Post: #1 Title: سودانية تقيد زوجها على السرير وتشعل فيه النار Author: Elsadiq Date: 03-13-2008, 09:17 AM Parent: #0
الخرطوم : أشعلت زوجة سودانية النار في زوجها مما أدي لمقتله احتراقاً بسبب خلافات بين الزوجين وقامت المتهمة والتي تعمل في وظيفة مرموقة بتقييد زوجها بالحبال وأشعلت فيه النار وفور البلاغ تحركت شرطة ولاية الجزيرة لمكان الحادث وحاولت إنقاذ المجني عليه إلا أنه توفي بعد أن التهم الحريق جسده وتم القبض علي المتهمة ووجهت لها تهمة القتل العمد فيما تضاربت أقوالها حول دوافعها لارتكاب الجريمة وقالت ان المجني عليه كان يرغب في الزواج بأخري .
Post: #2 Title: Re: سودانية تقيد زوجها على السرير وتشعل فيه النار Author: doma Date: 03-13-2008, 10:48 AM Parent: #1
العياذ بالله يا لها من امراه مجرمه اتمني ان تجد الجزاء العادل فالنفس بالنفس
Post: #3 Title: Re: سودانية تقيد زوجها على السرير وتشعل فيه النار Author: الطاهر عثمان Date: 03-13-2008, 03:15 PM Parent: #1
الناس دي الحصل عليها شنو سمها فاير كده قتل وتشويه بماء النار وخطف واغتصاب واختلاس وسرقات وزنا العياذ بالله
Post: #4 Title: Re: سودانية تقيد زوجها على السرير وتشعل فيه النار Author: رشا سالم Date: 03-13-2008, 08:09 PM Parent: #1
Quote: أشعلت زوجة سودانية النار في زوجها مما أدي لمقتله احتراقاً
Quote: فيما تضاربت أقوالها حول دوافعها لارتكاب الجريمة وقالت ان المجني عليه كان يرغب في الزواج بأخري .
عفيت منها..
Post: #5 Title: Re: سودانية تقيد زوجها على السرير وتشعل فيه النار Author: عبداللطيف خليل محمد على Date: 03-13-2008, 08:14 PM Parent: #4
رشا سالم :
Quote: عفيت منها..
انت جادة ؟؟
Post: #59 Title: Re: سودانية تقيد زوجها على السرير وتشعل فيه النار Author: mayada kamal Date: 03-16-2008, 07:43 AM Parent: #4
صباحاتك زين تعليقك دا مباااااااااااااااااااااااااااااالغة انا من امس بضحك براي حتى في البيت بتذكر فيه واضحك ياخي المنبر دا حيجننا
ميادة
Post: #6 Title: Re: سودانية تقيد زوجها على السرير وتشعل فيه النار Author: Ahmed Alrayah Date: 03-13-2008, 08:23 PM Parent: #1
Quote: عفيت منها..
ممكن تكوني يا أختنا عاوزة تنتقدي فكرة التعدد، لكن تعبيرك كان باعث على الأسف، فعلا.
Post: #8 Title: Re: سودانية تقيد زوجها على السرير وتشعل فيه النار Author: خالد علي محجوب المنسي Date: 03-13-2008, 08:45 PM
Quote: عفيت منها..
عيب شديد في حقك يا رشا اني لحزين لطريقة تفكيرك هذه التي دعتك لقول هذه الكلمة الشينة
أرجعي لصوابك والرجوع للخير فضيلة يا بت الناس
تحياتي
Post: #7 Title: Re: سودانية تقيد زوجها على السرير وتشعل فيه النار Author: Hassan Makkawi Date: 03-13-2008, 08:44 PM Parent: #1
المجني عليه كان يرغب في الزواج بأخري .
مجرد رغبة حرقتو لو كان تم الموضوع كان الحريق وصلنا للة في اهلنا شؤن
Post: #9 Title: Re: سودانية تقيد زوجها على السرير وتشعل فيه النار Author: Hassan Makkawi Date: 03-13-2008, 08:47 PM Parent: #7
2 3 4
Post: #10 Title: Re: سودانية تقيد زوجها على السرير وتشعل فيه النار Author: ناجية مصطفى Date: 03-13-2008, 11:00 PM Parent: #9
سمعنا بالعنف ضدالمرأة لكن لم نسمع بالعنف ضد الرجل والله شى غريب لاحولة ولاقوة إلابالله ياأخوانا الحاصل شنو؟
Post: #11 Title: Re: سودانية تقيد زوجها على السرير وتشعل فيه النار Author: ناجية مصطفى Date: 03-13-2008, 11:01 PM Parent: #9
سمعنا بالعنف ضدالمرأة لكن لم نسمع بالعنف ضد الرجل والله شى غريب لاحولة ولاقوة إلابالله ياأخوانا الحاصل شنو؟
Post: #12 Title: Re: سودانية تقيد زوجها على السرير وتشعل فيه النار Author: yasir Abdelgadir Date: 03-13-2008, 11:42 PM Parent: #11
رشا
Quote: عفيت منها..
ات بي صحك؟؟
Post: #14 Title: Re: سودانية تقيد زوجها على السرير وتشعل فيه النار Author: Tragie Mustafa Date: 03-14-2008, 00:22 AM Parent: #12
اتمنى ان تركزوا على ظاهرة العنف نفسها وتتركوا التعليقات الجانبية .
الشريك الذي يأخذ رفيقه لحم/اه ويرميه عظيم يستحق اكثر من تعليق د.رشا.
