عاد يا ناس المنبر مااا بسألكم..!!

والله البوستات الإتفتحت لي مايكل جاكسون اكتر من البوستات الإتفتحت لي عثمان حسين ..
البيخش المنبر يقول مايكل جاسكون ده ود خالة كرومة ..
المحيرني أكتر المنبر ده من ما بكري ألفو وفكر فيهو ما اظن اتكتب بوستين عن مايكل جاكسون ده !!
بالله مووتو كده تستلموهو ؟؟
البيعمل ليك فيها كان ودجيرانهم والبيعمل ليك فيها بيسمع فيهو من منتصف الثمانينات والبيعمل ليك فيها قرا معاهو في ثانوية هارفرد والبيقول ليك كنت ساكن معاهو في جادة داكوتا ..
المشكلة انا متأككككككككككككد نص الناس الهنا دي زول حافظ ليهو اغنية كاااملة كده ماف ..
ولو سألتهم عن الفترة ما بين ما اغنية وي ار زيورلد(الاغنية الوحيدة البعرفا) ولحددددي اسة مايكل الحاصل ليهو شنو انا متأكد ماف زول كان جايب خبرو غير في معلومتين لا ثالث لهما:
قالوا مايكل اسلم ..
قالوا مايكل في البحرين ..
اسة لو سالتكم اخر اغنية حقت مايكل شاعرا منو ؟؟؟
واخر عرس غنا فيهو مايكل كان عرس منو ؟
يا يمة مات عبد المنعم الخالدي ما اشتغلتو بيهو جنس ده !!!!!
تتشوبروا سااااااااااااااااي واستلمتو الشغلانة ضمن طقم الاستنارة والبكدج حق المثقفاتية ..
اسة بكرة مركز الخاتم عدلان يعمل ليهو حفل تأبين !!!
وبورداب الخرطوم يقولوا ليكم كونا وفد وحا نمشي نحضر الدفن ..
زول زي كوستاوي ده مفروض يكون بيسمع اولاد الموردة واولاد شمبات واولاد الكلب زاتو يجي يقول ليك مايكلم :)
ارخو الراجل الله يرضى عليكم وسيبوهو في حالو ..
وركزوا لينا مع مراحيم بلادي من الفنانين ..

تخريمة :
انا عملت لي عزا بي الانجليزي عشان اجاري صيحة الاستنارة ..وقريبا جدا انتظرا البوست المفاجأة :
مايكل جاكسون تركوزاي اللون ..و

يا سيد انت ..
وفد البورداب اتكون و حنتحرك بكره بعد الفطور.
و ده واجب علينا كلنا.
و انا مستغرب ليه بكري ما سود المنبر لحدي هسه.

Quote: يا سيد انت .. وفد البورداب اتكون و حنتحرك بكره بعد الفطور. و ده واجب علينا كلنا. و انا مستغرب ليه بكري ما سود المنبر لحدي هسه.

ههههههههههههههههههههههههه

والله عليك جنس كلام يا حمور
إنت بتجيب الكلام ده من وين

Quote: تخريمة : انا عملت لي عزا بي الانجليزي عشان اجاري صيحة الاستنارة ..وقريبا جدا انتظرا البوست المفاجأة : مايكل جاكسون تركوزاي اللون ..و

هو الدهبي اللون داك كان ( بريطاني) ولا شنو ماياهو من مراحيم

بلادك القلت فككم من جاكسون وأبكوهم ديل ولا عشان ماكان بعرف يرقص سامبا ..صاح ولا ماغلط ؟!

ثم إنو جاكسون كان ( فوشي ) اللون !

الله يرحمو ويبشبش الطوبة التحت رأسو يارب





حمودي ولدك كيف بالله لسا ماعلمتو الرطانة حقت أهل أمو بتنا الاديناك ليها ؟( وش حلاتو)

يا جيد إنت :
اجرتو هايس ولا ماشين بي امجاد؟
البكا حا يكون في بيت نسابتو ..فارشاهو مرتو عشان ما تطشو وتمشو بيت الاسرة ..
بيت نسابتو في اريزونا محطة سبعة بتلقا ليك مطعم ماكدونالدز تخليهو على يدك اليمين وتمشي طواااالي لحدي ما تلقا ليك ناس بيصلو العصر تخليهم على شمالك وتمشي طوالي بيلاقيك تقاطع اول بيت تخليهو تاني بيت تخليهو تالت بيت تخليهو رابع بيت على يمينك مضروب جير اصفر وبابو لبني ده بيتهم ..
وخلي النسوان يخشو بي الباب الصغير الناس ديل رفعو الليلة المغرب ومرتو دخلت الحبس ما بتلاقي الرجال عشان ما تتخففو جنس تخففكم البتعملوهو لي البوردابيات البيجن من بلاد برة ديل:)

حمور

تجي تغشاني نمشي للبكاء لو سمحت ولا امشي مع ناس انعام...






* اسمع يا حمور...انتو مادام بتتخففوا على البوردابيات البجوا من برة... مالي ماشفتكم اتخففتوا لينا؟؟؟ ...
ولا كمان الخفة فيها خيار وفقوس (:

اسة يا ساني لو جبتو في عرسك ما كان اخير ليك؟
والله المرحوم جاكسون ده عندو اغاني سيرة ماااااااااااااااااالك ياخ ؟
السااااعة اليقول ليك :
عدييلة يا White
ويا Angles walk with me

Quote: اسة يا ساني لو جبتو في عرسك ما كان اخير ليك؟ والله المرحوم جاكسون ده عندو اغاني سيرة ماااااااااااااااااالك ياخ ؟ السااااعة اليقول ليك : عدييلة يا White ويا Angles walk with me

هههههههههههههههههههه
عليكم الله روّقوا شويه
الضحك شارطني
وأخوكم فى الدوام
وصوته عالي وبيقرقر كمان
أرحمونا شوية من كلامكم ده

سلامات يا جميل
واحشانا شوفتك

حنين انا في رأيي ما تمشي لأنو جانيت دافناها ليك عشان ما جيتي سماية بتها وممكن عااادي ما تعزيك وشكلك ببقا بايخ ..
وكفى اهو دي دينا خالد مشت موية ما ادوها ليها ويصرصروا ليها الوقت كلو ..
تخريمة :
بالله انتي من بنات برة ؟ وانا اقوووووووووووووول شايفك وين ؟

Quote: حنين انا في رأيي ما تمشي لأنو جانيت دافناها ليك عشان ما جيتي سماية بتها وممكن عااادي ما تعزيك وشكلك ببقا بايخ ..

يا عمر مادي المشكلة انه لو ما مشيت جانيت بتوريني ليها...بعد اللوم كان في الرجلين يبقى في الوش..انت ماعارف العلاقة البتربطني بي جانوتي دي قدر شنو...


* اها قول لي بس داير اثبات للعلاقة البيناتكم عشان اديك ليها بالادلة والبراهين...




الله يرحمك يا مايكل.

نادية بت عثمان :
ما هو عشااان من مراحيم بالدي عشان كده انا مبسوووط وقررت اسرق فكرتك مع اختلاف الالوان طبعا :)
وبيني وبينك المرحوم انتي عارفاهو كان خاتف لونين..
المشكلة الحاتواجهني إنو ناس جاكسون ديل الا الواحد يعمل ليهم طلايع تموز :)
وتموز انت ويدووووم خيرك :)

تخريمة :
حمودي حبااابو والله المية بوسة ارتفعت وبقينا نديهو مية وخمسين بوسة وواحدة على عجل وفي انتظارك بس تستضيفيهو في لالوب بلادي بعد نخلاتك ديل يكملن :)

.
.

Quote: والله المرحوم جاكسون ده عندو اغاني سيرة ماااااااااااااااااالك ياخ ؟ السااااعة اليقول ليك : عدييلة يا White ويا Angles walk with me

ياعمر الفارق ياخي قاعد تبالغ !!

ده مايكل جاكسون ولا مايكل بت (على وزن حمادة بت)
.
.

Quote: يا سيد انت .. وفد البورداب اتكون و حنتحرك بكره بعد الفطور. و ده واجب علينا كلنا. و انا مستغرب ليه بكري ما سود المنبر لحدي هسه.

Quote: اسة يا ساني لو جبتو في عرسك ما كان اخير ليك؟ والله المرحوم جاكسون ده عندو اغاني سيرة ماااااااااااااااااالك ياخ ؟ السااااعة اليقول ليك : عدييلة يا White ويا Angles walk with me

____
Angles walk with me دي إتقطعته فيها يا عُمر..

سلامات الفاروق عمر

عليك الله سيبك من ( وي آر ذا ورلد ) والكلام الكبار كبار داك
وركز معاى في أغنية غزال المسالمة الألفا الشاعر شيخ الدين محمد احمد في محبوبتو بت العجب
أصلي عملت مداخلة بمزاااااج قمت عملت لى فيها من ( بني صهيون )

Re: هذه صورة والدتى صاحبة اغنية (يا ناس القوز علينا ظلم)

أشيل وأخمن في ردودك المتوقعة لهذه المداخلة
تجي تقولي النقر بيلعب جناح لفت

Quote: عاد يا ناس المنبر مااا بسألكم..!!

لا أسألنا عليك الله
...










الدافنى وين يا ناس؟

Quote: الدافنى وين يا ناس؟

سيدا...سيدا على قول العرب...

Quote: سيدا...سيدا

هى دافعى واللا تشجيع الهلال





ـــــــ
مداحلة إنصرافية

يا اللخو نحن مرتبين امورنا
حنمشي بعربية العوض و احتمال نتقسم كمان في عربية الملك.
و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت.
بالنسبة للوصف فانا معاي تلفون الغسال الفي راس الشارع.
لما نقرب بنضرب ليو.
انت اقعد هضرب هنا لامن تتلوم و ما تلحق الدافنه.
تودي وشك وين تاني من استيف وندر ؟

Quote: يا اللخو نحن مرتبين امورنا حنمشي بعربية العوض و احتمال نتقسم كمان في عربية الملك. و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت. بالنسبة للوصف فانا معاي تلفون الغسال الفي راس الشارع. لما نقرب بنضرب ليو.

الحمد لله مشينا وجينا ,,,

انشاء الله ما نعزيكم في فنان لديكم ..,,

المحيرني انو انت يا عمر الفاروق بقيت تكتب في البورد
بعد الساعة تمنية مسا ... هي واحدة من الاتنين
يا الكهربا دخلت الحي عندكم
يا انت اشتريت لاب توب ...
يا انت ما انت ...


___________

البوست القادم: إلى الذي يكتب لعمر الفاروق

انا غايتو معرووووفة بي كعوبيتي..
جني وجن مبارات البكيات..والبكا البدون دموع..
مايكل جاكسون ومات؟؟
نعزي منو...
وعشان ما تتجهجهو ساي النكلمكم الزول دة(ربنا يرحمو) علاقتو مش ولا بد مع اهلو ..يعني غالبا الفراش يكون ما معروف وين..
للضمان رسلو بكري يجيب ليكم الاكيدة..
غايتو انا بعزي بي مسج..وكدة ما اكون مضطرة اعصر لي كم دمعة كدة

يا سيد انت ..
ما تابعت MPC4 مساء اليوم السبت ..
كان شفت العجب ..
..
بلا يخمكـ ..

Quote: ما تابعت MPC4 مساء اليوم السبت ..

القناة دي جديدة ؟
عمران (footballk) فكت

نوبي يا (قلق )

Quote: القناة دي جديدة ؟ عمران (footballk) فكت

سحس ما عمل فينا خير كلو كلو ...
(الفكـَ كتير يا نوبي بس ربكـ ساتر ....
بعدين ياخي عمر الفاروغ ده إنجليزيتو (خارم بارم) ما كان حا ينتبه ليها الشمار ليكـ شنو
كرهتونا (الغين) ( والقاف) ............

Quote: و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت.

انا غايتو من محبي بوب مارلي ..

كنت بظبط ليك رقصة الجمايكا دي كيف !! ومعاها بنطلون كردرايت بني كمان ..



وطوالي شايلة الجائزة الاولى في مسابقة الجمايكا

انت كان شفت ياعمر كوستاوى محزم فى الدافنه تدى ربك العجب
غايتو جانيت ما شايله الحفه...
لانو انعام حيمورة مشت بلا كحل..جانيت شوف عينى مكحله
وقطع شك جات من الكوفير
وعمك جاكسون يدخن فى السيجار ساكت الظاهر ما موجعو
غايتو حفر الصيوان بقبق ايدينا
واطاتم قويه خلاص الامريكان ديل..
الله لاجعل لك فيها تربه ياعمر
بلا يخمك لوووول،،،

Quote: انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت.

النديكم النصيحة..
الشير دة اولى بيه اولاد مايكل التلاتة..المساكين ابوهم مات ما خلي ليهم التكتح..
العيال اليتما ديل اولي من جانيت..شوالات السكر دي شوف عيني تمشي جانيت تبيعهم في السوق وبي حقهم تمشي تعمل عمليات تجميل..




