Quote: حبيبي .. استاذي عبد القادر محمد عبد القادر كتب :- شعري كلو القلتو قبلك كان قصائد ابجدية ... وأي قافية بدون عيونك .. سارحة تايهة بدون هوية.. وأي زول صادفتو قبلك كان بمهد ليك جية .. ولكن لك أيها المعلم كانت كتاباتنا (كلنا) لتصل بنا إليك أو كما كتب عبدالقادر .. من هنا ولا عندك هناك بلد بلد مفروشة ورود ..
Quote: هذا نقاش مثمر ومفيد يعكس وجه المناطق الجميلة المشرقة على ضفاف النيل الخالد / ولا ادرى شئ عن هذه المناطق الجميلة على نهر النيل - ونتمنى ان نزور هذا البلد الجميل حسنارتى ونتعارف على سكانها الطيبين المسالمين - وكل اهل شمالية حنينين وطيبين وجميلين - ونحن باسم معجبى الفنان المبدع محمد نصرى نتمنى ان نمد جسر تواصل بين الشمال الحنين ودارفور الصابرة - وسوف نكون رابطة باسم معجبين محمد نصرى فى دارفور - واتمنى ان يتفق الجميع ولا يختلفون فى مثل هذه المواضيع البسيطة
Quote: شكراً ايها الشاعر الفحل خالد الباشا على هذا الكلام الجميل الذى ينبعث من روح شاعرية فذة / وانت ليس شويعر صغير كما يقولون الذين لا يتذوقون الشعر الجميل المرهف الذى يتدفق كنهر النيل الخالد / ويكفيك فخراً قصيدة لا تزعلى التى اطلق اسمها على الالبوم الناجح / ولو قلت فقط ( ما حبيت عينيك بى صدفة وما لاقيتك دون ميعاد ) هذه القصيدة تكفيك فخراً واعتزازاً بانك شاعر طموح وعظيم كمثل الشاعر الفذ محمد حسن حميد الذى يحبه كل الوان الطيف السودانى / ولا اتفق مع من يصف الشاعر العظيم خالد الباشا بانه شويعر صغير لا يعرف الشعر فهذا والله ظلم واجحاف وتعدى شنيع ومخالفة لادب النقاش /
الاستاذ الكبير / محمد الامين شكراً على تعليقك الجميل وتواضعك الرائع وتعاونك معنا نحن ابناء دارفور المناضلين ولا نا مت اعين الجبناء .
المَلكَة..أم عجن.. ذكرتيني إذاعة البيت السوداني.. إس مية..زي ما قالت إحدى الحبوبات الحنينات..
الغنية دي ذكرتني الحبوبة البتقول.. بيتك قُشي.. أكلك نظمي.. راجلك إحترمي.. جاهلك نضفي.. ما تتجهلي.. ما تتصغري.. ... و تختلط نصائحها..بنصيحة أخرى.. كورة أم قعار تحت سريرو أنقعا.. راجلك لو ما ناداك.. ليه تمشي تلحقا.. كلامي كان أبيتي.. تكوسي ما تلقا. بنيتي حسافة.
كلام كلو حِكَم و مواعظ.. أنا غايتو ألذٌ حتة عاجباني..البتقول.. أبو القدح بيعرفي..محل عضة أخيو.
Post: #49 Title: Re: سنة داك وكت جينا لقينا (بقـال) قاااعد ... Author: mamkouna Date: 09-24-2007, 02:16 AM Parent: #31
الملكَة..أم عجل!
تصدقي كنت قايلاها يا بنيتي (( حسافة* )) ما قايلاها...(( حسَابَك ))! ---------------------------------------------- * حسافة يعني ندم و أسف. ---------------------------------------
في طريقة تكتبوا لينا الكلمات كاملة.. و الترجمة على الشريط!