النديه في العلاقات ضرورية فعند الاختلاف او الرغبة في الانفصال تتم بكل هدؤ لكن العلاقات التي فيها جانب يحس بانه تحمل كثير من الغبن والاستغلال يكون دوما الانتقام بشع.
هذه المرأة ضحية مرتين لعلاقة ربما عاشت يها غير سيعدة ومتحملة ولردة فعلاها الا منطقية و التي صيرتها بدلا عن ضحية لمجرمة كان الله في عونها واتمنى الا يكون هنالك اطفال فهم ضحية مرتين ايضا.
المحزن ان هذا شعب مضغوط صار يتنفس في بعضه فالضغوط الاقتصاديه جعلت الشركاء يتنفسون في بعضهم البعض كان الله في العون هذه ظواهر خطيرة جدا.
Post: #13 Title: Re: سودانية تقيد زوجها على السرير وتشعل فيه النار Author: Abd Alla Elhabib Date: 03-14-2008, 00:21 AM Parent: #11
Quote: وتنقذنى الطبيبة
رشا سالم.. يا دكترة بالغتى !!
Post: #15 Title: Re: سودانية تقيد زوجها على السرير وتشعل فيه النار Author: عثمان دغيس Date: 03-14-2008, 00:36 AM Parent: #1
اعوذ بالله ربنا يكفينا شرها
Post: #16 Title: Re: سودانية تقيد زوجها على السرير وتشعل فيه النار Author: Mohamed Suleiman Date: 03-14-2008, 00:42 AM Parent: #15
حادث مؤسف ...
لكن يتضح للرجال أن التهديد بالزواج بأخري ... سلاح ذو حدين ... و قاتل .
دكتورة رشا ... إمرأة .... و لا يحق للرجال إنتقادها عندما تتحدث بعفوية ...
Post: #17 Title: Re: سودانية تقيد زوجها على السرير وتشعل فيه النار Author: doma Date: 03-14-2008, 01:18 AM Parent: #16
للمراه ان تاخذ حقها بالطرق القانونيه ولكن ان تقيدا بشرا وتحرقه بالنار فهذه بشاعه وارتكبت جريمه لا تقل بشاعه عمن احرق زوجته بصب ماء النار عليها . . بس كان ورتني قيدتو كيف في السرير بمفردها؟؟ ام وجدت معاوننا؟؟؟ لا كان في حاله غيبوبه كامله يقيد ولا يحس لذلك ؟؟؟. ولو اراد التزوج عليها كان يكفيها طلب الطلاق منه . ليت القانون يتطور حتي لا يدفع بالنساء لارتكاب مثل هذه الحماقات .1- موافقه الزوجه الاولي في حاله ان اراد التعدد 2- ان يكفل لها حق الطلاق وحيازه 50 في الميه من كل ممتلكاته ان لم تكن قد انجبت منه واراد هو التعدد. 3- كان لها اطفال وكان هناك اي عقار ان يحفظ لاطفالها . 4- يكلف الرجل بالنفقه علي اطفاله انفاقا كاملا وعلي مطلقته حتي تتزوج باخر انفاقا كاملا ولا يرمي اليهم بالفتات كما يفعل بعض الرجال
Post: #18 Title: Re: سودانية تقيد زوجها على السرير وتشعل فيه النار Author: سيف النصر محي الدين محمد أحمد Date: 03-14-2008, 01:56 AM Parent: #17
يا دوما كلامك ده ما تحلمي بيهو مجرد حلم... أي محاولة لتطوير قانون الأحوال الشخصية الشيوخ واقفون لها بالمرصاد, و عندك دولة زي تونس شوفي معالجتها غير التقليدية لمشاكل الزواج و الأسرة خلت سمعتها كيف في الشارع الإسلامي..زي الزفت.
Post: #19 Title: Re: سودانية تقيد زوجها على السرير وتشعل فيه النار Author: doma Date: 03-14-2008, 02:03 AM Parent: #18
يا سيف النصر يا ولدي ما عشان كدا انا رافضه الدوله الدينيه . ومستغربه لموقف الاحزاب اليساريه المبارك لقانون الاحوال الشخصيه .
Post: #20 Title: Re: سودانية تقيد زوجها على السرير وتشعل فيه النار Author: سيف النصر محي الدين محمد أحمد Date: 03-14-2008, 02:35 AM Parent: #19
الأحزاب اليسارية في الدول العربية/الإسلامية لم تخلو مسيرتها من المواقف البرجماتية و محاولة كسب الراي العام و الحرص علي التزلف لرجل الشارع..و يمكن كمان أنها نظرت لأمور الأحوال الشخصية على أنها تدخل في باب الأعراف المستقرة و أنها شؤون بعيدة عن السياسة نوعا ما..بس برضة اليسار هو من دفع بقوة في اتجاه تعليم النساء و مشاركتهن في الحياة العامة.
Post: #21 Title: Re: سودانية تقيد زوجها على السرير وتشعل فيه النار Author: Salah Waspa Date: 03-14-2008, 02:55 AM Parent: #20
Quote: عفيت منها..