اللهم هل بلغت..

Quote: اسة بكرة مركز الخاتم عدلان يعمل ليهو حفل تأبين !!!

ودي كمان إتقطعته فيها يا عمر..
ههههههه

البشمرقة ماجو شالوا الفاتحة ياعمر يلا شيل حسهم سمح ؟ ( وش لوووووول)

Quote: اسة بكرة مركز الخاتم عدلان يعمل ليهو حفل تأبين

بوست لذيذ ياخ ..عمر الفاروق دا امانة مامعاكس ..
انا اول مره اشوف الزول دا بغنى امبارح فى
ام بى سى..او امكن شفتو بس مامتذكر .... لكن
من زمان سمعت انو بحاول يغير شكلو ودا الشيء
الممكن خلانى مااركز معاهو ..كمان نحن برضو
(شنافين) ...

هو في أيه !!

Quote: وتمشي طواااالي لحدي ما تلقا ليك ناس بيصلو العصر تخليهم على شمالك وتمشي طوالي بيلاقيك تقاطع اول بيت تخليهو تاني بيت تخليهو تالت بيت تخليهو رابع بيت على يمينك مضروب جير اصفر وبابو لبني ده بيتهم .. وخلي النسوان يخشو بي الباب الصغير الناس ديل رفعو الليلة المغرب ومرتو دخلت الحبس ما بتلاقي الرجال عشان ما تتخففو جنس تخففكم البتعملوهو لي البوردابيات البيجن من بلاد برة ديل:)

يا ياسر طيفور أنا مستعد أحلف الزول ده مع من لف حولهم .... اللهم لا تخوزقنا ولا تعولقنا ....
يا شباب الدوري ح يبدأ متييييين ؟ وريتشارد وقع للمريخ ولاّ لسه ؟ إنفضوا يرحمنا ويرحمكم الله ...

البركه فيكم يا فرد ..
نحنا نعمل العزا هنا خلاس بدل الجماعه يقومو يمرقوها في امريكا وتبقي ميتا وخراب داير...






هبشه :

هسي بوستيك ده ما برضو تابع لبوستات اخوان جاكسون (( هنا ))


نهيتو ..
تبكيك الجوامع الأنبت ضانقيل يا ميكي

وصلني الإيميل ادناه من أسرة جاكسون :

Quote: Dear Omer: اولاً لا اراكم الله مكروهاً في عزيز لديكم. وبصراحة كل أسرة جاكسون متابعة للموضوع بتاعك ده بي شدة وتشكر كل المعزيين والمشاطرين ليهم الاحزان ولكل من أبرق معزياً أو اتصل مهاتفاً أو تكبد عناء السفر .فقط لدينا ملاحظة على ما تكتبه العضو سارة علي بخصوص إبنتنا جانيت ونحن بصدد رفع دعوة قضائية فجانيت لم تبيع السكر ولكن اديناها الكشف بي صرتو .بالنسبة للسكر فنحن حتى الان لم نستلم اي شئ من بورداب الخرطوم ويبدو اخي عمر ان حملة وليد جاكسون ستكون نسخة مكررة من حملة وليد دارفور . نرجو من البورداب ترك مايكل يرقد في سلام ..دعوه وحاله فقط ادعو له بالرحمة والمغفرة . بالمناسبة مايكل كان من المتابعين لسودانيز اون لاين ومعجب جدا بي كتابات ود الباوقة وعبد الرازق الطالب وبت قضيم وقبل وفاته باسابيع كان بصدد طلب عضوية من الأخ بكري . لا حول ولا قوة إلا بالله .. Ooooooooooooooooooooooh My God!!!!! Pls Omer Keeb In touch. Regards.. Jackson Family عنهم ..جانيت

عمر الفاروغ ...

Quote: Ooooooooooooooooooooooh My God!!!!! Pls Omer Keeb In touch. Regards.. Jackson Family عنهم ..جانيت

هسه عنهم دي ما لقيت ليها طريقة بالسجم أعجمي ده ؟
معليش يا عمر كنت عايز أنزل وجه ضاحك لكن نظراً لمتابعة أسرة جاكسون للبوست آثرت ان أنزله باكياً كنوع من المواساة لآل جاكسون ... فتقبلوا آحر تعازينا ... وتعازي بورداب الرياض .

on behalf of / عماد محمود

Pls Omer Keeb In touch
إيميل جانيت ده شكلو Editable يا عمر
:)

ابو الزهور:

Quote: ده مايكل جاكسون ولا مايكل بت (على وزن حمادة بت)

المرحوم من ناحية إنو كان مايكل بت النصيييحة هو كان مايكل بت وما عايز ليهو وزن :)

طيفورنا ياسر:

Quote: دي إتقطعته فيها يا عُمر..

إتقطع المرحوم يا ولدي:)

بيان من جهاز أمن المنبر
بسم الله الرحمن الرحيم
وَلَوْ رَحِمْنَاهُمْ وَكَشَفْنَا مَا بِهِمْ مِنْ ضُرٍّ لَلَجُّوا فِي طُغْيَانِهِمْ يَعْمَهُونَ
صدق الله العظيم
قِف
نتابع "نحن" في جهاز أمن المنبر التابع لجهاز الأمن الهام و من إدارة الأسافير وحدة سودانيز أونلاين - الحملة المسعورة التي يقودها المدعو عمر الفاروق ضد مناضلي البوب و الروك آندروك و مُحبي الرقص و المزك ، و لمّا كانوا هُم أصلاً لا يُشكِّلون أي مُهدِّد في خارطة ساس يسوس فهو سوسة تنخر في أعمدة و أركان حكم دولتنا الرشيدة و بما أن الضربات الفاروقية المُتتابعة عليهم قد تفيقهم مما هُم فيه من نضال روك آند روكِّي مما قد يقود إلى انفضاض سامرهم عن حلقات جاكسون و جانيت و يتفرّغون لنا و لزعزعة أمننا فإننا ندين و نستنكر هذا الهجوم الغادر الغير مُبرر من المدعو عمر الفاروق و نُعلِن عن تضامننا الكامل مع منضالي البوب و الروك و رقصة القِرِد و البعّامات (جمع بعام) ضد هذه الاستهدافات المرفوضة.

قِف
في اليوم الثامن و العشرون من يوليو 2009م
جهاز الأمن الهام

عاطف يا عمر :
ياخ انت قاعد في بيت البكا ما تتكلم عن الغنا ..وبعدين غير نغمة جوالك دي شنو الناس بتشيل في الفاتحة وانت ليك في المسالمة غزال عاملة لينا نغمة :)
يادوب شوفتها والله اصلا انت عارفني برمي الدراب وبعمل يع تاني الا في الشاشة الغشاشة ..

تخريمة :
اها واجبت ال جاكسون ديل ولا ضربت امرقيقة دي وشتت؟

ناجي يا ملك:

Quote: الدافنى وين يا ناس؟

غاااالباً في حا تكون في مقابر جاكسون شرفي

حمور يا زيادة :

Quote: حنمشي بعربية العوض

وشايلين معاكم عسلكم ؟
يعني ال جاكسون حايقولوا اهل العوض جو ؟


عزاز ال شامي:

Quote: بعد الساعة تمنية مسا ... هي واحدة من الاتنين 1-يا الكهربا دخلت الحي عندكم 2-يا انت اشتريت لاب توب ... 3-يا انت ما انت ...

دي ياها زااااااااااااااااتا تلاتة سريرين .
اها يا عزاز خلينا في الجد حا تمشي معانا البكا ده ولا لسة متشاكلة مع بريتني سبيرز ؟

Quote: وشايلين معاكم عسلكم ؟ يعني ال جاكسون حايقولوا اهل العوض جو ؟

وتضرب الزغاريد لعنان السماء

سارة علي:
ليي يعني كده ؟ إنتي مايكل ده ما واجعك ؟ ولا ما واجعك؟
بعدين جانيت زااتا ما قاعدة تبكي بتشيل الفاتحة بس وشغالة تصبر في الناس ساااااي شوف عيني ماسكة بيونسي وبتقول ليها يا بيونسي إنتي ما مؤمنة ولا شنو ؟ الموت حق ومايكل بين يدي غفور رحيم اتصبري يا بيونسي اتصبري ..
النصيييحة البكتو بي الجد ويتني هيوستن صوتا مارق لي صيوان الرجال وتشيل وتمنح :
And I always Love Youuuuuuuuuuuuuuu and I I I I I I I always Love youuuuuuu..
بالمناسبة المسج حقتك ما وصلت انا اسة جاي من بيت البكا والناس ديل فاقدنك وفارزييين الجو من الما جو حتى ام مايكل سمعتها بتتكلم مع بت اختها الصغيرة مارغريت وبتقول ليها انتي وييين بت علي ما شايفاها ..
بالمناسبة مارغريت غطت ليك كويس وقالت ليها يا خالتو سارة ماسكة الشاي قاعدة بهناك من الساعة 12 ..
لكن بالجد أشر ومعاهو استيف ووندر علقوا على الشاي صحي سويتيهو انتي ياسارة ؟

تخريمة :
بتاع الركشة واقف برة قال ما حاسبتيهو

Quote: هي واحدة من الاتنين 1 ) يا الكهربا دخلت الحي عندكم 2 ) يا انت اشتريت لاب توب ... 3 ) يا انت ما انت ...

عزاز .. سلامات ...
ركزي أمي ركزي ... عمر ده ما يزازي بيك ... أمبارح ضارب ليهو أيس كريم كاااارب من اليورمارشية ولي هسه بيلحس في اصابعيه عشان كده مزاجه راااااايق وريقه مبلبل .... ما ينشف ريقك ساااكت !! سمح أمي؟

أسألني دبل يا عمر ياأخوي..
عاد النصيحة المامشى معانا العزاء،
تاني القطاااااااااعة..
يعلم الله حرقنا في حشانا..








أها وجاكم متين الخبر ده!!

Quote: ارخو الراجل الله يرضى عليكم وسيبوهو في حالو ..

واولاده كمان يا عمر !!

عمر الفاروق سلام

رغم اهمية الطرح ارجو ان تسمح لي بهذه المداخله ...

Quote: * اسمع يا حمور...انتو مادام بتتخففوا على البوردابيات البجوا من برة... مالي ماشفتكم اتخففتوا لينا؟؟؟ ... ولا كمان الخفة فيها خيار وفقوس

حمور وين انت ؟؟؟

Quote: ضارب ليهو أيس كريم كاااارب من اليورمارشية ولي هسه بيلحس في اصابعيه

لا

دا آيسكريم و لا ملاح روب ؟

لا وإنت الصادق ملاح ورق ....

هسي بدل نقتكـ دي مش كان مشيت معانا وطلعت من اللوم!
الناس دي كلها تسأل فينا .. وين أومر؟ وين أومر؟

حبيبنا عمر الفاروق

الفن ماليهو وطن ولا ليهو حدود

حتى وان عرف الجميع اعمال مايكل بعد وفاته تظل اعماله مميزة كالحب من اول نظرة

ومن اول نظرة رشقتني عيونو وبقيت مجنونو ياخي العالم كلو بيعرف غناهو انت البشمرقة دي المسجل زاتووو مابشتغل فيها ولا شنو لوووووووووووول يكه

كدي خلينا من اي حاجة عليك دينك الفنانين بتاعين بلدك سمعت يوم عملوا كورال لي مساعدة الجوعى والمرضى ياخي الشحده زاته شحدوها ليك تاني عايز اكتر من كده شنو

بعدين يامعلم خلينا من فنانينا حركاتو البيعملها دي لو جابو ناس الفريق القومي من اول اغنية لياقتهم تنتهي

طيب لو شفته ود حلتنا لمن بوب مارلي مات قعد يبكي بي طول حسو تعمل شنو والزمن داك كنا صغيرونين كده ومستغربين علاقة الزول ده بي بوب مارلي شنو

تحياتي

زاتوووو

Quote: البكا حا يكون في بيت نسابتو ..فارشاهو مرتو عشان ما تطشو وتمشو بيت الاسرة

عمر يا فقرى.......السلام عليكم..


قربت تستقر..دى بوستات حراق روح قبل طلوع الروح....

بنتهى ألعزاء بمراسم الدفن يا حبيب....كلم عمران يجيب شاى فى السيرمس بتاعك وخلص نفسك......تسلم يا جميل...


جضم لى حمودى وسلم لى عليهو....أصلو بعد ده البوسات الباقيه ليهو بالعدد..............

إسماعيل محمد احمد عباس......

يا سجم الرماد، بفتش ليك في بوستاتك زي الحتات دي

Quote: زول زي كوستاوي ده مفروض يكون بيسمع اولاد الموردة واولاد شمبات واولاد الكلب زاتو يجي يقول ليك مايكلم :)

وبكنكش فيها، الباقي بتعرفو براك

Quote: حمور وين انت ؟؟؟

معليش يا العوض ما شفت المداخلة ..
كنت مشغول ..
بتخفف

حاج العوض يا اخوي البوست دا فرايحي . . . بوست عزاء ساي شنو عاوز تقلبوا غم ؟



يا حنين حيرتيني في حناني ذاتو !!
ليه كدا ؟!

