يـا ســــامـي لالالالا..

سمعت هذه الحكاية
من الفنان السينمائي
المخرج
عبد الرحمن نجدي
حكاها له
المسرحي والرياضي
النعمان حسن
لهم التحية والمودة
ولكم
ياسامي..لالالا

في احدى المنافسات الكروية كان الفريق القومي
يلعب مع فريق افريقي
وكان كابتن الفريق
الكابتن سامي عزالدين عليه الرحمة والمغفرة
وكان لغيبة الفريق الخصم ميتين اعجاب في كابتن سامي
عند نهاية المباراة .ركض ثلاثة من لعيبة الخصم نحو سامي
وبدوا في نزع قمصانهم الرياضية ليبادلوها مع كابتن سامي
وكان وقتها طالعة موضة مبادلة الفنايل
في اللحظة اللمس سامي الفنلة الخاصة به
نزل من المدرحات رجل وقور كان عضوا مهما في البعثة
وهو يصيح !!
يا سامي لالالالالالا
والتفت سامي له مستفسرا
وقال له الرجل الوقور ساسامي ما عندنا غير الست ده بتاع الفنايل
وباقي لينا لعبة في الدورة
فما كان من سامي الا ان اعتذر بصورة راقية وهو في قمة الإحراج
لانو التيم كان عندو طقم واحد من الفنايل
فمن له طقم واحد ليس له سوى ان يتبادل مع الفريق الأخر
المشاعر النبيلة وقد كان
لولم يحصل كده كان فريقنا لعب المبارة البعدها عرايا..

هذا البوست
للطرائف والنوادر
واغرب الأحداث
في عالم المجنونة
حقتنا بي
خبوبه وكتاحتا
وجماهيرها المجانين بي حبها
المجنونة البتشبهنا

هلا ياالسني
كان عندنا مباراة في دوري الحلال
وكنا لاعبين ماتش سخن خلاص لكن الحكم كان ظالم وجبان شديد
اها انا كنت زول بتاع مشاكل خلاص وعملت زي كم جوطة كده والحكم حذرني وقال لي بطردك
القصة ما وقعت لي وقررت اجوط الكورة دي
قمت احتكيت مع واحد من الخصم(قطعتوا فالو) فقام الحكم طلع لي بطاقة (حمراء)
في البداية عملت معاهو جوطة وقلت ليهو(ماطالع)
المهم دفرني دفرة دفرتين قلت لروحي يازول اطلع اصلوا كان عضلات تبش
اها وانا طالع وقبل ما اصل اللابن قبلت وراء لقيت ناس فريقنا كلهم طالعين ورااييييي
فجاءة لقيت الحكم بنادي فيني وقال لي يازول خلاص تعال واصل لكن اوع تعمل لولوة تااااني
حكم لذيذ خلاص الزول داك

كيكي
مناي اشوفك وانت مطرود
تلقاك زول كنت بتاع حنبكا
ومنجض الناس نجاااض
اول مرة اشوف

لالاما اول مرة تاني مرة
كان عندنا لاعب في فريقنا
بكاي وما بستحمل الغلب
بتاتا حلوة بتاتا
كان قدر ما اتبكى واغير نتيجة المباراة الفين مرة
ادخل قون اقول ما قون
نسكت وكده طوالي
اعمل فاول لالاما فاول عارف ليه
كان الكورة البنلعب بيها حقتو
اي شنكبا معاهو
بشيل كورتو وخلينا خشمتا ملح ملح
\بنخليه العب ونحن بنلعب
شنكبا

ده القدرت عليهو
طالبك ونسة
وحكايات ظريفة
من ناس كورتنا
ياظريف الصحافة
والدنيا كلها

حكوا يا السني بان سانتو مدني لمن جاء المريخ
اتامروا عليه لعيبة النص في المريخ
وكان بلعبوا ليهو الباص عشان يضرب في الضهر
وباصات كلها مقلشة لزوم احراجو
المهم القصة دي دورت فترة وسانتو صابر
يوم واحد من ناس النص ديل لعب ليهو كورة عشان تضرب في ضهرو..
سانتو قام جابها بالكعب قدام ونزلها بكل فن..
اها لاعب النص قال لصحبوا التاني
يازول هوووي (العب) ده ثبت تبببببببببب

الحكاية دي
قالو انو الفاضل رحع مدني زعلان ومحنبك
من لعيبة المريخ اتأمروا عليه
واول ما قابلو اخوه العبقري
بابكر سانتو
سألو مالك يالفاضل ؟؟
الجماعة ما بلعبوا لي اي باص ولمن ارموا لي باص
ادونوني ليهو ورا ضهري
قام ساقو بابكر وبقى العب ليهو الباص ورا ضهروا
واقول ليهو استلنة بي كعبك وجيبة بي قدام
وقد كان
ولم يتزحزح من خانته في تيم لعب فيهوو
الناس بتضيف للحكايات وبتخلي عندها نكهة وطعم
والله اعلم

