Post: #1
Title: د.ناهد محمد الحسن الأن علي شاشة تلفزيون السودان..ما يفوتك!
Author: رشا سالم
Date: 03-15-2008, 03:29 PM
........عصير الدهشة!
|
Post: #2
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: abubakr
Date: 03-15-2008, 03:58 PM
Parent: #1
شكرا رشا .. قارب البرنامج"مشوار السبت" علي الانتهاء ولم اشاهده من اوله الا ان الجزء الذي ما زلت اشاهده يساهم في الحوار فيه معها الصحفي الجنرال (احمد طه) ودزكامل ابراهيم والفنان عبدالرحمن عبدالله ومجموعة الموسيقيين الذين صاحبوه عزفا وبعض منهم نقاشا وادار اللقاء طارق كبلو ولقد شارك الاستاذ علي شمو في جزء منه لم احضر الا اخر بسيط منه ... الموضوع عن الثقافات السودانية والهوية ... ولقد اكد جميع المتداخلين علي ضعف التواصل بين الشعوب والقبائل السودانية مما اضعف التمازج ولقد كان لناهد وكامل واحمد طه اسهام واضح في تناول الموضوع من جوانب مختلفة .. وفي خاتمة البرنامج اشارت ناهد الي الطفل السوداني والذي تضيع هويته وشخصيته بين الضرب والمراسييل وتسلط افراد الاسرة الممتدة ...
|
Post: #5
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: رشا سالم
Date: 03-15-2008, 04:43 PM
Parent: #2
الأخ المحترم abubakr..
| Quote: الموضوع عن الثقافات السودانية والهوية ... ولقد اكد جميع المتداخلين علي ضعف التواصل بين الشعوب والقبائل السودانية مما اضعف التمازج ولقد كان لناهد وكامل واحمد طه اسهام واضح في تناول الموضوع من جوانب مختلفة .. |
شكرا ليك علي الملخص المختصر المفيد لمجريات الحلقة الجميلة..
اكتر حاجة عجبتني في النقاش صراحة د.ناهد ومحاولاتها الجادة لتنبيه الناس
للحديث عن الحقائق المؤلمة في مجتمعنا..وادت مثال بالحديث عن اصرار جميع القبائل
السودانية علي إنو جدهم العباس وقالت ليه مافي زول جدو بلال؟؟
واتكلمت بوضوح عن رفض بعض قبائل السودان عن تزويج بناتهم للقبائل التانية من
منظور استعلائي..
حاول استاذ كامل إنو يخفف من وقع الحقائق المرة دي ببعض القفشات..
لكن د.ناهد كانت مصرة إنو الموضوع يتناقش بكل تفاصيلو وما يتسرق علي
حد قولها..
|
Post: #3
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: ismeil abbas
Date: 03-15-2008, 04:09 PM
Parent: #1
ألأخت/رشا سالم
..............
السلام عليكم..
تشكرى على المعلومة ....وربنا يديك الصحة والعافية..
حقيقة برنامج مشوار السبت من البرامج المميزة..وألمذيع طارق كبلو من المذيعين القديرين
فى إختيار المادة والمتحاورين..
حضرت جزء من الحلقة وجذبنى أسلوب د/ناهد....حوار منطقى وعقلانى ...
لكم خالص الود..
إسماعيل محمد احمد عباس...............
|
Post: #4
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: رشا سالم
Date: 03-15-2008, 04:33 PM
Parent: #3
الأخ اسماعيل عباس..سلامات..
Quote: حقيقة برنامج مشوار السبت من البرامج المميزة..وألمذيع طارق كبلو من المذيعين القديرين
فى إختيار المادة والمتحاورين.. |
لسؤ حظي..دي اول مرة احظي بمشاهدة البرنامج دا..
وزي ما انت قلت طارق كبلو من المذيعين المتميزيين..
لكن حسيت بأنو كان متردد في بعض اللحظات..واحتمال لانو البرنامج علي
الهواء..بس جاني احساس إنو كان متنازع بين سلاسة وجمال منطق د.ناهد
وبين ناس الكنترول الدايرنو يدخل فقرات كوميدية ما عندها علاقة
بموضوع الحلقة!
|
Post: #6
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: ismeil abbas
Date: 03-15-2008, 04:49 PM
Parent: #1
ألأخت/سارة..
..............
لكى التحية مرة أخرى........
...........................
لسؤ حظي..دي اول مرة احظي بمشاهدة البرنامج دا..
وزي ما انت قلت طارق كبلو من المذيعين المتميزيين..
..................................................
يا ستى مافى خسارة ....وربنا يعوضك إن شاء الله...بعيدوها اليوم بعد الساعة واحدة الفجر ممكن تسجليها..وتشاهديها وقت الفراغ..
..................................................
مشوار السبت///والمذيع المتألق/طارق كبلو..خليك مع الزمن..
خالص مودتى.,..
إسماعيل محمد احمد عباس..............
|
Post: #7
Title: Re: د.ناهد محمد الحسن الأن علي شاشة تلفزيون السودان..ما يفوتك!
Author: abubakr
Date: 03-15-2008, 04:53 PM
Parent: #1
| Quote: السودانية علي إنو جدهم العباس وقالت ليه مافي زول جدو بلال؟؟ |
يارشا .. في بعض مداخلات طريفة بيني وصديقي ود شيقوق اشرت الي امر اهل السودان وجدهم "العباس" ولماذا ليس ابي جهل وابي لهب كما اشارت ناهد بالاضافة الي بلال ؟ واستاذنا يوسف فضل اشار الي هذا الامر في بعض كتبه اي اصرار بعض او اهل الشمال السوداني الجغرافي بان جدهم "العباس"؟؟ حتي الان لم اجد لماذا اختارو العباس من دون بني هاشم ؟...هل هو تاكييد او اثبات لعروبة او اسلام ؟؟
اللون الاسود او الاديم كان من الوان اجناس العرب كما قرات في كتب ومنها مدخل لكتاب البخلاء للجاحظ ؟؟
|
|