Quote: يا حنين حيرتيني في حناني ذاتو !! ليه كدا ؟!

قيقا ؟؟؟؟


مالك ابوي...المحيرك شنو؟؟؟ والله انتوا الزول يغيب منكم يومين يجي يبتدي التعارف من اول...تطير عيشتي انا...سويت شنو...





ااي نسيت....ازيك ياخي

Quote: كنت مشغول .. بتخفف

معاكم بوردابيه جاية من بره ولا شنو ؟

ياناس الحافلة الماشة البكا انتظروني اكمل حنتي حقت البكيات وامشي معاكم
ما بمشي مبشتنة ساي

Quote: البيعمل ليك فيها كان ودجيرانهم والبيعمل ليك فيها بيسمع فيهو من منتصف الثمانينات والبيعمل ليك فيها قرا معاهو في ثانوية هارفرد والبيقول ليك كنت ساكن معاهو في جادة داكوتا ..

يا عمر الفاروق،
إذا كان دة المقياس،
معنى كدة الناس (المستهبلين) ديل كللللهم يمرقوا برة،
و يخلونى انا (براى) للعزاء،،

شفت شرايط الفيديو القال عليها حمور ديك،
كانت بتجينا من لندن أول بأول،
عز أيام مجدو،
(بيت إت) و (بيلى جين) تابعناهم فى التشارتس من ما دخلوا لغاية ما أتسدروا،،
و غيرهم و غيرهم،،،

انا صحى ما بكيتو (لغاية حسه)،
لكن مايكل جاكسون يستاهل يتبكى،،

كفاية بيذكرنا بزمن جميل إستحالة يرجع تانى،،

تصدق إنو من التسعينات و لغاية الان،
انا شخصيا، ما كنت أقدر أعاين لشكلو،
و اقول أعوذ بالله لو ذكر إسمو،،
مع إنو كنت أستمتع تماما بموسيقاهو،،

و الان بعد وفاته،،
اتأكدت إنو (فنان) ما ممكن يتعوض،
ولا ح يتكرر على المستوى العالمى،،،

It is the END of an ERA!!!!!






الما وصل يعزى منو؟؟
فى عربية تانية مارقة...............

Quote: الما وصل يعزى منو؟؟ فى عربية تانية مارقة...............

هالة
تعالي معانا في الهايس دي

شبكة،
الساعة خمسة أنا جاهزة و منتظرة قدام الباب،

إلا ناخد الوصف من الناس الوصلو،
وصف عمر الفاروق داك بيتوه،،،،

Quote: إلا ناخد الوصف من الناس الوصلو، وصف عمر الفاروق داك بيتوه،،،،

انا بضرب لحمور يديني الوصف الساهل والصاح

ما بنتاخر عليك
بس عليك الله خليك جاهزة جمب الباب عشان نصل من ضو

وااااي يا هالة ..

الحي وب الحي وب ..


وصفة لي فوق ..







شبكة شوفي النحاس جهز للدق ..






الليلة حيّ

انعام

Quote: الليلة حيّ

استغغغغغغغفر الله

شبكة


الزمن دا الواحد عبرتو ما يفشها تلقي الناس قشقشت دميعاتها وقبلت على الاكل والنوم ..


اجي يابت امي

Quote: الزمن دا الواحد عبرتو ما يفشها تلقي الناس قشقشت دميعاتها وقبلت على الاكل والنوم ..

لكن يا انعام يختي
المرحوم مات صغير وجعنا وجع ما ليو اخر



استغفرتك يامالك روحي

هوووي يا نسوان هووووي..
أدخلن إنسايد وسييبن البتسوون فيهو ده ..
مايكل مات ..والموت حق..

عمر ؟

Quote: هوووي يا نسوان هووووي.. أدخلن إنسايد وسييبن البتسوون فيهو ده ..

إنت الإستعلاء الذكوري عليك شنو كمان في بيت البكاء ؟!

مايكل ده ببقى ليك براك ؟!

أها أنا مابدخل إنسايد ولا شئ بدخل بباب الرجال عديل بس

ثم إنو مايكل ده كان نصير النساء وليس الرجال صاح ولا ماغلط ؟!

Quote: مايكل مات ..والموت حق..

الحياة باطلة

مات بجهلو

في تلاتة نسوان سماااان جو داخلات ..
ديل معاك إنتي يا شبكة ؟
تخريمة :
ومالك راسمة بي الاكسجين يا شبكة كان تخجلي شوية وتقمعي اصابعينك بس..

Quote: في تلاتة نسوان سماااان جو داخلات .. ديل معاك إنتي يا شبكة ؟

اي معاي
لقيناهن طاشات من البيت
اها ركبناهن معانا

Quote: ومالك راسمة بي الاكسجين يا شبكة كان تخجلي شوية وتقمعي اصابعينك بس..

الموت جا فجاة
المرحوم ما كان عيان عشان نستعد

Quote: Ooooooooooooooooooooooh My God!!!!! Pls Omer Keeb In touch. Regards.. Jackson Family عنهم ..جانيت

Quote: عمران (footballk) فكت

عاد يا ناس ( نوبي ) مااا بسألكم .. سويتوها ظاهرة ..
تخافوا من ناس ( عنهم / جانيت ) وتمسكوا في كورة ناس عمران؟

دوركم ميت يابورداب الخرطوم...
انا لاحق بصات الديم السنينة...وردحة لى بيت البكا
ومعانا ناس صورة كل المواسم


_________________

زحو كدة

ALFAAAAAAAAAAAAATHA

Quote: ALFAAAAAAAAAAAAATHA

بسبي
بسيسي
بسبسي سيسي



امــــين

Quote: بسبي بسيسي بسبسي سيسي امــــين

ههههههههههههههههههههه

والله خليتيني اضحك لمن دموعي جرن وانا في بيت البكى ووب علي النضاري الضحك دا الشي لابسة لي توب

كلو اتملا (مخاطة) ..

كدي يا شبكة كان طرف توبك فيهو حتة نضيفة ناوليني ليهو

هههههههههه

اقطعك يادي



_______________

الذ شي مرت اخوي السورية بتقول للتوب استعمالات عديدة من ضمنها يستعمل محارم (مناديل) اثناء اللبس

ههههههههههههههههههه

Quote: والله خليتيني اضحك لمن دموعي جرن وانا في بيت البكى ووب علي النضاري الضحك دا الشي لابسة لي توب

\

هي يا انعام بالغتي في الضحك دا
الجنازة لسة ما شالوهاوانتي تضحكي
جانيت ما بتقبل الكلام دا

Quote: كلو اتملا (مخاطة) .. كدي يا شبكة كان طرف توبك فيهو حتة نضيفة ناوليني ليهو

هي ها زحي من توبي المطرز دا
ما بمشي بيهو اي بكا

بكيات معينة البلبسو فيها

Quote: اقطعك يادي

الله يقطع المحن السويتيها فينا بضحكك دا قدام مرة المرحوم

Quote: الذ شي مرت اخوي السورية بتقول للتوب استعمالات عديدة من ضمنها يستعمل محارم (مناديل) اثناء اللبس

هي مرةالسوري دي نخرينها مواسير
كيف يعني توب طوله اربعة متر ونص تستخدمو كمحارم


غايتو جنس فهم على نسوان بلاد برة دي(مصمصة ملح في اللحظة دي ومعاها لفة راس يعني الحال ما بعجب)

عمر الفاروق...
بطل قتاتة ووريني الشاي عجب المعزين ولا لا..
علي حسب اجابتك انا بوريك عملتو ولا ما عملتو...
ثم انتا ذااااااتك مفروض تعمل معاي الواجب ..يعني كان سمح طووالي بدون ما تتلفت تقول دي سارة علي...ولا شنفو طوالي تقول عملتو شبكة..
خلينا نحرر سوقنا..ومصائب قوم عند قوم فوائد..


ـــــــــــــــــــــــــــ
مشي بتاع الامجاد وحاسبو..
الحساب يوم الحساب...
جني وجن الراجل الجباااااااااااااااار والبيذل في القروش

Quote: ولا شنفو طوالي تقول عملتو شبكة..

انا الشاي البعمل النقة دا ما بسويهو لكن علىّ الدمعة الما خمج

شبكة،
ماشاء الله عليكى،
زولة واجب و أكتر،،،


إنعام،،
إحنا وصف ما بنوصف،
لكن كان فى نحاس (دقو)،
الزول كان أذنه موسيقية برضو،،،،


يا عمر الفاروق،
نسوان سمان كيف يعنى،
ما فهمت،،،،
إنت ياداب ما أتلومت،،،

بعدين نخش إنسايد (لى شنو)،
هو المرحوم كان هين و لا هين؟؟؟

أنا جنى و جن الرجل البقهر النسوان (المظاليم) ديل،،،،


سارة على،
عليكى الله سيرموس النسكافه لازم يطلع معاهوmugs شكل واحد،،
ناس جانيت ديل شنافين و ما بعجبهم العجب،،،
يقوموا يقولوا البورداب ما خدموا فى بكا مايكل بنفس راضية،،،


يا جماعة دايرين نتستر،،،



أها الليلة ضرورى نمشى بدرى ،
عشان نخت معاهم الغداء،،،

Quote: شبكة، ماشاء الله عليكى، زولة واجب و أكتر،،،

ياهالة يختي
جانيت دي اصلها ما قصرت معاي في واجب
عشان كدا ما بقصر معاها

والزول البقدم السبت بلقى الاحد قدامو طوالي

Quote: ومالك راسمة بي الاكسجين يا شبكة كان تخجلي شوية وتقمعي اصابعينك بس..

يسعلني الله أول مرة أعرف بأنها برسموها بالأوكسيجين !!!! غايتو جنس صياعتك يا ود الفاروق ما لاقتني ولا في ود الصائم !!!

Quote: يسعلني الله أول مرة أعرف بأنها برسموها بالأوكسيجين !!!! غايتو جنس صياعتك يا ود الفاروق ما لاقتني ولا في ود الصائم !!!

هي ذاتها صياعة ملفوحة ياعماد ياخوي،
الشئ بيرسموها بالـ (بيجن)، ويختو ليها الأكسجين عشان تشيل،


كدي يارجال بطلوا الفارغة،
أمشوا السوق لحقونا الخضار،
وشهلوا الجزارين ديل يوضبوا الضبايح دي،
باقي الفراش تقيل..

ياعماد
بركة الاتثقفت في البوست دا



اميرة
الرجال ديل بخشوا ويمرقوا مالهم
استعجليهم الفطور وقتو قرب

...
ديل بقو البوست...



...
اومر يا اومر
إتا وين؟

شبكة،
قربي علي جاي، جيبي أضانك،
البتاعات الختاهن الملك،
البتنططن ديل معناهن شنو ياختي؟
مايقوموا يسوونا في صواطات في البكا ده!!

وبيكورك لي (أومر) كمان..

Quote: شبكة، قربي علي جاي، جيبي أضانك، البتاعات الختاهن الملك، البتنططن ديل معناهن شنو ياختي؟ مايقوموا يسوونا في صواطات في البكا ده!! وبيكورك لي (أومر) كمان..

اميرة
شفتي الشلة البهناك دي اصلها غير الصواطة ما عندها شغلة
بس ما يتلمو مع بعض

تعالي نمشي الحوش الورا نقعد بهناك



والملك قال في ناس جايين يعزوا عشان كدا بكورك ل (أومر)

Quote: ديل بقو البوست...

الملك

البوست ولي البكا انت قاصد؟؟؟

يا جماعة معليش،
التكرار لزوم الريفريش فى غير مكانه،،،


حقكم علينا،،،،

Thriller Night













Yes, it was like that Mr. Omer

May Almighty God rest his soul in Peace

اها جبتو لينا الكلام مع ال جاكسون ..
لقيت امهم تطنطن ساااي ورافعة المراتب في الحيطة ومدياها الشمس قالت شفع البورداب عملوها !!!
والخرايط ما تديك الدرب ..
يا جماعة انتو في كرت العزاء ما قريتو تحت ممنوع اصطحاب الاطفال؟
والله يا شبكة جانيت تشكر فيك الليل كلللو ماشاء الله عليها شبكة واقفة في النساوين وغدتم ..وسمع اضاني دي يا شبكة في مرا مدغلبة كده اظنها اوبرا تشيل تسأل في الجمبها انتي الزولة الواقفة في بكا مايكل شديد دي منو ؟ شكلها مرا رايقة ومستتة وزولة واجب ..
لكن النصيييحة شنفو سارة على شناف السنين شوف عيني ماريا الخير بتتكلم مع نعومي قالت ليها انتي يا اختي البت الشايفا روحا دي منو ؟ ياكافي البلا معلقة ما رفعتا ودمعة واااحدة ما نزلتا اليوم كلو طابقا صابونة الفير في يدها وتشيل وتغسل في وشها ..

