Post: #1 Title: عبد العظيم منصور ...المبدع الفنان Author: Yasier Elsayed Date: 03-02-2008, 04:34 AM Parent: #0
هنالك جماعة تهتم بالمقتبس من نفس الرحمن والذى كثيرا مايذهب ادراج الرياح بسبب توارى قائله بعيدا عن الاضواء ولكن كثيرا مايسخر الله من ذوى المواهب الفذة من ينفث فى تلك الكلمات روح البقاء ويعطيها قوة التاثير بجانب قوة معانيها ودلالتها الاصلية وذلك بالباسها اثوابا قشيبة من اللحن لتصرع كل ذى لب ومسترق سمع ...
من بين هؤلاء الذين البسو كلمات التراث الشايقى اجمل حلل اللحن ...
فنان موهوب يخشى الاضواء دائما
فنان لحن الكثير من درر الكلام وتغنى بها عزفا على الة العود طورا وعلى الة الطمبور اطوارا اخر وتلقف الحانه فنانون كثر ولهجت وترنمت بها كثير من الالسن دون ان يعرفه احد
فنان عرف بعذوبة صوته منذ استهلاله فى المهد
الفنان المهندس / عبد العظيم منصور
الميلاد الولاية الشمالية مدينة كريمة
جامعة السودان هندسة كهرباء الكترونيات
دراسات عليا المانيا - النرويج
الاقامة الحالية النرويج
فالنبداء جميعا من هنا للتوثيق لهذا الفنان المبدع العملاق
مع تحيات
ياسر على السيد
دكتور يس محمد يس
Post: #2 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 04:42 AM Parent: #1
مد حنك على ...
كلمات الاستاذ الشاعر / احمد سليمان
لحن واداء المبدع / عبد العظيم
Post: #3 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 05:07 AM Parent: #2
ما تظن....
كلمات الشاعر / عبد القادر محمد عبد القادر
لحن واداء عبد العظيم منصور
Post: #4 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 06:00 AM Parent: #3
سمحة فوقا العافية
كلمات الاستاذ/ عبدالله محمد خير لحن واداء عبد العظيم منصور
Post: #5 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 06:21 AM Parent: #4
الناس الغلابة
الفنان مخلص محمد على
غناء عبد العظيم منصور
Post: #6 Title: Re: عبد العظيم منصور ...المبدع الفنان Author: Mohamed Foto7li Date: 03-02-2008, 06:25 AM Parent: #5
يا ياسر يا رائع
Post: #7 Title: Re: عبد العظيم منصور ...المبدع الفنان Author: Saber Abdelhadi Date: 03-02-2008, 03:50 PM Parent: #6
الا خ / فضوحلى
شكرا على السناء الجميل باجميل
والذى بغير جمال لايرى فى الوجود جمالا
Post: #8 Title: Re: عبد العظيم منصور ...المبدع الفنان Author: ahmed khidir Date: 03-02-2008, 05:11 PM Parent: #7
ياسر السيد ســـــلامات الفنان عبدالعظيم منصور صوت جميل واداء متميز عرفتة منذ زمن طويل فى المانيا وكنت دائما اسال نفسى فنان فى قامتة ويهوى الابتعاد من الاضواء فى زمن من يملك ولو شى قليل من امكانياتة اصبح نجم معروف . فنان فى قامتة لابد ان يكون حاضرا بفنه واداءه المتميز
احمــد خضــر
Post: #9 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 05:55 PM Parent: #8
العزيز / احمد خضر
اشكرا كثيرا على هذه المداخلة الحلوة الجميلة
وكم انت جميل وفنان
عبد العظيم - عاطف خيرى ثنائى مبدع ومن الاشياء الغريبة والملفتة انهم ابناء حلة ودفعة دراسة منذ الصغر
وسوف اذيع لك سرا لو ربنا سهل سوف يكون هذا المبدع بيننا فى الولايات التحدة الامريكية عما قريب جدا
واتمنى ان اكون على صواب بانك احمد خضر ( فرجيينيا )
ولو غير ذالك ايضا مرحبا بك الف
Post: #10 Title: Re: عبد العظيم منصور ...المبدع الفنان Author: ahmed khidir Date: 03-02-2008, 06:31 PM Parent: #9
الاخ/ ياسر السيد ســـلامات ياهو زاتو زول فيرجينيا اتمنى ان التقى عبدالعظيم منصور بالله عليك اذا وصل البلد دى ادينى خبر تلفونى فى البروفايل
احمــد خضــر
Post: #11 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 07:51 PM Parent: #10
سيد الاسم
الاستاذ الفنان الجابرى
بصوت عبد العظيم منصور
الرسائل
الاستاذ الجابرى
بصوت عبد العظيم منصور
Post: #12 Title: Re: عبد العظيم منصور ...المبدع الفنان Author: Yasier Elsayed Date: 03-02-2008, 08:08 PM Parent: #11
منى متعشم طلوعك
الشاعر محمد الحسن سالم حميد
اداء عبد العظيم منصور
Post: #13 Title: Re: عبد العظيم منصور ...المبدع الفنان Author: Yasier Elsayed Date: 03-03-2008, 03:25 AM Parent: #6
الحالم سبانا رائعة المبدع عثمان الشفيع
بصوت عبد العظيم منصور
Post: #14 Title: Re: عبد العظيم منصور ...المبدع الفنان Author: Yasier Elsayed Date: 03-03-2008, 08:51 PM Parent: #13
مساء الخير ياالامير
الاستاذ عبد العزيز داؤد
بصوت عبد العظيم منصور
Post: #83 Title: Re: عبد العظيم منصور ...المبدع الفنان Author: Elmosley Date: 03-14-2008, 10:15 PM Parent: #2
Quote: كلمات الاستاذ الشاعر / احمد سليمان
لحن واداء المبدع / عبد العظيم
سمعت واستمتعت باصالة حقيقية احب المبدعين الذين لا تشغلهم الاضولء الزائفة عن الابداع الاصيل الف شكر لك وله ياياسر
Post: #85 Title: Re: عبد العظيم منصور ...المبدع الفنان Author: Yasier Elsayed Date: 03-14-2008, 10:39 PM Parent: #83
الاستاذ المبدع دوما / الموصلى
لك الشكر الكتير وانت دائما مع الابداع اينما وجد يا رجل يافنان ياعظيم
وهذه شهادة نفتخر بها نحن قبل عبد العظيم لانها من اهل معرفة ودراية
ولك كل والود والمحبة
ولنا لقاء
Post: #15 Title: Re: عبد العظيم منصور ...المبدع الفنان Author: فارس موسى Date: 03-04-2008, 07:20 AM Parent: #1
البوست دا ما يغتس انا عندى حبة كلام داير اقولو إنتظرنى يا ياسر واحلى صوت سمعتو فى ال20 سنه الاخيره دى (إن كنت تقرأنا ياعظيم اللحون ) فانا جاى جاى ولذاك الحين بقول up
Post: #16 Title: Re: عبد العظيم منصور ...المبدع الفنان Author: Saifeldin Gibreel Date: 03-04-2008, 10:02 AM Parent: #15
يا سلام.. الصديق العزيز والمبدع وصاحب الصوت الجميل الباشمهندس عبدالعظيم منصور... هذا الرجل الخلوق والمهزب.. كم انه رائع وحفى بنا ان نحتفل به... تعرف يا عبدالعظيم...اغنية سيد الاسم للجابري.. طوالى اتزكرت الصديق العزيز عودة الدرديري فى برلين لانو كانت فرمالتو واغنيتو المفضلة... كم هى جميلة تلك الزكريات التى مسكونة فينا... الشئ الجميل ايضآ شايف صاحبنا فارس موسى بقى اعرف فنيات انزال الصور و داير استعرض وجاهتو جايب لينا صورتو.. من ايام المانيا
خالص التحايا للجميع وخبر جميل نسمع بحضور الاخ عبدالعظيم منصور
Post: #17 Title: Re: عبد العظيم منصور ...المبدع الفنان Author: Yasier Elsayed Date: 03-04-2008, 08:48 PM Parent: #15
الاخ العزيز فارس
نحن فى الانتظار على احر من الجمر
ميل وعرج الاستاذ العميرى
بصوت عبد العظيم
Post: #18 Title: Re: عبد العظيم منصور ...المبدع الفنان Author: Yasier Elsayed Date: 03-04-2008, 08:48 PM Parent: #15
اسال نفسك
الفنان ذكى عبد الكريم
بصوت عبد العظيم منصور
Post: #19 Title: Re: عبد العظيم منصور ...المبدع الفنان Author: Yasier Elsayed Date: 03-04-2008, 11:03 PM Parent: #18
الاخ/ سيف جبريل
سلام والف تحيا وانت تنضم للتوثيق لهذا المبدع حقا عبد العظيم منصور ويالله يشباب المانيا والنرويج ومنطقة اوربا عموما لكل منا ذكريات جميلة مع هذا الفنان انتم عليكم به فى الاغتراب اما انا وصديق يس محمد يس سوف نمدكم بكل ما تغنى به هذا العملاق منذ استهلاله فى المهد حتى يومنا هذا القديم والجديد الذى لم يسمع بعد
غصن الرياض المايد
(حقيبة) بصوت عبد العظيم منصور
Post: #20 Title: Re: عبد العظيم منصور ...المبدع الفنان Author: Yasier Elsayed Date: 03-04-2008, 11:10 PM Parent: #18
افكر فيه واتامل (حقيبة) بصوت عبد العظيم منصور
Post: #21 Title: Re: عبد العظيم منصور ...المبدع الفنان Author: Muna Khugali Date: 03-04-2008, 11:19 PM Parent: #20
غنا الطمبور بالعود..