ــــــــــــ
استاذي محمد السني لك ودي
عندنا حارس في التمارين
العادية بيعمل (اكروبات)
يعني كان الكوره ساهله
بيقوم(بتنقز) ويقلب الهوبه
فيها ..
بعدين كان في دوي ..
محلي ..
واول مباره فريقنا..
لعب مع خصم .والخصم كان عادي
وان شاء الله جماعتك مدننا
(7) مقابل (صفر) والاخطاء
معظمها من الحارس ..
والمشجعين بعد المباره
لمو ليك في الحارس
ياخي والله القون التاني ده
الكوره كانت ساهله ..
والاخير بالبيضه وطلعت بين يديك ..
والحارس عاوز ليه دربا
يبرر موقفه ..
جره نفس طول
وصره جبته خلها ذي الختم
ونفض ايدياته ..
لوه رقبه ..
وقاليهم ..
ياخي اعمل ليها
شنو الكوره جديد بتتزلق
من يدي ..
والجميع انفقعوا بالضحك ..
ولعند اليوم صارت ملازمه
الكوره جديده بتتزلق ..

حبينا نشارك معاكم ده كان الهدف ..
لك ودي

عماد
الراجل كلامو صاح
الكورة الجديدة ما فيها شمع ممسحة بالشمع عشان تلمع
اها بكون البشمع الكور زاد التلميع حبة
وصلت لي زولكم ده وهي بتزلق
واصل معانا الحكايات الظريفة ياظريف

السني مساك الله بالخيرانا واخوي الكبير الله يرحمه كان عندنا كدارة واحدة هو يلعب الجمعة وانا كورتي دائما يوم السبت صاحبك لما فيهو مدافع شرط ليهو الكدارة اليمين و هو اشول الموضوع ما فارق معاهو يوم السبت الميدان جاك بلا .. فردة يمين مافي و الشمال فول تانك و ناس الفريق يسالو مالك يا زول لعل ما عندك عوجة قلت ليهم عندي عين سمكة فى رجلي اليمين الآن تعددت الكدرارات شئ للصالة الداخلية و شئ للنجلية الصناعية و آخري للنجيلة العادية لكن كورة زمان كانت احلي و امتع التحية لك و للنجم الخلوق رحمه الله سامي عز الدين و التحية للساحرة المستديرة.

ابوالسيد
الرحمة والمغفرة
لأخوك الكبير
والرحمة لكابتن سامي الخلوق العفيف
عارف زمان الكورة كان ليها طعم
عارف ونحن صغار كل شء كان ليهو طعم
سألت ابن اختي كيف بستمتعوا بالدافوري
رد علىّّّّّّّ بانوا بستمتعوا لي الطيش
الظاهر المسألة مربوطة لالطفولة والبراْة
لكن حكاية عين السمكة تجنن
ذكرتني عندى طلعة امشي اعتذر للمدير واقول ليهو عندي عين سمكة
مطلعا زيتي
نشوف بديني اجازة
اصلو حكاية عين سمكة دي جديدة لنج
دام صفانا

(*)

السني يافنان

سلامات ..

(كمال سينا) عليه الرحمة ..تروى عنه طرفة :

(كمال سجلوهوا في المريخ وكان زول شفت ومغرم , (أم كمال سينا) ماعارفا إنو (كمال) ولدا ملقب (بي كمال

سينا) , مشت ليها بيت بكى في (ود نباوي) , النسوان بتكلموا عن (حركات سينا ومشاكلوا وبلاويهو وشفتنتو) ..

سألتهم :

يانسوان (سينا) ده بلعب وين ؟

قالوا ليها : في المريخ ياحاجة ..!

لفحت توبة وجري على البيت , نادت (كمال) ولدا وقالت ليهو:

(ياكمال) ياولدي في زول إسمو (سينا) معاكم في المريخ ده , الزول كعب و(صعلوك) و(سفيه) و(شفت)

دحين ياكمال ياولدي , أعمل حسابك وأوعك تباري (سينا) ده , أنا بحذرك , أعمل حسابك منو ؟

(كمال سينا) المستهبل قال ليها :

حاضر( يمة) والله (باص) ساي كان أدينا ليهو جنب القون ما بستلموا , أنا مالي ومال جنس ديل ..!

أمو قالت ليهو:

الله يبارك فيك يا(كمال ) ياولدي , أنا عارفاك زي (سينا) ده وأشكالوا مابتباريهم , ..!

غايتو لخما ليك بي كلمتين وزوغ من قداما ..

بعديها بي كم يوم , جا (سليمان عبدالقادر) زي القدر دق باب ناس (كمال سينا) , فتحت ليهو أمو , ..

قال ليها والود مستعجل وكده :

ياحاجة عليك( سينا) في , عليك كان في ناديهو لي ..؟

الحاجة قعدت كوركت في وشو:

سجمي (سينا ) ده البجيبوا بيتنا شنو..!


دام صفاكم يافنان ..