تخريمة :
اها مرت مايكل بدت الحبس ولا لسة ؟

اصبحتوا كيف النبى ..

جيت اوصيكم غتوا الحلل كويس عشان الغبار كان الاكل وصلوا التراب ناس جانيت بشيلوا حالنا ..


اها فتكم بي عافية

Quote: اصبحتوا كيف النبى ..

انعام

اصبحنا عندنا زولا ميت
يادي مالك ما جيتي بتي امس وعضرتي الفراش

جانيت ما بتنساها ليك مرقتك امس قدام الناس

رفع الفراش

اها معاوية حسين رفع ليكم الفاتحة قوموا ارحكاكم

Quote: اها معاوية حسين رفع ليكم الفاتحة قوموا ارحكاكم

خلاص بس نصلي المغرب ونمرق طوالي
كلمي الناس الجوة ديل واميرة وهالة عشان نطلع كلنا سوا
لانو الرجال جابو حافلتين واحدة للرجال واحدة للنسوان

Quote: اها معاوية حسين رفع ليكم الفاتحة قوموا ارحكاكم

ترفعوا الفراش كيف يا خوانا،
و الراجل لقوه مكسر و مرضرض ( و مخرم) و (مشرط)،،،(كله بالشدة)!!!!


كيف نسيب الجماعة ديل فى الحالة دى؟؟؟

هالة ؟؟

Quote: و الراجل لقوه مكسر و مرضرض ( و مخرم) و (مشرط)،،،(كله بالشدة)!!!!

منو ده اللقوه زي ماقلتي بالشدة ده ؟

المرحوم مايكل ولا زولا تاني ؟؟

يازولة إنتي جادة ؟


قوام الراااااابط !

والله يا نادية زى ما قلت ليكى كدة،،

المسكين كان مستحمل بلاوى،،،

كفاية الجوع الكان عايشو،،،

http://www.alarabiya.net/articles/2009/06/29/77312.html

حسبي الله ونعم الوكيل ياهالة

جبتي ليك رابط
عجب بس


سبحان الله

يحنن يا شبكة،
مش؟؟؟؟


وين ناس عمر الفاروق ديل زاغو كدة؟؟

كلميهم،
كل واحد يزيد الشير بتاع المجاملة،
الناس ديل الظاهر عليهم مفلسين جد،،


يالله يا جماعة،
أولاد (المرحوم) ديل محتاجين السترة،،،،


إنعام،
ما بنوصيكى،،،،

كر علي ياهالة

والله ميتة جاكسون بالطريقة دي شينة الله لا ضوقها لي حبيب ولا عدو يارب

Quote: - الطب الأمريكي في الحضيض السيد العلوي (زائر) |29/06/2009 م، 11:10 صباحاً (السعودية) 08:10 صباحاً (جرينتش) والله الخبر مذهل ... تدمير القلب بالأدريانيل ، عدة كسور في القفص لإنعاش القلب ، حروق ، قطوعات في الجلد 13 جرح عميق بسبب عمليات ، والله أغرب الأخبار والله وفضائح طبية مي طبيعية

يعني قفصو الصدري كسروه ليهو بعد مامات

ودمروا قلبو شفتي ده حالتو الطب الأمريكي ؟!

يا نادية،

Quote: يعني قفصو الصدري كسروه ليهو بعد مامات ودمروا قلبو شفتي ده حالتو الطب الأمريكي ؟!

الخوف يكون قبل ما يموت،،

لأنو لو لقوه ميت،
ما أظن يعملوا دة كلو عشان ينعشوه،،

يعنى الدكتور الخاص عمل اللازم،
و ناس الإسعاف تموا عليه،،،

Quote: والله ميتة جاكسون بالطريقة دي شينة الله لا ضوقها لي حبيب ولا عدو يارب

اللهم لا تمحقنا ،
لا تبلينا،،،

نسأل الله السلامة،،،

-

يا هالة خيتي:
الليلة كر عليك يا مايكل ..الليلة كر عليك حبيب قساي ..الليلة كر عليك يا حشاي ..
غايتو انا دكتور كوباني صحبي وهو زميل في المنبر بحاول بعدين اضرب ليهو تلفون اخليهو يجينا في بيت البكا ومن هناك نمشي المستشفى عشان يشوف معانا قصة القفص الصدري والقفص الذهبي دي ..
ويا نادية الدنيا بيت بكا ما تهيجي فيني عشان كلمة (ذهبي) دي وتلمي فينا الخواجات ديل ..شكلتنا دي خليها بعدين لمن نركب الحافلة ..

تخريمة :

دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟

Quote: دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟

امس بالليل رسلنا سارة لسعد قشرة
جابت ليها ستة تياب بيض ومعاهم ملايات بيض
مطرزات بالابيض


والمرة هسة في الحبس


والاولاد وكلنا انعام عليهم

ما تشيلوا هم الامور بتتدبر



امانة الميتة ما صعبة خلاص



قلتلي ياهالة المرحوم كان مقطع ومشرط
الصغير الجاهل
ياحليلو

عمر الفاروق،،

شفت الراجل مسكين مات (جنازة)،
و إنتو قلبكم قاسى كيف؟؟؟

لكن،

Quote: دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟ امس بالليل رسلنا سارة لسعد قشرة جابت ليها ستة تياب بيض ومعاهم ملايات بيض مطرزات بالابيض

أجى يا ناس شبكة،

مش تنتظروا لمن نتأكد إنو الراجل كان مسلم ولا لأ؟؟
الشفقة العليكم شنو؟؟
دة كلو من عمر الفاروق،
أنا عارفة،،


و بعدين هى (الولية) لسه على ذمتو؟؟؟
التانى .. التأنى يا جماعة،،،

Quote: مش تنتظروا لمن نتأكد إنو الراجل كان مسلم ولا لأ؟؟ الشفقة العليكم شنو؟؟ دة كلو من عمر الفاروق، أنا عارفة،، و بعدين هى (الولية) لسه على ذمتو؟؟؟ التانى .. التأنى يا جماعة،،،

قلنا احتياطيا كدا المرة تتحبس
عشان لو بقى مسلم ما يكون في شي ما اتعمل ولي نقص

كان بقى مع النصارى
تمشي تشوف درب الكنيسة وين

انت ياهالة
المرحوم دا بقفصو الصدري دا
بيكون في تلاجة ولي خاتينو برة ساي في السهلة

انت ياعمر

موت ميكي ده ماقطع فيك ؟

شكل شنو وذهبي شنو الفي الحافلة ؟

يا أخوي أنا بتعظ بالموت وببكي وقلبي حنين شديد

كان المات ذهبي اللون ببكي وكان بني اللون زيك كده ببكي برضو وأي زول حسب لونه !

أجي ياولدي إنت مابتخلي ضحكك وكلامك في كورة الهلال حتى في موتة حارة زي دي يا أومر ياخي ؟!

Quote: والاولاد وكلنا انعام عليهم

عاد يا شبكة وهالة ما بديهم عوجبة تب ..

الله يكون في عونهم يقطعوا القلب



اها لسة ما مرقتن

Quote: اها لسة ما مرقتن

انعام
كل ما امرق واحدة التانية تدخل

هسة منتظرين نادية تمرق بس ونتحرك طوالي

يا جماعة مايكل ده لحدي الاسبوع الفات كان بيصوم اتنين وخميس وديبي رو دي انا سألتها قالت لي مايكل طلقني طلقتين بس ما تلاتة ورجعنا لي بعض واسألوا القرضاوي مشينا ليهو في قطر ايام المرحوم الله يرحمو كان في البحرين..
بالمناسبة انتو (البرينسات) اخبارهم شنو ؟
سارة الشترا دي اسة تفتكر البرينسات دي جمع بريسنة واللي هي البوكسي !! الزولة دي وعوووها وقولوا ليها ما تمشي تدرعا جمب اهل المرحوم البريسنات ديل مقصود بيهم اولاد المرحوم البرينس الاول والبرينس التاني وباريس ..
شبكة يا اختي والله انتي تعبتي خشي ارقدي شوية يا بتي في الاوضة الورانية ديك راقدة فيها خالتك جوليا روبرتس بس براااحة عشان جوليا دي نوما خفيييف..
يا جماعة الغدا قرب والجيران اي زول جا شايل صينيتو ..لكن النديكم الشمار النصيييحة صينية استيف وندر مبااااالغة شي ديك رومي وشي نقانق وشي بيرقر ياخ لي الجبس ده فيها .. لكن ويل سميث النصييحة صينيتو جيعانة جا شايل ليهو صحن واااحد وجك بتاع جعة ..

والله يا نسوان شغلتونا الواحد ما قادر يرد على المتداخلين ..هي قصدي المعزيين ..
محمد عبد الرحمن يا اخوي عارفك حساس والواحد كان ما شال معاك الفاتحة بتحرد البكا التقول مايكل ده قرا معاك في اربجي..
ياخ وبي مناسبة التعزية والفواتح دي انت حبوباتك كلهم عايشات ؟؟

Quote: شبكة يا اختي والله انتي تعبتي خشي ارقدي شوية يا بتي في الاوضة الورانية ديك راقدة فيها خالتك جوليا روبرتس بس براااحة عشان جوليا دي نوما خفيييف..

هههههههههههههههههههههههههههههههه

Quote: محمد عبد الرحمن يا اخوي عارفك حساس والواحد كان ما شال معاك الفاتحة بتحرد البكا

ههههههههههههههههههههههههههههههههههههه

حساس شنو ياخ ...بعد كتبت المداخلة ..قريتا مرة مرتين
بينى وبينك لقيتا شترة ..مسحتها .. دا اول بادى ..تانى
ارجو ان تهتموا باصدار اخر كتابات السيدة جدتكم المصون
فقد علمت انها كانت تهتم فى ايامها الاخيرة بكتابة بحث
عن الهندسة الوراثية ..مهمة مواصلة هذه المسيرة تقع على
عاتقكم كأسرة ...خاصة ان الجامعة التى كانت تدرس بها
تكفلت بنفقات طباعة البحث .. طبعا (للمتابعين) انا بتكلم عن جدة
عمر الفاروق الماتت قبل ايام لها الرحمه والمغفرة ..

عمر ياخ حبوبتك ذاتا بتبالغ ..المقعدا لى اسى شنو ؟..
انا لما قريت البوست كنت فاكرهم قاصدين الفاروق
(التانى ) ..اما فيما يخص حبوباتى ..كان لقيت ليك
بوست نعى بخصهن (عليك الله ) فطو ..قصرت معاك ..


اخر ....(اجدع ) رقمك ..خلينا نشوف الحاصل شنو ..
الواحد طول ماضحك ...

إنت ياعمر ماملاحظ حاجة في بيت البكاء ده ؟

يا أخوي الرجال كلهم فرتقوا
خلوك براك وسط الحي أووووب بتاعة ناس هالة وشبكة ونعوم ديل !!

عمر

إتخارج الناس ديل بجهزوا في القبر
أمش شوف ليك طورية أحفر معاهم ماشايف صديق الموج ايدينو بقبقن كيف من الحفر طول الليل ؟!





بس أمانة في ذمتك مايكل ده تخلي د. كوباني يعيد

تشريحو تاني ونعرف قفصو الصدري الكسرو شنو ومنو وليه سمح ؟


كر على أمك يامايكل

الله يرحمو يارب

والله يا نادية انا قلت ليهم بقعد احرس ليكم الرجال الجايين من القرى والحلللال المجاورة ..
بعدين ياخ انتو بناتنا ما بنخليكم للفرنجة ديل براكم .

Quote: والله يا نادية انا قلت ليهم بقعد احرس ليكم الرجال الجايين من القرى والحلللال المجاورة ..

ياعمر أعمام مايكل الفي أوهايو وصلوا بالبوكس من أمبارح
وناس ود خالتو الفي ايوا الموصلى قال بجيبهم بالهمر بتاعتو باكر !!
وناس حبوبته الفي نيويورك قالوا مابقدروا يجوا قبل اسبوع
لانو الحجة حبوبته متأثرة شديد بموت ود بتها ده الله يرحمه يارب

Quote: بعدين ياخ انتو بناتنا ما بنخليكم للفرنجة ديل براكم .

ياعمر الفرنجة مابعرفوا يحفروا ود اللحد ومايكل ده قالوا مات مسلم

ثم ياخ نحن بنقدر على روحنا والخواجات ديل ذاتهم مابعرفوا يشاغلوا

وبحترموا بيوت العزاء .. بكاء يعني بكاء موش لعب ضمنة وشكل هلال مريخ وسف صاعوط !

نادية

تشريح شنو العايزو تجيبي ليهو كوباني

الراجل براهو مخرم ومشرط
اي مشرط تاني يدخل فيهو ناس الدافنة الا يشيلوا الجثمان في كيس نايلون

شبكة البكاء ده لسه الفراش ما اترفع؟؟ ومع الظروف الاقتصادية دي!! بالغتوا بالجد..