على قول فاضلابي أحيييييييي يوم أنا بعوق لي زول
يا جماعة يا خلق الله إنتبهو لكلامكم وتعليقاتكم
أما ردنا كبشر على تعليقك يادكتورة نحتفظ بيه لأنفسنا لأنه موجع
أما تعليق إبنتي سأنقله لأنها إستحلفتني أن أكتبه بعد أن دمعت
عيناها للروح الراحت وهي مكتوفة الأيادي وجدان قالت ليك :
القلم ما بزيل بلم
ويا تراجي ما صاح الكتبتيه toooo much أسحبي مداخلتك فورا
عالم تفور الدم
صلاح واسبه
Post: #22 Title: Re: سودانية تقيد زوجها على السرير وتشعل فيه النار Author: doma Date: 03-14-2008, 03:14 AM Parent: #21
Quote: لمحزن ان هذا شعب مضغوط صار يتنفس في بعضه فالضغوط الاقتصاديه جعلت الشركاء يتنفسون في بعضهم البعض كان الله في العون هذه ظواهر خطيرة جدا.
عاد يا تراجي بقيتي تنظري تنطيرات خطيره اسه يا بت امي لو عدمت المليم ولا اكلت قرفه نخرتي معقول اقيد لي حيوان دعك من انسان واصب عليه الجاز واحرقه؟؟؟؟!! . هذه المراه استجابت لشر نفسها وارتكبت جريمه حمقاء شنيعه بكل المقاييس . يعني لو كان فكرت مرتين وما تسرعت لما فعلت هذا . اسه لو اهله طالبوا بالقصاص ح يقتلوها لانها قتلت نفسا . الم يكن الافضل لها ان تطلقه ؟؟!! وقيل انها تشغل مركز مرموق يعني متعلمه وشغاله يبقي العامل الاقتصادي هنا ذاتو انتفي .
Post: #25 Title: Re: سودانية تقيد زوجها على السرير وتشعل فيه النار Author: Tragie Mustafa Date: 03-14-2008, 03:28 AM Parent: #22
دوما طبعا للاسف انت تراجي دي لو قالت شمس بقيتي بتقولي قمر.....
انا خليني من التنظير تتذكري ظاهرة قتل الازواج في مصر وله لا؟؟؟؟ وقتها كنت طالبة بمصر...وكل علماء الاجتماع كانت لهم تفسيرات مشابهة.
لكن للاسف اظنك في اطار جلابة و غرابة عيارك بقى طايش طوالي.
وعلى فكرة وللاسف لم تنتبهي ما رميت له. انا لم تهمني المرأة بقدر ما همتني المشانق التي رغب البعض لنصبها للدكتورة رشا. فاحببت بتفنيد الظاهرة ان الفت انظارهم لاصل الظاهرة.
ثانيا غريبة تشوفي التعليق الاقوى تتركيه لانه في نظرك من جلابيه وتتشبكي لي في حلقي انا الغرابيه مش كده؟؟؟
مؤسف يا دوما.
انا ادنت العنف اولا ولكن سيادتك ما بتشوفي لانك بتقريءئ يقيتي بغرض ورغبة مزمنة في تلقف الاختلاف لعلمك نكتب ونعلم اننا كاننا نسير في حقل الغام بينكم فلا كلمة الا تجد مليون واحد عايز يشرحها .
مبروك عليك قراءتك الجهوية.
Post: #28 Title: Re: سودانية تقيد زوجها على السرير وتشعل فيه النار Author: doma Date: 03-14-2008, 04:48 AM Parent: #25
Quote: لكن للاسف اظنك في اطار جلابة و غرابة عيارك بقى طايش طوالي.
لوووووووووول ضحكتيني والله مع انو لي زمن طويل من الضحك تضحك كل ايامك يا ام سند وحازم يا بت غرابه وجلابه دي الا في راسكم انتوا
شوفي لي الغرابي المليونير داك يبلش الجلدنه ويتبرع لسناء . طبعا هو من تجي فيها سيره قروش وتبرعات بعمل فيها طرشان وعميان
Post: #26 Title: Re: سودانية تقيد زوجها على السرير وتشعل فيه النار Author: Tragie Mustafa Date: 03-14-2008, 03:29 AM Parent: #21
صلاح واسبة ماهو الغير صاح؟؟؟؟
Quote:
ويا تراجي ما صاح الكتبتيه toooo much أسحبي مداخلتك فورا
عالم تفور الدم
صلاح واسبه
؟؟؟؟!!!!
جيب اقتباس لو سمحت.
Post: #23 Title: Re: سودانية تقيد زوجها على السرير وتشعل فيه النار Author: يوسف الولى Date: 03-14-2008, 03:18 AM Parent: #1
Quote: ان يكفل لها حق الطلاق وحيازه 50 في الميه من كل ممتلكاته
اتفاقيه نيفاشا للعلاقات بين الزوجين
Post: #24 Title: Re: سودانية تقيد زوجها على السرير وتشعل فيه النار Author: doma Date: 03-14-2008, 03:27 AM Parent: #23
تضحك يا يوسف الولي في خالتك دومه ؟؟!!! تمسكوني القانون دا ا صيغ ليكم عداله قوانيين الواحد فيكم يمش فوق العجين ما يلخبته
Post: #33 Title: Re: سودانية تقيد زوجها على السرير وتشعل فيه النار Author: د.محمد حسن Date: 03-14-2008, 11:58 AM Parent: #23
Quote: اتفاقيه نيفاشا للعلاقات بين الزوجين
اجمل تعليق
في البوست المأساوي ده
Post: #27 Title: Re: سودانية تقيد زوجها على السرير وتشعل فيه النار Author: كمال عكود Date: 03-14-2008, 04:10 AM Parent: #1
Quote: عفيت منها..
عفيتي منها على سجم رمادها يا دكتورة ؟؟؟؟؟!!!!!!!