جميل جدا..
سمعت اول اغنيه..وقلت لازم ابين استمتاعي..
واسه ازح من هنا تاني كيف؟؟
شكرا يا ياسر..معاكم بسمع واستمتع بغناء عبدالعظبم منصور..
Post: #22 Title: Re: عبد العظيم منصور ...المبدع الفنان Author: Yasier Elsayed Date: 03-04-2008, 11:34 PM Parent: #21
مرحبتيين منانا حبابا
وزى مبيقولو اهلنا الشوايقة .
سلام مطبوق سلام نفس الحشى المحروق
هذه الاغنية مهداة لقدوم فى الدار والدار دارك امرحى فيه كما تشايئن ومنتظرين كتاباتك الراقية يا ملكة. قريبا غناء الشايقى بالطمبور بصوت المبدع عبدالعظيم منصور
سوقنى معاك ياحمام الاستاذ محمد الحسن سالم حميد
بصوت عبد العظيم منصور
Post: #23 Title: Re: عبد العظيم منصور ...المبدع الفنان Author: عبد العظيم احمد Date: 03-05-2008, 00:06 AM Parent: #22
Yasier Elsayed
سلام ياسر لقد التقيت بالفنان المبدع عبد العظيم المقيم حاليا بالنرويج وانا من الناس دعوته للاشتراك في هذا المنبر ومازلت وياريت يا ياسر تكرر الدعوة ونقدر نري ابداعات ودالمنصور قي سطور لحن واغاني
عبد العظيم اوسلو والتحية لعبد العظيم الشايقي
Post: #28 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 04:56 AM Parent: #23
الاخ/ عبد العظيم
لاشوفتن تبل الشوق ودا الرد البطمايئن وياريت كل الاهل طايبين
سلام كتير من زول بعيد لشخصك الكريم والشكر الاف على هذه السانحة الجميلة
ونتمنى المداومة والكتابة عن لقاء كيف كان مع هذا الهرم الفنى
منتظرين الرد يارائع
انساك كيف
الاستاذ / مرغنى النجار بصوت عبد العظيم منصور
Post: #24 Title: Re: عبد العظيم منصور ...المبدع الفنان Author: Muna Khugali Date: 03-05-2008, 00:20 AM Parent: #22
وحنية اهلنا دي..اقبل امشي منها وين؟
شكرا علي الأهداء يا ياسر.. واكيد البيت بيتي.. ومن هني ماني مارقه..
Post: #29 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 05:15 AM Parent: #24
مانى قايلك طيف معدى
الاستاذ/ عبد القادر محمد عبد القادر
لحن واداء عبد العظيم منصور
الرئعة دوما / الملكة منى
لايرى الجمال الا الجميل فهذا من زوقك العالى ومنتظرين منك الكثير فى هذا البوست خصوصا
ولا اظن سوف يبخل يراعك بان يدون ويوثق لهذا الهرم الفنى والذى لايعرف عنه احد رغم هذا الكم الهائل المددفق من الابداع
Post: #25 Title: Re: عبد العظيم منصور ...المبدع الفنان Author: فارس موسى Date: 03-05-2008, 04:15 AM Parent: #1
الاعزاء ياسر وعبد العظيم إن كان يقرأنا وارجو من عبد العظيم عضو البورد لتنبيهه لهذه الإحتفاليه التى إبتدرها الراقى جدن والذواقه ياسر الحبوب (وخلونا من مسألة الشوايقه ) عبد العظيم دا كنز سودانى للتطريب ندر وجوده فى زمنا الفاسى دا وخاصة لينا نحن المتوكين بالتغريب ومع خالص معزتى للشوايقه عدا الجاز وعصبتو الكيزانيه!!
سيف جبريل انا شاكر جدا لرفع الصوره وإنت سيد التصاوير الاحلى وحليل زمنا زمن (الاخدر الطويل القيافه)راحت علينا بفعل الزمن ودفرنا مجبرين على الإعتزال ورمانا خارج حلبة الوجاهه،وما بتدى حريف يا منقه وزمنا فات لكن غناينا ما مات .ووش شنو كده ما عارف !!
ادلف لما طرزه قلمى المتواضع بعد سماع الصوت الشجى بعد غيبه ورغم طول السنين وعدم الشوفه لكن طعم ذاك الصوت لم تغيره كل المرارات والاصوات النشاز التى حشروها فى اذاننا حشرا فله عاصفه من التصفيق والإعجاب وهدير المحبه الذى لن يهدأ.
فى امسيه ربيعيه بارده وفى شقه وسط عاصمة الجيرمان التاريخيه ورذاذ المطر يبلل يباس الروح وشدر برلين ،كنت اقرأ لشلوخوف الدون الهادى بعد ان تركنى رفيق الغربه والتغريب صديقى الطيب مدنى مرافقا شلة السهر والدنيا (فوخن إندا )ويك إند تركونى وحيدا كعادتهم فى كل عطلة نهاية اسبوع وذهبوا إلى هافانا ذلك الملهى والمرقص الشهير بوسط برلين .شعرت بملل وعطش روح رغم زخات مطر الربيع اغلقت الكتاب بهدوء ووضعته جانبا وادخلت يدى فى جيب القميص الذى كنت ارتديه ذاك الصباح واحضرت شريط كاسيت استلفته من احد الاصدقاء ذاك اليوم حيث شدنى ذاك الصوت وسط ضجيج الاصدقاء وضعت الشريط على مسجل قديم ومتهالك وضغطت على زر التشغيل وإذا بصوت حميم ودافىء يعانق روحى المشتاقه كصديق من زمن بهى وبإلفة عرفة السنين الخوالى سرت كلمات الاغنيه الحنينه والدافئه فى اوصالى كما دفء احضان الاهل والعشيره، رطب اللحن دواخلى اليابسه وهدهد الشجن المتدفق عبرذاك الصوت الذى لم اسمع صوتا جديدا يقارب صوت هرمنا الاول وقامتنا الاعلى سيد اللحون والغنا (ابو الورود) ،كان عبد العظيم الذى عرفت اسمه فى اليوم الثانى من صاحب الشريط الذى لم يره (الشريط )مره اخرى إلى ان سرقه سيف جبريل (الغريب إننى لم التق بجبريل طيلة حياتى ،رغم إننا اصدقاء من العام 2000 ) وكأننا اصدقاء من 20 عاما!!!