قالو كمال سينا ماشي راجع البيت
ومعاهو صاحبو
ماشين نزل ليهم العجل الوراني
قام بدل العجل مامشو دقايق
نزل لستك تاني
بدل العجل
مشوا لي قدام صلحوالإزبيرعشان الستك الأخير
بقى بنفس
سينا وهوتعبان وعرقو نازل اول ما دخلو الحي
اشوفو ليك الدخاخين طالعة من بيوت الحلة
صاحبو قال ليهو الليلة الخميس البيوت مولعة
رد سينا بسرعة بديهةحاضرة
اولوعو بي طريقتهم
انا لو برفع لي اربعة لساتك
ما افتح بنشر

أستاذنا السنى لك التحايا

وأشارك بهذه الطرفة التى حكاها الأخ والزميل العزيز جعفر أحمد الطيب:

كان فى مباراة طرفها فريق الإصلاح الأمدرمانى الذى يرأسه عمك (ودالخولى) الذى كان يحرص دائماً على تضمين إسمه ضمن قائمة لاعبى الفريق تحسباً لأى طارئ وقد كان حيث أن الفريق مهزوم ستة مقابل هدف للإصلاح والدنيا مغارب فما كان من (ودالخولى) إلا أن خلع جلبابه وقام بتبديل أحد اللاعبين وكثف فريق الإصلاح من هجماته واحتسب الحكم ضربة جزاء للإصلاح تصدى لها (ودالخولى) مطيحاً بها وبآمال ناديه ومشجعيه الى خارج الملعب.
تعالى صراخ المشجعين إحتجاجاً على (ودالخولى) فما كان منه إلا أن قال لهم: أها قولوا دخلتها بتدرن ليكم؟

أها انشا الله عين السمكة جابت نتيجة؟

شوية عرجا والعرجا لي مراحه
جابت نتيجة
اها نحن قدر ما نقول نتوب من كورتنا دي ما بنتوب
وينك ياعمر الفاروق
وينكم يالمنقطينها
وينكم ؟؟؟

في داعي للخلع دي يااستاذ!!!

قلت الزول دا سويت ليه شنو؟؟؟

يا سامي لالالالا

الأستاذ السني،
عندنا واحد من منطقتنا زارع قش وجاهو
واحد قال ليهو ياعمي
أديني قش غنمي جعانات:
- خلاس .. أمش لولدي داك بديك
* لا ياعمي ولدك ده انا عارفو ما بديني
- أمشي ليهو أنا بكلمو خلاص أمش ومشى
وبدأ هو يصيح لولدو .. يا أمحمد
يا أمحمد الزول دا جاييك أديهو قش كتير
وكان في هذا الوقت يؤشر بيده لأبنه ألا
يعطيهو
نحنا كورة ما عندنا زراعة بس
والعندو بليله بعاشي بيها

محمد عبد الجليل
ليك المودة
ياخي زولك ده بالغ عدييل
لكن ظريف
وده حال ناس الكورة
ظرفاء حتى النخاع
دام صفانا

سامي
وصلت
الف مرحب بيك
لكن مالك ضنين
ولا بتسخن
منتظرينك
ما تخلي لاهلالاب ولا مريخاب
منتظرين

قالوا زمان حموري مدني جاتو جارتهم وقالت ليهو يا حموري عليك الله تعال أربط لي اللمبة دي فوق..
اها مشى ليها وجرّ ليهو تربيزة عشان يطلع فيها ..
المرا شافتو إتذكرت إنو التربيزة جديدة ويا دووب مضوبة بوهية وبتلمع قامت كوركت ليهو:
دقيقة دقيقة النجيب ليك جريدة تختّها فوق التربيزة ..
قال ليها :
لالالا ما يحتاج يا خالة كده بحصّل ..

عمرالفاروق
بديتا من مدني
وبي منو اسرع لاعب واحطرهم
واظرفهم
فال حاجات ظريفة كتيرة
وقالوا عنو الكتير
واصل ياسيد الكفر

Quote: أستاذنا السنى لك التحايا وأشارك بهذه الطرفة التى حكاها الأخ والزميل العزيز جعفر أحمد الطيب: كان فى مباراة طرفها فريق الإصلاح الأمدرمانى الذى يرأسه عمك (ودالخولى) الذى كان يحرص دائماً على تضمين إسمه ضمن قائمة لاعبى الفريق تحسباً لأى طارئ وقد كان حيث أن الفريق مهزوم ستة مقابل هدف للإصلاح والدنيا مغارب فما كان من (ودالخولى) إلا أن خلع جلبابه وقام بتبديل أحد اللاعبين وكثف فريق الإصلاح من هجماته واحتسب الحكم ضربة جزاء للإصلاح تصدى لها (ودالخولى) مطيحاً بها وبآمال ناديه ومشجعيه الى خارج الملعب. تعالى صراخ المشجعين إحتجاجاً على (ودالخولى) فما كان منه إلا أن قال لهم: أها قولوا دخلتها بتدرن ليكم؟ أها انشا الله عين السمكة جابت نتيجة؟

ابوعبيدة سلامات عمك ود الخولي لازال هو نفس الزول الظريف!!

حا انقل ليه حكايتك!!