كلمات( بنيتي حسابك)هاك ليها واتمنى يجي زول يكتب لينا كلمات (سنة داك)
تمت الترجمة بواسطة معتز القريش كما هو واضح بالبوست الآخر :
بنيتي حسابك الله والنبي لـ كلام راجل تسمعا بنيتي حسابك لـ كلام راجل أسمعا حسابك يا بنيتي كلامي لا تابا كلامي كم أبيتيه تكوسيه ما تلقا * * * هي لا تخليه ينقنق لـ كلامو تسفها لا تقوّي راسك ، بكرة يقولوا طلقا فجر كم ولا عندو لـ عشيّا أمهلا بلا إذنو لا تمشي لـ محل ما جرا *** وراجل كم ما ناداك لا تمشي تلحقا وكم غبّت منك نادي أسألا قشي بيتك بدري وعيشك أطحنا الما وساخة ، في خشم بيت لا تكشحا *** وكم عاطت فوقك لا تدقيه تفلعا إنتي أشكيه لـ الله لـ حقك يخلسا انتي بنيتي كم لـ كلامي تسمعا الله والنبي لـ كلام راجل تسمعا الله والنبي لـ كلام راجل أسمعا *** حتّي عجاج بيتك ، عنقريبو فرشيه وكورة أم قعر تحت سريرو جيبيه ختّيه توبك المجنقر دا ب إبرة أمسكيه رجلينك المشقق دا أدرشيه حننيه *** وشعرك المشمبل دا لميه مشطيه المدونكت من قعارو فرتقيه أوطوي أوقاي لـ ألمي أردي جيبيه عجينة كم تعوسيه لـ دوكي أتّقيه *** وكسرة كم تلت عقابو لميه شريه ب طلحاي ب دروتاي حفرتك ولعيه جيبي مخبرك لـ بطن بيتك بخريه كم كملتي خدمتك لـ نارك أكتليه *** كم فتّي بطن حلّه ، لـ بيتك طليه شيفيه كلام كم تخاف لو من بيت لا تمرقيه وقالوا وقلنا في لسانك لا تجيبيه جارتك المهوهوة دا لا بيتك بخرجيه *** نصيحتي كم سمعتيه لـ بيتك أمسكيه الله والنبي لـ كلام راجل تسمعا
Post: #24 Title: Re: سنة داك وكت جينا لقينا (بقـال) قاااعد ... Author: الملك Date: 09-22-2007, 03:25 PM Parent: #1
المهم البركة في صورك وصور ناذر لولا كدا كنا مرقنا من المولد بلا صور
في آخر يوم ياصلاح ونحن ماشين على المطار فقدت عزيزتنا الكاميرا وكانت حسرتنا التي لا تضاهيها حسرة ماعليها هي نفسها لكن على الذكريات الجميلة جدا التي تحملها
زينب اختي قالت كل ماتتذكر انو الكاميرا راحت بحصيلة صور شهر كامل وذكريات غالية بتمسكها (لواية)
Quote: فطور شنوا ياخ الصورة دي 12ظ كيف فطورنا , والله انا خايف الصور دي تكون زي صورة بقال نجرة يعني
رمضان كريم يا أحمد موسى
كدي أسأل المعلم ؛ بوريك نجرة ولا دا افطار ناس النصري الأول أول امس دي
Post: #29 Title: Re: سنة داك وكت جينا لقينا (بقـال) قاااعد ... Author: زوربا Date: 09-23-2007, 00:35 AM Parent: #1
ملكة سبا وفي مقولة اولي ( ملكة الكل ) والشوق الجاري عليك شدييييييييد شكرا حتى الفرح للعربون الذي لم يكن صغيرا بكل الاحوال أما المحبات فهن سابقات وقادمات بالكووووم والريد نيلين همسة كوني آمنة
Quote: و بكره تلقي عامل نقد تحليلي عن قصيدة حميد سوقني معالك يا حمام
ومالو ياعثمان
نحن فعلا عايزين فهم زي كدا
وحقيقي انا اعجبت بروح المعلم ونتمنى زي ماقال يمتد جسر التواصل بين الشمال والغرب وكل بقاع السودان وزي ماهم عاوزين يكونو رابطة لمعجبي النصري بدارفور نحن والله يستهوانا كتير غنا الغرابة وياريت يزيدنا الاخوان اكتر عن الفنان وتوضيح الكلمات
شفتي بقال أو المعلم - في قول آخر - طلع شدّيّد كيفن ؟!
مشغلنا لصالحه ومستمعل معانا نظرية المغفل النافع
شكين محنو وساعاتو
ومافي الصالح لييه ؟!
في صالح الصالح ، نحن أدب وثقافة وحضارة كالنيل ينهل منه الجميع عذب سلسال لا يخشي النقصان أو التكدير
وجميل جدا تبادل الثقافات وتلاقح الحضارات وهو المحافظ على النسيج السوداني العجيب دا
وياريت نشجع الميول والنزعات التلقائية الأصيلة في المجتمع السوداني ككل من غير تعصب بغيض ..