هجرة عصافير الخريف فى موسم الشوق الحلو هيج رحيلها مع الغمام إحساس غلبنى اتحملو
(انا لم اعتر عليها بالاغانى المرفوعه اعلاه يا ياسر ) وإن عندك ونزلتها انا عازم تمبس وخدر وعمر والفاروق وخالد الحاج وراكوبه وكل الذواقه ومتأكد عظيم حتضاف ليهو كوكبة ذويقه حتختو فى اعلى عليين فى إستماعم.
مع تواصل موكب الشجن الحركو صوت عظيم فى تلك الليله سموت ،حلقت عاليا وساقتنى نغمات التطريب العاليه مع جوقة عصافير الربيع لضفاف النيل حيث الفراشه واغمضت عيناى قصاد مقرن النيلين اتغزل فى الحبيبه الحنونه واحنس العصافير ان تتوقف شويه وتهدى لحظات هنيه (احلم ان يتغنى واطلب برجاء ملحاح من صديقى عظيم ان يتغنى ب يا زمن )وإن غناها لى إهداء خسوسى ساذكرو فى حينو
نمت مع إنتهاء ذلك الدفق الشجى نوم الطفل الغرير مغسوله روحى بالشجن ومشحونه نفسى بطاقة التصبار وظل الصوت صديق التسفارات لزمن ليس بالوجيز .
سألت عن عبد العظيم مرارا وتكرارا كل عايد من بحر الشمال بعد ان عبرت انا الاطلنطى انا سعيد جدا بسماع صوت هذا المهندس الذى احببت ولى صداقه متينه مع صوته وود مقيم واتمنى ان التقيه واطوق عنقه بباقة ورد واتسامر معه واغنى واغنى واغنى اخر المقطع للارض الحبيبه .
اتمنى له التوفيق والسداد اتمنى له ولاسرته موفور الصحه والعافيه وحلو النغم درب السعاده والفرح والى ان نلتقى اخى ياسر عواصف من التصفيق والتجله مقرونه بمحبه صادقه وللمستمعين كل الإلفه والحب والإنطراب . ودمتم فى رعاية الله وحفظه .
Post: #30 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 05:24 AM Parent: #25
الاخ فارس
كم انت جميل ورائع ايها الانسان فلقد ازداد هذا البوست جمالا بهذا السرد الجميل والذى نابع من اصل فنان
وللمرة الثانية الف مرحب بيك ومنتظرين
اما عن هجرة عصافير الخريف طلب اوامر يا رائع فهى اتيا كل الجميل تباعا
حبيت عشانك كسلا الاستاذ التاج مكى
بصوت عبد العظيم
Post: #26 Title: Re: عبد العظيم منصور ...المبدع الفنان Author: فارس موسى Date: 03-05-2008, 04:28 AM Parent: #1
سيف جبريل يا خرده ذى ما بقول كوستاوى وحالتك اصغر مننا !!
الصوره دى لنج فى مارس 2007 (شهر العسل وكده )
تقول من زمن برلين والله نطلع صور برلين بصغرك دا تتشهى تبقى دفعتى (عقداء طبعن )شفت ضيعتك كيف
ياخ انا دفعتى زغت منهم بقيت اقول للمدام ديل كانو اساتذتنا فى كلية الرباط (قرض على الرباط دى !!!)
اجدعنا بسلك .
إعتذاراتى ياسر .
Post: #31 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 05:40 AM Parent: #26
الرائع فارس
البيت بيتك ذى ماقالت المالكة منى
لاداعى للاعتزار
Post: #27 Title: Re: عبد العظيم منصور ...المبدع الفنان Author: فارس موسى Date: 03-05-2008, 04:45 AM Parent: #1
استاذنا وبلدياتى وشقيقى الاكبر فضيلى جماع تحياتى ومشتاقون انا وسجيلى (الكاشف) إبراهيم ول باخت وتحيانا عبرك لاختنا اسيا والعويله .
يا استاذ فضيلى عندى طلب غالى وإنت اغلى واعز فى قصيده ليك من منتصف الثمانينات كانت فرمالة عشقنا وتتصدر كل خطابات الريده ايام الطلب والشغب فى عروس الرمال وقد كنت عصرئذ نجمها المتألق
إسمها حكاية الشوق او اسميناها نحن ما عارف (انا وسجيلى يحي جماع ) وقد كانت اول بوست لى فى سودانيس اون لاين .
ارفع لمعاليكم طلبنا هذا نحن محبى شعرك ومعجبى فن وغنا الزول السامعو فوق دا ،اخونا الباشمهندس عبد العظيم بان تتكرم وتهدىء لنا جميعا تلك القصيده ليقوم الاخ عبد العظيم بتلحينها واملى كبير فى موافقته وإعتزازه بالتغنى لكم كواحد من الشعراء المرهفين والجميلين .
هل من مثنى .
ومحبتى .
Post: #32 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 05:45 AM Parent: #27
والله انت جد رائع يا فارس
انا كنت بتحدث مع الاخ عبد العظيم وقال لى بالحرف الواحد باننى اعانى هذه الايام من شح فى النصوص الشعرية
وانت جبتها فى وقتها وانا كلى امل ان كل من لديه رد جميل مدا به
ياسر
Post: #33 Title: Re: عبد العظيم منصور ...المبدع الفنان Author: Muna Khugali Date: 03-05-2008, 05:24 PM Parent: #32
....
نحب لكم يا اهل وزوار سودانيزأولاين أن تستمتعوا بالجمال..
Post: #34 Title: Re: عبد العظيم منصور ...المبدع الفنان Author: Yasier Elsayed Date: 03-05-2008, 06:35 PM Parent: #33
وصتنى وصيتا للشاعر عاطف خيرى لحن وعناء سيف الجامعة بصوت المبدع عبد العظيم منصور
الملكة منى
الاصيل دايما باقى على حاله لايتغير بل يزداد جمالا ورونقا مع الايام
فكونى لنا الاصل الذى يزين هذا البوست
لصديقى العزيز عاطف خيرى قصيدةاحبها جدا ( عند ماتكتب الطفولة قصيددها الاولى )
المطر وكتين تنقط تطلع الطفلة وتنطط تبنى من الحبة قبة تمسح القبة وتشخبط تبدا تتهجاء الكتابة .. تكتب احلى حروف بتنسج . كلمة اسمها ( يمى) ( يابا)
Post: #35 Title: Re: عبد العظيم منصور ...المبدع الفنان Author: فارس موسى Date: 03-06-2008, 00:51 AM Parent: #1
ياسر شكرا على الإطراء واليوم يوم المتعه والإطراء للزول الفنان عظمه .
معليش ياسر إنت يا حبيب ساكن وين هسه ؟ ود يس دا منو الورد إسمو فى اول البوست علو الدكتور اللغوى العلامه صاحب سيف جبريل المسخوت (سواق التاكسى )؟؟ انتظر الإفاده وسؤالى عن سكنك داير اعرف عبد العظيم منصور لما يجى امريكا بنزل فى ياتو ولايه؟
عشان انا داير الاقى واسلم على واحتفل بيهو مع الاخرين ودى ابسط ابجديات الموده وواجبات المعجبين الذى حالاتنا ،عموما ساكن قريب من محل الرئيس بنوم ما ذى بتاع الجريف (سواق التاكسى الحريف) فى السودان ساكن الجريف وفى امريكا ماسك القيف شفت كيف !!
عموما ما تنسونا من كارب القعدات وسوف ينوبكم عنا ثواب سقفو قمم التطريب .
سيف جبريل بعرف بكان نبطشيتى ونمرتى العسكريه !!
وانا مرابط هنا طبعن ولسه منتظر عصافير الخريف .
معقول يا خدر ما جيت مارى ب جاى ؟؟
لو فى زول من ناس عمان (الدوله )مر من هنا ينبه لينا استاذنا فضيلى جماع فى مداخله معنى بيها دايرين ردو عليها .
