Post: #1
Title: دعوة لتكريم البروف المعز
Author: Magdi Ahmed Elsheikh
Date: 03-13-2008, 04:08 PM
الاخ بكري وكل الاخوه في سودانيس اون لاين ارجو البدء منذ الان في الاعداد لتكريم يليق بالاخ العزيز الشاعر بروف المعز عمر بخيت وتكوين تيم لذلك ولكم الشكر
|
Post: #2
Title: Re: دعوة لتكريم البروف المعز
Author: humida
Date: 03-13-2008, 04:55 PM
Parent: #1
انا بعتذر والله .. يوم الجمعة عندي ( كاروشة ) ..!!
|
Post: #3
Title: Re: دعوة لتكريم البروف المعز
Author: Magdi Ahmed Elsheikh
Date: 03-13-2008, 05:26 PM
Parent: #2
اها حتمشي صلاة الجمعه كيف.................
حتكرش في الصف الوراء والا القدام.......
ثم ثانيا الكاروشه دي سببها شنواغايتوا نحن ماداعين كيزان عشان تقعد تنكرش من اسع ...
اكرر دعوتي بتكريم البروف ........
|
Post: #4
Title: Re: دعوة لتكريم البروف المعز
Author: humida
Date: 03-13-2008, 05:38 PM
Parent: #3
هسع يعني عشان ما داير اكرم معاك المعز تطلعني ( كوز ) ..
اها انا شايف يا حبوب انه ( الاخلاق ) اهم من الانجازات العلمية ..
تعال طلعني ( ود حرام ) المرة دي ..
..
..
عارف يا مجدي ..
نحن السودانيين ما بنعرف نقول لا .. عشان كدا بتكون اعذارنا واهية ..
يعني زول تعزمه لغدا مثلا .. ويكون ما داير يجيك ومن شدة الربكة يقول ليك والله يوم الجمعة بجيني ( مغص ) ..
دي النكتة هنا ..
لانه نحن ما اتعودنا علي الكلام الفظ المباشر ..
..
..
يلا حبة فتك بخير ..
|
Post: #5
Title: Re: دعوة لتكريم البروف المعز
Author: Magdi Ahmed Elsheikh
Date: 03-13-2008, 06:06 PM
Parent: #4
لك العتبي حتي ترضي وتنكرش تاني .......ياولدي انا كنت قائل الجماعه جايين عشان كده جاتك كاروشه والمعني واضح...
|
Post: #6
Title: Re: دعوة لتكريم البروف المعز
Author: Dr. Moiz Bakhiet
Date: 03-14-2008, 00:02 AM
Parent: #5
الأخ الغالي مجدي أحمد الشيخ،
أشكر لك هذه الدعوة الكريمة
وهو ما يدل على نبلك
وأخلاقك الفاضلة
ودعوتك هي في حد ذاتها أعظم تكريم
محبتي واحترامي العظيم لك
|
Post: #7
Title: Re: دعوة لتكريم البروف المعز
Author: humida
Date: 03-14-2008, 00:55 AM
Parent: #6
المعز ..
ياخي ما حضرت ليك نشرة البحرين ..
بس والله عندي ملاحظة ..
يعني مع الاكتشافات الرهيبة ما تجيبوا ليكم شاشة LCD للكمبيوتر بتاعكم ..
الامكانيات المتاحة ليكم بسيطة جدا .. ودا نفس الكلام القالته مديرة الجامعة .. وظهر من خلال التلفزيون ..
انت ليه ما تمشي واحدة من الجامعات الاوروبية الكبيرة بتلقى اهتمام اكبر هناك وامكانيات ما ليها حدود ..
..
..
غير كدا ..
الكرفتة الكنت لابسا دي مقاس كم .. 
|
Post: #8
Title: Re: دعوة لتكريم البروف المعز
Author: Magdi Ahmed Elsheikh
Date: 03-14-2008, 01:17 PM
Parent: #6
التحيه والتجله والتهنيئه لك المعز عمر بخيت علي هذا الانجاز غير المسبوق و اذكر حين قابلتك في نهاية التامنينات من القرن الماضي وانا طالب ان قلت لي مجدي انا ماشي عشان اعمل حاجه في علاج الجهاز العصبي بدون الجراحه والشغلانيه احساس شاعر امتزجت بعلم طبيب وتلاقحت مع روح انسان فنان فانجبت هذه الابداعات التحيه لك ولكل الكفاءت النادره التي لاحصر لها في الشتات ربنا يجمع الشمل ورب ضارة نافعه سؤال يطرح نفسه لو كونتوا في السودان هل سيتمكن هؤلاء من العطاء واخراج كل هذه الانجازات؟هل سيفسح لهم المجال للاستفاده منهم في بلدنا والا الحكاية دي ما ليها معني هناك و سيكونوا من المغضوب عليهم من الديناصورات الي يوم تشرق فيه الشمس افتونا يرحمكم الله. اخوكم د.مجدي الشيخ
|
|