عندها مخارج كتيرة تتخلص بها من هذا الزوج إذا كان استحالت العيشة والحياة والعشرة
بينهما
ولها الحق في طلب الطلاق ولها الحق في الخلع
أما أن يحرق الإنسان حرقا وبهذه الطريقة البشعة فهذا يدل على ان القاتل وحشا فضلا عن
أن يكون أمراة والتي نعلم أنها كتلة من الحنان والرأفة والرحمة
Post: #29 Title: Re: سودانية تقيد زوجها على السرير وتشعل فيه النار Author: يوسف الولى Date: 03-14-2008, 05:10 AM Parent: #1
ما تزعلى يا خاله....
لكن لانو الشى دا بيشبه الشى داك قمته ضحكته لكى العتبى حتى ترضى وان شاء الله ما نحضر يوم تطبيق قانون زى دا
Post: #30 Title: Re: سودانية تقيد زوجها على السرير وتشعل فيه النار Author: ebrahim_ali Date: 03-14-2008, 11:16 AM Parent: #29
عفيت منها.. دا كلام شنو يادكتورة وفعلاً قالوا القلم ما بزيل بلم المبادي لا تتجزاء وقفنا جميعاً مع الاخت سناء في محنتها ضد زوجها ومع جميع النساء المضطهدات من الرجال اما تقولي قد عفيت عنها فقد عفى الزمن عليك انتي فالشرع اباح للرجل مثنى وثلاث ورباع وتجي بكل صلافة عفيت منها انه زمن الجهل المركب
Post: #31 Title: Re: سودانية تقيد زوجها على السرير وتشعل فيه النار Author: محمد البشرى الخضر Date: 03-14-2008, 11:18 AM Parent: #1
يا خوانا لا تحملوا تعليق الأخت رشا أكتر مما يحتمل
Post: #32 Title: Re: سودانية تقيد زوجها على السرير وتشعل فيه النار Author: ebrahim_ali Date: 03-14-2008, 11:46 AM Parent: #31
ود البشري تحياتي يعني نحملها شنو اكثر مما تحتمل كلامها واضح زي الشمس عفيت منك يعني عايزين نطبطب عليها ونقول ليها احسنتي يادكتورة !!!! اخطأت رشا في حق جميع الرجال ـ من وجهة نظري الخاصة جداً ـ وعليها الاقدام والاعتذار علانية لما كتبتته والا انه لن تحظى مستقبلاً باي نوع من التقدير والاحترام
Post: #34 Title: Re: سودانية تقيد زوجها على السرير وتشعل فيه النار Author: محمد البشرى الخضر Date: 03-14-2008, 12:01 PM Parent: #32
اخ ابراهيم تحية طيبة تعليق الأخت رشا للفكاهة لا اكثر حسب ما فهمت منه
Post: #37 Title: Re: سودانية تقيد زوجها على السرير وتشعل فيه النار Author: رشا سالم Date: 03-14-2008, 12:23 PM Parent: #32
Quote: ود البشري تحياتي يعني نحملها شنو اكثر مما تحتمل كلامها واضح زي الشمس عفيت منك يعني عايزين نطبطب عليها ونقول ليها احسنتي يادكتورة !!!! اخطأت رشا في حق جميع الرجال ـ من وجهة نظري الخاصة جداً ـ وعليها الاقدام والاعتذار علانية لما كتبتته والا انه لن تحظى مستقبلاً باي نوع من التقدير والاحترام
ebrahim_ali
thank u again
Post: #36 Title: Re: سودانية تقيد زوجها على السرير وتشعل فيه النار Author: رشا سالم Date: 03-14-2008, 12:18 PM Parent: #31
عبداللطيف خليل محمد على Ahmed Alrayah خالد علي محجوب المنسي yasir Abdelgadir Abd Alla Elhabib Mohamed Suleiman doma كمال عكود
sorry i dont have arabic keyboard now,so iwill come and comment later........
..................
Salah Waspa
thanks for your comment or wijdan comment actualy and sorry if i hurt her feelings
Quote: القلم ما بزيل بلم
.............................. ebrahim_ali
thanks for your comment
Quote: وفعلاً قالوا القلم ما بزيل بلم
.......................................
محمد البشرى الخضر
thanks for your support abo htot
...................
Tragie Mustafa
khalto doma ma jalabia nor do i....we r sudanese ...
so dont b so sensitive please...thank you for your trial to look after z
يا ناس.. هل تأكدتم من الخبر بهذه التفاصيل؟؟ الصادق لم يذكر المصدر.. وهناك ثقوب كثيرة في الخبر بأسطره الثلاثة.. كيف استطاعت هذه المرأة أن تقيده إلى السرير؟؟ هل تم تخديره بعقاقير؟؟ في السطر الأول يقول "الخبر" لخلافات بين الزوجين.. وفي السطر الثالث يقول "الخبر" أن هناك تضارب في أقوالها وأنه أراد أن يتزوج عليها!!
وحتى لو أن الجريمة نشرت في صحيفة فإن المتهم بريء حتى تثبت إدانته.. ولاَّ شنو؟؟ مش يمكن تكون مصابة بمرض عقلي أو نفسي؟؟ يجب التثبت.. هذا أقل شيء..
لقد كان لي مريض في سجن الأبيض قام بتهشيم رأس إبنه بكراع العنقريب!!
Post: #39 Title: Re: ؟؟؟؟؟؟؟؟ رد Author: saif khalil Date: 03-14-2008, 12:27 PM Parent: #35
ان كانت مريضة شفاها الله...وان لم تكن؟
فلنتصور حياة بين شخصين في مقدور احدهما..ان يربط،ويقتل حرقا بالنار!