وماجايين صادين بل قاعدين هنا.
Post: #36 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 02:27 AM Parent: #35
الرائع دوما فارس
اولا لن ساكن هنا :- ميرلاند -روكفل وتلفوتى 3012337587
الدكتور يسن محمد يسن صديقى عزيز راجل راقى مهتم جدا بالادب وهو الان فى كاليفورنيا وهو العلامة اللغوى كما ذكرت
عند حضوره سوف يكون فى ميرلاند وغلى مااظن انك فى واشنطن يعنى قريب جدا فارجو منك المواصلة ولو سمحت ظروفك تسجل لنا زيارة بالمنزل نكون شاكرين وسوف نرد لك الطاق طاقين
Post: #37 Title: Re: عبد العظيم منصور ...المبدع الفنان Author: فارس موسى Date: 03-06-2008, 03:09 AM Parent: #1
يا سلام يا ياسر ياخ إنت ما زولنا تب وود حتتنا كمان
انا ساكن حلة اولاد العرب (فرجينيا) فريق chantilly
وبديك سلك هسه ياخ انا ما لميت فى تسجيلات الهندسه .
المسكنك مع ناس كوستاوى شنو يا زول ، ولا إنت تبع اوباما !؟
am just kidding
Post: #38 Title: Re: عبد العظيم منصور ...المبدع الفنان Author: yasiko Date: 03-06-2008, 05:56 AM Parent: #1
Quote: ود يس دا منو الورد إسمو فى اول البوست علو الدكتور اللغوى العلامه صاحب سيف جبريل المسخوت (سواق التاكسى )؟؟
الأستاذ فارس سلام مطبوق واحترام قواسيب ياني اللغوي وصاحب سيف لكن بس ماني علامة لازلت على اعتاب المعرفة والعلم فشكرا لحسن ظنك بي كم شوقتني للقاك ، فالجمال لا يعرفه إلا الجميلين وبحول الله ساكون بطرف صديقي ياسر يوم 29/3 أتمنى لقاك هناك
أخي ياسر سلام ومبروك انو بكري أداك الكُشر واستجاب للنداء كنت أعلم ان بدايتك ستكون امتداداً لأحياء الجمال فيك وحولك لك الود سأقضي جل وقتي في إثراء هذا البوست بروائع هذا الفنان الإنسان لك التحية
Post: #42 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 08:33 PM Parent: #38
يادكتور يسس
كنت منتظر ظهورك بفارق الصبر وقلت اكيد يس مامرة بالبوست دا
لاننى واثق اذا وقع على عينك ماممكن تخرج دانى وسوف يكون رائع وشيق بوجودك هنا
وحقيقة سوف نكون نحن الضيوف
Post: #39 Title: Re: عبد العظيم منصور ...المبدع الفنان Author: yasiko Date: 03-06-2008, 06:52 AM Parent: #1
سلام شوف حلاة لهج كلمات الشاعر حميد "أهواك" في لسان المبدع الفنان عبد العظيم منصور
مع تحياتي يس
Post: #40 Title: Re: عبد العظيم منصور ...المبدع الفنان Author: Saifeldin Gibreel Date: 03-06-2008, 09:40 AM Parent: #39
البرلوم ياسر... اولآ الف مليون مرحب بيك... بداية موفقة... بعدين فارس موسى راسو ما يكبر زول مثقف وقاريئ مطلع بزكرنى بى المرحوم كمال دقدق فى المانيا.. يمكن يكون حافظ كتابات كل البورداب... بعدين يا فارس دكتور يسن حيكون بطرفكم لازم تلتقى بيهو... انسان مسكون بالادب والفن.. ما طبعن الشوايقة غير النقزى و اكل القراصي والغنى لي المحبوبى ما عندهم شئ... بعدين يا ياسر لازم تسجل لينا كل الاغانى الجميلة بتاعت عبدالعظيم منصور دى وترسل مع دكتور يسن... يا فارس.... شد اسلاك فى غسيل ما نشف..
Post: #44 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 08:59 PM Parent: #40
المحترم سيف جبريل
لم نلتقى قبل ولكن طال ماانت صديقى يسسسسسسسسسس اكيد فنان وراقى الخصال
اما الاخ فارس فكلماتة وتعابيره كشفت تماما عن شخصه فهو فوق ثقافته وادراكه راجل ذو اذن موسيقية يتحد بها الموسيقين فى بلادى فله كل الود
Post: #41 Title: Re: عبد العظيم منصور ...المبدع الفنان Author: nazar hussien Date: 03-06-2008, 09:41 AM Parent: #39
Post: #49 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 09:35 PM Parent: #46
الرائع الغالية منى الملكة
كم انت رائعة وصاحبة ذوق واحساس جميل جدا وشكرا كتير على الاطراء الراقى
فحق ملكة بماتحمليه من صفات الملوك ( بت ملوك النيل يااخت القمر)
ولن اتنازل عن طلبى فى توثيقك فى هذا البوست ومنتظرين كتاباتك هنا ياملكة
لو انت نسيت
الاستاذ حسن عطية
بصوت عبد العظيم منصور
Post: #43 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 08:53 PM Parent: #39
الاخ العزيز يسسسسسسس
انت كنت وين الزمن دا كلو
منتظرين الكثير والكثير بالله يادكتور
فانت شيخ هذه الحلبة
Post: #47 Title: Re: عبد العظيم منصور ...المبدع الفنان Author: kamalabas Date: 03-06-2008, 09:16 PM Parent: #1
التحية لعبد العظيم منصور ,, والتحايا للاخوة ياسر وياسين .....ولنحتفي معا بعودةالروح -المعتقة- لفن الطمبور عودة محمد كرم كرم ولنستمع له بعد أكثر من ربع قرن من الغياب هنا :
Post: #48 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 09:24 PM Parent: #47
الاخ العزيز كمال
الشكر لك وانت تقوم بهذا الدور العظيم
والفنان محمد كرم الله دا حاجة دانى ممكن تصبر على شوية لانه يحتاج لشهور بل سنين لنوفيه حقه فهو بلا منازع
اسطورة فى فن الغناء الشايقى وشوف بعد غياب 30 سنة يعود وكانه فى سن العشرين فالاصيل لايصداء ابدا
Post: #50 Title: Re: عبد العظيم منصور ...المبدع الفنان Author: Yasier Elsayed Date: 03-06-2008, 10:49 PM Parent: #48
صباح العيد
للشاعر عاطف خيرى لحن واداء عبد العظيم منصور (طمبور)
Post: #51 Title: Re: عبد العظيم منصور ...المبدع الفنان Author: فارس موسى Date: 03-06-2008, 11:28 PM Parent: #1
استاذنا العزيز جدا د يس
التحايا النواضر كنضاره هذا الصوت الذى جمعنا جميعا.
اتابع كتاباتك كل ما تيسر لى ذلك، لك حضور مهيب يذكرنى مراقبى الإمتحانات
فأنت من القلائل فى هذا المنبر المعنيين بتجويد الكتابه بلغة الضاد
وأنتم حراسا غلاظ يعمل لكم راغبى التجويد الف حساب ويرفع ضغطكم الذين لا يفرقون بين الغين والقاف.!
انتظرك مع صديقى الحميم الجديد لنج ياسر !
سيف جبريل دا شكلو ما باراك كتير كان AT LEAST لغتو إتحسنت كتير لكن تعملوا شنو إنتو مع الناطقين بغيرها!!! (خت ليك وش تكاسى فردو كلها مجليه ) .
التحيه تانى لحبينا وفنانا الرائع معنى وليس مجامله عبد العظيم منصور.
وشكرا.