وبالجد بالغتي يا شبكة... يابت انا مس راجياك من اول امس....بس ماتقولي لي لسه مارجعتي البيت!!!1

Quote: ....بس ماتقولي لي لسه مارجعتي البيت!!!1

ترجع وييييييييين يا حنين ؟؟
شبكة ليها تلااااتة يوم ما ولعت نار في بيتهم لاقيا لي العضة المجانية دي والاكل البلاش ده جابت ناس بيتهم كلللهم وعاملة فيها عاصرة الفراش ..
الزولة دي حدها الاربعين باقي لي..


نادية :
لالالا الخواجات شاغاليييييين بس عشان انتو لابسين كويس لكن شوف عيني البتشينو وروبت دينيرو لمن جات ماشة جينيفر لوبيز قعدو يتوشوشو وش وش وش و وس وس وس سمععععععععععععتهم بس ما بقول ليك ..

عمر

Quote: نادية : لالالا الخواجات شاغاليييييين بس عشان انتو لابسين كويس لكن شوف عيني البتشينو وروبت دينيرو لمن جات ماشة جينيفر لوبيز قعدو يتوشوشو وش وش وش و وس وس وس سمععععععععععععتهم بس ما بقول ليك ..

الرسوووووووول فيك توريني قالوا شنو بس ماهنا لأنو ده بيت بكاء ياخ

ممكن توريني في الباسنجر ومابكلم زول ؟!

شبكة

Quote: تشريح شنو العايزو تجيبي ليهو كوباني الراجل براهو مخرم ومشرط اي مشرط تاني يدخل فيهو ناس الدافنة الا يشيلوا الجثمان في كيس نايلون

عاد كمان يابت أمي حق الراجل يروح ساي ويكون ميت فطيس يعني ؟

لازمن نعرف مايكل ده الكسر عضام قفصو الصدري شنو ياخ !

ثم د. الكوباني ده حنين ورومانسي وشاعر وتشريحو براااااحة مازي الامريكان ديل سمح ؟!

الغدا...






















...
المحيرنى شبكة دا
معدود مع منو؟

عمر الفاروق..السلام عليكم..أرفعو الفراش....خلاص....وللا عايزين توصلو ألأربعين..وياجماعة البذخ ما كويس الصرف ده لو وظفتوهوا عشان نترحم بيهو للمرحوم ويستفيدوا منو ناس الدنياألأحياء مش كان افضل..

هسى اختى ناديه دى بترسل لينا فى رسالات إجتماعية جميلة عشان نستفيد منها....

Quote: وبحترموا بيوت العزاء .. بكاء يعني بكاء موش لعب ضمنة وشكل هلال مريخ وسف صاعوط

ده حالنا...بعد الدفن إلحزن لجزء قليل من أهل ومعارف الميت..وونسه وضحك حتى يختلط عليك ألأمر ولا يذكرك ذلك إلا مرور كبابى الشاى وبعض المعزيين بقول الفاتحة يا جماعة..أو سكليبة سكليبتبن من جوه محل النسوان...

وتكسر من بعض عطالة الحله من أكل وشراب شاى وونسة عن الكورة ونميمة وبعض ألأوقات نكات..وضحكات عاليه كأنهم فى قهوة وليس بيت بكاء...ويبقى عل أهل المتوفى ميتة وخراب ديار..

شكرآ ليك يا عمر على هذا البوست الجميل..وشكرآ ليك ياناديه لرسالاتك الذكية.....................إسماعيل محمد احمد عباس...

اخجلتم تواضعي آل جاكسون..دة اقل واجب اعملو..

Quote: والد جاكسون: محاميه رفض كشف وصيته ولا نعرف أين سيُدفن..ويشكر كل من ابرق معزيا ..وشكر خاص للابنة سارة علي والتي لم تفارق أل جاكسون منذ سماع الخبر..وقفتها ساعدت من تخفيف وقع الخبر علينا.. وفي غضون ذلك، تجمعت عائلة ملك البوب العالمي مايكل جاكسون لإعداد ترتيبات الجنازة التي لم يتحدد موعدها، فيما استعانت بعيادة خاصة للمساعدة في عملية التشريح الثانية لجثته التي طالبوا بها لكشف غموض وفاته المفاجئة يوم الخميس الماضي إثر تعرضه لأزمة قلبية.

المصدر
http://www.alarabiya.net/articles/2009/06/29/77312.html

شبكة وهالة حسن..
ياخ كفاااااااااي هريتوني مراسيل للاسواق..
سارة امشي جيبي..سارة تعالي ودي..سارة اجري سوي..
حتبقوني هيكل عظمي تلحقوني المرحوم...

ثم انا ما حيطتكم القصيرة..ما يهندا عمر الفاروق قااااعد برة وما عندو شغلة غير فلانو جات محننة بالاوكسجين وفلانة جات مكحلة وفلانة جات بالاتوس وفلانة وفلانة وفلانة..انتو بتتستغلو فيني..بطريقتكم دي الفراش ما حاعصرو للسبوع والغسيل..وشي هاج واتملا حبوب من سخانة المطبخ والكفتيرات..


عمر هييييي..منو العجبو الشاي..؟؟
وبطل قتاتة

إسماعيل ياشقيقي

Quote: ده حالنا...بعد الدفن إلحزن لجزء قليل من أهل ومعارف الميت..وونسه وضحك حتى يختلط عليك ألأمر ولا يذكرك ذلك إلا مرور كبابى الشاى وبعض المعزيين بقول الفاتحة يا جماعة..أو سكليبة سكليبتبن من جوه محل النسوان... وتكسر من بعض عطالة الحله من أكل وشراب شاى وونسة عن الكورة ونميمة وبعض ألأوقات نكات..وضحكات عاليه كأنهم فى قهوة وليس بيت بكاء...ويبقى عل أهل المتوفى ميتة وخراب ديار.. شكرآ ليك يا عمر على هذا البوست الجميل..وشكرآ ليك ياناديه لرسالاتك الذكية.....

أقول شنو عاد ماياهو حالنا الشين !!


تسلم ياراقي ويارب أحوال البكاء في بيوتنا تتعدل والله !!

حنين


شلتي حسي مع الناس ديل



ياعمر
يعني كيف امشي البيت واخلي البكا دا
لازم اجيه الحال مع ناس انعام ونادية وسارة وهالة
ما بقدر افوت الواجب




سارة
جبي منقد وتعالي برة في الحوش امرقي من سخانة المطبخ دي
عشان وشك ما يتملي حبوب
ياختي المات مات لروحو




نادية
كلمتك غايتو
المشرط دا لو جا جنب المرحوم ساي\
المرحوم دا بجهجه
عشان كدا التشريح دا خليه

قلتي لي طلع مسلم المرحوم

غايتو سمعت تحت تحت
انو لما حصلت ليهو المشكلة في المحمة بتاعة 2003 ديك
قالوا كان شايل ليهو مصحف صغير في جيبو
لكن برضو المحامي ما متاكد انو مسلم ولي لا


عليك الله دي حالة دي





انعام
النسوان ديل بتمحركن في شنو

النوريك انا بتمحركن في شنو يا شبكة..
طليقة المرحوم جات..بت الفيس بيرسلي..ومتلمين فيها لانها تقريبا جات البكا ما لابسة شي..وما خلت مكياج ما لطعتو في وشها..هسه هم متنحين فيها..
كان راجية منهم شئ واطاتك صبحت....
كدي اندهي لي الفاروق خلي يدخل عيال المرحوم جوة عشان يستحمو وياكلو لقمة..لانو عمر دة مع التقهي ما بيكون اكلهم حاجة..

شفتي شفتي يا شبكة وهالة..
اول مرة من بداية البكا عمر الفاروق يجي جاري من اول ندها..دة كلو عشان جاي يكشف لي ليزا بريسلي..عملتها واااضحة يا الفاروق..شمارك دة ما بتخلي؟؟نسيت انحنا في بيت بكا؟؟ قبيل انا مش ناديتك عشان تجي تشيل شاي الغدا وكنتا بتتجاهل فيني؟؟ هسه لمن بقت فيها ليزا بقيت تتجاري جري..

والله يا سارة الخواجيات ديل اظن اتلخبت عليهن الاختساس يعني .. الواحد بقا ما بيفرز عماد من اعتماد ..
انتي ما حضرتي بت هيلتون داك جات كيف ...الليلة ووووووب ..اظن وقتها انتي كان مشيتي كوافير الحبشية الفاتح في شارع الظلط ورا ناس جاكسون ..
والعجب خالتك نيكول كيدمان ...اووووووووووووووووووووووووووووو..
كدي دي خليها ونسة بعدين لمن نجي نعمل لينا دورانية بي الكراسي ونلم باقي الشباب عشان نتونس

تخريمة :
إنتو الطباخ ده خاتي جلابيتو في صفحتو وبيأشر بي الكمشة هايج في منو فيكن ؟

Quote: يا الفاروق..شمارك دة ما بتخلي؟؟نسيت انحنا في بيت بكا؟؟

يا اختي بكا جاكسون ولااااااااااا عرس عمر احساس..
مثل صيني قديم

الطباخ هايج في حنين لانها فتحت الحلة وقالت ليه الحلة نجضت لمن مسكت ..
قام ورور ليها بالكمشة وقال ليها انتي كمان جاية توريني شغلي..كمان ما فضل ناس امريكا يجو ينظرو لي في طبيخي!!!!!

Quote: تخريمة : إنتو الطباخ ده خاتي جلابيتو في صفحتو وبيأشر بي الكمشة هايج في منو فيكن ؟

الطباخ هيج في النسوان امات طبع شين
كل واحدة جايبة شافعها داير يحشو ليهو سندوتش
ما في صبر لامن الاكل يمرق للناس كلهم

Quote: طليقة المرحوم جات..بت الفيس بيرسلي..ومتلمين فيها لانها تقريبا جات البكا ما لابسة شي..وما خلت مكياج ما لطعتو في وشها..هسه هم متنحين فيها.. كان راجية منهم شئ واطاتك صبحت....

هي ياسارة
ما بالغتي ما كلمتيني بالمولد دا عشان اجي اتفرج
قبيل عمر قال لي امشي اخدي ليك رقدة في الحوش الورا
اها اظني غمضت

لاني ما حاضرة

كان كدا النمشي علي بت الفيس دي واديها راسها كان تسمع الكلام

باقي راسها قوي زي ابوها الله يرحمو

شبكة هيييي ها
ما تمشي..القبليك كلهم قالو زيك كدة وتاني ما شفتهم بي عيني..
بالجد انتو قاعدين تحقرو فيني..
قضو خدمتكم الاول والفرجة ملحوقة..
علي قول امي السترة والفضيحة متباريات

Quote: شبكة هيييي ها ما تمشي..القبليك كلهم قالو زيك كدة وتاني ما شفتهم بي عيني.. بالجد انتو قاعدين تحقرو فيني.. قضو خدمتكم الاول والفرجة ملحوقة.. علي قول امي السترة والفضيحة متباريات

انتي ياسارة براك تريدي الشقاوة

خلي الحوامة دي وانجمي
الطباخين قالوا بعملوا اي حاجة
وعمر جايب ليهو ناس للشاي ويوزعوه

انتي اقعدي واحضري الفرجة دي
باقي احنا من الصباح ما قعدنا الا هسة
وبعد رقنا جات المفعوصة بت الفيس دي هيجت الدنيا
والشفع قعدوا يبكوا في امهم
لما انعام غلبها تزحهم جاي ولي جاي

شبكة شبكة..
سامعة صوت الدلوكة دي؟؟؟
اقصد الدي جي

صحي الجيران عندهم عرس؟؟
يختي سمعتا انو مايكل ما كان مقصر معاهم وعمل ليهم حفلة سد المال..ورقص رقيص..اظن رقيصو اليوم داك هو الجاب اجلو..
وهسة عااادي حيعملو العرس؟؟

صحي المات فقد روحو..

Quote: صحي الجيران عندهم عرس؟؟

ياسارة
جات ام العروس لزوجة المرحوم
واستأذنت منها انو دا اول فرحتهم وبتهم الكبيرة ودايرين يفرحوا بيها

اها مرة المرحوم ما قصرت وحلفت عليها انو يعملوا اي حاجة

وزي ما قلتي المات فقد روحو



لكن بيني وبينك
ابو العروس كان صاحب مايكل شديد
وقال عمرو ما حينساه

Quote: انعام النسوان ديل بتمحركن في شنو

يابت امي النسوان ديل بتمحركن مختلفات في طريقة الفراش ..


ناس يقولوا الا واطــــــة الله دي وحالفين ما يقمن على حلين


والتانين يقولوا لا لازم كراسي وفاخرة كمان واطقم جلوس


عشان زمان الناس خلوا فراش الارض ..



اها المحركة في كدي




لكن والله عاد انا اللابسة (القنجة) دي الا لازماني الـــواطة دي اصلوا وين فايتنها ..

ماياهو الشبر دا جايبنوا جاينوا ..


خربانة ام بنايتاً قش


أستغرف الله

استغفرتك يا مالك روحي

هي هي هي هي .. أخ توف ..

