بلادي خصوصا معاناة تشمل كل مناحي حياتنا من سياسية اقتصادية واجتماعية وثقافية واكاديمية وغيره القصة قصة ثقافة ذكورية مهيمنة على كل المستويات ومرتكزة اساسا على الهيمنة الاقتصادية منذ ان اكتشف الانسان وسائل الانتاج واضحى الانتاج مرتبط بالعمل العضلي الشاق في شكل صيد ورعي وزراعة هيمن الرجال على مقاليد الامور حينها واضحت النساء مستضعفات يعني ميزان القوى اصبح ضدهن وبناء على تشكيل ميزان القوى هذا بدات المجتمعات تضع اسس وقوانين (اجتماعية غير مكتوبة) لشكل المجتمع. وزي ما بقول المثل اللي في ايدو القلم ما بيكتب لروحي شقي وبما ان مقاليد الامور كانت لدى الرجال ففصلوا المعايير لتلاقي حاجاتهم وسعوا الى التعميش والهيمنةعلى الاخر بفرض القيود وعلى راسها الاجتماعية ووضع المفاهيم للمصطلحات. وخير دليل على مقدمتي هذه ما نراه اليوم من تمييز ضد المراة وعنف واغتصاب و.... يملا كل وسائل الاعلام المختلفة. وحتى المعتقدات الدينية لم تخلو من هذا الامر معروف وضع المراة المتدني في الديانة اليهودية والمسيحية وغيرها من تمييز سلبي، اما الدين الاسلامي وعلى الرغم من الدعوة الانسانية في بداية الرسالة المحمدية والعدل والمساواة وعدم واد البنات ......الخ من قيم اسلامية انسانية فاضلة الا ان رجال المجتمعات التالية رجعوا لهيمنتهم وبداو يفسرون وياولون النصوص الدينية من احاديث وايات لتبرز كل الايجابيات الخاصة بالذكر وتهميش الايجابيات الخاصة بالمراة وعدم تسليط الضوء عليها ، ولم يكتفو بذلك بل وضعوا معايير وقيم اجتماعية هي لا تمت للدين بصلة منها ما تفضلتم بطرحه حول اعتبار ان المراة هي التي اخطات والرجل لم يخطئ ، مع انه كما تفضل اخرون هما الاثنان "مخطئان" دينياً. المهم خلاصة حديثي الموضوع نتيجة تراكم ثقافات لالاف السنوات ويصعب احداث تغيير مفاهيمي في مدى زمني قصير ، ولكن هذا لا ينفي مزيدا من تسليط الضوء على هذه الظاهر التي توضح التمييز ومناقشتها موضوع موفق سيد الدار. توضيح: حديثي هذا عام وقد يوجد على مدار التاريخ نماذج لرجال لم ولن يسعوا لهذا بل على العكس كانو مناصرين للنساء. معا للقضاء على جميع اشكال التمييز ضد المراة صفية خارج النص: انا والله طول عمري كلو كنت فاكرة الاختيار للزواج بيتم على اسس مبدائية منهجية ايدولوجية ومعاها اهم حاجة الاحساس بالآخر والرغبة فيه ، مش محاسبة لسلوك يخصه لوحده ، ويعاقبه عليه الرب لوحده، اتاريني طلعت مسطحة و ما عارفة شباب الزمن دي بفكر كيف. محن (غايتو جنس غايتو) مع الاحتفاظ لود الصايم بحقوقه الادبية.

ماتدينى لكزة فى رأسى العجيب ده ياصفية!!

لحين عودة...

طبعآ الموضوع عندو شقين

في حالة أني أخطأت مع واحدة فلابد أن أتحمل نتيجة ماأقترفت يداي بشرط أن أكون أول من مارست معه هذا الفعل أما أن كان هذا ديدنها فلست مجبر علي تحمل خطأي وأخطاء الأخرين وأظن أن الكثيرين يتفقون معي في هذا الرأي

أما أن أخطأت مع غيري فليس لي القدرة علي تجاوز ذلك أطلاقآ وليس هذا من منظور عدم الثقة ولكن حاجز نفسي فقط
والحمد لله لم أتحمل وزر هذه المصيبة من قبل وأسأل الله أن يقيني شرها من بعد

فاصلة

Quote: والله كلامكم ولا في الاحلام وانا شبه متأكدة انو لو اتختيتو في موقف زي دا كلكم حتجرو واطى ،، انتو ما بتتغيروا فى المفاهيم المتحجرة دي ومسالة الشرف دى عندنا حساسة اكتر من "ملف ابيي" ، لا داعي للمكابرة

شماليل

أصابع اليد الواحدة ماواحد والناس بتختلف يا أختي

عرسنا ولعبنا أحييييى ورجعنا للغربة!


بالله العندو كلمة سمحة يقولا !