Post: #52 Title: Re: عبد العظيم منصور ...المبدع الفنان Author: yasiko Date: 03-07-2008, 03:22 AM Parent: #1
الأستاذ فارس لك التحية شكراً للإطراء ويقيني التام لازلت اتعلم مما يُكتب ويُـقدم في هذا البورد وشايف "متاوقتك" كترت في إنتظار عصافير الخريف ، فها هي دونك وجهز سي دي كبيييييييير للباقي لك الود
عصافير الخريف بصوت الفنان عبد العظيم منصور
أخي ياسر سلام "الدنيا أم قدود" جعلتني لا استطيع تصفح كل العناوين لذلك لم ار هذا البوست ولكن الشكر للأخ سيف جبريل كان نعم الهادي أبشر بالخير فإنني لكل جميل بالمرصاد
Post: #53 Title: Re: عبد العظيم منصور ...المبدع الفنان Author: فارس موسى Date: 03-07-2008, 04:49 AM Parent: #1
يااااااااااااااااااااااااه
يا يس (حاف كده !)
مراصدك ما ختيره واخدت النمره الكامله كعادتك.
ويااااااااااااااااااااااااااااه تانى
تحت الغمام شايف مواكب الهجره إتلاشت سراع
عارف من اول سفر لبلاد بعيده بدون متاع
(من ازقة برلين لفيافى تكساس لهضاب فرجينيا)
ذى ما بتخاف عصافير الخريف من الرياح ... بنخاف نحن من الضياع
مراصد جمالك يا دكتور يا حميم حركت فينا شجن بل شجون كم يقولون
غايب السنين الليله مالو غنا العصافير غلبو طراهو زولا كان ولوف ... كم رضى خاطرو وطيبو
سمع قليبو كلام حنين ...هدهد مشاعرو ودوبو (عليك النبى شوف هدهد دى )(إنشالله سيف ما يجى بجاى)
الناس سعيدم فى الحياه لا ضاق فراق لا جربو
وانا مالى فى بعد الوطن ...دفعنى ضئ العين تمن
ليه .. ليه .. ليه..
تشكراتى من الساحل الشرقى لعند الساحل الغربى
يا مدير مركز مراصد الجمال
وعاصفه من الود إذا مرت بسيف إقتلعته وإذا رست عندكم هدأت اعصابكم كما هيجتمو اليوم شجونى
تصبح على خير.
Post: #54 Title: Re: عبد العظيم منصور ...المبدع الفنان Author: Muna Khugali Date: 03-07-2008, 03:33 PM Parent: #53
ومن اجل زوار النهار..
Post: #55 Title: Re: عبد العظيم منصور ...المبدع الفنان Author: Yasier Elsayed Date: 03-08-2008, 00:30 AM Parent: #54
الملكة منى
نهارك سعيد ويومك اجمل وانت تزينينا المكان بحضور دوما
والى اغنية اليوم علها تعجبك
قلبى يامرتاب
الفنان معاوية المقل معالجة لحن واداء عبد العظيم منصور
Post: #56 Title: Re: عبد العظيم منصور ...المبدع الفنان Author: nazar hussien Date: 03-08-2008, 01:24 PM Parent: #55
يااااااااااااااااااااااااااااااااااااااا
ياسر السيد...لا اديتني تلفون عبدالعظيم في النرويج...ولا لنكات الحفظ...
وبعدين لازم ترجع لي عبدالعظيم تقول ليه غني لي
اتدللي واتدللي واتدللي...
وانا قلبي بالنار منصلي
ما بسيب هواك...لو تكتلي
عبدالعظيم منصور هذا لو بطّل حياءه الفطري داك واقتحم الفضاءات... لما سمعت بعده لأصوات عديدة...فهو عندي صوت معتق بقامة النعام وصاحب الطيف الذي عاد عندما يغني لك بالرباب...ومعتقا كوردي والعاقب محمد حسن حينما يغني لك بالعود
عليك الله ادينا لنكات حفظ الاغاني ...
Post: #57 Title: Re: عبد العظيم منصور ...المبدع الفنان Author: Yasier Elsayed Date: 03-08-2008, 04:07 PM Parent: #56
الاخ الفاضل / ناذر
صباح الخير عليك وانت تطل علينا من حين واخر
ومعليش على التاخير ظروف حياة وانت عارف
تلفون عبد العظيم:- 4799539918
والبقية تاتى
لك كل الود
وعلشان ماتزعل اغنية اليوم هدية
النسيم الفائح طيبو
Post: #58 Title: Re: عبد العظيم منصور ...المبدع الفنان Author: Yasier Elsayed Date: 03-08-2008, 06:46 PM Parent: #57
الاحساس بغيبتك الاستاذ عبد القادر محمد عبد القادر لحن واداء عبد العظيم منصور
Post: #59 Title: Re: عبد العظيم منصور ...فنان موهوب يخشى الاضواء دائما Author: Yasier Elsayed Date: 03-08-2008, 07:15 PM Parent: #1
يسوقنى الشوق
لحن واداء عبد العظيم منصور
Post: #60 Title: Re: عبد العظيم منصور ...المبدع الفنان Author: حسن الطيب يس Date: 03-08-2008, 08:00 PM Parent: #1
ياسر شكرا علي الإستراحة الوارفة و الإبداع ده صوت جميل
Post: #61 Title: Re: عبد العظيم منصور ...المبدع الفنان Author: Yasier Elsayed Date: 03-08-2008, 08:54 PM Parent: #60
الحترم حسن الطيب
شكرا كتير جدا ودا نابع من ذوقك العالى وحسن استماعك
ولنا لقاء باجميل
Post: #62 Title: Re: عبد العظيم منصور ...المبدع الفنان Author: Elawad Eltayeb Date: 03-08-2008, 11:39 PM Parent: #61
يا سلام قمة الإبداع
الرائع عبد العظيم منصور آخر مرة جلسنا معه قبل ما يقارب 14 سنة في السودان ومعي أقربائي وأصدقائي عثمان عبد الباسط (كحيل) ومنتصر على طه وربيع طه (رورو) وأمين صديق وأحمد عكاشة وشمس المعارف بخيت وأصدقاء آخرين في الخرطوم..
بلغوه منا السلام والتحايا..
عوض الله أحمد الطيب الرياض
Post: #63 Title: Re: عبد العظيم منصور ...المبدع الفنان Author: Yasier Elsayed Date: 03-09-2008, 04:36 AM Parent: #62
الاخ عوض الله
لك كل الشكر والتحية لك والكل من استمع لهذا المبدع قبل 14 سنة فايتة ونتمنى لك الاستمتاع به مرة اخرى
Post: #64 Title: Re: عبد العظيم منصور ...المبدع الفنان Author: Yasier Elsayed Date: 03-09-2008, 03:52 PM Parent: #63
الزين والعديلة الاستاذ محمد الحسن سالم حميد لحن اداء عبد العظيم منصور
Post: #65 Title: Re: عبد العظيم منصور ...المبدع الفنان Author: Yasier Elsayed Date: 03-09-2008, 07:54 PM Parent: #64
مراسيك وين
الشاعر شقورى لحن واداء عبد العظيم منصور
Post: #66 Title: Re: عبد العظيم منصور ...المبدع الفنان Author: haider osman Date: 03-09-2008, 09:44 PM Parent: #1
طرب جميل ..وصوت ثابت ..ملئ بالشجون والتطريب.
مجهود جبار العزيز ياسر ...