Quote: هي هي هي هي .. أخ توف ..

انعام هيييي
البنات ديل هسه مسحو السيراميك دة..

Quote: البنات ديل هسه مسحو السيراميك دة..

خلي مسح السراميك يا مفعوصة ..


حضرتن الشربات للرجال البجوا من الدافنة ..


ولازم نوع واحد بس ما تكترن الانواع عشان الشي بكى ما عرس ..




احي يا صفحاتي قامن علي من الشلهتة ..

Quote: احي يا صفحاتي قامن علي من الشلهتة ..

انعام
النبي اقعدي
فترتي الليلة والله

Quote: هي هي هي هي .. أخ توف ..

المناديل في الطربيزة الجنبك دي يا انعام

Quote: هي هي هي هي .. أخ توف ..

نعوم ياخ في داعي للحركة دي منك ياخ ؟

طرشتينا البيرجر والهوت دوج والجاتوه الأكلناهم ياخ !!

Quote: طرشتينا البيرجر والهوت دوج والجاتوه الأكلناهم ياخ !!

اسولكن شنو كان انتن نفسك فاتحة للاكل ..



دا يوم اكل اسألك الله ياندوي ..


الليلة دا يوم السواد والرماد ..


اكان من الزمن دا ..

كان سويتن الرماد في وشكن جايات مبدرات كدي

واكان من الزمن دا

كان سويتن التراب في شعركن


احي ياود امي وجعتني في كبدتي ..

الليلة ياود الصرة .. الليلة ياود الحبيبة .. الليلة ياود القريبة


حي وووب حي وووب


خلني النفش عبرتي دي خلني واحدة فيكن تقول لي استغفري مافي ..


الليلة يا الخاتي اللوم الليلة حي ..


الليلة يا بتعرف العوم الليلة حي ..


مخيييير الله ..

Quote: الليلة ياود الصرة

هوي ها

صرة شنو صورة الصرة شلناها زي ماقالت ماما دومة !

نعوم

والله وأجعني ميكي أكتر منك يشهد الله

لكن كمان يابت أمي الحي أبقى من الميت

أنا من عشاء بالليل ده بي حتة جبنة الافاش كيري

وحتة الجيكن بالمستردة مافي شئ دخل مصاريني ياخ !

Quote: المحيرنى شبكة دا معدود مع منو؟

ناجي

الصحيح

المحيرني شبكة (بكسر الشين) دي معدودة مع منو ؟

انعام..
مالك بتصلحي لي ناجي؟؟
خلي مسطح..

Quote: انعام.. مالك بتصلحي لي ناجي؟؟ خلي مسطح..

سارة
ديل ما اتحاد بورداب الخرطوم اصلهم كدا
بصلحو لبعضهم

Quote: ديل ما اتحاد بورداب الخرطوم

ما شايفانها ...


قمنا بالواجب واللذي منه في البكى دا ..


ياختي نسد عين الشمس قولي مشاء الله

Quote: حضرتن الشربات للرجال البجوا من الدافنة ..

كده ناولينى كباية عصير يا سارة

واسندنى اقعد فى الكرسي ده يا شبكة وانعام



واصبر لي يا انعام انا صادمة من ساعة سمعت الخبر يعنى ما بتفقدينى

الدنيا سداية ورضاية يعنى الميت اعز منى

احيي يا ود امى قطعت قلبى ....استغفر الله

وبت الامين وينها ما شايفها

Quote: واسندنى اقعد فى الكرسي ده يا شبكة وانعام

اقعدي يافادية
ولي اقول ليك تعالي الحوض التاني
هادي ومافيهو ناس كتار

Quote: احيي يا ود امى قطعت قلبى ....استغفر الله

استغفري
الموت حق

Quote: وبت الامين وينها ما شايفها

اماني قالوا مسافرة سفرية تبع الشغل

Quote: مالك بتصلحي لي ناجي؟؟

دا فردت حنين ياخ

Quote: دا فردت حنين ياخ

بالله زى البتوصف فى ود جيرانا

Quote: ناجي الصحيح المحيرني شبكة (بكسر الشين) دي معدودة مع منو ؟

يا انعام
ناجي قرا البوست دا كلو وما عرف يفرز اني بت ولي ولد
واتغدا معاي في صينية واحدة وبرضو ما فرز

اها دا اقول عليهو شنو تاني

Quote: كده ناولينى كباية عصير يا سارة

مشيتي الدافنة مع الرجال يا فادية؟؟

Quote: اها دا اقول عليهو شنو تاني

اكيد حتقولي عليه يا شبكة مذهلل وفاضي سطر
دة اذا ما فيه شئ لله..

Quote: اكيد حتقولي عليه يا شبكة مذهلل وفاضي سطر دة اذا ما فيه شئ لله..

يفطوكــــــــ
فى صف العرس
...
...

Quote: مشيتي الدافنة مع الرجال يا فادية؟؟

انت ياالممسوخة ما فاضية لى...بتفقدنى انا عاد كده زحى من وشي

موجوعة يابت امي موجوعة

احييي ياود امى هردت كلاى

Quote: احييي ياود امى هردت كلاى

فادية
استغفري
دقيقة اجيب ليك موية

Quote: يا انعام ناجي قرا البوست دا كلو وما عرف يفرز اني بت ولي ولد واتغدا معاي في صينية واحدة وبرضو ما فرز

اسي خليتى اسامى "الرحمن" كلها
وبقيتى فى شبكة دى


ياخ دا اسم زول صاحبنا وبغنى فى عقد الجلاد
...
...


فضحتونا

Quote: ياخ دا اسم زول صاحبنا وبغنى فى عقد الجلاد

صاحبكم اسمو
شبكة بفتح الشين

شبكة

ناس بكري قالوا جابوا تلاتة خرفان مضبوحات جاهزات

النبي تعملوا لحمة محمرة لي ناس أوبرا وماتقصروا في ونيفيري دي شيالة حال سمح ؟




عارفة ؟

جاني إحساس غريب إنو بيت البكاء ده حقيقي أكتر من بيت ناس جاكسون ذاتو !!


والله جاكسون وأجعني شديد الله يرحمو يابت أمي ( وش مدمع )

نادية

Quote: بكري قالوا جابوا تلاتة خرفان مضبوحات جاهزات النبي تعملوا لحمة محمرة لي ناس أوبرا وماتقصروا في ونيفيري دي شيالة حال سمح ؟

ضربت للطباخ القاعد في بيت الجيران
عشان يعملوا زي ما قلتي
لكت قالوا حاجات الفطور لسة ناقصة
ناس عمر ما جابوا باقي حاجات الفطور

عليك الله اضربي ليهو خليهم يستعجلوا

Quote: جاني إحساس غريب إنو بيت البكاء ده حقيقي أكتر من بيت ناس جاكسون ذاتو !!

ناديى
عمر ما قالها من الاول ناس البورد استلموا البكا وبقوا كلهم بسموعا لمايكل
وكلهم اصحابو
ياهو كلامو مش؟

Quote: والله جاكسون وأجعني شديد الله يرحمو يابت أمي ( وش مدمع )

اتصبري ياختي رب العالمين اخد وداعتو

Quote: يفطوكــــــــ فى صف العرس

افهم ممن كدة انك نويت تفطني..
بنتفاهم بعدين هسة دة ما وقتو..


التعديل لحرف ال(طا)..

ــــــــــــــــــ
احي احي احي,,,
علي قول الفنان

ود الفاروق

ميكو ده حالة خاصة ياخي

والله انا حزنت لفراقو رغم بلاويهو البتفقع المرارة

عملت لي بوست وابيت ارفعوا ..

يعني حزن انصار سنة عديل

وشكرا للاثنين اللي اتعاطفو مع حزني ..

اليوم شوفت ابوه يتحدث في التلفزيون

ولا هاميهو شيئ .. تخيَل

ســارة على..


























ــــــ
انتى اول بوست ليك فى سودانييز دى ...راح وين؟

Quote: صاحبكم اسمو شبكة بفتح الشين

وتيب..!

والله العظيم المنبر دة يوم بيجيب لي الضغط..
والله وبي حليفتا..

مرات الكتابة مع الاستعجال بتتكتب غلط..وبالتالي ..


الحمد لله..
النحرر البكاء تااااااني..


احي احي احي...وووووووووب علي
كررررررر كرررررررررررررررررررر

Quote: احي احي احي...وووووووووب علي كررررررر كرررررررررررررررررررر

سارة اختى
استغفري

علي قولك يا شبكة النستغفر..
..
انتو الصدقة الليلة؟؟؟

وريني عشان اشوف البي والعلي..


،،،،،،،،،،،،،،،،،،،،

احي احي احي
نييييييييييييي هييييييييييييييي

Quote: الطباخ هايج في حنين لانها فتحت الحلة وقالت ليه الحلة نجضت لمن مسكت .. قام ورور ليها بالكمشة وقال ليها انتي كمان جاية توريني شغلي..كمان ما فضل ناس امريكا يجو ينظرو لي في طبيخي!!!!!

النصيحة يا جماعة،
ناس أمريكا كمان فهمهم شنو فى طبيخ البكيات و تسبيك المناقد،،

لا لا لا يا حنين،
أبعدى بعيد،
الطباخ دة بروفيشنال،

دة السوى لاوباما الغداء بتاع الـinauguration

ما بنجيب زول ساى لبكا جاكسون،،




______________________________
سارة على،
منقد شنو للشاى و النسكافه كمان،
ابعدى يا بت من النار دى،
و إستعملى الـkettles

هو ذاااتو الناس ديل جعانين ساكت سابو الخدمة كلها علينا،
الشاى و القهاوى دى ما بجيبوا ليها مرة (ست شاى) تمسكها عديييل كدة،،،،

Quote: الشاى و القهاوى دى ما بجيبوا ليها مرة (ست شاى) تمسكها عديييل كدة،،،،

ستات الشاي مساكين يا هالة داخلة فيهم خلعة..من يوم ميتة نادية الله يرحمها..
خايفين من الكشة تحصلم حتي في بيوت البكيات..

Quote: ستات الشاي مساكين يا هالة داخلة فيهم خلعة..من يوم ميتة نادية الله يرحمها.. خايفين من الكشة تحصلم حتي في بيوت البكيات..

أجججىىىىىى،
هى الكشات دى حصلت لغاية LA؟؟؟

غايتو يا ناس أمريكا،
برى منكم،
ما سايبين زول فى حالو،،

طيب يا سارة،
مافى حل،
إلا نجيب ديلفرى من Starbucks ،،،


يا عمر الفاروق تعال،،،،

Quote: الليلة يا الخاتي اللوم الليلة حي .. الليلة يا بتعرف العوم الليلة حي ..

الليلو وووب الليلو وووب،،،

النصيحة يا إنعام،
المرحوم يوم واحد ما غلت على زووول،،،


كر على ،
صغير و جاهل،،،،








_______________________________
إنتو يا جماعة الخير،
بت بريسلى دى جنت ولا شنو؟؟؟

كيف يعنى تنزل تاخد swim كدة قدام الرجال؟؟؟

برى برى برى،،،
ناس الخرتوم و ضواحيها شالوا حسنا وأكلوا وشنا،،،،

شبكة إنتى ما أتكلمتى معاها؟؟؟
نادية، حاولى فهميها،،،،

بت الفيس بتعمل في حمام السباحة دة عشان تصير برونزية اللون..



ـــــــــــــــــــــــ
اجرن البسن تيابكن..تمبس جا يشيل الفاتحة..
لو ما اللوم والبكا اكان زغردتا لي جية تمبس..
تكون طالبني زغرودة

Quote: اجرن البسن تيابكن..تمبس جا يشيل الفاتحة.. لو ما اللوم والبكا اكان زغردتا لي جية تمبس..

يا بنات براحة ما تتجارن،،
تمبس صحى طولنا منو،
لكن خلوه أول يعزى أخوات المرحوم و أمو،،




بت إالفيس دى أبعدوها بعيد،
الزول لسه صغير،،،،

Quote: يا بنات براحة ما تتجارن،، تمبس صحى طولنا منو، لكن خلوه أول يعزى أخوات المرحوم و أمو،،

بت قضيم دايرة تقع على سنونها بالجري

غايتو
اكتشفنا القسم النسائي بتاع الضحكونجية

اها يا بنات امي ..

بدل نسوي السابعة والخمستاشر والاربعين ..

أخير النجمعن فرد مرة ونسويهن كلهن ..

خلاص عمر دا اظنو بخجل ما بدخل على النسوان النكلم الملك دا يجيب لينا ..


10 شوالات دقيق للقيمات

10 ارباع بلح لي مديدة التمر (البربور)

والشاي والقهوة اصلن في !!


اكان جماعتن ديل دايرين (الدونات) بنسويها ليهن نجيب الشيف (أشرف) يسويها ليهن ..


اها قلتن شنو فوق الرأي دا !!

هملنا بيوتنا ووليداتنا بعد كدي كفانا النرجع ..