خاصة اذا كان هذا ال‘‘احدهما’’..من يفترض ان يكون بلسما،رياحينا..وعطر الاماسي كمان!
هذه القدرة لا يمكن تسميتها ردة فعل..لان ردة الفعل المباحة قانونا ..لا تأتي نتيجة تخطيط وتدبير..اي ان الفعل لم يكن نتيجةa sudden provocation
والذي بقدرته التخطيط لعمل بشع كهذا...likely يكون بشعا في كل شئ..مما يبرر هروب الطرف الآخر الي‘‘شريك’’ اقل بشاعة او بدونها!
التعاطف مع قاتل ليس له ما يبرره.. ولا يجوز من انسان سوي!
Post: #38 Title: Re: سودانية تقيد زوجها على السرير وتشعل فيه النار Author: محمد الامين احمد Date: 03-14-2008, 12:26 PM Parent: #1
غايتو الزول الفى الكليب ده فلت قبل ما يصل السرير
و نسأل المولى عز و جل الرحمة للفقيد
و تضامنا مع الفقيد يا رشا سالم ان شاء يعرسو فوقك 3
Post: #40 Title: Re: سودانية تقيد زوجها على السرير وتشعل فيه النار Author: Ishraga Mustafa Date: 03-14-2008, 12:55 PM Parent: #38
Quote: للمراه ان تاخذ حقها بالطرق القانونيه ولكن ان تقيدا بشرا وتحرقه بالنار فهذه بشاعه وارتكبت جريمه لا تقل بشاعه عمن احرق زوجته بصب ماء النار عليها .
Thankx ya Doma
Post: #41 Title: Re: سودانية تقيد زوجها على السرير وتشعل فيه النار Author: تيسير عووضة Date: 03-14-2008, 01:04 PM Parent: #1
أدين العنف أينما أطل برأسه وأدين أكثر عدم تفعيل القوانين التي تردع مثل هذه الممارسات ..
ليس مهماً نوع من وجه إليه العنف بقدر ما هو مهم رفض العنف في حد ذاته وعدم إيجاد أي مبرر له
وبالطريقة دي أظننا حنحتاج أيضاً لقول: STOP Men Abusing
Post: #42 Title: Re: سودانية تقيد زوجها على السرير وتشعل فيه النار Author: Ishraga Mustafa Date: 03-14-2008, 01:17 PM Parent: #41
Quote: وبالطريقة دي أظننا حنحتاج أيضاً لقول: STOP Men Abusing
تيسير correct ya
Post: #43 Title: Re: سودانية تقيد زوجها على السرير وتشعل فيه النار Author: M A Muhagir Date: 03-14-2008, 06:05 PM Parent: #1
اعطاء المراة حق الطلاق
Post: #44 Title: Re: سودانية تقيد زوجها على السرير وتشعل فيه النار Author: ابو جهينة Date: 03-14-2008, 07:47 PM Parent: #43
أختي دوما
تحياتي
Quote: ولو اراد التزوج عليها كان يكفيها طلب الطلاق منه .
و لكنها قتلته ... كنوع من التشفي يقوده جنون الغيرة و تغييب العقل
و زوج ( سناء ) كان يكفيه ( الطلاق ) من زوجة لا تريده أصلاً .. فشوه وجهها ...
وجهان لعملة واحدة إسمها ( ثقافة جديدة دخلتْ ) علينا .. ثقافة الإنتقام لتحل محل ( التسامح ) .. ثقافة ( الإنتهاء من وجود شخص لا يرغب فينا ) لتحل محلها الإزاحة من الطريق تماماً و بأي وسيلة : تشويع أو قتل ...
إلى أين نسير ؟؟؟
لطفك يا رب
د. رشا : لا أعتقد أن هذا هو رأيك ..
Post: #45 Title: Re: سودانية تقيد زوجها على السرير وتشعل فيه النار Author: Salah Waspa Date: 03-15-2008, 05:02 AM Parent: #44
Quote: الشريك الذي يأخذ رفيقه لحم/اه ويرميه عظيم يستحق اكثر من تعليق د.رشا.
أها يا تراجي الكلام الفوق دا ماااصاح جملة وتفصيلا
ثم إنتي ما عندك أي تفاصيل عرفتي كيييف حكاية العضم واللحم
مش يمكن لجأ للزواج بأخرى لأنه إتاكل لحمه والمغسة كتلته قبل النار ?
باقي كلام المداخله شرحه لأنه حكم وإستنتاج لا يستند لحقائق .
أخيرا يا أم حازم إنت بالذات ردك كان مفاجئة وصدمة كبيرة لأنك
كنت قريبة من مركز مكافحة إساءة المعاملة والتحرش والتعدي على
الزوجات والأطفال وفي أكثر من بوست تحمستي وأحضرتي المصادر والقوانين
لدعم رأيك و محزن جدا أن ترضي للرجال ما لا ترضتيه للنساء !
د. رشا
شكرا لرد الفعل الإيجابي ومعذرة لسرعة غضبنا من التعليق
نسأل الله أن تختفي هذه الجرائم الدخيلة على مجتمعنا .
صلاح واسبه
Post: #46 Title: Re: سودانية تقيد زوجها على السرير وتشعل فيه النار Author: Al-Shaygi Date: 03-15-2008, 05:32 AM Parent: #1
Quote: الشريك الذي يأخذ رفيقه لحم/اه ويرميه عظيم يستحق اكثر من تعليق د.رشا.