Post: #68 Title: Re: عبد العظيم منصور ...المبدع الفنان Author: Yasier Elsayed Date: 03-09-2008, 10:46 PM Parent: #66
الاخ الغزيز/ حيدر عثمان
ودا من ذوقك العالى الرفيع يا حيدر وانشاءالله موعود بروائع لامالانهاية من هذا الفنان المبدع
ولك الشكر
Post: #67 Title: Re: عبد العظيم منصور ...المبدع الفنان Author: yasiko Date: 03-09-2008, 10:42 PM Parent: #1
العزيز ياسر سلام أقرأ الكلمات الجميلة من مدير صفحة "البركل" في حقك "في الصفحة الأخير’ وارسل لي ايميلك لأننا نحتاجك بي هناك أيضاً
Post: #69 Title: Re: عبد العظيم منصور ...المبدع الفنان Author: ديامي Date: 03-09-2008, 10:59 PM Parent: #67
أتخيل أننا في غرفة عبد العظيم في الجناح الجنوبي لجامعة السودان نواحي الديوم الشرقية
عبد العظيم منصور
حميد
أحمد سليمان
خالد شقوري
عبد القادر
عاطف خيري
صديق محمد طه
د. يس
ياسر علي السيد
وكلنا في ضيافة المتداخلين في هذا البوست ( من لم يحضروا معنا ذلك الزمن الجميل )
Post: #71 Title: Re: عبد العظيم منصور ...المبدع الفنان Author: Yasier Elsayed Date: 03-10-2008, 01:19 AM Parent: #69
الاخ الفاضل/ ديامى
كدى عبد العظيم منصور دا خلى شوية
عندى سؤال؟
اوع تكون القلعت الفنلة دا انت فى الاستاد (بضحك)
والله الف الف شكر ليك ولروعة فنك الاصيل والتحيا لكل الشباب فى ذلك الزمان
وربنا يعدها ايام سعيدة
الى ذلك الحين استمتع معنا بفن ذلك العملاق الموهوب
ولك هذة .
فوق جمر الصبر للشاعر عبد القادر محمد عبد القادر لحن واداء عبد العظيم منصور
Post: #70 Title: Re: عبد العظيم منصور ...المبدع الفنان Author: Yasier Elsayed Date: 03-10-2008, 01:08 AM Parent: #67
الدكتور يس
على ما اظن لازالت الدنيا ام قدود بجوارك ولم تمهلك ولو لحين والجميع مترقب عودتك من الحين والاخر ومنتظرين الجميل من الابداع يادكتور ودونك المكان !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! فارجو ان تشوف لنا صرفة مع هذه الدنيا.
Post: #91 Title: Re: عبد العظيم منصور ...المبدع الفنان Author: Yasier Elsayed Date: 03-17-2008, 03:46 AM Parent: #90
مساء الخير
نواصل وترقبو الجميل الجديد من المبدع عبد العظيم منصور
Post: #92 Title: Re: عبد العظيم منصور ...المبدع الفنان Author: Yasier Elsayed Date: 03-18-2008, 01:15 AM Parent: #91
ياحبيبى عليك الله اتمهل الشاعر بربر لحن واداء عبد العظيم منصور
Post: #93 Title: Re: عبد العظيم منصور ...المبدع الفنان Author: عثمان دغيس Date: 03-18-2008, 07:49 AM Parent: #1
الفنان ياسر علي السيد
أول شيئ إنت ياكا ياسر على السيد بتاع كريمة ؟؟؟ لأني فيما أذكر سمعت شريط لثنائي خطير بالطمبور محمد الطيب وياسر على السيد ...
عبد العظيم منصور فنان بمعنى الكلمة .. وهو ملحن من الطراز النادر.. صاحب خيال لحني لا تحده حدود ...
وهو بالطبع من أسرة فنية عاشت بمدينة كريمة .. وهو أيضاً شقيق الفنان ( المنجذب ) الدكتور عبد المنعم صديقنا في الزمن الجميل ..
والذي كان يلقب حينها بوردي الصغير .. وقد عملنا معه سنين عدداً بواد مدني .. إلا أنه إعتزل الغناء فجأة ونذر ما تبقى من حياته للعبادة ..والعناية باللحية .. وقد قابلته بعد سنين إنقطاع ولم أتعرف عليه ..
ولي عوده ،،،
Post: #94 Title: Re: عبد العظيم منصور ...المبدع الفنان Author: Yasier Elsayed Date: 03-18-2008, 02:39 PM Parent: #93
الاخ العزيز عثمان دغيس
اولا اشكرك على هذا المرور الجميل والثناء ولكن منتظرين منك الكثير فى هذا البوست خصوصا وانت ذو علم كثير بهذه الاسرة الفينية وصلة بالميدع عبد المنعم منصور ( وردى) كما كان يسمونه انا ياسر على السيد بتاع كريمة ومحمد الطيب هذا صديق حميم جدا وموضوع الشريط مسالة تانية
لك الود
Post: #95 Title: Re: عبد العظيم منصور ...المبدع الفنان Author: Muna Khugali Date: 03-18-2008, 08:09 PM Parent: #94
نمسي علي الناس الحلوه..
Post: #96 Title: Re: عبد العظيم منصور ...المبدع الفنان Author: Yasier Elsayed Date: 03-18-2008, 09:58 PM Parent: #95
نطرب الناس الحلوين
يامروية الشاعر احمد سليمان لحن واداء عبد العظيم منصور
Post: #97 Title: Re: عبد العظيم منصور ...المبدع الفنان Author: Yasier Elsayed Date: 03-19-2008, 11:09 PM Parent: #96
تانى تانى
تانى راجعين مرة تانى للقديم الانتنسا
مالو عاد الشوق علينا
Post: #98 Title: Re: عبد العظيم منصور ...المبدع الفنان Author: Yasier Elsayed Date: 03-21-2008, 03:57 AM Parent: #97
حبك يمحى كل الفات الشاعر حميد
لحن واداء عبد العظيم منصور
Post: #99 Title: Re: عبد العظيم منصور ...المبدع الفنان Author: yasiko Date: 03-21-2008, 04:34 AM Parent: #1
منو الزي أمي مابيعرف يعادي
Post: #100 Title: Re: عبد العظيم منصور ...المبدع الفنان Author: yasiko Date: 03-21-2008, 04:39 AM Parent: #1
"كيفن اصبِّر قليبي" عبد العظيم منصور والأستاذ الفنان صديق احمد ثنائي
Post: #101 Title: Re: عبد العظيم منصور ...المبدع الفنان Author: Yasier Elsayed Date: 03-21-2008, 06:48 PM Parent: #100
ماروع ان يلتقى عمالقة الفن فى واحد من اجمل الالحان
نتابع مع يس
Post: #102 Title: Re: عبد العظيم منصور ...المبدع الفنان Author: Muna Khugali Date: 03-22-2008, 08:11 PM Parent: #101
أهل البيت.. مالو حوشكم الجديد ده صاني؟؟
Post: #103 Title: Re: عبد العظيم منصور ...المبدع الفنان Author: Yasier Elsayed Date: 03-23-2008, 05:39 PM Parent: #102
نور السعادة
الشاعر عمر عثمان لحن اداء عبد العظيم منصور
الملكة الحوش الجديد محتاج شوية مجهود علشان الرحول صعب
Post: #104 Title: Re: عبد العظيم منصور ...المبدع الفنان Author: عبد العظيم احمد Date: 03-23-2008, 11:52 PM Parent: #103
ود السيد ومنى والاخرون رونق والزارعون الحب ودا وعناق فى الزمن الجميل بناسه اتصلت بالاستاذ والفنان عبد العظيم منصور وهو متابع معكم هذا البوست الرائع ويبلغكم التحايا وهذا هو اميل عبد العظيم [email protected]
لمن برغب فى الود الود
سلام عبد العظيم
Post: #105 Title: Re: عبد العظيم منصور ...المبدع الفنان Author: Yasier Elsayed Date: 03-24-2008, 00:31 AM Parent: #104
عبد العظيم
وين ليك زمن مسجل غياب وكل مرة بنتاوق عليك
نرجو عدم الغيبة الطويلة منتظرينك
Post: #106 Title: Re: عبد العظيم منصور ...المبدع الفنان Author: Muna Khugali Date: 03-24-2008, 00:57 AM Parent: #104
شكرا الخ عبد العظيم.. ارسلت لأستاذ عبد العظيم رساله شكر واعجاب الآن..
سلام لكم جميعا...