انا حجزت يوم 3-7 طيارتي بتكون زي الساعة 12 كدي

اها تعالن ودعني يا بنات امي سمح ..

آل جاكسون يكونو متحيرين لحدي هسي!

Quote: آل جاكسون يكونو متحيرين لحدي هسي!

الله لا جاب الحيرة يامحمد

انعام

Quote: بدل نسوي السابعة والخمستاشر والاربعين .. أخير النجمعن فرد مرة ونسويهن كلهن .. خلاص عمر دا اظنو بخجل ما بدخل على النسوان النكلم الملك دا يجيب لينا ..

احسن حاجة لانو الناس بقت على سفر ومحصلين مصالحهم

Quote: انا حجزت يوم 3-7 طيارتي بتكون زي الساعة 12 كدي

بجيك المغرب اودعك وانا مسافرة بعد بشوية كدا





تخريمة
المسافرة وصلت؟

Quote: تخريمة المسافرة وصلت؟

قالوا وصلت !!

الطايرة فأجئتنا واظنها وصلت الفجر .. غايتو النخليها تكمل البكيات الفاتنها ديل بعدين نمشي عليها ..
تسلمي بت امي

Quote: شبكة إنتى ما أتكلمتى معاها؟؟؟

ياهالة
يختي قلت اتكلم معاها

قعدت تطرقع لي لبانتها وقالت لي انا حرة (بهزة كتف)
اها خليتها لي الله

Quote: بدل نسوي السابعة والخمستاشر والاربعين .. أخير النجمعن فرد مرة ونسويهن كلهن ..

غايتو يا إنعام،
عين العقل،،
اصلو البكا كان طال كان قصر،
ما بجيب شى،،،

,إحنا ذاتنا تعبنا و فترنا من الخدمة،
سارة بهناك وشها بقبق بالحبوب،
و شبكة (تحجز) فى النساوين،
و نادية يا حليلها،
تعبت من (تقعد) الناس،،،

لكن يا إنعام،
الكميات القلتيها دى بتكفى الخلق،
عينى أمبارح لبراد بت و إنجلينا قربوا يتخابتوا فى اللقيمات حقت الصدقة،،،،

Quote: خلاص عمر دا اظنو بخجل ما بدخل على النسوان النكلم الملك دا يجيب لينا ..

و الملك مالو؟؟؟؟

هالة
كويس اتفقتي معانا في الراي بتاع انعام
ونرفع خلاص
وكل زول مسافر يشوف سفرو بي وين محلو



عمر زاغ من الصرف
رسل الملك

وهسة الملك زاتي ما شايفاهو

Quote: هالة كويس اتفقتي معانا في الراي بتاع انعام ونرفع خلاص وكل زول مسافر يشوف سفرو بي وين محلو

يا بنات هيييي روقن ساى فراش شنو البدورن ترفعن قبل الرجال

والفراش لدورهو بجيب زولهو


وميشيل لسه ما جات ترفعن كيفن يعنى

عاد سويت لي مداخلة النمشي اشوفها بقت وين واجيبها واجي

عيوني وارمات ومحمرات من كترة البكى ماني شايفة ..

الكشف عن منو يا جماعة؟

Quote: الكشف عن منو يا جماعة؟

محظوووووووووووووور

Quote: عمر زاغ من الصرف

يختي الصرف كلو من كشف البكى مافي زول بصرف من جيبه واكان زول شالوا منه قروش مشوا بيها الحال طوالي بترجع ليه من الدفتر ..

Quote: الكشف عن منو يا جماعة؟

الصايم ..


الكشف عند ابو الرجال العوض المسلمي .. ابقى مارق عليه ..

وبقبل جميع العملات اكتب اسمك ..

Quote: عيوني وارمات ومحمرات من كترة البكى ماني شايفة ..

انعام
ارتاحي
باقي راجيك سفر وتجهيز

Quote: يا بنات هيييي روقن ساى فراش شنو البدورن ترفعن قبل الرجال والفراش لدورهو بجيب زولهو وميشيل لسه ما جات ترفعن كيفن يعنى

يافادية
فترنا من الخدمة
خلينا النرفع وكل يوم بنطل عليهم

لانو انعام دي سفرها قرب
لازم تتجهزلسفر دا

Quote: وميشيل لسه ما جات ترفعن كيفن يعنى

هىىىىىىى يا فادية،
ميشيل دى ولا بننتظرها و لا بننتظرها،،

مش كفاية جات كدة كم دقيقة لغاية تانى يوم؟؟؟

و أريتها كان قعدت و لا مدت يدها فى حاجة معانا،
فالحة بس تعاين لإنعام فى جنس الكانت بتسوى فيه داك،
و تمصمص فى خشمها (يعنى ما عاجبها العجب)،
لا بكت المرحوم ، لا دايرة الناس يبكوا،،،

إحنا حالفين،
لو جات راجعة تانى،
إلا نورى ليها،،،،،

نعوم ؟

ماشة محصلة شنو يعني المرحوم ده لسة مادفنوه ولا جابو عنقريبو راجع ؟


هالة ؟

يخسي عليك على الأقل تحضري الدافنة بعد نعرف د. الكوباني قال شنو نتيجة التشريح ولا شنو ؟


شبكة ؟

عاد انتي بالذااااااات المستعجلة ليها شنو دايرة حقك وتعبك ه كلو يروح وتسافري قبل الدفن ؟

لا ياخ يابنات مابصير هيك والموقف صعب عن جد !

وأوبرا متعشمة فيكن تكملن غسيل العدة المردومة دي سمح ؟

Quote: وأوبرا متعشمة فيكن تكملن غسيل العدة المردومة دي سمح ؟

إنتى تعالى يا نادية،
اوبرا دى صحى بكت المرحوم زييين،
وما قصرت،،

لكن يا خيتى،
المرة ما بتعرف تشتغل ولا شنو،

شفتى شاييها العملتو داك كان خفيف كيف؟؟
ولا سلطة الاسود كانت مسيخة كيف؟؟؟

الناس ديل باقى لى ما كانوا دايرين يفرشوا، و لا شنو؟؟؟

انتو فى دا ولا سفنجاتى
سفنجاتى الظاهر عليهم اتسرقو
كنت خاتيهم تحت البرش

نادية اختي

Quote: شبكة ؟ عاد انتي بالذااااااات المستعجلة ليها شنو دايرة حقك وتعبك ه كلو يروح وتسافري قبل الدفن ؟ لا ياخ يابنات مابصير هيك والموقف صعب عن جد ! وأوبرا متعشمة فيكن تكملن غسيل العدة المردومة دي سمح ؟

قعدنا شالوا حالنا قالوا طافيات نارن النسوان ديل وقاعدات في بيت البكا
اها قلنا اخير نتخفف عشان ما نسمع لينا كلمة كدا ولا كدا

باقي المرحوم لو ما غالي علي ما كنت بخدم جنس الخدمة دي


احيييييييي فترت


كدي بمشي اخد لي رقدة ونستعد لناس العصر

شبكة ؟

مالك ومالهن النسوان القطاعات يقولوا قعدتي ولا مشيتي ماكلنك ولا مشربنك ؟

انتي بتعملي وأجبك تجاه آل جاكسون والناس ديل في بكاء حبوبتك ماقصروا معاك صاح ؟

ود الصايم

كان في زول ضرب سأل من بيت البكاء وصف ليهو باللافتة دي سمح ..


تاني بيت شمال .. خلينا النخلص من الموضوع دا

انعام
دي جد بالغتي فيها اليافطة دي

أها يا انعام
الما بعرفو عربي حيمشو ميدان جاكسون!

Quote: نعوم ؟ ماشة محصلة شنو يعني المرحوم ده لسة مادفنوه ولا جابو عنقريبو راجع ؟

ندوي

مقسمة بالله !! ما أغير حجزي حق يوم 3-7


خلاص كفى

يختي دايرة تقع علينا حكاية ناس البكى غفروا والجيران كفروا


بري بري كفاني


الله شاهد !! سوينا الواجب وزيادة ..

يا فادية و نادية،
رديت عليكم فى الصفحة الفاتت،،
عشان الموبايل ما لاقياهو،،،،





قاعدات إنتو فى ياتو ركن؟؟؟




إنعام،
لكن الصورة ما فيها أسهم،

الناس يعرفوا البيت كيف؟؟؟

Quote: قاعدات إنتو فى ياتو ركن؟؟؟

شفتهم هسة في المظلة الورا المطبخ

شبكة بالكسرة

Quote: عمر زاغ من الصرف

يختي الصرف كلو من كشف البكى مافي زول بصرف من جيبه واكان زول شالوا منه قروش مشوا بيها الحال طوالي بترجع ليه من الدفتر ..

Quote: الكشف عن منو يا جماعة؟

الصايم ..


الكشف عند ابو الرجال العوض المسلمي .. ابقى مارق عليه ..

وبقبل جميع العملات اكتب اسمك ..

Quote: الكشف عن منو يا جماعة؟

ود الصايم،
إنت لسه ما دفعت؟؟؟
لا لا لا،
اتلومت،
أتلومت عديل،،،

حصل حصل العوض قبال يسلمو لجيرمين،،،،

Quote: انتو فى دا ولا سفنجاتى سفنجاتى الظاهر عليهم اتسرقو كنت خاتيهم تحت البرش

اهااااا

دا الكنا خايفين منو


قدر ما عملنا حسابنا انو حالنا ما ينشال ..

اها عبد الدائم سرقوا نعلاتو


تعالي يابت يا سارة شوفيهن ليهو ولا امرقيهن من محل الجماعة اللاجوة ..

انا ضمي ماني داخلة عليهن تاني ..

مرات ياعمر في بيت البكا الواحد بمسك جريده ويقعد في ركن يقرا صفحة الادب
اها انا جبت ليكم صفحة الادب في البوست بتاعي حق مايكل جاكسون
ذلك التحليل الفلسفي للصديق طلعت الطيب عن تقاعس اوباما عن نعي م جاكسون بالطريقة الامثل
يمكن القي لي معاكم صينيهرفيها مفروك وكسره
وبالله بعد ماتشبعوا وتغسلو ايدينك تعالو زورونا هنا
آوباما يعاني من نقد شديد بسسبب تقاعسه عن نعي مايكل جاكسون

الاستاذ الموصلى
تحياتى وتقديرى وشكرى لفتحك هذا الموضوع الحيوى
لم استغرب لموقف اوباما ، ويمكن فهم اسبابى فى ضوء الحقائق التالية:
اولا ماذا يمثل مايكل جاكسون كرمز فنى ؟
بالنسبة لمجتمعات ما قبل الحداثة premodern(الجماعات الدينية التقليدية منها والمتطرفة ) تنظر الى الرجل على اساس انه (بدعة) ورمز للفجور والرزيلة ، كان الرجل يذكر كجزء من الرزيلة ومظاهر الانحراف فى خطاب الجوامع والكنائس فى كل مجتمعات ما قبل الحداثة ومنها عالمنا العربى والاسلامى والكنائس فى العالم الثالث .
ثانيا مايكل جاكسون يمثل الثقافة الشعبية او الثقافة الشاملة مثله مثل مادونا mass culture والثقافة الشاملة تعتبر مصدر خطر على الشعوب ومصدر من مصادر الاستبداد بعد تجربة النازية فى المانيا وغيرها .
ولان الثقافة الشعية كذلك فان كل الحداثيين بما فى ذلك حتى النقديين منهم يتعاملون بحذر مع مايكل جاكسون ، فلو كان هيبرت ماكيوز والذى توفى فى العام 1979 حيا ربما كان سيقف منه نفس موقف اوباما اليوم.
اتضح لى وللاسف الشديد ان اوباما (حداثى ) من الطراز الاول ربما اقوم بتوضيح قصدى مستقبلا ولكنى اكتفى هنا بتوضيح ما اقصد من خلال خطابه فى جامعة القاهرة حين تحدث عن قيم مشتركة بين امريكا والعالم الاسلامى وحينما كان محابدا تجاه الازهر ، فالرجل كان يتحدث عن قيم العدالة والحقوق بمفهومها الليبرالى كانما هى قيم مشتركة بين امريكا والعالم الاسلامى خاصة الازهر والوهابية السعودية وهو اخفاق شديد واخفاء (للاختلافات ) بين العالمين فى مفهوم الحرية الحقوق، وكلنا يعرف ان الحقوق فى فهم الثورة الامريكية تقوم على حقيقة كون (الناس سواسية فى ضوء السببية الحداثية) بينما الحقوق فى العالم الاسلامى السلفى المسيطر هى ليست حقوق لكل الناس وانما حقوق المسلمين فقط . بالمناسبة ربما كان هذا الجزء من الخطاب هو الذى كان مصدر اعجاب للصادق المهدى !
اليكم جزء من خطابه :