يا سنى ، تعرف البوست دا كان محتاج لجعفر سعيد الريح ومحمد نعيم سعد
ياخ ديل عندهم كمية حكايات عن ناس الكورة
لو كتبوها تعمل اطرف كتاب فى تاريخ الكورة السودانية

ما تنسى تحكى لينا عن علاقة فرقة الاصدقاء بالكورة
ولمن كنتوا فى يوم فى مسرحية المهرج ولا بيان رقم واحد وانت هلالابى
ومحمد نعيم مريخابى والهلال مغلوب
وغلبك تشتغل لمن نعيم (كاواك ) انكم مغلوبين

تحياتى يا سنى واتمنى ان تكون (الزهجة فكت )

لك حبى ابدا

سلمى الزهحة فكت
وليك علي
الا اعمل تلفون طويل
لي جعفر سعيد الريح
وجعفر من الناس الداومين على دار الرياضة امدرمان
وما بفوت ولا كورة في الدوووري
ليك المحبة
ذكرتيني لمن كنا بنعمل ليلة الترفيه يوم راحى اللعيبة
في المباريات الدولية نمشي نقيل مع الفريق ونعمل عرض صغير
ونتناول معهم وجبة الغداء ونفرح لمن لاعب يجيب الهدف ويكون كان قاعدين معاهو في نفس الطاولة
نحكي لهم مواقف مضحكة ويحكوا لنا نواقف امتع منها
شكرا ياسلمى

Quote: حا انقل ليه حكايتك!!

انت بس الله يخلّيك لي جنس ده..

تشكر ياسامى
(ياخى صورة الضباح دى رهيبة)


ورغم إنى مريخابى لكن حا أحكى القصة دى عشان ناس عمر الفاروق ديل يضحكوا شوية

حكى لى الأخ الصحفى الهلالابى حسن عمر خليفة بأن أجمل تعليق على مباراة المريخ والصفاقسى فى نهائى الكونفدرالية والخسارة الصاعقة التى تعرض لها بأرضه ووسط جمهوره أطلقه أحد الظرفاء قائلاً:

والله ناس الصفاقسى ديل زى الناس اللى جو يخطبوا قاموا أهل العروس عقدوا ليهم طوالى

أها شن قولك يافاروق؟

الضباح منو
ما شايف اي ضباح
قال ضباح
ضباح اخو وضاح
وضاح منو ؟؟؟
اهو ضباح

أستاذنا الرائع السني،،
ليك والله محبة كبيرة ، ودورك بتاع الركشة كان غاية
في الروعة ، ليه وقفت السلسلة دي؟؟ نحتاجك الآن
أكثر من أيام الزمن الجميل !! نحتاج الفرح الآن
أكثر والله ،، أعمل أي حاجة!!
=

عندنا لاعب موتر بس في فريق التحرير الأبيض ، ع السميع،،
كان كثيرا ما يسبق الكورة ذاتها،،
المهم : التحرير مغلوب لغاية آخر لحظة الحكم غاينو
جازف ليهم ضربة جزاء ، وعمك ع السميع اصر يشوتها:
الجماهير عضم لا عضم لا عضم بطفشها(كان ملقب بعضم)،،
تصدق والله العظيم الراجل شات البلنت : طلعت رمية تماس!!!
==
مباراة في كرة السلة (يقال في الجزيرة أبا) أنتهت تعادل
صفر صفر،،

=
أكتر مرة شفت ناس في حياتي بضحكوا على لاعب كان ذلك
في الأميرية المتوسطة ، سيردباك النوع الرابط شريط
في يدو وعامل قندف ، الناس كلها (شامنو)،،
تصدق : كورة رمية مرمى ، الراجل كوم التراب تحت الكورة
متر ، ورجع لآخر حد ممكن ، ويؤشر لزملاهو ،، أمشو قدام
كابسوهم ، الدنيا ضلمت،،
الراجل بآخر سرعة جايي يشوت (جلا الكورة) مترين لفوق
ودق الدلجة،، ضحك الناس كما لم يفعلوا من قبل وصفر
الحكم نهاية المباراة ، وتعال شوف السيرة،،
==

محاولات ياأستاذنا لفرض الإبتسامة في هذا الزمن البخيل،،

محاولة في المرمى
هــــــدف
جميلة هذه المحاولات التي تغيد البسمة الى شفاهنا
وانت عملت ما بفتثدة اهل الكوميديا
دعونا نعيد الحكايات بصورة تفرح الكثيرين
ونعيد الضحكة في هذا الزمن البخيل
كما قلت عبد اللطيف بكري
مودتي
ودام صفانا

تعرف يالسني دي بتكون عارفها لكن معظم الشباب الجديدين مابكونو عارفنها
نحن عندنا اتنين حموري
الكبير
والصغير
والاتنين كل واحد العب من التاني
المهم انو الكبير عند نكت كتيره عنو والجماعه بقو يفصلوا ليهو زي ود نفاش زمان
اها قاموا قالوا انو حموري الكبير جا ماشي جمب المقابر
ولقي ليهو ناس بحفروا القبر عشان يدفنوا جنازتهم
قام قال ليهم
يا اخوانا نعل ماعندكم عوجه!!!

Quote: يا اخوانا نعل ماعندكم عوجه!!!

ههههههههههههههههههههههههههههههههه ...


سانتو مدني...كان بيحكي عن ذكرياتو مع الفريق القومي لاذاعة ام درمان...قال كانوا لاعبين
في بلد افريقي...وأول ما الحكم صفّر بداية الكورة الجماعة فاجأونا مفاجأة الغنم
وجابو فينا قون.....