Post: #107 Title: Re: عبد العظيم منصور ...المبدع الفنان Author: Yasier Elsayed Date: 03-24-2008, 01:38 AM Parent: #106
الملكة منى
شايفة غيابك بيعمل البيت كيف صنا شديدا
والظاهر عليك فرحة ماجدة وابوبكر كملتى معاهم الطرب وبقا حظنا قليل من الطلة
سلام مما جارة ومبروك لماجدة وربنا يجعل ايامك كلها افراح
القمره والقيزان الشاعر احمد سليمان لحن واداء عبد العظيم منصور
Post: #108 Title: Re: عبد العظيم منصور ...المبدع الفنان Author: Yasier Elsayed Date: 03-25-2008, 03:59 AM Parent: #107
الشباب الحلوين وين
Post: #109 Title: Re: عبد العظيم منصور ...المبدع الفنان Author: الطاهر عثمان Date: 03-25-2008, 11:10 AM Parent: #1
يا للجمال والروعة
جمال المتداخلين علي انغام المبدع عبد العظيم ومتعة لقاء الاخ ياسر بعد زمن طويل بالجد بوست ممتع وجميل جداً
Post: #110 Title: Re: عبد العظيم منصور ...المبدع الفنان Author: Yasier Elsayed Date: 03-25-2008, 08:17 PM Parent: #109
الغالى العزيز الطاهر عثمان
لك التحية والحب من على البعد والله زمن طويلة
واشكرك جدا على هذا المرور والثناء الجميل
وين بلدك وين نحنا
Post: #111 Title: Re: عبد العظيم منصور ...المبدع الفنان Author: Yasier Elsayed Date: 03-26-2008, 01:44 PM Parent: #110
ياسيف جبريل صاحبك فارس الراجل الفنان ليهو مدة لم يظهر
اتمنى ان يكون بخير تحياتى وسلامى الشديد
فى انتظاركم
Post: #112 Title: Re: عبد العظيم منصور ...المبدع الفنان Author: Yasier Elsayed Date: 03-27-2008, 03:01 PM Parent: #111
حلم الوطن للشاعر عاطف خيرى
لحن واداء عبد العظيم منصور
Post: #113 Title: Re: عبد العظيم منصور ...المبدع الفنان Author: Yasier Elsayed Date: 03-29-2008, 02:56 PM Parent: #112
اسلى كانت بلدى الشاعر الحبيب الاستاذ عبد العظيم منصور
Post: #114 Title: Re: عبد العظيم منصور ...المبدع الفنان Author: Yasier Elsayed Date: 03-30-2008, 06:10 PM Parent: #113
احلى رسالة
لحن اداء عبد العظيم منصور
Post: #115 Title: Re: عبد العظيم منصور ...المبدع الفنان Author: khatab Date: 03-30-2008, 10:02 PM Parent: #114
.. .الاخ ياسر ليك خالص التحايا وللاخ الفنان عبدالعظيم منصور .طبعا انا مستمع قديم لى عبدالعظيم .. بفضلك والصديق عاطف معاويه . منذ ذاك الالبوم الانيق الذى قمت انت بتصميمه .. وانامستمع جيدله . اصدقاء كتار صاروا به معجبين . .له ولك خالص التحايا .
Post: #118 Title: Re: عبد العظيم منصور ...المبدع الفنان Author: Yasier Elsayed Date: 03-31-2008, 05:17 AM Parent: #115
ياعزيزى خطاب
الشوق ليك فات الحدود ولم اجد طريقة اتصال الرجاء ارسال تلفونك على الاميل للحديث
وتشكر ياراجل يافنان على المرور والمتابعة واتمنى العودة قريبا
تحياتى
Post: #116 Title: Re: عبد العظيم منصور ...المبدع الفنان Author: بدري الياس Date: 03-30-2008, 10:25 PM Parent: #114
تعرف يا جنا علي السيد من يومك البديت البوست العجيب ده ، وأنا أزازي، أدخل، أخاف وما أقدر أقاوم ، أضغط مفتاح play ، وتقوم شياطيني، شي كواريك وشي ذكريات وشي دموع، وشيتاً تاني خلو براهو.. وشيتاً إنتا عارفو والله وناس كتااااار عارفنو.. ويغلبني الوجع، يا صاحبي، يهزمني الشجن والغربة والوحدي، وقعاد الميل و"واي أنا".. أسب ليك وأسب لي عبد العظيم ولي أيام كانت وكنا، وأمرق.. وأجي تاني أقول أكتب ليك حاجة، على الأقل أوريك إني واطي جمرات منقد ذكريات مدوديها بوستك وأوتار عبد العظيم "عوده والطمبور"، يا رحمتك يا من خلقت اللون والشجن.. ، يا ياسر يا اخوي، ما أظننا صغاراً نتحمل جنس ده كلو، رهفنا وبقينا حال "المتسبب" اليبكيهو "نوح قمرية" ما ضلت "تقاة" البال. "حِسَتْ" الأرواح واتورم البدن بما ينوء به من فجايع يلولي فيها وهناً على وهن، وما تَبَقَى "تلوكه" هذه الغربات والشتات وقل الحيلة، وباب الرجا المقفول في بلداً بقت ما "هيّ".. ،
عموماً، البتسوي فيهو ده شغل كبير، ومجهود مقدّر تشكر عليهو. ده شي ماهو هيِّن كلو كلو. شد حيلك. وبرااحة علينا. وفي حاجة مهمة أقوله ليك، وأضم صوتي لي صوت أخونا عبد العظيم، شايفو فتر من مناداتك، لنكات الحفظ ضرورية عشان نقدر نتابع ونسمع، في البيت، في المكتب، في العربية، ونقدر نتيح "جنا محمد منصور" لي أي زول بعيد عن دائرة المنتدى ، وبعدين السماع ما يكون لينا مربوط بي دخولنا على الموقع بس. ، تحياتي مرة تانية وواصل سعيك واصل واصل.. ، مودتي .. ، ،
Post: #117 Title: Re: عبد العظيم منصور ...المبدع الفنان Author: Muna Khugali Date: 03-30-2008, 11:03 PM Parent: #116
Post: #120 Title: Re: عبد العظيم منصور ...المبدع الفنان Author: Yasier Elsayed Date: 03-31-2008, 05:31 AM Parent: #117
الملكة
غايتو كلمنا بكرى وماعرفين البيحصل
ولو حاصل لاقدر الله برطو بجيكم دانى من جديد
انا لاقى ناس زيكم وخليهم يمشو من هنا
هذه الاغنية اخر ماتغنى ولحن عبد العظيم منصور
لقيمة عيش للشاعر حميد لحن واداء عبد العظيم منصور
Post: #119 Title: Re: عبد العظيم منصور ...المبدع الفنان Author: Yasier Elsayed Date: 03-31-2008, 05:25 AM Parent: #116
ود الياس العجيب كل هذه السنيين ولازلت الشيخ بدر ود الياس صاحب الضحكة التى كثيرا ماجلجلت فى قصر عابدين والصوالين القديمة والكلام السمح . وانت اصلك من زمان جرسة يعنى ماتعمل البوست السبب وانشاء الله الغنى السمح وعبد العظيم يخليك بدر الشيخ صاحب النميرتين
ويابدر الكلام كتير بس حااجيك راجع
Post: #121 Title: Re: عبد العظيم منصور ...المبدع الفنان Author: Muna Khugali Date: 03-31-2008, 06:57 PM Parent: #119
حمدلله علي السلامه...
Post: #122 Title: Re: عبد العظيم منصور ...المبدع الفنان Author: Yasier Elsayed Date: 03-31-2008, 09:21 PM Parent: #121
الملكة منى
الله يسلمك .. لكن الحاصل شنو العاصفة انتهت ولا شنو
اول مرة احضر معاكم استورم لذلك لن اعرف مدى تاثيره والى متى
لكن غايتو لوانتهى بسلام دا يكون جميل خالص
Post: #123 Title: Re: عبد العظيم منصور ...المبدع الفنان Author: Muna Khugali Date: 03-31-2008, 10:19 PM Parent: #122
Quote: الملكة منى
الله يسلمك .. لكن الحاصل شنو العاصفة انتهت ولا شنو
اول مرة احضر معاكم استورم لذلك لن اعرف مدى تاثيره والى متى
لكن غايتو لوانتهى بسلام دا يكون جميل خالص
ممكن..
السلام وليس الأستسلام!