تراجي دايماً شايته غلط يعني بي كلامك ده: 1- أيدتي رشا عمياني وهي قبل أيدت الجريمة ولا أدري لماذا، ألشيء في نفس يعقوب، ويبدو أن هنان يعقوبان. 2- أيضاً أصدرتي حكم أدانة على المغدور بدون علم وحتى لو حدث وأن أدين فهذا ليس مبرر للجريمة البشعة، وهذا يبدو لي أنه أنعكاس لرواسب سوداء في أعماق نفسك.
راجعي طبيب نفساني .... مش عيب يا تراجي المهم تتعالجي ومش عشانا ... لكن عشان العيال ما يصبهم الرشاش..
Post: #47 Title: Re: سودانية تقيد زوجها على السرير وتشعل فيه النار Author: رشا سالم Date: 03-15-2008, 07:46 AM Parent: #46
الاخوان المحترمين عبداللطيف خليل محمد على Ahmed Alrayah yasir Abdelgadir Abd Alla Elhabib Mohamed Suleiman doma كمال عكود ابوجهينة
تعليقي دا لا يعدو عن كونه تعليق بتاع مكاواة للرجال لأني حسيت بأنو الخبر دا بيصرف
الأنتباه عن العنف المنزلي البيكونو النسوان ضحيتو في معظم الاحوال..والمهتمين
بيهو الناس اليومين ديل..
ومحاولة مني لفتح نقاش عن الحلول المتاحة للمرأة في مجتمعنا عشان تعبر عن رفضها للأذي
البيسببو ليهاموضوع تعدد الزوجات دا...
وقبل فترة الأخ ياسر عبدالقادر كتب بوست عن تعدد الزوجات بطريقة فكاهية علي
لسان صاحبو(كان صدق) وكان فيها مداخلات جميلة من بعض الزملاء في المنبر
عن الضرر البيصيب الانثي في حالة تعدد الزوجات..وانا برضو قلت رأيي فيهو وكنت معشقة بنمرة
خمسة لكن لو قدرت الم في البوست دا وفي مداخلاتي فيهو حتلقو إني كنت طارحة حل مختلف
(بعيدعن العنف والحرق وتقطيع الرجال ورميهم في اكياس بلاستيك زي ما كانت دي الموضة
في فترة من الفترات في مصر!) فأتمني انكم ما تحملو التعليق دا اكثر مما يحتمل..
وأي شخص اتداخلت معاهو قبل كدا او قرا لي مداخلة في مكان..حيعرف انو دا ما اسلوبي
وما فهمي..
وانا رديت عليكم انتو لأنكم اتسألتو اولا عن رأيي الحقيقي وما بنيتو ردودكم علي تعليق
من كلمتين كان المقصود منهم تحريك البركة الساكنة ..
شكرا ولكم مودتي كاملة غير منقوصة..
Post: #48 Title: Re: سودانية تقيد زوجها على السرير وتشعل فيه النار Author: عبداللطيف خليل محمد على Date: 03-15-2008, 08:09 AM Parent: #47
خلاص يا شباب ..
أوقفوا عنفكم ضد رشا
Quote: تعليقي دا لا يعدو عن كونه تعليق بتاع مكاواة للرجال لأني حسيت بأنو الخبر دا بيصرف
الأنتباه عن العنف المنزلي البيكونو النسوان ضحيتو في معظم الاحوال
Post: #49 Title: Re: سودانية تقيد زوجها على السرير وتشعل فيه النار Author: رشا سالم Date: 03-15-2008, 08:21 AM Parent: #48
Quote: خلاص يا شباب ..
انتو كلكو عليا ولا ايه يا مرسي ؟
Post: #50 Title: Re: سودانية تقيد زوجها على السرير وتشعل فيه النار Author: Ahmed Alrayah Date: 03-15-2008, 08:42 AM Parent: #1
Quote: تعليقي دا لا يعدو عن كونه تعليق بتاع مكاواة للرجال لأني حسيت بأنو الخبر دا بيصرف الأنتباه عن العنف المنزلي البيكونو النسوان ضحيتو في معظم الاحوال
مثل هذا الحادث البشع لا يحتمل المزاح أو المكاواة يا أختنا رشا (من وجهة نظري طبعا)، صحيح أن أثر الخبر المكتوب يختلف عن الخبر المصور؛ لكن وقائع الحادث كما صورها خبر زميلنا الصادق تكفي لتوقع بشاعته.
أنا طبعا عارف كويس إنك ما قاصدة كلام (عفيت منها) ده حرفيا، بس بصراحة حسيت إنو التعليق لا يتناسب وبشاعة الحادث، يعني: underestimation لخطب جلل.
أنا ما عاوز أفرض وجهة نظري، لكن أخبار الموت والجرائم التي تفضي إلى الموت أو الأذي الجسيم تتطلب تقديم لأولوية فداحة الموت والأذى، ثم موضوعية التطرق للمسببات ووسائل التجنب.
وأخيرا، شكرا لاهتمامك بالتوضيح؛ لكن بكل صراحة: تبريرك ما كان مقنع بالنسبة لي، وده رأي ممكن يتفق معاي عليهو البعض.