الموصلي الموسيقار الشفيف
طبعا الموصلي كان رياضي
مطبوع لي درجة انو مرات كتيرة
بكون مطبوع بالألوان
لانو كان ملاكم
وعندو حكايات
منتظرين يافنان
حكايات ظرفاء الرياضة
والمواقف البديعة
ونشوف حموري
وبقية العقد الفريد

الموصلي
قالو زولك لمن سألهم
نعل ما عندكم عوجه
رد ليهو واحد منهم
قال ليهو :
لالا بنحفر لينا لي كنز
ههههههههه
رايك شنو في النهاية الجديدة يانزار حسين

الاخ السنى...

انا شخصيا من ما تجى سيرة الراحل ساامى
طوالى بتذكر مبارة جوبا الشهيرة بين الهلال و المريخ
اياام النميرى..
و طبعا الجماعة شبكونا باقى دقيقة سامى يجيبا
و بعد داك كّرهونا باغنية يا جوبا مالك على...

شكرا للبوست الجميل...

السني الحريف كورة زمان والحريف فن هسه

تهانينا علي البوست خفيف الظل وأتوقع له ان يضرب الرقم القياسي

والتحية للعزيز عبد الرحمن نجدي

المهووس كورة.

خد دي وأخوك كان بطلها .

في المنطقة الشرقية بالسعودية كان عندنا فريق سودانيين لامي عجايز علي شباب علي نص نص.

وتمارينا مرتين في الاسبوع

معانا دكتور سامي مصطفي - له التجلة - شقيق الفنان جمال فرفور

كان وما زال حتي ذاك الوقت - حلوة دي برضها يا السني مش - احسن من يشوت فاولات بره الخط

وانا كنت من المعجبين بشوتاته
بس ما شاء الله صاروخ

في تمرين كنت انا الحكم
ناديته : يا سامي انا بعمل ليك ف ولات بره الخط وتورينا حرفنتك وشوشاتك
تم الاتفاق
نمن التمرين انتهي كنت عملت 15 فاول و3 بلنتيات

وسامي جابهم كلهم اقوان.

الغريب انو اقصة المؤامرة دي الجماعة ما اكتشفوها الا بعد التمرين.

والكورة في الراس ما الكراس.

حسن طه لك السلام
والتحية لي دكتور سامي مصطفى
جمال اخوه برضو كان حريف وسما السد العالي فرفور
ليك المودة والمحبة
واصل لينا طرايف فريقك النصو عجايز
ونصو شباب
يلا امزج لينا من طرايف ديل وديل
لمن اجو ديلك

يا السنى سلام

ياخى الذاكرة خربة
تتذكر عامر بتاع الإتحاد الحريف المشاكس
داخل الميدان وخارجه .. وأى حفلة داقنو

ما شفتها سمعتها ..
كانت المباراة النهائية والكاس برة
طلع من الدفاع والحارس ووقف الكورة على الخط الأبيض

الميدان كلو وقف وصنا
براحه جرا الكورة وتكلا فى الآوت

طبعآ شبع ضرب كالغادة
ولما سألوه ليه عمل كدة .. قال عشان الناس ما تنسى اليوم دا أبدآ

وأهو إتزكرناهو

ياالسنى تحياتى ...

والله نكتة نجدى دى حصلت فى البطولة الافريقية الاخيرة
دى ..ومن المرحوم سامى ولى اسى ماحصل تغيير فى العقلية
التى تدير الكرة فى بلادنا واقول العقلية وليس الامكانيات
لان مثل هذه الاشياء لاتكلف كثيرا ..


تعرف قصتى العايز احكيها ليك حصلت فى استاد الحصاحيصا
والمباراة المشعل ومريخ الحصاحيصا او الهلال الحصاحيصا
غير متأكد تماما من الفريق ..لانو القصة نحن اصلا اتحكت لينا
ماحضرنا زمنا ..

اللاعب (كلى ) لاعب وسط فى المشعل والمباراة فى الدقيقة الاخيرة
والمشعل محتاج لهدف لينتصر فى المباراة ..كلى استلم
الكورة من النص وماشى يراوغ ..والجماعة بره شابكنو
ليك (العب ياكلى ..كلى العب ) ..وكلى ماشغال بزول
يراوغ دا ويلاوى دا ..والجماعه شغالين(العب ياكلى ..
كلى العب الكورة ..) ..وكلى ماشغال بزول ..يراوغ
فى مراوغتو ويدافر فى مدافرتو ..لما تخطى اخر لاعب
فى الدفاع وشات الكورة فى القون ..من دربو داك
طوالى طلع على الجماهير (ملص ) الفنيلة وقال ليهم:
(ماتصبروا تشوفو كلى موديها وين ) ومن هناك لباب
الاستاد ماانتظر نهاية المبارة ..(حماقة جعليين)..

اها ياالسنى المقولة دى صارت مثل فى اربجى لما تكلم
زول بعمل ليهو فى حاجه وهو عارف بعمل فى شنو بقول
ليك (اصبر شوف كلى موديها وين ) ...