I am honored to be in the timeless city of Cairo, and to be hosted by two remarkable institutions. For over a thousand years, Al-Azhar has stood as a beacon of Islamic learning, and for over a century, Cairo University has been a source of Egypt's advancement. Together, you represent the harmony between tradition and progress. I
I have come here to seek a new beginning between the United States and Muslims around the world; one based upon mutual interest and mutual respect; and one based upon the truth that America and Islam are not exclusive, and need not be in competition. Instead, they overlap, and share common principles – principles of justice and progress; tolerance and the dignity of all human beings

من المعروف ان فلسفة ما بعد الحداثة هى التى حذرت من اهمال (الاختلافات ) وهى التى انتقدت المفهوم العالمى للقيم والتاريخ والحقيقة والعدالة ، عندما تقول انه ليس هناك قيم عامة مشتركة بين كل الناس كما تدعى مدارس الحداثة القائمة على فلسفة الانوار الاوروبية Enlightenment (مثل الليبرالية والماركسية ) وغيرهما وانما هناك تعدد فى فهمنا للحقيقة وللتاريخ وللعدالة حسب معتقدات وثقافة كل مجتمع، وان محاولة جعل هذه القيم شىء عالمى مشترك انما هو وهم حداثى وتفاؤل ساذج (غائية teleology) تؤمن بان مستقبل الانسان هو دائما الافضل وان التاريخ يسير نحوالامام (الماركسية والليبرالية والاديان) مع ان الواقع يقول غير ذلك حيث يزداد الفقر والحروب وتلوث البيئة وينعدم الامان وتقل فرص التوظيف للاجيال المستقبلية .
عالم اليوم هو عالم القلق والفوضى والتناقضات كما تقول فلسفة ما بعد الحداثة .
لذلك فان ما بعد الحداثة اهتمت بالفوضى والاختلافات كواقع وقاومت تفاؤل الحداثة الساذج بالمستقبل فهى تقرر بسقوط الحداثة وثقافتها تدريجيا لتحل محلها خليط من اشياء متنافرة juxtapositioning.
ولان العالم يزداد كل يوم ترابطا فهناك تمدد للمفاهيم والثقافة التقليدية لتتعايش مع الحداثة وما بعدها جنبا الى جنب ، فالعالم المالوف لدينا قد بدأ فى التصدع الى عوالم متعددة تتعايش مع بعضها البعض (وليس نحو التوحد كما تدعى مدارس الحداثة حيث يحل الجديد محل القديم ديالكتيكيا) وهذا ما هو الموقف الفلسفى لما بعد الحداثة .
تعايش التناقضات والاختلافات والتعدد شىء ملازم لعصرنا وقد عبرت الهندسة المعمارية لما بعد الحداثة عن هذا الشىء وهذه الفلسفة . الاسلوب المعمارى لمبنى فيليب جونسون سابقا (رئاسة شركة الاتصالات اى تى ان تى ) فى نيويورك مثلا تحتوى على نموذج البناء المستوحى من كل العصور تقريبا لتتعايش فى ذلك المبنى .
موسيقى الهيب هوب هى تقافز بين مختلف الامزجة من خلال ممارسة ال sampling.
من اهم الشخصيات التى برعت فى اظهار هذه التناقضات من خلال الاداء، يعتبران مايكل جاكسون ومادونا ومن هنا تاتى اهميتهما . فمادونا تقدم سلوكيات ومظاهر جنسية ومتعددة (انثى يشتهيها الرجال وتشتهيهها امراة اخرى كذلك - مثلية ومستقيمة فى نفس الوقت) اما مايكل جاكسون فهو خليط فى كل ما يتعلق بالجنس والجنس
فهو طفل برىء وفحل فى نفس الوقت وهو لا ابيض ولا اسود وربما كان تغيير لونه وعملية تجميله الى على ذلك النحو تعبيرا عن ان يكون رمز ما بعد حداثى (كان لا بد من التغيير بسبب مرض جلدى ) ولكن التغيير فى اتجاه اللون الابيض لم يكن تنكرا للونه الاسود بقدر ما كان محاولة فى اتجاه الرمز الما بعد حداثى (اى ان يحمل تناقضات الواقع دون تفاؤل)
ربما اعود مرة اخرى لتوضيحات اكثر لاننى اختزلت كثيرا من المفاهيم فى هذه المداخلة نظرا لضيق الوقت


انظر مثلا لما كان قد كتبه فيلسوف ما بعد الحداثة بديلارد عن مايكل جاكسون:

He has constructed himself in every tiny detail. it is this time which makes him a pure, innocent child - the artificial androgyne of the fable, who, better than Christ, can reign over the world and bring reconciliation, because he is better than the child-God: he is a prosthesis-child, an embryo of all the forms of mutation we have imagined to deliver us from
race and sex

by Baudillard

was Michael Jackson more real than real as Baudilard had tried to put it
تحياتى مرة اخرى يا موصلى

بي المناسبه دي نلفح ليكم بوست استاذنا جبره حنان سكليب

Quote: ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح! عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)! عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة! فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية! - كلمتى (عوضية ردحى)؟ همست (سوسو) لجارتها وصديقتها (نوسة) والتى مالت قريبا منها وهى تجيبها: - والله (عوضية ردحى) دى قالو عندها مناسبت بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم. - وشالت منك البيانات! - أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟ انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا).. وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء: ووووب ووووب وووووووووووووووووووووووووووووووووووووووووووووووووو ب.. ثم تبدأ (حنان سكليب) فى السكلى و(الوصف) وهن يرددن خلفها: - ووووب عليا والله ليا يا حسن يوروو يا البتدى البتدورو والما بتدورو ووووب عليا والله يا صغير وجاهل يا البتجيب القروش بالساهل يا ود امي.. هيء يء يء يء .. الكورس : وووب ... وووب ...ووووووووب الليله يا حليلك يا زين الرجال ياملك الدولار يا البتستر الحال الليله يا حليلك يا البتشيل من البنوك وتشتت قبال ما يلحقوك يا ود امي.. هيء يء يء يء .. الكورس: وووب ... وووب ...ووووووووب الليلة وينك إنتا يا الإسبليت هبوبك والهمر ركوبك الليله وينك إنتا يا البنيت المقصورة وركبت النافورة الليله وينك إنتا يا أب جيوب منفخة وأب عربية مصفحة يا ود امي.. هيء يء يء يء .. الكورس: وووب ... وووب ...ووووووووب يا حليلك الليله يا البتفك الصعيبة ويا البتسجل اللعيبة يا حليلك الليله يا جوكى البنوك يا التهريبك بالسنبوك يا ود امي.. هيء يء يء يء .. الكورس: وووب ... وووب ...ووووووووب ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة: - قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو

يا سارة بالله قولى لهالة ناس البيت قالو ليك رسلى مفتاح الدولاب
من مرقة الصباح ما رجعت رغم انهم رسلو ليها كم مرة لكن طنشت
عشان لاقية الونسة
لو باريتى ناس شبكة ديل ياكى الطشيتى



ــــــــ
ده مثال للرجال البدخلو مكان النسوان وينادوهم باساميهم كانهم بعرفوهم


ـــــــــ

نسيتو التلج يا اخوانا
بس كسارينو قاعديييين ...

هالة ؟

ماتبقي شنافة انتي كمان مالو شاي أوبرا ؟

خفيف؟

مامنها من الليبتون الجابتو مادونا ياخ !

وسلطة الأسود عملتها إنعام حيمورة شوف عيني تخم في الملح وتكب لمن بوظتها !!


شبكة


مرة المرحوم دي ياجماعة ماشربت النسكافيه بتاعها من يوم جابو خبر راجلها

وزول جايب خبرها مافي المسكينة .. الني تناوليها مق نسكافيه عشان رأسها تتعدل !


فادية ؟

شنو يعني من جيتي راقدة على جنبك في الراكوبة وراء الليفنج روم ؟
تعالي قشري البطاطس ده الغداء قرب ياخ !





نعووووووووووم

الرسول فيك تأخري سفرك وحاة الله نسوان أمريكا يشيلوا حسك يابت !

Quote: وسلطة الأسود عملتها إنعام حيمورة شوف عيني تخم في الملح وتكب لمن بوظتها !!

أجي أجي أجي يابت امي .. نسيتي .. ماك ضربتي لي في يوم من الايام من مكانك لي مكاني اوصف ليك عمل سلطة الاسود اليوم العازمة فيهو ناس بهاء عيسى وباقي البوداب ..

وقالوا احسن شي في الصفرة سلطة الاسود حقتي ..

Quote: نعووووووووووم الرسول فيك تأخري سفرك وحاة الله نسوان أمريكا يشيلوا حسك يابت !

غايتو عندي (غرض) كدي بي هناك كان ما انقضى بي باقي الليل دا اياني المسافرة من غير رجعة ..

معاوية
انت الكواريك والسكليب شوية لامن جبت لينا فرقة كاملة

غايتو ريحونا شوية ومسكن السكلي

الموصلي
عليك الله بعد تخلص صفحتك دي
اديني ليها بعدين اقراها برواقة جوة
هسة مع جوطة الغدا دا ما بقدر اركز

انعام
انتي سفنجة عبد الدائم الاتسرقت خضراء ولي زرقاء؟

Quote: حصل حصل العوض قبال يسلمو لجيرمين،،،،

ود الصايم سيب الاستهبال علاقتك بي مايكل ماااا للدرجة البتخليك تقالد جانيت بي الاحضان قدر ده ..

صاحبي البكيات كترت عليهو في الايام الفاتت دي وانا ما لامي فيهو عشان اعزيهو في مايكل البلاقيهو لي يقول ليهو عمر بيفتش ليك بس عايز يديك الفاتحة ما عايز اييييييي شي تاني ووالله ما بيشحدك حق المواصلات مش البيوت الورا الجامعة الاسلامية دي بمشيها كدااااري

ود الصايم ؟

إنت يا أبوي ماتمش على صيوان الرجال مايكملوا الغداء يخلوك أبوي !



عمر

ماتعمل الشاي حجتك وكل شوية جاي تتمحرك وتكشّف لونيفيري الكلام ده ماصاح منك !

عمر
بطل الفارغة واكرم ناس الموصلي ومعاوية ديل وامسكهم للغدا..باقي جايين من ولاية بعيدة..لو باريت ود الصايم دة بضيعك ..


سيد الرايحة(السفنجات)..
ارجاني هسة بجيك بي الاكيدة

يا سارة ناس الموصلي ديل واااااقعة ليهم النوع البيغشا دكان البرقاوي يضرب الفولة الساعة 12 حاجة كده غدا فطور وبيجي للبكيات والاعراس جااااهز عشااان جنس الشلهتة ومساككة الصواني ..

شبكة الحقيني جينيفر انيستون وانجلينا جولي اتشاكلو والخايف منو حصل..كلممممممممممتك قلت ليك انجيلنا لمن تجي دخليها بيت ناس بيونسي بالله من شافتا جرتا ليك من شعيراتا وقالت ليها وكمان ليك عين تعزيني يا ختاااافة الرجال ؟؟
وتعالي شوفي الردحي الدرحتو انجلينا ..
هي هي هي هيهيييييييييييييييييييييييي مني دي؟؟؟ ترا ترا واللساتك ورا ..
شبكة الحقيني الله يرضى عليك كان ما جيتي حا اضطر احجزهم براي ..

والله يا ناس منبر بكرى ماكم هينين












اسمعونى يا جماعة فى زول/ة شاف/ت جنيفر لوبيز اصلى عندى موضوع معاها هههههههههههه



ياخ إنتو!


مدهشين جداً

عمر

جينيفر لوبيز قالت ليك لو مابعدت من سيرتها مابتخليك

شنو الترا ترا والساتك ورا وبتاع ؟؟

ماتبطل حركاتك دي ياخ ماتفضحنا في بيت بكاء الامريكان ديل !!

Quote: يا سارة بالله قولى لهالة ناس البيت قالو ليك رسلى مفتاح الدولاب

هي ها يا عبد الدائم...
انا ما تلفون دلاقين ليك..
انا سموني سارة مراسيل؟؟
جني وجن قولي لي فلان ولا علتكان..
اضرب ليها تلفون ..وهو الموبايل عملو لي شنو ما لي زي جنس دة...
ولا اقول ليك يا عبد الدائم..ما تضرب ليها عشان انا اتذكرتا هالة ما بتحب ترد في اللمة علي تلفونا عشان هي بتخجل منو قالت..جماعتك الامريكان ديل كلهم شايلين الاي فون..وهي حقها حاجة كدة ما معروفة..فلو كسرتا ركبتك ما حترد ليك..الا تدخل بيه الحمام..

نسوي شنو..مجبورة اكلما ليك ندهتني من دون الناس..
اول وآخر مرة..

عمر الفاروق جابنا العزا لكن رايح مننا الدرب واتصلنا تلفونك خارج الخدمه واللوحات كلها بى الاجنبى
والولد السايق لى مابعرف يرطن انجليزى وتعبنا ورجعنا مايكل دا ببقا ليك شنو لاننا مانا عارفين العلاقه
لكن تحت تحت سمعنا انو صاحب عمك ود الصايم ..