وديل اهلي البقيف في الدارة وسط الدارة واتنبر واقول للدنيا كل الدنيا ديل أهلى عرب ممزوجة بي دم الزنوج الحارة .. ديل أهلي... ديل قبيلتي لما أدور أفصل للبدور فصلي أسياد روحي والإحساس سافر في بحار شوقم زمان عقلي أقول بعضى .. ألاقيهم تسربوا فى مسارب الروح بقو كلي محل قبلت ألقاهم معاي معاي زي ضلى لو ما جيت من زي ديل .. كان أسفاي .. وا مأساتي وا ذلي
ونن داااك ابود الكيانه مهبتا واهتراما الملكة كيفيك اصبحتى الهديه ليك ولكل الموجودين لكن لضيف شرف هذا البوست بقال العاشق الخفى على وزن اللهو الخفى ومن قلبى ليهو التحية ورمضان كريم يابقال وانشالله رمضان الجايى نلقلاك اتكسرت فينا اكتر واكتر وجريت معاك ناس تانين غايتو احنا ناس ممكونيين شديد اها يابقال والله ذى صبرية مافى التعديل غلشان اكتب لبقال يالرحتو طولتو وعلى ماسالتو مشتاقين
Post: #54 Title: Re: محمد النصري - ام الحسن Author: معتز تروتسكى Date: 09-24-2007, 11:07 AM Parent: #52
خالص التحايا الزميلة العزيزة ملكة سبأ دخلت لإلقاء التحايا ولدي طلب والشكر الكتير على أغنية [أغنية أم الحسن] لـ[محمد النصري] بالجد لي فترة بفتش فيها زمن ومقروض فيها شديد وعاجباني بالحيل ..
جانبا: تشكري كتير ونجاملك بخصوص البوست بهذه..
التحايا النواضر..
Post: #59 Title: نجاملك في السمح Author: ملكة سبأ Date: 09-25-2007, 11:50 AM Parent: #54
أهلييين تروتسكى
منورنا والله
وطلباتك أوامر ياسيدي ؛ ومن هنا ولي قدام ان شاء الله اي حاجة ود النصري ماتتلفت .. بي وشك علينا
كلمات الاغنية : وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب وسرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طول(ت) في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين
اختى ملكة سبأ .. سلاماتى وتحياتى ورمضان كريم .. انا ايضاً ساورنى الشك فى امر العضو (المعلم) الذى يضع صورة ابراهيم بقال مكان صورته الرمزية .. لكن تأكد لى بانه ليس هو .. بعد ان تعرفت عليه وقابلته شخصياً " المعلم " وهو يعمل فى شرطة مرور حلة كوكو قسم الحسابات .. تحياتى لك وسلامى لاخونا ودالعبيد وكل اعضاء منتديات النصرى. اخوك .. ودالبيلى.
نسيتيني نسيتيني نسيتيني وما قايلك بتنسيني نسيتيني ونسيتي انك نسيتيني سالت عيونك المحتارة لمن انتي شفتيني مشبهي ولا هادية النظرة ام بهتت عناونيني هدلت عجن رويتي وجن بنانك في شفاكي طعن اتاريك ما عرفتيني حرام والله تنسي الماضي يا غرة دواويني فاكرك فوق جحيم مشتاقة صابرة متين تلاقيني اتاريك انتي في وادي وبنات افكاري في وادي وقليبك طاشي بي غادي ناسي البينو والبيني استاهل عشان طاريك لم سهيتي عن ديني فقدت الزاد وقلبي المات والله يكضب الشيني اغني وما عرفتي غناي هويتك وما حفظتي هواي حنانك زي ضايقو سواي ينتح هينو من هيني دغدغت المشاعر الباكية موت احلامة ود عيني ضمدته الجراح النازف من اعماق شراييني وجيتك برضي انا الولهان اصدح بي غنواي زمان وناسي اوجاعي والاحزان داير اتهني بي حيني اماني بلاك وهم ما بيبقي حتي كان جرحتيني راجيك يا تقابة قلبي من الظلمة احميني تراي صابر اغني وادوبي بغفرلك تعالي وتوبي متين يا شتلة الفرح اللحق في التربة واسيني ضفافك يا رهود الرحمة فوق يكاكي وزيني تقيف فينوس علي الاهرام متين تمد ايدينة لا قدام تفر احضانه للايتام اصافيها وتصافيني
Post: #68 Title: Re: سنة داك وكت جينا لقينا (بقـال) قاااعد ... Author: Deng Date: 09-26-2007, 01:40 PM Parent: #1