لكن هم تطير عيشتهم ما عندهم صبر
كيلي ده ما محكوم بي ميدان
حيطير وين
كلامو صاح
ما اصبروا اشوفوا
كلي موديها وين
دام صفانا
واظهر وبان عليك الأمان

رأفت ميلاد
عامر عبده
معانا في الدوحة ومازال ساخرا
وحريف
ومتذكر اليوم داك
لي الليلة
واصل

محمد عثمان
في
داعي توجعنا وتمغسنا
هسي البوست ده بتاع مغايس
ده بوست فرحة وضحكة وطرايف وعجايب
مودتي

كنت متفرج مدمن من اصحاب المقاعد "المحجوزة" باستاد الخرطوم في الثمانينات
كانت لي عادة بالدخول "لغرفة" اللاعبيين قبل كل مبارة لاي من الهلال او المريخ او اهلي الخرطوم
وكنت اصر على تقبيل جبهة المرحوم سامي وجعفر عبدالرازق (الهلال) ومحمود صالح ( الاهلي) قبل كل مبارة
وكنت اعرف منهم فقط محمود صالح بصورة شخصية
في 1996 التقيت بسامي ومحمود صالح في الامارا ت وكان سامي مساعد مدرب فريق الناشيئين القومي
وسالتهم عن رايهم في عمل الكجور في كرة القدم
محمود صرح بانه يؤمن بالسحر الا انه لايؤمن بتاثيره على كرة القدم لان الله لايضيع اجر من احسن عملا
اما سامي فقد صرح بانه كان يستعيذ بالله من كل مايضر قبل كل تمرين اومباراة ولم يشعر باي تاثير للسحر
خلاف تاثير "واحد حلبي" كان يقبل جبهتي قبل كل مباراة .. وكانت النتيجة دائما اصابة لسامي او خسارة في النتيجة
عندها قال محمود صالح لسامي "ياهو الزول ده ظاتو الكان بيبوس فينا قبل المباريات"
صاح سامي ساعتها "عليك الله ماتبوس لينا اي واحد من الاولاد ديل"

وليد صفوت
طلعت انطون كبير ونحن ما عارفين
تلحقنا وتنجدنا
احكي ليك دي
كان الديبة ومعاه مجموعة من النجوم يتلموا
اصحاب اصحاب وبعملوا فريق وبمشوا العبوا مباريات اقرب الى الإستعراض
فمرة مشوا بلد فيها قبة كبيرة
وقبل ما ادخلوا الميدان فتشوا على الثيرد باك ما لقوه
جاء مع الصفارة
وعرفوا انو كان في القبة بتمسح بالزوارة
رملة الضريح اول كورة وصلت ليهو ضربت في ساقو وسرجت
ودخلت فيهم هدف استروبيا نوع الكورة دخلت من جهه
والحارس وقع في الجهه التانية
الديبة اتلفت عليهو وقال ليهو :
انت ما كلمت شيخك ده انت شايت على وين ؟؟؟
تتمسحوا ساكت !!!!

Quote: رأفت ميلاد عامر عبده معانا في الدوحة ومازال ساخرا وحريف ومتذكر اليوم داك لي الليلة واصل

أوع بس يقرا كلامى ده
آخر مرة شفتو فى بركات فى حفلة عرس عند ناس عمك حسن بابكر رحمه الله
كان لاقيتو أسألو حصل اليوم داك شنو

تتذكر تسمية "حلو دامبا" ؟
دى كانت فى بيت ناس عمك أبوشيبة
والقلة كان طفل شايل كورتو الما بتفارقو
ضبحوا ديك فى الحوش قام ينطط

قام القلة قال " حلو .. حلو دامبا"
ومن ديك

Quote: سجمي (سينا ) ده البجيبوا بيتنا شنو@

اسعد الله ايامك يا كمال كم اضحكتني زيدونا من حكاوي سينا

رأفت
اخر مرة
كنا بنسجل في رمضان الفات
في الدوحةبرنامج نزل في العيد
وكنا مجموعة من الأصدقاء
رياضيين وفنانيين مثقفين واولاد بلد
المهم الحلقة السجلوها
عامر كل ما اتذكر زول
اطلق عليهو لقب وصفة
والأتنين اقل واحدة فيهم تربك شارع كامل
من الناس العاملة مهذبة وما سمعوا كلام زي ده
المهم في المونتاج
كلام عامر
بعد فنان المونتاج اتحرفن
طلع بالسلام بس

السني سلام جاك

Quote: واصل لينا طرايف فريقك النصو عجايز ونصو شباب يلا امزج لينا من طرايف ديل وديل

فريق السودانييين بالجبيل


مدينة الجبيل الصناعية بالمنطقة الشرقية مدينة جميلة حديثةوهي المدينة الصناعية الأولي بالسعودية.

مدينة تعبوا فيها وانفقت عليها المليارات.

تعتبر أيضا من المدن السياحية بما تمتاز به من حدائق وكورنيش جميل وملاعب وبني تحية علي مستوي عالمي كما هو معروف.

السودانيين الفيها غالبيتهم من المهنيين.

كونوا فريق كرة قدم من عجايز الأطباء والمهندسين والقانونيين وغيرهم.

دا يا السني كان لزوم الواحد منها يجري دمه ومنها التلاقي للونسة والسوليف.

الفريق اشتهر
ةاتلمو اللعيبة عليه

بقت عندنا مشكلة في العددية لذلك بقي التمرين فريقين لان العدد كان اكتر من تلاتين لاعب ( لاعب دي قوية ).