Post: #51 Title: Re: سودانية تقيد زوجها على السرير وتشعل فيه النار Author: حليمة محمد عبد الرحمن Date: 03-15-2008, 08:57 AM Parent: #50
الاخوة الاعزاء الهايجون والمايجون على تعليق الاخت العزيزة د. رشا.. كدي بالاول اقرو الخبر دا.. واتاملو في بشاعة العنف الرجالي وبجيكم راجعة للمرة الكتلت راجلا ده (موضوع البوست).. لكن بالله عليكم.. لو كانت دي قريبتكم، والراجل دا عمل فيها كدي؟؟ رد الفعل بتاعكم ح يكون شنو؟ ح تمشو البوليس طوالي.. وتقدمو شكوى (in a civilized way) ولا الواحد فيكم بلقطة واحدة بعكازو (الذي قد يكون مضببا) ح يجيب خبرو؟ (ما في زول يجي يقول صلحي الاخطاء اللغوية.. انا عارفاها وراصداها) هاكم الخبر:ـ امرأة أمريكية تجلس لمدة عامين على المرحاض!
واشنطن : أمضت امرأة في ولاية كنساس الأمريكية سنتين وهي جالسة على المرحاض في منزل صديقها الذي قد يواجه اتهامات بإساءة معاملتها. وذكرت صحيفة "هاتشينسن نيوز" ان الشرطة وصلت إلى المنزل بعد اتصال الرجل بالسلطات المعنية ليفيد بأن خطباً ما أصاب صديقته. فحضر عناصر الشرطة فوراً إلى المكان فوجدوا امرأة جالسة على المرحاض. وقالت السلطات ان صديقها كان يحضر إليها الطعام والشراب إلى الحمام. وقال عمدة البلدة أن عضلات المرأة كانت متشنجة وضامرة وان جهازاً طبياً حاول مساعدتها على تغيير وضعيتها لأنها كانت ملتصقة بالحمام. الرابط التالي:ـ http://moheet.com/# قسم الاخبار الخفيفة... تخيلوا.. خفيفة قال..!!! # بجيكم راجعة للعنف الواقع عن المراة، كرد فعل طبيعي للعنف الواقع عليها من الرجل..
فتكم بعافية..
حليمة
Post: #52 Title: Re: سودانية تقيد زوجها على السرير وتشعل فيه النار Author: رشا سالم Date: 03-15-2008, 09:13 AM Parent: #50
Quote: أنا ما عاوز أفرض وجهة نظري، لكن أخبار الموت والجرائم التي تفضي إلى الموت أو الأذي الجسيم تتطلب تقديم لأولوية فداحة الموت والأذى، ثم موضوعية التطرق للمسببات ووسائل التجنب.
دا كلام جميل ومنسق..
يلا نحنا هسه ما بنقدر نتكلم عن الحادثة دي ..لأننا ما عارفين الخبر دا
منقول من ياتو جريدة ولا مؤسسة اعلامية..وما عرفين صحة الخبر
من عدمو..يعني ممكن يكون منشور في واحدة من الجرايد البتحب الأثارة الاعلامية
فقط وما بتهتم بالمصداقية..
لكن نتكلم عموما عن وجود العنف ضد الرجل واشكاله واسبابه..
انا ممكن اقول ليك انو معظم اسباب العنف ضد الرجل بتكون بسبب التعدد..
ما عندي احصائيات ولا حسابات لكن دا من ملاحظتي للمشاكل في المجتمع السوداني
بعد كدا إنتقامها بيكون بطريقة بشعة وبيجسدكل مرارات السنين..
يعني الراجل في المجتمع السوداني ممكن يغيظ المرأة بأنو يتزوج عليها
وعندنا في ثقافتنا (المرة بيدقوها بأختها) يعني مافي داعي تخسر يدك
وتدقها بس اتزوج عليها وبكده بتكون اخدت حقك تالت ومتلت..
وحتي في ثقافتها الاجرامية ما بتنفذ عمل انتقامي علي المدي الطويل
يعني ممكن تقتل في لحظة بتاعت جنون وغضب..لكن ما بتفكر وتدبر وتشوف عواقب
الفعل ودا بينفي نية الفعل العمد..يعني مثلا في قصة سناء ..بنلقي
الزوج قعد وفكر ودبر وحتي طريقة التنفيذ حاول يلقي مخرج قانوني منها
في النهاية ضمن انها حتكون معذبة طول حياتها..(استكتر عليها حتي راحة الموت)
الحاجة دي ما بنلقاها في الجرايم البتنفذها المرأة تجاه الرجل..
إذا جينا لطريقة تفادي الجرائم البشعة دي ..بنلقي انو القانون برضو في صف الراجل
يعني الزوجة ما بتقدر تطلب الطلاق بسبب الضرر النفسي البتعانيهو لو زوجها
اتزوج عليها..!ليه القانون يقرر انو الاذي الجسدي اكبر من الاذي النفسي؟؟
ليه القانون يقرر انو حرق الجسد اكبر من حرق وجرح المشاعر؟؟؟
...........
لو كان الخبر المنشور صحيح فالمتهمة دي حتاخد جزاها من العدالة ومن غير
اي شك..لأنها اساسا ما خلت لنفسها مخرج..وحرقت كل مراكبها قبل ما تحرقو..
.............
ونتمني زي ما قالت تراجي..انو ما يكون في اطفال عشان الماساة ما تزيد..
Post: #53 Title: Re: سودانية تقيد زوجها على السرير وتشعل فيه النار Author: عبد المنعم سليمان Date: 03-15-2008, 09:17 AM Parent: #1
لا للعنف ضد المراة لا للعنف ضد الرجل
لا للعنف
Post: #54 Title: Re: سودانية تقيد زوجها على السرير وتشعل فيه النار Author: Tragie Mustafa Date: 03-15-2008, 04:05 PM Parent: #53
حي انا حلاوة الجلابة لما يضاروا لبعض...