العواصف اخوي ما بتديك الدرب..لكن مابتقدر تقلع النخل..
تحياتي..
Post: #124 Title: Re: عبد العظيم منصور ...المبدع الفنان Author: Yasier Elsayed Date: 04-01-2008, 02:47 AM Parent: #123
Post: #125 Title: Re: عبد العظيم منصور ...المبدع الفنان Author: Yasier Elsayed Date: 04-01-2008, 01:30 PM Parent: #124
الاستاذ عبد العظيم منصور رجل فنان وعازف بارع يجيد العزف على كثير من الالات الموسيقية والتى كانت متاحة فى تلك المدينة الجملية كريمة
الة العود - الطمبور - الهارمونك -
مع القدرة العالية فى التلحين
Post: #126 Title: Re: عبد العظيم منصور ...المبدع الفنان Author: Yasier Elsayed Date: 04-02-2008, 03:45 PM Parent: #125
الرحلة عبد العظيم منصور
Post: #127 Title: Re: عبد العظيم منصور ...المبدع الفنان Author: Yasier Elsayed Date: 04-03-2008, 06:52 PM Parent: #126
طواغيتك
Post: #128 Title: Re: عبد العظيم منصور ...المبدع الفنان Author: Yasier Elsayed Date: 04-04-2008, 04:49 PM Parent: #127
تميز المبدع عبد العظيم منذ صغره بحب الناس وحب الجميع له لما يمتاز به من اخلاق عالية وتعامل راقى مع الصغير قبل الكبير وكانت لنشاته الدينية والوالد رحمه الله الحاج محمد منصور اثر كبير جدا لنبوغه وتميزه بين ابناء دفعته زايدا على الموهبة الغنايئة التى هى هبة من عند المولى عز وجل
Post: #129 Title: Re: عبد العظيم منصور ...المبدع الفنان Author: Yasier Elsayed Date: 04-06-2008, 00:06 AM Parent: #128
لايحب الظهور ولا الغناء فى المناسبات العامة ورغم عن ذلك زاع صيته بين القرى والحضر بسبب الحانه التى تغنى بها عمالقة الفن الشايقى بالمنطقة وعلى راسهم العملاق صديق احمد والاستاذ ميرغنى النجار
ومجالسة الاصدقاء فى الدراسة وخصوصا المرحلة الجامعية ايضا اثر فى ظهوره بصورة اكبر
Post: #130 Title: Re: عبد العظيم منصور ...المبدع الفنان Author: Yasier Elsayed Date: 04-06-2008, 03:13 PM Parent: #129
يمتاز بقوة فى الصوت مع درجة عالية جدا من التطريب وله قدرة فائقة للغناء على كل درجات السلم الموسيقى
Post: #131 Title: Re: عبد العظيم منصور ...المبدع الفنان Author: Yasier Elsayed Date: 04-08-2008, 05:08 AM Parent: #130
شعراء لحن لهم الاستاذ الموهبة عبد العظيم
الاستاذ محمد الحسن سالم حميد
الاستاذ عبد القادر محمد عبد القادر
الاستاذ احمد سليمان
الاستاذ الحبييب الاستاذ عاطف خيرى الاستاذ صديق محمد طه
الاستاذ ازهرى محمد على
والبقية تاتى
Post: #132 Title: Re: عبد العظيم منصور ...المبدع الفنان Author: Yasier Elsayed Date: 04-08-2008, 07:20 PM Parent: #131
بعض الذين تغنو بالحانه :-
الاستاذ الفنان صديق احمد
الفنان مرغنى النجار
ثنائى العامراب
الفنان خالد الصحافة
ونحن ماشين لسه
Post: #133 Title: Re: عبد العظيم منصور ...المبدع الفنان Author: Yasier Elsayed Date: 04-10-2008, 00:09 AM Parent: #132
يعشق الفن والكلمة الحلوة وله علاقة خاصة جدا مع كل الالات الموسيقية الحديثة منها والشعبية
هادى الطباع ولوف ذو خلق عالية جدا اين ماوجده كان الفن معه
Post: #134 Title: Re: عبد العظيم منصور ...المبدع الفنان Author: Yasier Elsayed Date: 04-13-2008, 09:36 PM Parent: #133
ياجماعة الشوايقة وين ؟
Post: #135 Title: Re: عبد العظيم منصور ...المبدع الفنان Author: Muna Khugali Date: 04-14-2008, 00:27 AM Parent: #134
ونحنا قاعدين منتظرين..
سلام يا اهل الدار..
Post: #136 Title: Re: عبد العظيم منصور ...المبدع الفنان Author: Yasier Elsayed Date: 04-14-2008, 00:37 AM Parent: #135
والبنت الحلوة دى عايزين نخطبها للواد الواقف هناك داك ممكن
مرحب وسلام من تانى
Post: #137 Title: Re: عبد العظيم منصور ...المبدع الفنان Author: Yasier Elsayed Date: 04-20-2008, 02:37 AM Parent: #136
up
Post: #138 Title: Re: عبد العظيم منصور ...المبدع الفنان Author: Muna Khugali Date: 04-25-2008, 00:49 AM Parent: #137
وينك يا ياسر.. لعل المانع خير في غيابك....
Post: #139 Title: Re: عبد العظيم منصور ...المبدع الفنان Author: Yasier Elsayed Date: 04-25-2008, 05:52 AM Parent: #138
الملكة العزيزة منى
كل الخير واهله يسال عنك ايتها الملكة الاصيلة الطيبة بطيبة اهلى الحلوين .
ولكن مشاغل هذه الدنيا التى تعرفينها اكثر منى هى التى لم تمكنى من المداومة تلك الايام الفايتة
لكى اقوم بتنزيل عدد من روائع المبدع عبد العظيم
واعدك عن قريب اللقاء
ولكى هذه التحفة الرائعه من الاستاذ / صديق احمد متعه الله بالصحة والعافية
( يومين بدونك على بالحسرة مرو)
مع فايق شكرى وتقديرى
Post: #140 Title: Re: عبد العظيم منصور ...المبدع الفنان Author: Saber Abdelhadi Date: 04-25-2008, 08:39 AM Parent: #139
صديق الطفولة المهذب عبد العظيم .. كأني بك .. لا زلت تصفّر .. ذلك اللحن المُخادع وأنت تدوّر .. حول أصبعك - ذاك المهذّب - .. سلسلة مفاتيح الشجن.. بإيقاع دوران الشمس حول روؤسنا الممتلئة عنادا وخصوبة..
.. لكأني بنا،،
______ شكرا أبو الياء وياريت تعمل لينا بوست منفصل لأغاني الفنان محمد الطيب.
Post: #141 Title: Re: عبد العظيم منصور ...المبدع الفنان Author: ديامي Date: 04-25-2008, 08:55 AM Parent: #140
يا سلام عليك يا ياسر ،
ويا سلام علي عبد العظيم منصور
كانت لنا معه مشاوير لا تنسى
وما زال رغم الشتات يحنو علينا بما يسجله
من جديد
Post: #142 Title: Re: عبد العظيم منصور ...المبدع الفنان Author: Yasier Elsayed Date: 04-26-2008, 02:27 PM Parent: #141
الاخ ديامى
تحية لك وتقدير وتمتع بروائع المبدع صديقك عبد العظيم
Post: #143 Title: Re: عبد العظيم منصور ...المبدع الفنان Author: Yasier Elsayed Date: 04-29-2008, 08:11 PM Parent: #142
على كيفك تفوت للشاعر ازهرى محمد على لحن واداء عبد العظيم منصور
Post: #144 Title: Re: عبد العظيم منصور ...المبدع الفنان Author: Yasier Elsayed Date: 05-04-2008, 08:25 PM Parent: #143
up
Post: #145 Title: Re: عبد العظيم منصور ...المبدع الفنان Author: Yasier Elsayed Date: 05-17-2008, 01:10 AM Parent: #144
اخونا العزيز صابر
فى انتظار الجميل منك عن هذا الفنان المبدع عبد العظيم