تعرف قال ليك واحد رجع السودان بعد فترة من الاغتراب
و قرر انو يتزوج ، اصحابو نصحوه انو البنات فى السودان كلهن بقن مش ولابد وكده
اها قال ليهم ان لو قلت ليكم رايكم فى اى واحدة شنو لو ما تمام ادونى ضحكة صغيرة
وانا بفهم وبصرف نظر ، اها زولك كلو مايقول ليهم دى كيف اصحابو هاهاها صحابك يصرف نظر ودى كيف اصحابو هاهاها صاحبك يصرف نظر ، قال ليهم حيرتونا الواحد يعرس اختو ولاكيف اصحابو بصوت واحد هاهاهاهاها ها .

Quote: بالله العندو كلمة سمحة يقولا !

ايامك
متجدع يا معلم

الشافك كل سنة هنا ما كضب

Quote: مرّة كنت راكب حافلة مواصلات وكان السوّاق مشغل شريط ديني. وكان فيهو نفس الموضوع ... واحد زنا مع بت جيرانهم، ولمّا أبوها جاهو عشان يلم الموضوع قال ليهو أنا ما لي دعوة، شوفو بتّكم جابتو من وين! بيحكي الشيخ قال إنّو تمر الأيام ويتزوج الزول ده، ويكتشف ليلة الدخلة إنّو زوجته غير عذراء! ولمّا إشتكي لواحد من الشيوخ، قال ليهو شوف عملت شنو قبل كده! فيعرف صاحبنا إنّو ده وقت دفع التمن بعدين مرّة يجي راجع البيت يلاقي الدنيا مقلوبة؛ يسأل يقولو ليهو إنّو في واحد إغتصب أُختك! ومرّة تانية يرجع برضو يلقي الدنيا مقلوبة؛ ولمّا يسأل يكتشف إنّو ود جيرانو زنا مع بنتو. يجيب الولد عشا ن يلم الموضوع، الولد يقول ليهو وأنا مالي، شوفو بتّكم جابتو من وين!

محمد الطيب


تحياي،،،هناك ثوابت عندكم لا تحتمل الابدال

شماليل

تحاياي

Quote: هناك ثوابت عندكم لا تحتمل الابدال

عند منو ؟؟

Quote: من كان منكم بغير خطيئة فاليرمها بحجر

تشكر يا زياد.

الله يخليك يا خالد..


شول اشوانق

تحياتي للجميع

شد انتباهي هذا التعبير:

Quote: ولكن هى غلطها واضح ويظهر ف اول يوم لى معها بعد عقد الزوجية ...

لو باني خططك على كدا أخير ليك تترهبن وتزهد، مع التكنولوجيا الحديثة.












_____
أول دعوتين للتحرر في التاريخ:
من كان منكم بلا خطئية فاليرمها بحجر!
من ستر مؤمنا في الدنيا ستره الله في الآخرة

Quote: ]لو باني خططك على كدا أخير ليك تترهبن وتزهد، مع التكنولوجيا الحديثة.

سلام يا جماعة،

التحيّة لكل من شارك بمداخلة أو أبدي رأي - بغض النظر عن إختلافنا عليه

لسّه عندي كلام عايز أقولو في الموضوع ده؛ لكن المشاغل ما بتخلص ... وأخوكم مزنوووق، زي ما عادل إمام قال

لكن إن شاء الله بجي راجع برواقة ونكمّل نقاشنا

نقطة مهمّة عايز أؤكد عليها

الغرض من البوست ده ما إنّو المجتمع يتقبّل غلط البت زي ما بتقبّل غلط الولد ...

بالعكس

الغرض - غير توعية البنات إنهم ما يقعوا ضحيّة الكلام المعسول، وحركات زي يعني إنتي ما واثقة فيني وما عارف شنو! - إننا نتعامل مع خطأ الولد بنفس الطريقة البنتعامل يبها مع خطأ البت

يعني من الأوّل الإتنين يكونو عارفين إنهم لو عملوا حاجة حتتحسب عليهم الإتنين.

يعني ما في حاجة إسمها غلطة الولد دي خبرة ليهو وطيش شباب بس، وطالما ما بيحمل إذاً ما في مشكلة!

ببساطة لأنهم شرعاً محاسبين زي بعض ...

يا جماعة لو كل واحد فينا رفض يزوّج بنتو لواحد عمل السبعة وذمتها زي ما بيقولو الناس البتعمل كده كان راسها جا

طبعاً باب التوبة واسع، وما ممكن نقفلوا. لكن الغرض إنّو لو زول فكّر يعمل كده، لو خوفو من ربنا سبحانه وتعالي ما ردعو، خوفو ما يلقي زول يزوجو بنتو، أو إنّو الناس تعاين ليهو بازدراء ممكن يكون رادع كافي ...

ولا شنو؟