Quote: خلاص يا شباب ..
أوقفوا عنفكم ضد رشا
تخريمه: رشا اوع تقولي لي نحن سودانين وبتاع خلين اتفش في كم سياسي صارة له مواقف زي دي وماحاخليهم.
Post: #55 Title: Re: سودانية تقيد زوجها على السرير وتشعل فيه النار Author: Tragie Mustafa Date: 03-15-2008, 04:10 PM Parent: #54
صلاح واسبه بطل خرخرة الرجال البحبوا العرس ظهروا في البوست ده وبعدين خليك من انك اتصدمت فيني وحركات الاونطة دي ما انت بتعرفني حقيقي وصوت وصرة وبتعرف لو انا بسأل في راجل ان طار ولا رك خليك من واحدة مسكينة تورط مفهسا في سجن عشان راجل ما بيسوا سجمه:
Quote: أخيرا يا أم حازم إنت بالذات ردك كان مفاجئة وصدمة كبيرة لأنك
كنت قريبة من مركز مكافحة إساءة المعاملة والتحرش والتعدي على
الزوجات والأطفال وفي أكثر من بوست تحمستي وأحضرتي المصادر والقوانين
لدعم رأيك و محزن جدا أن ترضي للرجال ما لا ترضتيه للنساء !
د. رشا
شكرا لرد الفعل الإيجابي ومعذرة لسرعة غضبنا من التعليق
قلت لك جيب اقتباس.......
وهل ادتن النف اولا ام لا؟؟؟؟
واي شريك بيظلم الطرف الثاني كان راجل كان مرة بتحصل الحاجات دي يبقى مهمتنا في الاساس انه مافي طرف يحمل الطرف الآخر فظائع تجيب انفجارات زي دي
حسه المأة الكتبت عنها حليمة دي بتلومها لو بعد شدت حيلها ومشت كتلت الراجل ده الضيع لها 2 من عمرها في اوضاع ولا في بيوت الاشباح؟؟؟؟
الشايقي بطل حركاتك دي والله انمدكم ثاني تقحم اسم اولادي هنا ولا اسرتي؟؟؟
Post: #56 Title: Re: سودانية تقيد زوجها على السرير وتشعل فيه النار Author: عبداللطيف خليل محمد على Date: 03-15-2008, 05:52 PM Parent: #55
تراجي :
Quote: ما انت بتعرفني حقيقي وصوت وصرة
تاني ..
الـ ( الصرة ) الجابا هنا شنو كمان ؟؟
امامنا قضية جنائية تجي تقولي لي (صرة ) .
Post: #58 Title: Re: سودانية تقيد زوجها على السرير وتشعل فيه النار Author: mayada kamal Date: 03-15-2008, 06:14 PM Parent: #56
سلمات يا شباب الخبر دا تداولته الصحف قبل فترة ما عارفه المناسبة شنو يادوب الاخ اللي نقل الخبر نزله لينا يادوب ليه وبعدين الحوادث اللي من هذا النوع ليست قليلة ولا حديثة فقبل فترة كانت زوجه كشحت في زوجها زيت مقلي بحلة عشان سمحت انو عرس فوقها والرجال (يا حراااااااام) جاها البيت عشان ياخذ ليه قيلوله (نومة ظهرية وكده يعني) وبقت ليه النومةالياها الما بصحوا منها.....
وعكس الخبر دا في نكتة كانت متداولة قالوا في راجل معرس فوق مرتوا وداسي منها يوم جاء البيت وناااااااايم في ضل الراكوبة المراة جات شايلة موية غسيل العدة بالحلة عشان تكشحها في الشارع اها جات ماشة فوق الرجال طبعا الراجل مخلوع من عملته (عرسه يعني ) قام مخلوع من السيرير المرة هنا ردت عليه سجم خشمي مالك ياراجل نطيت كدي قال ليها قايلك حتكبي فني اللي في الحلة دي قالت ليه سجمي لي شنو يعني قال ليها عشان عرست فوقك هنااااااااا تعالوا شوفوا المرة روحها رياضية كيف ردت ليك بي شنو!!!!! وما تعرس .... هههههههههههههههههههههههه
Post: #57 Title: Re: سودانية تقيد زوجها على السرير وتشعل فيه النار Author: تبارك شيخ الدين جبريل Date: 03-15-2008, 05:55 PM Parent: #1
Quote: نسأل الله أن تختفي هذه الجرائم الدخيلة على مجتمعنا .
الله يرحم "المحلق" وآخرون ... وأخريات ..!
الرجل والمرأة ورجل آخر أو امرأة أخرى ثم جريمة قتل؛ ...رجل يقتل زوجته بسبب رجل آخر ... ...امرأة تقتل زوجها بسبب امرأة أخرى ... هذه ليست جديدة ولا دخيلة على أى مجتمع! ولكن ... ...
لننظر لجرائم مجتمعنا (غير الدخيلة)
...قُتِلت بواسطة أخيها لأنها ضُبِطت فى حالة عشق (بترضاها لى أختك؟) ... ...انتحرت لأن الحبيب هجرها وهى حامل (ربما قتلت بعد اكتشاف الحمل!) ... ...رشها بحامض الكبريتيك لأنها رفضته (الأب زّوجها رغم الرفض، والأخ يريد المباركة برش الماء المقدس!)... ...رجل يقتل رجل آخر لأنه يرغب فيه جنسياً (والجريمة تقع بعد ممارسة الجنس!)...