اتلمو الشباب في الفريق من سن عشرين وما دون

وديل بصراحة كانو ماخدين المسالة جد
وآخر لعب ونشاط وجري

ونحن ما بنقدر طبعا نجاريهم
في مرة من المرات سمعت اتنين بيتكلمو عني

واحد بيقول للتاني :

والله الاستاذ دا بيلعب براسه قبلي رجله

طبعا أخوك اتكيف

اتلفت لسامي وقلت ليه : سمعت يا سامي عشان تعرفونا بس .

ويا السني الكورة في الراس ما في الكراس

وسلامتك.

ابو السيد شنو الكاتب ليك سطر
وماشي
وين كداراتك المشاترة

وين حكاويك الذيذة
نحن منتظرين
يلا ياظريف
مودتي

الأخ محمد السني.. لك التحية والتقدير،،
يا أخينا شفت ليك هدف من الكورنر..
ولا شفت ليك بيضة جب..

لالالا
ما شفت
انت لو شفت بيضة جوووب
احكي لينا يالمكاشفي تلحقنا وتنجدنا

طيب يا أخينا شفت الفاول هدف مضمون 100%

الرجل الجميل السني دفع الله


تعرف كان يوم عندنا مباراة وديه خارج مدينة الخرطوم، ونحن جايين من أمتداد الدرجة الثالثة بالخرطوم ، أها مشنيا يا زول من بدري خالص ونزلونا في مزرعة وأحد كده ليهو هيبة في تلك المنطقة ، أها وقت المباراة ونحن بنلبس في الملابس لقينا ليك العرب ديل واقفين جنب الباب شايلين ليهم جنس عصايات ، ويحمروا لينا جنس تحمير ، قالوا فريقهم ده مافي أي فريق هزمهم ، أها يازول نحن ماشين وهم ماشين ورانا بالعكاكيز ، أها الزول الجابنا نعلب المباراة دي قال ياجماعة الناس ديل طبيعتهم كده بشيلوا العصاية معاهم ساااكت يعني ماقاصدين شر . المهم دخلنا المباراة التقول لاعبين في السنتر ليق العرب ديل ماخلوا لينانبز ما نبزونا ليهو وكلو ما نجيب قون تزداد الشتائم ، أها يازول عندهم واحد وقع براه جوه الصندوق العرب ديل كوركوا ليك بلنتي بلنتي ولوحوا بالعصايات قام الحكم صفر بلنتي ( خاف ) أها بعد شوية كده كمان واحد فيهم شات الكورة من داخل خط ( 18 ) الحارس صداها وطلعت كورنر أها الجماعة كوركوا قووووون قوووون ، قون يا حكم ، صاحبنا طوالي صفر ليك قون قلنا ليهو ياحكم أمانة في ذمتك دي هسه قون . سكت ساكت ( الحكم مننا نحن زاتنا ) أها بعد المباراة يازول الجماعة طلعوا ليك العككايز وجري داخل الميدان يازول نحن بي تعب المباراة دي جرينا ليك جنس جري التقول في سباق ماريسون المهم بقدرة قادر وصلنا المزرعة وتوش دخلنا ليك أها الجماعة وقفوا بي برة قالوا تعالوا لو أنتو رجال جايين من العاصمة وعايز تغلبونا ياحناكيش . يازول اليوم داك قعدنا لحدي ما أظلمت تمام والباص كان داخل المزرعة أها يا زول ركبنا ليك الباص والسواق داس ليك بنزين وجري . أها في الباص قلنا ليهو ياحكم يا خائن هسه ديك بلنتي ولا داك قون يا جبان ؟! أها أخونا قال لينا طيب أنتو كان رجال ما كان تقيفوا مالكم جريتوا ، أنتو عايزنهم يقطعوني ولا شنو ، قون قون والله لو شاتها في الجدعة كنت عديتها . ومنها ياها الأخيرة البنزور فيها تلك المنطقة السجم والرماد دي .

عماد محمود
الرجل الجمل
مودتي ودام صفانا
وما تنسى تجي بدون عكاز مودتي وتقديري
بالله من النوع ده
كم واحدة تاني
وتمتعنا بالونسة الجميلة

سلامات يا حبا

رائع -- رهيب - لذيذ

كع

جايكم

دربك اخضر

وينك
منتظرين
كع كع
مادور لينا اي حاجة
من الحلة من اللييق
من الروابط
واعمل ليها رابط
منتظرين يا حبا

انا فهمتك غلط يا سنسنة
كنت قايل قال ليه ما تقلع
عشان كان خايف عليه من الجماعة الثلاثة

نسأل الله ان يرحم اللاعب الفنان الخلوق سامي عز الدين
وأسكنه فسيح جناته

حكى لنا الكابتن هاشم سند (جنجا) لاعب التحرير..
قال لاعبين مبارآة مع الهلال في أستاد المريخ.. وحين وصول الحافلة للصينية بقرب الاستاد صبت مطرة شديدة جداً.. دخلوا الاستاد..
كل جمهور الشعب نط السلك ودخل المقصورة عشان المطرة.. وبعد أن توقفت المطرة.. صاح عثمان الحاج
-وكان بقربه بعض الضباط- .. يا جنابو يا جنابو أي واحد رأسه مبلول رجعوا الشعب..
طبعاً عشان الدخل..

ابوساندرا
لوقلت ليك فهمتك صاح
الدنيا تقوم وتقعد
ولوقلت ليك مافهمتك
الدنيا تقوم وتثعد
من الغباء الفيني
يازول
انت فهمتني صاح
وانا فاهمك صاح
دام صفانا

المكاشفي
ياخي ديل كانو ناس اذكياء وعندهم سرعة بديهة وخفة دم
وناس تحبهم في الله
شوف اداريين الليلة
لاعندهم سرعة بديهة ولاخقة دم
ولافرقهم
عندها كورة
شوفت كيف ؟؟

كع
ابوالسد
عمر الفاروق
ابوالزفت
ناس الكورة
ناس حسن طه
رافت ميلاد
المكاشفي
الناس البعاد
ووالقراب
راجينكم

أخوى السنى
سلام
دى قصة حقيقية حدثت فى لقاء القمه حى العرب والهلال فى التمانيات والحكم الوالد الكريم والهلال متقدم بهدف حتى آخر دقيقة فى آخر مبارأة فى الدورى والهلال إلا يغلب علشان يفوز بالدورى والدرون يكفى العرب وأنا وتؤامى بنشجع العرب والزمن إنتهى ورجال الخطوط إشارة نهاية الزمن ونحن نصرخ أبوى زيد الزمن أبوى زيد الزمن ... طبعآ قاعدين وسط مشجعى حى العرب.. غايتو ناس الهلال فى النادى جهزوا الحلاوة والبارد... وجماهير العرب غادرت الأستاد وفى آخر ثانية ومن ضربه ركنيه درن على الدمازين لحى العرب واحد عرباوى بعد ما غادرالأستاد سمع الكواريك وجاء جارى راجع قابلو فى الباب واحد هلالابى طالع قال ليهو فى شــنو ؟؟؟؟؟
قال ليهو الكلاب ديل درنـــو ............... فما كان إلا من العرباوى قعد يهوهو( يحاكى صوت الكلب) فى وش الهلالابى

في اجمل من القصص الحقيقية ؟
مافي
المهم في الموضوع
الدرون جا والبقي دقيقة ؟؟
ولا الوالد زاد الزمن ؟؟
انت عارف خكامنا ديل ساكت بقوموا عليهم
والله الوالد ده لو نزلتا ليهو انت زاتك ما ازيد الزمن
واصل

الاستاذ السني تحيانتا الحاره
الا رحم الله اسطورة الكرة الكابتن سامي عز الدين

مطر قادم
مطر الخير
لك كل الشكر ياعظمة
وكل الود والأماني الطيبة
شكرا على الصورة
والمنى لو في صور اخرى
سامي عزالدين له الرحمةوالمغفرة
كان علامة فارقة في كرتنا السودانية

حكى الديبة
شيطان الكورة والمقالب
عن لاعب صاحبنا
كان الفريق القومي ماشي المانيا
ولمن وصلت الطيارة مطار فرانكفورت ونزل اللعيبة
صاحبنا وقف في سلم الطيارة
وقال :
اللـــه جو اوربي !!!
****
مرة فريق الهلال كان لاعب في يوغندا
في لاعب صاحبنا عايز ادخل الغرفةوماعارف اقول شنو
ناداه الديبة وهمس ليهو في اذنو
ةمشى صاحبنا وقال للموظف :
قيف مي ماي ( سويتش )
الديبة قال ليهو ماتحرجنا العربية بفتحوها بي شنو ؟؟؟
****

حكى لي صديقي هشام خضر عن مباراة للهلال ضد الأهلي الخرطومي ..
كابتن فريق الأهلي كان جارهم في الحلة الجديدة(باك يمين) وأبوهو بيشجع الهلال موووووت وكان زول خفيف الظل ..
الشباب بعد الكورة إنتهت جرو جري علي بيت صاحبك كابت فريق الأهلي عشان يسألوا ابوهو الكورة كيف (الهلال فاز يومها بأربعة أهداف)..
ابوهو قال ليهم :
انا قاعد بحضر في الكورة وخاتي الكرسي جمب شاشة التلفزيون ..
فجأة كده جات لقطة الريّح مصطفى حاور ليك فيها ولدي محاورة شديدة والمحاورة كانت في اللاين الريح جبد ليك الزول ده جبدة داك مرق برة الميدان ووشو جا في الكاميرا وظهر لي في التلفزيون هنا قلت ليهو(أشر بي يدّو) أرجع يا إبن الكلب جاييني هنا وين ؟

ورجع يا عمر ؟؟
ياخي في ناس بجبدوا الناس بي طريقة غريبة
مرة كسلا جبد ليك كم لاعب وجاري بالخط
باك حرييف عامل فيها ذكي جا جاري بكل سرعة وبالجوز كسلا لمحو
وفي اخر ثانية رفع الكورة ونط خلى ليك الاعب انزلق
لييييييييق لمن دقة في كنبة الأحتياط
والجمهور قال وااااااايييي
جا اقوم المدرب ثبتوا على الأرض وفال ليهو :
قبلك ماشي وين ؟؟وطلب من الرزيف اسخن
ده ما خلاص انتهى بعد واااااي بكون فيهو مروة ولا اعصاب
العب بيها
مودتي